ရှမ်းပြည်နယ် မိုင်းယန်းမြို့နယ်နှင့် မွန်ပြည်နယ် ဘီးလင်းမြို့နယ်တို့၌ မိုးသည်းထန်စွာရွာသွန်းမှုကြောင့် နေရာအချို့တွင် ရေကြီးမှုများဖြစ်ပေါ်ခဲ့ကြောင်း သိရသည်။ ရှမ်းပြည်နယ် မိုင်းယန်းမြို့နယ်တွင် သြဂုတ် ၂၅ရက် ည ၁၀နာရီမှ ည ၁၂နာရီအထိ မိုးသည်းထန်စွာ ရွာသွန်းမှုကြောင့် မိုင်းလွေရွာအနီး နမ့်ဟိုတွဲချောင်း ရေလျှံကာ မိုင်းယန်း- မိုင်းခတ်သွား ကားလမ်းပေါ်သို့ သုံးပေအထိ ရေကျော်ခဲ့ပြီး မိုင်းယန်းမြို့ ကောင်းမွန် ရပ်ကွက်၊ ၀မ်ပိန်းရပ်ကွက်နှင့် မိုင်းလွေရွာတို့မှ လူနေအိမ်လေးလုံး ပြိုကျပျက်စီးခဲ့ကြောင်း၊ထို့အတူ မွန်ပြည်နယ်ဘီးလင်းမြို့နယ်၌ မိုးသည်းထန်စွာရွာသွန်းမှုကြောင့် သဲဖြူချောင်းရေ တိုက်စားရာမှ သြဂုတ် ၂၈ရက် ည ၁၀နာရီခန့်တွင် ကဇိုင်း-ညောင်ထောက်-သဲဖြူလမ်းပေါ် မိုင်တိုင်အမှတ် ၇၅နှင့် ၇၆ကြားရှိ သံပေါက်ဘေလီတံတားတစ်စင်း၏ တိုင်တစ်တိုင်နှင့် ရက်မတစ်ချောင်း မျောပါသွားခဲ့ပြီး ကြမ်းခင်း တစ်ပေခန့် နိမ့်ဆင်းသွားခဲ့ကြောင်း၊ကို၂၀၁၀ခုနှစ် စက်တင်ဘာ ၁ရက်နေ့ထုတ် ကြေးမုံသတင်းစာတွင် ဖော်ပြထားပါသည်။
