27 March 2010

ကာကွယ်ရေးဦးစီးချုပ်ဟောင်း သူရဦးတင်ဦး က တပ်မတော်သားများအတွက် ပြည်သူသာ အမိ အဖ ဖြစ်စေလို ဟုပြောကြား




၁၉၆၂ နှစ်ကတည်းက စစ်တပ်ကြီးစိုးလာခဲ့သော မြန်မာနိုင်ငံတွင် မနက်ဖြန်ဆိုလျှင် ၆၅ နှစ်မြောက် တပ်မတော်နေ့ ကျရောက်တော့မည်ဖြစ်ပြီး နေပြည်တော်တွင် ကျင်းပမည်ဖြစ်သည်။

လက်ရှိ စစ်အစိုးရလက်အောက်တွင် တပ်မတော်နေ့ အခမ်းအနားသည် နိုင်ငံ၏ အကြီးကျယ်ဆုံး၊ ငွေကုန်ကြေးကျ အများဆုံး အခမ်းအနား ဖြစ်လာနေသည်။

မကြာသေးခင်က နေအိမ်အကျယ်ချုပ်မှ လွတ်မြောက်လာခဲ့သော အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ၊ စစ်သားဘဝကို မြတ်နိုးသူ၊ မြန်မာ့တပ်မတော်၏ ကာကွယ်ရေးဦးစီးချုပ်ဟောင်း သူရဦးတင်ဦး၏ ယနေ့ တပ်မတော်အပေါ် သုံးသပ်ချက်များကို ဖတ်ရှုရမည်ဖြစ်သည်


မေး။ မတ်လ ၂၇ ရက်နေ့က ဖက်ဆစ်တော်လှန်ရေးနေ့လား၊ တပ်မတော်နေ့လားဆိုတာ တချက်လောက် ရှင်းပြပေးပါ။ တပ်မှူးဟောင်းတယောက်အနေနဲ့ ဘယ်လို ခံယူထားလဲဆိုတာ သိချင်လို့ပါ။

''စပြီးတော့ ဖြစ်လာတာက ဖက်ဆစ်တော်လှန်ရေးနေ့ပါ။ ဟိုတုန်းက တပ်တွေ ဖွဲ့ကာစကတော့ မထင်ရှားသေးဘူးပေါ့။ နောက်ပိုင်းကျမှ တဖြည်းဖြည်းနဲ့ တပ်ထဲမှာ ဖက်ဆစ်တော်လှန်ရေးဆိုပြီးတော့ ကျင်းပလာတယ်။ အဲဒီတုန်းက ရန်ကုန်မှာ ဖက်ဆစ်တော်လှန်းရေးနေ့ တပ်တွေထွက်တဲ့ အသွင်သဏ္ဍာန်ကို ဆောင်ပြီးတော့ကာ၊ မီးဒုတ်တွေဘာတွေနဲ့ စစ်ကြောင်းတွေက လှည့်ပြီးတော့ကာ ရွှေတိဂုံ အနောက်ဘက်မှာ ရှိတဲ့ ကျူးကျော်အိမ်တွေကို ဖျက်ပြီးတော့၊ မြို့တော်ဝန် ဗိုလ်မှူးကြီးထွန်းစိန်က အဲဒီနေရာကို ရှင်းပြီးတော့ အဲဒီနေရာကို တော်လှန်ရေးပန်းခြံဆိုပြီး လုပ်တယ်။ ဟိုတုန်းက တော်လှန်ရေးပန်းခြံက ဗိုလ်ချုပ်အောင်ဆန်း မိန့်ခွန်းပြောပြီးတဲ့နောက်၊ အဲဒီကနေပြီးတော့ စပြီးချီတက်တာကို အမှတ်အသားအနေနဲ့၊ ဂုဏ်ပြုတဲ့အနေနဲ့ စစ်ကြောင်းတွေက မြို့ထဲကနေ တော်လှန်ရေး တိုင်းတွေ၊ ပြည်နယ်တွေက တပ်တွေလို နာမည်တပ်ပြီးတော့၊ စစ်ကြောင်းတွေလုပ်ပြီး ချီတက်လာကြတယ်။ နောက်နှစ်မှာကျ မီးဒုတ်တွေ မပါတော့ဘူးပေါ့။ မီးဒုတ်တွေပါရင် မီးအန္တရာယ် ရှိတယ်ဆိုပြီးတော့ မပါတော့ဘဲ နောက်ပိုင်းမှာ စစ်ရေးပြ အခမ်းအနားတွေ ဖြစ်ပေါ်လာတယ်။ အဲဒီတုန်းက ဖက်ဆစ်တော်လှန်းရေးပေါ့။ အဲဒီဟာနဲ့ ပတ်သက်ပြီး နောက်ပိုင်းကျတော့ ဖက်ဆစ်တော်လှန်ရေးနေ မဟုတ်တော့ဘူးပေါ့။ ဒီဟာကို ၂၇ ရက်နေ့က စစ်သည်တွေ ချီတာကို အကြောင်းပြုပြီး တပ်မတော်နေ့လို့ ပြောင်းလိုက်တယ်။ အဲဒီကျလို့ရှိရင် တပ်ထဲမှာ စစ်ရေးပြ အခမ်းအနားတွေ ကျင်းပပြီး၊ တပ်မတော်နေ့ဆိုပြီး လုပ်လာတာတွေ ရှိတယ်''''ကျနော် မှတ်မိသေးတယ်၊ တော်လှန်ရေးကောင်စီ တက်လာတဲ့အချိန်မှာ တပ်မတော်သားတွေဆီ ဆန္ဒတွေဘာတွေ မေးတော့ကာ ကျနော့်အနေနဲ့ ဆန္ဒပြုခဲ့တာတွေ ရှိတယ်။ အဲဒါ ဘာလဲဆိုတော့ တပ်မတော်နေ့ အခမ်းအနား လုပ်တာကတော့ လုပ်ပါ။ တပ်မတော်နေ့ဆိုတာက ရှိရမှာပဲ။ တပ်မတော်သားတွေ ဂုဏ်ပြုတဲ့နေ့။ သို့သော် အဲဒီနေ့ဟာ တပ်မတော်ထဲမှာ အခမ်းအနား ကျင်းပတာလောက်ပဲ ကောင်းတယ်။ တကယ့် နေ့ထူးနေ့မြတ်က လွတ်လပ်ရေးနေ့။ မြန်မာနိုင်ငံကြီး လွတ်လပ်ရေးနေ့ဟာ အထွဋ်အမြတ်နေ့ ဖြစ်တယ်။ အထွဋ်အမြတ်နေ့မှာ တပ်မတော်သားတွေအနေနဲ့ စစ်ရေးပြ အခမ်းအနားလည်း လုပ်၊ ပြည်သူပြည်သားတွေ ဘက်ကလည်းပဲ၊ ဆိုင်ရာဆိုင်ရာ အဖွဲ့အစည်းတွေအနေနဲ့လည်းပဲ ပြည်သူနဲ့ တပ်မတော် အတူတကွ ချီတက်တဲ့ အခမ်းအနားတွေ လုပ်ပါဆိုပြီးတော့ အကြံဥာဏ်တွေလည်း ကျနော်တို့ ပေးခဲ့ဖူးတယ်''

''အဲဒါက မထိရောက်ဘဲ နောက်ပိုင်းမှာ တပ်မတော်နေ့ဆိုပြီး ဒီနေ့အထိ လုပ်လာတာပဲ။ အဲဒီနေ့မှာ အခမ်းအနား ကျင်းပပြီး တပ်ထဲမှာရှိတဲ့ စစ်သည်တော်များ အားလုံးအတွက် စစ်သွေးစစ်မာန်၊ ဇာတိသွေးဇာတိမာန် တက်ကြွဖို့ အခမ်းအနား လုပ်တာပါ။ ဟိုတုန်းက အကြံပေးခဲ့ဖူးတာက လွတ်လပ်ရေးနေ့မှာပဲ အဓိက ထားပြီးတော့ကာ တပ်မတော်သားတွေ အားလုံး ပါဝင်ဆင်နွှဲဖို့ ပြောခဲ့ပေမယ့်၊ တချို့က တပ်မတော်နေ့လို့ သတ်မှတ်ပါ။ အဲဒီနေ့မှာ တပ်ထဲမှာ သူတို့ဘာသာသူတို့ ပျော်ပွဲရွှင်ပွဲ အထိမ်းအမှတ်ပွဲတွေ လုပ်လို့ရှိရင် ဖြစ်နိုင်ပါတယ်ဆိုပြီး သဘောတူညီမှုတွေ ရှိခဲ့ဖူးတယ်။ ၁၉၆၂ ခုနှစ် မတ်လ ၂၇ ရက်နေ့ နောက်ပိုင်းမှာ စစ်ရေးပြ အခန်းအနားတွေနဲ့ပဲ လုပ်လာခဲ့တာ အခုထိပဲ။ အခုကျ စစ်ရေးပြ အခမ်းအနားကို နေပြည်တော်မှာ အကြီးကျယ်ဆုံးလုပ်တဲ့ သဘော ရှိတဲ့အတွက် စစ်ရေးပြ အခမ်းအနားကို အကြောင်းပြုပြီး လုပ်လာတဲ့အတွက် တပ်မတော်နေ့ဆိုပြီး တွင်ကျယ်လာတာပါပဲ''

''တကယ်စင်စစ်က မတ်လ ၂၇ ရက်နေ့က ဖက်ဆစ်တော်လှန်နေ့ကို အားလုံး ချီတက်ပြီး ထွက်ကြတဲ့ အတွက်ကြောင့်မို့၊ ထွက်တဲ့တပ်တွေကလည်း သူတို့ဟာသူတို့ အမှတ်တရအနေနဲ့ ကျင်းပတဲ့ အတွက်ကြောင့်မို့လို့ ဖက်ဆစ်တော်လှန်ရေးနေ့ပါ။ ဖက်ဆစ်တော်လှန်နေ့က အမည်နာမအနေနဲ့က အမှန်အကန်ပါပဲ။ သို့သော် စစ်သည်တော်သားများ အားလုံးအနေနဲ့ တပ်မှူးအကြီး အငယ်တွေအနေနဲ့ အားလုံး အဆင့်ဆင့်က အစဉ်အလာလိုဖြစ်ပြီး ပြောဆိုလုပ်ကိုင်လာတာကတော့ ဒီနေ့အချိန်ထိ အခမ်းအနားတွေကို အကြီးအကျယ် လုပ်ပြီးတော့ တပ်မတော်နေ့ဆိုပြီး ဖြစ်လာတာပေါ့''

မေး။ ဖက်ဆစ်တော်လှန်ရေးခေတ် နောက်ပိုင်းကာလ တပ်မတော်သားတွေနဲ့ လက်ရှိ တပ်မတော်သားတွေ ဘယ်လို ကွာခြားတာမျိုးတွေ ရှိလဲခင်ဗျ။

“သိပ်ပြီးတော့ ကွာခြားတာပေါ့ကွာ၊ ဟိုတုန်းက တပ်မတော်ဆိုတာက ဗိုလ်ချုပ်အောင်ဆန်း ကိုယ်တိုင်က အင်မတန် ကောင်းမြတ်တဲ့ စံနမူနာကောင်းတွေ ပြသွားခဲ့တယ်။ သူ ဖက်ဆစ်တော်လှန်ရေး ပြီးတဲ့အခါကျ တပ်ကို ပြန်ဖွဲ့တဲ့အခါမှာ ဂန္ဓီစာချုပ်အရ တပ်ကို ပြန်ဖွဲ့စည်းတယ်။ အရာရှိတွေနဲ့ ပတ်သက်လို့ ရွေးချယ်ခန့်ထားပြီး နောက်ပိုင်းမှာ သူကိုယ်တိုင်က တပ်မတော်ထဲမှာ မနေတော့ဘဲနဲ့ နိုင်ငံရေး အဖွဲ့အစည်းဖြစ်တဲ့ ဖဆပလ ပါတီ အဖွဲကြီးထဲမှာ သွားပြီးတော့ ဗမာ့လွတ်လပ်ရေးနဲ့ ပတ်သက်ပြီး ဆက်လက်ကြိုးပမ်းတဲ့ ဥစ္စာက တပ်မတော်နဲ့ နိုင်ငံရေး (နိုင်ငံရေးဆိုတာက ပါတီ နိုင်ငံရေးကို ပြောတာပေါ့လေ)၊ နိုင်ငံရေးဆိုတာက ပြည်သူလူထုအားလုံးနဲ့ တပ်မတော်သားတွေက နိုင်ငံရေးရဲ့ ဇာတ်ကောင်တွေ ဖြစ်တယ်။ နိုင်ငံရေးရဲ့ သတ္တဝါတွေဖြစ်တော့ နိုင်ငံရေးဆိုတာက ရှိရမှာပဲ၊ ကင်းမှာ မဟုတ်ဘူး”

“သို့သော်လည်း တပ်မတော်ဟာ ပါတီနိုင်ငံရေးနဲ့ တပ်မတော် ကင်းကင်းရှင်းရှင်း နေရမယ်ဆိုတာကို ဗိုလ်ချုပ် အောင်ဆန်းက ပြခဲ့တယ်လေ။ ဒီအစဉ်အလာကို ထိန်းဖို့အတွက် ဗိုလ်ချုပ်အောင်ဆန်း နိုင်ငံအတွက် အသက်စွန့်ပြီး နောက်ပိုင်းမှာလည်း တပ်မတော်ကို ဆက်လက်တာဝန်ယူတဲ့ ပုဂ္ဂိုလ် အထူးသဖြင့် ဗိုလ်ချုပ်ကြီးနေဝင်း ခေတ်ပေါ့ဗျာ။ အဲဒီအခါမှာလည်းပဲ ဒီအရှိန်အဝါနဲ့ ဆက်လက်ပြီး အကောင်အထည်ဖော်ဖို့အတွက် တပ်မတော် ညီလာခံတခုကို ပထမဆုံးအကြိမ် ကျင်းပတယ်။ တပ်မတော်ရဲ့ ပဋိဥာဉ်စာတမ်းကို ရေးခဲ့တယ်။ ၁၉၄၇ ခုနှစ် နိုင်ငံတော် ဖွဲ့စည်းအုပ်ချုပ်ပုံ ဥပဒေကို တို့တတွေက အသက်ပေးပြီး ကာကွယ်ကြရမယ်။ အဲဒီဟာကို ကာကွယ်ဖို့ အကြောင်းချင်းရာတွေနဲ့ ပတ်သက်ပြီး ဆုံးဖြတ်ချက်ချတယ်'''အဲဒီမှာ ဗိုလ်ချုပ်နေဝင်းကိုယ်တိုင် ကာကွယ်ရေး ဦးစီချုပ် စာတမ်းတစောင်ကို ဖတ်ပြတယ်။ အဲဒီဖတ်ပြတဲ့ စာတမ်းက ဘာလဲဆိုတော့ - တို့တပ်မတော်အနေနဲ့ ပြည်သူလူထုတွေရဲ့ ဆန္ဒကို ရှေ့ကနေ ရဲရဲဝံ့ဝံ့ ရပ်တည်ဖို့ အခုရှိနေတဲ့ ၁၉၄၇ ခုနှစ် ဖွဲ့စည်းအုပ်ချုပ်ပုံ ဥပဒေကို အသက်ပေးပြီး တို့တတွေ ကာကွယ်ကြရမယ်။ နောင်သောအခါမှာ အခြေခံဥပဒေအပေါ်မှာ အခိုင်အမာ ရပ်တည်ပြီးတော့ နိုင်ငံတော် တည်ဆောက်ရေး တို့တတွေ လုံးပမ်းကြရမယ်။ ဒါကြောင့်မို့ ဖွဲ့စည်းအုပ်ချုပ်ပုံမှာပါတဲ့ ဥပဒေအချက်အလက်တွေကို ဖောက်ဖျက်ကျူးလွန်တာရှိသော် ငါကိုယ်တိုင် မထောက်မညှာ ပြတ်ပြတ်သားသား အရေးယူ ဆောင်ရွက်သွားမယ်။ ဒါကြောင့်မို့ ဒါကို မင်းတို့အားလုံး ဆွေးနွေးပြီးရင် ဒီဟာကို လက်မှတ်ထိုးကြပါ ဆိုတဲ့အတွက် ဒီဟာကို ၁၉၄၇ ခုနှစ် နိုင်ငံတော် အခြေခံဥပဒကို ကျနော်တို့ အားလုံးက နှစ်နှစ်ခြိုက်ခြိုက် ထောက်ခံအားပေးပြီး လက်မှတ်ထိုးခဲ့တယ်။ အဲဒါက ဗမာ့တပ်မတော်ရဲ့ ပဋိဥာဉ်စာတမ်း ထုတ်ခဲ့တာ''

''ပထမဦးဆုံး ရွေးကောက်ပွဲတုန်းက ပါတီနိုင်ငံရေးနဲ့ ပတ်သက်လို့ ကင်းကင်းရှင်းရှင်း ဖြစ်အောင်ဆိုပြီးတော့ ရွေးကောက်ပွဲတို့ဘာတို့ လုပ်တဲ့အခါမှာလည်း ပါတီပိုင်းဆိုင်ရာ လုပ်ပိုင်ခွင့်တွေကို စစ်သည်စစ်သားများက ပါဝင်မှု မရှိဘဲနဲ့၊ မိမိတပ်နဲ့ ပတ်သက်တဲ့ အသုံးအဆောင် ပစ္စည်းများကို မပတ်သက်ဘဲနဲ့၊ နောက်ပြီး သွားရောက်ပြီးတော့ သူတို့အတွက် ပြောပေးခြင်း၊ ဟောပေးခြင်း၊ ဆော်သြပေးခြင်း၊ လိုက်လံပြီး ကူညီဆောင်ရွက်ပေးခြင်း စသဖြင့် ပါဝင်ဆက်နွယ်ပြီးတော့ လုပ်လို့မရအောင် ကင်းကင်းရှင်းရှင်း ဖြစ်အောင် အမိန့်တွေ ထုတ်ထားတဲ့အတွက် တိတိကျကျပဲ လိုက်နာခဲ့ကြရတယ်''

''အခုကျတော့ တဖြည်းဖြည်း ပတ်သက်ပြီး သံယောဇဉ်တွေက ရှိခဲ့တာကိုး။ သံယောဇဉ်ရှိတဲ့အပေါ် မူတည်ပြီး၊ လိုက်နာပြီးတော့ ဆောင်ရွက်ပေးခြင်းအားဖြင့် နောက်ဆုံး တပ်က နိုင်ငံရေးထဲမှာ တဖြည်းဖြည်း အထူးသဖြင့် ပါတီနိုင်ငံရေးထဲမှာ တပါတီ၊ တဖွဲ့၊ လူတဦး အကျိုးစီးပွား အကျိုးငှာ အသုံးချခံလိုက်ရတဲ့ ဘဝကို ရောက်သွားတဲ့ဟာမျိုး ဖြစ်ခဲ့တာပေါ့။ အခုတော့ ဒီအခြေအနေအတိုင်းပဲ ဖြစ်သွားတာပေါ့လေ။ နိုင်ငံတော်မှာ နဂိုမူလက ဆောင်ပုဒ်က ရှိပြီးသား “ပြည်သူသာလျှင် အမိ၊ ပြည်သူသာလျှင် အဖ” ၊ “ပြည်သူသာလျှင် မိမိတို့၏ အင်အားစု” ဖြစ်တယ်။ ဒီပြည်သူတွေမှာလည်း တပ်မတော်သားတွေ ပါဝင်ခဲ့တာပဲ။ အဓိကဖြစ်တဲ့၊ မိဘတွေဖြစ်တဲ့ ပြည်သူတွေဟာ တကယ်ပဲ တပ်မတော်သားတွေရဲ့ အမိအဖ ဖြစ်ရမယ်ဆိုတာ တပ်မတော်သားတွေရဲ့ ဦးနှောက်ထဲမှာ ကိန်းအောင်းအောင် လုပ်ခဲ့တာပဲ''

''အခု ဒီလိုမဟုတ်တော့ဘူး၊ တပ်မတော်သာ အမိ၊ တပ်မတော်သာ အဖ၊ အားလုံးက ဘယ်လို အတွေးအခေါ် ဖြစ်သွားလဲဆိုတော့ ညောင်ညိုပင်ကြီးရဲ့ အရိပ်ဟာ ပြည်သူလူထု တရပ်လုံးရဲ့ အရိပ်ပဲလေ။ ဒါပေမဲ့ အဲဒီ အရိပ်ကြီးကို ဝင်ရောက်ပြီးတော့ လာတဲ့ တပ်မတော်က သူတို့အနေနဲ့လည်း သူတို့ကိုယ် သူတို့၊ သူတို့အရိပ်လို့ ထင်ပြီးတော့ ဒီအရိပ်အာဝါသအောက်မှာ နေရတာကို မေ့လျော့နေပြီး သူတို့ဟာသူတို့ သီးခြားရပ်တည်တဲ့ အရိပ်ဖြစ်တယ်ဆိုတဲ့အနေနဲ့ လုပ်ကိုင်သွားနေတဲ့ သဘောတွေကတော့ မှန်ကန်လှတယ်တော့ မဟုတ်ဘူး။ အဲဒီဟာရဲ့ သဘောကတော့ ဒီနေ့ ဖြစ်ပျက်နေတဲ့ အခြေအနေအားလုံး တွေ့မြင်နေရတဲ့ အတိုင်းပါပဲ။ အဲဒီလို ဖြစ်သွားတဲ့ သဘောရှိနေတော့ တကယ်စစ်မှန်တဲ့ အရင်တုန်းက တွေးခေါ်ခဲ့တဲ့၊ ပြည်သူတို့ရဲ့ ကြားထဲမှာ ပြည်သူ့ဆန္ဒနဲ့အညီ နေထိုင်သွားရမယ်ဆိုတဲ့ ဟာကိုတော့ ပြန်ရောက်လာအောင် လုံပမ်းကြိုးစားဖို့ အကုန်လုံးမှာ တာဝန်ရှိကြတယ်လို့ ကျနော့်အနေနဲ့ မြင်ပါတယ်''

မေး။ တပ်မတော်သားတွေ လိုက်နာရမယ့် စစ်သည်တော်များ ကျင့်ဝတ်ကို ဒီကနေ့ခေတ် စစ်သည်တော်တွေ လိုက်နာဆောင်ရွက်မှု ရှိမရှိနဲ့ပတ်သက်ပြီး ပြောပြပါဦးခင်ဗျ။

“အဓိက တပ်မတော်သားတွေက ''ပြည်သူတွေအပေါ်မှာ ရေလိုလလို ကျင့်ရမယ်'' ဆိုတဲ့ဟာက တပ်မတော်သားတွေက ပြည်သူလူထုအပေါ်မှာ အေးမြတဲ့ သဘော ပေးရမှာ ရှိတယ်။ သို့သော်လည်းပဲ နိုင်ငံတော်နဲ့ ပတ်သက်လို့ ဖြစ်လာတဲ့ ''ရန်သူအပေါ်မှာတော့ နေလိုမီးလို ကျင့်ရမယ်'' ဆိုတာတွေ ရှိတယ်။ ပြည်သူလူထုဟာ ကိုယ့်ရဲ့ ရန်သူမှ မဟုတ်ဘဲ။ အမိအဖတွေက ကိုယ့်ရဲ့ ရန်သူမှ မဟုတ်ဘဲနဲ့ သေသေချာချာ အမြင်ကောင်းတွေ မြင်ပြီးတော့ သွားဖို့တော့ လိုတာပေါ့’'''ဟိုအရင်တုန်းက စစ်သည်တော် ကျင့်ဝတ် ၆ဝ ဆိုပြီး ရေးထားတာ ရှိတယ်။ ရဲဘော်တယောက်ချင်း ကျင့်ရမယ့် ကျင့်ဝတ်၊ ရဲဘော် အချင်းချင်းအပေါ် ကျင့်ရမယ့် ကျင့်ဝတ်၊ ပြည်သူပြည်သားတွေအပေါ်မှာ ကျင့်ရမယ့် ကျင့်ဝတ်၊ ရန်သူပေါ်မှာ ကျင့်ရမယ့် ကျင့်ဝတ်ဆိုတာတွေ ရှိတယ်။ ဒါတွေက ၆ဝ ရှိခဲ့တာပဲ။ ဒီနောက်ပိုင်းကျတော့ကာ ဆိုရှယ်လစ်နိုင်ငံ တည်ထောင်မယ် ဆိုတော့ကာ တချို့အချက်အလက်တွေကို ဖြည့်ပြီးတော့ ရေးတာတွေလည်း ရှိတယ်။ တချို့နေရာတွေမှာလည်း ထပ်ဖြည့်တာတွေ ရှိတယ်။ ဆိုတော့ကာ စစ်သည်တော် ကျင့်ဝတ်က အရင်တုန်းက စစ်သည်တော် ၆ဝ မဟုတ်တော့ဘဲ တော်တော်များများ ဖြစ်ကုန်ကြမယ် ထင်ပါတယ်။ ဒီကြားထဲမှာလည်း ကြွေးကြော်သံတွေကလည်း အများကြီး ရှိတယ်။ အားမာန် ၁ဝ ချက်၊ ခွန်အား ၁ဝ ချက်တို့ ဘာတို့ဆိုတဲ့ ကြွေးကြော်သံတွေက တော်တော်ကို များတယ်။ နှစ်လည်း ကြာလာပြီဖြစ်တဲ့အတွက် တော်တော်များများ အသေးစိတ် မသိတော့ဘူး''

''အရင်တုန်းက ထုတ်ပြန်ထားတဲ့ ဟာတွေကတော့ ပြည်သူတွေနဲ့ တသားတည်း၊ ပြည်သူတွေသည် အမိ၊ ပြည်သူတွေသည် အဖ ဖြစ်တဲ့အတွက် မိဘသဖွယ် ထားရတဲ့ ပြည်သူတွေအပေါ်မှာ သားကောင်းတယောက် စိတ်ဓာတ်မျိုးနဲ့ လုပ်ကိုင်ဖို့ဆိုတဲ့ အဓိကဟာကို ရေးထားတဲ့ ကိစ္စဖြစ်တယ်။ အခုဟာက အဲဒီလို မဟုတ်တော့ဘူး။ တပ်မတော်သည် အမိ၊ တပ်မတော်သည် အဖဆိုတာတွေကို တချို့နေရာမှာ ကြားတယ်။ အပေါ်ကနေပြီးတော့ တပ်မှူးကြီးများက လုပ်ဆောင်ပေးနေတဲ့အတွက် စစ်သည်တော်များက အောက်မှာ စားရသောက်ရနေရ ဖွံ့ဖြိုးနိုင်ပြီးတော့ အပြင်က လူထုနဲ့ မတူဘဲနဲ့ ပိုပြီးတော့ စားရသောက်ရ ပြည့်စုံအောင် စားရသောက်ရ ဖြစ်တဲ့အတွက် အထက်အဆင့်ဆင့်သော ဗိုလ်ကြီးတွေအပေါ်မှာ အင်မတန် အားကိုးစရာ ဖြစ်တယ်ဆိုတဲ့အကြောင်း ပြောဆိုသုံးစွဲလာတာတွေ ရှိလာတယ်။ အဲဒီ အတွေးအခေါ်တွေကတော့ မကောင်းတဲ့ အတွေးအခေါ်တွေ ဖြစ်တယ်။ ဒါက အရင်တုန်းက ထားရှိခဲ့တဲ့ သဘောသဘာဝတွေနဲ့ ပြောင်းပြန်ဖြစ်လာတဲ့ အနေအထားတွေ ဖြစ်လာပါတယ်''
မေး။ တပ်မတော်သားတွေအတွက် ရသင့်ရထိုက်၊ ခံစားသင့် ခံစားထိုက်တဲ့ အခွင့်အရေးတွေကို တပ်မတော်တွင်းမှာ ဘယ်လို ဆောင်ရွက်ပေးတာမျိုးတွေ ရှိခဲ့ပါသလဲ။


''တိုင်းပြည်တာဝန် ထမ်းဆောင်နေတဲ့ ဝန်ထမ်းကောင်းအနေနဲ့ ဝန်ထမ်းကောင်းအဖြစ် တာဝန်ထမ်းဆောင်ရမှာပေါ့။ ကျွမ်းကျင်တဲ့သူတွေက ကျွမ်းကျင်သလို၊ စစ်သည်တော်လည်း စစ်သည်တော်အလျောက်၊ ဝန်ထမ်းဆိုရင်လည်း ဝန်ထမ်းကောင်းအလျောက်ပေါ့။ တပ်မတော်သားတွေအနေနဲ့ ဝန်ထမ်းကောင်းပဲ။ သူလည်း ကျွမ်းကျင်တဲ့ အတတ်ပညာနဲ့ နိုင်ငံတော်ရဲ့ ကာကွယ်ရေး၊ လုံခြုံရေးကို ဆောင့်ရွက်ရမှာပေါ့။ အလားတူပဲ ဟို .. ထိပ်ပိုင်းရောက်နေတဲ့ သူတွေကလည်း၊ နိုင်ငံတော် ကာကွယ်ရေးနဲ့ ပတ်သက်လို့ သူ့ရဲ့ အတိုင်းအတာ ကြီးမားတဲ့အတွက် ကာကွယ်စောင့်ရှောက်မှာ ဖြစ်တာပဲ။ အဲဒီလို ကာကွယ်စောင့်ရှောက်တဲ့အတွက် သူကျွမ်းကျင်တဲ့ ကာယ၊ ဥာဏ၊ ဝီရိယအားအတွက် နိုင်ငံတော်ကရတဲ့ အခွန်အတုတ်တွေထဲက သူတို့အတွက် လုံလောက်တဲ့၊ နေနိုင်ထိုင်နိုင်တဲ့ အခြေအနေဖြစ်အောင် ထိုက်သင့်အားလျှော်စွာ နေနိုင်ထိုင်နိုင်အောင် နိုင်ငံတော်က ထောက်ပံ့ကူညီပေးဖို့ လိုတယ်။ စစ်သည်တော်တွေနဲ့ ပတ်သက်တဲ့ ဇနီးသားမယား မိသားစုလည်း သူတို့ ရွပ်ရွပ်ချွံချွံ လုပ်ဆောင်တဲ့အတွက် ထိုက်သင့်အားလျော်စွာ ခံစားစံစားနိုင်ဖို့အတွက် ပြည်သူလူထုရဲ့ ဘဏ္ဍာငွေကနေ အချိုးကျ ပေးထားတာ ရှိတယ်။ စစ်မြေပြင်မှာ ထိမှု၊ ခိုက်မှု၊ ရှမှု အားလုံးကိုလည်း သူတို့ကို ထိုက်ထိုက်တန်တန် လုံးဝ ခံစားဖို့အတွက် ဆောင်ရွက်ပေးထားတာပဲ”

''ထိုက်သင့်အားလျော်စွာ သုံးဆောင်ပြီးရင် နောက်ဆုံး တပ်မတော်က အနားယူပြီး အပြင်ရောက်တဲ့ အခါမှာလည်း သူတို့ရဲ့ နေထိုင်စားရေး သောက်ရေး၊ ရှင်သန်ရေးအတွက်ကိုလည်းပဲ တိုင်းပြည်ကနေ ပြန်လည် ထောက်ပံ့နိုင်တဲ့ အစီအမံကောင်းတွေ ရှိထားတာပဲ။ အဲဒီ ရှိထားတဲ့ အတိုင်းအတာအလျောက်မှာပဲ ခံစားစံစား သွားတာက အမှန်ပဲ။ ဒီလိုမှ မဟုတ်ဘဲ၊ မိမိ ရသင့်ရထိုက်တာ မဟုတ်ဘဲ ပိုလျှံပြီးတော့ ကိုယ်ကျိုးအတွက်၊ တဦးတယောက်အတွက်၊ မိသားစုအတွက် ရှိသင့်ရှိထိုက်တဲ့ အထောက်အပံ့နဲ့ ပိုပြီးတော့ လောဘတက်ပြီး ယူဆောင်နေတာ ဖြစ်လာရင်တော့ အင်မတန်မှ မကောင်းတဲ့ အယူအဆ၊ အလေ့အထ၊ အကျင့်အကြံတခု ဖြစ်လာမယ်။ ဖြစ်လာတယ်ဆိုရင် တိုင်းပြည်ရဲ့ ဘဏ္ဍာတော်တွေ သုံးရစွဲရတဲ့အပိုင်းမှာ သူတို့ကို ပိုမိုပြီး အများအစားပေးပြီးတော့ လူမှုရေးဖြစ်တဲ့ ပြည်သူလူထုတရပ်လုံးရဲ့ ပညာရေး၊ ကျန်းမာရေးနဲ့ တခြားရရှိတဲ့ အခွင့်အရေးက နည်းပါးပြီးတော့ အထောက်အပံ့ နည်းလာမယ်။ အားအင်နည်းလာလို့ရှိရင် နောင်တပ်မတော်မှာ တာဝန်ထမ်းဆောင်ရမယ့် အင်အားကို ပြန်ဖြည့်ဖို့ အတိုင်းအတာကျရင် အားအင်ချိနဲ့တာ ဖြစ်လာမယ့် အတိုင်းအတာ ဖြစ်တယ်''

''အဲဒါကို မြင်ပြီးတော့ အရှည်ကို စဉ်းစားတဲ့အနေနဲ့ တပ်မတော်မှာ ဝင်လာပြီးရင် သူတို့အတွက် ရသင့်ရထိုက်တဲ့ အခွင့်အရေးတွေကို ကူညီထောက်ပံ့ပေးပြီး သူတို့ တာဝန်ထမ်းဆောင်နေစဉ်အတွင်း၊ စစ်ဘက်မှာ တာဝန်ထမ်းဆောင်နေစဉ်အတွင်း၊ နောက်ပြီး စစ်ဘက်မှာ အနားယူချိန်အတွင်း ဒါတွေကို ကောင်းကောင်းမွန်မွန် သတ်မှတ်ထားတဲ့ အတွင်းမှာသာလျှင် ဖြည့်ဆည်းအောင် ဆောင်ရွက်ကြဖို့ လိုတယ်။ သူတို့ အပြင်ရောက်တဲ့ အခါမှာလည်း နိုင်ငံတော်အတွင်းမှာရှိတဲ့ အစားအသောက်၊ ကုန်ပစ္စည်းဈေးနှုန်း စတဲ့ ဒါတွေကလည်းပဲ အားလုံး ညီမျှအောင် ဆောင်ရွက်ပေးမှု လုပ်ဆောင်မယ်ဆိုရင်တော့ ဒီပြဿနာတွေက ပြေလည်စရာတွေ ရှိတာပေါ့”

မေး။ တပ်မတော်သားအတွင်းမှာ အထက်အောက် ကွာဟမှုတွေ များလာတဲ့အပေါ် ဘယ်လို မြင်ပါသလဲ။

''အတိုင်းအတာတခုထိ ခွဲခြားသတ်မှတ်ပေးထားတွေ ရှိတာပေါ့။ သို့သော်လည်းပဲ အရာရှိရယ်လို့ ဖြစ်လာရင် အပေါ်ပိုင်း၊ ထိပ်ပိုင်းကိုး။ အခု အခြေအနေကို ကြည့်ရတာက အခွင့်ထူးခံချင်တဲ့ အနေအထား ရှိလာတာတွေ များတယ်။ သို့သော်လည်းပဲ တိုင်းပြည်တခုမှာ စည်းလုံးညီညွတ်မှုနဲ့ တပ်မတော်သားတခုလုံး ညီညီညာညာ ဖြစ်ရမယ်ဆိုလို့ရှိရင်တော့ သူ့ဟာသူ ပေးထားတဲ့ အခွင့်အရေးကောင်းတွေ မျှမျှတတ အချိုးအစားနဲ့ အောက်ဆုံးအဆင့်မှာ ရှိနေတဲ့ စစ်သည်တော်နဲ့ အထက်ဆုံးမှာ ရှိနေတဲ့ စစ်သည်တော်များ ရတဲ့ လစာနဲ့တကွ ရရှိမှု နှုန်းထားက သိပ်ပြီးတော့ ကွာခြားမှုမျိုး မဖြစ်သင့်ဘူးဆိုတာကိုတော့ အရင်တုန်းက အတွေးအခေါ် ရှိခဲ့ဖူးတာပေါ့။ အဲဒီလို ဖြစ်ဖို့တော့ ကြိုးစားဖို့ လိုတာပေါ့''

မေး။ တပ်သားအဆင့်မှာ ရှိတဲ့ မိသားစုတွေက ရတဲ့ လစာနဲ့ မလောက်ငလို့ တခြားလုပ်ငန်းတွေ လုပ်နေရတယ်။ တပ်မတော်သား ဇနီးသည်တချို့ ခန္ဓာကိုယ်ရောင်းစားရတဲ့ အဖြစ်မျိုးတွေလည်း ရှိပါတယ်။ ဒါပေမဲ့ အရာရှိတွေရဲ့ မိသားစုဝင်တွေကျ ချမ်းသာနေကြတယ်။ အဲဒီလို တပ်တွင်းမှာ ကွာခြားမှုတွေ ဖြစ်နေတဲ့အပေါ်မှာ ဘယ်လို ထိန်းသိမ်းကာကွယ်သင့်တယ်လို့ ထင်လဲခင်ဗျ။ ''

အခုဟာက ပြောဆိုသံတွေ ကြားလည်း ကြားနေရတယ်။ မြင်လည်း မြင်နေရတယ်။ တွေ့လည်း တွေ့နေရတယ်။ ကွာခြားတာတွေ ရှိနေတယ်။ အမှန်က ဘယ်လိုဖြစ်ရမလဲဆိုတော့ အပြင်မှာ ပင်စင်ယူသွားပြီးလို့ရှိရင်၊ အငြိမ်းစား ယူသွားပြီးလို့ရှိရင် သူတို့ဟာသူတို့ ထိုက်သင့်အားလျော်စွာ ရပ်တည်နိုင်အောင် ဆိုလို့ရှိရင် အပြင် စီးပွားရေး အနေအထားက ကောင်းဖို့လိုတယ်။ စီးပွားရေး အနေအထားက အားလုံး မျှမျှတတ စားနိုင်တဲ့ အနေအထား ဖြစ်ဖို့လိုတယ်။ အခုဟာက ဒီလိုမဟုတ်တော့ဘဲနဲ့ အပြင်မှာ စားရေးသောက်ရေးနဲ့ ပတ်သက်ပြီး အင်မတန် ကျပ်တည်းနေတဲ့ ဟာကို အကြောင်းပြုပြီးတော့ကာ အောက်ခြေ အောက်လက်မှာရှိတဲ့ ဝင်ငွေနဲ့ မလုံလောက်လို့၊ မညီမျှလို့၊ မမျှတလို့တွေ ရှိနေတယ်။ ဒါပေမဲ့ အစိုးရက လစာတွေကို တိုးပြီးပေးတာက ၄ နှစ် တခါလောက် လုပ်တယ်။ သို့သော် အဲဒီလို လုပ်ပင်လုပ်ငြားသော်လည်းပဲ မပြည့်မီဘူး''

''ဘာဖြစ်လို့လဲဆိုတော့ အပြင်မှာ ကုန်ထုတ်လုပ်မှုနဲ့ ပတ်သက်တဲ့ အစစအရာရာရော၊ စီးပွားရေး အခြေအနေအရရော ပိုမိုကောင်းမွန်လာတဲ့ အခြေအနေအထားမှာ မရှိတဲ့အတွက်ကြောင့် ဒီလိုပြဿနာတွေက တောက်လျောက် ဖြစ်နေမှာပဲ။ အထက်ပိုင်းရောက်နေတဲ့ ပုဂ္ဂိုလ်တွေအနေနဲ့လည်း ဒီဟာကို ကြည့်ပြီးတော့ - တို့ အပြင်ကို ရောက်ခဲ့လို့ရှိရင် တို့ လက်ရှိနေရတဲ့ အခြေအနေကနေ ပိုမိုဆုတ်ယုတ်ပြီး နေရမလားဆိုပြီး၊ အကုန်လုံးကိုတော့ မဆိုလိုဘူး၊ တချို့ပုဂ္ဂိုလ်တွေက လုံးပမ်းရင်းနဲ့ ချမ်းသာတဲ့အပိုင်းက သိပ်ပြီး ချမ်းသာ၊ မချမ်းသာတဲ့ အပိုင်းက မချမ်းသာ၊ သိပ်ပြီး ဒုက္ခရောက်တဲ့ အပိုင်းက ဒုက္ခရောက်၊ အဲဒီလိုပဲ မညီမညာ ဖြစ်ကုန်တဲ့အပိုင်း ဖြစ်တယ်။ အပြင်မှာ စီးပွားရေးကိစ္စနဲ့ ပတ်သက်တဲ့ အရာအားလုံး၊ စစ်သည်တော်တွေ ရရှိမယ့် အခွင့်အရေးတွေ အားလုံး၊ တတ်နိုင်သမျှ တိုးတက်ကောင်းမွန်အောင် လုပ်ကိုင်ဆောင်ရွက်ပေးသွားမယ်ဆိုရင် ဒီကွာဟမှုက တဖြည်းဖြည်း အခြေအနေကောင်းကို ဦးတည်သွားလိမ့်မယ်လို့တော့ ထင်တာပေါ့။ ဒါပေမဲ့ ဒီပုံစံအတိုင်းက ဒီလမ်းကို မမြင်သေးဘူးဆိုတဲ့ သဘောရှိတယ်''

မေး။ တပ်မှူးဟောင်းတယောက်အနေနဲ့ တပ်မတော်သားတွေနဲ့ ပြည်သူတွေကို ဘယ်လို ပြောပြချင်တာတွေ ရှိပါသလဲ။

''စစ်မှူးထမ်းလုပ်တယ်ဆိုတာ အင်မတန်ကို တိုင်းပြည်အတွက်၊ တိုင်းသူပြည်သားတွေအတွက် အသက်အိုးအိမ်၊ စည်းစိမ်တွေကို ကာကွယ်ပေးရမယ်ဆိုတဲ့ မူတွေအနေနဲ့ မွန်မြတ်တဲ့ အလုပ်လုပ်တာ ဖြစ်တယ်။ မွန်မြတ်တဲ့ အလုပ်လုပ်ရမယ့် ပုဂ္ဂိုလ်တွေအနေနဲ့ မွန်မြတ်တဲ့ အလုပ်လုပ်တာပဲ ကောင်းတယ်။ ဒီလိုမျိုး မဟုတ်ဘဲနဲ့၊ စစ်သည်တော်များ လုပ်ရမယ့် အပိုင်းတွေမှာ ဒီလိုအခြေအနေမျိုး မဟုတ်ဘဲနဲ့ ကျန်တဲ့ တခြားကိစ္စအဝဝတွေမှာ စိတ်ပါဝင်စားမှု ရှိလို့ရှိရင် မူလ ရည်ရွယ်ချက်တွေကတော့ အထမြောက် အောင်မြင်မှာ မဟုတ်ဘူးဆိုတာမျိုး ဖြစ်လာတာပေါ့။ အဲဒါကြောင့် စစ်သည်လုပ်ငန်းကို မိမိကြိုက်နှစ်သက်လို့ လုပ်တာဖြစ်တဲ့အတွက်၊ ကြိုက်နှစ်သက်တဲ့ လုပ်ငန်းအောင်မြင်အောင် သီးခြားဝန်ထမ်းကောင်းဖြစ်ဖို့၊ လုပ်ဖို့တော့ လိုတာပေါ့။ အဲဒီလို မဟုတ်ဘဲနဲ့ လာတယ်ဆိုကတည်းက ရည်ရွယ်ချက်ကိုက မှားယွင်းတဲ့ ရည်ရွယ်ချက်နဲ့ ရောက်လာတယ်ဆိုရင် မကောင်းဘူး''

''ဒီဝန်ထမ်းလုပ်ငန်းဟာ တခြားတခြားသော အဖွဲ့အစည်းတွေနဲ့ မတူဘဲနဲ့ ထူးခြားတဲ့ အဖွဲ့အစည်းဖြစ်လို့ ထူးခြားတဲ့ အခွင့်အရေးတွေ ရှိငြားသော်လည်းပဲ ကိုယ်ရသင့်ရထိုက်တဲ့ အတိုင်းအတာ ရပြီးတော့၊ အနစ်နာခံပြီးတော့ လုပ်ဆောင်သင့်တယ်။ တပ်ထဲမှာ ဝင်ကတည်းက ဆင်းရဲမယ်၊ အနစ်နာခံမယ်၊ ဒါတွေက နဂိုမူလအရ လုပ်ငန်းသဘောသဘာဝ ပါလာပြီးသားဖြစ်တယ်။ အဲဒီအပေါ်မှာ မူတည်ပြီး အနစ်နာခံမယ်၊ ကိုယ်ကျိုးစွန့်မယ်ဆိုတဲ့ စသဖြင့် ဟာတွေက ပြန်လည်ပြီး ရှိလာဖို့အတွက် လုပ်ကိုင်သွားကြဖို့ လိုတယ်။ အဲဒီကျမှာသာလျှင် တဖြည်းဖြည်း အားကိုးရာ ဖြစ်မယ်။ အခုကြည့်ရတာက လူအင်အားတွေ သိပ်ပြီး တိုးပြုနေတာထက် အရည်အချင်း အင်အား ထပ်တိုးဖို့လိုတဲ့ သဘောသဘာဝတော့ ရှိတယ်''





ရင်းမြစ်...(မဇ္ဈိမ)။


ဒေါ်အောင်ဆန်းစုကြည် ရွေးကောက်ပွဲမှာပါဝင်ခွင့်မရှိလျှင် ဂျပန်အစိုးရမှ လူသားချင်းဆိုင်ရာထောက်ပံမှုများလုံးဝရပ်ဆိုင်းဖို့ စဉ်းစားနေကြောင်းထုတ်ပြန်




ဒီနှစ် မြန်မာနိုင်ငံမှာ ကျင်းပပြုလုပ်မဲ့ (၂၀၁၀)ရွေးကောက်ပွဲမှာ နေအိမ်အကျယ်ချုပ်ချခံထားခြင်း
ခံရသောဒေါ်အောင်ဆန်းစုကြည် အား ပါဝင်ခွင့်မရအောင်ပြုလုပ်ထားခြင်းနှင့်ပတ်သတ်၍ ဂျပန်နိုင်ငံ
ခြားရေးဝန်ကြီး Okadaမှ မြန်မာနိုင်ငံအားလူသားချင်းဆိုင်ရာအထောက်အပံ့များ၊ စီးပွားရေးဆိုင်ရာ
ထောက်ပံ့ငွေများရပ်ဆိုင်းဖို့စဉ်းစားနေတယ်လို့ပြောဆိုလိုက်ပါတယ်။

မြန်မာစစ်အစိုးရမှ ဒီလ(၈)ရက်နေ့က ရွေးကောက်ပွဲဆိုင်ရာ ဥပဒေသစ်များကို ထုတ်ပြန်ခဲ့ပြီး
ဒီဥပဒေထဲမှာဒေါ်အောင်ဆန်းစုကြည် ပါဝင်ခွင့်မရနိုင်တာဂျပန်အစိုးရမှထောက်ပြပြောဆိုနေပါတယ်။
ပါဝင်ခွင့်ရအောင် ပြန်လည်စဉ်းစားစေလိုကြောင်းပြောဆိုလိုက်ပါတယ်။

ဂျပန်နိုင်ငံခြားရေးဝန်ကြီးOkadaမှ(၂၆)ရက်နေ့ကပြုလုပ်တဲ့သတင်းစာရှင်းလင်းပွဲမှာဒေါ်အောင်ဆန်းစု
ကြည်ဟာ (၂၀၁၀)ရွေးကောက်ပွဲမှာဦးဆောင်ပါဝင်နိုင်မှာမဟုတ်ဘူးဆိုတာသိတဲ့အတွက် တော်တော်
လေးဝမ်းနည်းကြောင်းပြောဆိုသွားခဲ့ပါတယ်။

အဲဒီနေ့မှာဘဲဂျပန်နိုင်ငံရှိဂျပန်နိုင်ငံဆိုင်ရာမြန်မာသံအမတ်ဦးလှမင်းအား၎င်းကိစ္စနှင့်ပတ်သတ်
၍ ခေါ်ယူတွေ့ဆုံခဲ့ပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများပါဝင်ခွင့်မရှိလျှင်
ဂျပန်အစိုးရမှ စီးပွားရေးဆိုင်ရာထောက်ပံ့ငွေများ ရပ်ဆိုင်းဖို့စဉ်းစားနေတယ်လို့ပြော
ဆိုလိုက်ပါတယ်။မြန်မာသံအမတ်ဦးလှမင်းကလည်းဂျပန်နိုင်ငံကထောက်ပံ့မှုဖြတ်တောက်
ဖို့စဉ်းစားနေတဲ့ကိစ္စကိုနအဖစစ်အစိုးရကို အကြောင်းပြန်လိုက်မှာဖြစ်ကြောင်းပြောဆိုတယ်
လို့သိရပါတယ်။

သတင်း ။။ ဒေါင်းမာန်ဟုန်



ပြန်လည်ပေးပို့ ပေးသော ကိုဒေါင်းမာန်ဟုန် အားကျေးဇူးတင်ပါသည်.။

လုံထိန်းတပ်ဖွဲ့ဝင်များကို ရဟန်းတော်များက တိုင်တွင်ကြိုးဖြင့် ချည်နှောင်ပြီး ဆိုဆုံးမ

ရခိုင်ပြည်နယ် မောင်တောမြို့ (၃) မိုင် ကျေးရွာတွင် ယမန်နေ့က စတင် ပြုလုပ်သော အပါး ၁၀၀ ရှင်ပြုပွဲတွင် လုံးထိန်း တပ်ဖွဲ့ တဖွဲ့မှ အရက်သေစာ သောက်စား မူးယစ်ပြီး လူထုကို စော်ကားသဖြင့် ရဟန်းတော်များက ၀ိုင်းဝန်းရိုက်နှက်ကာ လုံထိန်း ၂ ဦးကို လူမိုက်တိုင်တွင် ချည်နှောင် ထားခဲ့သည်ဟု အမည်မဖေါ်လိုသူ မျက်မြင် တဦးက ပြောသည်။

“လုံထိန်းတွေက အရက်သေစာ မူးယစ်သောက်စားပြီး ဇာတ်ပွဲရှေ့မှာ လာသောင်းကျန်းတော့ ရဟန်းတော်တွေက ၀ိုင်းရိုက်ပီး အဲဒီထဲက လုံထိန်း နှစ်ဦးကို လူမိုက် လူရမ်းကားတွေကို ချည်နှောင်ဖို့ ပြုလုပ်ထားတဲ့ တိုင်မှာ ချည်နှောင်ထားခဲ့ပါတယ်။ ကျန်တဲ့ လုံထိန်းတွေကတော့ ဦးဇင်းတွေ ရိုက်တော့ ကြောက်ပီး စခန်းကို ပြန်ပြေး သွားကြပါတယ်” ဟု သူက ပြောသည်။

အဆိုပါ ရှင်ပြုပွဲတွင် ရွှေရတနာ ဇာတ်အဖွဲ့မှ လာရောက် ဖြေဖျော်ရာ လုံထိန်းများက အရက်သေစာ မူးယစ်ကာ လူထုကို စော်ကားသဖြင့် ရဟန်းတော်များက ၀ိုင်းဝန်း ရိုက်နှက်ပြီး ယခုကဲ့သို့ ချည်နှောင်ထားခဲ့ရခြင်း ဖြစ်သည်။

“ရဟန်းတော်တွေက အပါး ၂၀၀ လောက်ရှိမယ် ထင်ပါတယ်။ တမြို့နယ်လုံးက ပင့်ထားတော့ ရဟန်းတော်တွေ ကွင်းမှာ အပြည့်ဘဲ။ လုံထိန်းတွေစော်ကားတာကို မြင်တော့ ရဟန်းတော်တွေက သည်းမခံနိုင်ဘဲ ရိုက်ပုတ်ပီး နှစ်ဦးကို ကြိုးနဲ့ ချည်နှောင်ပြီး ထားခဲ့ရပါတယ် ” ဟု သူက ပြောသည်။

ရှင်ပြုပွဲသို့ လာရောက်လာသူ အရှင် ဦးသောဘိတက “ ဦးဇင်းတွေမှာ အပြစ်မရှိဘူး။ အပြစ်ရှိတာက လုံထိန်းတွေပါ။ သူတို့က သိပ်ကို ရမ်းကားလွန်းတော့ ဦးဇင်းတွေက နည်းနည်းပါးပါး ဆိုဆုံးမလိုက်တာ ဖြစ်ပါတယ်။ နံနက် မလင်းမှီ ဆရာတော်ကြီးတွေက အဲဒီ လုံထိန်းနှစ်ဦးကို ရဲတာဝန်ရှိသူတွေ လက်ထဲ အပ်လိုက်ပါတယ်” ဟု ပြောသည်။

ယခုကဲသို့ ရဟန်းတော်များက လုံထိန်း တပ်ဖွဲ့ဝင်များကို ၀ိုင်းဝန်းရိုက်နှက်မူကြောင့် ဇာတ်ပွဲ ကြည့်နေသူ လူအုပ်မှာ ဖရိုဖရဲ ဖြစ်သွားသော်လည်း ဆရာတော်များက ပွဲစောင့် ရဲအဖွဲ့၏ အကူအညီကို ယူကာ ပြန်လည် ငြိမ်ဝပ်အောင် ထိန်းသိမ်းခဲ့ရသည်ဟု ဆရာတော်က ပြောသည်။

ယခုကဲ့သို့ လုံထိန်းများကို ရိုက်နှက်ပြီး တိုင်တွင် ချည်နှောင်ကာ ရဟန်းတော်များက ဆိုဆုံးမခဲ့ခြင်း အပေါ် ပွဲကြည့်ရန် လာရောက်သည့် ပရိသတ်များက သောင်းသောင်းဖျဖျ အားပေးခဲ့ကြသည်ဟု သိရသည်။

ယနေ့ညဉ့်တွင်လည်း ရွှေရတနာ ဇာတ်အဖွဲ့မှ စဉ်လာမပျက် ပုံမှန် တင်ဆက်ကပြရန် အစီအစဉ် ရှိနေကြောင်း သတင်း ရရှိသည်။

သတင်းရင်းမြစ်..
နိရဉ္စရာ

အမျိုးသားဒီမိုကရေစီအဖွဲ့ချုပ်ပါတီ မှတ်ပုံတင်ရေး အဖွဲ့ချုပ်လူငယ်များ လက်မခံဟုပြောကြား






ဒေါ်အောင်ဆန်း စုကြည်၏ ရွေးကောက်ပွဲ အပေါ် ထားရှိသော သဘောထား အတိုင်း ရပ်တည်၍ ရွှေဂုံတိုင် ကြေညာ စာတမ်းကို ဆက်လက် ကိုင်စွဲသွားမည်ဟု နိုင်ငံတ၀န်းရှိ အမျိုးသား ဒီမိုကရေစီ အဖွဲ့ချုပ် (NLD) လူငယ် ကိုယ်စားလှယ်များက ဆုံးဖြတ် လိုက်သည်။

ရန်ကုန် ရွှေဂုံတိုင်ရှိ NLD ရုံးချုပ်၌ ယနေ့ကျင်းပသည့် အစည်းအဝေးတွင် နိုင်ငံတ၀န်းရှိ NLD လူငယ် ကိုယ်စားလှယ် ၅၁ ဦး တို့က ယင်းသို့ ဆုံးဖြတ်လိုက်ခြင်းဖြစ်သည်။

“ဒီနေ့ ပါတီကို မှတ်ပုံမတင်ဖို့နဲ့ ရွေးကောက်ပွဲမှာ မ၀င်ပြိုင်ဖို့ ကျနော်တို့ ဆုံးဖြတ်လိုက်တယ်။ ပါတီ မှတ်ပုံတင်ရေးအတွက် အဓိကထား ဆွေးနွေးဖြစ်ပါတယ်။ ဒီဆုံးဖြတ်ချက်ကို ကျနော်တို့ တညီတညာတည်း ဆုံးဖြတ်လိုက်တာပါ” ဟု မကွေးတိုင်း NLD လူငယ် အကူအညီပေးရေး တိုင်း တာဝန်ခံ ကိုနေမျိုးကျော်က ပြောသည်။

NLD လူငယ်များအနေဖြင့် ပြည်သူလူထုနှင့်အတူ ငြိမ်းချမ်းစွာဖြင့် ဒီမိုကရေစီ အတွက် ကြိုးပမ်းသွားမည်ဖြစ်ကြောင်း၊ ပါတီ ဖျက်သိမ်းလိုက်ပါက နောက်ထပ် လမ်းကြောင်းတခုကို ရှာဖွေရွေးချယ်သွားမည်ဖြစ်ကြောင်းနှင့် အစည်းအဝေးက ဆုံးဖြတ်ချက် ၆ ချက်ကို ချမှတ်ခဲ့ကြောင်း သိရသည်။

ရွေးကောက်ပွဲတွင် ပါတီ မှတ်ပုံမတင်ရန်၊ ရွှေဂုံတိုင်ကြေညာချက်အတိုင်း ဆက်လက်ရပ်တည် သွားရန်၊ ဒေါ်အောင်ဆန်းစုကြည် ပါဝင်သည့် ဗဟိုကော်မတီ ဆုံးဖြတ်ချက်များကို NLD လူငယ်များက လိုက်နာ အကောင်အထည်ဖော် ဆောင်ရွက်သွားရန်၊ ဒေါ်အောင်ဆန်းစုကြည်၏ လမ်းညွှန်ချက်များအတိုင်း လူငယ်များက ဆက်လက်ဆွဲကိုင် ဆောင်ရွက်သွားရန်၊ မတ်လ၂၉ ရက်နေ့ တွင် ကျင်းပမည့် အစည်းအဝေးသို့ NLD လူငယ်များတက်ရောက်ခွင့်ပေးရန်၊ ဒေါ်အောင်ဆန်းစုကြည် နေအိမ်အကျယ်ချုပ် ကျခံ နေစဉ်အတွင်း အဖွဲ့ချုပ် ဒုတိယ ဥက္ကဋ္ဌ ဦးတင်ဦးအနေဖြင့် လူငယ်ထုကို တာဝန်ယူ ကြီးကြပ် လမ်းညွှန်ပေးရန် ဆုံးဖြတ်ခဲ့ကြသည်။

NLD သည် ပြီးခဲ့သည့် နှစ် ဧပြီလအတွင်းက ထုတ်ပြန်ခဲ့သော ရွှေဂုံတိုင် ကြေညာစာတမ်းပါ နိုင်ငံရေးအကျဉ်းသား အားလုံး ခြွင်းချက်မရှိ လွှတ်ပေးရန်၊ ၂၀၀၈ ဖွဲ့စည်းပုံအခြေခံ ဥပဒေကို ပြန်လည် သုံးသပ်ပြင်ဆင်ရန်နှင့် ရွေးကောက်ပွဲတွင် အလွှာ အသီးသီး ပါဝင်ပြီး နိုင်ငံတကာက စောင့်ကြည့်လေ့လာခွင့်ပြုရန် စသည့်အချက်များကို စစ်အစိုးရက လိုက်လျောလျင် ၂၀၁၀ ရွေးကောက်ပွဲ ကိုလက်ခံမည်ဟူသော မူပေါ်တွင် ရပ်တည်ထားသည်။

“NLDက ရွေးကောက်ပွဲ ၀င်မယ်လို့ ဆုံးဖြတ်ခဲ့ရင်လည်း အဲဒီဆုံးဖြတ်ချက်ကို ကျနော်တို့က လက်ခံမှာ မဟုတ်ပါဘူး။ ကျနော်တို့က မ၀င်ဖို့ ဆုံးဖြတ်ထားတယ်” ဟု ရန်ကုန်တိုင်း အကူအညီပေးရေး တာဝန်ခံ ကိုမျိုးမင်းစိုးက ဆိုသည်။

၂၀၀၈ ခုနှစ် အောက်တိုဘာလတွင် NLD လူငယ် ၁၀၀ ခန့်သည် ပါတီ၏ ဆုံးဖြတ်ချက်များတွင် ပါဝင်ပြောဆိုခွင့် မရှိသည့် အတွက် ပါတီဝင်အဖြစ်မှ နုတ်ထွက်ခဲ့ကြသည်။

NLD လူငယ်တဦး ဖြစ်သူ မောင်နေခြည်ဝင်းက “မြန်မာပြည်မှာ ဖြစ်နေတဲ့ ပြဿနာတွေကို ဖြေရှင်းနိုင်မယ်ထင်လို့ NLDအဖွဲ့ထဲကို ၀င်ခဲ့တာပါ။ ဒါပေမယ့် NLDက ဘာတခုမှ မလုပ်နိုင်ဘူး” ဟု ဆိုသည်။

NLD (လွတ်မြောက်နယ်မြေ) နိုင်ငံခြားရေးရာ ဌာနမှ ကိုမိုးဇော်ဦးကလည်း နိုင်ငံတ၀န်းမှ NLD လူငယ် ကိုယ်စားလှယ်များ၏ ဆွေးနွေးပွဲသည် အခြေအနေကောင်းတခုဖြစ်သည်ဟု ဆိုသည်။

“အခုက NLDက အရေးကြီးတဲ့ ခေါင်းဆောင်တွေရဲ့ သဘောထားက မှတ်ပုံမတင်သင့်ဘူး၊ မတရားတဲ့ ဥပဒေတွေအောက်မှာ ရွေးကောက်ပွဲ မ၀င်သင့်ဘူးလို့ ပြောပြီးတဲ့နောက်မှာ ကျနော်တို့သဘောထား ကတော့ ရှင်းရှင်းလင်းလင်း ပြတ်ပြတ်သားသား ဖြစ်သင့်ပြီလို့ထင်တယ်။ လူငယ်တွေဆိုတာကလည်း ခေါင်းဆောင်တွေ အပေါ်မှာ ယုံကြည်မှုကို ပြင်းပြင်ထန်ထန်ရှိတဲ့ အတွက်ကြောင့် ဒေါ်အောင်ဆန်းစုကြည် အပါအ၀င်ခေါင်းဆောင်တွေရဲ့သဘောထား အတိုင်းဖြစ်မယ်လို့ ကျနော်ကတော့ မျှော်လင့်တယ်၊ ယုံကြည်ပါတယ်” ဟု သူက ပြောသည်။

၁၉၉၀ ရွေးကောက်ပွဲကာလတွင် ရွေးကောက်ပွဲဝင်ရေး မ၀င်ရေးအတွက် ဗဟို ကော်မတီက ဆုံးဖြတ်ချက် မချမှတ်မီ ထိန်းသိမ်းမှုများနှင့် ထွက်ပြေးတိမ်းရှောင်နေရသည့်အတွက် ဗဟိုအဖွဲ့ဝင် လူငယ်များအကြား ကျယ်ကျယ်ပြန့်ပြန့် ဆွေးနွေးနိုင်ခြင်းမရှိကြောင်း ၎င်းက ဆိုသည်။

သတင်းရင်းမြစ်...ဧရာဝတီ

ဘန်ကီမွန်း မြန်မာရွေးကောက်ပွဲကို စိတ်ပျက်




ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း (ဓာတ်ပုံ - အေပီ)


ပြောပ လောက်အောင် တိုးတက်မှု မတွေ့ရသဖြင့် စစ်အစိုးရ၏ လာမည့် ရွေးကောက်ပွဲကို စိတ်ပျက်မိသည်ဟု ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းက ပြောသည်။နယူးယောက်မြို့ ကုလသမဂ္ဂ ရုံးချုပ်တွင် မြန်မာ့ မိတ်ဆွေ နိုင်ငံများအဖွဲ့ (Group of Friends on Burma) နှင့် မတ်လ ၁၅ ရက်နေ့က တွေ့ဆုံ ဆွေးနွေး ပြီးနောက် မစ္စတာ ဘန်ကီမွန်းက ထိုသို့ ပြောဆို လိုက်ခြင်း ဖြစ်သည်။



ဘန်ကီမွန်းက “အားမရဘူး ဖြစ်နေတယ်၊ ကျနော် ပြောခဲ့သလိုပေါ့၊ တိုးတက်မှုတွေ ရှိမလာတာကို စိတ်ပျက် မိတယ်”ဟု သတင်းထောက် များကို ပြောကြားသည်။ ဗိုလ်ချုပ်မှူးကြီးနှင့် တွေ့ဆုံစဉ်က ခိုင်မာပြတ်သားစွာ လုပ်ကိုင်ဆောင်ရွက်ရန် တိုက်တွန်းခဲ့စဉ် ကတိများ အကြိမ်ကြိမ် ပေးခဲ့ကြောင်း၊ သို့သော် ကတိကဝတ်အတိုင်း အကောင်အထည်ဖော်ရာတွင်မူ နှေးလွန်းသည် ထင်ကြောင်း ဘန်ကီမွန်းက ဆက်လက်ပြောဆိုသည်။ “ကတိပေးတာ တခုက ရွေးကောက်ပွဲ ဥပဒေ ထုတ်ပြန်ဖို့ပါပဲ၊ ဒါပေမယ့် ရွေးကောက်ပွဲရက်ကို မကြေညာသေးဘူး၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားတွေကို လွှတ်ဖို့ကလည်း တိုက်တွန်းနေရတုန်းပဲ”ဟု ဘန်ကီမွန်းက ပြောသည်။



ရွေးကောက်ပွဲကို သပိတ်မှောက်သင့်ကြောင်း ဒေါ်အောင်ဆန်းစုကြည်၏ ပုဂ္ဂလိကအမြင်နှင့် ပတ်သက်၍ “ဒေါ်စုက သူ့ရဲ့ တကယ့် ယုံကြည်ချက်ကို အခြေခံပြီး ပြောတာ၊ လက်ရှိ အခြေအနေကို အခြေခံပြီး ပြောတာဆိုရင် ဒေါ်စုရဲ့ ဆုံးဖြတ်ချက်ကို ကျနော်တို့ လေးစားရပါမယ်”ဟု ဘန်ကီမွန်းက ဆိုသည်။ မြန်မာ့ မိတ်ဆွေ နိုင်ငံများအဖွဲ့ နှင့် တွေ့ဆုံဆွေးနွေးရာတွင် အဓိက အချက် နှစ်ချက် ရှိကြောင်း ဘန်ကီမွန်းက မီဒီယာများကို ပြောသည်။



မြန်မာ့ မိတ်ဆွေ နိုင်ငံများအဖွဲ့က အဓိကထား ဆွေးနွေးသည့် ပထမတချက်မှာ မြန်မာပြည်လူထုအတွက် တည်ငြိမ် အေးချမ်း ရေး၊ ဒီမိုကရေစီ ရရှိရေးနှင့် ဖွံ့ဖြိုးရေးတို့အတွက် ရွေးကောက်ပွဲသည် အားလုံးပါဝင်နိုင်ရန်နှင့် ပွင့်လင်း မြင်သာမှု ရှိရန် လိုအပ် သည်ဟူသော အချက် ဖြစ်သည်။
ဒေါ်အောင်ဆန်းစုကြည်နှင့် တွေ့ဆုံရေး၊ အပစ်ရပ် တိုင်းရင်းသားလက်နက်ကိုင်အဖွဲ့များ အပါအဝင် အဓိကနိုင်ငံရေး ပါတီများ အကြား အမျိုးသားရင်ကြားစေ့ရေးကို စစ်အစိုးရအနေဖြင့် လုပ်စေလိုကြောင်း၊ မျှော်လင့်ထားသကဲ့သို့ ဤ အချက်များကို မလုပ်ဆောင်သေးကြောင်း ဘန်ကီမွန်းက ထောက်ပြသည်။



နောက်ထပ် အလေးပေး ဆွေးနွေးသည့် အချက်မှာ ပြည်သူလူထု၏ လူနေမှု အဆင့်အတန်း တိုးတက်ကောင်းမွန်လာရေး လုပ်ကိုင်ကြရန် လိုသည်ဟူသော အချက်ဖြစ်သည်။ မြန်မာ့ နိုင်ငံရေး၊ လူမှုကူညီရေးနှင့် ဖွံ့ဖြိုးရေး စိန်ခေါ်မှုများသည် တတန်းတည်း စဉ်းစားရမည့် အချက်များဖြစ်သည်ဟူသော အမြင်အပေါ် ထင်ဟပ်ခြင်းဖြစ်သည်ဟု ဘန်ကီမွန်းက ဆိုသည်။




အဖွဲ့ ၁၅ ဖွဲ့ ပါဝင်သော မြန်မာ့ မိတ်ဆွေနိုင်ငံများ အဖွဲ့ အတွင်း သဘောထားကွဲလွဲမှုများ ရှိနေပြီး ကုလသမဂ္ဂတွင် နောက် တဆင့် တက်ရေးအတွက် တညီတညွတ်တည်း ဆုံးဖြတ်ချက် မချနိုင်ကြောင်း တာဝန်ရှိသူများက ဧရာဝတီသို့ ပြောသည်။ စစ်အစိုးရကို တွန်းအားပေးသည့် အနေဖြင့် ကုလသမဂ္ဂ အဆင့်မြင့် အရာရှိတဦး မြန်မာပြည်သို့ စေလွှတ်ဖွယ်ရှိကြောင်းလည်း သိရသည်။

သတင်းရင်းမြစ်..ဧရာဝတီ



အကျပ်အတည်း ကာလ အမျိုးသားဒီမိုကရေစီအဖွဲ့ချုပ်ခေါင်းဆောင် ၂ ဦး၏ အမြင်များ


အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင် များသည် ရွေးကောက်ပွဲ ကော်မရှင်တွင် ပါတီမှတ်ပုံ တင်ရေး မတင်ရေး၊ ၂၀၁၀ ရွေးကောက် ပွဲတွင် ပါဝင်ရေး၊ မပါဝင်ရေး အတွက် မကြာမီ ရက်ပိုင်း အတွင်း ရန်ကုန်မြို့တွင် ဆွေးနွေးကြ တော့မည် ဖြစ်သည်။ ပါတီမှတ်ပုံတင်ပါမှ တရားဝင် ဆက်လက်ရပ်တည်နိုင်မည် ဖြစ်သော်လည်း NLD ခေါင်းဆောင် ဒေါ်အောင်ဆန်းစုကြည်က ပါတီမှတ်ပုံတင်ရန် ဆန္ဒမရှိကြောင်း အင်္ဂါနေ့က ပြောဆိုခဲ့သည်။ NLD ခေါင်းဆောင်ပိုင်း တွင်လည်း လက်ရှိ ကြုံတွေ့နေရသည့် အခြေအနေနှင့် ပတ်သက်ပြီး သဘောထား ကွဲပြားလျက်ရှိသည်။ ထိုသဘောထားများကို သိရှိရန် ဧရာဝတီက NLD ခေါင်းဆောင်များ ဖြစ်သော ဦးဝင်းတင်၊ ဦးခင်မောင်ဆွေတို့ကို ဆက်သွယ် မေးမြန်းထားပါသည်။


ဦးဝင်းတင်သည် ၁၉ နှစ်ကြာ အကျဉ်းကျခံခဲ့ရပြီး ဦးခင်မောင်ဆွေသည် ၁၄ နှစ်ကြာ အကျဉ်းကျခံခဲ့ရသူ ဖြစ်သည်။ ဦးဝင်းတင်က ပါတီမှတ်ပုံတင်ရေးကို ကန့်ကွက်လျက်ရှိပြီး ဦးခင်မောင်ဆွေက ပါတီမှတ်ပုံတင်သင့်သည်ဟု ယူဆနေသည်။




ဦးဝင်းတင်

မေး ။ ။ အကယ်၍ NLD မပါလို့ရှိရင်၊ ရွေးကောက်ပွဲ ၀င်မပြိုင်ဘူး ဆိုလို့ရှိရင် NLD ပါတီ ဘာဖြစ်မလဲ။ နောက်ပြီးတော့ အဆိုးရွားဆုံး ဘာအခြေအနေတွေကို NLD ကြုံရမလဲ။


ဖြေ ။ ။ ကျနော်တို့ ပါတီ မ၀င်ဘူးဆိုရင် သူတို့လုပ်နိုင်တာက ၂မျိုးရှိတယ်။ တမျိုးက ကျနော်တို့ကို မှတ်ပုံမတင် တဲ့ပါတီ၊ ပျက်ပြယ်သွားတဲ့ ပါတီပေါ့။ တည်ဆဲ အစိုးရမှာ မှတ်ပုံတင်ထားတဲ့ တည်ဆဲ ပါတီက ကျနော်တို့ကို အစိုးရ အသိမှတ်မပြုတဲ့ ဖျက်သိမ်းထားတဲ့ ပါတီအနေနဲ့ ဖြစ်နိုင်တယ်။ နောက်တခုက ကျနော်တို့ကို မတရားသင်း ကြေညာနိုင်တယ်။ အဲဒီတော့ NLD ပါတီက အပြင်ရောက်ရင် ဘာမှ မထူးဘူး ဒီအတိုင်းပဲ။ ကျနော်တို့က ပါတီ မရှိတော့ဘူး။ ပါတီတံဆိပ်မရှိတော့ဘူး။ ပါတီနာမည် မရှိတော့ဘူး။ ပါတီ အလံမရှိတော့ဘူး စသည်ဖြင့်ပေါ့။ သို့သော် အဲဒီလို လုပ်တဲ့အခါမှာ ဘာဖြစ်လဲဆိုရင် ကျနော်တို့ အကျိုး ဘက်ကြည့်မယ်ဆိုရင် ကျနော်တို့ သိက္ခာက အများကြီးတက်သွား လိမ့်မယ်။ စစ်အစိုးရ ခိုင်းတိုင်း ကျနော်တို့ လုပ်နေတာ မဟုတ်ဘူး။ စစ်အစိုးရရဲ့ မတရားတဲ့ ဥပဒေကို ကျနော်တို့ ရင်ဆိုင်တယ်။ မတရားတဲ့ ကန့်သတ်ချက်တွေ၊ သတ်မှတ်ချက်တွေကို ကျနော်တို့ လက်မခံဘူး ဆိုတဲ့ အနေနဲ့ ကျနော်တို့ ရှိမယ်။ ပြည်သူကြားမှာ ကျနော်တို့ လှုပ်ရှားနိုင်မယ်။

နောက်တခုက ပြည်သူ့အင်အားစုတွေနဲ့ ကျနော်တို့ အများကြီး တွဲလုပ်နိုင်မယ်။ နိုင်ငံရေးပါတီ ဆိုတာက ပါတီ တရပ်မှာ နိုင်ငံရေး မရှိလည်း ကိစ္စမရှိပါဘူး။ ပါတီတရပ်ဟာ နိုင်ငံရေး မရှိဘူးဆိုရင် ခေါင်းပြတ်ဖြစ်သွားမယ်။ သို့သော် နိုင်ငံရေးလုပ်မယ် ဆိုရင် ပါတီမရှိလည်း အရေး မကြီးဘူး ဆိုတဲ့ အနေနဲ့ ကျနော်တို့ ရပ်တည်နေတာကိုး။ ဆိုတော့ ပြည်သူရဲ့ အရေးအရာ ကိစ္စတွေကို ကျနော်တို့ လုပ်သွားနိုင်မယ်။ ဒီလိုလုပ်တာ ဦးနုလည်း လုပ်ခဲ့ဖူးပြီ။ ဟိုတုန်းက ဗိုလ်ချုပ်အောင်ဆန်းတို့လည်း လုပ်ခဲ့ဖူးပြီ။ အခုလောလောဆယ်လည်း တိုင်းရင်းသားတွေ လုပ်နေတယ်။ မတရားအသင်းလာ မကြေညာနဲ့။ ပြည်သူကြားမှာ ကျနော်တို့ လှုပ်ရှားနိုင်သေးတယ်။ ဒါက ကျနော်တို့ ဘက်က အကျိုးပေါ့။

မေး ။ ။ ၁၉၉၀ ရွေးကောက်ပွဲလိုပဲ NLD ၀င်ပြိုင်ရင် နိုင်ပါ့ဦးမလား။ နောက်ပြီတော့ အပြတ်အသတ်ကော ရနိုင်ဦးပါ့မလား။

ဖြေ ။ ။ ဘယ်ရမလဲ။ ဒါကတော့ ရှင်းပါတယ်။ အခုဟာက ကျနော်ပြောနေတာ ရွေးကောက်ပွဲကိစ္စကို သူတို့ မျှော်လင့်နေကြတယ်။ ကျနော်တို့က ရွေးကောက်ပွဲနိုင်ပြီးရင် လွှတ်တော်ထဲ ရောက်သွားရင် ၂၀၀၈ခုနှစ် အခြေခံဥပဒေ ဘောင်ထဲမှာ လုပ်နေရမယ် ဖြစ်တဲ့အတွက် အစိုးရ မဖွဲ့နိုင်ဘူး။ ဘာဖြစ်လို့လဲ ဆိုတော့ အခြေခံဥပဒေ အသစ်က ဘယ်သူမှ အစိုးရမဖွဲ့နိုင်ဘူး။ လွှတ်တော် ထဲမှာပဲ ရှိရမှာပဲ။ အကယ်လို့များ NLDက တယောက် နှစ်ယောက် ၀န်ကြီးခေါ်ခန့်ရင် တောင်မှ NLD ကထွက်ရမှာပဲ။ အဲဒီလူတွေ NLDက ထွက်ရမှာ။ ဒါဟာ အခြေခံ ဥပဒေ အရပဲ။

မေး ။ ။ ရွေးကောက်ပွဲ အပြီး ဖြစ်လာနိုင်မယ့် နိုင်ငံရေး အခြေအနေကို အဘ ဘယ်လိုမျိုး မြင်ထားသလဲ။

ဖြေ ။ ။ ဖြစ်နိုင်တာ နှစ်ခုပဲရှိတယ်။ စစ်တပ်ဘက်က ကြည့်ရင် သူတို့ လူတွေ နိုင်လာမယ်။ သူတို့ လက်သင့်ရာ ခေါ်နိုင်တဲ့ ပါတီတွေ နိုင်လာမယ်။ သူတို့ကို ကြောက်လန့်နေတဲ့ တိုင်းရင်းသား ပါတီလေးတွေက ပြည်နယ်တွေမှာ နိုင်လာမယ်။ နောက်ပြီး သူတို့ကိုယ်တိုင် ကြံ့ခိုင်ရေးလို ဟာတွေမျိုး အဖွဲ့ကို ပါတီကြီးလည်း ဖွဲ့မယ်။ ပါတီလေးတွေလည်း ဖွဲ့လို့ဦးမယ်။ ပါတီလေးတွေ ဆိုတာ ပြည်နယ်အလိုက် တိုင်းအလိုက် အမတ်နေရာတွေ ရအောင် လုပ်ဦးမယ် ဆိုတဲ့ အခါကျတော့ သူတို့ရဲ့ အနေအထားက ၁၉၉၀ ကနဲ့ မတူဘဲနဲ့ သူတို့ရဲ့ လူတွေ သူတို့ရဲ့ သားမြေးတွေ သူတို့ကိုယ်တိုင်က တိုင်းမှူးတွေ၊ ၀န်ကြီးတွေ၊ တော်လှန်ရေး ကောင်စီဝင်တွေ၊ ဒုဗိုလ်ချုပ်ကြီးတွေ ဖြစ်ပြီးတော့ သူတို့ ကိုယ်တိုင် ၀င်ပါမယ့် ရွေးကောက်ပွဲ ဖြစ်တဲ့ အတွက်ကြောင့် သူတို့ရဲ့ အလားအလာဟာ အများကြီး မြင့်လာမယ်။ ဆိုတော့ လွှတ်တော်ထဲမှာ နေရာ ရရှိမှုကလည်း များလာမယ်။

ကျနော်တို့ ပြည်သူတွေဘက် ကြည့်တဲ့ အခါမှာကျတော့ NLD ရှိမယ်၊ နောက်တခါ ဒီမိုကရေစီကို လိုလားတယ်ဆိုတဲ့ ကြွေးကြော်သံတွေ ကြွေးကြော်နေတဲ့ ကိုသုဝေတို့လို့ ပါတီတွေရှိမယ်။ ဒီလူတွေက နည်းနည်းပဲရမယ်။ သိပ်မရနိုင်ဘူး။ မရနိုင်ဘူးဆိုတာက ငွေရေး ကြေးရေး အားဖြင့် မတတ်နိုင်ဘူး။ နယ်မြေအတွင်း လွတ်လပ်စွာ စည်းရုံးပိုင်ခွင့် ဆိုတာ မတတ်နိုင်ဘူး။

အဲဒီတော့ ကြားလူတွေက ဘယ်လို ထွက်လာမလဲ ဆိုရင် ခုနက စစ်ဗိုလ်ကြီးတွေ အသိုင်းအ၀ိုင်းက ၊ တိုင်းမှူးတွေ၊ ၀န်ကြီးတွေ၊ ဗိုလ်မှူးတွေ ဆိုတာက တခု။ ဒီတလွှာ အပြင်ကို နောက် တလွှာ ဆိုလို့ရှိရင် အစိုးရ အဖွဲ့တို့ ဘာတို့က တလွှာ။ နောက်တလွှာက သူတို့တွေ အားပေးနေတဲ့ ကြံ့ခိုင်ရေးတို့၊ စွမ်းအားရှင်တို့ ဆိုတဲ့ ဟာတွေက တပြည်လုံး အတိုင်းအတာနဲ့လည်း ရှိမယ်၊ တိုင်းတို့ ပြည်နယ်တို့ အလိုက်လည်း ရှိမယ်။ ပါတီသေးလေးတွေ ရှိမယ်၊ ပါတီကြီးတွေလည်း ရှိမယ်။ တိုင်းရင်းသား ပါတီတို့၊ နောက်တခါ ဦးတေဇတို့လို စီးပွားရေး လုပ်ငန်းရှင်တွေ၊ ငွေကြေးတတ်နိုင်တဲ့ လူတွေ၊ ငါးကြင်းဆီနဲ့ ငါးကြင်းကြော်မယ့် လူတွေကလည်း အများကြီးရှိတဲ့ အခါကျတော့ အလွှာက ဘယ်လိုထွက်လာမလဲ ဆိုရင် စစ်တပ်ကို သက်သက် ဦးဆောင်မယ့် ဗိုလ်ချုပ်တွေ၊ တိုင်းမှူးတွေ၊ ၀န်ကြီးတွေ လုပ်မယ့်လူတွေက တလွှာဖြစ်မယ်။ နောက်တလွှာက သူတို့နဲ့ အလွန်ကို ရင်းနှီးတဲ့ ဦးတေဇတို့လို စီးပွားရေး အလွန်တောင့်တင်းတဲ့ အင်းအားစုတွေက တလွှာဖြစ်မယ်။ နောက်တခါ ဒီမိုကရေစီ ဘက်မှာ ရပ်တည်တယ် ဆိုတဲ့ ကိုသုဝေတို့ ဆိုတဲ့ဟာတွေက တလွှာရှိမယ်။ ဒါ့အပြင် တသီးပုဂ္ဂလတွေရှိမယ်။

ပြီးတော့ ဘာဖြစ်လာမလဲ ဆိုရင် လွှတ်တော်က တပိုင်းပေါ်မယ်၊ နှစ်ခုပေါင်းတဲ့ ပြည်သူ့ လွှတ်တော်က တပိုင်း ပေါ်မယ်၊ လူမျိုးစု လွှတ်တော်တွေက တပိုင်းပေါ်မယ်၊ ပြည်ထောင်စု လွှတ်တော်က ရှိမယ် စသည်ဖြင့်ပေါ့။ စစ်အစိုးရရဲ့ အခြေခံဥပဒေ အရ ဆိုရင် စစ်တပ်က ရွေးတဲ့ ဒုသမ္မတ တယောက်၊ လူမျိုးစု လွှတ်တော်တွေက ရွေးတဲ့ ဒုသမ္မတ တယောက်၊ ပြည်သူ့ လွှတ်တော်က ရွေးတဲ့ ဒုသမ္မတ တယောက်။ ဒီရွေးတဲ့ ဒုသမ္မတသုံးယောက် ကနေ တယောက်က သမ္မတလုပ်၊ နှစ်ယောက် ဒုသမ္မတလုပ်။ အစိုးရဖွဲ့မယ် ဆိုတဲ့ အခါကျတော့ ဒီအစိုးရထဲမှာ ဘယ်လိုမှ ပြည်သူ့ လွှတ်တော် ကိုယ်စားလှယ်တို့၊ NLD တို့ ဘယ်သူမှ ပါမှာ မဟုတ်ဘူး။ သူတို့ကနေပြီးတော့ မျက်စိကျလို့ ခေါ်ခန့်မယ် ဆိုရင်လည်း အဲဒီလူတွေက ပါတီကနေ ထွက်ရမယ်။




ဦးခင်မောင်ဆွေ

မေး။ ။ ပါတီမှတ်ပုံတင်ရေး၊ မတင်ရေးနဲ့ ပတ်သက်၍ အဓိက အကြောင်းပြချက် သုံးခုကို ပြောပြပါ။

ဖြေ ။ ။ တစ်အချက်က ဒေါ်အောင်ဆန်းစုကြည်ဟာ အဖွဲ့ဝင်တင် မကဘူး ပြည်သူလုထုကြီးကပါ လေးစားပြီး အားကိုးနေတဲ့ ပုဂ္ဂိုလ်ဆိုတော့ သူ့ကိုတော့ နိုင်ငံရေး ဖြစ်စဉ်ထဲကနေ ခွဲထုတ်မယ် ဆိုတဲ့ ရည်ရွယ်ချက် လုံးဝ မရှိဘူး။ ထုတ်လို့လည်း မရဘူး။ ဒေါ်အောင်ဆန်းစုကြည် မပါဘဲနဲ့ မြန်မာပြည်နိုင်ငံရေးကို ဖြတ်သန်းမယ် ဆိုရင် မဖြစ်နိုင်ဘူးဆိုတာ လက်တွေ့ပဲ။ မှတ်ပုံတင်ရေးဟာ ဘာကြောင့်လဲဆိုတော့ ဒေါ်အောင်ဆန်းစုကြည်ကို ပြန်ပြီးတော့ ၆လဒဏ်တွေ၊ ၇လဒဏ်တွေ ကြားထဲမှာ ပြန်ထွက်လာတဲ့ အခါမှာ နိုင်ငံရေးပါတီရဲ့ အ၀န်းအ၀ိုင်းထဲမှာ ဆက်ရှိနေစေချင်တဲ့ သဘောရှိတယ်။ မလွဲမသွေ ကျနော်တို့ဟာ ပါတီတရပ် လိုတယ်။

နှစ်အချက်က တော့ အခုနေခါမှာ ပါတီနိုင်ငံရေး လမ်းကြောင်းက သွားမှသာလျှင် အခြေခံဥပဒေ ပြင်ရေး၊ ပြည်တွင်းငြိမ်းချမ်းရေး၊ အမျိုးသား ပြန်လည် သင့်မြတ်ရေး အစရှိတဲ့ဟာတွေကို ဥပဒေ အတွင်းကနေ ဖော်ဆောင် နိုင်မှသာလျှင် ဒါဟာ ဖြစ်နိုင်တဲ့ သဘောရှိတယ်။ မကြိုက်တဲ့ ဥပဒေတွေကို မကြိုက်ဘူး အော်နေလို့ မရဘဲနဲ့ ဥပဒေတွေကို ပြင်နိုင်တဲ့ လမ်းကြောင်းက ဥပဒေတွင်း တိုက်ပွဲကသာလျှင် ဖြစ်နိုင်တော့မယ်လို့ ယုံကြည်လို့ ဖြစ်တယ်။

သုံးအချက်ကတော့ အဲဒီလို ဖြစ်နေတဲ့ အနေအထားမှာ ပြန့်ကျဲ နေတဲ့ ဒီမိုကရေစီ အင်အားစုတွေကို စုစည်းမယ်ဆိုတဲ့ အဖွဲ့ချုပ်ရဲ့ ရပ်တည်ချက်ကို ပြောင်းပြန်လှန် ပြီးတော့ ပြန့်ကျဲသွားအောင် မလုပ်နိုင်ဘူး။ တချိန်တည်းမှာပဲ လူငယ်မျိုးဆက်တွေက ဒီမိုကရေစီ နိုင်ငံရေးကို သယ်ဆောင်ဖို့ အတွက် အမျိုးသား ဒီမိုကရေစီ အဖွဲ့ချုပ်ရဲ့ နိုင်ငံရေး အစဉ်ကို ခွစီးနိုင်အောင် ပါတီထဲက ရှိနေဖို့လိုတယ် ဆိုတဲ့ အမြင် သုံးရပ်နဲ့ ကျနော်တို့ဟာ ပါတီကို မှတ်ပုံတင်သင့်တယ် ဆိုတဲ့ သဘောထားကို လက်ခံထားတာ ဖြစ်ပါတယ်။

ပါတီဖျက်တယ် ဆိုတာက ဘယ်အခါမဆို ဖျက်လို့ရတယ်။ ရွေးကောက်ပွဲ ၀င်ခါနီးမှာလည်း ကပ်ဖျက်လို့ရတယ်။ လွှတ်တော်ထဲကို ရောက်ခါနီးမှာလည်း ဖျက်လို့ရတယ်။ ပါတီဖျက်တာက လွယ်ပါတယ်။ ပါတီထောင်ဖို့သာ ခက်တယ်။ နိုင်ငံရေး တိုက်ပွဲကို အစီအစဉ် ရှိရှိသွားချင်တယ် ဆိုရင်တော့ ပါတီရပ်တည်ရေးက လိုနေတယ်။ ပါတီ မရှိတော့ဘူးဆိုရင် ဘာလုပ်မလဲဆိုတာ ရေရေရာရာ မရှိဘဲနဲ့တော့ ပါတီဖျက်ရေးကို သမိုင်း တရားခံ အဖြစ်မခံနိုင်ဘူး ဆိုတဲ့ သဘော ကျနော်ရပ်တည် တာပဲ ဖြစ်ပါတယ်။

မေး ။ ။ အကယ်၍များ NLD ပါတီဟာ ရွေးကောက်ပွဲမှာ ၀င်ရောက်ယှဉ်ပြိုင်မယ် ဆိုလို့ရှိရင် NLD ပါတီဘာ ဖြစ်လာနိုင်မလဲ။ အကယ်၍များ NLD ပါတီ မယှဉ်ပြိုင်တော့ဘူး ဆိုရင် NLD ပါတီ ဘာဖြစ်လာနိုင်မလဲ။

ဖြေ ။ ။ ၀င်ပြိုင်မယ် ဆိုရင်တော့ ဒီအတိုက်ခံ အင်အားစုတွေဟာ ထင်ထင်ရှားရှား ပေါ်လာမှာပဲ။ နိုင်ငံရေးမှာ အတိုက် အခံ မရှိဘဲနဲ့ လုပ်မယ် ဆိုလို့ရှိရင် တပါတီ ကြီးစိုးပြီးတော့ ပါလီမန်ထဲမှာ အများစု အနိုင်ကျင့်တာကို ခံရမှာ။ အတိုက်ခံ မရှိတဲ့ နိုင်ငံရေးဟာ မှားနိုင်စရာတွေ အများကြီးတယ်။ အဲဒီတော့ ပြည်သူအတွက်၊ နိုင်ငံအတွက် စဉ်းစားမယ်ဆိုရင် အတိုက်ခံ နိုင်ငံရေး အုပ်စုက လွှတ်တော်ထဲမှာ ရှိမှသာလျှင် လုပ်သွားနိုင်တဲ့ အခွင့် အရေးရမှာ မို့လို့ NLD ပါတီဟာ ပါတီရပ်တည်ရေး အပြီးမှာ ရွေးကောက်ပွဲဝင် မယ်ဆိုရင် အများက ဆုံးဖြတ်မယ်ဆိုရင် ၀င်ဖို့၊ အများက မဆုံးဖြတ်ဘူးဆိုရင် မ၀င်ဖို့ဘဲပေါ့။

မ၀င်လို့ရှိ ရင်ဘာဖြစ်မလဲ ဆိုတော့ မ၀င်လို့ရှိရင် ၈၈ အရေးတော်ပုံကြီးနဲ့ အတူမွေးဖွားလာတဲ့ အမျိုးသား ဒီမိုကရေစီ အဖွဲ့ချုပ်လို ဒီမိုကရေစီ နိုင်ငံရေး ပေါ်မှာ သစ္စာရှိတဲ့ ပါတီမျိုးဟာ နောက်တခါ ပြန်ရဖို့ မလွယ်တော့ပါဘူး။ ပြန့်ကျဲနေတဲ့ ဒီမိုကရေစီ အင်အားစုတွေကို ပြန်ရရှိနိုင်ဖို့ သိပ် မလွယ်တော့ဘူး။ နောက်ပြီး ပြည်သူတွေဟာ ဘယ်သူ့ကို အားကိုးရမလဲ ဆိုပြီးတော့ မဲပေးတဲ့ အခါမှာလည်းပဲ စဉ်းစား ချင့်ချိန်နိုင်တဲ့ အင်အား တနေရာတည်းမှာ ရောက်နိုင်မှာ မဟုတ်ဘူး။ အခုနေခါမှာတော့ NLD ဟာ ရွေးကောက်ပွဲ ၀င်မယ် မ၀င်ဘူး ဆိုတာကို မဆုံးဖြတ်ရသေးပါဘူး။ မေးလို့သာ ဖြေတာ ဖြစ်ပါတယ်။

မေး ။ ။ အကယ်၍ NLDပါတီ ၀င်ရောက်ယှဉ်ပြိုင်မယ် ဆိုရင် ၁၉၉၀ တုန်းကလိုပဲ အပြတ်အသတ် နိုင်ပါဦးမလား။

ဖြေ ။ ။ အပြတ်အသတ်ကတော့ ရချင်မှ ရမယ်။ ဒါပေမယ့် ဒီအားပြိုင် နိုင်ငံရေးကို လွှတ်တော်ထဲမှာ တရားဝင် လုပ်နိုင်တဲ့ အနေအထားမျိုးတော့ ရနိုင်ခြေ ရှိနေသေးတယ်လို့ပဲ ပြောရပါမယ်။

မေး ။ ။ မြန်မာနိုင်ငံရဲ့ ရွေးကောက်ပွဲ နောက်ပိုင်း ဖြစ်ပေါ်လာနိုင်မယ့် မြန်မာနိုင်ငံရဲ့ အခင်းအကျင်းကို ဘယ်လို မြင်ထားတာ ရှိလဲ။

ဖြေ ။ ။ စစ်တပ်က လွှမ်းမိုး ချုပ်ကိုင်တာကတော့ ဆက်ရှိနေမှာပဲ။ ရှိနေပေမယ့်လည်း ရှိနေတဲ့ အရပ်သားအစိုးရ ထဲမှာ ဌာနတွေ ခွဲကိုင်မယ့် ပုဂ္ဂိုလ်တွေဟာ ဟိုတုန်းကလို တယောက်တည်း ကနေပြီးတော့ ချုပ်ကိုင်တဲ့ အာဏာအောက်မှာ ရှိမှာ မဟုတ်တော့ဘူး။ ဘာဖြစ်လို့လဲ ဆိုတော့ နိုင်ငံခြားရေး၊ စီးပွား ကုန်သွယ်ရေး အစရှိတဲ့ ဟာတွေမှာ သူတို့နဲ့ ပတ်သက်ရာ ပတ်သက်ကြောင်း လူတွေလက်ထဲကို အကုန်လုံး ထိုးသိပ်ရနိုင်တဲ့ အခွင့် အရေးတွေ ရမှာမဟုတ်တော့ဘူး။ နောက်ပြီး အခုလက်ရှိ ရှိနေတဲ့ ရွေးကောက်ပွဲ ဥပဒေတွေ အပါအ၀င်၊ ပါတီ ဥပဒေ အပါအ၀င်၊ ၅(ည)တို့ (၁၀) က၊ ခ အပါအ၀င် ပြည်သူတွေ အဖို့ မသင့်လျော်တဲ့ ဥပဒေတွေကို ပြင်ဆင်နိုင်ခွင့်ဟာ အများစုမှာ ရှိနေပါတယ်။

အဲဒီတော့ အများစု ဆန္ဒနဲ့ ဆုံးဖြတ်နိုင် ခွင့်ရှိတဲ့ ကိစ္စကို လွှတ်တော်ထဲမှာ အများစု ဆုံးဖြတ်သွားနိုင်မယ် ဆိုရင် တဖြည်းဖြည်းနဲ့ တဆင့်ပြီး တဆင့် ဥပဒေတွေကို ပြင်နိုင်ခွင့်တွေ ရမှာ ဖြစ်တယ်။ အခြေခံ ဥပဒေ ပြင်ရင်တော့ ၇၅ရာခိုင်နှုန်း plus နဲ့ သွားရမှာပေါ့လေ။ ဒါကတော့ အဆင့်ဆင့် အများကြီး ကျန်တာပေါ့လေ။ ဒီထဲမှာ ရှိနေတဲ့ ပြည်သူလူထုရဲ့ ခံစားနေရတဲ့ လူမှု ဒုက္ခတွေ၊ လူ့အခွင့်အရေး မညီမျှမှုတွေကို လွှတ်တော်ကနေပြီး အတိုင်းအတာ တခု အထိ ဖြည်းဖြည်းချင်း ဆောင်ရွက်သွား နိုင်ခွင့်တွေ ရလာလိမ့်မယ်။ ဒါကို လက်တွေ့ကျမှပဲ တိတိကျကျ သိရမှာပေါ့။

နောက်ပြီးတော့ နိုင်ငံတကာဟာ ဒီမှာ အပြောင်း အလဲတခုကို သူတို့ ကိုယ်တိုင် ၀င်ပြီးတော့ မလုပ်နိုင်ဘူး ဆိုတာ သူတို့ သိနေတယ်။ ဆိုတဲ့ အခါကျတော့ ချက်ချင်း ဒီမိုကရေစီ ရမယ့် အခွင့် အရေးဟာ မရှိတော့ဘူး။ မရှိတော့တဲ့ အခြေအနေမှာ ချက်ချင်း ၀ုန်ဒိုင်း ဒီမိုကရေစီ ရနိုင်ပါတယ်လို့ ထင်မှားနေမယ် ဆိုလို့ရှိရင် သွားမယ့် နိုင်ငံရေး လမ်းကြောင်းဟာ မှန်မှန်ကန်ကန် ရွေးချယ်နိုင်မှာ မဟုတ်ဘူး။ အဲဒီတော့ ပြည်သူလုထုမှာ သွေးထက် သံယို မရှိဘဲနဲ့ အကျအရှုံး အနည်းဆုံးနဲ့ သွားနိုင်တဲ့ လမ်းကြောင်းကို ရွေးခြင်းကသာ နိုင်ငံရေး ခေါင်းဆောင်တွေရဲ့ တာဝန်ဖြစ်တယ်လို့ ကျနော်တို့က ယူဆတယ်။

ရင်းမြစ်...ဧရာဝတီ

26 March 2010

မတ်လ(၂၆)ရက်ကိုပိုင်ဆိုင်ထားတဲ့မွေးနေ့ရှင် ဇေယျာသော်(ခ)ကျော်ကျော် အတွက်အမှတ်တရ..။






ကြားလား မြင်လား မေ၀၀ါးနဲ့...သူငယ်ချင်း


ငါပြောတာကို မင်းကြားပါစ ?
ဒါမှ မဟုတ်,
ငါ့စကားဟာ နားခါးစေတာမို့
မကြားသလိုများ နေ,နေလိုက်တာလား ?
သောကတွေ တပွေ့တပိုက်နဲ့ မင်းတို့ငါတို့ရဲ့ ဘ၀
ချွတ်ခြုံကျ ၊ ဒုက္ခတွေက အထွေထွေ
ဒီအမှန်တရားတွေကို...
မကြားဘဲမနေလိုက်ပါနဲ့......သူ* *ငယ်ချင်း ။ ။

'မြင်အောင်ကြည့်ပါ'လို့ ငါကပြောတော့
မင်းကဖြေတယ်,
'မြင်တယ်လေမြင်တယ်' ၊ 'မြင်နေသားဘဲ'တဲ့ ။
ဒါပေမယ့် မင်းရဲ့အမြင်က ဘာလဲ ?
သတိပဋ္ဌာန်တရားတွေ ရှု့တ်ပွားနေသလို
'မြင်တယ်' လို့မှတ် ၊ 'မြင်သိစိတ်' မှာတင်ရပ် နေရင်
ဟောဒီ လောကီအရေးမှာ..
အလုပ်ဟာ မဖြစ်သေးဘူး.....သူငယ်ချင်း ။

မင်းကြားနေတဲ့ ငါ့စကားနဲ့ ပတ်ဝန်းကျင်အသံ
မင်းမြင်နေတဲ့ ပုံမှန်မဟုတ် လူလုပ်တဲ့လောကဓံ
မင်းဝေဖန် ဆန်းစစ်ကြည့်ပါ ။
ဒီကာလမှာ မကြားသလို မမြင်သလိုနဲ့
ယောင်ယောင်ဝါးဝါးလုပ်နေဖို့ကို
အချိန်တွေမပိုတော့ဘူး..သူငယ်ချင်း။

မင်းတို့ငါတို့ ဘ၀တွေဟာ
'နမောတေ' ဂါထာ အခါခါရွတ်ရုံနဲ့ဘဲ
ဒီအချုပ်အနှောင်ထဲက လွတ်ကြမှာလား ?
မင်းနဲ့ ငါ့ရဲ့ လုပ်ရပ်များဟာ
လတ်တလောအတွက်လဲ မကြီးပွား
နောင်, နတ်သိကြား မလေးစားရင်နေပါ
'အမှန်တရား' တော့ ဖြစ်ဖို့လိုတယ်...သူငယ်ချင်း ။


ဒါပေမယ့်,
လိုချင်တာ 'အမှန်တရား' မှာ
လိုနေတာ 'ရဲဝံ့ခြင်းများ' ဆိုရင်
မျှော်လင့်ချက်သစ်ပင် မရှင်သန်နိုင်ဘူး ။
မကြိုက်တာကို ငြင်းဖယ်လွှဲပြီး
ကြိုက်တာကိုလဲ တောင်းဆိုရဲရမယ် ။
မနှက်သက်တာတွေ မဖြိုဖျက်နိုင်ဘဲ
နှက်သက်တာလဲ မထူထောင်နိုင်သမျှ
ငါတို့ တော်လှန်ရေးက
မပြီးဆုံးသေးဘူး...သူငယ်ချင်း ။

မင်းရဲ့နားကို အစွမ်းကုန် စွင့်ပါ
(အသံစုံကို ကြားအောင်လို့)
မင်းရဲ့အမြင် အစွမ်းကုန် ဖွင့်ပါ
(မညီတာတွေ မြင်စေဖို့)
ကြားလား ?..... မြင်လား ?.... မေ၀၀ါးနဲ့
ငါပြောတာကို မင်းကြားပါစ...သူငယ်ချင်း ။



ဇေယျာသော် ၁၂ရက်နေ့ ဧပြီလ ၂၀၀၈ခုနှစ်
(ထောင်တွင်းမှရေးသားပေးပို့သည့် ကဗျာ)..။

ဇေယျာသော်သည် ဟစ်ဟော့ ဂီတ ပုံစံသစ်ခေတ်တစ်ခေတ်ကို မိတ်ဆက်ပေးနိုင်ခဲ့သည့် ဟစ်ဟော့ အဆိုတော်တစ်ဦး ဖြစ်သည်။ နာမည်ရင်းမှာ ကျော်ကျော်ဖြစ်သည်။

မြန်မာနိုင်ငံတွင် ဟစ်ဟော့ဂီတကို စပြီးမိတ်ဆက်ပေးခဲ့သောအဖွဲ့မှာ ACID အဖွဲ့ဖြစ်ပြီး စတင်ခြင်း အယ်လဘမ် ဖြစ်သည်။ ဇေယျာသော်၊ အနဂ္ဂ၊ ဟိန်းဇော်(ကွယ်လွန်)၊ Rဇာနည်ရန်ရန်ချမ်းတို့ ပါဝင်သည့် အက်စစ်တေးဂီတအဖွဲ့ သည် မြန်မာနိုင်ငံ၌ အနုပညာ၊ စီးပွားရေးအရပါ ပထမဆုံး အောင်မြင်ကျော်ကြားခဲ့သည့် ဟစ်ဟော့ပ်ဂီတအဖွဲ့ဖြစ်သည်။

၂၀၀၈ ခုနှစ် မတ်လ ၁၂ ရက်နေ့တွင် ဆရာစံလမ်းမရှိ စားသောက်ဆိုင် တစ်ဆိုင်တွင် ဇေယျာသော်နှင့် အပေါင်းပါ၆ဦးအားစစ်အာဏာပိုင်များ၏ဖမ်းဆီးခံခဲ့ရခြင်းဖြစ်သည်။

ဇေယျာသော်သည် Generation Waveမျိုးဆက်သစ်လူငယ်များအစည်းအရုံးကိုဦးဆောင်ပါဝင်ခဲ့

သူတယောက်လည်းဖြစ်ပါသည်.။


၂၀၀၈-ခုနှစ်၊ နိုဝင်ဘာလ(၂၀)ရက်နေ့တွင် ဇေယျာသော် အသက်(၂၇) နှစ်ကို နိုင်ငံခြားငွေ ကိုင်ဆောင်မှု ပုဒ်မ ၂၄/၁ အရ ထောင်ဒဏ် ၁ နှစ်၊ တရားမ၀င် အသင်းအဖွဲ့ ပုဒ်မ ၆/၈၈ နှင့် ၅ နှစ်၊ စုစုပေါင်း ထောင်ဒဏ် ၆ နှစ် ချမှတ်လိုက်ပြီး ယခု ကော့သောင်ထောင်တွင် ကျခံနေရသည်။



ယနေ့ကျရောက်တဲ့ (၂၉)နှစ်မြောက်ဇေယျာသော်မွေးနေ့မှာသူ၏ကဗျာ များပြန်လည်ဖော်ပြ
ခြင်းသာဖြစ်ပြီး
ဇေယျာသော်အား ဤနေရာမှဂုဏ်ပြုလိုက်ပါသည်.။ယနေ့စပြီး မြန်မာနိုင်ငံရဲ့အကျဉ်းထောင်(ခ)မြန်မာနိုင်ငံရဲ့ငရဲခန်းမှအမြန်ဆုံးလွတ်မြောက်နိုင်
ပါစေလို့ မွေးနေ့မှာဆုတောင်းပေးလိုက်တယ်.။

မြတ်လေးငုံ

အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) က အဖွဲ့ချုပ်နဲ့ ပတ်သက်တဲ့ သဘောထားထုတ်ပြန်

NLD LA s Statement About NLD Amp Party Registration

နအဖစစ်တပ်လူမဆန်စွာဖြင့် ရွာတွင်းဝင်ရောက်ပစ်ခတ်မှုကြောင့်အမျိုးသမီးနှင့် လူမမယ်ကလေးငယ်(၃)ဦးသေဆုံး..



တောထဲတွင် ထွက်ပြေးနေရသည့် ညောင်လေးပင်ခရိုင်မှ ကလေးငယ်များ (ဓါတ်ပုံ - ကေအိုင်စီ)



ညောင်လေးပင်ခရိုင်တွင် ယမန်နေ့ညနေက နအဖ စစ်တပ်၏ ရွာတွင်းဝင်ရောက်ပစ်ခတ်မှုကြောင့် အပြစ်မဲ့ အမျိုးသမီးနှင့် ကလေးငယ် သုံးဦး သေဆုံးသွားခဲ့သည်ဟု ဒေသခံတဦးက ကေအိုင်စီကို ပြောသည်။


ယမန်နေ့ညနေ ၄း၃၀နာရီအချိန်တွင် နအဖ အမှတ်(၈) စစ်ကွပ်ကဲရေး လက်အောက်ခံတပ်ရင်းဖြစ်သည့် ခမရ(၃၆၉)သည် ရွှေ ကျင်မြို့နယ်၊ ဟောထာ့ကျေးရွာသို့ ၀င်ရောက်လာပြီး ရွာသူရွာသားများကို ပစ်ခတ်ရာ ကလေးငယ်နှစ်ဦးနှင့် အမျိုးသမီးတဦး မှာ သေဆုံးသွားခဲ့ပြီး အမျိုးသမီးတဦးမှာ ပြင်းထန်စွာ ဒဏ်ရာရရှိခဲ့သည်ဟု အဆိုပါဒေသခံက ယခုလို ပြောသည်။


“နအဖ စကခ(၈) လက်အောက်ခံ ခမရ(၃၆၉)တပ်ရင်းက ဟောထာ့ရွာကို မနေ့ညနေပိုင်းက ၀င်ပစ်တယ်လေ။ အဲလိုပစ်တော့ နော်လားပွယ် ၃၇နှစ်၊ နော်ဖောဘို ၅နှစ်နဲ့ ငါးလသားအရွယ် စောထီးပလာထူးတို့ သေဆုံးသွားခဲ့တယ်။ ဒီသေဆုံးသွားတဲ့ ကလေးတွေရဲ့အမေ နော်ဖာလာ ၂၇နှစ်ကတော့ ၀မ်းဗိုက်မှာ ဒဏ်ရာအပြင်းအထန် ရရှိသွားတယ်လေ”ဟု ဆိုသည်။

အဆိုပါ တပ်ဖွဲ့ဝင်များသည် ထိုပစ်ခတ်မှုနှင့် တဆက်တည်း ဟောထာ့ရွာရှိ အိမ်ခြေ ၉လုံးကိုပါ မီးရှို့ဖျက်ဆီးပစ်ခဲ့သော်လည်း ၎င်းတပ်ရင်းအား မည်သူဦးဆောင်သည်ကို လက်ရှိအချိန်တွင် သတင်းအတိအကျ မစုံစမ်းနိုင်သေးပေ။နအဖ တပ်ဖွဲ့ဝင်များသည် ညောင်လေးပင်ခရိုင်အပြင် ယခုလအတွင်း တောင်ငူခရိုင်၊ ထန်းတပင်မြို့နယ်တွင်လည်း လူနေအိမ် များအပြင် ဥယျာဉ်ခြံပေါင်း ၁၀၀ကျော်ကို မီးရှို့ခဲ့သေးသည်။


ကရင်ပြည်နယ်၊ တောင်ငူခရိုင်တွင် စစ်ကွပ်ကဲရေးဌာနချုပ်(၇) လက်အောက်ခံတပ်များ လှုပ်ရှားနေသလို ညောင်လေးပင်ခရိုင် တွင် စစ်ကွပ်ကဲရေးဌာနချုပ်(၈) လက်အောက်ခံ တပ်ရင်းများက လှုပ်ရှားလျှက်ရှိပြီး ထိုဒေသများရှိ ကျေးရွာများကို လက်နက် ငယ်ကြီးများဖြင့် ပစ်ခတ်ခြင်း၊ နေအိမ်၊ ဥယျာဉ်ခြံများ မီးရှို့ခြင်းများကို ယခုနှစ်ဆန်းပိုင်းမှစ၍ ပိုမိုလုပ်ဆောင်လာခဲ့သည်။




မီးလောင်ကျွမ်းနေသည့် ညောင်လေးပင်ခရိုင်မှ လူနေအိမ်နေရာ (ဓါတ်ပုံ - ကေအိုင်စီ)



သတင်းရင်းမြစ်...ကရင်သတင်းစဉ်



နအဖစစ်တပ်ရက်စက်မှုကြောင့်ခင်ပွန်းသည်အားသတ်ဖြတ်ခံရ၊ ရင်သွေးငယ်မှာ ပြေးလွှားရင်းသေဆုံး...

ကရင်နီပြည် ရှားတော့မြို့နယ် လဲဒူခေါကျေးရွာသားများသည် စစ်အစိုးရ၏ ညှင်းပန်းနှိပ်စက် သတ်ဖြတ်မှုဓါဏ်မှ လွတ်မြောက်ရန် တောတွင်းထွက်ပြေးတိမ်းရှောင်နေခဲ့ရပြီး ထွက်ပြေးနေသည့် အတောအတွင်း ခရီးကြမ်းတန်းမှုဓါဏ်ကြောင့် မွေးကင်းစကလေးငယ်တဦး အသက်ဆုံးရှုံးသွားခဲ့ရသည်။

အိမ်ခြေ ၂၀ ကျော်ရှိသော လဲဒူခေါ ကျေးရွာအတွင်းသို့ စစ်တပ်မှ မကြာခဏ၀င်ရောက်ပြီး ရွာသားများအား သူပုန်ထောက်ခံမှုဖြင့် စွပ်စွဲကာ နှိပ်စက်သတ်ဖြတ်သောကြောင့် ရွာလုံးကျွတ်ထွက်ပြေးတိမ်းရှောင်ကြရသည်။

“ ကျမယောက်ျားက အရင်နှစ်က ဗမာစစ်သားတွေက သူ့နဲ့ တခြားရွာသားတွေနဲ့အတူ အသတ်ခံလိုက်ရတယ်။ အဲမှာဆက်နေရင် အလုပ်မလုပ်နိုင်တော့လို့ ဒီဖက်ကို ထွက်ပြေးလာဖို့ ဆုံးဖြတ်ခဲ့ရတာပါ။ ပြေးလွားလာရင်းနဲ့ ဒီကိုမရောက်ခင်မှာ ကျမရဲ့ မွေးခါစ ၂ ပတ်အရွယ်ခလေး ဆုံးရှုံးလိုက်ရတယ်။” ဟု ရင်သွေးငယ်ဆုံးရှုံးသွားသော မိခင်ကပြောပါသည်။

၂၀၀၉ ခုနှစ် ဇွန်လ ၂၀ ရက်နေ့တွင် ဖယ်ခုံအခြေစိုက် စကခ ၇ လက်အောက်ခံ တပ်ရင်းမှူး ရဲထဏ်ဦးဆောင်သည့် ခမရ ၄၂၁ စစ်ကြောင်းမှ လဲဒူခေါကျေးရွာနေ ရွာသား ၆ ဦးကို ခေါ်ဆောင်သွားပြီး ပွန်ချောင်းတနေရာတွင် သတ်ဖြတ်လိုက်ကြသည်။ ထိုရွာသား ခြောက်ဦးထဲတွင် မိမိ၏ခင်ပွန်းသည်ပါဝင်ကြောင်း ကျန်ရစ်သူဇနီးကပြောသည်။

ခင်ပွန်းသည်နှင့် ရင်သွေးငယ်ဆုံးရှုံးသွားခဲ့သော အဆိုပါအမျိုးသမီးသည် လဲဒူခေါကျေးရွာသူဖြစ်ပြီး ယခုလအစောပိုင်းက ရွာသူရွာသား ၁၀၀ ခန့်ဖြင့် ထိုင်းနိုင်ငံနယ်စပ်ဒုက္ခသည်စခန်းသို့ ထွက်ပြေးလာခဲ့သည်။




သတင်းရင်းမြစ်..ကန္တာရ၀တီတိုင်း(မ်)

ဒဏ်ခတ်ပိတ်ဆုိ့ရေး တိုးမြှင့်ရန် တောင်းဆိုမည်ဟု လွှတ်တော်ကိုယ်စားလှယ် (၂) ဦး ပြောကြား




မြန်မာစစ်အုပ်စုကို ၂၀၁၀ ရွေးကောက်ပွဲမတိုင်မီ ဒဏ်ခတ်ပိတ်ဆို့အရေးယူမှု တိုးမြှင့်လုပ်ဆောင်သွားရန် ဥရောပသမဂ္ဂအပါအ၀င် မိမိတို့အစိုးရကို တင်ပြတောင်းဆိုသွားမည်ဟု ထိုင်းနယ်စပ်သို့ရောက်ရှိနေသည့် ဘယ်လ်ဂျီယံနိုင်ငံမှ လွှတ်တော်ကိုယ်စားလှယ် (၂) ဦးက ပြောကြားသည်။

ဘားမားကမ်ပိန်း ဘယ်လ်ဂျီယံအဖွဲ့ဝင်အချို့နှင့် လွှတ်တော်ကိုယ်စားလှယ် (၂) ဦးဖြစ်သည့် ဆိုရှယ်လစ်ပါတီမှ Ms. Karin Lalieux နှင့် Green ပါတီမှ Ms. Juliette Boulet တို့သည် လက်ရှိမြန်မာ့အရေးနှင့်ပတ်သက်၍ ထိုင်း-မြန်မာနယ်စပ်တွင် ပြည်ထောင်စုမြန်မာနိုင်ငံအမျိုးသားကောင်စီ (အန်စီယူဘီ) အဖွဲ့နှင့် ယနေ့တွေ့ဆုံဆွေးနွေးစဉ် ပြောကြားခြင်းဖြစ်သည်။

Ms. Juliette Boulet က “အန်စီယူဘီနဲ့တွေ့ပြီး ပြည်တွင်းနဲ့ ဒီဘက်ကအခြေအနေတွေကို ပိုပြီး တွေ့ရတယ်။ ဒီဘက်ကလည်း ၂၀၁၀ ရွေးကောက်ပွဲကို ဖိအားပေးဖို့ တောင်းဆိုတာတွေ ရှိတယ်။ ကျမတို့ ဒီကပြန်ပြီး ဘယ်လ်ဂျီယံအစိုးရကို တင်ပြမှာဖြစ်တယ်။ ဘယ်လ်ဂျီယံအစိုးရဟာ ဒီနှစ်ကုန်မှာ ဥရောပသမဂ္ဂဖြစ်မယ်ဆိုတော့ မြန်မာစစ်အုပ်စုကို ဒဏ်ခတ်ပိတ်ဆို့ အရေးယူမှုတွေကို ဖိအားပေးသွားဖို့ ဒီရွေးကောက်ပွဲမတိုင်မီ ကြိုးစားသွားမယ်” ဟု ပြောသည်။

မြန်မာစစ်အုပ်စုကို ဒဏ်ခတ်အရေးယူမှုသည် တနိုင်ငံလုံးကို မထိခိုက်သည့်နည်းဖြင့် လုပ်ဆောင်၍ရသော်လည်း အချို့နိုင်ငံများက လိုက်နာဆောင်ရွက်မှုမရှိကြောင်း အမှန်တကယ်လိုက်နာပါက စစ်အုပ်စုနှင့်အပေါင်းပါများကို လုံးဝအထိနာစေမည်ဟု အန်စီယူဘီက ပြောသည်။

အန်စီယူဘီ အထွေထွေအတွင်းရေးမှူး ဦးမောင်မောင်က “နအဖကို စီးပွားရေးအရေးယူမှု အမေရိကန်ကလွဲပြီး ဒီနေ့အထိ ဘယ်သူမှမလုပ်ဘူး။ ဥရောပက အရေးယူမှုရှိတယ်ဆိုတာ ပြောနေပေမယ့် အခုထိ ကုန်တွေ သွားနေတယ်။ နိုင်ငံတနိုင်ငံကို တလ ဒေါ်လာ (၄) သန်းလောက် သွားနေသေးတယ်။ အထည်ချုပ်၊ စားသောက်ကုန်၊ သွင်းကုန်ထုတ်ကုန်လုပ်ငန်းမှာ ဒါတွေ ရှိနေတဲ့အတွက် ဖိအားပေးတာကို တောင်းဆိုတဲ့သူအနေနဲ့ နာမည်ပျက်ရုံသက်သက်ပဲ ရှိတယ်” ဟု ပြောသည်။

စစ်အုပ်စုကို အထိနာစေမည့်နည်းလမ်းကို ဥပမာပေးပြီး ပြောကြားရာတွင် အာမခံလုပ်ငန်းကို ပိတ်ပစ်လိုက်ပါက သင်္ဘောနှင့်လေယာဉ်များ လာရောက်တော့မည် မဟုတ်သည့်အပြင် ကုန်သည်များ၊ နိုင်ငံခြားခရီးသွားများ လာရောက်မှု ရပ်ဆိုင်းလျှင် စစ်အုပ်စုနှင့်တိုက်ရိုက်ပတ်သက်သည့် လုပ်ငန်းရှင်များအပေါ် သက်ရောက်မှုရှိပြီး အများပြည်သူအပေါ် သက်ရောက်မှုမရှိဟုလည်း ၎င်းက ပြောသည်။

ဆက်လက်၍ “နောက်တခုက ယူရိုငွေကို ပိတ်ကြည့်ပါလား ဘာဖြစ်သွားမလဲ။ မြန်မာပြည်က အလုပ်သမား လယ်သမားတွေ (၁) ယူရို၊ (၁) ဒေါ်လာတောင် မတွေ့ဖူးဘဲနဲ့ ဆုံးသွားတာတွေ အများကြီးပဲ။ ဒီငွေတွေကို ကိုင်စွဲတာက စစ်အုပ်စုနဲ့ အပေါင်းပါတွေပဲ ဖြစ်တယ်။ သူတို့ကို အမေရိကန်က ပိတ်သလို အီးယူဆုံးဖြတ်ချက်ထဲမှာပါတဲ့အတိုင်း ငွေကြေးနဲ့ပတ်သက်တဲ့ လုပ်ငန်းကို ပိတ်ပင်မှ တကယ့်ဖိအားတွေ ပေါ်လာမယ်လို့ သူတို့ကို ဆွေးနွေးလိုက်တာဖြစ်တယ်” ဟု ဦးမောင်မောင်က ပြောသည်။

အဆိုပါ လွှတ်တော်ကိုယ်စားလှယ်များနှင့်အဖွဲ့သည် ထိုင်း-မြန်မာနယ်စပ်ရှိ မြန်မာ့အရေးဆောင်ရွက်နေသည့် အဖွဲ့များအပြင် ပြည်တွင်းအိုးအိမ်မဲ့ ရွာပုန်းရွာရှောင် ဒုက္ခသည်များနှင့်လည်း သွားရောက်တွေ့ဆုံခဲ့သည်။

အဆိုပါအဖွဲ့ကို ဦဆောင်လာသည့် ဘားမားကမ်ပိန်းယူကေအဖွဲ့မှ နန့်ဇိုယာဖန်းက “ဘားမား ကမ်ပိန်းယူကေအဖွဲ့က မြန်မာပြည်အရေးအတွက် လှုပ်ရှားနေပြီး လန်ဒန်မှာအခြေချတယ်။ ဥရောပတခုလုံးမှာ လှုပ်ရှားနေတယ်။ လက်ရှိ မြန်မာပြည်အရေးက တိုးတက်မှုမရှိသေးဘူး။ ဒီအခြေအနေကို ပြောင်းလဲနိုင်ဖို့ ပြန်ကြည့်တဲ့အခါ နိုင်ငံတကာရဲ့ ဖိအားပေးမှုဟာ လိုအပ်နေတဲ့အတွက် ဥရောပမှာရှိတဲ့ ပါလီမန်အမတ်တွေ၊ သတင်းသမားတွေ၊ မြန်မာ့အရေးဆောင်ရွက်နေတဲ့ အဖွဲ့အစည်းတွေ နယ်စပ်ကိုလာပြီး မြန်မာ့အရေးကို သူတို့ စာနာနားလည်မှုပိုရအောင်၊ နောက်ပြီး ကုလသမဂ္ဂကတဆင့် စုံစမ်းစစ်ဆေးပြီး ကော်မရှင်တခုဖွဲ့ပြီး စစ်ခေါင်းဆောင်တွေ ကျူးလွန်နေတဲ့ ပြစ်မှုတွေကို ထိရောက်စွာ အရေးယူနိုင်ဖို့အတွက် ရည်ရွယ်ချက်နဲ့ ဒီခရီးစဉ်ကို လာတာပါ” ဟု ခေတ်ပြိုင်သို့ ပြောသည်။

အဆိုပါအဖွဲ့တွင် လွှတ်တော်ကိုယ်စားလှယ်များနှင့် ဘားမားကမ်ပိန်းယူကေ၊ ဘားမားကမ်ပိန်း ဘယ်လ်ဂျီယံနှင့် သတင်းဌာနများ၊ မြန်မာ့အရေး ဆောင်ရွက်နေသည့်အဖွဲ့ဝင်များ ပါဝင်သည်။

သတင်းရင်းမြစ်..ခေတ်ပြိုင်

အမျိုးသားဒီမိုကရေစီအဖွဲ့ချုပ် တာဝန်ရှိသူများကိုနိုင်ငံခြားသံတမန်များ တွေ့ဆုံ

အမျိုးသားဒီမိုကရေစီအဖွဲ့ချုပ် တာဝန်ရှိသူတွေကို ပြင်သစ်သံအမတ် အပါအ ဝင် နိုင်ငံခြားသံတမန်တချို့က တွေ့ဆုံပြီး အဖွဲ့ချုပ်လုပ်ငန်းတွေကို မေးမြန်းသွားပါတယ်။ ရန်ကုန် ရွှေဂုံတိုင်လမ်းရှိ အဖွဲ့ချုပ်ရုံးချုပ်ကို မြန်မာနိုင်ငံဆိုင်ရာပြင်သစ်သံအမတ်ကြီး၊ တောင်ကိုရီးယားသံမှူးတို့က ဒီနေ့လာရောက်တွေ့ဆုံသွားတာလို့ အဖွဲ့ချုပ်ပြန်ကြားရေးအဖွဲ့ဝင် ဦးဉာဏ်ဝင်းက ပြောကြားပါတယ်။


“တောင်ကိုရီးယားနိုင်ငံကသံမှူးတဦးနဲ့ တောင်ကိုရီးယား စီအောမြို့ကနေ ဗမာပြည်လာ လည်တဲ့ သံမှူးတဦးတို့ ဒီနေ့ ၂ နာရီလောက်မှာ သူတို့နဲ့တွေ့ပါတယ်၊ ကိစ္စကတော့ အထူး အထွေ သတ်မှတ်ထားတာမရှိပါဘူး၊ နောက်ဆုံး အန်အယ်ဒီရဲ့အခြေအနေတွေ အန်အယ်ဒီရဲ့ ရှေ့လုပ်ငန်းစဉ်တွေကို မေးတဲ့သဘောပါပဲ။



ပြင်သစ်သံအမတ်ကြီးက ကျနော့်ကို ၃ နာရီမှာတွေ့ပါ တယ်၊ မနေ့က ဒေါ်အောင်ဆန်းစုကြည်က မှတ်ပုံတင်ခြင်း၊ ရွေးကောက်ပွဲသဘောထားတွေကို မေးပါတယ်။ ကျနော်တို့ကလည်း အရှိအတိုင်း ကျနော်တို့သိတာကို ပြောပြခဲ့ပါတယ်။” နအဖရဲ့ ရွေးကောက်ပွဲဥပဒေနဲ့ပတ်သက်ပြီး တရားစွဲတဲ့လျှောက်လွှာကို တရားရုံးဝန်ထမ်း တွေက ငြင်းပယ်လိုက်တဲ့အတွက် ဆက်လက်ဆောင်ရွက်ဖို့ စီစဉ်နေတယ်လို့လည်း ဦးဉာဏ်ဝင်းက ပြောပါတယ်။ ဒီတရားစွဲတဲ့ကိစ္စဟာ ပါတီမှတ်ပုံတင်ရေးမတင်ရေးနဲ့ မသက်ဆိုင်ဘဲ သီးခြား ဆက်လက် ဆောင်ရွက်သွားမှာပါလို့လည်း ဆိုပါတယ်။



ရွေးကောက်ပွဲဥပဒေတွေဟာ တရားမျှတမှုမရှိတဲ့အ တွက် အဖွဲ့ချုပ်မှတ်ပုံတင်ရေးကို လက်မခံနိုင်ဘူးလို့ ဒေါ်အောင်ဆန်းစုကြည်က သူ့ရဲ့ဆန္ဒကို မနေ့ကပဲ ထုတ်ဖော်ပြာကြားထားပါတယ် အဖွဲ့ချုပ်အနေနဲ့ ပါတီမှတ်ပုံမတင်၊ ရွေးကောက်ပွဲမဝင်ဘဲ အတိုက်အခံပါတီအဖြစ် ဆက် လက်ရပ်တည်လို့ မဖြစ်နိုင်ဘူးလားဆိုတာနဲ့ပတ်သက်ပြီး ဦးဉာဏ်ဝင်းက အခုလို ပြောကြားပါ တယ်။ “အန်အယ်ဒီအနေနဲ့တော့ ရပ်တည်ခွင့်မရှိဘူး၊ အန်အယ်ဒီအလံမရှိဘူး၊ အန်အယ်ဒီဆိုင်း ဘုတ်မရှိဘူး၊ ဒါပေမယ့် နိုင်ငံရေးအရ ဒီလိုဆုံးဖြတ်ခြင်းအားဖြင့် ပိုမိုပြီးတော့ ပြည်သူထောက်ခံမှု ရမယ်၊ ပိုမိုပြီးတော့ နိုင်ငံရေးလှုပ်ရှားနိုင်တယ်လို့ ကျနော်တို့ ယုံကြည်ပါတယ်။”



ဒေါ်အောင်ဆန်းစုကြည်နဲ့ မနေ့ကတွေ့ခွင့်ရတုန်းက လက်ရှိနိုင်ငံရေးအခြေအနေအ ကြောင်း ဆွေးနွေးကြပြီး တရားဥပဒေဘောင်အတွင်းက ဆောင်ရွက်ရမယ့် လုပ်ငန်းတာဝန်တချို့ကို ဒေါ်အောင်ဆန်းစုကြည်ကညွှန်ကြားလိုကြောင်း၊ ဒီအကြောင်းကို အခုလောလောဆယ် မပြောပြနိုင်ကြောင်း ဦးဉာဏ်ဝင်းက ပြောကြားပါတယ်.။


သတင်းရင်းမြစ်..DVB

25 March 2010

ပျက်ဖြစ် ကိုကျော်သူ....

KO KTလူဆိုသည်မှာ မွေးပြီးလျှင်သေကြမည်သာဖြစ်သည်။

သတ္တ၀ါမှန်သမျှ ဖြစ်လိုက်ပျက်လိုက် ဖြစ်တော့သည်။

ဒါကတော့ . . . တရားသဘောအရပင်။ သို့သော် ကျွန်ုပ်တို့၏ ပေးဆပ်မှုများကတော့ . . . ပျက်လိုက်ဖြစ်လိုက် (ပျက်ဖြစ်)ပင် ဖြစ်တော့သည်။

ဤတွင် . . . ကျွန်ုပ်တို့သည် တရားသဘောကို ဆန့်ကျင်ခြင်းမဟုတ်ပါ။

ကျွန်ုပ်တို့သည် ဗုဒ္ဓ၏ဟောကြားချက်ကို ဖီလာပြုခြင်းမဟုတ်ပါ။

ကျွန်ုပ်တို့သည် ဒိဋ္ဌိအယူစွဲများ မဟုတ်ပါ။

ကျွန်ုပ်တို့သည် ထေရ၀ါဒ ဗုဒ္ဓဘာသာဝင် စစ်စစ်များသာဖြစ်သည်။

မေတ္တာ၊ ဂရုဏာ၊ မုဒိတာ၊ ဥပေက္ခာကို လက်ကိုင်ပြု၍ ကျင့်ကြံပွားများနေသူတို့သာ ဖြစ်သည်။

ထို့ကြောင့် ကျွန်ုပ်တို့သည် . . . ``ဖြစ်ပျက်´´လောကကြီးထဲတွင် ရပ်တည်နေကြရင်းနှင့် အများအတွက် အကျိုးရှိစေမည့်၊ အကျိုးပြုစေမည့် ကုသိုလ်ကောင်းမှုများကို လုပ်ကိုင်ရာ၌ ``ပျက်ဖြစ်´´ လုပ်ငန်း၊ လမ်းစဉ်တို့ကို ကျင့်သုံးမိတော့သည်။

အကြောင်းရင်းကို ရှင်းပြရသော် . . . ကျွန်ုတို့၏ လူမှုရေးအသင်းဖြစ်သော နာရေးကူ ညီမှုအသင်း (ရန်ကုန်)၏ လုပ်ငန်းစဉ်များတွင် သေဆုံး (ဘ၀ပြောင်း)သွားသူတို့၏ ရုပ်ကလာပ် များကို သင်္ဂြုလ်ပေးခြင်းတို့သည် ဖြစ်ပျက်ကို ရှုခြင်းပင်ဖြစ်သည်။ မွေးလာလျှင် သေဆုံးဖို့ ခြေလှမ်းခြင်းပင်ဖြစ်သည်။ ဘယ်နေ့သေမည်၊ ဘယ်အချိန်သေမည်၊ ဘယ်နေရာတွင် သေမည် ကိုတော့မသိနိုင်။ သို့သော် . . . သုခကုသိုလ်ဖြစ်ဆေးခန်း၏ လုပ်ဆောင်ချက်၊ ပေးဆပ်မှုများ သည်ကား ပျက်ဖြစ်ပင်ဖြစ်တော့သည်။

အဘယ့်ကြောင့်ဆိုသော် . . . လူဆိုသော သတ္တ၀ါတို့သည် မွေးဖွားခြင်း (ပဋိသန္ဓေနေခြင်း) နှင့် ခန္ဓာအိမ်မှ ထွက်ခွာမှု (သေဆုံးခြင်း) ဆိုသည့် ကြားကာလတွင် စားဝတ်နေရေးအတွက် ရုန်းကန်လှုပ်ရှား သံသရာလည်ပတ်နေကြသည်။ ထိုသံသရာစက်ဝိုင်းအတွင်း လည်ပတ်နေစဉ်ကာလ၌ အကြောင်းကြောင်းကြောင့် ခြေလက်ကျိုးပဲ့ခြင်း၊ အစာအိမ်ထိခိုက်ခြင်း၊ နှလုံးထိခိုက်ခြင်း၊ မျက်စိထိခိုက်ခြင်း စသဖြင့် ခန္ဓာကိုယ်၏ ဦးခေါင်းမှ ခြေဖ၀ါးအဆုံး ဖေါက်ပြန်/ ပျက်ဆီးဆုံးရှုံးခြင်းများကို အပျက်သဘောအားဖြင့် ကြုံတွေ့ကြရမည်ဖြစ်သည်။ သက်မဲ့ပစ္စည်းများဖြစ်သော နာရီ၊ ပန်ကာ၊ မော်တော်ယာဉ်၊ စက်ဘီးစသည်တို့လည်း ဖန်တီး/ ပြုပြင်ထိန်းသိမ်းခြင်းအားဖြင့် "ဖြစ်” ၍ သုံးစွဲ/ယိုယွင်းခြင်းအားဖြင့် “ပျက်”ခြင်း တို့ပင်ဖြစ်တော့သည်။ ယင်း သက်မဲ့ပစ္စည်းများ ချို့ယွင်း ပျက်စီးခဲ့ပါက လူသားတို့သည် ပြန်လည်ပြုပြင်သုံးစွဲကြသကဲ့သို့ လူသားတို့၏ ချို့ယွင်း ဖျက်ဆီးမှု တို့ကို မည်သူတို့က ပြန်လည်ပြုပြင်မွမ်းမံမှုများကို လုပ်မည်နည်း။

လူအချင်းချင်း စာနာစိတ်များထားရှိရန် ကျွန်ုတို့၏ တာဝန်ပင်ဖြစ်တော့သည်။
လူအချင်းချင်း မေတ္တာစိတ်များပွားများရန် ကျွန်ုတို့၏ တာဝန်ပင်ဖြစ်တော့သည်။
လူအချင်းချင်း ဂရုဏာစိတ်များထားရှိရန် ကျွန်ုတို့၏ တာဝန်ပင်ဖြစ်တော့သည်။

ဤတာဝန်၊ ၀တ္တရား၊ ခံယူချက်တို့ကို မည်သူတစ်ဦးတစ်ယောက်ကမှ လာရောက် ခိုင်းစေတာဝန်ပေးအပ်ခြင်းမဟ
ုတ်။ ကျွန်ုပ်တို့၏ လူပီသသော အသိဥာဏ်၊ လူပီသသော ခံယူ ချက်၊ လူပီသသောဝတ္တရားများသည် ဖြတ်သန်းလာခဲ့ရသောဘ၀ရဲ့ သင်ခန်းစာ၊ ဘ၀ရဲ့ အတွေ့အကြုံ၊ ဘ၀ရဲ့ နာကျည်းချက်၊ ဘ၀ရဲ့ဒဏ်ရာဒဏ်ချက်များနှင့် ပဏ္ဍိတဆရာသမားများ ၏ ဆုံးမမှုများကြောင့် ကျွန်ုပ်တို့ကိုယ် ကျွန်ုပ်တို့ ပြုပြင်ပြောင်းလဲမှုများလုပ်ကာ ဗုဒ္ဓရဲ့လမ်းစဉ် အတိုင်းလျှောက်လှမ်း ကြခြင်းပင် ဖြစ်သည်။

ဤသို့ ဗုဒ္ဓရဲ့လမ်းစဉ်၊ ဗုဒ္ဓရဲ့အလိုတော်ကျ လျှောက်လှမ်းရင်း ကျွန်ုပ်တို့၏ ပျက်ဖြစ် ပေးဆပ်မှုများ၊ ပျက်ဖြစ်စာနာမှုများ၊ ပျက်ဖြစ် ဂရုဏာထားမှုများကို ရှင်းပါအံ့။

သုခကုသိုလ်ဖြစ်ဆေးခန်းသို့ လာရောက်ပြသကြသော လူနာများသည် ကျန်းမာရေး ထိခိုက်၍ လာကြခြင်းဖြစ်သည်။ သူတို့၏ ခန္ဓာမှ သွေးသားဖေါက်ပြန်မှုများကြောင့် သွေးသား ပျက်စီးမှုကြောင့် လာရောက်ပြသခြင်းဖြစ်သည်။

ဤသို့သော ပြုပြင်ကုသပေးနိုင်သော လုပ်ရပ်များကို ကျွန်ုပ်တို့သည် လူသားအချင်း ချင်း ဂရုဏာစိတ်ထားကာ ကုသိုလ်ဖြစ် အခမဲ့ပြုပြင်ကုသပေးမှုများ လုပ်ခဲ့သည်မှာ မရေတွက် နိုင်တော့ပါ။ ကုသိုလ်ဖြစ်ကုသပေးသော ဆရာဝန်ကြီးများနှင့် ကျွန်ုပ်တို့၏ ထောက်ပံ့ပေးသော ဆေးဝါးများကြောင့် ``အပျက်´´ (နေမကောင်းဖြစ်ခြင်း) မှ နောက်ဆုံး အကြောင်းကြောင်းကြောင့် ပျက်ရသော သေခြင်းတရားမတိုင်ခင် ``အဖြစ်´´ (ကျန်းမာနေကောင်း လာခြင်း) သို့ ရောက်ရှိလာစေရန် စွမ်းဆောင် ပေးနိုင်ခြင်းဖြစ်သည်။

ထိုနည်းတူစွာပင် မျက်စိတိမ်စွဲ၍ အမြင်အာရုံမရှိသော လူနာများအတွက် မျက်စိခွဲစိတ် ပေးကာ အမှောင်ဘ၀မှ အလင်းဘ၀သို့ ရောက်အောင် စွမ်းဆောင်ပေးဆပ်ခြင်းမှာလည်း အထက်ဖော်ပြပါ အကြောင်းအလို့ငှါ အပျက်မှအဖြစ်သို့ လုပ်ဆောင်ပေးခြင်းပင် မဟုတ်ပါလား . . . .

အောက်ဖေါ်ပြပါ အထွေထွေ ရောဂါဝေဒနာသည်များနှင့် မျက်စိဝေဒနာရှင်တို့၏ ``အမှောင်မှ အလင်း´´ ``အပျက်မှအဖြစ်´´ ဘ၀သို့ရရှိရန် ရောက်ရှိလာကြသော သုခကုသိုလ်ဖြစ်ဆေးခန်း လူနာတို့၏ ရင်တွင်းခံစားချက်တို့နှင့် ဓါတ်ပုံများကို တင်ပြလိုက်ရပါသည်။

အထွေထွေ လူနာများ၏ ဓါတ်ပုံများနှင့် ရင်တွင်းခံစားချက်များ



မျက်စိဝေဒနာရှင်များ၏ ဓါတ်ပုံများနှင့် ရင်တွင်းခံစားချက်များ



ထိုနည်းတူစွာ . . . ကျွန်ုပ်၏ နှလုံးသားထဲ သတ်သတ်မှတ်မှတ် ဖြစ်ပေါ်လာခဲ့သော အဘ ဦးသန်းမြင့်နှင့် ကျွန်ုပ်ဆုံဆည်းမှုကို တင်ပြပါမည်။
လွန်ခဲ့သော ( ၄ )နှစ်ခန့်က ကျွန်ုပ် ရုပ်ရှင်ရိုက်ကွင်းသွားစဉ် ဗျိုင်းရေအိုးစင် (တာမွေ) မြို့နယ်တွင် အဖိုးအိုတစ်ဦး သစ်သားထောက်တံဖြင့် လမ်းကို တစ်လှမ်းခြင်း လျှောက်လှမ်းနေ သည်ကို မြင်တွေ့ရ၍ အဘအတွက် ငွေတစ်ထောင်လှူခဲ့သည်မှ စတော့သည်။

ဦးသန်းမြင့် - တာမွေ (Wheel Chair)



အဘနာမည်က ဦးသန်းမြင့်ပါ။ ကမ္ဘာကျော်လ္ဘက်ရည်ဆိုင်၊ ပရိဘောဂဆိုင် တာမွေပလာဇာနဲ့ မျက်နှာချင်းဆိုင်ရှေ့မှာ နေတယ်။ နာဂစ်ပြီးမှ အဘ ဒီိကိုရောက်လာတာ။ ဟိုတုန်းကတော့ ၁၅၇ လမ်းက မိတ်ဆွေတစ်ယောက် အိမ်မှာနေတယ်။ သူတို့ ရွှေပြည်သာကို ပြောင်းသွား တယ်။ အဘကို ထားခဲ့ကြတယ်။ ထားခဲ့တဲ့အတိုင်း အဘ နေတာပဲ။

အတိတ်ရယ်၊ ပစ္စုပ္ပန်ရယ်၊ အနာဂတ်ရယ် အဘပြောချင်တာက အတိတ်ကို ထားလိုက်တော့ အခုပစ္စုပ္ပန်မှာ အဘကို ဦးကျော်သူက ကူညီခဲ့လို့ အခုပစ္စပ္ပုန်မှာ အဘ ရပ်တည်နေနိုင်တာ မနက်ဖြန် အဘ ဘာဖြစ်မလဲ မပြောနိုင်ဘူး။ လမ်းထွက်သွားရင် ယာဉ်အန္တရာယ် ယာဉ်ကြော အဘ တိမ်းရှောင်ပြီး သွားနေရတယ်။ အဘ ဆေးရုံက ဆင်းလာတယ်။ တစ်နှစ် တိတိ သူများအိမ်မှာ နေတယ်။ စိတ်ဖိစီးမှုဒဏ် အဘခံစားခဲ့ရတယ်။ သာမာန်လူကောင်း တစ်ယောက် မဟုတ်ဘူး။ သူများလို အလူမီနီယံနဲ့ မသွားနိုင်ဘူး။ သစ်သားလေးချောင်း ထောက်လေးနဲ့ ကျွန်းသားနဲ့ လုပ်ထားတာလေးနဲ့ အဘ ဟော..ဒီလို ထော့နဲ့ ထော့နဲ့ သွားရတယ်။

ပထမဦးဆုံး ဦးကျော်သူနဲ့ ဗျိုင်းရေအိုးစင်လမ်းရဲ့ လမ်းအလယ်ခေါင်မှာ လက်တစ်ဖက်က ပတ်တီးလေးနဲ့ ကားခေါင်းခန်းမှာ ထိုင်နေတယ်။ အဘ မိုးရေထဲမှာ ဖြေးဖြေးနဲ့သွားတယ်။ သူက လက်ထဲမှာ တစ်ထောင်တန် ထုတ်ပေးပြီးလှူတယ်။ အော် .. ဦးကျော်သူ သူက မုတ်ဆိတ်မွှေး၊ ပါးသိုင်းမွှေးတွေနဲ့ အဘကို တစ်ထောင်တန် ပေးတယ်။ အော် .. ဦးကျော်သူ ကျွန်တော် လက်မခံပါရစေနဲ့ ဘာဖြစ်လို့လဲ အဘလို့ သူက ပြန်မေးတယ်။ ကျွန်တော် ခင်ဗျားကို ဘာအလုပ်တစ်ခုမှ လုပ်မပေးခဲ့ဖူးဘူး .. မဟုတ်ဘူး .. ကျွန်တော် သဒ္ဒါပေါက်လို့ အဘကို လှူတာပါတဲ့ .. အချိန်မရွေး လိုအပ်တဲ့ အကူအညီ ရှိရင်ပြော ကျွန်တော် ဆီလာခဲ့ပါတဲ့ .. တစ်နှစ်ပြည့်တဲ့ အခါကျမှ အဘကို ယောဂီဝတ်နဲ့ အဘွားကြီး တစ်ယောက်က ဦးသန်းမြင့် ရှင် .. ဦးကျော်သူဆီ သွားပြီး အကူအညီ တောင်းကြည့်ပါလား .. သွားနိုင် လာနိုင်အောင်လို့ပေါ့ .. ရရင်လည်း ရမယ် .. မရရင်လဲ မရဘူးပေါ့။ ဒါနဲ့ အဘလည်း TAXI အငှားကားလေးနဲ့ သင်္ဃန်းကျွန်းမှာရှိတဲ့ နာရေးကူညီမှု ရုံးကိုသွားပြီး သူ့ကို အကူအညီတောင်းတယ်။ ဟိုလဲရောက်ရော ဦးကျော်သူက ကင်မရာယူပြီး အဘကို ဓါတ်ပုံရိုက်တယ်။ သောကြာနေ့မှာ သွားတယ်။ တနင်္လာနေ့မှာ Wheel Chair လာပေးတယ်။ အဘ အိပ်မက်ထဲတောင် မမက်ခဲ့ဘူး။ အဲဒီ Wheel Chair ပေးတဲ့နေ့က အဘကို ဦးကျော်သူ ကိုယ်တိုင်လာခေါ်တယ်။ ဟိုလည်းကျရော အဘ ဒီမှာ Wheel Chair တဲ့ .. ကျွန်တော် ကူညီမယ်လို့ ပြောထား ပြီးပြီတဲ့ .. အဘ ပီတိတွေဖြစ်ပြီး မျက်ရည်တွေ ကျတယ်။ ဦးကျော်သူ ဘာပြောလဲသိလား … ?

`` ကျွန်တော်လိုချင်တာ ဒါပဲတဲ့ .. လူတစ်ယောက်ရဲ့ ၀မ်းသာပီတိကို .. ။ ´´

မြန်မာနိုင်ငံမှာ သန်းပေါင်းမြောက်များစွာ ချမ်းသာတဲ့ လူတွေအများကြီး ရှိတယ်။ ဆင်းရဲတဲ့ လူတွေလည်း အများကြီးရှိတယ်။ အဲဒီ ဆင်းရဲ၊ ချမ်းသာ ဒွန်တွဲနေတဲ့ထဲမှာမှ အဘကို လှူနိုင်တဲ့လူ သူဟာ ဦးကျော်သူ တစ်ယောက်ပဲ ရှိတယ်။



သံဃာတော်တွေ ဆန္ဒပြတုန်းက စစ်ကားတွေ Round လှည့်နေတယ် .. လူတိုင်းက ပြောတယ် .. ခင်ဗျားတဲ့ ဒီစာတန်းလေး ဖြုတ်ထားလိုက်ပါလား .. ဘာလို့ ဖြုတ်ရမှာလဲ .. ဒါ……..ကိုယ့်ရဲ့ အသက်သခင် ကျေးဇူးရှင် .. ဒီ Wheel Chair အနောက်က စာတန်းက အဘရဲ့ ရင်ထဲက ဖြစ်ပေါ်လာတဲ့ ဆန္ဒနဲ့ ရေးထိုးထားတာ



ကျွန်တော် ညအိပ်ရာဝင်တော့မယ်ဆို အမြဲတမ်း ဦးကျော်သူက ကျွန်တော့်ထက် အသက် အများကြီး ငယ်ပါတယ်။ ကျန်းမာပါစေ .. ချမ်းသာပါစေ .. အမြဲတမ်း ကျွန်တော် မေတ္တာပို့တယ်။ ဟိုတစ်ခါကိစ္စနဲ့ ပတ်သက်ပြီးတော့ အဘ BBC နားထောင်တယ်။ VOA နားထောင်တယ်။ လူများတွေက လာပြောတယ်။ သူတို့ပြောတာတွေ အဘ ကိုယ့်ဦးနှောက်နဲ့ ချင့်ချိန်လိုက်တယ်။ ဘာဖြစ်လို့လဲ .. မှန်တာလုပ်ရင်တော့ အမှန်အတိုင်းပဲ ဖြစ်ရမှာပဲ .. အချိန်တန်တော့ အမှန်တိုင်းဟာ အမှန်တရားအတိုင်း သူ့ဟာသူ ပြီးသွားတာပဲ။ အလင်းတန်း ဂျာနယ် အဘ အပါတ်တိုင်း ၀ယ်ဝယ်ဖတ်တယ်။ ဟိုတုန်းကဆို ဦးကျော်သူပုံ နာရေးကူညီမှု အသင်း အလှူငွေ လက်ခံတဲ့ပုံ အမြဲတမ်းပါတယ်။ အခု လုံးဝသူ့ နာမည် မပါဘူး။ သူ့ ဓါတ်ပုံတွေလည်း မတွေ့ရတော့ဘူး။ အခုကြည့် ခိုင်ရွှန်းလဲ့ရည် နာရေးကူညီမှုအသင်း အလှူငွေ လှူဒါန်းတာတွေ ဘာတွေ ဦးကျော်သူ နာမည်တစ်ချက် မပါဘူး .. ဓါတ်မှန်ခန်းအတွက် ဆိုလားပဲ …. ။



နောက်ပိုင်း ဟိုကိစ္စနဲ့ ပတ်သက်ပြီးကတည်းက လုံးဝ သူ့ပုံ မပါတော့ဘူး။ လွန်ခဲ့တဲ့ မနှစ်က ၁၂ လပိုင်းလား မသိဘူး။ ကျားကွက်သစ်မှာ နာရေးအတွက် ဦးကျော်သူကား ကျောက်မြောင်းလမ်းကနေ ကွေ့ဝင်သွားတော့ အဘ တွေ့လိုက်တာနဲ့ အဘချက်ချင်း Wheel Chair တွန်းပြီး လိုက်သွားတာ .. ခုနက နိဗ္ဗာန်ယာဉ် ဘယ်သွားလဲ .. ? အဲ့ဒီဘက်ကို ဆင်းသွားတယ်တဲ့ .. ဓမ္မ၀ိဟာရလမ်း ထဲကနေ။ ဟိုး .. စိုင်းထီးဆိုင်နေတဲ့လမ်းလေ။ ဟိုး .. ကျားကွက်သစ်ကျတော့ လမ်းကလည်း တော်တော်ဆိုးတာ .. အဘ သွားလဲသွားရော သူနဲ့ထိပ်တိုက် တွေ့ရော .. စကားပြောဖြစ်တယ်။ ကျွန်တော့်ကို ရုပ်ရှင်လဲ မရိုက်ရအောင် .. ဗီဒီယိုလဲ မရိုက်ရအောင် အကုန်လုံးပိတ်ထားတယ်။ အဲ့တော့ ဦးကျော်သူက နှုတ်ခမ်းမွှေး .. ပါးသိုင်းမွှေးနဲ့ အသားတွေမည်းပြီး ဆံပင်လည်း ရှည်လာတယ်။ လွန်ခဲ့တဲ့ ၄ နှစ်လောက် Wheel Chair လှူတုန်းက ဟို ဘုန်းကြီးကျောင်းမှာလေ ရုပ်ရည်များဆို တခြားစီပဲ ယူပစ်သလိုကို ဖြစ်သွားတာပဲ။ အဘကြည့်ပြီးတော့လေ စိတ်မကောင်းလိုက်တာ . . . . ။

ဦးကျော်သူကနေပြီး အဘအတွက် T-Shirt လေးလဲ လက်ဆောင်ပေးလိုက်တယ်။ အဘရဲ့ ကျန်းမာရေးအတွက် လိုအပ်တဲ့ ဆေးဝါးဓါတ်စာများ ၀ယ်ယူဖို့အတွက် ဦးကျော်သူကနေ ပိုက်ဆံ ၁၀၀၀၀/- (တစ်သောင်းကျပ်)ကို ထပ်မံလှူဒါန်း လိုက်ပါတယ်။ ဘုန်းကြီးကျောင်းဆေးခန်းကို တစ်ခါ နေမကောင်းလို့လေ .. Wheel Chair နဲ့ တာမွေကုန်းကနေ တက်ပြီးတော့ သုခဆေးခန်းလေး အဲဒီနေ့ သောက်ဆေးတွေလဲ အများကြီးပေးလိုက်တယ်။ အဘကို ပိုက်ဆံ ၃၀၀၀/- (သုံးထောင်ကျပ်) ထပ်ပေးလိုက်သေးတယ်။ အဘ ထမင်းဝယ်စားနော် .. လ္ဘက်ရည်သောက်နော် .. ကျွန်တော် လက်မခံ ပါရစေနဲ့ပြောလဲ မရဘူး အတင်းပဲ။ သူ့အမျိုးသမီး ဒေါ်မြင့်မြင့်ခင်ဖေ က အဘတဲ့ အဘကို ဒီတစ်ခါပဲ တွေ့ဖူးသေးတယ်တဲ့ အရင်တုန်းက ဓါတ်ပုံထဲမှာပဲ တွေ့ဖူးတယ်တဲ့။ ဦးကျော်သူတစ်ယောက် ကျန်းကျန်းမာမာ ချမ်းချမ်းသာသာနဲ့ စိတ်၏ချမ်းသာခြင်း ကိုယ်၏ကျန်းမာခြင်းနဲ့ ရှိပါစေလို့ ကျွန်တော် နှုတ်ဆက်လိုက်ပါတယ်။ ။

အဘ ဦးသန်းမြင့်ကဲ့သို့ပင် မြန်မာနိုင်ငံတစ်ဝှမ်းရှိ ဆင်းရဲနွမ်းပါး၍ မသန်မစွမ်းဖြစ်နေသူ တို့ကိုလည်း ကျွန်ုပ်တို့ တတ်နိုင်သည့်ဖက်မှ ကူညီပံ့ပိုးမှုများကို လုပ်ဆောင်ပေးခဲ့မှုများအား အောက်ပါပုံများနှင့် တင်ပြအပ်ပါသည်။





အချုပ်ဆိုရသော် . . . ကုသိုလ်ပြုရာတွင် လူသည် တိရစ္ဆာန်ထက်သာသလို အကုသိုလ် ပြုရာတွင်
လူသည် တိရစ္ဆာန်ထက်သာနိုင်သည်။

လူလေးမျိုှးရှိရာ၌ . . . အမှောင်ကလာပြီး . . . အမှောင်သွားမည့်လူ၊
အလင်းကလာပြီး . . . အမှောင်သွားမည့်လူ၊
အမှောင်ကလာပြီး . . . အလင်းသွားမည့်လူ၊
အလင်းကလာပြီး . . . အလင်းသွားမည့်လူ ဟူ၍ ရှိသည်။
ကျွန်ုပ်တို့သည်ကား အလင်းကလာပြီး . . . အလင်းသွားမည့် လူဖြစ်အောင် ကြိုးစားနေကြသည်။

သို့ကြောင့် . . . ဖြစ်ခြင်းနှင့် ပျက်ခြင်း
ရှင်ခြင်းနှင့်သေခြင်းတို့တွင် သေခြင်းသည် အဆန်းမဟုတ်။ ``ကံ´´ တစ်ခုနဲ့ ပိုင်းခြားလိုက်သည့်အတွက် ဘ၀တစ်ခု ကုန်ဆုံးသွားခြင်းဟုဆိုငြားသော်လည်း မသေခင်စပ်ကြား … ခံစားနေရသော ဝေဒနာ၊ မစွမ်းမသန်ဖြစ်မှုများကို ကျွန်ုပ်တို့ တတ်နိုင်သလောက် ပျက်ခြင်းမှ ဖြစ်ခြင်းသို့ ရောက်ရှိအောင် ကုသပေးခြင်း၊ အစားထိုးပေးခြင်းတို့ဖြင့် လူပီသအောင် မေတ္တာ၊ ဂရုဏာ၊ မုဒိတာ၊ ဥပေက္ခာဆိုသည့် ဗြဟ္မစိုရ်တရားလက်ကိုင်ထားကာ အားထုတ်ကြိုးပမ်း၍ ကုသိုလ်အထုပ်များကို စုဆောင်းရင်း ဆင်းရဲချမ်းသာ၊ လူမျိုးဘာသာမရွေး၊ (၇)ရက်သားသမီးအပေါင်းတို့ဖက်မှ ရပ်တည်ကာ အေးချမ်းသာယာဝပြောသည့် ငြိမ်းချမ်းမှု ပန်းတိုင်ဆီသို့ ချီတက်လျက်ရှိပါကြောင်း . . . . ။

ကမ္ဘာမြေပြင်သို့ အလည်အပါတ်ရောက်ခွင့်ပေး၍ … ဤကဲ့သို့ လူမှုရေး၊ ကုသိုလ်ရေး ကိစ္စအ၀၀ကို လုပ်ဆောင်ခွင့်ပေးခဲ့သော၊ ဖန်တီးပေးခဲ့သော မိဘနှစ်ပါးနှင့်တကွ သင်ဆရာ၊ မြင်ဆရာ၊ ကြားဆရာ၊ ပဏ္ဍိတဆရာသမားများ၊ မြင်အပ် မမြင်အပ်သော ပုဂ္ဂိုလ်အသီးသီးတို့နှင့် မောင်တစ်ထမ်း မယ်တစ်ရွက် ပေးဆပ်နေသော ကျွန်ုပ်၏ မဟေသီ - ရွှေဇီးကွက်အပြင် ဖခင်ဖြစ်သူ ကျွန်ုပ်အား သီလလုံခြုံရန် (ဆန်ရေ) လမ်းပြပေးခဲ့သော သား - ပြည်သိမ်းကျော်၊ သမီး - မြင့်မိုရ်ဦး တို့အား လေးစားဦးညွှတ်လျှက် . . . .

ကျော်သူ

EVEN THOUGH I'M FREE I'M NOT

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)၁၀နှစ်မြောက် အထိမ်းအမှတ်အခမ်းအနား VIDEOမှတ်တမ်း











မြန်မာနိုင်ငံ အတွင်းမှာ ရှိနေသော အကျဉ်းထောင်အသီးသီး မှ နိုင်ငံရေးအကျဉ်းသား (၂၁၈၅)ဦး
အားလုံး
အမြန်ဆုံးလွတ်မြောက်နိုင်ပါစေလို့ ဆန္ဒပြုပြီးဆုတောင်းလိုက်ပါတယ်.။

မျှဝေခံစားနိုင်ကြပါစေ။

မြတ်လေးငုံ

ကုလသမဂ္ဂ လုံခြုံရေးကောင်စီ မြန်မာ့အရေး ဆွေးနွေး





မြန်မာနိုင်ငံမှာ စစ်မှန်ပြီး တရားမျှတတဲ့ ရွေးကောက်ပွဲ ဖြစ်ပေါ်ရေးအတွက် ကုလသမဂ္ဂ လုံခြုံရေးကောင်စီအနေနဲ့ စိတ်ဝင်စားမှုရှိတယ် ဆိုတာကို ပြသဖို့အတွက် လုံခြုံရေးကောင်စီ စည်းဝေးပွဲ ခေါ်ယူကျင်းပပေးဖို့ ဗြိတိန်နဲ့ ပြင်သစ်နိုင်ငံတို့က ဦးဆောင် တောင်းဆိုခဲ့ကြတဲ့အတွက် မြန်မာ့အရေး လုံခြုံရေးကောင်စီမှာ ဆွေးနွေး သင့်မသင့် ဒီကနေ့ အလွတ်သဘော တွေ့ဆုံဆွေးနွေးကြဖို့ ရှိပါတယ်။ ဒါဟာဆိုရင် အတွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများ စည်းဝေးပွဲ မကျင်းပခင် တရက်အလိုမှာ အခုလို ကျင်းပမှာ ဖြစ်ပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။


မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တကွ အတိုက်အခံ အင်အားစုတွေ ပါဝင်ခွင့် မရအောင် ချုပ်ချယ် ကန့်သတ်ထားတဲ့ ရွေးကောက်ပွဲဆိုင်ရာ ဥပဒေတွေ မြန်မာစစ်အစိုးရ ထုတ်ပြန်လိုက်တဲ့အတွက် ကုလသမဂ္ဂ လုံခြုံရေးကောင်စီ အနေနဲ့ မြန်မာ့အရေးကို အမြန်ဆုံး စည်းဝေးပွဲ ခေါ်ယူ ကျင်းပပေးဖို့ ဗြိတိန်၊ ပြင်သစ်၊ သြစတြီးယားနဲ့ အမေရိကန် ပြည်ထောင်စုတို့က လိုလားနေကြတာပါ။

မြန်မာ့အရေးကို လုံခြုံရေးကောင်စီမှာ ဆွေးနွေးဖို့အတွက် ဗြိတိသျှ အစိုးရက စတင် အဆိုတင်သွင်းလာတာ ဖြစ်ပြီး မကြာခင် နာရီပိုင်းအတွင်း ဆွေးနွေးဖြစ်ကြတော့မယ့် အကြောင်း ကုလသမဂ္ဂဆိုင်ရာ ဗြိတိသျှအစိုးရ ကိုယ်စားလှယ်ရုံးက သတင်းနဲ့ ပြန်ကြားရေးတာဝန်ခံ ဟားရီးယက်တ် ခရော့စ် (Harriet Cross) က ဗွီအိုအေကို ပြောပါတယ်။



“ဒီစည်းဝေးပွဲ ကျင်းပဖို့အတွက် ဗြိတိသျှ အစိုးရက အဆိုတင်သွင်းခဲ့တာဖြစ်ပြီး နောက် ၂ နာရီလောက် အကြာမှာ စကြပါတော့မယ်။ ဒါဟာ လုံခြုံရေးကောင်စီရဲ့ တရားဝင် တိုင်ပင် ညှိနှိုင်းတဲ့ စည်းဝေးပွဲပါ။”



ပြီးခဲ့တဲ့ သီတင်းပတ် အတွင်းမှာပဲ မြန်မာစစ်အစိုးရအပေါ် နိုင်ငံတကာက လက်နက်ရောင်းဝယ်မှု ပိတ်ဆို့ရေး လုပ်ဆောင်ကြဖို့ ဗြိတိသျှအစိုးရ အနေနဲ့ အစွမ်းကုန် ကြိုးစား ဆောင်ရွက်သွားမယ့်အကြောင်း ဗြိတိသျှ ပါလီမန်မှာ နိုင်ငံခြားရေး ၀န်ကြီးက အဆို တင်သွင်းခဲ့ပါတယ်။ ၀န်ကြီးချုပ် ဂေါ်ဒွန် ဘရောင်း (Gordon Brown) ကိုယ်တိုင်က ဒီကိစ္စကို လိုလိုလားလား ရှိတဲ့အကြောင်း ဟားရီးယက်တ် ခရော့စ်က ဆက်ပြောပါတယ်။



“ဟုတ်ပါတယ်၊ မြန်မာစစ်အစိုးရအပေါ် ကမ္ဘာလုံးဆိုင်ရာ လက်နက်ရောင်းဝယ်မှု ပိတ်ဆို့ရေး လုပ်ဆောင်ဖို့ လိုလားတဲ့အကြောင်း ၀န်ကြီးချုပ် ကိုယ်တိုင်က ပွင့်ပွင့်လင်းလင်း ပြောထားပြီးသားပါ။”


ဗြိတိသျှအစိုးရရဲ့ ဒီ ကမ္ဘာလုံးဆိုင်ရာ လက်နက်ရောင်းဝယ်မှု ပိတ်ဆို့ အရေးယူရေး အဆိုပြုချက်ကို ထောက်ခံတဲ့အကြောင်း ပြင်သစ်နိုင်ငံကလည်း အစောပိုင်းမှာ အလွတ်သဘော ပြောထားပြီး ဖြစ်ပါတယ်။



မနက်ဖြန် ကြာသပတေးနေ့မှာတော့ အတွင်းရေးမှူးချုပ် ဘန်ကီမွန်း (Ban Ki-moon) အနေနဲ့ မြန်မာ့မိတ်ဆွေနိုင်ငံများ စည်းဝေးပွဲကို ကုလသမဂ္ဂမှာ ခေါ်ယူကျင်းပဖို့ စီစဉ်ထားတယ်လို့ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် မာတင် နီဆားစ်ကီး (Martin Nesirky) က သတင်းထောက်တွေကို ပြောခဲ့ပါတယ်။



“ရွေးကောက်ပွဲနဲ့ဆိုင်တဲ့ ဥပဒေ စည်းမျဉ်းတွေ စစ်အစိုးရက ထုတ်ပြန်ခဲ့တာ အပါအ၀င် မြန်မာနိုင်ငံ အတွင်းမှာ ပြောင်းလဲမှုတွေ အတော်လေး ဖြစ်ပေါ်နေပါတယ်။ ဒေါ်အောင်ဆန်းစုကြည်ရဲ့ အခန်းကဏ္ဍနဲ့ ပတ်သက်လို့လည်း မြန်မာနိုင်ငံအတွင်းမှာ ပြောဆို ဆွေးနွေးမှုတွေ အများအပြား ထွက်ပေါ်လာနေတာကြောင့် အခုချိန်ဟာ မြန်မာ့အရေး ဆွေးနွေးဖို့ သင့်တော်တဲ့ အချိန်ကောင်း ဖြစ်ပါတယ်။”



အတွင်းရေးမှူးချုပ်ရဲ့ မြန်မာ့မိတ်ဆွေ နိုင်ငံများ အဖွဲ့ထဲမှာ လုံခြုံရေးကောင်စီ အမြဲတမ်းအဖွဲ့ဝင် ၅ နိုင်ငံ အပါအ၀င် အာရှနဲ့ ဥရောပတိုက်က နိုင်ငံပေါင်း ၁၅ နိုင်ငံ ပါဝင်ပါတယ်။



ဒီကနေ့ အလွတ်သဘော ကျင်းပမယ့် မြန်မာပြည်ဆိုင်ရာ လုံခြုံရေးကောင်စီ စည်းဝေးပွဲက မြန်မာ့အရေးကို လုံခြုံရေးကောင်စီမှာ တရားဝင် ထည့်သွင်း ဆွေးနွေးဖြစ်ဖို့အတွက် ဆုံးဖြတ်ချက် ကျမယ်၊ မကျဘူး ဆိုတာတော့ အတိအကျ မသိနိုင်သေးပါဘူး။



ဒါပေမဲ့ မြန်မာ့အရေးကို လုံခြုံရေးကောင်စီမှာ အာဂျင်ဒါတခု၊ ဆွေးနွေးမယ့် အကြောင်းအရာတခု အနေနဲ့ တရားဝင် ထည့်သွင်းဆွေးနွေးမှာကို တရုတ်နိုင်ငံက မလိုလားဘူးဆိုတဲ့ သတင်းတွေကတော့ ထွက်နေပါတယ်။ ဒီအလွတ်သဘော ဆွေးနွေးပွဲကနေ မြန်မာပြည်နဲ့ဆိုင်တဲ့ ဆုံးဖြတ်ချက် တစုံတရာ မချကြဘူး ဆိုရင်တော့ သူ့အနေနဲ့ မကန့်ကွက်ဘူးလို့ တရုတ်ဘက်က ပြောလာတဲ့အတွက် ဒီကနေ့ ကျင်းပမယ့် အလွတ်သဘော စည်းဝေးပွဲ ဖြစ်ပေါ်ခဲ့တာပါ။



မြန်မာပြည်အရေးဟာ နိုင်ငံတကာ လုံခြုံရေးကို ထိခိုက်ခြင်း မရှိဘူး၊ ပြည်တွင်းရေး သက်သက်သာ ဖြစ်တယ်လို့ တရုတ်တို့ဘက်က လက်ခံထားဆဲပါ။ ဒါကြောင့်လည်း မြန်မာစစ်အစိုးရအပေါ် နိုင်ငံတကာက ပိတ်ဆို့ အရေးယူမယ့်ကိစ္စ မှန်သမျှကို တရုတ်နိုင်ငံက ကန့်ကွက်နေတာ ဖြစ်ပါတယ်။



ဒါပေမယ့် ပြီးခဲ့တဲ့နှစ် စက်တင်ဘာလအတွင်း တရုတ်၊ မြန်မာ နယ်စပ်မှာ မတည်ငြိမ်မှုတွေ ဖြစ်ပေါ်ပြီး တရုတ်နိုင်ငံထဲ မြန်မာပြည်ဘက်က ၀ဒုက္ခသည်တွေ ထွက်ပြေးသွားခဲ့ကြတဲ့ သာဓက ရှိခဲ့တာကြောင့် အလားတူ မတည်ငြိမ်မှုတွေ ဖြစ်ပေါ်လာမှာကို တရုတ်ဘက်က စိုးရိမ်ပြီး လုံခြုံရေးကောင်စီမှာ စစ်အစိုးရအပေါ် ထားတဲ့ တရုတ်နိုင်ငံရဲ့ သဘောထား ပြောင်းလဲလာမလားဆိုတဲ့ ထင်မြင် ယူဆမှုတွေလည်း ထွက်ပေါ်နေပါတယ်။



အခုလည်း တရုတ်၊ မြန်မာ နယ်စပ်နဲ့ ထိုင်း၊ မြန်မာ နယ်စပ်ဒေသတွေမှာ ရှိနေတဲ့ အပစ်ရပ်အဖွဲ့တွေက နယ်ခြားစောင့်တပ် အသွင်ပြောင်းရေး စစ်အစိုးရရဲ့ ဖိအားပေး တောင်းဆိုမှုအပေါ် သဘောတူညီမှု မရနိုင်တဲ့အတွက် မြန်မာစစ်အစိုးရတပ်တွေ နယ်စပ်ဒေသတွေမှာ တိုးချဲ့ချထားဆိုတဲ့ သတင်းတွေ ထွက်ပေါ်လာနေပါတယ်။



အခုနှစ်အတွင်း ကျင်းပမယ်ဆိုတဲ့ ရွေးကောက်ပွဲမှာ ဒေါ်အောင်ဆန်းစုကြည်နဲ့တကွ နိုင်ငံရေး အကျဉ်းသားတွေ ပါဝင်ခွင့် မရနိုင်တဲ့ ကန့်သတ် ချုပ်ချယ်တဲ့ ဥပဒေတွေကို စစ်အစိုးရက ထုတ်ပြန်လိုက်တဲ့အပေါ် ပြည်တွင်း ပြည်ပက ဝေဖန် ကန့်ကွက်မှုတွေ အရှိန်အဟုန် မြင့်လာချိန်မှာ လုံခြုံရေးကောင်စီ အနေနဲ့ မြန်မာ့အရေးကို စည်းဝေးပွဲ ခေါ်ယူကျင်းပတာ ဖြစ်ပါတယ်။



သတင်းရင်းမြစ်..VOA

ရွေးကောက်ပွဲဥပဒေဆိုတာ အာရုံလွှဲမှု ဖြစ်တယ်၊ နအဖ စစ်အုပ်စုရဲ့ လုပ်ဆောင်ချက်ပါ၊

စစ်အုပ်စုရဲ့ နိုင်ငံရေးပါတီများမှတ်ပုံတင်ခြင်းဥပဒေ ဆိုတာနဲ့ ရွေးကောက်ပွဲကော်မရှင်ဥပဒေ ဆိုတာ ထွက်လာအပြီးမှာ နိုင်ငံရေးလောက ပွဲဆူသွားပါတယ် ၊ အထူးသဖြင့် ၁၉၉၀ ရွေးကောက်ပွဲ မှာ ပြည်သူတွေရဲ့ဆန္ဒမဲတွေ ၊ ရရှိထားပါတယ်ဆိုတဲ့ NLD ပါတီတွင်း ဘယ်သူတွေက နိုင်ငံရေးသမားလဲ ၊ ဘယ်သူတွေကနိုင်ငံရေးစားဖားတွေလဲ ကွဲပြားလောက်အောင်ကို ရှေ့ဘယ်လိုရပ်တည်ကြမလဲလို့ အငြင်းပွားမှုတွေ ဖြစ်စေခဲ့ရပါတယ် ၊ NLD ပါတီတွင်းကပြဿနာက ဒီ၂၁ နှစ်မှာမဆန်းပါဘူး ၊ လူကြီးလူငယ်ပြဿနာ ၊ တိုက်ရဲသူတိုက်ပွဲဝင်ချင်သူတွေနဲ့နောက်တွန့်သူတွေကြားကပြဿနာ ၊ ပါတီဆိုင်းဘုတ်နဲ့အမတ်နေရာကိုပဲ ဖက်တွယ်ထားချင်သူတွေနဲ့ ပြည်သူ့မျက်နှာပဲကြည့်ချင်သူတွေ ရဲ့ပြဿနာ ၊ တလျောက်လုံးရှိလာခဲ့တာပါ ၊ ထားပါ ။


ပြောချင်တာက NLD ထဲက ပြဿနာတွေ မဟုတ်ပါဘူး ၊ စုန်းပြူးဆိုတာတော့ အဖွဲ့အစည်းတိုင်းမှာရှိမှာပါပဲ ၊ ထောင်ထဲရောက်နေတဲ့ တိုက်ရဲ တဲ့ NLD အဖွဲ့ဝင်တွေရဲ့မျက်နှာ ၊ ဒေါ်အောင်ဆန်းစုကြည်မျက်နှာနဲ့ ၁၉၉၀ ရွေးကောက်ပွဲမှာ ပြည်သူကဆန္ဒပြုထားတဲ့ ပြည်သူရှေ့ဆောင်ပါတီဖြစ်နေတာတွေကြောင့် NLD ဘာပဲဖြစ်ဖြစ် အားလုံးက (မဖြစ်မနေ) ၀ိုင်းရံရမှာပါ ။ မမှားအောင် ၀ိုင်းတည့်မတ်ပြီး လက်တွဲ တိုက်ပွဲဝင်ကြရမှာပါ။


ပြောချင်တာက အဲဒီလိုပြဿနာတွေဖြစ်အောင် ဖန်တီးနေတဲ့ နအဖ စစ်အုပ်စုရဲ့ လုပ်ဆောင်ချက်ပါ၊ နအဖ က သူဖြစ်စေချင်သလိုတွေဖြစ်အောင် ဖျားယောင်းမြှူဆွယ်လိုက်တဲ့ ၊ အာရုံလွှဲတဲ့ တိုက်ပွဲခေါ် သံပါ ၊ ၁၉၉၀ တုံးက ရွေးကောက်ပွဲဆိုတာ ပြည်သူ့ဘက်တော်သား ဒီအမိုကရေစီအင်အားစုတွေ ၊ ကိုင်စွဲတဲ့တိုက်ပွဲလမ်းကြောင်းတစ်ခုပါ ၊ ခု ၂၀၁၀ ရွေးကောက်ပွဲဆိုတာက စစ်အုပ်စုက ကိုင်စွဲတဲ့ လမ်းကြောင်းပါ ၊ စဉ်းစားကြည့်ကြပါ ၊၊



ရွေးကောက်ပွဲ ဆိုတာ ဒီမိုကရေစီရဲ့ ပြယုတ်ပါ ၊ ပြည်သူ့ဆန္ဒ ကိုဖေါ်ကြူးခြင်းပါ ၊ ပြည်သူပေါင်းများစွာကိုသတ်ပြီး အာဏာကိုလုထားတဲ့ ပြည်သူ့ဆန္ဒကိုဆန့်ကျင် ခဲ့တဲ့ စစ်အာဏာရှင်တွေက ရွေးကောက်ပွဲလို့ ဘာလို့ပြောလာသလဲ ၊ ၁၉၉၀ တုံးက တစ်ကြိမ် ရွေး ကောက်ပွဲ လုပ်ပေးပြီး ဒေါ်အောင်ဆန်းစုကြည်ရဲ့ NLD ပါတီကိုပြည်သူကရွေးချယ်ခဲ့ပါလျက် ၊ နှစ် ၂၀ ကျော် အာဏာလွှဲမပေးပဲအကြောင်းအမျိုးမျိုးပြအချိန်တွေဆွဲပြီးကာမှ ခုတစ်ခါ ရွေးကောက်ပွဲပြန် လုပ်မယ်လို့ ဘာလို့ပြောလာသလဲ ၊ ရိုးရိုးရှင်းရှင်းလေးပါ ။



ဗမာပြည် ပြည်သူတွေ ပေါက်ကွဲတော့မဲ့အခြေအနေဖြစ်လာတိုင်း ၊ နိုင်ငံရေးအရ ဘေးကြပ်နံကြပ်ကြုံ လာတိုင်း ၊ ဗမာပြည်နိုင်ငံရေးအပြောင်းအလဲတစ်ခုခု မဖြစ်မနေလုပ်ပေးရတော့မဲ့အခြေအနေတိုင်း ၊ မဆလ အမည်ခံလက်ထက်ထဲက စစ်အုပ်စု လုပ်နေကြ ၊ လမ်းလွှဲနေကြ ပုံစံပါ ။



လူမျိုးရေး ၊ ဘာသာရေး အထိကရုန်းတွေဖန်တီးတာမျိုး ၊ ပျော်ပွဲရွှင်ပွဲ ( ပွဲလမ်းသဘင်)တွေဖန်တီး ပေးလိုက်တာမျိုး ၊ ၀န်ထမ်းတွေလစာတိုးပေးလိုက်တာမျိုး ၊ စသဖြင့် ပြည်သူတွေလမ်းလွှဲအောင် အာရုံလွှဲပြောင်းမှုတစ်ခုခု စစ်အုပ်စုအမြဲလုပ်လေ့ရှိပါတယ် ၊ ခုလဲ နိုင်ငံရေးပါတီများမှတ်ပုံတင်ခြင်း ဥပဒေဆိုတာနဲ့ ရွေးကောက်ပွဲကော်မရှင်ဥပဒေဆိုတဲ့ခေါင်းစဉ်တွေထုတ်ပြန်ပြီး ၊ ပြည်သူတွေေ၀၀ါး သွားအောင် လမ်းလွှဲလိုက်တာပါ ။



ကမ္ဘာ့နိုင်ငံအသီးသီးကရော ၊ ဒီမိုကရေစီအင်အားစုအသီးသီးကရော ၊ ပြည်သူတွေကပါ ဒီဥပဒေတွေ ဟာ တဘက်သတ်ရေးဆွဲထားတဲ့ဥပဒေတွေဖြစ်တယ် ၊ မျှတမှုမရှိဘူး ၊ လူပုဂ္ဂိုလ်တစ်ဦးတစ်ယောက် အတွက် တမင်ရည်ရွယ်ပြီးထုတ်ပြန်တာဖြစ်တယ် ၊ NLD နဲ့ဒေါ်အောင်ဆန်းစုကြည်ကို ခွဲထုတ်တာ ဖြစ်တယ် ၊ စသဖြင့် ၀ိုင်းဝေဖန်ကြမယ်ဆိုတာ သူတို့တွက်ပြီးသားပါ ၊ သိက္ခာမဲ့တဲ့ကြေငြာချက်ဖြစ် တယ်ဆိုတာ သိသိနဲ့ ထုတ်ပြန်ခဲ့တာ ဘာကြောင့်လဲ ။



နှစ်ချက်ရှိပါတယ် ၊ တစ်ချက်က NLD ပဲဖြစ်ဖြစ် ၊ ရွှေဂုံတိုင်ကြေငြာစာတမ်းပဲဖြစ်ဖြစ် ၊ ဘယ်နိုင်ငံ ဘယ်အဖွဲ့အစည်းပဲဖြစ်ဖြစ် ၊ ဘယ်ပုဂ္ဂိုလ်ပဲဖြစ်ဖြစ် စောက်ဂရုမစိုက်ဘူးလို့ ပြတာပါ ။နောက်တစ် ချက်က ရွေးကောက်ပွဲဆိုတဲ့ခေါင်းစဉ်နဲ့ ဖြတ်သန်းသင့်တယ် ၊ မဖြတ်သန်းသင့်ဘူး ၊ မျှတတယ် ၊ မမျှတဘူး ငြင်းခုန်ကြတာတွေလိုချင်လို့ကို တမင်လုပ်တာပါ ။



စစ်အုပ်စုက လက်တွေ့လုပ်ငန်းစဉ်တွေမှာမပြောနဲ့ စာရွက်ပေါ်မှာတောင် ဘယ်တုန်းကမျှတခဲ့ဘူး တာရှိလို့လဲ ၊ ဘယ်နေရာမှာမှ ဘယ်တုန်းကမှ မမှန်ခဲ့မမျှတခဲ့တာသိသိနဲ့ ၊ ဒါမမှန်ဘူးလို့ တချက်ခြင်းလိုက်ထောက်ပြောပြီး သူတို့ကိုနေရာပေးဆွေးနွေးသလိုဖြစ်တာမျိုး လိုချင်လို့ကို တမင် ထုတ်ပြန်တာပါ ။ခုလို NLD တွေ ၊ ဒီမိုကရေစီအင်အားစုတွေ အချင်းချင်းသဘောထားကွဲပြီး တကယ်လုပ်ရမဲ့ တိုက်ပွဲအကောင်ထည်ဖေါ်ရေး အစီစဉ်တွေမဆွေးနွေးဖြစ်အောင် လုပ်လိုက်တာပါ။



တကယ်တမ်းက ပြည်သူတွေအုံကြွတော့မဲ့အရိပ်အခြေတွေ သူတို့မြင်နေရလို့ ၊ ရွေးကောက်ပွဲပြန် လုပ်မယ်ဆိုတဲ့ခေါင်းစဉ်ပြ ခဏဟန့်ထားလို့ရမလားလို့ ၊ အာရုံလွှဲတာပါ ။ နေ၀င်းခေတ်မှာ ၂၆ နှစ်၊ စောမောင်ခင်ညွှန့်သန်းရွှေခေတ်မှာ ၂၂နှစ်နဲ့ ၊ နှစ်ပေါင်း၅၀နီးပါး မွဲပြာကျနေတဲ့ပြည်သူတွေက ၊ သူတို့ရဲ့မျိုသိပ်နေရမှုတွေကို ပွင့်အံဘို့ ၊ မချိတင်ကဲအံခဲခံစားနေရတာတွေကို ပေါက်ကွဲပလိုက်ဘို့၊ မိုးထားတဲ့သေနတ်ပြောင်းတွေကိုမော်ကြည့်နေကြပြီ ၊ စက်ရုံအလုပ်ရုံတွေဆီက နေ့စဉ်နဲ့အမျှ များပြားလာနေတဲ့တောင်းဆိုမှုတွေက သူတို့ကိုခြောက်လှန့်နေပြီ ။



ရှစ်လေးလုံးလူထုအရေးတော်ပုံကြီးတုန်းကလဲ တစ်တိုင်းတစ်ပြည်လုံးအုံကြွတောင်းဆိုနေတာကို ပစ်ခတ်သတ်ဖြတ်အာဏာသိမ်းခဲ့ပြီး တက်နေတဲ့နိုင်ငံရေးအရှိန်အဟုန်မှာ ခံချဘို့စိုင်းပြင်းနေတဲ့ လူထုကြီးကို ပါတီစုံဒီမိုကရေစီရွေးကောက်ပွဲလုပ်ပေးမယ် ၊ ပါတီတွေထောင်ကြပါ ဆိုပြီး ၁၉၉၀ ရွေး ကောက်ပွဲနဲ့ အာရုံလွှဲခံခဲ့ရတယ် ၊ အဲဒီတုန်းကသာ ပြီးရင်စစ်တန်းလျားပြန်မှာပါ ဆိုတဲ့ လူသတ်ကောင်တွေရဲ့ကတိကိုမယုံပဲ ရှစ်လေးလုံးရဲ့အရှိန်အဟုန်နဲ့ဆက်တိုက်ပွဲဝင်ဖြစ်ခဲ့ရင် ၊ ဖိနှိပ်ခံ ဘ၀ ဒီလောက်ကြာခဲ့နိုင်ပါ့မလား ။



အာရုံလွှဲမခံကြပါနဲ့တော့ ။ အလုပ်သမားတော်လှန်ရေးတွေဖြစ်လာနိုင်ခြေမြင်လို့ ၊ တိုင်းရင်းသား တွေနဲ့ တိုက်ပွဲတွေပြန်ဖြစ်တော့မဲ့အခြေအနေတွေမြင်လို့ ၊ အားလုံးကိုအာရုံလွှဲတဲ့ ရွေးကောက်ပွဲ ဥပဒေဆိုတာကို ကသောင်းကနင်းထုတ်ပြန်ခဲ့တာ ၊ မမျောပါကြပါနဲ့ ၊ တကယ်လုပ်ရမဲ့အလုပ်တွေ (ပြည်သူလူထုကြီးနဲ့ထပ်တူ တိုက်ပွဲဝင်ဘို့ ) အတွက်သာ ပြင်ဆင်ကြပါ ၊ ပြည်သူတွေကို တိုက်ပွဲ ၀င်ဘို့ ဦးဆောင်လမ်းပြကြပါ ၊ NLD ထဲက ပြည်သူ့သူရဲကောင်းတွေနဲ့ စစ်အုပ်စုထိပ်တိုက်တွေ့ တော့မှာကို ၀ိုင်းရံကြပါ ၊ တစ်ဗိုလ်ကျတစ်ဗိုလ်တက် တိုက်ပွဲဝင်နိုင်ဘို့ ပြင်ကြပါ ၊ စစ်အုပ်စုက အသက်ရှစ်ဆယ်ကျော်အဖိုးကြီး - ဘဘဦးဝင်းတင်တို့ ဦးတင်ဦးတို့ကိုတောင် ပြန်ဖမ်းနိုင်ပါသေး တယ် ၊ စစ်အုပ်စုက သူတို့အာဏာတည်မြဲရေးအတွက် ဘာမဆိုလုပ်ဘို့ဝန်မလေးတာ မမေ့လျော့ ကြပါနဲ့ ၊ တိုက်ပွဲက ကပ်နေပါပြီ ၊ ဘဘဦးဝင်းတင်ပြောတဲ့ မကြောက်တရားလက်နက် ၊ သွေးစည်း ညီညွတ်ရေးလက်နက် ၊ စစ်အာဏာရှင်စနစ်ဆန့်ကျင်ရေးရည်မှန်းချက်ပန်းတိုင် တစ်ခုထဲချမှတ် ရှေးရှုရင်ဆိုင်ချီတက်ရေးလက်နက် တွေကိုင်စွဲထားပြီး NLD နဲ့ထပ်တူ ၊ ပြည်သူကိုဦးဆောင် တိုင်ပွဲ ၀င်ကြပါစို့ ။



စစ်အာဏာရှင်စနစ် မုချကျဆုံးရမည် ။

ဒီမိုကရေစီအရေးတော်ပုံ အောင်ရမည် ။


ယုံကြည်ချက်ဖြင့်

ရဲဘော်ဗိုလ်သူ