30 April 2011

ခြေပုန်းခုတ်နေတဲ့ သတင်းတွေ ရှိတယ်.... (ဆောင်းပါးရှင် အောင်မျိုးထွန်း)

အွန်လိုင်းမှာ ဒေါ်အောင်ဆန်းစုကြည်နဲ့ ပတ်သက်တဲ့ ဆောင်းပါးတစ်ပုဒ် ဖတ်လိုက်ရတယ်။ ပြီးခဲ့တဲ့နှစ် (၁၁) လပိုင်း နေအိမ်အကျယ်ချုပ်က ဒေါ်စု လွတ်လာပြီးတဲ့နောက်ပိုင်း သူ့ကို ဖမ်းဆီးရတဲ့ “ ဒီပဲယင်းလုပ်ကြံမှုကြီး ” နဲ့ ပတ်သက်လို့ အာစေးမိနေတဲ့ အကြောင်းပါ။ အရင်စိတ်မျိုးနဲ့ဆို ဒီကိစ္စအပေါ် ဒေါ်စု အနေနဲ့ စစ်အစိုးရကို အပြတ်ချဲပြီးသား။ ခံရတဲ့သူတွေ ထောင်ထဲရောက်၊ ကျူးလွန်တဲ့ တရားခံတွေ လွတ်မြောက်နေကြတဲ့ ကောသလအိပ်မက်လို ပြောင်းတိပြောင်းပြန် ဖြစ်ရပ်မျိုးဟာ နိုင်ငံရေးသမားတွေအတွက် အန်ပေါင်းတွေ၊ ဘောနတ်တွေ မဟုတ်လား။ ဝှေ့ယမ်းချင်စရာ နိုင်ငံရေးအလံတွေ မဟုတ်လား။
ဒေါ်အောင်ဆန်းစုကြည်ရဲ့ ဒီပဲယင်းနဲ့ ပတ်သက်တဲ့ ပထမဆုံးမှတ်ချက်ကို ဧပြီလ နောက်ဆုံးပတ်မှာ RFA ရေဒီယိုအသံလွှင့်ဌာနကို ဒေါ်စုက ဟောဒီလို ပြောလိုက်ပါတယ်။
အတိုချုံးပြောရမယ်ဆိုရင်တော့ ကားမောင်းတဲ့လူငယ်က အင်မတန်မှ ကျွမ်းကျင်လို့ ဘယ်သူလို့ မှန်းရခက်တဲ့သူတွေက လမ်းကို အတားအဆီးတွေနဲ့ ပိတ်ဆို့ဖို့ကြိုးစားနေတဲ့ အထဲကနေပြီးတော့ ဖောက်ထွက်နိုင်ခဲ့တာ ဖြစ်ပါတယ်

အားလုံးလည်း သိကြပါတယ်။ မတရားခံခဲ့ကြရတဲ့သူတွေရဲ့ အသံကို ထိုက်သင့်သလောက် ကြားပြီးပါပြီ။ ဒီပဲယင်းလုပ်ကြံမှုကြီးကို ဒေါ်စုအနေနဲ့ မဟချင်၊ ပြန်မစချင်တာ သူ့ မှာ အခွင့်အရေးရှိပါတယ်။

“ ဒေါ်စု.. ဒီကိစ္စကို သံချောင်းပြန်ခေါက်ပါ ” လို့ ဖိအားသွားပေးလို့ မဖြစ်ပါဘူး။ သူ့ အတွေး၊ သူ့ ဖီလင်နဲ့ သူ နိုင်ငံရေးလုပ်နေတာပါ။ လွတ်လပ်မှုပေးရပါလိမ့်မယ်။ ဘေးကြပ်နံကြပ်ဖြစ်နေတဲ့ သူ့အနေအထားကို စောင့်ကြည့်ဖို့ လိုပါလိမ့်မယ်။ တချို့သတင်းတွေအရ အာဏာပိုင်တွေဘက်က ဒေါ်စုကို ဘယ်လိုလမ်းကြောင်းမှာ ရှိစေချင်သလဲဆိုတာ အခုထိ သဲသဲကွဲကွဲ မသိရသေးတာ အဓိက မေးခွန်းဖြစ်နေပါတယ်။ လုပ်ရတာ ခေါင်းစားနေကြတယ်။

နိုင်ငံရေးမှာ အခြားတစ်ဘက်က ဘယ်လိုစဉ်းစားနေသလဲ...လို့ပိုင်းဖြတ်တတ်ဖို့ လိုပါဦးမယ်။ အများအားဖြင့် တစ်ဘက်တည်းတွေး၊ တခြမ်းတည်း လုပ်ကြရင်ဖြင့် လိုချင်တာရဖို့ ဝေးနေပါဦးမယ်။ ဘာဖြစ်လို့ လဲဆိုတော့ တခြားဘက်က ကိုယ်တွေဘက်ကို တစ်ဆံခြည်မျှတောင် အလွတ်မပေးဘူးဆိုတာ ပြည်တွင်းက နိုင်ငံရေးသမားတွေ သဘောပေါက်ပြီးသားနေမှာပါ။ သတင်းတွေကို များများ ရဖို့၊  ထောင့်မျိုးစုံက ရဖို့ သိပ်အရေးကြီးလှပါတယ်။ နိုင်ငံရေးသွေးကြောလို့တောင် သမုတ်နိုင်ပါတယ်။ သတင်း အတိုအစလေးတွေကို လေဖမ်းဒန်းစီးပြီး ချီတက်ကြရင်တော့ တခွိခွိ ရယ် နေကြမယ့်သူတွေ အမှန်တကယ်ရှိနေပါတယ်။ ဖဲသမားစကားနဲ့ ပြောရရင် တစ်ဘက်က အပ်ပန်တွေ၊ ကာလာတွေ၊ လေးလုံးဆင်တွေ၊ ဟောက်ဆင်တွေနဲ့ အပေါ်စီးက “ ရှိုး ” နေတာကို ကိုးပူး နှစ်ပယ်နဲ့ ကိုယ်တွေက ချွေးပျံနေရတဲ့ ပစ္စခတ်ပါ။

ဒီပဲယင်းဟာ ကြိုတင်လုပ်ကြံမှုပါ။ ဘယ်အချိန်မှာ ရိုက်မယ်၊ ဘယ်သူ့ကို ဘယ်လောက်ဆိုတာက အစ စံရွေးကိုက် ချိန်ညှိထားပြီးသားလို့ သိရပါတယ်။ ဒါပေမယ့် ဘယ်လောက်ဘဲ ဇာတ်တိုက်ထားပါစေ၊ တကယ် ဆော်ကြနှက်ကြတော့ စီမံထားတာအားလုံး ကွက်တိ ဖြစ်မလာဘဲ လွဲချော်ကုန်ပါတယ်။ ဒေါ်စုနဲ့ ဦးတင်ဦးကို ခြောက်လှန့်ရုံအဆင့် သတ်မှတ်ထားပေမယ့် ကွင်းထဲရောက်နေကြတဲ့သူ တချို့က “ စပိ ”တွေ လွန်ကုန်ကြပါတယ်။ ဒေါ်စုကားကိုပါ ၀ိုင်း သမ ကြမယ့်အခြေအနေကို ရောက်တော့ စီစဉ်တဲ့သူတွေ အချင်းချင်းဘဲ ခက်ခက်ခဲခဲ ထိန်းယူလိုက်ရတယ်လို့ ကြားဖူးပါတယ်။ အနီးကပ် ကြီးကြပ်ရသူ တချို့တောင် နယ်ပြောင်း ဘာပြောင်းတွေ ဖြစ်ကုန်ပါတယ်။

ကြားရတဲ့သတင်းက လုံးဝအမှန်ပါလို့ အပိုင်မပြောပါဘူး။ ဒါကို ထည့်စဉ်းစားပြီး ကိုယ်တွေ ရှေ့ဆက်လုပ်မယ့် မြန်မာ့ဒီမိုကရေစီရေးမှာ အကျိုးရှိစေချင်လို့  အောင်မြင်စေချင်လို့ပါ။ တစ်ဘက်က ဘာလုပ်လုပ် စီမံချက်ချပြီး လုပ်သလိုမျိုး ဒီမိုကရေစီဘက်တော်သားတွေဘက်ကလည်း မှန်ကန်တဲ့အချက် အလက်တွေပေါ် ခြုံငုံသုံးသပ်ပြီး ကျကျနန တိုက်ပွဲဝင်ကြဖို့ ပါ။

NLD ဆိုတာ အခုအချိန်မှာ ရပ်ကွက်ထဲ နှစ်လုံးသုံးလုံး ရောင်းတဲ့သူ လူမျိုးပေါ့ဗျာ။ သူဖမ်းချင်ရင် အချိန်မရွေး ကောက်ဖမ်း လို့ ရတယ်...

ဒီစကား ဘယ်သူပြောလဲဆိုတာ သိရင် ချာချာလည်သွားကြပါဦးမယ်။ ခြေပုန်းခုတ်နေတဲ့ သတင်းတွေ ရှိတယ်။


အောင်မျိုးထွန်း
၂၉- ၄- ၂၀၁၁

29 April 2011

ပြည်သူ့ အသက်အိုးအိမ်နဲ့  ပြည်သူ့ အကျိုးကို ကာကွယ်ပေးမယ့် ပြည်သူ့  တပ်မတော်သားလား၊ အာဏာရူးတို့  လက်ထဲက ထားရာနေ စေရာခိုင်းခံရတဲ့ ပလပ်စတစ်စစ်သားရုပ်လား။



















တိုင်းပြည်နဲ့  လူမျိုးအတွက် ကျောင်းသားတွေ တာဝန်ကျေကြခဲ့ပါတယ်။ ဘုရားသားတွေ တာဝန်ကျေခဲ့ကြပါတယ်၊ ယခုထိတိုင် တာဝန်မကျေတာကတော့ ပြည်သူ့  တပ်မတော်သားလို့  မိမိကိုယ်ကို သတ်မှတ်နေကြတဲ့ စစ်သားတွေပါဘဲ။

အာဏာရူး နအဖ ဗိုလ်ချူပ်ကြီးတွေရဲ့  မတရားအမိန့် တွေကို မတရားမှန်းသိရက်နဲ့  မျက်စိစုံမှိတ်နာခံပြီး တိုင်းပြည်နဲ့  လူမျိုးအကျိုးကို လစ်လျူရှုကြရက်သလား။

အသင်တို့  အရာရှိအရာခံအကြပ်တပ်သားတွေ ရတဲ့ လစာနဲ့  အခွင့်အရေးဆိုတာ တိုင်းပြည်ပိုင်ပစ္စည်းတွေကို လက်ပါးကြီးအုပ်ရောင်းစားလို့  ချမ်းသာကြွယ်ဝနေတဲ့ နအဖဗိုလ်ချူပ်ကြီးတွေရဲ့  မြေးတွေရဲ့  ကစားစရာအရုပ်တစ်ခုလောက်တောင် တန်ဖိုး မရှိပါဖူး။

အသင်တို့  အရာရှိအရာခံအကြပ်တပ်သားတွေကို နေ့ မြင်ညပျောက်ဆိုသလို အချိန်မရွေး
ဖြုတ်ထုတ်သတ်လုပ်နေတဲ့ နအဖဗိုလ်ချူပ်ကြီးတွေကို ယုံစားကိုးကွယ်နေရင်တော့ သင်ရဲ့ အလှည့်ရောက်မှ နောင်တရရင် အသင်တင်မက အသင်တို့ ရဲ့  မိသားစုပါ ဘ၀ပျက်မှာပါ။ သင့်ထက်ရာထူးကြီးတဲ့သူတွေ တစ်ဖြုတ်ဖြုတ်နဲ့  ဖြုတ်ထုတ်သတ်ထဲ ပါသွားတာ မျက်စိဖွင့် နားစွင့်ဖို့  လိုပါတယ်။

အာဏာရူး နအဖဗိုလ်ချူပ်ကြီးတွေရဲ့ မတရားအမိန့် ၊ တိုင်းသူပြည်သားချင်း
မျက်နှာအိုးမဲသုတ်ပြီး သတ်ဖြတ်ခိုင်းတဲ့ အဖြစ်အပျက်ထဲမှာ သင်ရဲ့  သေနတ်ကိုင်တဲ့လက်မှာ ပြည်သူ့ သွေး စွေးထင်စေမယ်ဆိုရင် အသင်ဟာ ပြည်သူကို သတ်တဲ့ လူသတ်သမားပါ။

တပ်မတော်ဆိုတာ ပြည်သူကို ကာကွယ်စောင့်ရှောက်ဖို့ ပါ။ ပြည်သူကို သတ်တဲ့ သတ်မတော် ဖြစ်နေတာ သေသေချာချာ သုံးသပ်ကြည့်ပါ။ ကျောင်းသားတွေမှာ လက်နက်ဆိုလို့  အပ်တိုတစ်ချောင်းတောင် ရှိခဲ့တာ မဟုတ်ဖူး၊ သင်တို့  ကိုးကွယ်နေတဲ့ ဗုဒ္ဒမြတ်စွာဘုရားရဲ့  သားတော် ရဟန်းသံဃာတွေမှာ လက်နက်ဆိုလို့  အပ်တိုတစ်ချောင်းတောင် ရှိခဲ့တာ မဟုတ်ဖူး။ ဒါကို လူသေစေတဲ့ သေနတ်ကျည်တွေနဲ့့ ပစ်ခတ်တာ သင့်တော်ခဲ့ပါသလား။ ဒါဟာ အာဏာရူးတွေက တပ်မတော်ကို သတ်မတော်ဖြစ်အောင် ဂုဏ်ပျက်စေခဲ့တာ သိသာထင်ရှားပါတယ်။

နအဖအာဏာရူးဗိုလ်ချူပ်ကြီးတွေက ကျောင်းသားတွေ ရဟန်းသံဃာတွေကို ရိုက်နှက် ပစ်သတ်ခိုင်းဖို့  ပေးတဲ့ အမိန့် ဟာ မတရားဖူးဆိုတာ အသင်တို့  စဉ်းစားနိုင်မှာပါ။ ရှေ့ တန်းစစ်မျက်နှာမှာ သူ သေနတ်ကိုင် ကိုယ်သေနတ်ကိုင်လို့  အပြန်အလှန်ပစ်ကြတယ်ဆိုတာမျိုးလို မဟုတ်ဖူးဆိုတာ အသင်တို့  သိမှာပါ။

ဒီလို ရဟန်းရှင် ပြည်သူကို အမိန့်  ဆိုတဲ့ စကားလုံးသုံးပြီး မတရားအနိုင်ကျင့် သတ်ဖြတ်နေတဲ့ အာဏာရူးနအဖဗိုလ်ချူပ်ကြီးတွေဟာ တပ်မတော်တစ်ခုလုံးနဲ့  အသင်တို့  အရာရှိအရာခံအကြပ်တပ်သားတွေကို သူတို့  ကိုယ်ကျိုးအတွက် အသုံးချတာပါ။

နောက်ဆုံးမှာတော့ ငွေကြေးဥစ္စာတွေ ချမ်းသာကြွယ်ဝနေကြတာ ဘယ်သူတွေပါလည်း၊ အာဏာရူးနအဖဗိုလ်ချူပ်ကြီး မိသားစုတွေပါဘဲ။ နောက်ဆုံးတော့ အသင်တို့  ကိုယ်တိုင်တင်မက အသင်တို့ ရဲ့  မိသားစုတွေပါ ဒီ အာဏာရူးနအဖဗိုလ်ချူပ်ကြီးရဲ့  ကျွန်ဘ၀ရောက်နေကြရတာပါ။

တိုင်းပြည်နဲ့  လူမျိုးကို ကာကွယ်စောင့်ရှောက်ဖို့ အတွက် အသင်ဟာ တပ်မတော်ထဲဝင်တာဆိုရင်
အမှန်တကယ် တိုင်းပြည်နဲ့ လူမျိုးကို ကာကွယ်စောင့်ရှောက်နိုင်အောင် တရားမှုနဲ့  မတရားမှုကို ခွဲခြားမြင်တတ်ရပါမယ်၊ မှန်ကန်တဲ့ လိုက်နာသင့်တဲ့ သင့်လျော်တဲ့ အမိန့် နဲ့  ပြည်သူအိုးအိမ်စည်းစိမ်အသက်ကို သတ်ဖြတ်ခိုင်းတဲ့ အာဏာအမိန့် ကို နားလည်ဖို့  လိုပါတယ်။

အသင်တို့ ကိုယ် အသင်တို့  ပြည်သူ့ တပ်မတော်သား မှန်မှန်ကန်ကန်အဖြစ် ခံယူမှာလား ဒါမှမဟုတ် ခိုင်းတာလုပ် ထားရာနေတဲ့ အသက်ဆင်ခြင်တုံမရှိတဲ့ ပလပ်စတစ်စစ်သားရုပ်လို ခံယူမှာလားဆိုတာ အသင်တို့  ကိုယ့်ကိုယ်ကိုယ် ဆုံးဖြတ်ဖို့ ပါဘဲ။

အသင်တို့  နောက်ဆုံးဆုံးဖြတ်ရမယ့် အချိန်ရောက်ပါပြီ။ အသင်တို့  မိဘဆွေမျိုးသားချင်းတွေအပါအ၀င် ပြည်သူလူထု တစ်မျိုးသားလုံးဟာ အာဏာရူးဗိုလ်ချူပ်ကြီးတွေရဲ့  ကျွန်ဘ၀ရောက်နေပါပြီ။ အသင်တို့  တတ်ကျွမ်းတဲ့ပညာရပ်၊ အသင်တို့  ပြည်သူကို ကာကွယ်စောင့်ရှောက်ဖို့ ဆိုပြီး ကိုင်တွယ်ထားတဲ့ လက်နက်တွေနဲ့  ပြည်သူတွေကို ကယ်တင်မှာလား။ အခြေအနေ အချိန်အခါကို စောင့်ကြည့်နေတယ်ဆိုတဲ့ စကားလုံးနဲ့ တော့ ရှောင်လွဲနေဖို့  မဟုတ်တော့ပါဖူး။

ပြည်သူ့ တပ်မတော်သားလား၊ အာဏာရူးနအဖဗိုလ်ချူပ်ကြီးတွေရဲ့  စေရာခိုင်းခံရတဲ့ ပလပ်စတစ်စစ်သားအရုပ်လားဆိုတာ ….. အခုအချိန်ကာလမှာ ဆုံးဖြတ်ပြီး လက်တွေ့ ပြဖို့ လိုပါပြီ။

တိုင်းပြည်နဲ့  လူမျိုးက အသင်တို့ ကို အလိုရှိနေပါတယ်။

28 April 2011

မြန်မာနိုင်ငံတွင် လိင်စိတ်ကြွစေသော ကော်ဖီမစ်၊ ပီကေနှင့် ချောကလက်ဈေးကွက် ကွမ်းယာဆိုင်ထိ ပြန့်နှံ့

ပြည်ပနိုင်ငံများမှ တရားဝင် မှတ်ပုံတင်ထားခြင်း မရှိသော လိင်စိတ်ကြွစေသည့် ကော်ဖီမစ်၊ ပီကေ၊ ချောကလက် စသည့်ပစ္စည်းများ မြန်မာနိုင်ငံ ဈေးကွက်အတွင်း တွင်ကျယ်စွာ ရောင်းချလျက်ရှိ၍ သတိပြုသင့်ကြောင်း မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာနမှ သိရသည်။

“ဒီမှာလည်း တရားဝင် မှတ်ပုံတင်ထားတာ မဟုတ်ဘူး။ ဆေးဆိုင်မှာ ရောင်းချခွင့်လည်း မရှိဘူး။ လမ်းဘေးဆိုင်တွေမှာလည်း ရောင်းချခွင့် မရှိဘူး။ ရောင်းရင် မြို့နယ် အစားအသောက်နှင့် ဆေးဝါးကြီးကြပ်ကွပ်ကဲရေး ကော်မတီက စစ်ဆေးပြီး အရေးယူလို့ရတယ်” ဟု မြန်မာနိုင်ငံ အစားအသောက်နှင့် ဆေးဝါး ကွပ်ကဲရေးဌာနမှ တာဝန်ရှိသူက ပြောသည်။

နယ်စပ်မှတစ်ဆင့် ဖြတ်ကျော် ဝင်ရောက်လာသော အဆိုပါ ပစ္စည်းများကို အမျိုးသား အများစု ဝင်ထွက်ရာ ကွမ်းယာဆိုင်များတွင် ရောင်းချလျက်ရှိပြီး သင်္ကြန်ကာလအတွင်းက အဆိုပါပစ္စည်းများ ရောင်းအားအကောင်းဆုံး ဖြစ်ခဲ့ကြောင်း သိရသည်။

“ပစ္စည်းအမျိုးအစားတွေကတော့ မျိုးစုံပါပဲ။ ဒီလိုဆေးတွေထဲမှာ မူးယစ်ရီဝေစေတဲ့ ဆေးတွေပါတယ်လို့ သိရတယ်။ ဥပမာ ပီကေဆိုရင် ထုပ်ပိုးထားပုံက တကယ့်အပြင်မှာ ရောင်းနေတဲ့ ပီကေအတိုင်းပဲ။ ဒါမျိုးတွေကို အမျိုးသမီးလေးတွေ စားမိရင်တော့ ဖြစ်လာမယ့် နောက်ဆက်တွဲ ပြဿနာတွေက အများကြီးပဲမို့ ဒီလိုပစ္စည်းတွေ ရောင်းချနေတာကို အမြန်ဆုံးထိန်းချုပ် အရေးယူနိုင်ဖို့ လိုပါတယ်” ဟု မရမ်းကုန်းတွင် နေထိုင်သူတစ်ဦးက ပြောသည်။

ယခုအခါ အဆိုပါ ပစ္စည်းများသည် ရန်ကုန်၊ မန္တလေးမြို့ကြီးများတွင် သာမက အခြား တိုင်းဒေသကြီး များတွင်ပါ ရောင်းချလျက် ရှိနေသည်ဟု ဧရာဝတီတိုင်းဒေသကြီးမှ ဒေသခံတစ်ဦးကလည်း ဆိုသည်။ “ချောကလက်၊ ပီကေလို ပုံစံအပြင် ရေထဲထည့်တိုက်တဲ့ ဆေးရည်လည်း ရှိတယ်။

တချို့ဆေးတွေက လိင်စိတ်မတိုးဘဲနဲ့ မူးယစ်ဆေးဝါးပုံစံမျိုး ဖြစ်သွားတာတွေလည်း ရှိတယ်။ မူးယစ်ဆေးစွဲနေတဲ့သူတွေ အဲဒီလိုဆေးတွေကို အရက်နဲ့ တွဲသောက်ပြီး မူးယစ်ဆေးဝါးလိုပုံစံမျိုး အသုံးပြုတာ တွေ့ဖူးတယ်” ဟု အသက် ၂၅နှစ်အရွယ်ရှိ အမျိုးသားတစ်ဦးက ပြောသည်။

အဆိုပါ ပစ္စည်းများသည် ထိုင်း၊ ဘင်္ဂလားဒေ့ရ်ှနှင့် အိန္ဒိယတို့မှ ဝင်လာသော ပစ္စည်းများဖြစ်ပြီး ဈေးနှုန်းမှာ ကျပ် ၃၀၀၀နှင့် ကျပ် ၈၀၀၀ကြား ဈေးရှိကြောင်း၊ ဈေးကွက်အတွင်း ဝင်ရောက်သည်မှာ ၃နှစ်မျှ ရှိပြီဖြစ်ကြောင်း Popular News ဂျာနယ်တွင် ဖော်ပြထားပါသည်။ "

တရုတ်နိုင်ငံလုပ် မိုဘိုင်ဖုန်းဟန်းဆက်အတု ရန်ကုန်မြို့ဈေးကွက် ပေါ်ပေါက်လာခြင်း

ဟန်းဆက်အတုများ ဈေးကွက် ပေါ်ပေါက်လာခြင်းကြောင့် ဝယ်ယူသူများ နစ်နာလာကြောင်း ရန်ကုန်မြို့ အတွင်းရှိ မိုဘိုင်းဖုန်း ဈေးကွက်အတွင်းမှ ၂၀-၄-၂၀၁၁ ရက်က သိရသည်။ CDMA 800MHz ၊ CDMA 450MHz ၊ GSM စသည့် ဟန်းဆက်အမျိုးအစား အားလုံးအတွက် အရည်အသွေး မပြည့်မီသော ဟန်းဆက်များ ဈေးကွက်အတွင်း ရောက်ရှိနေခြင်းကြောင့် ဝယ်ယူသူများ နစ်နာလာခြင်းဖြစ်ကြောင်း မော်ဒယ်နံပါတ်တူ၊ ပုံစံတူ၊ အမျိုးအစားတူများ ဖြစ်နေခြင်းကြောင့် ရောင်းချသူများနှင့် အသုံးပြုသူများ အနေဖြင့် အခက်အခဲဖြစ်နေရခြင်းအပြင် ဈေးကွက်အတွင်း၌လည်း ဈေးနှုန်း မတည်ငြိမ်ခြင်းများ ဖြစ်ပေါ်နေကြောင်း သိရသည်။

ရောင်းအားကောင်းသော မိုဘိုင်းဟန်းဆက် အမျိုးအစားပေါ် မူတည်၍ ထိုကဲ့သို့ ဟန်းဆက်အတုများ ပေါ်ပေါက်နေခြင်းဖြစ်ပြီး၊ အလွယ်တကူ ခွဲခြားမသိရှိနိုင်ကြောင်း၊ ဝယ်ယူသူများ အနေဖြင့် အသုံးပြုပြီးပါက ပုံမှန်အမျိုးအစားထက် အရည်အသွေး နိမ့်နေသည်ကို တွေ့ရှိရသည်ဟု ဆိုသည်။

၎င်းကိစ္စနှင့် ပတ်သက်၍ လူကြီးမင်း မိုဘိုင်းဖုန်းဆိုင်မှ တာဝန်ရှိသူက “ပုံစံတူ၊ အရည်အသွေးတူ ဟန်းဆက်အတုတွေအပြင် ပစ္စည်းအချို့ကို ထုတ်ယူထားပြီး တန်ဖိုးလျှော့ချထားတာ မျိုးလည်း ရှိပါတယ်။ အစစ်တွေရော၊ အတုတွေရော အားလုံး တရုတ်နိုင်ငံက ဝင်တာများတယ်” ဟု ပြောပြသည်။

ရောင်းချသူများ၊ ပြုပြင်ရေး ပညာရှင်များအနေဖြင့် ခွဲခြားသိရှိနိုင်သော်လည်း သုံးစွဲသူများ အနေဖြင့် အလွယ်တကူ မသိရှိနိုင်၍ နစ်နာမှုများရှိနေခြင်း ဖြစ်သည်။ မိုဘိုင်းဖုန်း ဟန်းဆက်များ ဝယ်ယူတော့မည်ဆိုပါက ယုံကြည်စိတ်ချရပြီး အာမခံချက်ရှိသော ဆိုင်တွင် ဝယ်ယူသင့်ပြီး ယခုနောက်ပိုင်း ဆိုင်အတော်များများကလည်း အာမခံဖြင့် ရောင်းချပေးလာကြကြောင်း သိရသည်။

နာမည်ကြီးပြီး အသုံးပြုမှု အများဆုံးဖြစ်သော iPhone၊ Nokia ၊ Sony Ericsson စသည့် ဟန်းဆက်များအပြင် အခြား ကျပ်ငါးသိန်းတန် ဟန်းဆက်များလည်း အတုဈေးကွက်၌ တွင်ကျယ်နေကြောင်း ပြည်မြန်မာ ဂျာနယ်တွင် ဖော်ပြထားပါသည်။ "

ပြည်သူလူထုကို ကိုယ်စားပြုသော အသံ...

နိုင်ငံရေး အကျဉ်းသားတွေကို ပြန်လွှတ်ပေးမလားလို့ အားလုံးက မျှော်လင့်တောင့်တ ခဲ့ကြပေမယ့် ခုချိန်ထိ ထူးခြားမှု တစုံတရာမတွေ့ရှိသေးပါဘူး။ နိုင်ငံရေးအကျဉ်းသားတွေကို ပြန်လွှတ်ပေးဖို့ ဆိုတာရဲ့နောက်ကွယ်မှာ ဒါ့ထက်မက အဓိပ္ပါယ်တွေကို ဖေါ်ဆောင်နေတယ်ဆိုတာ အားလုံး နားလည် လက်ခံထားကြတဲ့အတွက်လည်း၊ မျှော်လင့်မှုတွေဟာ ပိုမိုပြင်းထန်ကြခြင်းဖြစ်ပါတယ်။

အစိုးရသစ်ရဲ့ လုပ်ရပ်ဟာ အပြုသဘောဆောင်တဲ့ အမျိုးသားရင်ကြားစေ့ရေးကို ဦးတည်မတည်ကိုပါ ဒီအကျဉ်းသားပြန်လည်လွှတ်ပေးရေးနဲ့ ဆက်နွယ်နေပါတယ်။ မြန်မာပြည်ရဲ့ အလှည့်အပြောင်း ကံကြမ္မာဟာ အစိုးရ ရဲ့ ဒီဆုံးဖြတ်ချက်ပေါ်မှာ လုံးလုံးလျားလျား မူတည်နေပါတယ်။

ဒီမိုကရေစီ အင်အားစု များအနေနဲ့ အစိုးရသစ်ကို အပြုသဘောဆောင်တဲ့ မေတ္တာရပ်ခံ ကမ်းလှမ်းချက်ကို ပြုခဲ့ပါတယ်။ မြန်မာ့နိုင်ငံရေးဦးဆောင်သူများ အပါအ၀င်၊ စာပေ၊ ဂီတ၊ ရုပ်ရှင်နယ်ပယ်များနဲ့ ပြည်သူလူထုမှ ပြည်သူလူထုကို ကိုယ်စားပြုပြီး ဒီမေတ္တာရပ်ခံ၊ ကမ်းလှမ်းမှုကို ပြုခဲ့ကြခြင်းဖြစ်ပါတယ်။ ဖေ့စ်ဘွတ်ခ် မှ မိတ်ဆွေများအနေနဲ့ ဒီမေတ္တာရပ်ခံ တောင်းဆိုမှုကို ထောက်ခံတဲ့အနေနဲ့ဝိုင်းပြီး like လုပ်ပေးကြ စေချင်ပါတယ်။

Cho Tu Zal Facebook မှာ Like လုပ်ရန် Click

PASSWORD အခိုးခံ ရမှုများ လာခြင်းကြောင့် အထူး သတိပြု အသုံးပြုရန် လိုအပ်လာ
1 Comments - 26 Apr 2011
itWEEKLY JournalPASSWORDအွန်လိုင်း အသုံပြု ရာတွင် အသုံးပြု သူများ အနေဖြင့် Facebook သုံးခြင်း ၊ ဂိမ်းဆော့ခြင်း များတွင် ဆန္ဒမစောဘဲ ဂရုတစိုက် လေ့လာပြီးမှ သာ အသုံး ပြုသင့်ကြောင်း၊ ထိုကဲ့သို့ မဟုတ်ဘဲ အမှတ် တမဲ့ အသုံးပြု လိုက် ပါက Hacker များ ၏ Password ခိုးယူခြင်းကို ခံရမည် ဖြစ်ပြီး ယခု အခါတွင် အွန်လိုင်း သုံးစွဲသူ အများစု Password ခိုးယူခြင်း ခံရေ ကြောင်း စုံးစမ်း သိရ သည်။Facebook အသုံးပြု၍ ဂိမ်း ဆော့သည့်အခါ User များ အနေဖြင့် သူငယ်ချင်း မျာ...

More Link



27 April 2011

လိပ်ပြာသန့်ရင် အာဏာ မဲ့ လည်းအားရှိနေတယ် လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ပြောကြား



အမှန်တရားအပေါ်မှာ ရပ်တည် ရှင်သန်ပြီး ကိုယ်လုပ်တဲ့ အလုပ် အပေါ် လိပ်ပြာ သန့်နိုင်တယ် ဆိုရင် အာဏာ မရှိတဲ့သူတွေ မှာလည်း စွမ်းအား ရှိတယ် လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် က ဘီဘီစီ ပါရှန် ရုပ်မြင်သံကြား နဲ့ဆက်သွယ် မေးမြန်းခန်း မှာ ပြောပါတယ်။

ဒီမိုကရေစီ နဲ့ပတ်သက်ပြီး ဝေဖန် ပြောကြားမှု တွေ ရှိနေတာကို လည်း သူက အခုလို အဓိပ္ပာယ် ဖွင့်ဆို သုံးသပ် ပြောဆိုပါတယ်။

ဒီမိုကရေစီ ဆိုတာ အစိုးရ ဖွဲ့စည်း အုပ်ချုပ်တဲ့ စနစ်၊ ပုံစံတခုသာ ဖြစ်တယ်၊ ကိုယ့်နိုင်ငံ ရဲ့ လိုအပ်ချက်ကို လိုက်ပြီး အဲဒီ ပုံစံကို သင့်တော် သလို ညှိနှိုင်းယူလို့ ရတယ်လို့ ဒေါ်အောင်ဆန်းစုကြည် က ပြောပါတယ်။

လွတ်လပ်မှု ရှိဖို့ နဲ့ တရားစီရင်ရေး ဆိုင်ရာ လို မျိုး အဖွဲ့အစည်း တချို့အမှီအခို ကင်းစွာ ရပ်တည်နိုင်မှုတွေဟာ ဒီမိုကရေစီ ရဲ့ အခြေခံ လိုအပ်ချက်တွေ ဖြစ်တယ် လို့လည်း ထောက်ပြ ပါတယ်။

ဒီမိုကရေစီ ကျင့်သုံးဖို့အတွက် ကိုယ့် ယဉ်ကျေးမှုကို စွန့်လွှတ်စရာ မလိုဘူး။ ဒီမိုကရေစီ ကို တကယ် လက်ခံမယ်ဆိုရင် လူတွေရဲ့ လွတ်လပ်ခွင့်နဲ့ လုံခြုံမှုကို အာမခံနိုင် ရပါမယ်။ အဲဒီလို အာမ မခံဘဲ ကိုယ့် ယဉ်ကျေးမှု နဲ့ မကိုက်ညီဘူးလို့ ပြောနေတာဟာ ဆင်ခြေပေးနေတာ သက်သက် ဖြစ်တယ်လို့ ဒေါ်အောင်ဆန်း စုကြည်က ဝေဖန် ပြောကြား လိုက်ပါတယ်။

တခါ အရှေ့အလယ်ပိုင်းဒေသက လူထု လှုပ်ရှားမှုတွေနဲ့ ပတ်သက်လို့လည်း လူသားချင်း အတူတူ ဖြစ်တဲ့အတွက် သူတို့နဲ့ အတူ တစိတ်တဝမ်းထဲ ရှိတယ်လို့ ဆိုခဲ့ပါတယ်။

``ကျွန်မ ပြောချင်တာက ရိုးရိုးလေးပါ၊ ကျွန်မတို့ဟာ ကမ္ဘာတခုထဲမှာ နေကြတယ်၊ လူသားမျိုးနွယ် အချင်းချင်းဖြစ်တယ်။ ကမ္ဘာ့ ဘယ်နေရာမှာပဲဖြစ်ဖြစ် လွပ်လပ်မှုအတွက် လှုပ်ရှား နေကြသူတွေဖက်က ရပ်တည်ပါတယ်`` လို့ ဒေါ်အောင်ဆန်းစုကြည်က ပါရှန် ရုပ်မြင်သံကြား နဲ့ ဆက်သွယ် မေးမြန်းခန်းမှာ ပြောခဲ့ပါတယ်။

သတင်းရင်းမြစ်..ဘီဘီစီ

အဖြေ.....

အဖြေ
၂၃.၄.၂၀၁၁ (စနေ) နေ့တွင် နာရေးကူညီမှုအသင်း(ရန်ကုန်)၏ ၁၀ နှစ်ပြည့် အခမ်းအနား အား နံနက် (၉း၀၀) နာရီအချိန်တွင် စာရေးဆရာ၊ ဒါရိုက်တာ၊ နာယကကြီး ကျေးဇူးရှင် ဘဘဦးသုခ ၏ ရုပ်ထုဖွင့်ပွဲအခမ်းအနားဖြင့် စတင်ဖွင့်လှစ်ခဲ့ပါသည်။ ဘဘဦးသုခ၏ ရုပ်ထုမျက်နှာပြင်စတင်၍ ကတ္တီပါအခန်းဆီး မျက်နှာပြင်အကွယ်မှ ပေါ်ပေါက်လာစဉ် ဘဘဦးသုခ၏ ကမ္ဘာပေါ်ရှိ မိခင်များ (အမေ)အား ဂုဏ်ပြုစကားသံတို့သည် အရပ်ရှစ်မျက်နှာတွင် လွှမ်းခြုံ၍ ပေါ်ပေါက်လာတော့သည်။ စကားသံဆုံးသည်နှင့် နာရေးကူညီမှုအသင်း(ရန်ကုန်)၏ မျိုးဆက်သစ်ကလေးငယ်များ၏ “ပေးဆပ်လိုက်ကြ xxx ဖေးမလိုက်ကြ ခွဲမရတဲ့တွဲလက်တွေခိုင်မြဲလို့ xxx စည်းလုံးကြမယ် . . . ပေးဆပ်လိုက်ကြ xxx ဖေးမလိုက်ကြ ခွဲမရတဲ့ တွဲလက်တွေခိုင်မြဲလို့ xxx စည်းလုံးကြမယ်” ဟူသော ခွဲမရတဲ့တွဲလက်များသီချင်းအား သံပြိုင်သီဆိုသံ တပြိုင်နက်ထွက်ပေါ်လာတော့သည်။ ကျွန်တော်တို့ ၏ လူမှုရေးစိတ်ဓါတ်အင်အားတို့သည် အသွေးအသားထဲ ဆူပွက်၍လာပါတော့သည်။ ကျွန်တော်တို့ အဖွဲ့သားများအားလုံး ကြက်သီးမွှေးများ တပြိုင်နက်ထလာပါတော့သည်။ ကျွန်တော်တို့အဖွဲ့သား အားလုံး၏ ပီတိအပြုံးများအားလုံး လွှမ်းခြုံနေတော့သည်။ ဘဘဦးသုခ၏ သက်မဲ့ရုပ်ထု မျက်နှာပြင်သည်လည်း အသက်ဝင်နေသည့်အလား ကျေနပ်ပီတအပြုံးများဖြင့် လွှမ်းခြုံနေသည်ကို တွေ့မြင်လိုက်ရသည်။

သက်မဲ့ ဘဘဦးသုခ၏ ရုပ်ထုမျက်နှာပြင်အဘယ်ကြောင့် ပီတအပြုံးများ လွှမ်းခြုံနေသနည်း ? အောက်ပါပုံရိပ်များအား ကြည့်ရှုလေ့လာခြင်းဖြင့် ဤမေးခွန်း၏ အဖြေအား ရရှိလိမ့်မည်ဟု မျှော်လင့်ပါသည်။

ကျော်သူ


26 April 2011

ရန်ကုန်တိုင်းအတွင်းရှိ ပလတ်စတစ်အိတ် စက်ရုံများအားလုံး ပိတ်သိမ်းရန် အမိန့်စာထွက်

ရန်ကုန်တိုင်းဒေသကြီးအတွင်းရှိ ပလပ်စတစ်အိတ် အမျိုးမျိုး (ကြွပ်ကြွပ်အိတ်မျိုးစုံနှင့် ပလပ်စတစ်ကြိုး) ထုတ်လုပ်သည့် လုပ်ငန်းများအား ဧပြီလ ၂၁ ရက်နေ့ နောက်ဆုံးထား ပိတ်သိမ်းရန် သက်ဆိုင်ရာ မြို့နယ်အလိုက် စည်ပင်သာယာ အုပ်ချုပ်ရေးမှူးရုံးများမှ စက်ရုံများသို့ အကြောင်းကြားစာ ပေးပို့ထားကြောင်း သတင်းရရှိပါသည်။

ဧပြီလ ၂၀ ရက်နေ့ ရက်စွဲဖြင့် မြို့နယ်စည်ပင်သာယာ အုပ်ချုပ်ရေးမှူးရုံးမှ လုပ်ငန်းပိတ်သိမ်းရန်အတွက် ပလတ်စတစ်အိတ် ထုတ်လုပ်သည့် လုပ်ငန်းများသို့ အကြောင်းကြားခြင်းဖြစ်ကြောင်း လုပ်ငန်းရှင်များက ပြောကြားခဲ့သည်။ ရန်ကုန်တိုင်းဒေသကြီး အတွင်းရှိ ပလတ်စတစ်အိတ် အမျိုးမျိုး ထုတ်လုပ်သည့် လုပ်ငန်းရှင်များအနေဖြင့် ၂၀၁၀ ပြည့်နှစ် မတ်လ ၃၁ ရက်နေ့ နောက်ဆုံးထားကာ ပိတ်သိမ်းရန် ယခင်ကတည်းက ၀န်ခံကတိပြုလက်မှတ် ရေးထိုးထားခြင်း ဖြစ်ကြောင်းလည်း သိရသည်။

သို့သော် ယခုအချိန်ထိ ပိတ်သိမ်းမှု မရှိသေးသည့်အတွက် ထပ်မံ၍ ၂၀၁၁ ခုနှစ် ဧပြီလ ၂၁ ရက်နေ့ နောက်ဆုံးထားပိတ်သိမ်းရန် အကြောင်းကြားခြင်းဖြစ်ကြောင်း၊ အကယ်၍ ပိတ်သိမ်းခြင်း မပြုပါက လုပ်ငန်းလိုင်စင်စာရင်းမှ ပယ်ဖျက်၍ စည်ပင်သာယာဥပဒေ၊ စည်းမျဉ်းစည်းကမ်း၊ လုပ်ထုံးလုပ်နည်းများနှင့်အညီ အရေးယူ ဆောင်ရွက်သွားမည်ဟု အကြောင်းကြားစာတွင် ပါဝင်ကြောင်းလည်း စက်မှုလုပ်ငန်းရှင်များက ဆိုသည်။ ရန်ကုန်တိုင်းဒေသကြီးအတွင်း တရားဝင်နှင့် တရားဝင်မှတ်ပုံတင်ခြင်း မပြုသည့် ပလတ်စတစ်အိတ် လုပ်ငန်းပေါင်း ၁၀၀ ကျော်ရှိပြီး နောက်ဆက်တွဲ ဖြစ်ပေါ်လာမည့် အခက်အခဲနှင့် အကျိုးတရားများအပေါ် လုပ်ငန်းရှင်တစ်ဦးကလည်း “ကောင်းကျိုးကတော့ သဘာဝပတ်ဝန်းကျင်ကို ထိခိုက်မှု လျော့ကျသွားမယ်။ လေထုညစ်ညမ်းမှု လျော့ကျသွားမယ်။ ဥပမာ- ပြည်တွင်းမှာ ဖြစ်ခဲ့တဲ့ ဖြစ်စဉ်တစ်ခုဆိုရင် ရေထဲကို စည်းကမ်းမဲ့ ပစ်ထားတဲ့ ပလတ်စတစ်နဲ့ငြိပြီး စက်လှေ မှောက်ခဲ့ဖူးသေးတယ်။ ဒါမျိုးတွေ လျော့နည်း သွားမှာပေါ့။ ခက်ခဲမှုဆိုရင်တော့ ချက်ချင်းပိတ်သိမ်းရတဲ့အတွက်တော့ အရင်ဆုံး အလုပ်သမားတွေ ခက်ခဲမှုရှိမယ်။ ဒုတိယအချက်အနေနဲ့ လုပ်ငန်းရှင်တွေ၊ ရင်းနှီးမြှုပ်နှံသူတွေ ရင်းနှီးငွေ ပြန်မရနိုင်တော့ဘူး” ဟု သုံးသပ်ခဲ့သည်။ “Recycle ပြန်လုပ်လို့ရအောင် ဓာတုအသုံးပြုပြီး အရောင်မပါတဲ့ ပလတ်စတစ် အကြည်တွေ ထုတ်လုပ်ပြီး စနစ်တကျ စွန့်ပစ်မယ်၊ ပြီးရင် ဒါတွေကို Recycle လုပ်တဲ့သူတွေက ပြန်ဝယ်ပြီး လူသုံးကုန်ပစ္စည်း ထုတ်လုပ်မယ်ဆိုရင် စက်ရုံတွေလည်း သက်သာမယ်ဆိုတဲ့ အချက်ကို ကျန်ခဲ့တဲ့နှစ်က လုပ်ကိုင်ကြတယ်လေ။ စက်ရုံတွေကို ဒီလို ကန့်သတ်ချက်နဲ့ ပြန်လည်ပတ်စေရင်တော့ လုပ်ငန်းရှင် တွေလည်း ခက်ခဲမှုမရှိနိုင်ဘူး။ သဘာဝပတ်ဝန်းကျင် ထိခိုက်မှုကိုလည်း အတော်အတန် လျှော့ချနိုင်မယ်လို့ ထင်ပါတယ်” ဟု စက်မှုလုပ်ငန်းရှင်တစ်ဦးက သုံးသပ် ပြောကြားခဲ့ပါသည်။

နိုင်ငံတကာတွင် ပလတ်စတစ် နှင့်ပတ်သက်၍ Reduce (သုံးစွဲမှု တိုက်ရိုက်လျှော့ချခြင်း)၊ Reuse (ပြန်လည်သုံးစွဲခြင်း)၊ Using Biodegradable Plastic (ပျက်စီးလွယ်၍ ပတ်ဝန်းကျင် ညစ်ညမ်းမှုကို မဖြစ်ပေါ်စေခြင်း) အချက်သုံးချက်ဖြင့် သုံးစွဲ လုပ်ကိုင်နေကြကြောင်း Weekly Eleven ဂျာနယ်တွင် ဖော်ပြထားပါသည်။



ရပ်ကွက်များ အတွင်းရှိ ဈေးဆိုင်များတွင်ပါ ကြွပ်ကြွပ်အိတ်၊ ကြွပ်ကြွပ်အိတ်ကြိုးများ ရောင်းချခြင်း မပြုရန် သက်ဆိုင်ရာမှ အကြောင်းကြား

ရန်ကုန်တိုင်းဒေသကြီး အတွင်းရှိ ပလပ်စတစ်အိတ်မျိုးစုံ (ကြွပ်ကြွပ်အိတ်မျိုးစုံ) ထုတ်လုပ်သည့် လုပ်ငန်းများနှင့် ကြွပ်ကြွပ်အိတ်ကြိုး ထုတ်လုပ်သည့် လုပ်ငန်းများအား ရပ်ဆိုင်းရန် အကြောင်းကြားစာ ထွက်ရှိပြီးနောက်ရပ်ကွက် များအတွင်းရှိ ဈေးဆိုင်များတွင်ပါ ကြွပ်ကြွပ်အိတ်နှင့် ကြွပ်ကြွပ်အိတ်ကြိုးများ ရောင်းချခြင်း ခွင့်မပြုကြောင်း အကြောင်းကြားလာသည်ဟု ဆိုင်လုပ်ငန်းရှင်များထံမှ သတင်း ရရှိပါသည်။

ယခုအခါ မင်္ဂလာတောင်ညွန့်မြို့နယ်နှင့် ကမာရွတ်မြို့နယ်များ အတွင်းရှိ စတိုးဆိုင်၊ ကုန်စုံဆိုင်များအား အဆိုပါ အကြောင်းကြားစာ စတင် ပေးပို့ထားကြောင်း သိရှိရသည်။အကြောင်းကြားစာတွင် 'ကြွပ်ကြွပ်အိတ်၊ ကြွပ်ကြွပ်အိတ်ကြိုးများ ထုတ်လုပ်၊ သိုလှောင်၊ ရောင်းချခြင်း ကို ဧပြီလ ၂၂ ရက်နေ့မှ စတင်ကာ ခွင့်မပြုတော့ကြောင်း၊ လိုက်နာမှု မရှိပါက ရန်ကုန်မြို့တော် စည်ပင်သာယာရေးကော်မတီမှထုတ်ပေးထားသည့် လုပ်ငန်းစင်အား ပိတ်သိမ်းမည် ဖြစ်သည်'ဟု ပါရှိကြောင်း သိရသည်။

''ဧပြီလ ၂၁ ရက်နေ့ ရက်စွဲနဲ့ မြို့နယ် စည်ပင်သာယာအုပ်ချုပ်ရေးမှူးရုံးက အကြောင်းကြားတာပါ။ ဧပြီလ ၂၂ ရက်နေ့ကစပြီး ကြွပ်ကြွပ်အိတ်၊ ကြွပ်ကြွပ်အိတ်ကြိုးတွေ ရောင်းချခွင့် မပြုတော့ဘူးတဲ့၊ ရောင်းရင် လုပ်ငန်းလိုင်စင် ပိတ်သိမ်းမယ်လို့ စာထဲမှာပါတယ်။ ရှိပြီးသားတွေရောလို့ မေးကြည့်တော့ ဒါကတော့ ဒီတစ်သုတ်ပြီးတာနဲ့ ထပ်မရောင်းတော့နဲ့လို့ ပြောသွားတာပဲ။ ကျွန်တော်တို့တော့ အခက်အခဲ ဖြစ်ကုန်တာပေါ့။ တရားဝင်ထုတ်ထားတဲ့ ပစ္စည်းဆိုတော့ တင်ရောင်းတာပေါ့။အခုတော့ အရင်းပါဆုံးမယ့်ကိန်း ဆိုက်ပြီ''ဟု မင်္ဂလာတောင်ညွန့်မြို့နယ် အတွင်းရှိ စတိုးဆိုင် ပိုင်ရှင်တစ်ဦးက ပြောပြခဲ့သည်ဟုWeekly Eleven ဂျာနယ်တွင် ဖော်ပြထားပါသည်။

အပူချိန်ကြောင့် ပြင်ဦးလွင်ရှိ အနီးစခန်းရေတံခွန်၊ ပွဲကောက်ရေတံခွန်၊ ပိတ်ချင်းမြောင်လိုဏ်ဂူ ရေတံခွန်တို့ ရေနည်းပါးလာ


ရာသီဥတု အပူချိန်ကြောင့် ပြင်ဦးလွင်မြို့ရှိ အနီးစခန်း ရေတံခွန်နှင့် ပွဲကောက်ရေတံခွန်တို့တွင် ယခုနှစ် နွေရာသီ၌ ရေနည်းပါးမှုဖြင့် ကြုံတွေ့နေရကြောင်း သိရှိရပါသည်။ ပြင်ဦးလွင်မြို့တွင် ဓာတ်တော်ချိုင့်(ခေါ်) အနီးစခန်း ရေတံခွန်၊ ၀က်ဝံကျေးရွာအနီးရှိ ၀က်ဝံရေတံခွန်နှင့် ပွဲကောက်ရေတံခွန် ဟူ၍ နာမည်ကျော် ရေတံခွန်စခန်း သုံးခုရှိပြီး အနီးစခန်း ရေတံခွန်နှင့် ပွဲကောက်ရေတံခွန်တို့မှာ ခရီးသွားဧည့်သည်များ လာရောက် လည်ပတ်မှု များပြားသည့် ရေတံခွန်စခန်းများ ဖြစ်သည်။

''အခုနောက်ပိုင်း ပြင်ဦးလွင်နဲ့ မန္တလေး ရာသီဥတုက သိပ်မကွာတော့သလိုပဲ။ ပူလာပြီ။ အနီးစခန်း ရေတံခွန်မှာလည်း ရေက သိပ်မရှိတော့ဘူး။ နွေအပူချိန်ကြောင့် ထင်ပါတယ်။ ကမ္ဘာကြီး ပူနွေးလာမှုက အားလုံးကို သိသိသာသာ ပြောင်းလဲစေတာပဲ'' ဟု ဓာတ်တော်ချိုင့် (အနီးစခန်း) ရေတံခွန်သို့ သွားရောက် လည်ပတ်ခဲ့သည့် မန္တလေးမြို့ခံက ပြောပြခဲ့သည်။ ''ဟိုအရင် သုံးလေးနှစ်ကဆိုရင် ပိတ်ချင်းမြောင်လိုဏ်ဂူ အပြင်ဘက်က ရေတံခွန်မှာ ရေတွေ တဝေါဝေါနဲ့ ရေအားနဲ့လည်နိုင်တဲ့ ကလေးစီးစရာတွေတောင် ထားလို့ရတယ်။ အခုတော့ ရေတွေနည်းလာတော့ ရေတံခွန်နား တစ်ဝိုက်ပဲ ရေစိုနိုင်တော့တယ်။ ကျန်တဲ့နေရာတွေက ရေစပ်စပ်နဲ့ ဗွက်ထကုန်ပြီလေ။ ခရီးသွားတွေကတော့ လာနေတုန်းပါပဲ'' ဟု ပိတ်ချင်းမြောင်လိုဏ်ဂူ အနီးတွင် ဒေသထွက်ပစ္စည်းများ ရောင်းချသည့် ဆိုင်ပိုင်ရှင်က ပြောပြခဲ့သည်။ ''ပြင်ဦးလွင်မြို့မှာ မိုးရာသီကရှည်ပြီး နွေရာသီက တိုတယ်။ တချို့ နွေရာသီမှာ ရေတံခွန်တွေမှာ ရေနည်းသွားတာမျိုး ကြုံရလေ့ရှိပေမယ့် ဒီနှစ်တော့ ရေတံခွန်မှာ ရေတွေ အရင်နှစ် နွေရာသီတွေထက် ပိုပြီး ရေနည်းသွားသလိုပဲ'' ဟု ပြင်ဦးလွင်မြို့ ဒေသခံတစ်ဦးက ပြောပြခဲ့သည်။

''ရေကတော့ တော်တော် နည်းနေတယ်။ ပွဲကောက်ရေတံခွန်ကို ကျွန်မတို့ ရောက်သွားတော့ ရေတံခွန်လို့ ပြောလို့ရရုံပဲ ရေရှိတော့တယ်။ ရေတံခွန်အောက်မှာ လူတွေ ရေကစားနေကြတာ အပေါ်ကရေက မကျတော့ ရေကူးကန်ထဲ ရေကစားနေသလိုပဲ။ ရေတွေက အနည်ထပြီး ရေသေလို ဖြစ်နေတယ်'' ဟု သင်္ကြန်ကာလအတွင်း ပြင်ဦးလွင်မြို့သို့ လည်ပတ်ခဲ့သူက ပြောပြခဲ့ကြောင်း Weekly Eleven ဂျာနယ်တွင် ဖော်ပြထားပါသည်။

အေမ့အိ္မ္မွေက်းဇူးတင္စကား.....

အေမ့အိ္မ္မွေက်းဇူးတင္စကား။

သင်္ကြန်အပြီးမှာ ပြင်ဆင်တိုးချဲ့  ဆောက်လုပ်ပြီး အမေ့အိမ်ပညာဒါနကျောင်းကို အားလုံး ၀မ်းသာရအောင် တင်ပေးလိုက်ပါတယ်။ သင်္ကြန်တွင်းမှာ ကျောင်းကော်မတီဝင်တွေ အနားမယူပဲ လုပ်အားပေးခဲ့လို့ အမေ့အိမ်ဟာ အခုဆို တိုးတက်ကျယ်ဝန်း လာခဲ့ပါပြီ။ ပိုပြီး သပ်ရပ်ကျယ်ဝန်းလာတဲ့ အမေအိမ့်မှာ တိုင်းပြည်ရဲ့  ရတနာလေးတွေ အေးချမ်းစွာ ပညာသင်ယူနေကြပါပြီ...။

(၁) ကျောင်းကော်မတီရဲ့  ကြိုးစားအားထုတ်မှု
(၂) အလှူရှင်များရဲ့  စေတနာထက်သန်မှု
(၃) ကျောင်းသားမိဘတွေရဲ့  ၀ိုင်းဝန်းကူညီမှု
(၄) သက်ဆိုင်ရာ အာဏာပိုင်အဖွဲ့အစည်းများရဲ့ နားလည်လက်ခံပေးမှု

တို့အပေါ်အထူးကျေးဇူးတင်ပါကြောင်း မင်္ဂလာရှိတဲ့ နှစ်သစ်ဦး မှာ အားလုံးရဲ့ ကိုယ်စားပြောပါရစေ။ ကျောင်းကော်မတီဝင်များရဲ့  ပြောကြားချက်အရ Summer Course အားလုံးကို May 29th မှကျောင်းဆင်း လက်မှတ်အပ် နှင်းပွဲနဲ့ ဆရာကန်တော့ပွဲ ကျင်းပမယ်လို့ သိရပါတယ်။ ၂၀၁၁-၁၂ ပညာသင်နှစ် သင်တန်းတွေကိုတော့ 1st June နေ့မှပြန်လည် ဖွင့်လှစ်မှာ ဖြစ်ပါတယ်။ 1st June မှ Computer သင်တန်းကိုလည်း စတင် သင်ကြားပေးနိုင်အောင် ကြိုးစားနေပါတယ်။ လောလောဆယ် Computer သုံးစုံ အလှူခံရရှိထားပါပြီ။ တိုးချဲ့ ထားတဲ့ အဆောင်အနေအထားအရ Computer ရှစ်လုံးလောက်အထိတပ်ဆင်
သင်ကြားပေးနိုင်မှာဖြစ်ပါတယ်။ မိမိတို့မှာ အသုံးမ၀င်ပိုလျှံနေတဲ့ Model နှိမ့် Computer အဟောင်းများကို ပညာဒါနအဖြစ် လှူဒါန်းနိုင်ပါတယ်။ စာကြည့်တိုက်ငယ် တစ်ခုလည်း ဖွင့်လှစ်မှာ ဖြစ်တဲ့အတွက် စာအုပ်စာတမ်း ဂျာနယ်များလည်း လှူဒါန်းနိုင်ပါတယ် ။

အလှူရှင်များ အားလုံး ပညာပါရမီ ပြည့်ဝကြပါစေ။

ကျောင်းလိပ်စာ။..... ။အမှတ် ( ၅၄၈ ) မေခလမ်း (၁၄) ရပ်ကွက် (ပင်လုံဈေးအနီး)
လှိုင်သာယာမြို့နယ်

ကျေးဇူးတင်စွာဖြင့်
ကိုငယ် ( 09 5162060)

25 April 2011

ကရုဏာလက် လူမှုအကျိုးပြုလူငယ်များ၏ နှစ်သစ်ကူး အလှူဒါန။

ပြီးခဲ့ သည့် မြန်မာနှစ်သစ်ကူးသင်္ကြန်ကာလတွင် ကရုဏာလက် လူမှုအကျိုးပြုလူငယ်များမှ ရန်ကုန်တိုင်း မှော်ဘီမြို့ နယ်၊ ပန်းတစ်ပွင့်တောင်တရားစခန်းရိပ်သာတွင် ဧပြီလ (၁၂) ရက်နေ့ မှ (၁၉) ရက်နေ့ အထိ ကရုဏာလက် လူမှုအကျိုးပြုလူငယ်များမှ လူငယ်အင်အား (၂၄) ယောက်ဖြင့် တရားရိပ်သာ၏ ဝေယျာဝစ္စလုပ်ငန်းများဖြစ်သော ယောဂီများကို ဆွမ်းလောင်းလှူခြင်း၊ အများသုံးအိမ်သာများ ဆေးကြောပေးခြင်း၊ ဘုရားဆင်းတုတော်များကို ရောင်တော်ဖွင့်ပေးခြင်းနှင့် ဘုရားစေတီများအား ရွှေသင်္ကန်းကပ်ခြင်းများကို ပြုလုပ်ခဲ့ကြပါသည်။

ထို့ ပြင် မဟာသင်္ကြန်အတက်နေ့ တွင်လည်း ကရုဏာလက် လူမှုအကျိုးပြုလူငယ်များ၏ အလှူဒါနအဖြစ် ရိပ်သာဝင်ယောဂီများအား အအေးစတုဒီသာများ တိုက်ကျွေးခဲ့ကြပါသည်။ ကရုဏာလက်လူမှုအကျိုးပြုလူငယ်များ၏ အလှူရှင်များနှင့် အခြားမလိုက်ပါနိုင်သော ကရုဏာလက်လူငယ်များအား ကျွန်တော် ကျွန်မတို့ နှင့်အတူ ထပ်တူထပ်မျှ ကုသိုလ်ရကြစေရန် အမျှပေးဝေအပ်ပါသည်။



မြန်မာနှစ်သစ်ကူးကာလတွင် မြန်မာနိုင်ငံသူနိုင်ငံသားများနှင့်တကွ ကမ္ဘာသူကမ္ဘာသားများ ကျန်းမာချမ်းသာကြ၍ ဘေးဘယာဝေးကွာစေကြောင်းလည်း ဆုတောင်းအပ်ပါသည်။

ကရုဏာလက် လူမှုအကျိုးပြုလူငယ်များ၏ အခြားလူမှုအကျိုးပြုလုပ်ငန်းများတွင် ပါဝင်ဆောင်ရွက်လိုသော လူငယ်လူရွယ်များအား ဖိတ်ခေါ်အပ်ပါသည်။

ပန်တစ်ပွင့်တောင်တရားရိပ်သာတွင် ကျွန်တော် ကျွန်မတို့ ပြုလုပ်ခဲ့သော ဝေယျာဝစ္စ
လုပ်ငန်းမှတ်တမ်းဓါတ်ပုံများကို ဖေါ်ပြအပ်ပါသည်။

ကရုဏာလက် လူမှုအကျိုးပြု လူငယ်များ၏ လုပ်ငန်းကိစ္စအ၀၀တွင် ဆက်သွယ်ဆောင်ရွက်လိုပါက အောက်ပါဖုန်းနံပါတ်များသို့  ဆက်သွယ်နိုင်ပါကြောင်း လေးစားစွာ အသိပေးအပ်ပါသည်။

ကိုပြည့် - 0973160117

သီဟသန်းဝင်း - 0949280178

လင်းလင်း - 0949305705