အာဇာနည် ခေါင်းဆောင်ကြီးများ၏ အတ္ထုပ္ပတ္တိ အကျဉ်း

ဗိုလ်ချုပ်အောင်ဆန်း(ခ)ဗိုလ်တေဇ(၁၉၁၅-၁၉၄၇)

သခင် အောင်ဆန်းသည် ဒုတိယ ကမ္ဘာစစ် ဖြစ်လာ၍ မြန်မာ့ လွတ်လပ်ရေး အတွက် စည်းစည်းလုံးလုံး ဆောင်ရွက်နိုင်ရန် ဖွဲ့စည်းခဲ့သော ဗမာ ထွက်ရပ်ဂိုဏ်းတွင် အတွင်းရေးမှူး အဖြစ်လည်း တာဝန် ယူခဲ့သည်။ မြန်မာ့ လွတ်လပ်ရေး အတွက် လက်နက်ကိုင် တော်လှန်ရေး ဆင်နွဲရန် ပေါ်ပေါက်ခဲ့သော ပြည်သူ့ အရေးတော်ပုံ ပါတီ (နောင် ဆိုရှယ်လစ် ပါတီ) ၏ ပြည်ပ ဆက်သွယ်ရေး ခေါင်းဆောင် တာဝန်ကိုလည်း ယူခဲ့သည်။ ၁၉၄၀ မတ်လ အတွင်း အိန္ဒိယနိုင်ငံ ရမ်းဂါးမြို့၌ ကျင်းပသော အိန္ဒိယ အမျိုးသား ကွန်ဂရက် ညီလာခံသို့ တက်ရောက် ခဲ့သည်။ သခင် အောင်ဆန်းအား အင်္ဂလိပ် နယ်ချဲ့ အစိုးရကို ဆန့်ကျင် ဟောပြောမှုဖြင့် ဖမ်းဆီးရန် ဟင်္သာတခရိုင် ရာဇဝတ်ဝန်က ဆုငွေ ၅ ကျပ်ဖြင့် ဖမ်းဝရမ်း ထုတ်ခဲ့သည်။ ၁၉၄၀ သြဂုတ်လ အတွင်း မြန်မာ့ လွတ်လပ်ရေး အတွက် အင်္ဂလိပ် နယ်ချဲ့ အစိုးရအား မြန်မာ့ မြေပေါ်မှ လက်နက် အားဖြင့် မောင်းထုတ် နိုင်ရန် အတွက် နိုင်ငံခြားမှ အကူအညီ ရယူရန် တရုတ်နိုင်ငံသို့ စွန့်စား ထွက်ခွာခဲ့သည်။ တရုတ်ပြည် အမွိုင်၌ သောင်တင် နေစဉ် မြန်မာနိုင်ငံမှ ရဲဘော်များ၏ စီစဉ် ဆောင်ရွက် ပေးမှုကြောင့် ဂျပန် အရာရှိ စူဖူကိကေအိချိနှင့် အဆက်အသွယ် ရကာ ဂျပန် နိုင်ငံသို့ ရောက်သွားသည်။ ဂျပန်ပြည်တွင် ‘ဗမာ့ လွတ်လပ်ရေး စီမံကိန်း’ စာတမ်း တရပ်ကို ရေးဆွဲကာ ဂျပန် စစ်အာဏာပိုင်များနှင့် ညှိနှိုင်းခဲ့သည်။ ယင်း စီမံကိန်း အရ မြန်မာပြည် အတွင်းမှ မျိုးချစ် လူငယ်များကို စုစည်းကာ အလီလီ ခွဲလျက် ဂျပန်ပြည်သို့ ပို့ပေးခဲ့သည်။ ဤမျိုးချစ် လူငယ် တစုသည် ပင်လျှင် နောင်သော အခါတွင် ဗိုလ်တေဇ (ခေါ်) ဗိုလ်အောင်ဆန်း ခေါင်းဆောင်သည့် ရဲဘော် သုံးကျိပ် ဖြစ်လာခဲ့သည်။ ဤမျိုးချစ် လူငယ်များသည် ဗမာ့ လွတ်လပ်ရေး တပ်မတော် (ဘီအိုင်အေ) ကို ယိုးဒယား (ယခု ထိုင်း) နိုင်ငံ ဘန်ကောက်တွင် ဖွဲ့စည်း တည်ထောင်ကာ မြန်မာနိုင်ငံ အတွင်းသို့ ဂျပန်များနှင့်အတူ ဝင်ရောက် တိုက်ခိုက် ခဲ့သည်။

ဂျပန် တပ်မတော်က မြန်မာနိုင်ငံကို သိမ်းပြီးသော အခါ အင်အား ကြီးထွားပြီး ဗရမ်းဗတာ ဖြစ်လာသော ဗမာ့ လွတ်လပ်ရေး တပ်မတော်ကို အင်အား လျော့ချပြီး ဗမာ့ ကာကွယ်ရေး တပ်မတော် (ဘီဒီအေ) အဖြစ် ပြန်လည် ဖွဲ့စည်း သည့်အခါ ဗိုလ်ချုပ် အောင်ဆန်းသည် ဘီဒီအေ၏ စစ်သနာပတိ ဖြစ်လာသည်။ ၁၉၄၂ ခု၊ စက်တင်ဘာလတွင် သူနာပြု ဆရာမ ဒေါ်ခင်ကြည်နှင့် လက်ထပ်သည်။ မြန်မာနိုင်ငံကို ဂျပန်က ရွှေရည်စိမ် လွတ်လပ်ရေး ပေးသော အခါ ဗိုလ်ချုပ် အောင်ဆန်းသည် စစ်ဝန်ကြီးနှင့် စစ်သေနာပတိ ဖြစ်လာသည်။ ဖက်ဆစ် ဂျပန် စစ်အုပ်ချုပ်ရေး သမားများသည် မြန်မာ နိုင်ငံနှင့် ပြည်သူတို့အား ဖက်ဆစ်နိုင်ငံ၏ လက်အောက်ခံ နိုင်ငံ တနိုင်ငံ သဖွယ် သဘောထား လာကြသည်။ ထို့ကြောင့် ၁၉၄၄ ခုနှစ်၊ သြဂုတ်လ အတွင်းမှာ ဗိုလ်ချုပ် အောင်ဆန်းနှင့် သခင် စိုးတို့ ဦးဆောင်ပြီး ဖက်ဆစ် တိုက်ဖျက်ရေး ပြည်သူ့ လွတ်လပ်ရေး အဖွဲ့ချုပ် (ဖတပလ) [ဖက်ဆစ် တိုက်ဖျက်ရေး ပြည်သူ့ လွတ်လပ်ရေး အဖွဲ့ချုပ် (ဖဆပလ)] ကို ဖွဲ့စည်း တည်ထောင်ကာ ၁၉၄၅ ခုနှစ်၊ မတ်လ ၂၇ ရက်နေ့တွင် ဗမာ့ ကာကွယ်ရေး တပ်မတော်သည် ဗိုလ်ချုပ် အောင်ဆန်း၏ တိုက်ရိုက် ကွပ်ကဲ ညွှန်ကြားမှုဖြင့် ဖက်ဆစ် ဂျပန် တို့ကို အတိအလင်း စစ်ကြေညာကာ ဖက်ဆစ် တော်လှန်ရေးကို ဆင်နွှဲ ခဲ့သည်။ ဒုတိယ ကမ္ဘာစစ်ကြီး ပြီးနောက်တွင် ဗမာ့ တပ်မတော်ကို ဂန္ဒီ စာချုပ် အရ ဆက်လက် ဖွဲ့စည်း တည်ထောင် ပြီးနောက် ဗိုလ်ချုပ် အောင်ဆန်းသည် တပ်မတော်မှ နှုတ်ထွက်ကာ နိုင်ငံရေး ခေါင်းဆောင် ဖဆပလ ဥက္ကဋ္ဌ အဖြစ် တိုင်းပြည် တာဝန်ကို ဆက်လက် ထမ်းဆောင် ခဲ့သည်။

ဒုတိယ ကမ္ဘာစစ် အပြီးတွင် မြန်မာနိုင်ငံ ဘုရင်ခံ ဆာဒေါ်မန်စမစ်က ဗိုလ်ချုပ် အောင်ဆန်း အပါအဝင် ဖဆပလ ခေါင်းဆောင်များအား ဘုရင်ခံ၏ အမှုဆောင် ကောင်စီတွင် ရာထူး လက်ခံရန် စကား ကမ်းလှမ်းသော်လည်း ဖဆပလမှ ချမှတ်ထားသော စည်းကမ်းချက်များ အတိုင်း မရ၍ ဗိုလ်ချုပ် အောင်ဆန်းတို့က လက်မခံခဲ့ဘဲ၊ ဘုရင်ခံရဲ့ စက္ကူဖြူ စီမံကိန်း တိုက်ဖျက်ရေး ကိုသာ ပြည်သူ လူထုအား စည်းရုံးကာ အင်တိုက်အားတိုက် ဆောင်ရွက် ခဲ့သဖြင့်၊ ပုလိပ် သပိတ် အပါအဝင် အထွေထွေ အမူထမ်း ပေါင်းစုံ သပိတ်ကြီး ပေါ်ပေါက် လာပြီး၊ နယ်ချဲ့ အင်္ဂလိပ် တို့၏ အုပ်ချုပ်ရေး ရပ်တန့် သွားခဲ့ရသည်။ ဗြိတိန် အစိုးရလည်း ဘုရင်ခံ ဆာဒေါ်မန်စမစ်ကို အင်္ဂလန်သို့ ပြန်ခေါ်ပြီး၊ ဘုရင်ခံ အသစ် အဖြစ် ဆာဟူးဘတ်ရန်စ်ကို ခန့်အပ် လိုက်သည်။ ဘုရင်ခံသစ် ဆာဟူးဘတ်ရန်စ်က ဗိုလ်ချုပ်တို့ အလိုကျ အစိုးရ ဖွဲ့စည်းရန် စကား ကမ်းလှမ်း လာတော့သည်။ ထို ကမ်းလှမ်းချက် များကို ဖဆပလနှင့် ဆွေးနွေး ညှိနှိုင်း ကြပြီးနောက် ဗိုလ်ချုပ် အောင်ဆန်းနှင့် ဖဆပလ ခေါင်းဆောင် များသည် ဘုရင်ခံ၏ အမှုဆောင် ကောင်စီဝင် ရာထူးကို ယူလိုက် ကြသည်။ ထိုကြောင့် ၁၉၄၆ ခုနှစ်၊ စက်တင်ဘာလ ၂၈ ရက်နေ့ မှစ၍ ဗိုလ်ချုပ် အောင်ဆန်းသည် ဘုရင်ခံ၏ အမှုဆောင် ကောင်စီ ဒုတိယ ဥက္ကဋ္ဌ ဖြစ်လာသည်။ ထိုနောက် တနှစ် အတွင်း လုံးဝ လွတ်လပ်ရေး ရရှိရေး ဆောင်ပုဒ် အရ မြန်မာ့ လွတ်လပ်ရေး ကိစ္စ ဆွေးနွေးရန် ဗြိတိသျှ လေဘာ အစိုးရ၏ ဖိတ်ကြားချက် အရ မြန်မာ ကိုယ်စားလှယ် အဖွဲ့ကို ဗိုလ်ချုပ် အောင်ဆန်း ဦးဆောင်ပြီး ၁၉၄၇ ခု၊ ဇန်နဝါရီလတွင် လန်ဒန်သို့ သွားရောက် ခဲ့သည်။ ထိုဆွေးနွေးပွဲမှ မြန်မာနိုင်ငံအား တနှစ်အတွင်း လွတ်လပ်ရေး ပေးမည့် အောင်ဆန်း - အက်တလီ စာချုပ် ချုပ်ဆို နိုင်ခဲ့သည်။

သို့သော် မြန်မာနိုင်ငံကို လွတ်လပ်ရေး ပေးရာတွင် ဗြိတိသျှတို့က တောင်တန်း ဒေသများကို ချန်ထား လိုသောကြောင့် ဗိုလ်ချုပ် အောင်ဆန်းက တောင်တန်း ဒေသ ကိုပါ တပါတည်း လွတ်လပ်ရေး ပေးရန် တောင်းဆို ခဲ့ပြီး၊ တောင်တန်း ဒေသနှင့် မြန်မာပြည်ပ ပေါင်းစည်း အတွက် အားသွန် ကြိုးပမ်း ခဲ့ပြန်သည်။ ဗိုလ်ချုပ် အောင်ဆန်း၏ ကြိုးစား ရိုးသားမှုကြောင့် တောင်တန်း ဒေသ တိုင်းရင်းသား ခေါင်းဆောင်များ၏ ယုံကြည် ကိုးစားမှု ကိုပါ ရရှိခဲ့ပြီး၊ မြန်မာနိုင်ငံ သမိုင်းတွင် အရေးပါသော တိုင်းရင်းသား ပေါင်းစုံ သွေးစည်း ညီညွတ်ရေး သင်္ကေတ ဖြစ်ခဲ့သည့် ပင်လုံ စာချုပ် ချုပ်ဆို နိုင်ခဲ့သည်။ ထိုလုပ်ငန်းများ ပြီးစီး၍ လွတ်လပ်ရေး ရရန် သေချာသော အခြေအနေသို့ ရောက်သော အခါ လွတ်လပ်သော မြန်မာနိုင်ငံ၏ ဖွဲ့စည်းပုံ အခြေခံ ဥပဒေ ရေးဆွဲကြမည့် တိုင်းပြု ပြည်ပြု လွတ်တော် အတွက် ရွေးကောက်ပွဲ ကြီးကို ၁၉၄၇ ခု၊ ဧပြီလတွင် အောင်မြင်စွာ ကျင်းပ နိုင်ခဲ့သည်။ ယင်းသို့ မြန်မာ့ လွတ်လပ်ရေး ဗိမာန်ကြီး ပြီးခါနီး အချိန် လွတ်လပ်သော မြန်မာနိုင်ငံ တည်ထောင်ရေး အားသွန် ကြိုးပမ်း နေဆဲတွင် နယ်ချဲ့ လက်ပါးစေ ဦးစောနှင့် အပေါင်းပါ တို့၏ ရက်စက် ယုတ်မာစွာ လုပ်ကြံ သတ်ဖြတ်မှုကြောင့် ၁၉၄၇ ခုနှစ်၊ ဇူလိုင်လ ၁၉ ရက်တွင် အခြားသော လုပ်ဖော်ကိုင်ဖက် တိုင်းပြည် ခေါင်းဆောင် အာဇာနည်ကြီးများ နှင့်အတူ၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၁၃ ချက်ဖြင့် ကျဆုံးခဲ့ရသည်။ ကျဆုံးချိန်တွင် သား အောင်ဆန်းဦး၊ အောင်ဆန်းလင်းနှင့် သမီး အောင်ဆန်းစုကြည်တို့ ကျန်ရစ်သည်။

သခင်မြ(၁၈၉၇-၁၉၄၇)

သခင် မြသည် ဗိုလ်ချုပ် အောင်ဆန်း ခေါင်းဆောင်သော ဝန်ကြီး အဖွဲ့တွင် ပြည်ထဲရေး ဝန်ကြီး အဖြစ် တာဝန် ထမ်းဆောင် ခဲ့သည်။


ကွယ်လွန်သူ အမျိုးသား အာဇာနည် ခေါင်းဆောင်ကြီး သခင်မြသသည် ပြည်မြို့နယ် ထုံးဘိုရွာ ဇာတိ ဖြစ်သည်။ အဖ ဦးဘိုးချွန်နှင့် အမိ ဒေါ်သက်လယ် တို့မှ ၁၈၉၇ ခုနှစ်၊ အောက်တိုဘာလ ၇ ရက်နေ့တွင် ဖွားမြင်သည်။ ငယ်နာမည် မောင်ဘရွှေ ဖြစ်သည်။ နှမ မမြငွေ တဦးသာ ရှိ၍ နောင်အခါ သီလရှင် ဝတ်သွားပြီး ဒေါ်ခေမာဝတီ ဖြစ်လာ ခဲ့သည်။ သာယာဝတီ အေဘီအမ် ကျောင်းမှ သတ္တမတန်း အောင်ပြီး ဆယ်တန်းကို ရန်ကုန် ဘက်ပတစ် အထက်တန်း ကျောင်းမှ အောင်သည်။ ၁၉၁၈ ခုနှစ်တွင် ရန်ကုန် ကောလိပ်နှင့် ကာလတ္တား တက္ဗသိုလ် တို့မှ အိုင်အက်စ်စီ တန်းကို ဓာတုဗေဒ ဂုဏ်ထူးဖြင့် အောင်သည်။ ၁၉၂၀ ပြည့်နှစ် တက္ကသိုလ် သပိတ်မှောက် ကောင်စီတွင် ဒုတိယ ဥက္ကဋ္ဌ ဖြစ်ခဲ့သည်။ ယင်း သပိတ်နောက် ပေါ်လာသော အမျိုးသား ပညာရေး ကောင်စီ တွင်လည်း အဖွဲ့ဝင် တဦး ဖြစ်ရုံမက ကြည့်မြင်တိုင် အမျိုးသား အထက်တန်း ကျောင်းအုပ်လည်း လုပ်ခဲ့ ဖူးသည်။ ၁၉၂၄ ခုနှစ်တွင် ဘီအက်စ်စီတန်းကို ဓာတုဗေဒ ဂုဏ်ထူးဖြင့် အမျိုးသား ကောလိပ်မှပင် အောင်သည်။ ၁၉၂၆ ခုနှစ်တွင် ဒေါ်ခင်ညွန့်နှင့် လက်ထပ်သည်။


၁၉၂၇ ခုနှစ်တွင် ဥပဒေ ဝိဇ္ဇာဘွဲ့ အောင်ပြီးသော အခါ သာယာဝတီသို့ ပြန်၍ ရှေ့နေ အလုပ်ဖြင့် အသက် မွေးသည်။ ၁၉၃၀ ပြည့်နှစ် တောင်သူ လယ်သမား အရေးတော်ပုံတွင် အရေးတော်ပုံ သားများ ဘက်မှ ရှေ့နေ လိုက်ရာမှ ထင်ရှား လာသည်။ ၁၉၃၆ ခုနှစ် ရောက်သော် တို့ ဗမာ အစည်းအရုံး ဝင်ရာမှ သခင် ဖြစ်လာပြီး သခင်မြဟု ထင်ရှား လာခဲ့သည်။ ထို့နောက် တို့ဗမာ အစည်းအရုံး၏ ကိုယ်ပွား ဖြစ်သော 'ကိုယ်မင်း ကိုယ်ချင်း အဖွဲ့' ၏ ဥက္ကဋ္ဌ ဖြစ်လာသည်။ ကိုယ်မင်း ကိုယ်ချင်း အဖွဲ့၏ တာဝန် ပေးချက် အရ သာယာဝတီ တောင်ပိုင်းမှ အမတ် အဖြစ် ဝင်ရောက် ယှဉ်ပြိုင်ရာ အရွှေး ခံရ၍ ၉၁ ဌာနခေတ် ဥပဒေပြု လွှတ်တော် အမတ် ဖြစ်လာသည်။ ထို့ကြောင့် ဥပဒေပြု လွှတ်တော် အတွက် ပထမဆုံး အရွေးခံ ရသော သခင် အမတ် သုံးဦး အနက် တဦး အပါအဝင် ဖြစ်ခဲ့သည်။ ထိုသို့ အမတ် အဖြစ် အရွေးခံ ရသော်လည်း အင်္ဂလိပ် နယ်ချဲ့ အုပ်စိုးမှုကို ဆန့်ကျင်သည့် အနေဖြင့် အမတ်လစာ မယူသည့် သခင် အမတ် တဦးလည်း ဖြစ်သည်။


ပြည်သူ့ အရေးတော်ပုံ ပါတီ ဖွဲ့သော အခါတွင် ဗိုလ်ချုပ် အောင်ဆန်းက ပြည်ပ ဆက်သွယ်ရေး တာဝန် ယူပြီး သခင်မြက ပြည်တွင်း ခေါင်းဆောင် တာဝန် ယူခဲ့ ရသည်။ ၁၉၄၁ ခုတွင်မူ တို့ဗမာအစည်းအရုံး ဥက္ကဋ္ဌ အဖြစ် တင်မြှောက် ခံရသည်။ ရဲဘော် သုံးကျိပ် ဂျပန် နိုင်ငံသို့ စစ်ပညာသင် သွားနိုင်ရေး အတွက် စီစဉ် ဆောင်ရွက် ပေးခဲ့ရသူ တဦးလည်း ဖြစ်သည်။ ဒေါက်တာ ဘမော် ဦးဆောင်သော ဂျပန်ခေတ် လွတ်လပ်ရေး အစိုးရ အဖွဲ့တွင် ဒုတိယ ဝန်ကြီးချုပ် ဖြစ်သည်။ ဖက်ဆစ် တော်လှန်ရေး အတွက် ဖတပလကို ဖွဲ့သော အခါ ပြည်သူ့ အရေးတော်ပုံ ပါတီကို ကိုယ်စားပြု၍ သခင်မြလည်း ပါဝင် ခဲ့သည်။ ၁၉၄၅ ခုနှစ်တွင် ပြည်သူ့ အရေးတော်ပုံ ပါတီကို မြန်မာပြည် ဆိုရှယ်လစ် ပါတီဟု ပြင်ဆင် ဖွဲ့စည်းသော အခါ သခင်မြပင် ဥက္ကဋ္ဌ ဖြစ်လာသည်။ စစ်ပြီးစ ဖဆပလ အဖွဲ့၏ ဗဟို အလုပ်အမှုဆောင် တဦးလည်း ဖြစ်ခဲ့သည်။ စစ်ပြီးခေတ် ဗိုလ်ချုပ် အောင်ဆန်း ဦးစီးသော ကြားဖြတ် အစိုးရ အဖွဲ့တွင် ဘဏ္ဍာရေးနှင့် အခွန်တော် ဌာန ဝန်ကြီး တာဝန်များ ယူခဲ့ရ သူလည်း ဖြစ်သည်။ ထို့နောက် ဖွဲ့စည်းပုံ အခြေခံ ဥပဒေ ရေးဆွဲရေး ကော်မတီ ဥက္ကဋ္ဌနှင့် တိုင်းပြု ပြည်ပြု လွှတ်တော် ယာယီ သဘာပတိ တာဝန်များ အပေး ခံရသည်။ အောင်ဆန်း - အက်တလီ စာချုပ် ချုပ်ဆိုရန် ဗိုလ်ချုပ် အောင်ဆန်း ခေါင်းဆောင်သည့် လန်ဒန်သွား မြန်မာ ကိုယ်စားလှယ် အဖွဲ့တွင်လည်း ပါဝင် ခဲ့သည်။ လယ်သီစား ဥပဒေ ဋီကာ ကိုလည်း ရေးသား ခဲ့သေးသည်။ ဗိုလ်ချုပ် အောင်ဆန်းနှင့် အခြား ခေါင်းဆောင်ကြီးများ နှင့်အတူ မသမာ သူတို့ လက်ချက်ဖြင့် ၁၉၄၇ ခု၊ ဇူလိုင်လ ၁၉ ရက်၊ စနေနေ့၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၂ ချက်ဖြင့် ကျဆုံးခဲ့ရသည်။ ကျဆုံးချိန်တွင် ဇနီး ဒေါ်ခင်ညွန့် ကျန်ရစ်သည်။
▪ - ¤ - ▪

ဒီးဒုတ်ဦးဘချို(၁၈၉၃-၁၉၄၇)

ဒီးဒုတ် ဦးဘချိုမှာ မြောင်းမြ ဇာတိ ဖြစ်သည်။ အဖ မြန်မာ ဆေးဆရာကြီး ဦးဘိုးစာနှင့် အမိ ဒေါ်မြစ် တို့မှ ၁၈၉၃ ခု၊ ဧပြီလ ၂၄ ရက်နေ့တွင် ဖွားမြင်သည်။ အသက် ၁၄ နှစ်တွင် မြောင်းမြမြို့ ဆရာ ဦးမောင်မောင် ကျောင်းမှ သတ္တမတန်းကို အထူး အောင်၍ စကောလားရှစ် ပညာသင်ဆု ရရှိ ခဲ့သည်။ ထိုနောက် ရန်ကုန်မြို့ရှိ စိန်ပေါကျောင်းတွင် ဆက်လက် ပညာ သင်ယူရာ ၁၀ တန်းကို အထူး အောင်သောကြောင့် ပညာသင်ဆု ထပ်ရသည်။ ရန်ကုန် တက္ကသိုလ်တွင် ဘီအေ အထက်တန်း တက်နေဆဲ မျက်စိ ရောဂါကြောင့် တက္ကသိုလ်မှ ထွက်ခဲ့ ရသည်။ ပေါင်းတည်နှင့် ဟင်္သာတ မြို့များတွင် အစိုးရ ကျောင်းဆရာ အဖြစ် အမှု ထမ်းခဲ့သည်။ ပညာအုပ်လည်း လုပ်ခဲ့ ဖူးသည်။ ၁၉၂၀ တွင် ဒေါ်လှမေနှင့် လက်ထပ်သည်။ အမျိုးသား ကျောင်းများ ဖွင့်လာသော အခါ အစိုးရ ဝန်ထမ်းမှ ထွက်ပြီး အမျိုးသား ကောလိပ်တွင် မြန်မာစာ ဆရာ ဝင်လုပ်သည်။ အစိုးရ အထောက်အပံ့ မယူသော အမျိုးသား ကျောင်းဆရာလည်း လုပ်ခဲ့ ဖူးသည်။ တပတ် တကြိမ်ထုတ် 'မြန်မာ့ ရီဗျူးဂျာနယ်' ကို အယ်ဒီတာချုပ် အဖြစ် ဦးစီး ထုတ်ဝေ ခဲ့သည်။ ထိုနောက် 'ဒီးဒုတ် ဂျာနယ်' ကို ၁၉၂၅ ခုနှစ်တွင် ဦးစီး ထုတ်ဝေရာတွင် ဒီးဒုတ် ဦးဘချိုဟု ထင်ရှား လာသည်။

ဆရာကြီးသည် အင်္ဂလိပ် - မြန်မာနှင့် ပါဠိ စာပေများတွင် နှံ့စပ်ပြီး ဆေးကျမ်း၊ ဗေဒင်၊ နက္ခတ်နှင့် အဂ္ဂရပ် ပညာ များကိုလည်း လိုက်စား ခဲ့သည်။ မြန်မာ သီချင်း ကြီးကိုလည်း စည်းစနစ် ကျစွာ တတ်မြောက်သူ တဦးဖြစ်သည်။ တူရိယာ ကဗျာ ဂီတကို မြတ်နိုးပြီး စောင်းကောက်ကိုလည်း ပိုင်နိုင်စွာ တီးတတ်သည်။ မြန်မာ သီချင်းကြီး သီချင်းခန့် များကို မူမှန် အတိုင်း ဖြစ်စေရန် 'ဂီတဝိသော ဓနိ' ကျမ်းကိုလည်း တည်းဖြတ် ခဲ့သည်။ ၁၉၃၈ ခုနှစ် အတွင်း ဒီးဒုတ် နေ့စဉ် သတင်းစာကို ထုတ်ဝေ ခဲ့သည်။ ဆရာကြီးသည် သတင်းစာ ဆရာ၊ အယ်ဒီတာ၊ စာရေးဆရာ စသည့် စာပေ သမား တဦး အနေဖြင့် ပြည်သူလူထု နိုင်ငံရေး အသိတရား နိုးကြား စေသည့် စာပေ များကိုလည်း ရေးသား ခဲ့သည်။ အင်္ဂလိပ်တို့ ပေးသော ဒိုင်အာခီ အုပ်ချုပ်ရေးနှင့် ၉၁ ဌာန အုပ်ချုပ်ရေး တို့ကို ဆန့်ကျင် ခဲ့သည်။ ဖေဘီယန် (Fabian) ပါတီ ကိုလည်း တည်ထောင် ခဲ့ပြီး ဥက္ကဋ္ဌ အဖြစ် တာဝန် ယူခဲ့သည်။ မြန်မာ နိုင်ငံ စာရေး ဆရာ အသင်း ဥက္ကဋ္ဌလည်း ဖြစ်ခဲ့ သေးသည်။ ၁၉၃၆ ခုနှစ်၊ တက္ကသိုလ် သပိတ်မှောက် ကျောင်းသားများ စောင့်ရှောက်ရေး အဖွဲ့ဝင် တဦးလည်း အဖြစ်လည်း တာဝန် ယူခဲ့သည်။ ဂျပန်ခေတ် အဓိပတိ ဒေါက်တာ ဘမော် အစိုးရ လက်ထက်တွင် အတိုင်ပင်ခံ လွှတ်တော် အမတ် အဖြစ် ထမ်းဆောင် ခဲ့သည်။ စာရေး ဆရာ အသင်း နယကလည်း ဖြစ်သည်။ မြန်မာနိုင်ငံ လုံးဝ လွတ်လပ်ရေး ရရှိ ကြိုးပမ်းရန် အတွက် ဖဆပလ အဖွဲ့ချုပ် ဖွဲ့စည်းသော အခါ ဝင်ရောက် ဆောင်ရွက်သည်။ ဗိုလ်ချုပ် အောင်ဆန်း ခေါင်းဆောင်သော ဖဆပလ ကြားဖြတ် အစိုးရ အဖွဲ့တွင် ပြန်ကြားရေး ဝန်ကြီး အဖြစ် တာဝန် ယူခဲ့သည်။ တိုင်းပြု ပြည်ပြု လွှတ်တော်တွင် မြန်မာနိုင်ငံ ဖွဲ့စည်းပုံ အခြေခံ ဥပဒေ ရေးဆွဲရေး ကော်မတီ အဖွဲ့ဝင် အဖြစ် ဗိုလ်ချုပ်အောင်ဆန်း၊ သခင်မြ တို့နှင့် အတူ အထူး အပင်ပန်း ခံ၍ ဆောင်ရွက် ခဲ့သည်။ ချင်းပြည်နယ် ထီးလင်း မြို့တွင် ကျင်းပသော ချင်း - ဗမာ ချစ်ကြည်ရေး ကျောက်တိုင် ဖွင့်ပွဲ အခမ်းအနားသို့ ဗိုလ်ချုပ် အောင်ဆန်း ကိုယ်စား အဖြစ် လည်းကောင်း၊ ပြန်ကြားရေး ဝန်ကြီး အနေဖြင့် လည်းကောင်း တက်ရောက် ခဲ့သည်။

၁၉၄၇ ခု၊ ဇူလိုင်လ ၁၉ ရက်၊ နံနက် ၁၀ နာရီ၊ ၃၇ မိနစ်တွင် အခြား ခေါင်းဆောင်ကြီးများ နှင့်အတူ လုပ်ကြံခံရကာ၊ သေနတ်ကျည်ဆံ ၅ ချက် ထိမှန်ခဲ့ပြီး မွန်းလွဲ ၁ နာရီ ၄၅ မိနစ် အချိန်တွင် ကွယ်လွန်သည်။ ကွယ်လွန်ချိန်တွင် ဇနီး ဒေါ်လှမေနှင့် သမီး မခင်နု၊ မခင်ပု၊ မေမေခင်၊ ခင်ခင်ဦးတို့ ကျန်ရစ်သည်။

ဦးရာဇတ်(၁၈၉၈-၁၉၄၇)

အမျိုးသား အာဇာနည် ခေါင်းဆောင်ကြီး ဦးရာဇတ်သည် အငြိမ်းစား တိုက်ပိုင် အင်စပက်တော် မစ္စတာ အေရာမန်နှင့် ဒေါ်ညိမ်းလှ တို့၏ သားဖြစ်သည်။ ဆရာကြီးကို မိတ္ထီလာ၌ ၁၈၉၈ ခုနှစ်၊ ဇန်နဝါရီ ၁၉ ရက်နေ့တွင် ဖွားမြင်သည်။ မန္တလေး စက်စလီ ယောက်ျား ကလေး ကျောင်းမှ ဆယ်တန်းကို ပါဠိ၊ အင်္ဂလိပ်စာ ဂုဏ်ထူး တို့ဖြင့် အောင်မြင်ခဲ့သည်။ တက္ကသိုလ်တွင် ပညာ သင်နေစဉ် ၁၉၂၀ ပြည့်နှစ် တက္ကသိုလ် သပိတ်တွင် ပါဝင် ခဲ့သည်။


၁၉၂၁ ခုတွင် မန္တလေး ဗဟို အမျိုးသား အထက်တန်း ကျောင်းကြီးကို ဦးစီး ဖွင့်လှစ် ခဲ့ပြီး ထိုကျောင်း၌ အထက်တန်းပြ ဆရာ လုပ်သည်။ ၁၉၂၂ ခုတွင် အမျိုးသား ပညာရေး အဖွဲ့ကြီး၏ ဘီအေ စာမေးပွဲကြီးကို အောင်ခဲ့၍ အေရာဇတ် ဘီအေ (နယ်ရှင်နယ်) အမည် ခံခဲ့သည်။ ၁၉၂၂ ခုနှစ်မှ ၁၉၄၁ ခုနှစ်တိုင် ဗဟို အမျိုးသား အထက်တန်း ကျောင်းတွင် ကျောင်းအုပ် ဆရာကြီး အဖြစ် ထမ်းရွက် ခဲ့သည်။ ဗဟို အမျိုးသား အထက်တန်း ကျောင်းအုပ် အဖြစ် ဆောင်ရွက်စဉ် ရဲညွန့်တပ် ဖွဲ့စည်းပြီး ကျောင်းသား လူငယ် များကို စစ်ပညာ သင်ပေး ရုံမက မျိုးချစ်စိတ်လည်း သွင်းပေးသည်။ ၁၉၃၈ ခုတွင် ရွှေဘိုသူ ဒေါ်ခင်ခင်နှင့် လက်ထပ်သည်။ ၁၉၄၅ ခုနှစ်တွင် စစ်အတွင်းက ပိတ်ထား ခဲ့ရသော အမျိုးသား ကျောင်းကြီးကို ပြန်လည် ဖွင့်လှစ်သော အခါ အမျိုးသား ကျောင်းတွင် ဆရာ ပြန်လုပ်သည်။ အထက် မြန်မာ နိုင်ငံလုံး ဆိုင်ရာ ဖဆပလ အဖွဲ့ ဥက္ကဋ္ဌလည်း ဖြစ်လာသည်။ မြန်မာ - မွတ်စလင် အသင်း ဥက္ကဋ္ဌလည်း ဖြစ်ခဲ့သည်။ မြန်မာ နိုင်ငံ ဖွဲ့စည်းပုံ အခြေခံ ဥပဒေ ရေးဆွဲရေး ကော်မတီဝင် တဦးလည်း ဖြစ်သည်။ ဗိုလ်ချုပ် အောင်ဆန်း ဦးဆောင်သော ကြားဖြတ် အစိုးရ အဖွဲ့တွင် ပညာရေးနှင့် အမျိုးသား စီမံကိန်း ဌာန ဝန်ကြီး အဖြစ် တာဝန် ယူနေစဉ် အခြား ခေါင်းဆောင်ကြီးများ နှင့်အတူ မသမာသူ တို့၏ လက်ချက်ဖြင့် ၁၉၄၇ ခု၊ ဇူလိုင်လ ၁၉ ရက် စနေနေ့၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၆ ချက်ဖြင့် ကျဆုံးခဲ့ရသည်။ ကျဆုံးချိန်တွင် ဇနီး ဒေါ်ခင်ခင်နှင့် သား မောင်တင်မြင့်၊ သမီး ခင်ခင်စိန်၊ သား မောင်လှကြည်တို့ ကျန်ရစ်သည်။

မန်းဘခိုင်(၁၉၀၃-၁၉၄၇)

ကရင် အမျိုးသား အာဇာနည် ခေါင်းဆောင်ကြီး မန်းဘခိုင်သည် ဟင်္သာတ မြို့နယ် ယုန်တလင်းရွာ ဇာတိ ဖြစ်သည်။ အဖ ယုန်တလင်း ရွာသူကြီး မန်းပေကုန်းနှင့် အမိ ဒေါ်ပု ဖြစ်သည်။ မွေးသက္ကရာဇ်မှာ ၁၉၀၃ ခုနှစ်၊ အောက်တိုဘာလ ၂၆ ရက်ဖြစ်သည်။ ဟင်္သာတမြို့ အေဘီအမ် ကျောင်းတွင် ပညာ သင်ယူ ခဲ့ရာ ၁၉၂၀ ပြည့်နှစ်တွင် သတ္တမတန်း အောင်သည်။ ကရင် ဘာသာ သင်ကျောင်း တကျောင်းကို ဦးစီး ဖွင့်လှစ် ခဲ့သူ တဦး ဖြစ်သည်။ ၁၉၃၇ ခုတွင် ပုသိမ် မြောက်ပိုင်းမှ အမတ် အဖြစ် အရွေး ခံရသည်။ ၁၉၃၈ ခုတွင် ပဲခူးသူ ဒေါ်ခင်နီနှင့် လက်ထပ်သည်။ ၁၉၄၁ ခုတွင် တရားရေး ဌာန အတွင်းဝန် ဖြစ်ခဲ့သည်။ ဖက်ဆစ် တော်လှန်ရေး တွင်လည်း ပါဝင် ခဲ့ရုံမက ကရင် - ဗမာ ချစ်ကြည်ရေးကို အထူး ဆောင်ရွက်ခဲ့သူ တဦးလည်း ဖြစ်သည်။ စစ်ပြီး ခေတ်တွင် ဖဆပလ ဗဟို အမှုဆောင် လူကြီး တဦး ဖြစ်လာသည်။ ကရင် လူငယ်များ အစည်းအရုံး ဥက္ကဋ္ဌ အဖြစ် တင်မြှောက်ခြင်း ခံရသည်။ ဗိုလ်ချုပ် အောင်ဆန်း ဦးဆောင်သော ကြားဖြတ် အစိုးရ အဖွဲ့တွင် စက်မှု လက်မှုနှင့် အလုပ်သမား ဝန်ကြီး ဌာန ဝန်ကြီးလည်း ဖြစ်သည်။ ဗိုလ်ချုပ် အောင်ဆန်း နှင့်အတူ လုပ်ကြံခံရ၍ ၁၉၄၇ ခု၊ ဇူလိုင်လ ၁၉ ရက်နေ့၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၁၅ ချက်ဖြင့် ကျဆုံးခဲ့ရသည်။

မိုင်းပွန် စော်ဘွားကြီး စပ်စံထွန်း(၁၉၀၇-၁၉၄၇)

မိုင်းပွန် စော်ဘွားကြီး စပ်ခွန်ထီးနှင့် မြောက်နန်းဆောင် မဟာဒေဝီ နန်းစိန်ဥ တို့၏ သား စပ်စံထွန်းသည် ၁၉၀၇ မေလ ၃၁ ရက်နေ့ဖွား ဖြစ်သည်။ တောင်ကြီးမြို့ ရှမ်းစော်ဘွား သားများ အထက်တန်း ကျောင်းမှ ဆယ်တန်း အောင်သည်။ မန္တလေး ပုလိပ် အတတ်သင် ကျောင်းလည်း တက်ခဲ့ ဖူးသည်။ ထို့နောက် ပုလိပ် အရာရှိ အဖြစ် ခေတ္တ အမှု ထမ်းခဲ့သည်။ ၁၉၂၈ ခုတွင် စော်ဘွား အဖြစ် ခံယူ လိုက်၍ မိုင်းပွန် စော်ဘွားကြီး ဖြစ်လာသည်။ ၁၉၃၂ ခုတွင် မိုးမိတ် စော်ဘွားကြီး၏ သမီး စပ်ခင်သောင်းနှင့် လက်ထပ်သည်။ ရှမ်းပြည်နယ်တွင် သိပ္ပံနည်းကျ စိုက်ပျိုးရေး လုပ်ငန်းများ ထွန်းကား လာစေရန် ကြိုးပမ်း ခဲ့သူ တဦးလည်း ဖြစ်သည်။ အင်္ဂလန် နိုင်ငံမှ စိုက်ပျိုးရေး ဆိုင်ရာ ခေတ်မီ စာအုပ်များ၊ ကိရိယာ တန်ဆာ ပလာများနှင့် သီးနှံ မျိုးစေ့များ ကိုပင် မှာယူ ခဲ့ဖူးသည်။ ဒုတိယ ကမ္ဘာစစ်ကြီး ပြီး၍ အင်္ဂလိပ်များ မြန်မာ နိုင်ငံသို့ ပြန်ဝင် လာသော် ယင်းနှင့် အတူ ပါလာသော စက္ကူဖြူ အုပ်ချုပ်ရေးကို ဆန့်ကျင် ခဲ့သူ ဖြစ်သည်။ တောင်တန်းနှင့် မြေပြန့် သွေးခွဲ၍ အုပ်ချုပ် သည်ကို မလိုလား၍ မြေပြန့်နှင့် တောင်တန်း စည်းလုံး ညီညွတ်ရေး အတွက် လုံးပမ်းခဲ့သူ ဖြစ်သည်။ ထို့ကြောင့်လည်း ပင်လုံ စာချုပ်ကို လက်မှတ် ရေးထိုး ခဲ့သည့် စော်ဘွားလည်း ဖြစ်သည်။ ဗိုလ်ချုပ် အောင်ဆန်း ဦးဆောင်သော ကြားဖြတ် အစိုးရ အဖွဲ့တွင် အတိုင်ပင်ခံ တောင်တန်း ဒေသရေးရာ ဝန်ကြီး ဖြစ်လာသည်။ ထို့ပြင် တိုင်းပြု ပြည်ပြု လွှတ်တော်၏ ပြည်ထောင်စုနှင့် ပြည်နယ် ဆိုင်ရာ ဆပ် ကော်မတီ၊ လူနည်းစု ဆိုင်ရာ ဆပ် ကော်မတီ၏ ဖွဲ့စည်းပုံ အခြေခံ ဥပဒေ ရေးဆွဲရေး ကော်မတီ များတွင် အဖွဲ့ဝင်လည်း ဖြစ်ခဲ့သည်။ ၁၉၄၇ ခုနှစ်၊ ဇူလိုင်လ ၁၉ ရက်နေ့တွင် ဗိုလ်ချုပ် အောင်ဆန်း တို့နှင့်အတူ လုပ်ကြံခံရကာ ပြီး၊ သေနတ်ကျည်ဆံ ၂ ချက် ထိမှန်ခဲ့ပြီး၊ ဇူလိုင်လ ၂၀ ရက်၊ မွန်းတည့် ၁၂ နာရီတွင် ကွယ်လွန်ခဲ့သည်။ ကွယ်လွန်ချိန်တွင် သမီး စဝ်သုနန္ဒာ၊ သား စဝ်ဆေဟုန်၊ သား စဝ်ကိုင်ဖ၊ သမီး စဝ်မြင့်ကြည်တို့ ကျန်ရစ်သည်။

ဦးဘဝင်း(၁၉၀၁-၁၉၄၇)

နတ်မောက်မြို့ ရှေ့နေ ဦးဖာ၊ ဒေါ်စုတို့၏ သားသမီး ၉ ယောက် အနက် ဦးဘဝင်းသည် အကြီးဆုံးသား ဖြစ်သည်။ ဗိုလ်ချုပ် အောင်ဆန်း၏ အစ်ကို အကြီးဆုံး ဖြစ်ပြီး၊ ၁၉၀၁ ခု၊ ဇွန်လ ၁၁ ရက်နေ့တွင် ဖွားမြင်သည်။ ၁၉၁၄ ခုတွင် နတ်မောက် အလယ်တန်းကျောင်းမှ သတ္တမတန်း အောင်သည်။ မြန်မာလို ကိုးတန်း အောင်ပြီးနောက် အလယ်တန်း ဆရာဖြစ် စာမေးပွဲလည်း အောင်သော အခါ နတ်မောက်၌ပင် ကျောင်းအုပ် ခေတ္တ လုပ်သည်။ ထို့နောက် ရေနံချောင်း၌ ကျောင်းဆရာ၊ ဘီအိုစီ စာရေး ဘဝဖြင့် ကျင်လည်ရင်း အင်္ဂလိပ်စာ အလွတ် ပညာသင်ကျောင်း တက်သည်။ ၁၉၂၄ ခုတွင် ရေနံချောင်း အမျိုးသား အထက်တန်း ကျောင်းမှ ဆယ်တန်းကို သုံးဘာသာ ဂုဏ်ထူးဖြင့် အောင်ရုံမက ပထမလည်း ရသည်။ ၁၉၂၉ ခုတွင် ရန်ကုန် တက္ကသိုလ်မှ သင်္ချာ ဂုဏ်ထူးတန်း အောင်၍ ဘီအက်စ်စီ ဘွဲ့ရသည်။ ပထမဆုံး တက္ကသိုလ် ဘွဲ့ရ နတ်မောက်သားလည်း ဖြစ်သည်။ ဘွဲ့ရပြီးနောက် ရေနံချောင်း အမျိုးသား အထက်တန်း ကျောင်းတွင် အထက်တန်းပြ ဆရာ အဖြစ် လည်းကောင်း၊ ဖြူးမြို့ အမျိုးသား အထက်တန်း ကျောင်းတွင် အထက်တန်း ကျောင်းအုပ် အဖြစ်လည်းကောင်း ဆောင်ရွက် ခဲ့သည်။ ၁၉၃၅ ခုတွင် တောင်တွင်းကြီး မြို့မှ ဦးစံ၊ ဒေါ်ရွှေမေ တို့၏ သမီး ဒေါ်ခင်စောနှင့် လက်ထပ်သည်။ စစ်ပြီးခေတ်တွင် ရေနံချောင်း မြို့နယ် ဖဆပလ ဥက္ကဋ္ဌ ဖြစ်လာသည်။ ၁၉၄၇ ခုနှစ်တွင် ထောက်ပံ့ရေးနှင့် ကူးသန်း ရောင်းဝယ်ရေး ဝန်ကြီး အဖြစ် တာဝန် ထမ်းဆောင်သည်။ တိုင်းပြု ပြည်ပြု လွှတ်တော် ဖွဲ့စည်းပုံ အခြေခံ ဥပဒေ ရေးဆွဲရေး ကော်မတီ တွင်လည်း ပါဝင် ခဲ့သည်။ ၁၉၄၇ ခု၊ ဇူလိုင်လ ၁၉ ရက်၊ စနေနေ့၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၈ ချက်ဖြင့် ကျဆုံးခဲ့ရသည်။ ကျဆုံးချိန်တွင် ဇနီး ဒေါ်ခင်စောနှင့် သမီး မတင်လှဝင်း၊ သား မောင်စောဝင်း၊ မောင်အေးဝင်း၊ သမီး မခင်မြဝင်း၊ သား မောင်စိန်ဝင်း၊ မောင်ထွေးဝင်းတို့ ကျန်ရစ်သည်။

ဦးအုန်းမောင်(၁၉၁၃-၁၉၄၇)

ဦးအုန်းမောင်သည် မင်းဘူးမြို့ မစ္စတာ အိပ်ခ်ျဒဗလျူတရပ်(တ်)ဝန်း၊ ဒေါ်ရွှေမြင့် တို့၏ ဒုတိယသား ဖြစ်သည်။ မွေးသက္ကရာဇ်မှာ ၁၉၁၃ ခု၊ ဖေဖော်ဝါရီလ ၂ ရက် ဖြစ်သည်။ တက္ကသိုလ် ကျောင်းသား ဘဝက ရန်ကုန် တက္ကသိုလ် တပ်ရင်းတွင် တပ်ခွဲ တပ်ထောက် အဖြစ် ဆောင်ရွက် ခဲ့သည်။ ၁၉၃၄ ခုနှစ်တွင် ဝိဇ္ဇာတန်း အောင်သည်။ ၁၉၃၇ ခုတွင် အိုင်စီအက်(စ်) စာမေးပွဲ ဖြေသူ ၃ ဦး အနက် ပထမ ရသည်။ ၁၉၃၉ ခုတွင် မန္တလေးမြို့၊ အရှေ့နယ်ပိုင် ဝန်ထောက် အဖြစ် ဆောင်ရွက် ခဲ့သည်။ ၁၉၄၇ ခုနှစ်တွင် မြစ်ကြီးနား အရေးပိုင် အဖြစ် ခန့်အပ်ခြင်း ခံရသည်။ ထို့နောက် လမ်းပန်း ဆက်သွယ်ရေး အတွင်းဝန် အဖြစ် ခန့်အပ်ခြင်း ခံရသည်။ ၁၉၄၇ ခု၊ ဇူလိုင်လ ၁၉ ရက်နေ့ စနေနေ့၊ နံနက် ၁၀ နာရီ ၃၇ မိနစ်တွင် သေနတ်ဒဏ်ရာ ၁ ချက်ဖြင့် ကျဆုံးခဲ့ရသည်။ ကျဆုံးချိန်တွင် ဇနီး ဒေါ်သိန့်းကယ်နှင့် သား ကိုတင်မောင်သိန်း၊ ကိုကိုလှ၊ မောင်မင်းမြင့်တို့ ကျန်ရစ်သည်။

ကိုထွေး(၁၉၂၉-၁၉၄၇)

မန္တလေးမြို့ တောင်ပြင် သိပ္ပံရပ် ပင်စင်စား လယ်ယာ စိုက်ပျိုးရေး ဝန်ထောက် ဦးကိုကိုလေး၊ ဒေါ်မင်းရီ တို့၏ ဆဋ္ဌမမြောက် သားဖြစ်သည်။ နဝမတန်း အထိ ပညာ သင်ကြားခဲ့သည်။ အသက် ၁၈ နှစ် အရွယ်တွင် ပညာရေးဝန်ကြီး ဦးရာဇတ်၏ သက်တော်စောင့် အဖြစ် ခန့်အပ်ခြင်း ခံရသည်။ မူဆလင်ဘာသာဝင် တဦး ဖြစ်သည်။ ၁၉၄၇ ခု၊ ဇူလိုင်လ ၁၉ ရက်၊ စနေနေ့၊ နံနက် ၁၀ နာရီ ၄၅ မိနစ်တွင် အာဇာနည် ခေါင်းဆောင်ကြီးများကို လုပ်ကြံသော မသမာသူတို့၏ လက်ချက်ဖြင့် သေနတ်ဒဏ်ရာ ၄ ချက် ထိမှန်ကာ ကျဆုံးခဲ့ရသည်။

ကိုးကား

(၁) စစ်ပြန်မဂ္ဂဇင်း။ ၁၉၈၀ ပြည့်နှစ်၊ ဇူလိုင်လ၊ အမှတ် (၂၂) မှ မှူးသက်ရှည်၏ "ဇူလိုင် ၁၉ နှင့် သူတို့ ၉ ဦး" (သမိုင်းတကွေ့ မှတ်တမ်း)။

(၂) ကိုလိုနီခေတ် မြန်မာ့ သမိုင်း အဘိဓာန် - မြဟန်၊ ၁၉၉၉ တတိယ အကြိမ်ထုတ်၊ တက္ကသိုလ်များ သမိုင်း သုတေသန ဌာန၊ ဂျီအီးစီ (ပညာရေး) သမဝါယမ အသင်း။

(၃) ၁၉၆၀ ခုနှစ်ထုတ်၊ သမဂ္ဂ အိုးဝေ နှစ်လည် စာစောင်။

(၄) အာဇာနည်နေ့ တို့မမေ၊ ကြည်လွင်၊ မြန်မာသစ် ရသစုံမဂ္ဂဇင်း၊ အမှတ် (၁၅)၊ ဇူလိုင်လ၊ ၂၀၁၀၊ နှာ ၉၆-၉၉။

တို့ဗမာအစည်းအရုံးခေတ်က သခင်အောင်ဆန်း သခင်တင်မောင် (ကျုံးမငေး)

တို့ဗမာအစည်းအရုံးခေတ်က သခင်အောင်ဆန်း
သခင်တင်မောင် (ကျုံးမငေး)

(ဤဆောင်းပါးရှင် သခင်တင်မောင် (ကျုံးမငေး)မှာ ဗိုလ်ချုပ်အောင်ဆန်းကို ဆုငွေ ၅ိ ထုတ်စဉ်က ဗိုလ်ချုပ်နှင့်အတူ တရားဟောခဲ့သူ ဖြစ်သည်။)

ဗိုလ်ချုပ်အောင်ဆန်း အထွဋ်အထိပ် ရောက်လာပြီးနောက်၊ ဗိုလ်ချုပ်အောင်ဆန်းအကြောင်းကို တတိုင်းပြည်လုံး သိပြီးဖြစ်သော်လည်း၊ အထိဋ်အထိပ် မရောက်မီ အညတြ သခင်အောင်ဆန်းဘဝက အကြောင်းများကို သိသူ အလွန်နည်းပါးပေမည်။ သို့ကြောင့် တို့ဗမာအစည်းအရုံးခေတ် သခင်ဘဝနှင့် သခင်အောင်ဆန်း၏ မမေ့နိုင်ဘွယ်ရာ အကြောင်းကလေးများကို ရေးလိုပေသည်။

၁၃၀၀ ပြည့်နှစ်တုံးက။

၁၃၀၀ ပြည့်နှစ် အရေးတော်ပုံအတွင်း မော်လမြိုင်ညီလာခံအတွက် တို့ဗမာသခင်အပေါင်းတို့ ကိုယ့်တာဝန်နှင့်ကိုယ် အလုပ်များနေကြစဉ်၊ ကျွန်တော်မှာလည်း သခင်အောင်ဆန်း၏ သံကြိုးရိုက်ခေါ်မှုကြောင့် ရန်ကုန် ဋ္ဌာနချုပ်သို့ ရောက်ခဲ့ရပေသည်။ သခင်အောင်ဆန်းနှင့် ပဌမအကြိမ် တွေ့ဆုံရခြင်း ဖြစ်ပါသည်။ ရောက်လျှင်ရောက်ချင်း ကျွန်တော်မှာ မြောင်းမြခရိုင် ဒုတိယဥက္ကဋ္ဌဖြစ်ပြီး ပဌမဥက္ကဋ္ဌ သခင်အုံးဖေမှာ အကြောင်းမညီညွတ်၍ မလာအားသေးကြောင်း။ ကိစ္စ အဝဝကို ကျွန်တော်ပင် တာဝန်ယူမည့် အကြောင်းများကို သခင်အောင်ဆန်းအား ပြောပြသောအခါ၊ သခင်အောင်ဆန်းက “ကျုပ်တို့ အစည်းအရုံးမှာ ပဌမ အင်အားအကြီးဆုံးကတော့ ခင်ဗျားတို့ မြောင်းမြခရိုင်၊ ဒုတိယကတော့ သာယာဝတီပဲဗျ၊ ငွေရေး ကြေးရေး အတောင့်ဆုံးကတော့ ထားဝယ်ခရိုင်ပဲ၊ ဒီတော့ မော်လမြိုင်ညီလာခံ အောင်မြင်ရေးအတွက် ဒီသုံးခရိုင်ကို ပိုပြီး အားထားတာပဲ အစွမ်းကုန်သာ ကြိုးစားကြပေတော့ဗျာ” ဟု ပြောပြီး သခင်အောင်ဆန်းမှာ ရေချိုးခန်းသို့ ဝင်သွား ပါတော့သည်။ ကျွန်တော်မှာလည်း စပ်တငန့်ငန့် စောင့်နေရရာ မိနစ် ၂၀ ခန့်တွင် ထွက်လာပြီး ကဲ - ခင်ဗျားနဲ့ ကျွန်တော် ရွှေတိဂုံ သပိတ်လွှတ်တော်ကို သွားရအောင် “ဟေ့ တင်ဦး ငါ့အင်္ကျီပေးပါဦးကွ” ဟု အော်တောင်းပြီး အင်္ကျီများ ဝတ်ပါတော့သည်။ သခင်တင်ဦးမှာ ယခု အသံလွှင့်ဋ္ဌာနတွင် အလုပ်လုပ်နေပါသည်။ သခင်အောင်ဆန်း၏ ရွှေတိုက်စိုးဝန် ဖြစ်ပါသည်။ အပေါင်လက်မှတ်မှန်သမျှ သူက သိမ်းထားရပါသည်။ ၃ လပြည့်ခါနီးတွင် “ကြည့်လုပ်ကြပါဦး” ဟူသော ခေါင်းစဉ်ဖြင့် နယ်အမှုဆောင်များ မြင့်နိုင်သော နေရာတွင် ကပ်ထားရပါသည်။ နယ်အမှုဆောင်များက မနေသာသည့်အခါ ရွေးပေးခဲ့ကြရပါသည်။ သခင်အောင်ဆန်းတွင် ကိုယ်ပိုင်အဝတ်အထည် မည်မျှရှိသည်ကို အတိအကျ မသိရသော်လည်း၊ အစည်းရုံးပေါ်တွင် ရှိသမျှ သူပိုင်လိုလိုချည့် ဖြစ်ပါသည်။ တွေ့ကရာ အဝတ်အစားများကို လွယ်သလို ဆွဲဝတ်လေ့ရှိပါသည်။ အထူးသဖြင့် သခင်သန်းထွန်း၏ သေတ္တာတွင်းရှိ ပစ္စည်းများကို သူချယ်လှယ်ချင်သလို ချယ်လှယ်ပါသည်၊ သခင်သန်းထွန်းမှာ ကန်တော်ကြီးစောင်းရှိ ကုလားကျောင်းတကျောင်းတွင် ဆရာလုပ်နေသည့်အတွက် သူ့လခနှင့် သူ ဝယ်နိုင်စွမ်း ရှိပါသည်။ သခင်သန်းထွန်းသည် အရုပ်ဆိုးသလောက် အလှအနု အလွန်ကြိုက်ပါသည်။ လုံချည်များမှာ ပန်းနုရောင်၊ ဝါနုရောင်၊ ဖက်ဖူးရောင် စသော လုံချည်များ ၄ - ၅ - ၁၀ ထည်ခန့် ရှိပါသည်။ သခင်အောင်ဆန်းက ၎င်းလုံချည်များကို ခဏခဏ ယူဝတ်ပါသည်။ သခင်သန်းထွန်းမှာ သူအမြတ်တနိုးထားသော လုံချည်များကို ယူဝတ်သည့်အခါ သဘောမကျသော်လည်း ဖွင့်၍ မကန့်ကွက်ပါ။ ကွယ်ရာတွင် ‘ဒီလူတွေတော့ ဒီလိုပဲ ပါရမီ ဖြည့်နေရတယ်။ ကျုပ်ကို အနိုင်အကျင့်ဆုံး လူ နှစ်ယောက်ဟာ သူရယ် သခင်ဗဟိန်းရယ်ပဲ’ဟု ပြောပြဖူးပါသည်။ လုံချည်များကို သူဝတ်သွားလျှင်လည်း တခါဝတ် ဖြစ်ပါသည်။ သူယူဝတ်လိုက်လျှင် ဥစ္စာရှင် သခင်သန်းထွန်းက ပြန်မယူတော့ပေ။ ယူချင်လို့လည်း မကောင်းတော့ပါ၊ စွန်းထင်းပေရေပြီး ဖြစ်နေပေသည်။

သခင်အောင်ဆန်း၏ဇွဲ။

သခင်အောင်ဆန်းတွင် ချစ်စရာအကောင်ဆုံး အင်္ဂါတခုမှာ လုံ့လဝီရိယဇွဲပင် ဖြစ်ပါသည်။ ဘယ်သူတွေ ဘယ်လို စိတ်ပျက်နေနေ သူမပျက်၊ ဘယ်သူတွေ လုပ်လုပ် မလုပ်လုပ် သူလုပ်ပါသည်။ လုပ်စရာရှိလျှင် သူ့ဟာသူ လုပ်ပါသည်။ ရေးစရာ ရှိလျှင်လည်း သူ့ဟာသူ ရေးပါသည်။ အထူးဆန်းဆုံး အချက်တခုမှာ သူနှင့် သခင်သန်းထွန်း၏ (အမြင်) များ ဖြစ်ပါသည်။ နိုင်ငံရေး ပြဿနာတခုအတွက် သခင်သန်းထွန်းက သူ့အိမ်တွင် သူ ကြေညာချက်တခုကို ရေးဆွဲသည်ဆိုပါစို့။ သခင်အောင်ဆန်းက သူ့အမြင်နှင့်သူ အစည်းအရုံးတွင် ရေးဆွဲလေ့ရှိပါသည်။ ၎င်းကြေညာချက်များကို တိုက်ဆိုင်ကြည့်လိုက်သောအခါ မူချင်းမှာ တထေဝါတည်း ဖြစ်နေလေ့ရှိပေသည်။ ဤမျှအမြင်ချင်း တူသူများ ဖြစ်ကြပါသည်။ စစ်ပြီးခေတ် မဆပလမှ ကွန်မြူနစ်ကို ထုတ်ပစ်သည့် အချိန်အထိ သခင်သန်းထွန်းနှင့် သခင်အောင်ဆန်း အမြင်ချင်း အလွန်တူကြပါသည်။ နောက်ပိုင်း ကွဲကြသည်မှာ အထူးပင် ကြေကွဲ ဝမ်းနည်းဘွယ် ဖြစ်ပေသည်။ မည်သည့်အတွက် ကွဲကြသည်ကိုမူကား ဤဆောင်းပါးတွင် မဆွေးနွေးတော့ပေ။

သခင်အောင်ဆန်းသည် အလုပ်လုပ်စရာရှိလျှင် မိုးလင်းသည့်အထိ အလုပ် လုပ်တတ်ပေသည်။ မပြီးမချင်း မညည်းမညူ လုပ်လေ့ ရေးလေ့ ရှိပါသည်။ စိတ်လည်း အလွန်မြန်သည်။ အကြောင်းတခုခုကြောင့် စိတ်ညစ်လျှင် အလွန်သနားစရာ ကောင်းပေသည်။ ချစ်စရာလည်း ကောင်းပါသည်။ သို့အတွက် သခင်အောင်ဆန်း စိတ်ဆိုး စိတ်ညစ်ဖြစ်နေလျှင် အားလုံးကပင် ဝိုင်း၍ သနားချစ် ချစ်ကြပါသည်။ ဤကဲ့သို့ အဖြစ်အပျက်များကို ဒုတိယ စစ်ဖြစ်ခါနီး (ဗမာထွက်ရပ်ဂုဏ်း) ကိစ္စကို မြန်မာနိုင်ငံလုံးဆိုင်ရာ အမှုဆောင်အစည်းအဝေးတွင် ချ၍ စဉ်းစားကြသောအခါ ခဏခဏ တွေ့ရပေသည်။ ထွက်ရပ်ဂုဏ်းအရေးကို ဆန့်ကျင့်သူများနှင့် နားလည်မှု မရနိုင်ဘဲ အပြင်းအထန် ငြင်းခုံနေကြစဉ် သခင်အောင်ဆန်း၏ စိတ်ညစ်သည့် မျက်နှာထားမှာ ပြောမပြနိုင်လောက်အောင် သနားစရာ ကောင်းပေသည်။ အချို့အမှုဆောင်များမှာ သူ့ကို သနားသည်နှင့် “ကဲ - မှားရင်လည်း မှားပေစေ။ ဒီလူဟာ ဒါလောက်တော့ ညံ့မှာမဟုတ်ဘူး၊ သူစေတနာကို ကျုပ်တို့ ယုံကြည်တယ်။ သူ့ဘက်ကပဲ ကျုပ်တို့ ထောက်ခံမယ်” ဆိုပြီး ထောက်ခံကြသည်ကိုပင် တွေ့ရပါသည်။

သူ၏ စွမ်းရည်။

တနေ့တွင် ဗမာထွက်ရပ်ဂိုဏ်း အာဏာပိုင် အမှုဆောင်အစည်းအဝေးသို့ တက်ရောက်ရန် ကျောင်းသားသမဂ္ဂမှ သခင်ဗဟိန်း၊ တို့ဗမာအစည်းအရုံးမှ သခင်အောင်ဆန်း၊ သခင်လှဖေ (ယခု ဗိုလ်လက်ျာ)နှင့် ကျွန်တော်တို့ ဒေါက်တာဗမော်အိမ်သို့ သွားကြပါသည်။ အစည်းအဝေးတွင် ဗမာ့ထွက်ရပ်ဂုဏ်း ဝါဒစည်းမျဉ်းနှင့် လုပ်ငန်းစဉ်များ ရေးဆွဲရန် အဖွဲ့ငယ်တခု ဖွဲ့ရာတွင် ဒေါက်တာဗမော်က ချယ်ယာမင်၊ သခင်အောင်ဆန်းက အတွင်းရေးမှူးအဖြစ် အရွေးခံရပါသည်။ အမှုဆောင်များက ၎င်းအဖွဲ့ငယ်၏ စည်းမျဉ်းဝါဒနှင့် လုပ်ငန်းစဉ် အကြမ်းမူကို မည်သည့်နေ့တွင် တင်ပြနိုင်မည်နည်းဟု မေးရာ။ ဒေါက်တာ ဗမော်က တနင်္ဂနွေ နှစ်ပါတ်အတွင်း တင်ပြမည်ဟု ဖြေသည်ကို သခင်အောင်ဆန်းက ဒီလောက်အလုပ်ကလေးကို ဒီလောက်အချိန်ယူ လုပ်နေရင်၊ ဗမာ့လွတ်လပ်ရေးသာ ဆိုလျှင် ၁၀ နှစ်နဲ့ ပြီးနိုင်ပါတော့မလားဟု ပြောကာ “ကဲ - ခင်ဗျားတို့ လက်ဖက်ရည် သောက်နေတုံး ကျုပ်ပြီးအောင် ရေပြီး ၂ နာရီအတွင်း တင်ပြမည်” ဟုပြောကာ အခန်းထောင့်တခုသို့ ထသွားပြီး ရေးလေတော့၏။ အားလုံးလူကြီးများမှာ အံ့အားသင့်ပြီး စောင့်နေကြရပါသည်။ နှစ်နာရီခန့်အကြာတွင် အင်္ဂလိပ်လို ရေးထားသော သူအကြမ်းမူကို တင်ပြပါတော့သည်။ စကားလုံးအနည်းငယ်ကို ပြင်သည်မှတပါး အားလုံးသောအချက်များကို လက်ခံလိုက်ကြရပါသည်။ ဤတွင် လူကြီးပိုင်းက နိုင်ငံရေးသမားများသည် သခင်အောင်ဆန်း၏ ထက်မြက်ပုံ အဘက်ဘက်က အရည်အခြင်း ပြည့်စုံပုံများကို တီးတိုးချီးမွမ်း ကြပါတော့သည်။

တခါသော် ၁၉၄၀ ခုနှစ်၊ နှစ်ဦးတွင် ဗမာနိုင်ငံလုံးဆိုင်ရာ အမှုဆောင်ညီလာခံကို မန္တလေးမြို့၌ ကျင်းပနေစဉ်၊ ဆာစတက်ဖို့ကရစ်ပ်စ် ယခု ဘိလပ်ရွှေတိုက်စိုးဝန်ကြီး ဗမာပြည်သို့ ရောက်လာပါသည်။ သခင်ခေါင်းဆောင်များနှင့် တွေ့ရန် မန္တလေးသို့ လိုက်လာပါသည်။ အမှုဆောင်များနှင့် တွေ့ကြရာ၊ ဗမာနိုင်ငံရေး အခြေအနေများကို ဆွေးနွေးကြပါသည်။ ကရစ်ပ်စ်မှာ ဗမာ့ အခြေအနေနှင့် သခင်များအကြောင်းကို ဘုရင်ခံနှင့် အစိုးရအဖွဲ့ဝင်များ၏ ပြောပြချက်များကို အခြေခံထားပြီး ဆွေးနွေးဟန်တူပါသည်။ သခင်အောင်ဆန်းနှင့် သခင်သန်းထွန်းတို့က တကဲ့ အခြေအနေ အမှန်များနှင့်တကွ၊ ဗမာလွတ်လပ်ရေး ကြိုးပမ်းမှုများကို အသေးစိတ် တိတိလင်းလင်း ပြောပြကြရာ၊ ကရစ်ပ်စ်က “ကျူပ်အစက ခင်ဗျားတို့ လူငယ်တွေအပေါ်မှာ တော်တော်အထင်သေးမိတယ်။ အခု ခင်ဗျားတို့ ပြောပြတဲ့ လေးနက်တဲ့ ရည်ရွယ်ချက်၊ မွန်မြတ်တဲ့ လမ်းစဉ်တွေအတိုင်းဆိုရင် ခင်ဗျားတို့ လုပ်ငန်းစဉ်၊ ခင်ဗျားတို့ လွတ်လပ်ရေး ကြိုးပမ်းမှုဟာ တရားပါတယ်” ဟု ချီးကျူးဝန်ခံ သွားရပေသည်။ သခင်အောင်ဆန်း၏ တည်ကြည် လေးနက်သော မျက်နှာကို အစဉ်သဖြင့် စူးစူးစိုက်စိုက်ကြည့်ပြီး အကဲခတ်နေသည်ကိုလည်း သတိထားမိပါသည်။ တခါတရံ တုန်လှုပ်ခြောက်ချားခြင်း ဖြစ်တတ်သည်မှတပါး၊ မြင်တွေ့သူတိုင်းက မလေးစားဘဲ မနေနိုင်လောက်အောင် လေးနက်သော သဘောထား၊ လေးနက်သော မျက်နှာပေးနှင့် လေးနက်သော စကားလုံးများကို ပိုင်ဆိုင်သူမှာ သခင်အောင်ဆန်းပင် ဖြစ်သည်။

ငါးကျပ်တန် သခင်အောင်ဆန်း

တခါသော် ဟင်္သာတခရိုင် ညီလာခံကို ဇလွန်မြို့တွင် ကျင်းပနေပါသည်။ သခင်အောင်ဆန်းနှင့် ကျွန်တော်မှာ ဋ္ဌာနချုပ် ကိုယ်စားလှယ်အဖြစ် တက်ရောက်ရန် ဇလွန်သို့ သွားကြရပါသည်။ ညီလာခံအပြီး ရန်ကုန်သို့အပြန်တွင် ဒေါင့်ကြီးရွာ အစည်းအရုံး၏ ဘိတ်ခေါ်ချက်အရ တရားပွဲတခု ကျင်းပပါသည်။ တရားပွဲတွင် ကျွန်တော် ပထမ ဟောပါသည်။ သခင်အောင်ဆန်း အလှည့်ရောက်၍ ၁၀ မိနစ်ခန့် စကားပြောနေစဉ် ပုလိပ်အရာရှိတဦး ဝင်ရောက်လာပြီး နို့တစ်စာတခု ပေးပါသည်။ နို့တစ်စာတွင် ရာဇဝတ်ဝန်ကြီး မစ္စတာ ဇေးဗီးယားက ချင်းတောင်နယ် အကြောင်းများ နိုင်ငံရေး တရားပွဲများတွင် ထည့်မဟောရ။ ဟောလျှင် ကာကွယ်ရေး ဥပဒေအရ အရေးယူမည်ဟု ဖြစ်ပါသည်။ သခင်အောင်ဆန်းက နို့တစ်စာကို ပရိသတ်အား ဖတ်ပြပြီး၊ “ကဲ ချင်းတောင်နယ်မှာ ဘာတွေဖြစ်တယ်ဆိုတာ ခင်ဗျားတို့ သိကြရဲ့လား၊ ဒီကိစ္စကို ကျုပ်မေ့နေတယ်။ အခုနို့တစ်စာ ရောက်လာမှ သတိရတယ်။ ခင်ဗျားတို့ ချင်းတောင်နယ်အကြောင်း သိချင်ကြသလား” ဟု မေးလိုက်ရာ ပရိသတ်က “သိချင်တယ်၊ သိချင်တယ်” ဟု ဝိုင်းအော်ကြ၏။ သခင်အောင်ဆန်းလည်း ချင်းတောင်နယ် အကြောင်းကို စေ့ငှစုံလင်စွာ ဟောပြပါတော့သည်။

(၎င်းအချိန်တွင် ချင်းတောင်နယ်၌ ယခု ချင်းဝန်ကြီး ဖြစ်နေသူ ဦးဝမ်းသူမောင်မှာ နယ်ချဲ့သမားတို့၏ အနှိပ်အစက် အညှဉ်းအပန်း ခံနေရ၏ ဗမာပြည် နီုင်ငံရေး အသင်းအပင်းများမှ ယခုကဲ့သို့ နယ်ချဲ့သမားက လူနည်းစု ခေါင်းဆောင်တယောက်အား နှိပ်စက်နေသည်ကို အရေးတယူ ဆူပူဆောင်ရွက်သော အသင်းမှာ၊ တို့ဗမာအစည်းအရုံးသာ ရှိပေသည်။ တို့ဗမာ အစည်းအရုံး၏ သဘောထားမှာ လူနည်းစုအရေးကို အထူပင် ဦးစားပေးခဲ့လေသည်။)

၎င်းတရားပွဲ ပြီးလျှင် ပြီးခြင်း၊ သခင်အောင်ဆန်းနှင့် ကျွန်တော်အား ကာကွယ်ရေး ဥပဒေနှင့် ဖမ်းဆီးဝရမ်း ထုတ်လိုက်လေသည်။ ကျွန်တော်တို့ နှစ်ယောက်မှာ ဟင်္သာတမြို့ရှိ မြန်မာပုလိပ်အရာရှိကြီး တဦး၏ အကူအညီနှင့် လွတ်ထွက်လာပြီး ရန်ကုန်မြို့ ၅၃ လမ်းရှိ အိမ်တအိမ်တွင် ပုန်းနေကြလေသည်။ ၎င်းရက်အတွင်း သခင်အောင်ဆန်းအား ဖမ်းပေးလျှင် သို့မဟုတ် သတင်းပေးနိုင်လျှင် ဆုငွေ ၅ိ ပေးမည်ဟု မစ္စတာ ဇေးဗီးယားက ကျေညာလေတော့သည်။

ထိုကဲ့သို့ ပုန်းနေရစဉ်၊ တို့ဗမာအစည်းအရုံး ခေါင်ဆောင်များမှာ တကွဲတပြားစီ ဖြစ်နေကြသည်။ သခင်နု၊ သခင်သန်းထွန်း၊ သခင်ဗဟိန်း စသော သူများမှာ ထောင်ထဲတွင် ရှိကြပြီး သခင်မြ၊ သခင်လှဘော်၊ သခင်လှဖေ (ယခု ဗိုလ်လက်ျာ)၊ သခင်တင်မောင် စသည်တို့ အပြင်မှာ ကျန်ခဲ့ကြလေသည်။ ကျန်ခဲ့သော ခေါင်းဆောင်များမှာလည်း စစ်ရေးနှင့် ပတ်သက်၍ သဘောကွဲလွဲ နေကြရာ၊ သခင်အောင်ဆန်းမှာ စိတ်အတော်ပင် ပျက်နေပေသည်။ သခင်လှဖေနှင့် ကျွန်တော်မှာ စတော့ကိတ်လမ်း လူအိုရုံအနီး သခင်နုအိမ်တွင် သခင်နုဇနီး မမရီအား စောင့်ရှောက်ရင်း ထမင်းကပ်စား နေကြရပါသည်။ များမကြာမီ သခင်အောင်ဆန်း မြန်မာပြည် အပြင်ဘက်သို့ ထွက်သွားရေး ပြဿနာ ပေါ်လာပါတော့သည်။ ၎င်းကိစ္စကို သခင်လှဖေနှင့် ကျွန်တော်ပင် ကမ္မကထ ပြုနေကြရပါသည်။ ထွက်မသွားမီ တညတွင် ကျောင်းသားသမဂ္ဂ အသင်းတိုက်တွင် သခင်အောင်ဆန်း ခရီးထွက်ရေးအတွက် ဆွေးနွေးပွဲတခု လုပ်ကြပါသည်။ ၁၂ နာရီခန့်တွင် သခင်အောင်ဆန်းအား ၅၃ လမ်း တိုက်မှ မော်တော်ကားနှင့် ကျွန်တော် သွားခေါ်လာခဲ့ရပါသည်။

အစည်းအဝေး တက်ရောက်သူများမှာ ကိုကျော်ငြိမ်း (ယခု ဝန်ကြီးဟောင်း)၊ ကိုထွန်းအုံ (မြူနီစီပါယ်မင်းကြီး)၊ နဂါးနီ ကိုထွန်းအေး၊ ကိုလှမောင် (ယခု ဗိုလ်ဇေယျ တောခို)၊ သခင်ထွန်းရွှေ (နဂါးနီ) စသောသူများ ဖြစ်ပါသည်။ သခင်အောင်ဆန်းမှာ သွားခါနီးဖြစ်သည့်အလျောက် မှာစရာ စကားများကို မှာ၍ အားမရအောင် ဖြစ်နေရှာသည်။ ၁၂ နာရီမှ နံနက် ၄ နာရီခွဲထိ တယောက်တည်း စကားပြောနေ လေတော့သည်။ စကားမပြောလျှင်လည်း လုံးလုံးမပြော၊ ပြောလျှင်လည်း အိပ်နေသူကိုပင် နှိုး၍ ပြောတတ်လေသည်။

ဆောင်းပါရှည်အံ့စိုး၍ နိဂုံးချုပ်ရပေတော့မည်။ သခင်အောင်ဆန်း၏ နုစဉ်ဘဝ အဖြစ်အပျက်များကို ရေး၍ပင် ကုန်နိုင်ဘွယ် မရှိပေ။ ကျွန်တော်အဖို့တွင် အထွဋ်အထိပ် မရောက်မီက (သခင်အောင်ဆန်း) အထွဋ်အထိပ် ရောက်ပြီး (ဗိုလ်ချုပ်အောင်ဆန်း) ထက်ပင် ကြည်ညို လေးစားမိပါတော့သည်။

နိုင်ငံရေးသမား အောင်ဆန်း

နိုင်ငံရေးသမား အောင်ဆန်း

[၁]

လွန်ခဲ့သော ခုနှစ် နှစ်ခန့် ဗိုလ်ချုပ် အသက် ရှိစဉ်က တာရာ မဂ္ဂဇင်း လူကို လေ့လာခြင်း ကဏ္ဍ၌ "အောင်ဆန်း သို့မဟုတ် အရိုင်း" ဟူ၍ ရေးသား ခဲ့သည်။ ထိုအခါ ကပင် ဗိုလ်ချုပ် အောင်ဆန်းက "တာရာ ကတော့ ငါ့ကို အရိုင်း တဲ့ကွာ။ ငါဟာ စင်စစ်တော့ ရိုင်းသလောက် ရိုင်းပါတယ်။ ဒါပေမယ့် မရိုင်းတဲ့ အချက်ကလေး တွေလည်း ရှိပါ သေးတယ်ကွာ' ဟု ပြောခဲ့သည်။


ထိုအခါက ဗိုလ်ချုပ် အောင်ဆန်းကို လူထု တရပ်လုံးက "ရွှေပေါ် မြတင်" ကြည်ညို ချစ်ခင်နေခိုက် ကျွန်တော်က "အရိုင်း" ဟု ဆိုလိုက်သော အခါ တချို့က မကျေနပ်ကြ ….။


အမှန်အားဖြင့် "အရိုင်း" ဟု တင်စား လိုက်ခြင်းမှာ ဗိုလ်ချုပ်အား နာစေလို၍ နှိမ့်ချ ရေးသားခြင်း မဟုတ်ဘဲ သူ၏ လူ့သဘာဝ ပုံဟန်ကို ထင်ရှား ပေါ်လွင် လေအောင် ဥပမာဖြင့် ဖော်ပြ လိုက်ခြင်းပင် ဖြစ်ပေသည်။


သည် လူ့သဘာဝ စိတ်နေ စိတ်ထား ရုပ်ပုံလွှာကို မူတည်ကာ "နိုင်ငံရေးသမား အောင်ဆန်း" အဖြစ်ကို လေ့လာ ရပေမည်။

[၂]

သည်လောက် ငယ်ရွယ်သော အသက်နှင့်၊ သည်လောက် ကြီးကျယ် ထင်ရှားသော အမျိုးသား ခေါင်းဆောင် အဖြစ် နိုင်ငံရေး မော်ကွန်း တင်ထွန်း တည်ရှိ ရခြင်းမှာ သူ့၌ ထူးခြားခြင်း တရပ် ရှိရပေမည်။


သည်ထူးခြားခြင်းကား အခြား မဟုတ်။ "တခု တည်းသော ရည်ရွယ်ချက်တွင် စိုက်စိုက်မတ်မတ် ထားရှိသော စိတ်ဓာတ်" ဟု ထင်မြင် မိသည်။ တခု တည်းသော အာရုံ ရှိသော ဧကမူ စိတ်ဟု ဆိုရ ပေမည်။


သည် ဧကမူ စိတ်မှာ အပြင်ပ သဏ္ဌာန် ၌ပင် ဖော်ပြ ထင်လင်းလျက် ရှိသည်။


တက္ကသိုလ် ရောက်စက သမဂ္ဂမှ လူများစွာနှင့် ရင်းနှီး ခင်မင် ခဲ့သည်။ ကျွန်တော်မှာ စာပေ လောကမှာ နေသော်လည်း စင်စစ်အားဖြင့် နိုင်ငံရေး သမားများနှင့် ပိုမိုရင်းနှီး သိကျွမ်း ခဲ့သည်သာ များသည်။


သိသော လူများ အနက် ကိုအောင်ဆန်းမှာ ထူးခြားသော ဟန်ဖြင့် ပေါ်လွင်နေ၏ ။


ထူးခြားခြင်းကား ချစ်စဖွယ် ပြုံးမြသော သခင် ဗဟိန်း ကဲ့သို့ ခင်မင်စရာ လူတယောက် ကဲ့သို့ မဟုတ်။


ကိုကြီးနုလို့ မှုန်ငေး ရီဝေသော အကြည့်ဖြင့် လူတဖက်သားကို ညှို့ယူသော စိတ်ညှို့ အိပ်ငွေ့ ချသမား ဆန်ဆန် လူမျိုးလည်း မဟုတ်။


ချစ်ခင် စွဲငြိဖွယ်ရာ မျိုးကား လုံးဝ မဟုတ်။ မှုန်ကုတ်ကုတ်။ ကြောင်စင်းစင်းနှင့် ….။


မှုန်ကုတ်ကုတ်မှာ တစုံတရာကို အာရုံ စိုက်၍ တွေးတော ကြံဆ နေသဖြင့် အတွင်းမှ လေးနက် ထက်သန်စွာ တွေးတောခြင်းမှာ အပြင် မျက်နှာ အမူအရာ၌ မျက်မှောင် ကုတ်ဟန်ဖြင့် ထင်ရှား ဖော်ပြလျက် ရှိနေသည်။ လူတို့သည် တစုံတရာကို လေးနက်စွာ တွေးတော ကြံဆသည့် အခါ မျက်မှောင်ကုတ် လာတတ်သည်။


ယင်းတို့ မျက်မှောင် ကုတ်ကာ တွေးတော ကြံဆ နေသည့် အချိန် များလာသော အခါ မှုန်ကုတ်ကုတ် ဟန်မှာ သူ၏ သဘာဝ ဖြစ်လာ တော့သည်။ သူ့ကို ဘယ်အခါ ကြည့်ကြည့်၊ မှုန်ကုတ်ကုတ် ဟန်မူနှင့်သာ တွေ့ရသည်။ ကြာတော့ ကြောင်စင်းစင်း ဖြစ်လာ ပေသည်။


ရှေ့တည့်တည့် ကြည့်နေ သော်လည်း ကြည့်ရာသို့ မျက်လုံးက မမြင်။ သူ၏ အာရုံမှာ အတွေး ၌သာ ဝင်လျက် ရှိနေ၏။


ထို့ကြောင့်လည်း သူ့ကို နှုတ်ဆက်တာ သိချင်မှ သိသည်။ သူက ပြန်၍ နှုတ်မဆက်။ လမ်းတွင် တွေ့က ခေါ်ချင်မှပင် ခေါ်သည်။ ခပ်ကြောင်ကြောင် ဖြစ်နေ၏။


တခါက စိတ်ပညာ ဘက်၌ လေ့လာ နားလည်သော ဒဂုန် နတ်ရှင်နှင့် မန္တလေးသို့ အတူ သွားဖူးရာ ကျွန်တော့်အား ဝေဖန် ဖူးသည်။


"ဒဂုန် တာရာ အခန်းထဲ ဝင်လာတာကို အကဲခတ် ကြည့်နေ မိတယ်။ ကိုယ်မရောက်ဖူးတဲ့ နေရာ၊ ဘယ်သူမှ အသိမရှိတဲ့ နေရာ ဝင်လာ သလိုပဲ။ စိတ်ပညာ အရတော့ အတွင်း ဝင်နေတဲ့ စိတ်လို့ ခေါ်တယ်။ အပြင်ကို မေ့နေတာ" ဟု ပြောဖူးသည်။


ကျွန်တော့်မှာ စိတ်ပညာကို နားမလည်၊ အယုံအကြည်လည်း ရှိသည် မဟုတ်။ သို့သော် ဒဂုန် နတ်ရှင် ပြောပြချက်နှင့် မေ့တတ်သည့် အကျင့်ကို သုံးသပ် မိရင်း ကျောင်းတုန်းက ကိုအောင်ဆန်း၏ မှုန်ကုတ်ကုတ် ကြောင်စင်းစင်း ဟန်ကို ပို၍ နားလည် သိမြင် လာမိသည်။


သူသည် တခုတည်း ကိုသာ လေးနက်စွာ တွေးတော ကြံဆ နေသည်။ တခုတည်းသော ရည်ရွယ်ချက် ကိုသာ စိုက်မတ် နေသည်။


ထို့ကြောင့်ပင် လူများက သူ့ကို နှုတ်ဆက်တာ မမြင်လိုက်။ ခေါ်တာ မသိလိုက်။ ကြောင်နေခြင်း ဖြစ်သည်။


သူတွေးတော ကြံဆ နေသော တခုတည်းကား အဘယ်နည်း။ သူစိုက်မတ် နေသော အာရုံ တခု တည်းကား အဘယ်နည်း။ သည်အချက်ပင် သူ့အား နိုင်ငံရေး သမား အဖြစ် ကြီးကျယ် စေခြင်း ဖြစ်သည်။


သည် အချက်ကား အမျိုးသား တော်လှန်ရေး (ဝါ) နယ်ချဲ့လက်မှ ရုန်းထွက်သော လွတ်လပ်ရေး ပင်တည်း။

[၃]

သူသည် နိုင်ငံရေး တခုတည်း ကိုသာ အာရုံ ထားသည်။ အခြား ဘာကိုမျှ ဂရု မစိုက်။


သူနှင့် စကား ပြောတိုင်း သူသည် နိုင်ငံရေး စကား ကိုသာ ပြောလျက် ရှိသည်။ ရှေ့ကို မျက်လုံးကြီး စိုက်ကာ "ဗမာပြည်ကြီး လွတ်လပ်ရေး ရအောင်" ဟု ဒလဟော စီးကျသော စမ်းရေ အဟုန်ဖြင့် သွန်ချလျက် ရှိတတ်သည်။


ထိုအခါ များတွင် ဘယ်သူမှ ကြားဖြတ် ဝင်ပြော၍ မရ။ "နေဦး၊ ကျုပ်ပြောဦးမယ်" ဟူ၍ပင် လက်ဖြင့် ကာလျက် စိတ်ပါလက်ပါ ပြောလျက် ရှိနေ၏။ ကျွန်တော်တို့မှာ ပြုံး၍သာ နေကြရသည်။ ဤမျှ နိုင်ငံရေးစိတ် ပြင်းထန်သည်။


ပြောသလောက် မက ပြောသည်ထက် လုပ်သည်။ စိုက်စိုက် စွပ်စွပ် ရွပ်ရွပ် လုပ်သည်။


ဂျပန်သို့ နိုင်ငံခြား လက်နက် အကူအညီ ရယူရန် သွားခြင်းကား အမှောင် ထဲတွင် မိုက်မိုက်ကန်းကန်း စွန့်ရမ်း သွားခြင်း ဖြစ်သည်။ ဘယ်သူမျှ မသွားချင်သော ကိစ္စ ဖြစ်၏။ အဆက်အသွယ် ကောင်းကောင်း မရှိ။ မရေမရာနှင့်၊ သူပင် ဒရွပ်ထိုး သွားခဲ့၏။


အမျိုးသား တော်လှန်ရေး စိတ် (ဝါ) နိုင်ငံရေး စိတ်နှင့် သူ သွားနိုင်ခြင်း ဖြစ်ပေ၏။ သူနှင့် အတူ ဗိုလ်န်အောင်သာ ပါသွား ခဲ့၏။ ထို့ကြောင့်လည်း …. အမွိုင်တွင် ငတ်ပြတ်ကာ သောင်တင် နေခဲ့ကြခြင်း ဖြစ်သည်။


နိုင်ငံရေး ကိစ္စက လွဲ၍ အခြား ဘာမျှ ဂရုမစိုက်။ ၁၉၄၅ ခုက "အရှေ့နှင့် အနောက် အသင်း" ၌ သူပြောခဲ့သော စကားရပ်ကို ကိုးကား ပြလိုသည်။ သူ နိုင်ငံခြား သွား၍ နိုင်ငံရေး ဆက်သွယ်ပုံ အဖြစ်အပျက်။ တိုကျို ရောက်၍ ကာနယ် စူဇကီးနှင့် တွေ့ခန်း၌ ….


"တိုကျို လေဆိပ်မှာ မိနာမီလို့ ခေါ်တဲ့ ကာနယ် စူဇကီးက လာကြိုပြီး ဟော်တယ် တခု ခေါ်သွားတယ်။ သူက မိန်းမ ယူမလားလို့ မေးတယ်။ (ကျွန်တော်ဟာ အဲဒီတုန်းက ရာခိုင်နှုန်း တရာပြည့် လူပျိုစစ်ပေါ့။) ကျွန်တော်တို့က ကြားရတာတောင် ရှက်ပြီး ငြင်းလိုက်တယ်။ စူဇကီးက ပြန်ပြောတာ၊ သူ့စကားနဲ့ ပြောရမယ် ဆိုရင် 'ရှက်စရာ မလိုဘူး၊ ရေချိုး သလို ပါပဲ' တဲ့…." ဟု ဖော်ပြ ခဲ့သည်။


အခြား ရဲဘော် သုံးကျိပ်ဝင်များ အနက် ခင်မင် သူများက ကျွန်တော့်အား စီကာ ပတ်ကုံး ပြောပြ ဖူးကြသည်။ အခြား သူများကား မရှောင်နိုင် ခဲ့ကြ။


သူ့တွင် နိုင်ငံရေး ဟူသော တခုတည်းသော အလုပ် ရည်ရွယ်ချက်က လွဲ၍ အခြား ဘာမှ မရှိ၊ မကပ်ငြိ။ သည်နေရာ၌ "ဓနရှင် နိုင်ငံရေး သမား" မျိုးနှင့် ကွာလှ ဘိ၏။


ဝတ်ကောင်း စားလှ ဝတ်ကာ၊ စကားလုံး အလှ များကို ရွေးချယ် ဟောပြောကာ၊ လူအကြိုက်လိုက်၊ လူများနှင့် သင့်မြတ်အောင် လုပ်ကာ မီးစင် ကြည့်ကသော ကျပန်း နိုင်ငံရေး သမား မျိုးနှင့် ကွာသည်။


သူ့တွင် နိုင်ငံရေး ရည်ရွယ်ချက်က လွဲ၍ အခြား ကိုယ်ရေး ကြီးပွားမှု၊ ကိုယ်ရေး အာသာ ဆန္ဒ၊ ကိလေသာ ရမ္မက် ဖြည့်မှု တို့နှင့် ရောထွေး ကပ်ငြိခြင်း မရှိ။


နိုင်ငံရေး သမား အဖြစ် ပြည့်ဝ ကုံလုံခြင်း ရှိသည်။ စာပေနှင့် မကင်းကွာ။ စာပေကို အမြဲတမ်း လေ့လာ ဖတ်ရှုခြင်း ရှိသည်။ တခါက တက္ကသိုလ် သမဂ္ဂ၌ တနေ့လုံး ကျွန်တော်နှင့် စာပေ အကြောင်း ပြောခဲ့ကြ ဖူးသည်။


ပင်းယ မဂ္ဂဇင်း၌ ပါရှိသော "ကမ္ဘာ စာပေနှင့် ဗမာ ဂန္တဝင်" ဟူသော ဆောင်းပါးကို ရှေ့တွင်ပင် ဖတ်ကာ စေ့စေ့စပ်စပ် ကိုးကား၍ ဝေဖန်သည်။ ကျွန်တော်၏ ရတု ကဗျာနှင့် ဝတ္ထုများ ကိုပင် သိနေသည်။


"ဒီဆောင်းပါး ကတော့ ဂန္တလောကတို့၊ ဘာတို့မှာ ထည့်ဖို့ ကောင်းတယ်။ ဒီမယ် ခင်ဗျား ကဗျာတို့၊ ဝတ္ထုတို့ချည်း ရေးမနေ ပါနဲ့ဗျာ။ နိုင်ငံရေး လှုံ့ဆော်မှု လုပ်ပေး ပါဦး။ စာရေး ကောင်းကောင်းနဲ့ တော်လှန်ရေး လုပ်မယ် ဆိုရင်…." ဟု ဆိုကာ ဂေါ်ကီ၏ ဝတ္ထု အကြောင်း ရောက်သွား တော့၏။


နိုင်ငံရေး သမားများတွင် စာပေနှင့် မကင်းကွာဖို့ လိုပေသည်။ လီနင် ဆိုလျှင် စာပေ သဘောတရားများ ရေးနိုင်ခဲ့၏။ ဂေါ်ကီ၏ ဝတ္ထုကို ကောင်းကောင်း ဖတ်ကာ ဝေဖန် ခဲ့၏။ ပလက်ကင်နော့မှာ အနုပညာ သဘောများ ရေးခဲ့၏။ မော်စီတုံးမှာ ခက်ခဲသော ကာရန်ဖြင့် ကဗျာများပင် စီကုံး ခဲ့သည်။


သခင်နု၊ သခင်သန်းထွန်း တို့သည်လည်း စာရေး ကောင်းသူများပင် ဖြစ်ကြသည်။


သခင် အောင်ဆန်းသည် စာရေး ကောင်းတဦး ဖြစ်သည်။ ဂျပန်ခေတ်က ကော်ပီ စာအုပ်များဖြင့် ရေးထားသော သူကိုယ်တိုင် ရေးသည့် အတ္ထုပ္ပတ္တိ လက်ရေးမူကို သူ၏ မော်တော်ကား ရှေ့အံ၌ ထိုးထားသည်ကို မတော်မဆ ဖတ်ခဲ့ရ ဖူးသည်။


"ဥဿဟ" ဟု ပါဠိဖြင့် အမည် ပေးထားသည်။ အမှာတွင် စစ်အတွင်း၌ စစ်သေနာပတိ ဖြစ်နေခြင်းမှာ ကာလနှင့် လုပ်ခွင့် တိုက်ဆိုင် နေပုံကို ရေးထားသည်။ ငယ်စဉ်က အဖြစ်အပျက် များသာ ရှိသေးသည်။ ရေးဟန် ရှိ၍ ဖတ်ရသည်မှာ သွက်လက်သည်။ ပါဠိကို အတော် သုံးနှုန်းသည်။

[၄]

နိုင်ငံရေး သမား အောင်ဆန်းသည် သည်ထူးခြားသော ဧကမူ စိတ်ဓာတ်ဖြင့် လုပ်ခဲ့ရာ နိုင်ငံရေး၌ အောင်မြင် ပါသလောဟု ဝေဖန် စောကြော အပ်သည်။


အမျိုးသား တော်လှန်ရေး၌ ဦးဆောင် နိုင်ခဲ့သည်မှာ ရာဇဝင် သက်သေ ဖြစ်သည်။ အမျိုးသား တော်လှန်ရေး ဒီရေ တက့်ကချိန်၌ တမျိုးသားလုံးက သူ့အား ကြည်ညို လေးစား ယုံမှတ် ခဲ့ကြသည်။


ယနေ့ တော်လှန်ရေး၌ ကဏ္ဍ နှစ်ဆင့် ရှိသည်။ အမျိုးသား တော်လှန်ရေး။ အမျိုးသား လွတ်မြောက်ရေး။ အမျိုးသား တော်လှန်ရေးမှာ နယ်ချဲ့ကို ခြားနားသော အရေးတော်ပုံ ဖြစ်သည်။ အမျိုးသား လွတ်မြောက်ရေး သည်ကား နယ်ချဲ့ သြဇာခံ ဖောက်ပြန်သော တော်လှန်ရေး ဆန့်ကျင်ဘက် အင်အားစု၏ ဖိနှိပ်မှုမှ လွတ်မြောက်ရေး ဖြစ်သည်။


ဗိုလ်ချုပ် အောင်ဆန်းသည် အမျိုးသား တော်လှန်ရေး ကဏ္ဍ၌ ခေါင်းဆောင် ဖြစ်ပေသည်။


ဗိုလ်ချုပ်ကြောင့် အမျိုးသား တော်လှန်ရေး အောင်ခဲ့ ပါသလော။ ပုဂ္ဂိုလ် အားဖြင့် အောင်သည်ကား မဟုတ်ပေ။ လူထု၏ လှုပ်ရှား ထ့ကမှု ကြောင့်သာလျှင် ဖြစ်သည်။ သို့သော် သည်လွတ်လပ်ရေး တိုက်ပွဲ၌ ရှေ့တန်းက ပါဝင် ခဲ့ပေသည်။


လွတ်လပ်ရေး တိုက်ပွဲတွင် အောင်ဆန်း - အက်တလီ စာချုပ် ဖြင့် အဆုံးသတ် ခဲ့သည် မဟုတ်ပေ။ နု - အက်တလီ စာချုပ် ဖြင့်သာ အဆုံး သတ်ခဲ့သည်။ တိုင်းပြု ပြည်ပြု လွှတ်တော်မှ အခြေခံ ဖွဲ့စည်းပုံ စည်းမျဉ်း ဥပဒေကို ဆွေးနွေး ညှိနှိုင်း ရေးဆွဲလျက် ရှိစဉ် ဗိုလ်ချုပ် အောင်ဆန်းမှာ ကျဆုံး ခဲ့ရ ရှာပေသည်။


သခင် အောင်ဆန်း၏ နိုင်ငံရေးတွင် အမှားများ ရှိသလောဟု ဝေဖန်မှုဖြင့် မေးဖွယ် ရှိသည်။


သခင် အောင်ဆန်း၏ နိုင်ငံရေးများကို အစဉ်တစိုက် လေ့လာ အကဲခတ် လာခဲ့သည်။ "ဗိုလ်ချုပ် လုပ်တာ အကုန် မှန်တယ်" ဟု ယုံစား သူတွေလည်း ရှိကြသည်။ "ဘာ ဗိုလ်ချုပ်လဲ၊ နယ်ချဲ့နဲ့ စေ့စပ်တာပဲ" ဟု အထင်သေးသည့် အယူအဆ ရှိသူတွေလည်း ရှိကြသည်။


ကျွန်တော်လည်း ဗိုလ်ချုပ်ကို နိုင်ငံရေး သမား အဖြစ် လေးစား စိတ်ဝင်စားသူ ဖြစ်သည်။ ဖဆပလ လှုပ်ရှားမှုကို အကဲခတ် နေသူ ဖြစ်သည်။


သို့သော် ဗိုလ်ချုပ် လုပ်ခဲ့သည်များ အနက် သဘော မတူနိုင်သည့် အချက် များလည်း ရှိခဲ့သည်။


ကွန်မြူနစ် ပါတီကို ဖဆပလမှ ထုတ်ပယ် သည်က တကြိမ် စိတ်ပျက် မိသည်။ ကွန်မြူနစ် ပါတီသည် လွတ်လပ်ရေး တိုက်ပွဲ (ဝါ) အမျိုးသား တော်လှန်ရေး၌ ရှေ့တန်းက ပါခဲ့သည်။ ဖဆပလ ဟူသော ညီညွတ်ရေး တပ်ပေါင်းစု၌ အင်အား တအား ဖြစ်သည်။ စစ်အပြီး၌ ဖဆပလကို ဗိုလ်ချုပ်က ဥက္ကဋ္ဌ၊ သခင် သန်းထွန်းက အတွင်းရေးမှူး အဖြစ် ဦးဆောင် ခဲ့ကြသည်။


ကျွန်တော့် သဘောက ဗိုလ်ချုပ် အောင်ဆန်းနှင့် သခင် သန်းထွန်းတို့ တွဲဖက် ဆောင်ရွက် သည်ကို မြင်လို၏။ တို့ဗမာ အစည်းအရုံး ခေတ်က တတွဲတွဲ နိုင်ငံရေး အစီအစဉ်များ ရေးဆွဲ သတ်မှတ် ကြသည်ကို သတိ ရမိ၏။


ညီညွတ်ရေး တပ်ပေါင်းစု ကွဲပြို မည်ကို နည်းနည်းမှ မလိုလားခဲ့။ တပ်ပေါင်းစု ကွဲပြို မည်ကို နယ်ချဲ့က အလို ရှိ၏။ ထိုအခါက နှစ်ဖက် စလုံးကို အပြစ် တင်ခဲ့၏။


ကျွန်တော်တို့က ညီညွတ်ရေး တပ်ပေါင်းစု ဖြင့်သာလျှင် ငြိမ်းချမ်းစွာ တည်ဆောက် နိုင်မည်ဟု ယုံကြည် ထား၏။


တိုင်းပြု ပြည်ပြု လွှတ်တော် အတွက် ရွေးကောက်ပွဲ လုပ်ရာ ဗိုလ်ချုပ်၏ "ပညာ တတ်တွေ မလိုဘူး၊ လက်ညှိုး ထောင်တတ်ရင် တော်ပြီ" ဟု အမတ် ရွေးကောက်ပွဲ မိန့်ခွန်းကို ဖတ်ရသော အခါ စိတ်ပျက် မိပြန်သည်။


ဤအချက် များသည် အမှားလော၊ အမှန် လောဟု ဝေဖန် စိစစ် ကြရန် လိုသည်။


ယနေ့ ဖြစ်နေသော မငြိမ်သက်မှုများ၊ ညီညွတ်ရေးနှင့် ငြိမ်းချမ်းရေး ပြဿနာ များက အဖြေများ ဖြစ်ကြ ပေသည်။ မညီညွတ်ခြင်း၏ အကျိုး အပြစ်များ၊ တင်မိလျှင် ချ၍ မရတတ်သော နိုင်ငံရေး အာဏာ အကျိုး အပြစ် သဘောများကို လူထုသည် ခံစား သိမြင် ကြပေပြီ။

[၅]

ဗိုလ်ချုပ်သည် အချီးမြှောက် အယုံကြည်ခြင်း အခံရ ဆုံးသော နိုင်ငံရေး ခေါင်းဆောင် ဖြစ်ခဲ့သည်။ သူ၏ အရှိန်အဝါသည် ကြီးမား လှပေ၏။


ဗိုလ်ချုပ်၏ လမ်းစဉ်ကို လိုက်ခဲ့ ကြပါ သလောဟု ဝေဖန် ကြရန် လို၏။


အကြမ်းဖျင်းက စ၍ ကြည့်ကြ စေလိုသည်။


ယာယီ အာဇာနည် ဗိမာန် တောင်ကုန်းသို့ တက်၍ အလေး ပြုကြသော သူတို့၏ ခြေရာများသည် မွမွ များလှ ပေပြီ။


ဗိုလ်ချုပ် လမ်းစဉ်ကို သန္နိဋ္ဌာန် ချကြ ကုန်သော ပန်းခွေ များသည် ပန်းတောကြီး တတော အဖြစ် မို့မောက် လောက်ပေပြီ။


သို့သော် အာဇာနည် ဗိမာန်သည် စက္ကူ၌ ခဲသားမျဉ်း အဖြစ်ပင် တည်ရှိ နေသေးသည်။ ဗိုလ်ချုပ် ကျောက်ရုပ်မှာ "မပြီးတတ်သေး၊ ဝိုးဝါးထွေး" ၍သာ နေခဲ့ရ ရှာသည်။


၆ နှစ်ပင် ကြာခဲ့ ပေပြီ ….။


အတိုးကြီးစားနှင် ငွေတိုး ပေးနေသော ဘာဘူ တယောက် အိမ်၌ ဗိုလ်ချုပ် အောင်ဆန်း ဓာတ်ပုံ ချိတ်ထားသည်ကို တွေ့ခဲ့ ရ၏။ အမှန်အားဖြင့် ဗိုလ်ချုပ်သည် အတိုးကြီး စနစ်ကို ဆန့်ကျင်သူ ဖြစ်သည်။


ဗိုလ်ချုပ်ပြပြီး မတော်မတရား လုပ်ခြင်းမျိုး ကိုကား မလိုလားအပ်။


ပန်းချီ ဆရာ ကိုအုန်းလွင် နေသော ၃၉ လမ်း ကြိမ်းထိုး ဆိုင်ရှေ့၌ စစ်အင်္ကျီ ရှည်ကြီး ဝတ်ပေး ထားသော ဗိုလ်ချုပ် ရုပ်ကို တွေ့ရ၏။ စစ်ဦးထုပ်၌ ပန်းများပင် ဝေနေတတ် သေး၏။ ပွဲ့နေ့ ဆိုလျှင် လမ်းထိပ် ရာဇမတ်ကွက် မဏ္ဍပ်တွင်း၌ ရောက်နေ တတ်ပေသည်။


ဗိုလ်ချုပ်ရုပ် ကျကျနန မရှိ၍ သူတို့ လုပ်တတ် သလောက်နှင့် လုပ်ခြင်းသာ ဖြစ်ကြ ပေသည်။


ဗိုလ်ချုပ်သည် နိုင်ငံရေး သမား အဖြစ် ဤမျှ အရှိန်အဝါ ပဲ့တင်သံ ကြီးမား ကျယ်ဝန်း ခဲ့သည်။ သို့သော် အုပ်ချုပ်ရေး သမား အဖြစ်ကား မဟုတ် ခဲ့ပေ။


လီနင်သည် နိုင်ငံရေး သမား အဖြစ် ဇာဘုရင် စနစ်ကို တိုက်ချ ခဲ့သည်။ တော်လှန်ရေး သမား အဖြစ်နှင့် ဦးဆောင် ခဲ့သည်။ ဆိုရှယ်လစ် အစိုးရ အဖွဲ့၏ ခေါင်းဆောင် အဖြစ်လည်း နိုင်ငံတော်ကို အုပ်ချုပ် ခဲ့ပေသည်။ သို့ဖြစ်၍ ထူးချွန်သော နိုင်ငံရေး သမား လည်းဖြစ်၊ အုပ်ချုပ်ရေး သမားလည်း ဖြစ်ခဲ့သည်။


ဗိုလ်ချုပ် အောင်ဆန်းကား အစိုးရ အဖွဲ့ကို ကျကျနန မလုပ်ရ သေးခင် ကွယ်လွန် သွားခဲ့ ပေသည်။


ဂရိတ် အတ္ထုပ္ပတ္တိရေး ဆရာကြီး ပလူတာက "သေးငယ်သော အဖြစ် တရပ်၊ စကား တလုံး၊ ပြက်လုံး တကွက်က ပင်လျှင် စစ်ပွဲများ၊ လှုပ်ရှားမှု များစွာထက် လူ၏ သဘောထားကို ဖော်ပြ တတ်သည်" ဟု ရေးဖူးသည်။


ဗိုလ်ချုပ် မကွယ်လွန်ခင် မေလ လောက်က "လွတ်လပ်ရေး ရတဲ့ အချိန် အထိတော့ ကျုပ် နိုင်ငံရေး လုပ်ရ ဦးမှာပဲ၊ လွတ်လပ်ရေး ရပြီးလို့ ပါတီ တိုက်ပွဲတွေ ဖြစ်တဲ့ အချိန်မှာ ကျုပ်က မပါချင်ဘူး။ ဘေးဖယ် နေမယ်၊ သူများတွေ လုပ်တာ ထိုင်ကြည့်ပြီး စာအုပ် ရေးမယ်" ဟု ပြောခဲ့တာ ရှိ၏။


သူ၏ နိုင်ငံရေး အမြင် သဘောမှ လှစ်ခနဲ အန်ကျ လာသော အစက် တစက် ဖြစ်သည်။


တော်လှန်ရေးကား မပြီး မြောက်သေးပေ။ တဆင့်ပြီး တဆင့် သွားရသည်။ တောက်လျှောက် တက်နိုင်မှ တက်သည်။ စတာလင်က တကွေ့ပြီး တကွေ့ ခွေရစ် တက်ရ တာလည်း ရှိသည်ဟု ရေးဖူး၏။


ဗိုလ်ချုပ် အောင်ဆန်းကား အမျိုးသား တော်လှန်ရေး ကဏ္ဍ အထိ အောင်မြင် ထူးခြားသော နိုင်ငံရေး သမားကြီး ဖြစ်ပေသည်။


[ရှုမဝမဂ္ဂဇင်း၊ အတွဲ(၇)၊ အမှတ်(၇၄)။ ဇူလိုင်လ၊ ၁၉၅၃]

ဗိုလ်ချုပ် အောင်ဆန်း၏ ကိုယ်တိုင်ရေး ဘဝဇာတ်ကြောင်းနှင့် ဗိုလ်ချုပ် အောင်ဆန်း၏ ဘဝဖြစ်စဉ် နေ့စွဲများ

Aung San Booklet

ကျွန်ုပ်တို့ မှတ်မိသိရှိသမျှ ဗိုလ်ချုပ်

ကျွန်ုပ်တို့ မှတ်မိသိရှိသမျှ ဗိုလ်ချုပ်
သခင်တင်ဦး (ယခု အသံလွှင်ဌာန)

ကျွန်တော်သည် သခင်အောင်ဆန်းအား ၁၉၃၈ ခုနှစ်တွင် မော်လမြိုင်တွင် ကျင်းပသော တို့ဗမာအစည်းအရုံး နှစ်ပတ်လည် ညီလာခံသဘင်ကြီးတွင် စတင်မကျင်းပမီ သိကျွမ်းခဲ့သည်။ သို့သော် ခင်မင်ရင်းနှီး အကျွမ်းတဝင်ကား မဟုတ်ခဲ့ပေ။

ထိုညီလာခံအပြီး၊ ရန်ကုန်မြို့ အမှတ် ၇၆ ရေကျော်လမ်း တို့ဗမာအစည်းအရုံးတည်ရာ ဌာနသစ်တွင် ကျွန်တော်သည် တို့ဗမာအစည်းအရုံး၏ အမြဲတန်း အလုပ်သမားတဦးအဖြစ် တာဝန်လွှဲအပ်ခြင်း ခံရသည့်နောက်၊ တနေ့သ၌ သခင်အောင်ဆန်းသည် သူ၏ ဟောင်းနွမ်းနေသော မွေ့ရာလိပ်ကြီးနှင့် စာအုပ်သေတ္တာ နှစ်လုံး၊ အဝတ်အစားသေတ္တာ တလုံးတို့ကို လန်ခြားနှင့် တို့ဗမာအစည်းအရုံးသို့ သယ်ယူ ရောက်ရှိလာသည်မှအစ၊ သူနှင့် ကျွန်တော်သည် ထပ်မံတွေ့ဆုံခါ ချစ်ကျွမ်းဝင်တော့သည်။

ကျွန်တော်သည် မိမိဘာသာအလျောက် ဖြစ်ကတတ်ဆန်း အေးအေးနေတတ်သူ တဦးဖြစ်ရာ။ ကျွန်တော်ထက်ပို၍ အေးပြီး ဖြစ်ကတတ်ဆန်း နေတတ်သော သူ့ကို တွေ့ရသောအခါ ဖက်မိသွားသည်။

တက္ကသိုလ်ကျောင်းထွက်ဟူ၍ သူ့ကိုမြင်လျှင် ယုံနိုင်စရာ မရှိပေ။ ယင်းအခါ သူ့ကိုမြင်လျှင် ခေါင်းစုတ်ဖွား ရှုသိုးသိုးနှင့် လုံချီတိုတိုဝတ်ပြီးလျှင် လေယာဉ်ပျံဘိနပ်သော်၎င်း၊ ခုံဘိနပ်သော်၎င်း၊ စီးလျက်သားသာ တွေ့ရမည်ဖြစ်သည်။ သူသည် ထိုအခါက မော်လမြိုင်ညီလာခံမှ တင်မြှောက်ခြင်းခံရသော တို့ဗမာအစည်းအရုံး၏ အထွေထွေအတွင်းရေးမှူး အမြဲတန်းအလုပ်သမား ဖြစ်သည်။

သို့အတွက်ကြောင့်ပင် သူသည့် အခြား အလုပ်အမှုဆောင်များနည်းတူ မိမိတို့ နေလိုရာတွင် မနေဘဲ။ အစည်းအရုံးတွင် အစည်းအရုံး၏ စည်းရုံးရေးကို လုပ်ဆောင်ရန် လာရောက်နေထိုင်ခြင်း ဖြစ်သည်။

သူ့အကျင်တခု။

တခါက သူနှင့် ကျွန်တော် အစည်းအရုံးမှ မောင်ဂိုမာရီလမ်းအတိုင်း ခြေလျင်လျှောက်လာကြသည်။ သွင်ရုံအနီးတွင် သူ့အား လူတယောက်က နှုတ်ဆက်လိုက်သည်။ သူကမူ ပြန်၍ နှုတ်မဆက်ဘဲ ခေါင်းငိုက်ဆိုက်ဖြင့်သာ လျှောက်သွားသည်။ ကျွန်တော်က “စောစောက ခင်ဗျားကို လူတယောက်က နှုတ်ဆက်သွားတယ်၊ ခင်ဗျားမကြားဘူးလား”ဟု မေးရာ၊ ဟင် - ဟုသာ ကျွန်တော်အား တခွန်းတည်းပြောပြီး၊ သွားစရာ ဆက်သွားခဲ့သည်။ ဤသည်တို့ကြောင့်ပင် သူ့အကြောင်းကို မသိသူများက လူတမျိုးဘဲ၊ ဆိုရှယ်မဖြစ်ဘူးဟူ၍ စွပ်စွဲကြသည်။

လမ်းသွားလျှင် ပတ်ဝန်းကျင်ကို ဂရုပြုလေ့ မရှိသည်မှာ၊ သူ့အကျင့်တခု ဖြစ်သည်။ သူကား အစဉ်းစားကြီးသူ ဖြစ်သည်။

နောက်တခု။

တခါကလည်း တို့ဗမာအစည်းအရုံးသို့ နယ်မှ သခင်ခေါင်းဆောင်တဦး ရောက်ရှိလာသည်။ ကျွန်တော်အား သခင်အောင်ဆန်းနှင့် အရေးတကြီး တွေ့လိုသည်ဟု ပြောသဖြင့်၊ အိပ်ရာထည်းတွင် စောင်ကို ခေါင်းမြီးခြုံနေသော သခင်အောင်ဆန်းအား အစည်းအရုံး ဧည့်ခန်းသို့ ခေါ်ဆောင်ခဲ့ရသည်။ ရောက်လျှင် ဘာမျှမပြော။ ကုလားထိုင်တလုံး၌သာ ထိုင်၍ ဆိတ်ဆိတ်နေသည်၊ သူ ကုလားထိုင်ပေါ်သို့ ထိုင်မိလျှင် ထိုင်မိခြင်း နယ်သခင်ခေါင်းဆောင်က ၎င်းတို့နယ်တွင် ဖြစ်ပျက်နေသည့် အနေအထား အခက်အခဲတို့ကို အားရပါးရ တိုင်ကြားပြောဆိုသည်။ ထိုသို့ ပြောဆိုတိုင်ကြားသည်ကို အင်းမလုပ် အဲမလုပ်နေသော သခင်အောင်ဆန်းသည် ထိုသူ ပြောပြီးလျှင် ပြီးခြင်း ဘာမျှမပြောမဆို နေရာမှ ထသွားသည်။ နယ်မှလာသူလည်း ခဏတဖြုတ် တပိုတပါး သွားသည်အထင်ဖြင့် စောင့်နေသည်။ သို့သော် ငါးမိနစ်နှင့်လည်း မပေါ်လာ၊ ၁၀ မိနစ်နှင့်လည်း မပေါ်လာ။ နာရီဝက်ခန့် ကြာသောအခါ ထိုသူမှာ သည်းခံ၍ စောင်ဆိုင်းနေလိုဟန် မတူတော့ ဒေါပွလာသည်။ ကျွန်တော်လည်း သခင်အောင်ဆန်း၏ အကြောင်းကို သိပြီးဖြစ်ရာ အိပ်ခန်းတွင်းသို့ တောက်ရှောက်ဝင်သွားပြီး စောင်ကို ခေါင်းမြီးခြုံအိပ်နေသော သခင်အောင်ဆန်းအား အပြင်တွင် နယ်မှ သခင်ခေါင်းဆောင် စောင့်နေကြောင်း ပြောပြရသည်။ သူက ခြုံထားသော စောင်ကိုဖွင့်၍ “ကြည့်သာ ပြောလိုက်ပါတော့” ဟုပြောပြီး။ ပြန်၍ ခေါင်းမြီးခြုံမြဲ ခြုံ၍နေလိုက်သည်။ ကျွန်တော်လည်း သူ့အနားမှ ခွာထွက်လာကာ နယ်သခင်ခေါင်းဆောင်အား သခင်အောင်ဆန်းမှာ အခြားသူများကဲ့သို့ မဟုတ် နေ့တွင် အလုပ်လုပ်လေ့ မရှိ။ ညမှသာ တညလုံး စားပွဲတွင်ထိုင်ခါ အလုပ်လုပ်လေ့ရှိတဦး ဖြစ်ကြောင်း။ ယမန်နေ့ညကလည်း ၁၀ နာရီကျော်ခန့်လောက်က လင်အားကြီးအထိ အလုပ်လုပ်ရာ အိပ်ရေးပျက်သည့်အတွက် မနေနိုင်တော့ဘဲ အိပ်နေပြီဖြစ်ကြောင်း။ ယခုနေ့ခင်းမှ မအိပ်ပါက ခမြာ ပန်းဖျား ဖျားရတော့မည်ဖြစ်ကြောင်း။ ယခုလည်း ခင်ဗျားပြောတာကို သူမှတ်သားထားပြီး မကြာမီ နယ်သို့ ညွှန်ကြားလွှာများ ပို့ပေးမည်ဖြစ်ကြောင်းဖြင့် နှစ်သိမ့်ရသည်။ ဤတွင်မှ ထိုသူလည်း ကျေနပ်ပြီး အစည်းအရုံးမှ ထွက်ခွာသွားတော့သည်။

သခင်အောင်ဆန်းမှာ လောကဝတ်ဆိုသည်မှာ အပိုအလုပ် ပကာသနသာ သဘောထားသည်။ သို့သော် သူ့အား တပါးသူက စကား ပြောဆိုသည်တို့ကို သူ့ဦးဏှောက်အတွင်းဝယ် မေ့ပျောက်မသွားအောင် စွဲမြဲမှတ်သားနိုင်သည်။ မှတ်သားနိုင်သလောက် လုပ်ဖွယ်ရာတာဝန် မပျက်ခဲ့ပေ။ လမ်းတွင် တွေ့ရှိသူများအား နှုတ်မဆက်ခြင်း၊ စကား ပြောလိုမှသာ ပြန်၍ ပြောဆိုခြင်းတို့မှာ သူ့ဝသီဖြစ်သည်။ အထင်အမြင် လွဲမှားကြသည်။ သို့သော် သူကား သူ၏ စဉ်းစားခြင်း အလုပ်မှတပါး အခြားဂရုစိုက်ခဲ့ပေ။ သူ၏ စဉ်းစားချက်မှာကား လွတ်လပ်မှုတခုတည်းသာ ဖြစ်သည်။

တခါကလည်း၊

တခါက သူနှင့် ကျွန်တော် ကိုယ့်အတွေးနှင့်ကိုယ် လမ်းလျှောက်သွားကြသည်။ သခင်အောင်ဆန်းက ရုတ်တရက် တိုင်းပြည်လွတ်လပ်ပြီး၊ ကိုယ်သာခေါင်းဆောင်ဖြစ်ရင် အိမ်ကရှိတဲ့ လယ်တွေယာတွေကို အကုန်လုံး ဆင်းရဲသားတွေကို ဝေပေးလိုက်မယ်။ ငွေတိုးချေးတဲ့ လူတွေကိုလည်း လျှော်ပစ်လိုက်မယ်။ အမယ်ကြီး မကျေနပ်ရင်လဲ အတင်းလုပ်ရမှာပဲဟု ပြောဖူးလေသည်။ သူသည် ဤမျှ လက်ဝါးကြီးအုပ် အရင်းရှင်များကို ရွံ့မုန်းခဲ့သည်။ တိုင်းသူပြည်သားများ အပေါ်၌လည်း ဤမျှစေတနာထားခဲ့သည်။

နေ့စဉ်လိုပင် စားချိန် သောက်ချိန်မှ လွဲ၍ အိပ်ရာထဲတွင် စောင်ခေါင်းမြီးခြုံကာ နေတတ်သည်။ အလုပ်ရှိလျှင် ညဥ့်လူခြေတိတ်ချိန် ကစ၍ မိုးလင်းသည့်တိုင်အောင် တမှေးမှ မအိပ်ဘဲ အလုပ်လုပ်တတ်သည်။ ညွှန်ကြားလွှာများ၊ ကြေညာချက်များ ရေးစရာရှိလျှင် တညလုံး အင်္ဂလိပ်ဘာသာဖြင့် ရေးပြီးမှ ဘာသာပြန်လေ့ရှိ၏။

အစဉ်းစားလွန်ခဲ့သည်နေ့၊

တခါကလည်း သူ အတော်ပင် အစဉ်းစား လွန်သွားခဲ့သည်။ လူပြောစရာ ဖြစ်အောင်ပင် အစဉ်းစား လွန်ခဲ့သည်။ တို့ဗမာအစည်းအရုံးနှင့် ဓါးမပါတီတို့ ပူးပေါင်းခါ၊ ဗမာ့ထွက်ရပ်ဂုဏ်းဟု ဖွဲ့စည်းရန်အတွက် သခင်ခေါင်းဆောင် အချို့တို့သည် တညတွင် စတော့ကိတ်လမ်းရှိ သခင်နုအိမ်တွင် အစည်းအဝေးတရပ် ပြုလုပ်ကြသည်။ ထိုအစည်းအဝေး ကျင်းပနေစဉ် သခင်အောင်ဆန်းသည် နောက်ဖေးသွားလိုသဖြင့်၊ အိမ်သာသို့ စည်းဝေးနေရင်းမှ ထသွားခဲ့သည်။ သခင်အောင်ဆန်း အိမ်သာမှ ပြန်လာပြီး သခင်နု၏ ဇနီး မမရီ အိမ်သာသို့ ဝင်သောအခါ၊ ခြေတင်သည့် နေရာတွင် မစင်များ တင်နေသည်ကို တွေ့ရသည်။ မမရီက အိမ်သာမှ ပြန်လာပြီး ပြောရာ အားလုံးပင် ဝိုင်း၍ရယ်ကြသည်။ ထိုအဖြစ်အပျက်ကို နောက်တနေ့တွင် မမရီက ကျွန်တော့်အား ပြောပြသည်။ သခင်အောင်ဆန်းကမူ ဗမာ့ထွက်ရပ်ဂုဏ်းအကြောင်း စဉ်းစားရင်း အစဉ်းစား လွန်သွားခဲ့သည်ဟု နောက်တနေ့တွင် ကျွန်တော့်အား ပြောပြသည်။

အဆင်းရဲ အခံနိုင်ဆုံး

ထိုစဉ်အခါက တို့ဗမာအစည်းအရုံးတွင် အဆင်းရဲခံနိုင်ဆုံး နိုင်ငံရေးသမားတဦးကို ပြပါဟုဆိုလျှင် သူ့အား ပြရပေမည်။ တို့ဗမာအစည်းအရုံးတွင် အမြဲတမ်း အလုပ်သမားများအတွက် သတ်မှတ်ထားသော ထောက်ပံ့ငွေမှာ အစည်းအရုံး၏ ဘဏ္ဍာရေး ကြပ်တည်းမှုကြောင့် လပေါင်းများစွာ ပြတ်သတ်ခဲ့သည်။ သူနှင့် ကျွန်တော်အပြင် သခင်မောင်လေးနှင့် သခင်သက်တင်တို့မှာ များသောအားဖြင့် နံနက်စာကို မှန်အောင် မစားခဲ့ကြရပေ။ ညစာအတွက်မှာမူ ထိုအချိန်က ရေကျော်ညဈေးတန်းတွင် ထမင်းရောင်းချနေသော ညီအမနှစ်ယောက်က နိုင်ငံရေးသမားအဖြစ်ဖြင့် ကြည်ညိုပြီးလျှင် အကေ့းပေး၍သာ စားကြရသည်။ သို့သော် - ထိုဆိုင်တွင် တခါတရံ အားနာလှသဖြင့် ဗိုက်မှောက်ခါ အိပ်ကြရပါသေးသည်။

ဤမျှ သူ့တွင် စားရမဲ့၊ သောက်ရမဲ့၊ ဝတ်ရမဲ့ ဖြစ်နေစေကာမူ သူ့အား လစဉ်ကြေးငွေ လိုသမျှ ထောက်ပံ့နိုင်သော သူ့မိခင်ကြီးအား ဒုက္ခမပေးခဲ့ပေ။ တခါမျှသာ သူ့မိခင်ကြီးထံ ငွေ ၈၀ ပေးပို့ရန် စာရေးတောင်းဆိုခဲ့ဘူးသည်။

အဝတ်အစား

အဝတ်အစား ဝတ်ဆင်ရာ၌လည်း သူ့ခေါင်းကို သူသသည်ဟူ၍ မရှိ။ အစဉ်သဖြင့် ဘိုကေမှာ ရှေ့သို့သာ ဖွားရယား ကျနေသည်။ သူစိတ်ကူး၍ ခေါင်းဖြိးသည့် အခါတွင်မူ၊ မှန်တွင်ကြည့်ပြီး မျက်နှာအမူအရာ ပြုံးတုံး လုပ်နေလေ့ရှိသည်။ ထိုအမူအရာမှာလည်း သူစိတ် ရွှင်မြူးသည့် အခါတွင်သာ ဖြစ်ပေါ်လေ့ရှိသည်။ သူ့အိပ်ရာမှာလည်း ဟောင်းနွမ်းနေသည့် လွှာခြင်းစောင်တထည်၊ ခေါင်းအုံး ၂ လုံးနှင့် လျှော်ဖွတ်လေ့ မရှိသော မွေ့ရာခင်းများ အပြင်၊ ဗလပွကြဲနေသော သတင်းစာ စက္ကူဟောင်းများနှင့်သာ ရောနှောလျက်ရှိသည်။ သူသည် တိုင်းပြည်အတွက် ဤမျှ အဆင်းအရဲ ခံနိုင်ရှာပေသည်။

လွတ်လပ်ရေးတိုက်ပွဲ

နယ်ချဲ့စနစ်ကို သူသည် လက်နက်ကိုင်၍ တော်လှန်မှ လွတ်လပ်ရေးရမည်ဟု ထိုစဉ်အခါကပင် သူယုံကြည်ခဲ့သည်။ ၁၉၄၀ ခုနှစ်၊ တပေါင်းလ ညတညတွင် ပူပြင်းလှသဖြင့် သူနှင့် ကျွန်တော်တို့သည် ဘိုတထောင်သင်္ဘောဆိပ်တွင် လေညှင်းခံရင်း နိုင်ငံရေးအကြောင်း ပြောဆိုကြသည်။ သူက အင်္ဂလိပ်ကို လက်နက်ကိုင်ပြီး မတော်လှန်ရင် ဗမာပြည် ဘယ်တော့မှ မလွတ်လပ်ဘူးဟူ၍ ကျွန်တော်အား ပြောပြသည်။ ဤစကားကိုပြောပြီး မကြာမီပင် သူသည် ဗမာပြည်မှ ပျောက်ကွယ်သွားပြီး ဂျပန်ပြည်သို့ ရောက်ရှိသွားခဲ့သည်။

အားမနာသူ။

စကားပြောရာ၌လည်း မညှာမထောက် ဘွင်းဘွင်း ပြောတတ်လေ့ရှိသဖြင့် ကျွန်တော်မှာ တခါတွင် ကြားထဲက အားအနာကြီး နာခဲ့မိသည်။ ၁၉၄၀ - ခုနှစ် ကုန်ခါနီး၊ ဂဠုံဦးစော နန်းရင်းဝန် ဖြစ်စဉ်အခါက ကျွန်တော်အား အစိုးရက ဘုန်းကြီးလမ်းတွင် တရားဟောပြောသည်ကို ပုဒ်မ ၁၂၄(က) ဖြင့် အရေးယူ ဘမ်းဆီးပြီးလျှင် ရန်ကုန်ဒီစတြိတ် ရာဇဝတ်သူကြီး ဦးဘသွင်၏ ရုံးတွင် စစ်ဆေးခဲ့သည်။ ထိုအခါ (ပြည်လည်ထူထောင်ရေးဝန်ကြီး) ဦးဘဂျမ်းက ကျွန်တော်ဘက်မှ ရှေ့နေအဖြစ် အခမဲ့ ကူညီလိုက်ပါ ဆောင်ရွက်ခဲ့သည်။ ဦးဘဂျမ်းမှာ ထိုစဉ်က ဝတ်လုံလိုက်စသာဖြစ်ရာ၊ လျှောက်လဲပုံတို့ကို သခင်အောင်ဆန်းက သူကို မကြိုက် မနှစ်သက်ခဲ့ပေ၊ အမူစစ်ဆေးသော နေ့တနေ့တွင် သခင်အောင်ဆန်း ရုံးသို့ လာရောက်နားထောင်ပြီး ဦးဘဂျမ်း လျှောက်လဲ ပြောဆိုချက်တို့ကို သူသဘော မကျကြောင်း ပြစ်တင်ပြောဆိုသည်ကို ကျွန်တောင်ပင် ကြားက မနေတတ်ဖြစ်ခဲ့ရသည်။

သို့သော် အများအတွက် သူသာလျှင် ဒုက္ခခံလိုစိတ်မှာ သူတွင် ကိန်းအောင်းနေသည်။ တခါ ၁၉၃၉ ခုနှစ် ဒီဇင်ဘာလ ဆာစတက်ဖို့ကရစ် ဗမာပြည်သို့ ဝင်လာစဉ်က၊ မန္တလေးမြို့တွင် ဗမာနိုင်ငံလုံးဆိုင်ရာ တို့ဗမာအစည်းအရုံး အမှုဆောင်များ အစည်းအဝေးကို ပြုလုပ်ကြသည်။ အစည်းအဝေး ပြီးသောအခါ အလုပ်အမှုဆောင်များ အားလုံးကို ရန်ပုံ ငွေကလေးဖြင့် တသုတ်စီ ပြန်စေပြီးလျှင်။ မန္တလေးမြို့တွင် သူနှင့် ကျွန်တော် ၂ ယောက်တည်းသာ ရန်ကုန်မှ ရန်ကုန်မှ ငွေပို့လိုက်မည် ဆိုသူတို့၏ အပြောဖြင့် ပြန်စရိတ်ကို စောင့်မျှော်ရင်း တဝဲလယ်လယ် ကျန်ရစ်ခဲ့ကြသည်။ ထိုသို့ ကျန်ရစ်ခဲ့ပြီး နောက်တရက်မှာပင် ကျွန်တော်တို့ တည်းခိုနေသည့် ကွယ်လွန်သူ ဝန်ကြီး ဦးဘဦး၏ တိုက်တွင် မန္တလေး သခင်များက ကျွန်တော်တို့အား ထမင်းကျွေးခြင်းကို တာဝန် မယူကြတော့ပေ။ ကျွန်တော်နှင့် သခင်အောင်ဆန်းမှာ လက်ထဲတွင်လည်း လဘက်ရည်ဘိုးမျှပင် ပိုက်ဆံမရှိကြပေ။ တမြို့တရွာတွင် ယောင်လယ်လယ်ဖြင့် ဒုက္ခကြုံကြ ရပေတော့သည်။ ထိုအတွင်း ဒေါ်အုန်း၊ အမ်-အေ တို့၏ အိမ်မှ ထမင်းတနပ်နှင့် ကျောင်းဆရာ ကိုခင်မောင်လေး ယခု (ဗိုလ်ခင်မောင်လေး)က တရုတ်ဆိုင်တဆိုင်တွင် ထမင်းတနပ် ကျွေးမွေးပါသေးသည်။ သူတို့ တတွေမှာလည်း ထိုထက်ကျော်လွန်အောင် ပြုစုနိုင်အောင် ငွေကြေး မချောင်လည်ကြ၍ ထိုမျှသာ ကျွေးမွေးနိုင်တော့သည်။ စားရေးသောက်ရေးထက် ရန်ကုန်ပြန်နိုင်ရေးမှာ အရေးကြီးလှရာ၊ ရန်ကုန်မှ ငွေပို့လိုက်မည်ဟု ပြောသွားသူများကလည်း ငွေကြေး မချောင်လည်၍ ရုတ်တရက် မပို့နိုင်သေးဘဲ ရှိရာ၊ သခင်အောင်ဆန်းမှာ မနေသာတော့ရှာဘဲ။ တနေ့တွင် သူ၏အစ်ကို ဝမ်းကွဲတော်စပ်သူ မန္တလေးမြို့၊ စမော်ကော် တရားသူကြီး ဦးဘသိုက် ယခု သာယာဝတီ တရားမဝန်ထောက် ခွင့်နှင်နေသူထံသို့ တနေ့တွင် သွားရောက်လည်ပတ်ပြီး ၎င်း၏ရုံးသို့ ကျွန်တော်ကို စေလွှတ်ခါ ငွေ ၁၀ တောင်းခိုင်းရာ ရရှိလာသည်။ တဖန် နောက်တနေ့တွင်လည်း နော်မံ ကျောင်းအုပ်ကြီး ဦးတင့်ဆွေ (ယခု နယူးမင်းသတင်းစာ အယ်ဒီတာချုပ်)ထံသို့ သူနှင့် ကျွန်တော် သွားကြပြီး၊ ရန်ကုန်သို့ ပြန်ရန်စရိတ် တောင်းခဲ့ပြီး နောက်တနေ့တွင် နောက်တနေ့တွင် မန္တလေးမှ ရန်ကုန်သို့ ပြန်ဆင်းခဲ့ကြရသည်။ ဤသည်တို့မှာ သူသည် အမှန်အားဖြင့် အခြားသူတဦးဦးအား မန္တလေးတွင် ထားရစ်ခဲ့ပြီး ပြန်နိုင်သည်။ သို့သော် - သူကား ထိုသို့မဟုတ် အများအတွက် ဒုက္ခခံမည် ဆိုသည့် စေတနာကောင်းကြောင့်ပင် မန္တလေးတွင် ပိုက်ဆံတပြားမှ မရှိဘဲ၊ ယောင်လယ်လယ်နှင့် တမြို့တရွာတွင် ဒုက္ခခံခါ နေရစ်ခဲ့ခြင်းဖြစ်သည်။

ဗိုလ်ချုပ်သည် ရန်ကုန်သို့ ရောက်ရှိပြီး မကြာမီ အထက်ဗမာပြည်သို့ သူ့တပ်ဖြင့် ချီတက်သွားပြီး ရန်ကုန်သို့ ပြန်ရောက်သောအခါ ကျွန်တော်လည်း သခင်ဗအေးနှင့်အတူ အပါးသို့ တဖန် ပြန်လည် ရောက်ရှိရပြန်သည်။

ဗိုလ်ချုပ်၏ ဖူးစာ

တခါတွင် ဗိုလ်ချုပ်သည် အပြင်းအထန် ဖျားသဖြင့် အလံပြဘုရားလမ်းရှိ ဘီအိုင်အေ ဆေးရုံတွင် တက်ရောက်ကုသရသည်။ ဗိုလ်ချုပ်၏အနီး၌ ကျွန်တော်ပင် နေ့ညမပြတ် စောင့်ရှောက် ပြုစုရသည်။

ထိုအခါက ဘီအိုင်အေ ဆေးရုံမှာ ဖွင့်ကာစက သာလျှင်ရှိသေး၍ ဗိုလ်ချုပ်၏ ဇနီးလောင်း ဒေါ်ခင်ကြည်၊ ၎င်း၏အစ်မ သခင်သန်းထွန်း၏ ဇနီးလောင်း ဒေါ်ခင်ကြီးနှင့် ကျွန်တော်၏ အစ်မ ဝမ်းကွဲတော်သူ ဒေါ်တင်ထွေးတို့ သာလျှင် ပြည်သူ့ဝန်ကို ထမ်းရွက်လျက်ရှိသည်။

ငါမိန်းမယူတော့မယ်၊

ထိုသို့ ဆေးရုံသို့ တက်နေရစဉ် အဖျားသက်သာလာသည့် တနေ့တွင် ကျွန်တော်အား “ဟေ့ - တင်ဦး၊ ငါ့ကို လက်စွပ်လဲဖို့ စိန်လက်စွပ်တကွင်း ဝယ်ပေးစမ်းကွာ” ဟု ပြောသည်။ ကျွန်တော်လည်း ပြုံးပြီး “ဘာလုပ်ဖို့လဲ” ဟုမေးရာ၊ “ငါမိန်းမ ယူတော့မလို့ကွ”ဟု သံပြတ်ပြောပြီး ဆက်လက်၍ “အင်္ကျီနှင့် လုံချည်ပါ ဝယ်ပေးပါအုံး”ဟု ပြောပြန်သည်။ ကျွန်တော်လည်း သူမပြောစဘူး ထူးထူးခြားခြား ပြောလိုက်သဖြင့် အံအားသင့်ကာ ဟက်ဟက်ပက်ပက် ရယ်မောမိလိုက်သည်။ ထိုအခါသူက “ဟေ့ကောင် ရယ်မနေနဲ့ကွ ငါအတည်ပြောနေတာ”ဟု ထပ်ဆင့် ပြောပြန်သည်။ ကျွန်တော်လည်း ပြုံးပြီးလျှင် ဘယ်သူနဲ့လဲဟု မေးရာ၊ “မခင်ကြည်” နဲ့ဟု ပြော၍ ပြုံးတုံးတုံး လုပ်နေသည်။ သို့မှ ကျွန်တော်လည်း သူ့အပါးမှ ထွက်ခွာလာခဲ့ရတော့သည်။

သူ့အစွဲအလန်း။

တနေ့ သူ့အခန်းသို့ ကိုအုန်းမြင့်နှင့်အတူ ဝင်သွားကြသောအခါ ဆရာမတယောက် ဆေးလာတိုက်သည်နှင့် ကြုံနေသည်။ သူက “မသောက်ချင်ဘူး”ဟု အတင်းငြင်းဆို လိုက်သည်။ ဆရာမခမြာမှာ သူ့ကို ကြောက်သဖြင့် အခန်းတွင်းမှ ထွက်ခွာသွားရသည်။ ထိုသို့ ဆရာမ ထွက်သွားလျှင် သွားချင်းပင် သူက “ဟေ့ တင်ဦး သွားပြောချေ၊ ဆရာမ မခင်ကြည်တိုက်မှ သောက်မယ်လို့”ဟု ပြောရာ၊ ကျွန်တော်သည် စောစောက ဆေးတိုက်ရန် ဝင်လာသော ဆရာမအား အကျိုးအကြောင်း ပြောပြလိုက်ရသည်။ နောက်တနေ့ နံနက်စာ စားချိန်တွင်လည်း ဆရာမတဦးက ထမင်းလာကျွေးရာ၊ “ဟင့်အင်း မစားဘူး၊ မခင်ကြည်ကျွေးမှ စားမယ်”ဟု ငြင်းဆိုနေပြန်သည်။ တဖန် “ဟေ့ တင်ဦး၊ မခင်ကြည် ခေါ်ချေ” ခိုင်းစေရာ၊ ကျွန်တော်လည်း ဤကိစ္စမျိုးတွင် သတ္တိကြောင်သူတဦး ဖြစ်သဖြင့် ဒေါ်ခင်ကြည်အားလည်း သွားမပြောရဲ၊ သူထံသို့လည်း မပြန်ရဲနှင့် ထိုနေ့တနေ့လုံး သူ့အပါးမှ ကျွန်တော် ရှောင်နေရတော့သည်။

သူသည် တခုခု လုပ်မည်ဆိုလျှင် မဖြစ်မနေ ဇွဲသန်သန်ဖြင့် ပြုမူတတ်သည့် သူ့ဝါသနာအတိုင်း၊ နောက်ဆုံး ဒေါ်ခင်ကြည်နှင့် မင်္ဂလာဆောင်သည်အထိ သူရောက်လိုသည့် အိမ်ထောင်ရေး ပန်းတိုင်သို့ ထမြောက်အောင်မြင်စွာ ရောက်ရှိခဲ့တော့သည်။

သို့သော် - သူမဖြစ်မနေ၊ အရောက်လှမ်းရန် ကြိုးစားအားခဲနေသော လွတ်လပ်ရေး ပန်းတိုင်ကား သူ့လက်လှမ်းနှင့် မီလုဆဲ့ အခါတွင် သူကား သူတပါး လက်ချက်ဖြင့် ကွယ်လွန်ရရှာပြီ။

အို … လူသတ်တို့ သင်တို့ကား
မိုက်တွင်း နက်လှချေတကား။

အလင်္ကာကျော်စွာ သခင်ကိုယ်တော်မှိုင်း တည်းဖြတ်၍ ဗိုလ်ချုပ်အောင်ဆန်း၊ စာရေးဆရာ၊ ရဲဘော်သခင်နှင့် ကျောင်းနေဘက်များ စုပေါင်းရေးသားသည့် ၁၉၅၁ ခုနှစ်ထုတ် “ဗိုလ်ချုပ်အောင်ဆန်း အတ္ထုပ္ပတ္တိ” စာအုပ်မှ သခင်တင်ဦး ရေးသားတဲ့ “ကျွန်တော်တို့ မှတ်မိသိရှိသမျှ ဗိုလ်ချုပ်” ကို ပြန်လည်ကူးယူ ဖော်ပြတာဖြစ်ပါတယ်။ [သခင်တင်ဦး (ယခု အသံလွှင်ဌာန) ရဲ့ ယခု ဆောင်းပါးကို မူလက ဂျာနယ်ကျော်မှာ ရေးသားခဲ့တာဖြစ်ပြီး၊ ယခု ထပ်မံ ဖော်ပြတာ ဖြစ်တယ်လို့ အဲဒီ စာအုပ်မှာ ရေးသားထားပါတယ်။]

ဗိုလ်ချုပ်အောင်ဆန်း၏ ပြည်သူလူထုသို့ ပြောကြားခဲ့သော နောက်ဆုံး မိန့်ခွန်း(၁၉၄၇ ခုနှစ်၊ ဇူလိုင်လ ၁၃ ရက်နေ့၊ ရန်ကုန် မြို့တော်ခမ်းမ)

ရန်ကုန် မြို့တော်ခမ်းမ ရှေ့တွင် မိန့်ခွန်း ပြောကြားနေသော အမျိုးသား ခေါင်းဆောင်ကြီး ဗိုလ်ချုပ် အောင်ဆန်း။

အစတုန်းက တိုင်းပြုပြည်ပြု လွှတ်တော် အမတ်တွေကို ကိုယ့်နယ်ဆိုင်ရာ ကိုယ့်ပရိသတ်ကို တိုင်းပြည်ပြု လွှတ်တော်မှာ ဘာတွေ လုပ်နေတယ် ဆိုတာ အစီရင်ခံဖို့ စီစဉ်ခဲ့တယ် အခြား တိုင်းပြည်တွေမှာ လွှတ်တော် အမတ်တွေကို တင်မြှောက်တဲ့ အခါ လွှတ်တော် အမတ်တွေဟာ အစည်းဝေး မရှိတဲ့ အချိန်အခါမှာ ကိုယ့်နယ်ကို ကိုယ်ပြန်ပြီး လွှတ်တော်မှာ ဘာတွေ လုပ်တယ် ဆိုတာကို အခြေအနေ အရပ်ရပ် အစီရင်ခံတဲ့ ထုံးစံ ရှိတယ်။ အဲဒီ ထုံးစံမျိုးအတိုင်း ဗမာပြည်မှာလဲ ဖြစ်စေချင်တဲ့ အတွက် ဖဆပလ အဖွဲ့ချုပ်မှ ရန်ကုန် နယ်အသီးသီးကို လွှတ်တော် အမတ်တွေပြန်ပြီး အစီရင်ခံတဲ့ အစည်းအဝေးပွဲတွေ လုပ်ပါလို့ ပြောတဲ့အခါ တိုင်းပြု ပြည်ပြု လွှတ်တော် အမတ်တွေဟာ ကိုယ့်နယ်တိုင်းမှာ ပြန်၍ အစီရင်ခံကြတဲ့ နိုင်ငံရေး ရှင်းလင်းပွဲများ လုပ်ခဲ့ကြတယ်။


ယနေ့လဲ ရန်ကုန် တမြို့လုံး အတွက် ဖြစ်တယ်။ ကျွန်တော်က နဂိုရ်က ပြောခဲ့တဲ့ အတိုင်း ယနေ့ ကျနော့် နိုင်ငံရေး ရှင်းတမ်းဟာ ဖဆပလ အဖွဲ့ချုပ် ဥက္ကဋ္ဌ အနေမဟုတ်ဘဲ ရန်ကုန်မြို့နယ် တနယ်က တင်မြှောက်လိုက်တဲ့ တိုင်းပြု ပြည်ပြု လွှတ်တော်မှာ ဘာတွေ လုပ်တယ်ဆိုတာ နယ်သူ နယ်သားတွေ သိရအောင် အစီရင်ခံဖို့ အဓိက ရည်ရွယ်ချက်ထားပြီး ပြောဖို့ဘဲ။

ကနေဒါ တောင်အာဖရိက စတဲ့ နိုင်ငံတွေကတော့ သွေးတူ သားတူ ဖြစ်တယ်ဆိုပြီး အကုန်လုံး မျက်နှာဖြူ လူမျိုးတွေဖြစ်တော့ သူတို့အဖို့မှာ အင်္ဂလိပ် ရှင်ဘုရင်ကို သူတို့ ဘုရင်အဖြစ် ထားကြတယ်။ 'ဒိုမီနီယံ' သဘောကတော့ အင်္ဂလိပ် ရှင်ဘုရင်ထားပြီး အင်္ဂလိပ်နှင့် တအိမ်ထောင်တည်း သဘောထားပြီး နေရတဲ့ဟာဘဲ၊ ဥပဒေ သဘောအားဖြင့် မျိုးတူလျှင် သူ့တိုင်းပြည် သူအုပ်ချုပ် သွားတယ်။ အဲသည်လို အုပ်ချုပ်တဲ့ အခါမှာ တိုင်းပြည်မှာ ရှိတဲ့ လွှတ်တော်တွေဟာ အာဏာ ရှိတယ်။


ကျွန်တော်တို့ တိုင်းပြည်မှာ ကျွန်တော်တို့ရတဲ့ လက်တွေ့လုပ်တဲ့ နေရာမှာ လုပ်နိုင်တယ်၊ ကျွန်တော် အဆင့်အတန်းမှာ ကျွန်တော်တို့ အာဏာရှိတဲ့ အဆင့်အတန်း မဟုတ်ဘူး။ နိုင်ငံခြား ဆက်သွယ်တဲ့ နေရာမှာ ကျွန်တော်တို့ တိုင်းပြည်ကို အခြားနိုင်ငံက မေးတဲ့ အခါမယ် သမ္မတ နိုင်ငံလား၊ လွတ်လပ်သော နိုင်ငံလား၊ ဒိုမီနီယံလား မေးလျှင် ဘယ်လို ဖြေရမလဲ မသိဘူး။ ဘယ်လို ခေါ်ရမလဲ ဆိုတာ ပြန်ဖြေရလျှင် အစိုးရရဲ့ အခြေအနေအရ မရေရာလို့ မဖြေနိုင်ကြောင်း ပြောရမှာဘဲ။ အိန္ဒိယပြည်မှာကတော့ သြဂုတ်လမှာ 'ဒိုမီနီယံ' အစိုးရ ဖြစ်သွားလျှင် သူတို့ အစိုးရ အဆင့်အတန်းဟာ ကျွန်တော်တို့ အစိုးရ အဆင့်အတန်းထက် မြင့်သွားမယ်။ သူတို့နယ်တွေမှာ ပေါ်လာမဲ့ တိုင်းပြည်ပြု လွှတ်တော်တွေမှာ အချုပ်အချာ အာဏာနှင့် ပြည့်စုံမဲ့ လွှတ်တော်တွေ ဖြစ်တယ်။ အဲဒီ တိုင်းပြည်ပြု လွှတ်တော်က ရေးဆွဲမဲ့ ဥပဒေတွေကို ချက်ခြင်း အတည်ဖြစ်အောင် လုပ်နိုင်တဲ့ အခြေအနေ ရှိတယ်။ အဲဒီလို အိန္ဒိယပြည်က တပန်းသာတာ ရှိမယ်။ အဲဒီနေရာမှာ (ဗမာပြည်) တိုင်းပြည်ပြု လွှတ်တော်ဟာ အချုပ်အချာ အာဏာ မရသေးဘူး။ အချုပ်အချာ အာဏာသဘော ဖြစ်တဲ့ အဆင့်အတန်းကိုတော့ ရပါတယ်။


အဲဒီတော့ ကျွန်တော်တို့ လွတ်လပ်ရေး ကိစ္စနှင့် ပတ်သက်လို့ ဖဆပလ အဖွဲ့ချုပ်ကြီးက ၁၉၄၆ ခု၊ ဇန်နဝါရီလမှာ ကျင်းပတဲ့ ပထမဆုံး ညီလာခံ သဘင်ကြီးက ဗမာပြည်ဟာ လုံးဝ လွတ်လပ်ရေး လိုချင်တယ်။ တခြား ဘယ်လို အဆင့်အတန်းမှ မလိုချင်ဘူးလို့ ဆုံးဖြတ်ခဲ့တာ သိတဲ့ အတိုင်းဘဲ။ လွန်ခဲ့တဲ့ မေလက ဖဆပလ ပြင်ဆင်မှု ပဏာမ ညီလာခံ သဘင်မှ အချုပ်အချာ အာဏာနဲ့ ပြည့်စုံတဲ့ သမ္မတ နိုင်ငံ ထူထောင်မယ်လို့ ဆုံးဖြတ်ခဲ့တယ်။ တိုင်းပြည်ပြု လွှတ်တော်မှာ ကျွန်တော်ကိုယ်တိုင် တင်သွင်း ဆုံးဖြတ်ခဲ့တဲ့ အချုပ်အချာ အာဏာနဲ့ ပြည့်စုံတဲ့ သမ္မတနိုင်ငံ ထူထောင်ဖို့ ဆုံးဖြတ်ပြီးပြီ။


ဖဆပလ အဖွဲ့ချုပ်က အလုပ်လုပ်တာ အင်မတန် ရှင်းတယ်။ အဲဒီလို ဖြစ်တဲ့အတိုင်း လုံးဝ လွတ်လပ်ရေး ရအောင်လုပ်ဖို့ ဆုံးဖြတ်ခဲ့တဲ့ အတိုင်း တိုင်းပြည်က သိတဲ့အတိုင်း တနှစ်အတွင်း လုံးဝ လွတ်လပ်ရေး ရအောင် လုပ်နေဒါဘဲ။ တနှစ်လဲ မစေ့သေးဘူး။ တနှစ် ဆိုသော်လည်း အလျော့အပေါ့ နည်းနည်းပါးပါး ရှိမယ်။


တိုင်းပြည်ပြု လွှတ်တော်က ဗမာပြည် လုံးဝ လွတ်လပ်ရေး ရအောင် မလုပ်နိုင်လို့ ရှိရင် ကတိဖျက်တယ် ပြောနိုင်တယ်၊ အဲဒီ အချိန်အခါ အထိ လွတ်လပ်ရေးကို အေးအေးချမ်းချမ်း ရအောင် ကြိုးစားနေတယ်။ လုပ်ငန်းကို အောင်မြင်သည် မအောင်မြင်သည်ကို ယခုအခါ မပြောနိုင်သေးဘူး။

လုပ်ငန်း မပြီးသေးဘူး။ ခင်းဗျားတို့ ပြီးတဲ့ တနေ့မှာ အောင်သလား၊ မအောင်သလား တွေ့ရမယ်၊ ဖဆပလ အဖွဲ့ချုပ်ဟာ ဘယ်လို အဖွဲ့ချုပ်လဲ ဆိုတာ မြင်လာမယ်၊ ယခုအခါ ကြီးကြီးကျယ်ကျယ် မပြောလိုဘူး ဖဆပလ အဖွဲ့ချုပ်ဟာ သွေဖယ်ပြီး လုပ်တာ မရှိဘူး။ သို့သော်လည်း အဲဒီလို လွတ်လပ်ရေး ရအောင် လုပ်တဲ့ နေရာမှာ အလွယ်ဆုံး အကောင်းဆုံး အအေးဆုံးနည်းနဲ့ ရအောင် ကျွန်တော်တို့ လုပ်နေတယ် ကျွန်တော်တို့မှာ ဘာအပြစ် ပြောစရာ ရှိသလဲ။ ဘယ်သူတွေက ဘာကြောင့် အပြစ်တင်ရသလဲ အဲဒီလို လုပ်တဲ့ နေရာမယ်၊ ဖဆပလ အဖွဲ့ချုပ်က ဒိုမီနီယံဘဲ လက်ခံတော့ မလိုလို ပြောဆို ရေးသား နေကြတယ်၊ ခင်ဗျားတို့ တိုင်းပြည်က ယုံချင် ယုံနိုင်တယ်၊ မယုံချင် နေနိုင်တယ်။


'ဒိုမီနီယံ' ကိစ္စနှင့် ပတ်သက်၍ ပြောတဲ့လူတွေ ရေးတဲ့လူတွေဟာ နားလည်လို့ ပြောတာ ရေးတာ မဟုတ်ဘူး၊ ဗမာပြည်မှာ နိုင်ငံရေးသမားတွေ သတင်းစာ ဆရာတွေ လုပ်နေတာ ပြောနေတာတွေဟာ သူတို့ဟာ သူတို့ နားမလည်တာတွေ အများကြီး ရှိတယ်။ နားမလည်ဘူး ပြောလိုက်တော့ ခံချင်မှာ မဟုတ်ဘူး။ မခံလောက်အောင် မှန်နေတော့ မခံချင် ဖြစ်တာဘဲ။ အဲဒါကို ကျွန်တော်က ရဲရဲကြီး ပြောလိုက်တယ် အဲဒီလို လုပ်တဲ့ နိုင်ငံရေးသမားနဲ့ သတင်းစာ ဆရာတွေ အများကြီး ရှိတယ်။ ကျွန်တော်ဟာ ဒီကိစ္စကို အချိန်ရလျှင် အပတ်စဉ်လိုလို နေ့စဉ်လိုလို တိုင်းပြည်ကို အမြဲ ရှင်းပြချင်တယ်၊ အချိန်မရလို့ မရှင်းနိုင်ဘူး အဲဒီတော့ ခင်ဗျားတို့ သေသေချာချာ သတိထားစေချင်တာက ဖဆပလ အဖွဲ့ချုပ်ဟာ ဘယ်လို ဖဆပလ အဖွဲ့လဲ ဆိုတာ ရာဇဝင်နဲ့ ပြန်ကြည့်စေချင်တယ်၊ လူတွေကိုလဲ ရာဇဝင်နဲ့ ပြန်ကြည့်စေချင်တယ်။ ဗမာပြည်မှာရှိတဲ့ နိုင်ငံရေး အဖွဲ့တွေ နိုင်ငံရေး ခေါင်းဆောင်တွေရဲ့ မာတိကာကို တင်၍ စဉ်းစားကြပါ၊ ဘယ်လို လူတွေ ဘယ်လို အဖွဲ့တွေ ဆိုတာ တွေ့လာရမလဲ။


လွန်ခဲ့တဲ့ နှစ်မှစ၍ လွတ်လပ်ရေး စခန်း ဘယ်အထိ တက်လာသလဲ အစရှိ သဖြင့်အချက်အလက်တွေ မြင်ရမယ်။ တိုင်းပြည် ပြန်လည် ထူထောင်ရေးမှာ တဆင့် တက်သလား၊ လွတ်လပ်ရေး လုပ်ငန်း တဆင့် တက်လာတာတွေ ရက်များ မကြာမီ မြင်ရမယ်၊ ကျွန်တော် ယခု အစိုးရနဲ့ ဟိုတုန်းက အစိုးရတွေကို ယှဉ်ကြည့်လျှင် မတူဘူး ဆိုတာ ကျွန်တော်ရဲရဲကြီး ပြောရဲတယ်၊ အခု အစိုးရ အဖွဲ့ထဲမှာ လာဘ်စားတဲ့လူ မရှိဘူး၊ ယခင် အစိုးရတုန်းက တည့်တည့်လင်းလင်း ပြောရဲတယ် လာဘ်စားတဲ့ လူတွေ ရှိတယ်၊ ဒီလူတွေရဲ့ ပါတီ ပြန်လည် အာဏာရအောင် လုပ်နေတာကို တိုင်းပြည် အတွက် စေတနာ ပါသည် မပါသည် ဖြစ်စေ တိုင်းပြည်ရဲ့ ရန်သူနံပါတ် (၁) ဖြစ်တယ်။ ခင်ဗျားတို့ ထောက်ခံရင် ခင်ဗျားတို့ လည်ပင်း ကြိုးကွင်းတပ်ရာ ရောက်မယ်။

ကျွန်တော်တို့ အစိုးရဟာ တိုင်းပြည်လူထု ထောက်ခံလို့ ဖြစ်လာတဲ့ အစိုးရ ဖြစ်တယ်၊ တိုင်းပြည် လူထုက မကြည်ညိုဘူးလို့ သိလာတဲ့ တနေ့မှာ တွယ်ကပ် မနေဘူး ထွက်ပေးမယ်၊ သို့သော် တနှစ်လောက် စောင့်ကြည့်တဲ့ အခါမှာ ကျွန်တော်တို့ ဘယ်လို လူစားလဲ ဆိုတာ သိမယ်။ ရာဇဝင်မှာ အဆဲခံမဲ့ လူစား မဟုတ်ဘူး ဆိုတာ ခင်ဗျားတို့ကိုယ်တိုင် သိမယ်၊ လွတ်လပ်ရေးရတဲ့ အခါမယ် အခွင့်အရေး ပိုတာ ရှိမယ်၊ တာဝန်တွေ ပိုလာမယ်၊ ဒီတိုင်းပြည်ကို အင်္ဂလိပ်က အုပ်ချုပ်နေတုန်း အခါမှာ ဗမာပြည် ကာကွယ်ရေး အတွက် အင်္ဂလိပ်ရဲ့ တာဝန်ဘဲ၊ ဗမာပြည် လွတ်လပ်ရေးရတဲ့ အခါမှာ ဗမာပြည် ကာကွယ်ဖို့ ဗမာတွေရဲ့ အဓိက တာဝန် ဖြစ်လာမယ်။ ဟိုတုန်းကလို အေးအေးဆေးဆေး မဖြစ်တော့ဘူး။ တိုင်းပြည် ကာကွယ်ဖို့ ဗမာပြည်မှာ စစ်သားတွေ လိုလာမယ်၊ အဲဒီအခါ ဗမာတိုင်း အရွယ်ရောက်သူတိုင်း ကျန်မာရေးနဲ့ ပြည့်စုံသူတိုင်း စစ်မှုထမ်းဖို့ လုပ်ရမယ်၊ ခင်ဗျားတို့ တိုက်ချင်တိုက် မတိုက်ချင်လဲ တိုက်ရမယ်။ ဒါမှ လွတ်လပ်ရေး တာဝန် ကြေမယ်။


လွတ်လက်ရေး ရတဲ့အခါ ယိုးဒယားလို ဖြစ်ချင်သလား၊ တူရကီလို ဖြစ်ချင်သလား၊ အိုင်ယာလန်ပြည်လို ဖြစ်ချင်သလား၊ ဆိုဗီယက် ရုရှားလို ဖြစ်ချင်သလား။ ဗမာပြည် လွတ်လပ်ရေးရတဲ့ အခါမှာ ပြန်လည် ထူထောင်ရေး စီမံကိန်းများကို အမျိုးမျိုးသော နည်းများဖြင့် လုပ်မှ ခပ်ရိုင်းရိုင်း ဗမာစကား ပြောရလျှင် အတော်ကို ပြဲအောင် ကျိုးစား လုပ်ကိုင်မှ အနှစ် ၂၀ လောက်ကြာမှ ဗမာပြည် တော်ရုံရောက်မယ် မလုပ်လို့ ရှိရင် ယိုးဒယားတောင် မှီမှာ မဟုတ်ဘူး။ အခြား လွတ်လပ်သော တိုင်းပြည်များ ခြေတလှမ်း လှမ်းလျှင် ကိုယ်က ခြေ ၄-၅ လှမ်း လှမ်းနိုင်မှ တော်ရုံရမယ်။ အဲဒီလို မလုပ်ရင် ဟိုလူလာလဲ မျက်နှာချိုသွေးရ ဒီလူလာလဲ မျက်နှာချို သွေးရ၊ ဖာသယ်နိုင်ငံ ဖြစ်မှာဘဲ။


ကိုယ်လိုချင်တဲ့ ပန်းတိုင်ရောက်အောင် လုံ့လ ဝီရိယဖြင့် ကြိုးစား အားထုတ် လုပ်ကိုင်ဖို့ လိုတယ်၊ ဗမာရဲ့ စိတ်ဓာတ်ဟာ ကျွန်တိုင်းပြည် ဖြစ်သည့်အတိုင်း ပုသိမ်ဘက် လှေပြိုင်ပွဲ တပွဲမှာ မြင်ရသလို လှေတစင်းကို အနည်းငယ် နိုင်လိုက်၍ ပန်းသို့ မဝင်ရသေးခင် လှေတက်ကို မြှောက်သလို ဗမာ့ စိတ်ဓာတ်ဟာ အောင်မြင်ခြင်းသို့ မရောက်ခင် စိတ်ဓာတ် လျှော့ပေါ့တတ်မှု ရှိတယ်။ ဒီလို စိတ်မျိုး မထားဘဲ ရှုံးရှုံးနိုင်နိုင် မလျော့တမ်းလုပ်ဖို့ တည့်တည့်လင်းလင်း သတိပေးခဲ့မယ်။ ဗမာပြည်မှာ လူအမျိုးမျိုး အချင်းချင်း မကွဲဖို့၊ လူငယ်ပိုင်း ဖြစ်သော လက်ဝဲသမား အချင်းချင်း မကွဲဖို့ သတိပေးလိုတယ်။


နိုင်ငံရေးသမား ချေထိုးမှုကို ယောင်မှားသွားလို့ ရှိရင် ခင်ဗျားတို့ လွတ်လပ်ရေး မရဘဲ အိန္ဒိယပြည်လို အင်္ဂလိပ် ပေးသမျှ မယူဘဲ မနေနိုင် ဖြစ်လိမ့်မယ်၊ ပြန်လည် ထူထောင်ရေးနှင့် ပက်သက်၍ ဗမာပြည်ဟာ မိအေး နှစ်ခါနာ ဆိုသလို စစ်ဒဏ် နှစ်ကြိမ်ခံခဲ့ရသည့် အတွက် ကူးသန်း ရောင်းဝယ်မှုများ ပျက်စီးခဲ့တယ်၊ ဗမာပြည်မှာ စားကုန် သောက်ကုန် အသုံးစရိတ် ကြီးမြင့်ခြင်းဟာ ခင်ဗျားတို့ ဘုံးပေါလအော သုံးမှုကြောင့် ဖြစ်တယ်။ ခြိုးခြံ သင့်တာ ခြိုးခြံ ကိုယ့်အိမ် စိုက်စားသင့်တာ မစားဘဲ နိုင်ငံခြား သွင်းကုန်ပေါ်မှာ မှီစားသည့် အတွက် ဈေးကြီးတယ်၊ ပုဂ္ဂိုလ် တဦးတယောက် ဖောက်ပြန်တာလဲ ရှိမယ်၊ အဖွဲ့ အနေနှင့် ဘယ်တော့မှ မလုပ်ဘူး၊ ဖဆပလ အဖွဲ့ချုပ်မှ စေတနာကောင်းဖြင့် လွတ်လပ်ရေး ရုပ်လုံးဖော်ရာမှာ အကောင်းဆုံးနည်း အအေးဆုံးနည်းနှင့် လုပ်နေတယ် နောက်ဆုံး အေးအေးဆေးဆေး နည်းနှင့် မရလျှင် ရတဲ့နည်း လုပ်မယ်လို့ ပြောခဲ့ပြီ လွတ်လပ်ရေး လိုချင်ရင် လွတ်လပ်ရေးရတဲ့ စည်းကမ်း ညီညွတ်မှုတွေကို ထိမ်းသိမ်းထားပါ၊ ထူထောင်မှုကို လုပ်ကြပါ အဲဒီလို လုပ်ပြီးတဲ့နောက် ရှေ့ကို လွတ်လပ်ရေး အရသာ ကိစ္စအတွက် အလုပ်လုပ်တဲ့ နေရာမှာ စည်းကမ်းရှိဖို့၊ ပြင်ဆင်သင့်တာတွေ ပြင်ဆင်ဖို့၊ စောက်ကျင့်တွေ ပြင်ဖို့ လိုနေပြီလို့ ကျွန်တော် ပြောခဲ့မယ်။


၁၉၄၇ ခုနှစ်၊ ဇူလိုင်လ ၁၃ ရက်နေ့ ရန်ကုန် မြို့တော်ခမ်းမ လူထု စည်းဝေးပွဲတွင် ပြည်သူများသို့ နောက်ဆုံး ပြောကြားခဲ့သည့် အမျိုးသား ခေါင်းဆောင်ကြီး ဗိုလ်ချုပ်အောင်ဆန်း၏ မိန့်ခွန်းကို ပါလီမန် ဒီမိုကရေစီ ပါတီ၊ အထွေထွေ သတင်းဌာနက ၂၀၀၆ ခု၊ ဇူလိုင်လ ၁၄ ရက်မှာ ရှာဖွေ တင်ပြထားရာကနေ ပြန်လည် ကူးယူ ဖော်ပြလိုက်တာ ဖြစ်ပါတယ်။

" အလေးပြုပါတယ် "

(၆၃)နှစ်မြောက် မေ့မရနိုင်တဲ့ အာဇာနည် ခေါင်းဆောင်ကြီးတွေ ကျဆုံးတဲ့ ဝမ်းနည်းဖွယ်နေ့ အတွက် ဒေါ်မေလှမြိုင်သီဆိုသည်. " အလေးပြုပါတယ် " သီချင်းအား ကိုသော်(ဂျပန်)မှ ခံစားတင်ပြပါသည်။

ပေးပို့ပေးတဲ့ ကိုသော်ကြီးအား ကျေးဇူးတင်ပါသည်။

အာဇာနည် ၉ ဦးနှင့် နတ်ဆိုး ၉ ကောင် (ဝါ) အာဇာနည့်နေ့က ပေးသော သင်္ခန်းစာနှင့် လမ်းညွှန်ချက်..

အာဇာနည့်နေ့က ပေးသော သင်္ခန်းစာနှင့် လမ်းညွှန်ချက်

ဗိုလ်ချုပ်အောင်ဆန်းနှင့် မြန်မာ့နိုင်ငံရေး ခေါင်းဆောင်ကြီးများ လုပ်ကြံခြင်း မခံရမီ၊ မြန်မာ မျိုးချစ်များ၏ စစ်အတွင်း ခေါင်းဆောင်ဖြစ်သော ဒေါက်တာဘမော်က … "သေနတ် ကိုးကွယ်မှုဟာ အစွဲအလမ်းကြီးနေတဲ့ အရာကို ကိုးကွယ်သလို ဖြစ်လာတယ်။ ဂျပန်တွေဆီက မြန်မာတွေ နှစ်ချက် လေ့လာခဲ့ရတယ်။ လူစုလူဝေး အစည်းအရုံးကို အခြေခံတဲ့ ခေါင်းဆောင်မှု နည်းအတတ်ပညာနဲ့ လက်နက် တပ်ဆင်ထားသူများရဲ့ အာဏာနဲ့ တင့်တယ်မှု ဖြစ်တယ်။ မြန်မာနိုင်ငံရဲ့ အနာဂတ်ကို ရွေးချယ် တင်မြှောက်ပွဲတွေက ဆုံးဖြတ်မှာ မဟုတ်ဘဲ သေနတ်က ဆုံးဖြတ်မှာ ဖြစ်တယ်။ မြန်မာ့နိုင်ငံရေးမှာ ခင်ဗျားတို့ လိုအပ်တာက နိုင်မယ့်ဘက်က စမိဖို့နဲ့ သေနတ်တွေ အမြောက်အမြား ရှိဖို့ပဲ ဖြစ်တယ်" ဟု မှတ်ချက် ချခဲ့ဖူးသည်။


ဤသို့အားဖြင့် မြန်မာနိုင်ငံရေးသည့် ၁၉၄၇ ခုနှစ်၊ ဇူလိုင်လ ၁၉ ရက်နေ့မှ စပြီး ကြေကွဲ ဝမ်းနည်းဖွယ်ရာ အဖြစ်ဆိုးများဖြင့် ပြည့်နှက်နေရသည့်မှာ ယနေ့တိုင် ဖြစ်ပေသည်။ ထို့ကြောင့် အာဇာနည်နေ့က ပေးသည့် သင်္ခန်းစာနှင့် လမ်းညွှန်ချက်မှာ အထက်ပါ "သေနတ် ကိုးကွယ်မှု" အယူအဆကို မြန်မာနိုင်ငံရေး လောကမှ အပြီးတိုင် ပျောက်ကွယ်သွားအောင် တိုက်ဖျက်ရေးပင် ဖြစ်ပေတော့သည်။

အမျိုးသား ခေါင်းဆောင်ကြီးများ (ဝါ) အာဇာနည် ပုဂ္ဂိုလ်ကြီးများ

ဗိုလ်ချုပ်အောင်ဆန်း(ခ)ဗိုလ်တေဇ(၁၉၁၅-၁၉၄၇)

ဗိုလ်ချုပ်အောင်ဆန်း (ခ) ဗိုလ်တေဇ (၃၂) နှစ်၊ မြန်မာ့ အမျိုးသားရေး လှုပ်ရှားမှု၏ ခေါင်းဆောင်ကြီး၊ ဘုရင်ခံ အမှုဆောင် ကောင်စီ၏ ဒု-ဥက္ကဋ္ဌ (သို့) တကယ့် လက်တွေ့အားဖြင့် လွတ်လပ်ရေး မရမီ ဝန်ကြီး အဖွဲ့၏ ဝန်ကြီးချုပ်၊ ၎င်းအပြင် ထိုအစိုးရ အဖွဲ့၏ ကာကွယ်ရေးနှင့် နိုင်ငံခြားရေး ဝန်ကြီး၊ ကျည်ဆန် ၁၃ ချက် သင့်သော ဒဏ်ရာဖြင့် နေရာတွင်ပင် ပွဲချင်းပြီး ကွယ်လွန် ခဲ့ရသည်။

ဒီးဒုတ်ဦးဘချို(၁၈၉၃-၁၉၄၇)

ဒီးဒုတ်ဦးဘချို (၅၄) နှစ်၊ စာရေးဆရာ၊ သတင်းစာဆရာနှင့် ဒီးဒုတ်ဂျာနယ်၏ အယ်ဒီတာ၊ ပြန်ကြားရေး ဝန်ကြီး၊ သူ့ အသက်အရွယ်နှင့် ဦးနှောက်ထဲ ဝင်သွားသော ကျည်ဆန် အပါအဝင် ကျည်ဆန် ၅ ချက် ရရှိသည့်တိုင် နေ့လယ်ပိုင်း အထိ ရန်ကုန် ပြည်သူ့ ဆေးရုံကြီးတွင် အသက်ရှင်လျက် ရှိနေသေးပြီး၊ ညဘက်တွင် ကွယ်လွန်သွားသည်။

သခင်မြ(၁၈၉၇-၁၉၄၇)

သခင်မြ (၄၉) နှစ်၊ လူငယ် ခေါင်းဆောင်များကြားတွင် အသက်အရွယ် ကြီးရင့်သော နိုင်ငံ ခေါင်းဆောင်၊ ဘဏ္ဍာရေးဝန်ကြီး၊ အဆုတ်ကို ထွင်းဖောက်သွားသော သေနတ်ဒဏ်ရာဖြင့် နေရာတွင် ပွဲချင်းပြီး ကွယ်လွန်ခဲ့သည်။

ဦးရာဇတ်(၁၈၉၈-၁၉၄၇)

ဦးအဗ္ဗဒူ ရာဇတ် (၄၉) နှစ်၊ မန္တလေးမြို့ မူဆလင်ခေါင်းဆောင်၊ ပညာရေးနှင့် အမျိုးသား စီမံကိန်း ဝန်ကြီး၊ ဒဏ်ရာ ၆ ချက် ရရှိပြီး နေရာတွင်ပင် ပွဲချင်းပြီး ကွယ်လွန်ခဲ့သည်။

ဦးဘဝင်း(၁၉၀၁-၁၉၄၇)

ဦးဘဝင်း (၄၆) နှစ်၊ ဦးအောင်ဆန်း၏ အကို၊ ကူးသန်း ရောင်းဝယ်ရေးနှင့် ထောက်ပံ့ရေး ဝန်ကြီး၊ ကျည်ဆန်ဒဏ်ရာ (၈) ချက် ရရှိပြီး နေရာတွင်ပင် ပွဲချင်းပြီး ကွယ်လွန်ခဲ့သည်။

မန်းဘခိုင်(၁၉၀၃-၁၉၄၇)

မန်းဘခိုင် (၄၃) နှစ်၊ ဟင်္သာတမှ ကရင် အမျိုးသား တဦးဖြစ်ပြီး ဂျပန် သိမ်းပိုက်ထားစဉ်က ပြန်လည် ခုခံတော်လှန်ရာ၌ ပါဝင်ခဲ့သည်။ စက်မှုလက်မှု ဌာနနှင့် အလုပ်သမား ဌာနဝန်ကြီး၊ ကျည်ဆန် ၁၅ ချက် ထိမှန်ခဲ့သည်။ နေရာတွင်ပင် ပွဲချင်းပြီး ကွယ်လွန်ခဲ့သည်။

မိုင်းပွန် စော်ဘွားကြီး စပ်စံထွန်း(၁၉၀၇-၁၉၄၇)

စပ်စံထွန်း (၄၀) နှစ်၊ ရှမ်းပြည်နယ်မှ မိုင်းပွန်စော်ဘွားကြီး၊ နယ်ခြားဒေသ ဆိုင်ရာ အတိုင်ပင်ခံ ဝန်ကြီး၊ ဦးခေါင်းတွင် ဒဏ်ရာ ၂ ချက် ရရှိပြီး ၂၀ ရက်နေ့ မွန်းတည့်ချိန်တွင် ရန်ကုန်မြို့၊ ပြည်သူ့ ဆေးရုံကြီး၌ ကွယ်လွန်သည်။

ဦးအုန်းမောင်(၁၉၁၃-၁၉၄၇)

ဦးအုန်းမောင် (၃၄) နှစ်၊ သယ်ယူ ပို့ဆောင်ရေးနှင့် လမ်းပန်း ဆက်သွယ်ရေး ဌာန၊ ဒုတိယ အတွင်းဝန် (ICS)၊ အစီရင်ခံစာ တခုကို လာရောက် တင်သွင်းနေစဉ် လူသတ်သမားများ၏ ကျည်ဆန်များ ထိမှန်သွားခြင်း ခံရသည်။ နေရာတွင်ပင် ပွဲချင်းပြီး ကွယ်လွန်ခဲ့သည်။

ကိုထွေး(၁၉၂၉-၁၉၄၇)

ကိုထွေး (၁၈) နှစ်၊ ဦးရာဇတ်၏ သက်တော်စောင့်၊ မန္တလေးအနီးရှိ တောင်ပြင် သိပ္ပံရပ်မှ မူဆလင် လူငယ်တဦး ဖြစ်သည်။ အစည်းအဝေး ခန်းမတွင်းမှ သေနတ်သံများ ကြားရသဖြင့် အနီးရှိ ရုံးခန်းမှ ပြေးထွက်လာစဉ် ဆုတ်ခွာ ပြေးသွားနေသော လူသတ်သမားများ၏ ပစ်ခတ်ခြင်းကို ခံရသည်။ ဒဏ်ရာ ၄ ချက်ရရှိပြီး ဆေးရုံတွင် ကွယ်လွန်ခဲ့သည်။

လူသတ်သမားများ (ဝါ) နတ်ဆိုးများ

ဦးစော၊ ဂဠုန်၊ ၁၉၀၀ ပြည့်နှစ်တွင် သာယာဝတီမြို့၌ မွေးဖွားသည်။ လူသတ်သမားများ၏ ခေါင်းဆောင်ဟု အစွပ်စွဲခံရသူ၊ သမ္ဘာရင့် လက်ျာ နိုင်ငံရေးသမား ဖြစ်ပြီး ဦးအောင်ဆန်း၏ အဓိက ပြိုင်ဘက် ဖြစ်သည်။ သူရိယ သတင်းစာကို စတင် ထူထောင်သူနှင့် မျိုးချစ်ပါတီ ခေါင်းဆောင် ဖြစ်သည်။ ၁၉၄၀ ခုနှစ်၊ စက်တင်ဘာလမှ ၁၉၄၂ ခုနှစ်၊ ဇန်နဝါရီလ အထိ နန်းရင်းဝန်၊ ၁၉၄၂ မှ ၁၉၄၆ အထိ ယူဂန္ဓာပြည်တွင် အထိန်းသိမ်း ခံခဲ့ရသည်။ ၁၉၄၇ ခုနှစ်၊ ဇန်နဝါရီလတွင် ချုပ်ဆိုသော အောင်ဆန်း-အက်တလီ စာချုပ်ကို အသိအမှတ်ပြုရန် ငြင်းဆန်ခဲ့သူ ဖြစ်သည်။ ဦးအောင်ဆန်းနှင့် သူ့ အမှုဆောင် ကောင်စီ လုပ်ဖော်ကိုင်ဖက်များအား သတ်ဖြတ်မှုဖြင့် ၁၉၄၇ ခုနှစ်၊ ဇူလိုင်လ ၁၉ ရက်တွင် အဖမ်းခံရလျက်၊ စွဲဆိုထားသည့် အတိုင်း ပြစ်မှု ထင်ရှားသဖြင့် အပြစ်ပေးခံရပြီး၊ ၁၉၄၈ ခုနှစ်၊ မေလ ၈ ရက်နေ့တွင် အင်းစိန်ထောင်၌ ကြိုးပေးခံရသည်။


ဒုတိယကမ္ဘာစစ် အပြီး ဗြိတိန်၏ ဝန်ကြီးချုပ် အသစ် အဖြစ် ရွေးကောက် တင်မြှောက်ခံရသော လေဘာ ပါတီ ခေါင်းဆောင် 'ကလီးမင့် အက်တလီ' (Clement Atlee၊ အောင်ဆန်း-အက်တလီ စာချုပ် ချုပ်ဆိုပြီး မြန်မာနိုင်ငံအား တနှစ်အတွင်း လွတ်လပ်ရေး ပေးမည်ဟု အာမခံခဲ့သူ) က ၁၉၄၇ ခု၊ ဇန်နဝါရီလ အတွင်း ကျင်းပခဲ့သည့် လန်ဒန် ဆွေးနွေးပွဲတွင် အဖွဲ့ဝင် တဦး အဖြစ် ပါဝင် ဆွေးနွေးခဲ့သူ ဂဠုန်ဦးစော အပေါ် ယခုကဲ့သို့ မှတ်ချက်ပြုခဲ့သည်။


"လူနည်းစု ပါတီရဲ့ ကိုယ်စားလှယ် တဦးဖြစ်တဲ့ ဦးစောက လွဲလို့ သူတို့ အားလုံးဟာ နှစ်လိုဖွယ်ရာ ကောင်းလှပါတယ်။ စစ်ကြီး မပြီးခင်က ကျနော် ဦးစောကို တွေ့ခဲ့ဖူးပါတယ်။ သူဟာ 'ပြုံးပြုံးကလေးနှင့် မိုက်တဲ့သူ' ဆိုတဲ့ လူစားမျိုးလို့ ကျနော် သူ့ကို အကဲခတ်ပြီး အသိအမှတ် ပြုခဲ့ပါတယ်။"

သေနတ် ခလုတ်နှိပ်ရလျှင် ပျော်နေကြသည့် နောက်လိုက် နတ်ဆိုးများ

မောင်စိုး၊ သေနတ်သမား၊ မင်းလှမြို့မှ ဂဠုန်တပ်ဖွဲ့ဝင် တဦးဖြစ်ပြီး ဦးစော၏ အနီးကပ် နောက်လိုက်ဖြစ်၍ ဦးစော ခြံအတွင်း၌ စောစီးစွာကပင် နေထိုင်ခဲ့သူ ဖြစ်သည်။ သေဒဏ် ပေးခံရသည်။ ၁၉၄၈ ခုနှစ်၊ မေလ ၈ ရက်နေ့တွင်ပင် အင်းစိန်ထောင်၌ သေဒဏ် အစီရင်ခံရသည်။


ရန်ကြီးအောင်၊ အသက် (၁၈) နှစ်သာ ရှိ၏။ အသက် အငယ်ဆုံး သေနတ်သမား ဖြစ်သည်။ ဦးစော တဝမ်းကွဲညီ၏ သားဖြစ်သည်။ စတုတ္ထမြောက် သေနတ်သမား လိုအပ်လာသည့် နောက်ဆုံး အချိန်ကျမှ သူ့ကို ရွေးချယ်ခဲ့ခြင်း ဖြစ်သည်။ သူ၏ တဇောက်ကန်း အကျင့်ကြောင့် သေနတ်သမား အဖြစ် အံဝင်ခွင်ကျ ဖြစ်ခဲ့သည်။ သေဒဏ် ပေးခံရသည်။ ၁၉၄၈ ခုနှစ်၊ မေလ ၈ ရက်နေ့တွင် ရန်ကုန် အကျဉ်းထောင်၌ သေဒဏ် အစီရင်ခံရသည်။


သုခ၊ လူသတ်သမားများအား အတွင်းဝန်ရုံးသို့ ဂျစ်ကားဖြင့် မောင်းပို့ ပေးခဲ့သူ ဖြစ်သည်။ ရန်ကုန်မြို့ရှိ အစိုးရ အထက်တန်းကျောင်းမှ ၉ တန်း အောင်မြင်ခဲ့သည်။ စစ်ပြီးနောက် ကျိုက်လတ်မြို့ ဖဆပလ အဖွဲ့၏ ငွေထိန်းဖြစ်ပြီး ကုန်သည်တဦး ဖြစ်သည်။ သက်နှင်းက သူ့ကို ဦးစောနှင့် မိတ်ဆက် ပေးခဲ့သည့် အပြင် မျိုးချစ်ပါတီ တွဲဖက် အတွင်းရေးမှူး အဖြစ် စာရင်းတင်ပေးခဲ့သည်။ ဦးစော၏ ခြံဝင်းသို့ လုပ်ကြံမှု မတိုင်မီ နောက်ဆုံး ရောက်ရှိလာသူ ဖြစ်သည်။ သေဒဏ် ပေးခံရသော်လည်း ကြိုးပေးမည့်နေ့ မတိုင်မီနေ့ ညနေပိုင်းတွင်မှ အလုပ်ကြမ်းနှင့် ထောင်ဒဏ် အနှစ် ၂၀ သို့ လျှော့ချခြင်း ခံရသည်။


ခင်မောင်ရင်၊ ကြံရာပါ တဦးဖြစ်၍ ရှေ့ပြေးအဖွဲ့ စီးသော ဖို့ဒ်ဆန် ထရပ်ကားကို မောင်းသူ ဖြစ်သည်။ ဦးစော ဇနီးသည်၏ တူတော်သည်။ ဝန်ကြီးအဖွဲ့ အစည်းအဝေး ထိုင်နေကြောင်း လျှို့ဝှက် သင်္ကေတဖြင့် သတင်းပေးပြီး လူသတ်သမားများ ထွက်ခွာလာရန် အချက်ပြခဲ့သည်။ သေဒဏ် အပေးခံရသော်လည်း နောက်ပိုင်းတွင် အလုပ်ကြမ်းနှင့် ထောင်ဒဏ် အနှစ် ၂၀ သို့ လျှော့ချခြင်း ခံရသည်။


လူသတ်သမားနှင့် ကြံရာပါ အဖွဲ့ထဲတွင် ဝါကြီးသူ တယောက်ဖြစ်သည့် ခင်မောင်ရင်၏ ဖြောင့်ချက်တွင် အတိတ်ကာလက ဖြစ်ရပ်များကို တင်ပြရာတွင် ဦးစော၏ အသက်ကို ၁၉၄၆ ခုနှစ်၊ စက်တင်ဘာလတွင် ရန်ရှာခဲ့သည့် အကြောင်းမှ ဆက်၍ အံ့သြဖွယ်ကောင်းသော ဖြစ်ပုံ တစုံ ထုတ်ဖော် ပြောပြခဲ့သည်မှာ ဦးစောက အမိန့်ပေးပြီး လုပ်ခိုင်းသည့် တာဝန်အရ "စစ်ဦးစီး ဗိုလ်ချုပ်၏ ပြည်လမ်းနေအိမ် ညပိုင်း ဧည့်ခံပွဲတွင် ဦးအောင်ဆန်းအား ပစ်ခတ်ရန် စေလွှတ်ခဲ့ရာ ဦးအောင်ဆန်း ကားဖြင့် ရောက်လာသည်ကို မြင်သော်လည်း သူပြန်လာကာ ဦးစောအား ဦးအောင်ဆန်း ထိုပွဲသို့ တက်ရောက်ခြင်း မရှိဟူ၍ လိမ်ပြောလိုက်ကြောင်း"၊ သူပြောတာ မှန်တယ်လို့ ယုံကြည်ရလျှင် ဦးစော လန်ဒန်မြို့မှ ၁၉၄၆ ခု၊ ဖေဖော်ဝါရီလတွင် ပြန်ရောက်လာပြီး မကြာမီလောက်က ဖြစ်လိမ့်မည်။

မောင်နီ၊ ကြံရာပါ တဦးဖြစ်၍ ရှေ့ပြေး အဖွဲ့နှင့် လိုက်ပါ သွားခဲ့သည်။ လူသတ်သမားများ ထွက်အပြေးတွင် လွတ်မြောက်နိုင်ရန် အကူအညီ ပေးရေးအတွက် ခြောက်လုံးပြူး သေနတ် တလက်ဖြင့် အတွင်းဝန်များရုံး အထွက် ဂိတ်ပေါက်မှ စောင့်နေခဲ့ရသည်။ သေဒဏ် အပေးခံရသော်လည်း အလုပ်ကြမ်းနှင့် ထောင်ဒဏ် အနှစ် ၂၀ သို့ လျှော့ချခြင်း ခံရပြီး ယင်းသတင်းကို သုခနှင့် တပြိင်နက်တည်း အသိပေးခံခဲ့ရသည်။


မှုန်ကြီး၊ ကြံရာပါ တဦးဖြစ်၍ ရှေ့ပြေး အဖွဲ့နှင့် လိုက်ပါ သွားခဲ့သည်။ အုတ်ဖို့မြို့ အနီးမှ ကျေးရွာသား ဖြစ်ပြီး အလုပ်ကြမ်းသမား တဦး ဖြစ်သည်။ ဦးစောက သူ့ကို အစေခံ တဦးကဲ့သို့ ခိုင်းခဲ့သည်။ ဝန်ကြီးအဖွဲ့ စည်းဝေးနေကြောင်း လူသတ်သမားများကို သူက အချက်ပြခဲ့ရသည်။ သေဒဏ် ပေးခံရသည်။ ၁၉၄၈ ခုနှစ်၊ မေလ ၈ ရက်နေ့တွင် အင်းစိန်ထောင်၌ သေဒဏ် အစီရင်ခံရသည်။

ဘညွန့်၊ ကြံရာပါ တဦးဖြစ်၍ ရှေ့ပြေး အဖွဲ့တွင် ပါဝင်သည်။ ဦးစော၏ လူယုံတော် အဓိက နောက်လိုက်ခေါင်းဆောင် ဖြစ်ပြီး သူတဦးသာ ဦးစော၏ အိမ်အတွင်း နေထိုင်ခွင့်ရသည်။ ဘညွန့်သည် ဦးစော၏ မျိုးချစ် ပါတီဝင် ဖြစ်လာပြီး နောက် လက်နက်များ၊ ခဲယမ်းမီးကျောက်များ စုဆောင်းရန်နှင့် ရန်ပုံငွေ ရှာရန် တာဝန် ၃ ရပ် သူ့ကို အပေးခံခဲ့ရသည်။ ဇွန်လ ၂၄ ရက်နေ့တွင် ဗိုလ်တထောင်ပင်မ စစ်လက်နက် ပစ္စည်းတိုက်မှ ဘရင်းဂန်း အလက် ၂၀၀ ထုတ်ယူသွားသူမှာ သူဖြစ်ကြောင်း ဘညွန့်က ထုတ်ဖော်လိုက်သည်။ ထိုလက်နက်များကို သုံးတန်တင် လော်ရီကားဖြင့် တကြိမ်တည်း တင်ပြီး ဦးစော၏ အေဒီလမ်း နေအိမ်သို့ သူမောင်းပို့ခဲ့ကြောင်း သူက ပြောဆိုလိုက်သည်။ နောက်တကြိမ်တွင်လည်း ပြည်လမ်းပေါ်ရှိ အခြား လက်နက် သိုလှောင်ရုံ တခုမှ ဒဿမ (၃၀၃) ကျည်ဆံ အတောင့် တသိန်းတိတိကို သူသွားရောက် ယူဆောင်ခဲ့ရကြောင်း ဝန်ခံသည်။

သူသည် အင်္ဂလိပ်-မြန်မာ နှစ်ဘာသာသင် အထက်တန်းကျောင်းတွင် ပညာသင်လာသူ ဖြစ်၍ ဦးစော၏ သေနတ်သမားများထဲ၌ ပညာ အတတ်ဆုံး ဖြစ်လေသည်။ ထို့အပြင် အသိဉာဏ် ရှိ၍ အိုးသည်ကုန်း တရားရုံးတွင် စာရေး ဖြစ်ခဲ့သည်။ သခင်နုအား သတ်ရန် တာဝန် အပေးခံရသည်။ ဘုရင့်သက်သေ (ဖော်ကောင်) အဖြစ် ဘက်ပြောင်း ထွက်ဆိုရန် သဘောတူခဲ့သူ ဖြစ်သည်။ ထို့ကြောင့် အခြေအနေ အရ သူ့အား အပြစ်မှ ခွင့်လွှတ်မှု အပေးခံရလျက် အလုပ်ကြမ်းနှင့် ပြင်းထန်သော ထောင်ဒဏ် ၁၀ နှစ်နှင့် ၆ လ ချမှတ် ခံခဲ့ရသည်။

အထူးခုံရုံးဖွဲ့ အမှု စစ်ဆေး စီရင်ခြင်း

ထိုစဉ်က ဘုရင်ခံဖြစ်သူ ဆာဟူးဘတ်ရန့်စ် (Sir Hubert Rance) သည် ထိုအမှုကို စစ်ဆေး ဆုံးဖြတ်ရန် ၁၉၄၇ ခု၊ စက်တင်ဘာလ ၂၀ ရက်နေ့တွင် တရားသူကြီး ၃ ဦးပါ "အထူးခုံရုံး" ကို ဖွဲ့စည်းခဲ့သည်။ ခုံရုံး သဘာပတိ အဖြစ် တရားလွှတ်တော် တရားသူကြီး ဦးကျော်မြင့်အား တာဝန် ပေးအပ်ခဲ့ပြီး၊ ခုံရုံး အဖွဲ့ဝင်များ အဖြစ် သမ္ဘာရင့် စက်ရှင် တရားသူကြီးများ ဖြစ်ကြသော ဦးအောင်သာကျော်နှင့် ဦးစီဘူးတို့ကို တရားဝင် ခန့်အပ် တာဝန်ပေးခဲ့သည်။


တရားဆိုင်ခြင်းကို အင်းစိန်ရှိ အထူးခုံရုံးတော်၌ ထိုနှစ် အောက်တိုဘာလ ၁၅ ရက်နေ့တွင် စတင် ပြုလုပ်သော အခါ ၎င်းတရားဆိုင်ခြင်းသည် ဗြိတိသျှ ဘုရင်နှင့် ဦးစော (အဖွဲ့ ခေါင်းဆောင် အဖြစ် စွပ်စွဲခံရသူ)၊ မောင်စိုး (လူသတ်သမား အဖြစ် စွပ်စွဲခံရသူ)၊ သက်နှင်း (လူသတ်သမား အဖြစ် စွပ်စွဲခံရသူ)၊ မောင်စိန် (ခေါ်) စိန်ကြီး (ခေါ်) လှအောင် (လူသတ်သမား အဖြစ် စွပ်စွဲခံရသူ)၊ ရန်ကြီးအောင် (ခေါ်) လှထွန်း (လူသတ်သမား အဖြစ် စွပ်စွဲခံရသူ)၊ သုခ (အတွင်းဝန်ရုံးသို့ လူသတ်သမားများအား ကားဖြင့် ပို့ဆောင်ပေးခဲ့ရသူ ကားဒရိုင်ဘာ အဖြစ် စွပ်စွဲခံရသူ)၊ ခင်မောင်ရင် (ကြံရာပါ ကူညီသူ အဖြစ် စွပ်စွဲခံရသူ)၊ မှုန်ကြီး (ခေါ်) မောင်မှုန် (ကြံရာပါ ကူညီသူ အဖြစ် စွပ်စွဲခံရသူ) တို့၏ အမှု ဖြစ်လာခဲ့သည်။ တရားဥပဒေ စကားရပ်မှာ၊ "တူညီသော ရည် ရွယ်ချက် အကျိုးစီးပွား အလို့ငှာ လူသတ်ရန် တာဝန်ပေး စေခိုင်းမှု" စသည့် ခေါင်းစဉ် စွဲချက်များဖြင့် ရုံးတင် စစ်ဆေး တရားစွဲဆိုခဲ့သည်။


ထို့ကြောင့် မြန်မာနိုင်ငံသည့် ဝမ်းနည်း တုန်လှုပ်ဖွယ်ရာ အဖြစ်ဆိုးကြီးထဲတွင် အာဇာနည် ၉ ဦး ပေါ်ထွက်လာရပြီး၊ ၎င်းတို့အား သတ်မှုဖြင့် အစွပ်စွဲခံရသူ တရားခံမှာလည်း ၉ ဦး ထွက်ပေါ်လာခဲ့ရသည်။


ထိုသို့ တရားဆိုင်ခြင်းကို နောက်ဆုံး ဒီဇင်ဘာလ ၃၀ ရက်နေ့ အထိ ဆက်လက် ပြုလုပ်ခဲ့ကြပြီးနောက် စုစည်းရရှိထားသော ထင်ရှားသက်သေ အစုလိုက် အပြုံလိုက်ကို ဆန်းစစ် သုံးသပ်ပြီးနောက် အထူးခုံရုံးတော် အနေဖြင့် စကားလုံးရေ (၅၂,၀၀၀) ဖြင့် ရေးသားထားသော စီရင်ချက်ကို ချမှတ်နိုင်ခဲ့တော့သည်။ ထိုနေ့က တရားခွင်ကို ဖွင့်ပေးခဲ့သဖြင့် ဥပဒေပညာရှင်များ၊ သတင်းစာ ဆရာများ စသဖြင့် စုရုံး ရောက်ရှိလာလျက် ယင်းလူအုပ်ထဲတွင် မြန်မာ ဝတ်လုံတော်ရမင်းလည်း ဖြစ်ပြီး စာရေးဆရာလည်း ဖြစ်သော ဒေါက်တာမောင်မောင်လည်း ပါရှိခဲ့ပါသည်။ (နောက်ပိုင်းတွင် သူသည်လည်း နောက်လိုက် နတ်ဆိုး တဦး အဖြစ် သူတတ်ထားသည့် ပညာဖြင့် အသက်မွေး ဝမ်းကျောင်းပြုခဲ့သူ) ဒေါက်တာမောင်မောင်က ဤသို့ မှတ်တမ်းတင်ခဲ့သည်။


"စီရင်ချက်ကို ဖတ်ချိန်မှာ တနာရီကျော် ကြာလေသည်။ ပထမဆုံး တရားဆိုင်သည့် နေ့က ကဲ့သို့ပင် တရားခွင် ခန်းမမှာ လူများဖြင့် ပြည့်ကျပ်လျက် ရှိနေပြန်သည်။ တရားခံများ အားလုံး ရောက်ရှိ နေကြသည်။ ၈ ယောက်မှာ တရားခံများအား ထားသော ခြံ အတွင်းရှိ ကြပြီး ဦးစောမှာမူ သူ၏ ဥပဒေ အကြံပေး ဝတ်လုံတော်ရမင်း ဘေးရှိ ကုလားထိုင်တွင် ထိုင်လျက် ရှိသည်။ စီရင်ချက်ကို ဆက်လက် ဖတ်လျက်ရှိပြီး မဆုံးနိုင်သည်နှင့် အမျှ သတင်းထောက်များမှာ ဂနာမငြိမ်ဖြစ်ကာ စိတ်မရှည်နိုင်အောင် ဖြစ်နေကြသည်။ အမှုတွဲ တခုလုံးကို ပြန်လည် အကျဉ်းချုပ် ပြနေသည်ကို နားထောင် နေရသည်မှာ ကျနော့် အတွက် စိတ်ဝင်စားဖွယ်ရာ ဖြစ်တော့သည်။ ဖတ်နေသော အသံမှာ ပျော့ပျောင်းသည်။ အမှားအယွင်း မရှိ။ ပုဂ္ဂလဓိဋ္ဌာန်မှ လွတ်ကင်းသည်။ အသံမှာ အနီးမှ လာသော်လည်း အဝေးမှ လာနေ သကဲ့သို့ပင်။ တရားခံများသည် ထိုင်လျက် နားထောင် နေကြသည်။ မည်သို့သော ခံစားမျိုးကိုမှ မပြသကြ။ အင်္ဂလိပ်ဘာသာဖြင့် ပြောဆိုနေသဖြင့် သူတို့ အများစုမှာ နားမလည်ကြချေ။ အမှုမှာ နောက်ဆုံး ပြီးစီးသွားပြီ ဖြစ်သဖြင့် သူတို့အားလုံး စိတ်သက်သာရာ ရကောင်း ရသွားကြပေလိမ့်မည်။"

သေနတ်သမား ၄ ဦး ဖြစ်သော မောင်စိုး၊ သက်နှင်း၊ ရန်ကြီးအောင်နှင့် မောင်စိန်တို့အား လူသတ်မှုဖြင့် လည်းကောင်း၊ ဦးစော၊ သုခ၊ မောင်နီ၊ မှုန်ကြီးနှင့် ခင်မောင်ရင် တို့မှာ လူသတ်မှုကို အားပေး ကူညီမှုဖြင့် လည်းကောင်း အပြစ်ရှိကြောင်း တွေ့ရှိခဲ့သည်။ ထို့ကြောင့် သူတို့ အားလုံးကို သေဒဏ် အပြစ်ပေး လိုက်လေသည်။

ထိုအခါ ဦးစောနှင့် အခြားပြစ်ဒဏ် ကျခံရသူများသည် အယူခံလွှာကို တရားလွှတ်တော်သို့ သတ်မှတ်ချက်များနှင့် အညီ တင်သွင်းခဲ့သော်၊ တရားလွှတ်တော်၏ ပယ်ချခြင်းကို ခံခဲ့ရသည်။ "တရားခံ တဦးစီသည် ဤလျှို့ဝှက် ပူးပေါင်း ကြံစည်မှုကြီးတွင် အသက်သွေးကြောပမာ အရေးကြီးသော အစိတ်အပိုင်း တရပ်စီ အဖြစ် ပါဝင်ခဲ့ကြသည်" ဟု တရားလွှတ်တော်က ထုတ်ပြန် ကြေညာခဲ့သည်။ ဤစီရင်ချက် ချမှတ်မှုကို ဝင်ရောက် တားဆီး စွက်ဖက်ရန် တရားဥပဒေ အကြောင်းအရ မည်သို့သော အကြောင်းအချက်ကိုမျှ မတွေ့ရှိခဲ့ရချေ။ ထိုကြောင့် ပြစ်ဒဏ် ချခံရသူများက တရား လွှတ်တော်ချုပ်သို့ ဆက်လက် အသနားခံလွှာ တင်သွင်းခဲကြပြန်သည်။ လန်ဒန်ရှိ 'ပရီဗီကောင်စီ' က ပြဋ္ဌာန်းထားခဲ့သော ယခင် စည်းမျဉ်း ဥပဒေများမှ လမ်းညွှန်မှုများကို ရယူကာ တရားလွှတ်တော်ချုပ်က ယင်းအသနားခံလွှာများကို သေချာစာ စဉ်းစားလျက် နောက်ဆုံးတွင် ပယ်ချလိုက်လေသည်။

သို့ဖြစ်လေရာ ပြစ်ဒဏ်ချခံရသူ ၉ ဦး အတွက် လမ်းတလမ်းသာ ကျန်တော့သည်။ ၎င်းနောက်ဆုံး မျှော်လင့်ချက်မှာ နိုင်ငံတော် သမ္မတထံမှ သက်ညှာထောက်ထား ကရုဏာပွားမှုကို တောင်းခံရန်သာ ဖြစ်လေသည်။ သမ္မတ နိုင်ငံတော်သစ်၏ ဂုဏ်ကျက်သရေ မြင့်မားလှသော သမ္မတကြီးမှာ ရှမ်းပြည်နယ်မှ ညောင်ရွှေစော်ဘွား 'စပ်ရွှေသိုက်' ဖြစ်သည်။ ထိုနောက်ဆုံးချိန်တွင်ကျမှ ၃ ဦးသာလျှင် တသက်တကျွန်း ထောင်ဒဏ်၊ တနည်းအားဖြင့် အနှစ် ၂၀ ထောင်ဒဏ်သို့ အပြစ်ဒဏ် လျှော့ပေါ့ခြင်း ခံကြရသည်။ ၎င်းတို့မှာ ဂျစ်ကားမောင်းသူ သုခ၊ လူသတ်သမားများ အတွင်းဝန်ရုံးသို့ ရောက်မလာမီ ကြိုတင် ထောက်လှမ်းရသူ ခင်မောင်ရင်နှင့် လူသတ်သမားများ ထွက်ပြေး လွတ်မြောက်ရာလမ်းကို ခြောက်လုံးပြူး တလက်ဖြင့် စောင်ကြပ်ခဲ့ရသူ မောင်နီတို့ ဖြစ်ကြသည်။ ကျန်သောသူ အားလုံးမှာ ကြိုးပေး ခံရသည်။


ထိုသို့ ၁၉၄၇ ခုနှစ်၊ ဒီဇင်ဘာလ ၃၀ ရက်နေ့ အထူးခုံရုံးတော်က စီရင်ချက်ကို ဖတ်ကြားသည့် အချိန်တွင် ရန်ကုန်မြို့ ရွှေတိဂုံဘုရားလမ်းပေါ်ရှိ ဂျူဗလီခန်းမ၌ နိုင်ငံတော် ဈာပန အဖြစ် ဗိုလ်ချုပ်အောင်ဆန်းနှင့် အခြား လုပ်ကြံခြင်း ခံရသူများ၏ ရုပ်အလောင်းများမှာ လဲလျောင်းလျက် ရှိနေဆဲပင်။


အာဇာနည်တို့၏ ရုပ်အလောင်းများအား ပြည်သူလူထု တရပ်လုံး ဂါရဝပြုရန် ဂျူဗလီဟောတွင် ၉ လကြာ ထားခဲ့ပြီးနောက် ၁၉၄၈ ခုနှစ်၊ ဧပြီလ ၁၁ ရက်နေ့တွင် ရုပ်အလောင်းများ ပါရှိသည့် ခေါင်းများကို ဂျူဗလီခန်းမမှ ရွှေတိဂုံ စေတီတော်၏ မြောက်ဘက် အသစ် ဆောက်လုပ်လိုက်သော အာဇာနည် ဗိမာန်သို့ နောက်ဆုံးခရီး အဖြစ် သယ်ဆောင် သွားခဲ့သည်။ အမြဲတမ်း တပ်မတော်သားများက ခရီးစဉ် တလျှောက် ထိန်းသိမ်း စောင့်ရှောက်လျက် လိုက်ပါလာသော ဈာပန ယာဉ်တန်းသည် ရွှေတိဂုံ ဘုရားလမ်း အတိုင်း တက်ရောက်လာခဲ့သည်။ အာဇာနည်ကြီးများ၏ မှန်ဘောင်သွင်း ဓာတ်ပုံကြီးများကို ချိတ်ဆွဲ၊ ဖုံးအုပ်ထားသော ခေါင်းများကို အမိုးဖွင့် ထရပ်ကားများ၊ ဂျစ်ကားများဖြင့် သယ်ဆောင် လာခဲ့ကြသည်။ ပြည်သူလူထု ၅ သိန်းကျော် လိုက်ပါလာခဲ့သော ယာဉ်တန်းသည် ရွှေတိဂုံ စေတီတော်၏ တောင်ဘက် စောင်းတန်းဘက်ဆီသို့ ဖြည်းညင်းစွာ ရွေ့လျားလာခဲ့သည်။ ဦးအောင်ဆန်းအား သူတို့၏ ဗိုလ်ချုပ်ကြီး အဖြစ် လည်းကောင်း၊ အစစ်အမှန် ခေါင်းဆောင် အဖြစ် လည်းကောင်း ချစ်မြတ်နိုးကြသော ပြည်သူ့ရဲဘော် တပ်ဖွဲ့ဝင်များသည် နံဘေးဝဲယာမှ ခရီးစဉ် တလျှောက်လုံး ချီတက် လိုက်ပါလာခဲ့ကြသည်။ ရွှေတိဂုံ စေတီတော်မြတ်ကြီးကို လက်ဝဲရစ် တဝက်ပတ်ပြီးနောက် ဈာပနယာဉ်တန်းသည် အာဇာနည် ဗိမာန်သစ်ဆီသို့ ဆိုက်ရောက်လာခဲ့သည်။ နောက်ဆုံးတွင်ကား အာဇာနည် ခေါင်းဆောင်ကြီးများ၏ ရုပ်အလောင်းများမှာ ထိုနေရာ၌ နားခဲ့ကြလေပြီ …။


ထိုလုပ်ကြံမှုကြီးသည် ထိုအချိန်က မြန်မာတော်တော်များများ အရိုးခံ ယုံကြည်ကြသကဲ့သို့ ဦးအောင်ဆန်းအား ဖယ်ရှား၍ သူတို့ လက်ဝေကို ခံပြီး သူတို့အား မလှန်မည့်သူ တဦးအား အစားထိုးနိုင်ရန် လန်ဒန်ရှိ အာဏာပိုင် ရပ်ကွက်များမှ စီမံသည့် ပူးပေါင်း ကြံစည်မှုတရပ် ဖြစ်ပါသလား။ သို့မဟုတ်ပါက ဗီဗီယန်း၊ ဒိန်း၊ ယမ်းနှင့် မိုးတို့လို လူမျိုးများသည် ပုဂ္ဂလိက လက်နက် မှောင်ခိုသမားများနှင့် မိမိတို့ ဘာသာ စွန့်စွန့်စားစား လုပ်လိုသူများသာ ဖြစ်ကြပါသလား။ ထို့အပြင် 'ဘင်ဂလေ' ဆိုသူမှာ အတိအကျ မည်သူမည်ဝါ ဖြစ်ပါသနည်း။ ဦးစောနှင့် သူ၏ လက်ပါးစေများကို ဖမ်းဆီးခြင်း၊ ရုံးတင် စစ်ဆေးခြင်းများသည် မည်မျှလောက် သေသေသပ်သပ်၊ စနစ်တကျနှင့် ကျွမ်းကျင် လိမ္မာစွာ ဆောင်ရွက်ခဲ့သည် ဖြစ်စေကာမူ ယင်းအမှုကြီး တခုလုံးသည် မျက်စိတဆုံး မြင်နိုင်လောက်ရုံထက် အဆပေါင်းများစွာ ပိုမိုရှုပ်ထွေး ပတ်သက်မှုများ ရှိနိုင်ခဲ့ပေလိမ့်မည် …. .…။

သူတို့ ဘယ်သူတွေလဲ

ဘင်ဂလေ၊ ဂျွန်စတျူးဝပ် (Bingley, John Stewart) ၁၈၉၉ ခုနှစ်တွင် မွေးဖွားခဲ့သည်။ (၁၉၄၆-၄၇) ခုနှစ်များ အတွင်း မြန်မာနိုင်ငံတွင် ဗြိတိသျှကောင်စီ (British Council) ၏ ကိုယ်စားလှယ် အဖြစ် ရန်ကုန်မြို့၌ နေထိုင်ခဲ့သည်။ ဦးစောက အင်းစိန်ထောင်ထဲမှ စာအချို့ သူ့ထံ ရေးသားပြီး ငွေတောင်းခံခဲ့သည်။ ထောက်လှမ်းရေး လုပ်ငန်းများတွင် သူ ပါဝင် ပတ်သက်နေသည်ဟု သခင်နု၊ ဦးကျော်ငြိမ်းနှင့် အချို့ ပုဂ္ဂိုလ်များက အကြီးအကျယ် သံသယ ဖြစ်ကြသည်။ ၁၉၄၇ ခုနှစ်၊ စက်တင်ဘာလ ၄ ရက်နေ့တွင် မြန်မာနိုင်ငံမှ အလောသုံးဆယ် ထွက်ခွာ သွားခဲ့သည်။ ထို့နောက်ပိုင်း သူ့ ကံကြမ္မာနှင့်သူ မည်သည့် အရပ်ဒေသသို့ ရောက်သွားပြီး မည်သို့ မည်ပုံ ဖြစ်ပျက်ခဲ့သည်များမှာမူ မည်သူမျှ မသိနိုင်တော့သော လျှို့ဝှက် ဆန်းကြယ်မှုပင် ဖြစ်နေပေတော့သည်။ ၁၉၇၉ ခုနှစ်တွင် ဗြိတိန်နိုင်ငံ၊ ဆရေး (Surrey) နယ်တွင် ကွယ်လွန်သွားသည်။ မစ္စတာ ဘင်ဂလေ၏ ကိုယ်ကာယမှာ ထူးထူးခြားခြား အရပ်ရှည်ခြင်း မရှိချေ။ သို့သော်လည်း မျက်နှာရှည်ရှည်နှင့် ပိန်ပိန်ပါးပါး ဖြစ်သည်။

ကနဦး သိရှိရသော အထောက်အထားများက ဘင်ဂလေနှင့် ဦးစောသည် ဆက်ဆံရေး အလွန်ကောင်းခဲ့ကြောင်း ပြဆိုနေသည်။ ဦးစောသည် သြဂုတ်လ ၂၂ နှင့် ၂၃ ရက်နေ့ အထိ နေ့စွဲများ တပ်ထားသော စာနှစ်စောင် ဘင်ဂလေထံ ရေးခဲ့သည်။ သူသည် ငွေ ထပ်မံ တောင်းဆိုလိုက်ပြီး ကပ္ပတိန် ဗီဗီယန်းဟု ယူဆသူ တဦးကိုလည်း 'VV' (ဗွီဗွီ) ဟု စာထဲတွင် ရည်ညွှန်း ဖော်ပြခဲ့သည်။ ထိုစာများက သူ့လွတ်မြောက်ရေး မျှော်လင့်ချက်ကို ပြောဆိုခဲ့ရုံ သာမက ပြည်တွင်းနှင့် ပြည်ပ နိုင်ငံတကာရှိ ရိုက်ခတ်မှုများ ဖြစ်သွားစေနိုင်သော ထုတ်ဖော်မှုများ ပြုလုပ်မည့် ခြိမ်းခြောက်မှုများပင်လျှင် ပါရှိလာခဲ့သည်။ ဦးစောက စာသယ်ဆောင်လာသူကို ယုံကြည် စိတ်ချရကြောင်းလည်း ဘင်ဂလေကို အာမခံချက် ပေးထားသည်။


ဂဠုန်ဦးစောသည် ထောင်ထဲရောက်ခါစ စောစောပိုင်း ရက်များတွင် သူနှင့် တထောင်ထဲ ရှိနေသော အတူ စွပ်စွဲခံရသူများအား ဆက်သွယ်၍ သူ့ဘက်တွင် ဘုရင်ခံဟောင်း သုံးဦးနှင့် အင်္ဂလန်ရှိ ဝန်ကြီးဟောင်း အများအပြား ရှိနေသည့် အတွက် စိုးရိမ်စရာ မရှိကြောင်း ပြောဆိုခဲ့သည်။ နောက်ပိုင်းတွင် သြဇာတိက္ကမ အလွန်ရှိပြီး သူတို့အပေါ် ဒုက္ခမရောက်အောင် ကြည့်ရှုမည့် မြန်မာပြည်ရှိ အရပ်မြင့်မြင့်နှင့် မိတ်ဆွေ အကြောင်း ဦးစောက ဖော်ပြလာခဲ့သည်။ သူ၏ စာတစောင်တွင် ဗီဗီယန်းအား ၎င်းအရပ်မြင့်မြင့် မိတ်ဆွေ အကြောင်း ဖော်ပြခဲ့သည်။ ဗီဗီယန်းက ၎င်း၏ ပြန်စာတွင် လောလောဆယ်၌ ယင်း အရပ်မြင့်မြင့်နှင့် မိတ်ဆွေအား အမှုထဲ ဆွဲမသွင်းရန် (ထပ်မံ - မသွင်းရန်) အကြံပေးခဲ့သည်ဟု ဆိုပါသည်။


ဒေါ်မန်စမစ်၊ ဆာ ရီဂျင်နယ် ဟျူး (Dorman-Smith, Sir Reginald Hugh)၊ ၁၈၉၉ ခုနှစ်တွင် မွေးဖွားခဲ့ပြီး (၁၉၃၅-၄၁) ခုနှစ်များတွင် ကွန်ဆာဗေးတစ် (Conservative MP) အမတ် ဖြစ်ခဲ့၍၊ ဗြိတိသျှ ဝန်ကြီးအဖွဲ့ အတော်များများတွင် ဝန်ကြီး အဖွဲ့ဝင် အဖြစ် လည်းကောင်း တာဝန် ယူခဲ့ဖူးသည်။ (၁၉၄၁-၄၆) ခုနှစ်များ အတွင်း မြန်မာနိုင်ငံ၏ ဘုရင်ခံ တဦး ဖြစ်ကာ ဦးစောနှင့်လည်း များစွာ အကျွမ်းဝင်သူ တဦး ဖြစ်သည်။ ထိုနောက် ဗြိတိသျှ အမျိုးသားရေး ပြည်သူ့ ဝန်ထမ်းသို့ ပြန်မဝင်သော်လည်း ဟန့်ရှိုင်းယားနယ် တာဝန်ယူရသော အဆင့်မြင့်ရဲမှူး (High Sheriff of Hampshire) နှင့် ပြေငြိမ်းရေး တာဝန်ခံ (JP) အလုပ်များ လုပ်ကိုင်ခဲ့သည်။ ၁၉၇၇ ခုနှစ်တွင် ကွယ်လွန်သွားခဲ့သည်။


၁၉၄၁ ခုနှစ်တွင် ဆာရဲလ်ဂျီနယ် ဒေါ်မန်စမစ် (Sir Reginal Dorman-Smith) သည့် ဆာအာချီဘော ကော့ခ်ရိန်း (Sir Archibald Cochrane) ၏ မြန်မာပြည် ဘုရင်ခံ နေရာကို ဆက်ခံသောအခါ ဦးစောနှင့် အဆင့်မြင့် ကွန်ဆာဗေးတစ် ဗြိတိသျှ အာဏာပိုင်တို့ ဆက်နွယ်မှုမှာ ပိုမို ခိုင်မာသွားလေသည်။ ဆာရဲလ်ဂျီနယ်မှာ အသက် ၄၂ နှစ်သာ ရှိသေးပြီး ဦးစောထက် တနှစ်ခန့်သာ ကြီးလေသည်။ မကြာမြင့်မီ သူတို့ နှစ်ဦးသည် တကယ့် မိတ်ရင်းဆွေရင်းများ ဖြစ်သွားကြလေသည်။ ထို့ကြောင့် ၁၉၄၁ ခုနှစ်တွင် ကျင်းပရမည် ဖြစ်သော အထွေထွေ ရွေးကောက်ပွဲကို ရွှေ့ဆိုင်းလိုက်ခြင်းဖြင့် ဆာရဲလ်ဂျီနယ်က သူ၏ လုပ်ပိုင်ခွင့် အရ ဦးစော၏ သက်တမ်းကို နောက်ထပ် ၅ နှစ် သက်တမ်း တခုသို့ တိုးပေးလိုက်လေသည်။ ထို့နောက် ဦးစောကို 'ဆာဝင်စတန် ချာချီ' (Sir Winston Churchill) အပြင် အခြား ဗြိတိသျှ ခေါင်းဆောင်များနှင့် တွေ့ဆုံ ဆွေးနွေးရန် အတွက် လန်ဒန်သို့ ဖိတ်ခေါ်ခွင့် ပြုလိုက်လေသည်။

ထို့အပြင် ဒုတိယ ကမ္ဘာစစ်ကြီး ပြီးနောက် ဂဠုန်ဦးစောအား မြန်မာနိုင်ငံရေး လောကသို့ ပြန်လည် ခေါ်ယူပြီး နေရာပေးခဲ့သူ ဖြစ်သည်။ ထိုအကြောင်းနှင့် ပတ်သက်ပြီး ဘုရင်ခံ၏ ကိုယ်ရံတော် အဲရစ် ဘက်တာစဘီ (Eric Battersby) (အေဒီစီ ၁၉၄၂) အား ဘီဘီစီ (၂) တီဗွီ အစီအစဉ် [ဗိုလ်ချုပ်အောင်ဆန်း လုပ်ကြံခံရသည့် အနှစ် (၅၀) မြောက် အဖြစ် "အောင်ဆန်းကို အမှန်တကယ် ဘယ်သူသတ်သလဲ" မှတ်တမ်း ရုပ်ရှင်ကို ရိုက်ကူးပြီး ဘီဘီစီ (၂) တီဗွီမှာ ၁၉၉၇ ခု၊ ဇူလိုင်လ ၁၉ ရက်တွင် ဗြိတိန်၌ ထုတ်လွှင့် ပြသခဲ့သော တင်ဆက်မှု] က တွေ့ဆုံ မေးမြန်းရာမှာ၊ "ဦးအောင်ဆန်း၏ အစွန်းရောက် အယူအဆများ စွန့်လွှတ် သွားစေရန် ဦးစောက လွှမ်းမိုး လုပ်ဆောင်နိုင်လိမ့်မည် ဟူသော မျှော်လင့်ချက်နှင့် (ဆာဒေါ်မန်စမစ်က) ကျွန်ုပ်အား (ဦးစောကို ပြန်ခေါ်လာရန်) စေလွှတ်ခဲ့ခြင်း ဖြစ်ပါတယ်။ ဒါဟာ သက်သက်မဲ့ ရူးတာပါ၊ ဒါဟာ လွယ်လွယ်လေး ဘယ်ဖြစ်နိုင်မလဲ။ ဦးစောဟာ မြန်မာနိုင်ငံမှာ သြဇာအာဏာ မရှိတော့ပါဘူး၊ ဦးအောင်ဆန်းကသာ ချုပ်ကိုင်ထားတာပါ" ဟု ပြောပြသည်။


ထို့အပြင် ဗိုလ်ချုပ်အောင်ဆန်းနှင့် နိုင်ငံ့ ခေါင်းဆောင်ကြီးများ လုပ်ကြံမှုဖြင့် ဂဠုန်စောနှင့် အပေါင်းပါများကို တရားစွဲနေစဉ်မှာ၊ "ဆာဒေါ်မန်စမစ်ကတော့ နောင်တမရသေးဘဲ နောက်မှ မိတ်ဆွေ တဦးစီ စာရေးလိုက်တာက ကျုပ်တို့က အောင်ဆန်းရဲ့ သူလောက် အရေးမပါတဲ့ လုပ်ဖော်ကိုင်ဖက်တွေကို ဆွဲကြိုး ချပြီးသားပဲ။ ဒါကြောင့် သူက ဘယ်အကြောင်းကြောင့် ဂျူရီရှေ့မှာ အခွင့်အလမ်း မယူနိုင်သလဲ ဆိုတာ ကျုပ် နားမလည်နိုင်ဘူး။ သူ့ကို သေစားသေစေ စီရင်ချက်ချရင် ကျုပ်တို့က သနားကရုဏာ ပေးဖို့ သေချာမှာပေါ့။ ဒါပေမဲ့ အဲဒီလို အခြေအနေပေါ်မှသာ အရေးယူနိုင်မှာ" ဟု လူတွေ့ မေးမြန်းခံရသူ အဲရစ်၊ ဘက်တာစဘီက ပြန်ပြောင်း ပြောပြသွားသည်။


သို့သော်လည်း ဦးစောနှင့် သူ့လူ ၈ ယောက် တရားရုံးတင်သည့် အချိန်မှာ ဒေါ်မန်စမစ်က သူ့မိတ်ဆွေကို တရားခံဘက်မှ သက်သေခံရန် ကမ်းလှမ်းခဲ့သော်လည်း ဗြိတိသျှ အစိုးရက အဟန့်အတား လုပ်ခဲ့ရသည်။ ထို့အပြင် ဦးစောအား သေစားသေစေ အစီရင်ပေးသည့် အချိန်မှာလည်း ဒေါ်မန်စမစ်က ပြည်ထောင်စု မြန်မာနိုင်ငံ၏ သမ္မတကြီးထံ ဦးစောအား သနားညှာတာမှု ပေးရန် ဝင်ရောက် စွက်ဖက်ခဲ့သေးသည်။


ဘီဘီစီ (၂) တီဗွီ အစီအစဉ်မှာပဲ၊ ၁၉၄၈ ခုနှစ်၊ မေလအတွင်း ကြိုးပေးတဲ့နေ့က ရန်ကုန်မှာ ရှိတဲ့ ဗြိတိန် သံအမတ်က ဝှိုက်ဟောသို့ လျှို့ဝှက် ကြေးနန်းစာ တစောင် ရေးခဲ့ပါတယ်။ အဲဒီ ကြေးနန်းစာဟာ နှစ်ပေါင်း ၅၀ ခန့် မပေါက်ကြားသင့်သည့်စာ အဖြစ် ထိန်းသိမ်းထား ခံခဲ့ရပါတယ်။ လအနည်းငယ် အကြာမှာ နိုင်ငံခြားရေးရုံးက ဒီအစီအစဉ်ရဲ့ သုတေသနမှူးထံ ၎င်းစာအား ထုတ်ပေးရန် ဆုံးဖြတ်ခဲ့ပါတယ်။ ယင်းကြေးနန်းစာက ရဲအကြီးအကဲက သံအမတ်ကို ပြောပြချက်အား ထုတ်ဖော်ထားပါတယ်။


"လုပ်ကြံ သတ်ဖြတ်မှုမှာ ဗြိတိသျှတို့ ပူးပေါင်း ကြံစည်မှု ရှိတယ် ဆိုတာ ကျနော်တို့ တကယ့်ကို ယုံကြည်နေကြောင်း။ ရဲအကြီးအကဲက ဆာရယ်ဂျီနယ် ဒေါ်မန်စမစ်ကို သံသယရှိသူ အဖြစ် ထောက်ပြခဲ့ကြောင်း။ ကြားအတွင်း လှုပ်ရှားသူမှာ ရန်ကုန်ရှိ ဗြိတိသျှ ကောင်စီမှ ဘင်ဂလေ (Bingley) ဟု ခေါ်သည့် လူဖြစ်သည်ဟု သူ ယုံကြည်ကြောင်း" တင်ဆက်သွားသည်။


ဒိန်း၊ ဗိုလ်မှူး ပီတာအားနက် လန့်စ်လော့ (Daine, Major Peter Ernest Lancelot)၊ ၁၉၂၃ ခုနှစ်တွင် မွေးဖွားခဲ့သည်။ အိန္ဒိယ အချက်ပြ ဆက်သွယ်ရေးတပ်၌ ၁၉၄၄ မှ စတင်၍ အရာရှိ အဆင့်ကို ရရှိခဲ့သည်။ ၁၉၄၇ ခုနှစ်တွင် ဗမာ့ စစ်ဦးစီးဌာနချုပ် ထောက်လှမ်းရေးတပ်၌ တာဝန် ထမ်းဆောင်လျက်၊ မင်္ဂလာဒုံ မြောက်ဘက်ရှိ ပင်မ ခဲယမ်းမီး ကျောက်တိုက်၏ တပ်မှူးလည်း ဖြစ်သည်။ ဦးစော တပည့်များ ထုတ်ယူသွားသော လက်နက်များနှင့် ပတ်သက်၍ သူ့အား ဖမ်းဆီးခြင်း မရှိ။


မိုး၊ ဗိုလ်မှူး ဂျေ၊ အေ၊ (Moore, Major J.A.)၊ ၁၉၀၈ ခုနှစ်တွင် မွေးဖွားသည်။ အိန္ဒိယ တပ်မတော်၏ လက်နက်ကြီးတပ်မှ အရာရှိ တဦးဖြစ်ပြီး၊ ဗိုလ်တထောင်ရှိ ပင်မ ခဲယမ်းမီးကျောက်တိုက်၏ တပ်မှူးဖြစ်ပါလျက် ဦးစော တပည့်များ ထုတ်ယူသွားသည့် လက်နက်များနှင့် ပတ်သက်၍ သူ့ကို ဖမ်းဆီးခဲ့သော်လည်း ပြစ်ဒဏ် ကျခံရခြင်း မရှိ။


ဗီဗီယန်း၊ ကပ္ပတိန် ဒေးဗစ် (Vivian, Captain David)၊ ၁၉၃၂ ခုနှစ်တွင် စတင် အရာရှိ ဖြစ်လာသည်။ အိန္ဒိယ တပ်မတော်မှ မြန်မာ လက်နက်ကိုင် ပုလိပ် တပ်ဖွဲ့သို့ လက်နက် အကြံပေး ပုဂ္ဂိုလ်အဖြစ် ဆောင်ရွက်ရန် လွှဲပြောင်းခြင်း ခံရလျက်၊ ဇူလိုင်လ ၂၀ ရက်တွင် အဖမ်းခံရပြီး လက်နက်များ ရောင်းချမှုဖြင့် စွဲချက် တင်ခံရသည်။ ထောင်ဒဏ် ၅ နှစ်နှင့် ရူပီး ငါးထောင် ငွေဒဏ်၊ ၂ ခု ပူးတွဲ အပြစ်ပေး ခံရသည်။ သို့သော် ၁၉၄၉ ခုနှစ်၊ အင်းစိန်ကို ကရင် လက်နက်ကိုင် သူပုန်တပ်များ သိမ်းပိုက်ရာတွင် လွတ်မြောက်ခဲ့သဖြင့် ကရင့် တော်လှန်ရေးသမားများနှင့် ပူးပေါင်းခဲ့သည်။ ထို့နောက် အလယ်ရိုးမမှ တဆင့် အရှေ့ရိုးမ တောတွင်း လက်နက်ကိုင် ကရင်စခန်းများသို့ ရောက်သွားရာမှ ၁၉၅၀ ခုနှစ်၊ သြဂုတ်လတွင် ထိုင်းနယ်စပ် အနီးရှိ ကော့ကရိတ် နယ်မြေအတွင်း လယ်တဲတခု၌ ကရင့် တော်လှန်ရေး ခေါင်းဆောင် စောဘဦးကြီးနှင့် အတူ ခေတ္တ စခန်းချနေခိုက် ဗမာ့ တပ်မတော်နှင့် တိုက်ပွဲဖြစ်ကာ အသတ်ခံရသည်ဟု မြန်မာ အာဏာပိုင်များက ယူဆခဲ့သော်ငြားလည်း အမှန်စင်စစ် ထိုနေ့က ထိုနေရာတွင် သူမရှိခဲ့ပါ။ ၁၉၅၀ နှစ်လယ် ခန့်၌ ထိုင်းနိုင်ငံမှတဆင့် ဗြိတိန်နိုင်ငံသို့ ပြန်သွားသည့် အချိန်အထိ သူသည် နှစ်ပေါင်းများစွာ ကရင် တော်လှန်ရေးသမားများနှင့် လွတ်မြောက် နယ်မြေများ အတွင်း နေထိုင်ခဲ့သည်။ ထို့နောက် ၁၉၈၀ ခုနှစ် အတွင်း ဝေလနယ်၊ ဆွမ်စီးမြို့တွင် ကွယ်လွန် သွားခဲ့သည်။


ကပ္ပတိန် ဗီဗီယန်း၏ ဖြောင့်ဆိုချက် တခု၊ "သူဤသို့ ဖြစ်ရခြင်းမှာ သူတို့က ကလောမြို့ တပ်စခန်း အနီး စစ်သားများ စီးနင်းလာသော ရထားတစင်းကို ၁၉၄၇ ခုနှစ်၊ ဧပြီလအတွင်း မိုင်းဗုံးဖြင့် ဖောက်ခွဲခံရသဖြင့် သူ့ ရဲဘော် အတော်များများ အသက်ဆုံးရှုံးရသည့် အကြောင်းကို တရားသူကြီး ဦးသောင်းစိန် (အကျဉ်းဦးစီးဌာန မင်းကြီး) အား နောက်ကြောင်းလှန်၍ ဆက်လက် ပြောဆိုပြခဲ့သည်။ ဤသို့သော အကောက်ကြံ ဖျက်ဆီးမှုနှင့် ပတ်သက်၍ သံသယ ရှိခံရသူများမှာ 'ပြည်သူ့ ရဲဘော်' တပ်ဖွဲ့ဝင်များ ဖြစ်ကြပြီး ထိုပြည်သူ့ရဲဘော် တပ်ဖွဲ့မှာ တကယ်တမ်းအားဖြင့် ဦးအောင်ဆန်း၏ ကိုယ်ပိုင် ပြည်သူ့စစ် အဖွဲ့ ဖြစ်လေသည်။ သေဆုံးသူ၊ ဒဏ်ရာရသူ စစ်သားများမှာ ဝေလ ရဲဂျီးမဲင့်၏ တပ်ရင်း (၂)၊ တပ်ခွဲ (က) မှ ဖြစ်ကြပြီး ဝေလနယ်သား ဖြစ်သူ ဗီဗီယန်း အနေဖြင့် ယင်းအဖြစ်အပျက် အတွက် ဗိုလ်ချုပ် အောင်ဆန်း အပေါ်၌ ခါးခါးသီးသီး နာကြည်း ခံစားမိသည်ဖြစ်ရာ နောက်ဆုံး အကျိုးဆက် အားဖြင့် သူသည် ဦးအောင်ဆန်း၏ အဓိက ပြိုင်ဘက်ကြီး ဖြစ်သော ဦးစောနှင့် မဟာမိတ် ဖွဲ့မိခြင်း ဖြစ်လေတော့သည်။"

ထို့အပြင် ဗိုလ်တထောင်နှင့် အခြား လက်နက် သိုလှောင်ရုံတို့မှ လက်နက်များ ရယူနိုင်ရေး အတွက် ရဲအဖွဲ့၏ စာရွက်စာတမ်း အတုများ ပြုလုပ်ပေး ခဲ့သူမှာလည်း ကပ္ပတိန် ဗီဗီယန်း ဖြစ်သည်။


ကရင် တော်လှန်ရေး နယ်မြေတွင် နေထိုင်စဉ် ကာလ၌ ဤထူးဆန်းလှသော ဗြိတိသျှ ကပ္ပတိန်နှင့် နီးနီးကပ်ကပ် ရှိခဲ့ကြသော ကရင် သူပုန်များ အနေဖြင့် သူ့အား အမြဲငေးငိုင်ကာ မိတ်ဆွေဖွဲ့ရန် ခက်ခဲသော လူတယောက် အဖြစ် လည်းကောင်း၊ ဦးအောင်ဆန်း တို့ကို့ လုပ်ကြံ သတ်ဖြတ်မှုနှင့် ပတ်သက်သော မည်သည့် အကြောင်းအရာကိုမျှ ပြောဆိုလိုစိတ် အလျှင်းမရှိသူ တဦး အဖြစ် လည်းကောင်း မှတ်မိ နေကြသည်။


ဗိုလ်ချုပ်အောင်ဆန်း လုပ်ကြံခံရသည့် အနှစ် (၅၀) မြောက် အဖြစ် ဘီဘီစီ (၂) တီဗွီ အစီအစဉ် တင်ဆက်သူက သူတို့ သုတေသနပြု တွေ့ရှိချက်တွေကို ဖော်ထုတ် တင်ဆက်ရာမှာ၊ ဗိုလ်ကြီး ဒေးဗစ်ဗီဗီယန်း (Vivian, Captain David) သည် ကရင့်လှုပ်ရှားမှုတွင် လည်းကောင်း၊ ဦးစော၏ ပူးပေါင်း ကြံစည်မှုတွင် လည်းကောင်း ပါဝင် ပတ်သက်နေသူ နောက်တဦး ဖြစ်သည်။ ၁၉၅၄ ခုနှစ်တိုင်အောင် ကရင်များနှင့် အတူ တိုက်ခိုက်ခဲ့သော နေ့ရက်ဟူသော သူ၏ နေ့စဉ် မှတ်တမ်းနှင့် ဂျွန်မော်ဂင် (John Morgan) ဟူသော နာမည်ဖြင့် အထောက်အထားတုများ အသုံးပြုကာ ၁၉၅၅ ခုနှစ်တွင် ထိုင်းနိုင်ငံမှ ဗြိတိန်သို့ သူပြန်လာခဲ့ခြင်းကို ဘီဘီစီမှ သုတေသနပြု သူများက ရှာဖွေ တွေ့ရှိခဲ့သည်။ ဗိုလ်ကြီး ဗီဗီယန်နှင့် ပတ်သက်သော မှတ်ချက်များ နိုင်ငံခြားရေးရုံးမှ ဖိုင်တွဲများမှာ အဖျက်အဆီး ခံရပုံရသည်။ ဘန်ကောက်ရှိ ဗြိတိသျှ သံရုံးက "သူသည် မြန်မာနိုင်ငံတွင် ထောင်ကျခံရမှုမှ ရှောင်ပြေးလာခဲ့ကြောင်း သိရှိခဲ့သည်" ဟူသော အချက်ကို အညွှန်းဇယား တခုက ပြသခဲ့သည်။ စောစောပိုင်းက မြန်မာနိုင်ငံတွင် ထောင်ကျခဲ့စဉ်က "ဗြိတိန်က တစုံတယောက်က ကျနော့်ကို ဖယ်ရှားချင်နေတယ်။ စကားပြောခွင့်လဲ မပေးခဲ့ဘူး။ အချက်အလက်တွေကို ကျနော် ပြောလိုက်ရရင် အထူးသဖြင့် ဗြိတိသျှတွေနဲ့ မြန်မာတွေ အကြား အကြီးအကျယ် ဆူပွက်ကုန်လိမ့်မယ်" ဟု သူက ဗြိတိသျှ အာဏာပိုင်များကို ပြောဆိုခဲ့သည်။


ယမ်း၊ ဗိုလ်မှူး စီဟင်နရီ (Young, Major C. Henry)၊ အိန္ဒိယ တပ်မတော် လျှပ်စစ်နှင့် စက်မှု အင်ဂျင်နီယာ အလုပ်ရုံတပ်ခွဲ၏ တပ်မှူး တဦးဖြစ်၍ ဦးစောကို လက်နက် ပေးကမ်းခဲ့မှုဖြင့် ၁၉၄၇ ခု၊ သြဂုတ်လ ၂၄ ရက်နေ့တွင် အဖမ်းခံရပြီး၊ ထောင်ဒဏ် ၂ နှစ် အပြစ်ပေးခံရသော်လည်း အသနားခံစာ တင်သဖြင့် လွှတ်ပေးခဲ့သည်။ မြန်မာနိုင်ငံမှ ချက်ချင်း ထွက်ခွာ သွားခဲ့ပါသည်။


စစ်ဆေး မေးမြန်းရာတွင် သူနှင့် ဦးစော ဆက်နွယ်မှု ရှိနေသည်ကို မေဂျာ ယမ်းက အလွယ်တကူပင် ဝန်ခံခဲ့သည်။ ဂဠုန်တပ်၏ အကြီးအကဲ ဖြစ်သော ဦးစောနှင့် အင်းလျားကန်ခြားလျက် သူ နေထိုင်ခဲ့သည်။ ဦးစောသည် မေဂျာ ယမ်းနှင့် အချိန် အတော်ကြာကြာကြီး နီးနီးကပ်ကပ် ဆက်သွယ်မှု ရှိခဲ့သည်။ တချိန်တွင် အေဒီလမ်းရှိ သူ့ နေအိမ်၌ ကျင်းပသော ပါတီပွဲသို့ ယင်းဗြိတိသျှ အရာရှိ တက်ရောက်ခဲ့ဖူးသည်။ ထိုပါတီပွဲသို့ ဗီဗီ ယန်းလည်း ရောက်ရှိခဲ့သည်။ ထိုပါတီပွဲ၌ ဦးစောနှင့် ဗြိတိသျှ ကောင်စီမှ 'ဘင်ဂလေ' ဆိုသူကို မေဂျာယမ်းက မိတ်ဆက်ပေးခဲ့ခြင်း ဖြစ်သည်။ ထိုသို့ တွေ့ဆုံရာတွင် ဘင်ဂလေက ဦးစောကို "ကျနော်တို့ ခင်ဗျားကို အပြည့်အဝ ကူညီဖို့ ပြင်ဆင်ထားပြီးပါပြီ" ဟု အသံကျယ်ကြီးဖြင့် အာမခံချက် ပေးခဲ့ကြောင်း ယမ်းက ပြောဆိုခဲ့သည်။


ဦးထွန်းလှအောင်သည် ဗီဗီယန်းထံ ဦးစောက ပေးပို့သော လျှို့ဝှက် သင်္ကေတဖြင့် ရေးထားသည့် မိတ္တူများကို ဗြိတိသျှ မေဂျာအား ပြလိုက်သည်။ မေဂျာယမ်းသည် အံ့သြလောက်အောင်ပင် ဤလျှို့ဝှက် ဆန်းကြယ်မှုကို ဖြေရှင်း ပြတော့သည်။


♦ 'တဈေက ညတိုင်း ထော့နင်း ထော့နင်း ဖြစ်နေသည်' - မေဂျာယမ်းက သူ့အိမ်မှာ ထော့နင်း ထော့နင်း ဖြစ်နေသော တဈေ အခြောက်ခံရသည်ဟု နာမည်ကြီးနေကြောင်း ရှင်းပြသည်။


♦ 'ငှက်ပျောသီးအစိမ်းနဲ့ ဧည့်ခံ' - ဦးစော၏ ပါတီပွဲတွင် တည်ခင်း ဧည့်ခံသော ငှက်ပျောသီး အမျိုးအစား ဖြစ်သည့် အစိမ်းရောင် သီးမွှေး ငှက်ပျောသီး အရှည်များကို ဆိုလိုခြင်း ဖြစ်သည်။


♦ 'သံပုရာရည်မှာ ဒေးဗစ်၏ အချစ်ဆုံး' သည် ဒေးဗစ်မှာ အခြားသူ မဟုတ်ဘဲ ဗြိတိသျှ မေဂျာ၏ သားအငယ် ဖြစ်သည်။ သူသည် သံပုရာရည်ကို ကြိုက်နှစ်သက်ပြီး ပါတီပွဲများတွင် ယင်းကိုသာ နှစ်နှစ်ခြိုက်ခြိုက် သောက်သုံးသူ ဖြစ်သည်။


ကာတစ်၊ ဘင်နစ်, ဆာ ဖရက်ဒရစ် ဟင်နရီ (ဒဲရက်) ကေစီ (Curtis- Bennett, Sir Frederick Henry (Derek) KC၊ ၁၉၀၄ ခုနှစ်တွင် မွေးဖွားခဲ့သည်။ ဘုရင့် ဥပဒေ အကြံပေး ပုဂ္ဂိုလ်ဖြစ်၍ ရာဇဝတ်မှုခင်းများတွင် အောင်မြင် ကျော်ကြားသော ဗြိတိန်နိုင်ငံသား ရှေ့နေ တဦးဖြစ်သည်။ အထူးခုံရုံးတော်တွင် တရားပြိုင်ရာ၌ သူ့ကို ကာကွယ်ခုခံရန် အကြီးတန်း အကြံပေး အဖြစ် ဦးစောက ငှားရမ်း ခန့်အပ်ခဲ့သည်။ ၁၉၅၆ ခုနှစ်၊ ဇူလိုင်လ ၂၃ ရက်နေ့တွင် သူနေထိုင်ရာ လန်ဒန်တိုက်ခန်းထဲတွင် သေဆုံးလျက် ရှိသည်ကို တွေ့ရသည်။ ရင်ခွဲ စစ်ဆေးသူ ဆရာဝန်က လွန်ခဲ့သည့် ၄/၅ ရက်ကပင် သူ သေဆုံးပြီး ဖြစ်သည်ဟု ထင်မြင်ချက် ပေးသည်။ သို့ဖြစ်လျှင် သူသေဆုံးရက်သည် နာမည်ဆိုးဖြင့် ကျော်ကြားလျက် သေဒဏ် ကျခံခဲ့ရသော သူ၏ အမှုသည် ကျူးလွန်ခဲ့သော ဇူလိုင်လ ၁၉ ရက် အမှု (၉) နှစ် ပြည့်မြောက်သည့် နေ့ရက်ခန့်တွင် ဖြစ်နေပေတော့သည်။


ဗာတန်န (စ်), ဘင်ဂျမင်ရာဖေးရယ် (Vertannes,Benjamin Raphael)၊၊ ယခင်က စစ်တပ်မှ ဗိုလ်ကြီးတဦး ဖြစ်၍၊ ထို့နောက် ရန်ကုန်မြို့ရှိ တရားလွှတ်တော်တွင် ရှေ့နေ ဖြစ်လာပြီး၊ ဦးစော အတွက် ခုခံကာကွယ် ပေးခဲ့သည့် အငယ်တန်း ဥပဒေ အကြံပေး ဖြစ်ခဲ့သည်။ မူလဇာတိ အားဖြင့် မြန်မာနိုင်ငံမှ ဖြစ်သော်လည်း လွတ်လပ်ရေး ရပြီးသည့် အခါ အငြိမ်းစားယူ၍ ဗြိတိန်နိုင်ငံသို့ ရွှေ့ပြောင်းသွားခဲ့သည်။

လျှိုဝှက် ဆန်းကြယ်သည့် ဖြစ်ရပ်များနှင့် လူပုဂ္ဂိုလ်များ

ဗြိတိသျှတို့ထံမှ အာဏာ လွှဲပြောင်းယူရေး ကြိုးပမ်း နေဆဲ ကာလ၌ မြန်မာနိုင်ငံ၏ အရည်အချင်း အမြင့်မားဆုံး ခေါင်းဆောင်များမှာ နိုင်ငံတော် အချုပ်အခြာ အာဏာ ရရှိပြီး လွတ်လပ်ရေး မကြေညာနိုင်မီပင် အသက်ဆုံးရှုံး သွားခဲ့ရသည့် လူမသမာတို့၏ အကွက်ကျကျ စီစဉ် လုပ်ကြံခဲ့မှုကြီးတွင် ရုံးတော်၏ နောက်ဆုံး စီရင်ချက်ထက် ကျော်လွန်ပြီး ကြိုးပမ်းမိသူ အချို့မှာ သက်ဆိုး မရှည်ကြပေ။

တု(ခ်)၊ ကောလင်း (Tooke, Colin)၊ ရန်ကုန်အနီးရှိ ဟံသာဝတီမှ ခရိုင် ရဲဝန်ထောက်ဟောင်း တဦး ဖြစ်သူသည် ဤခုံရုံး၏ စစ်ဆေးမှု ပြီးသည့်နောက် ဦးစော၏ အမှုကို လျှို့ဝှက်စွာ စတင် စုံစမ်း ထောက်လှမ်းခဲ့သည်။ တစုံတခု မှားယွင်းနေပြီဟု သူထင်ခဲ့သည်။ တနေ့ သူအိမ်ပြန် ရောက်သောအခါ သူ့ ဗမာအိမ်ဖော်က သူ့အယ်လ်ဇေးရှင်း ခွေးကြီးမှာ ခွေးရူး ပြန်နေပြီဟု ပြောခဲ့သည်။ သို့ဖြင့် သူ့ခွေးကို သူ သေနတ်ဖြင့် ပစ်သတ်လိုက်ရပြီး၊ သူ့ခွေးမှာ အနီးရှိ မြစ်ကမ်းဘေးတွင် လဲသေနေလေပြီ။ တု (ခ်) မှာ ယုံကြည်၍ မရနိုင်အောင် ဖြစ်နေသည်။ ထုံးစံအားဖြင့် ခွေးရူးပြန်ရောဂါမှာ အချိန်အတန်ကြာ စတင် ဖြစ်ပွားရမြဲဖြစ်ပြီး ထိုနေ့ နံနက်ကပင် သူ့ခွေးမှာ အကောင်းပကတိ ဖြစ်နေသည် မဟုတ်ပါလား။ သို့ဖြစ်၍ တု (ခ်) သည် သူ့ခွေး၏ ခေါင်းကို ဖြတ်ကာ ရန်ကုန်မြို့ရှိ တိရစ္ဆာန်ကု ဆရာဝန်ထံ ယူသွားပြီး စစ်ဆေးကြည့်ရာ တိရစ္ဆာန်ကု ဆရာဝန်က သူ့ခွေးတွင် ခွေးရူးပြန် ရောဂါ မရှိကြောင်း အတည်ပြုခဲ့သည်။ ထို့နောက် သူ့အိမ်ကို ဖောက်ထွင်းခံခဲ့ရပြီး ဗိုလ်ချုပ်အောင်ဆန်း လုပ်ကြံခံရမှုနှင့် ပတ်သက်သော သူ၏ စာရွက်စာတမ်း ဖိုင်တွဲများ ပျောက်ဆုံး သွားခဲ့ရပြန်သည်။ ရက်သတ္တပတ် အနည်းငယ် ကြာပြီးနောက် အစာ အဆိပ်သင့်ပြီး တု(ခ်) သည် ဆေးရုံတွင် သေဆုံး သွားခဲ့လေတော့သည်။


ဦးစော အမှုနှင့် ဆက်နွယ်လျက် အဆန်းတကြယ် သေဆုံးခဲ့ရသူ နောက်တဦးမှာ ဦးတင်ထွဋ် ဖြစ်သည်။ သူသည် ဦးအောင်ဆန်း၏ လုံးဝ ယုံကြည်မှုကို ခံရသော တဦးတည်းသော ဗျူရိုကရက် အရာရှိ ဖြစ်သည်။


ဦးတင်ထွဋ်၊ ၁၈၉၅ ခုနှစ်တွင် မွေးဖွားသည်။ ဒါးလ်ဝစ်ခ်ျ ကောလိပ် (Dulwich College) နှင့် ကိန်းဘရစ် တက္ကသိုလ် (Cambridge University) တို့တွင် ပညာ သင်ကြားခဲ့သည်။ အိန္ဒိယ ပဋိညာဉ်ခံဝန်ထမ်း (ICS) တဦးဖြစ်ပြီး၊ ရန်ကုန် တက္ကသိုလ်၏ ဒု-အဓိပတိ (Vice-Chancellor) ဖြစ်ခဲ့သည်။ ဒိုင်အာခီခေတ်နှင့် (၉၁) ဌာနခေတ်များ၌ ဝန်ကြီးအဖွဲ့ အတော်များများတွင် အတွင်းဝန်ချုပ် အဖြစ် ဆောင်ရွက်ခဲ့သည်။ သူ၏ အစ်ကိုမှာ တရားလွှတ်တော်ချုပ်၊ တရား ဝန်ကြီးချုပ် ဦးကျော်မြင့် ဖြစ်သည်။


မြန်မာပြည် လွတ်လပ်ရေး ရရှိပြီး ပထမဆုံး အစိုးရ အဖွဲ့တွင် ဦးတင်ထွဋ်သည် နိုင်ငံခြားရေး ဝန်ကြီးအဖြစ် ခန့်အပ်ခြင်း ခံခဲ့ရသည်။ သို့သော် ၁၉၄၈ ခုနှစ်၊ သြဂုတ်လတွင် နုတ်ထွက်ခဲ့ပြီး ဗိုလ်မှူးချုပ် ရာထူးဖြင့် အရန် လက်နက်ကိုင်တပ်များ၏ စစ်ဦးစီးချုပ် ဖြစ်သည်။ နိုင်ငံ့ ထိပ်တန်းအကြီးတန်း ဝန်ထမ်းတဦးနှင့် အစိုးရ အဖွဲ့ဝင် ဝန်ကြီး တဦးအား စစ်တပ်မှ မြင့်မားလှသော ရာထူး တခုသို့ ပေးအပ်ခံရခြင်းမှာ ထူးဆန်းကောင်း ထူးဆန်း နေပေလိမ့်မည်။ သို့သော်လည်း သူ၏ အသက်မွေး ဝမ်းကျောင်းမှု ဘဝသည် စစ်မှုထမ်း ဘဝမှ စတင်ခဲ့ခြင်း ဖြစ်သည်ကို တော်တော်များများ မသိကြချေ။


သူသည် အိန္ဒိယရှိ အင်ဒို စစ်တက္ကသိုလ်မှ ဘွဲ့ရခဲ့ပြီး အိန္ဒိယ ပဋိညာဉ်ခံ ဝန်ထမ်းဘဝသို့ ဝင်ရောက်ရန် အတွက် စစ်တပ် အရာရှိ ရာထူးကို စွန့်လွှတ်ခဲ့ခြင်း ဖြစ်သည်။ သမ္မတ နိုင်ငံတော်သစ် အနေဖြင့် ပြည်တွင်းစစ်မီး တောက်လောင်ပြီး ပျက်စီးလုနီးပါး အခြေအနေသို့ ဆိုက်ရောက် နေချိန်တွင် စစ်မှုထမ်းဟောင်းများကို ရနိုင်သလောက် ပြန်လည် စုစည်း၍ ခိုင်မာသည့် ပြည်ထောင်စု အရန် တပ်မတော် (Union Auxiliary Forces) ဖွဲ့စည်းရေး လေးလံလှသည့် တာဝန်ကြီးကို သူ့ဖာသာ ကမ်းလှမ်းခဲ့ခြင်း ဖြစ်သည်။ 'The New Times of Burma' သတင်းစာကို စတင် ထူထောင်သူနှင့် ယင်း၏ အယ်ဒီတာ ဖြစ်လာခဲ့သည်။ သူသည် တရားသူကြီး ဦးကျော်မြင့်၏ အကိုလည်း တိုက်တိုက်ဆိုင်ဆိုင် ဖြစ်နေခဲ့သည်။ ထို့အပြင် သူ့သတင်းစာတွင် အသုံးပြုရန် အတွက် ဦးစော၏ အမှုကို ထိုအချိန်က ဦးတင်ထွဋ်သည် စူးစမ်း လေ့လာ နေခဲ့သည်ဟု အများက ယုံကြည်ခဲ့ကြသည်။


၁၉၄၈ ခုနှစ်၊ စက်တင်ဘာလ အတွင်း တည၌ ဦးတင်ထွဋ်သည် စပတ်လမ်းရှိ သူ့သတင်းစာတိုက် ရုံးခန်းမှ ကားဖြင့် ထွက်ခွာရာ ပေါက်ကွဲစေနိုင်သော ကိရိယာ တခုက သူ့ကား အတွင်း ပေါက်ကွဲသွားသည်။ ဆီဒင်ကား အတွင်းရှိ ကားမောင်းသူနှင့် အစောင့် ဂေါ်ရခါး နှစ်ဦး (တဦးမှာ သူ့ဘေးတွင် ထိုင်နေသည်) မှာ ချက်ချင်းပင် သေဆုံး သွားခဲ့သည်။ ဗိုလ်မှူးချုပ် အနေဖြင့် သေလောက်အောင် ဒဏ်ရာရသွားပြီး၊ သိပ်မဝေးလှသော ရန်ကုန် ဆေးရုံကြီးသို့ တက်သုတ်ရိုက် ပို့ကြသော်လည်း ဆေးရုံကြီးရောက်ပြီး သိပ်မကြာမီမှာပင် သေဆုံး သွားလေသည်။ သဘာဝတရားက ပြက်ရယ်ပြု သကဲ့သို့ပင် လွန်ခဲ့သော တနှစ်ခွဲခန့်က ဦးအောင်ဆန်း လုပ်ကြံခံခဲ့ရသော အတွင်းဝန်ရုံးကို လှမ်းမြင်နိုင်သည့် နေရာ၌ ဤရာဇဝတ်မှု ဖြစ်ပွားခြင်း ဖြစ်သည်။


ဦးတင်ထွဋ် အသတ်ခံရမှုသည် ဦးအောင်ဆန်း လုပ်ကြံခံရမှုကြီးအား သူက သုတေသန ပြုလုပ်နေခြင်းနှင့် ဆက်နွယ် ပတ်သက် နေသလော၊ သို့မဟုတ် လက်နက်ကိုင်တပ်များ အတွင်း အားပြိုင်နေခြင်းနှင့် သက်ဆိုင်ပါသလော။


၁၉၄၇ ခုနှစ်၊ အတွင်းက မော်လမြိုင်၌ ပြည်ထောင်စု စစ်ရဲတပ်ဖွဲ့ (Union Military Police) တွင် ဒု-ဗိုလ် အဖြစ် တာဝန် ထမ်းဆောင်နေသော တိုင်းရင်းသား ကရင်နီလူမျိုး (ကယား) ဖြစ်သည့် စောယိုးရူး (Saw Yoo Shoo) သည် သူ၏ ဗြိတိသျှ အရာရှိဖြစ်သူ ဗိုလ်ကြီး မိုက်ကယ်လီလေး (Captain Michael Lilley) ဇူလိုင်လ ၁၈ ရက်နေ့တွင် သူ့ထံသို့ ရောက်လာပြီး "အောင်ဆန်း မကြာမီ လုပ်ကြံခံရလိမ့်မယ်။ မငြိမ်မသက် ဖြစ်လာခဲ့ရင် မော်လမြိုင်မြို့ကို ထိန်းချုပ်ထားနိုင်ဖို့ အသင့်ပြင်ထားပါ" ဟု ပြောခဲ့သည်ကို ယနေ့ထက်တိုင် မှတ်မိနေသေးသည်။ ဗိုလ်ကြီးလီလေး မည်မျှလောက် ပိုမိုသိထားသည် ဆိုသည်ကို မည်သူမျှ မသိနိုင်တော့ချေ။ အဘယ်ကြောင့် ဆိုသော် သူသည် များမကြာမီ အချိန် အတွင်း မော်လမြိုင်မြို့တွင် ရုတ်တရက် သေဆုံး သွားခဲ့သောကြောင့် ဖြစ်သည်။


ဗိုလ်ချုပ်ထွန်းလှအောင်၊ ၁၉၀၂ ခုနှစ်တွင် ရန်ကုန်မြို့၌ မွေးဖွားခဲ့သည်။ အင်္ဂလိပ် အစိုးရလက်ထက် ဘုရင့် ရဲတပ်ဖွဲ့ဝင်နှင့် မှုခင်း စုံစမ်း စစ်ဆေးရေး ဌာန၏ ဒု-ရဲချုပ်၊ ဦးစောနှင့် သူ့အပေါင်းအပါများကို လျင်မြန်စွာ ဖမ်းဆီးနိုင်ခဲ့သည့် အတွက် နိုင်ငံတော်၏ လေးစားမှုကို ခံခဲ့ရသည်။ တရားသူကြီးမင်း ဦးသောင်းစိန်နှင့် အတူတွဲ၍ ဦးစော၏ လုံခြုံရေး တာဝန်ကို ယူခဲ့ရသည်။ လွတ်လပ်ရေး ရပြီးနောက် ရဲချုပ် ဖြစ်လာခဲ့ပြီး၊ ၁၉၄၈ ခုနှစ်၊ လွတ်လပ်ရေးရပြီးနောက် သြဂုတ်လတွင် ဗိုလ်ချုပ် ရာထူးဖြင့် ဒု-ဦးစီးချုပ် အဆင့်သို့ တိုးမြှင့်ခြင်း ခံခဲ့ရသည်။ ၁၉၆၀ ခုနှစ်တွင် ရန်ကုန်မြို့၌ ကွယ်လွန်သွားခဲ့သည်။


ဦးထွန်းလှအောင်သည် ဆင်း(ဒ်)ဟတ်(စ်) (Sandhurst) ဘုရင့် စစ်ကောလိပ်သို့ ဝင်ခွင့်ရခဲ့သူ ပထမဦးဆုံး မြန်မာ အမျိုးသားဖြစ်ပြီး ၁၉၂၂ ခုနှစ်တွင် သင်တန်းပြီးဆုံး၍ ဘွဲ့ရသည်နှင့် ဘုရင်၏ ရာထူး ခန့်ထားခြင်းကို ခံခဲ့ရသူ ဖြစ်သည်။ သူသည် ၁၉၄၈ ခုနှစ်နှောင်းပိုင်းတွင် လန်ဒန်ရှိ မြန်မာသံရုံးသို့ မြန်မာစစ်သံမှူး အဖြစ် စေလွှတ်ခြင်း ခံခဲ့ရသည်။ ထိုရာထူးမှာ ယခင်က သူကိုင်တွယ်ခဲ့ရသည့် ရာထူးထက် အဆင့်များစွာ နိမ့်သော ရာထူး ဖြစ်လေသည်။ ၁၉၅၁ ခုနှစ်တွင် ဗြိတိန်နိုင်ငံ၌ သူ့တာဝန်သက်တမ်း ကုန်ဆုံးခဲ့ပြီး သူသည် မိခင်တိုင်းပြည်သို့ ပြန်လာခဲ့သည်။ သို့သော် သူစီးလာသော သင်္ဘော သီဟိုဠ်ကျွန်း (ယခု သီရိလင်္ကာ) ကိုလံဘို ဆိပ်ကမ်း ဆိုက်ကပ်ချိန်တွင် သူ့ကို မြန်မာ ထောက်လှမ်းရေး အရာရှိများက လာရောက် တွေ့ဆုံပြီး သူကိုင်ဆောင်ထားသော နိုင်ငံကူး လက်မှတ်ကို ပယ်ဖျက် ပစ်လိုက်ကြသည်။ ဤသည်မှာ ရှင်းလင်းပြ၍ မရနိုင်လောက်သော ထူးဆန်းမှု ဖြစ်သည်။ ဤသို့ဖြင့် သူသည် သီဟိုဠ်တွင် ၁၉၅၄ ခုနှစ် အထိ သောင်တင် နေခဲ့ရသည်။ မြန်မာနိုင်ငံ၏ ဗမာ့ တပ်မတော်၌ အရင်းခံ အဆင့်အမြင့်ဆုံး စစ်တပ် အရာရှိကြီး ၄ ဦး ရှိသည့် အနက် ၁၉၄၉ ခုနှစ်၊ အရောက်တွင်မူ ဦးနေဝင်း တယောက်သာ ကျန်ခဲ့ပေတော့သည်။

လုပ်ကြံမှုကြီးနှင့် ကွဲပြားသည့် အမြင် ၃ ရပ်

၁၉၆၂ ခုနှစ်တွင် စစ်တပ်က အာဏာသိမ်းခဲ့ပြီးနောက် ပထမဆုံး အကြိမ် ကျရောက်သည့် ဇူလိုင်လ ၁၉ ရက်နေ့ (ဝါ) အာဇာနည်နေ့တွင် အာဇာနည်ကုန်းသို့ စစ်ဝတ်စုံပြည့်ဖြင့် ချီတက်ကြရန် တော်လှန်ရေး ကောင်စီဝင်များ၏ စိတ်ကူးတွင် ပေါ်လာပြီး စီစဉ်ခဲ့ကြသည်။ တပ်မတော် စတင် တည်ထောင်ခဲ့သူ ဦးအောင်ဆန်းသာ အသက်ထင်ရှား ရှိခဲ့ပါမူ ယခု အာဏာသိမ်းမှုကို သဘောတူညီ ပေလိမ့်မည်ဟု ပြည်သူလူထုကို ပြသရန် ဖြစ်သည်။ တော်လှန်ရေး ကောင်စီဝင် ၁၇ ဦး ရှိသည့်အနက် ၁၄ ဦးသည် ထိုချီတက်မှု စီစဉ်ရေးနှင့် ပတ်သက်သည့် အစည်းအဝေးသို့ တက်ရောက်ခဲ့ကြသည်။ ဗိုလ်မှူးချုပ် တင်ဖေက ဗိုလ်ချုပ်အောင်ဆန်း သေဆုံးခဲ့ရမှုကို ဝမ်းနည်းတသ ပြောဆိုလိုက်သည်။ ထိုအခါ ဗိုလ်ချုပ်နေဝင်းက ထရပ်လိုက်ပြီး … "ဘာလို့ ဝမ်းနည်းနေရမှာလဲ။ ဗိုလ်ချုပ်အောင်ဆန်းဟာ လူပျော့တယောက်ပဲ။ ဒါ့အပြင် တိုင်းပြည်ရဲ့ ပြဿနာတွေ အပေါ် သူ့ထက်စာရင် ဘယ်လို ကိုင်တွယ်ရမယ် ဆိုတာ ငါ အများကြီး ပိုသိတယ်" ဟု ခပ်ပြတ်ပြတ် ပြောဆိုလိုက်သည်။ ဗိုလ်ချုပ်အောင်ဆန်း၏ အာဇာနည်ဗိမာန်သို့ ချီတက်မည့် မဟာစီမံကိန်းကြီးမှာ ချက်ချင်းပင် ပျောက်ကွယ် သွားခဲ့လေတော့သည်။


ဤသို့အားဖြင့် ဗိုလ်ချုပ်အောင်ဆန်းနှင့် နိုင်ငံ ခေါင်းဆောင်ကြီးများ လုပ်ကြံခံရပြီးနောက် ဗြိတိန်နှင့် မြန်မာနိုင်ငံရှိ လူ့အဖွဲ့အစည်း အတွင်းတွင် လုပ်ကြံမှုကြီးနှင့် ပတ်သက်၍ အမြင်သုံးမျိုး ပေါ်ထွက်လာခဲ့သည်။ အတိုချုပ်ဆိုရလျှင် ၎င်းတို့မှာ .…

(၁) တရားဆိုင်မှုသည် တရားမျှတပြီးလျှင် ဦးစောအား အဓိက လက်သည်တရားခံ အဖြစ် ဖော်ထုတ်နိုင်ခဲ့သည်။

(၂) ဦးစောသည် ဆင်ကွက်ထဲ ဝင်မိခဲ့ပြီး တရားဆိုင်မှု တရပ်လုံးသည် တရားရေး ပြယုဂ်သာ ဖြစ်သည်။

(၃) ဦးစောသည် အပြစ်လည်း ရှိသည့်အပြင် ဆင်ကွက်ထဲသို့လည်း ဝင်မိခဲ့သည်။


ပထမ အမြင်သည် မြန်မာအ များစု ကိုယ်တိုင် ယုံကြည်သော အမြင်ဖြစ်ပြီး မြန်မာ ရဲအာဏာပိုင်များနှင့် စာရေးဆရာများ တင်ပြကြသော တရားဝင် အမြင်တရပ်လည်း ဖြစ်သည်။


ဒုတိယအမြင်မှာ ၁၉၄၀ ခုနှစ်၊ နှောင်းပိုင်းကာလက မြန်မာနိုင်ငံတွင် အမှုထမ်းခဲ့ဖူးပြီး ယခုအခါ ဗြိတိန်နိုင်ငံတွင် ရောက်ရှိ နေထိုင် နေကြသော ဗြိတိသျှ အရာရှိ အများအပြား၏ စွဲမြဲသော အမြင် ဖြစ်သည်။


တတိယ တွေးခေါ်မှု အမြင်မှာမူ အခြေခံအားဖြင့် ပြည်ပရောက် သဘောထား ကွဲလွဲသူ မြန်မာများအကြား မကြာမီ အချိန်ကမှ ပေါ်ထွက်လာသည့် အမြင် ဖြစ်သည်။

လုပ်ကြံမှုကြီးကို ကျူးလွန်စေခဲ့ရသည့် နောက်ကွယ်မှ အကြောင်းတရားသည် လုပ်ကြံ သတ်ဖြတ်မှုလေး တခုပေလော၊

၁၉၈၈ ခုနှစ်၊ စက်တင်ဘာလ (၁၀) ရက်၊ သာယာလှမောသော ဖလော်ရီဒါ၏ ညနေခင်း တချိန်တွင် ဗမာ့ လက်နက်ကိုင် ပုလိပ် သောင်းကျန်းမှု နှိမ်နင်းရေး တပ်ဖွဲ့ (Burma Armed Police Striking Force) တွင် အမှုထမ်းဆောင်ခဲ့ပြီး နောက်ပိုင်းတွင် ပေဖူးလွှာ မဂ္ဂဇင်းကို အယ်ဒီတာချုပ် အဖြစ် တာဝန်ယူ ထုတ်ဝေခဲ့သူ၊ ၁၉၉၁ ခုနှစ်က ရန်ကုန် ဆေးရုံကြီး၌ ကွယ်လွန်ခဲ့သူ ဗိုလ်လက်ျာ၏ ညီငယ် ဦးမြလှိုင် (ဆေးကုသခံယူရန် ၁၉၈၇ ခုနှစ်၊ ဇူလိုင်လ ကတည်းက အမေရိကန်သို့ ရောက်နေခြင်းဖြစ်) ၏ နေအိမ် ဖလော်ရီဒါ (Florida) ၌ အလုပ်လုပ်နေသော မြန်မာ ဆရာဝန် တဦးဖြစ်သည့် ဒေါက်တာကြင်ဟိုး (ခေါ် ) ဒေါက်တာနိုင်ဝင်းတို့ နှစ်ဦး ညစာ စားသောက်နေချိန်တွင် ၎င်းအကြောင်းအရာတို့ အပေါ် စကား စပ်မိသွားကြသည်။ ဆရာဝန်က မေးခွန်းမျိုးစုံကို အားတက်သရော မေးသည်။ သူ့မိတ်ဆွေက နိုင်ငံရေးသမား တဦးဖြစ်သည့် 'ရန်ကုန်ဘဆွေ' ဟု လူသိများသော သူ၏ တွဲဖက် တဦးပါ၊ ပါဝင် ပတ်သက်ခဲ့သည့် အံ့သြ ရင်ဖိုစရာ ဇာတ်လမ်းတရပ်ကို ဖော်ထုတ် ပြောပြလေတော့သည်။


သူနှင့် ရန်ကုန်ဘဆွေတို့ နှစ်ဦးမှာ ဦးစော၏ အသက်ကို ရန်ရှာသယောင် ကြံစည်နိုင်ရန် အတွက် ၂ လကြာ သင်တန်းပေး လေ့ကျင့်ခံရကြောင်း၊ ထိုသို့ ကြံစည်ခြင်းဖြင့် ဦးအောင်ဆန်းကို သွေးထိုး မြှောက်ပင့်ပေးသူ အဖြစ် အထင်မှား အမြင်မှားစေရန် ဖြစ်ကြောင်း သူက အတိအလင်း ဖွင့်ဟခဲ့သည်။ ဤသို့သော သူရဲဘောကြောင်လှသည့် လုပ်ရပ်အား စည်းရုံး စီမံသူများမှာ အခြားသူများ မဟုတ်။ ဗိုလ်ချုပ်နေဝင်းနှင့် သူ၏ အနီးကပ်ဆုံး လုပ်ဖော်ကိုင်ဖက် ဖြစ်သူ ဗိုလ်မှူးချုပ် အောင်ကြီးတို့သာ ဖြစ်သည်ဟု ဦးမြလှိုင်က ပြောပြခဲ့ပါသည်။

ဒေါက်တာကြင်ဟိုး ပြန်ပြောင်း ပြောပြသည့် ဦးမြလှိုင်၏ ပြောဆိုချက်မှာ အောက်ပါအတိုင်း ဖြစ်သည်။


တနေ့ ကျနော် စစ်ရုံးမှာ အလုပ်ပြီးလို့ အိမ်ပြန်မယ် အလုပ်မှာ ကျနော့် ဆရာ ဗိုလ်အောင်ကြီးက "ကိုမြလှိုင် ခင်ဗျား အိမ်မပြန်နဲ့အုံး၊ ကျနော့်အိမ် လိုက်ခဲ့။ အရေးကြီးတဲ့ ကိစ္စတခု ဆွေးနွေးစရာ ရှိတယ်" လို့ ကျနော့်ကို ပြောပါတယ်။ ကျနော် သူနဲ့ လိုက်သွားပါတယ်။ အဲဒီနောက် သူက ကျနော့်ကို မေးတယ်။ "ခင်ဗျားမှာ ငွေ ဘယ်လောက် ရှိသလဲတဲ့"။ ကျနော်က … "ကျနော့်မှာ ငွေတသိန်း၊ နှစ်သိန်းလောက်တော့ ရှိတယ်" လို့ ပြန်ဖြေတော့ သူက … "ကောင်းတယ်၊ ဒါဆို ခင်ဗျားအိမ် အတွက် လုံလောက်တယ်။ ကျနော်တို့မှာ အထူးတာဝန် တခု လုပ်စရာ ရှိတယ်။ ကျနော့် အိမ်မှာ ခင်ဗျားနေ၊ အားလုံး ကိစ္စ ဝိစ္စပြီးရင် ခင်ဗျား အိမ်ပြန်နိုင်တယ်" လို့ ပြောပြတယ်။ ဒီလိုနဲ့ ဗိုလ်အောင်ကြီး အိမ်မှာ ကျနော် ၂ လလောက် နေခဲ့ရတယ်။ ရန်ကုန်ဘဆွေကတော့ ဗိုလ်နေဝင်း အိမ်မှာ နေပြီး သေနတ်တလက်နဲ့ အပစ် လေ့ကျင့် နေရတယ်။ လုံးဝ သေချာဖို့ ကျနော်တို့ကို ပိုလေ့ကျင့်ပေးတာပါ။ (တကယ်တမ်းက ရန်ကုန်ဘဆွေက လက်တည့် ပြီးသားပါ)။ ဦးစောရဲ့ လှုပ်ရှားမှုကို ကျနော်တို့ အသေးစိတ် လေ့လာရတယ်။ သူ ရုံးကို သွားဖို့ အိမ်ကနေ ဘယ်အချိန် ထွက်တယ်။ ဘယ်အချိန် ပြန်ရောက်တယ် စသဖြင့်ပေါ့။ ဦးစော အသက်ကို ရန်ရှာဖို့ လုပ်တဲ့နေ့က သူက သူ့အနက်ရောင် ကားကြီးထဲမှာ ဒရိုင်ဘာဘေးက ထိုင်လိုက်လာတယ်။ ကျနော်တို့ သူ့နောက်က ကပ်လိုက်သွားတယ်။ နေရာကောင်းလဲ ရောက်ရော၊ ကျနော်က သူ့ကားကို ကျော်တက်လိုက်တယ်။ အဲဒီ အချိန်မှာ ရန်ကုန်ဘဆွေက သေနတ်ခလုတ်ကို ဆွဲဖြုတ်လိုက်တာပဲ။ ပထမ ပစ်ချက်က ဦးစော နဖူးကို ရှပ်မှန်သွားတယ်။ ဒါအရေးကြီးဆုံး ပစ်ချက်ပဲ။ ရန်ကုန်ဘဆွေက နောက်တချက် ထပ်ပစ်တယ်။ အဲဒါက ဦးစောကို မထိဘူး။ ဘာဖြစ်လို့လဲ ဆိုတော့ ဦးစောက သူ့ထိုင်ခုံအောက် လျှောချလိုက်လို့ပဲ။ တတိယ အချက်ကတော့ မိုးပေါ် ထောင်ပစ်လိုက်တာပါ။ ရန်ကုန်ဘဆွေက … "ဟေး၊ ကိုမြလှိုင်၊ မောင်းပြေးပေတော့" လို့ အော်ပြောလိုက်တယ်။


ကျနော် ဘယ်လောက်မြန်မြန် မောင်းလိုက်လဲ မသိဘူး။ အိမ်ကို ဘယ်လို ပြန်ရောက်လာမှန်းတောင် မသိတော့ဘူး။ သေနတ်ကတော့ ဗိုလ်နေဝင်းရဲ့ ကိုယ်ပိုင်သေနတ်ပါ။ ရန်ကုန်ဘဆွေနဲ့ ကျနော်တို့ လုပ်ကြံတာကို ဦးစော လုံးဝ မသိခဲ့ပါဘူး။ ဒါကတော့ ကျနော်တို့ ၄ ယောက်၊ ဗိုလ်နေဝင်း၊ ဗိုလ်အောင်ကြီး၊ ရန်ကုန်ဘဆွေနဲ့ ကျနော်တို့ပဲ သိတာပါ။


ဦးအောင်ဆန်း အသတ်မခံရမီ ၁၀ လ အလို ၁၉၄၆ ခုနှစ်၊ စက်တင်ဘာလ ၂၁ ရက်နေ့တွင် ဦးစော အသက်ကို ရန်ရှာခြင်းနှင့် အခင်းဖြစ်ပွားရာတွင် ပြည်သူ့ ရဲဘော်များ ပါဝင် ပတ်သက်နေပုံရခြင်းတို့ကို လုပ်ကြံမှု အတွက် စေ့ဆော်ချက် အဖြစ် တရားဆိုင်နေစဉ် အတွင်းတွင်ပင် ကိုးကားခြင်း ခံခဲ့ရလေသည်။


ခေတ်ပြိုင်ဂျာနယ် ထုတ်ဝေသူ ဦးတင်မောင်ဝင်းသည် ၁၉၉၇ ခုနှစ်၊ ဖေဖော်ဝါရီလထုတ် ဂျာနယ်တွင် ဒုတိယအကြိမ် ထုတ်ဝေသော ကျွန်ုပ်၏ စာအုပ် အပေါ်တွင် ခြုံငုံ ရေးသားရာ၌၊
"၎င်းအပြင် ဤဤ ထိုထို အနှီသို့သော ခေါင်းဆောင်တို့၏ နောက်လိုက်ဆိုသူ အချို့တို့သည် မိမိတို့ ဆရာ၏ နိုင်ငံရေး ရန်သူဟု ထင်မှတ်သူများ အပေါ် မိမိတို့ဘာသာ မိမိတို့ အစီအစဉ်ဖြင့် ကြိမ်ဖန်များစွာ ပူးပေါင်း ကြံစည်မှု ပြုလာကြသည်။ စာရေးဆရာ ရန်ကုန်ဘဆွေ ကိုယ်တိုင်က သူနှင့် ဦးမြလှိုင်တို့သည် ဗိုလ်ချုပ်အောင်ဆန်း၏ ရည်ရွယ်ချက်၊ ဦးတည်ချက်များ အပေါ် အထင်အမြင် မှားစေရန် ခပ်ရူးရူး၊ ခပ်ရမ်းရမ်း အမြတ်ထုတ် လုပ်ဆောင်မှုများတွင် ပါဝင် ဆောင်ရွက်ခဲ့ကြောင်း၊ ၁၉၇၂ ခုနှစ်ပိုင်း၌ ဘန်ကောက်ရှိ မိတ်ဆွေ အဝန်းအဝိုင်း အတွင်းတွင် ဖွင့်ဟ ဝန်ခံခဲ့ဖူးသည်" ဟု ဖော်ပြခဲ့သည်။


၁၉၆၉ ခုနှစ်မှ ၁၉၇၈ ခုနှစ် အထိ လက်နက်ကိုင် တော်လှန်ရေးနည်း အရ ဦးနု ဦးဆောင်ပြီး မဆလအား တော်လှန်ရာတွင် ကိုယ်တိုင်ပါဝင်ခဲ့သူ မြဝတီ ဦးရဲခေါင် (ယခု သြစတြေးလျနိုင်ငံ၊ ဆစ်ဒနီမြို့တွင် အခြေချ နေထိုင်နေသူ) ကို မေးမြန်းရာတွင်လည်း အောက်ပါအတိုင်း သူသိသမျှ စုံလင်စွာ ပြန်လည် ပြောပြခဲ့ပါသည်။


ဗိုလ်နေဝင်းသည် သူ့ဘဝ ရှေ့ရေးအတွက် ပြဿနာ တရပ်ကို စဉ်းစားရာ၌ ကစားသမားပီပီ အမှား အမှန်ကို အဓိက မထားဘဲ အနိုင် အရှုံးကိုသာ အမြဲတမ်း အဓိက ထားတတ်သူဖြစ်၍ ဗိုလ်ချုပ်အောင်ဆန်း တပ်မှ ထွက်ကာ နိုင်ငံရေး နယ်ထဲသို့ ဝင်ရောက်သွားချိန်တွင် သူ၏ စဉ်းစားခန်း ဝင်ခဲ့သည်မှာ ဂဠုန်ဦးစောသည် တချိန်က နန်းရင်းဝန်ဟောင်း တဦးဖြစ်လျက်၊ သူ့ကို အထင်သေး၍ မရ၊ အကယ်၍ သူသည် မတော်တဆ ဗိုလ်ချုပ်အောင်ဆန်းနှင့် နိုင်ငံရေးအရ ဈေးကစားချက်အား ပြိုင်ရာ၌ ဗိုလ်ချုပ်အောင်ဆန်းကဲ့သို့ 'တနှစ်အတွင်း လုံးဝ လွတ်လပ်ရေး' ဟု ကေ့းကြော်သံ မပေးဘဲ ဗြိတိသျှ အစိုးရအား 'ဒိုမီနီယန်' လျှော့ဈေးပေးကာ ဝန်ကြီးချုပ် ဖြစ်သွားခဲ့သော် ဦးတင်ထွဋ်သည် သူ့လူရင်း ဖြစ်ရုံသာမက ပညာ အရည်အချင်း အားဖြင့်လည်း ဗြိတိသျှ ပဋိညာဉ်ခံဝန်ထမ်း (ICS) ဖြစ်သောကြောင့် မျိုးချစ်ပါတီ အစိုးရတွင် ဧကန်မုချ ကာကွယ်ရေး ဝန်ကြီး ဖြစ်လာလိမ့်မည်။ ထို့ကြောင့် ဗိုလ်နေဝင်းသည် ရှေ့ဆက် မတွေးတော့ဘဲ ရန်ကုန်ဘဆွေနှင့် လွန်စွာ ရင်းနှီးသော မြင်းခြံသား ဗိုလ်ကြီး (ယပက်လက်) လှယွှေအား သွားခေါ်ခိုင်းလိုက်သည်။ ထို့နောက် (မြဝတီ ရဲခေါင် ပြန်ပြောင်းပြောပြသည့် ရန်ကုန်ဘဆွေ၏ ပြောဆိုချက်မှာ အောက်ပါ အတိုင်း ဖြစ်ပါသည်။ လုပ်ကြံမှုနေ့ ညနေပိုင်းမှ စတင်၍ ဖြစ်သည်။)


ဂဠုန်ဦးစောအား ရှေးဦးစွာ သုတ်သင် ရှင်းလင်းရန် အတွက် သူနှင့် ကိုမြလှိုင်တို့ သည် စပတ်လမ်း တနေရာမှ ဂဠုန်စောအား သူ၏ 'သူရိယ' သတင်းစာတိုက် ရုံးပေါ်မှ ဆင်းလာပြီး ကားပေါ် တက်ချိန်အထိ စောင့်၍ သူ့ကားနှင့် မလှမ်းမကမ်းမှ ကပ်လိုက် သွားကြသည်။ ဂဠုန်ဦးစော အမြဲသွားလေ့ ရှိသော အိမ်ပြန်လမ်းများ အတိုင်း လိုက်သွားရာမှ အခါအခွင့် ကောင်းမည့် ရန်ကုန်ထောင်ကြီးနှင့် ပြည်လမ်းထိပ် တနေရာတွင် ရန်ကုန်ဘဆွေသည် ထိုအခွင့်ကောင်းကို လက်မလွှတ်ဘဲ သူက ကိုမြလှိုင်၏ ကားကို အရှိန်လျှော့စေ၍ သူ၏ လက်တွင်းမှ သေနတ်ဖြင့် ကားဒရိုင်ဘာနှင့် ယှဉ်ထိုင်ပြီး လိုက်ပါလာသော ဂဠုန်စော၏ နောက်စေ့တည့်တည့်ကို ချိန်ကာ ပထမအချက် ပစ်ထည့်လိုက်သည်။ သို့သော် လွန်စွာ အကင်းပါး၍ အမြဲမပြတ် သတိကပ်နေသော ဂဠုန်စောသည် သူ့ရှေ့ ကားမှန်ထဲမှ 'ပြည်သူ့ရဲဘော်' စစ်ဝတ်စုံ ဝတ်ထားသည့် လူနှစ်ယောက် အနက် ခေါင်းတုံးဆံတောက်နှင့် သူက သူ့အား သေနတ်ဖြင့် ချိန်လိုက်သည်ကို လှမ်းမြင်ရသော အချိန်၌ပင် သေနတ်သံ တချက်နှင့် အတူ သူ့နဖူး ပူခနဲ ဖြစ်သွားသည်။ ထိုအချိန်၌ပင် သူသည် ကားဖင်ထိုင်ခုံဘေး ဒရိုင်ဘာ ရှိရာဘက်သို့ သူ့ကိုယ်ကို လှဲအချ နောက်ထပ် သေနတ်သံ ၂ ချက် ထပ်ထွက်လာသည်။ ဒရိုင်ဘာကလည်း ကားကို ဘရိတ်အုပ်၍ ကားထဲ ငုံ့နေလိုက်သည်။ ကားမှန်ကွဲစများမှာ သူတို့ နှစ်ဦးလုံးကို လွင့်စင် ထိမှန်ကြသည်။


"ကိုရဲခေါင်ရယ်၊ လူတွေရဲ့ ကံဆိုတာ မှန်ပဲ မှန်သလားတော့ မပြောတတ်ပါဘူး။ ခင်ဗျားလဲ ကျနော့်လက်ကို အသိသားပဲ၊ ကျနော် ပစ်လိုက်တာကတော့ သူ့နောက်စေ့တည့်တည့်ကို ပစ်ထည့် လိုက်တာပါပဲဗျာ။ ဒါပေမဲ့ သူက ကားမှန်ထဲမှာ ကျနော်ကို မြင်လို့ လှည့်အကြည့်လိုက်မှာ ကျနော် ပစ်လိုက်တဲ့ ကျည်ဟာ သူ့နောက်စေ့ကို မမှန်ဘဲ သူ့နဖူးကို ရှပ်မှန်သွားတာပဲ" ဟု ကြိတ်မနိုင် ခဲမရ ပြောပြပါသည်။


ဤကား လွန်ခဲ့သော ၁၉၇၂ ခုနှစ်ခန့်က ရဲဘော်သုံးကျိပ်ဝင် ဗိုလ်မှူးအောင်၊ စာရေးဆရာ ရန်ကုန်ဘဆွေနှင့် မြောင်းမြဘဆွေတို့သည် ယိုးဒယားနိုင်ငံ ကလန်ဒန်မြို့ သြဇာခြံကြီး အတွင်း လျှို့ဝှက် ဖွင့်လှစ်ထားသည့် အသံလွှင့်ဌာနသို့ ဥက္ကဋ္ဌကြီး ဦးနုနှင့် တွေ့ဆုံရန်အလာ၊ အသံလွှင့်ဌာန၌ ၃ ရက်မျှ နေထိုင် သွားကြစဉ် အတွင်း၊ ကျနော့်အား ရန်ကုန်ဘဆွေက စကားစပ်မိ၍ ပြောပြခဲ့ဖူးသော ဖြစ်ကြောင်းကုန်စဉ်၊ ယုံချင်ယုံ မယုံချင်နေ၊ အတွင်းရေး သတင်းကလေးတကွက် ဖြစ်သတည်း။


အခြား စွပ်စွဲချက် တခုမှာ၊ ဝါရှင်တန်ဒီစီမှ ထုတ်လွှင့်သော 'လွတ်လပ်သော အာရှအသံ'၊ မြန်မာပိုင်း အစီအစဉ်၊ ၂၀၀၀ ခုနှစ်၊ အောက်တိုဘာလနှင့် စက်တင်ဘာလ ထုတ်လွှင့်ချက် (အမှတ် ၁၁၂ နှင့် ၁၁၃) တို့၌ အမေရိကန်နိုင်ငံ ဖလော်ရီဒါနယ်တွင် အခြေချ နေထိုင်နေသော သတင်းစာ ဆရာကြီး ကြေးမုံဦးသောင်း (ခေါ်) စာရေးဆရာ အောင်ဗလ၏ ပြောကြားချက်များတွင် နေဝင်း ပါဝင် ပတ်သက်မှု ရှိသည့် အချို့ အစိတ်အပိုင်းများကို ထုတ်ဖော်သွားခဲ့သည်။ ယင်းတို့မှ သက်ဆိုင်သည်များကို အောက်တွင် ကောက်နုတ် ဖော်ပြပါမည်။


ဦးအောင်ဆန်း၏ လုံခြုံရေးကို ကာကွယ်ရန် တာဝန် ပေးထားသော အထူးအစောင့် နှစ်ဦးသည် အမြဲတစေ ဦးအောင်ဆန်း၏ လက်တကမ်းတွင် ရှိပါလျက် အခင်းဖြစ်ပွားသော ဇူလိုင်လ ၁၉ ရက်နေ့ နံနက်က မရှိကြဘဲ ပျောက်ကွယ် နေကြသည်မှာ ဗိုလ်မှူးနေဝင်း၏ အစီအစဉ်ဟု မုချ ယုံကြည်ရလေသည်။


ထိုအစောင့်တို့မှာ ဗိုလ်နေဝင်း၏ လူများ ဖြစ်ကြသည်။ ဗိုလ်ချုပ်အောင်ဆန်းကို လျှို့ဝှက် သက်တော်စောင့်များ အဖြစ် တာဝန် ပေးလိုပါသည်၊ စိတ်ချရသော ရဲဘော်များ ပေးပါဟု ဦးကျော်ငြိမ်းက ဗိုလ်နေဝင်းထံ တောင်းရာမှ ရရှိခဲ့သည်။


ဗိုလ်မှူး နေဝင်း ပေးသော သက်တော်စောင့် ၂ ဦးဖြစ်သူ ရဲဘော် ဘတုပ်နှင့် ရဲဘော် ရဲမြင့်တို့သည် သေနတ်ပစ် လက်ဖြောင့်ကြသည်။ ခြောက်လုံးပြူးနှင့် ပစ္စတို(လ်) ၁၀ ချက် ပစ်လျှင် ၈ ချက်တို့သည် ပစ်မှတ်တို့၏ ဗဟိုသို့ ထိမှန်အောင် ပစ်နိုင်သူများ ဖြစ်သည်။ ဗိုလ်နေဝင်း၏ ရာသက်ပန် လူယုံတော်၏ ဖျာပုံပြောက်ကျားတပ်မှ ပြောက်ကျားဗိုလ်၏ လက်စွဲများ ဖြစ်ကြသည်။


ထိုနေ့က ရှောင်နေကြသော သက်တော်စောင့် ၂ ဦးသည်လည်း ပျောက်သွားသည်။ ရက်အနည်းငယ်ကြာမှ အလောင်း တွေ့ကြရသည်။ အလံနီ သူပုန်တို့က သတ်သည်ဟု အမှု ပိတ်လိုက်သည်။

တက်ခေတ် နတ်ဆိုးများလား၊

သခင်ရှုမောင်၊ (ခ) ဗိုလ်နေဝင်း၊ ပြည်မြို့ အနီးရှိ ပေါင်းတလည်မြို့၌ ၁၉၁၀ ခုနှစ်တွင် မွေးဖွားသည်။ ရန်ကုန်မြို့၊ ကိုရှုမောင်သည် ဂျပ်ဆင် ကောလိပ်တွင် တက်ရောက် ပညာသင်ကြားခွင့် ရခဲ့သော်လည်း ၁၉၃၁ ခုနှစ်တွင် ဘွဲ့မရဘဲ ကျောင်းထွက်ခဲ့ရပြီး၊ ယခင်ချာချီလမ်း (ယခု ကိုယ့်မင်းကိုယ်ချင်းလမ်း) ရှိ ရန်ကုန်မြို့၊ ဆင်ခြေဖုံး ရပ်ကွက် စာတိုက်ခွဲတခုတွင် အငယ်တန်းစာရေးလေး ဖြစ်ခဲ့သည်။ ထိုသို့ စာတိုက်စာရေး၊ ထို့နောက် သခင်ဗစိန်၊ သခင်ထွန်းအုပ်တို့၏ နောက်လိုက် ဘဝမှ ရဲဘော်သုံးကျိပ်ဝင် ဖြစ်လာပြီးနောက် ၁၉၄၃ ခုနှစ်မှ ၁၉၄၅ ခုနှစ် အထိ မြန်မာ့ အမျိုးသား တပ်မတော်၏ စစ်ဦးစီးမှူး ဖြစ်သည်။

၁၉၁၁ ခုနှစ်တွင် မွေးဖွားခဲ့သည့် တရုတ်-မြန်မာ ကပြားဖြစ်သူ ငယ်နာမည် ရှုမောင် (ခေါ်) ဦးနေဝင်းသည် ဦးနုထက် ၄ နှစ်ငယ်ပြီး ဦးအောင်ဆန်းထက် ၅ နှစ်ကြီးသူ ဖြစ်သည်။ ရဲဘော်သုံးကျိပ် အဖွဲ့ဝင် ဖြစ်ပင် ဖြစ်သော်ငြားလည်း ဦးနေဝင်းသည် ၁၉၄၆ ခုနှစ်၊ နောက်ပိုင်းကျမှသာ ယှဉ်ပြိင်သူများကို ရက်ရက်စက်စက် ဖယ်ရှားပြီး ထိပ်ပိုင်းနေရာသို့ မရမနေ စတင် တက်လှမ်းလာနိုင်ခဲ့ခြင်း ဖြစ်သည်။ လွတ်လပ်ရေး ရပြီးနောက် ကွန်မြူနစ်များ၊ ပြည်သူ့ ရဲဘော်များ တောခိုသွားပြီး အမှတ် (၁) နှင့် အမှတ် (၃) ဗမာ့ လက်နက်ကိုင်တပ်များ ပုန်ကန်ထ့ကသည့် အချိန်တွင် ဗိုလ်နေဝင်း၏ အမှတ် (၄) ဗမာ့ လက်နက်ကိုင်တပ်သည် အစိုးရ အတွက် တခုတည်းသော မှီခိုအားထားရာ အဓိကမဏ္ဍိုင် ကြီးဖြစ်လာခဲ့သည်။ သို့သော်လည်း နိုင်ငံတော် ကာကွယ်ရေးကို တပြည်လုံး ဖြန့်ကျက်ထားနိုင်ရန် အတွက် ဦးတင်ထွဋ်၏ ပြည်ထောင်စု အရန် တပ်ဖွဲ့များ ကဲ့သို့သော တပ်ဖွဲ့ အသစ်များကိုထူထောင်ခဲ့ရသည်။


ထို့နောက် ၁၉၄၉ ခုနှစ်မှ ၁၉၇၂ ခုနှစ် အထိ တပ်မတော်၏ ကာကွယ်ရေး ဦးစီးချုပ် အဖြစ် ဆောင်ရွက်ကာ၊ ၁၉၆၂ ခုနှစ်တွင် စစ်တပ်ဖြင့် နိုင်ငံတော် အာဏာကို သိမ်းယူခဲ့သည်။ ထို့ကြောင့် ၁၉၆၂ ခုနှစ်မှ ၁၉၇၄ ခုနှစ် အထိ တော်လှန်ရေး ကောင်စီ၏ ဥက္ကဋ္ဌ အဖြစ် လည်းကောင်း၊ ၁၉၇၄ ခုနှစ်မှ ၁၉၈၁ ခုနှစ် အထိ ဆိုရှယ်လစ်နိုင်ငံ သမ္မတ အဖြစ် လည်းကောင်း၊ ၁၉၆၂ ခုနှစ်မှ ၁၉၈၈ ခုနှစ် အထိ မြန်မာ့ ဆိုရှယ်လစ် လမ်းစဉ်ပါတီ၏ ဥက္ကဋ္ဌ အဖြစ် လည်းကောင်း၊ ပြိုင်ဝံ့သူ မရှိ ဆောင်ရွက်ခဲ့သည်။


ရှုမောင်သည် အငယ်တန်း စာရေးလေး အဖြစ် အလုပ်လုပ်ဖက် ဒေါ်တင်တင်ကို ၁၉၃၀ ခုနှစ်လည်တွင် လက်ထပ်ခဲ့ပြီး သား ၂ ဦး ထွန်းကားခဲ့သည်။ သူတို့ ကွဲပြီးနောက် မနာလို ဝန်တိုပြီး ဒေါသနှင့် အာဃာတတရား ကြီးမားလှသည့် ဗိုလ်ချုပ်ကြီး နေဝင်း အဖြစ် မစ္စစ် ကေတီတောင်ကြီး (ခ) ကေတီဘသန်း (ခ) ခင်မေသန်းကို ၁၉၅၀ ခုနှစ် အစောပိုင်းတွင် လက်ထပ်ခဲ့သည်။ သူ့တွင် သမီး သုံးဦး ပါရှိလာခဲ့ပြီး နေဝင်းနှင့် သမီး ၂ ယောက်၊ သား ၁ ယောက် ရရှိခဲ့သည်။ သူသည် ၁၉၇၂ ခုနှစ်တွင် ကွယ်လွန်ခဲ့သည်။ ၁၉၇၀ ခုနှစ်လည်တွင် ဒေါ်ကြာဆန်ဟု ခေါ်သော ရခိုင် အမျိုးသမီး တဦးကို ဇနီးမယား ပြုခဲ့သည်ဟု ကောလာဟလ ဖြစ်ခဲ့သည်။ ကုန်းဘောင်မင်းဆက်မှ ဘုရင် မင်းတုန်းမင်း၏ မြစ်တော်သူ ဂျွန်ရို့စ် ဘယ်လာမီ (June Rose Bellamy) (ခ) ရတနာနတ်မယ်ကို ၁၉၇၅/၇၆ ခုနှစ်တွင် တရားဝင် လက်ထပ်ခဲ့ပြန်သည်။ ယင်းအိမ်ထောင်မှာလည်း ခေတ္တမျှသာ ခံပြီး အိမ်တွင်း ရန်ဖြစ်မှု အတွင်း ဆေးလိပ်ပြာ ဖန်ခွက်ဖြင့် ပစ်ပေါက်မှုဖြင့် အဆုံးသတ် သွားခဲ့သည်။ မည်သူက စပစ်ပေါက်သည်နှင့် ပတ်သက်၍ သတင်းပြန့်ပွားမှု အတွင်း ဝိဝါဒ ကွဲလွဲမှုများ ရှိခဲ့သည်။ နောက်ဆုံး သိရှိရသည့် လက်ထပ်ထိမ်းမြားမှုမှာ ရန်ကုန်တက္ကသိုလ် သမိုင်းဌာနမှ သုတေသန ကထိက ဒေါ်နီနီမြင့်နှင့် ဖြစ်သည်။ သူ့နှင့် ကွဲပြီး ပြန်လည် လက်ထပ်ပြန်သည့် အတွက် ယင်းကို နှစ်ကြိမ်ဟု တွက်လျှင် စုစုပေါင်း (၆) ကြိမ် ရှိသည်။


၂၀၀၂ ခုနှစ်၊ မတ်လတွင် သမက်နှင့် မြေး ၃ ယောက် ဖြစ်သော အေးဇော်ဝင်းနှင့် သားသုံးဦး ဖြစ်သူ အေးနေဝင်း၊ ကျော်နေဝင်း၊ ဇွဲနေဝင်းတို့မှာ မအောင်မြင်သော အာဏာသိမ်းရန် ကြံစည်မှုဖြင့် ဖမ်းဆီး ခံခဲ့ကြရသည်။ ထိုသို့ နိုင်ငံတော် သစ္စာဖောက်မှုဖြင့် ဖမ်းဆီးခြင်း ခံကြရပြီးနောက် ဦးနေဝင်းနှင့် သမီးဖြစ်သူ ခင်စန္ဒာဝင်းတို့ ကိုယ်တိုင်သည်ပင် အကျယ်ချုပ် ကျခံခဲ့ရသည်။ နိုင်ငံတော် အာဏာကိုသိမ်းရန် ပူးပေါင်း ကြံစည်မှုဖြင့် တရားစွဲခံရသူ ၄ ဦးကို ၉ လကြာ နိုင်ငံတော် ပုန်ကန်မှုဖြင့် စစ်ဆေး တရားစီရင်ကာ သေဒဏ် အပြစ်ပေးခဲ့သည်။ သူတို့အား စီရင်မည့်ရက်ကို မသတ်မှတ်သေးသော်လည်း သူတို့မှာ သေဒဏ်ကျခံရန် ထောင်တွင်း တနေရာတွင် ရှိနေဆဲ ဖြစ်သည်။ ထို့နောက် အာဏာရှင်အိုကြီးမှာ အကျယ်ချုပ် ကျနေစဉ် ဒီဇင်ဘာလ ၅ ရက်နေ့တွင် ရန်ကုန်မြို့ နေအိမ်၌ပင် သေဆုံးသွားသည်။



ဗိုလ်အောင်ကြီး၊ အငြိမ်းစား ဗိုလ်မှူးချုပ်၊ ၁၉၁၉ ခုနှစ်၊ ပြည်ခရိုင် ပေါင်းတည်မြို့တွင် မွေးဖွားခဲ့သည်။ တရုတ်-မြန်မာ မိသားစုမှ ဆင်းသက်ခဲ့သည်။ ဒုတိယကမ္ဘာစစ် မတိုင်မီ မြန်မာနိုင်ငံ လွတ်လပ်ရေး လှုပ်ရှားမှုများတွင် ပါဝင်ခဲ့ပြီး ၁၉၄၅ ခုနှစ်တွင် ဂျပန် ဆန့်ကျင်ရေး လှုပ်ရှားမှု၌ မြစ်ဝကျွန်းပေါ်နှင့် ဖျာပုံခရိုင် အတွင်း ဗိုလ်နေဝင်း၏ လက်ရုံး အရာရှိ တဦး အဖြစ် ပါဝင် လုပ်ကိုင်လာခဲ့သည်။ ထို့နောက် လွတ်လပ်ရေး ရအံ့ဆဲဆဲ တပ်မတော်ကို ပြန်လည် ဖွဲ့စည်းလိုက်သော အခါ အမှတ် (၄) ဗမာ့ သေနတ်ကိုင် တပ်ရင်းတွင် ဗိုလ်နေဝင်း၏ လက်အောက် အရာရှိအဖြစ် အမှုထမ်းခဲ့သည်။ ၁၉၄၇ ခုနှစ်တွင် ဆိုရှယ်လစ် ပါတီ၏ စည်းရုံးရေးမှူး ဖြစ်ခဲ့ပြီး၊ ၁၉၅၈-၆၀ ခုနှစ်၊ အိမ်စောင့် အစိုးရ အဖွဲ့တွင် အဓိက နေရာများကို ရခဲ့သည်။ ၁၉၆၂ ခုနှစ်တွင် တော်လှန်ရေး ကောင်စီဝင် ဖြစ်လာပြီး၊ ဒုကာကွယ်ရေး စစ်ဦးစီးချုပ်၊ ကုန်သွယ်ရေးနှင့် စက်မှုဝန်ကြီး ဖြစ်ခဲ့သည်။ ၁၉၆၃ ခုနှစ်တွင် သူ၏ လက်တွေ့ကိုသာ အရေးထားသော ပေါ်လစီများကြောင့် အစိုးရ အဖွဲ့မှ ထုတ်ပယ်ခြင်း ခံရပြီး၊ ၁၉၆၅ မှ ၁၉၆၈ ခုနှစ်၊ ၁၉၇၃ ခုနှစ်များတွင် ထောင်ကျခဲ့သည်။

၁၉၈၈ ခုနှစ်တွင် စီးပွားရေးပေါ်လစီ၊ လူ့အခွင့်အရေး ဆုံးရှုံးမှုများနှင့် ပတ်သက်သော အိတ်ဖွင့် ဝေဖန်စာများကို နေဝင်းထံသို့ ရေးသားပေးပို့ခြင်း၊ ထိုစာများကို ကျယ်ကျယ်ပြန့်ပြန့် ဖြန့်ဝေခဲ့ခြင်း အားဖြင့် လူထု အုံ့ကမှုတွင် သြဇာ လွှမ်းမိုးခဲ့သည်။ ထိုနှစ်၊ ဇူလိုင်လ ၂၉ ရက်နေ့တွင် ထိန်းသိမ်းခံရပြီး သြဂုတ်လ ၂၅ ရက်နေ့တွင် လွတ်မြောက်ခဲ့ကာ ဒီမိုကရေစီ လှုပ်ရှားမှုများတွင် ပါဝင်ခဲ့ပြန်သည်။ စက်တင်ဘာလ ၃၀ ရက်နေ့တွင် မှတ်ပုံတင်ခဲ့သော အမျိုးသား ဒီမိုကရေစီ အဖွဲ့ချုပ်၏ ဥက္ကဋ္ဌ ဖြစ်လာခဲ့သည်။ ထိုပါတီမှ ဒီဇင်ဘာလ ၃ ရက်နေ့တွင် နှုတ်ထွက်ခဲ့ပြီး ပြည်ထောင်စု အမျိုးသား ဒီမိုကရေစီ အဖွဲ့ချုပ်ကို ဒီဇင်ဘာလ ၁၆ ရက်နေ့တွင် တည်ထောင်ခဲ့သည်။ ၁၉၉၀ ပါတီစုံး အထွေထွေ ရွေးကောက်ပွဲတွင် ရှုံးနိမ့်သွားပြီး နောက်ပိုင်းတွင် နိုင်ငံရေး၌ ပါဝင် လှုပ်ရှားနိုင်ခြင်း မရှိတော့ပေ။

စိန်လွင် (အငြိမ်းစား ဗိုလ်မှူးချုပ်)၊ "သားသတ်သမား" ဟု အမုန်းခံရသူ။ သူ၏ သခင် အာဏာရှင် နေဝင်းနှင့် နီးစပ်သူဖြစ်ပြီး ဘဝတလျှောက်လုံး ယုံကြည် စိတ်ချရသူ တဦးအနေဖြင့် ဂုဏ်ပြု ချီးမြှင့်ခံရသော စွယ်စုံရ ပုဂ္ဂိုလ်တဦး အဖြစ် သစ္စာရှိစွာ အမှုတော် ထမ်းခဲ့သည်။ ၁၉၄၃ ခုနှစ်မှ စ၍ တော်လှန်ရေးတွင် ပါဝင်ခဲ့ပြီး မျိုးချစ် ဗမာ့ တပ်မတော်မှ ဗမာ့ တပ်မတော် အသစ်တွင် အရာရှိဖြစ်ရန် လျှောက်ထားခဲ့သည်။ သို့သော်လည်း အရာရှိ ရွေးချယ်ရေး အဖွဲ့က သူ့ကို မရွေးချယ်ခဲ့ချေ။ သို့သော်လည်း စိန်လွင်က ရဲဘော် အဖြစ် စာရင်းသွင်းခဲ့ပြီး အမှတ် (၄) ဗျူးရစ်ဖ် (4th Bur:f) တပ်ရင်းမှူး ဖြစ်သူ ဗိုလ်မှူး နေဝင်း၏ ကိုယ်ပိုင် အမှုထမ်း အဖြစ် ထမ်းဆောင်ခဲ့သည်ဟု ယုံကြည်ရသည်။ ထို့နောက် အရာရှိ ဖြစ်လာခဲ့သည်။

၁၉၅၁ ခုနှစ်၊ သြဂုတ်လတွင် ပထမဆုံး နာမည်ကြီးဖို့ ဖြစ်လာခဲ့သည်။ ထိုစဉ်က ဒု-ဗိုလ်မှူးကြီး အေးမောင်၏ ကွပ်ကဲမှုအောက်တွင် ကရင်ပြည်နယ် လှိုင်းဘွဲ့ အနီး ကေအဲန်ဒီအို စခန်းကို ဝိုင်းရာတွင် သူပါဝင်ခဲ့ပြီး တိုက်ပွဲအတွင်း ကရင်ခေါင်းဆောင် စောဘဦးကြီးကို အသေရမိသည်။ ထို့နောက် အဖေကြီး၏ သစ္စာတော်ခံ နောက်လိုက်နှင့် လူသတ်သမား အဖြစ် ၁၉၆၂ ခုနှစ်၊ ဇူလိုင်လတွင် တက္ကသိုလ်ကျောင်းသား ရာပေါင်းများစွာကို အသေပစ်ချခဲ့သော တပ်စုများကို သူ ကွပ်ကဲခဲ့သည်။ သမိုင်းဝင် ကျောင်းသားသမဂ္ဂ အဆောက်အအုံကိုလည်း ဖောက်ခွဲ ဖြိုချခဲ့သည်။ သူ့အနေဖြင့် သွေးလွှမ်းမှု အမျိုးမျိုး အတွက် တာဝန်ရှိခဲ့ပြီး ဦးသန့် ဈာပန ရုပ်ပျက်ဆင်းပျက် ဖြစ်ရမှုနှင့် ရှစ်လေးလုံး ရက်စက်မှုများက သူ့အတွက် နာမည် အပျက်ရဆုံးများ ဖြစ်ခဲ့သည်။


နေဝင်းက သူ့ကို သူ၏ ယုတ်မာရက်စက်သော လုပ်ဆောင်မှုများ အတွက် ကောင်းစွာ ချီးမြှင့်သည့် အနေဖြင့် ၁၉၈၈ ခုနှစ်၊ ဇူလိုင်လ ၂၇ ရက်နေ့တွင် နိုင်ငံတော် သမ္မတနှင့် မဆလ ပါတီ ဥက္ကဋ္ဌ အဖြစ် တာဝန်ပေးခဲ့သည်။ သြဂုတ်လ ၈ ရက်နေ့တွင် တတိုင်းတပြည်လုံး အနှံ့ ပြည်သူ သန်းပေါင်းများစွာသည် လမ်းမများပေါ်သို့ ထွက်၍ စစ်အုပ်စိုးမှု ရပ်စဲရန် တောင်းဆိုခဲ့ကြသည်။ ပြည်သူလူထု အတွက် ၂၆ နှစ်ကြာ ဖိနှိပ်ခံခဲ့ရမှုသည် လုံလောက်ခဲ့ပြီ။ စထွက်သည်နှင့် စိန်လွင်က ကြမ်းကြမ်းတမ်းတမ်း တုံ့ပြန်သည့် အနေဖြင့် ဆန္ဒပြမှုများအား သေနတ်ဖြင့် ပစ်ခတ် လူစုခွဲရန် ခြေမြန်တပ်မ (၂၂) မှ စစ်သားများကို စေလွှတ်ခဲ့သည်။ ဆန္ဒပြနေသူ လူအုပ်ကြီးများထဲသို့ စစ်တပ်က လက်လွတ်စပယ် ပစ်ခတ်ခဲ့မှုကြောင့် လူသုံးထောင် (၃,၀၀၀) ထက်မနည်း သေကြေခဲ့ရသည်။ ထိုသို့ ရှစ်လေးလုံး ပြည်သူ့ အရေးတော်ပုံ အတွင်း သူ၏ ပြည်သူလူထု အပေါ် လူမဆန်စွာ ရမ်းကား သတ်ဖြတ်မှုများကြောင့် "ရန်ကုန်မှ သားသတ်သမား" အမည်ဖြင့် ကမ္ဘာကျော်ခဲ့ရသည်။ ပြည်သူလူထု၏ ဒီရေအလား ဆန့်ကျင့် အုံ့ကမှုများကြောင့် စိန်လွင်၏ သမ္မတ သက်တမ်းသည် ၁၈ ရက်သာ သက်တမ်း တည်မြဲခဲ့ပြီး၊ ၁၉၈၈ ခုနှစ်၊ သြဂုတ်လ ၁၂ ရက်နေ့တွင် တာဝန် အားလုံးမှ နှုတ်ထွက် ပေးခဲ့ရသည်။ ၂၀၀၂ ခုနှစ်၊ မတ်လတွင် သူ့ဆရာသခင် အိမ်အကျယ်ချုပ်သဖွယ် ခံရပြီးနောက် မကြာမီပင် သူလည်း တရားမဝင် ရရှိနေသော ခံစားခွင့်များ၊ သြဇာ အာဏာများ ဆုံးရှုံးခဲ့ပြီး မဖြစ်စလောက်သော စစ်တပ် ပင်စင် လစာလေးဖြင့် ဆင်းရဲနွမ်းပါးစွာ ရှင်သန် နေခဲ့ရသည်။ သူ၏ အစာအိမ်ရောဂါ အတွက် စင်ကာပူတွင် ကုသမှု ခံယူပြီး အပြန် ၂၀၀၄ ခုနှစ်၊ ဧပြီလ ၉ ရက်နေ့ အသက် ၈၁ နှစ် အရွယ်တွင် ရန်ကုန်မြို့၌ သေဆုံးသည်

နိဂုံး

၁၉၄၇ ခုနှစ်၊ ဇူလိုင်လ ၁၉ ရက်နေ့တွင် နိုင်ငံရေးသမား တဦး တယောက်တည်း၏ အာဏာလောဘရမက်ကို ကျေနပ်မှု ပေးစေနိုင်ရန် အတွက် ရဲဘော်သုံးကျိပ် စစ်ခေါင်းဆောင်နှင့် ပြည်သူများ အပေါ် ဆွဲဆောင်မှု ထက်မြက်လှသည့် နိုင်ငံရေး ခေါင်းဆောင်ကြီး တဦးနှင့် အတူ ဗြိတိသျှ ကိုလိုနီ ကျွန်သပေါက် လက်အောက်ခံ ဘဝမှ လွတ်လပ်သော နိုင်ငံတော် ဘဝသို့ ကူးပြောင်းနေသည့် စပ်ကူးမတ်ကူး ကာလ မြန်မာနိုင်ငံတွင် ရှေ့တန်း အခန်းကဏ္ဍမှ ပါဝင် ခေါင်းဆောင်မှု ပေးနိုင်သည့် အခြားဉာဏ်ပညာ အရှိန်အဝါ ထက်မြက်လှသည့် ခေါင်းဆောင် ခြောက်ဦးနှင့် နိုင်ငံ့ဝန်ထမ်း သားကောင်း ရတနာ ၂ ဦးတို့ အသက် ဆုံးရှုံးခဲ့ရသည်။ ဤသည်ကား "အတော်ဆုံးသူများမှာ သူတို့ ကံကြမ္မာကို မြဲအောင် မတတ်နိုင်ကြ။ သူတော်ပေါင်း၊ နုကေ့ကောင်း၍ သူယုတ်မာ သက်ဆိုးရှည်သည်" ဖြစ်ပါလေသတည်း။


ထိုလုပ်ကြံမှုကြီးနှင့် ပတ်သက်၍ အဖြေ တစုံတရာ ပေးရန်ထက် 'ဂဠုန် ဦးစောနောက်မှာ ဘယ်သူတွေ ရှိပါလိမ့်' ဟူသော အတွေးနှင့် သို့လော သို့လော မေးခွန်းများ ထပ်မံ ပေါ်ပေါက်ကောင်း ပေါ်ပေါက်လာစေနိုင်သည့် ဦးအောင်ခင် သုတေသနပြု ထုတ်ဖော် ရေးသားထားသည့် (တတိယအကြိမ် တည်းဖြတ် ထုတ်ဝေသည့်) "ဗိုလ်ချုပ်အောင်ဆန်းကို ဘယ်သူသတ်သလဲ" စာအုပ်မှနေ စိတ်ဝင်စားဖွယ်ရာ အချက်အလက်များကို ကောက်နှုတ် ဖော်ပြ လိုက်ပါသည်။ ပြည့်ပြည့်စုံစုံ လေ့လာ ဖတ်ရှုလိုသူများ အနေဖြင့် ဒီကွန်ရက် စာမျက်နှာပေါ်မှာ လွှင့်တင်ထားပြီး ဖြစ်သည့် 'မြန်မာ eBook များ' (ဝါ) 'အတ္ထုပ္ပတ္တိများ' ၏ ကဏ္ဍခွဲ တခုဖြစ်သည့် 'အတ္ထုပ္ပတ္တိ စာပေများ' ထဲရှိ "ဗိုလ်ချုပ်အောင်ဆန်းကို ဘယ်သူသတ်သလဲ" စာအုပ်ကို ဆွဲယူ ဖတ်ရှုနိုင်ပါသည်။

ရင်းမြစ်..ူမန်မာ့ သတင်းဆက်သယ်ြရေး နည်းပညာအဖြဲႚ

ထုတ်နှုတ် ကူးယူဖော်ပြခဲ့သည့် စာအုပ်။

'ဗိုလ်ချုပ်အောင်ဆန်းကို ဘယ်သူသတ်သလဲ'၊ ဦးခင်အောင်၊

အင်္ဂလိပ်ဘာသာမှ မြန်မာဘာသာသို့ ပြန်ဆိုသူ၊ ဒေါက်တာတင့်ဝေနှင့် ဒေါက်တာအေးကျော်၊

စာတည်းဖြတ်သူ၊ မြဝတီရဲခေါင်၊

၂၀၀၄ ခုနှစ်၊ အောက်တိုဘာ၊ တတိယအကြိမ် ပြုပြင်တည်းဖြတ် ထုတ်ဝေခြင်း၊

ထုတ်ဝေသူ၊ ဒေါ်ခင်မျိုးအေး၊ ခေတ်ပြိုင် ဂျာနယ်တိုက်။