21 May 2011

အာဆီယံနိုင်ငံတစ်နိုင်ငံဖြစ်တဲ့ အင်ဒိုနီးရှားက လူသတ်သမား နအဖအုပ်စုကို လူသတ်လက်နက်ရောင်းဖို့  မျှော်လင့်နေကြောင်း တရားဝင် ထုတ်ပြောနေတယ်။










ရဟန်းရှင်လူပြည်သူလူထုနဲ့  တိုင်းရင်းသားပြည်သူအပေါင်းကို သတ်ဖြတ်နေတဲ့ နအဖအာဏာရူး လူသတ်သမားအုပ်စုကို အင်ဒိုနီးရှားက သူ့ နိုင်ငံမှာ ထုတ်လုပ်တဲ့ SS-2 assault rifles တွေကို ရောင်းချဖို့  မျှော်လင့်နေတယ်လို့  အင်ဒိုနီးရှားနိုင်ငံ ကာကွယ်ရေးဝန်ကြီးဖြစ်သူ Purnomo Yusgiantoro က တရားဝင် ထုတ်ဖေါ်ပြောဆိုလိုက်တာဟာ နအဖလူသတ်အုပ်စုဘက်ကို လူသတ်လက်နက်ပေးပြီး မြန်မာပြည်သူပြည်သားတွေကို သတ်ဖို့  အားပေးအားမြှောက်ပြုလိုက်တာပါဘဲ။

အာဆီယံ ASEAN နိုင်ငံတစ်နိုင်ငံဖြစ်တဲ့ အင်ဒိုနီးရှားနိုင်ငံက ယခုလို ပြောဆိုရည်ရွယ်တာဟာ နအဖအာဏာရူးလူသတ်သမားအုပ်စုနဲ့  အကျိုးတူ စီးပွားဘက်ဖြစ်တာကို ပြလိုက်တာထက် ကျော်လွန်ပြီး လူသတ်မှုကို ကျူးလွန်ဖို့  ကြံရာပါ ပေါင်းဘက်သူတွေဆိုတာ ပြတာပါဘဲ။

မြန်မာပြည်သူပြည်သားတွေအနေနဲ့  နအဖစစ်အုပ်စုကိုရော အာဆီယံ ASEAN ပုလင်းတူ ဗူးဆို့ သမား မြန်မာပြည်ကို ဂုတ်သွေးစုတ်လိုသူတွေကိုရော လက်တွေ့  ဆန့် ကျင်ရပါမယ်။

20 May 2011

မြန်မာ့ အနာဂါတ်နှင့် အားလုံးပါဝင်ရေး

မြန်မာ့နိုင်ငံရေးကို စစ်တပ်ကချည်း လွမ်းမိုးချုပ်ကိုင်ခဲ့တာ နှစ်ပေါင်း ၅၀ နီးပါး ရှိနေခဲ့ပါပြီ။ စစ်တပ်အနေနဲ့ သူသာလျှင် တိုင်းပြည်ရဲ့ ကယ်တင်ရှင်လို့ ဘယ်သူကမှ ဘွဲ့မပေးဘဲ သူ့ဖာသာ ဘွဲ့တပ်ပြီး တကိုယ်တော် လူစွမ်းကောင်း ဆရာကြီးလုပ်၊ တိုင်းပြည်ရဲ့ အရပ်ရပ်သော စီမံခန့်ခွဲမှုတွေကို ချုပ်ကိုင်ခဲ့ရာက (ရှေ့နေကယ်မှ ထောင်လုံးလုံးကျ) ဆိုသလို စစ်တပ်က ကယ်လိုက်မှ တတိုင်းပြည်လုံး ကြေမွပျက်စီးသွားရတာတော့ အများသိတော်မူကြတဲ့ အတိုင်းပါဘဲ။

၁၉၆၂ ခုနှစ် ဦးနေဝင်း ခေါင်းဆောင်ပြီး စစ်တပ်က အာဏာသိမ်းတော့ (တိုင်းပြည် ချောက်ထဲကျခါနီး လက်တလုံး အလိုမှာ စစ်တပ်က တိုင်းပြည်ကို အချိန်မီ ကယ်တင်လိုက်ရတယ်) လို့ ဆိုခဲ့တယ်။ အခုအချိန်မှာတော့ ပြည်သူအများ ပြောဆိုနေကြတာက (ချောက်ထဲ ကျခါမှ ကျရော။ စစ်တပ်က မကယ်တင်တာကမှ ကောင်းဦးမယ်။ သူကယ်လိုက်မှ တိုင်းပြည်က ချောက်ထဲ မက၊ အဝီဇိ ကျနေပြီ) လို့ ဆိုနေကြပါတယ်။

ဒါဟာ စစ်တပ်ရဲ့ တကိုယ်တော် လူစွမ်းကောင်း ဝါဒကြောင့် ဖြစ်ရတာပါ။

ဘယ်အသင်း ဘယ်အဖွဲ့ဘယ်ပုဂ္ဂိုလ် ဘယ်လောက်တော်တော်။ ပြည်သူအများစုကြီးထက် ဘယ်သူကမှ ပိုပြီး မတော်နိုင်ပါဘူး။ ပြည်သူလူထုဆိုတာ အိုးစရည်းဖြစ်ပြီး တသင်းတဖွဲ့ တယောက်ကောင်းဆိုတာ လောင်းအိုးမျှသာ ဖြစ်ပါတယ်။ စစ်တပ်က စစ်ရေးတော်ချင် တော်မယ်။ တတ်ချင် တတ်မယ်။ ပြည်သူလူထုဆိုတာက နိုင်ငံရေး၊ စီးပွားရေး၊ လူမှုရေး၊ တရားဥပဒေရေး၊ ဘာသာရေး၊ ပညာရေး၊ ကျန်းမာရေး၊ အဖက်ဖက်က တတ်သိနားလည် ကျွမ်းကျင်သူတွေ ပါဝင်နေတဲ့ အိုးစရည်းပါ။ အိုးစရည်းကို လောင်းအိုး တသင်းတဖွဲ့က ဆရာကြီး လုပ်နေရင် ဘယ်လိုမှ ဘက်ပေါင်းစုံက တိုးတက်တဲ့ နိုင်ငံတခု မဖြစ်နိုင်ပါဘူး။

ဒီနေရာမှာ တသင်းတဖွဲ့ ပြဿနာသာ မက။ ဝါဒတခု၊ အယူအဆ တခုတည်းကို အခြေခံပြီး နိုင်ငံတည်ဆောက်လို့လည်း မရနိုင်ဘူးဆိုတာ ဆိုဗီယက် ရုရှားခေတ်က ဝါဒတခုတည်းနဲ့ တည်ဆောက်ထားတဲ့ ဆိုဗီယက် ရုရှားမှာ လူတွေမွဲတေပြီး လူသုံးကုန်ပစ္စည်းတွေ ရှားပါးလွန်းလို့ ရှေ့က ခေါင်းဆောင် ယောင်္ကျားရင့်မကြီးတွေက နိုင်ငံတကာ လူပုံအလယ်မှာ ဟန်ကြီးတခွဲနဲ့ ထွက်ထွက်လာကြပေမဲ့ နောက်ကွယ်မှာ ရုရှားမိန်းကလေးငယ်တွေဟာ အင်္ဂလန်လို စင်္ကာပူလို နိုင်ငံမျိုးတွေရဲ့ ဟိုတယ်တွေမှာ ကိုယ်ခန္ဓာနဲ့ ရင်းပြီး မိသားစု စီးပွားရေးပြဿနာကို ဖြေရှင်းနေခဲ့ရတာ သေချာလှပါတယ်။ ရုရှားရေတပ် စစ်သင်္ဘောတွေ ပင်လယ်ပြင်မှာ ကင်းလှည့်တဲ့အခါ နောက်ကရိက္ခာ မပါလို့ ငါးဖမ်းသင်္ဘောတွေကို ဒီဇယ်ရောင်းပြီး စားဘို့ ဖန်တည်းရတယ်ဆိုတာလဲ ရုရှားခေါင်းဆောင်ကြီးတွေ အသိဆုံး ဖြစ်မယ်ထင်ပါတယ်။

အယူဝါဒတခုကို ခေါင်ေးဆာင်ကြီးတွေက ခေါင်းမာမာနဲ့ ဘယ်လိုပင် တည်ဆောက်သော်လည်း သူတို့တည်ဆောက်တဲ့ဝါဒဟာ လူတွေရဲ့ဘဝတွေကို လုံခြုံမှုမပေးနိုင်ရင် ဒီအယူဝါဒကို စတင်လက်ခံတဲ့ ပြည်သူတွေကဘဲ ဒီဝါဒကိုပယ်ချ အုံကြွတော်လှန်ကြတာ ကမ္ဘာ့ဖြစ်စဉ်တွေ အများကြီးပါဘဲ။

ဒီကနေ့ အရှေ့ အလယ်ပိုင်းနိုင်ငံတွေမှာ ဖြစ်ပေါ်နေတဲ့ လူထုအုံကြွမှုတွေဟာလဲ လူတစုရဲ့ ကိုယ်ကျိုးစီးပွားကာကွယ်မှုဝါဒ လွှမ်းမိုးချယ်လှယ်မှုအောက်မှာ လူအများကြီးရဲ့ဘဝတွေ မလုံခြုံရာက ပေါက်ကွဲသံစဉ်တွေ အရှိန်ပြင်းပြင်းနဲ့ ဖြစ်ပေါ်လာတယ်ဆိုတာ ဘယ်သူကမှ ငြင်းချက်ထုတ်နိုင်မယ် မထင်ပါဘူး။

ဘယ်လို ဘယ်တော့မှ မပြိုမပျက်နိုင်ဘူးလို့ ထင်မြင်ယူဆရတဲ့ စနစ်ကြီးဘဲဖြစ်ဖြစ် လူသားဆိုတဲ့ ဦနှောက်နဲ့ စိတ်ခံစားမှုရှိတဲ့ သတ္တဝါ၊ ပြုံးတတ် ရယ်တတ်တဲ့ သတ္တဝါကို ပြုံးနိုင် ရယ်နိုင်စေခြင်း မရှိတဲ့စနစ်ဟာ ကြာကြာတည်တံ့ခိုင်မာမယ် မဟုတ်ဘူး။ ကျုပ်တို့က ပြည်သူတွေကို ဘာတွေလုပ်ပေးနေတယ်။ ဘယ်လို ဦးဆောင်နေတယ်။ ကျုပ်တို့က ပြည်သူ့အကျိုး ဘယ်လို သယ်ပိုးနေတယ်။ ကျုပ်တို့က တိုင်းပြည်နဲ့ လူမျိုးအတွက် ဘယ်လောက် တာဝန်ကျေတယ်။ ဘယ်လောက် အနစ်နာခံနေတယ် ဆိုဆို၊ လူတွေက ကိုယ်ဘယ်နှစ်ခါ စိတ် ကျေနပ်မှုရခဲ့သလဲ။ ဘယ်နှစ်ခါ ပြုံးခွင့် ရယ်ခွင့်ရခဲ့သလဲဆိုတာ လူသားက လူသားဖြစ်လို့သိတယ်။ နားလည်တယ်။ လူသား မဟုတ်သေးဘူး။ တိရိစ္ဆာန်တွေတောင်မှ ဘယ်သခင်က ဘယ်လောက် ကျွေးမွေးစောင့်ရှောက်သလဲဆိုတာကို သိရှိ နားလည်ကြတယ်။

လူလောကမှာ လူတွေရဲ့လိုအပ်ချက်တွေက အလွန်များပြားလှပါတယ်။ စီးပွားရေးလည်း ပြည့်စုံရမယ်။ လူမှုရေးလည်း ချောင်ချိသက်သာရမယ်။ ဘာသာတရား ကိုးကွယ်ဆည်းကပ်မှုဆိုတဲ့ နာမ်ပိုင်းဆိုင်ရာ အားဆေးတွေလည်း ရှိရမယ်။ လူတဦးချင်းရဲ့ လွတ်လပ်ခွင့် ဆုံးဖြတ်ပိုင်ခွင့်တွေလည်း အားပေးမှုရှိရမယ်။ လူကို လူက လေးစားအသိအမှတ်ပြုမှုတွေ၊ အရည်အချင်းအလိုက် တိုးတက်ပိုင်ခွင့်တွေ ရှိရမယ်။ လူတဦးချင်း ဘဝလုံခြုံမှုတွေအတွက် ပုဂ္ဂလိက ပိုင်ဆိုင်မှုတွေ ခွင့်ပြုရမယ်။ ပြီးတော့ လူတွေရဲ့ ပျော်ရွင်မှုကို ပေးဝေနိုင်တဲ့ ရိုးရာဓလေ့ထုံးတမ်းတွေကိုလည်း တန်ဘိုးထားရပါမယ်။ ကုန်ကုန်ပြောရင် လုပ်ငန်းတခု မအောင်မြင်လို့ အရှုံးနဲ့ ရင်ဆိုင်ရပြီဆိုရင်တောင်မှ ဂုဏ်သက္ခာရှိရှိ လူမွဲဖြစ်ခွင့်ရှိရမယ်။ တတိုင်းပြည်လုံး မွဲတေနေပေမဲ့ လူမွဲမရှိတဲ့ လူချမ်းသာ နိုင်ငံတခုလို ဟန်ရေးပြနေရုံနဲ့ မပြီးနိုင်ဘူး။ ပြည်သူလူထုက မိမိတို့ဘဝ တကယ်ပြည့်စုံရဲ့လား။ စိတ်ချ လုံခြုံမှု ရှိရဲ့လားဆိုတာ အစိုးရတခုရဲ အပြောနဲ့လဲ မဆုံးဖြတ်ဘူး။ သတင်းစာ စာမျက်နှာပေါ်က အရေးအသားနဲ့လဲ မဆုံးဖြတ်ဘူး။ ကိုယ့်ဝမ်းစာ ဘယ်လောက် ဖူလုံသလဲ။ ကိုယ်မကျန်းမာတဲ့အခါ ဘယ်လို ဘယ်လောက်ဆေးဝါးဓါတ်စာ ရနိုင်သလဲ။ ကိုယ်တက်လမ်းမှာ ဘယ်သူတွေ ပိတ်ဆို့နေသလဲ။ အစိုးရတခုရဲ့အောက်မှာ ကိုယ့်အသက်ရှုရတာ ချောင်သလား။ ကြပ်သလား။ တနေ့ ဘယ်နှစ်ကြိမ် သက်ပြင်းချရသလဲဆိုတာ လူမှန်ရင်သိတယ်။

နိုင်ငံတခုမှာ မူတခု လူတစုရဲ့ အတွေးလောက်နဲ့ လူတွေရဲ့ များပြားလှတဲ့ လိုအပ်ချက်ကို မဖြည့်ဆည်းနိုင်ဘူး။ လူတွေရဲ့ လိုအပ်ချက်ကို အကောင်းဆုံးဖြည့်ဆည်းနိုင်ဘို့ဆိုရင် လူတွေအားလုံး ပေါင်းစပ်ပါဝင်လှုပ်ရှားခွင့်ပြုမှသာ အောင်မြင်နိုင်ပါမယ်။ နိုင်ငံကောင်းဘို့ တကယ်စိတ်စေတနာ ကောင်းရှိတယ်ဆိုရင် တသင်းတဖွဲ့၊ လူတစု၊ ဝါဒတခုထက် တိုင်းပြည်တခုလုံးရဲ့အရေး၊ တိုင်းပြည်တွင်း မှီတင်းနေထိုင်သူ အားလုံးရဲ့အရေးကို (we all together) လို့ လွှမ်းခြုံကြည့်မြင်မှသာ အသေးအမွှား ရှုမြင်မှုတွေ ပျောက်ကွယ်သွားမှာ ဖြစ်ပါတယ်။ အိမ်ခေါင်မိုးလောက်ကို ကောင်းကင်လို့ထင်ရင် အိမ်ပြင်ထွက်ပြီး ခေါင်းမော့ကြည့်စေချင်ပါတယ်။ ဂူအောင်းပြီး ဆီမီးခွက်ကို နေမင်းထင်ရင် ဂူပြင်ထွက်ပြီး နေစာလှုံပါဦး။ စစ်တပ်ထဲမှာ တသက်လုံးနေပြီး စစ်တပ်ကမှ လုပ်တတ်တယ်ထင်ရင် အရပ်ထဲလာပြီး မူလတန်း ကလေးလောက်ကို ကကြီး ခကွေး လက်ရေးလှအောင် ကိုယ်တိုင်သင်ပေးကြည့်ပါဦးလို့ တိုက်တွန်းချင်ပါတယ်။ ပြောသာ ပြောရတယ်။ စစ်တပ်ကလူတွေ အရပ်ထဲမှာ ဘယ်နားမှ မပါတာက အကောင်းဆုံးပါ။

ပြီးတော့ စစ်အစိုးရမှ မဟုတ်ဘူး။ ဘယ်အစိုးရဖြစ်ဖြစ် အစိုးရဆိုတာ နေရာတိုင်းမှာ ထောင့်စေ့အောင် မလုပ်နိုင်ပါဘူး။ ပြည်သူလူထုကို နိုင်သလောက် တာဝန်ခွဲဝေလုပ်ကိုင်စေတာက ပိုပြီးစေ့စေ့ငုငု ရှိတတ်ပါတယ်။ လူမှုလူ့အဖွဲ့အစည်းတွေကို ဒေသအလိုက် အကြောင်းအရာအလိုက် တာဝန်ခွဲဝေပေးလိုက်ရင် တာဝန်ကြီး ကိုင်ထားရတဲ့အစိုးရမှာ တာဝန်တောင် နဲပါးသွားလို့ ပိုအရေးကြီးတဲ့ နိုင်ငံရေးတာဝန်ကို အချိန်ပေးလုပ်ဆောင်နိုင်ပါသေးတယ်။ ပြည်သူလူထုကို တာဝန်ခွဲမပေးတတ်ခြင်းကိုက စီမံခန့်ခွဲမှုနည်းပညာ မတတ်တာကို ဖေါ်ပြနေတာဖြစ်တယ်။

ဥပမာ–


မြစ်ဝကျွန်ေးပ်ါက မုန်တိုင်းဒဏ်ကြောင့် ပျက်စီးဆုံးရှံးရတဲ့ ကယ်ဆယ်ကူညီရေး လိုအပ်ချက်တွေကို အညာသား ကျောက်ဆည်သား ဗိုလ်သန်းရွှေ သိသလောက်နဲ့ ကြပ်ပြေးမှာ ထိုင်ပြီး ဆုံးဖြတ်လုပ်ကိုင်လို့ မရနိုင်ပါဘူး။ ရခိုင်ပြည်နယ် မြေပုံမြို့က လိုအပ်ချက်ကို မြေပုံသားတွေက ပိုသိမှာပါ။ ဒီလို သဘာဝဘေးဒဏ်တွေ ကြုံလာရချိန်မှာ ဒေသဆိုင်ရာ လူမှုရေးအသင်းတွေ လွတ်လွတ်လပ်လပ် ဖွဲ့စည်းခွင့်ပြုထားရင် တက်တက်ကြွကြွဆောင်ရွက်ခွင့်ပေးထားရင် သတင်းအချက်အလက်ကအစ တိတိကျကျ အမြန်ရနိုင်သလို ကူညီမှုတွေကလဲ ထိရောက်နှံ့စပ်နိုင်မှာ ဖြစ်ပါတယ်။

အခုခေတ် ကမ္ဘာကြီးပေါ်မှာ ဒီမိုကရေစီနိုင်ငံတွေက အာဏာရှင် နိုင်ငံတွေထက် ပိုပြီးတိုးတက်ဖွံ့ဖြိုးသွားတာဟာ လူတွေအတွက် လူတွေဆီက အကြံဥာဏ်တွေနဲ့ လူတွေကိုယ်တိုင် ဖြေရှင်းဆောင်ရွက်ခွင့်ကို စနစ်တကျ ပေးထားတာက အားသာချက်လို့ ပြောရမယ် ထင်ပါတယ်။

နိုင်ငံသားတွေရဲ့ ဆုံးဖြတ်ပိုင်ခွင့် လုပ်ပိုင်ခွင့်ကို မလေးစားဘူးဆိုရင် နိုင်ငံသားတွေကို လုပ်နိုင် ကိုင်နိုင် လုပ်တတ် ကိုင်တတ်အောင် မဖြည့်ဆည်းတဲ့ အစိုးရမျိုးကို အစိုးရလို့ ခေါ်ဆိုဘို့တောင် မသင့်တော်ပါဘူး။ ပိုပြီးဆိုးတာက နိုင်ငံသားတွေကို လက်အောက်ငယ်သားလို သဘောထားပြီး ကိုယ်ကချည်း ဆရာကြီးလုပ် လက်ညှိုးထိုး ခါးထောက်လမ်းညွှန် လိုအပ်သလိုမှာကြားနေတဲ့ အစိုးရမျိုး ဖြစ်မယ်ဆိုတာ မြန်မာပြည်မှာ လက်တွေ့ကြုံနေရတဲ့ အခြေအနေတွေက သင်္ခန်းစာပေးနေတယ် ထင်ပါတယ်။

ဒီနေရာမှာ စစ်အစိုးရ မတတ်ဘဲနဲ့ နေရာတကာဝင်ပါနေပြီး ကိုယ့်တိုင်းပြည်က မတိုးတက်ဘဲ သူများတိုင်းပြည်တွေက တိုင်းပြည်တိုးတက်အောင် ဘယ်လိုလုပ်ဆောင်နေကြသလဲ ဆိုတာလဲ ပြောပြချင်ပါတယ်။

စင်္ကာပူမှာ လူသုံးကုန်ပစ္စည်းတွေ ထုတ်လုပ်တယ်၊ ဂျပန်ကုန်ပစ္စည်းတွေလိုဘဲ ကြိုးစားထုတ်လုပ်တယ်၊ ဒါပေမဲ့ စင်္ကာပူနိုင်ငံထုတ် ကုန်ပစ္စည်းတွေက ဂျပန်ပစ္စည်းကို အရည်အသွေးအရ စံချိန်လုံးဝမမှီဘူးဖြစ်နေတယ်။ ဒါကို စင်္ကာပူဝန်ကြီးချုပ် လီကွမ်ယူရဲ့ စိတ်ထဲမှာ ဘာကြောင့်ဒီလို ဖြစ်ရတာလဲဆိုတာ သိချင်နေတယ်။ ဒါနဲ့ သူဟာ ဂျပန်စက်မှု ကိုယ်စားလှယ်တွေ စင်္ကာပူကို လာချိန်မှာ (ကျွန်တ်ာတို့လဲ လုပ်နေတာဘဲ၊ ဘာကြောင့် ခင်ဗျားတို့ ဂျပန်ပစ္စည်းကို မမှီရသလဲ) လို့ မေးတော့တယ်။ ဒီတော့ ဂျပန်တွေက ပြောတယ်။ ခင်ဗျားတို့ စင်္ကာပူမှာ ကော်လာဖြူ- ကော်လာပြာ ရှိတယ်။ ကျွန်တော်တို့ ဂျပန်မှာ ကော်လာဖြူ- ကော်လာပြာ မရှိဘူး။ ကော်လာ မီးခိုးဘဲ ရှိတယ်လို့ ပြောပါသတဲ့။

ဆိုလိုတာက ဂျပန်မှာ ကုန်ပစ္စည်းတွေ ထုတ်လုပ်တယ်။ ကုန်ပစ္စည်းတခု ထုတ်လုပ်ဘို့ ကော်လာဖြူဆိုတဲ့ ပညာတတ် လူတန်းစားကလဲ အောက်ခြေ အလုပ်သမားတွေလုပ်တဲ့ အခြေခံကအစ တတ်သိနားလည်အောင်လုပ်တယ်။ ကော်လာပြာ အလုပ်သမားတွေရဲ့ ပညာအရည်အချင်းကိုလဲ ကော်လာဖြူတွေ နီးပါးမြှင့် တင်ပေးတယ်။ (ဂျပန်မှာ မသင်မနေရ ပညာရေးစနစ်ဟာ အလယ်တန်းအဆင့်ထိ ဖြစ်ပါတယ်)။ ဒါကြောင့် ဂျပန်ကုန်ပစ္စည်းတွေဟာ အရည်အသွေး မြင့်တယ်လို့ဆိုလိုပါတယ်။

ဒီအကြောင်းကို မြန်မာပြည်မှာ စက်တခု ပြင်ဆင်ရင်း စက်ဆရာ တယောက်ကို ပြောမိပါတယ်။ စက်ဆရာက ပြန်ပြောပါတယ်။ ဂျပန်နဲ့ စင်္ကာပူကွာတာ ကော်လာဖြူ-ကော်လာပြာ-ကော်လာ မီးခိုးကြောင့်ဆိုရင် ကျွန်တ်ာတို့တိုင်းပြည်မှာ ခဲတံချွန်စက်တို့ မုတ်ဆိတ်ရိတ် ဓားတို့လို အသေးစားထုတ်လုပ်မှုမျိုးတောင် ဖြစ်မြောက်အောင် မလုပ်နိုင်တာ စစ်တပ်က စစ်အာဏာရှင် ကော်လာစိမ်းတွေရဲ့ ရေဘူးပေါက်တာ မလိုချင်ဘူး။ ရေပါတာဘဲ လိုချင်တယ် မူဝါဒကြောင့် ဖြစ်မယ်လို့ ပြန်ပြောပါတယ်။ ဟုတ်ပါတယ်။ ဒါပါဘဲ။

ကော်လာစိမ်း စစ်ဗိုလ် လူတတ်ကြီးတွေဟာ ကျွမ်းကျင်သူပညာရှင်က အကြံပေးတာလဲ နားထောင်လေ့ မရှိဘူး။ သူတို့မတတ်ဘဲ ပေးနေတဲ့ လမ်းညွှန်ချက်တွေကို ဘာမှ ပြန်မပြောနဲ့။ (ဟုတ်ကဲ့) လိုက်ရင်တောင် ပေရှည်တယ် ထင်သေးတယ်လို့ ပြည်သူတွေက ပြောဆိုကြပါတယ်။

မြန်မာနိုင်င်မှာ အဲဒီလို ကော်လာစိမ်းတွေချည်း ဗိုလ်ကျချယ်လှယ် လုပ်ကိုင်နေတာ နှစ် ၅၀ နီးပါးရှိနေပြီ။ အခုအချိန်မှာ နိုင်ငံတကာနဲ့ ယှဉ်ရင် မိုးနဲ့မြေလို ကွာဟနေပြီမို့ ကော်လာစိမ်းတွေချည်း အလုပ်လုပ်နေလို့ မရနိုင်ဘူးဆိုတာ ဒီလောက်ဆို သိသင့်ပါပြီ။ စစ်တပ်လိုဘဲ တခြားတခြား ခေါင်းမာတဲ့ အသင်းအဖွဲ့တွေ ဝါဒစွဲကြီးသူတွေလဲ ရှိနိုင်ပါသေးတယ်။ မလုပ်ကြပါနဲ့။

ကိုယ့်အသင်း ကိုယ့်အဖွဲ့ဆိုတာမျိုး မလုပ်ကြပါနဲ့။ ကိုယ့်ဝါဒ -ကိုယ့်အယူအဆ မလုပ်ကြပါနဲ့။ အခုနိုင်ငံတကာက ပြောဆိုနေတဲ့ အားလုံးပါဝင်ရေး (all inclusive) ဆိုတဲ့စကားဟာ အနာဂါတ်မြန်မာနိုင်ငံအတွက် အဓိပ္ပါယ်ရှိသလို သိပ်ကိုလဲ အရေးကြီးပါတယ်။ အားလုံးပါဝင်ရေးဆိုတာ ပြည်သူလူထု အားလုံးကိုဆိုလိုတာပါ။ အိုးစရည်ထဲက လူတော် လူကောင်းတွေ အားလုံးပါဝင်လာနိုင်ရေးကို ဆိုလိုတာပါ။ လူတဦး တယောက်ဖြစ်စေ- လူတစု အဖွဲ့တခုဖြစ်စေ ပါတီတခု ဖြစ်စေ။ အခြေအနေ အချိန်အခါအရ ဘယ်သူက ဦးဆောင်ကဏ္ဍမှာ ရှိသင့်တယ်ဆိုတာ ပြည်သူတွေက ရွေးချယ်ပါလိမ့်မယ်။

လူက တော်တာချင်း တူနေရင်တောင် အကျင့်စာရိတ္တ ပိုကောင်းတာ၊ ရုပ်ပိုချောတာ၊ အသံသြဇာနဲ့ ပိုပြည့်စုံတာမျိုးကို လူထုက ရွေးချယ်ပါလိမ့်မယ်။ လူထုရှေ့က ငါကွ ဆရာကြီးမလုပ်ချင်ကြပါနဲ့။ အများပါဝင်ရေး မလုပ်ချင်ဘဲ ငါတို့ချည်းလုပ်မယ်။ ဟိုလူ မပါစေရ၊ ဒီလူ မပါစေရ၊ ဒါအပြင် မဟာ ဗမာဝါဒနဲ့ တိုင်ရင်းသားတွေ မပါရ။ တို့မြန်မာတွေဘဲ ဦးဆောင်ကဏ္ဍက နေမယ်လို့လဲ မလုပ်ချင်ကြပါနဲ့။

အတိတ်က လွတ်လပ်ရေးတိုက်ပွဲကာက၊ လွတ်လပ်ရေးယူပြီးကာလက အသင်းအဖွဲ့အကြွေး၊ ၀ါဒကြွေး -ရန်ကြွေး-မာနကြွေး- သွေးကြွေး- ချွေးကြွေးတွေ ပြောနေလို့လဲ တိုင်းပြည်ကောင်းလာမှာ မဟုတ်ပါဘူး။ ဒေါ်အောင်ဆန်းစုကြည်ပြောသလို ပြောရရင် အတိတ်ဆိုတာ ဘာမှ မဟုတ်ပါဘူး။ မိမိတို့ရဲ့ အတ္တလေးတွေ နဲနဲစီလျော့လိုက်ရင် မြန်မာ့နိုင်င်ငံရေးမှာ အားလုံး ပါဝင်ရေးဆိုတာ ခက်ခဲမယ်လို့ မထင်မိပါ။ ခက်အောင်လုပ်နေသေးရင် မရိုးသား မဖြူစင်လို့ပါဘဲ။ မြန်မာ့နိုင်ငံရေး အလွယ်မတွေးသင့်ပါ ဆိုသူတွေဟာ အတ္တ ကိုယ်ကျိုးစီးပွား ကာကွယ်မှုအတွက် တောင်ပြော မြောက်ပြော မိုးပြော ချိုးပြော အကြောင်းပြရမယ်ရှာ လွယ်ချင်ရင် လွယ်နိုင်ပါလျှက် ခက်အောင် ပြောဆိုနေသူတွေပါ။

အားလုံးပါဝင်ရေးဆိုတာ တိုင်းပြည်တွင်းရှိ လူထုလူတန်းစား အားလုံးရဲ့ကိုယ်စားပြုအဖွဲ့အစည်းစုံပါဝင်ဖို့ပါဘဲ။ လူတယောက် ကျန်းမာရေးကောင်းဘို့ ပထဝီ-တေဇော -ဝါယော-အာပေါဆိုတဲ့ ဓါတ်ကြီးလေးပါး ညီညွှတ်မှ ကျန်းမာတယ်ဆိုတာကို မြန်မာတိုင်းသိရှိကြား ဘူးမှာပါ။ ဓါတ်လေးပါးမှာ တပါးပါးက ကဲနေရင် လူက မကျန်းမမာဖြစ်တော့တာဘဲ။ မြန်မာပြည်မှာတော့ နိုင်ငံတာဝန်တွေ လုပ်ငန်းသဘာဝအားဖြင့် အမျိုးမျိုးအဖုံဖုံ ရှိနေပါလျှက် လက်နက်ကိုင် စစ်တပ်ရဲ့ပါဝင် ပတ်သက်မှုက သူမရောက်တဲ့နေရာ မရှိအောင် လွန်ကဲ နေတယ်။ လက်နက်နဲ့ အာဏာဓါတ် လွန်နေတယ်။ တေဇောဓါတ်လွန်လို့ အဖျား ၁၀၅-၁၀၆ ဒီဂရီ တက်နေတဲ့ လူမမာလို အပူဓါတ်လွန်နေတယ်။ အာပေါလွန်ပြီး ချွေစေးပြန် အမောဖေါက်နေတယ်။

ဝါယောဓါတ်တွေ မရှိရမဲ့နေရာ အသဲထဲ အညှို့ထဲ ရောက်နေလို့ လေထိုးလေအောင့် အမေကယ်ပါ အဘ ကယ်ပါဖြစ်နေတယ်။ စစ်တပ်က တိုင်းပြည်အေးချမ်ေးအာင် ဖိလိုက်နှိပ်လိုက်တာ အဖိလွန်ပြီး ပထ၀ီဓါတ်ကျုံ့လွန်းလို့ အေးချမ်းတာထက် အေးခဲနေပြီ။ စစ်တပ်ရဲ့ ပါဝါအာဏာ လွန်ကဲနေလို့ တိုင်းပြည် နာမကျန်းဖြစ်နေတာကို အားလုံးပါဝင်ရေးနဲ့ ဓါတ်ပြန်ညှိမှသာလျှင် နာမကျန်းနေတဲ့ တိုင်းပြည်ကို ပြန်လည် ကုစားနိုင်မယ်။

အားလုံးပါဝင်ရေးကို ပြန်လည်ဖေါ်ဆောင်နိုင်ဖို့အတွက် ပြောမယ်ဆိုရင် လက်ရှိအခြေအနေမှာ တပ်မတော်အစိုးရကိုယ်စားလှယ် ဖြစ်နေတဲ့ ကြံ့ဖွတ်အစိုးရကိုဘဲ အဓိက ဦးတည်ပြောဆိုရမယ် ထင်ပါတယ်။ ၂၀၁၀ ရွေးကောက်ပွဲရလာဒ်နဲ့ ပေါ်ပေါက်လာတဲ့ ကြံ့ဖွတ်အစိုးရကို အရပ်သားအစိုးရလို့ အမည်တပ်လို့ မရသေးသလို အားလုံးပါဝင်ရေးနဲ့လဲ လုံးဝအလှမ်းဝေးနေသေးတယ်ဆိုတာတော့ မပြောမဖြစ် ပြောရဦးမှာပါဘဲ။

ပြီးတော့ အားလုံးပါဝင်ရေးဆိုတာ တို့စစ်တပ်က ခေါင်းဆောင်မယ်။ တို့လက်အောက်မှာ တို့နဲ့အလွမ်းသင့် သူတွေပါချင်ပါ။ တို့နဲ့ မသင့်သူတွေ မပါနဲ့ဆိုတဲ့ ၂၀၁၀ ရွေးကောက်ပွဲ လုပ်နည်းလုပ်ဟန်မျိုးလဲ မဟုတ်ဘူး။ စစ်တပ်က စစ်ဗိုလ်တွေ တိုင်းရင်းသားဝတ်စုံတွေ ကောက်ဝတ်ပြီး တိုင်းရင်းသားကိုယ်စားလှယ်တွေ ပါဝင်ရေးဆွဲထားလေဟန် လိမ်စဉ်ရေးထားတဲ့ ၂၀၀၈ ဖွဲ့စည်းပုံကို ချပြတာမျိုးလဲ မဟုတ်ဘူး။

စစ်မှန်တဲ့ ပြည်တွင်းပြည်ပ အတိုက်အခံအားလုံးပါဝင်နိုင်မှု၊ အကျဉ်းကျနိုင်ငံရေးသမားတွေ ပါဝင်လှုပ်ရှားနိုင်မှုတွေ၊ တိုင်းရင်းသား အစစ်အမှန်အားလုံး ဖွဲ့စည်းပုံရေးဆွဲရာမှာ ပါဝင်နိုင်မှုတွေ ရေးချင်တာကို ရေးချင်သူတွေ ရေးနိုင်တဲ့ မီဒီယလွတ်လပ်ခွင့်တွေ ဖတ်ချင်တာကို ဖတ်ချင်သူတွေ ဖတ်ခွင့်ရှိဖို့တွေ လူ့အခွင့်အရေး လေးစားလိုက်နာမှုတွေ လူမှုလူ့အဖွဲ့အစည်းမျိုးစုံ ရှင်သန် ဖွံ့ဖြိုးမှုတွေ ပြည့်စုံတဲ့ အားလုံးပါဝင်ရေးကို ဆိုလိုပါတယ်။ ကုန်ကုန်ပြောရရင် လူထုအသံဖြစ်တဲ့ လူရွှင်တော်များ အစိုးရရဲ့ မူဝါဒတွေ၊ လုပ်ရပ်တွေကို လွတ်လပ်စွာ လှောင်ပြောင်သရော်ခွင့် သင်္ကြန်ကာလ သံချပ်ထိုးဝေဖန်ခွင့်လို လူထုအခွင့်အရေးတွေပါ ပါရမယ်။

အဲဒီလို တိုင်းပြည်တွင်းက အရှိတရား လူတွေအားလုံးကို ဘေးဖယ်မထားတဲ့ အားလုံးပါဝင်တဲ့ နိုင်ငံရေး ဖြစ်စဉ်ကသာ မြန်မာ့အနာဂါတ်ကို လှပစေမှာ ဖြစ်ပါတယ်။ သေချာရေရာစေမှာ ဖြစ်ပါတယ်။

လက်ရှိအနေအထားအတိုင်း နိုင်ငံသားတွေကို ဘေးဖယ်ထားပြီး မြေအောက် ယူဂျီ (UG) ဗိုလ်သန်းရွှေအစိုးရက တဖွဲ့၊ မြေပေါ် ကြံ့ဖွတ် ဗိုလ်သိန်းစိန်အစိုးရက တဖွဲ့၊ ဗိုလ်သန်းရွှေကိုယ်ပွား ဗိုလ်မင်ေးအာင်လှိုင်ရဲ့ နောက်ထပ် အာဏာသိမ်းချင်သိမ်းမယ်ဆိုတဲ့ မိုးခြိမ်းသံ စစ်တပ်က တဖွဲ့ သုံးဖွဲ့ပြန်ပေါင်းရင် မူရင်း စစ်အာဏာရှင်ဘဲ ပြန်ကျတဲ့ စစ်ဝါဒီ တဖွဲ့တည်းနဲ့တော့ တိုင်းပြည်ဟာ စားနေကျ ကြောင်ပါးများလက်ထဲမှာ အရိုးပေါ် အရေတောင် မတင်နိုင်ဘဲ ချိနဲ့ အားပျော့နေဦးမှာ ဖြစ်ပါတယ်။

ဒါပေမဲ့ ဘယ်လိုဘဲ ဖြစ်ဖြစ် ဝါဒတခုနဲ့ တိုင်းပြည်ကို ကြိုးကိုင် ချယ်လှယ်နေမှုဟာ ဝါဒကို ကိုင်စွဲထားသူတွေရဲ့ ဘဝကိုတောင် လုံခြုံမှု မပေးနိုင်ဘူးဆိုတာ ဝါဒပိုင်ရှင်တွေကိုယ်တိုင် သိရှိနားလည်ချိန်ကို ရောက်ရှိဖို့ မဝေးတော့ဘူး ထင်ပါတယ်။ ထိုကာလ ထိုအချိန်ကို ရောက်သည်ဖြစ်စေ မရောက်သေးသည်ဖြစ်စေ ဒီမိုကရေစီ ခေတ်စနစ်ကို ရင်ထဲ အသဲထဲက ဘဝတွေနဲ့ရင်းပြီး လိုလားတောင့်တနေသူ ပြည်သူ့ဘက်တော်သားတွေက ဇွဲလုံးလကြီးစွာ စိတ်ရှည်သည်းခံခြင်းကြီးစွာနဲ့ စစ်အာဏာရှင်စနစ်ကို အရွေ့တခုနဲ့တွန်းထုတ် နေရဦးမှာ ပါဘဲ။ ဖြည်းဖြည်း ရွေ့မလား၊ မြန်မြန်ရွေ့မလား ဆိုတာကတော့ ပြည်သူအားလုံးရဲ့ စိတ်ခွန်အားညီညွှတ်မှု အပေါ်မှာသာ မူတည်ပါလိမ့်မယ်။

x x x x x

အားလုံးကို လေးစားသော

မမခင်

မြန်မာ့သတင်း ရုပ်သံ



လူထုခေါင်းဆောင် ဒေါ်အောင်ဆန်းစုကြည်နှင့် အမေရိကန်နိုင်ငံ အရှေ့အာရှနှင့် ပစိဖိတ် ဒေသရေးရာ လက်ထောက် နိုင်ငံခြားရေးဝန်ကြီး မစ္စတာ ဂျိုးဇက်ဝိုင်ယွန်းတို့ တွေဆုံပွဲ မှတ်တမ်း၊ ဓာတ်ပုံ...

ဓာတ်ပုံ ဒီမိုဝေယံ

18 May 2011

အကျဉ်းချခံရသူများအားလွတ်ငြိမ်းချမ်းသာခွင့်ပြုသည့်အမိန့်ကြေညာချက်အပေါ်နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ)သဘောထားထုတ်ပြန်ချက်

အကျဉ်းချခံရသူများအားလွတ်ငြိမ်းချမ်းသာခွင့်ပြုသည့် အမိန့်ကြေညာချက်အပေါ် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) ၏ သဘောထားထုတ်ပြန်ချက်

ရက်စွဲ။ ။ မေလ ၁၇ ရက်နေ့၊ ၂၀၁၁ ခုနှစ်

အကျဉ်းချခံရသူများအား လွတ်ငြိမ်းချမ်းသာခွင့်ပြုခြင်းနှင့်ပတ်သတ်သည့် နိုင်ငံတော်သမ္မတ ဦးသိန်းစိန်၏ အမိန့်ကြေညာချက်အပေါ် မိမိတို့ နိုင်ငံရေးအကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) အေအေပီပီမှ ပြင်းထန်စွာ ပြစ်တင် ရှုံ့ချလိုက်သည်။

ထိုကြေညာချက်တွင်

(က)၊ သေဒဏ်ချမှတ်ခံရသူများအတွက် ထောင်ဒဏ်တစ်သက်သို့ လည်းကောင်း
(ခ)၊ ထောင်ဒဏ်ကျခံနေရသူများသည် ယင်းတို့အပေါ် သတ်မှတ်ထားသောထောင်ဒဏ်ကို ထောင်ဒဏ် ရရှိပြီးသောလျော့ပေါ့ရက်များအပြင် တစ်နှစ်ထပ်မံလျော့ပေါ့ရရှိစေရန် လည်းကောင်း လွတ်ငြိမ်းချမ်းသာခွင့် ပြုလိုက်သည်ဟုဖေါ်ပြထားခဲ့သည်။

စစ်အစိုးရအဆက်ဆက်သည် ဒီမိုကရေစီရေး၊ လူ့အခွင့်အရေး၊ အမျိုးသားပြန်လည်သင့်မြတ်ရေး အတွက် ကြိုးစားလှုပ်ရှားသူများကို အာဃာတ ကြီးစွာထားပြီး မတရားဖမ်းဆီးကာ အများဆုံး ၁၀၆ နှစ်အထိ နှစ်ရှည် ထောင်ဒဏ်များ ချမှတ်ထားခဲ့သည်။

သာမန်ရာဇ၀တ်အကျဉ်းသားများသည် ထောင်မှပေးသော လျှော့ရက်ကို ၃ လလျှင် အနည်းဆုံး ၁၁ ရက်ရရှိပြီး အများဆုံး ၁ လ ခံစားခွင့်ရရှိကြသော်လည်း နိုင်ငံရေးအကျဉ်းသားများမှာ ၁၉၉၈ ခုနှစ်မှ စ၍ လျှော့ရက် လုံးဝ ခံစားခွင့်မရှိရုံသာမက ချုပ်ရက်များကိုလည်း ခံစားခွင့်မရခဲ့ပေ။

ထိုကြောင့် ယခုလွတ်ငြိမ်းချမ်းသာခွင့်အမိန့်သည် သာမန်ရာဇ၀တ်အကျဉ်းသားများအတွက် ပိုမို ခံစားခွင့်ရမည်ဖြစ်ပြီး နိုင်ငံရေးအကျဉ်းသားများအတွက်မူ အမည်ခံ လွတ်ငြိမ်းချမ်းသာခွင့်သာ ဖြစ်ခဲ့သည်။ မဆိုစလောက်သော လွတ်ရက်နီးနေသော သူများသာ လွတ်မြောက်လာမည်ဖြစ်သည်။

အေအေပီပီအတွင်းရေးမှု ကိုတိတ်နိုင်က “အခုကြေညာချက်က မြန်မာနိုင်ငံ အစိုးရအဆက်ဆက် သမိုင်းမှာ အဆုံးရွားဆုံး ဖြစ်တဲ့အပြင် နိုင်ငံရေးအကျဉ်းသားတွေ ပြန်လည်လွတ်မြောက်ရေးအတွက် ကြိုးစားဆောင်ရွက် တောင်းဆိုနေကြတဲ့ မြန်မာနိုင်ငံသားတွေ၊ နိုင်ငံတကာအစိုးရတွေ၊ ကုလသမဂ္ဂ အပါအ၀င် နိုင်ငံတကာ လူ့အခွင့်အရေးကောင်စီ၊ လူ့အခွင့်အရေးအဖွဲ့တွေကို ပျက်ရယ်ပြု စော်ကားလိုက်တာပဲဖြစ်တယ်” ဟု ပြောဆိုလိုက်သည်။

တဆက်တည်းတွင် အစိုးရသစ်သည် ယခင်စစ်အစိုးရအဆက်ဆက်ကဲ့သို့ပင် ဒီမိုကရေစီ ဖြစ်ပေါ်တိုးတက်ရေး၊ အမျိုးသားပြန်လည်သင့်မြတ်ရေးကို လုံးဝ ဖေါ်ဆောင်လိုစိတ်မရှိသည်ကို အထင်အရှားပြသလိုက်ခြင်းပင်သည်။

ထို့ကြောင့် မိမိတို့ အေအေပီပီအနေဖြင့် ထိုအမည်ခံ လွတ်ငြိမ်းချမ်းသာခွင့် ကြေညာချက်ကို ပြင်းထန်စွာ ရှုံ့ချပြစ်တင်သည့်အပြင် နိုင်ငံရေးအကျဉ်းသားများအား ခြွင်းချက်မရှိ အမြန်ဆုံး ပြန်လွှတ်ပေးရန်လည်း တောင်းဆိုလိုက်သည်။ အလားတူပင် မြန်မာနိုင်ငံ ဒီမိုကရေစီရေးနှင့် လူ့အခွင့်အရေး တိုးတက်ရေးအတွက် အပြုသဘော ၀ိုင်းဝန်းအကြံပြု ကြိုးစားဆောင်ရွက်နေသော နိုင်ငံတကာအသိုင်းအ၀ိုင်းအား စိန်ခေါ်လိုက်သည့် ထိုကြေညာချက်အပေါ် ကုလသမဂ္ဂ အပါအ၀င် နိုင်ငံတကာအသိုင်းအ၀ိုင်း မှလည်း ၀ိုင်းဝန်းရှုံ့ချကြရန်နှင့် ထိရောက်သော အရေးယူဆောင်ရွက်မှုများ ပြုလုပ်ကြပါရန် တိုက်တွန်းလိုက်ပါသည်။

နိုင်ငံရေးအကျဉ်းသားများကူညီ စောင့်ရှောက်ရေး အသင်း (မြန်မာနိုင်ငံ)

ဆက်သွယ်ရန်

ကိုတိတ်နိုင် (အတွင်းရေးမှူး) +၆၆ (၀) ၈၁ ၂၈၇ ၈၇၅၁
ကိုဘိုကြည် (တွဲဖက်အတွင်းရေးမှူး) +၆၆ (၀) ၈၁ ၉၆၂ ၈၇၁၃

လက်ရှိပြန်လွတ်လာကြတဲ့ နိုင်ငံရေး အကျဉ်းသား လက်ရှိစာရင်း




လက်ရှိပြန်လွတ်လာကြတဲ့ နိုင်ငံရေး အကျဉ်းသား လက်ရှိစာရင်း

၁ မသန္တာ
၂ ထက်ထက်ဦးဝေ
၃ မြမြသိန်း ....ပူတာအိုထောင်
၎ စိုင်းမင်းသိမ်း ....ခန္တီးထောင်
၅ ချိုချိုလွင် ....ပြည်ထောင်
၆ ကိုအေးလွင်...... ပြည်ထောင်
၇ မျိုးသန့် ....... မြင်းခြံထောင်
၈ ရဲမင်းဦး ...... မြင်းခြံထောင်
၉ ညီညီအောင် .......အင်းစိန်ထောင်
၁၀ မီးမီးလေး .........အင်းစိန်ထောင်
၁၁ မာမာအေး .........ပေါင်းတည်ထောင်
၁၂ ဇင်လင်းအောင် ......ပေါင်းတည်ထောင်
၁၃ ကျော်ဆန်း ........မိုင်းဆတ်ထောင်
၁၄ မချို
၁၅ စိန်လှိုင်
၁၆ ရွှေဂျိုး
၁၇ ကိုထွေးသိန်း အင်းစိန်ထောင်
၁၈ မြသန်းထိုက် ....... တောင်ငူထောင်
၁၉ ဇေယျာသော်.....ကော့သောင်းထောင်
၂၀ နော်အုန်းလှ ....တောင်ငူထောင်
၂၁ ဦးကျော်ဆန်း(ပြည့်သူလွှတ်တော်ကိုယ်စားလှယ်)
၂၂ အောင်အောင်ဦး
၂၃ မြင့်ထွန်း
၂၄ ကျော်ဝင်းထွဋ်
၂၅ ညီညီစံ(ခ)စန္ဒာဒိက
၂၆ မြင့်စိုး
၂၇ ၀င်းမြင့်
၂၈ သိန်းရွှေ
၂၉ ရဲထွဋ်ခေါင်
၃၀ မြတ်ဆန်းထူး
၃၁ ဦးငွေစိုး .........ရမည်းသင်းထောင်
၃၂ ကျော်ညွန့်...... ခန္တီးထောင်
၃၃ အေးမြင့် ..... သရက်ထောင်
၃၄ ထွန်းထွန်းနိုင် ........ဗန်းမော်ထောင်

ယနေ့ နိုင်ငံရေး အကျဉ်းသား အနည်းငယ်သာ ပြန်လည် လွတ်မြောက်လာတဲ့ အင်းစိန်ထောင်ရှေ့မြင်ကွင်း... (ဓာတ်ပုံ၊ သတင်း...၂)

ဒေါပုံမြို့နယ် အမျိုးသားဒီမိုကရေစီအဖွဲ့ချုပ် လူငယ်တာဝန်ခံ ၃ ကိုညီညီအောင်
အကျဉ်းဦးစီးဋ္ဌာန ညွှန်ကြားရေးမှူးချုပ် ဦးဇော်ဝင်း...

ဓာတ်ပုံ.... ဒီမိုဝေယံ

16 May 2011

၂၀၁၁ ခုနှစ် ဒုတိယအကြိမ် ပြည်သူ့ဂုဏ်ရည်ဆုရှင် အမည်စာရင်း ထုတ်ပြန်ခြင်း




ဆန္ဒမဲအများဆုံးဖြင့် ဒေါ်ရှု ကို ရွေးချယ်လိုက်သည်။




၂၀၁၁ ခုနှစ် ဒုတိယအကြိမ် ပြည်သူ့ဂုဏ်ရည်ဆုရှင် အမည်စာရင်း ထုတ်ပြန်ခြင်း

နေ့စွဲ - ၂၀၁၁ ခုနှစ် မေလ ၁၅ ရက်

ပြည်တွင်းရှိ လူမှုလုပ်ငန်း စေတနာ့ဝန်ထမ်းစွမ်းဆောင်သူများမှ နောက်ဆုံးဆန်ကာတင် ၅ ဦးအနက် ဆန္ဒမဲအများဆုံး ရရှိသူတဦးကို ရွေးချယ်ကြသည့် ပြည်သူ့ဂုဏ်ရည် ချီးမြှင့်ဂုဏ်ပြု အစီအစဉ်ကို မေလ၁၅ရက် က ကျင်းပပြီး ဒေါ်ရှု ကို ဆန္ဒမဲအများဆုံးဖြင့် ရွေးချယ်လိုက်သည်။

ပြည်သူ့ဂုဏ်ရည် ချီးမြှင့်ဂုဏ်ပြု အစီအစဉ်၏ နောက်ဆုံး ဆန်ခါတင် ၅ ဦး စာရင်းကို ထုတ်ပြန်ပြီး မေလ ၁၄ရက် ၂၀၁၁ခုနှစ် ညသန်းကောင်ယံအချိန်အထိ အင်တာနက်မှတဆင့် အများပြည်သူထံက ဆန္ဒအရှိဆုံး မဲများကို လက်ခံခဲ့ပြီး ဖြစ်သည်။ နောက်ဆုံး စာရင်းပိတ်ပြီးနောက် စုစုပေါင်း လက်ခံရရှိသည့် မဲအရေအတွက်ကို Westwood College – Prof. R. Hoo ခေါင်းဆောင်သည့် စိစစ်ရေးအဖွဲ့က အောက်ပါအတိုင်း အသိပေးထုတ်ပြန်လိုက်သည်။

မဲပေးကြသည့် နိုင်ငံစုစုပေါင်း = ၄၀ နိုင်ငံ

စုစုပေါင်း လက်ခံရရှိသည့် မဲအရေအတွက် = ၂၅၀၂၂၈ မဲ

ပထမ မဲအများဆုံး ရရှိသူ - စုစုပေါင်းမဲ၏ ၄၃.၉၁ %

ဒုတိယ မဲအများဆုံး ရရှိသူ - ၂၅.၇၅ %

တတိယ မဲအများဆုံး - ၁၅.၃၆ %

စတုတ္ထ မဲအများဆုံး - ၁၀.၃၇ %

ပဉ္စမ မဲအများဆုံး - ၀.၃၉ % ဖြစ်ပါသည်။

ဆန္ဒမဲလာရောက်ပေးကြသည့် ဧည့်ပရိသတ် ၀င်ရောက်မှု အများဆုံး နိုင်ငံများမှာ -

၁။ အမေရိကန်ပြည်ထောင်စု - စုစုပေါင်းမဲ၏ ၄၁.၁၀ %

၂။ စင်ကာပူ - ၂၁.၈၆ %

၃။ ထိုင်းနိုင်ငံ - ၆.၄၆ %

၎။ ဂျပန် - ၃.၁၆%

၅။ သြစတြေးလျ - ၃.၀၈ %

၆။ မြန်မာနိုင်ငံ - ၁.၁၃ %

ဒုတိယအကြိမ် ပြည်သူ့ဂုဏ်ရည်ဆုပေးအပ်ပွဲ ကျင်းပရေးကော်မတီ

ဆက်သွယ်ရန်။ ။ ကိုကျော်ဝဏ္ဏ (၀၁) ၆၂၆ ၄၇၈ ၇၇၁၇၊ ကိုလေး (၀၁) ၆၂၆-၃၈၃-၆၉၀၁၊ ကိုဝေလ (၀၁) ၆၄၆-၄၆၂-၉၀၁၇၊ ကိုထိန်လင်း (၀၁) ၄၁၅-၅၃၁-၃၇၆၁၊ ကိုဂျေစင် (၀၁) ၅၁၀-၄၀၂-၇၇၇၉



ဒေါ်ရှု၊ သံဃာတော်များနှင့် သီလရှင်များကို ထောင်ဝင်စာ ပေးပို့နေသူ


အသက် (၆၂) နှစ် အရွယ်ရှိ ဘိုကလေးသူ ဒေါ်ရှုသည် ၂၀၀၇ ခုနှစ် စက်တင်ဘာလ သံဃာ့ အရေးအခင်းကြောင့် အကျဉ်းကျ ခံနေရသော ထောင်ဝင်စာတွေ့ မည့်သူ မရှိသည့် သံဃာတော် များနှင့် သီလရှင်များ ကို အပတ်စဉ် ထောင်ဝင်စာ ပေးပို့နိုင်ရေး အတွက် မိသားစု ၏ စိတ်ပူပင်မှု များနှင့် အာဏာပိုင်များ ၏ဖိအားပေး နှောင့်ယှက်မှု များကြားမှ လုပ်ကိုင်နေသူ ဖြစ်ပါသည်။ ထို့အပြင် ထောင်ဝင် စာတွေ့ သူမရှိဖြစ်နေ ကြသည့် နိုင်ငံရေး အကျဉ်းသား လူပုဂ္ဂိုလ် အချို့ ကိုပါ ထောင်ဝင်စာ ပေးပို့နေပါသည်။

ဖေဖေါ်ဝါရီလ ၁၈ ရက်၊ ၂၀၁၁ ခုနှစ် ဧရာဝတီ အင်တာနက် သတင်း စာမျက်နှာမှ ဆောင်းပါရှင် မင်းနိုင်သူ ၏ ဆောင်းပါး တွင် ဒေါ်ရှု အကြောင်း အစိတ်အပိုင်း ကို ယခုကဲ့သို့ ရေးသား ထားခဲ့သည်။

“ဘိက္ခူမာတာ” ဒေါ်ရှု (မင်းနိုင်သူ Friday, 18 February 2011 18:47 ဧရာဝတီ ဆောင်းပါး )

" ဒီ အကြောင်းတွေရေးရင် အာဏာပိုင်တွေက အနှောင့်အယှက် ပေးမှာကို စိုးရိမ်မိတယ်။ အန်တီ့အတွက် စိုးရိမ်တာ မဟုတ်ဘူးနော်။ အန်တီ ထောင်ဝင်စာတွေ့ပေးနေရတဲ့ သံဃာတွေကို ထောင်ဝင်စာ သွားတွေ့မယ့်လူ မရှိတော့မှာစိုးလို့” ဟု မေးသမျှကို စိတ်ရှည်လက်ရှည် ဖြေကြားပေးနေတဲ့ ဒေါ်ရှုက ပြောလက်စကို ခဏရပ်လိုက်ရင်း သူ့စိုးရိမ်မှုကို ဖွင့်ဟပါတယ်။

အဲဒီနောက်မှာတော့ သက်ပြင်းတချက် ရှုသွင်းလိုက်ရင်း ဒေါ်ရှုက စကားဆက်ပြန်ပါတယ်။

“အန်တီဘာတွေ လုပ်နေတယ်ဆိုတာလည်း စောင့်ကြည့်နေတဲ့သူတွေ၊ ထောင်ဝန်ထမ်းတွေက သိကြပါတယ်။ အန်တီက နိုင်ငံပုန်ကန်နေတာလည်း မဟုတ်ဘူး၊ ဘယ်သူမှ ထောင်ဝင်စာ လာမတွေ့နိုင်တဲ့ သံဃာတွေကို သနားလွန်းလို့ ထောင်ဝင်စာ တွေ့ပေးနေတာ သက်သက်ပါပဲ”

ဒေါ်ရှုဆိုတာကတော့ နိုင်ငံရေးနဲ့ ပတ်သက်လို့ အကျဉ်းကျခံနေရပြီး ထောင်ဝင်စာတွေ့မယ့်သူ မရှိတဲ့ သံဃာတွေကို ထောင်ဝင်စာ တွေ့ပေးနေသူပါ။

စမ်းချောင်းမြို့နယ်၊ ဝေဠုဝန်မြောက် ရပ်ကွက်မှာရှိတဲ့ ဒေါ်ရှုရဲ့ နှစ်ထပ်အိမ်လေး ထဲမှာတော့ မြန်မာနိုင်ငံတ၀န်းက အကျဉ်း ထောင်တွေမှာ ထောင်ဝင်စာတွေ့မယ့်သူ မရှိဖြစ်နေတဲ့ သံဃာတွေဆီကို ပေးပို့မယ့် ထောင်ဝင်စာ ထုပ်တွေ အမြဲမပြတ် ရှိနေတတ်တယ်လို့ အရှင်စန္ဒောဘာသက မိန့်ဆိုပါတယ်။ အရှင် စန္ဒောဘာသဟာ ၁၆ နှစ်ကြာ နိုင်ငံရေးအကျဉ်းသား ဖြစ်ခဲ့ပြီး ဒေါ်ရှုရဲ့ ထောင်ဝင်စာအလှူကို လက်ခံခဲ့ဖူးသူလည်း ဖြစ်ပါတယ်။

“ဦးပဉ္ဇင်း ၂၀၀၉ ခုနှစ်မှာ အင်းစိန်ထောင်ကနေ လွတ်လာတော့ သူ့အိမ်မှာ ၃ ရက်လောက် တည်းခိုခဲ့ဖူးတယ်။ သူ့အိမ်ထဲမှာ နယ်ထောင် တွေဆီပို့မယ့် ထောင်ဝင်စာထုပ် ကလေးတွေ အမြဲမပြတ် ရှိနေတတ်တယ်။ အပတ်စဉ် ထောင်ဝင်စာထုပ်တွေ ပေးပို့နိုင်ဖို့ ဈေးတကာလှည့် ဈေးဝယ်ရ၊ ချက်ရ ပြုတ်ရနဲ့ သူ့မှာ နားနေချိန်ရယ်လို့ မရှိသလောက်ပါပဲ” လို့ အရှင်စန္ဒောဘာသက ဆိုပါတယ်။

အမျိုးသား ဒီမိုကရေစီအဖွဲ့ချုပ် (NLD) စမ်းချောင်းမြို့နယ် စည်းရုံးရေးအဖွဲ့ဝင် ဒေါ်ရှုဟာ ၂၀၀၇ ခုနှစ် ဇူလိုင်လ အတွင်းက ကျောက်တော်ကြီးဘုရားမှာ ၀တ်ပြု ဆုတောင်းခဲ့တဲ့အတွက် အာဏာပိုင်တွေရဲ့ ၄၅ ရက်ကြာ ဖမ်းဆီး ထိန်းသိမ်းမှု ကိုလည်း ခံခဲ့ရသူပါ။

စိတ်ပင်ပန်း၊ ကိုယ်ပင်ပန်းတဲ့အပြင် အာဏာပိုင်တွေရဲ့ စောင့်ကြည့်မှုကို မကြာခဏ ခံနေရတဲ့ အလုပ်ကို ဘာကြောင့် ဒေါ်ရှု လုပ်ဖြစ်ခဲ့တာပါလဲ။

ဒေါ်ရှုက ရှေ့နေ ကိုဖိုးဖြူ၊ ကိုညီညီနိုင်တို့နဲ့ ရင်းနှီးခဲ့တဲ့အကြောင်း၊ ၂၀၀၇ စက်တင်ဘာ အရေးအခင်းအပြီးမှာ ကိုဖိုးဖြူက သူ ရှေ့နေလိုက်ပေးနေတဲ့ အမှုမှာပါတဲ့ မြောက်ဥက္ကလာ ဘုန်းကြီးကျောင်းက သံဃာတော်တွေနဲ့ သီလရှင်တွေကို ထောင်ဝင်စာ တွေ့မယ့်သူ မရှိတာကြောင့် ဆွမ်းကပ်ပေးဖို့ အကူအညီ တောင်းခဲ့တဲ့အကြောင်း၊ အဲဒီကနေစပြီး သံဃာတော် ၇ ပါးနဲ့ သီလရင် ၇ ပါးတို့ကို စပြီး ဆွမ်းကပ်ဖြစ်တဲ့အကြောင်း ပြောပြပါတယ်။

“ရှေ့နေ ကိုဖိုးဖြူက အန်တီရယ်၊ သူများတွေက ထမင်းစားနေချိန်မှာ သူတို့မှာ အငတ်နေရတယ်။ သိပ်သနားစရာကောင်းတာပဲ ထမင်းလာ ကျွေးပေးပါလားလို့ ပြောလာလို့ စကျွေးတာ။ နောက်တော့ အဲဒီဘုန်းကြီးတွေကနေ ဘယ်ဘုန်းကြီးတွေလည်း ထောင်ဝင်စာ မရကြပါဘူး၊ ကူပါဦး ဒကာမကြီးရယ်ဆိုတော့ ကျန်သံဃာတွေကိုပါ ထောင်ဝင်စာတွေ့နေရတော့တာ။ အခုဆို ၃ နှစ်နဲ့ ၄ လ ရှိလာပြီပေါ့” လို့ ဒေါ်ရှုက ထင်မှတ်မထားပါဘဲ သံဃာတွေကို ထောင်ဝင်စာပေးပို့ ဖြစ်ခဲ့ပုံကို ပြန်ပြောပါတယ်။

အခုချိန်မှာတော့ ဒေါ်ရှု အပတ်စဉ် ထောင်ဝင်စာပေးပို့နေရတဲ့ သံဃာ အပါး ၅၀ ကျော်နေပါပြီ။ ဒီလို တိုးပွားလာတဲ့ သံဃာ ဦးရေကို အပတ်စဉ်ထောင်ဝင်စာ တွေ့နိုင်ရေးအတွက် NLD ကလည်း ဒေါ်ရှုကို ကူညီထောက်ပံ့ပေးပါတယ်။ NLDက နိုင်ငံရေး အကျဉ်းသားတဦးအတွက် တလကို ၅၀၀၀ ကျပ်နှုန်း ထောက်ပံ့ ပေးနေပေမယ့် လုံလောက်တဲ့ ပမာဏတော့ မဟုတ်ပါဘူး။

အသက် ၆၂ နှစ် ရှိပြီဖြစ်တဲ့ ဘိုကလေးသူ ဒေါ်ရှုဟာ မြန်မာနိုင်ငံအနှံ့ နိုင်ငံရေးကြောင့် အထိန်းသိမ်းခံထားရတဲ့ သံဃာတွေဆီကို အပတ်စဉ် ထောင်ဝင်စာ ပေးပို့နိုင်ရေးအတွက် ကူဖော်လောင်ဖက် အမျိုးသမီး ၂ ဦးနဲ့အတူ လုပ်ကိုင်နေရတာပါ။ အဲဒီ အမျိုးသမီး ၂ ဦးကို တယောက်အတွက် တလ ကျပ် ၂ သောင်းပေးပြီး အကူအညီ ခေါ်ထားရတယ်လို့ ဆိုပါတယ်။ ဒေါ်ရှုနဲ့ အတူနေကြတဲ့ သားနဲ့ သမီးက ဒီလို ထောင်ဝင်စာပို့တဲ့အလုပ်လုပ်တာကို သဘောမတူတာကြောင့် ကူမယ့်သူတွေ ခေါ်ထားရတာလို့ ပြောပြပါတယ်။

“သားတွေ၊ သမီးတွေ သဘောမတူဘူး ဆိုတာက အန်တီပင်ပန်းတာကို သူတို့ မကြည့်ရက်လို့ပါ။ သူတို့ တားပေမယ့် အန်တီက ဆက်လုပ်နေတော့ နောက်ပိုင်းမှာ သားသမီးတွေကလည်း သိပ်မကြည်တော့ဘူးပေါ့။ အန်တီ့ အမျိုးသားနဲ့ ကွဲခဲ့ရတာလည်း ဒီအလုပ်တွေ ကြောင့်ပေါ့” လို့ ဒေါ်ရှုက ဆိုပါတယ်။

တကယ်တော့ ဒေါ်ရှုဟာ သူ့ဆီက ပို့လိုက်မယ့် ထောင်ဝင်စာထုပ်ကို စောင့်မျှော်နေမယ့် ထောင်တွင်းက သံဃာတော်တွေရဲ့ မျက်နှာနဲ့ သားသမီး တွေရဲ့ ငြူစူတဲ့ မျက်နှာတွေအကြား ဗျာများ နေရသူ ဖြစ်ပါတယ်။

ဒေါ်ရှုဟာ သံဃာတွေကို ထောင်ဝင်စာထုပ် ပို့နိုင်ရေးအတွက်ဆိုရင် သူ့သမီး လက်ဝတ်လက်စားတောင် ပေါင်ဖို့ လက်မနှေးဘူးလို့ အရှင် စန္ဒောဘာသက မိန့်ပါတယ်။

“ဦးပဉ္ဇင်း ထောင်က လွတ်လာပြီးနောက် သူ့အိမ်ကို ရောက်ပြီး အပြန်မှာ သူလည်း လမ်းကြုံတာနဲ့ နိုင်ငံခြားမှာ ရှိနေတဲ့ သူ့သားပို့လိုက်တဲ့ ငွေကို ဘဏ်မှာ လိုက်ထုတ်တယ်။ ငွေလည်း ရရော အပေါင်ဆိုင် ပြေးပြီး သူ့သမီး လက်ဝတ် လက်စားလေးကို ပြန်ရွေးတယ်။ သားပို့တဲ့ငွေက ထောင်ဝင်စာထုပ်ပို့ချိန် မမီတော့ သမီးလက်ကောက်လေး ခဏ အပေါင်ထားလိုက်ရတယ် ဦးပဉ္ဇင်းလို့ ပြောတယ်။ ဒေါ်ရှုဆိုတာ အဲလို အမျိုးသမီးပါ” လို့ အရှင်စန္ဒောဘာသက ဆိုပါတယ်။

နိုင်ငံရေး အကျဉ်းသားတဦးအတွက် တလ ၅၀၀၀ ကျပ်ဆိုတဲ့ NLD ရဲ့ထောက်ပံ့ငွေဟာ မြင့်တက်လာတဲ့ ကုန်ဈေးနှုန်း၊ ၂၀၀၇ စက်တင်ဘာ အရေးအခင်းအပြီး တိုးပွားလာတဲ့ နိုင်ငံရေး အကျဉ်းသားတွေကြောင့် ဆင့်ပါးစပ် နှမ်းပက်သလို ဖြစ်နေ ရတယ် လို့လည်း အရှင်စန္ဒောဘာသက မိန့်ကြားပါတယ်။

နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) ရဲ့ စာရင်းတွေအရ မြန်မာနိုင်ငံမှာ နိုင်ငံရေးအကျဉ်းသား ၂၀၀၀ ကျော်ရှိနေပါတယ်။ ဒီစာရင်းထဲမှာ သံဃာ အပါး ၂၅၀ ကျော်နဲ့ သီလရှင် ၁ ပါး ပါဝင်နေပေမယ့် ဒေါ်ရှု ထောင်ဝင်စာထုပ် ပေးပို့နိုင်တာက သံဃာ အပါး ၅၀ လောက်ပဲ ရှိပါသေးတယ်။ တကယ်တော့ ဒေါ်ရှုဟာ သံဃာအပါး ၅၀ သာမကဘူး ထောင်ဝင်စာ တွေ့သူ မရှိဖြစ်နေကြတဲ့ နိုင်ငံရေးအကျဉ်းသား လူပုဂ္ဂိုလ်တချို့ကိုပါ ထောင်ဝင်စာ ပေးပို့နေတာပါ။

ဒေါ်ရှုဟာ သံဃာတော်တွေကို ထောင်ဝင်စာတွေ့နေပေမယ့် သူ့ထောင်ဝင်စာထုပ်ကို လက်ခံရယူနေတဲ့ သံဃာတော်တိုင်းကို မြင်တွေ့ဖူးသူတော့ မဟုတ်ပါဘူး။

“မိသားစုဝင်ဖြစ်မှ ထောင်ဝင်စာ တွေ့ခွင့်ရတာလေ။ အန်တီက ထောင်ဝင်စာထုပ်တွေကို အင်းစိန် ထောင်ဘူးဝမှာပဲ ပေးထားခဲ့ရတာ။ နယ်ထောင်တွေအတွက် ဆိုရင်တော့ ထောင်ဝင်စာထုပ်ကို သေချာ ထုပ်ပိုးပြီး စာတိုက်ကြီးကနေ ပါဆယ် ပို့ရတာပေါ့။ တရားရုံးက စီရင်ချက် မချသေးလို့ တရားရုံးထုတ် ထွက်လာတဲ့ သံဃာတချို့ကိုပဲ အန်တီ တွေ့ဖူးသေးတယ်” လို့ ဒေါ်ရှုက ပြောပါတယ်။

ဒီလိုတွေ့ခွင့်ရတဲ့အထဲက တချို့မြင်ကွင်းတွေဟာ သူ့စိတ်ကို ထိခိုက်စေခဲ့ပြီး သူ့အလုပ်ကို ဆက်လုပ်စေဖို့အတွက် တွန်းအားတွေ ဖြစ်လာခဲ့တယ်လို့ ဆိုပါတယ်။

“၂၀၀၇ စက်တင်ဘာ အရေးအခင်းအပြီးမှာ အဖမ်းခံရတဲ့ မြောက်ဥက္ကလာ သစ္စာသရဖူကျောင်းထိုင် ဆရာတော်ကို ထောင်ဝင်စာ သွားတွေ့ရတုန်းက ဒကာမကြီးရယ် ဒကာမကြီးရဲ့ ထောင်ဝင်စာကြောင့်သာ ဦးပဉ္ဇင်းမှာ လူလူသူသူလေး စားရသောက်ရပါတယ်။ ဒကာမကြီး ကျေးဇူးကြီးမားပါပေတယ်ဆိုပြီး အသက် ၇၀ ကျော် ဘုန်းကြီးက လက်အုပ်လေးချီပြီး အန်တီ့ကို ပြောတော့ အန်တီ ဘာလုပ်လို့ ဘာကိုင်ရမှန်း မသိတော့ဘူး။ အဲဒီမြင်ကွင်းကို ခုထိ မြင်ယောင်နေတုန်းပဲ။ ပြန်တွေးမိတိုင်းလည်း ငိုချင်နေတုန်းပဲ” လို့ ဒေါ်ရှုက ရှိုက်သံကို ထိန်းရင်း ပြောပြပါတယ်။

၁၉၉၃ ခုနှစ်က နိုင်ငံရေးပုဒ်မနဲ့ နအဖ စစ်အစိုးရရဲ့ ဖမ်းဆီးထောင်ချခြင်း ခံခဲ့ရတဲ့ အရှင်စန္ဒောဘာသ ဟာ ၂၀၀၇ ခုနှစ်အထိ ထောင်ဝင်စာ တွေ့သူမရှိဖြစ်နေရာက ၂၀၀၇ စက်တင်ဘာ အရေးအခင်းအပြီး အင်းစိန်ထောင်ထဲကို သံဃာတော်တွေ ထပ်မံ ရောက်ရှိလာပြီး ချိန်မှာတော့ ဒေါ်ရှုရဲ့ ထောင်ဝင်စာထုပ်ကို လက်ခံရရှိ လာပါတော့တယ်။

“သံဃာတွေဆိုတာက တောသားတွေများတယ်လေ။ သံဃာတွေရဲ့ ဆွေမျိုးသားချင်းတွေဆိုတာကလည်း တောသူ တောင်သားတွေ များတာဆိုတော့ သူတို့ ဒေသလေးက လွဲရင် မသွားတတ် မလာတတ်။ ဒီတော့ ထောင်ဝင်စာလည်း လာမတွေ့တတ်ကြ၊ မတွေ့နိုင်ကြ။ ဒီလိုအချိန်မှာ ဒေါ်ရှုက မိသားစုတွေ ကိုယ်စား ထောင်ဝင်စာထုပ်လေး ပို့ပေးလာတော့ ဦးပဉ္ဇင်း အရမ်းကို ၀မ်းသာသွားတယ်။ ဒကာမကြီးကိုလည်း အရမ်းတွေ့ချင်လာတယ်” လို့ အရှင်စန္ဒောဘာသာက ဆိုပါတယ်။

အရှင်စန္ဒောဘာသ အင်းစိန်ထောင်က လွတ်မယ့်အချိန်မှာ သူအရမ်းတွေ့မြင်ချင်လွန်းတဲ့ ဒေါ်ရှုက လာကြိုနေပေမယ့် တွေ့ခွင့် မသာခဲ့ပါဘူး။

“အဲဒီနေ့က ဦးပဉ္ဇင်းကို သူ လာကြိုနေတယ်တဲ့။ ဒါပေမယ့် ဦးပဉ္ဇင်းက ကျန်းမာရေးကြောင့် လဲကျသွားတော့ အာဏာပိုင်တွေ စီစဉ်ပေးတဲ့ ကားနဲ့ လိုက်သွားရပြီး သူနဲ့ မတွေ့လိုက်ရတော့ဘူး။ နောက်တော့ သူ့အိမ်ကို ဦးပဉ္ဇင်းသွားတွေ့တယ်။ သူ့အိမ်မှာလည်း ၃ ရက် တည်းခဲ့တယ်”

အရှင်စန္ဒောဘာသ ဒေါ်ရှုအိမ်မှာ တည်းခိုနေချိန်မှာ စမ်းချောင်းမြို့နယ် မယက အဖွဲ့က ဒေါ်ရှုနဲ့ အရှင်စန္ဒောဘာသကို ဆင့်ခေါ်ပါတော့တယ်။ အာဏာပိုင်တွေ သူ့ကို ခေါ်ပြီဆိုတဲ့အချိန်မှာ ဒေါ်ရှုဟာ အေးဆေးတည်ငြိမ်စွာနဲ့ပဲ သူ ထောင်ထဲရောက်ရင် လိုအပ်မယ့် ပစ္စည်းတွေကို အသင့်ပြင်ပြီး လိုက်ပါသွားတာပါ။

“သူ့မျက်နှာမှာ တုန်လှုပ်တဲ့ အရိပ်အယောင်မတွေ့ရဘူး။ သူ့ကို ဖမ်းဆီးရင် ထောင်ထဲမှာ လိုအပ်မယ့် အသုံးအဆောင် တွေကိုလည်း သူက အသင့် ထုပ်ပိုးထားပြီးသား။ ဦးပဉ္ဇင်းကို လက်ခံထားတဲ့အတွက်ဆိုပြီး စမ်းချောင်း မယက ရုံးမှာ သူ ဆူပူ ကြိမ်းမောင်းခံရတယ်။ သူကတော့ ဦးပဉ္ဇင်းကို လက်ခံတာဟာ ဘာပြစ်မှုကိုမှ ကျူးလွန်တာမဟုတ်ဘူးဆိုပြီး အာဏာပိုင်တွေကို ပြောတယ်” လို့ ဒေါ်ရှုခေါ်ယူ စစ်မေးခံရတဲ့ ကိစ္စနဲ့ ပတ်သက်ပြီး အရှင် စန္ဒောဘာသက မိန့်ပါတယ်။

စမ်းချောင်း မယက ရုံးက ပြန်လာကြတဲ့နောက်မှာ ဒေါ်ရှုဟာ သူ့အိမ်မှာပဲ ဆက်လက် တည်းခိုနေနိုင်ပါကြောင်း ပြောပေမယ့် သူ့အတွက်နဲ့ အာဏာပိုင်တွေက ထပ်မံနှောင့်ယှက်မှာကို မလိုလားတဲ့ အရှင်စန္ဒောဘာသဟာ သူ့ နယ်ကို ပြန်လည် ကြွသွား ပါတော့တယ်။

နိုင်ငံရေးမှုနဲ့ နအဖ စစ်အစိုးရရဲ့ ဖမ်းဆီး ထိန်းသိမ်းမှုခံခဲ့ရတဲ့အပြင် ထောင်ကလွတ်လာချိန်မှာလည်း ဘုန်းကြီးကျောင်း တွေမှာ သီတင်းသုံး နေထိုင်လို့မရအောင် အာဏာပိုင်တွေက နှောင့်ယှက်ပြန်တာကြောင့် ထိုင်းနိုင်ငံကို ထွက်လာခဲ့ရတဲ့ အရှင် စန္ဒောဘာသက ဒေါ်ရှုကို အောင့်မေ့သတိရနေဆဲ၊ ဒေါ်ရှုနဲ့ ပတ်သက်လို့ သူ့မှာ အမှတ်ရစရာတွေ အများကြီးပဲလို့ ဆိုပါတယ်။

ဆက်လက်ပြီး အရှင်စန္ဒောဘာသ မိန့်ကြားတာကတော့ ...။

“သူ့ကျေးဇူးတွေဟာ ဦးပဉ္ဇင်းတို့ သံဃာတွေအပေါ်မှာ အများကြီးပဲ။ ဦးပဉ္ဇင်း သူ့ကို နှုတ်ဆက်လေ့ရှိတဲ့ စကားလေး တခွန်းရှိတယ်။ အဲဒီစကားလေးကိုကြားရင် သူ့မျက်နှာမှာ ပီတိဖြာသွားတာကို တွေ့ရတယ်။ အဲဒီစကားကတော့ ဘိက္ခူမာတာတဲ့”

“ဘိက္ခူမာတာ” ဆိုတာ ပါဠိဘာသာစကားဖြစ်ပြီး “သာသနာ့အနွယ်ဝင်တို့ရဲ့ မိခင်” လို့ အဓိပ္ပာယ်ရပါတယ်။

မလေးရှားမှာ မြန်မာပြည်သူအများ လက်မခံလို့ မအောင်မြင်တဲ့ (No 1 စိတ်ဓါတ်မြှင့်တင်ရေးပို့ချမှု) သင်တန်း အခမ်းအနား ..

အရှင်ဣဒ္ဓိပါလ နှင့်စိတ်ဓာတ်မြှင့်တင်ရေး သင်တန်းသားတစ်ဦး.
ခြောက်ကပ်နေတဲ့ ခန်းမ...
သူတို့လူတွေ ချည်းပဲတဲ့....
မလေးရှားမှာ ဗမာပြည်သူအများလက်မခံလို့ မအောင်မြင်တဲ့ သာသနာဖျက်လုပ်ငန်း။


ယနေ့ မလေးရှားနိုင်ငံ ကွာလာလမ်ပူမြို့ရှိ SM ကုန်တိုက်တွင် ကျင်းပပြုလုပ်ခဲ့သည့် အရှင်ဣဒ္ဓိပါလ၏ No 1 စိတ်ဓါတ်မြှင့်တင်ရေး ပို့ချမှုသင်တန်းပွဲ အခမ်းအနားတွင် လူသုံးဆယ် ခန့်သာ တက်ရောက်ကြောင်း သိရသည်။ အဆိုပါ အရှင်ဣဒ္ဓိပါလ ပွဲစလုပ်မည်ဟု သိရသည့် အချိန်မှ စ၍ မလေးရှားနိုင်ငံရောက် တာဝန်သိ ဗုဒ္ဓဘာသာဝင် လူကြီးလူငယ်များမှ အဆိုပါ သာသနာဖျက် ဘုန်းကြီးအား ဆန့်ကျင်ကန့်ကွက်သည့် လက်ကမ်းစာစောင်များ ဖြန့်ဝေခြင်း မလေးရှားနိုင်ငံအနှံ ကန့်ကွက်စာများ လိုက်လံကပ်ခြင်း၊ အင်တာနက် အွန်လိုင်းမှ တဆင့် ကန့်ကွက်ကြေငြာခြင်း၊ SMS များပို့ကာ ကန့်ကွက် ကြေငြာခြင်း စသည်တို့ကို ပြုလုပ်ခဲ့ကြသည်။ မလေးရှားရောက် မြန်မာရဟန်းတော် အချို့ကလည်း အဆိုတော် ဘုန်းကြီးအား ရဟန်းကျင့်ဝတ်နှင့် မညီသဖြင့် ကန့်ကွက်ကြောင်း ထုတ်ပြန်ကြေငြာခဲ့သည်။ ထိုသို့ မလေးရှားရောက် ဗုဒ္ဓဘာသာဝင်မြန်မာအသိုင်းအ၀ိုင်းမှ ၀ိုင်းဝန်းဆောင်ရွက် ကန့်ကွက်ကြသဖြင့် ယနေ့(15.5.2011) နေ့တွင် ကျင်းပခဲ့သည့်ပွဲတွင် လူ ၃၀ ခန့်သာ တက်ရောက်ခဲ့သည်ကို တွေ့ရှိရသည်။ ထိုသို့ တက်ရောက် လာကြသူများမှာလည်း အဆိုပါ ပွဲဖြစ်မြောက်ရေးအတွက် ဆောင်ရွက်ကြသူများနှင့် မကင်းရာ မကင်းကြောင်းများသာ ဖြစ်ကြသည်။ အဆိုပါပွဲတွင် ပွဲစီစဉ်သူများက No 1 စိတ်ဓါတ်မြှင့်တင်ရေး စာတမ်းပါ တူညီဝတ်စုံများကို ၀တ်ဆင်ထားကြပြီး ခန်းမအောက်တွင် တဖက်သုံးယောက်စီ ရပ်ကာ လာသမျှ လူကို လက်အုပ်ချီ နှုတ်ဆက်၍ ကြိုဆိုနေကြသည်ကို တွေ့ရသည်။

လုံခြုံရေးအတွက် RELA ခေါ် မလေးရှား ပြည်သူ့စစ်များကိုလည်း ငှားရမ်းထားကြသည်။ အဆိုပါပွဲ ပြုလုပ်ရာတွင် ပွဲကျင်းပခွင့် ပါမစ် မရှိဘဲ ပြုလုပ်သည်ကို စာရေးသူ၏ မိတ်ဆွေတစ်ယောက်မှတဆင့် သိရှိရသည်။ ပွဲစတင် မည့်အချိန်မှာ နေ့လည် ၁၂း၀၀ဟု ကြေငြာထားသော်လည်း ၁နာရီ ကျော်နေသည့် အထိ လူ ၁၅ ဦးခန့်သာ ရှိနေသည်ကို တွေရှိရသည်။ အဆိုပါပွဲတွင် ရောင်းချရန်အတွက် အရှင်ဣဒ္ဓိပါလ မှ စာအုပ်များကို ခင်းကျင်းထားပြီး ရောင်းဈေးမှာ RM 100 ( မြန်မာငွေ နှစ်သောင်းကျော် သုံးသောင်းနီးပါး ) ဖြစ်သည်။ စာရေးသူတို့ ရောက်ရှိသွားပြီး အဆိုပါ အခမ်းအနားအား ဓါတ်ပုံရိုက်နေစဉ် အရှင်ဣဒ္ဓိပါလ မှ ရောက်လာပြီး “မင်းတို့က ဘယ်ကလဲ၊ ထောက်လှမ်းရေးတွေ မဟုတ်ပါဘူးနော်၊ ငါက မြန်မာတွေ ဆိုရင် လန့်နေပြီ” ဟု ပြောသွားခဲ့သေးသည်။ မလေးရှား စံတော်ချိန် ၂နာရီခန့်တွင် မလေးရဲများ ရောက်ရှိလာပြီး စာရွက်စာတမ်းများ စစ်ဆေးခြင်း၊ ပွဲတက်ရောက်လာသူများကို အထောက်အထားများ စစ်ဆေးခြင်းများ ပြုလုပ်ခဲ့သဖြင့် ပွဲပျက်မလို ဖြစ်သွားခဲ့သည်။ အချို့မှာ ရဲအား ကြောက်ရွံ့ပြီး ထိုသင်တန်းပွဲသို့ ဆက်လက် တက်ရောက်ခြင်းမရှိဘဲ ပြန်သွားခဲ့ကြသည်။ ထို့ကြောင့် အရှင်ဣဒ္ဓိပါလမှာ သူ၏ အဖွဲ့ဝင် လူ သုံးဆယ်ခန့်ဖြင့်သာ အခမ်းအနားအား ဆက်လက်ကျင်းပခဲ့ရကြောင်း သိရှိရသည်။

(ဓာတ်ပုံ၊ သတင်း) ကိုထိုက် (မြန်မာ့စတိုင်)
(ကိုထိုက်Facebookမှ) ဖော်ပြခွင့် ပြုတဲ့ ကိုထိုက်အား ကျေးဇူးတင်ပါသည်...။

No. 1 သင်တန်း နည်းပြ၏ နိုင်ငံတော် သံဃာ့မဟာနာယက အဖွဲ့ထံသို့ ၀န်ခံကတိပြုချက် မူရင်းနှင့် မလေးရှားနိုင်ငံမှာ ပြုလုပ်မည့် စိတ်ဓာတ်မြှင့်တင်ရေး သင်တန်း... ပြန်ဖတ်ချင်ရင်... Click

နာရေး ဆင်ဆာ....

နာရေး ဆင်ဆာ
မြန်မာ့ရုပ်ရှင်ဆင်ဆာ (သို့မဟုတ်) (ရုပ်ရှင်၊ ဂီတ၊ စာပေ၊ သဘင်၊ ပန်းချီ၊ ပန်းပု) စီစစ်ရေး အဖွဲ့ဟု ဆိုရာ၌ မြန်မာပြည်သူလူထုအတွက် မြန်မာ့ယဉ်ကျေးမှုနှင့် မကိုက်ညီသော လျှပ်ပေါ် လော်လီဝတ်စားဆင်ယင်မှု၊ အမျိုးသားယဉ်ကျေးမှုကို ထိခိုက်စေမည့်ဝတ်ဆင်မှု၊ ယုတ်ရင်း ကြမ်းတမ်းသောပြောဆိုမှု၊ အမိအဖ/သားသမီး မိသားစုများကြည့်ရှုရန် မသင့်လျော်သော ပြကွက်များ၊ အမှုအရာများ၊ ကြောက်မက်ဖွယ်ရာ ရက်စက်မှုပြကွက်များ၊ ဘာသာသာသနာကို ထိခိုက်စော်ကားမှု ဖြစ်ပေါ်သော အပြုအမူ၊ အသုံးအနှုန်း၊ အပြောအဆိုများ၊ အမျိုးသားရေးကို ထိခိုက်စေမည့်ပြကွက်၊ ပြောဆိုအမူအရာများ၊ အမျိုးသားရေးကို လှုံ့ဆော်/ပုန်ကန်မှုကို ဖြစ်စေ သောပြကွက်များ . . . စသည်စသည်တို့ကို အများပြည်သူတို့အား မပြသသင့်၍ ပိတ်ပင်တားဆီး ကန့်သတ်သတိပေးရသော အဖွဲ့အစည်းတစ်ရပ်ဖြစ်ကြောင်းဟု ကျွန်တော် နားလည်မိပါသည်။

ကျွန်တော်တို့ နာရေးကူညီမှုအသင်း(ရန်ကုန်)
ဘဘ ဦးသုခ မျိုးစေ့ချပေးခဲ့သော နာရေးကူညီမှုအသင်း(ရန်ကုန်)
အများပြည်သူတို့ကို (အခမဲ့) ကူညီဖေးမပေးနေသော နာရေးကူညီမှုအသင်း(ရန်ကုန်)
လူသားချင်းစာနာစိတ်ထား၍ ကူညီပေးဆပ်နေသော နာရေးကူညီမှုအသင်း(ရန်ကုန်)၏

လှုပ်ရှားပေးဆပ်မှုများ၊ ကူညီဆောင်ရွက်ပေးမှုများပါရှိသော ဗီဒီယို (DVD) အချပ်များကို (ကန့်သတ်) ဟု ရေးသားရိုက်နှိပ်ကာ အလှူရှင်များ၏ လှူဒါန်းမှုအစုစုတို့ကို ကျေးဇူးတင်သည့် အနေဖြင့်၎င်း၊ မုဒိတာပွားများနိုင်ရန်၎င်း၊ မြန်မာ့ယဉ်ကျေးမှု ဘာသာသာသနာကို ဦးထိပ်ထား၍ ၄င်း၊ လူငယ်များ လူမှုရေးလုပ်ငန်းများ၊ လူသားချင်းစာနာစိတ်များ မွေးဖွားပေါ်ပေါက်လာစေရန်၎င်း ရည်ရွယ်ကာ အလှူရှင်များအတွက် (အခမဲ့) လှူဒါန်းမှုကို လုပ်ဆောင်ခဲ့ပါသည်။ ဗီဒီယိုဈေးကွက် အတွင်းသို့၎င်း၊ အများပြည်သူတို့အား၎င်း အခကြေးငွေဖြင့် ရောင်းချခြင်း လုံးဝမပြုခဲ့ချေ။ ဤနည်းဖြင့်လည်း အလှူငွေရှာခဲ့ခြင်းလည်း လုံးဝ (လုံးဝ) မဟုတ်ခဲ့ချေ။ စီးပွားရေးလုပ်ငန်းတစ်ရပ် အနေဖြင့်လည်း ပြုလုပ်ခဲ့ခြင်းမရှိ။ ဂီတပညာရှင်များကလည်း မေတ္တာ၊ စေတနာ၊ ဂရုဏာ၊ မုဒိတာတို့ဖြင့် လူမှုရေးလုပ်ငန်းဖြစ်သော အများပြည်သူတို့အား ဖေးမကူညီပေးသော ကျွန်တော် တို့၏ နာရေးကူညီမှုအသင်း(ရန်ကုန်)အတွက် သီဆိုတီးခတ် ကုသိုလ်ယူပေးဆပ်ခဲ့ခြင်းဖြစ်သည်။ လူမှုရေးဂီတအဆိုတော်များ၏ သီချင်းသံစဉ်တို့ဖြင့် ကျွန်တော်တို့၏ ပေးဆပ်ခဲ့သော၊ လူသားချင်း စာနာစိတ်မွေးသည့် လေးနက်သောလုပ်ရပ်များ၊ ဗြဟ္မစိုရ်တရား (၄)ပါးကို လက်ကိုင်ပြု၍ ပေးဆပ်မှုမှတ်တမ်းပုံရိပ်များဖြင့် ပုံဖော်ပြသပေးခြင်းသာဖြစ်သည်။ ကျွန်တော်တို့နည်းတူ (ကန့်သတ်)အဖြစ် အများပြည်သူတို့ လက်ဝယ်သို့ ဝေငှဖြန့်ဖြူး ထုတ်ဝေနေသော UN အဖွဲ့အစည်းများ၊ ဖောင်ဒေးရှင်းအဖွဲ့များ၊ NGO အဖွဲ့များ၊ ဆရာတော်ကြီးများ၏ (ဓမ္မဒါန) တရားတော်အခွေများလည်း များစွာရှိခဲ့ပါသည်။

ယခုမူ . . . ကျွန်တော်တို့ နာရေးကူညီမှုအသင်း(ရန်ကုန်)၏ လှုပ်ရှားပေးဆပ်မှုများ၊ ကူညီ ဆောင်ရွက်ပေးဆပ်မှုများဖြစ်သည့် ဗီဒီယို (DVD) အချပ်၊ MTV အချပ်တို့အား ဆင်ဆာတင်ရမည် တဲ့ဗျာ။
နာရေး (သေခြင်းတရား)များကို မပြသသင့်၍လား။
ဒိဋ္ဌိအယူဝါဒများကို မဖယ်ရှားချင်၍လား။
သံဝေဂများ မရစေချင်၍လား။
လူသားချင်းစာနာစိတ်များ မပေါ်ပေါက်စေချင်၍လား။
လူမှုရေးသမားများ မပေါ်ပေါက်စေချင်၍လား . . . ဟူ၍ တွေးမိတော့သည်။

“မသေရာအမှန် မြတ်နိဗ္ဗာန်”ကို ရောက်နေကြပြီလား ဟူ၍ မေးခွန်းထုတ်လိုက်ချင်ပါရဲ့။ ဒီလိုဆိုရင်တော့ ကျွန်တော်တို့ မြန်မာ့သူရဲကောင်းကြီးများဖြစ်ကြသော အဘမှိုင်း၊ ဆရာစံ၊ ဗိုလ်ချုပ်အောင်ဆန်း၊ ဦးသန့် စသည့် အာဇာနည်ကြီးများ မသေဆုံးကြသေးပါ၊ ရှင်သန်နေဆဲ ဟု အားတက်တရော အတွေးစ၀င်မိတော့သည်။

ကျွန်တော်တို့သည် ကိုယ့်လမ်း . . . ကိုယ်သွား
ကိုယ့်အလုပ် . . . ကိုယ်လုပ်
ကိုယ့်တာဝန် . . . ကိုယ်ကျေ
ကိုယ့်သီလ . . . ကိုယ်လုံ
ကိုယ့်သမိုင်း . . . ကိုယ်ရေး နေကြသည့် လူမှုရေးသမား (စစ်စစ်) များသာဖြစ်သည်။

ကျွန်တော်တို့သည် ဆင်းရဲသော မိသားစုဝင်များ၏ နာရေးအတွက်လည်း သင်္ဂြိုလ်ပေးသည်။
ကျွန်တော်တို့သည် ချမ်းသာသော မိသားစုဝင်များ၏ နာရေးအတွက်လည်း သင်္ဂြိုလ်ပေးသည်။
ကျွန်တော်တို့သည် နိုင်ငံရေးမိသားစုဝင်များ၏ နာရေးအတွက်လည်း သင်္ဂြိုလ်ပေးသည်။
ကျွန်တော်တို့သည် ဗိုလ်ချုပ်ကြီးများ၏ မိသားစုဝင်များ၏ နာရေးအတွက်လည်း သင်္ဂြိုလ်ပေးသည်။

ကျွန်တော်တို့သည် ဆင်းရဲချမ်းသာ၊ လူမျိုးဘာသာမရွေးတို့၏ နာရေးကိစ္စများကို “သေသောသူသည် သုဿန်သို့ သက်သက်သာသာသွားသင့်သည်” ဟူသော ဆောင်ပုဒ်အတိုင်း လူသားချင်းစာနာစိတ်ကို လူသားပီသစွာ ပေးဆပ်နေသော အမျိုးကောင်းသား/သမီးများဖြစ်သည်။ ကျပ်တည်းမှု၊ မွန်းကျပ်မှုများကို နာကျည်းမှု၊ ကလဲ့စားချေမှုတို့ဖြင့် ဖြေရှင်းပေးသော အဖွဲ့အစည်း မဟုတ်။ အမိနိုင်ငံတော်ကို ပုန်ကန်ကြမည့်သူများ မဟုတ်။ နိုင်ငံတော်အာဏာကို လုယူကြမည့် သူများလည်း မဟုတ်။ မေတ္တာ၊ ဂရုဏာ၊ မုဒိတာ၊ ဥပေက္ခာတည်းဟူသော မြတ်ဗုဒ္ဒ၏ ဗြဟ္မစိုရ်တရား (၄) ပါးတို့အား လက်ကိုင်ပြုကာ သံသရာထဲ ကျင်လည်ကြကုန်သော လူသားများအား မိမိတို့ တတ်စွမ်းသရွေ့ နိုင်သလောက် နိုင်ငံတော်အား ပံ့ပိုးဖေးမပေးမှုများကိုသာ လုပ်ဆောင်နေခြင်းပင် ဖြစ်သည်။

ကျွန်တော် စဉ်းစားမိပြန်သည်။
“အော် … ငါ့ဘ၀နှယ် . . . ကမ္ဘာမြေပြင်ကို ရောက်တုန်းရောက်ခိုက်၊ ဘ၀ပေး အခြေအနေ ကြောင့် ရုပ်ရှင်သရုပ်ဆောင် အနုပညာနယ်ပယ်ထဲကို ရောက်ခဲ့တယ်။ အဲဒီမှာ ဆင်ဆာအဖွဲ့ရဲ့ ဖြတ်တောက်မှု၊ ပိတ်ပင်မှု၊ သတိပေးမှု၊ တားမြစ်မှုတို့ကို ကြုံခဲ့ရတယ်။ ခုလည်း … မြန်မာ့ရုပ်ရှင်လောက ကနေပြီး အပြီးပိုင်ထွက်ခွာပြီး လူသားအကျိုးပြုလုပ်ငန်းကို ပေးဆပ် ပြန်တော့လည်း ဒီဆင်ဆာအဖွဲ့ရဲ့ တားမြစ်မှု၊ ဖြတ်တောက်မှုတို့ကို ကြုံရပြန်ပါကလား” ဟု။

အတ္တနယ်မှာလည်း ဖြတ်၊ ပရနယ်ပယ်မှာလည်း ဖြတ်ခံရတဲ့ငါ . . . . ။
“အေးလေ … အရင့်အရင်ဘ၀တွေတုန်းက ငါကသူတို့ကို ဘာတွေများ သတိပေး၊ တားမြစ်၊ ဖြတ်တောက်၊ ပိတ်ဆို့မှုဆိုတာတွေ လုပ်ခဲ့သလဲ” လို့။
“၀ဋ်ဆိုတာ လည်တတ်တယ်” ဟုသာ အရှုံးပေးရတော့မလို။ သို့သော် “ကိုယ်ပြုသောကံ ပဲ့တင်သံ . . . ကိုယ့်ထံပြန်လည်ဦးမည်” ဖြစ်တော့သည်။

ကျော်သူ

(မြန်မာ့ရုပ်ရှင်လုပ်ငန်း ဆင်ဆာအဖွဲ့အစည်းဝေးမှ ပဲ့တင်သံပြန်ကြားမှု၊ ၁၄.၅.၂၀၁၁ ရက်နေ့တွင် မြို့နယ်အုပ်ချုပ်ရေးမှူးရုံးမှ အုပ်ချုပ်ရေးမှူး၊ ပြန်/ဆက်အရာရှိ၊ ဥပဒေအရာရှိ၊ ရပ်ကွက် အုပ်ချုပ်ရေးမှူးတို့မှ ခေါ်ယူသတိပေးမှုတို့ကို ပြန်လည်သုံးသပ်ခြင်းများနှင့်အတူ ညအချိန်တွင် အိပ်မက်တစ်ခု မက်ခြင်းသာဖြစ်တော့သည်။)

Human Rights Logo ဒီဇိုင်း နိုင်ငံတကာအဆင့် ပြိုင်ပွဲ စတင်၊ မြန်မာနိုင်ငံသူနိုင်ငံသားများအား အထူးတိုက်တွန်းဖိတ်ခေါ်အပ်ပါတယ်။

လူ့ အခွင့်အရေးမြင့်တင်ရေး Human Rights Logo ဒီဇိုင်း နိုင်ငံတကာအဆင့် ပြိုင်ပွဲတွင် မိမိနှစ်သက်ရာ ရေးဆွဲထားသည့် logo ဒီဇိုင်းများအား ၀င်ရောက်ယှဉ်ပြိုင်နိုင်ပါတယ်။

ဝင်ရောက်ယှဉ်ပြိုင်မည့် Human Rights logo ဒီဇိုင်းသည် ““by people for people - ပြည်သူလူထုအတွက် ပြည်သူလူထုမှ” အဓိပ္ပါယ် ရည်ညွှန်းကာ အဆိုပါ ရည်ညွှန်းချက် ပေါ်လွင်သက်ရောက်စေရမည် ဖြစ်ပါတယ်။

ရွေးချယ်ခံရပါက ပထမဆုအနေဖြင့် ယူရို (Euro) ၅၀၀၀၊ ဒုတိယဆုအနေဖြင့် ယူရို ၃၀၀၀၊ တတိယဆုအနေဖြင့် ယူရို ၁၀၀၀ ချီးမြှင့်မှာဖြစ်ပြီး ဆုရ logo ဒီဇိုင်းများကိုလည်း နိုင်ငံတကာအဆင့် အသိအမှတ်ပြု ထုတ်ပြန်ကြေညာသွားမှာ ဖြစ်ပါတယ်။

အဆိုပါ Human Rights Logo Design ပြိုင်ပွဲအတွက် စည်းမျဉ်းစည်းကမ်းများကတော့ အောက်ပါအတိုင်း ဖြစ်ပါတယ်။

- မိမိနှစ်သက်ရာ နည်းလမ်းများနဲ့  logo ဒီဇိုင်းကို ဖန်တီးတင်ပြလို့  ရပါတယ်။ ဥပမာအားဖြင့် - ခဲပန်းချီ၊ ရေဆေး ဆီဆေးပန်းချီ၊ ကွန်ပျူတာအကူအညီဖြင့် ဖန်တီးရေးဆွဲမှု၊ သဲထဲတွင် ခြစ်ရေးဆွဲထားသော ပုံ စသဖြင့် ဖြစ်ပါတယ်။

- Human Rights Logo ဒီဇိုင်းသည် စာသားမပါရှိဘဲ ရည်ညွှန်းချက်အား ဖေါ်ကျူးနိုင်စေရမည် ဖြစ်သည်။ သို့ သော “Human Rights” စကားလုံးကိုသာ လိုအပ်ပါက ထည့်သွင်းခွင့်ပြုပါတယ်။ ထိုစကားလုံးမှအပ အခြားမည့်သည့်စကားလုံးကိုမှ ထည့်သွင်းဖေါ်ပြခွင့်ပြုမည် မဟုတ်ပါ။ “HR” စကားလုံးအတိုကောက်အား ထည့်သွင်းလိုပါက Logo ဒီဇိုင်းသည် Human Rights အဓိပ္ပါယ်အား ပေါ်လွင်စေရမည် ဖြစ်ပါတယ်။

- Logo ဒီဇိုင်တွင် စာသားသက်သက် ပါဝင်ဖန်တီးထားမှုကို လုံးဝ ခွင့်မပြုပါ။ Logo ဒီဇိုင်းအား အသံဖိုင် ဗွီဒီယိုဖိုင်အဖြစ် ဖန်တီးဖေါ်ပြခြင်းကို ခွင့်မပြုပါ။

ယခု Human Rights Logo Design ပြိုင်ပွဲအား ၂၀၁၁ ခုနှစ်၊ မေလ (၃) ရက်နေ့ မှ စတင်ဖွင့်လှစ်ပြီး ၂၀၁၁ ခုနှစ်၊ ဇူလိုင်လ (၃၁) ရက်နေ့  နောက်ဆုံးထားပေးပို့ ရမှာ ဖြစ်ပါတယ်။

၂၀၁၁ ခုနှစ်၊ သြဂုတ်လ (၆) ရက်နေ့ နဲ့  (၂၁) ရက်နေ့ အတွင်းမှာ နိုင်ငံအသီးသီးမှ ပေးပို့ ပြိုင်ပွဲဝင်တဲ့ Logo ဒီဇိုင်းများထဲမှ ဆန်ကာတင် (၁၀) ဦးကို ရွေးချယ်မှာဖြစ်ပြီး၊ သြဂုတ်လ (၂၇) ရကိနေ့ နဲ့  စက်တင်ဘာလ (၁၇) ရက်အတွင်းမှာ အနိုင်ရရှိမယ့် ပထမ၊ ဒုတိယနဲ့ တတိယဆုများကို ရွေးချယ်ကြေညာမှာ ဖြစ်ပါတယ်။

ယခု Human Rights Logo Design Contest ပြိုင်ပွဲအား နိုင်ငံအသီးသီးမှ မည်သူမဆို ၀င်ရောက် ယှဉ်ပြိုင်နိုင်ပါတယ်။

ဒီပြိုင်ပွဲဟာ လူ့ အခွင့်အရေး တိုးတက်မြင့်မားရေးအတွက် အဓိကဦးတည်ရည်ရွယ်တာဖြစ်ပြီး လက်ရှိမှာ မြန်မာနိုင်ငံသား နှစ်ဦးမှ ၄င်းတို့ ဖန်တီးရေးဆွဲထားတဲ့ logo ဒီဇိုင်းများကို ၀င်ရောက်ယှဉ်ပြိုင်ထားတာ သိရှိရပြီး၊ ဒီ နိုင်ငံတကာအဆင့် Human Rights Logo Design ပြိုင်ပွဲအတွက် ဆုံးဖြတ်ရွေးချယ်ပေးမယ့်သူများထဲမှာ လူ့ အခွင့်အရေးအတွက် စွမ်းစွမ်းတမန် ဆောင်ရွက်နေကြတဲ့ အထင်ကရ ပုဂ္ဂိုလ်ကြီးများ ပါဝင်ကြောင်းနဲ့  မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်မှာလည်း တစ်ဦးအပါအ၀င်ဖြစ်ကြောင်း သိရှိရပါတယ်။

Human Rights Logo Design ပြိုင်ပွဲအား ၀င်ရောက်ယှဉ်ပြိုင်ဖို့ အတွက် မြန်မာနိုင်ငံ ပြည်တွင်းပြည်ပမှ မြန်မာနိုင်ငံသူနိုင်ငံသားများအား အထူး တိုက်တွန်းဖိတ်ခေါ်အပ်ပါတယ်။

မိမိတို့  ၀င်ရောက်ယှဉ်ပြိုင်လိုတဲ့ Human Rights Logo Design များကို အောက်ဖေါ်ပြပါ အင်တာနက်စာမျက်နှာမှာ Sign-Up (Register) လုပ်ပြီး မိမိတို့  logo ဒီဇိုင်းများကို ပေးပို့ နိုင်ပါတယ်။

http://humanrightslogo.net/briefing

အောက်ဖေါ်ပြပါ ယှဉ်ပြိုင်ဝင်ရောက်တဲ့ Human Logo Design များကတော့ မြန်မာနိုင်ငံသားတစ်ဦးဖြစ်သူ ဇော်ထက်ကိုကိုမှ ဖန်တီးရေးဆွဲ ၀င်ရောက်ယှဉ်ပြိုင်ထားတာ ဖြစ်ပါတယ်။


























































































ယခု Human Rights Logo Design ပြိုင်ပွဲအတွက်လည်း မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်မှလည်း ဗွီဒီယို အမှာစကား ပြောကြာထားပါတယ်။

15 May 2011

ပြည်သာဖို့အရေး ပြည်သာယာကုသိုလ်ပွဲ....

ပြည်သာဖို့အရေး ပြည်သာယာကုသိုလ်ပွဲ
၁၄.၅.၂၀၁၁ (စနေနေ့) နံနက် (၁၀း၀၀) နာရီအချိန်တွင် အမှတ် - ၁၂/B၊ ပြည်သာယာလမ်း၊ ဘောက်ထော်၊ ရန်ကင်းမြို့နယ်မှ ဦးကျော်ဝင်း + ဒေါ်ညိုညို (မိသားစု)မှ ပြည်သာယာဓမ္မရုံ၌ သီတဂူရွှေပြည်ဟိန်း စက္ခုဒါနဆေးရုံ၊ ဓါတ်လှေကား တပ်ဆင်မှုအတွက် မတည်လှူဒါန်းမှုနှင့် နာရေးကူညီမှုအသင်း (ရန်ကုန်)အတွက် (Sunny Pick-up) မော်တော်ယာဉ် လှူဒါန်း ပေးအပ်ပွဲ အခမ်းအနားကျင်းပခဲ့ပါသည်။

ယင်း အလှူဒါန အခမ်းအနားတွင် ရွှေပြည်ဟိန်း ဆရာတော်မှ ရေစက်သွန်းချ၍ လှူဒါန်း ပေးအပ်ခဲ့ရာ စေတနာသဒ္ဒါတရား ထက်သန်စွာဖြင့် ဒေါ်မြင့်မြင့်(မြောက်ဒဂုံ)မှ ၅ သိန်းကျပ်၊ ဦးခင်မောင်လှ + ဒေါ်တင်ရီရီ (ပြည်သာယာအိမ်ရာ)မှ ၅ သိန်းကျပ်၊ ဦးခင်မောင်ကြည် + ဒေါ်ခင်ခင်ငြိမ်း (ပြည်သာယာအိမ်ရာ)မှ ၁ သိန်းကျပ်၊ ဦးသက်လွင် + ဒေါ်နွဲ့နွဲ့ရီ သား - မောင်ဇေယျာမိုး (ပြည်သာယာအိမ်ရာ) ၁ သိန်းကျပ်၊ ဦးဇော်ထူးနှင့်ညီမများ (ပြည်သာယာအိမ်ရာ) ၁ သိန်းကျပ်၊ ဒေါ်တင်တင်ဋ္ဌေး (ပြည်သာယာအိမ်ရာ)မှ ၅ သောင်းကျပ်၊ ဦးဇေယျ + ဒေါ်ကြူကြူနိုင် (ရွှေတောင်ကုန်း)မှ ၃ သောင်းကျပ်၊ ဒေါ်သန်းသန်း (လက်ရွေးစင်မိသားစု) ၁ သိန်းကျပ်၊ ဒေါ်ခင်သောင်း (ပြည်သာယာအိမ်ရာ)မှ ၃ သိန်းကျပ် စုစုပေါင်း အလှူငွေကျပ် ၂,၂၈၀,၀၀၀ (နှစ်ဆယ့် နှစ်သိန်းရှစ်သောင်းကျပ်) တိတိအား နာရေးကူညီမှုအသင်း (ရန်ကုန်)သို့ လှူဒါန်းခဲ့ပါသည်။

No. 1 သင်တန်း နည်းပြ၏ နိုင်ငံတော်သံဃာ့မဟာနာယက အဖွဲ့ထံသို့ ၀န်ခံကတိပြုချက် မူရင်းနှင့် မလေးရှားနိုင်ငံမှာ ပြုလုပ်မည့် စိတ်ဓာတ်မြှင့်တင်ရေး သင်တန်း...

ရဟန်းတော်တပါးဖြစ်ပြီး ကျင့်ဝတ်နဲ့မညီတဲ့ ကခုန် မြူးတူးမှုတွေနဲ့ သင်ကြားပို့ချခဲ့တဲ့ No. 1 သင်တန်း နည်းပြသင်တန်းမှူး အညတြဘိက္ခူ အရှင်ဣဒ္ဓိပါလ
သင်တန်းကျောင်း စာမျက်နှာ http://numberonesociology.com/index.htm
ယခုနှစ် နှစ်စပိုင်းက အင်တာနက် စာမျက်နှာတွေနဲ့ သတင်းမီဒီယာတွေပေါ်မှာ ဟိုလေးတကြော်ဖြစ်ခဲ့တဲ့ No. 1 စိတ်ဓာတ်မြင့်တင်ရေး သင်တန်းကျောင်းရဲ့ သာသနာတော်နဲ့ မလျှော်ညီတဲ့ ကခုန်မြူးတူး၊ ပျော်ပါးခဲ့ကြတဲ့ သတင်းဗီဒီယို ဓာတ်ပုံတွေကို အားလုံးမှတ်မိကြဦးမယ် ထင်ပါတယ်..။ ယခင် (သတင်းပြန်ဖတ်ချင်ရင် Click) ၂၀၁၀ခုနှစ် နိုဝင်ဘာလက ကရင်ပြည်နယ် ဖားအံ့မြို့ ဇွဲကပင် ခန်းမမှာ ပြုလုပ်ခဲ့တဲ့ အဆိုပါ သင်တန်းမှူး အညတြဘိက္ခူ အရှင်ဣဒ္ဓိပါလဆိုသူရဲ့ သင်တန်းမှာ အာဏာပိုင် အဖွဲ့အစည်းတွေက တိုင်းမှူး၊ တပ်မမှူးတွေနဲ့ သက်ကြီးရွယ်အို အရွယ်ပေါင်းစုံက ကခုန်မြူးတူးခဲ့ကြတာဖြစ်ပါတယ်။ အဆိုပါ သတင်း ရုပ်သံ အင်တာနက် စာမျက်နှာပေါ်တွေနဲ့ သတင်းမီဒီယာတွေမှာ ပြန့်နှံ့သွားပြီးနောက် ယခုနှစ် ဖေဖော်ဝါရီလ (၁၅)ရက်နေ့က နိုင်ငံတော် သံဃာမဟာနာယက အဖွဲ့မှ စီစစ်အရေးယူခဲ့ပြီး မြန်မာနိုင်ငံတစ်ဝှမ်း မည်သည့်နေရာတွင်မှ သင်ကြားပြသခြင်း မပြုလုပ်ရန်ဝန်ခံကတိပြုချက်ကို လက်မှတ်ရေးထိုးစေခဲ့ပါတယ်..။ (ပူးတွဲပါ ဝန်ခံချက်မူရင်းကို ကြည့်ပါ)။ (အမှန်တကယ် ပြုလုပ်ခွင့်ပြုခဲ့တဲ့ ဗုဒ္ဓဘာသာ အမည်ခံ အာဏာပိုင်တွေကိုလည်း သတိပေး၊ တားမြစ်သင့်ပါတယ်)...။

ယခုလိုဝန်ခံ ကတိလက်မှတ်ရေးထိုးပြီး ၃လတိတိ အချိန်မှာတော့ ဝန်ခံချက်ကို လက်တလုံးခြား ပြုလုပ်ပြီး မြန်မာနိုင်ငံရဲ့ ပြင်ပ   မလေးရှားနိုင်ငံ ကွာလာလမ်ပူရှိ SM ကုန်တိုက်တွင် သင်တန်းပို့ချ ဟောပြောပွဲကို ၁၅.၅.၂၀၁၁ ရက်နေ့မှာ ပြုလုပ်မှာ ဖြစ်ပါတယ်....။ မလေးရှားနိုင်ငံမှာရှိတဲ့ ထေဝါရဗုဒ္ဓဘုန်းကြီးကျောင်း ၂၄ခုမှလည်း ဝိုင်းဝန်း ကန့်ကွက်လွှာများ ထုတ်ပြန်ခဲ့ပါတယ်...။ အဆိုပါ ဗုဒ္ဓဘာသာ အမည်ခံ No. 1 စိတ်ဓာတ်မြင့်တင်ရေး သင်တန်းနည်းပြ အရှင်ဣဒ္ဓိပါလရဲ့ ယခုကဲသို့ ဝန်ခံချက်အား လက်တလုံးခြား ပြုလုပ်တဲ့  ထေရဝါဒ ဗုဒ္ဓဘာသာအား အမြင်လွဲစေမည့် နိုင်ငံပြင်ပမှ လုပ်ရပ်အား နိုင်ငံတော်သံဃာမဟာနာယက အဖွဲ့မှ မည်သို့ အရေးယူ ဆောင်ရွက်မည်ကို စောင့်ကြည့်ရမှာ ဖြစ်ကြောင်းတင်ပြလိုက်ရပြီး မလေးရှားနိုင်ငံရောက် အမျိုးဘာသာ သာသနာတော်ကို ထိန်းသိမ်း စောင့်ရှောက်နေကြတဲ့  အရှင်ထေရ်မြတ်များနှင့် မလေးရှားနိုင်ငံရောက် ဗုဒ္ဓဘာသာဝင် မျိုးချစ်မြန်မာများမှလည်း မှတ်တမ်း၊ မှတ်ရာများ ရယူထားကြ စေလိုကြောင်း မေတ္တာရပ်ခံအပ်ပါတယ်....။
 
ဒီမိုဝေယံ

ဝန်ခံချက် ပေးပို့ပေးတဲ့ ၀ိမုတ္တိသုခ အား ကျေးဇူးတင်ပါသည်...။