သတင်းစာဆရာ နှင့် နိုင်ငံရေး(မောင်ဝံသ-ဆောင်းပါး)

သတင်းစာဆရာနှင့် နိုင်ငံရေး

မောင်ဝံသ

(၂၀၀၉ ခုနှစ်၊ နိုဝင်ဘာလ (၁၉) ရက်နေ့ထုတ်၊ Popular News ဂျာနယ်မှာ ဖော်ပြထားတဲ့ ဆရာမောင်ဝံသရဲ့ ဆောင်းပါး ဖြစ်ပါတယ်။ စာနယ်ဇင်း သမားနဲ့ နိုင်ငံရေး ဆက်စပ်နေပုံ လေးနဲ့ သတင်းစာ ဆရာများဟာ နိုင်ငံရေးနဲ့ ပတ်သက်ပြီး ရေးတဲ့အခါ ဘက်လိုက်သင့် မသင့် ဆိုတာကို စဉ်းစားနိုင်ဖို့ မျှဝေပေးလိုက် ပါတယ်။ )



"Becoming a politician is the only step down I could take from being a journalist."

Jim Hightower

နိုင်ငံရေးသမား ဖြစ်လာတာဟာ ကျွန်တော့်အနေနဲ့ သတင်းစာဆရာ ဖြစ်ဖို့ကနေ အောက်တစ်ဆင့်ပဲ လျှော့ထားတာ။

(ဂျင် ဟိုင်းတာဝါ)

သူ ဆိုလိုတာက တကယ်ဖြစ်ချင်တာ သတင်းစာဆရာ။ သတင်းစာဆရာ ဘဝကို မရောက်ခင် တစ်ထစ်ပဲ လျှော့ပြီး ခံယူမယ့် ဘဝကတော့ နိုင်ငံရေးသမား ဘဝကတော့ နိုင်ငံရေးသမား ဘဝပါပဲတဲ့။

ဟိုင်းတာဝါ (၁၉၄၃ ဖွား) ဟာ ဆင်ဒီကိတ် ကော်လံ ဆောင်းပါးရှင်၊ လစ်ဘရယ် ဝေဖန်ရေးဆရာ၊ ပေါ်ပြူလစ် တက်ကြွ လှုပ်ရှားသူ၊ အမေရိကန်နိုင်ငံမှာ ထင်ပေါ်ကျော်ကြားတဲ့ နိုင်ငံရေး​ သတင်းစာဆရာ တစ်ယောက်ပါ။ သူဟာ အောက်ခြေ သိမ်း နိုင်ငံရေးသမား ဘဝက စလုပ်ခဲ့ပြီး နောက်ဆုံးတော့ သူရည်မှန်းတဲ့အတိုင်း အောင်မြင်တဲ့ သတင်းစာဆရာ ဘဝကို ရောက်သွားပါတယ်။

နိုင်ငံရေးသမား ဘဝထက် သတင်းစာဆရာ ဘဝကို ပို၍ တန်ဖိုးထား ဂုဏ်ယူတဲ့ ဇာတ်လိုက်တွေကို ဆရာ ဗန်းမော် တင်အောင်ရဲ့ ဘုန်းမောင် တစ်ယောက်တည်းရယ်တို့၊ လွမ်းရစ်တော့ သက်လယ်ရယ်တို့၊ မြိုင်တို့မှာ ကျွန်တော်တို့ တွေ့ခဲ့ အားကျခဲ့ရ ဖူးတယ်ဗျာ။

ကျွန်တော်တို့ရဲ့ ရှေ့မျိုးဆက်များက သတင်းစာ ဆရာကြီးတွေထဲမှာလည်း နိုင်ငံရေးကို အစဉ်အလာ နိုင်ငံရေး သမားတွေထက် ပို၍ တတ်သိ နားလည်တဲ့ သတင်းစာ ဆရာကြီးတွေ အများကြီး ပေါ်ထွန်းခဲ့တယ်ဗျ။ တစ်ထိုင်တည်း မှတ်မိသလောက် ပြောရရင် ဘကြီးဘဘေ၊ ဒီးဒုတ် ဦးဘချို၊ ဂျာနယ်ကျော် ဦးချစ်မောင်တို့ဟာ နိုင်ငံရေး သမားတွေထက် နိုင်ငံရေး ကျွမ်းသူတွေလို့ အသိအမှတ် ပြုခံခဲ့ရပါတယ်။

ဗမာ့ခေတ် ဦးအုန်းခင်

လွတ်လပ်ရေး ရပြီးတဲ့နောက် ပါလီမန် ခေတ်မှာလည်း တန်ခိုးထက်နေတဲ့ နိုင်ငံရေး ခေါင်းဆောင် တစ်ယောက်ကို "ငါ့ညီ မင်း ငယ်ပါသေးတယ်" လို့ ပြောရဲ ရေးရဲတဲ့ သတင်းစာ ဆရာကြီး ဗမာ့ခတ် (နောက်တော့ မိုးကြိုး) ဦးအုန်းခင်လို သတင်းစာ ဆရာတွေ ပေါ်လာခဲ့တယ်။ ထက်မြက်တဲ့ သတင်းစာ ဆရာတွေကို တော်ရုံ နိုင်ငံရေး သမားတွေက ဖြုံကြရပါတယ်။

ပါလီမန် ဒီမိုကရေစီ ခေတ်မှာ သတင်းစာနဲ့ နိုင်ငံရေး သမားဆိုတာ မကင်းရာ မကင်းကြောင်းတွေ ဖြစ်ခဲ့ပါတယ်။ သတင်းစာ ဆရာတွေ ထဲမှာလည်း ပါတီ နိုင်ငံရေးနဲ့ ပုဂ္ဂိုလ်ရေး ဘက်လိုက်မှုကတော့ အနည်းနဲ့ အများ ရှိခဲ့ ကြတာပါပဲ။

အထက်မှာ ပြောခဲ့တဲ့ ဗမာ့ခေတ် ဦးအုန်းခင်ဟာ ဦးနုမှ ဦးနုဆိုပြီး ထောက်ခံခဲ့သူ ဖြစ်တယ်။ ဦးကျော်ငြိမ်း ကိုတော့ အလွန် မုန်းတီးသတဲ့။ မိုးကြိုးကလောင် အမည်နဲ့ ရေးတဲ့ ဦးအုန်းခင်ရဲ့ ဆောင်းပါးတွေကို ကျွန်တော်တို့ စေ့စေ့စပ်စပ် ပြန်ဖတ် ကြည့်တဲ့အခါ "ချစ်သူကို သာစေ၊ မုန်းသူကို နာစေ" အရေးအသားတွေ အများကြီး တွေ့ရတယ်ဗျာ။ ဘယ်လိုပဲ ဖြစ်ဖြစ် မိုးကြိုးကြီးတို့ ခေတ်မှာ အဲသလို ပုတ်ဟယ် ခတ်ဟယ်၊ တို့ဟယ် ဆိတ်ဟယ် ရေးခွင့် ရှိတာကပဲ တစ်နည်း အားဖြင့်လည်း ပျော်စရာကြီး လို့ ဆိုနိုင်တယ်ဗျ။

ထွန်းနေ့စဉ်ဦးထွန်းဖေ

ဗမာ့ခေတ် ဦးအုန်းခင်က ဦးနုကို အပြတ် ထောက်ခံသလို ဦးနုကို ခါးခါးသီးသီး တိုက်ခိုက်ခဲ့တဲ့ သတင်းစာ ဆရာကြီး တစ်ယောက်လည်း ရှိခဲ့တယ်ဗျာ။ သူကတော့ သူရိယ ဦးထွန်းဖေ၊ ခေါင်းကြီး ဦးထွန်းဖေ၊ ထွန်းနေ့စဉ် ဦးထွန်းဖေ စတဲ့ နာမည်တွေနဲ့ ထင်ရှားခဲ့သူပါ။

ဦးထွန်းဖေဟာ ခေသူတော့ မဟုတ်ပေဘူး။ ၁၉၂၀ တက္ကသိုလ် သပိတ်ကြီးမှာ ကျောင်းသားခေါင်ဆောင် တစ်ယောက် ဖြစ်ခဲ့တယ်။ နောက် သူရိယ သတင်းစာမှာ သတင်းထောက်၊ အယ်ဒီတာ ဖြစ်တယ်။ ၁၉၄၇ ခု ဗိုလ်ချုပ်အောင်ဆန်း သက်ရှိထင်ရှား အချိန် တိုင်းပြုပြည်ပြု လွှတ်တော်မှာ လေးမျက်နှာ မဲဆန္ဒနယ်က ဖဆပလ အမတ် ဖြစ်ခဲ့ပြီး ပြည်ထောင်စု မြန်မာနိုင်ငံ ဖွဲ့စည်း အုပ်ချုပ်ပုံ အခြေခံဥပဒေ ရေးဆွဲရေး ၇၅ ဦး ကော်မတီ အဖွဲ့ဝင်အဖြစ် တာဝန်ယူခဲ့သူ ဖြစ်တယ်။

တိုင်းပြုပြည်ပြု လွှတ်တော်ကနေ ပါလီမန် အဆင့် ပြောင်းလဲတဲ့ ၁၉၅၂ ခု အထွေထွေ ရွေးကောက်ပွဲကျတော့ ဝက်လက် မဲဆန္ဒ နယ်ကနေ ပါလီမန် အမတ် ဖြစ်ခဲ့ပြန်ပါတယ်။ အဲသည် ကာလအတွင်း ၁၉၄၈ စက်တင်ဘာလမှ ၁၉၅၃ ခု သြဂုတ်လ အထိ ဦးနုရဲ့ ကက်ဘိနက် (အစိုးရ) အဖွဲ့မှာ ဝန်ကြီးတစ်ဦး ဖြစ်ခဲ့ပါတယ်။

ဘဝရှင် မင်းတရားကြီး

ဦးနုအပေါ် မကျေနပ်တာတွေ များလာလို့ ၁၉၅၃ ခု သြဂုတ်လမှာ ဦးထွန်းဖေဟာ ဝန်ကြီးရာထူးက နုတ်ထွက်လိုက်တယ်။ ပြီးတော့ "ပါလီမန် ဒီမိုကရေစီကို ရိုသေလေးစားရိုး မှန်လျှင် ဦးနုရာထူးက နုတ်ထွက်ဖို့ သင့်ပြီ" ဆိုတဲ့ စာစောင်တစ်ခု မြန်မာ-အင်္ဂလိပ် နှစ်ဘာသာနဲ့ ရေးသား ထုတ်ဝေခဲ့တယ်ဗျာ။ ဦးနုကို ဘဝရှင် မင်းတရားကြီးလို့ ဦးထွန်းဖေက နာမည်ပေး ခဲ့တာ ရာဇဝင် တွင်ရောဗျ။ (ဘဝရှင် မင်းတရားကြီးလို့ ပြောတာက ရှင်ဘုရင်စိတ် ပေါက်ပြီး အာဏာရှင် ဆန်လာတယ် လို့ ဆိုလိုတာပါ။)

ဝန်ကြီးရာထူးကို စွန့်ပြီးခဲ့တဲ့နောက် ဦးထွန်းဖေဟာ နေ့စဉ် သတင်းစာ တစ်စောင် ထုတ်ဝေတယ်။ မိမိနာမည်ထဲက 'ထွန်း' ကိုယူပြီး 'ထွန်းနေ့စဉ်' သတင်းစာလို့ နာမည်ပေးတာဗျ။ ကိုယ့်ကိုယ်ကိုယ် ယုံကြည်မှု အပြည့်ရှိသူ ဆိုတာ သတင်းစာ နာမည် ယူပုံကပဲ ပေါ်လွင် နေတယ်ဗျာ။

ထွန်းနေ့စဉ် သတင်းစာကနေ ပမညတခေါ် ပြည်ထောင်စု မြန်မာနိုင်ငံ အမျိုးသား ညီညွတ်ရေး တပ်ပေါင်းစု ဆိုတဲ့ နိုင်ငံရေး တပ်ဦးထူထောင်ဖို့အားပေးလှုံ့ဆော်ခဲ့တယ်။ ပမညတ ပေါ်လာတော့လည်း အင်တိုက်အားတိုက် အားပေးတယ်။ ဒီမိုကရေစီ နိုင်ငံရဲ့ အင်္ဂါရပ် တစ်ခု ဖြစ်တဲ့ အတိုက်အခံ နိုင်ငံရေး အင်အားစု ပေါ်ထွန်းလာခြင်းကို ဦးထွန်းဖေက ကြိုဆို ထောက်ခံ ခဲ့တယ်ဗျ။

သို့ပေမယ့် တည်မြဲနဲ့ သန့်ရှင်းဆိုပြီး ဖဆပလ အဖွဲ့ကြီး နှစ်ခြမ်းကွဲတော့ ပမညတက သန့်ရှင်း(ဦးနု)ကို ထောက်ခံ လိုက်တဲ့ အခါ ဦးထွန်းဖေဟာ ပမညတကိုပါ ဝေဖန် တိုက်ခိုက် တော့တယ်ဗျာ။ (သူအလွန် မကျေနပ်တဲ့ ဦးနုကို ထောက်ခံရ မလား ဆိုတဲ့ အစွဲနဲ့ ပမညတကိုပါ ရန်သူစာရင်း သွင်းလိုက်တာလို့ ကျွန်တော် ကောက်ချက် ချခဲ့ဖူးတယ်။ ကျွန်တော့် ကောက်ချက် မှားတယ်)။ အဲသည်နောက် ဦးနုရဲ့ ၃ လ ၁၇ ရက်သာ သက်တမ်းရှည်တဲ့ သန့်ရှင်း ဖဆပလ အစိုးရက ဗိုလ်ချုပ်နေဝင်းကို အာဏာ လွှဲပေးရတယ်။ အိမ့်စောင့်အစိုးရ ဆိုတာ ပေါ်ပေါက်လာတယ်။ ၁၉၆၀ ပြည့်နှစ် အထွေထွေ ရွေးကောက်ပွဲ ကျင်းပ တော့ ဦးထွန်းဖေဟာ ဦးနုအဖွဲ့ကို ဆန့်ကျင်၊ တည်မြဲ ဖဆပလကိုလည်း လက်မခံ၊ ပမညတ နဲ့လည်း သဘော ကွဲလွဲတဲ့ အလျောက် အားလုံးကို တိုက်ခိုက် ထိုးနှက်ဝေဖန် တော့တာပဲဗျ။

တတိယ အင်အားစု ပေါ်လာဖို့တဲ့

တည်ရှိနေဆဲ နိုင်ငံရေး သမားတွေကို စိတ်တိုင်းမကျ ဖြစ်ရာက တတိယ အင်အားစု ပေါ်လာဖို့ လိုပြီဆိုတဲ့ လှုံ့ဆော်ချက်ကို ထွန်းနေ့စဉ် သတင်းစာကနေ ရေးသားတယ်။ ရွေးကောက်ပွဲမှာ ဦးနု အဖွဲ့နိုင်ပြီး အစိုးရ ဖြစ်လာတော့ သဘောကွဲလွဲတဲ့ အတိုက်အခံ (တည်မြဲ) တွေနဲ့ အာဃာတ မထားရေး၊ သင်ပုန်းချေရေး ကြိုးစားတာကိုလည်း သူတို့တစ်တွေ ဝေမစားကြရမှာ စိုးလို့ တိုင်းပြည်ကို စော်ကား နေတာလို့ စွပ်စွဲပြန်တယ်ဗျ။

ဦးထွန်းဖေရဲ့ အရေးအသားတွေ လွန်ကျွံလာလို့ ဦးနု အစိုးရက ပုဒ်မ ၅နဲ့ ဦးထွန်းဖေကို ဖမ်းတယ်။ ထွန်းနေ့စဉ် သတင်းစာ ကိုလည်း အာမခံငွေ တစ်သောင်း တောင်းတယ်။ အာမခံငွေ မပေးနိုင်လို့ သတင်းစာတိုက်ကို ပိတ်လိုက်ရတယ်ဗျာ။ သို့ပေမယ့် ထောင်ထဲ နှစ်လတောင် မကြာပါဘူး ပြန်လွတ်ခဲ့ပါတယ်။ ဦးထွန်းဖေ ပြန်လွတ်ပြီး သုံးလအကြာ ၁၉၆၂ခု မတ်လ ၂ ရက်နေ့မှာ ဗိုလ်ချုပ် နေ၀င်းက အာဏာသိမ်းကာ တော်လှန်ရေး ကောင်စီ ဆိုတာ ပေါ်လာပါတယ်။ ဦးထွန်းဖေ တောင့်တတဲ့ တတိယ အင်အားစု ဆိုတာ ဒါပဲလားလို့ ပြောစရာ ဖြစ်ခဲ့တယ်ဗျာ။

ဦးထွန်းဖေက ထောင်က လွတ်တော့ သတင်းစာ ပြန်ထုတ်တယ်။ ဗိုလ်ချုပ်နေ၀င်း အာဏာသိမ်းပြီး ရက်ပိုင်း အကြာမှာ ထွန်းနေ့စဉ် သတင်းစာမှာ "အဘယ်ကြောင့် ပါလီမန် ဒီမိုကရေစီ ကျဆုံးရသလဲ" ခေါင်းစဉ်နဲ့ အခန်းဆက် ဆောင်းပါး တွေရေးတယ်။ ၁၉၆၂ မတ်လ ၁၅ ရက်ကနေ မေလ ၁၁ ရက်အထိ ရေးခဲ့တဲ့ ဆောင်းပါးတွေကို ပေါင်းချုပ်စာအုပ် ထုတ်ခဲ့ပါ တယ်။

ရာထူးဝန်အဖွဲ့ ဥက္ကဋ္ဌ အဖြစ်သို့

တော်လှန်ရေးကောင်စီ အစိုးရခေတ်မှာ ဆရာကြီး ထွန်းနေ့စဉ် ဦးထွန်းဖေဟာ ရာထူးဝန်အဖွဲ့ ဥက္ကဋ္ဌကြီး ဖြစ်သွားတယ်ဗျ။ (ဒီနေ့ ခေတ်မှာတော့ ၀န်ထမ်းရွေးချယ် လေ့ကျင့်ရေး အဖွဲ့လို့ ခေါ်ပါလိမ့်မယ်)

ဗိုလ်ချုပ်နေ၀င်းဟာ ပထစဟောင်း၊ တည်မြဲဟောင်း နိုင်ငံရေး သမားတွေထဲက မိမိကို ထောက်ခံလာသူ တွေနဲ့ တစ်ချိန် တစ်ခါက နိုင်ငံရေး ဘက်လိုက်မှုနဲ့ အရေးယူ ခံခဲ့ရတဲ့ တပ်မတော် အရာရှိဟောင်းကြီး တွေကို သံအမတ်ကြီး ရာထူးတွေ ပေးတယ်။ ပမညတ ဟောင်းတွေ အပါအ၀င် လက်ဝဲဟောင်းတွေ ကိုလည်း သင့်ရာတော်ရာ ဒုတိယတန်းစား ရာထူးတွေ ပေးတယ်။

လုပ်သားပြည်သူ့နေ့စဉ်သတင်းစာမှာ ကျွန်တော်နဲ့ ဆုံစည်းခဲ့ကြတဲ့ သတင်းထောက်ဈာန်ရခေါ် ပီဂျီစိုးမင်းနဲ့ သတင်းထောက် ချုပ် ဦးစိန်အေးတို့ဟာ ထွန်းနေ့စဉ် ကျောင်းထွက်တွေ ဖြစ်လို့ သူတို့နဲ့ ပတ်သက်ပြီး ဆရာကြီး ဦးထွန်းဖေဆီကို ကျွန်တော် ရောက်ဖူး၊ တွေ့ဖူး၊ စကားပြောဖူးတယ်။ အင်မတန် ခင်မင်ချင်စရာ ကောင်းပါတယ်။ အသိပညာ၊ ဗဟုသုတလည်း အလွန် ပြည့်စုံပါတယ်။ ကျွန်တော်တို့ မှတ်သားစရာ ဆုံးမစကား တွေလည်း ပြောလေ့ ရှိပါတယ်။ သို့ပေမယ့် ဆရာကြီး အပေါ်မှာ ကျွန်တော် နွေးထွေးတဲ့ ခံစားချက် မဖြစ်ပေါ် ခဲ့ပါဘူး။ ကျွန်တော့် ရင်ထဲ တစ်ခုခု တင်းခံနေ သလိုကြီး ဖြစ်နေတယ်။

အဲသည် ကာလတစ်ဝိုက်မှာပဲ ဆရာအိုးဝေ ဦးညိုမြနဲ့ ကျွန်တော် ဆုံမိတယ်။ အသက်အရွယ်လည်း ကွာ၊ ၀ါလည်း ကွာခြား လှပေမယ့် ငယ်ဆရာ တစ်ယောက်လို ကျွန်တော် ခံစား လိုက်ရတယ်။ ရင်းရင်းနှီးနှီး ဖြစ်သွားတယ်။ ဆိပ်ကမ်းသာ လမ်းက ဆရာ့ အိမ်ကို ကျွန်တော် ခဏခဏ သွားလည်တယ်။ ဆရာ တုံးလုံးလှဲနေတဲ့ ခုတင်ဘေးမှာ ထိုင်ပြီး ရောက်တတ်ရာရာ စကားတွေ ပြောတယ်။ ဆရာ သောက်နေတဲ့ ထမင်းရည်ခွက် ကိုတောင် တောင်း သောက်ရဲတယ်။ ဆရာ့ကို ခေါ်ပြီး ပဲခူးက နတ်ပွဲတွေကို လေ့လာရေး ခရီးထွက်ကြတယ်။ ဆရာဦးညိုမြ ယမကာ မှီဝဲရင် ဘေးက ထိုင်ပြီး ၀တ်ဖြည့်ပေးတယ်။ ဆရာကြီး ဦးထွန်းဖေအပေါ် ဆက်ဆံရေးဟာ အဲသလို နွေးထွေးမှု မရှိခဲ့ပါဘူး။

တကယ်ဖတ်ဖြစ်ခဲ့ပါပြီ

ဆရာကြီး ဦးထွန်းဖေ ကတော့ အဲဒီတုန်းက အသက် ၂၀ ကျော်ရုံပဲ ရှိသေးတဲ့ ကျွန်တော့်ကို ဖော်ဖော်ရွေရွေ ဆက်ဆံပြီး လှိုက်လှိုက်လှဲလှဲ အားပေးတယ်။ သတင်းစာ လောကမှာ တက္ကသိုလ် ကျောင်းထွက် ပညာတတ်က လေးတွေ ဝင်လာ တာကို ကြိုဆိုတဲ့ အကြောင်း၊ သူတို့ခေတ် တုန်းကတော့ သတင်းစာ ပညာဆိုတာ တုံးပေကတ်သတ် တက္ကသိုလ်လို့ သူခေါ်ခဲ့သ လို သတင်းစာ စက္ကူပုံပေါ်မှာ အိပ်ပြီး ဆင်းရဲ ပင်ပန်းခံ သင်ယူခဲ့ရတဲ့ အကြောင်းတွေ ပြေပြပါတယ်။

ကျွန်တော်ကတော့ ၁၉၆၂ ခုနှစ်က ဆရာကြီးရေးခဲ့တဲ့ "အဘယ်ကြောင့် ပါလီမန်ဒီမိုကရေစီ ကျဆုံးရသလဲ" ဆောင်းပါး တွေကို အစပိုင်း ကလေးလောက် ဖတ်ပြီး အရပ်သား နိုင်ငံရေး သမားတွေရဲ့ အားနည်းချက်တွေကို တစ်ဖတ်သတ် ဖော်ထုတ် နေတာ၊ သူ့အတွက် စားပေါက်ချောင်အောင် ရေးနေတာတွေ ဆိုတဲ့ အစွဲဟောင်းနဲ့ပဲ ဆရာကြီး ဦးထွန်းဖေကို ကန်တန်တန် သဘောထားမိ ခဲ့တယ်ဗျာ။

ဝန်ခံရမယ် ဆိုရင် ဆရာကြီး ဦးထွန်းဖေရဲ့ "အဘယ်ကြောင့် ပါလီမန် ဒီမိုကရေစီ ကျဆုံးရသလဲ" စာအုပ်ကို နှစ်ပေါင်း ၄၀ ကျော် ကြာမှ (တကယ်) ဖတ်ဖြစ်ခဲ့ပါတယ်။ ပြီးခဲ့တဲ့ ၂၄ စက်တင်ဘာ ၂၀၀၉ နေ့က နှင်းဆီကုန်း ဘိုးဘွားရိပ်သာမှာ ဆရာမောင်စူးစမ်း ၈၂ နှစ် ပြည့် မွေးနေ့ပွဲကို သွားတော့ တော်ဝင်နှင်းဆီ ဦးစိုးညွှန့်နဲ့ တွေ့တယ်။ သူက ကျွန်တော့်ကို အဲဒီစာအုပ် ပေးလိုက်ပါတယ်။ သည်ပွဲမှာ ကျွန်တော်နဲ့ တွေ့မယ်ဆိုတာ သိလို့ အသင့်ယူလာ ခဲ့တာပါတဲ့။ ကျွန်တော် မြန်မာ့ နိုင်ငံရေး လေ့လာချက်တွေ ရေးနေတာမှာ အထောက်အကူ ဖြစ်နိုင်တယ်လို့ ပြောပါတယ်။ တော်ဝင် နှင်းဆီကြီးကို ကျေးဇူးတင်ကြောင်း အထပ်ထပ် ပြောပြီး စာအုပ်ကို ယူလာခဲ့ပါတယ်။ သည်အချိန်မှာတော့ ဆရာကြီး ဦးထွန်းဖေ အပေါ် ကျွန်တော် အရင်က သဘောထားမျိုး မရှိတော့ပါ။ ဒါကြောင့် ကြည်လင်တဲ့ စိတ်နဲ့ ဖတ်ဖြစ်ပါတယ်။

"အဘယ်ကြောင့် ပါလီမန် ဒီမိုကရေစီ ကျဆုံးရသလဲ" စာအုပ်ကို တကယ် ဖတ်ပြီးချိန်မှာ ပထမဆုံး စဉ်းစားမိတာ ကတော့ ကျွန်တော်တို့ခေတ်၊ ပြီးတော့ ကျွန်တော်တို့ရဲ့ နောက်မျိုးဆက် ခေတ်မှာ ဆရာကြီး ဦးထွန်းဖေတို့လို နိုင်ငံရေး ဝေဖန်ချက်များ ပီပီ ပြင်ပြင် ရေးနိုင်တဲ့ စာနယ်ဇင်း သမားတွေ ပေါ်လာနိုင်ပါ့ မလား ဆိုတာပါပဲဗျာ။ သည်လို ဝေဖန် သုံးသပ် ချက် မျိုးတွေဟာ နိုင်ငံရေးကို ထဲထဲဝင်ဝင် သိမှ၊ ပြီးတော့ စူးရှတဲ့ ဝေဖန်ရေး အမြင်လည်း ရှိမှ ရေးလို့ ရနိုင်တာ ကလား။ နောင် ကြုံတဲ့အခါ ဆက်ရေးပါဦးမယ်။


မောင်ဝံသ..။

ဝါရင့် နိုင်ငံရေးသမားကြီးများက ဦးသန်းရွှေ ထံ ပေးစာ..။

Waryint Letter to S.G Than Shwe

ပေးပို့ ပေးသော ကိုအောင်မျိုးသိမ်း အားကျေးဇူးတင်ပါသည်..။

ပအို့ဝ်ဒေသမှ လူ့အခွင့်အရေးချိုးဖောက်မှုများ ဓာတ်ပုံ မှတ်တမ်းများ..။

ဓာတ်ပုံ ပေးပို့ ပေးသော ဒီမိုဝေယံ အား ကျေးဇူးတင်ပါသည်..။

အမျိုးသားဒီမိုကရေစီ အဖွဲ့ချူပ် စတင်ဖွဲ့စည်းခြင်း မှတ်တမ်းလွှာ..။

မြတ်လေးငုံ..။

တရားမျှတမှုနှင့် ၀န်ဆောင်မှုဆိုင်ရာ ပြဿနာများ။

(မြန်မာနိုင်ငံမှာ ဖြစ်ပျက်နေသော အခြေအနေများနှင့် ပတ်သက်ပြီး ဒီဆောင်းပါးဟာ အင်မတန်ကို မှန်ကန်ထိရောက်တဲ့ ရေးသားမှုဖြစ်လို့  ဖေါ်ပြလိုက်ပါတယ်။ ပြည်သူတစ်ဦးချင်းတိုင်း ဖတ်သင့် သိသင့်တဲ့ အကြောင်းအရာ အချက်အလက်တွေ ဖြစ်လို့  အစအဆုံး သေသေချာချာ ဖတ်ရှူပြီးနောက် အခြားသူများကို လက်ဆင့်ကမ်း အသိပေးစေလိုပါတယ်။ ဒီဆောင်ပါးကို ရေးသားတဲ့ မခင်မမမျိုးကို အထူးကျေးဇူးတင်ရှိပါကြောင်း မှတ်တမ်းတင် ပြောကြားလိုပါတယ်။ လေးစားလျက် - နစ်နေမန်း)။

မြန်မာစကားပုံမှာ “မမှားသော ရှေ့နေ၊ မသေသော ဆေးသမား“ ဆိုတဲ့ စကားပုံ တခုရှိပါတယ်။ ဒီစကားပုံ အစပြုခဲ့သူတွေဟာ ရှေ့နေတွေလား၊ ဆေးသမားတွေလား ဆိုတာကိုတော့ အတိအကျ မည်သူမျှ ပြောနိုင်မှာ မဟုတ်ပါ။ လူတွေက ကျန်းမာရေး အခက်အခဲတွေ ဖြစ်တဲ့အခါ ဆေးပညာရှင်တွေကို အားကိုးကြပါတယ်။ တရားရေးပြဿနာတွေ ဖြစ်တဲ့အခါ ရှေ့နေတွေကို အားကိုးကြပါတယ်။ သေရေး၊ ရှင်ရေး၊ ဘ၀ရေး ကိစ္စတွေမို့ ဆေးသမားတွေနဲ့ ရှေ့နေတွေဆိုရင် အလွန်လေးစား အားထားကြပါတယ်။ နောက်ဆုံး တချို့ ရပ်ကွက်လေးတွေမှာဆို ဆေးရုံ၊ ဆေးခန်း မသွားနိုင်လို့ လမ်းဘေး ကွမ်းယာဆိုင်လေးကနေ ဆေးဝယ်သောက်ကြရပါတယ်။ အဲဒီအခါကျရင် ဒီကွမ်းယာရောင်းသမားလေးက သိပ်မျက်နှာရတာပဲ။ ဝေးလံခေါင်ဖျားဒေသတွေမှာ ဒေါက်တာရမ်းကုတွေ ပေါ်ထွက်နေရခြင်း၊ လုပ်စားလို့ ရနေခြင်းကလဲ ဒီသဘောပဲ ဖြစ်ပါတယ်။ လူတွေက ဆေးသမားနဲ့ ရှေ့နေတွေကို ကယ်တင်ရှင်တွေလို့ သတ်မှတ်ယူဆထားကြပါတယ်။ ဒီတော့ တခုခု အမှားအယွင်းနဲ့ သေသွားတာ၊ တစုံတရာ ဆိုးကျိုးတွေ ဖြစ်သွားတာဆိုရင်လဲ “မမှားသောရှေ့နေ၊ မသေသော ဆေးသမား“ ဆိုတာ မရှိပါဘူးလေ ဆိုပြီး ခွင့်လွှတ်လိုက်ကြတာပါပဲ။

ဒီအတွေးအခေါ်တွေက မြန်မာနိုင်ငံအပါအ၀င် ဖွံ့ဖြိုးတိုးတက်မှုနောက်ကျနေတဲ့ နိုင်ငံတွေမှာ ဖြစ်ပေါ်နေတာလေးတွေပါ။ ဒီလိုနိုင်ငံတွေမှာ အစိုးရရဲ့ ကျန်းမာရေး ၀န်ဆောင်မှု အားနည်းလေ့ရှိတယ်။ ကျန်းမာရေး မကောင်းလို့ ဆေးရုံကား လှမ်းခေါ်ဖို့ မရှိဘူး။ လှမ်းခေါ်ဖို့ တယ်လီဖုန်းစတဲ့ ဆက်သွယ်ရေး ကိရိယာတွေကိုတောင် လူတိုင်း မသုံးစွဲနိုင်ဘူး။ ကျန်းမာရေးနဲ့ ပတ်သက်တဲ့ အာမခံလုပ်ငန်းတွေ မရှိဘူး။ အရေးပေါ်လာရင် ကျန်းမာရေးဝန်ထမ်းတွေ၊ ဆရာဝန်တွေရှိတဲ့ နေရာတွေကို သွားကြရတယ်။ ဒီလိုသွားတာမှာလဲ ငွေကြေးကုန်ကျစရိတ် ပြဿနာနဲ့ ရင်ဆိုင်ကြရပြန်တယ်။ ဘယ်လိုအချိန်မှာ ဘယ်နေရာ၊ ဘယ်ဒေသတွေအတွက် ဘယ်သူက တာဝန်ရှိတယ်ဆိုတဲ့ အလုပ်တာဝန် ခွဲဝေသတ်မှတ်မှုတွေ မရှိတာကြောင့် နီးစပ်ရာ ကျန်းမာရေးဝန်ထမ်းနဲ့ ဆရာဝန်တွေဆီ ပြေးခေါ်ကြရတယ်။ တာဝန်သတ်မှတ်မှုမရှိတဲ့ အခါမှာကျတော့ လူနာဆီ လိုက်သွားမယ်၊ မလိုက်သွားဘူးဆိုတာက ဆေးပညာရှင်တွေရဲ့ ဆုံးဖြတ်ချက်တွေပေါ်မှာ မူတည်သလို ဖြစ်နေတယ်။ ဒီတော့ ဆေးပညာရှင်တွေရဲ့ တန်ဖိုးနဲ့ အခန်းကဏ္ဍက အရမ်းကြီးမားသယောင် ဖြစ်နေတယ်။

မြို့တွေပေါ်မှာ ဆေးရုံတွေသွားတဲ့ အခါကျတော့လဲ ပြည်သူ့ဆေးရုံတွေဆီ သွားမှာလား၊ အထူးကု ဆေးခန်းကြီးတွေဆီ သွားမှာလား ဆိုတာက ငွေကြေးနဲ့ တိုင်းတာပြီး ဆုံးဖြတ်ကြရပြန်တယ်။ ပြည်သူ့ဆေးရုံတွေမှာ အထူးကုဆရာဝန်ကြီးတွေနဲ့ တွေ့ဆုံကုသခံရဖို့ကလဲ အခက်အခဲတွေ ရှိကြပြန်သေးတယ်။ အထူးကုဆရာဝန်ကြီးတွေ ရောက်လာပြီး လူနာတွေကို လှည့်လည်ကြည့်ရှုတယ် ဆိုပြန်တော့လဲ သူတို့တတွေ ပြန်သွားရင် သူနာပြုတွေက အထူးကု ဆရာဝန်ကြီးတွေ လှည့်လည်စစ်ဆေးခ ဆိုတာကို လိုက်တောင်းကြပြန်သေးတယ်။ တခါ အထူးကုဆရာဝန်တွေအကြားက အပြိုင်အဆိုင် ပြဿနာတွေကလဲ ရှိသေးတယ်။ သားဖွားမီးယပ်အထူးကု နှစ်ယောက်ရှိတဲ့ ပြည်သူ့ဆေးရုံတခုမှာ အိုဂျီတွေ လူနာလုပြီး ကြားထဲက လူနာတွေ ဒုက္ခရောက်တာတွေလဲ ကြုံဖူးတွေ့ဖူးတယ်။ မိခင်လောင်းတွေက မွေးဖွားချိန် ဂရုစိုက်ဖို့ အိုဂျီတွေကို သူတို့ဆေးခန်းမှာ သွားအပ်ကြရတယ်။ ခွဲမွေးမယ်ဆိုရင်လဲ မွေးဖို့ အပ်ကြတယ်။ ဆေးပညာကျင့်ဝတ်အရ မခွဲသင့်တဲ့ လူနာတွေကို ခွဲတာ ကျင့်ဝတ်နဲ့ညီလား၊ မညီလားတော့ မသိဘူး။

ဒါပေမယ့် ဗေဒင်ဆရာက ဒီအချိန်မွေးရင် ကောင်းမယ် တွက်ချက်ပေးလို့ဆိုပြီး အဲဒီအချိန်မွေးလို့ ရမလားဆိုပြီး အိုဂျီတွေကို အခါသွားပေးတဲ့ လူနာတွေလဲ ရှိသေးရဲ့။ ငွေကြေး အပေးအယူ ကိစ္စ တည့်သွားလို့ ခွဲပေးတဲ့ အိုဂျီတွေလဲ ရှိရဲ့။ ဒီလိုနဲ့ မွေးလူနာတွေ ဆေးရုံပေါ်ရောက်လာတဲ့အခါ ဒါက ပထမအိုဂျီ လူ၊ ဒါက ဒုတိယအိုဂျီလူနဲ့ ဖြစ်နေတော့တယ်။ ဆေးရုံရောက်လာရင်လဲ သူနာပြုတွေက ရိုးရိုးရောက်လာတဲ့ မွေးလူနာလား၊ ဘယ်မမ အိုဂျီရဲ့ မွေးလူနာလား ဆိုတာတွေ မေးကြရတယ်။ ဂျူနီယာဒေါက်တာလေးတွေ၊ ဆေးကျောင်းသားလေးတွေ၊ သားဖွားသင်တန်းသူတွေများ မမအိုဂျီရဲ့ လူနာတွေကို သွားမကိုင်လိုက်လေနဲ့။ မီးပွင့်တွေ တောက်သွားနိုင်တယ်။ တကယ်ဖြစ်သင့်တာက သားဖွားရ လွယ်ကူသူတွေဆို သားဖွားဆရာမတွေက မွေးလိုက်ပြီး၊ တကယ်ခက်ခဲပြီး လိုအပ်တဲ့ ကေ့စ်တွေကိုမှ အထူးကုတွေက ကိုင်သင့်တယ် မဟုတ်လား။ ဒါပေမယ့် မြန်မာပြည်က မြို့ကြီး ဆေးရုံတွေမှာကတော့ အဲလိုပဲ ဖြစ်နေကြတယ်။ တခါတလေ အပ်ထားတဲ့ အိုဂျီက ပိုက်ဆံပိုရတဲ့ အထူးကုဆေးခန်းက လူနာကို ဦးစားပေးလိုက်လို့၊ ဒီဘက်ဆေးရုံမှာကလဲ ဆရာဝန်ငယ်လေးတွေက မမအိုဂျီလူနာကို မကိုင်ရဲလို့နဲ့ ပြဿနာတက်နေကြတာတွေလဲ ရှိသေးတယ်။

ဒီကြားထဲ “ကြက်တူရွေးတော်တော်၊ မယ်ဘော်က ခပ်ကဲကဲ“ ဖြစ်နေတာတွေကလဲ ရှိတတ်တယ်။ “ကျွန်မသားလေးက၊ သမီးလေးက ဘယ်အိုဂျီနဲ့ မွေးတာလေ“ ဆိုပြီး အပြိုင်အဆိုင်လုပ်ကြတာ။ ဒီအထဲမှာ ကျွန်မ မိဘတွေလဲ ပါပါတယ်။ ကျွန်မအမေကဆို “သမီးလေးကို မွေးတုန်းကလေ မမအိုဂျီ------က မွေးပေးတာ။ သူက အင်္ဂလန်ပြန်လေ။ အမ်အာစီအိုဂျီ---------“ ဆိုတာမျိုးတွေ လာပြောတတ်တာကလား။ ငယ်တုန်းကတော့ ဒီလိုပဲ နားထောင်တာပေါ့။ ကြီးလာတော့ ပြန်မေးမိလာတယ်။ “သမီးကိုမွေးတုန်းက normal delivery ပဲ မဟုတ်လား အမေ။ အိုဂျီနဲ့ မွေးမွေး၊ အရပ်တည်းက သားဖွားဆရာမနဲ့ပဲ မွေးမွေး၊ ဘယ်သူကပဲ မွေးပေးပေး သမီးလူ့လောကထဲ ရောက်လာအောင် ကူညီပေးခဲ့သူတယောက်ရဲ့ တန်ဖိုးက တူတူပဲ။ လူသားတယောက် ဖြစ်တည်လာမှုနဲ့ အဲဒီလူသားတယောက်ရဲ့ အနာဂတ်ကို ဘယ်သူမွေးပေးတယ်ဆိုတာက အဆုံးအဖြတ် ပေးနိုင်သလား“ ဆိုတဲ့ မေးခွန်းကို ဒုတိယနှစ်ဆေးကျောင်းသူ ဘ၀မှာ ကျွန်မမေမေ့ကို ပြန်မေးဖြစ်ခဲ့တယ်။

ဒီအချိန်ကာလတွေမှာတုန်းက “ဘယ်သူလုပ်တယ် လုပ်တာထက် အလုပ်ပြီးမြောက်မှုက အဓိက ကျတယ်ဆိုတာ၊ ဘယ်သူပြောတယ် ဆိုတာထက် ပြောတဲ့ စကားက အဓိက ကျတယ်“ ဆိုတဲ့ ဒဿနကို ကျွန်မသိတတ် နားလည်နေခဲ့ပြီ။ စကားတခွန်းရဲ့ မှန်ကန်မှုကို လေ့လာသုံးသပ်ရာမှာ ဘယ်သူပြောတယ် ဆိုတာထက် ဒီစကားထဲက မှန်ကန်တဲ့ အချက်အလက် ဘယ်လောက်ပါမယ်၊ ခံစားချက်နဲ့ ပြောတာက ဘယ်လောက်ပါမယ်၊ သုံးသပ်ချက်က ဘယ်လောက်ပါမယ်၊ ရပ်တည်တဲ့ standpoint ၊ ဘက်လိုက်မှုရှိမရှိ ဆိုတာလေးတွေကို စဉ်းစားဖို့ အရင်သင့်တယ်။ ဆရာဝန်တွေ၊ ပါမောက္ခတွေ၊ ပညာတတ်တွေ ပြောတိုင်းလဲ အမြဲ မမှန်နိုင်သလို တောင်းရမ်းစားသောက်နေရသူတွေ၊ ပညာမဲ့တွေက ပြောတာကို မမှန်နိုင်ဘူးလို့လဲ သုံးသပ်လို့ မရဘူး။ အရေးကြီးတာက မျှမျှတတ သုံးသပ်နိုင်ဖို့ပဲ။ ဒါကြောင့် တရားမျှတမှုဆိုတဲ့ စကားလုံးက လူ့လောကထဲမှာ ပေါ်ထွက်လာတာပဲ ဖြစ်တယ်။ အာဏာ၊ ပညာ၊ ဥစ္စာပစ္စည်းရှိသူတွေနဲ့ အာဏာမဲ့၊ ပညာမဲ့၊ ပစ္စည်းမဲ့တွေအကြားမှာ ပြဿနာတွေ ဖြစ်လာတဲ့အခါ မှန်ကန်တဲ့ တရားစီရင်ရေး စနစ် ဟာ အလွန်ပဲအရေးကြီးလှတယ်။ ကွာဟမှုတွေမှာ အသာစီးရသူတွေက အနိုင်မပိုင်းနိုင်ဖို့ တရားမျှတမှုနဲ့ စနစ်ကသာ ထိန်းချုပ်ပေးနိုင်မှာ ဖြစ်တယ်။

ဒီလိုတရားမျှတမှုနဲ့ ထိန်းချုပ်ပေးနိုင်တဲ့ စနစ်တွေ ရှိလာဖို့အတွက် တိုးတက်ဖွံ့ဖြိုးတဲ့ နိုင်ငံတွေမှာ ၀န်ဆောင်မှု ဆိုတဲ့ စကားလုံးရဲ့ အခန်းကဏ္ဍကို တိုးမြှင့်လာကြတယ်။ ဥပမာ- ဆေးပညာရှင်တွေဆီမှာ ဆိုရင်လဲ မသေသော ဆေးသမားလို့ မျက်စိမှိတ်ကြွေးကြော်နေလို့ မရဘူး။ သူ့ရဲ့ အမှားကြောင့် မသေသင့်ပဲ သေတာဆိုရင် သူ့မှာ တာဝန်ရှိတယ်။ ဘာကြောင့်လဲဆိုတော့ ဆေးပညာရှင်တွေနဲ့ လူနာအကြားမှာ ကျန်းမာရေးဝန်ဆောင်မှုဆိုတာ ရှိတဲ့အတွက်ပဲ ဖြစ်တယ်။ ဆေးပညာရှင်တွေဟာ ပြည်သူ့ဆေးရုံတွေမှာဆိုရင် အစိုးရဆီက လခ ယူထားတယ်။ အထူးကုဆေးရုံတွေမှာဆိုရင် အထူးကုဆေးရုံတွေက သတ်မှတ်တဲ့ ဈေးနှုန်းထဲကနေ ဝေစုကော်မရှင်ပြန်ယူထားတယ်။ ၀န်ဆောင်မှု ပေးရမယ့် လူနာတွေက ပြည်သူ့ကျန်းမာရေးဘတ်ဂျက်အတွက် အစိုးရကို အခွန်ဆောင်ထားတယ်။ အထူးကုဆေးရုံမှာဆိုရင်လဲ ကျသင့်တဲ့ ငွေကို ရှင်းရတယ်။ ဒါကြောင့် ထိုက်တန်တဲ့ ကျန်းမာရေး ၀န်ဆောင်မှုကို သူတို့မှာ တောင်းဆိုပိုင်ခွင့် ရှိတယ်။ အမှားအယွင်းဖြစ်လာရင် လုပ်ထုံးလုပ်နည်း နည်းလမ်းတွေအတိုင်း တိုင်တန်းအရေးယူစေမှု ပြုလုပ်ပိုင်ခွင့် ရှိတယ်။

ဒီလိုပဲ။ ပါမောက္ခနဲ့ ကျောင်းသားတွေမှာလဲ ပါမောက္ခက ကျောင်းသားတွေကို ပညာရေးဝန်ဆောင်မှုပေးဖို့ တက္ကသိုလ်ကနေ လစာယူထားတယ်။ ကျောင်းသားတွေက ပညာရေးဝန်ဆောင်မှုအတွက် တက္ကသိုလ်ကို ၀န်ဆောင်ခ ပေးထားတယ်။ ဆရာတွေဘက်က လိုက်နာရမယ့် စည်းမျဉ်းတွေနဲ့ ကျောင်းသားတွေဘက်က လိုက်နာရမယ့် စည်းမျဉ်းတွေကို တက္ကသိုလ်က ချမှတ်ထားတယ်။ ကျောင်းသားက စည်းမျဉ်းတွေကို ဖောက်ရင် လုပ်ထုံးလုပ်နည်းအရ အရေးယူရမယ်။ ဆရာဘက်က ဖောက်ဖျက်ရင်လဲ ကျောင်းသားက complaint တက်ရမယ်။ ဆရာမို့ ရိုသေလေးစားပါတယ်တွေ ဘာတွေနဲ့ တွေးခေါ်စရာ မလိုအပ်ဘူး။ တဦးနဲ့ တဦးပတ်သက်မှုဟာ အပေးအယူအနေနဲ့ ပတ်သက်မှုပဲ ဖြစ်တယ်။ ဒီလိုပဲ။ တခြားသက်ဆိုင်ရာ ရုံးဌာနတွေမှာလဲ ပြည်သူ့ဝန်ထမ်းဆိုတာ ပြည်သူလူထုကို ၀န်ဆောင်မှု ပေးရတာဖြစ်တယ်။ ပြည်သူလူထုဘက်ကနေလဲ ဒီလိုပြည်သူ့ဝန်ထမ်းတွေရဲ့ လုပ်ခ လစာတွေအတွက် အခွန်ပေးဆောင်မှုတွေ ရှိတယ်။ နိုင်ငံတော်ရဲ့ စီးပွားရေးမှာ တဘက်တလမ်း ပါဝင်ဆောင်ရွက်ထားမှုတွေ ရှိတယ်။ ၀န်ထမ်းတွေဘက်ကလဲ ပြည်သူလူထုကို ၀န်ဆောင်ပေးဖို့ လုပ်ခလစာတွေ ယူထားတယ်။ ဒီအတွက် ၀န်ဆောင်မှု မလွဲမသွေ ပေးရမယ်။ ဒီလိုပဲ။ ရဲတပ်ဖွဲ့ဆိုရင်လဲ ဒီအတိုင်းပဲ။ တရားဥပဒေစိုးမိုးရေး တာဝန်ယူထားတယ်။ ဒီအတွက် ဒီဝန်ဆောင်မှုကို တာဝန်ကျေပြွန်ရမယ်။ ဆရာဝန်မို့ ဆေးပညာ တတ်တယ်ဆိုပြီး ပြည်သူကို မတရားလုပ်ခွင့် မရှိစေရဘူး။ အစိုးရခေါင်းဆောင်မို့ ဥပဒေမဲ့ လုပ်ခွင့်မရှိစေရဘူး။ ၀န်ထမ်းမို့၊ အရာရှိမို့ဆိုပြီး အာဏာပြမှု မရှိစေရဘူး။ ရှေ့နေမို့ဆိုပြီး အမှုသည်ကို လိမ်ညာအကျိုးယုတ်စေမှု မရှိစေရဘူး။ တရားသူကြီးမို့ဆိုပြီး မမှန်မကန် အမိန့်ချလို့မရဘူး။ ဒီလိုတွေ လုပ်လာရင်လဲ ပြည်သူလူထုမှာ မတရားမှုကို ခေါင်းငုံ့မခံပဲ ကိုင်စွဲထားနိုင်တဲ့ တရားမျှတမှုဆိုင်ရာ လုပ်နည်း လုပ်ဟန်တွေ ရှိရမယ်။ ဒါဟာ တိုးတက်တဲ့ နိုင်ငံတွေမှာ ထွက်ပေါ်နေတဲ့ တရားမျှတမှုနဲ့ ၀န်ဆောင်မှုဆိုင်ရာ သဘောတရားတွေပဲ ဖြစ်ပါတယ်။

ကျွန်မတို့ မြန်မာနိုင်ငံမှာ ၀န်ဆောင်မှုဆိုင်ရာ သဘောတရားတွေ ပြောင်းပြန်ဖြစ်နေပါတယ်။ ဒီလိုဖြစ်နေသရွေ့ ပြဿနာတွေဟာ တက်နေဦးမှာပဲ ဖြစ်တယ်။ နိုင်ငံတော်ကာကွယ်ရေး ၀န်ဆောင်မှုကို ပြည်သူလူထုထံ ပေးရမယ့် တပ်မတော်က နိုင်ငံတော်အာဏာကို ယူထားတယ်။ ၀န်ဆောင်မှု ပေးရမယ့်သူတွေက အုပ်ချုပ်သူတွေ ဆိုပြီး ဥပဒေအထက်မှာ နေကြတယ်။ မတရားမှုတွေ ပြုလုပ်ကြတယ်။ စစ်အရာရှိဦးထုပ်ကို ကားပေါ် တင်ထားရင် မီးပွိုင့်နီဖြတ်မောင်းလဲ မော်တော်ပီကယ်က မတားရဲဘူး။ ဘယ်လောက်အခြေအနေဆိုးနေပြီလဲ ဆိုရင် စစ်ဗိုလ်ကို လူမိုက်ငှားတဲ့ အဆင့်အထိ ရောက်နေပြီဖြစ်တယ်။ စီးပွားရေးအရ စာချုပ်ချုပ်ရင် သက်သေဆိုပြီး စစ်ဗိုလ်တွေ ခေါ်လာကြတာတွေ ရှိသေးတယ်။ စီးပွားရေးလုပ်ငန်းကြီးတွေကို အာဏာရှင်နဲ့ နီးစပ်သူတွေကသာ လက်ဝါးကြီး အုပ်ထားကြတယ်။ ရာဇ၀တ်မှုတွေမှာတောင် ပါဝင်ပတ်သက်သူတွေဟာ အာဏာရှင်နဲ့ နီးစပ်ပတ်သက်ရင် ဥပဒေဘက်တော် သား တွေက စကားတောင်မဟရဲကြဘူး။

တရားဥပဒေစိုးမိုးရေး ၀န်ဆောင်ပေးရတဲ့ ပြည်သူ့ရဲတွေ၊ တရားရုံးတွေကလဲ ဒီအတိုင်းပဲ။ ကိုလိုနီခေတ်တုန်းကလဲ ပုလိပ်အဖွဲ့ကို ဆိုရင် ပလိပ်ရောဂါဆိုးနဲ့တောင် နှိုင်းယှဉ်ကြတယ်။ “ရုံးရောက်၊ ဂတ်ရောက် မဖြစ်ချင်ဘူး“ ဆိုတဲ့ စကားတွေက အဲဒီခေတ်ကတည်းက ပေါ်ထွက်လာတာတွေ ဖြစ်တယ်။ ဒါပေမယ့် ကိုယ့်မင်းကိုယ်ချင်းခေတ် ရောက်တော့လဲ ဒါတွေက မပျောက်သွားဘူး။ တကယ်ကတော့ ရုံးတွေ၊ ဂတ်တွေဟာ ပြည်သူတွေကို အမှန်တကယ် ၀န်ဆောင်မှု ပေးနေရင်၊ တရားမျှတမှု ဆောင်ကျဉ်းပေးနေရင် အမှန်တရားကို လက်ကိုင်ပြုထားသူတွေအတွက် ကြောက်စရာ လန့်စရာ မဟုတ်ဘူး။ အမှန်တရားအတွက် ရင်ဆိုင်ရဲရမှာပဲ ဖြစ်တယ်။ ရဲတွေ၊ စစ်တပ်တွေတင်မကပဲ ပြည်သူ့ဝန်ထမ်းလောကမှာကလဲ ပြဿနာက အဖုံဖုံ ဖြစ်နေပြန်တယ်။ ပြည်သူ့ဝန်ထမ်းဆိုတာ ပြည်သူလူထုကို သက်ဆိုင်တဲ့ ၀န်ဆောင်မှုကို ပေးဖို့ တာဝန်ရှိသူတွေဖြစ်တယ်။ အိုးအိမ်ငှာနက အမှန်တကယ် လိုအပ်နေသူတွေဆီ အိုးအိမ်တွေ ရောက်သွားအောင် စီမံပေးရမယ်။ အခွန်ရုံးက မှန်ကန်တဲ့ အခွန်နှုန်းထားတွက်ချက်မှုကို လူထုဆီ ပံ့ပိုးပေးရမယ်။ ရပ်ကွက်ကောင်စီ၊ မြို့နယ်ကောင်စီ တွေက သတ်မှတ်ထားတဲ့ ၀န်ဆောင်မှုတွေကို စနစ်တကျ ထမ်းဆောင်ရမယ်။ လူထုက တလေးတစားဆက်ဆံရမယ်။ ရပ်ကွက်အုပ်ချုပ်ရေး တာဝန်ရှိသူဆိုတာ ရပ်ရွာလူကြီးဆိုပြီး ရပ်ရွာက ကိုးကွယ်ထားရမယ့် လူမဟုတ်ဘူး။ ရပ်ကွက်နဲ့ ပတ်သက်တဲ့ အုပ်ချုပ်ရေး၊ ငြိမ်းချမ်းရေးကို တာဝန်ထမ်းဆောင်ရမယ့် သူတွေသာဖြစ်တယ်။ ရုံးတွေသွားရင် ပြည်သူလူထုက ၀န်ထမ်းတွေကို ကြောက်ရွံ့ရိုသေပြနေစရာ မလိုအပ်ဘူး။ နိုင်ငံသူနိုင်ငံသား တွေဖြစ်တဲ့အတွက် ခံစားထိုက်တဲ့ နိုင်ငံသားအခွင့်အရေးကို ခံစားခွင့်ရှိတယ်။ ၀န်ဆောင်မှုကို တောင်းဆိုပိုင်ခွင့်ရှိတယ်။ ဒါပေမယ့်လဲ ခက်တာကတော့ မြန်မာနိုင်ငံမှာ ဒါတွေက ပြောင်းပြန်ဖြစ်နေတယ်။ ၀န်ဆောင်မှုပေးရမယ့် လူတွေကို ၀န်ဆောင်မှု ရပိုင်ခွင့် ရှိသူတွေက “ဆရာရယ်။ ဒါလေးပြီးအောင် လုပ်ပေးပါနော်။ ဒါက ဆရာ့အတွက် လက်ဘရည်ဖိုး“ ဆိုပြီး တောင်းတောင်းပန်ပန် ပြောနေကြရပြန်တယ်။

စည်ပင်သာယာကိစ္စတွေလဲ ဒီအတိုင်းပဲ။ အမှန်က သက်ဆိုင်ရာ ဌာနတွေက ဒါအတွက် အခွန်ကောက်ပြီးရင် စည်ပင်ကလဲ သူတို့လုပ်ရမယ့် တာဝန်ကို ကျေပွန်အောင် လုပ်ဖို့ပဲ ရှိတယ်။ ဒီအထဲမှာမှ တာဝန်မကျေပဲ အမှိုက်ပုံတွေ ဖြစ်လာရင် စည်ပင်က လူတွေကို လက်ဖက်ရည်ဖိုးပေးပြီး ခေါ်ရှင်းခိုင်းရတယ် ဆိုတာကလဲ ရှိသေးတယ်။ စည်ပင်ဘက်ကလဲ လူတွေ အမှိုက်ကို စနစ်တကျ စွန့်ပစ်အောင် ပညာပေးရမယ်။ ပညာပေးလို့မှ မလိုက်နာရင် အရေးယူရမယ်။ ကိုယ့်တာဝန်ကိုယ်ကျေအောင် လုပ်ရမယ်။ နောက်ဆုံး မဆီမဆိုင် ကိုယ်ထူကိုယ်ထ စနစ်ဆိုပြီး အမှိုက်သန့်ရှင်းရေး ပွဲတွေ လုပ်တာက ရှိသေးတယ်။ မရှုပ်တဲ့ အလုပ်ကို အလကားနေရင်း ရှုပ်နေကြတယ်။ တကယ်က သူ့တာဝန်၊ ကိုယ့်တာဝန် ကျေပြီးရင် အပိုအလုပ်တွေ ဘာမှ လုပ်စရာ မလိုအပ်ဘူး။

ဒီလိုပဲ။ ကျောင်းဆရာ၊ ဆရာမဆိုတာကလဲ သူရဲ့ သက်ဆိုင်ရာ ကျောင်းမှာ ကျောင်းသားတွေကို ပညာရေး ၀န်ဆောင်မှု အပြည့်အ၀ ပေးရမယ်။ ဒါဟာ တာဝန်တရပ်သာ ဖြစ်တယ်။ ကျောင်းမှာ ပညာရေး ၀န်ဆောင်မှု အပြည့်အ၀ပေးပြီး ပြင်ပအချိန်မှာ ကျူရှင်သင်တာမျိုးက မြန်မာပြည်ရဲ့ စားဝတ်နေရေး အခြေအနေအရ လက်ခံပေးလို့ ရပေမယ့် ကျောင်းမှာ စာကောင်းကောင်း မသင်ပဲ ကျူရှင်မှာမှ ကောင်းကောင်းသင်တာတွေ၊ ကျူရှင်မတက်တဲ့ ကျောင်းသားကို အတန်းထဲမှာ ငြိုငြင်တာတွေ၊ ကျူရှင်မှာ မေးခွန်းကြိုထုတ် ပေးတာကကျတော့ ကျောင်းမှာ ယူထားတဲ့ တာဝန်မကျေတာပဲဖြစ်တယ်။ ဆရာကောင်းတာတွေ၊ မကောင်းတာတွေ၊ ကျင့်ဝတ်တွေကို ပြောနေတာ မဟုတ်ဘူး။ တာဝန်ယူမှုနဲ့ တာဝန်ကျေပွန်မှုကို ဆိုလိုနေတာပဲ ဖြစ်တယ်။ ဒီလခလောက်နဲ့ လောက်မှ မလောက်တာ လို့ ပြောစရာရှိတယ်။ မြန်မာပြည်ရဲ့ စီးပွားရေး အခြေအနေအရ ဒါက အမှန်တရားပဲ။ ဒီလိုဆို ဒီလခနဲ့ အလုပ်ကို မလုပ်ပဲ ပြင်ပမှာ ကျူရှင်သင်စားလို့လဲ ဖြစ်နိုင်တာပဲ။ ဒီအလုပ်ကို လက်ခံပြီး လုပ်တယ်ဆိုရင်တော့ ဒီအလုပ်ရဲ့ တာဝန်ကို ကျေပြွန်ရမှာပဲ ဖြစ်တယ်။ ကျွန်မတို့ မြန်မာပြည်မှာက ဒီလိုဝန်ဆောင်မှု သဘောတရားတွေက ပြောင်းပြန်ဖြစ်နေတယ်။ ဆရာသမားဆိုတော့ မှားတာတွေ လုပ်နေမှန်းသိတဲ့ မိဘတွေကလဲ မပြောရဲကြဘူး။ ကျောင်းသားတွေကလဲ မဝေဖန်ရဲကြဘူး။ အမှန်ကတော့ ဒီကျောင်းကပေးတဲ့ ၀န်ဆောင်မှုကို လာယူတာဖြစ်တဲ့အတွက် ကျောင်းက ပေးအပ်မယ်ဆိုတဲ့ ၀န်ဆောင်မှု အပြည့်အ၀ မရရင် complaint တက်ပိုင်ခွင့် ရှိကိုရှိတယ်။

တက္ကသိုလ်၊ ကောလိပ်မှာလဲ ဒီအတိုင်းပဲ။ ကျွန်မတို့ လက်ထက်မှာတုန်းက ဗြောင်ကြီးကို ကျူရှင်မှာ မေးခွန်းတွေ အောက်ပေး၊ အဖြေတွေ အောက်ပေး၊ စာမေးပွဲနီးလာတော့ အုပ်စုလေးတွေ ဖွဲ့ပြီး ရွှေဆွဲကြိုးကန်တော့ခိုင်းတဲ့ ဆရာမတွေပါ တွေ့ဖူးတယ်။ ရွှေဆွဲကြိုးတောင် ဘယ်ဆိုင်က ဆွဲကြိုးမှ ဆိုတာကလဲ ပါသေးတယ်။ ဒီကိစ္စ မေမေ့ကို ပြန်ပြောတော့ “ထားလိုက်ပါ သမီးရယ်။ ဆရာဆိုတာ မပြစ်မှားကောင်းဘူး“ တဲ့။ ကျွန်မက ဆရာဆိုတာကို ပြစ်မှားတာ မဟုတ်ဘူး။ ဆရာဆိုတာနဲ့ပဲ သူ့လုပ်ရပ်မှန်သမျှ မှန်တယ်လို့ ထောက်ခံနေစရာ မလိုအပ်ဘူး။ သူပြောသမျှ အမှန်တွေလို့ ခေါင်းညိတ်နေစရာ မလိုအပ်ဘူး။ ဒီကျောင်းကို သွားတက်မှုမှာ ကျွန်မဘက်က အချိန်၊ အားထုတ်မှုနဲ့ ငွေကုန်တယ်။ ဒါက ကျွန်မလိုချင်တဲ့ ပညာရေး ၀န်ဆောင်မှုကို ရဖို့ဖြစ်တယ်။ ပညာဆိုတာကို တတ်ဖို့ဖြစ်တယ်။ စာမေးပွဲ အောင်ဖို့ မဟုတ်ဘူး။ ဒီအတွက် ကျွန်မနဲ့ ကျောင်းနဲ့အကြားမှာ ပညာဝန်ဆောင်မှု အပေးအယူ contract ရှိတယ်။ ကျောင်းက ဒီလိုဝန်ဆောင်မှုပေးမယ်ဆိုပြီး ကျွန်မဆီက ငွေယူထားတယ်။ အချိန်တောင်းထားတယ်။ ဒီငွေတွေရယ်၊ နိုင်ငံတော်က ချမှတ်ထားတဲ့ ပညာရေးဘတ်ဂျက်ရယ်ကနေ ကျောင်းလည်ပတ်တယ်။ ဆရာတွေကို ပညာရေးဝန်ဆောင်မှုပေးရမယ်ဆိုပြီး နိုင်ငံတော်နဲ့ ကျောင်းက ခန့်ထားတယ်။ ဒီတော့ ဆရာတွေကလဲ လိုအပ်တဲ့ တာဝန်ကျေပြွန်မှု ရှိရမယ်။ ဒါကို ကျွန်မမိခင်ကို ကျွန်မပြန်ပြောဖြစ်ခဲ့တယ်။

ဆေးပညာရှင်နဲ့ လူနာအကြားမှာကလဲ ဒီအတိုင်းပဲ ဖြစ်တယ်။ ၀န်ဆောင်မှုဆိုင်ရာ သဘောတရားတွေက ပြောင်းပြန်ဖြစ်နေတယ်။ အမှန်က ကျန်းမာရေးအခွင့်အလမ်းဆိုတာ လူတိုင်း ခံစားခွင့်ရှိတဲ့ မွေးရာပါ အခွင့်အလမ်းပဲဖြစ်တယ်။ ဒါပေမယ့် နိုင်ငံတော်က ကျန်းမာရေး ၀န်ဆောင်မှုကို အပြည့်အ၀ မပေးနိုင်ဘူး။ နိုင်ငံတွေမှာ လူထုက အစိုးရကို အခွန်ပေးပြီး အခွန်ငွေကနေ ကျန်းမာရေးဘတ်ဂျက်ချပြီး အခမဲ့ ကျန်းမာရေးစောင့်ရှောက်မှုပြုတာတွေတို့၊ ကျန်းမာရေးအာမခံလုပ်ငန်းတွေကို လူတွေက ပိုက်ဆံပေးရပြီး ကျန်းမာရေးမကောင်းတဲ့အခါ ကုန်ကျစရိတ်ကို အာမခံလုပ်ငန်းတွေက ပြန်ပေးတာတို့ ဆိုပြီး ပုံသဏ္ဍာန်အမျိုးမျိုးရှိတယ်။ ဘယ်လိုပဲဖြစ်ဖြစ် ဆေးပညာရှင်တွေနဲ့ ဆေးကုသခံသူတွေအကြားမှာ ကျန်းမာရေး ၀န်ဆောင်မှု contract ရှိတယ်။ လူတွေသေတိုင်းလဲ ဆေးပညာရှင် အမှားလို့ ပြောလို့ မရနိုင်သလို၊ လူတွေ ရှင်သွားတိုင်းလဲ ဆေးပညာရှင်က အသက်ကယ်တာလို့ချည်းပဲ ပြောနေလို့မရဘူး။ ကျွန်မအမေမှာ သူကျင်လည်ခဲ့ရတဲ့ အသိုင်းအ၀ိုင်းကြောင့် တခါတရံမှာ ကြက်တူရွေးကတော်တော် မယ်ဘော်ကဲကဲ ကိစ္စလေးတွေ ရှိပေမယ့် ကျွန်မ နှစ်သက်တဲ့ အကျင့်လေးတွေ တချို့လဲ ရှိတယ်။ အဲဒါကတော့ ညသန်းခေါင်အချိန်တွေမှ မြို့အနီးတ၀ိုက်က ရွာတွေကနေ လူနာလာခေါ်ရင်လဲ အ၀တ်ကောက်လဲပြီး လိုက်တတ်တဲ့အကျင့်၊ သူအင်မတန် နှစ်သက်တဲ့ ဒေါက်မြင့်ဖိနပ်လေးတွေ စီးလို့ မရလို့ ဖိနပ်ကိုင်ပြီးသွားရလဲ လူနာအတွက်ဆိုရင် ဖိနပ်ကိုင်ပြီး ခြေဖ၀ါးချည်းသွားရလဲ သွားတဲ့အကျင့်နဲ့ သူ့ကိုယ်သူ ကျေးဇူးရှင်အဖြစ် မသတ်မှတ်တတ်တဲ့ အကျင့်ပဲ။ ဆရာဝန်တယောက်အနေနဲ့ သူလုပ်သင့်တယ်လို့ ထင်တာကို ဘာမျှော်ကိုးမှုမှမရှိပဲ သူလုပ်ပေးတာဖြစ်တယ်လို့ သူအမြဲတမ်း ပြောလေ့ရှိတယ်။ မှတ်မှတ်ရရ ရွာတရွာက လူနာမိသားစုက အသက်သခင် ကျေးဇူးရှင်ပါဆိုပြီး ငှက်ပျောခိုင်ကြီး တခိုင်ကိုချ၊ ဆန်လေးပြည်လောက် အိတ်လေးဆွဲပြီး လာကန်တော့တယ် ဆိုတုန်းက ပြန်ပြောတဲ့စကား။ “ကျွန်မတို့ ဆရာဝန်တွေကို အသက်သခင်ကျေးဇူးရှင်တွေလို့ သတ်မှတ်လို့ မရဘူးလေ။ အဲလိုသာ သတ်မှတ်စတမ်းဆို ဆေးရုံမှာ သေတဲ့ လူနာတောင် ရှိပါဦးမလား။ လူနာရဲ့ကံရယ်၊ အချိန်မှီလာခေါ်ပေးတဲ့ ဦးလေးတို့ မိသားစုရယ်၊ ကျွန်မရဲ့ ဆေးပညာအတတ်ရယ် ပေါင်းစပ်သွားလို့ပါ။ ဒေါ်ဒေါ် ကျွန်မကို ကျေးဇူးတင်မနေနဲ့။ မိသားစုကို ကျေးဇူးတင်“ တဲ့။ ကျွန်မမှာ ကျွန်မအမေကို တစိမ့်စိမ့် ကြည့်ပြီး ချစ်လိုက်ရတာ မပြောပါနဲ့တော့။ သူအမှန်ကို ဆိုတယ်လေ။ ကျေးဇူးရှင်ဖြစ်ရ နည်းလား ဆိုပြီး ကျေးဇူးမတင်တင်အောင် ထိုင်ပြောနေတာမှ မဟုတ်တာပဲ။

ကျွန်မအဖေနဲ့ကျတော့ ဒီလိုကိစ္စနဲ့ပဲ ပတ်သက်ပြီး စိတ်အခန့်မသင့် ဖြစ်ကြရဖူးတယ်။ ဆေးပညာ ကိစ္စနဲ့တော့ မဟုတ်ဘူး။ ဒီကျေးဇူးရှင် ဆိုတဲ့ ကိစ္စနဲ့။ တရက်တော့ ကျွန်မက အဖေ့ဆီ သွားတွေ့ဖြစ်တယ်။ အဲဒီမှာ လူတစုက သူ့ကို ကန်တော့နေကြတယ်။ ကျွန်မအရွယ်ကောင်မလေး တယောက်က ဘဘလို့ ခေါ်လို့။ မဆီမဆိုင် လက်အောက်မှာ တကယ်အလုပ်လုပ်သူလဲ မဟုတ်ပဲ တကယ် အလုပ်လုပ်နေသူရဲ့ ဇနီးကလဲ “ကျွန်မတို့ဆီမှာ အစ်ကိုကြီးရဲ့ ကျေးဇူးတွေက အများကြီးပါ“ ဆိုပြီး အပေါ်ယံက သကာရည်လောင်း၊ စိတ်ထဲက မပါတဲ့ မျက်နှာကြီးနဲ့ အပြောကောင်းလို့။ အဖေကလဲ မိန့်မိန့်ကြီး ထိုင်လို့။ ကျေးဇူးရှင်ကြီးအဖြစ် သြ၀ါဒတွေ ခြွေနေလိုက်တာ။ တယောက်က တယောက်ထက် ရာထူးပိုကြီးတာ၊ အရင်စောမွေးလို့ လုပ်ငန်းအတွေ့အကြုံများတာနဲ့ပဲ ကိုယ့်အရည်အချင်းနဲ့ ကိုယ် သက်ဆိုင်တဲ့ အလုပ်လုပ်နေတဲ့အပေါ်မှာ သွားကန်တော့နေစရာ လိုအပ်သလား။ “အသက်တရက်တမနက် ကြီးလို့ ကန်တော့ရမယ်“ လို့ တွင်တွင်ကြီး လူကြားကောင်းအောင် ပြောနေသူတွေက လမ်းဘေးမှာ တောင်းစားနေတဲ့ အဖိုးအိုကြီးတွေ၊ သင်္ချိုင်းက သုဘရာဇာအိုကြီးတွေကို ဘယ်နှစ်ခေါက်များ သွားထိုင်ကန်တော့ကြဖူးလဲ။ အသက်ကြီးရင် ကန်တော့ရမယ် ဆိုတာက ကိုယ့်အတွက် အကျိုးကျေးဇူးပြုပေးနေတဲ့ အသက်ကြီးသူတွေအတွက်ပဲလား။ ဒါဆိုလဲ အသက်ကြီးလို့ ကန်တော့တာ မဟုတ်ပဲ ကိုယ့်အတွက် အကျိုးပြုနေလို့ ကန်တော့တယ်လို့ ပွင့်ပွင့်လင်းလင်း ဆိုလိုက်ရင် ဘာဖြစ်သွားမှာလဲ။ ဒီနေရာမှာ ကန်တော့ခံသူကလဲ စဉ်းစားစရာရှိတာက ကိုယ်က ကိုယ့်လုပ်သက်နဲ့ကိုယ် အတွေ့အကြုံနဲ့ အဆက်အသွယ်နဲ့ စီမံခန့်ခွဲရေးရာထူးရနေလို့ ဒီရာထူးနဲ့ ဆိုင်တဲ့ တာဝန်ကို လုပ်နေတာ၊ ကိုယ်စီမံခန့်ခွဲနေရသူတွေကလဲ သူတို့ရဲ့ အရည်အချင်းနဲ့ အလုပ်အကိုင်နဲ့ ဆိုင်တဲ့ တာဝန်ကို ထမ်းဆောင်နေတာ။ ဘာဆိုင်လို့ ရာထူးကြီးတာနဲ့ အကန်တော့ခံပြီး ကျေးဇူးရှင် သတ်မှတ်ခံချင် နေကြရတာလဲ။ ဘယ်လိုပဲဖြစ်ဖြစ် ဘယ်ခေတ်ဘယ်အခါက စခဲ့မှန်းမသိတဲ့ ဒီထုံးတမ်းစဉ်လာကြီးကတော့ မြန်မာတွေဆီမှာ အရိုးကို စွဲလို့။ နောက်ဆုံး န၀တ၊ နအဖ ခေါင်းဆောင်တွေတောင် ဘယ်သွားသွား ဘယ်လာလာ အကန်တော့ ခံပွဲတွေ လုပ်ကုန်ကြပါရောလား။

ကိုယ့်ဟာကို လေးစားစရာတွေ့လို့ ကန်တော့ချင်လွန်းလို့ ကန်တော့တာ၊ ကျေးဇူးရှင်သတ်မှတ်တာတွေကို မလုပ်သင့်ဘူးလို့ ဆိုလိုနေတာမဟုတ်ပါ။ စိတ်ထဲက မပါပဲ အစဉ်အလာအရ လုပ်နေကြတာတွေကတော့ ကြာလာရင် လူ့အဖွဲ့အစည်းအတွက် ကောင်းလှတာတော့ မဟုတ်။ အကျိုးလိုလို့ ညောင်ရေလောင်းတာတွေ သိပ်များလာပြီး၊ ရာထူးတက်လမ်းအခွင့်အလမ်းတွေဟာ အရည်အချင်းပေါ် မူတည်တာ မဟုတ်ပဲ အထက်လူကြီးပေါ် မူတည်တာတွေ ဖြစ်လာတတ်တယ်။ အဲဒီအခါ နိုင်ငံတော်ရဲ့ ထုတ်လုပ်မှုစွမ်းအားကို ထိခိုက်တယ်။ လူတွေရဲ့ ကိုယ်ကျင့်တရားတွေ ပျက်စီးလာတတ်တယ်။ ငယ်စဉ်ကာလမှာလဲ ဆရာ၊ ဆရာမတွေကို လက်ဆောင်ပဏ္ဍာပေး ကန်တော့၊ အလုပ်လုပ်စဉ်ကာလမှာ အထက်လူကြီးတွေကို တံစိုးလက်ဆောင်ပေး ကန်တော့နဲ့ စစ်မှန်တဲ့ အရိုအသေပေးမှုမဟုတ်ပဲ အခွင့်အရေး ရလိုမှုနဲ့ အရိုအသေ ပေးချင်ယောင်ဆောင်တဲ့ လူတွေ ပါဝင်ရုန်းကန်လှုပ်ရှားနေတဲ့ လူ့အဖွဲ့အစည်းရဲ့ အနာဂတ်ဟာ အပေါင်းလက္ခဏာ ဖြစ်လာမှာ မဟုတ်တာတော့ အသေအချာပဲ။

ဆေးပညာရှင်တွေနဲ့ ကျေးဇူးရှင် ကဏ္ဍအကြောင်း ပြန်ဆက်ကြရအောင်ပါ။ နိုင်ငံတော်က ကျန်းမာရေးစောင့်ရှောက်မှု အပြည့်အ၀ ပေးတဲ့ နိုင်ငံတွေမှာ လူနာတွေ ကျန်းမာရေး ပြန်ကောင်းလာတယ်ဆိုတာမှာ ကျေးဇူးရှင်တွေက အများကြီးပဲ ဖြစ်တယ်။ နိုင်ငံတော်ကျန်းမာရေးစနစ်၊ အခွန်ထမ်းပြည်သူလူထု၊ ကျန်းမာရေးဘတ်ဂျက်ခွဲဝေမှုပုံစံ၊ အရေးပေါ် တယ်လီဖုန်း အော်ပရေတာ၊ အရေးပေါ်ဖုန်းကို ကိုယ်တိုင်ဖုန်းဆက်တာ မဟုတ်ရင် ဆက်ခေါ်ပေးတဲ့ မိသားစုဝင်၊ သူငယ်ချင်း၊ တက်စီနဲ့သွားတာဆိုရင် တက်စီမောင်းသူ၊ ဘတ်စ်နဲ့သွားရင် ဘတ်စ်မောင်းသူ၊ ကျန်းမာရေး စောင့်ရှောက်မှုမှာ ပါဝင်လုပ်ဆောင်တဲ့ ဆရာဝန်၊ ဆရာမ၊ ဓာတ်ခွဲပညာရှင်၊ ဆေးရုံသန့်ရှင်းရေးသမား၊ ဆေးဝါးပြည့်စုံမှု၊ ဆေးဝါးတွေ ဆေးရုံမှာ အဆင်သင့်ဖြစ်နေအောင် ထုတ်ပေးတဲ့ ဆေးဝါးထုတ်လုပ်ရေး လုပ်ငန်းတွေ၊ ဆေးစတိုခန်းနဲ့ ပတ်သက်တဲ့ တာဝန်ရှိသူတွေ၊ ဘယ်လိုရောဂါကို ဘယ်လိုဆေးဝါးနဲ့ ကုသသင့်တယ်ဆိုတာ တီထွင်ပေးခဲ့တဲ့ ဆေးပညာရှင်ကြီးတွေ၊ ဒီဆရာဝန်၊ ဆရာမတွေကို မွေးထုတ်ပေးခဲ့တဲ့ တက္ကသိုလ်၊ ကောလိပ်တွေက ဆရာတွေ၊ ဆေးပညာစာအုပ်ရေးသားခဲ့သူတွေ တသီသတန်းကြီးပဲ ဖြစ်တယ်။ အားလုံးက ကိုယ်ထမ်းဆောင်ရမယ့် တာဝန်တွေကို မှန်မှန်ကန်ကန် ထမ်းဆောင်နေကြလို့ ကျန်းမာရေးစောင့်ရှောက်မှု ယန္တရားကြီး ကောင်းကောင်းမွန်မွန် လည်ပတ်နေတာသာဖြစ်တယ်။ တဦးတယောက်တည်းရဲ့ စွမ်းအားတွေကြောင့် မဟုတ်ဘူး။ ဒီယန္တရားထဲ ပါသူတွေအားလုံးဟာ ကျန်းမာရေးစောင့်ရှောက်မှု ၀န်ဆောင်မှုကို ပေးနေကြသူတွေဖြစ်တယ်။ ကိုယ်တိုင်ကလဲ လူတယောက်အနေနဲ့ ကျန်းမာရေးစောင့်ရှောက်မှုကို ခံစားခွင့်ရှိတယ်၊ အခွန်ထမ်းပြည်သူ တယောက်အနေနဲ့ ကိုယ်နဲ့ ထိုက်သင့်တဲ့ ၀န်ဆောင်မှုကို ရသင့်တဲ့အတွက် ဒီဝန်ဆောင်မှုရဲ့ စားသုံးသူ ဖြစ်လာရတာဖြစ်တယ်။ နိုင်ငံတော်က တာဝန်ယူတဲ့ ဆေးရုံတွေမှာ မဟုတ်ပဲ တခြားပုဂ္ဂလိက ဆေးရုံ၊ ဆေးခန်းမှာဆို ပိုရှင်းတယ်။ ဒါက ဈေးဝယ်သလိုပဲဖြစ်တယ်။ ကိုယ်က ကျန်းမာရေးဝန်ဆောင်မှုဆိုတဲ့ ကုန်ပစ္စည်းလိုချင်တယ်။ ဒီအတွက် ငွေပေးတယ်။ ဆရာဝန်တွေ၊ ဆရာမတွေဘက်က ကျန်းမာရေးဝန်ဆောင်မှု ကုန်ပစ္စည်းကို ရောင်းတယ်။ ၀န်ဆောင်မှုဆိုတာက ကိုင်တွယ်လို့ရတဲ့ အကောင်အထည်ပြ မဟုတ်တဲ့အတွက် မကြိုက်လို့ ဆိုပြီး ပြန်လဲလို့မရဘူး။ ဒါပေမယ့် ၀န်ဆောင်မှု မကောင်းရင်တော့ စားသုံးသူတယောက်အနေနဲ့ Complaint တက်ခွင့်ရှိရမယ်၊ လျော်ကြေး တောင်းခွင့်ရှိရမယ်၊ ထိခိုက်နစ်နာမှုရှိရင် တရားဥပဒေနဲ့အညီ ဖြေရှင်းခွင့်ရှိရမယ်။

စားသောက်ဆိုင်တခုမှ စားပွဲထိုးရဲ့ ၀န်ဆောင်မှုကို မကျေနပ်တဲ့အခါ ဆိုင်မန်နေဂျာကို တိုင်တန်းကြတယ်။ ရုံးငှာနဆိုင်ရာတခုခုမှာ ၀န်ထမ်းရဲ့ ၀န်ဆောင်မှုကို မကျေနပ်တဲ့အခါ သက်ဆိုင်ရာ ဌာနရဲ့ လုပ်ထုံးလုပ်နည်းနဲ့အညီ တိုင်တန်းမှု ပြုရမယ်။ ကျောင်းဆရာမရဲ့ Professional Misconduct ကို သက်ဆိုင်ရာ ပညာရေးဌာနတွေဆီ တိုင်ရမယ်။ ပြည်သူ့ဆေးရုံမှာဆိုရင်လဲ ဆေးရုံအကြီးအကဲကို တိုင်တန်းရမယ်။ ကျန်းမာရေးဝန်ကြီးဌာနကို တိုင်တန်းရမယ်။ စုံစမ်းရေး ကော်မရှင်ဖွဲ့ပြီး စစ်ဆေးရမယ်။ လိုအပ်သလို အရေးယူတာတွေ လုပ်ရမယ်။ ပုဂ္ဂလိကဆေးရုံမှာဆိုရင်လဲ သက်ဆိုင်ရာ ဆေးပညာရှင်တွေနဲ့ ပတ်သက်ပြီး တရားဝင်တိုင်ကြားမှုပြုလုပ်ရမယ်။ ပုဂ္ဂလိက ဆေးရုံက စုံစမ်းရေးဘုတ်အဖွဲ့ဖွဲ့ပြီး စစ်ဆေးမှုလုပ်ဖို့လိုတယ်။ ဘာကြောင့်လဲဆိုတော့ လူနာနဲ့ ပတ်သက်ပြီး၊ ဆေးပညာရှင်ရဲ့ ညံ့ဖျင်းမှု၊ မတော်တဆဖြစ်မှုကြောင့် ထိခိုက်နစ်နာမှုရှိတယ်ဆိုရင် ဒီလူနာကို ကျန်းမာရေးဝန်ဆောင်မှုပေးတာက ပုဂ္ဂလိက ဆေးရုံဖြစ်လို့ပဲ။ ဆေးရုံနဲ့ လူနာအကြားမှာ ၀န်ဆောင်မှု contract ရှိတယ်။ ဆေးရုံနဲ့ ဆေးပညာရှင်အကြားမှာလဲ အလုပ်ခန့်ထားမှုနဲ့ ဆိုင်တဲ့ contract ပဲဖြစ်ဖြစ်၊ ကော်မရှင်စား contract ပဲဖြစ်ဖြစ် ရှိတယ်။ ဒါကို ချိုးဖောက်မှု ပြုတဲ့အခါမှာ Medical Negligence ဖြစ်မှုဟာ တရားမမှု မြောက်တယ်။ တခါတရံမှာ ရာဇ၀တ်မှု မြောက်တာလဲ ရှိတယ်။ ဘယ်လိုပဲဖြစ်ဖြစ် နစ်နာတဲ့ လူနာရှင်ဘက်က လိုအပ်တဲ့ ဥပဒေရေးရာ ကိစ္စရပ်တွေကို ကျွမ်းကျင်နားလည်သူတွေနဲ့ တိုင်ပင်ဖို့ လိုအပ်တယ်။

အခုတလော ရန်ကုန်မှာ ဖြစ်ပွားခဲ့တဲ့ ခွဲစိတ်မှု အမှားအယွင်းကနေ လူသေဆုံးမှုပြဿနာနဲ့ ပတ်သက်ပြီး အင်တာနက်အွန်လိုင်းပေါ်မှာ အတော်ကို သတင်းတွေ ပျံ့နှံ့နေတယ်။ ဒီကိစ္စကို သေချာကြည့်မယ်ဆိုရင် တရားမျှတမှုနဲ့ ၀န်ဆောင်မှုဆိုင်ရာ ပြဿနာတွေကို တွေ့မြင်ရမှာဖြစ်တယ်။ ဆေးရုံက ကျန်းမာရေး စောင့်ရှောက်မှု ၀န်ဆောင်မှုကို ငွေနဲ့ရောင်းတယ်။ လူနာရှင်ဘက်က ဆေးရုံကို ဆေးဝါးကုသ စရိတ်ပေးရတယ်။ တနည်းဆိုရင် ၀န်ဆောင်မှုကို ၀ယ်ယူတယ်။ ဆေးရုံက ဆေးပညာရှင်တွေကို လုပ်ခ (သို့မဟုတ်) ကော်မရှင်ပေးပြီး ဆေးပညာအသုံးချခိုင်းထားတယ်။ ဒီအတွက် ဆေးရုံနဲ့ လူနာရှင်အကြားမှာ၊ ဆေးရုံနဲ့ ဆေးပညာရှင်တွေအကြားမှာ contract တွေ ရှိတယ်။ အဲဒီမှာ လူနာသေတယ်။ ဒီလို လူနာသေမှုဟာ ဆရာဝန်ရဲ့ ခွဲစိတ်မှုအမှားအယွင်းကြောင့်လို လူနာရှင်ဘက်က မီဒီယာကနေတဆင့် ထုတ်ဖော်စွပ်စွဲထားတယ်။ ဒါနဲ့ ပတ်သက်ပြီး မီဒီယာရဲ့ ရေးသားချက်တွေက မမျှတဘူးလို့ သုံးသပ်သူတွေလဲ ရှိတယ်။ ဆောင်းပါးတွေမှာ ရေးသားထားချက်တွေမှာ လူနာရှင်ရဲ့ ပြောကြားချက်တွေကို ကိုးကားထားတယ်။ ဒီတော့ တဘက်တည်းအမြင်လို့လဲ ဆိုနိုင်တယ်။ ဒါပေမယ့် ဒီလို ဆိုရအောင် မီဒီယာဘက်က သက်ဆိုင်ရာဆေးခန်းနဲ့ ဆရာဝန်ကို ဆက်သွယ်ခဲ့တာ မရှိဘူးဆိုတာသေချာမှ တဘက်သတ်လို့ ဆိုနိုင်မှာဖြစ်တယ်။

တကယ်လို့ မီဒီယာဘက်က ဆက်သွယ်မေးမြန်းပြီးမှ သက်ဆိုင်တဲ့ ဆေးခန်းနဲ့ ဆရာဝန်တွေက လိုအပ်တဲ့ ထုတ်ဖော်ပြောကြားမှု၊ ငြင်းဆိုမှု ဘာမှ မလုပ်တာဆိုရင်တော့ မီဒီယာရဲ့ ကိုးကားရေးသားချက်ကို ဘက်လိုက်တယ်လို့ မဆိုနိုင်ဘူး။ ဒီနေရာမှာ သက်ဆိုင်ရာ ဆရာဝန်ကို လူသတ်မှု တရားခံအနေနဲ့ ရေးသားဖြန့်ဝေချက်တွေက မှားတယ်။ လူသေစေမှုအတွက် သံသယဖြစ်ထားခြင်း ခံရသူ၊ surgical error ဖြစ်တဲ့ ဆရာဝန်တယောက်အနေနဲ့ စွပ်စွဲသတ်မှတ်ခံထားရသူ အနေနဲ့သာ ဥပဒေကြောင်းအရ သုံးနှုန်းလို့ ရမှာဖြစ်တယ်။ ခွဲစိတ်မှုတွေတိုင်းမှာ risks တွေရှိတယ်။ ဒီ risks တွေကို လူနာ (သို့) လူနာရှင်ကို ကြိုတင်ပြောဆိုဖို့ ဆရာဝန်ဆီမှာ တာဝန်ရှိတယ်။ ကျွန်မတို့ မြန်မာပြည်မှာက ဆရာဝန်တွေကလဲ “ငါပြောတော့ကော သူတို့က ဘာနည်းလည်မှာလဲ“ လို့ အယူအဆရှိတယ်။ လူနာတွေကလဲ “ဆရာတို့ကပဲ နားလည်တာပါ။ ဆရာတို့ လုပ်သင့်တာလုပ်ပါ“ လို့ ဆိုတတ်ကြတယ်။ တကယ်က အဲလိုမဟုတ်ဘူး။ ဆရာဝန်တွေ၊ ဆေးပညာရှင်တွေဘက်က လူနာဘက်က နားလည်နိုင်တဲ့ စကားလုံး အသုံးအနှုန်းနဲ့ ဖြစ်နိုင်ချေရှိတဲ့ risk တွေကို ရှင်းထားရမယ်။ လူနာတွေဘက်ကလဲ နားလည်အောင် မေးရမယ်။ အဲဒီလိုဖြစ်လာရင် risk ကြောင့် ဖြစ်လာတဲ့ ပြဿနာတွေကို ဆရာဝန်အမှားလို့ စိတ်ထဲက ကြိတ်ပြီး သတ်မှတ်ထားမှုတွေ တော်တော်နည်းသွားမယ်။ ဆေးသမားဂုဏ်ဆိုတာကို ထောက်ထားပြီး ဖွင့်မပြောကြတဲ့ လူနာတွေ၊ လူနာရှင်တွေ မြန်မာပြည်မှာ အများကြီးပဲ။ စိတ်ထဲကနေ ဒီဆရာဝန် ငါ့အမေကို သတ်တယ်လို့ တွေးနေကြတဲ့ လူနာရှင်တွေ မရှိဘူးလို့ ဘယ်သူတပ်အပ်ပြောနိုင်သလဲ။ ဒါတွေဟာ စိတ်ထဲမှာ ပြောနေရမယ့် အရာတွေ မဟုတ်ဘူး။ မျက်မှောက် ရှင်းရမယ့် အရာတွေသာဖြစ်တယ်။ risk နဲ့ error ကို သေသေချာချာ ခွဲခြမ်းစိတ်ဖြာဖို့လိုတယ်။ ဒါမှ risk ကို error လို့ထင်ပြီး သက်ဆိုင်တဲ့ ဆရာဝန်၊ ဆရာမတွေကို စိတ်ထဲက နားကြည်းနေတာတွေ၊ မယုံမကြည်ဖြစ်တာတွေ လျော့နည်းသွားမှာဖြစ်တယ်။ အဲဒီလိုပဲ error တွေ ဖြစ်ရင်လဲ လုပ်နေတဲ့ ဆေးပညာရှင်တွေကို သူတို့အမှားတွေ သူတို့သိအောင် ထောက်ပြလိုက်သလိုဖြစ်တယ်။ တခြားဆေးပညာရှင်တွေ သင်ခန်းစာ ယူလို့ ရလာမှာဖြစ်တယ်။

လူတယောက်ကားမောင်းသွားရင် မဆင်မခြင်မောင်းမှုကြောင့် လူသေစေမှုဖြစ်ရင် ဥပဒေအရ အရေးယူဆောင်ရွက်ရမှုတွေ ရှိတယ်။ ဒီလိုပဲ ဆရာဝန်တယောက်ရဲ့ အမှား (error) ကြောင့် လူသေစေမှု ဖြစ်တာမှာ ဆရာဝန်မို့ဆိုပြီး ချန်လှပ်ထားခွင့်ရှိသလား။ ဥပဒေကြောင်းအရ တရားမမှု၊ ရာဇ၀တ်မှု တခုခုမှာ ပြစ်ဒဏ်နဲ့ ညီမျှတဲ့ ပေးဆပ်မှုကို တော့ ပြန်လည်ပေးဆပ်ရမှာပဲဖြစ်တယ်။ ကျွန်မတို့ စကောတလန်က ကျန်းမာရေးနဲ့ပတ်သက်တဲ့ အက်ဥပဒေတွေထဲမှာ Surgical Errors ဆိုတာကို
(၁) မှားယွင်းသော ခွဲစိတ်မှု ပြုလုပ်ခြင်း
(၂) ရောဂါနှင့် မသက်ဆိုင်သော မှားယွင်းသည့် ကိုယ်ခန္ဓာ အစိတ်အပိုင်းတွင် ခွဲစိတ်ခြင်း
(၃) မေ့ဆေးပေးမှုနှင့် ပတ်သက်ပြီး ခွဲစိတ်နေစဉ် ဖြစ်ပွားလာသော အမှားများ
(၄) cosmetic surgery အမှားများ ကို ထည့်သွင်းဖော်ပြထားပါတယ်။
ဒီလိုအမှားတွေနဲ့ ပတ်သက်ပြီး ဆရာဝန်ရဲ့ ဆေးကုသခွင့် လိုင်စင်ရုတ်သိမ်းမှု၊ ရာဇ၀တ်မှုမြောက်ရင် ဥပဒေအရ အရေးယူမှု၊ တရားမမှုမြောက်ရင် လျော်ကြေးပေးဆောင်ရမှု စတာတွေ ရှိတယ်။

ဒီတော့ အခုကိစ္စမှာ သက်ဆိုင်ရာဆရာဝန်ကို တရားခံအဖြစ် စွပ်စွဲနေတာတွေ၊ လူထုကို သတင်းပေးတဲ့ မီဒီယာက တဘက်သတ်ပဲ သတင်းယူခဲ့တာလား၊ ပါဝင်ပတ်သက်နေသူတွေက ပြောဆိုဖို့ ငြင်းဆန်ပြီး ရှောင်ပြေးနေတာလား ဆိုတာ မသေချာခင်မှာ မီဒီယာဘက်လိုက်မှုလို့ ပြောဆိုနေတာတွေထက်စာရင် တကယ်ဖြစ်သင့်တာကတော့ နစ်နာသူတွေဘက်ကနေ တရားဝင်တိုင်ကြားမှုတွေ၊ စုံစမ်းရေးကော်မရှင် ဖွဲ့ပြီး စုံစမ်းပေးဖို့တောင်းဆိုမှုတွေ၊ လိုအပ်ရင် Post-Mortem စစ်ဆေးမှုတွေ၊ ဆေးကုသမှုနဲ့ ဆေးစစ်ချက်မှတ်တမ်းတွေကို ဥပဒေဘက်တော်သားအကူအညီနဲ့ တောင်းဆိုကြည့်ရှုစစ်ဆေးခိုင်းမှုတွေ၊ surgical risks လား၊ surgical errors လားဆိုတာ လေ့လာဆန်းစစ်ပြီး error တွေ၊ Medical Negligence တွေ ဖြစ်နေခဲ့ရင်လဲ တရားစွဲဆိုမှုတွေ ပြုလုပ်သင့်တဲ့ ကိစ္စရပ် တခုသာဖြစ်တယ်။ ဒီလိုလုပ်ဆောင်ချက်တွေကသာ တရားမျှတမှုနဲ့ ၀န်ဆောင်မှုဆိုင်ရာ ပြဿနာတွေကို ဖြေရှင်းနိုင်မှာ ဖြစ်တယ်။

လူနာတွေဘက်က ဆရာဝန်ဘက်ကို “ ဆေးကုသခွင့် လိုင်စင်ကို လူသတ်လိုင်စင်များ မှတ်နေလား မသိဘူး“၊ “အဲဒီဆရာဝန်ပေါ့။ တို့အဖေကို သတ်လိုက်တာ“၊ “မြန်မာပြည်က ဆေးကျောင်းသားတွေ အဆင့်မရှိဘူး။ ဆရာဝန်တွေတကယ်မတတ်ဘူး။ စင်ကာပူသွားကုကြ“၊ “ဆရာဝန်တွေလဲ ငွေမျက်နှာပဲ ကြည့်နေကြတယ်“ ဆိုတဲ့ စကားလုံးတွေ ထွက်ပေါ် ပြောဆိုမှုတွေဟာ အမှန်တကယ် တတ်ကျွမ်းနားလည်ပြီး လူနာတွေအပေါ်မှာ တကယ်စေတနာထားတဲ့၊ တာဝန်ကျေတဲ့ ဆရာဝန်တွေကိုပဲ ရမ်းပြီး စော်ကားလိုက်သလို ဖြစ်စေနိုင်ပါတယ်။ တပြိုင်နက်တည်းလိုမှာပဲ ဆရာဝန်တွေဘက်က လူနာတွေဘက်ကို ဂရုမစိုက်ပဲ “သူတို့က ဘာနားလည်မှာလဲ“၊ “တို့ကိစ္စတွေထဲ လာပြောရအောင် ဆရာဝန်မို့လား“၊ “နောက်လာမယ့် လူနာတွေ အများကြီးရှိသေးတယ်။ မေးစရာရှိရင်လဲ ရှေ့က ဆရာမကို မေးလိုက်လေ။ တို့က ဆရာဝန်။ ဒါတွေလိုက်ရှင်းမပြနေနိုင်ဘူး“၊ “ငါမှားသွားလဲ မသိချင်ယောင်ဆောင် နေလိုက်လဲ ငါ့လိုလူမျိုးက ဘယ်သူက ဘာလာလုပ်လို့ ရမှာမို့လဲ“ ဆိုတဲ့ အတွေးအခေါ် တွေ မထားရှိဖို့ လိုအပ်ပါတယ်။ ဆရာဝန်တွေ၊ ဆရာမတွေ၊ ဆေးပညာရှင်တွေဘက်က ကျန်းမာရေးစောင့်ရှောက်မှု ၀န်ဆောင်မှုအတတ်ပညာကို ရင်းပြီး ဘ၀ရပ်တည်ရေး၊ ၀င်ငွေရရေး လုပ်ဆောင်ပါတယ်။ လူနာတွေဘက် ငွေကြေးနဲ့ရင်းပြီး ဒီဝန်ဆောင်မှုကို ၀ယ်ယူပါတယ်။ ပစ္စည်းဝယ်မယ့်သူက ကိုယ်ဝယ်မယ့်ပစ္စည်းရဲ့ အရည်အသွေးကို ကြည့်ရမယ်။ ကောင်းကျိုးဆိုးကျိုးတွေ နားလည်ရမယ်။ ၀န်ဆောင်မှု မှန်မှန်ကန်ကန် မရှိရင် complaint တက်ရပါမယ်။ ပစ္စည်းရောင်းသူဘက်ကလဲ ကိုယ့်ပစ္စည်း အရည်အသွေးကို တောက်ပြောင်အောင် လုပ်ရမယ်။ မှန်ကန်သင့်တော်တဲ့ ၀န်ဆောင်မှုကို ပေးရမှာပဲဖြစ်ပါတယ်။

ဘယ်လိုပဲဖြစ်ဖြစ် အခုမကြာသေးမီက မြန်မာပြည်မှာ ဖြစ်ပွားခဲ့တဲ့ ဖြစ်ရပ်ဟာ တခြား နိုင်ငံတွေမှာ ဖြစ်ပွားခဲ့တယ်ဆိုရင် ဥပဒေကြောင်းအရ ရှာဖွေစုံစမ်း ဖော်ထုတ်စစ်ဆေးရမယ့် တရားမျှတမှုနဲ့ ၀န်ဆောင်မှုဆိုင်ရာ ပြဿနာတခုပဲ ဖြစ်ပါတယ်။ မြန်မာပြည်မှာ အကောင်အထည် ဖော်နိုင်မလား ဆိုတာကတော့ တည်ဆဲ ဥပဒေတွေနဲ့ သက်ဆိုင်ပါတယ်။ အကောင်အထည်မဖော်နိုင်ဘူး ဆိုရင်တော့ တရားမျှတမှုကို မဆောင်ကျဉ်းပေးနိုင်တဲ့ နအဖ စစ်အုပ်ချုပ်ရေးစနစ်ရဲ့ အားနည်းချက် ကြောင့်လို့ပဲ ဆိုရပါလိမ့်မယ်။ နောက်ထပ်အားနည်းချက် တခုလဲရှိပါတယ်။ တခါတုန်းက ကျွန်မနဲ့ မြန်မာပြည် အကြောင်းတွေကိုလဲ စဉ်ဆက်မပြတ်လေ့လာနေတဲ့ ပရော်ဖက်ဆာတယောက်နဲ့ မြန်မာတွေအကြောင်း စကားပြောဖြစ်တုန်းက သူကပြောပါတယ်။ “နင်တို့ မြန်မာတွေက အာဏာရှင်စနစ်ကို တကယ်ကော နှစ်နှစ်ကာကာ ဖယ်ရှားလိုကြတာလား။ အာဏာရှင်ဆန်တဲ့ လူ့ဘောင်ထဲက အတွေးအခေါ်တွေကိုကော ပြောင်းလဲနေကြပြီလား။ လွတ်လပ်မှုဆိုတာ ကိုယ်က စတာဖြစ်တယ်။ စစ်အာဏာရှင်ကို ဆန့်ကျင်နေတယ် ဆိုတဲ့ နင့်ဆီမှာတောင် တခါတလေ ငါပေးလိုက်တဲ့ မှတ်ချက်တွေကို နင်ပြန်မငြင်းဘူး။ ငါက ငြင်းအောင် ပြောလဲမငြင်းဘူး။ ကိုယ့်ကိုယ်ကိုက စပြီးပြင်ဖို့ လိုတယ်“ လို့ ပြောပါတယ်။ ကျွန်မသေချာပြန်ပြီး စဉ်းစားကြည့်ရင်း ပြင်ဖို့ ကြိုးစားရပါတော့တယ်။

ကျွန်မတို့ဆီမှာ မသိမသာ အရိုးစွဲနေတဲ့ “လူကြီးတွေ စကားပြောနေရင် လူငယ်တွေက လူကြီးတွေနဲ့ တန်းတူရည်တူ ယှဉ်ပြီး မပြောရဘူး၊ မငြင်းခုံရဘူး“၊ “ဆရာတွေဆိုရင် ပြန်မပြောရဘူး၊ မိဘစကားကို အလုံးစုံ နားထောင်ရမယ်“၊ “ရုံးရောက်ဂတ်ရောက် မဖြစ်ချင်ဘူး“၊ “တိုင်နဲ့ ခေါင်းနဲ့ ဆောင့်ရင် ခေါင်းပဲ နာလိမ့်မယ်“၊ “ကိုယ့်အလွန်မဖြစ်စေနဲ့၊ သည်းခံလိုက်“၊ “ပြုသူအသစ်၊ ဖြစ်သူအဟောင်း“၊ “သည်းခံခြင်းကသာ အောင်မြင်ပါတယ်၊ ကိုယ့်ဘ၀ ၀ဋ္ဋ်ကြွေးနဲ့ ကိုယ်ပါ“၊ “ အတိတ်က သူ့ကို ဘာလုပ်ခဲ့မိမှန်းမှ မသိတာ။ ဒါကြောင့် ပြန်ခံရတာ နေမှာပါ။ စ်ိတ်ထဲ မထားနဲ့တော့“၊ “သူ့တရားသူစီရင်မှာပါ“ ဆိုတဲ့ အတွေးအခေါ်တွေနဲ့ကတော့ တရားမျှတမှု ရလာဖို့ ဆိုတာ မလွယ်ကူပါဘူး။ ခက်တာက ဒီအတွေးတွေကလဲ ကိုယ့်ထက် အင်အားကြီးသူတွေရှေ့မှာမှ ပေါ်လာတတ်တာတွေကလဲ ရှိသေးရဲ့။ အင်အားနည်းရင်တော့ သည်းခံဖို့ စိတ်က ပျောက်သွားတတ်ပြန်သေးတယ်။ ဥပမာ- ခွေးတကောင်က ကလေးကို ကိုက်လိုက်ပြီဆိုပါတော့။ သည်းခံဖို့အတွေးက မထွက်လာဘူး။ တုတ်ဆွဲပြီး ရိုက်ပစ်တော့တာပဲ။ အဲ- ရဲတယောက်က အပြစ်မရှိတဲ့ ကိုယ့်ကလေးကို မှောင်ရိပ်ခိုမှုနဲ့ ဖမ်းသွားပြီး တညလုံး စခန်းမှာ ရိုက်လိုက်ပြီ ဆိုပါတော့၊ ငွေပေးပြီးလဲ သွားရွေးလာရသေး။ မတရားတာလဲ ခံရသေး။ အချုပ်အနှောင်ခံရတဲ့ ၀ဋ္ဋ်ကြွေးပါလာလို့လား မသိဘူး ဆိုပြန်ရော။ ဒီလိုသာ ပြောစတမ်းဆိုရင် ခွေးကိုက်ခံရမယ့် ၀ဋ္ဋ်ကြွေးပါလာလို့ပါလို့ကော ဘာလို့ မတွက်ကြသလဲ။ အဓိကကတော့ ဘယ်သူက ကိုယ့်ကို ထိခိုက်ရင် ပြန်လုပ်မယ်၊ ဘယ်သူက ထိခိုက်ရင် ပြန်မလုပ်ဘူး ဆိုပြီး စိတ်ထဲမှာကိုက ဖိနှိပ်မှုကို လက်ခံနေလို့ ဖိနှိပ်ခံနေရခြင်းသာ ဖြစ်တယ်။

ဒါကြောင့် တရားမျှတမှုနဲ့ ၀န်ဆောင်မှုရေးရာ ပြဿနာတွေကို တရားမျှတမှုကို အလိုရှိသူတိုင်းက မားမားမတ်မတ် ရင်ဆိုင်ရပ်တည်ဖို့ လိုအပ်လှပါကြောင်းနဲ့ ဖိနှိပ်မှုနဲ့ မတရားမှုဆိုတာ ဖိနှိပ်တာတွေ၊ မတရားတာတွေကို ခေါင်းငုံ့ခံနေသူတွေပဲ ကြုံတွေ့ရမယ့် ပြဿနာ ဖြစ်ပါကြောင်း ရေးသားတင်ပြလိုက်ရပါတယ်။

ခင်မမမျိုး (၂၅၊ ၁၁၊ ၂၀၀၉)။

မခင်မမမျိုး ဆောင်းပါး အား ပြန်လည် ပေးပို့ ပေးသော ကိုနစ်နေမန်းအားကျေးဇူးတင် ပါသည်..။

တပ်မတော်သာအမိ တပ်မတော်သာအဖ ဆိုတဲ့ မြန်မာ့ တပ်မတော်ကြီးရဲ့ လုပ်ရပ် ကြီး တခု..။

ဖယ်ခုံအခြေစိုက် ခမရ(၄၂၁)ဒုဗိုလ်မှူးကြီး ကျော်မင်း ဦးဆောင်သော စစ်ကြောင်း(၁)မှ
မောက်မယ်မြို့နယ် ဒေါတခေါ ရွာလူကြီး ဦးဒီရယ်ကိုအတင်းအဓမ္မဖမ်းဆီးခေါ်ဆောင်သွားခဲ့
ကြပါသည်။ နအဖ စစ်တပ်မှ ၎င်း

ရွာလူကြီးကို ကြိုးများဖြင့်တုတ်ပြီး ရိုက်နှက် ကန်ကျောက်နှိပ်စက်ကြပါသည်။ ထို့အပြင် ၎င်းရွာလူကြီး၏ ညို့သကြီးကို ရက်စက်စွာ ၀ါးလုံးနှင့်လှိမ့်ခြင်း၊ ပေါင်ကို ဓားနှင့် ခွဲခြင်းတို့ကို

လူမဆန် အောက်တန်းကျစွာ နှိပ်စက်ညှင်းပန်းကြပါသည်။ ထို့နောက် ပအို့ဝ် အမျိုးသားလွတ်မြောက်ရေးတပ်မတော်၏

တပ်စခန်းများကို လိုက်ပြခိုင်းခဲ့ပါသည်။ ၂၅.၆.၂၀၀၉ ရက်နေ့ နအဖ စစ်တပ်နှင့် ပအို့ဝ်တပ်မတော်တို့ထိတွေ့တိုက်ပွဲများ ဖြစ်ပွားနေချိန်အတွင်း ၎င်းရွာလူကြီးမှာ

ပအို့ဝ်တပ်မတော် ဘက်သို့ ထွက်ပြေးလွတ်မြောက်ခဲ့ပါသည်။ ပအို့ဝ်တပ်ဖွဲ့ ၀င်တို့မှ

၎င်းကို အချိန်မှီ ဆေးဝါးကုသမှုများ ပြုလုပ်ပေးနိုင်ခဲ့ကြပါသည်။

နအဖစစ်အာဏာရှင်တို့၏တိုင်းရင်းသားလူမျိုးစုလက်နက်ကိုင်များအပေါ်အမြစ်ပြတ်ချေမှုန်းနေခြင်၊

အပြစ်မဲ့သော တိုင်းရင်းသား ပြည်သူလူထုအပေါ် နည်းပေါင်းစုံဖြင့် ရက်စက်နေခြင်းတို့မှာ တိုင်းရင်းသားစည်းလုံးညီညွတ်ရေးနှင့် အမျိုးသားပြန်လည်သင့်မြတ်ရေး လမ်းကြောင်းအား ပိုမိုပျောက်ကွယ်စေသည့်အပြင် ရွှေပြည်တော် မျှော်တိုင်းဝေး ဖြစ်နေပေတော့သည်။

သတင်း ပေးပို့ ပေးသော http://www.baymyanmar.com/ အားကျေးဇူးအထူး တင်ပါသည်.။

မြန်မာအမျိုးသမီး ပြည့်တာဆာ (၅၈)ဦးကိုကယ်တင်ခြင်းခံခဲ့ ပြီး AIDS ရောဂါ ကူးစက်ခံနေသူ (၁၂)တွေ့ရှိ..။

ထိုင်းနိုင်ငံ ရနောင်းမြို့နယ် ဖန်းငါးဒေသစေတနာရှင် လူမှုကာကွယ်စောင့်ရှောက် ရေးအဖွဲ့အစည်းမှ နိုဝင်ဘာ(၂၄)ရက်နေ့တွင် ထောင်မုကမ်းခြေမှတဆင့် တခြားနေရာသစ်တခုကိုပို့မည့် အမျိုးသမီး ပြည့်တန်ဆာ(၅၈)ဦးကို ကယ်တင်နိုင်ခဲ့သည်။

၎င်းအမျိုးသမီးအများစုမှာ မြန်မာပြည်ကလာသောသူများဖြစ်ပြီး လူကုန်ကူးပွဲစားမှတဆင့် ပြည့်တန်ဆာအဖြစ် ရောင်းချခြင်းခံရတဲ့သူတွေဟု ဆိုပါသည်။ ဒီဖြစ်စဉ်ကို ဖန်းငါးဒေသက စေတနာရှင်လူမှုကာကွယ် စောင့်ရှောက် ရေးအဖွဲ့ဝင် ကိုဝင်းပိုင် ကိုဆက်သွယ်မေးမြန်းရာတွင်

အမျိုးသမီး “(၅၈)ယောက်က လောရှမ်းက(၈)ယောက်ပါတယ်လေ။ ကျန်တာကျတော့ မွန်လည်းပါ၊ ဗမာလည်းပါ တယ်။ သံဖြူဇရပ်မြို့နယ် မုဒုံအကုန်လုံးပါတယ်လေ။ ကျွန်တော်တို့သွားတာက ငါးလှေပုံစံနဲ့သွားပြီး လှေပေါ်တက် ရတယ်လေ။ အဲဒါ သူတို့မလွန်သွားသေးလို့ ဒီအမျိုးသမီးတွေကို ရလိုက်တယ် (၅၈)ယောက်ပေါ့။ လှေနှစ်စီး အယောက်(၁ဝဝ)လောက် လွန်သွားတယ်။ ကျွန်တော်တို့လည်းမယူနိုင်ဘူးလေ”

အဆိုပါ ပြည့်တန်ဆာတွေထဲမှာ AIDS ရောဂါကူးစက်နေတဲ့မိန်းကလေး(၁၂)ယောက်ကိုခေါ်မသွားဘဲ လမ်းပေါ်မှာ ပစ်ထားခဲ့ပြီး ခိုကိုးရာမဲ့ဖြစ်နေသော သူမတို့ အဆိုပါအဖွဲ့အစည်းကပင် ကယ်တင်ခဲ့ပြီး သက်ဆိုင်ရာဆေးရုံ၌ ပို့ဆောင်ပေးခဲ့သည်ဟုဆို၏။ အမျိုးသမီး(၈)ဦးမှာ ရောဂါလက္ခဏာပြနေပြီး ကျန်(၃)ဦးမှာ အနည်းငယ်သက်သာ သည်ဟုဆို၏။ ထိုင်းနိုင်ငံကိုလာရောက်သော အမျိုးသမီးအများစုတွင် လူကုန်ကူးပွဲစားများမှ တဆင့်ရောက်လာ ကြခြင်းဖြစ်ပြီး တခြားလက်ဆင့်ကမ်း ပွဲစားများမှတဖန် ပြည့်တန်ဆာဘဝကို တွန်းပို့ခဲ့သည်ဟု ကိုဝင်းပိုင်မှ ပြောပါ သည်။

စေတနာရှင် လူမှုကာကွယ်စောင့်ရှောက်ရေး အဖွဲ့အစည်းမှ ကယ်တင်ထားတဲ့အမျိုးသမီးများကို တခြားသင့်တော် သောလုပ်ငန်းများတွင် ပြန်လည်နေရာချထားပေးမှာဖြစ်ပြီး တချို့မှာနေရပ်ကိုပြန်သွားကြမည်ဟု ဆိုသည်။ သို့သော် AIDS ရောဂါဖြစ်ပွါးနေတဲ့အမျိုးသမီး(၁၂)ယောက်မှာ နေရပ်ပြန်ဘို့ ကြောက်ရွံ့နေကြပြီး နယ်စပ်မှာရှိတဲ့ AIDS ရောဂါကုသရေးဆေးရုံမှာဘဲ ကုသချင်တယ်လို့ ကိုဝင်းပိုင်က ပြောပါတယ်။ နယ်စပ်ရှိနီးစပ်ရာ စေတနာဆေးရုံများ ကိုလည်း ဆက်သွယ်မေးမြန်းထားပြီး ၄င်းတို့မိဘဆွေမျိုးများနှင့် လွယ်လင့်တကူ တွေ့ဆုံနိုင်မည့်နေရာကိုလည်း ဆက်သွယ်ရှာဖွေနေသည်ဟု ရောဂါသည်နှင့် နီးစပ်သူများမှ ပြောပါသည်။

ရင်းမြစ်...... kaowao .org

ဆွံအ နားမကြား တေမိယ မင်းသားလေးတပါး....။

တိုင်းပြည် ကိုအုပ်ချူပ် မင်းလုပ် နေသော မင်းဆိုးမင်းညစ်များ သံဃာတော်များနှင့်
ပြည်သူများကို မတရားသတ်ဖြတ်မတရားဖမ်းဆီးထောင်ချပြည်သူတွေအပေါ်
မတရားသဖြင့်ဒုက္ခမျိုးစုံပေး နေသော ရွံရှာဖွယ်ကောင်းသော သူများတေမိယ
မင်းသားလေးလို သံဝေဂတွေကို ရစေချင်ပါတယ်ရှင်..။


ဇာတ်ညွှန်း ဝင်းကြည်မောင်။.
သရုပ်ဖော် မိုးကျော်(C.U)။

ပြည်တွင်း မှာ ဖြစ်ပေါ်နေသော အခြေအနေ တစေ့တစောင်း ပေးပို့ စာ..။

မေးလ်ထဲကို ပေးပို့လာတဲ့ သတင်းပါ မူရင်းအတိုင်း ဖော်ပြလိုက်ပါတယ်။

နိုင်ငံရေးကတော့ ပြည်သူတွေ အားလုံးရဲ့ ရင်ထဲမှာတော့ရှိတယ်။ ဖြစ်လာရင်တော့ အသင့်ပဲ....။ ၅၀၀၀ တန်ကတော့ ပြည်သူတွေ လက်ထဲသိပ်မရောက်သေးဘူး။ ကချင်ငြိမ်းကတော့ နယ်ခြားစောင့်တပ်ဖြစ်သွားပြီ။ နအဖကတော့ အကုန်စီစဉ်ပြီးနေပြီ။ ဒီကောင်တွေ ကပ်ဖြုတ်လိမ့်မယ်။ လွှတ်တော်ကိုယ်စားလှယ် တွေတောင်ရွေးပြီးနေပြီ။ ကိုယ်စားလှယ်တွေကို နောက်ကနေ ရဲဘက်ကတစ်ယောက် တရားရုံးချုပ် ဘက်ကတစ်ယောက် အဲလိုညှပ်ထားမယ်တဲ့ ကျွန်တော်သေချာတော့ မရှင်းဘူး။ တရားရုံးချုပ်နဲ့ ရဲဘက်လူတွေကို တဆင့်မြှင့်ရာထူးပေးပြီး နေပြည်တော်ကို လှမ်းခေါ်ထားတယ်။ ကာကွယ်ပေးတာလဲဖြစ်မယ်။ လှုပ်မရအောင် ချုပ်ချင်တာလဲပါမယ်။

နောက်တစ်ခုက (၁)လပိုင်းမှာ နေကြတ်မယ်၊ လကြတ်မယ်။ အဲဒီအပေါ်မှာ နိုင်ငံတကာပိတ်ဆို့မှုတွေ ခံရမယ်လို့ စစ်အစိုးရ ကိုးကွယ်တဲ့ ဘုန်းကြီးတစ်ပါးက ကျွန်တော်ကို ပြောပြတယ်။ သူတို့ ပထမ လေးနှစ်အတွက်က သေချာစီစဉ် ထားပြီးပြီလို့ကြားတယ်။ သန်းရွှေက သူသေရင် ကျန်ခဲ့တဲ့သူတွေ အဆင်ပြေအောင် စီစဉ်နေတယ်လို့ ပြောတယ်။ အသေးစိတ်ကျတော့ မသိရဘူး။ ဒီလပိုင်းနဲ့ (၁၂)လပိုင်းမှာ နအဖက ရွေးကောက်ပွဲကိစ္စ ကြေငြာမလား ဒါမှမဟုတ် (၁)လပိုင်းကိုကျော်ပြီးမှ ကြေငြာမလားဆိုတာ သူတို့ ခေါင်းကိုက်နေတယ် ပြောပါတယ်။

(၁)လပိုင်းမှာ နေကြတ်တဲ့ကိစ္စရှိတော့ သူတို့အဲဒါကို ရှောင်လိမ့်မယ် ထင်တယ်။ ကြံ့ခိုင်ရေးကတော့ လူမြင်ကောင်းအောင် တအားလုပ်ပြနေတယ်။ ရန်ကုန်မှာ လမ်းတော်တော်များများကို ပြင်ပြနေတယ်။ သူတို့ ဆိုင်းဘုတ်တွေ အလံတွေထောင်ပြီးတော့ ပြင်ပြနေတာ မျက်စိနောက်လောက်အောင် လုပ်ပြနေတာ။ နာရေးကူညီမှု အသင်းက ည(၆)နာရီကျော်ရင် အလောင်းသယ်ခွင့် မရဘူး။ ကြံ့ခိုင်ရေးမှပေးသယ်တယ်... အဲလိုတွေ စေတနာမပါပဲ လူမြင်ကောင်းအောင် လုပ်ပြနေတယ်။.... လူထုကတော့ ငြိမ်ခံပေါ့အစ်ကိုရာ။ ဘာတတ်နိုင်မှာလဲ တစ်အိမ်ကို ဘယ်လောက်ဆြိုပီး မြို့ထဲဘက်ကို ပိုက်ဆံကောက်တယ်။ ... မတတ်နိင်တဲ့မြို့စွန်ကျတော့ သူတို့ ပိုက်ဆံနဲ့လုပ်တယ်။ သူတို့ပိုက်ဆံဆိုတာ စည်ပင်ပိုက်ဆံပဲ။ ရေမီတာတွေတပ်ဖို့လဲလုပ်နေတယ်။ ရေမီတာကို တစ်သိန်းပေးရမယ်ပြောတယ်။ မြို့စွန်ဘက်တွေမှာ နဲနဲစီစမ်းနေတယ်။

ဒီကောင်တွေကတော့ ဘယ်တော့မှ ဆင်းပေးမယ့်ပုံ မပေါ်ဘူး အကိုရေ။ ကျွဲပါးစောင်းတီးတာကမှ ကြာရင် နားလည်ချင် နားလည်ဦးမယ်။ သူတို့ကတော့ နားလည်မှာကိုမဟုတ်ဘူး အကိုရေ.... နောက်မှ ကျွန်တော်သတင်းတွေ ပို့ပေးပါဦးမယ်။

ပြန်လည်ပြီး ပေးပို့ ပေးသော ဒီမိုဝေယံ အား ကျေးဇူးတင်ပါသည်.......။

အညာတောလမ်း တစ်နေရာက ဈေးရောင်းပွဲလေး...။

“လက်ပေး လက်ပေး” ဟု အလျင်စလို ပြောရင်း လက်လှမ်းနေသော ကားစပယ်ယာကို အရေး တကြီး ကြည့်လိုက်မိသည်။

ဖြည်းဖြည်းချင်း ထွက်စပြုနေသည့် ဘတ်စ်ကား၏ လူတွေ ကျပ်ညပ်နေသော နောက်မြီး ခြေနင်းခုံပေါ် တက်လိုက်ရ ကောင်းမလား၊ မတက်ဘဲ နေလိုက်ရ ကောင်းမလား ဆိုသည့် ဒွိဟ စိတ်က ရုတ်ခြည်း ဖြစ်ပေါ်လာသည်။ သို့ရာတွင် ချီတုံချတုံ စိတ်ကို အဆုံးအဖြတ် ပေးလိုက်သည်က “ရန်ကုန်ကို ပြန်ဖို့ နေ့လယ် ၁၂ နာရီမှာ ချိန်းထားသည့် ကုမ္ပဏီ ကားအမီ မန္တလေးကို ပြန်ရောက်မှ ဖြစ်မှာ” ဟူသော သတိပေး စကားပင်တည်း။

သို့ဖြင့် ဘယ်ဘက်လက်ကို ကမ်းပေးရင်း စပယ်ယာဆွဲ အတင်၌ မိမိကလည်း အားယူ လှမ်းတက် လိုက်ရသည်။ ခြေနင်းခုံကို နင်းမိသည်နှင့် လက်ဆွဲ အိတ်ငယ် ကိုင်ထားသော ညာဘက်လက်ဖြင့် မီရာ သံကိုင်းကို ဖမ်းဆွဲလိုက်သည်။ ခြေနှစ်ဘက် ချမိပြီ ဆိုသော်လည်း ခြေနင်း ခုံပေါ်၌ မတ်တပ်ရပ် လိုက်ပါလာ သူများ ပြည့်ကြပ် နေသည်မို့ မိမိ၏ ခြေနှစ်ဘက်သည် ခြေနင်းခုံ အစွန်း၌ တင်မိသည် ဆိုရုံမျှသာ။ ရှေ့မှ ရပ်နေသော လူတစ်ယောက်၏ ကိုယ်ခန္ဓာက ကွယ်ထားသောကြောင့်လည်း၊ ဒေါင်လိုက် လက်ကိုင် သံကိုင်းကို မိမိရရ မဟုတ်ဘဲ လက်ဖြင့် မမှီမကမ်းသာ လှမ်းကိုင် ထားရသည့် အခြေအနေ ဖြစ်နေသည်။ အရှိန် ပြင်းလာတော့မည့် ကား၏ အခုန် အလှုပ်၌ မိမိ၏ အသက်သည် အချိန်မရွေး လွင့်စဉ် သွားနိုင်သည့် အချက်ကို အထိတ်တလန့် တွေးမိသည်နှင့် ချွေးပြန်စ ပြုလာသည်။

သို့ဖြင့် ရှေ့မှ ရပ်နေသူ နှစ်ယောက်အကြား ခပ်ခက်ခက်ပင် တိုးဝင် လိုက်ရတော့သည်။ တော်ပါသေးရဲ့။ ပို၍ ခြေခိုင် လက်မြဲသော အနေအထားသို့ ရောက်ရှိ သွားပေလို့ သာပေါ့။ ကားအတွင်းပိုင်း နောက်ဖျားမှ အိတ်တစ်ခုပေါ် တင်ပျဉ်ခွေ ထိုင်နေသော တောသူမကြီး တစ်ယောက်က ကူညီလို စိတ်ဖြင့် ကျွန်တော့် လက်ဆွဲ အိတ်ငယ်ကို လှမ်းယူလိုက်သည်။ ပြီးလျှင် သူ့ရင်ခွင်ထဲမှာ ထည့်ထား ပေးလိုက်သည်။ သည်တော့မှပင် ကျွန်တော် စိတ်အေးသွား ရတော့သည်။

ကားသည် အရှိန်ပြင်းစွာ မောင်းနှင် နေလေပြီ။ နောက်သို့ သမင်လည်ပြန် ကြည့်မိ၏။ ကျွန်တော် ကားပေါ် တက်ခဲ့သော ရွာသစ်ကြီး ချည်စက် လမ်းခွဲကို မမြင်ရတော့ပေ။ ချင်းတောင်တန်း၏ အခြေ တောင်စောင်း တစ်နေရာရှိ၊ အစိမ်းရောင် သလင်းကျောက် များကို သွားရောက် လေ့လာ စူးစမ်းရသော ဘူမိဗေဒ ကွင်းဆင် လုပ်ငန်း၏ အပြန် ခရီးဝယ်၊ စစ်ကိုင်း-ရွာသစ်ကြီး ချည်စက်ရှိ ညီမတို့ မိသားစုထံ ခေတ္တ ၀င်ရောက်ခဲ့ရာမှ ယခုကဲ့သို့ မုံရွာ-မန္တလေး ကားပေါ် ရောက်နေရခြင်း ဖြစ်သည်။ မန္တလေး ရောက်သည် အထိ ကားနောက်မြီး၌ မတ်တပ် ရပ်စီးရသည့် အရေးကို တွေးမိရင်း စိတ်လေး နေမိတော့သည်။ မန္တလေးသို့ မြန်မြန် ရောက်ပါစေ၊ ရောက်ပါစေ။

ကားအတွင်းကိုလည်း ကြည့်ပါဦး။ ဘတ်စ်ကား၏ ထိုင်ခုံများတွင် ခရီးသည်တွေ အပြည့်။ ထိုင်ခုံ လွတ်သော နေရာများ၌ လည်း ကြက်သွန်အိတ်တွေ၊ ကုလားပဲအိတ်တွေ၊ ခရမ်းချဉ်သီး သေတ္တာတွေ၊ ဟင်းသီးဟင်း ရွက်ခြင်း တောင်းတွေ ပြည့်ကြပ်လို့။ ထိုအိတ်တွေ၊ တောင်းတွေ အပေါ်မှာတော့ ကားရားခွလျက် တစ်မျိုး၊ တင်ပါး တစ်ခြမ်း တင်မိသည် ဆိုရုံ တစ်သွယ်၊ ဖြစ်သလို ထိုင်လျက် လိုက်ပါ လာကြသော အညာသူ၊ အညာသား တောသူ တောင်သားများ၊ သူတို့ကတော့ ဒါမျိုး ရိုးနေပြီ ဆိုသည့် ပုံဖြင့် စိတ်ညစ်ညူးပုံ မပေါ်ကြ။ အညာသူ အညာသား ဆိုမှဖြင့် အောက်သူ အောက်သားများနှင့် စာလျှင် အသားမည်းမှန်း၊ မျက်ခမ်းစပ်မှန်း သိထားပြီး ဖြစ်သည့်တိုင် ရန်ကုန်မှာ နေသား ကျခဲ့ပြီမို့ ယခုတွေ့မြင် နေရသော လူသားများ၏ အဆင်းသဏ္ဍာန်မှာ မြို့ပြ လူသားများနှင့် ကွာခြား လွန်းလိုက်တာ၊ တစ်ကမ္ဘာစီ ခြားနေတဲ့ လူသားတွေလို့ဆို ရင်တောင် ယုံနိုင် လောက်ပါရဲ့ဟု အတွေး ၀င်မိလေသည်။ အ၀တ်အစား တွေကလည်း နွမ်းလိုက်တာ၊ အသားအရေတွေကလည်း မွဲသွေ့သွေ့ နိုင်လိုက်တာဟု စဉ်းစားမိရင်း ပလာဇာတွေမှာ လူးလာပျံသန်း နေကြသော ရောင်စုံ လိပ်ပြာလေးများကို ပြေးမြင် လိုက်မိရာ ထိုသို့ မြင်လိုက်မိခြင်း အတွက် မိမိ ကိုယ်ကိုပင် အပြစ်တင် လိုက်မိတော့သည်။

ကားတစ်စီးလုံးမှာမှ သန့်သန့် ပြန့်ပြန့်ဆို၍ တိုက်ပုံနှင့် လူတစ်ယောက်၊ နေကာ မျက်မှန်တပ် လူငယ်နှစ်ယောက် အပြင်၊ ၀န်ထမ်းဖြစ်ဟန် တူသူ အမျိုးသမီး ခပ်ရွယ်ရွယ် တစ်ယောက်၊ ဒါလောက်ပါပဲ။ လူများစုကတော့ ဖျဉ်ကြမ်းချည်ကြမ်း လုံချည် အင်္ကျီတွေနှင့်။ တချို့ဆိုရင် ခေါင်းပေါင်းကြီးတွေ ပေါင်းလို့။ အားလုံးလိုလိုပင် ငိုက်မျဉ်း လိုက်ပါ လာကြသည်။ ကြုံတောင့်ကြုံခဲ ငြီးငွေ့စရာ ခရီးစဉ် တစ်ခုပေပဲ။
ကားသည် အရှိန်ပြင်းစွာ ပြေးနေရာမှ ရုတ်တရက် အရှိန်လျှော့ လိုက်လျှင် ကား၏ နောက်မှ လွင့်ပျံ လိုက်ပါလာသော ဖုန်မှုန့်များက ကားနောက်ပိုင်းသို့ လှိမ့်ဝင် လာတော့သည်။ ထိုခဏ၌ ကားတစ်စီးလုံး ဖုန်တောထဲ မြှုပ်ဝင် ပျောက်ကွယ်သွား၏။ ကားအရှိန် ပြင်းသော် ဖုန်မှုန့်များ ကားနောက်တွင် ကျန်ရစ်ခဲ့ကြပြန်၏။ ကားလမ်းဘေး တစ်ဖက် တစ်ချက်ကို ကြည့်လိုက်သော် အညာ၏ ခြောက်သွေ့သော မြင်ကွင်းကို မြင်ရလေသည်။ ပုပုပျပ်ပျပ် တမာပင်၊ ကန္တာရပင်၊ ပဒုမ္မာဆူးပင်တို့သည် ဖုန်အထပ်ထပ် တက်နေသဖြင့် မွဲသွေ့ နေလေသည်။ ၎င်းတို့ကို ကျော်လွန်၍ ကည့်လိုက်သော် ခြောက်သယောင်းသော ယာခင်း ပြင်ကျယ်ကြီးများကို တမျှော် တခေါ်ကြီး မြင်နေရလေသည်။ အဝေးဆီတွင် ကား နွေ၏ မြူခိုးတို့ဖြင့် မှုန်မှိုင်း ရီဝေလျက်။

အတန်ကြာလျှင် ကားသည် ရွှေဘိုနှင့် မုံရွာ လမ်းခွဲဖြစ်သော၊ ကားများ ခေတ္တ ရပ်နားရာ အတော်လေး စည်ကားသည့် အုန်းတောသို့ ရောက်ခဲ့လေသည်။ ဆိုင်တစ်ဆိုင်၏ ရှေ့၌ လမ်း၏ ညာဘက်ကပ်လျက် ကားရပ်လိုက်သည်နှင့် တစ်ပြိုင်နက် ဟိုမှသည်မှ ကသောကမျော ပြေးလွှား ရောက်ရှိလာကာ ကားကို ၀ိုင်းရံ လိုက်ကြသော မိန်းမများကို တအံ့တသြ မြင်ရလေသည်။ အရွယ် ငယ်ငယ်၊ အရွယ်လတ်လတ်၊ အရွယ်အိုအို၊ စုစုပေါင်း တစ်ဆယ့် လေး- ငါးယောက်ထက်တော့ နည်းမည် မထင်။ ခေါင်းပေါ်မှာ ရောင်းချရန် စားစရာ မုန့်မျိုးစုံ ထည့်ထားသော လင်ဗန်းတွေ ရွက်လျက်။ ယောက်ျား၊ သုံးလေးယောက်ကတော မုန့်ဟင်းခါး ဆိုင်းထမ်းများကို ထမ်းထားကြသည်။ သူတို့သည် ကားကို ၀န်းရံ လှည့်ပတ်လျက်၊ ကားအတွင်းသို့ ကျီးကန်း မျက်စိမျိုးဖြင့် ဂနာမငြိမ် မျှော်လင့်တကြီး ကြည့်ရင်းက နှုတ်တိုက် ရွတ်နေကျ စကားလုံးများကို တစ်ယောက် တစ်ပေါက် အော်မြည် နေကြလေသည်။

“ကဇွန်း ဥပြုတ်တွေ၊ ပူပူနွေးနွေးနော်”

“အစ်မကြီး ဘာယူမလဲ၊ ပဲမြစ်ပြုတ်လား၊ ပြောင်းဖူးပြုတ်လား”

“မုန့်ဟင်းခါး မုန့်ဟင်းခါးရမယ်”

“ဗယာကြော်၊ ဘူးသီးကြော်တွေ၊ တစ်ရာဖိုး ငါးခုနော်”

သူတို့သည် တစ်နေရာတည်းတွင် ရပ်မနေကြ။ ကားပတ်ပတ်လည်၌ နေရာရွှေ့ရင်း၊ ရွှေ့ရင်း၊ ၀ယ်သူခေါ်သူ ပေါ်လာလိမ့်နိုး အော်ကြသည်။ အော်နေကျ စကားလုံးတွေကိုသာ ထုတ်လွှင့် နေကြသည့်တိုင်၊ ကားတစ်စီးလုံး လူသုံး-လေးဆယ်လောက်ရှိ တာတောင်မှ ၀ယ်မည့်သူက ဟုတ်တိပတ်တိ ပေါ်ထွက်မလာသေး။ တဖြည်းဖြည်းနှင့် သူတို့တတွေသည် မျှော်လင့်ချက် သိပ်ပြီး ထားဟန် မတူတော့။ ကြာသော် အော်နေကြသော လေသံများ ပျော့သွားကြသည်။ အားတက်သရော မရှိကြတော့။ နေရာလည်း သိပ်မရွှေ့ကြတော့။ ရောက်သည့်နေရာမှာပင် ရပ်နေကြတော့သည်။ မျှော်လင့်စိတ် မထားကြတော့သည့် ဈေးသည် အချို့က ကားအနီးမှ ခွာသွားကြလေပြီ။ ကားအနီးတွင် ဈေးသည် အနည်းငယ်သာ ကျန်ရစ်တော့၏။

ကျွန်တော်သည် ကားနောက် မြီးမှာပင် သူတို့ အစား စိတ်မော နေမိလေသည်။ ကျွန်တော် ကိုယ်တိုင် စားချင်စိတ် မရှိ၍ ဘာမှ မ၀ယ်ဖြစ်သော်လည်း ၀ယ်သူတွေ ရှိစေချင်သည်။ ကားထဲက လူတွေရယ်၊ ၀ယ်လိုက်ကြစမ်းပါ။ ဒါမှ သူတို့ခမျာ နှစ်ရာမျိုး၊ သုံးရာမျိုး အမြတ်အစွန်းလေး ရတော့မပေါ့။ ကျွန်တော်က သူတို့ကို ဂရုဏာ စိတ်ဖြင့် ဝေ့၀ဲ ကြည့်လိုက်လျှင် မိန်းမငယ်လေး တစ်ယောက်က ကျွန်တော် ၀ယ်ချင်၍ ကြည့်သည်ဟု ထင်ကာ “ဦးလေး ဘာယူမလဲ၊ စီးကရက်လား၊ ကွမ်းယာလား” ဟု အော်လိုက်သဖြင့် ထိုသို့ မိမိကို ကြည့်ပြီး အအော်ခံရ သည်ကိုပင် အနည်းငယ် ရှက်သလို ဖြစ်သွားကာ မျက်နှာထူ ပူသွားသည်။ သို့ပေမယ့် ခဏ ကြာတော့လည်း သူတို့ကို ကြည့်မြဲအတိုင်း ပြန်ကြည့် နေမိပြန်လေသည်။

ထိုစဉ် “မုန့်ဟင်းခါး တစ်ပွဲ ပေးပါ” ဟု ကားထဲမှ အသံထွက် လာလေရာ မိန်းမ ဈေးသည်များပင် ရုတ်တရက် တိတ်ဆိတ် သွားကာ ဈေး သည်မိန်းမ တစ်ယောက်က ကားအနီးတွင် ကျန်ရစ်နေသေးသော မုန့်ဟင်းခါးသည်ကြီးအား “မုန့်ဟင်းခါး တစ်ပွဲတဲ့တော့” ဟု ထပ်ဆင့် စကား ကမ်းလိုက်သည်။ ထိုအသံကို ကြားလိုက်သည်နှင့် ခေါင်းပေါင်းကြီး ပေါင်းထားသော မုန့်ဟင်းခါးသည်ကြီးသည် ခလုတ်နှိပ်လိုက် သဖြင့် စက်ရုပ်လှုပ်ရှားလိုက်သလိုပင် ခပ်ပက်ပက် ကြွေပန်းကန် တစ်လုံးကို ဖျတ်ခနဲ ဆွဲယူလျက် မုန့်တစ်ပွဲကို အမြန်ဆုံး ပြင်ပေးလိုက်လေသည်။ ရွှင်မြူး တက်ကြွသွားသော မုန့်ဟင်းခါးသည်ကြီးကို ကြည့်ပြီး အပျော်စိတ်သည် ကျွန်တော့်ထံ ၀င်ရောက်လာ၏။ သူတို့တတွေ ရောင်းရပါစေ၊ များများ ရောင်းရပါစေ။ ဒါမှသာ သူတို့ အိမ်တွင် ဆာလောင် ကျန်ရစ်နေမည့် သားသမီးများ၏ ၀မ်းမီးကို ငြိမ်းနိုင်မည် မဟုတ်ပါလား။

ထိုအခိုက် မန္တလေးဘက်မှ အရှိန်ပြင်းပြင်း မောင်းနှင်လာသော ဘတ်စ်ကားကြီး တစ်စီး ဖြတ်ကျော် သွားသဖြင့် ဧရာမ ဖုန်လုံးကြီး ထသွားလေသည်။ တော်တော်နှင့် မငြိမ်။ ကားသည် ရွှေဘို လမ်းခွဲဘက်သို့ မျက်နှာမူလျက် ကျွန်တော်တို့ ကားနှင့် ဓားလွယ် ခုတ်နေရာတွင် ရပ်လိုက်သည်ဆိုလျှင်ပင် ကားဆီသို့ အရပ်မျက်နှာ အသီးသီးမှ ဈေးသည်များ သူ့ထက်ငါ ဦးအောင် အလုအယက် ပြေးသွားကြလေသည်။ ကျွန်တော်တို့ ကားဘေး မှဈေးသည်မများလည်း ဒရောသောပါး ပြေးကြလေပြီ။ ခေါင်းပေါင်းကြီးနှင့် မုန့်ဟင်းခါးသည်ကြီးလည်း ဆိုင်းထမ်းကို ထမ်းလျက် ကားလမ်းကို ဖြတ်ကူးကာ ဒယိမ်းဒယိုင် ပြေးလေပြီ။ ထို့နောက် ကား၏ ဟိုဘက်ခြမ်းသို့ ရောက်သွားလေရာ၊ ကျွန်တော် မမြင်ရတော့ပေ။ စောစောက ရောင်းထားသော မုန့်ပန်းကန်ကိုတော့ နောက်မှ လာယူမယ် ထင်ပါရဲ့။

ဈေးသည်တို့၏ တစာစာ အော်သံသည် ကျွတ်ကျွတ်ညံနေ ပြန်လေပြီ။ ကျွန်တော်သည် သူတို့ကို ကြည့်နေမိရင်းမှ ၀မ်းသမုဒ္ဒရာကို ပြည့်အောင် ဖြည့်စွမ်းနိုင်ဖို့ ရုန်းကန်လှုပ်ရှား နေရသော လူသားတွေ၏ အဖြစ်ကို တွေးတော ကြည့်မိလေသည်။ မိုးလင်း၍ မျက်စိ နှစ်ပေါက်ပွင့် ပြီဆိုသည်နှင့် ဆာလောင်နေသော ၀မ်းဗိုက်များ အတွင်းသို့ ပွင့်ဟနေသော ပါးစပ်ပေါက်များမှ အစာ ဖြည့်နိုင်ဖို့ အပြေးအလွှား ရှာကြ ဖွေကြရသည်။ မောစရာ ကောင်းလိုက်တာ။ ဘ၀ အမောဆိုတာ ဒါပဲ ဖြစ်မှာပေါ့။

အချိန်အနည်းငယ် ကုန်လွန်သွားပြန်လေသည်။ ကျွန်တော်တို့ ကားသည် မထွက်သေးပေ။ ကား နောက် မြီးခုံပေါ်၌ ရေစုပ် စက်တစ်လုံးကို ကြိုးတွေနှင့် ဆိုင်းပြီး တင်ပြန်သည်နှင့် ကျွန်တော်တို့ အောက်သို့ ဆင်းပေးလိုက်ရသည်။ အင်း စက်တစ်လုံး ထပ်တင်တယ် ဆိုတော့ ပိုပြီး ကျပ်ဦး တော့မှာပေါ့လေ။ ကျပ်ရုံတင်မက စက်ဆီတွေ ပေကျံမှာကိုလည်း ကြောက်ရဦးမည်။ ဟယ် မတတ်နိုင်။ သန်းကောင်ထက်ပိုပြီး ညဥ့်မနက်နိုင်တော့ပါဘူး။ ဖြစ်သမျှ အကြောင်း အကောင်းချည်း ဟုပင် သဘောထားရတော့မည်။

“မုန့်ဟင်းခါးသည် ပြီးသွားပြီ ရော့ ရော့”

ကားထဲမှ မိန်းမက မုန့်ပန်းကန်ကို လှမ်းပေးနေသည်။ ခေါင်းပေါင်းကြီးနှင့် မုန့်ဟင်းခါး သည်ကြီးသည် ဟိုဘက်ကားဆီမှ မပေါ်လာသေး။ ဒီဘက်ကားမှာ မုန့်ရောင်း ထားခဲ့တာကို မေ့များ နေပြီလား။ ကားထဲမှ မိန်းမက မုန့်ဟင်းခါးသည်ကို မတွေ့ရသဖြင့် ခုမှ ကားအနီး ရောက်လာသော ဈေးသည် ကောင်မလေး တစ်ယောက်အား မုန့်ပန်းကန်ကို လှမ်းပေးလိုက်သည်။ ထိုကောင်မလေးကလည်း ပန်းကန်ကို ကိုင်ပြီး ဟိုကြည့် သည်ကြည့် ရှာဟန်ပြုသည်။ နောက်တော့ သူသည်ကား ညာဘက်ဆိုင် ရှေ့သို့ လျှောက်သွားလေသည်။ ကျွန်တော်လည်း ကားမထွက်သေးမီ အညောင်းပြေ ခဏ တဖြုတ်ထိုင်ရန် ဆိုင်ရှေ့သို့ ထွက်ခဲ့ရာ ဟောဗျာ သည်မှာလည်း မုန့်ဟင်းခါး အထမ်းသည် တစ်ယောက်ပါလား။ သူကတော့ ကာကီ ရောင်ဦးထုပ် တစ်လုံးကို ဆောင်းထားပြီး၊ နီညိုရောင် စပို့ရှပ် အဟောင်းတစ်ထည်ကို ၀တ်ထားသည်။ သူ့ဆိုင်းထမ်းရှေ့၌ မိန်းမ ကြီးတစ်ယောက် ဆောင့်ကြောင့်ထိုင်လျက် မုန့်စားနေသည်။

ကျွန်တော်သည် ကျောက်တုံး တစ်တုံးပေါ်၌ ထိုင်လိုက်စဉ် ပန်းကန် ယူလာသော ဈေးသည်မလေးသည် ထိုမုန့်ဟင်းခါးသည် ထံသို့ လျှောက်သွားကာ “ကားပေါ်မှာထားတဲ့ ပန်းကန်” ဆိုပြီး ပန်းကန်ကို ပေးလိုက်သည်ကို မြင်လိုက်ရလေသည်။ ဟင် မှားကုန်ပြီဟု သိလိုက်မိသော်လည်း ကျွန်တော် နေရာမှ မထမိ။ သည်မုန့်ဟင်းခါးသည်က သူ့ပန်းကန် မဟုတ်ကြောင်း အမှန်ကို ပြောချင် ပြောမှာ ပါပဲလေဟု ဖြစ်စေလိုသော ဆန္ဒစွဲဖြင့် တွေးနေစဉ်မှာပင် ထိုလူက ပန်းကန်ကို ဣနြေ္ဒမပျက် လှမ်းယူရုံ သာမက ဘဲ“ပိုက်ဆံကော” ဟု မေးသံကို ကြားလိုက်ရပြီးနောက် မိန်းကလေးသည် ကား၏ လက်ဝဲဘက်ဆီသို့ တစ်ခေါက်ပြန် သွားသည်ကို မြင်ရလေသည်။ ကျွန်တော်သည် ထိုသူ့ထံ၌ ရှိသော ပန်းကန်များနှင့် မိန်းကလေး ယူလာပေးသော ပန်းကန်များ တူ-မတူ လှမ်းကြည့်တော့လည်း ပြည်တွင်းဖြစ် အကြမ်းစား ပန်းကန် တွေချည်းပင် ဖြစ်နေသည်။ ခဏ အကြာတွင် မိန်းကလေးသည် ထိုသူ့ထံ ပြန်လာကာ မုန့်ဖိုးငွေကို ပေးခဲ့ပြီး သူမုန့်များ ရောင်းရရေး အတွက် ရွှေဘို လမ်းခွဲဘက်သို့ ထွက်သွားလေသည်။

ကျွန်တော်သာလျှင် စပို့ရှပ်နှင့် မုန့်ဟင်းခါးသည်ကို မကျေမချမ်း ဖြစ်နေမိလေသည်။ ဈေးသည် ကောင်မလေးက မသိ၍ လူမှားပေးသည်ကို သူက သိရက်ကြီးနဲ့ ယူထားရပါ့မလား။ ဘ၀တူ အချင်းချင်း ဒီလို လုပ်တာ ကောင်းသလား။ ကျွန်တော့် အနေဖြင့် ထိုသူ့ကို သွားပြောပစ် လိုက်ရမလား။ တကယ် တမ်းကျတော့လည်း ကျွန်တော် သတ္တိမရှိ။ မဟုတ်မခံ စိတ်ရှိသည် ဆိုစေကာမူ၊ လောလောဆယ်၌ မိမိ အကျိုးကို ထိခိုက်စေ၍ တစ်ပါးသူ၏ အကျိုးအတွက် လက်တွေ့ မဆောင်ရွက်ဝံ့ သူသည် ကျွန်တော်သာလျှင် ဖြစ်ပေသည်တကား။ ထိုသူ၏ ရှက်ရမ်းရမ်းမည့် ရန်တုံ့ပြန် မှုကို ကျွန်တော် စိုးကြောက်မိသည်ပင်။

သို့သော် ခေါင်းပေါင်းကြီး ပေါင်းထားသော မုန့်ဟင်းခါးသည်ကြီး အပေါ် သနားစိတ် ၀င်နေမိ သည်ကိုကား ဖျောက်ဖျက်၍မရ။ သူ့ခမျာ မုန့်ဟင်းခါး တစ်ပွဲ ရောင်းရမှ သုံး-လေးဆယ်မြတ်တော့ မပေါ့။ ယနေ့အဖို့ ပန်းကန် အပါအ၀င် မုန့်တစ်ပွဲဖိုး ဆုံးရှုံးသွားတော့မှာမို့ အရှုံးချည်း ဖြစ်တော့မှာပဲ။ သူ့မှာ ကလေးငယ်တွေနဲ့ ဖြစ်ချင် ဖြစ်နေမှာ။ ကလေးတွေက သူတို့ အဖေ ငွေရှာပြီး ပြန်အလာကို အိမ်ကနေ တမျှော်မျှော်နဲ့ စောင့်နေရှာ ကြမှာပဲ။ ခေါင်းပေါင်းနှင့် လူကြီးကို တိုးတိုး တိတ်တိတ် သွားပြောလိုက်ရ ကောင်းမလား။ ဒီလူကြီးကလည်း နော်။ ဒီဘက် ကားနားကို ပြန်လာခဲလိုက်တာ။

“ကားထွက်တော့မယ် ခရီးသည်တွေ ကားပေါ် တက်ကြပါ”

ရော ခက်ချေပြီ။ ကားက ထွက်တော့မည်။ ကားမထွက်ပါနှင့် ဦးဟု ဘယ်လို အကြောင်းပြချက်နှင့် တားမြစ်နိုင်ပါ့မည်နည်း။ မန္တလေးကို အရောက် နောက်ကျမယ် ဆိုလျှင်လည်း နောက်ကျပါ စေတော့။ ကားကို ချက်ချင်းမထွက်စေချင်ပါဘူး။ အနည်းဆုံး တော့ ခေါင်းပေါင်းနှင့်လူကြီးရောက်လာအောင် စောင့်စေချင် သည်။ ဟော မန္တလေးဘက်မှ လာသောကားတစ်စီးမုံရွာလမ်းခွဲ ဘက်၌ ရပ်သွားသည်။ ဈေးသည်တွေ တပြုံကြီး ပြေးလိုက်သွားကြ ပြန်ပြီ။ စပို့ရှပ်နှင့် မုန့်ဟင်းခါးသည်လည်း ၎င်းကားဆီသို့ အထမ်း နှင့် ပြေးသွားလေပြီ။ တခြားမုန့်ဟင်းခါး သည်နှစ်ဦး၊ သုံးဦးပြေးသွားသည်ကိုလည်း လှမ်းမြင်ရသည်။

ဟော လာပြီ လာပြီ။ ခေါင်းပေါင်းကြီးနှင့် လူသည် ခုမှပင် ကျွန်တော်တို့ ကားဆီသို့ ပြေးလာပါတော့သည်။ ကားသည် စက်နှိုး စပြုနေပြီ။ ကျွန်တော်လည်း ရေစုပ် စက်ဘေး၌ ကျပ်ညပ်နေသော လူတွေ ကြားမှာ ရပ်လျက် နေရင်းကပင် ခေါင်း ပေါင်းကြီးနှင့် လူကို မြင်ရအောင် လှမ်း ကြည့်နေသည်။ သူ၏ အမေး စကားနှင့် ကားထဲမှ မုန့်ဟင်းခါး ၀ယ်စားခဲ့သူ အမျိုးသမီး၏ အဖြေစကား။ ဆူညံသော ကားစက်သံကြောင့် မကြားရ သော်လည်း အမေး၊ အဖြေ နှစ်ခုလုံးကို ကျွန်တော် သိနေသည်။ ခေါင်းပေါင်းကြီးနှင့် လူသည် လှုပ်လှုပ်ရှားရှား ဖြစ်သွားပြီး မျက်စိမျက်နှာ ပျက်လျက် ပျာပျာသလဲ ဟိုဟိုသည်သည် ကြည့်နေ ရှာပါသည်။ ကျွန်တော်သည် သူ၏ သောက အပူကို မကြည့် ရက်နိုင်တော့။
“ဒီမှာ ဒီမှာ”
ကားက စထွက်နေပြီ ဖြစ်သည့်တိုင် ကျွန်တော် အော်ဖြစ် အောင် အော်လိုက်မိတော့သည်။ သူက လှည့်ကြည့်သဖြင့် အားတက်သွားကာ ဘယ်ဘက်လက်ကို လွှတ်လျက် မုံရွာ ကားဆီသို့ လက်ညှိုးထိုးရင်း “စပို့ရှပ်နဲ့ လူဆီမှာ၊ စပို့ရှပ်နဲ့” ဟု အော်လိုက်မိသည်။

ကံဆိုးလေစွ။ ကျွန်တော်၏ ကြိုးပမ်းချက်သည် အချည်းနှီးသာတည်း။ အကြောင်းမှာ လူတွေ ပြည့်ကျပ်နေသဖြင့် လက်ညှိုးကို ဖြစ်ကတတ်ဆန်း ထိုးလိုက်ရသောကြောင့် လက်ညှိုး ညွှန်ရာသည် မုံရွာ ကားဆီသို့ မရောက်ဘဲ ရွှေဘို ကားဆီသို့ ရောက်သွားသောကြောင့်ပင်။ ခေါင်းပေါင်းကြီးနှင့် လူသည်ကျွန်တော်၏ အော်သံကိုလည်း သဲသဲကွဲကွဲ ကြားဟန် မတူပါ။ မုန့်ဆိုင်းတန်းကြီးကို ထမ်းလျက် ဒယိမ်းဒယိုင်ဖြင့် လမ်းဖြတ်ကူးကာ ရွှေဘိုကားဆီသို့ ပြေးသွား နေပါလေပြီ။ ကျွန်တော်တို့၏ ကားသည် အရှိန်ရ လာပြီ ဖြစ်ရာ ခေါင်းပေါင်းကြီးနှင့် လူကို ခပ်ဝေးဝေးတွင်သာ မြင်နေရာမှ ကားအကွေ့လိုက်တွင် မြင်ကွင်းမှ လုံးဝ ပျောက်ကွယ် သွားပါတော့သည်။

ကျွန်တော့်မှာသာ မောကျန်ရစ်၏။ ရင်ထဲမှာတော့ မကောင်း။ ဗလောင် ဆူနေသည်။ သူ့ရုပ်ပုံ။ မုန့်ဆိုင်းတန်းကို ထမ်းလျက် ကားလမ်းကို ဒယိမ်းဒယိုင် ဖြစ်ကူး ပြေးသွားနေသော ခေါင်းပေါင်းကြီးနှင့် မုန့်ဟင်းခါး သည်ကြီး၏ ရုပ်ပုံ။ သူ့ရုပ်ပုံသည် ကျွန်တော့် ရင်ထဲမှ အလွယ်တကူ ပျောက်ကွယ် သွားလိမ့်မည် မဟုတ်ပါချေ။ ပန်းကန် သွားပေးသော ဈေးသည် မိန်းကလေးနှင့် စကား စပ်မိ၍ ပန်းကန်ရော၊ မုန့်ဖိုးပါ အပိုင် စီးသွားသော လူကို သိသွားလျှင် ဖြစ်စေ၊ မုန့်ဟင်းခါးသည် လေး၊ ငါး၊ ခြောက် ယောက်ထဲမှ ထိုမုန့်ဟင်းခါးသည်က ဘ၀တူချင်း ကိုယ်ချင်း စာနာစိတ် ပေါက်လာ၍ ပြန်ပေးသည် ဖြစ်စေ၊ တစ်ခုခု ဖြစ်လာမှ သာလျှင် ခေါင်းပေါင်းကြီးနှင့် လူ့ခမျာ သောကပြယ်လွင့်၊ သက်သာခွင့် ရရှာပေလိမ့်မည်။ သို့မဟုတ်လျှင်တော့ ထိုသူ၏ အပြန်ခရီးမှာ “နွမ်းလျ အိမ်ပြန်” သာ ဖြစ်ပါတော့မည်။

အညာ တောလမ်းပေါ်က သာမည အဖြစ် အပျက်ကလေးသည် သတ္တ လောက၌ အကြီးကျယ်ဆုံး၊ အမြင့်မြတ်ဆုံး ဆိုသော လူသား၏ တန်ဖိုး၊ လူသား၏ သိက္ခာကို ထိပါး ညစ်နွမ်းစေသော သာဓက တစ်ရပ် ဖြစ်နေပါလိမ့်မည်။ ဤလို အဖြစ်မျိုးတွေကို အနာဂတ် လူသားတွေ အတွက် မျိုးစေ့ချ မစိုက်ပျိုး စေလိုသည်က ကျွန်တော်၏ ဆန္ဒ တစ်ရပ်သာပါ။ မဟာ သမုဒ္ဒရာကို လူသားများ သန့်ရှင်း ဖြူစင်စွာ ကူးခတ် နိုင်ကြပါစေဟု ဆုတောင်းရုံမှ တစ်ပါး။

ဆောင်းပါး ရေးသားသူ.. (ဆင်တဲဝ-မြတ်ဖုန်း)

သူ့အမြင် နဲ့ နယ်ခြားစောင့်တပ် နှင့်  KIA ၊ KIO ...

စစ်အစိုးရအလိုကျ နယ်ခြားစောင့်တပ်ဆိုပြီး အသွင် ပြောင်းသွားတဲ့ NDAK အဖွဲ့က အရာရှိတစ်ဦးရဲ့ စာတစ်စောင်ကုို စစ်အစိုးရရဲ့အာဘော် မြန်မာ့အလင်း သတင်းစာမှာ ၂၅ ရက်နေ့ကဖတ်လိုက်ရတယ်။ ဒီစာဟာ KIA ကထိပ်ပိုင်းခေါင်းဆောင် တွေကို NDAK က ပေးပို့တဲ့စာဖြစ်ကြောင်း မြစ်ကြီးနားနဲ့ ဗန်းမော်မြို့မှာ သတင်း ဖြစ်ပေါ်နေပါတယ်။

ဒီစာအရ နယ်ခြားစောင့်တပ်တွေထဲကို မြန်မာစစ်တပ်က အရာရှိ၊ ရဲဘော် စုစုပေါင်း လူ ၃၀ ယောက် လာပေါင်းတာဟာ သူတို့အတွက် အဆင်ပြေကြောင်း၊ ရုံးလုပ်ငန်းကိစ္စတွေမှာ အများကြီးအထောက်အကူပြုကြောင်း၊ ကချင်ရယ် ဗမာရယ်လို့ ခွဲခြားမှုမရှိဘဲ စစ်တပ်လုပ်ထုံးလုပ်နည်းတွေအတိုင်း အတူတကွလက်တွဲ တာဝန်ထမ်းဆောင်နေကြောင်း၊ ယခင်က ဖြစ်သလိုလက်နက်ကိုင်ပြီး တိုက်ခိုက်နေရာကနေ၊ အခုဗိုလ်သင်တန်းတွေ၊ ရဲဘော်သင်တန်းတွေ တက်နေကြကြောင်း၊ သင်တန်းတွေမှာလည်း NDAK တပ်ဖွဲ့ဝင်တွေက အားကျမခံကြိုးစားကြလို့ မြန်မာစစ်တပ် သင်တန်းကျောင်းက၊ ဆရာကြီးတွေ က အံ့သြချီးကျူးနေကြကြောင်း ရေးထားပါတယ်။

NDAK ကနေပြီး နယ်ခြားစောင့်တပ် အသွင်ပြောင်းလာတဲ့အဖွဲ့ကို မြစ်ကြီးနားမှာ တခမ်းတနားကြိုတာ၊ နယ်ခြားစောင့်တပ်ဖွဲ့ဝင်တွေကို မြန်မာစစ်တပ်က တိုင်းမှူးတွေ၊ ဗိုလ်ချုပ်တွေက ကိုယ်တိုင်အပွင့်တင်ပေးနေကြတာတွေ ကြည့်ပြီး KIA က အောက်ခြေအဆင့်ရဲဘော်တွေမှာ အားကျစိတ်တွေ၊ တွေဝေစိတ်တွေ ဖြစ်လာမှာကို KIO မှလူကြီးများ စိုးရိမ်နေကြပါတယ်။ ဒါကြောင့် KIO ထိပ်ပိုင်းခေါင်းဆောင်တွေက ကိုယ့်ရဲဘော်တွေကို စည်းရုံးရေး သေသေချာချာလုပ်ကြဖို့ KIA ကို အမိန့်တွေထုတ်ထားကြောင်း လိုင်ဇာမှ ကုန်သည်တစ်ဦးက ဝေဖန်ပြောကြားပါတယ်။

KIA အနေနဲ့ နယ်ခြားစောင့်တပ်ဖွဲ့ထဲက သူငယ်ချင်းတွေရဲ့ စည်းရုံးရာနောက်ကို လိုက်မှာလား KIO ထိပ်ပိုင်း ခေါင်းဆောင်တွေရဲ့ စည်းရုံးရာကိုလိုက်မှာလား ဆိုတာကတော့ ပိတ်ကားပေါ်မှာ ဆက်လက် ကြည့်ရှုကြရတာပေါ့ဗျာ။

L ZAWNAUNG က သူ့အမြင်ကို မေးလ်ထဲ ကို ပေးပို့လာပါတယ်။

သတင်း ပေးပို့ ပေးသော ဒီမိုဝေယံ အား ကျေးဇူးတင်ပါသည်..။

၈၈ မျိုးဆက် ကျောင်းသားခေါင်းဆောင် ကိုပြုံးချို ကော့သောင်းထောင်တွင် ကျန်းမာရေးမကောင်း ။

( အလယ်တွင်ကိုပြုံးချို )

လက်ရှိ တနင်္သာရီတိုင်း ကော့သောင်းထောင်မှာ အကျဉ်းကျနေတဲ့ ၈၈ မျိုးဆက် ကျောင်းသားခေါင်းဆောင် ကိုပြုံးချိုဟာ သွေးကြောကျဉ်းဝေဒနာခံစားနေရတယ်လို့ ဒီနေ့ ထောင်ဝင်စာတွေ့ပြန်လာတဲ့ သူ့ရဲ့အဖေ ဦးဝင်းမောင်က ပြောပါတယ်။ လက်ရှိအနေအထားအရ ဆရာဝန်တွေက သွေးကြောကျဉ်းတယ်လို့ ယူဆထားပြီး ငှက်ဖျားတက်တဲ့အခါလည်း တက်ကြောင်းနဲ့ ဆေးကိုမှန်မှန်သောက်တဲ့အတွက် စိုးရိမ်စရာ မရှိဘူးလို့ ဆရာဝန်တွေက ပြောတယ်လို့ ဦးဝင်းမောင်က ပြောပါတယ်။

“ကျန်တဲ့ အနေအထားက သိပ်မဆိုးပါဘူး။ ဟိုမှာ ၁ နာရီ ကျော်ကျော်လောက် သွားစောင့်ပြီးတော့ပစ္စည်း လိုအပ်တာတွေ၊ စာအုပ်တွေလည်း ပေးခဲ့လို့ ရပါတယ်။” အသက် ၈ဝ ရှိပြီဖြစ်တဲ့ ဦးဝင်းမောင်က ဆောင်းအဝင် အေးချမ်းတဲ့ရာသီမှာ သားရဲ့ ကျန်းမာရေးကို စိုးရိမ်လို့ ကိုယ်တိုင်သွားတွေ့တာဖြစ်ပြီး သားကျန်းမာရေး ဆိုးဆိုးဝါးဝါး မဖြစ်တဲ့အတွက် စိတ်သက်သာရာရသလိုမကြာခဏမလာဖို့ သားကမှာ လိုက်တယ်လို့ ဦးဝင်းမောင်ကပြောပါတယ်။

ကိုပြုံးချိုအပါအဝင်၈၈မျိုးဆက်ကျောင်းသားခေါင်းဆောင်တွေဟာလောင်စာဆီဈေးကျဆင်းရေး
လမ်းလျောက်ဆန္ဒထုတ်ဖော်အပြီးမှာတခြားခေါင်းဆောင်တွေနဲ့အတူကိုပြုံးချိုအဖမ်းခံခဲ့ရပြီး
ထောင်ဒဏ် ၆၅ နှစ်ချခံရပါတယ်။

နှစ်ရှည် ထောင်ဒဏ်ချပြီး မိသားစုတွေနဲ့ ဝေးလံတဲ့ထောင်တွေဆီ ပို့ဆောင်ထားတာနဲ့ ပတ်သက်ပြီး ဦးဝင်းမောင် ပြောပါတယ်။ “မိဘနဲ့ နီးတဲ့နေရာမှာ ထားနိုင်ရင် သူ့အတွက်ရော ကိုယ့်အတွက်ရော အဆင်ပြေမယ်လို့ ထင်ပါတယ်။ ကျနော်တို့က သူ့ရဲ့ကျန်းမာရေး အခြေအနေ စိုးရိမ်တဲ့အခါ မြန်မြန်ဆန်ဆန် မလာနိုင်တဲ့ အနေအထားလေးတွေ ရှိလာတယ်။

ကျနော်တို့တွေကလည်း အသက်အရွယ်ကြီးနေတော့ ကျနော်တို့ ကျန်းမာရေး အခြေအနေကိုလည်း သူက သိချင်ပြီး ပူပန်နေရတဲ့ အနေအထားမျိုးတွေ သူက ပြောပြပါတယ်။ အဲဒါတွေကျတော့ တော်တော်လေး အခက်အခဲတွေ့ပါတယ်။ နီးကပ်တဲ့ နေရာကို ရောက်မယ်ဆိုရင်တော့ မိဘတွေက ကျေနပ်မယ့်သဘောတွေ ရှိပါတယ်။” ဦးဝင်းမောင်ဟာ ရန်ကုန်ကနေ ၁၇ ရက်နေ့က ထွက်လာပြီး ဒီနေ့မှ ကိုပြုံးချိုကို တွေ့ရတာ ဖြစ်ပါတယ်။ သူ့နဲ့အတူ အမျိုးသားဒီမိုကရေစီအဖွဲ့ချုပ် တွံတေးမြို့နယ်အဖွဲ့ဝင် ဦးချစ်ခင်ရဲ့ ဇနီးလည်း ထောင်ဝင်စာ လာတွေ့တယ်လို့ ပြောပါတယ်။

ဦးချစ်ခင်ရဲ့ အခြေအနေကို ထောင်ဝင်စာလာတွေ့တဲ့ ဇနီးက ပြောပါတယ်။ “ကျန်းမာရေး ကောင်းပါတယ်။ အခန်းထဲမှာ ဘာမှ မလုပ်ရဘူး၊ နေရတာ သက်သာပါတယ်တဲ့။ ကောင်းကောင်းမွန်မွန်ပဲ။ သားသမီးတွေကိုလည်း ပူပင်တယ်။ နောက် အသက်က အသက်က ၆၇ နှစ် ဆိုတော့ မျက်စိတွေ သိပ်မကောင်းဘူး၊ မျက်စိက ဝေတယ်တဲ့။ သူက အထဲထဲမှာနေတော့ ရဲတွေကြားမှာစိုးလို့ သိပ်မပြောရဲဘူး။ ရဲတွေကလည်း အပြင်မှာ စာရေးပြီး စောင့်နေတယ်။ သူက ၁၂ လပိုင်းကုန်ရင် လွတ်မယ်လို့တော့ ပြောနေတယ်။ သူလည်းငို၊ ကျမလည်းငိုခဲ့ရတာ စိတ်မကောင်းဘူး။” ဦးချစ်ခင်က လာမယ့်လမှာ သူလွတ်မယ်လို့ ပြောနေပေမယ့် သူ့လွတ်ရက်ရောက်ဖို့ တနှစ်ကျန်သေးတယ်လို့ သူက ဆက်ပြောပါတယ်။

၂ဝဝ၈ ဇွန် ၁၉ ရက်က အဖွဲ့ချုပ် ဌာနချုပ်မှာ ကျင်းပတဲ့ ဒေါ်အောင်ဆန်းစုကြည် မွေးနေ့ပွဲက အပြန်မှာ ဦးချစ်ခင်အပါအဝင် ၁၄ ဦးကို ဖမ်းဆီးခဲ့ကာ နိုင်ငံတော်ငြိမ်ဝပ်ပိပြားမှုကို ထိခိုက်ပျက်ပြားစေမှု၊ ဆူပူအုံကြွမှုမှာ ပါဝင်မှုတွေနဲ့ ထောင်ဒဏ် ၂ နှစ်ခွဲ ချမှတ်ခဲ့ပြီး မိသားစုနဲ့ ဝေးတဲ့ထောင်တွေဆီ ပို့ဆောင်ခဲ့တာဖြစ်ပြီး အဲဒီအထဲက ဦးချစ်ခင်ကိုတော့ ကော့သောင်းထောင် ပို့လိုက်တာပါ။

ရန်ကုန်တိုင်း တွံတေးမြို့ကနေ နိုင်ငံရဲ့တောင်ဘက်အစွန်းက ကော့သောင်းမြို့အထိ ထောင်ဝင်စာ တခါတွေ့ဖို့ ၆ သိန်းဝန်းကျင်လောက် ကုန်ကျတဲ့ အတွက် တနှစ်အတွင်း ထောင်ဝင်စာ သုံးကြိမ်သာ တွေ့နိုင်တယ်လို့ ဦးချစ်ခင်ရဲ့ ဇနီးက ပြောပါတယ်။

ရင်းမြစ်..DVB..။

၈၈မျိုးဆက်ကျောင်းသားခေါင်းဆောင် ကိုမင်းကိုနိုင် ကျိုင်းတုံထောင်တွင် ကျန်းမာရေး မကောင်း

ကျိုင်းတုံထောင်မှာ ထောင်ဒဏ် ၆၅ နှစ် ကျခံနေရတဲ့ ၈၈ မျိုးဆက် ကျောင်းသားခေါင်းဆောင် မင်းကိုနိုင် ကျန်းမာရေးမကောင်းဘူးလို့ သိရပါတယ်။ အသက် ၄၇ နှစ်အရွယ် မင်းကိုနိုင်ဟာ သွေးတိုးရောဂါ ဆိုးဆိုးဝါးဝါးခံစားနေရပြီး လုံလောက်တဲ့ ဆေးဝါးကုသမှု အရေးပေါ်လုပ်ပေးဖို့ လိုနေတယ်လို့ သူရဲ့ မိသားစုက ပြောကြောင်း အင်အယ်လ်ဒီ ပြန်ကြားရေးအဖွဲ့မှ ဦးခင်မောင်ဆွေ က ပြောပါတယ်။

မနေ့ညနေက ဦးခင်မောင်ဆွေနဲ့ ပါတီဝင်တချို့ သင်္ဃန်းကျွန်းမှ လွှတ်တော်အမတ် ဦးသိန်းညွန့် နေအိမ်ကိုသွားရင်းနဲ့ မင်းကိုနိုင်တို့ နေအိမ်ကို သတင်းသွားမေးချိန်မှာ မင်းကိုနိုင် ရဲ့အစ်မက ပြောလိုက်တာလို့ ဦးခင်မောင်ဆွေ ကပြောပါတယ်။ “ကျနော်၊ ဦးသိန်းညွန့်၊ ဒေါက်တာသန်းငြိမ်း၊ ဒေါက်တာဝင်းနိုင်ရယ် ဝင်ပြီး သူ့မိသားစုနဲ့ တွေ့တော့ သူ့အစ်မကြီးနဲ့ပဲ တွေ့တယ်။ စကား ခဏပဲ ပြောလိုက်ရတယ်။

မင်းကိုနိုင် ထောင်ထဲမှာ တော်တော်နေမကောင်းဘူးဖြစ်နေတယ်တဲ့။ အရဆကသအိးက က တော့ သွေးတွေ တအားတိုးပြီး နေလို့ ထိုင်လို့ မရဘူးပေါ့။ သူတို့လည်း စိုးရိမ်နေပြီး ဆေးတွေ ယူသွားဖို့ ပြင်ဆင်နေတယ်ပေါ့။ သူတို့က စိတ်ပူတဲ့အထဲမှာ အနေအထား မကောင်းတော့ စိတ်ဆင်းရဲနေလိမ့်မယ်လို့ သူထင်ပေမယ့် စိတ်ရဆကသအားတ်က မကျဘူး၊ ဒီအတိုင်းပါပဲတဲ့။”

၈၈ မျိုးဆက် ကျောင်းသားခေါင်းဆောင် မင်းကိုနိုင်ကို တခြားခေါင်းဆောင်တွေနဲ့အတူ ၂ဝဝ၇ စက်တင်ဘာ ရွှေဝါရောင်တော်လှန်ရေး မစမီ ကုန်ဈေးနှုန်းကျဆင်းရေး ဆန္ဒပြပွဲအပြီး ဖမ်းဆီးခဲ့တာ ဖြစ်ပါတယ်။ အခု ရှမ်းပြည်အရှေ့ပိုင်း ကျိုင်းတုံထောင်မှာ ရှိနေပြီး ရှေ့လထဲမှာ မိသားစုက ထောင်ဝင်စာ သွားတွေ့ဖွယ် ရှိတယ်လို့ သိရပါတယ်။

ရင်းမြစ်..DVB..။

ယနေ့တွင် သာသနာ့ အာဇာနည် ပရိယတ္တိ ၊ပဋိပတ္တိ၊စွယ်စုံအကျော် ဖြူးဆရာတော် ဦးနရပတိ ပျံလွန်တော်မူခြင်း..။

နိုင်ငံကျော်ဓမ္မကထိက ဖြူးဆရာတော် ဘဒ္ဒန္တနရပတိသည် ယနေ့နံနက် (၆) နာရီခန့်တွင် ရန်ကုန်မြို့ရှိ အာရှတော်ဝင် ဆေးရုံကြီး၌ ပျံလွန်တော်မူသွားပြီဖြစ်သည်။

ဖြူးဆရာတော်ဘုရားကြီးအား“ဘန်ကောက်မှာ ဆေးကုပြီး တနင်္ဂနွေနေ့က ရန်ကုန်မြို့ သို့ ပြန်ကြွခဲ့ပြီး။ ဒီနေ့မနက်မှာတော့ ဆရာတော်ကြီး ပျံလွန်တော်မူသွားသည်။ အန္တိမဈာပနအခမ်းအနားကို (၃၀.၁၁.၂၀၀၉)ရက်နေ့မှာ ဖြူး မြို့ တွင်ပြုလုပ်မှာဖြစ်ပါသည်.။

“ဆရာတော်က နာမည်ကြီး ဓမ္မကထိက ဆရာတော်တပါးပါ။ ထေရ၀ါဒဗုဒ္ဓဘာသာ တရားစစ်စစ်ကို
သိနိုင်ကြဖို့တနိုင်ငံလုံးကိုလှည့်လည်ဟောပြောခဲ့တဲ့ဆရာတော်ပါ။နာမည်အကြီးဆုံးတရားကတော့
သွေးနဲ့ရေးတဲ့သာသနာ ဆိုတဲ့တရား” ဖြစ်ပါသည်.။

ဆရာတော်ကို စစ်ကိုင်းတိုင်း၊ ရေဦးမြို့နယ်၊ ပင်စိမ်းကင်းကျေးရွာတွင် အဘ ဦးဘလွင်၊ အမိ ဒေါ်ဒေါ်မေတို့မှ ၁၉၄၁ ခုနှစ်တွင် မွေးဖွားခဲ့ရာ ပျံလွန်တော်မူချိန်တွင် သက်တော် (၆၈) နှစ်၊ သိက္ခာတော် (၄၉) ၀ါ ရှိပြီဖြစ်သည်။

ဖြူးမြို့ မဟာစည်သာသနာ့ရိပ်သာကျောင်းတိုက်ကို ၁၉၇၇ ခုနှစ်တွင် စတင် တည်ထောင်တော်ခဲ့ပြီး ဖြူးဆရာတော်ဟူ၍ ထင်ရှားကျော်ကြားလာခဲ့ကာ နိုင်ငံတ၀ှမ်းသို့ လှည့်လည်၍ တရားဓမ္မများ ဟောကြားခဲ့သည်။

အာဒိတ္တသုတ္တန်၊ ပဉ္စပုပ္ပနိမိတ္တသုတ္တန်၊ ပါရမီ (၁၀) ပါး အစရှိသည့် ကျမ်း (၁၅) စောင်ကို ရေးသားပြုစုခဲ့ပြီး ၁၉၉၈ ခုနှစ်တွင် ရန်ကုန်၊ လှိုင်မြို့နယ်၌ ဖြူးမဟာစည်သာသနာ့ရိပ်သာကို ထပ်မံတည်ထောင်ကာ ၀ိပဿနာ၊ ကမ္မဌာန်းတရားများ ပြသပေးခဲ့သည်။

ဖြူးဆရာတော်ကြီး ဘဝနတ်ထံပျံလွန်တော်မှုခြင်း အတွက် ကျမတို့လို မြန်မာလူမျိုး ဗုဒ္ဓဘာသာဝင်တွေရဲ့ သာသနာ့ အာဇာနည် ဆရာတော်ကြီးတပါးဆုံးရှုံးရခြင်းအတွက် အလွန် ကို ကြေကွဲစိတ်မကောင်းဖြစ်မိ ပါတယ်ရှင်..။

တပည့်တော်မ အနေနဲ့ဆရာတော်ဘုရားအား စိတ်အားညိုငယ်စွာဖြင့် ဒီပို့စ်လေးကိုရေးပြီး
ကန်တော့ လိုက်ပါတယ် ဘုရား..။ ဆရာတော် ဘုရားကြီး၏ တပည့် အပေါင်းအား
ဆရာတော်ဘုရား၏ ပျံလွန်တော် မူခြင်းသတင်းအား ပြန်လည် ဝေမျှပေးလိုက်ပါတယ်ရှင်..။

မြတ်လေးငုံ..။


ု

ယာဉ်ထိန်းရဲ (မော်တော်ပီကယ်) များ ဘုရားပုံတော်များကို မြို့ခံ ပြည်သူတွေထံ အတင်းရောင်းချနေ..။

မွန်ပြည်နယ် မုဒုံမြို့နှင့် မော်လမြိုင်မြို့ရှိ မြို့အဝင်ဂိတ်များတွင် အစိုးရအဖွဲ့အစည်းဖြစ်သော မော်တော်ပီကယ်ရဲတို့က ကျိုက်မရောဘုရားပုံတော်ကို ဖြတ်သွားသည့် လိုင်ကား၊ မော်တော်ဆိုင်ကယ်များအား မဝယ်မနေရ ရောင်းပေးနေသည်ဟု သိရသည်။

လွန်ခဲ့သည့် ရက်သတ္တပတ်မှစပြီး မော်တော်ပီကယ်အဖွဲ့ ၅ ဦးတို့မှ ၄င်းမြို့အဝင်ဂိတ်တွင် ရောင်းချနေပြီး၊ ပြီးခဲ့သည့် နိုဝင်ဘာလ ၁၉ ရက်နေ့တွင်လည်း မုဒုံမြို့နယ်၊ ကော့ခပုံရွာနှင့် ကွမ်တာရွာကြားတွင် ရောင်းခဲ့သည်ဟု မျက်မြင်တွေ့ခဲ့သည့်ကားမောင်းသူတစ်ဦးက ဆိုသည်။

“တစ်ပုံကို ၃၀၀၀ ကျပ်နဲ့ သူတို့ရောင်းနေတယ်၊ မဝယ်လို့မရဘူး၊ ကျွန်တော်တို့က ဘုရားပုံဆိုတော့ မငြင်းချင်ပါဘူး၊ ဝယ်လိုက်ပါတယ်၊ သူတို့ ရန်ပုံငွေအတွက် အခုလိုဘုရားပုံရောင်းနေတာ မကောင်းပါဘူး၊ အ မင်္ဂလာလည်း ဖြစ်တယ်၊ ကျက်သရေလည်း မရှိပါဘူး” ဟု ၄င်းက ပြောသည်။

ဖြတ်သန်းသွားလာနေသည့် ကား၊ ဆိုင်ကယ်များကို လိုင်စင်၊ ဦးထုပ် စစ်ဆေးသည့်ပုံစံဖြင့် ခေတ္တရပ်ခိုင်းပြီး ပုံတော်တွေကို အတင်းရောင်းချပေးနေသည်ဟု မော်လမြိုင်တက္ကသိုလ်မှ ကျောင်းသားတစ်ဦးက ပြောသည်။

“ကျွန်တော့်ဆိုင်ကယ်ကို ရပ်ခိုင်းပြီးတော့ ဟိုစစ်ဒီစစ်လုပ်တယ်၊ ကျွန်တော်ကတော့ လိုင်စင်တို့ ဦးထုပ်တို့ အားလုံးပါတယ်လေ၊ နောက်တော့မှ ဘုရားပုံတော်ဝယ်ရမယ်တဲ့။ ပိုက်ဆံမရှိဘူး အပြန်ကျမှဝယ်မယ်လို့ အတင်းပြောယူရတယ်၊ အဲဒါမှ ကျွန်တော့်ဆိုင်ကယ်ကို သွားခွင့်ပြုလိုက်တာ၊ ကျနော်ကတော့ အပြောကောင်းလို့ လွတ်လာတာဗျ” ဟု ၄င်းက ဆက်ပြောသည်။

လွန်ခဲ့သည့် နှစ်တွင် အစိုးရမှထုတ်သည့် မော်ဒယ်မလေးပုံများ ဂေါက်တီးရိုက်နေသည့်ပုံများ၊ စစ်သူနာပြုပုံများကိုသာ ရောင်းချနေကြသည်။ ယခုနှစ်မှာ ဘုရားပုံတော်များပါ ရောင်းချနေသည့်အတွက် ခရီးသွားများက အံ့သြနေကြသည်။

ကျိုက်မရောဘုရားပုံတော်ကို မော်တော်ပီကယ် ဝတ်စုံဖြင့်ရောင်းချနေသည်မှာ အယောင်ဆောင်သမားများကဲ့သို့ ဖြစ်ကြသည်ဟု မုဒုံမြို့နယ်မှ သံဃာတော်တစ်ပါးက မိန့်ကြားသည်။

“တခြားပုံရောင်းတာ ကောင်းသေးတယ်၊ သူတို့ကိုယ်သူတို့ ဘုရားကိုကြည်ညိုတဲ့ပုံစံ ယောင်ဆောင်နေကြတာလေ၊ ဗုဒ္ဓဘာသာကို ကိုင်းရှိင်းတဲ့သူတွေအတွက် ဒီလိုလုပ်တာ မကောင်းပါဘူး၊ ကျိုက်မရောကျောင်း ဆရာတော်ဘုရားက ဓမ္မာရုံဆောက်ဖို့အတွက် ရန်ပုံငွေရဖို့ ဒီဘုရားပုံတော်ကို မနှစ်ကတည်းက ထုတ်ထားတာပါ” ဟု ၄င်းသံဃာတော်က မိန့်သည်။

ကျိုက်မရောဘုရားပုံတော်မှ အပြင်ဈေးတွင် တစ်ပုံ ၁၀၀၀ ကျပ်နှုန်းသာရှိပြီး၊ ၄င်းမော်တော်ပီကယ်အဖွဲ့တို့မှာ ၃၀၀၀ ကျပ်အထိရောင်းချနေသည်။ ယခုအချိန်တွင် မော်လမြိုင်မြို့အဝင်ဂိတ်တွင် သာမက သံဖြူဇရပ်မြို့အဝင်ဂိတ်နှင့် ရေးမြို့အဝင်ဂိတ်တွင်လည်း ရောင်းချနေသည်ဟု သိရသည်။

မေးလ် ထဲ သို့ ပေးပို့ လာသောကြောင့် ပြန်လည် ဖြန့်ဝေလိုက်ပါသည်..။

“အင်တာနက် ပြိတ္တာတွေလွန်တာပေါ့ကွ” ...။

ကျွန်တော်တို့ သူငယ်ချင်းတသိုက် အင်တာနက်ကြည့်နေကြတုန်း “ပြိတ္တာတွေ လွန်လွန်းပြီကွာ” “ပြိတ္တာတွေလွန်လွန်းပြီကွာ” နဲ့ ရေရွတ်နေသံကို ကြားလို့ လှည့်ကြည့်လိုက်တော့ ဒေါပွနေတဲ့ ဦးလေးကြီးတယောက်ကို တွေ့ရတယ်။ ဒါနဲ့ ကျွန်တော်တို့လည်း ဘယ်ပြိတ္တာတွေ လွန်လွန်းတာလဲလို့ မေးကြည့်တော့ “အင်တာနက် ပြိတ္တာတွေလွန်တာပေါ့ကွ” လို့ ပြန်ပြောပါတယ်။ ကျွန်တော်လည်း နားမရှင်းတာနဲ့ “အင်တာနက်ပြိတ္တာရယ်လို့ ရှိလို့လား” လို့ ထပ်မေးကြည့်မိ တော့ သူကို “ဟာကွာ၊ အင်တာနက် ဆိုက်တွေကလိုက်ပိတ်နေတာကို ပြောတာ” လို့ စိတ်မရှည်သလို ပြန်ပြောပါတယ်။

ဒီတော့မှ ကျွန်တော်လည်း သဘောပေါက်သွားပြီး၊ “ဦးလေးရယ် “ပြိတ္တာ” နဲ့ “ပိတ်တာ” စကားကို ကွဲကွဲပြားပြား ပြောရောပေါ့လို့ ပြန်ပြောတော့၊ သူပြန်ပြောတာက ... “နားကြားလွဲလည်း မထူးပါဘူးကွာ။ အင်တာနက်ကို လိုက်လိုက်ပိတ်နေတာလည်း ပြိတ္တာတွေပဲ မဟုတ်ဘူးလား” တဲ့။

အဲဒီတော့မှ အနားမှ ရှိတဲ့သူတွေ အားလုံးလည်း တခွိခွိနဲ့ သဘောကျသွားပြီး အောက်ပါအတိုင်း အမျိုးမျိုး ရွတ်ကြည့်နေမိကြပါတယ်။ “ပိတ်တာတွေ ပိတ်တာတွေ လွန်လွန်းပြီနော်” “ပြိတ္တာတွေ ပိတ်တာတွေ လွန်လွန်းပြီနော်” “ပြိတ္တာတွေ ပြိတ္တာတွေ လွန်လွန်းပြီနော်” အင်း ... တူသလိုလို ရှိသားနော်။

မေးလ် ထဲမှပြန်လည် မျှဝေလိုက်ပါတယ်..။

ဂျပန်နိုင်ငံတွင် ကျင်းပပြုလုပ်သော ရွှေဂုံတိုင်ကြေငြာစာတမ်း နှီးနှောဖလှယ်ပွဲမှ ထုတ်ပြန်ကြေငြာချက်။

Shwegondai Statement

ပေးပို့ ပေးသော ဒီမိုဝေယံ အားကျေးဇူးတင်ပါသည်..။

ရွှေဂုံတိုင်ကြေငြာစာတမ်း နှီးနှောဖလှယ်ပွဲသို့ ပေးပို့သည့် ဘဘဦးဝင်းတင်သဝဏ်လွှာ။

ပေးပို့ ပေးသော ဒီမိုဝေယံ အားကျေးဇူးတင်ပါသည်..။

ရွှေဂုံတိုင်ကြေငြာစာတမ်း နှီးနှောဖလှယ်ပွဲသို့ ပေးပို့လာသော ဦးအေးသာအောင်သဝဏ်လွှာ။

ပေးပို့ ပေးသော ဒီမိုဝေယံအားကျေးဇူးတင်ပါသည်..။

ရွှေဂုံတိုင်ကြေငြာစာတမ်း နှီးနှောဖလှယ်ပွဲ ဓာတ်ပုံမှတ်တမ်း။ (ဂျပန်နိုင်ငံ တိုကျိုမြို့)

ဓာတ်ပုံ ပေးပို့ ပေးသော ဒီမိုဝေယံ အားကျေးဇူးတင်ရှိပါသည်..။

တမျိုးသားလုံးကျန်းမာရေးနှင့် ပညာရည်မြင့်မားရေးတဲ့....

Burma's Current Education and Health Rankings

မြန်မာပြည်မှာ မြို့နယ်ပေါင်းစုံကို လှည့်လည်ပြီး တောင်းရမ်းစားသောက်တဲ့ သူတောင်းစား သားအဖနှစ် ယောက်..။

မြန်မာပြည်မှာ မြို့နယ်ပေါင်းစုံကို လှည့်လည်ပြီး တောင်းရမ်းစားသောက်တဲ့
သူတောင်းစား သားအဖနှစ် ယောက်ရှိသတဲ့။ သားဖြစ်သူက ကလေးပီပီ
စူးစမ်းချင်စိတ်တွေများပြီး ဖခင်ဖြစ်သူ သူတောင်းစားကြီးကို သူ
သိချင်တာတွေ အမေးအမြန်းထူလေ့ရှိသတဲ့။

တခါသားမှာတော့ သားအဖနှစ်ယောက် သစ်ပင်ရိပ်အောက်မှာ နားနေကြရင်း သားဖြစ်သူက
သူ့အဖေကို မေး ခွန်းတွေ တရစပ် မေးလေသတဲ့။

“ဖေဖေ၊ သားတို့တွေ့တွေ့နေတဲ့ ဟို ... တိုက်ပုံအင်္ကျီအဖြူ၊
ပုဆိုးအစိမ်းဝတ်ထားတဲ့ သူတွေက ဘယ်သူတွေလဲ ဟင်”
“အဲဒါ ကြံ့ဖွံ့အဖွဲ့ဝင်တွေကွဲ့”

“ဟို ... အင်္ကျီအ၀ါ၊ ထမီအ၀ါဝတ်ထားတဲ့ အမျိုးသမီးတွေကကော ဘယ်သူတွေလဲ ဖေဖေ”
“အဲဒါက အမျိုးသမီးရေးရာ အဖွဲ့ဝင်တွေလို့ ခေါ်တယ်သားရဲ့”


“ဟို ... အင်္ကျီနက်ပြာ၊ ဘောင်းဘီနက်ပြာနဲ့ လူတွေကကော”
“သူတို့က အရန်မီးသတ်အဖွဲ့ဝင်တွေကွဲ့”


“ဟို ... အင်္ကျီအဖြူ၊ ဘောင်းဘီနက်ပြာ၊ ဦးထုပ်အဖြူနဲ့ လူတွေကကော ဘယ်သူတွေလဲ ဖေဖေ”
“လမ်းပြပုလိပ်တွေပေါ့ သားရဲ့”


“အင်္ကျီအစိမ်း၊ ဘောင်းဘီအစိမ်း၊ ဦးထုပ်အစိမ်းနဲ့ လူတွေကတော့ စစ်သားတွေနော်
ဖေဖေ၊ ဟုတ်လား”
“ဟုတ်တယ်ကွဲ့”

“အင်္ကျီအညိုရောင်၊ ဘောင်းဘီအညိုရောင်၊ ဦးထုပ်အညိုရောင်နဲ့ လူတွေက ရဲတွေလား ဖေဖေ”
“ဟုတ်တယ်လေ သားရဲ့၊ ဘာဖြစ်လို့ ဒီလောက်တောင် အမေးအမြန်း ထူနေရတာလဲ”

အဲဒီအခါမှာ သားဖြစ်သူ ပြောလိုက်တဲ့စကားကြောင့် အဖေဖြစ်တဲ့
သူတောင်းစားကြီးဟာ အံ့သြမှင်သက်မိသွား သတဲ့။ သားဖြစ်သူ ပြောလိုက်တဲ့
စကားကတော့ …

“ဖေဖေ့ကို ကြည့်ရတာ ပင်ပန်းလို့ပါ ဖေဖေ၊ ဖေဖေလည်း
သူတို့လိုဝတ်စုံတွေဝတ်ပြီး တောင်းပါလား၊ အဲဒါဆို ပိုက်ဆံပိုရမှာ၊
သူတို့တွေ ပိုက်ဆံတောင်းရင် လူတွေက အများကြီးထည့်တာ သားတွေ့တယ် ဖေဖေရဲ့”
တဲ့။

ပေးပို့ပေးသော ... redpeacock... ကျေးဇူးတင်ပါသည်.။

ထိုင်းနိုင်ငံရှိ လူသားအရင်းအမြစ် ဖွံ့ဖြိုးတိုးတက်ရေးအစီအစဉ်(HRDP)မှ ထုတ်ဝေသော 2010 ပြက္ခဒိန် ..။

ပေးပို့ ပေးသော ကိုဒေါင်းမာန်ဟန် အားကျေးဇူး တင်ပါသည်.။

ကောလိပ်ဂျင် နေ၀င်း (သို့မဟုတ်) ထာဝရ ရှင်သန်နေမည့် သူ့နာမည်

၁၉၈၃ ခုနှစ်၊ ဇွန်လ ၂ ရက်နေ့ နံနက် (၀၅း၀၅) နာရီတွင် ရန်ကုန် ဆေးရုံကြီး တွင် သူ ကွယ်လွန် ခဲ့သည်။ သူ ကွယ်လွန်သည့် သတင်းက ရန်ကုန်မြို့ တွင်းသို့ ပျံ့နှံ့သွားပြီး နောက် ဆက်လက်၍ မြန်မာပြည် အနှံ့ အပြားသို့ ရောက်ရှိ သွားခဲ့သည်။

သူ့ကို ချစ်ခင် လေးစားသော ပြည်သူတို့သည် နှမျောတသ ကြသည်။ ကြေကွဲ ၀မ်းနည်းကြသည်။ သူ့အား နာနတ်တော ခရစ်ယာန် သင်္ချိုင်းတွင် ဂူသွင်း သင်္ဂြိုဟ်စဉ်က ကြက်ပျံမကျ စည်ကားလှအောင် သူ့ကို ချစ်ခင် လေးစားသော ပြည်သူတို့က လိုက်ပါပို့ ဆောင်ခဲ့ကြသည်။

သူ့ဘ၀ အစသည် ခက်ခဲကြမ်းတမ်း လွန်းလှသည်။ သို့သော် သူ့တွင် ဇွဲ၊ လုံ့လ၊ ၀ီရိယဟူသည့် ကြိုးစား အားထုတ်မှု၏ အရင်းအနှီးများ၊ ရိုးသား ဖြူစင်မှုများ၊ စာနာ ထောက်ထား မှုများ မုန်းသူ မရှိဘဲ ချစ်သူသာ ရှိအောင် ပြုမူ နေထိုင် နိုင်မှုများကို ပိုင်ဆိုင်မှုကြောင့် နယ်ပယ်စုံမှ သူလုပ်သမျှ အောင်မြင်မှု ရခဲ့သည်။
သူသည် သူနှင့် ခေတ်ပြိုင် မျိုးဆက်များ သာမက အသစ်ပေါ် ထွန်းနေဆဲ ရှိသော မျိုးဆက်တိုင်း အတွက် အားကျဖွယ်၊ အတုယူဖွယ်၊ လေးစားဖွယ် ကောင်းလှသူ
ဖြစ်သည်။

၂၀၀၉ ခုနှစ်၊ ဇွန်လ ၂ ရက်နေ့တွင် သူကွယ်လွန်ခဲ့သည်မှာ (၂၆) နှစ်ရှိ ပြီဖြစ်သည်။ သေသောသူ ကြာလျှင်မေ့ဆိုသော်လည်း သူ့ကို ချစ်ခင် လေးစားသော ပြည်သူများက မေ့မရနိုင်ကြသေး။


ဟင်္သာတမြို့နယ် ညောင်ပင် သာရွာ တွင် ရဲဝန်ထောက် ဦးသက်ဖေနှင့် ဆရာမ ဒေါ်တင်တို့မှ ၁၉၂၈ ခုနှစ်၊ အောက်တိုဘာလ ၁ ရက်နေ့တွင် သူ့ကိုဖွားမြင်ခဲ့သည်။ ငယ်နာမည်များ ဖြစ်သော ပါပူးနှင့် နေဒွန်း မှာ လူသိများသည်။ ဟင်္သာတမြို့မှ မစ္စတာ ကန်မင်း၊ မစ်ရှင်ကျောင်းတွင် ပညာ သင်ကြားခဲ့သည်။ ဘ၀ပေး အခြေအနေအရ နွားနို့ လှည့်လည် ရောင်းချပြီး ပညာ သင်ကြားခဲ့ရသည်။ ၀ါသနာ အလျောက် ဘောလုံး ကိုလည်း ကြိုးစား ကစားခဲ့သည်။ ပညာ တပိုင်းတစနှင့် ကျောင်းမှ နှုတ်ထွက်ပြီး ၁၉၄၅ ခုနှစ်တွင် တပ်မတော် (ရေ)တွင် သာမန် ရေတပ် သားကလေး ဘ၀ဖြင့် ၀င်ရောက် ခဲ့သည်။ ရေ တပ်သားလေး အဖြစ် တာဝန် ထမ်းဆောင်ရင်း ဘောလုံးကစားရာမှ ၁၉၄၉ ခုနှစ်တွင် တပ်မတော် (ရေ) လက်ရွေးစင် ဘောလုံးသမား ဖြစ်ရုံမျှမက ထူးထူးချွန်ချွန် ကစားနိုင်မှုကြောင့် ၁၉၅၀ ပြည့်နှစ်တွင် တပ်မတော် (ကြည်း၊ ရေ၊ လေ) လက်ရွေးစင် ဘောလုံးသမား အဖြစ် ရွေးချယ်ခံ ခဲ့ရသည်။

တပ်မတော် (ရေ)တွင် တာဝန် ထမ်းဆောင်ပြီး တပ်မတော်ကို ကိုယ်စားပြု ဘောလုံး ကစားရုံ မျှမက တစ်ဘက်က တက္ကသိုလ်ဝင်တန်း အောင်မြင် အောင်လည်း သူက ကြိုးပမ်း အားထုတ်ခဲ့ရာ ၁၉၅၁ ခုနှစ်တွင် တက္ကသိုလ်ဝင်တန်း အောင်မြင်ခဲ့သည်။ တပ်မတော် (ရေ)မှ နှုတ်ထွက်ပြီး ၁၉၅၂ ခုနှစ်တွင် ရန်ကုန် တက္ကသိုလ်သို့ ဆက်လက် တက်ရောက် ခဲ့သည်။ တက္ကသိုလ် တက်ရောက်စဉ် တက္ကသိုလ် အားကစား အရာရှိ ဦးငြိမ်း၏ စောင့်ရှောက်မှုဖြင့် ဦးငြိမ်းနှင့် အတူ အဆောင်တွင် မှီခို နေထိုင်ပြီး ပညာသင် ကြားခဲ့သည်။


တစ်ဖက်ကလည်း တက္ကသိုလ် ရေကူးကန် ကြီးကြပ်ရေးမှူး တာဝန်ကိုပါသူ ထမ်းဆောင် ခဲ့သည်။ ထို့ပြင် တက္ကသိုလ် ကျောင်းသားဘ၀မှာပင် တက္ကသိုလ် လက်ရွေးစင် ဘောလုံးသမား အဖြစ်သာမက မြန်မာ့ လက်ရွေးစင် ဘောလုံးသမား အဖြစ်ပါ ရွေးချယ်ခံခဲ့ရသည်။ မြန်မာ့ လက်ရွေးစင် အဖြစ် အိန္ဒိယ၊ ပါကစ္စတန်၊ တရုတ်၊ ဂျပန်နှင့် အင်ဒိုနီးရှား နိုင်ငံများသို့ သွားရောက်ပြီး ဘောလုံး ကစားခွင့်ရခဲ့သည့် အပြင် မြန်မာနိုင်ငံ ဘောလုံး အဖွဲ့ချုပ်မှ သူ့အား ၁၉၅၆ခုနှစ် အကောင်းဆုံး ဘောလုံးသမား အဖြစ် သတ်မှတ်ချီးမြှင့်ခဲ့သည်။


နိုင်ငံကိုယ်စားပြု လက်ရွေးစင် ဘောလုံးသမားနှင့် တက္ကသိုလ် လက်ရွေး စင် ဘောလုံးသမားအနေဖြင့် ပညာသင် ကြားခဲ့ရာ ၁၉၅၈ ခုနှစ်တွင် ရန်ကုန် တက္ကသိုလ်မှ ဘီအေဘွဲ့ကို ရရှိခဲ့သည်။ ဘွဲ့ရပြီးချိန်တွင် မီးရထားဌာနတွင် မီးရ ထားအရာရှိတာဝန် ထမ်းဆောင်ခွင့်ရရန် သူဆက်သွယ် ညှိနှိုင်းခဲ့သည်။

မီးရထားဌာနတွင် တာဝန် ထမ်းဆောင်ရန် သူဆက်သွယ် ညှိနှိုင်း နေစဉ်မှာပင် ဇမ္ဗူအေး ရုပ်ရှင်မှ ဒါရိုက်တာ ဦးချင်းစိန်က စာရေးဆရာကြီး ဇ၀န၏ အောင်မြင် ကျော်ကြား လှသည့် ကောလိပ်ကျောင်း သားဝတ္ထုအား ကောလိပ်ဂျင်အမည်ဖြင့် ရုပ်ရှင် ရိုက်ကူးရန် စီစဉ် နေကြသည်။ ကောလိပ်ကျောင်းသား၏ အဓိက ဇာတ် ဆောင်သိန်းဖေ အဖြစ် ကျော်ကြားဆဲ မင်းသားများကို အသုံး မပြုလိုဘဲ သိန်းဖေ၏ စရိုက်နှင့် အံဝင်ဂွင်ကျ ဖြစ်သည့် တက္ကသိုလ် ကျောင်းသားကိုသာ စိစစ်ရွေး ချယ်ပွဲထုတ်ရန် ရည်ရွယ်သဖြင့် ဒါရိုက်တာ ဦးချင်းစိန်မှ ဦးငြိမ်းအား သင့်လျော်သူ ရှာဖွေပေးရန် အကူအညီ တောင်းခံခဲ့သည်။ ဦးငြိမ်း၏ တိုက်တွန်းအားပေးမှုဖြင့် သရုပ်ဆောင် လုပ်ရန် သူပိုင်းဖြတ်ပြီး ဒါရိုက်တာ ဦးချင်းစိန်နှင့် တွေ့ဆုံခဲ့သည်။

ဒါရိုက်တာ ဦးချင်းစိန်မှာ သရုပ်ဆောင်သစ်များ ဖြစ်သော အေ၀မ်းဝေဇင်၊ မေမြ၊ အေ၀မ်း သိန်းဇော်၊ မေလွင်မြင့်အောင်နှင့် မြင့်စိုးတို့အား မွေးထုတ်ခဲ့ ရုံမျှမက ဗိုလ်မြဒင် ရုပ်ရှင်ကားဖြင့် ဇာတ်ပို့ ထွန်းဝေအား ဇာတ်ဆောင် မင်းသား အဖြစ် လျှမ်းလျှမ်းတောက် ကျော်ကြားစေပြီး အကယ်ဒမီ ပါရစေခဲ့သည့် ဒါရိုက်တာကြီး ဖြစ်သည်။ သူ့အား တွေ့ဆုံပြီးသည်နှင့် မျက်နှာသွင်ပြင်၊ သွားလာ လှုပ်ရှားမှု၊ ပြောဟန် ဆိုဟန်နှင့် သူ့တွင် ကိန်းအောင်းနေသည့် သရုပ်ဆောင်ဗီဇ (Talent) တို့နှင့် ပျော် ပျော်ပါးပါး သွက်သွက် လက်လက်နေတတ်သည့် ကျောင်းသား သိန်းဖေ၏ စရိုက် ကိုက်ညီနေသည်ကို ဒါရိုက်တာ ဦးချင်းစိန်က သိလိုက်သည်။ ပြီးတော့ ဦးချင်းစိန်က သူ့အား ထိုစဉ်က ထင်ရှားနေသော အကယ်ဒမီ ဖိုးပါကြီးကဲ့သို့ ကျွဲကော်မျက်မှန်ကိုလည်း တပ်ဆင် သရုပ်ဆောင် စေခဲ့သည်။


ထို့နောက် စာရေးဆရာ၊ သတင်းစာ ဆရာ မောင်နေ၀င်းနှင့် စာရေးဆရာနှင့် ရုပ်ရှင်ဇာတ်ပို့ လုပ်နေသူ တက္ကသိုလ် နေ၀င်းတို့ ရှိနှင့်ပြီး ဖြစ်၍ ဘောလုံးသမား နေ၀င်း အဖြစ် ကျော်ကြား ပြီး သူ့အမည်ကိုလည်း မပြောင်းလဲလိုတော့၍ နေ၀င်း (ဘီအေ) ဟူသည့် သရုပ်ဆောင် အမည်ကို ကင်ပွန်းတပ် ပေးခဲ့သည်။ ကောလိပ်ဂျင် ရုပ်ရှင်ကားတွင် နေ၀င်း(ဘီအေ)နှင့် အတူ ထပ်ဆင့် အကယ်ဒမီ မြင့်မြင့်ခင်၊ သိန်းဆွေမြင့် (ယခု ဇာတ်ပို့ ဦးဝင်းဆွေ)၊ ချစ်ဆွေလေးနှင့် ရွှေစင်မေတို့အား ဦးဆောင် သရုပ် ဆောင်စေခဲ့သည်။


ကောလိပ်ဂျင် ရုပ်ရှင်ကားအား ၁၉၅၉ ခုနှစ်၊ ဖေဖော်ဝါရီလတွင် ရုံတင်ခဲ့ရာ ရုံတင်စက ကျော်ကြားဆဲ မင်းသား မဟုတ်ဘဲ မင်းသားသစ် နေ၀င်း (ဘီအေ) နှင့် သူ့ပုံပန်းသဏ္ဍာန်ကို ကြည့်ပြီး လူမ၀င်ခဲ့၊ ၀င်ကြည့်မိသမျှ လူနည်းစု၏ တစ်ဆင့် စကားဖြင့် တဖြည်းဖြည်း လူကြည့် များလာပြီး ၀င်ငွေစံချိန် တင်သည် အထိ လူကြိုက်များခဲ့သည်။ နေ၀င်း (ဘီအေ) အစား ရုပ်ရှင်ကြည့် ပရိသတ်ကလည်း သူ့အား ကောလိပ်ဂျင် နေ၀င်းဟု ပြောင်းလဲ သတ်မှတ်ခဲ့ကြသည်။ ကောလိပ်ဂျင်ရုပ်ရှင် ကားမှ သူ့စကား “ကြေပါတယ် မအေးစိန်” မှာလည်း ပြည်သူကြားသို့ အရှိန်အဟုန်ဖြင့် ထိုးဖောက် ရောက်ရှိခဲ့သည်။

ကောလိပ်ဂျင် ရုပ်ရှင်တစ်ကားတည်းဖြင့် ဟာသသရုပ်ဆောင် မင်းသား အဖြစ် ရုပ်ရှင်ကြည့် ပရိသတ်က သူ့အား တခဲနက် အားပေးခဲ့သဖြင့် ရုပ်ရှင်ကြည့် ပရိသတ် ပေးသော ကောလိပ်ဂျင် နေ၀င်း အမည်ဖြင့်ပင် ဟာသ ရုပ်ရှင်ကားများ ဆက်တိုက် ရိုက်ကူးခွင့် ရခဲ့သည်။ ဟာသ သရုပ်ဆောင် မင်းသားအဖြစ် ကျော်ကြား နေသော ကောလိပ်ဂျင်နေ၀င်းအား ဇမ္ဗူအေး ရုပ်ရှင်မှ ဒါရိုက်တာ မောင်မောင်သောင်းက မုန်းရုပ်ရှင်ကားဖြင့် တည်တည် ငြိမ်ငြိမ် သဘာဝ ဇာတ်ရုပ်ကို ပြောင်း၍ သရုပ်ဆောင်စေရာတွင်လည်း အောင်မြင်ခဲ့ ပြန်သည်။ ထို့နောက် ဟာသရုပ်ရှင်ကား များနှင့် သဘာဝ ရုပ်ရှင်ကားများ အပြင် အချို့ ဒါရိုက်တာများက လှုပ်ရှားမှု (Action) အသားပေး ကားများကိုပါ အခါ အားလျော်စွာ ရိုက်ကူး သရုပ်ဆောင်စေခဲ့ကြသည်။

မန်းသူလေးမို့၊ ချစ်အမွှာ၊ ချစ်ပွေလီ၊ ယောက္ခမကြီးရေးတဲ့ ဖူးစာ အိမ်ထောင်စု၊ သီတာကို ဘယ်သို့ချစ်ရမယ်၊ ရွှေဝါ ချစ်ထုံးရယ်ဖြေ၊ ချစ်သောချစ်သူရယ်၊ မမုန်းလေနဲ့ ငပလီစသော ဟာသကားများ မုန်း၊ မျှော်၊ အဖြေ၊ အကယ်၍သာ ချစ်မြေ၊ မေတ္တာမိုးတပေါက်၊ ဘုရားမှာ တစ်ခါဆုံတယ်။ ပန်းပန်လျက်ပါ၊ ဇာခန်းစီးနောက်ကွယ်မှာ၊ ၀မ်းနည်းဝမ်းသာ၊ မောင့်မူပိုင်ရှင်၊ သံယောဇဉ်၊မောင်ချစ် နှမချစ်၊ စကားဝါ၊ မတဲ့ အတူနေ၊ စိတ်စေတသိက်၊ တစ်ဦးက စေတနာ တစ်ဦးက မေတ္တာ၊ ဘမှန်ဘဇံ အကြောင်း၊ အကာက အချစ်အနှစ်က မေတ္တာ၊ ပယင်းရောင်၊ အားနွဲ့သူပါရှင်၊ ဆိုက္ကားသမားဘခက်၊ သီတာ ပြုံး၊ သဘင်သည် မ၀င်ရ၊ သမီးချော၊ ဘုံပြတ်ဘမောင် စသော သဘာဝ ရုပ်ရှင်ကားများ မောင် ချစ်တဲ့သူအငိုတိတ်အောင်၊ ကျောက်ဘီလူးနှင့် ပပ၀င်း၊ ချွေးနှင့်သွေးနှင့် ရင်းသည့်မြေ၊ သည်တောင်ကို မောင်ဖြိုပါ့မယ်၊ တယ် တညင် စသော လှုပ်ရှားမှု အသားပေး ရုပ်ရှင်ကားများတွင် ကောလိပ်ဂျင်နေ၀င်း အမည်ဖြင့်ပင် သူသရုပ်ဆောင်ခဲ့သည်။ ကောလိပ်ဂျင် ရုပ်ရှင် ကားမှ စတင်ပြီး ကွယ်လွန်ချိန် အထိ ကျရာဇာတ်ရုပ်တွင် သူ့အဆက် မပြတ် သရုပ်ဆောင်ခဲ့ရာ ရုပ်ရှင်ကား နှစ်ရာ နီးပါးရှိမည်ဟု ခန့်မှန်းရပါသည်။


ရိုက်ကူးခဲ့သော ရုပ်ရှင်ကားများ အနက် ဒါရိုက်တာ ခင်စိုး၏ ပယင်းရောင် ရုပ်ရှင်ကားတွင် ဘ၀ကို နာကျည်း၍ အရက်၏ ကျေးကျွန်ဖြစ်ရသူ အဖြစ် သရုပ် ဆောင်ထူးချွန်မှုကြောင့် ၁၉၆၉ ခုနှစ် အမျိုးသား ဇာတ်ဆောင်ဆုကို လည်းကောင်း၊ ဒါရိုက်တာ သုခ၏ အကာကအချစ် အနှစ်က မေတ္တာတွင် မိတဆိုးသမီးအား သဘောမတူသူနှင့် ပေါင်းဖက်၍ စွန့်ပစ်ပြီး ခါမှ မြေးကလေးအား တိတ်တခိုး ချစ်ရသူ အဖြစ် သရုပ်ဆောင် ထူးချွန်မှုကြောင့် ၁၉၇၉ ခုနှစ် အမျိုးသားဇာတ်ပို့ဆုကို လည်းကောင်း ချီးမြှင့်ခံခဲ့ရသည်။


မြန်မာ့ ရုပ်ရှင်သမိုင်းတွင် ဇာတ်ဆောင် မင်းသမီး မပါဝင်ဘဲ ရိုက်ကူး ရုံတင်ခဲ့သည့် ရုပ်ရှင်ကားအဖြစ် ဒါရိုက်တာ ၀င်းဦး၏ အတွယ် အတာနှင့် ဒါရိုက်တာခင် စိုး၏ ဆိုက္ကားသမား ဘခက်သာ ရှိခဲ့ပါသည်။ ဆိုက္ကားသမား ဘခက်တွင် ဇာတ်ဆောင် မင်းသမီးများ မပါဝင်ဘဲ ဇာတ်ပို့များကို သူပင်ဦးဆောင်သွားခဲ့ရာ ကောလိပ် ဂျင်နေ ၀င်း၏ အနုပညာ သတ္တိပင်ဖြစ်ပါသည်။ သဘင်သည် မ၀င်ရ ရုပ်ရှင်ကားမှာ သူ ကွယ်လွန်သည်ထိ အခက်အခဲအမျိုးမျိုးကြောင့် ရိုက်ကူးပြီးစီးမှု မရှိခဲ့၊ သူကွယ်လွန် သွားသောအခါ လက်ကျန် ဇာတ်ကွက်များတွင် မင်းသား စိန်မြင့်ကို ဆက်လက် သရုပ်ဆောင် စေခဲ့ကြသည်။


မင်းသားနှစ်ဦး ပြောင်းလဲချိန်တွင် ကောလိပ်ဂျင်နေ၀င်း၏ ဈာပန သတင်း အား ကြားညှပ်ပြ ခဲ့ကြသည်။ သဘင်သည် မ၀င်ရ ရုပ်ရှင်ကားအား နှစ်ချို့ ရုပ်ရှင်ကားဖြစ်သော်လည်း ရုပ်ရှင်ကြည့် ပရိသတ်က သူ့ သံယောဇဉ်ဖြင့် တခဲနက် အားပေးခဲ့ရာ ၀င်ငွေ ကောင်းမွန်ခဲ့သည်။ ကောလိပ်ဂျင်နေ၀င်း၊ မြတ်လေး၊ ကြည်ကြည်ဌေးနှင့် ဘေဘီနွဲ့တို့ အားပြိုင် သရုပ်ဆောင်သော ဒါရိုက်တာ ချစ်ခင်၏ ပန်းပန်လျက်ပါ ရုပ်ရှင်ကားမှာ လူကြိုက်များ ၀င်ငွေကောင်းရုံမျှမက ရန်ကုန်မြို့တွင် ရက်ရှည်ပြသမှု စံချိန်တင် ကားအဖြစ် မှတ်တမ်း တင်ခံခဲ့ရပါသည်။


ကောလိပ်ဂျင်နေ၀င်းမှာ သူ၏ ချွေးနှဲစာဖြင့် မိုးမြင့် သော်တာ ရုပ်ရှင်ကို တည်ထောင်ပြီး ဒါရိုက်တာ မောင်မိုးသူ၏ တယ်တညင်နှင့် ဒါရိုက်တာ ခင်မောင်ရင်၏ ဘမှန် ဘဇံအကြောင်း ရုပ်ရှင်ကားများကို ကိုယ်တိုင် ထုတ်လုပ် သရုပ်ဆောင်ခဲ့သည်။ အချို့အောင်မြင် ကျော်ကြား သော မင်းသားများ ကဲ့သို့ ဒါရိုက်တာ မလုပ်ဘဲ သရုပ် ဆောင်သက်သက်သာ လုပ်ခဲ့သည်မှာလည်း ထူးခြားမှုပင်။


၁၉၇၀ ပြည့်လွန် နှစ်များမှ စတင်ပြီး ကက်ဆက် ဇာတ်လမ်းများ ထွန်းကားခဲ့သည်။ ကက်ဆက် ဇာတ်လမ်းများမှာ ကက်ဆက် သီချင်းခွေ များနှင့် အတူ မြို့ပြတွင် မက ကျေးလက်အထိ အင်အား ကြီးမားစွာ ပြန့်နှံ့ခဲ့သည်။ ရုပ်မြင်သံကြားနှင့် ဗီဒီယို ရုပ်ရှင်ကားများ ထွန်းကားချိန် တွင်မှ ကက်ဆက် ဇာတ်လမ်းများ ဈေးကွက်ပျက် သွားခဲ့သည်။ သူကွယ်လွန်ချိန်မှာ ကက်ဆက် ဇာတ်လမ်းများ ချုပ်ငြိမ်းသွားသည်ဟု ဆိုနိုင်ပါသည်။

ကက်ဆက် ဇာတ်လမ်းမှာ အသံဖြင့် သရုပ်ဆောင်ပြရခြင်းဖြစ်ရာ ရုပ်ရှင်၊ ဗီဒီယိုနှင့် ပြဇာတ်မှာ ကဲ့သို့ မျက်နှာ အမူအရာနှင့် ကိုယ်ခန္ဓာ အစိတ်အပိုင်းများကို လှုပ်ရှား မှုကို ပြခွင့်မရပါ။ အသံဖြင့်သာ နားထောင်သူကို ခံစားအောင် စွမ်းဆောင်ရသဖြင့် ခက်ခဲနက်နဲ လှပါသည်။ ကက်ဆက် ဇာတ်လမ်းများ ထုတ်လုပ်မှုအား ကောင်းစဉ်က ရုပ်ရှင် သရုပ်ဆောင်များ ဇာတ်သဘင် ပညာရှင်များ၊ တေးသံရှင်များနှင့် အနုပညာ ၀ါသနာရှင်များပါ အသံဖြင့် သရုပ်ဆောင်သည့် လုပ်ငန်းကို ၀င်ရောက်လုပ် ကိုင်ခဲ့ကြပါသည်။ အသံဖြင့် သရုပ်ဆောင်ရန် ကြိုးပမ်း အားထုတ်သူများပြားစွာ ပေါ်ထွန်းခဲ့သော်လည်း ပရိသတ်၏ အားပေး လက်ခံမှုကို ဦးဆောင် သရုပ်ဆောင် အဖြစ် သူသာ အပြည့်အ၀ ရရှိခဲ့ပါသည်။ ၁၉၇၀ ပြည့်လွန်မှ ၁၉၈၀ ပြည့်လွန်နှစ်များထိ ဆယ်နှစ်ကာလ ထုတ်လုပ်သမျှ ကက်ဆက် ဇာတ်လမ်း၏ ၇၅%ခန့်တွင် သူသာ သရုပ်ဆောင် ခွင့်ရခဲ့သည်မှာ ထူးခြားလှပါသည်။


သူကွယ်လွန်ပြီးချိန်တွင် ဇနီးသား သမီးများက သူ့အနုပညာ အမွေကို ထိုက် တန်စွာပင် ခံယူပျိုးထောင် နေကြသည်။ ဇနီးဖြစ်သူ ဒေါ်ခင် မာလာမှ ဒါရိုက်တာ ခိုင်မြတ်အောင် အမည်ခံယူပြီး ခိုင်တို့ ညီအစ်မ၊ ချစ်ရင် မပြေးနဲ့၊ မောင်ခေါ်ရာ လိုက်မှာလား ရုပ်ရှင်များနှင့် ဗီဒီယို ကားများစွာ ကိုမိုးမြင့်သော်တာ ရုပ်ရှင်မှ အောင်မြင်စွာ ရိုက်ကူးထုတ်လုပ် လျက်ရှိ သည်။ သမီးဖြစ်သူ ဟေမာနေ၀င်းမှ စတိရီ ယိုတေး များရော မြန်မာ သံစဉ်တေး များပါ ပိုင်နိုင်စွာ သီဆိုပြီး ကျော်ကြားသော တေးသံရှင်ဘ၀ကို ခိုင်မာစွာ ရပ်တည် လျက်ရှိသည်။ ပြီးတော့ သားဖြစ်သူ ရာဇာနေ၀င်း ကလည်း မိခင်၏ မြေတောင်မြှောက်မှုဖြင့် ရုပ်ရှင်ကြည့် ပရိသတ် လက်ခံအားပေးသော သရုပ်ဆောင်အဖြစ် အဖေ့ ခြေရာကို နင်း၍ ရုပ်ရှင်ကားများနှင့် ဗီဒီယိုကားများ အဆက်မပြတ် ရိုက်ကူးခဲ့သည်။


သူကွယ်လွန်သည်မှာ ၂၆ နှစ် ကြာမြင့်ခဲ့ပြီ ဖြစ်သော်လည်း သူ့လုပ်ရပ်များကြောင့်
ကောလိပ်ဂျင်နေ၀င်းဟူသည့် သူ့နာမည်မှာဘယ်တော့မှ သေမည် မဟုတ်ဘဲ ထာဝရ ရှင်သန်နေပါလိမ့်မည်။

(တင်ဆက်ပေးသူ ..... ကေမြူး..။)

တချိန်က လူကြိုက်သိပ်များခဲ့သော မင်းသားကြီးကောလိပ်ဂျင်နေဝင်း
အားအမှတ်တရ အနေနဲ့သူ၏ အကြောင်းလေးအား ပြန်လည်တင်ပြပေးခြင်းသာဖြစ်ပါသည်..။

ကောလိပ်ဂျင်နေဝင်း၏ဇနီးမှာ ဒေါ်ခင်မာလာ ဖြစ်ပြီး....
သန္တာနေဝင်း(သမီး)
ရာဇာနေဝင်း(သား)
ဟေမာနေဝင်း(သမီး)
ရူပါနေဝင်း(သမီး)
တို့ မှာ သူ ၏ သားသမီး လေးယောက် ဖြစ်ပါသည်..။