မေမေနဲ့ တဦးတည်းသော သားလေး တို့ရဲ့ မွေးနေ့ လေးပါ။ ကျမ အတွက် သိပ်ကို အရေးကြီးတဲ့ မေမေနဲ့သားလေးအတွက် အမှတ်တရ အကြောင်းလေးတွေ ကိုသတိတရနဲ့ ရေးထားလိုက်တာကတော့....
စက်တင်ဘာ၂၀ရက်နေ့ကိုပိုင်ဆိုင်ထားတဲ့ ချစ်မေမေ အတွက် မွေးနေ့လက်ဆောင်။
အရင်ရေးမဲ့အကြောင်းကတော့..မေမေအကြောင်းလေးပါ။မေမေ ကတော့ လာမယ်စက်တင်ဘာ(၂၀) ဆိုရင်
မေမေ မွေးနေ့လေးပါ ။မေမေ အကြောင်းကတော့ ကျမ သိပ်ရေးဘို့မလိုတော့ပါဘူး။ မေမေ အကြောင်းကို
ကျမ ထိုင်းနိူင်ငံရဲ့ အမေများ နေ့ကလဲရေးဖြစ်ခဲ့တယ်နော်။ မေမေက မျက်စိ နားနှာခေါင်း လည်ချောင်းဆေးရုံ (ရန်ကုန်မြို့)(Theater Sister) လုပ်ပါတယ်။ ခုတော့ ပင်စင် ယူသွားပါပြီး။
မေမေမွေးနေ့ အတွက် ကျမကို ကျွေးမွေးစောင့်ရှောက် သွန်သင်ဆုံးမခဲ့တဲ့ မေမေကို ကျမ သိပ်နှစ်သက်ခဲ့တဲ့ ကဗျာလေးနဲ့မွေးနေ့လက်ဆောင်အဖြစ်အမှတ်တရလုပ်ပါတယ်။ဒီကဗျာလေးကကျမတို့ခေါင်ဆောင်ကိုယ်တိုင်
စပ်ခဲ့တဲ့ကဗျာလေးပါ။
ဒေါ်အောင်ဆန်းစုကြည်၏
"ရဲရဲတောက် မိခင်ကဗျာ"
သည်းစွာသောအနာကို ကုစားပါအံ့
သမီး၏လုံ့လ၀ီရီယဖြင့် နာလန်ထူပါစေအံ့...
မွေးကျေးဇူးကို မသိတတ်သော
ထိုသူတို့အား
သိနားလည်အောင် ဆွဲဆောင်နိုင်စွမ်းကို
သမီးအား ပေးပါလေ...
တွေ့ရအံ့သော ဘေးရန်တို့ကို
သမီး ထီမည်မဟုတ်...
တဘ၀တွင် တခါသာသေရသည်ဖြစ်၍
အဘယ်နည်းနှင့်သေရသည်ဖြစ်စေ
သမီး၌ မထူးခြား...
သမီး၏ စိတ်ကူးတို့သည်
အကယ်အဖြစ်သို့ ရောက်သောအချိန်တွင်
အသင်တို့သည်လည်း ပျော်မြူးကြရမည်...
အခြားအခြားသော သူတို့၏
ရှုံ့ ချခြင်း
ကဲ့ရဲ့ခြင်း
မုန်းတီးရွံရှာခြင်း
နာမည်ဖျက်ခြင်းတို့ကို
သမီး အလျဉ်း ဂရုမပြု...
မိခင်ထံမှ ဒါမှငါ့သမီး ဟူသော
ကျုးရင့်သံကိုသာ တောင့်တပါ၏...
လောကတွင် မိခင်၏ကျေးဇူးကို
အသိတတ်ဆုံးသမီး ဖြစ်ရပါလို၏။ ။
(ဒေါ်အောင်ဆန်းစုကြည်)
---------------------------------------။
ဒီနေရာလေးကိုနှိပ်လိုက်ပါ။
ကျမ....အတွက် အမြဲတမ်း အခက်ခဲ ကိုမျှဝေပြီး ခံစားပေးခဲ့တဲ့ မေမေအတွက်.......
-မေမေ...သမီးဟာမေမေ လောက်ပေါင်းသင်းဆက်ဆံရေးမကောင်းခဲ့ပါဘူး။
မေမေ...သမီးဟာမေမေလို လူတိုင်းကိုမေမေလိုစိတ်မျိုးမထားနိူင်ခဲ့ဘူး။
မေမေ...သမီးဟာမေမေလို စိတ်စေတနာမကောင်းခဲ့ပါဘူး။
မေမေ...သမီးဟာမေမေလို သီးခံစိတ်မရှိဘူး။
ဒါပေမဲ့....မေမေလို... သမီး မေမေမြေးလေးအပေါ်မှာနားလည်အောင်လမ်း ညွှန်နိူင်ပါတယ်။
ဒါပေမဲ့...မေမေလို... သမီး မေမေမြေးလေးအပေါ်မှာလမ်းမှန်ကိုသွန်သင်ပြနိူင်ပါတယ်။
ဒါပေမဲ့...မေမေလို... သမီး မေမေမြေးလေးအပေါ်ကိုယ်တာဝန်ကိုကိုယ်ကျေပွန်နိူင်အောင်ဆုံးမနိူင်ပါတယ်.။
ဒါပေမဲ့...မေမေလို.... သမီး မေမေမြေးလေးကို မိခင်ကောင်းဖြစ်အောင်ကြိုးစားနိူင်ပါတယ်.။
မေမေ မွေးနေ့မှာ ကျန်းမာပါစေ၊စိတ်ချမ်းသာပါစေ၊မေမေမျှော်လင့်ထားတဲ့ လိုအင်ဆန္န အမြန်ဆုံးပြည့်ဝပါစေ
လို့ ဆုတောင်းပေးရင်းနဲ့ မေမေကို...လက်အုပ်မိုးပြီးကန်တော့လိုက်ပါတယ်မေမေ..။
စက်တင်ဘာ၁၂ရက်နေ့ ကိုပိုင်ဆိုင်ထားတဲ့ ချစ်သားလေး (မြတ်ပုည) ခေါ် (မီကို) လေးမွေးနေ့
သားကဒီနေ့ဆိုရင် (ရ)နှစ်ပြည့်ပါပြီး၊ လွန့်ခဲ့တဲ့ (ရ)နှစ်က ရန်ကုန်မှာမွေးခဲ့တဲ့သားလေးဟာခုတော့မဲဆောက်မှာ
ကြီးပြင်းလာခဲ့ ပါတယ်။မိဘတွေ သွားရာကို ဘယ်တော့မှာ စိတ်မညစ်တတ်တဲ့ ကလေးပါ။ရောက်တဲ့နေရာမှာ
အဆင်ပြေအောင်ပေါင်းသင်းတတ်တယ်၊
ကျမတို့ကို အားလုံးနားလည်ပေးတတ်ခဲ့တယ်၊မိဘမှာပိုက်ဆံမရှိတာလဲသူသိတယ်၊ရှိတာလဲသူသိပါတယ်။သူ့ကို
မွေးခါနီးမှာ အကိုဇာ(စံဇာဏီဘို)နဲ့အမကြီး(မခင်ခင်ဌေး)တို့အိမ်ရောက်တော့ ကိုစံဇာဏီဘိုက လာငါညီမကို
ဗေဒင် တွက်မယ်ဆိုပြီးတွက်ပေးခဲ့တယ်၊ကိုစံဇာဏီဘိုက ကျမတို့နဲ့တလမ်းထဲမှာငယ်ငယ်ကတူတူနေလာခဲ့တာပါ
ယခုတော့(ဗိုလ်ရာညွှန့်လမ်း)ယခင်ကတောဆင်းဒဝစ်လမ်းမှာပေါ့၊နောက်တော့ကြို့ကုန်းကိုပြောင်းသွားတာပါသူ့တို့က။ သူ့ ကျမကိုဗေဒင်တွက်တော့ကျမကိုဗိုက်ခွဲရမယ်၊ဆိုပြီးပြောပါတယ်၊ကျမကမထင်ခဲ့ဘူး၊ညီမဒီလောက်
အရပ်ရှည်တာဟုတ်ပါ့မလားအကိုရာလို့ပြောတော့သူကအေးကြည့်ဟုတ်မဟုတ်။ကျမမွေးတော့ဟုတ်ပါတယ်၊
ဗိုက်ခွဲခဲ့ရတာပါ၊
သားကငယ်ငယ်တည်းကျန်းမာရေးကောင်းတယ်၊ခုထိပါဘဲ၊သားအကြောင်းပြောရရင်မမောနိူင်ပါဘူး၊မိခင်ဆို
တော့လဲ၊ကျမတို့အတွက်သားကအားပါဘဲ၊ကျမတို့မဲဆောက်ရောက်တော့ ထိုင်းလိုမပြောတတ်၊သူစကားကို
မသိကိုယ်စကားသူမသိသနားပါ၏ပေါ့၊
နောက်တော့သားကျောင်းစတက်ခဲ့တယ်၊အဆင်ပြေပါ့မလား၊သူကျောင်းမှာစာလိုက်နိူင်မလားနဲ့လေ၊သူက
ဟုတ်နေတာဘဲ၊သိပ်မကြာလိုက်ဘူး၊သူထိုင်းလိုပြောလာတယ်၊ဟိုဟာကပါဒီဟာကပါနဲ့ကျမတို့ကိုဆရာစလုပ်
တော့တာ၊ခုထိပါဘဲ၊
ခုဆိုရင်ထိုင်းစကားကို ကျမတို့ကိုပြန်တောင် သူသင်ပေးနေပါပြီး၊ကျမတို့အိမ်ရှင်နဲ့စကားပြောလဲ သူပြော ပေးတယ်။ဆေးရုံ၊ဆေးခန်းသူပြောပေးတယ်၊နောက်ရုံးတွေသွားလဲ သူကိုအားကိုးနေရပါတယ်၊ နောက်TV
ကြည့်လဲသူကရှင်းပြပါတယ်။
မြန်မာစာကိုလဲ သူသိပ်ကြိုက်တယ်၊သူ့ကိုသင်ပေးထားတယ်၊ဒါပေမဲ့သူမြန်မာလို့ အပြောခံရမှာတော့သူရှက်သ
လိုဘဲ၊သူ့ကိုဆုံးမတိုင်းအမြဲပြောရတယ်၊ သားမေမေတို့ကမြန်မာ ဘာရှက်စရာရှိလဲ ဒါရှက်စရာမဟုတ်ဘူး
ကိုယ်မြန်မာကို မြန်မာလို့ မပြောတာကမှ ရှက်ဘို့ကောင်းတယ်သားလို့ သူ့အဖေနဲ့ ကျမအမြဲပြောပြရှင်းပြရတယ်၊
ပြောလွန်းလို့လားမသိဘူး၊ခုတော့ သူ့ကိုမေးတိုင်းသူမြန်မာဘဲ ပြောတော့တယ်၊အရင်ကတော့သူထိုင်းလို့ဘဲ
ပြောချင်တာ၊သူ့သူငယ်ချင်းတွေနဲ့တွေ့ရင် တော့ထိုင်းလိုဘဲသူပြောလေ့ရှိတယ်၊သူ့ဆရာမတွေနဲ့ပြောရင်လဲ
သူ့ကိုတဆင့်ပြောခိုင်းရတယ်၊သူ့ကိုဆရာမကကျမတို့ကိုတိုင်ရင်လဲသူ့ကအမှန်အတိုင်းပြောပြတယ်၊သားဆရာမ
ကဘာပြောလဲမေမေတို့ကိုပြောဆိုရင် သူမလိမ်ပါဘူး၊သားအတန်းထဲမှာ စကားများလို့မေမေတို့ကိုပြောပြတာပါ။
သူ့ဆရာမတွေ့တိုင်းတိုင်ရင်သားစကားများလို့ဘဲအတိုင်ခံရပါတယ်၊ကျောင်းစာနဲ့ပတ်သက်ပြီးမတိုင်ခံရပါဘူး
ခုချိန်ထိပါ၊သားစကားမပြောနဲ့လေဆိုရင်၊ဟာမေမေကလဲဘယ်ဖြစ်မလဲစကားတော့ပြောမှာဘဲ.သားကစကား
မပြောဘဲမနေနိူင်ပါဘူးမေမေရာဆိုပြီးတော့အမြဲပြောတတ်တဲ့ကျမသားလေးပါ၊ကျမသားသိပ်ကြိုက်တာတခု
ကတော့စက်ရုပ် တွေဘဲ သူစိတ်ဝင်စားတယ်၊ကျန်တာဘာမှသူမကြိုက်ဘူး၊
သားအပါအဝင်သူငယ်ချင်းသုံယောက်ရှိတယ်၊ အားလုံးမြန်မာတွေဘဲ၊ သိပ်လဲချစ်ကြတယ်၊ခုတော့တိုက်ကွန်နိူ
တက်နေကြတယ်၊သူတို့သုံးယောက်ကဘာဘဲလုပ်လုပ်တူတူလုပ်တတ်ကြတယ်၊ကျောင်းစတက်တည်းကတူတူ
နေလာကြတာဒီနှစ်တော့အတန်းခွဲလိုက်ပါပြီးသူတို့ကိုဆရာမတွေကတူတူမနေတာကောင်းပါတယ်ဆိုပြီးခွဲ
လိုက်တယ်၊
(သားတို့သူငယ်ချင်းသုံးယောက်၊သားကအလည်ကပါ)။
ကျမသားလေး ခုထိတော့သူကြီးလာရင်ဘာလုပ်မယ်ညာလုပ်မယ်တော့မပြောဘူးသေးဘူးခုချိန်ထိ၊
ကျမကတော့အတတ်နိူင်ဆုံး သူ့ဖြစ်ချင်တာလုပ်ပေးမှာဘဲ၊မိဘတိုင်းကတော့ကိုယ့်သားသမီးတွေကို
ကောင်းစေချင်တာပါဘဲ၊ကျမ ဘဝ ရဲ့တိုင်ပင်ဖော် ဟာကျမသားပါဘဲ၊၊
(သားမီကို)
သူမွေးနေ့ လေးကိုနှစ်စဉ်ပြုလုပ်ပေးနေကြဆိုတော့ဒီနှစ်လဲအိမ်မှာပဲထမင်းနဲ့ကြက်သားဝက်သား၊နောက်ငါးပိရည်
တို့စရာအစုံလေးနဲ့ ဟင်းချို၊လေးကိုလာစားကြပါနော်၊ညနေပိုင်းဆိုရင်ရပါပြီးလာစားဘို့အားလုံးကိုဖိတ်ပါတယ်၊
သားအတွက် မွေးနေ့ လက်ဆောင် မေမေတို့ မိသားစုကဗျာလေး....သားဒီနေ့ကစပြီး မေမေနဲ့ဖေဖေတို့နဲ့
နှစ်တိုင်းပျော်ရွှင်ဖွယ်ရာမွေးနေ့များကိုဖြတ်သန်းနိူင်ပါစေ။
အခုဆိုရင်လေ...
ငါ့ကဗျာတွေက..
မင်းအတွက်ဖြစ်လာခဲ့ရပြီ...
“ ၈၈” မှာသိခဲ့တာ ..
မှတ်မှတ်ရရ မင်း်နဲ့ငါ ....
“ ၉၃” မှာပြန်တွေ့ရာ...
ဆန်းသစ်မှုလေးနဲ့ကွာ....
“ ၉၄” မှာနှစ်ယောက်တစ်ဘ၀...
ငါ့တို့ ကြည်းနှုးခဲ့ကြ...
“ ၂၀၀၂” မှာသားသား “ မီကို” တိုးခဲ့တာ...
ပျော်ရွှင်ခဲ့တာမင်းနဲ့ငါ...
သာယာချမ်းမြေ့...
မီကို တို့ မိသားစုလေးဟေ့.။
(၁၂/၂၀) မေ့မရတဲ့ စက်တင်ဘာလရယ်...မွေးနေ့လေးမှာ လာစားသွားကြနော်။
(ပဲထောပါတ်ထမင်း)
(ဝက်သားဟင်း)
(ကြက်သားဟင်း)
(ချဉ်ပေါင်ချဉ်စပ်)
(ငါးပိရည်တို့စရာ)
မျှဝေခံစားနိူင်ကြပါစေ။
*မြတ်လေးငုံ*
