14 May 2011

လာမယ့် အောက်တိုဘာလမှာ ရုံတင်ပြသတော့မယ့် လူထုခေါင်းဆောင် ဒေါ်အောင်ဆန်းစုကြည်ရဲ့ ဘဝဇာတ်ကြောင်းကို ရိုက်ကူးထားတဲ့ THE LADY ဇာတ်ဝင်ခန်းမှ မြင်ကွင်းများ...

ဒေါ်အောင်ဆန်းစုကြည်အဖြစ် သရုပ်ဆောင်တဲ့ မလေးရှားနိုင်ငံဖွား နာမည်ကျော် မင်းသမီး Michelle Yeoh
ကမ္ဘာကျော် လူကြမ်းမင်းသားကြီး ဘဘကြီးလည်း ပါဝင်ပါတယ်။...
(ဘယ်ဘက်က MI စစ်ထောက်လှမ်းရေး အဖြစ် သရုပ်ဆောင်သူကတော့ ကိုခင်မောင်ရင် ဖြစ်ပြီး၊ ဗိုလ်ချုပ်မှုးကြီးအဖြစ် ဦးထွန်းလင်းက သရုပ်ဆောင်ပါတယ်..)
ဒေါ်အောင်ဆန်းစုကြည် နေအိမ်မှာ ဇာတ်ဝင်ခန်းတွေ ရိုက်ကူးနေတဲ့ ပြင်သစ် ဒါရိုက်တာ.. Luc Besson
မင်းသမီး မီရှယ်လ်ယိုး၊ ဒေါ်အောင်ဆန်းစုကြည်ရဲ့ သားငယ် ကိုထိန်လင်း၊ ကွယ်လွန်သူ ခင်ပွန်းမိုက်ကယ်အဲရစ်ရဲ့ အမွှာညီအစ်ကို အန်ထော်နီအဲရစ်တို့အား  ပြီးခဲ့တဲ့ ၂၀၁၀ အောက်တိုဘာလကုန်က ထိုင်းနိုင်ငံ ဘန်ကောက်မြို့ (Chanavorn)၌ တွေ့ရစဉ် .. (ဒေါ်အောင်ဆန်းစုကြည် နေအိမ်အကျယ်ချုပ် မလွတ်ခင်ကပါ)...
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ဘဝဇာတ်ကြောင်းကို ရိုက်ကူးထားတဲ့ The Lady ရုပ်ရှင်ဇာတ်ကားကို လာမည့်အောက်တိုဘာလမှာ ကမ္ဘာနဲ့ အဝှမ်းရုံတင် ပြသမှာ ဖြစ်ပါတယ်...။ Drama / Romance / ဘဝသရုပ်ဖော်တွေ ပါရှိတဲ့ အဆိုပါ ရုပ်ရှင်ဇာတ်ကားအား ပြင်သစ်ဒါရိုက်တာ Luc Besson ကရိုက်ကူးပြီး EuropaCorp, Left Bank Pictures, France 2 Cinema ကုမ္ပဏီတွေက ထုတ်လုပ် ရိုက်ကူးခဲ့တာဖြစ်ပါတယ်...။ 

အဆိုပါ The Lady ဇာတ်ကားရဲ့ဇာတ်ဝင်ခန်းများကို ထိုင်း၊ အင်္ဂလန်၊ ပြင်သစ်နဲ့ မြန်မာနိုင်ငံတွေမှာ သွားရောက်ရိုက်ကူးခဲ့ပြီး မြန်မာပြည်ရဲ့ ဇာတ်ဝင်ခန်းတွေကိုတော့ လူထုခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ သွားရောက် ရိုက်ကူးခဲ့တာ ဖြစ်ပါတယ်။ ပြီးခဲ့တဲ့ ကြာသာပတေးနေ့က ဒေါ်အောင်ဆန်းစုကြည်အဖြစ် သရုပ်ဆောင်ခဲ့တဲ့ ကမ္ဘာကျော် မင်းသမီး Michelle Yeohမှ အဆိုပါဇာတ်ကားကို ရိုက်ကူးခြင်းဖြင့် ဒေါ်အောင်ဆန်းစုကြည်ရဲ့ ဘဝဇာတ်ကြောင်းကို ပိုမို သဘောပေါက်လာလိမ့်မယ်လို့ မျှော်လင့်ကြောင်း ဟောင်ကောင်သို့ ရောက်ရှိစဉ် ပြောဆိုသွားပါတယ်..။
မင်းသမီး Michelle Yeoh ရဲ့ တရုတ်လို အင်တာဗျူးအပြီးမှာ လာမည့် အောက်တိုဘာမှာ ရုံတင်တော့မယ့် The Lady ရုပ်ရှင်နဲ့ ဒေါ်အောင်ဆန်းစုကြည်အကြောင်း အင်္ဂလိပ်လို အင်တာဗျူး နားထောင်နိုင်ပါတယ်...။



အပြည့်အစုံဖတ်ချင်ရင်.. 
http://michelleyeoh.info/Movie/thelady.html မှာသွားရောက် ဖတ်ရှူနိုင်ပါတယ်...။

လူထုခေါင်းဆောင် ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး ကိုယ်စားလှယ် မစ္စတာ နမ်ဘီးယားတို့ တွေဆုံပွဲ မှတ်တမ်း၊ ဓာတ်ပုံ...

ပြီးခဲ့တဲ့ ကြာသာပတေးနေ့က လူထုခေါင်းဆောင် ဒေါ်အောင်ဆန်းစုကြည်နှင့် မြန်မာနိုင်ငံကို (၃)ရက်ကြာ အလည်အပတ် ရောက်ရှိနေတဲ့ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး မစ္စတာ နမ်ဘီးယား တို့တွေ့ဆုံပွဲမှ မြင်ကွင်း ဓာတ်ပုံတွေပါ....။

ဓာတ်ပုံ... ဒီမိုဝေယံ

12 May 2011

အ၀င်နဲ့အထွက်....

အ၀င်နဲ့အထွက်
ကမ္ဘာမြေပြင်ပေါ်သို့ ရောက်ရှိလာသူများရှိသလို၊ ကမ္ဘာမြေပြင်မှ ပြန်လည် ထွက်ခွာသွားသူများ သည်လည်း ဒုနဲ့ဒေး။ ကမ္ဘာမြေပြင်ပေါ်တွင် ရောက်ရှိပြီး သံသရာတွင် ကျင်လည် ကျက်စားကြရင်း သက်တမ်းမကုန်မီစပ်ကြား ပြန်လည် ထွက်ခွာသွားသူတို့သည်လည်း ဒုနဲ့ဒေး။
၁၁.၅.၂၀၁၁ (ဗုဒ္ဓဟူးနေ့) နံနက် (၁၁း၀၀) နာရီအချိန်တွင် မြောက်ဒဂုံမြို့နယ်၊ ၄၈ ရပ်ကွက်၊ မဟာဆွေလမ်းရှိ နေအိမ်တွင် ကွယ်လွန်သွားသော စာရေးဆရာကြီး နတ်နွယ်(ခ) ဦးလှမြင့် အသက် (၇၈)နှစ်အား နာရေးကူညီမှုအသင်း(ရန်ကုန်)မှ သွားရောက်၍ ကျန်ရစ်သော ရုပ်ကလပ် (အလောင်း) အား သယ်ဆောင်ကာ ရေဝေသုဿန်အအေးခန်းသို့ နေ့လည် (၂း၀၀) နာရီတွင် ပို့ဆောင်ပေးခဲ့သည်။
ယင်းနေ့ ၁၁.၅.၂၀၁၁ (ဗုဒ္ဓဟူးနေ့) နေ့လည် (၂း၀၀) နာရီအချိန်တွင်လည်း ရေဝေးသုဿန်၌ ၁၁.၁.၂၀၁၁ နေ့တွင် ကွယ်လွန်သွားပြီဖြစ်သော စာရေးဆရာ၊ ဒါရိုက်တာ မောင်ဝဏ္ဏ၏ ဇနီး ဒေါ်ချိုချိုရီ အသက် (၅၉) နှစ်၏ ဈာပနအခမ်းအနား ကျင်းပချိန်လည်း ဖြစ်သည်။ စာပေ၊ ရုပ်ရှင်၊ ဂီတ အနုပညာရှင်များဖြင့် စည်ကားစွာ ဒေါ်ချိုချိုရီ၏ နောက်ဆုံးခရီးကို လိုက်ပါပို့ဆောင်ခဲ့ကြသည်။

ဆရာ နတ်နွယ်သည် ရေဝေးသုဿန်အအေးခန်းသို့ အ၀င်၊ စာရေးဆရာ၊ ဒါရိုက်တာ မောင်ဝဏ္ဏ၏ မဟေသီ ဒေါ်ချိုချိုရီသည် ရေဝေးသုဿန်ခန်းမမှ အထွက်ပင် ဖြစ်တော့သည်။
 

11 May 2011

ပျဉ်းမနားမြို့  သကြားစက်ရုံက ၀န်ထမ်းတွေ လယ်ယာစိုက်ပျိုးရေးနှင့် ဆည်မြောင်းဝန်ကြီးရဲ့  ကိုယ်ပိုင်ကြံစိုက်ခင်းတွေအတွက် အဓမ္မခိုင်းစေခံနေရ။



















ကျွန်တော်က ပျဉ်းမနားမြို့အရှေ့ဘက် အမှတ် (၃) သကြားစက်ဝန်ထမ်း တစ်ဦးပါ။

ကျွန်တော်တို့ သကြားစက်ဝန်ထမ်းများအား လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးမြင့်လှိုင်၏ ကြံစိုက်ခင်းဧက ၅၀ လောက်ကို နေ့တိုင်း ကြံခင်း၊ ဘောင်လုံး၊ ပေါင်းရှင်း၊ မြက်နုတ်တို့အပြင် စိုက်ခင်းအတွက် မြေသြဇာများအား ကိုက် ၂၀၀ အကွာအဝေးသို့ ထမ်း၍ သယ်ခိုင်းခြင်း အစရှိတဲ့ အလုပ်တွေကို နေ့စဉ် ရက်ဆက် ခိုင်းစေနေပါတယ်။ သို့သော် ၀န်ကြီးဖြစ်သူမှာ သူ၏ ကိုယ်ပိုင်စိုက်ခင်း ကို ယခုလို ၀န်ထမ်းများကို မတရားခိုင်းစေနေခြင်းကို မသိပါ။

တစ်နေ့က ၀န်ထမ်းတွေ ကြံခင်း လုပ်အားပေးနေခိုက် ၀န်ကြီးရောက်ရှိလာသောအခါ ၀န်ကြီး မမြင်စေရန် ၀န်ထမ်းများအား ပြေး၍ ပုန်းခိုင်းပါတယ်။

ဝန်ထမ်းများဟာ စနေ တနင်္ဂနွေ မရှောင် မနက်အစော ညမိုးချုပ် မရှောင် နေ့စဉ်ရက်ဆက် အလကား ကိုယ့်ထမင်းကိုစား ကိုယ့်ရေဗူး ကိုယ်သောက်ပြီး အလုပ်လုပ်ပေးနေရပါတယ်။

ဤသို့လုပ်နေရခြင်းမှာ ၀န်ကြီးက မသိပါ။ ဒုတိယ မန်နေဂျင်း ဒါရိုက်တာ (MD) ရုံးချုပ်မှ ခိုင်းစေနေခြင်း မျက်နှာလုပ်နေခြင်း ဖြစ်ပါတယ်။

နောက်ပြီး ကျွန်တော်တို့  အမှတ် (၂)၊ အမှတ်(၃) သကြားစက်ဝန်ထမ်းတွေဟာ ရုံးတက်ချိန် မနက် (၈း၀၀) နာရီမှ ညနေ (၄း၃၀) နာရီထိ အလုပ်ဆင်းနေရပါတယ်။ ဘယ်အစိုးရ၀န်ထမ်းမဆို မနက် (၉း၃၀) ကနေ ညနေ (၄း၀၀) နာရီထိ အလုပ်ဆင်းချိန်ဖြစ်ပါတယ်။

အခုလို ၀န်ကြီးရဲ့  ကိုယ်ပိုင်ကြံစိုက်ခင်းတွေကို အခမဲ့ မတရားခိုင်းစေနေခြင်းနဲ့  အလုပ်ချိန်ကို မမှန်မကန် ခိုင်းစေနေခြင်းတို့ ကို ကျွန်တော်တို့  သကြားစက်ရုံဝန်ထမ်းတွေအနေနဲ့  လုံးဝ မကျေနပ်ကြပါ။ ဒီအတွက် နိုင်ငံတကာ အလုပ်သမားအဖွဲ့ချုပ်
(International Labor Organization - ILO) ကို တိုင်ကြားချင်ပါတယ်။ အများသူငှာ သိရအောင်လည်း ယခုလို ဖေါ်ပြအပ်ပါတယ်။ သက်ဆိုင်ရာက မတရားမှုကို လက်တွေ့ ကျကျ အမြန်ဆုံး အရေးယူပေးစေချင်ပါတယ်။


ပျဉ်းမနားမြို့ အရှေ့ဘက် သကြားစက်ဝန်ထမ်းများ။

အလင်းအိမ်မဂ္ဂဇင်း မေလထုတ်နှင့် (၅)နှစ်မြောက် ဝတ္ထုတိုပြိုင်ပွဲ ဆုရဝတ္ထုတိုများ.....

အလင်းအိမ်..(MAY)

အမျိုးသားဒီမိုကရေစီအဖွဲ့ချုပ်ရဲ့ ဒဿမအကြိမ်မြောက် နိုင်ငံရေး ယုံကြည်ချက်ကြောင့် အကျဉ်းကျနေသူများ၏ သားသမီးများ အတတ်ပညာရေး ထောက်ပံငွေ ပေးအပ်ပွဲ အခမ်းအနား(သတင်း၊ ဓာတ်ပုံ)

ဓာတ်ပုံ ဒီမိုဝေယံ

အမေ့အိမ်ကျောင်းဆင်းပွဲ......

အလှူရှင်များနှင့် သူငယ်ချင်းများ အာလုံးမင်္ဂလာပါ..

အမေ့အိမ် ပညာဒါနကျောင်းရဲ့ Summer Course သင်တန်းဆင်းပွဲ အခမ်းအနားကို လာမယ့် (29th May) မနက်(09:00)မှာ ကျင်းပပြုလုပ်ပါမည်။ သူငယ်တန်း မှ ၅တန်း ထိ( English နှင့် ပန်းချီ) သင်တန်းသား ၃၀၀ ယောက်။ ၄တန်း မှ ၁၀တန်းထိ (Grammer and Speaking) သင်တန်းသား ၁၃၀ ယောက်။ ယဉ်ကျေးလိမ္မာ သင်တန်သား ၆၀ ယောက် တို့ကို သင်တန်းဆင်း Certificate များနှင့် ထူးချွန် ကျောင်းသားများကို ဂုဏ်ပြုဆုများ ပေးအပ်ပါမည်။

အခမ်းအနားတွင်…..

(၁) စေတနာဖြင့်သင်ကြားပေးခဲ့သောဆရာ ဆရာမ များအားကန်တော့ခြင်း။
(၂) ခလေးများ၏ English စာစွမ်းရည်ပြသခြင်း။
(၃) ပန်းချီး စွမ်းရည်ပြသခြင်း
(၄) Certificate များနှင့်

ထူးချွန်ကျောင်းသားများကို ဂုဏ်ပြုဆု ပေးအပ်ခြင်းတို့ ပြုလုပ်ပါမည်။

လာမည့် 2011-12 ပညာသင်နှစ်အတွက် မူလတန်းကို ပုံမှန် တနလာင်္ မှ သောကြာထိ ၅တန်း မှ ၁၀တန်း ထိ English စာနှင့် Computer သင်တန်းများကို စနေနှင့် တနင်္ဂနွေနေ့တွေမှာ သင်ကြားပေးပါမည်။

အမေ့အိမ် ကျောင်းအဆောက်အဦးမှာ လုံလောက်သော အကျယ်အ၀န်းရှိ ပြီး ဖြစ်သော်လည်း ခလေးများ အတွက် စာသင်ခုံမှာ ၁၅ စုံသာ ရှိပါသေးသည်။ အတန်း ၃ တန်းကို တစ်ချိန်တည်း သင်ကြားနိုင်ရန်အတွက် စာသင်ခုန် နောက်ထပ် ၁၅ စုံ လိုအပ်လျှက် ရှိနေပါသေးသည်။ စာသင်ခုံတစ်စုံလျှင် သစ်သားဖိုး ၁၅၀၀၀ ကျပ်နှုန်းဖြင့် လှူဒါန်းနိုင်ပါသည်။ လက်သမားခ လုပ်အားဒါန လှူဒါန်းမည့်သူများ ရှိပါသည်။

ကျောင်းဆင်းပွဲ အခမ်းအနားသို့ လည်း အားလုံးကြွရောက် အားပေးကြပါရန်.. လေးစားစွာဖြင့် ဖိတ်ကြားအပ်ပါသည်။

လေးစားစွာဖြင့်
ကိုငယ်
09 5162060

ပြည်သူ့ ခရီးကြမ်း (ကဗျာ)

ပြည်သူ့ ခရီးကြမ်း

သံတိုင်အထပ်ထပ်
သော့ နဲ့ ခတ်လည်း
မင်းခွန်မင်းအား
စိတ်ဓာတ်များက
သွေးတို့ ရဲနီ
တာဝန်ကြေခဲ့ ပြီ......။

ယုတ်ရင်းကြမ်းတမ်း
အာဏာရှင်ရဲ့ 
ငရဲခန်းမှာ
နှိပ်စက်ညှဉ်းပမ်း
ပြည်သူတွေအတွက်
ခရီးလည်းပမ်းခဲ့ ပြီ....။

မင်းရဲ့ စိတ်ဓာတ်
ဆုံးဖြတ်ချက်က
နိုင်ငံအရေး
ကိုယ်အရေးလို
အနစ်နာခံ
ဇွဲသန်သန်နဲ့ 
ပြည်သူထဲကတစ်ယောက်
ရဲရဲတောက်တောက်ခဲ့ ပြီ....။

မင်းရဲ့ တိုက်ပွဲ
မပြီးသေးလည်း
မျက်နှာအဟောင်း
အသစ်တစ်ယောက်
ပြောင်းခဲ့ ပြီ.....။

အာဏာရှင်
တစ်ယောက်ပြီး တစ်ယောက်ရဲ့ လက်ထဲ
တိုင်းပြည်လည်းမွဲခဲ့ ပြီ.....။

တို့ ရဲတိုက်ပွဲ
ရှေ့ ဆက်နွဲရန်
မင်းရဲ့ ဆန္ဒ
ထက်တူကြအောင်
တို့ ကြိုးစားနေတယ် သူငယ်ချင်း....။


ကိုမိုးဟိန်း (နိုင်ငံရေး တက်ကြွလှုပ်ရှားသူ လူငယ်တစ်ဦး )

-နိုင်ငံရေးအကျဉ်းသား တစ်ဦးဖြစ်သူ ကိုကြည်ဖြူ(NLD)အတွက် ဂုဏ်ပြုကဗျာ။

အမျိုးသားဒီမိုကရေစီအဖွဲ့ချုပ် လူငယ်အဖွဲ့ဝင် တစ်ဦးဖြစ်တဲ့ ကိုကြည်ဖြူဟာ ယခု စစ်အစိုးရ အကျဉ်းထောင်တွင် မတရားပုဒ်မများဖြင့် ထောင်ဒဏ် ၆ နှစ် ၆ လပြစ်ဒဏ် ချမှတ်ခံနေရပါတယ်။ လာမယ့် ၁၅ ရက်နေ့မှာ ကျရောက်မယ့် ကိုကြည်ဖြူ မွေးနေ့ အမှတ်တရ အတွက် ကဗျာလေးတစ်ပုဒ်ပါ။

10 May 2011

၂၀၁၁ ခုနှစ် ပြည်သူ့ဂုဏ်ရည် ဆန်ခါတင် ၅ ဦး



လူမှုအထောက်အကူပြုအဖွဲ့ (အမျိုးသားဒီမိုကရေစီအဖွဲ့ချုပ်)




အမျိုးသားဒီမိုကရေစီအဖွဲ့ချုပ် လူမှုအထောက်အကူပြုအဖွဲ့ကို ၁၉၉၅ ခုနှစ် သြဂုတ်လတွင် စတင်ဖွဲ့စည်းခဲ့သည်။ ထိုသို့ ဖွဲ့စည်း နိုင်ရေး အတွက် အဓိက တိုက်တွန်း ခဲ့သူမှာ အထွေထွေ အတွင်းရေးမှူး ဒေါ်အောင်ဆန်းစုကြည် ဖြစ်သည်။
စတင်ဖွဲ့စည်းစဉ်က တာဝန်ယူခဲ့သည့် ပုဂ္ဂိုလ်များမှာ
(၁) ဦးဝင်းထိန် - (ဥက္ကဋ္ဌ)
(၂) ဦးအုန်းမြင့် (သခင်အုန်းမြင့်) - (ဒုဥက္ကဋ္ဌ) (ကွယ်လွန်)
(၃) ဦးကျော်မင်း (ပုသိမ်မြို့နယ် ပြည်သူ့လွှတ်တော်ကိုယ်စားလှယ်) - အဖွဲ့ဝင် (ကွယ်လွန်)
(၄) ဦးသိန်းတင် (ရန်ကုန်တိုင်းစည်း)- အဖွဲ့ဝင် (ကွယ်လွန်)
(၅) ဒေါ်စန်းစန်း (ဆိပ်ကမ်းမြို့နယ် ပြည်သူ့လွှတ်တော်ကိုယ်စားလှယ်) - အဖွဲ့ဝင်
(၆) မနီနီဝေ (လူငယ်) - အဖွဲ့ဝင်
(၇) ကိုတင်လှိုင် (ခ) ကိုအီဗား (လူငယ်) - အဖွဲ့ဝင်
တို့ဖြစ်သည်။
စတင်စဉ် ကပင် တစ်ဦးချင်း သဒ္ဓါပေါက်သူများ လှူဒါန်းသော အလှူငွေများဖြင့် နိုင်ငံရေး အကျဉ်းသား များအား တစ်ဦးလျှင် ၅၀၀ ကျပ်နှုန်း လစဉ် ထောက်ပံ့ ခဲ့သည်။ ၁၉၉၆ မေလတွင် ဦးဝင်းထိန်၊ ဦးကျော်မင်း၊ ဦးသိန်းတင်၊ ကိုတင်လှိုင် (ခ) အီဗား တို့ အထိန်းသိမ်း ခံခဲ့ရပြီးနောက် သခင်အုန်းမြင့်က ဦးစီး၍ သင့်လျော်သော ပုဂ္ဂိုလ်များဖြင့် ဆက်လက် ဆောင်ရွက် ခဲ့သည်။ ထောက်ပံ့ငွေ ကိုလည်း တစ်လလျှင် ၁၀၀၀ ကျပ် / ၁၅၀၀ ကျပ် စသဖြင့် ပိုမို ထောက်ပံ့ နိုင်ခဲ့သည်။
၂၀၀၁ ခုနှစ်မှ စ၍ အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးက ဦးစီးပြီး ဦးတင်ဦး(ဥက္ကဋ္ဌ)၊ သခင်အုန်းမြင့်( ဒုဥက္ကဋ္ဌ)၊ ဦးလှသိန်း (တာမွေ ပြည်သူ့ လွှတ်တော် ကိုယ်စားလှယ်)(အတွင်းရေးမှူး) ၊ ဒေါ်ကြည်ကြည်ဝင်းတို့က တာဝန်ယူ ဆောင်ရွက် ခဲ့သည်။
၂၀၀၃ ခုနှစ် ဒီပဲယင်း အရေးအခင်း ပြီးနောက် သခင်အုန်းမြင့်၊ ဦးအောင်စန်းမြင့်၊ ဦးလှသိန်း၊ ဦးသိန်းဦး တို့က တာဝန်ယူ ဆောင်ရွက် ခဲ့သည်။
၂၀၀၉ ခုနှစ်မှ စ၍ အဖွဲ့ကို ပြန်လည် ဖွဲ့စည်းခဲ့ပြီး လက်ရှိ တာဝန်ယူ သူများမှာ ဦးတင်ဦး (ဥက္ကဋ္ဌ)၊ ဦးနိုင်းနိုင်း၊ ဦးဝင်းထိန်၊ ဒေါ်ခင်သန်းလှ၊ ဦးစောလှိုင်၊ ဦးလှသိန်း၊ ဒေါ်ကြည်ကြည်ဝင်း(ကြည့်မြင်တိုင်)၊ ဒေါ်ကြည်ကြည်ဝင်း(စမ်းချောင်း) တို့ဖြစ်သည်။
ယခုအခါ နိုင်ငံရေး အကျဉ်းသား ၆၀၀ ကျော် တို့အား တစ်ဦးလျှင် တစ်လ ၅၀၀၀ ကျပ်စီဖြင့်၎င်း၊ မဲစနစ်ဖြင့် တာဝန် ယူသော ထောက်ပံ့သူများ ဖြင့်သော်၎င်း၊ ဆေးရုံ တက် နေရသော အကျဉ်းသား များအား ကျပ် ၁သောင်းမှ ၅ သောင်း အထိ၎င်း၊ အကျဉ်းထောင်မှ ပြန်လည် လွတ်မြောက် လာသူများအား တစ်ဦးလျှင် ခရီးစရိတ် ၁ သောင်းစီ ဖြင့်၎င်း တိုးချဲ့ ထောက်ပံ့ လျက်ရှိသည်။
လူမှုအထောက်အကူပြုအဖွဲ့၏ လှုပ်ရှားမှု အချို့မှာ -
အမေ့အိမ်စာသင်ကျောင်း
NLD လူမူ အထောက်အကူ အဖွဲ့ ကနေ ဖွင့်ထားတဲ့၊ အထူးသဖြင့် NLD လူငယ်တွေနဲ့ ကျောင်းသား လူငယ်တွေ ဦးဆောင်ပြီး ဆင်းရဲသော ကလေးငယ် တွေအတွက် လှိုင်သာယာ မြို့နယ်မှာ ဖွင့်ထားတဲ့ အမေ့အိမ် စာသင်ကျောင်း လေးပါ။ စာသင်ကျောင်းရဲ့ မြေနေရာကို လှူဒါန်းတဲ့ ပိုင်ရှင် ကတော့ NLD လှိုင်သာယာ မြို့နယ်စည်း အဖွဲ့ဝင် ကိုအေးဘို ဖြစ်ပါတယ်။ စာသင်ပေး နေသူ အများစု ကတော့ NLD လူငယ် ခေါင်းဆောင် တွေနဲ့ လူငယ် အဖွဲ့ဝင်တွေ များပါတယ်။ အချို့ NLD မဟုတ်တဲ့ ကျောင်းသား လူငယ် တွေလည်း လာပြီး ကူညီပြီး သင်ပေးနေပါတယ်။



ကိုဇာဂနာ



အမည်ရင်း ဦးသူရ (ခေါ်) ကိုဇာဂနာဟာ ရန်ကုန်မြို့ဇာတိဖြစ်ပြီး၊ စာရေးဆရာကြီးနန်းညွန့်ဆွေ နဲ့စာရေးဆရာမကြီး ဒေါ်ကြည်ဦးတို့က ၁၉၆၁ ခုနှစ် ဇန်နဝါရီလ ၂၇ ရက်နေ့မှာ မွေးဖွားခဲ့ပါတယ်။

ကိုဇာဂနာဟာ ၁၉၈၅ ခုနှစ်မှာ ရန်ကုန်မြို့ သွားဖက်ဆိုင်ရာဆေးတက္ကသိုလ်က သွားဖက်ဆိုင်ရာ ဆရာဝန်ဘွဲ့ ကို ရရှိ ခဲ့ပေမယ့် သွားဆရာဝန် တဦးအဖြစ် အသက်မွေး ဝမ်းကြောင်းမပြုခဲ့ဘဲ ပြည်သူက ချစ်တဲ့ အနုပညာရှင် တဦး ဘဝကို ရွေးချယ်ခဲ့ပါတယ်။
ကိုဇာဂနာဟာ ရုပ်ရှင်၊ သဘင်၊ ဂီတ၊ စာပေ ဘက်စုံထူးချွန်တဲ့ စွယ်စုံရ အနုပညာရှင် တဦးဖြစ်ပါတယ်။ ၁၉၈၀ ပြည့်လွန်နှစ်များမှ စလို့ မြန်မာနိုင်ငံရဲ့ အထင်ရှားဆုံး လူရွှင်တော် တဦးဖြစ်လာခဲ့ပါတယ်။ သူ့ရဲ့ စူးရှတဲ့ အတွေးအမြင်တွေကနေ ပေါက်ဖွားလာခဲ့တဲ့ ပြောင်မြောက်တဲ့ ပျက်လုံးတွေဟာ ပြည်သူလူထုရဲ့ ဘဝအမောတွေကို သက်သာပြေပျောက် စေခဲ့ပါတယ်။
ပြည်သူလူထုနဲ့ တသားတည်း ရှိခဲ့တဲ့ ကိုဇာဂနာဟာ အမှန်တရားကို လိုလားသလို တာဝန်သိသူ ရဲရင့်သူ တဦးလဲ ဖြစ်ပါတယ်။ ကိုဇာဂနာဟာ သူ့ရဲ့ နိုင်ငံရေး ယုံကြည်ချက်ကြောင့် အကြိမ်ကြိမ် အခါခါ ဖမ်းဆီး အကျဉ်းချခြင်း ခံခဲ့ရ ရုံ သာမက သူ့ရဲ့ အနုပညာလုပ်ငန်းတွေကိုပါ ပိတ်ပင် တားဆီးခြင်း ခံခဲ့ရပါတယ်။
၂၀၀၈ခုနှစ် မေလ အတွင်းမှာတော့ မြန်မာနိုင်ငံကို ဖြတ်သန်းတိုက်ခတ်ခဲ့တဲ့ နာဂစ်မုန်တိုင်း ကြောင့် ပြည်သူလူထု သိန်းနှင့်ချီ အသက် အိုးအိမ် စည်းစိမ်တွေ ဆုံးရှုံးခဲ့ရပြီး ဘေးဒုက္ခ ကြီးစွာ ကျရောက် ခဲ့ကြပါတယ်။
ကိုဇာဂနာဟာ မေလ ၃ ရက်နေ့ နာဂစ်မုန်တိုင်း တိုက်ခတ်အပြီး ၄ ရက်အကြာ ကစပြီး လေဘေး ကယ်ဆယ်ရေး လုပ်ငန်းတွေကို အနုပညာရှင်ပေါင်း များစွာနဲ့ တက်တက်ကြွကြွ လုပ်ကိုင် ခဲ့သူဖြစ်ပါတယ် ။ ခရီး လမ်းပန်း အခက်အခဲမျိုးစုံ၊ အနှောက်အယှက် အတားအဆီး မျိုးစုံကြားက ဒုက္ခအတိ ရောက်နေကြတဲ့ လေဘေးသင့် ပြည်သူလူထုထံ အကူအညီတွေ အမြန်ဆုံး ရောက်ရှိအောင် နည်းလမ်းမျိုးစုံ အသုံးပြုပြီး လျင်မြန်သွက်လက် ထိရောက်စွာ မနေမနား ဆောင်ရွက်နိုင် ခဲ့ပါတယ် ။ ပြည်သူလူထုကိုလည်း မီဒီယာတွေက တဆင့် အမြန်ဆုံး သတင်းပို့ ရှင်းပြ နိုင်ခဲ့ပါတယ်။
မုန်တိုင်း တိုက်ခတ်အပြီး တလခန့် အကြာမှာ ကိုဇာဂနာနဲ့ သူ့ရဲ့လုပ်ဖော်ကိုင်ဖက် ၄၀၀ ကျော်တို့ဟာ ကယ်ဆယ်ရေးအပြင် ပြန်လည်ထူထောင်ရေး လုပ်ငန်းတွေကိုပါ ပူးတွဲလုပ်ကိုင် နိုင်ခဲ့ပါတယ်။
အာဏာပိုင်တွေ ထိန်းချုပ်ထားတဲ့ စာနယ်ဇင်းတွေက “နိုင်ငံတော်က မုန်တိုင်းကယ်ဆယ် ရေးကို ကောင်းမွန် ကျွမ်းကျင်စွာ ကိုင်တွယ်နိုင်ကြောင်း” ၀ါဒ ဖြန့်နေခဲ့ချိန်မှာ၊ ကိုဇာဂနာ ဦးဆောင်တဲ့ လူငယ်နဲ့ အနုပညာရှင်တွေ၊ ကိုကျော်သူ, မရွှေဇီးကွက်တို့ ဦးဆောင်တဲ့ နာရေးကူညီမှု အသင်းကြီးနဲ့ မြန်မာလူငယ် စေတနာရှင် အစု အဖွဲ့တွေဟာ မုန်တိုင်း ကယ်ဆယ်ရေးလုပ်ငန်းတွေမှာ စောလျင်စွာ ကိုယ့် အားကိုယ်ကိုး ဆောင်ရွက် နိုင်ခဲ့ကြသလို၊ ဆရာတော်များ၊ သံဃာတော်များ ကလည်း တတပ်တအား ဦးစီး ဆောင်ရွက်နိုင်ခဲ့ကြပါတယ်။
အဲသလို မြန်မာပြည်တ၀ှမ်း လူထုလူတန်းစား အသီးသီးက စေတနာ ထက်သန်စွာ လိုက်လံ ၀ိုင်းရံနေကြချိန်မှာ ကိုဇာဂနာ ဖမ်းဆီး ထိမ်းသိမ်း ခြင်း ခံခဲ့ရပါတယ်။ ဧရာဝတီတိုင်း ဖျာပုံမြို့နယ် မိန်းမလှကျွန်း ဘက်မှာရှိတဲ့ ချောင်းရိုးတလျှောက် အကူအညီမရ ဖြစ်နေကြတဲ့ ဒုက္ခသည်တွေကို အစားအစာနဲ့ ကယ်ဆယ်ရေး ပစ္စည်တွေ ကိုယ်တိုင်သွားရောက် အကူအညီပေးပြီး မကြာခင်မှာ အဖမ်းခံ ခဲ့ရတာ ဖြစ်ပါတယ်။
လူမှုရေးလုပ်ငန်းတွေ အတွက် အလှူရှင်တွေ၊ လုပ်အားပေး စေတနာရှင်တွေနဲ့ ပရိသတ် အားလုံးကို စည်းရုံးနိုင်သူ၊ အလုပ် ပြီးမြောက်အောင် ဆောင်ရွက်သူ၊ ရဲရင့်ပွင့်လင်းစွာ ပြောဆို တင်ဆက်နိုင်သူ ကိုဇာဂနာဟာ ရန်ကုန်ကို ပြန်ရောက်လာ ပြီးနောက် သူမြင်တွေ့ခဲ့ရတဲ့ လေဘေးဒဏ်သင့် ပြည်သူတွေရဲ့ ဒုက္ခ အခက်အခဲတွေ ရင်ဆိုင်နေကြရပုံ၊ အစိုးရနဲ့ နိုင်ငံတကာ အကူအညီတွေ လူထုဆီ အချိန်မီ မရောက်ရှိပုံ၊
စေတနာရှင်တွေ လုပ်အားပေးတွေက ယခုထက် ပိုမို လျင်မြန် ထိရောက်အောင် ကူညီပေးနိုင်ရေး အတွက် မလိုလားအပ်တဲ့ အခက်အခဲ အတား အဆီးတွေ ဖယ်ရှား ပေးသင့်ပုံ၊ စတဲ့ အတွေ့ အကြုံနဲ့ ခံ စားချက်တွေကို မီဒီယာတွေ ကတဆင့် ပြည်သူများထံ လွတ်လပ် ပွင့်လင်းစွာ ဝေဖန် ပြောဆိုခဲ့ ပါတယ်။ အဲသလို ဝေဖန် ပြောဆို မှုတွေ အပြီးမှာ ဖမ်းဆီး ခံခဲ့ရပါတယ်။ ကနဦးက ထောင်ဒဏ်၅၉နှစ် ချမှတ်ခံခဲ့ရပြီး ၂၄နှစ် လျော့ပေါ့ပေးသည် ဆိုတဲ့ အတွက် ထောင်ဒဏ် ၃၅နှစ် ကျခံ နေရဆဲ ဖြစ်ပါတယ်။
တခေတ်မှာ တယောက်သာ ပေါ်ထွန်းခဲ့တဲ့ ပြည်သူ့ အချစ်တော် လူရွှင်တော်ကြီး ကိုဇာဂနာဟာ အခုလို ပြည်သူ့ ဂုဏ်ရည် အခမ်းအနားကြီး ကျင်းပနေချိန်မှာ မြန်မာနိုင်ငံ မြောက်ပိုင်းက ကချင်ပြည်နယ်၊ မြစ်ကြီးနား အကျဉ်းထောင် ထဲမှာ ရှိနေ ပါ လိမ့် မယ်။
ပြည်သူ လူထုရဲ့ ဒုက္ခ ဆင်းရဲ တွေကို မျှဝေ ခံစားရင်း နာဂစ် လေမုန်တိုင်းသင့် ပြည်သူတွေရဲ့ စေတနာ့ဝန်ထမ်း ကယ်ဆယ်ရေး လုပ်သားကြီးကို ပြည်သူ တွေက ဘယ်တော့မှ မမေ့ မလျော့ဘဲ အစဉ်အမြဲ ကျေးဇူး တင်နေကြမှာ အမှန်ပင် ဖြစ်ပါတော့တယ်။

မဖြူဖြူသင်း၊ တောင်ဒဂုံ အိတ်ခ်ျအိုင်ဗွီစင်တာ တာဝန်ခံ




မဖြူဖြူသင်းဟာ ရန်ကုန် ဇာတိ ဖြစ်ပြီး ၁၉၇၂ ခုနှစ်မှာ မွေးဖွား ခဲ့ ပါတယ်။ ရန်ကုန် တက္ကသိုလ်မှာ သမိုင်း ဘာသာ အဓိကဖြင့် ပညာ သင်ကြားခဲ့ပါတယ်။

အမျိုးသား ဒီမိုကရေစီ အဖွဲ့ချုပ် လူငယ် အဖြစ် ပါတီ လုပ်ငန်းများ ဆောင်ရွက် နေစဉ် ၂၀၀၂ ခုနှစ်မှာ အထွေထွေ အတွင်းရေးမှူး ဒေါ်အောင်ဆန်း စုကြည်ရဲ့ ညွှန်ကြားချက် နဲ့ လူငယ် ၂၀ ဦး စိစစ်ရွေး ချယ်ရာမှာ တဦး အဖြစ် ပါဝင်ခဲ့ပြီး UNDP ရုံးက HIV ကာကွယ် တားဆီးရေးနဲ့ ပြုစု စောင့်ရှောက် ရေးသင်တန်းကို တက်ရောက်ခဲ့ပါတယ်။ အဲဒီကနေစပြီး HIV/AIDS ကူညီကာကွယ်စောင့်ရှောက်ရေး လုပ်ငန်းများကို စတင်လုပ်ဆောင် ခဲ့ပါတယ်။ ၄င်းတို့ အဖွဲ့ စတင် တည်ထောင်စဉ် ကပင် အဖွဲ့ ချုပ်လူငယ်များ နဲ့ စတင်ခဲ့သဖြင့် အာဏာပိုင်များရဲ့ နှောင့်ယှက်မှု များကို အမြဲလိုလို ကြုံတွေ့ ခဲ့ရပြီး ဖမ်းဆီးခံရမှု များပင် ရှိခဲ့ပါတယ်။ NGO တွေက နိုင်ငံရေးနဲ့ မပတ်သက်ရဘူး ဆိုတဲ့ အတွက်ကြောင့် လဲ ဘယ် NGO ကမှ သူတို့ကို မကူညီရဲ ကြပါဘူး။ မဖြူဖြူသင်း ခေတ္တတိမ်းရှောင်နေစဉ်အတွင်း သူမရဲ့ ဖခင်ဆုံးပါးသွားခဲ့ပါတယ်။ ဖခင်ကြီးရဲ့ နောက်ဆုံး ခရီး ကို ပင် လိုက်ပါ ပို့ဆောင် ပေးနိုင်ခြင်း မရှိခဲ့ပါ။

လုပ်ငန်း စတင်တဲ့အချိန်က ရောဂါသည်များကို အားပေးမှုအပိုင်းသာ လုပ်ပေးနိုင်ခဲ့ပေမယ့်လို့ အခုဆိုရင် လူနာ များကို အေ အာ ဗွီ ဆေးများ တိုက်ကျွေးနိုင်ခဲ့ပြီလို့ သိရပါတယ်။ တနိုင်ငံလုံး အတိုင်းတာဖြင့် ယခုအချိန်မှာ လူနာပေါင်း လေးထောင်ကျော်ရှိနေပြီိး အခက်အခဲပေါင်းများစွာကို နေ့စဉ်နှင့်အမျှ ရင်ဆိုင်ဖြေရှင်းနေရပါတယ်။ လူနာများအားတတ်နိုင်သလောက် ကူညီဆောင်ရွက် ပေးနေရာမှာ သူမ ရဲ့ မိသားစုများကပါ ကူညီပေး ခဲ့ကြပါတယ်။

ကုလသမဂ္ဂ (UN AIDS) က ထုတ်ပြန်ထားတဲ့ ကိန်းဂဏန်းများအရ မြန်မာပြည်မှာ အိတ်ခ်ျအိုင်ဗွီ ရောဂါပိုး ကူးစက်ခံရသူ (၃) သိန်း (၆) သောင်းကျော်ရှိပြီး အေအိုင်ဒီအက်စ် ရောဂါတိုက်ဖျက်ရေး လုပ်ငန်းများအတွက် ကျန်းမာရေး ဝန်ကြီးဌာနရဲ့ အသုံးစရိတ်ကတော့ တနှစ်အတွက် အမေရိကန် ဒေါ်လာတသိန်း ဝန်းကျင်သာ ရှိတယ်လို့ဆိုပါတယ်။ အဲဒီပမာဏကနေ လူတဦးချင်းစီ ပျမ်းမျှရရှိမယ့် ကျန်းမာရေး စောင့်ရှောက်မှုနှုန်းကတော့ အိမ်နီးချင်း ထိုင်းနိုင်ငံမှာ အစိုးရက နိုင်ငံသားတဦးအတွက် အကုန်အကျခံတဲ့ ပမာဏထက် အဆပေါင်း (၂၅ဝ) ခန့် လျှော့နည်းတယ်လို့ ကမ္ဘာ့ကုလ သမဂ္ဂအဖွဲ့ကြီးရဲ့ စာရင်းဇယားများက ဆိုပါတယ်။

မြန်မာနိုင်ငံမှာ ခုခံအားကျဆင်းမှုရောဂါနှင့် ပတ်သက်ပြ်ီး ကာကွယ်တားဆီးရေး လုပ်ငန်းများကို လုပ်ဆောင်ရာမှာ အန်ဂျီအိုများအနေနဲ့ အိတ်ခ်ျအိုင်ဗီ/ အေအိုင်ဒီအက်စ်နဲ့ ပတ်သက်ပြီး အသိပညာပေး ဟောပြောပွဲ ကျင်းပမယ်ဆိုရင် အစိုးရထံသို့ ခွင့်ပြုချက်အဆင့်ဆင့်တင်ရခြင်း ၊ လူဦးရေ ကန့်သတ်ပေးခြင်း၊ နေရာဒေသ ကန့်သတ်မှုများရှိနေခြင်း တို့အပြင် နယ်ဒေသများသို့ သွားရောက်ပညာပေးမယ် ဆိုပါက သွားရောက်ခွင့်ကို အဆင့်ဆင့် တောင်း ခံရခြင်း တို့ကြောင့် NGO, INGO အများစုတို့မှာ အကန့်အသတ်တွေများပြားလာခဲ့ပါတယ် ။ အဲဒီလိုအဖြစ်အပျက်တွေကြောင့် AIDS ကာကွယ်တားဆီးရေး လုပ်ငန်းတွေပါ အားနည်းလာခဲ့ရတဲ့ အခြေအနေမျိုးဆိုက်ရောက် ခဲ့ရပါတယ်။ မဖြူဖြူသင်းလို မေတ္တာ၊ကရုဏာအပြည့်နဲ့ အပင်ပန်း၊ အဆင်းရဲခံပြီး၊ ကျယ်ပြန့်ထိရောက်စွာ စေတနာ့ဝန်ထမ်း လုပ်ဆောင်နိုင်ခြင်းကတော့ သူမရဲ့ ထင်ရှားတဲ့ အရည်အချင်းတခု ဖြစ်ပါတယ်။

မဖြူဖြူသင်းဟာ ၂ဝဝ၂ ခုနှစ်မှစ၍ တောင်ဒဂုံမြို့နယ် ရပ်ကွက်(၁၈) နဲ့ (၂၀) ရှိ ကယ်ဆယ်ရေးဂေဟာ (၂) ခု
ကို ဦးဆောင် တာဝန်ယူခဲ့သူ ဖြစ်ပြီး ယခုအချိန်ထိ အဆိုပါ ဂေဟာများဟာ နိုင်ငံတဝှမ်းမှ ဝေဒနာရှင် ငါးထောင်ကျော်ကို အခမဲ့ ဆေးဝါး အကူအညီ ပေးနိုင်ခဲ့ပြီ လို့သိရပါတယ်။ တိုင်းနဲ့ပြည်နယ်အသီးသီးကိုသွား ရောက်ပြီးတော့လဲ ပညာပေး အစီအစဉ်များကို ဆောင်ရွက်နေတာဖြစ်ပါတယ်။

မဖြူဖြူသင်းဟာ HIV/AIDS ကာကွယ် တားဆီးရေးနဲ့၊ ရောဂါ ဝေဒနာသည်များ ပြုစု စောင့်ေ ရှာက်ရေး၊ လုပ်ငန်းထဲမှာ သူမ ဘဝကို မြုပ်နှံ လုပ်ကိုင်နေတာ ပါ။ မိသားစု၊ အပေါင်းအသင်း များကို လျစ်လျှူရူပြီး သူမ ရဲ့လူနာများ နဲ့သာ သူမ ရဲ့အချိန်တွေကို ကုန်ဆုံး စေသူ ဖြစ်ပါတယ်။ မိုးလင်းလို့ အိပ် ယာထတာနဲ့ မဖြူဖြူသင်း
ရဲ့ အိမ်ရှေ့မှာ လူနာတွေ တန်းစီနေပြီး မအိပ်ခင် အချိန်ထိ သူမရဲ့ လူနာ များကို အားပေး နှစ်သိမ့် ဆွေးနွေးမှု ပေးနေ ခဲ့ပါတယ်။

မဖြူဖြူသင်းရဲ့ လုပ်ဆောင်ချက်များ ဟာ သက်ဆိုင်ရာ အာဏာပိုင် အဖွဲ့အစည်း များရဲ့ ကူညီ ပံ့ပိုးမှု မရရှိ တဲ့အပြင် ၄င်းရဲ့ လှုပ်ရှားမှု များကို တချိန်လုံး စောင့်ကြည့် ခံနေခဲ့ ရပါတယ်။ ဒါ့အပြင် ဆေးဝါးနဲ့ ကာကွယ် ကုသရေး အထောက် အကူ ပစ္စည်းများ မလောက်ငှတဲ့ အခက်အခဲများ ကြားထဲကနေ တည်တည် ငြိမ်ငြိမ်ဖြင့် အကူအညီ လိုအပ်နေတဲ့ ရောဂါ ဝေဒနာသည် များကို နေ့ည မရွေး ပြုစု စောင့်ရှောက် နေခဲ့တာ ဖြစ်ပါတယ်။

မျက်မြင် ကူညီပေးသူတယောက်ရဲ့ ပြောကြားချက်မှာတော့ သူမ လူနာတစ်ယောက်ကို ဆေးသွင်းပေးနေစဉ် လူနာမှာ သွေးများရွှဲအိုင်နေပြီး၊ သူမရဲ့ လက်မှာလည်း သွေးများ ရွှဲအိုင်နေခဲ့ပြီးဖြစ်ပါတယ်။ အဲဒီလိုသာဆိုရင် သာမန်လူများအနေနဲ့ ကြောက်လန့်တကြား ထွက်ပြေးပြီးလောက်ပါပြီ။ ဒါပေမဲ့ မဖြူဖြူသင်းကတော့ လူနာကိုမကြောက်နဲ့၊ ဒါကဘာမှမဖြစ်ဘူးဆိုပြီး နှစ်သိမ့်ဆွေးနွေး ပေးနေပါတယ်။ ဒီသွေးမှတဆင့် ကူးစက်နိုင်တာကို သိလျက်နှင့် မဖြူဖြူသင်းရဲ့ ကြီးမားတဲ့ မေတ္တာစေတနာကို အထင်အရှားတွေ့နိုင်တဲ့ ဖြစ်ရပ်တခုပါ။ ဝေဒနာကြောင့် ဘယ်လောက်ပဲ အမောဖောက်နေပါစေ၊ “အမရဲ့မျက်နှာ၊ အမပြောတဲ့နှစ်သိမ့်စကားတွေကို ကြားတာနဲ့ ရောဂါတဝက် သက်သာတယ်” လို့ အားကိုးတကြီး ပြောကြတဲ့ လူနာပေါင်း များစွာ ရှိပါတယ်။ လူနာများဟာ သူမအိမ်ကို တံခါးမရှိ ဓားမရှိ ဝင်ထွက်စားသောက်၊ နေထိုင်ကြပြီး လမ်းစရိတ်လိုကိစ္စများမှအစ ဖြေရှင်းပေးနေရ တာကို တွေ့နိုင်ပါတယ်။

ယဉ်ကျေးမှုအရ မပွင့်လင်းသော၊ အသိပညာနောက်ကျနေသော၊

လွဲမှားသောအမြင်များဖြင့် ပတ်ဝန်းကျင်မှလက်မခံဘဲ AIDSရောဂါသည်တွေကို ခွဲခြားဆက်ဆံမှုတွေရှိသော လူနေမှု အသိုင်းအဝိုင်းမှာ အခုလို မကြောက်မရွံ့ ဖောက်ထွက်ပြီး အကူအညီလိုအပ်နေသူတွေရဲ့ရှေ့  ကနေ မားမားမတ်မတ် ရပ်တည်ကာ ကျန်းမာရေးအသိ ကျယ်ပြန့် ပွင့်လင်းလာအောင် အန္တရာယ်နဲ့ စွန့်စားရတဲ့ ကူညီပေးမှုပါ။

အေ ကိုက်မယ်လို့ နောက်ပြောင်ခဲ့ရင် “မဖြူရှိတယ် မကြောက်ဘူး” ဆိုတဲ့ စကား က သူမအပေါ် ချစ်ခင်လေးစားမှုနဲ့ အားထားယုံကြည်မှုကို ဖော်ပြနေခြင်းပဲ ဖြစ်ပါတယ်။

မဖြူဖြူသင်းဟာ တုနိုင်းမရတဲ့ မေတ္တာရှင်တစ်ယောက်ဖြစ်ပြီး ရန်သူမိတ်ဆွေမရွေး ကူညီတတ် ခြင်းကြောင့် ဝေဒနာသည်တွေရဲ့ ဂရုဏာရှင်ဖြစ်တယ်ဆိုတာအားလုံးက အသိအမှတ်ပြု လေးစားခြင်း ခံခဲ့ရသူဖြစ်ပါတယ်။

လက်ရှိ အကြပ်အတည်းအမျိုးမျိုးကြားကနေ ရုန်းကန်ရင်ဆိုင်ရင်း လုပ်ကိုင်နိုင်ခဲ့တာကြောင့်မို့ အခုလက်ရှိကာလမှာ ရောဂါဝေဒနာရှင်များသာမကဘဲ ပြည်သူတစ်ရပ်လုံးကပါ ယုံကြည်လေးစား လာခြင်းတို့ကို မျက်ဝါးထင်ထင် တွေ့မြင်ရပါတယ်။ ဒါဟာ တိုင်းပြည်ရဲ့ အနာဂတ်လူငယ်များအတွက် အများအကျိုးဆောင်ရွက်ရတဲ့ လုပ်ငန်းတွေကို စိတ်ပါဝင်စားလာစေရန် စံနမူကောင်းတရပ်ပဲ ဖြစ်ပါတော့တယ်။


ဒေါ်ရှု၊ သံဃာတော်များနှင့် သီလရှင်များကို ထောင်ဝင်စာ ပေးပို့နေသူ




အသက် (၆၂) နှစ် အရွယ်ရှိ ဘိုကလေးသူ ဒေါ်ရှုသည် ၂၀၀၇ ခုနှစ် စက်တင်ဘာလ သံဃာ့ အရေးအခင်းကြောင့် အကျဉ်းကျ ခံနေရသော ထောင်ဝင်စာတွေ့ မည့်သူ မရှိသည့် သံဃာတော် များနှင့် သီလရှင်များ ကို အပတ်စဉ် ထောင်ဝင်စာ ပေးပို့နိုင်ရေး အတွက် မိသားစု ၏ စိတ်ပူပင်မှု များနှင့် အာဏာပိုင်များ ၏ဖိအားပေး နှောင့်ယှက်မှု များကြားမှ လုပ်ကိုင်နေသူ ဖြစ်ပါသည်။ ထို့အပြင် ထောင်ဝင် စာတွေ့ သူမရှိဖြစ်နေ ကြသည့် နိုင်ငံရေး အကျဉ်းသား လူပုဂ္ဂိုလ် အချို့ ကိုပါ ထောင်ဝင်စာ ပေးပို့နေပါသည်။
ဖေဖေါ်ဝါရီလ ၁၈ ရက်၊ ၂၀၁၁ ခုနှစ် ဧရာဝတီ အင်တာနက် သတင်း စာမျက်နှာမှ ဆောင်းပါရှင် မင်းနိုင်သူ ၏ ဆောင်းပါး တွင် ဒေါ်ရှု အကြောင်း အစိတ်အပိုင်း ကို ယခုကဲ့သို့ ရေးသား ထားခဲ့သည်။

“ဘိက္ခူမာတာ” ဒေါ်ရှု (မင်းနိုင်သူ Friday, 18 February 2011 18:47 ဧရာဝတီ ဆောင်းပါး )

" ဒီ အကြောင်းတွေရေးရင် အာဏာပိုင်တွေက အနှောင့်အယှက် ပေးမှာကို စိုးရိမ်မိတယ်။ အန်တီ့အတွက် စိုးရိမ်တာ မဟုတ်ဘူးနော်။ အန်တီ ထောင်ဝင်စာတွေ့ပေးနေရတဲ့ သံဃာတွေကို ထောင်ဝင်စာ သွားတွေ့မယ့်လူ မရှိတော့မှာစိုးလို့” ဟု မေးသမျှကို စိတ်ရှည်လက်ရှည် ဖြေကြားပေးနေတဲ့ ဒေါ်ရှုက ပြောလက်စကို ခဏရပ်လိုက်ရင်း သူ့စိုးရိမ်မှုကို ဖွင့်ဟပါတယ်။

အဲဒီနောက်မှာတော့ သက်ပြင်းတချက် ရှုသွင်းလိုက်ရင်း ဒေါ်ရှုက စကားဆက်ပြန်ပါတယ်။

“အန်တီဘာတွေ လုပ်နေတယ်ဆိုတာလည်း စောင့်ကြည့်နေတဲ့သူတွေ၊ ထောင်ဝန်ထမ်းတွေက သိကြပါတယ်။ အန်တီက နိုင်ငံပုန်ကန်နေတာလည်း မဟုတ်ဘူး၊ ဘယ်သူမှ ထောင်ဝင်စာ လာမတွေ့နိုင်တဲ့ သံဃာတွေကို သနားလွန်းလို့ ထောင်ဝင်စာ တွေ့ပေးနေတာ သက်သက်ပါပဲ”

ဒေါ်ရှုဆိုတာကတော့ နိုင်ငံရေးနဲ့ ပတ်သက်လို့ အကျဉ်းကျခံနေရပြီး ထောင်ဝင်စာတွေ့မယ့်သူ မရှိတဲ့ သံဃာတွေကို ထောင်ဝင်စာ တွေ့ပေးနေသူပါ။

စမ်းချောင်းမြို့နယ်၊ ဝေဠုဝန်မြောက် ရပ်ကွက်မှာရှိတဲ့ ဒေါ်ရှုရဲ့ နှစ်ထပ်အိမ်လေး ထဲမှာတော့ မြန်မာနိုင်ငံတ၀န်းက အကျဉ်း ထောင်တွေမှာ ထောင်ဝင်စာတွေ့မယ့်သူ မရှိဖြစ်နေတဲ့ သံဃာတွေဆီကို ပေးပို့မယ့် ထောင်ဝင်စာ ထုပ်တွေ အမြဲမပြတ် ရှိနေတတ်တယ်လို့ အရှင်စန္ဒောဘာသက မိန့်ဆိုပါတယ်။ အရှင် စန္ဒောဘာသဟာ ၁၆ နှစ်ကြာ နိုင်ငံရေးအကျဉ်းသား ဖြစ်ခဲ့ပြီး ဒေါ်ရှုရဲ့ ထောင်ဝင်စာအလှူကို လက်ခံခဲ့ဖူးသူလည်း ဖြစ်ပါတယ်။

“ဦးပဉ္ဇင်း ၂၀၀၉ ခုနှစ်မှာ အင်းစိန်ထောင်ကနေ လွတ်လာတော့ သူ့အိမ်မှာ ၃ ရက်လောက် တည်းခိုခဲ့ဖူးတယ်။ သူ့အိမ်ထဲမှာ နယ်ထောင် တွေဆီပို့မယ့် ထောင်ဝင်စာထုပ် ကလေးတွေ အမြဲမပြတ် ရှိနေတတ်တယ်။ အပတ်စဉ် ထောင်ဝင်စာထုပ်တွေ ပေးပို့နိုင်ဖို့ ဈေးတကာလှည့် ဈေးဝယ်ရ၊ ချက်ရ ပြုတ်ရနဲ့ သူ့မှာ နားနေချိန်ရယ်လို့ မရှိသလောက်ပါပဲ” လို့ အရှင်စန္ဒောဘာသက ဆိုပါတယ်။

အမျိုးသား ဒီမိုကရေစီအဖွဲ့ချုပ် (NLD) စမ်းချောင်းမြို့နယ် စည်းရုံးရေးအဖွဲ့ဝင် ဒေါ်ရှုဟာ ၂၀၀၇ ခုနှစ် ဇူလိုင်လ အတွင်းက ကျောက်တော်ကြီးဘုရားမှာ ၀တ်ပြု ဆုတောင်းခဲ့တဲ့အတွက် အာဏာပိုင်တွေရဲ့ ၄၅ ရက်ကြာ ဖမ်းဆီး ထိန်းသိမ်းမှု ကိုလည်း ခံခဲ့ရသူပါ။

စိတ်ပင်ပန်း၊ ကိုယ်ပင်ပန်းတဲ့အပြင် အာဏာပိုင်တွေရဲ့ စောင့်ကြည့်မှုကို မကြာခဏ ခံနေရတဲ့ အလုပ်ကို ဘာကြောင့် ဒေါ်ရှု လုပ်ဖြစ်ခဲ့တာပါလဲ။

ဒေါ်ရှုက ရှေ့နေ ကိုဖိုးဖြူ၊ ကိုညီညီနိုင်တို့နဲ့ ရင်းနှီးခဲ့တဲ့အကြောင်း၊ ၂၀၀၇ စက်တင်ဘာ အရေးအခင်းအပြီးမှာ ကိုဖိုးဖြူက သူ ရှေ့နေလိုက်ပေးနေတဲ့ အမှုမှာပါတဲ့ မြောက်ဥက္ကလာ ဘုန်းကြီးကျောင်းက သံဃာတော်တွေနဲ့ သီလရှင်တွေကို ထောင်ဝင်စာ တွေ့မယ့်သူ မရှိတာကြောင့် ဆွမ်းကပ်ပေးဖို့ အကူအညီ တောင်းခဲ့တဲ့အကြောင်း၊ အဲဒီကနေစပြီး သံဃာတော် ၇ ပါးနဲ့ သီလရင် ၇ ပါးတို့ကို စပြီး ဆွမ်းကပ်ဖြစ်တဲ့အကြောင်း ပြောပြပါတယ်။

“ရှေ့နေ ကိုဖိုးဖြူက အန်တီရယ်၊ သူများတွေက ထမင်းစားနေချိန်မှာ သူတို့မှာ အငတ်နေရတယ်။ သိပ်သနားစရာကောင်းတာပဲ ထမင်းလာ ကျွေးပေးပါလားလို့ ပြောလာလို့ စကျွေးတာ။ နောက်တော့ အဲဒီဘုန်းကြီးတွေကနေ ဘယ်ဘုန်းကြီးတွေလည်း ထောင်ဝင်စာ မရကြပါဘူး၊ ကူပါဦး ဒကာမကြီးရယ်ဆိုတော့ ကျန်သံဃာတွေကိုပါ ထောင်ဝင်စာတွေ့နေရတော့တာ။ အခုဆို ၃ နှစ်နဲ့ ၄ လ ရှိလာပြီပေါ့” လို့ ဒေါ်ရှုက ထင်မှတ်မထားပါဘဲ သံဃာတွေကို ထောင်ဝင်စာပေးပို့ ဖြစ်ခဲ့ပုံကို ပြန်ပြောပါတယ်။

အခုချိန်မှာတော့ ဒေါ်ရှု အပတ်စဉ် ထောင်ဝင်စာပေးပို့နေရတဲ့ သံဃာ အပါး ၅၀ ကျော်နေပါပြီ။ ဒီလို တိုးပွားလာတဲ့ သံဃာ ဦးရေကို အပတ်စဉ်ထောင်ဝင်စာ တွေ့နိုင်ရေးအတွက် NLD ကလည်း ဒေါ်ရှုကို ကူညီထောက်ပံ့ပေးပါတယ်။ NLDက နိုင်ငံရေး အကျဉ်းသားတဦးအတွက် တလကို ၅၀၀၀ ကျပ်နှုန်း ထောက်ပံ့ ပေးနေပေမယ့် လုံလောက်တဲ့ ပမာဏတော့ မဟုတ်ပါဘူး။

အသက် ၆၂ နှစ် ရှိပြီဖြစ်တဲ့ ဘိုကလေးသူ ဒေါ်ရှုဟာ မြန်မာနိုင်ငံအနှံ့ နိုင်ငံရေးကြောင့် အထိန်းသိမ်းခံထားရတဲ့ သံဃာတွေဆီကို အပတ်စဉ် ထောင်ဝင်စာ ပေးပို့နိုင်ရေးအတွက် ကူဖော်လောင်ဖက် အမျိုးသမီး ၂ ဦးနဲ့အတူ လုပ်ကိုင်နေရတာပါ။ အဲဒီ အမျိုးသမီး ၂ ဦးကို တယောက်အတွက် တလ ကျပ် ၂ သောင်းပေးပြီး အကူအညီ ခေါ်ထားရတယ်လို့ ဆိုပါတယ်။ ဒေါ်ရှုနဲ့ အတူနေကြတဲ့ သားနဲ့ သမီးက ဒီလို ထောင်ဝင်စာပို့တဲ့အလုပ်လုပ်တာကို သဘောမတူတာကြောင့် ကူမယ့်သူတွေ ခေါ်ထားရတာလို့ ပြောပြပါတယ်။

“သားတွေ၊ သမီးတွေ သဘောမတူဘူး ဆိုတာက အန်တီပင်ပန်းတာကို သူတို့ မကြည့်ရက်လို့ပါ။ သူတို့ တားပေမယ့် အန်တီက ဆက်လုပ်နေတော့ နောက်ပိုင်းမှာ သားသမီးတွေကလည်း သိပ်မကြည်တော့ဘူးပေါ့။ အန်တီ့ အမျိုးသားနဲ့ ကွဲခဲ့ရတာလည်း ဒီအလုပ်တွေ ကြောင့်ပေါ့” လို့ ဒေါ်ရှုက ဆိုပါတယ်။

တကယ်တော့ ဒေါ်ရှုဟာ သူ့ဆီက ပို့လိုက်မယ့် ထောင်ဝင်စာထုပ်ကို စောင့်မျှော်နေမယ့် ထောင်တွင်းက သံဃာတော်တွေရဲ့ မျက်နှာနဲ့ သားသမီး တွေရဲ့ ငြူစူတဲ့ မျက်နှာတွေအကြား ဗျာများ နေရသူ ဖြစ်ပါတယ်။

ဒေါ်ရှုဟာ သံဃာတွေကို ထောင်ဝင်စာထုပ် ပို့နိုင်ရေးအတွက်ဆိုရင် သူ့သမီး လက်ဝတ်လက်စားတောင် ပေါင်ဖို့ လက်မနှေးဘူးလို့ အရှင် စန္ဒောဘာသက မိန့်ပါတယ်။

“ဦးပဉ္ဇင်း ထောင်က လွတ်လာပြီးနောက် သူ့အိမ်ကို ရောက်ပြီး အပြန်မှာ သူလည်း လမ်းကြုံတာနဲ့ နိုင်ငံခြားမှာ ရှိနေတဲ့ သူ့သားပို့လိုက်တဲ့ ငွေကို ဘဏ်မှာ လိုက်ထုတ်တယ်။ ငွေလည်း ရရော အပေါင်ဆိုင် ပြေးပြီး သူ့သမီး လက်ဝတ် လက်စားလေးကို ပြန်ရွေးတယ်။ သားပို့တဲ့ငွေက ထောင်ဝင်စာထုပ်ပို့ချိန် မမီတော့ သမီးလက်ကောက်လေး ခဏ အပေါင်ထားလိုက်ရတယ် ဦးပဉ္ဇင်းလို့ ပြောတယ်။ ဒေါ်ရှုဆိုတာ အဲလို အမျိုးသမီးပါ” လို့ အရှင်စန္ဒောဘာသက ဆိုပါတယ်။

နိုင်ငံရေး အကျဉ်းသားတဦးအတွက် တလ ၅၀၀၀ ကျပ်ဆိုတဲ့ NLD ရဲ့ထောက်ပံ့ငွေဟာ မြင့်တက်လာတဲ့ ကုန်ဈေးနှုန်း၊ ၂၀၀၇ စက်တင်ဘာ အရေးအခင်းအပြီး တိုးပွားလာတဲ့ နိုင်ငံရေး အကျဉ်းသားတွေကြောင့် ဆင့်ပါးစပ် နှမ်းပက်သလို ဖြစ်နေ ရတယ် လို့လည်း အရှင်စန္ဒောဘာသက မိန့်ကြားပါတယ်။

နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) ရဲ့ စာရင်းတွေအရ မြန်မာနိုင်ငံမှာ နိုင်ငံရေးအကျဉ်းသား ၂၀၀၀ ကျော်ရှိနေပါတယ်။ ဒီစာရင်းထဲမှာ သံဃာ အပါး ၂၅၀ ကျော်နဲ့ သီလရှင် ၁ ပါး ပါဝင်နေပေမယ့် ဒေါ်ရှု ထောင်ဝင်စာထုပ် ပေးပို့နိုင်တာက သံဃာ အပါး ၅၀ လောက်ပဲ ရှိပါသေးတယ်။ တကယ်တော့ ဒေါ်ရှုဟာ သံဃာအပါး ၅၀ သာမကဘူး ထောင်ဝင်စာ တွေ့သူ မရှိဖြစ်နေကြတဲ့ နိုင်ငံရေးအကျဉ်းသား လူပုဂ္ဂိုလ်တချို့ကိုပါ ထောင်ဝင်စာ ပေးပို့နေတာပါ။

ဒေါ်ရှုဟာ သံဃာတော်တွေကို ထောင်ဝင်စာတွေ့နေပေမယ့် သူ့ထောင်ဝင်စာထုပ်ကို လက်ခံရယူနေတဲ့ သံဃာတော်တိုင်းကို မြင်တွေ့ဖူးသူတော့ မဟုတ်ပါဘူး။

“မိသားစုဝင်ဖြစ်မှ ထောင်ဝင်စာ တွေ့ခွင့်ရတာလေ။ အန်တီက ထောင်ဝင်စာထုပ်တွေကို အင်းစိန် ထောင်ဘူးဝမှာပဲ ပေးထားခဲ့ရတာ။ နယ်ထောင်တွေအတွက် ဆိုရင်တော့ ထောင်ဝင်စာထုပ်ကို သေချာ ထုပ်ပိုးပြီး စာတိုက်ကြီးကနေ ပါဆယ် ပို့ရတာပေါ့။ တရားရုံးက စီရင်ချက် မချသေးလို့ တရားရုံးထုတ် ထွက်လာတဲ့ သံဃာတချို့ကိုပဲ အန်တီ တွေ့ဖူးသေးတယ်” လို့ ဒေါ်ရှုက ပြောပါတယ်။

ဒီလိုတွေ့ခွင့်ရတဲ့အထဲက တချို့မြင်ကွင်းတွေဟာ သူ့စိတ်ကို ထိခိုက်စေခဲ့ပြီး သူ့အလုပ်ကို ဆက်လုပ်စေဖို့အတွက် တွန်းအားတွေ ဖြစ်လာခဲ့တယ်လို့ ဆိုပါတယ်။

“၂၀၀၇ စက်တင်ဘာ အရေးအခင်းအပြီးမှာ အဖမ်းခံရတဲ့ မြောက်ဥက္ကလာ သစ္စာသရဖူကျောင်းထိုင် ဆရာတော်ကို ထောင်ဝင်စာ သွားတွေ့ရတုန်းက ဒကာမကြီးရယ် ဒကာမကြီးရဲ့ ထောင်ဝင်စာကြောင့်သာ ဦးပဉ္ဇင်းမှာ လူလူသူသူလေး စားရသောက်ရပါတယ်။ ဒကာမကြီး ကျေးဇူးကြီးမားပါပေတယ်ဆိုပြီး အသက် ၇၀ ကျော် ဘုန်းကြီးက လက်အုပ်လေးချီပြီး အန်တီ့ကို ပြောတော့ အန်တီ ဘာလုပ်လို့ ဘာကိုင်ရမှန်း မသိတော့ဘူး။ အဲဒီမြင်ကွင်းကို ခုထိ မြင်ယောင်နေတုန်းပဲ။ ပြန်တွေးမိတိုင်းလည်း ငိုချင်နေတုန်းပဲ” လို့ ဒေါ်ရှုက ရှိုက်သံကို ထိန်းရင်း ပြောပြပါတယ်။

၁၉၉၃ ခုနှစ်က နိုင်ငံရေးပုဒ်မနဲ့ နအဖ စစ်အစိုးရရဲ့ ဖမ်းဆီးထောင်ချခြင်း ခံခဲ့ရတဲ့ အရှင်စန္ဒောဘာသ ဟာ ၂၀၀၇ ခုနှစ်အထိ ထောင်ဝင်စာ တွေ့သူမရှိဖြစ်နေရာက ၂၀၀၇ စက်တင်ဘာ အရေးအခင်းအပြီး အင်းစိန်ထောင်ထဲကို သံဃာတော်တွေ ထပ်မံ ရောက်ရှိလာပြီး ချိန်မှာတော့ ဒေါ်ရှုရဲ့ ထောင်ဝင်စာထုပ်ကို လက်ခံရရှိ လာပါတော့တယ်။

“သံဃာတွေဆိုတာက တောသားတွေများတယ်လေ။ သံဃာတွေရဲ့ ဆွေမျိုးသားချင်းတွေဆိုတာကလည်း တောသူ တောင်သားတွေ များတာဆိုတော့ သူတို့ ဒေသလေးက လွဲရင် မသွားတတ် မလာတတ်။ ဒီတော့ ထောင်ဝင်စာလည်း လာမတွေ့တတ်ကြ၊ မတွေ့နိုင်ကြ။ ဒီလိုအချိန်မှာ ဒေါ်ရှုက မိသားစုတွေ ကိုယ်စား ထောင်ဝင်စာထုပ်လေး ပို့ပေးလာတော့ ဦးပဉ္ဇင်း အရမ်းကို ၀မ်းသာသွားတယ်။ ဒကာမကြီးကိုလည်း အရမ်းတွေ့ချင်လာတယ်” လို့ အရှင်စန္ဒောဘာသာက ဆိုပါတယ်။

အရှင်စန္ဒောဘာသ အင်းစိန်ထောင်က လွတ်မယ့်အချိန်မှာ သူအရမ်းတွေ့မြင်ချင်လွန်းတဲ့ ဒေါ်ရှုက လာကြိုနေပေမယ့် တွေ့ခွင့် မသာခဲ့ပါဘူး။

“အဲဒီနေ့က ဦးပဉ္ဇင်းကို သူ လာကြိုနေတယ်တဲ့။ ဒါပေမယ့် ဦးပဉ္ဇင်းက ကျန်းမာရေးကြောင့် လဲကျသွားတော့ အာဏာပိုင်တွေ စီစဉ်ပေးတဲ့ ကားနဲ့ လိုက်သွားရပြီး သူနဲ့ မတွေ့လိုက်ရတော့ဘူး။ နောက်တော့ သူ့အိမ်ကို ဦးပဉ္ဇင်းသွားတွေ့တယ်။ သူ့အိမ်မှာလည်း ၃ ရက် တည်းခဲ့တယ်”

အရှင်စန္ဒောဘာသ ဒေါ်ရှုအိမ်မှာ တည်းခိုနေချိန်မှာ စမ်းချောင်းမြို့နယ် မယက အဖွဲ့က ဒေါ်ရှုနဲ့ အရှင်စန္ဒောဘာသကို ဆင့်ခေါ်ပါတော့တယ်။ အာဏာပိုင်တွေ သူ့ကို ခေါ်ပြီဆိုတဲ့အချိန်မှာ ဒေါ်ရှုဟာ အေးဆေးတည်ငြိမ်စွာနဲ့ပဲ သူ ထောင်ထဲရောက်ရင် လိုအပ်မယ့် ပစ္စည်းတွေကို အသင့်ပြင်ပြီး လိုက်ပါသွားတာပါ။

“သူ့မျက်နှာမှာ တုန်လှုပ်တဲ့ အရိပ်အယောင်မတွေ့ရဘူး။ သူ့ကို ဖမ်းဆီးရင် ထောင်ထဲမှာ လိုအပ်မယ့် အသုံးအဆောင် တွေကိုလည်း သူက အသင့် ထုပ်ပိုးထားပြီးသား။ ဦးပဉ္ဇင်းကို လက်ခံထားတဲ့အတွက်ဆိုပြီး စမ်းချောင်း မယက ရုံးမှာ သူ ဆူပူ ကြိမ်းမောင်းခံရတယ်။ သူကတော့ ဦးပဉ္ဇင်းကို လက်ခံတာဟာ ဘာပြစ်မှုကိုမှ ကျူးလွန်တာမဟုတ်ဘူးဆိုပြီး အာဏာပိုင်တွေကို ပြောတယ်” လို့ ဒေါ်ရှုခေါ်ယူ စစ်မေးခံရတဲ့ ကိစ္စနဲ့ ပတ်သက်ပြီး အရှင် စန္ဒောဘာသက မိန့်ပါတယ်။

စမ်းချောင်း မယက ရုံးက ပြန်လာကြတဲ့နောက်မှာ ဒေါ်ရှုဟာ သူ့အိမ်မှာပဲ ဆက်လက် တည်းခိုနေနိုင်ပါကြောင်း ပြောပေမယ့် သူ့အတွက်နဲ့ အာဏာပိုင်တွေက ထပ်မံနှောင့်ယှက်မှာကို မလိုလားတဲ့ အရှင်စန္ဒောဘာသဟာ သူ့ နယ်ကို ပြန်လည် ကြွသွား ပါတော့တယ်။

နိုင်ငံရေးမှုနဲ့ နအဖ စစ်အစိုးရရဲ့ ဖမ်းဆီး ထိန်းသိမ်းမှုခံခဲ့ရတဲ့အပြင် ထောင်ကလွတ်လာချိန်မှာလည်း ဘုန်းကြီးကျောင်း တွေမှာ သီတင်းသုံး နေထိုင်လို့မရအောင် အာဏာပိုင်တွေက နှောင့်ယှက်ပြန်တာကြောင့် ထိုင်းနိုင်ငံကို ထွက်လာခဲ့ရတဲ့ အရှင် စန္ဒောဘာသက ဒေါ်ရှုကို အောင့်မေ့သတိရနေဆဲ၊ ဒေါ်ရှုနဲ့ ပတ်သက်လို့ သူ့မှာ အမှတ်ရစရာတွေ အများကြီးပဲလို့ ဆိုပါတယ်။

ဆက်လက်ပြီး အရှင်စန္ဒောဘာသ မိန့်ကြားတာကတော့ ...။

“သူ့ကျေးဇူးတွေဟာ ဦးပဉ္ဇင်းတို့ သံဃာတွေအပေါ်မှာ အများကြီးပဲ။ ဦးပဉ္ဇင်း သူ့ကို နှုတ်ဆက်လေ့ရှိတဲ့ စကားလေး တခွန်းရှိတယ်။ အဲဒီစကားလေးကိုကြားရင် သူ့မျက်နှာမှာ ပီတိဖြာသွားတာကို တွေ့ရတယ်။ အဲဒီစကားကတော့ ဘိက္ခူမာတာတဲ့”

“ဘိက္ခူမာတာ” ဆိုတာ ပါဠိဘာသာစကားဖြစ်ပြီး “သာသနာ့အနွယ်ဝင်တို့ရဲ့ မိခင်” လို့ အဓိပ္ပာယ်ရပါတယ်။


ဦးရန်နိုင်အောင် (ခေါ်) ဦးဖိုးဖြူ (နိုင်ငံရေးအမှုလိုက်ရှေ့နေ)




နိုင်ငံရေးအမှုအခင်းများကို အခမဲ့လိုက်ပါ အကျိုးဆောင်ပေးရန် ဥပဒေကျောင်းသား လူငယ်များကို စည်းရုံးစုစည်းလျက် Myanmar Youth Law Firm ကို စတင်တည်ထောင်ခဲ့သူဖြစ်သည်။ ၎င်း၏ ဥပဒေ အကျိုးဆောင်အဖွဲ့ဝင်များကို စစ်အစိုးရမှ ခြိမ်းခြောက်ခြင်း၊ ဖမ်းဆီးခြင်း၊ ရှေ့နေလိုက်ခွင့်လိုင်စင်များကို ရုတ်သိမ်းခြင်းတို့ကို ကြံ့ကြံ့ခံလျက် ၈၈မျိုးဆက် ကျောင်းသားခေါင်းဆောင်များဖြစ်ကြသော ဦးမင်းကိုနိုင်နှင့် ဦးကိုကိုကြီးတို့ အတွက် အမှုလိုက်အကျိုးဆောင်ပေးခဲ့သည်။ ၎င်း၏ လုပ်ဖော်ကိုင်ဖက်များဖြစ်ကြသည့် ဦးစောကျော်ကျော်မင်းမှာ စစ် အစိုးရ၏ ခြိမ်းခြောက်ရန်ရှာမှုကြောင့် ပြည်ပသို့ တိမ်းရှောင်ခဲ့ရသလို ဦးညီညီထွေးမှာလည်း ဖမ်းဆီးထောင်ချ ခြင်းခံခဲ့ရသည်။ တရားမျှတမှုအတွက် ရဲရဲရင့်ရင့် ခုခံအကျိုးဆောင်ပေးတတ်သူတဦးဖြစ်သည့် ဦးဖိုးဖြူ ကိုယ်တိုင်လည်း တရားရုံးကို မထီမဲ့မြင်ပြုမှု အကြောင်းပြချက်ဖြင့် ဖမ်းဆီးထိန်းသိမ်း ထောင်ဒဏ်ချမှတ်ခြင်းခံခဲ့ရသည်။

သတင်းရင်းမြစ်.. http://2011.citizenofburma.org/

08 May 2011

ကျန်းမာရေးဝန်ကြီး ဒေါက်တာဖေသက်ခင်သို့ အိတ်ဖွင့်ပေးစာ....

သို့

ဒေါက်တာဖေသက်ခင်

စနစ်တွေပြောင်း။ လူတွေပြောင်းတော့ အဟုတ်ကြီးထင်လို့ အားကိုးရှာသည် မူတွေမပြာင်းသေးပါလား?

ပြည်သူတွေက ရွေးချယ်ထားတဲ့ ၀န်ကြီးက ပြည်သူ့ အကျိုးကို မကြည့်ပဲ ခင်ဗျားတို့ ဆရာဝန်အချင်းချင်း အကျိုးစီးပွားကိုပဲ ပြန်ကြည့်နေတာလား ?

ရန်ကုန်တောင်ပိုင်းခရိုင် ခရမ်းမြို့ မြို့နယ်ဆရာဝန်ကြီး ဒေါက်တာမြင့်စိုး (ဆမ- ၉၅၄၅) မတရား ပြုနေတာတွေကို တင်ပြပေးထားတာ (၁လ) ပြည့်ပါပြီ။ လာရောက်စစ်ဆေးတာ အမှန်တရားကို မတွေ့ခဲ့လို့လား ?

ညွှန်ကြားရေးမှုးချုပ်မကလို့ ခင်ဗျား ကိုယ်တိုင်လာစစ်လည်း ဘာမှမထူးတော့ဘူးဆိုတာ ကျုပ်တို့ မြို့သားတွေ အားလုံးသိလိုက်ပါပြီ။ ကျန်းမာရေးဝန်ကြီး အသစ် တစ်ယေက်ရဲ့ ပထမဦးဆုံးအမူ ကဒီလိုပါလား?

ခင်ဗျား မသိချင် ယောင်ဆောင်နေလည်း ထပ်ပြောပြဦးမယ် ။

ခရမ်းမြို့က လူနာတွေ ကို နည်းနည်းလေး ချောင်းဆိုးတာနဲ့ TB ဖြစ်တယ်ဆိုပြီး ဆေးတွေ အတင်းသောက်ခိုင်း နောက်ပြီး ခင်ဗျားတို့ကျန်းမာရေးဝန်ကြီးဌာနက ရန်ကုန်တိုင်း တစ်တိုင်းလုံးရဲ့ TBဆေးအထိရောက်ဆုံး ဆုဆိုပြီး ခင်ဗျားတို့ပဲ ဆုတော်ငွေ သိန်း(၇၀)ချီးမြှင့်ခဲ့ သေးတယ်လေ။ ခင်ဗျားတို့က လူသတ်သမားကို ဆေးထိုးအပ် ကိုင်ခိုင်းတာကိုး။ TB ရောဂါမရှိပဲ ဆေးသောက်ခဲ့ရတဲ့ လူနာတွေ အားလုံးကို မေးကြည့်စမ်းဗျာ၊ တစ်ဝက်လောက်က သေသွားပြီဆိုတာ ခင်ဗျားတို့ သိရဲ့လား ? (သူ့ဆရာကလည်းတိုင်း ကျန်းမာရေးမှူးကိုး)

ခင်ဗျားတို့ကျန်းမာရေးဝန်ကြီးဌာနနဲ့ ပြည်ထဲရေးဝန်ကြီးဌာန ကလည်း လာစစ်သွားတာ ဟုတ်ပါတယ်၊ Internet Websiteတွေနဲ့ DVB တို့မှာတင်ပြခဲ့ရင် ခဏတစ်ဖြုတ် လာစစ်တာက ခင်ဗျားတို့ အသစ်ပြောင်းလာကြတဲ့ လူကြီးတွေရဲ့ Formular လား ?

လူသတ်သမား ဆရာဝန်လုပ်ခဲ့တဲ့ အကြောင်းတွေ၊ ဆိုင်ခန်းအကြောင်းတွေ၊ ဆေးတွေဈေးကြီးတာတွေ၊ အရိုက်ခံရတဲ့ အကြောင်းတွေ၊ လူနာတွေကို မတရားပြုနေတာတွေက မဟုတ်လို့လား? ဘာမှမတက်ပဲ အစာအိမ်ပေါက်တဲ့ လူနာနှစ်ယောက်ကို သူ့ဆီမှာ တစ်ပါတ်လောက် ကုတယ်၊ ခွဲစိတ်လိုက်၊ ပြန်ချုပ်လိုက်နဲ့ သေခါနီးမှ ရန်ကုန်ဆေးရုံကြီးကိုပို့တာ ခင်းဗျားတို့ ရန်ကုန်ဆေးရုံကြီးက ဆေးမှတ်တမ်းကို ပြန်ကြည့်လိုက်စမ်းပါ။ အဲဒီလူနှစ်ယေက် ဗိုက်တွေကို လာကြည့်စမ်းပါဗျာ… ကျုပ်တို့မြို့မှာ ရှိပါတယ်…။  သက်ဆိုင်ရာမှ အသေချာ ဆောင်ရွက် ပေးစေချင်ပါသည်....။

(ခရမ်းသားများ)

(8.5.2011)
ခရမ်းမြို့နယ်၏ အရက်စက်ဆုံး မြို့နယ်ဆရာဝန်ကြီး အကြောင်း သိကောင်းစရာ (တိုင်ကြားစာ) ပြန်ဖတ်ချင်ရင် CLICK