08 August 2013

ရန်ကုန်မြို့ မင်းဓမ္မလမ်း MCCခန်းမမှာ ကျင်းပနေတဲ့ ရှစ်လေးလုံး ဒီမိုကရေစီ အရေးတော်ပုံ (၂၅)နှစ်ပြည့် ငွေရတုအခမ်းအနားမှာ ဒေါ်အောင်ဆန်းစုကြည် မိန့်ခွန်းပြောကြား

ရှစ်လေးလုံး ငွေရတုအထိမ်းအမှတ် အခမ်းအနားတွင် ပြောကြားသွားခဲ့သော မင်းကိုနိုင်၏ နှုတ်ခွန်းဆက်စကားမှ ကောက်နှုတ်ချက်အချို့ ...



'ကျွန်တော်တို့ သမိုင်းရဲ့သဘောကို ဆင်ခြင်မိပါတယ်။ ကာလတစ်ခုတော့ အင်အားရှိတဲ့သူတွေဟာ သမိုင်းကိုလိုသလို ဆိုင်းဘုတ်တင်လို့ ခေါင်းစဉ်ပေးလို့ရပါလိ့မ်မယ်။ ဒါပေမယ့် သမိုင်းဟာ ရှည်ကြာစွာတော့ ရုပ်ဖျက်ခံထားလို့မရပါဘူး။အချိန်တန်ရင် အမှန်တရားဟာအောင်ပွဲခံရမယ်ဆိုတာ ဒီကနေ့.....အခုလို ခမ်းမထဲလျှံကျသွားအောင် အပြင်မှာဆိုရင်လည်း နောက်ထပ် ဒီ့ထက်မက အခမ်းအနားတက်ရောက်လာကြတဲ့ ကျနော်တို့ပြည်သူတွေရဲ့ ရဲရင့်မှု တက်ကြွမှုနဲ့ ကျနော်တို့ အရေးတော်ပုံကြီးကို တန်ဖိုးဘယ်လောက်ထားတယ်၊ ဘယ်လောက်ပေးဆပ်ခဲ့ရတယ်ဆိုတာကို အသိအမှတ်ပြုတဲ့အင်အားကိုတွေ့ရင် သိသာနေပါပြီလို့ ပြောလိုပါတယ်။'

 'ကျွန်တော်တို့ အဓိကကျေးဇူးတင်ရမယ့်သူတွေဟာ မိဘပြည်သူတွေပါ ဒီအရေးတော်ပုံကို ကျောင်းသားတွေစခဲ့တယ်ဆိုပေမယ့် မိဘပြည်သူတွေမပါရင် အရေးကြီးတဲ့ သမိုင်းအချိုးအကွေ့ကြီးတစ်ခုကို ဘယ်လိုမှဖန်တီးနိုင်မှာမဟုတ်ပါဘူး။ ဒါကြောင့် ကျွန်တော်တို့ရှေ့က လွတ်မြောက်ရေးအတွက် ကြိုးပမ်းခဲ့ကြတဲ့ နောင်တော် အစ်မတော်မျိုးဆက်များအားလုံး ရဲ့ လွတ်မြောက်ရေးကြိုးပမ်းမှုအားလုံးကိုလည်း ကျွန်တော်တို့တလေးတစားမှတ်တမ်းတင်ပါတယ် ... သူတို့ခေတ် သူတို့အခါ ထောင်ကျခံ အနှိပ်စက်ခံ နောက်ဆုံး အသက်တွေ ဆုံးရတဲ့အထိ သူတို့ ယုံယုံကြည်ကြည် ကိုင်ဆောင်ခဲ့တဲ့ ဒေါင်းအလံကို သူတို့ခေတ် တာဝန်ကျေခဲ့တဲ့အလျှောက် ကျွန်တော်တို့ခေတ်ရောက်တဲ့အခါ လက်ကမ်းပေးခဲ့တာကိုလည်း အသိအမှတ်ပြုပါတယ်။ သူတို့ရဲ့ပေးဆပ်မှုတွေနဲ့ခင်းခဲ့တဲ့ လမ်းမှာ ကျွန်တော်တို့ဆက်လျှောက်ခဲ့ရတာပါ။ '

 'ကျွန်တော်တို့ချည်းပဲ ဘယ်တော့မှ အချိုးအကွေ့တွေကို မဖန်တီးနိုင်ခဲ့ကြပါဘူး။ အဲဒီ့ ရှစ်လေးလုံးမစခင်မှာကတည်းက ကျောင်းသားလှုပ်ရှားမှုတွေကို ကိုယ်ဖိရင်ဖိအားပေးခဲ့တဲ့ မိဘပြည်သူတွေ ကျွန်တော်တို့ဒီကနေ့ကောင်းစွာ ပြန်မြင်ယောင်ပါတယ်။ ပြည်သူတွေဟာ ကျွန်တော်တို့ကို နံပါတ်တစ် စိတ်ဓါတ်ရေးရာအရအားပေးခဲ့ပါတယ်။ အင်မတန်မှဘဝကို ဖျက်ဆီးချေမှုန်းတာခံရနိုင်တဲ့ အန္တရာယ်တွေ ချိမ်းခြောက်မှုတွေကြားထဲကပဲ ကျောင်းသားတွေကို အကူအညီပေးခဲ့တယ် ကျွန်တော်တို့တွေ ကြေညာစာတမ်းတွေရေးဖို့ ကြွေးကြော်သံပိုစတာတွေကပ်ဖို့ သိပ်ဆင်းရဲနေတဲ့ ခေတ်မှာ အိမ်မှာရှိတဲ့ ပြက္ခဒိန်အဟောင်းလေးတွေကို ဖြုတ်ပြီးတော့ ရေးကြကွာ ကပ်ကြကွာ ဆိုပြီးကူညီခဲ့တဲ့ မိဘပြည်သူတွေဟာ အင်မတန်အရေးပါပါတယ်။ ပြီးတော့ ကျွန်တော်တို့တွေလမ်းတွေပေါ်ဆန္ဒပြချီတက်ကြ ဆာလောင်မွတ်သိပ်တဲ့အခါမှာ အိမ်မှာရှိတဲ့ ထမင်းကြမ်းခဲလေးတစ်ခဲ၊ ငှက်ပျောသီးလေးတစ်ဖီးကျွေးခဲ့တဲ့ မိဘပြည်သူတွေကိုလည်း ဒီကနေ့ အဲဒီ့ကျေးဇူးတွေ သတိရပါတယ်။ ကျွန်တော်တို့လုံလောက်ပါတယ်။ ကျွန်တော်တို့ အန္တရာယ်တွေကြားမှာ ပြေလွှားပြီးတော့ ပုန်းအောင်းတဲ့အခါမှာ အားလုံးသော ကျောင်းသားတွေကို ကိုယ့်သားသမီးတွေလို အိမ်မှာ ဖွက်ပေးခဲ့တဲ့ အန္တရာယ်နဲ့ရင်းပြီးတော့ အကာအကွယ်ပေးခဲ့တဲ့ တကယ့်ကို ကြက်သားအုပ်မကြီးက ကြက်သားကလေးတွေကို အကာအကွယ်ပေးခဲ့ကြသလိုပဲ ကျွန်တော်တို့ ဒီကနေ့ဒီအချိန် အသက်ရှင်တဲ့သူတွေ ဆက်ပြီးတော့ အလုပ်လုပ်နိုင်တာဟာ ရှစ်လေးလုံးကြီးကိုလည်း ဆင်နွှဲနိုင်ခဲ့တာ နောက်ဆုံး ကျောင်းသားတွေ အစည်းအဝေးလုပ်မယ်ဆိုရင်တောင် အန္တရာယ်ကြီးလှတဲ့ကြားက ကိုယ့်အိမ်တွေမှာ နေရာပေး ကိုယ်တိုင်ကိုယ်ကျကင်းစောင့်ပေးခဲ့ကြတဲ့ ပြည်သူတွေကို ဒီကနေ့ အမှတ်တရမှတ်တမ်းတင်ပါရစေ။'

 

8888 silver jubilee

၈၈၈၈ ငွေရတု အထိမ်းအမှတ် အတွက် ပီတိ မြင်ကွင်း


" ငွေရတုမော်ကွန်း " (By ဒေါ်အောင်ဆန်းစုကြည်)




၂၅နှစ်ဆိုတာ သက်ရှိထင်ရှားလူတစ်ယောက်အတွက်အရွယ်ရောက်ပြီး၊ပညာစုံပြီးလူ့ဘောင်လောကမှာ ထိုက်သင့်သလောက် လည်း အတွေ့အကြုံရှိပြီးတဲ့ လူငယ်တစ်ယောက် ဖြစ်နေပါပြီ။ ၁၉၈၈ခုနှစ်က စလိုက်တဲ့ ကျွန်မတို့ရဲ့လှုပ်ရှား မူအရေးတော်ပုံဟာ အခုဆိုရင်အရွယ်ရောက်ပြီး ရင့်ကျက်နေပါပြီ။ ကျွန်မတို့ရဲ့အဖေ၊ အမေ၊အဘိုးအဘွားတွေ လက်ထက်က ဆင်နွဲခဲ့ကြတဲ့၁၃၀၀ပြည့် အရေးတော်ပုံဆိုတာကို ငယ်ငယ်ကဖတ်ခဲ့ရ၊မှတ်ခဲ့ရ၊ တဆင့်စကား၊တဆင့်နားနဲ့ လေ့လာခဲ့ဖူးပါတယ်။ ၁၃၀၀ပြည့်အရေးတော်ပုံကြီး ကြောင့်တခါတည်း လွတ်လပ်ရေးမရခဲ့ပေမယ့်လို့ လွတ်လပ်ရေးအတွက် အရေးကြီးတဲ့ အချိုး အကွေ့တစ်ခုဖြစ်ခဲ့တယ်လို့ သိခဲ့ရပါတယ်။ ၁၃၀၀ပြည့် အရေးတော်ပုံကြီးအပြီး နှစ်ပေါင်း၅၀လောက်အကြာ ရွှေရတုအခါသမယ ကျွန်မတို့လက်ထက်မှာ ၁၃၅၀ပြည့်အရေးတော်ပုံကြီးကို ကိုယ်တိုင်ကိုယ်ကျပဲြ့ကုံတွေ့ရပါတော့တယ်။ ကျွန်မတို့ ဆင်နွဲခဲ့ကြတဲ့ ၁၃၅၀ပြည့် အရေးတော်ပုံကြီးဟာလည်း ဒီမိုကရေစီရေး၊လွတ်လပ်မူ အခွင့်အရေးတွေအတွက် အရေးပါတဲ့ အချိုးအကွေ့ကြီးတစ်ခုဖြစ်ခဲ့ပါ တယ်။ မပြီးဆုံးနိုင်တဲ့ ဒီအရေးတော်ပုံကြီးဟာ အခုဆိုရင်ငွေရတုတောင် တိုင်ခဲ့ပါပြီ။ ၁၃၀၀ပြည့် အရေးတော်ပုံကြီးကစလို့ လွတ်လပ်ရေးရဲ့ ရွှေရတု၊ငွေရတု ကာလတွေကို ဖြတ်သန်းခဲ့ရတဲ့ကျွန်မတို့ တိုင်းပြည်ဟာ တကယ်ပဲ လွတ်လပ်ရေးရဲ့အနှစ်သာရတွေ၊ ဒီမိုကရေစီစနစ်ရဲ့ အခွင့်အရေးတွေ ခံစားရရှိပြီလားလို့ မေးစရာရှိပါတယ်။အမှန်တော့ ဒီမိုကရေစီစနစ်ဆိုတာ ကျွန်မတို့နှိုင်ငံမှာ နှစ်ပေါင်းများစွာ အမြစ်တွယ်ခဲ့တဲ့၊ ပြဿနာတွေကို ဖြေရှင်းဖို့ အခွင့်အရေး ပေးနိုင်တဲ့ စနစ်ပဲ ဖြစ်ပါတယ်။ အာဏာရှင်စနစ်အောက်မှာ ဖြေရှင်းခွင့်မရခဲ့တဲ့နိုင်ငံရေး၊ စီးပွားရေး၊ လူမူရေး၊ ဘာသာရေး၊ အခက်အခဲတွေ၊ အတားအဆီးတွေ၊ ပြဿနာတွေကို စနစ်တကျဖြေရှင်းဖို့၊ညှိနှိုင်းတိုင်ပင်ဖို့၊ တွေ့ဆုံဆွေးနွေး အဖြေရှာဖို့ ကျွန်မတို့ ဒီမိုကရေစီကို လိုအပ်ပါတယ်။ဒီမိုကရေစီစနစ်နဲ့ ညီညွှတ်တဲ့ လွတ်လပ်မူ၊ အခွင့်အရေးတွေ လိုအပ်ပါတယ်။ ဒီလိုလွတ်လပ်မူအခွင့်အရေးတွေ မရသရွေ့၊ ဒီလိုညှိနှိုင်းဆွေးနွေးအဖြေရှာမူ အလေ့အကျင့်ကို တစ်ခုကို မထူထောင်နိုင်သရွေ့ ကျွန်မတို့ဟာ လွတ်လပ်ရေးရဲ့ အနှစ်သာရနဲ့ ဒီမိုကရေစီရဲ့ အရသာကို ခံစား၊စံစား နိုင်ဦးမှာ မဟုတ်ပါဘူး။၈၈ အရေးတော်ပုံဟာ ကျွန်မတို့ပြည်သူတွေရဲ့နား၊မျက်စိတွေကို ဖွင့်ပေးခဲ့ပါတယ်။ နှစ်ပေါင်းများစွာ အထီးကျန်နေရာက ကမ္ဘာကြီးနဲ့ အဆက်အသွယ်ပြန်ရခဲ့ပါတယ်။ အရေးအကြီးဆုံးက ကျွန်မတို့ရဲ့ တိုင်းရင်းသားတွေအပါအ၀င် ပြည်သူလူထု တစ်ရပ်လုံးက မိမိတို့အလိုရှိတဲ့စနစ်၊ ထူထောင်ချင်တဲ့လူ့ဘောင်၊တည်ဆောက်ချင်တဲ့ ပြည်ထောင်စုကို ရှင်းလင်းထင်ရှားစွာ ထုတ်ဖော် ပြသဖို့ အခွင့်အရေးတွေ ရလိုက်တာပါပဲ။ အမျိုးသားရင်ကြားစေ့ရေးကို လျှောက်ခြင်းအားဖြင့် အားလုံးပါဝင်တဲ့ တည်ဆောက်ရေးဖြစ်စေနိုင်မယ့် အခွင့်အရေးကိုလည်း ရလိုက်ပါတယ်။သမိုင်းကြောင်းနဲ့ ယှဉ်ရင် ၂၅ နှစ်ဆိုတာ သိပ်ကြာလှတာမဟုတ်တဲ့ အတွက် ကျွန်မအနေနဲ့ မပြီးဆုံးသေးတဲ့ အရေးတော်ပုံ တစ်ခုကို ဆက်လက်ဆင်နွဲနေတယ်လို့ပဲ သဘောထားပါတယ်။ ဒီမိုကရေစီရဲ့အရသာကို မြည်းစမ်းကြည့်ခွင့်ရရုံနဲ့ ၈၈ အရေးတော်ပုံမှာ အသက်တွေ၊ဘ၀တွေ စည်းစိမ်ဥစ္စာတွေ၊ ရာထူးနန္တရတွေ၊ အခွင့်အလမ်းတွေ အဆုံးရှုံးခံခဲ့တဲ့သူတွေအပေါ် တာဝန်ကျေ ပြီလို့ မပြောနိုင်သေးပါဘူး။ ကျွန်မတို့ လိုချင်တဲ့စနစ်၊လူ့ဘောင်၊ပြည်ထောင်စုကို တည်ဆောက်ဖို့ အခွင့်အရေးရမယ် ကြံရုံရှိသေးတယ်လို့ပဲ ပြောနိုင်မှာပါ။ ဘယ်လိုပဲ ဖြစ်ဖြစ် ငွေရတုကနေ ရွေရတုမတိုင်မီ ကျွန်မတို့စိုက်ခဲ့သမျှ နောင်လာနောက်သားများ ရိတ်သိမ်းခွင့်ရဖို့ ကျွန်မတို့ဟာ ကမ္ဘာပေါ်မှာ အများက အထင်မကြီးတောင် အထင်သေးမခံရတဲ့ တိုင်းပြည်တစ်ခုဖြစ်ဖို့၊ ကျွန်မတို့ တိုင်းရင်းသားပြည်သူလူထုအားလုံး တကယ်လွတ်လပ်ပြီးဒီမိုကရေစီအခွင့်အရေး၊ လွတ်လပ်ခွင့်၊ အခွင့်အလမ်းတွေ စစ်စစ်မှန်မှန် ရရှိခံစားနိုင်ဖို့ ဆက်လက်ကြိုးစားကြရပါဦးမယ်။ ကျွန်မလည်း လွန်ခဲ့တဲ့ ၂၅နှစ်က ယူခဲ့တဲ့ တာဝန်တွေ ပြီးပြတ်ကျေပွန်အောင် ဆက်လက် ကြိုးစားပါဦးမယ်။

ဒေါ်အောင်ဆန်းစုကြည် —

(၈. ၈. ၂၀၁၃) မှာ ကျင်းပမယ့် အစီအစဉ်များ










 သတင်း..ဓာတ်ပုံ ko Ant Bwe Kyaw

"တပ်မတော်အစိုးရလက်ထက် အမှားဝန်ခံရန် သမ္မတကို ဦးမြင့်ပြောပေးမည်ဟုဆို" သတင်းကို ဦးမြင့်ပြန်လည်ငြင်းဆို




 
 ယနေ့ (သြဂုတ် ၇ ရက်) ထုတ် The Voice Daily သတင်းစာ မျက်နှာဖုံးသတင်းပါ "တပ်မတော်အစိုးရလက်ထက် အမှားဝန်ခံရန် သမ္မတကို ဦးမြင့်ပြောပေးမည်ဟုဆို" သတင်းကို ဦးမြင့်ပြန်လည်ငြင်းဆို

မရမ်းကုန်းမြို့နယ်၊ မင်းဓမ္မလမ်းရှိ MCC ခန်းမတွင် ကျင်းပပြုလုပ်လျက်ရှိနေသော ရှစ်လေးလုံး ဒီမိုကရေစီအရေးတော်ပုံ ငွေရတုအထိမ်းအမှတ် ဆွေးနွေးပွဲအခမ်းအနား ဒုတိယနေ့၊ ယနေ့ (သြဂုတ် ၇ ရက်) ညနေပိုင်း ဆွေးနွေးပွဲတွင် သမ္မတအကြံပေးဖြစ်သူ ဦးမြင့်က ၄င်းသည် ယမန်နေ့က ထိုကဲ့သို့ ပြောဆိုခဲ့ခြင်းမဟုတ်ကြောင်း ငြင်းဆိုသွားခဲ့သည်။

လယ်ယာမြေ ပြဿနာရပ်ဆိုင်ရာများကိုသာ သမ္မတထံ ပြောကြားသွားမည်ဟု ၄င်းအနေဖြင့် ပြောခဲ့ခြင်းသာဖြစ်ကြောင်း၊ တပ်မတော်အစိုးရလက်ထက် အမှားဝန်ခံရန် သမ္မတကိုပြောပေးမည်ဟု ၄င်းအနေဖြင့် မပြောခဲ့ကြောင်း ဦးမြင့်မှ ငြင်းဆိုသွားခဲ့သည်။

သတင်းဓာတ်ပုံ.....ko  Ant Bwe Kyaw

မောင်စိန်ဝင်း(ပုတီးကုန်း) ရဲ့ ရှစ်လေးလုံး အရေးတော်ပုံဂုဏ်ပြုကဗျာ "

မောင်စိန်ဝင်း(ပုတီးကုန်း) ရဲ့ ရှစ်လေးလုံး အရေးတော်ပုံဂုဏ်ပြုကဗျာ "

"အသက်များစွာ စတေး၊ ရဟန်းရှင်လူ ကျောင်းသား ပြည်သူတို့ရဲ့သွေးများနဲ့ နီမောင်းမောင်း အရောင်ဖြာ ဟောဟိုမှာ ဒီမိုကရေစီရောင်နီပျို့တက် အရုဏ်တက်ပြီ လက်တစ်ကမ်းမှာ အလင်းဖြာတဲ့ အရုဏ်ကို ရိုကျိုးမြတ်နိုးစွာ ထိန်းသိမ်း၊ ငြိမ်းချမ်း စွာစောင့်ရှောက်၊ ဤကမ္ဘာမှာ ပြည်သူလောက် ကြီးမြတ်သော အရာရှိသည်မရှိ ပြည်သူ၏ဆန္ဒလောက် စူးရှသောကဗျာသည်မရှိ၊ ပြည်သူ၏ လှုပ်ရှားမှုမြင် ကွင်းလောက်ကောင်းမွန်သော ပန်းချီသည်မရှိ၊ ပြည်သူသည် ပြည်သူ့အတွက် လက်နဲ့မရေး အသက်နဲ့ရေး၏ ဆေးနဲ့မခြယ်သွေး နဲ့ခြယ်၏၊

ဘယ်သူကြည့်ကြည့် ညွှတ်တုံ့မိစရာ ဇာတိမာန်ထက်၊ ကြက်သီး ထစရာဟောဒီမှာ မဟာသူရဲကောင်းများ ပန်းချီကား"