17 January 2013

ကချင်စစ်တပ်မှ ဖမ်းဆီးထားသော အစိုးရတပ်သား ၂၃ ဦးကို လွှတ်ပေး

ဖမ်းဆီးထားတဲ့ မြန်မာအစိုးရ စစ်သားများကို KIA မှ ပြန်လွှတ်ပေးတဲ့ အခန်းအနား လိုင်ဇာမှာပြုလုပ်။
မြန်မာအစိုးရတပ်နှင့် ကချင်ပြည်လွတ်လပ်ရေးတပ်ဖွဲ့ (KIO) စစ်ပွဲများအတွင်း ဖမ်းဆီးထိန်းသိမ်း ထားသော အစိုးရ တပ်ဖွဲ့ဝင် ၂၃ ဦးကို  KIA ဖက်မှလွှတ်ပေးလိုက်ကြောင်းသိရသည်။

Burmese-pow
ထိုအစိုးရတပ်မတော်သား ၂၃ ဦး ၄င်းတို့၏ နေရပ်များသို့ပြန်နိုင်ရန် ဇန်န၀ါရီလ ၁၃ ရက်နေ့က လိုင်ဇာဌာနချုပ်တွင် အခမ်းအနားပွဲ ကျင်းပပြုလုပ်ပြီး တရားဝင်လွှတ်ပေးလိုက်ခြင်းဖြစ်ကြောင်း အခမ်းအနားတက်ရောက်သူများပြောသည်။
  ထို့အပြင် ၎င်းတို့အား နေရပ်သို့ပြန်နိုင်ရန် ထောက်ပံ့ရေးစားရိတ် အားလုံးကို KIA မှတာဝန်ယူဆောင်ရွက်ပေးခဲ့ကြောင်း KIA အရာရှိတစ်ဦးကပြောသည်။
“သူတို့ကို လမ်းစရိတ်အတွက် အိမ်ဝေးတဲ့လူတွေကိုဝေးသလို အိမ်နီးတဲ့လူတွေကို နီးသလို ပေးလိုက်တယ်။ KIA ကနေပြီးတော့ ရွှေလီကျော်ကျော်လောက်ထိ တာဝန်ယူပေးတယ်။ အဲဒီနောက်တော့ သူတို့သိသလိုပေါ့” ဟု ပြောသည်။
ဖမ်းမိထားသော တပ်မတော်သားများကို အစိုးရထံလွှဲပြောင်းပေးရေးကိစ္စနှင့် ပတ်သက်၍ ၈၈ ကျောင်းသားခေါင်းဆောင်များ KIA ဌာနချုပ်သို့လာရောက်ချိန် ကြားနေအဖြစ် ဆောင်ရွက်ပေးရန် KIA ဖက်က တောင်းဆိုခဲ့သည်။

Burmese-pow1

သို့သော် အစိုးရဖက်မှ ၄င်းတို့၏ တပ်မတော်သားများ မဟုတ်ကြောင်းနှင့် တပ်ပြေးများ သာဖြစ်ကြောင်း ငြင်းဆိုခဲ့သောကြောင့် KIA ၏ အစီအစဉ်ဖြင့် နေရပ်သို့ ပြန်ခိုင်းခဲ့ခြင်းဖြစ်ကြောင်း အခမ်းအနားတွင် ဗိုလ်ကြီးဇော်တောင်မှပြောဆိုခဲ့သည်။
ပြီးခဲ့သည့်၂၀၁၂ ဇွန်လတွင် အစိုးရနှင့် KIO အဖွဲ့တို့ မိုင်ဂျာယန်တွင် အလွတ်သဘောတွေ့ဆုံခဲ့ချိန် ထိုစစ်သားများကိစ္စနှင့်ပတ်သက်ပြီး အစိုးရမှ တရားဝင် လွဲယူရန် ပြောဆိုခဲ့သော်လည်း တစုံတရာပြန်ကြား ခြင်းမရှိကြောင်း KIO ဒု အထွေထွေအတွင်းရေးမှူး ဦးလာနန်ကပြောသည်။
တပ်မတော်သားများနေရပ်ပြန်နိုင်ရန် စီစဉ်ခဲ့သော်လည်း ၄င်းတို့၏လုံခြုံရေးအတွက် စိုးရိမ်မကင်းဖြစ်မိကြောင်း KIA ဘက်က ပြောဆိုသည်။
“ဒါမဲ့တခုကဘာပဲဆိုတော့ ဒီမှာရောက်နေတဲ့ တပ်မတော်သားတွေရဲ့ လုံခြုံရေးကို အစိုးရဖက်က အာမခံချက် ပေးရမယ်လို့ထင်တယ်။ အဲဒီဟာတွေကြောင့်ပဲ ကြားခံအဖွဲ့အစည်းတခုဆိုပြီးမှပဲ လုပ်ဆောင်စေချင်တာပါ။ သူတို့ ကိုယ့်ရဲ့ရပ်ရွာပြန်သွားတဲ့အခါမှာ အကြောင်းအမျိုးမျိုးကြောင့် ဖမ်းဆီးအရေးယူတာမျိုးတော့မဖြစ်စေ ချင်ဘူးခင်ဗျ။” ဟု ဦးလာနန်ကပြောသည်။
အစိုးရနှင့် KIA တို့ တနှစ်ကျော်ကြာ ဖြစ်ပွားခဲ့သည့် တိုက်ပွဲအတွင်း ကချင်လွတ်လပ်ရေးတပ်ဖွဲ့မှ ထိန်းသိမ်းထားသော အဆိုပါတပ်မတော်သားများသည် ထိခိုက်ဒဏ်ရာရသူများနှင့် ဖမ်းဆီးရမိသော အစိုးရတပ်သားများဖြစ်ပြီး အချို့မှာ တစ်နှစ်ကျော်ကြာမြင့်ပြီး အချို့ ၃ လ ခန့် ကြာ ထိန်းသိမ်းခံထားရသူ များဖြစ်ကြောင်း သိရသည်။


သတင်း.... ကချင်သတင်းဌာန

သီတဂူဆရာတော်၏ ဖိတ်ကြားချက်ဖြင့် အင်္ဂလန်နိုင်ငံမှ အရေပြားဆရာဝန်တစ်ဦးမှ အရေပြားဒဏ်ရာ အရှင်းမပျောက်သေးသည့် သံဃာတော်များအား လာရောက်ကုသပေး

စစ်ကိုင်းတိုင်းဒေသကြီးရှိ သီတဂူဆရာတော် ဦးဆောင်ဖွင့်လှစ်ထားသည့် သီတဂူအာယုဒါနဆေးရုံတွင် ဆေးကုသမှု ခံယူနေသည့် လက်ပံတောင်း ဒဏ်ရာရ သံဃာတော်များအား သီတဂူဆရာတော်၏ ဖိတ်ကြားချက်ဖြင့် အင်္ဂလန်နိုင်ငံမှ အရေပြားဆိုင်ရာ ဆရာဝန်တစ်ဦးမှ လာရောက်ကုသပေးခဲ့ကြောင်း သိရသည်။
လက်ပံတောင်းတောင် ကြေးနီစီမံကိန်းတွင် ဒဏ်ရာရရှိခဲ့သည့် သံဃာတော်များနှင့် လူပုဂ္ဂိုလ်စုစုပေါင်း ၉၀ကျော်တို့သည် ဇန်န၀ါရီလ ၆ရက် နှင့်၇ရက်နေ့ တို့တွင် သီတဂူအာယုဒါန ဆေးရုံသို့ ကျန်းမာရေး စစ်ဆေးမှုများ ပြုလုပ်ခဲ့ကြရာ ယင်းတို့အနက်မှ ဆေးရုံတက်ရောက်ကုသရန် လိုအပ်သည့် သံဃာတော် ၁၇ပါးနှင့် လူပုဂ္ဂိုလ်၃ဦးကို ဆေးရုံတွင် ဆက်လက် ကုသပေးလျက်ရှိကြောင်း သိရ သည်။
'' အာယုဒါနဆေးရုံကို ရောက်နေတဲ့ သံဃာတော်တွေက အရင် မန္တလေး ပြည်သူ့ဆေးရုံကြီးမှာ ဆေးကုသမှု ခံယူခဲ့တဲ့သူတွေဖြစ်တယ်။  ဆေးရုံက သက်သာပြီဆိုပြီး ဆင်းခိုင်းခဲ့ပေမယ့် နောက်ပိုင်း အဲဒီသူတွေရဲ့ဒဏ်ရာတွေက မကောင်းသေးတဲ့အတွက် သီတဂူဆရာတော်က ဆေးဆက်ကုပေးဖို့ စီစဉ်ပေးခဲ့ပါတယ်။ အဲဒီအထဲမှာ တချို့က အရေပြား အစားထိုးတာတွေကိုတောင် လုပ်ရတဲ့ အခြေအနေတွေ ရှိခဲ့ပါတယ်''ဟု ဒဏ်ရာရသံဃာတော်များ စောင့် ရှောက်ရေးအဖွဲ့မှ ဦးဆောင်သံဃာတော် ဦးဝိမလက မိန့်ကြားခဲ့သည်။
ဆေးရုံ တက်ရောက်ကုသနေသည့် သံဃာတော် ၁၇ပါးအနက်မှ အရေပြားအစားထိုးရန် လိုအပ်သည့် သံဃာတော်သုံးပါးနှင့် ခွဲစိတ်ကုသ ရန် လိုအပ်သည့် သံဃာတော်လေးပါးအား အင်္ဂလန်နိုင်ငံမှ အရေပြားဆိုင်ရာဆရာဝန်နှင့် အာယုဒါန ဆေးရုံမှ ဆရာဝန်များ ပူးပေါင်း၍ ခွဲစိတ်ကုသပေးပြီး ဖြစ်ကြောင်းနှင့် ဆေးရုံတက်ရောက်ကုသနေသူများ အားလုံး လက်ရှိတွင် ကျန်းမာရေး ကောင်း မွန်လျက်ရှိကြောင်း သိရသည်။
လက်ပံတောင်းတောင် သပိတ်စခန်း ဒဏ်ရာရ သံဃာများအနက် ဒဏ်ရာပြင်းထန်သည့် သံဃာတော်နှစ်ပါးသည် လက်ပံတောင်းတောင်အရေးနှင့် ပတ်သက်ပြီး ဖွဲ့စည်းထားသည့် စုံစမ်းစစ်ဆေးရေးကော်မရှင် အဖွဲ့၏ ဆောင်ရွက်ပေးမှုဖြင့် ထိုင်းနိုင်ငံသို့ သွားရောက် ဆေးကုသမှု ခံယူလျက်ရှိရာ ဒဏ်ရာအခြေအနေ တိုးတက်ကောင်းမွန်သော်လည်း ဆရာတော် ဦးတိက္ခဥာဏမှာ ကာလကြာရှည်စွာ ဆေးကုသမှု ခံယူရဦးမည်ဖြစ်ကြောင်းနှင့် အရှင်သဇ္ဇနမှာ ကျန်းမာရေး ကောင်းမွန်လာသည့်အတွက် နောက်တစ်ပတ်ခန့်တွင် မြန်မာနိုင်ငံသို့ ပြန်ရောက်နိုင်မည်ဟု ခန့်မှန်းထားကြောင်း ဦးဆောင်သံဃာတော် ဦးဝိမလက မိန့်ကြားခဲ့သည်။

သတင်း....  Eleven Media Group

15 January 2013

ယနေ့ တရုတ်နိုင်ငံခြားရေး ဝန်ကြီးဋ္ဌာနမှ ကချင်အရေး ငြိမ်းချမ်းရေးဖော်ဆောင်ဖို့ ထုတ်ပြန်ချက်နှင့် မြန်မာစစ်တပ် ရဟတ်ယာဉ် ပျက်ကျတဲ့ သတင်းရုပ်သံ..

ယနေ့ တရုတ်နိုင်ငံခြားရေး ဝန်ကြီးဋ္ဌာနမှ ကချင်အရေး ငြိမ်းချမ်းရေးဖော်ဆောင်ဖို့ တိုက်တွန်း ထုတ်ပြန်ချက်၊ လိုင်ဇာက အပြစ်မဲ့ ဒုက္ခသည်ပြည်သူတွေရဲ့ မြင်ကွင်းရုပ်သံဖိုင်နှင့်ယူနန်သတင်းဋ္ဌာနက ထုတ်လွှင့်တဲ့ မြန်မာစစ်တပ် ရဟတ်ယာဉ် ပျက်ကျတဲ့ သတင်းရုပ်သံဖိုင်။

ဗိုလ်၊ ကျား သေနတ် ကြိုက်တာလုပ်တာတွေ ရပ်ကြဖို့ အပြစ်မဲ့ ပြည်သူတွေ ကိုယ်စား တောင်းဆိုအပ်ပါသည်။

ယနေ့မြန်မာပြည်မြောက်ပိုင်းမှာ ဖြစ်ပျက်နေတဲ့ စစ်ပွဲတွေနဲ့ ပတ်သက်ပြီး တရုတ်နိုင်ငံခြားရေး ဝန်ကြီးဋ္ဌာနက (ယနေ့ ၁၅ရက်နေ့ သတင်းမှာ) ငြိမ်းချမ်းရေးအတွက် ဆွေးနွေးဖို့ ပြောဆိုလိုက်တဲ့ သတင်းရုပ်သံပါ..။

ကြားထဲက မြေဇာပင်ဖြစ်ရတဲ့ ယနေ့လိုင်ဇာမြို့အတွင်းမှ စစ်ပြေးဒုက္ခသည်တွေရဲ့ မြင်ကွင်းပါ။ နှစ်ဘက်ခေါင်းဆောင် လူကြီးတွေရဲ့ အမိန့်တွေကြားမှာ ကြားထဲက ပြည်သူတွေ မြေဇာပင်ဖြစ်ရ၊ အိုးပစ်အိမ်ပစ် ကျီးလန့်စာစားနေရပြီး။ တိုင်းတပါးနယ်မြေထဲမှာ မျက်နှာငယ်ရ၊ နှစ်ဘက်စလုံးက အရွယ်ကောင်းလူငယ်တွေ အသက်တွေ စတေးရ၊ နိုင်ငံဘဏ္ဍာငွေတွေ ဆုံးရှုံနေကြရတာပါ.။ ဗိုလ်၊ ကျား သေနတ် ကြိုက်တာလုပ်ဆိုပြီး ကလေးကစားသလို လုပ်ချင်တိုင်း လုပ်ခွင့်ပေးထားတာ မဟုတ်ပါ..။

အပြစ်မဲ့ ပြည်သူတွေရဲ့ မျက်နှာကို ထောက်ထားညှာတာကြပါ..။ စစ်ပွဲတွေ ရပ်ကြပါ တိုက်ပွဲတွေရပ်ကြပါ..။ ငြိမ်းချမ်းရေးတွေ အမြန် ဖော်ဆောင်ကြဖို့ အပြစ်မဲ့ ပြည်သူတွေကိုယ်စား တိုက်တွန်းအပ်ပါတယ်...။

ဒီမိုဝေယံ