ဘာလီကျွန်းတွင် ထိပ်သီးညီလာခံအတွက် အာရှခေါင်းဆောင်များနှင့်အတူ အမေရိကန်၊ တရုတ်၊ ရုရှား ခေါင်းဆောင်များ စုဝေးကြမည်

(VOA News မှ 9 Nov 2011 ရက်စွဲပါ US, China , Russia to goin Asian Leaders for summit in bali သတင်းဆောင်းပါးကို yangonchronicle မှ ဘာသာပြန်ဆိုသည်)

လာမည့်သီတင်းပတ်(နိုဝင်ဘာ ၁၄ - ၁၉)တွင် ၁၈ နိုင်ငံမှခေါင်းဆောင်များသည် ၆ ကြိမ်မြောက် အရှေ့အာရှ ထိပ်သီးညီလာခံ တက်ရောက်ရန်အတွက် အင်ဒိုနီးရှားနိုင်ငံဘာလီကျွန်းပေါ်တွင် စုဝေးကြတော့မည် ဖြစ်သည်။

ဒေသတွင်း စီးပွားရေးနှင့် လုံခြုံရေးဆွေးနွေးပွဲဖိုရမ်သည် ယခုနှစ်ပိုင်းများအတွင်း အရေးပါမှု မှန်မှန်တိုးတက်လာခဲ့ပြီး ယခုနှစ်တွင် အမေရိကန် ပြည်ထောင်စု၊ ရုရှားနှင့် တရုတ်နိုင်ငံတို့မှ ခေါင်းဆောင်များ ပထမဆုံးအကြိမ် ပါဝင်လာမည် ဖြစ်သည်။

အိမ်ရှင်နိုင်ငံဖြစ်သော အာဆီယံဥက္ကဋ္ဌ အင်ဒိုနီးရှားကလည်း ၎င်း၏ ယေဘုယျဆန္ဒတူညီမှု တည်ဆောက်ခြင်း လုပ်ငန်းမှတစ်ဆင့် ညီလာခံ၏ ဂုဏ်သတင်းကို မြှင့်တင်လျက်ရှိသည်။

ဘုရားကျောင်းပဋိပက္ခကြားဝင်ပြန်ဖြေခြင်း

ဖေဖေါ်ဝါရီလအတွင်းက သမိုင်းဝင်ဟိန္ဒူ-ခမာ ဘုရားကျောင်းအနီးတစ်ဝိုက် နယ်စပ်အငြင်းပွားမှုကြောင့် ထိုင်းနှင့် ကမ္ဘောဒီယားအကြား တိုက်ပွဲများ ဖြစ်ပွားရာတွင် အင်ဒိုနီးရှားနိုင်ငံခြားရေးဝန်ကြီးမာတီနာတာလီဂါဝါက အာဆီယံဥက္ကဋ္ဌကဏ္ဍမှနေ၍ ဖြန်ဖြေပေးခဲ့သည်။

အဆိုပါနှစ်နိုင်ငံအကြား လွန်းပြန်ကူးသန်းညှိနှိုင်းပေးနေသော လပိုင်းများအတွင်း နာတာလီဂါဝါက အာဆီယံအဖွဲ့၏ ယေဘူယျသဘောထား တည်ဆောက်ခြင်းနည်းလမ်းကို ကာကွယ်ပြောဆိုခဲ့သော်လည်း နိုင်ငံရေးစီးပွားရေး ဒဏ်ခတ်မှုဖြင့် ခြိမ်းခြောက်၍မရခြင်းက မိမိ၏လုပ်ငန်းကို ပိုမိုခံစား စေကြောင်း ဝန်ခံပြောကြားခဲ့သည်။

ဒစ်ပလိုမေစီ(Diplomacy)နဲ့ ဖိအားပေးလို့ရတယ်ဆိုပေမယ့် Sanctions တွေနဲ့လည်း တွန်းအားပေးဖို့ လိုပါတယ်။ ကျွန်တော်တို့မြင်ကြရမှာပါ။ အခုဒိုင်လူကြီးက အပြင်ထွက်ပေးနေရပါတယ်။ ကျွန်တော့်ဘက်ကိုလည်း နည်းနည်းလောက် ပြန်စဉ်းစားပြီး ကျွန်တော်တို့အာဆီယံရဲ့ နေရာဘယ်မှာ လဲလို့ သုံးသပ်ကြပါဦးဟု နာတာလီဂါဝါက ပြောဆိုခဲ့သည်။

အငြင်းပွား ၂ နိုင်ငံအကြားအပတ်အခေတ်ရပ်စဲရေးသဘောတူညီချက် ရရှိအောင် နာတာလီဂါဝါ ဆောင်ရွက်နိုင်ခဲ့သော်လည်း အငြင်းပွား ဇုံအတွင်း အင်ဒိုးနီးရှား ငြိမ်းချမ်းမှု ထိန်းသိမ်းရေးတပ်များ စခန်းချရန် တောင်းဆိုသည့် အစီအစဉ်ကိုမူ လက်တွေ့အကောင်အထည် ဖော်နိုင်ခဲ့ခြင်း မရှိပါ။

ယခုအခါ ကမ္ဘာ့လူဦးရေထက်ဝက်ခန့်နှင့် မြန်ဆန်စွာကြီးထွားနေသော စီးပွားရေးနိုင်ငံများစွာ ပါဝင်သောဒေသအတွက် အရေးပါမှု ပိုလာသော အရှေ့အာရှ ထိပ်သီးညီလာခံနှင့် အာဆီယံဖိုရပ်ကို အဆိုပါ ဒစ်ပလိုမေစီကပင် ပြုလုပ်ခဲ့ပြီ ဖြစ်သည်။

အာရှပစ္စဖိတ်ဒေသသည် လာမည့်ဆယ်စုနှစ်များအတွင်း အမေရိကန် အကျိုးစီးပွားများအတွက် အလားအလာနှင့် အရေးပါမှု အရှိဆုံး ဒေသတစ်ခု ဖြစ်သည်ဟု အမေရိကန်တာဝန်ရှိသူများက အမြဲတစေ ပြောဆိုခဲ့ကြသည်။

တောင်တရုတ်ပင်လယ်ဒစ်ပလိုမေစီ

ဇူလိုင်လက နောက်ဆုံးကျင်းပခဲ့သော အာဆီယံဒေသတွင်း လုံခြုံရေးဆိုင်ရာ ထိပ်သီးညီလာခံတွင် နာတာလီဂါဝါက ရေနံကြွယ်ဝသော တောင်တရုတ်ပင်လယ်ပြင် ပြဿနာဖြေရှင်းရန် တရုတ်နှင့် အာဆီယံနိုင်ငံ များအကြား သဘောတူညီမှုရရှိခြင်းကို ကြိုဆိုကြောင်း ပြောကြားခဲ့သည်။

သို့သော် အဆိုပါ သဘောတူညီချက်သည် “သဘောတူညီမှု ရရှိနိုင်မည့် လုပ်ငန်းစဉ်ကို အကောင်အထည်ဖော်ရန် ၂ ဖက်စလုံးကို တောင်းဆိုထား ခြင်းမျှသာဖြစ်သည်။

ထို့အပြင် ညီလာခံ အဝန်းအဝိုင်းတွင် တောင်နှင့်မြောက်ကိုရီးယားတို့မှ တာဝန်ရှိသူများအလွတ် သဘောတွေ့ဆုံ ဆွေးနွေးခဲ့ကြပြီး ပြုံးယမ်း၏ နျူကလီးယားအစီအစဉ်နှင့်ဆိုင်သော ၆ နိုင်ငံဆွေးနွေးပွဲပြန်လည် စတင်ရန် မျှော်လင့်ချက်ကို အစပျိုးပေးလျက်ရှိသည်။

အင်ဒိုနီးရှားဒုတိယသမ္မတ၏ နိုင်ငံရေးလက်ထောက်တစ်ဦးဖြစ်သူ ဒီဝီဖော်ကျူနာအန်နဝါက “အာဆီယံ ထိပ်သီးညီလာခံများသည် မြေစမ်း ခရမ်းပျိုး သဘောတူညီချက်အဆင့်မျှသာ ထုတ်လုပ်ပေးနိုင်သေးသော်လည်း ဒေသတွင်းငြိမ်းချမ်းမှုနှင့် တည်ငြိမ်မှုကို ထိမ်းသိမ်းရာတွင် အရေးကြီးသော ကဏ္ဍမှ ပါဝင်နေသည်ဟု ပြောကြားသည်။

“အလွန်ဆုံး လုပ်နိုင်တာကတော့ တင်းမာမှုကို ဖြန့်ထုတ်နိုင်အောင် ကြိုးစားတာပါ။ ဒါဆိုရင် ဆိုင်ရာနိုင်ငံတွေအကြား ဆက်နွယ် ပတ်သက်မှုတွေ ရှိလာအောင် ဖန်တီးနိုင်မယ့် လုပ်ငန်းစဉ်ကို အကောင်အထည်ဖော်ဖို့ မျှော်လင့်နိုင် ပြီပေါ့။ ဒီလိုဆိုရင် ပြိုင်ဖက်ရန်သူတွေလို ဆက်ဆံ နေတာထက် အကျိုးတူ ပူးပေါင်းဆောင်ရွက်တဲ့ နည်းလမ်းကို တွေ့လာကြမှာပါ”ဟု အန်နဝါက ပြောကြားသည်။

မြန်မာနိုင်ငံကိစ္စ

၂၀၁၄ တွင် အာဆီယံအလှည့်ကျဥက္ကဋ္ဌ တာဝန်ယူရန် မြန်မာတို့ကြိုးပမ်းနေသော ကိစ္စသည်လည်း အရှေ့အာရှ ထိပ်သီးညီလာခံ အစီအစဉ်တွင် ပါဝင်လာဖွယ်ရှိသည်။

မနှစ်က ရွေးကောက်ပွဲများအပြီး ဒီမိုကရေစီလုပ်ငန်းစဉ်ကိုဆက်၍ အကောင်အထည်ဖော်လာခြင်း၊ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို လွှတ်ပေးခြင်း၊ နိုင်ငံရေးအကျဉ်းသားအချို့ကို လွှတ်ပေးခြင်းတို့အတွက် ဆုလာဒ်အဖြစ် ခြွင်းချက်သတ်မှတ်ထောက်ခံမည်ဟု အာဆီယံက ထုတ်ဖော်ပြောကြားထားသည်။

လူ့အခွင့်အရေးအုပ်စု အချို့ကမူ “အာဆီယံသည် အဖွဲ့၏ ကိုယ်ပိုင်ဟန် ဒီမိုကရေစီနှင့် လူ့အခွင့်အရေး စည်းကမ်းများကို မြန်မာနိုင်ငံ လေးစားလိုက်နာလာအောင် ခပ်မာမာဆက်ဆံ၍ ဖ်ိအားပေးသင့်ကြောင်း” တိုက်တွန်း ပြောဆိုလျက်ရှိသည်။

အန်နုဝါ က ဆက်လက်၍ “အာဆီယံသည် ၂၀၀၅ တွင် ဒီမိုကရေစီ နှင့် ဥပဒေ စိုးမိုးရေး စည်းမျဉ်းများကို စတင်ချမှတ်မည့် ဒေသတွင် ပေါင်းစည်းမှု အဖွဲ့ကြီး ဖြစ်လာအောင် ဦးတည်နေခြင်းကြောင့် ယခုအချိန်တွင် မြန်မာနိုင်ငံ၏ ကြိုးပမ်းမှုကို ထောက်ခံခြင်းသည် အာဆီယံအဖွဲ့၏ ဂုဏ်သိက္ခာအတွက် အန္တာရာယ်ကြီးသည်” ဟု သုံးသပ်ပြော ကြား သည်။

“တကယ်လို့ အရေးပါတဲ့ ပြုပြင်ပြောင်းလဲမှုတွေ မလုပ်ဘူးဆိုရင်၊ ဒါမှမဟုတ် ပြုပြင်ပြောင်းလဲမှုတွေ နောက်ပြန် ဆုတ်သွားမယ်ဆိုရင်တော့ အာဆီယံအသိုင်းအဝိုင်း ပေါင်းစည်းမှု မတိုင်မှီ တစ်နှစ်အလို ၂၀၁၄ မှာ အာဆီယံကို မြန်မာဦးဆောင်တဲ့ကိစ္စဟာ အာဆီယံကို လူထုဆက်ဆံရေး ကဏ္ဍမှာ ဂုတ်သိက္ခာညစ်နွမ်းကျဆင်းမှု ကပ်ဘေးသင့်အောင် ဆိုးကျိုးပေးမယ့် အလားအလာများနေပါတယ်” ဟု အန်နုဝါက ဆိုပါသည်။

သို့သော်လည်း ဒေသတွင်း စီးပွားရေး ကြီးထွားနေသည့် ယခုကဲ့သို့ကာလမျိုးတွင် အာဆီယံပုံစံ၊ အာဆီယံ ဟန်ပန်ဖြင့် နှစ်ဦးနှစ်ဖက် အကျိုး စီးပွားများကို အာရုံစိုက်ခြင်း၊ အားပေးတိုက်တွန်းခြင်း၊ ယေဘူယျတူညီမှုကို အချိန်ယူ တည်ဆောက်ခြင်းတို့သည် ဒေသ၏ ငြိမ်းချမ်းမှုနှင့် တည်ငြိမ်မှုကို သေချာစေမည့် အထိရောက်ဆုံးနည်းလမ်းဖြစ်သည်ဟု သူမက မှတ်ချက်ပေးပြောဆိုသွားသည်။