''ကျောင်းကို ရပ်ကွက်တွင်းက ကျောင်းသားလေးတွေအပြင် တခြား နယ်စပ်ဒေသက ကျောင်းသားလေးတွေလည်း ကျောင်းအိပ်၊ကျောင်းစားအနေနဲ့ တက်ရောက်တဲ့အတွက် တစ်နှစ်ထက် တစ်နှစ်ကျောင်းသား ဦးရေတွေက များလာပါတယ်။ စာသင်ခန်းနဲ့ ကျောင်းသားတွေ နေထိုင်တဲ့အဆောင် တွေမှာ ကျောင်းသားဦးရေကနှစ်စဉ် တိုးနေတဲ့အတွက် ရှိသင့်တာထက် နှစ်ဆကျော်နေထိုင်နေရပါတယ်။ ကျောင်းဆောင်သစ်ဆောက်ဖို့ စီစဉ်နေပေမယ့် အကြောင်းအမျိုးမျိုးကြောင့် မဆောက်နိုင်သေးပါဘူး''ဟု ပိတောက်ရွှေဝါ ဘုန်းတော်ကြီးသင် ပညာရေးကျောင်းမှ တာဝန်ရှိသူတစ် ဦးက ရှင်းပြပါသည်။
ပိတောက်ရွှေဝါ ဘုန်းတော်ကြီးသင်ပညာရေးကျောင်းကို ၁၉၅၈ ခုနှစ်က စတင်တည်ထောင်ခဲ့ပြီး ကျောင်းဖွင့်သည့်သက်တမ်း ၄၉ နှစ် ရှိပြီဖြစ်ကာ နှစ်စဉ်ကျောင်းသားတစ်ရာခန့် လာရောက်ပညာသင်ကြားကြ ကြောင်းသိရသည်။
''ကျောင်းဖွင့်စကနယ်စပ်ဒေသ ကလေးငယ်တွေအတွက် အဓိက ရည်ရွယ်ဖွင့်လှစ်ခဲ့ပေမယ့် ပညာသင် ကြားဖို့ အခက်အခဲရှိတဲ့ ကလေးငယ်တွေအားလုံးကို လက်ခံပေးပါတယ်။ ဘယ်လိုကလေးတွေကိုပဲ လက်ခံမယ်ဆိုတဲ့ သတ်မှတ်ချက်တွေမရှိပါ ဘူး။ ယောက်ျားလေး၊ မိန်းကလေး အားလုံးသာသနာ့ဘောင်ဝင်စေပြီး စောင့်ရှောက်ပေးပါတယ်''ဟု နာဂလိုဏ်ဂူဆရာတော်လယ်တီ ဘဒ္ဒန္တဇာ ဂရာဘိဝံသက မိန့်ကြားတော်မူပါသည်။
နာဂလိုဏ်ဂူဘုန်းတော်ကြီး သင်ပညာရေးကျောင်းကို ၁၉၉၃ ခု နှစ်တွင် ကလေးဝဆရာတော်မှ ရန်ကုန်မြို့၊ နာဂလိုဏ်ဂူဘုရားကုန်းမြေ ၌ '၀' ကျောင်းသား ၁၇ ယောက်ဖြင့် စတင်ဖွင့်လှစ်ခဲ့ခြင်းဖြစ်ကြောင်း သိရှိရပါသည်။ ဖွင့်လှစ်ပြီးချိန်မှ စ၍ နယ်စပ်ဒေသနှင့် တောင်တန်းဒေသ များမှတိုင်းရင်းသားပေါင်းစုံ တစ် ထောင်ကျော်နှစ်စဉ်လာရောက်၍ အခမဲ့ပညာသင်ကြားလျက်ရှိကြောင်း သိရှိရပါသည်။
ကျောင်းအိပ်ကျောင်းစားအ ဖြစ်လက်ခံကာ ပညာသင်ကြားပေးသော အဆိုပါ ဘုန်းတော်ကြီးသင် ပညာရေးကျောင်းများတွင် ပညာ သင်ကြားမှုအတွက် လိုအပ်သော စာ အုပ်၊ ခဲတံ၊ ဘောပင်များသာမက ကျန်းမာရေးစောင့်ရှောက်မှုများကို လည်း စေတနာရှင်များ၏လှူဒါန်းမှု များဖြင့် ဆောင်ရွက်ပေးခြင်းဖြစ်ကြောင်း သိရသည်။
ဘုန်းတော်ကြီးသင်ပညာရေး သည် မြန်မာနိုင်ငံ၏ ပထမအစ ပညာသင်ကြားရေးစနစ်တစ်ခုဖြစ်ခဲ့ ပြီး မြန်မာတို့၏ ဘာသာရေး၊ ယဉ်ကျေးမှုနှင့် ပညာရေးတို့အတွက် အထောက်အကူတစ်ရပ်အဖြစ် ယနေ့တိုင် ဆက်လက်တည်ရှိနေခြင်း ဖြစ်ကြောင်း သိရသည်။ ထို့ပြင် ဘုန်းတော်ကြီးသင်ပညာကျောင်းများ သည် ခေတ်စနစ်နှင့် လိုက်လျောညီ ထွေသော သင်ကြားမှုများကိုလည်း ပြောင်းလဲနိုင်ခဲ့ပြီး မူလတန်း၊ အလယ်တန်းနှင့် အထက်တန်းအ ဆင့်များအထိသင်ကြားပေးနိုင်ခဲ့သော် လည်း အလယ်တန်းနှင့်အထက်တန်း ပညာသင်ကြားခြင်းကို ၂၀၀၉-၂၀၁၀ ပညာသင်နှစ်မှစ၍ သင်ကြားမှု ရပ်နားခဲ့ကြောင်း သိရသည်။
ရင်းမြစ်....weeklyeleven
