"ပြည်သူတွေ တာဝန်ကျေဖို့လိုတယ်" နိုင်ငံရေးသမားတွေ ဟောတာပြောတာ နားထောင်ရတဲ့ အခါဖြစ်စေ၊ ခေတ်ပေါ်ဒီမိုကရေစီ မဟာပညာကျော်တွေရေးတဲ့ စာတိုစာရှည်တွေကို ဖတ်ရတဲ့ အခါဖြစ်စေ၊ ပြည်သူတွေ တာဝန်ကျေပါ။ ကိုယ့်တာဝန်ကိုသိပါ ဆိုတဲ့ စကားတွေကို ထပ်ခါထပ်ခါ ကြားရတယ်။
ကြားရတဲ့ အခါတိုင်း နားကလောပြီး ဖတ်ရတဲ့အခါတိုင်း မျက်စိနောက်မိတယ်။ "ငပြူကများပြဲရတယ်ရှိသေး" လို့အမြဲပါးစပ်က ထွက်လာလေ့ရှိတယ်။ တကယ်တမ်း ကိုယ့်တာဝန်ကိုသိပြီး တာဝန်ကျေရမှာက သူတို့လေ။ ခေတ်တိုင်းခေတ်တိုင်းမှာ မြန်မာပြည်သူလူထုက တာဝန်မကျေခဲ့တာ ဘယ်မှာရှိလို့လဲ။
နယ်ချဲ့တပ်တွေ ရတာနာပုံနေပြည်တော်ကို သိမ်းဖို့ ကြည်းကြောင်းရေကြောင်း ချီလာတော့ လမ်းတလျောက်လုံးမှာရှိတဲ့ ရွာတိုင်းရွာတိုင်းကရရာလက်နက်စွဲကိုင်ပြီး ခုခံတိုက်ခိုက်ခဲ့ကြတယ်။ မြင်းခြံ၊ သပြေတန်း၊ အင်းဝခံတပ်တွေက ရဲမက်အပေါင်းကလည်း အသေခံပြီးတိုက်ဖို့ အသင့်ရှိနေခဲ့ကြတယ်။ ကင်းဝန်မင်းကြီးက "အင်္ဂံလိပ်တွေကို မခုခံရ၊ ခုခံလျှင် သူပုန်" ဆိုတဲ့ ကြေးနန်းရိုက်အမိန့်ထုတ်လို့သာ မတိုက်ကြရတာဖြစ်တယ်။
နေပြည်တော်ကို သိမ်းပိုက်ပြီး ဘုရင်နဲ့မိဘုရားကို ဖမ်းဆီးခေါ်ဆောင်သွားပြီးနောက်မှာလည်း မြန်မာမျိုးချစ်တွေက အနယ်နယ်အရပ်ရပ်မှာ နယ်ချဲ့တပ်တွေကို ဆန့်ကျင်တိုက်ခိုက်မြဲ တိုက်ခိုက်ကြတယ်။ အဲဒီအခါ ကင်းဝန်မင်းကြီးနဲ့ အပေါင်းပါများက နယ်ချဲ့တပ်တွေနဲ့အတူ နယ်တကာလိုက်ပါပြီး မြန်မာမျိုးချစ်တွေကို လက်နက်ချအညံခံဖို့ လှုံ့ဆော်စည်းရုံးခဲ့ကြတယ်။ လက်နက်ချသူတွေကို တိုက်သူကြီး၊ ရွာသူကြီးရာထူးတွေပေးမယ်ဆိုပြီး နားချခဲ့တယ်။ လစာ ရိက္ခာတွေ၊ ဘွဲ့ထူးဂုဏ်ထူးတွေပေးပြီး ဆွယ်ခဲ့ကြတယ်။
ဒီလိုနဲ့ဘဲ စစ်ကဲတော်မင်းတို့ သမာဓိမြို့ဝန်မင်းတို့ဆိုတဲ့ နယ်ချဲ့လက်ပါးစေအဖြစ် ရောက်သူတွေရောက်သွားကြတယ်။ ကျက်သရေဆောင်ရွှေစလွယ်ရမင်း(KSM)၊ အမှုထမ်းကောင်းမင်း(ATM)၊ တိုင်းကျိုးပြည်ကျိုးဆောင်(TPS)၊ ဆိုတဲ့ ဘွဲ့ခံတွေလဲ ပေါ်ထွက်လာခဲ့တယ်။နှစ်လုံးပြူး ဆုချခံရသူ၊ ရွှေဓါးချီးမြှင့်ခံရသူတွေလည်းအများအပြားရှိလာခဲ့ကြ တယ်။
အဲဒီဘွဲ့ထူးဂုဏ်ထူးတွေဟာ နယ်ချဲ့အစိုးရက သူတို့အကျိုးကို သစ္စာရှိစွာ ထမ်းဆောင်တဲ့ လက်ပါးစေတွေကို ချီးမြှင့်တာဖြစ်တယ်။ နောက်ပိုင်းမြန်မာလူထုရဲ့ လွပတ်လပ်ရေးတိုက်ပွဲတွေ အရှိန်အဟုန်ကြီးမားပြင်းထန်လာတဲ့အခါကြတော့ ဘိလပ်ရွှေမြို့တော်ကြီးရှိ "ဂျော့ဘုရင်ရွှေဘုန်း နေကနှုန်းပမာ" ကိုယ်တိုင်က ချီးမြှင့်တယ်ဆိုတဲ့ 'ဆာ'ဘွဲ့ ပေးခံရသူများတောင် ရှိလာခဲ့ကြတယ်။ ဂဠုန်ဆရာစံနဲ့ အပေါင်းအပါမျိုးချစ်လယ်သမားတွေကိုတော့ ကြိုးစင်ပို့ခဲ့ကြတယ်။ ကိုနုတို့၊ ကိုအောင်ဆန်းတို့လို ကျောင်းသားတွေကိုတက္ကသိုလ်ကထုတ်ပစ်ခဲ့တယ်။ သခင်ကိုယ်တော်မှိုင်းကို ရန်သူတော် နံပါတ် ၁ လို့ကြေညာပြီး ကိုအောင်ဆန်းကို ဆုတော်ငွေ ၅ကျပ် အထုတ်ခံဝရမ်းပြေး အဖြစ် သတ်မှတ်ခဲ့ပါတယ်။
ကိုနု၊ ကိုအောင်ဆန်းတို့ ကျောင်းထုတ်ခံရလို့ တက္ကသိုလ်ကျောင်းသားတွေက သပိတ်မှောက်ကြတော့လည်း မိဘပြည်သူတရပ်လုံးကတစ်ခဲနက်ထောက်ခံခဲ့ကြတယ်။ နောက်တော့ အင်္ဂံလိပ်ရဲ့ ကျွန်ပညာအစား သခင်ပညာသင်ကြားနိုင်ဖို့ အမျိုးသားကျောင်းတွေ တစ်နိုင်ငံလုံးအနှံ့ ထူထောင်ပေးခဲ့ကြတယ်။ ပြည်သူတွေကိုယ်တိုင် ငွေကြေးစိုက် ထုတ်ပြီး ကျောင်းတွေထောင်ပေးခဲ့ကြတာဖြစ်တယ်။ သခင်ကိုယ်တော်မှိုင်းလို ပုဂ္ဂိုလ်ကစပြီး အခကြေးငွေ လုံးဝမယူဘဲ စေတနာဆရာအဖြစ် လုပ်ကိုင်ခဲ့ကြတယ်။
အဲဒီနောက် ကိုအောင်ဆန်းတို့ လူငယ်တစု ဘီအိုင်အေဖွဲ့စည်းထူထောင်ပြီး ဂျပန်တွေနဲ့ အတူဝင်ရောက်လာတော့လည်း တစ်ပြည်လုံးက သောင်းသောင်းဖျဖျကြိုဆိုခဲ့ကြပြီး ယောက်ျားမှန်သမျှ ဘီအိုင်အေတပ်ထဲဝင်ခဲ့ကြတယ်။ တစ်ခါဗိုလ်ချုပ်အောင်ဆန်းတို့က ဂျပန်ကိုပြန်ပြီး တော်လှန်ကြဆိုတော့လည်း လှည်းနေလှေအောင်းမြင်းဇောင်းမကျန် ရရာလက်နက်စွဲကိုင်ပြီး တော်လှန်ရေးဆင်နွဲခဲ့ကြတယ်။ အမျိုးသမီးတွေကလည်း ယောက်ျားတွေနဲ့ တန်းတူရင်ဘောင်တန်းပြီး တိုက်ပွဲဝင်ခဲ့ကြတယ်။ အဲဒီအချိန်က အင်္ဂံလိပ်၊ အမေရိကန်စစ်တပ်တွေတောင် စစ်မြေပြင်မှာ လက်နက်ကိုင်တိုက်ခိုက်တဲ့ အမျိုးသမီးတပ်ဖွဲ့တွေမရှိသေးပါဘူး။
စစ်ပြီးခေတ်လွတ်လပ်ရေးအတွက် နိုင်ငံရေးတိုက်ပွဲတွေ ဆင်နွဲရာမှာလည်း ဗိုလ်ချုပ်တို့ ဖဆပလကဘတိုက်ပွဲခေါ်သံပေးသမျှ တစ်ခဲနက်လိုက်ပါ ထောက်ခံခဲ့ကြတာချည်းဖြစ် တယ်။ နေသူရိန်အစည်းအဝေးကြီးတက်ကြဆိုလည်း အိမ်ရှိလူကုန်လာတက်ကြတယ်။ ပြည်လုံးကျွတ် သပိတ်တိုက်ပွဲ ခေါ်သံပေးတော့လည်း အစိုးရ၀န်ထမ်းအားလုံး၊ နယ်ချဲ့လက်အောက်က ပုလိပ်တွေပါမကျန် သပိတ်မှောက်ခဲ့ကြတယ်။ ပင်လုံညီလာခံလုပ်မယ်ဆိုတော့လည်း တိုင်းရင်းသားတွေပါ စုစည်းပါဝင်ခဲ့ကြတယ်။ လွတ်လပ်ရေးတိုက်ပွဲ အဆင့်ဆင့်မှာ ပြည်သူလူထုဘက်က တာဝန်ကျေခဲ့ကြတာချည်းဖြစ်တယ်။ ခေါင်းဆောင်ကောင်းတွေရဲ့ နောက်က အရိုးကြေကြေအရေခန်းခန်း တာဝန်သိသိနဲ့ လိုက်ပါခဲ့ကြတာချည်းဖြစ်တယ်။
လွတ်လပ်ရေးရပြီးနောက်ပိုင်း အမျိုးသားတပ်ပေါင်းစုကြီးဖြစ်တဲ့ ဖဆပလကြီးပြိုကွဲသွားတာ၊ ပြည်တွင်းစစ်ကြီးဖြစ်ခဲ့တာ။ ဖွံ့ဖြိုးဆဲနိုင်ငံဆိုတဲ့အဆင့်က တက်မလာတာ အားလုံးဟာ ပြည်သူတွေကြောင့် လုံးဝမဟုတ်ဘူး။ မြန်မာပြည်သူလူထုဟာ နယ်ချဲ့လက်အောက်လဲ ကျွန်ဖြစ်ခဲ့ဖူး၊ ဖက်ဆစ်လက်အောက်လဲ ရောက်ခဲ့ဘူး၊ တော်လှန်ရေးတိုက်ပွဲ အလီလီလဲ ဆင်နွဲခဲ့ဖူး၊ ဖဆပလရဲ့ ပြည်တော်သာခေတ်နဲ့ ပြူစောထီးကိုလဲကြုံခဲ့ဖူး၊ ၁၉၆၂ခုနှစ် အာဏာသိမ်းကောင်စီအောက်လဲ ရောက်ခဲ့ဖူး၊ မြန်မာ့ဆိုရှယ်လစ်ဆိုတာလဲ ဖြတ်သန်းခဲ့ဖူးတဲ့ တဲ့ အတွေ့အကြုံတွေ၊ စစ်ရေးရော၊ နိုင်ငံရေးပါ ကြွယ်ဝနေပါတယ်။ ဒါကြောင့်မြန်မာလူမျိုးတိုင်း ကိုယ့်တာဝန်ကို သိပ်သိပါတယ်။ ရှေးကတာဝန်ကျေခဲ့သလို နောင်လည်းတာဝန်ကျေဖို့ အသင့်ရှိပါတယ်။
နိုင်ငံရေးသမားတွေက သူတို့တာဝန်မကျေခဲ့ကြတာတွေကိုတော့ ဘာမှမပြောဘဲ ရေငုံနှုတ်ပိတ်လုပ်နေခဲ့ကြပြီး ပြည်သူလူထုကိုသာ တာဝန်ကျေကြပါ။ တာဝန်သိကြပါလို့ ထပ်ခါတလဲလဲ ပြောနေတာတွေ ကြားရတဲ့အခါတိုင်း ပါးစပ်ယားလွန်းလို့ မနည်းချုပ်တီးထားရတယ်။ အလားတူဘဲ ခေတ်ပေါ်မဟာပညာကျော်တွေက နိုင်ငံကြီးသားပီသကြပါလို့ လျှာအရိုးမရှိတိုင်း တောပြောတောင်ပြော ပြောနေတာတွေကြားရတိုင်းလည်း၊ KSMတွေ ATMတွေ TPSတွေကို ပြေးပြးသတိရမိပါတယ်။ SKL(Shwe Ka Laung်) ဆိုတဲ့ ဘွဲ့ထူးတစ်ခုထွင်ပြီး ပေးလိုက်ချင်စိတ်တောင်ပေါက်မိပါတယ်။
သူတို့ပြောပြောနေတဲ့ တိုးတက်တဲ့ ဒီမိုကရေစီနိုင်ငံကြီးတွေက နိုင်ငံကြီးသားပီသတဲ့ ပြည်သူတွေတာဝန်သိလို့ သူတို့နိုင်ငံကြီးတွေချမ်းသာနေတာဆိုတဲ့ အသံတွေကြားရတိုင်း 'မပြုံးဘဲ ၀ါးလုံးကွဲ" ရယ်ချင်လာရတယ်။ နယူးယောက်ကုလသမဂ္ဂအဆောက်အအုံကြီး ပတ်ဝန်းကျင်ကလမ်းတွေမှာ ညနေ ၆ နာရီကျော်ရင် တယောက်ထဲလမ်းမလျှောက်ပါနဲ့လို့ ကုညသမဂ္ဂလုံခြုံရေးအစောင့်တွေက ညီလာခံလာတက်သူတွေကို မပြတ်သတိပေးနေရတာ၊ ငြိမ်းချမ်းသာယာနေတဲ့ နိုင်ငံကြီးရဲ့ပြယုဂ်လား။ ဘရွတ်ကလင်းရပ်ကွက်က လမ်းတွေ မှာ ဟီးထနေတဲ့ အမှိုက်ပုံကြီးတွေ မိလ္လာပိုက်ပေါက်က လျှံထွက်ပြီး လမ်းပေါ်မှာအိုင်ထွန်းနေတာတွေ၊ ကလေးလေးတွေက မူယစ်ဆေးလိုက်ရောင်းနေတာတွေ၊ လူငယ်ဒုစရိုက်ဂိုင်္ဏးတွေအချင်းချင်း ရိုက်ပွဲသတ်ပွဲကြီါ်တွေ နေ့စဉ်ဆူညံနေတာကရော ဒီမိုကရေစီရဲ့သင်္ကေတ တွေလား။
သမ္မတအိုဘားမားရဲ့မြို့ ချီကာဂိုပန်းခြံကြီးအတွင်းက နှစ်ပေါင်းရာချီရှိနေပြီဖြစ်တဲ့ ဧရာမသစ်ပင်ကြီးအောက်မှာ နေထိုင်ကြတဲ့ အိုးမဲ့အိမ်မဲ့တွေထောင်ချီရှိနေတဲ့အတွက် အဲဒီ 'Tree People' လို့ခေါ်တဲ့ 'သစ်ပင်လူသားများ' အတွက် မြူနီစပယ်က စာတိုက်သင်္ကေတ တစ်ခုသတ်မှတ်ပြီး စာတိုက်ပုံးထားပေးရပါတယ်။ အဲဒီနိုင်ငံက သမ္မတရွေးကောက်ပွဲနဲ့ လွှတ်တော်ရွေးကောက်ပွဲတွေ ကျင်းပတဲ့အခါတိုင်း မဲလာပေးသူ ၅၀% ရှိအောင် ပါတီကြီးတွေက သူတို့ပါတီဝင်တွေကို မနည်းကြီးဆော်သြပေးရပါတယ်။ အဲဒါတာဝန်သိတာလား၊ တာဝန်ကျေတာလား။
ခေတ်ပေါ်မဟာပညာကျော်(SKL) တွေ ခဏခဏချီးမွန်းပြနေတဲ့ အာရှနိုင်ငံသေးသေးလေးမှာ အိမ်ဖော်မိန်းကလေးတွေကို ရေနွေးပူလောင်းတာ၊ အပ်တွေရိုက်သွင်းပြီး ဆုံးမတာ၊ ဓားနဲ့အသားကိုမွှန်းပြီး နှိပ်စက်တာတွေ သူတို့ဆီက သတင်းစာတွေမှာ နေ့စဉ်လိုလိုပါနေပါတယ်။ နိုင်ငံကြီးသားစိတ်ဓါတ်၊ နိုင်ငံကြီးသားပီသမှုဆိုတာ အဲဒါမျိုးတွေလား။ မြေအောက်ဘူတာရုံမှာ ဓာတ်ငွေ့တွေလွှတ်ပြီး လူရာပေါင်းများစွာ ဒုက္ခရောက်အောင်လုပ်တာ နိုင်ငံကြီးသားပီသမှုလား။ မူလတန်းကျောင်းလေးထဲ မောင်းပြန်သေနတ်ကြီးနဲ့ ဒလကြမ်းဝင်မွှေတာ နိုင်ငံကြီးသားစိတ်ဓါတ်လား။ နိုင်ငံတော်သမ္မတကြီးက အိမ်ဖြူတော်မှာ လုပ်အားပေးလာတဲ့သူလေးကို မတော်မလျော်ပြုတာ နိုင်ငံကြီးသားအပြုအမှုလား။ ခေတ်ပေါ်မဟာပညာကျော်(SKL) များ ဒါတွေကို မသိဘူးလား။ တော်တော်သနားစရာကောင်းတယ်။
မှန်တခါးတွေ အလုံပိတ်ပြီး လေအေးစက်ဖွင့်ထားတဲ့ အခန်းကြီးထဲကမထွက်ဘဲ မြန်မာပြည်မှာလမသာဘူးလို့ ညည်းပြပြီး ဒီမိုကရေစီနိုင်ငံတွေက လကိုလွမ်းနေလို့ကတော့ ပြည်သူတွေက "သနားတယ်"လို့ဟားတိုက်ရယ်သွမ်းသွေးလိုက်မှာ သေချာတယ်။
မနေ့က ဘိလပ်မှာ လမသာဘူး။ နှင်းတွေကျလို့ ဘောလုံးပွဲတွေတောင် ရွေ့လိုက်ရတယ်။ ရန်ကုန်မြို့မှာတော့ လမင်းကြီး ထိန်ထိန်သာလို့
လူထုဦးစိန်ဝင်း......
ငပြူးကပြဲ
ကြားရတဲ့ အခါတိုင်း နားကလောပြီး ဖတ်ရတဲ့အခါတိုင်း မျက်စိနောက်မိတယ်။ "ငပြူကများပြဲရတယ်ရှိသေး" လို့အမြဲပါးစပ်က ထွက်လာလေ့ရှိတယ်။ တကယ်တမ်း ကိုယ့်တာဝန်ကိုသိပြီး တာဝန်ကျေရမှာက သူတို့လေ။ ခေတ်တိုင်းခေတ်တိုင်းမှာ မြန်မာပြည်သူလူထုက တာဝန်မကျေခဲ့တာ ဘယ်မှာရှိလို့လဲ။
နယ်ချဲ့တပ်တွေ ရတာနာပုံနေပြည်တော်ကို သိမ်းဖို့ ကြည်းကြောင်းရေကြောင်း ချီလာတော့ လမ်းတလျောက်လုံးမှာရှိတဲ့ ရွာတိုင်းရွာတိုင်းကရရာလက်နက်စွဲကိုင်ပြီး ခုခံတိုက်ခိုက်ခဲ့ကြတယ်။ မြင်းခြံ၊ သပြေတန်း၊ အင်းဝခံတပ်တွေက ရဲမက်အပေါင်းကလည်း အသေခံပြီးတိုက်ဖို့ အသင့်ရှိနေခဲ့ကြတယ်။ ကင်းဝန်မင်းကြီးက "အင်္ဂံလိပ်တွေကို မခုခံရ၊ ခုခံလျှင် သူပုန်" ဆိုတဲ့ ကြေးနန်းရိုက်အမိန့်ထုတ်လို့သာ မတိုက်ကြရတာဖြစ်တယ်။
လက်နက်ချအညံခံခိုင်း
နေပြည်တော်ကို သိမ်းပိုက်ပြီး ဘုရင်နဲ့မိဘုရားကို ဖမ်းဆီးခေါ်ဆောင်သွားပြီးနောက်မှာလည်း မြန်မာမျိုးချစ်တွေက အနယ်နယ်အရပ်ရပ်မှာ နယ်ချဲ့တပ်တွေကို ဆန့်ကျင်တိုက်ခိုက်မြဲ တိုက်ခိုက်ကြတယ်။ အဲဒီအခါ ကင်းဝန်မင်းကြီးနဲ့ အပေါင်းပါများက နယ်ချဲ့တပ်တွေနဲ့အတူ နယ်တကာလိုက်ပါပြီး မြန်မာမျိုးချစ်တွေကို လက်နက်ချအညံခံဖို့ လှုံ့ဆော်စည်းရုံးခဲ့ကြတယ်။ လက်နက်ချသူတွေကို တိုက်သူကြီး၊ ရွာသူကြီးရာထူးတွေပေးမယ်ဆိုပြီး နားချခဲ့တယ်။ လစာ ရိက္ခာတွေ၊ ဘွဲ့ထူးဂုဏ်ထူးတွေပေးပြီး ဆွယ်ခဲ့ကြတယ်။
ဒီလိုနဲ့ဘဲ စစ်ကဲတော်မင်းတို့ သမာဓိမြို့ဝန်မင်းတို့ဆိုတဲ့ နယ်ချဲ့လက်ပါးစေအဖြစ် ရောက်သူတွေရောက်သွားကြတယ်။ ကျက်သရေဆောင်ရွှေစလွယ်ရမင်း(KSM)၊ အမှုထမ်းကောင်းမင်း(ATM)၊ တိုင်းကျိုးပြည်ကျိုးဆောင်(TPS)၊ ဆိုတဲ့ ဘွဲ့ခံတွေလဲ ပေါ်ထွက်လာခဲ့တယ်။နှစ်လုံးပြူး ဆုချခံရသူ၊ ရွှေဓါးချီးမြှင့်ခံရသူတွေလည်းအများအပြားရှိလာခဲ့ကြ တယ်။
ဆာဘွဲ့အထိရကြ
အဲဒီဘွဲ့ထူးဂုဏ်ထူးတွေဟာ နယ်ချဲ့အစိုးရက သူတို့အကျိုးကို သစ္စာရှိစွာ ထမ်းဆောင်တဲ့ လက်ပါးစေတွေကို ချီးမြှင့်တာဖြစ်တယ်။ နောက်ပိုင်းမြန်မာလူထုရဲ့ လွပတ်လပ်ရေးတိုက်ပွဲတွေ အရှိန်အဟုန်ကြီးမားပြင်းထန်လာတဲ့အခါကြတော့ ဘိလပ်ရွှေမြို့တော်ကြီးရှိ "ဂျော့ဘုရင်ရွှေဘုန်း နေကနှုန်းပမာ" ကိုယ်တိုင်က ချီးမြှင့်တယ်ဆိုတဲ့ 'ဆာ'ဘွဲ့ ပေးခံရသူများတောင် ရှိလာခဲ့ကြတယ်။ ဂဠုန်ဆရာစံနဲ့ အပေါင်းအပါမျိုးချစ်လယ်သမားတွေကိုတော့ ကြိုးစင်ပို့ခဲ့ကြတယ်။ ကိုနုတို့၊ ကိုအောင်ဆန်းတို့လို ကျောင်းသားတွေကိုတက္ကသိုလ်ကထုတ်ပစ်ခဲ့တယ်။ သခင်ကိုယ်တော်မှိုင်းကို ရန်သူတော် နံပါတ် ၁ လို့ကြေညာပြီး ကိုအောင်ဆန်းကို ဆုတော်ငွေ ၅ကျပ် အထုတ်ခံဝရမ်းပြေး အဖြစ် သတ်မှတ်ခဲ့ပါတယ်။
အမျိုးသားကျောင်းတွေ
ကိုနု၊ ကိုအောင်ဆန်းတို့ ကျောင်းထုတ်ခံရလို့ တက္ကသိုလ်ကျောင်းသားတွေက သပိတ်မှောက်ကြတော့လည်း မိဘပြည်သူတရပ်လုံးကတစ်ခဲနက်ထောက်ခံခဲ့ကြတယ်။ နောက်တော့ အင်္ဂံလိပ်ရဲ့ ကျွန်ပညာအစား သခင်ပညာသင်ကြားနိုင်ဖို့ အမျိုးသားကျောင်းတွေ တစ်နိုင်ငံလုံးအနှံ့ ထူထောင်ပေးခဲ့ကြတယ်။ ပြည်သူတွေကိုယ်တိုင် ငွေကြေးစိုက် ထုတ်ပြီး ကျောင်းတွေထောင်ပေးခဲ့ကြတာဖြစ်တယ်။ သခင်ကိုယ်တော်မှိုင်းလို ပုဂ္ဂိုလ်ကစပြီး အခကြေးငွေ လုံးဝမယူဘဲ စေတနာဆရာအဖြစ် လုပ်ကိုင်ခဲ့ကြတယ်။
အမျိုးသမီးတွေလည်း တိုက်ခဲ့ကြ
အဲဒီနောက် ကိုအောင်ဆန်းတို့ လူငယ်တစု ဘီအိုင်အေဖွဲ့စည်းထူထောင်ပြီး ဂျပန်တွေနဲ့ အတူဝင်ရောက်လာတော့လည်း တစ်ပြည်လုံးက သောင်းသောင်းဖျဖျကြိုဆိုခဲ့ကြပြီး ယောက်ျားမှန်သမျှ ဘီအိုင်အေတပ်ထဲဝင်ခဲ့ကြတယ်။ တစ်ခါဗိုလ်ချုပ်အောင်ဆန်းတို့က ဂျပန်ကိုပြန်ပြီး တော်လှန်ကြဆိုတော့လည်း လှည်းနေလှေအောင်းမြင်းဇောင်းမကျန် ရရာလက်နက်စွဲကိုင်ပြီး တော်လှန်ရေးဆင်နွဲခဲ့ကြတယ်။ အမျိုးသမီးတွေကလည်း ယောက်ျားတွေနဲ့ တန်းတူရင်ဘောင်တန်းပြီး တိုက်ပွဲဝင်ခဲ့ကြတယ်။ အဲဒီအချိန်က အင်္ဂံလိပ်၊ အမေရိကန်စစ်တပ်တွေတောင် စစ်မြေပြင်မှာ လက်နက်ကိုင်တိုက်ခိုက်တဲ့ အမျိုးသမီးတပ်ဖွဲ့တွေမရှိသေးပါဘူး။
တိုက်ပွဲခေါ်သံပေးသမျှ
စစ်ပြီးခေတ်လွတ်လပ်ရေးအတွက် နိုင်ငံရေးတိုက်ပွဲတွေ ဆင်နွဲရာမှာလည်း ဗိုလ်ချုပ်တို့ ဖဆပလကဘတိုက်ပွဲခေါ်သံပေးသမျှ တစ်ခဲနက်လိုက်ပါ ထောက်ခံခဲ့ကြတာချည်းဖြစ် တယ်။ နေသူရိန်အစည်းအဝေးကြီးတက်ကြဆိုလည်း အိမ်ရှိလူကုန်လာတက်ကြတယ်။ ပြည်လုံးကျွတ် သပိတ်တိုက်ပွဲ ခေါ်သံပေးတော့လည်း အစိုးရ၀န်ထမ်းအားလုံး၊ နယ်ချဲ့လက်အောက်က ပုလိပ်တွေပါမကျန် သပိတ်မှောက်ခဲ့ကြတယ်။ ပင်လုံညီလာခံလုပ်မယ်ဆိုတော့လည်း တိုင်းရင်းသားတွေပါ စုစည်းပါဝင်ခဲ့ကြတယ်။ လွတ်လပ်ရေးတိုက်ပွဲ အဆင့်ဆင့်မှာ ပြည်သူလူထုဘက်က တာဝန်ကျေခဲ့ကြတာချည်းဖြစ်တယ်။ ခေါင်းဆောင်ကောင်းတွေရဲ့ နောက်က အရိုးကြေကြေအရေခန်းခန်း တာဝန်သိသိနဲ့ လိုက်ပါခဲ့ကြတာချည်းဖြစ်တယ်။
ခေါင်းဆောင်ပိုင်းရဲ့ တာဝန်
လွတ်လပ်ရေးရပြီးနောက်ပိုင်း အမျိုးသားတပ်ပေါင်းစုကြီးဖြစ်တဲ့ ဖဆပလကြီးပြိုကွဲသွားတာ၊ ပြည်တွင်းစစ်ကြီးဖြစ်ခဲ့တာ။ ဖွံ့ဖြိုးဆဲနိုင်ငံဆိုတဲ့အဆင့်က တက်မလာတာ အားလုံးဟာ ပြည်သူတွေကြောင့် လုံးဝမဟုတ်ဘူး။ မြန်မာပြည်သူလူထုဟာ နယ်ချဲ့လက်အောက်လဲ ကျွန်ဖြစ်ခဲ့ဖူး၊ ဖက်ဆစ်လက်အောက်လဲ ရောက်ခဲ့ဘူး၊ တော်လှန်ရေးတိုက်ပွဲ အလီလီလဲ ဆင်နွဲခဲ့ဖူး၊ ဖဆပလရဲ့ ပြည်တော်သာခေတ်နဲ့ ပြူစောထီးကိုလဲကြုံခဲ့ဖူး၊ ၁၉၆၂ခုနှစ် အာဏာသိမ်းကောင်စီအောက်လဲ ရောက်ခဲ့ဖူး၊ မြန်မာ့ဆိုရှယ်လစ်ဆိုတာလဲ ဖြတ်သန်းခဲ့ဖူးတဲ့ တဲ့ အတွေ့အကြုံတွေ၊ စစ်ရေးရော၊ နိုင်ငံရေးပါ ကြွယ်ဝနေပါတယ်။ ဒါကြောင့်မြန်မာလူမျိုးတိုင်း ကိုယ့်တာဝန်ကို သိပ်သိပါတယ်။ ရှေးကတာဝန်ကျေခဲ့သလို နောင်လည်းတာဝန်ကျေဖို့ အသင့်ရှိပါတယ်။
ရွှေကလောင်ဘွဲ့ပေးချင်
နိုင်ငံရေးသမားတွေက သူတို့တာဝန်မကျေခဲ့ကြတာတွေကိုတော့ ဘာမှမပြောဘဲ ရေငုံနှုတ်ပိတ်လုပ်နေခဲ့ကြပြီး ပြည်သူလူထုကိုသာ တာဝန်ကျေကြပါ။ တာဝန်သိကြပါလို့ ထပ်ခါတလဲလဲ ပြောနေတာတွေ ကြားရတဲ့အခါတိုင်း ပါးစပ်ယားလွန်းလို့ မနည်းချုပ်တီးထားရတယ်။ အလားတူဘဲ ခေတ်ပေါ်မဟာပညာကျော်တွေက နိုင်ငံကြီးသားပီသကြပါလို့ လျှာအရိုးမရှိတိုင်း တောပြောတောင်ပြော ပြောနေတာတွေကြားရတိုင်းလည်း၊ KSMတွေ ATMတွေ TPSတွေကို ပြေးပြးသတိရမိပါတယ်။ SKL(Shwe Ka Laung်) ဆိုတဲ့ ဘွဲ့ထူးတစ်ခုထွင်ပြီး ပေးလိုက်ချင်စိတ်တောင်ပေါက်မိပါတယ်။
မပြုံးဘဲနဲ့ ၀ါးလုံးကွဲရယ်ချင်
သူတို့ပြောပြောနေတဲ့ တိုးတက်တဲ့ ဒီမိုကရေစီနိုင်ငံကြီးတွေက နိုင်ငံကြီးသားပီသတဲ့ ပြည်သူတွေတာဝန်သိလို့ သူတို့နိုင်ငံကြီးတွေချမ်းသာနေတာဆိုတဲ့ အသံတွေကြားရတိုင်း 'မပြုံးဘဲ ၀ါးလုံးကွဲ" ရယ်ချင်လာရတယ်။ နယူးယောက်ကုလသမဂ္ဂအဆောက်အအုံကြီး ပတ်ဝန်းကျင်ကလမ်းတွေမှာ ညနေ ၆ နာရီကျော်ရင် တယောက်ထဲလမ်းမလျှောက်ပါနဲ့လို့ ကုညသမဂ္ဂလုံခြုံရေးအစောင့်တွေက ညီလာခံလာတက်သူတွေကို မပြတ်သတိပေးနေရတာ၊ ငြိမ်းချမ်းသာယာနေတဲ့ နိုင်ငံကြီးရဲ့ပြယုဂ်လား။ ဘရွတ်ကလင်းရပ်ကွက်က လမ်းတွေ မှာ ဟီးထနေတဲ့ အမှိုက်ပုံကြီးတွေ မိလ္လာပိုက်ပေါက်က လျှံထွက်ပြီး လမ်းပေါ်မှာအိုင်ထွန်းနေတာတွေ၊ ကလေးလေးတွေက မူယစ်ဆေးလိုက်ရောင်းနေတာတွေ၊ လူငယ်ဒုစရိုက်ဂိုင်္ဏးတွေအချင်းချင်း ရိုက်ပွဲသတ်ပွဲကြီါ်တွေ နေ့စဉ်ဆူညံနေတာကရော ဒီမိုကရေစီရဲ့သင်္ကေတ တွေလား။
သစ်ပင်လူသားများ
သမ္မတအိုဘားမားရဲ့မြို့ ချီကာဂိုပန်းခြံကြီးအတွင်းက နှစ်ပေါင်းရာချီရှိနေပြီဖြစ်တဲ့ ဧရာမသစ်ပင်ကြီးအောက်မှာ နေထိုင်ကြတဲ့ အိုးမဲ့အိမ်မဲ့တွေထောင်ချီရှိနေတဲ့အတွက် အဲဒီ 'Tree People' လို့ခေါ်တဲ့ 'သစ်ပင်လူသားများ' အတွက် မြူနီစပယ်က စာတိုက်သင်္ကေတ တစ်ခုသတ်မှတ်ပြီး စာတိုက်ပုံးထားပေးရပါတယ်။ အဲဒီနိုင်ငံက သမ္မတရွေးကောက်ပွဲနဲ့ လွှတ်တော်ရွေးကောက်ပွဲတွေ ကျင်းပတဲ့အခါတိုင်း မဲလာပေးသူ ၅၀% ရှိအောင် ပါတီကြီးတွေက သူတို့ပါတီဝင်တွေကို မနည်းကြီးဆော်သြပေးရပါတယ်။ အဲဒါတာဝန်သိတာလား၊ တာဝန်ကျေတာလား။
သနားစရာ
ခေတ်ပေါ်မဟာပညာကျော်(SKL) တွေ ခဏခဏချီးမွန်းပြနေတဲ့ အာရှနိုင်ငံသေးသေးလေးမှာ အိမ်ဖော်မိန်းကလေးတွေကို ရေနွေးပူလောင်းတာ၊ အပ်တွေရိုက်သွင်းပြီး ဆုံးမတာ၊ ဓားနဲ့အသားကိုမွှန်းပြီး နှိပ်စက်တာတွေ သူတို့ဆီက သတင်းစာတွေမှာ နေ့စဉ်လိုလိုပါနေပါတယ်။ နိုင်ငံကြီးသားစိတ်ဓါတ်၊ နိုင်ငံကြီးသားပီသမှုဆိုတာ အဲဒါမျိုးတွေလား။ မြေအောက်ဘူတာရုံမှာ ဓာတ်ငွေ့တွေလွှတ်ပြီး လူရာပေါင်းများစွာ ဒုက္ခရောက်အောင်လုပ်တာ နိုင်ငံကြီးသားပီသမှုလား။ မူလတန်းကျောင်းလေးထဲ မောင်းပြန်သေနတ်ကြီးနဲ့ ဒလကြမ်းဝင်မွှေတာ နိုင်ငံကြီးသားစိတ်ဓါတ်လား။ နိုင်ငံတော်သမ္မတကြီးက အိမ်ဖြူတော်မှာ လုပ်အားပေးလာတဲ့သူလေးကို မတော်မလျော်ပြုတာ နိုင်ငံကြီးသားအပြုအမှုလား။ ခေတ်ပေါ်မဟာပညာကျော်(SKL) များ ဒါတွေကို မသိဘူးလား။ တော်တော်သနားစရာကောင်းတယ်။
လမင်းထိန်ထိန်သာ
မှန်တခါးတွေ အလုံပိတ်ပြီး လေအေးစက်ဖွင့်ထားတဲ့ အခန်းကြီးထဲကမထွက်ဘဲ မြန်မာပြည်မှာလမသာဘူးလို့ ညည်းပြပြီး ဒီမိုကရေစီနိုင်ငံတွေက လကိုလွမ်းနေလို့ကတော့ ပြည်သူတွေက "သနားတယ်"လို့ဟားတိုက်ရယ်သွမ်းသွေးလိုက်မှာ သေချာတယ်။
မနေ့က ဘိလပ်မှာ လမသာဘူး။ နှင်းတွေကျလို့ ဘောလုံးပွဲတွေတောင် ရွေ့လိုက်ရတယ်။ ရန်ကုန်မြို့မှာတော့ လမင်းကြီး ထိန်ထိန်သာလို့
လူထုဦးစိန်ဝင်း......
