09 December 2011

အလုပ်လက်မဲ့လူငယ်များအတွက် နာရေးကူညီမှုအသင်းမှ အင်္ဂလိပ်စာနှင့်ဟိုတယ် သင်တန်းများ အခမဲ့သင်ကြားပေးမည်

နာရေးကူညီမှုအသင်းမှ အလုပ်လက်မဲ့ဖြစ်နေသော လူငယ်များအတွက် ရည်ရွယ်၍ အင်္ဂလိပ်စာ သင်တန်းနှင့် ဟိုတယ်သင်တန်းများကို အခမဲ့သင်ကြားပေးမည်ဖြစ်ကြောင်း နာရေးကူညီမှု အသင်းမှ သိရှိရသည်။

နာရေးကူညီမှုအသင်းမှ ဖွင့်လှစ်ပေးမည့် သင်တန်းများသို့ တက်ရောက်လိုသူ လူငယ်များ အနေဖြင့် လျှောက်လွှာပုံစံဖြင့် လျှောက်ထားနိုင်ကြောင်းကိုလည်း သိရှိရသည်။

''အခုခေတ်လူငယ်တွေက အလုပ်အကိုင်အခွင့်အလမ်းမရဘူး။ ဟိုတယ်နဲ့ပတ်သတ်တဲ့ သင်တန်းတွေ ဖွင့်ရတာက အလုပ်လက်မဲ့ဖြစ်နေတဲ့ လူငယ်တွေ လက္ဘက်ရည်ဆိုင်တွေ၊ ဂိမ်းဆိုင်တွေမှာ အချိန်ကုန် နေမယ့်အစား လုပ်ငန်းခွင်ဝင်ပြီး သူတို့ရဲ့ ဘ၀တွေ တည်တည်ငြိမ်ငြိမ် နဲ့တိုးတက်စေ ချင်လို့ပါ'' ဟု နာရေးကူညီမှုအသင်းမှ အုပ်ချုပ်ရေးမှူး ဒေါ်ဧရာမောင်မောင် ကပြောသည်။

လူငယ်များအနေဖြင့် အခြေခံအင်္ဂလိပ်စာကို မဖြစ်မနေ သိသင့်သောကြောင့် သင်တန်းများ ဖွင့်လှစ် ရခြင်းဖြစ်ပြီး ဟိုတယ်သင်တန်းဖွင့်ရခြင်းမှာ လူငယ်၏အလုပ်အကိုင်အခွှုင့်အလမ်း အတွက်ဖြစ်ကြောင်း သိရှိရသည်။

အင်္ဂလိပ်စာ 4Skills သင်တန်းတွင် အတန်းနှစ်တန်းရှိ၍ တစ်တန်းလျှင် သင်တန်းသား အယောက် (၃၀)ဖြင့် သင်တန်းသားဦးရေ (၆၀)လက်ခံသင်ကြားပေးမည်ဖြစ်ပြီး၊ ဟိုတယ်နှင့် ပတ်သက်သည့် သင်တန်းများတွင် လျှောက်ထားသူ ၁၀၀(တစ်ရာ)လက်ခံ၍ သင်တန်းသား (၂၅)ဦးကိုသာ လက်ခံ သင်ကြားပေးမည်ဖြစ်ကြောင်း သိရသည်။

ဟိုတယ်သင်တန်းတက်လိုသူများအနေဖြင့် ဒီဇင်ဘာလ ၁၅၊ ၁၆၊ ၁၇ ရက်များတွင် သင်တန်း လျှောက်လွှာများကို လျှောက်ထားနိုင်ကြောင်း၊ ဒီဇင်ဘာလ ၂၁ ရက်နေ့တွင် ရေးဖြေစာမေးပွဲ ဖြေဆို၍ ဒီဇင်ဘာလ ၂၃ ရက်နေ့တွင် နှုတ်ဖြေစာမေးပွဲ ဖြေဆိုရမည်ဖြစ်ကြောင်း၊ သင်တန်း ကာလမှာ ဇန်န၀ါရီလ ၇ရက်မှ မတ်လ ၂၇ ၇က်နေ့ထိဖြစ်ပြီး အနိမ့်ဆုံး ပညာအရည်အချင်းမှာ တက္ကသိ်ုလ် ၀န်ထမ်း အောင်မြင်ရမည်ဖြစ်ကြောင်း သိရသည်။

ဟိုတယ်သင်တန်းတက်ရောက်ရန် လျှောက်ထားသော လျှောက်လွှာရှင်များကို ရေးဖြေနှင့် နှုတ်ဖြေ စာမေးပွဲများ အောင်မြင်မှသာ စဉ်းစားမည်ဖြစ်ကြောင်းသိရသည်။

''လောလောဆယ် အလုပ်မရှိသေးလို့ နာရေးကူညီမှုအသင်းမှာ ကုသိုလ်ရမည့်အလုပ်ကို ၀င်လုပ်ပေး ရင်း ပညာပါရမယ်ဆိုတေ့ာ ကျွန်တော်တို့အတွက် အဆင်ပြေပါတယ်။'' နာရေး ကူညီမှု အသင်းမှ စေတနာ့ ၀န်ထမ်းတစ်ဦးက ပြောသည်။

ယခုကဲ့သို့သင်တန်းများဖွင့်ရခြင်းမှာ နာရေးကူညီမှုအသင်းအနေဖြင့် အသိပညာဖြန်ဖြူးရေး အတွက်ပံ့ပိုးပေးရန် ရည်ရွယ်ခြင်းဖြစ်ကြောင်း၊ ယခုအကြိမ်တွင် အင်္ဂလိပ်စာ 4Skills သင်တန်း မှာ (၃)ကြိမ်မြောက်ဖြစ်ပြီး၊ ဟိုတယ်သင်တန်းမှာ (၂)ကြိမ်ရှိပြီ ဖြစ်ကြောင်းသိရသည်။

သတင်းများ ပြန်လည်ဝေမျှပေးသော မြစ်မခ မီဒီယာအားကျေးဇူးတင်ရှိပါသည်။