27 July 2011

ဦးသိန်းစိန် နင့် နိုင်ငံတော်သူဌေးကြီးများ ရယ်...ဒါလား ပြည်သူတွေ အပေါ်စာနာ မှုထားတယ်ဆိုတာ

သို့  - ဦးသိန်းစိန်ရယ်၊ နိုင်ငံတော်သူဌေးကြီးများရယ်။

နောက်ဆုံးတော့ ၂၅ ရက်၊ ဇူလိုင် ၂၀၁၁ နေ့မှာ ပြည်မြန်မာကုန်တိုက်တံခါးများကို ၀န်ကြီးဌာန လုပ်ပိုင်ခွင့်အရ ပိတ်ပြစ်ခဲ့လို့ နိုင်ငံတော်သူဌေးကြီးကဘဲ အနိုင်ရရှိသွားပါတယ်။

အစိုးရက ပြုပြင်ပြောင်းလည်းရေးအတွက် ဘယ်လို စီမံကိန်းတွေ အကြီးအကျယ် ပြောပြော၊ သမ္မတကြီးက ပြည်သူတွေကို ကတိတွေ ဘယ်လောက်ပေးပေး (သမ္မတကြီးမိန့်ခွန်းများအရ)၊ စနစ်တွေကို အကောင်အထည်ဖော်နေတဲ့ ဗျူရိုကရက် လူတန်းစားတွေ ကို နိုင်ငံပြုပြင်ပြောင်း လည်းရေးမှာ စေတနာပါ လာအောင်၊ စေတနာ အမှန်ထားလာတတ်အောင်လုပ်ဖို့ အများကြီးလုပ်ရလိမ့် မယ်ဆိုတဲ့ အဖြေ ထွက်လာ တယ်လို ယူဆရမှာပါ။

ပြီးတော့ အစိုးရရဲ့ ထိပ်သီးပိုင်းအဆင့်ထဲက အချို့တွေက ယခင်စစ်အစိုးရကျင့်သုံးလာခဲ့တဲ့ စရိုက်ဆိုးအတိုင်း အစိုးရဆိုတာ နောက်ဆုတ်ရိုး ထုံးစံ မရှိဘူး ဆိုတဲ့အစွဲ မကျွတ်တဲ့သူတွေ ရှိနေသေးတယ်ဆိုတာကိုလည်း မီးမှောင်း ထိုးပြလိုက်တာပါဘဲ။

အစိုးရသစ်အတွက် ပြည်သူမျှော်လင့်ထားတဲ့ စီးပွားရေး လူမှုရေးဖွံဖြိုးတိုးတက်မှု၊ အားကိုး မျှော်လင့်မှုတွေ အတွက် ယုံကြည်မှုအပ်နှင်းထားမှုဟာ အတိုင်းအတာတခုထိ ရောက်လာပါမလားလို့ စိုးရိမ်မိပါတယ်။

အခုလို ပြည်သူတွေ အုံလိုက်ကျင်းလိုက် အကြပ်အတည်းဖြစ်တာဟာ လေလံကိစ္စဖယ်ရှားခြင်း တစ်ခုတည်း မဟုတ်လောက်ပါဘူး။ သို့ပေမဲ့ လေလံစာရင်းမှာ ရန်ကုန်မြို့ကြီးက အဆောက်အဦးအများကြီးပါတာဆိုတော့ လူမှုရေး၊ စီးပွားရေးဆုံးရှုံးမှု ဂယက်ရိုက်မှုဟာ အတိုင်းအတာ တခုထိ ရောက်တယ်ဆိုတာ ဧကန်မလွဲပါ။

တလောက လယ်သမားကိစ္စ ကတော့ ပြုပြင်ပြောင်းလည်းရေးဖြစ်စဉ်မှာ နိုင်ကွက်တစ်ခုဆိုပေမဲ့ ဗျူရိုကရက်တွေအတွက် မှတ်လောက်သားလောက်တဲ့ သာဓကလို့  မထင်ပါဘူး။ ဖြစ်စဉ်က အစိုးရနှင့် ပြည်သူ တိုက်ရိုက်တွေတဲ့ ပွဲပါ။ အစိုးရသစ်အနေနှင့်လည်း သမိုင်းရဲ့ အတိတ်ဆိုးတွေကို ချေဖျက်ဖို့ ကျိုးစားနေတာကို အကောင်းဘက်ကနေ ကြိုဆိုကြရမှာ ဖြစ်ပါတယ်။ ဒါပေမယ့် လက်တွေ့ မှာ လွဲချော်နေပါတယ်။

ပြည်မြန်မာကုန်တိုက် အကြပ်အတည်းကတော့ အစိုးရ၊ နိုင်ငံတော် သူဌေးကြီး၊ ပြည်သူ သုံးပွင့်ဆိုင်ဖြစ်တာပါ။

အသေးစားအလတ်စား စီးပွားရေးလုပ်ငန်းတွေ အလဲထိုးခံရတာ ဖြစ်တဲ့အတွက် အစိုးရသစ်အတွက် ပထမဦးဆုံး အရုပ်ဆိုး အကျဉ်းတန်စေသော ပွဲလုို့ ဆိုရမလို ဖြစ်နေပါပြီ။

သုံးသပ်ချက်များအရ အစိုးရအနေဖြင့်လည်း အစိုးရပိုင် အဆောက်အဦး၊ မြေ စသည့်ဖြင့် လေလံ တင် ရောင်းချတဲ့နေရာမှာ အဆိုပါ ဧရိယာအတွင်းမှာ ရှိတဲ့ စီးပွားရေးလုပ်ငန်းတွေ၊ မိသားစုတွေ စတာတွေအတွက် ကနေဦး ဘယ်လိုစီစဉ်ပေးထားရမယ်ဆိုတဲ့ အစီအစဉ်မရှိဘူးဆိုတာ ထင်ရှားသွားပါတယ်။

အစိုးရ လုပ်ထုံးလုပ်နည်းအရ ဖယ်ရှားခြင်းတွေကို ဆိုလိုတာ မဟုတ်ဘူး။ သူတို့တွေ (စီးပွားရေးလုပ်ငန်းတွေ၊ မိသားစုတွေ) အတွက် ထိခိုက်နစ်နာမှုရှိရင် အနည်းဆုံးဖြစ်အောင် လူမှုရေးအရ ဘာလုပ်ပေးရမလဲ ဆိုတဲ့အပိုင်းကို ဆိုလိုပါတယ်။

မြန်မာပြည်ပြုပြင်ပြောင်းလည်းရေး ကနေဦး အစီအစဉ်များမှ တခုဖြစ်တဲ့ အစိုးရလေလံဟာ ပြည်သူအပေါ် စီးပွားရေးအားဖြင့်၊ နိုင်ငံရေးအားဖြင့်၊ လူမှုရေးအားဖြင့် ဘယ်လောက်ထိ သက်ရောက်မှု ရှိခဲ့တယ်ဆိုတာကို သုတေသနစိတ်ဝင်စားသူတွေက စာတမ်းပြုစုသင့်ပါတယ်။

ဒီပွဲမှာ နိုင်ငံတော်သူဌေးကြီးနဲ့  အစိုးရဘက်က အားသာခဲ့ပြီး ပြည်သူက အင်အားနိမ့်ခဲ့လို့ပါ။

ပြဿနာဟာ လုပ်ငန်းရှင်များဘက်က ဆုံးရှုံးနစ်နာမှုအတွက် တစ်စုံတစ်ခုသော အတိုင်းအတာ ထိ ဆောင်ရွက်ပေး ဖို့ တောင်းဆိုတာကို နိုင်ငံတော် သူဌေးကြီးက လိုက်လျောဖို့ ငြင်းဆိုတာက စတင် တာဖြစ်တယ်လို့ ကြားသိရပါတယ်။

နောက်ပိုင်းကြားရတဲ့ သတင်းတွေအရ လေလံဧရိယာဟာ ပေ (၈၀) ပေ (၁၂၀) ပါ အဆောက်အဦး တစ်လုံးတည်းသာဆိုပြီး ကျန်လွတ်လပ်နေရာများကိုပါ လက်သိပ်ထိုးရောင်းချခဲ့တယ်လို့လည်း ထပ်မံ သိရပါတယ်။ ပြည်တွင်းမီဒီယာအားလုံးကို ဖွင့်ချခဲ့တယ်ဆိုပေမဲ့ ဂျာနယ်တွေမှာ ဖော်ပြခွင့် မရခဲ့ပါဘူး။

ဖြစ်စဉ်အားလုံးကို သုံးသပ်မယ်ဆိုရင် နိုင်ငံတော်သူဌေးကြီးက ထိပ်ပိုင်းအစိုးရ အကြီးအကဲတွေကို ပိုင်နိုင်စွာ ချူပ်ကိုင်နိုင်တယ်။ အမိန့်အာဏာသက်ရောက်မှု့ဟာ ထိပ်ပိုင်းက လာတဲ့အတွက် ဆောင်ရွက်ပေး ရမဲ့ အောက်ခြေအဆင့် အစိုးရ၀န်ထမ်း ဗျူရိုကရက်တွေအနေနှင့် အထက်အမိန့်အတိုင်း လုပ်ရတော့မှာပါ။

ပြီးတော့ အောက်ခြေအဆင့် အစိုးရ၀န်ထမ်း ဗျူရိုကရက်အနေနှင့်လည်း ပြည်သူတွေ တိုက်ရိုက် ထိတွေတဲ့ပြီးတဲ့နောက် ပြည်သူတွေရဲ့ အသံကို အထက်ကို တင်ပြတဲ့နေရာမှာ အမှန်အတိုင်းဖြစ်ဖို့ လိုတာပေါ့။

နို့ပေမဲ့ အောက်ခြေအဆင့်ကလည်း အထက်က ဘာကို ကြိုက်တယ်၊ ဘယ်လိုအဖြေမျိုးဘဲ လိုချင်တယ်ဆိုတဲ့ သဘောထားကို သိထားတော့ အဲဒီအတိုင်းဘဲ လုပ်မယ်၊ အဲဒီအတိုင်းဘဲ အစီရင်ခံပါလိမ့်မယ်။

ထိပ်သီးအဆင့် အကြီးအကဲအချို့ကိုလည်း နိုင်ငံတော်သူဌေးကြီးက ချုပ်ကိုင်နိုင်သလို အောက်ခြေအဆင့် ၀န်ထမ်းတွေကိုလည်း ဘယ်လောက်ချုပ်နိုင်မယ်ဆိုတာ နိုင်ငံတော်သူဌေးကြီး အသိဆုံး ဖြစ်မှာပါ။

ပြည်မြန်မာကုန်တိုက်အတွင်း လုပ်ငန်းရှင်များဘက်ကလည်း အသနားခံစာတင်ခြင်း၊ နစ်နာမှုအား တစ်စုံတစ်ခုအထိ ဆောင်ရွက်ပေးဖို့ နိုင်ငံတော် သမ္မတ ကြီးအပါအ၀င် နိုင်ငံတော်အကြီးအကဲများအားလုံးအား ဧပြီလ (၇) ရက်နေ့ မှ စတင်ပြီး စာပို့ခဲ့တာ (၁၈) ကြိမ် ရှိခဲ့ပါပြီ။ တစ်စုံတစ်ခုမှ၊ တစ်နေရာ တစ်ထောင့်မှ အကြောင်းပြန်ကြားမှု မရှိခဲ့ပါဘူး။ အဲဒီဖြစ်ရပ်ဟာ ဗျူရိုကရက်အကျင့်ဆိုးတွေကြောင့် ဘယ်နေရာမှာ ရပ်သွားခဲ့တာလည်း၊ ဘယ်သူက ရပ်တန့်အောင် လုပ်ခဲ့တာလည်း ဆိုတာ မေးခွန်းထုတ်ရမလို ဖြစ်နေပါပြီ။

ပြည်မြန်မာကုန်တိုက်အတွင်းမှာ ဆိုင်ခန်းများ ဖယ်ရှားခြင်းကိစ္စတွေမှာလည်း ဌာနတွင်း ညွန့်ကြားချက်နှင့် ဖြစ် ပါတယ်။ ၁၉၅၅ အစိုးရ အိမ်ရှေ့ဥပစာနှင့် ထုတ်ခြင်းအရ ဖယ်ရှားမယ်ဆိုရင်လည်း အုပ်ရေးရေးဆိုင်ရာ အာဏာပိုင်ရဲ့ အမိန့်ညွန့်ကြားချက်ပါရမှာ ဖြစ်ပါတယ်။ တရားသူကြီးအမိန့်၊ ရဲ၊ ရပ်ကွက် အာဏာပိုင်များ စသည့်ဖြင့် ဌာနပေါင်းစုံပါဝင်ပြီး အများသူငှာရဲ့ ရှေ့မှာ တံခါးကို ချိတ်ပိတ်ရမှာပါ။

အခုတော့ နိုင်ငံတော် သူဌေးကြီး ခိုင်းတဲ့အတိုင်း စီးပွားကူးသန်း အရာထမ်းတွေ အနေဖြင့် လုပ်နေရပါတယ်။ ရန်ကုန်တိုင်းဒေသကြီးအစိုးရအဖွဲ့အနေနှင့်လည်း ရန်ကုန်တိုင်းဒေသကြီးအတွင်းမှာဖြစ်တဲ့ လုံခြုံရေး သာယာရေးကိစ္စ ဖြစ်တဲ့အတွက် တစ်စုံတစ်ရာ ဆောင်ရွက်ပေးဖို့ တာဝန်ရှိမယ်ထင်ပါတယ်။

ကမာရွတ်မြို့နယ် အမတ်လောင်း အနေဖြင့်လည်း ကိုယ့်မြို့နယ်မှာ ဖြစ်တဲ့ ပြည်သူများ၏ အကြပ်အတည်း ဆိုတာကို ဥပက္ခာ ပြုနိုင်သလို၊ မဲရွေးပွဲကာလက ပေးခဲ့တဲ့ကတိတွေ ဘယ်ရောက်ကုန်ပြီလည်း မသိပါဘူး။

ဆုံးရှုံးနစ်နာသည့် လုပ်ငန်းရှင်များဘက်ကလည်း သမ္မတကြီးဆီသို့ အသနားခံစာ တင်ထားသည့်အတွက် သမ္မတကြီးကိုယ်တိုင်မှ တစ်စုံတစ်ရာ ဆောင်ရွက်မပေးပဲ ဖယ်ရှားခိုင်းဖို့ ညွန့်ကြားလာရင် မိမိတို့မှာ ကျေကျေ နပ်နပ် ဖယ်ရှား ပါမည့်ဟု တာဝန်ရှိတဲ့ အထက်တန်းအရာရှိတစ်ဦးကို ကတိပေးပြောကြားခဲ့ပါသေးတယ်။

ထိုဖြစ်ရပ်တွေကို ကြည့်မယ်ဆိုရင် နိုင်ငံတော်သူဌေးကြီးနှင့် ထိပ်တန်းအရာထမ်းအချို့ ဘယ်လောက် စည်းဝါးရိုက် လုပ်နေသည်ကို တွေမြင်နိုင်မှာ ဖြစ်ပါတယ်။

အခုတောင် နောက်ဆုံးအချိန်အထိ ဖယ်မပေးတဲ့ ဆိုင်နှစ်ဆိုင်ရှိနေလို့ ကမာရွတ်မြို့နယ် အုပ်ချုပ်ရေးမှူးဆီကို နိုင်ငံတော် သူဌေးကြီးကိုယ်တိုင် (ဧည့်စာရင်း မပေးဖို့) ဖုန်းနဲ့ ပြောကြားတယ်လို့ ခိုင်မာတဲ့ သတင်းအရ သိထားပါတယ်။

နိုင်ငံတော် သူဌေးကြီးလို့ ခံယူထားသူတွေထဲမှာ အဲဒီပုဂ္ဂိုလ်က အင်မတန် အောက်တန်း အကျဆုံး ဖြစ်မယ်ထင်ပါတယ်။ ကျန်တဲ့ နိုင်ငံတော် သူဌေးကြီးတွေ တော်တော်များများက ပြည်သူရဲ့အမုန်းကို မခံကျဘူး။

သာဓကအားဖြင့် နိုင်ငံတော် သူဌေးကြီး ဦးတေဇဆိုရင် တောင်ဥက္ကလာပမြို့နယ်မှာရှိတဲ့ ပဒုမ္မာ ရုပ်ရှင်ရုံကို လေလံအောင်မြင်ခဲ့ပါတယ်။ အဲဒီတော့ ပဒုမ္မာ ရုပ်ရှင်ရုံ ဘေးပတ်လည်မှာ ရှိတဲ့ ဆိုင်ခန်းတွေအားလုံးကို နစ်နာကြေးအဖြစ် တစ်ဆိုင်ကို (၂၇) သိန်းစီ ပေးခဲ့ပါတယ်။ ကိုယ့်မှာ တစ်စုံတစ်ခုသော လူမှုရေးရှုထောင့်ကနေ လုပ်ပေးရမဲ့ တာဝန်ရှိတာကို နိုင်ငံတော်သူဌေးကြီး သိဖို့ ပါ။

ဖယ်ရှားခံရတဲ့ လုပ်ငန်းရှင်တွေဘက်ကဆိုရင်လည်း တသက်လုံး လှည်းတန်းလမ်းဆုံတ၀ိုက်မှာဘဲ စီးပွားရှာနေလာခဲ့ကြတာ။ သူတို့ရဲ့ဘ၀ဟာ မိဘတွေလက်ထက်တုန်းကလည်း လှည်းတန်း၊ သူတို့လက်ထက်မှာ လည်း လည်းတန်း၊ သူတို့ နောင်လာနောင်သားတွေလက်ထက်မှာလည်း လှည်းတန်းပါ။ လှည်းတန်းနှင့် သူတို့ဘ၀ဟာ တထပ်တည်း ကျနေခဲ့ပါတယ်။ လှည်းတန်းဟာ သူတို့ ဘူမိနက်သန်ပါ။

နောက်ဆိုရင်လည်း ဒီလူတွေနှင့် ချစ်တာ မုန်းတာ အပထား နေ့စဉ် မြင်နေ၊ တွေ့ နေ ဆက်ဆံနေရ အုန်းမှာပါ။ တွေ့ နေကြရအုန်းမှာ။

ဈေးကွက်တစ်ခုထိုးဖောက်ဖို့ ကျိုးစားနေတဲ့ နိုင်ငံတော်သူဌေးကြီးလည်း လှည်းတန်းမှာ လာပြီး ဈေးဆိုင်ဖွင့် မယ်ဆိုရင် အရင်ဆုံးကြုံရမှာတော့ ယုတ်မာမှု သတင်းဆိုး ဖြစ်မှာပါ။ နိုင်ငံတော်သူဌေးကြီးအနေနှင့်လည်း နာမည်ဆိုးနှင့် ၀င်ရောက်ခဲ့တာဖြစ်လို့ စီးပွားရေးအရ အောင်မြင်နိုင်မယ် ထင်လို့လား။ ပြီးတော့ ယခုအတိုင်း ထိပ်သီးအကြီးအကဲတွေ တစ်သက်လုံး လက်ရှိရာထူးနေရာမှာ အာဏာတည်မြဲနေမယ်လို့ ထင်နေပါသလား။

နောက်ဆုံး တင်ပြလိုသည်က ဖယ်ရှားခံထားရတဲ့ မိသားစုဝင်ဦးရေ (၅၀၀၀) ရဲ့ အမှန်းတရား၊ ခံပြင်းစိတ်နှင့် သည်းခံနေရသည့် နာကြည်းစိတ်တွေကို တသက်လုံး ထိန်းထားနိုင်မယ်ဆိုရင်တော့ နိုင်ငံတော်သူဌေးကြီးရဲ့ စီးပွားရေးအခြေအနေ၊ တည်ရှိနေမှု စတာတွေကို စိတ်ချလက်ချ နေနိုင်မှာပေါ့။

မောင်ထင်ရှား
ရန်ကုန်မြို့ ၊
၂၆.၇.၂၀၁၁။