မြန်မာပြည်တွင်းဂျာနယ်တွေမှာတောင်အခုလိုဖော်ပြသောမုန်တိုင်းဒဏ်သင့် ပြည်သူများအတွက်အစားအစာနှင့်သောက်သုံးရေအဓိကလိုအပ်နေ ဆိုတာကဲ့ဘယ်သူမှာတာဝန်အရှိဆုံးလဲ

အားအလွန်ကောင်းသော ဆိုင်ကလုန်း ဂီရိကြောင့် ရခိုင်ပြည်နယ်ရှိ ကျောက်ဖြူ၊ စစ်တွေ၊ မင်းပြား၊ မြေပုံ၊ မာန်အောင်၊ အမ်း၊ ပေါက်တောမြို့နယ်များတွင် ထိခိုက်ပျက်စီးမှုများခဲ့ကာ မုန်တိုင်းဖြတ်သန်းရာ လမ်းကြောင်းတစ်လျှောက်ရှိ မကွေး၊ မန္တလေးနှင့် စစ်ကိုင်းတိုင်းဒေသကြီးတို့တွင်လည်း အခြေခံ အဆောက်အအုံနှင့် နေအိမ်အဆောက်အအုံ ပျက်စီးမှုများရှိခဲ့ကြောင်း နိုင်ငံပိုင်သတင်းဌာနများ၏ ထုတ်ပြန်ချက်များအရ သိရသည်။ ရေဘေးဒဏ်သင့် ပြည်သူများအတွက် အဓိက လိုအပ်လျက်ရှိသော အစားအစာနှင့် သောက်ရေလိုအပ်ချက်ကို ကျောက်ဖြူမြို့နှင့် အနီးပတ်ဝန်းကျင်ဒေသများမှ စေတနာရှင်များ လှူဒါန်းမှုဖြင့် ကူညီထောက်ပံ့ ပေးလျက်ရှိကြောင်း ၄င်းကပြောသည်။


“ကျောက်ဖြူမြို့နယ်မှာ သောက်ရေ လုံလောက်ပေမယ့် ဈေးအသင့်အတင့်ရှိတဲ့ ဆန်ကလိုသလောက် ဝယ်မရတာမျိုးဖြစ်နေတယ်။ ကျောက်ဖြူနဲ့ မြစ်ခြားတဲ့ မြေပုံမြို့နယ် ကျွန်းသာယာရွာမှာတော့ ရေတွင်းတွေထဲကို ရေငန်တွေ ဝင်သွားလို့ သောက်ရေ အခက်အခဲ အတော်ဖြစ်နေလို့ ကျောက်ဖြူကနေ ဆန်ရော၊ သောက်ရေရော ပို့ပေးနေရတယ်။ ရေလမ်းနဲ့ပဲ ဆက်သွယ်လို့ရတယ်။ မြေပုံမြို့နယ်ထဲက မြေပြန့်ကျတဲ့ သင်ပေါင်းချောင်းရွာ၊ ငပတုန်ရွာတွေကိုလည်း ဆန်နဲ့ သောက်ရေတွေ ပို့ပေးနေရတယ် ” ဟု ၄င်းကပြောသည်။ ကျွန်းသာယာရွာတွင် သေဆုံးသူ ၁၀ ဦးရှိကာ ၃၀ ပျောက်ဆုံးလျက် ရှိကြောင်း ၄င်းကပြောသည်။


မြန်မာနိုင်ငံ ကြက်ခြေနီအသင်းမှလည်း ကယ်ဆယ်ရေး စခန်းများ ဖွင့်လှစ်ထားပြီဖြစ်ကာ ကျန်းမာရေး စောင့်ရှောက်မှုများ ပေးလျက်ရှိသည်။ မုန်တိုင်းကြောင့် ပျက်စီးမှုများကိုလည်း ရှင်းလင်းလျက် ရှိဆဲဖြစ်ကြောင်း မြန်မာတိုင်း(မ်) ဂျာနယ်တွင် ဖော်ပြထားပါသည်။