မြန်မာနိုင်ငံရှိ စစ်အာဏာရှင် တွေနဲ့ စီးပွားတူ စစ်အာဏာရှင်တွေအားကိုးနေရသော လုပ်ငန်းရှင် ဦးတေဇ ပိုင်ဟိုတယ်များအကြောင်းသိကောင်းစရာ..

တေဇပိုင်တဲ့ ပုပ္ပားက ဟိုတယ်တစ်ခု..

စစ်အာဏာရှင် လက်ထက် အာဏာရှုးတွေနဲ့ ပေါင်းပြီး ဝေစားမျှစား ထင်တိုင်းကြဲပြီး ဗိုလ်သန်းရွှေရဲ့ သားမက်လို့
အပြောခံရလောက်အောင် နာမည်ကြီးတဲ့ ခေတ်ပျက်သူဋ္ဌေး လက်နက်ပွဲစား ပြည်သူ့ဘဏ္ဍာတွေနဲ့ တစ်ဦးတည်းပိုင် ဈေးကွက် စီးပွားရေးတွေ လုပ်ပြီး ရှိသမျှ စီးပွားရေး လုပ်ငန်းတွေကို လက်ဝါးကြီးအုပ်ထားတဲ့ မြန်မာပြည်က အချမ်းသာဆုံး ပုဂ္ဂိုလ် ဦးတေဇရဲ့ ဟိုတယ်လုပ်ငန်းများ အကြောင်းကို (Generals and their relatives watchers GRW စစ်အာဏာရှင်နှင့် အဆက်အနွယ်များအား စောင့်ကြည့်ဖော်ထုတ်ရေးအဖွဲ့) အတွင်းသိမှ ပေးပို့လာတာကို တင်ပြလိုက်ရပါတယ်။

မောင်တေဇဆိုပြီး အများသိနေကြတဲ့ သူကိုယ် သူဟာ ဘယ်လို ချမ်းသာလာတာလည်းဆိုတာတော့ အားလုံးသိပြီးသားမို့လို့ အထူးတလည် မရေးတော့ပါဘူး… တလောကလည်း နောက်ထပ်လေယာဉ်တွေ ထပ်ဝယ်တာလည်း အားလုံးအသိပါပဲ။ မြန်မာပြည်မှာ လေယာဉ် ဝယ်နိုင်လောက်အောင် ချမ်းသာတာ သူတစ်ဦးတည်းရှိပါတယ်။ အခုလည်း ငွေမဲတွေ ခဝါချဖို့အတွက် ဘဏ်လုပ်ငန်းလုပ်ကိုင်ခွင့် ရပြန်ပြီလေ… ။ ထားပါတော့ ကျွန်တော်က ကျွန်တော် သိတဲ့ တေဇရဲ့ ဟိုတယ်လုပ်ငန်းတွေ အကြောင်းကို အားလုံးသိအောင် တင်ပြပေးလိုက်ပါတယ်…။

တေဇရဲ့ရေတွက်လို့မရတဲ့ လုပ်ငန်းတွေထဲက လုပ်ငန်းတခုကို ပြပါဆိုရင်တော့ ဟိုတယ်နှင့် ခရီးသွားလုပ်ငန်းကို ဦးစားပေးပြီးပြောကြရအောင်… ဘာကြောင့်လည်း ဆိုတော့ ကျွန်တော်က ဒီလုပ်ငန်းနဲ့ အနည်းနဲ့အများ ပတ်သတ်နေတဲ့ အတွင်းသိသူ တစ်ယောက်ဆိုတော့ တေဇရဲ့ ဟိုတယ် လုပ်ငန်း အကြောင်းတွေကို ဦးစွာ ပြောပြပါမယ်..။ ပထမဦးစွာလွန်ခဲ့တဲ့ နှစ်တွေ များကသူ ဟိုတယ်တွေ တစ်လုံးပြီးတစ်လုံးနေရာတိုင်းမှာ စဆောက်တာတွေကို ပြောပါရစေ ကမ္ဘာကျော် ဟိုတယ်ကြီးတွေ ဖြစ်တဲ့ ရှန်ဂရီလာတို့ …. Traders Hotel တို့ Hilton Hotel တို့တောင် အဲ့လောက် ရင်းနှီးမြုပ်နှံ နိုင်ပါ့မလားလို့ ထင်မိပါတယ်… မြုပ်နှံနိုင်မယ် ဆိုရင်တောင် အခု လို ခရီးသွားတွေ သိပ်မလာတဲ့ အချိန် မှာဟိုတယ်တွေ တစ်လုံးပြီးတစ်လုံး နေရာတိုင်းမှာဆောက်ဖို့ ဆိုတာတော်ရုံတန်ရုံ ငွေ ဖြုနဲ့ ကတော့ ဘယ်လို မှ ဆောက်လို့ မရနိုင်ပါဘူး…။ ငွေ ကို စက်နဲ့ ရိုက်ထုတ်ရင်ထုတ် သို့ မဟုတ် ကျန်တဲ့ လို အပ်သမျှ ကို အလကား အကုန်ရမှပဲ ရပါမယ်… ။ သစ်ကနေ စပြောရရင် မြန်မာပြည်သစ်တောထဲ က သစ်တွေကို အကုန်ဖြုန်းတီးဖြစ်တဲ့ မောင်တေဇ ရဲ့  ဟိုတယ် List တွေကို အရင်ဆုံးပြောပါရစေ…. အောက်ကလင့်တွေကတော့ မောင်တေဇပိုင်တဲ့ ဟိုတယ်တွေပါပဲ...။ စီးပွားရေးအစုံလုပ်ပြီး ဓနအင်အားမှာ ဘယ်သူမှ လိုက်မမှီတဲ့ အတွက် ဟိုတယ်တွေမှာလည်း သူ့ကိုဘယ်သူမှ မပြိုင်နိုင်ပါဘူး။

တေဇပိုင် ဟိုတယ်တွေပါ...
အောက်ကလင့်တွေကတော့ ဦးတေဇပိုင်တဲ့ ဟိုတယ်လုပ်ငန်းတွေရဲ့ Home Page ပါ…..

http://www.aureumpalacehotel.com/
အထက်ပါ တည်းခိုးခန်းတွေက တစ်ညကို ဒေါ်လာ အနည်းဆုံး ၁၅၀ ကနေစပြီး ပုဂံ ကဟိုတယ်ဆိုရင် အရင်တုန်းက (၂)ခန်းပဲ ပါတဲ့အခန်းဆိုရင် တစ်ညဒေါ်လာ ၇၀၀ နီးပါးရှိပါတယ်။ ဘာတွေပါလည်းဆိုရင် အဲ့ ဒီ့ အခန်းက ၂ထပ်ဆောင် လိုမျိုး ဆောက်ထားပြီး အခန်းရှေ့ မှာတော့ သီးသန့် ရေကူးကန်လေးနဲ့ ပါ….။ ရှင်ဘုရင် ပုဆိုးပိုးချည်းပဲ လို့ မသုံးချင်ပါဘူး သူခိုးကြီးတွေက နိုင်ငံသစ်တောတွေ ပြည်သူ့ ဘဏ္ဍာ တွေ ကို သူ့ အမေလင် ပစ္စည်းလို ထင်တိုင်းသုံးနေကြတာလေ..။ ဒမြတွေ ပိုင်တဲ့ ပစ္စည်းဆိုတော့  နိုင်ငံတွင်းက ကောင်းပေ့ ညွှန့်ပေ့ဆိုတဲ့ ကျွန်းသစ်တွေ.. ကြိမ်တွေ သုံးထားလိုက်ကြတာ .. လာတည်းခိုတဲ့ နိုင်ငံခြားသားတွေတောင် အံ့သြလက်ဖျား ခါကျပါတယ်…။

သစ်တောထဲကနေ လက်ညှိုးထိ်ုး ခုတ်လာတဲ့  ကျွန်းသစ်တွေကို အသားကျအောင် အခြောက်မခံပဲ လိုချင်တာ တစ်ခါတည်း တန်းပြီးဆောက်တော့ အသားမကျသေးတေ့ ကွဲကုန်တာပေါ့ .. ဒီလို ကျွန်းတစ်ပင်ရဲ့ တန်ဖိုးကို လုံးဝမသိ နားမလည်တော့ လုပ်ချင်တိုင်း လုပ်ထားတာလေ… အသားကျအောင် မထား သေချာ ပေါင်းမတင်တော့ ကွဲနေတဲ့  သစ်သားခုံတွေ တိုင်တွေ ပစ္စည်းတွေကို ကြည့်ကြည့် ပြီး အင်မတန်မှ နှမြောတသ ဖြစ်မိရတယ်လေ.. ဒီလောက်တောင် ခုတ်ချင်တိုင်း ခုတ်နေမှတော့  ကုန်ြပီပေါ့ … ဒါကတော့ မောင်တေဇရဲ့  Aureumpalace က First Class ကြယ်ငါးပွင့် သတ်မှတ်လို့ရတဲ့ အတန်းစားတွေပေါ့…. ဘယ်ဈေးကွက်မှ မလွတ်သွားအောင် Deluxe ဟိုတယ်အဆင့်တွေပေါ့… ရန်ကုန်မှာ Deluxe အဆင့်ရှိတဲ့ ဟိုတယ်တွေကတော့ Strand Hotel, Sedona, Governor Resident တို့နဲ့ တေဇပိုင်တဲ့ Aureumpalace တို့ပဲရှိပါတယ်…။ ထူးခြားတာက တေဇဟိုတယ်တွေက နယ်တွေမှာ ရှိပြီးမြေနေရာ များများ ကျယ်ကျယ် သုံးနိုင်တဲ့ အတွက်ကြောင့် သတ်မှတ်ထားတဲ့ တစ်ခြားဟိုတယ်တွေထက် သာလွန်ကောင်းမွန်နေတာပေါ့။

အောက်က လင့်ကတော့ တေဇ Second Class လို့ သတ်မှတ်ထားတဲ့ ဟိုတယ်တွေပါ…. Second Class ကတော့ ရန်ကုန်က Chatrium (ယခင် Hotel Nikko), Grand Plaza park Royal တို့နဲ့ အဆင့်တူတွေပါပဲ.. http://www.myanmartreasureresorts.com/ ဒီအပေါ်က Myanmar Treasure Resorts Group ကတော့ သူ့ရဲ့ဒုတိယတန်းစားလို့ သတ်မှတ်လို့ ရတဲ့ ဟိုတယ်တွေပါ အုတ်ကတော့ ဘယ်က ရလည်းမသိပေမယ့်  ကျွန်းသစ်နဲ့ လိုအပ်တဲ့ သစ်တွေကို အခန်းထဲ မှာ ကြိမ်နဲ့ လုပ်မယ့် မီးအုပ်ဆောင်းတွေ အတွက်ကတော့ တောထဲ ကနေ ခုတ်ချင်တိုင်း လက်ညှိုးထိုး ခုတ်ခွင့် ရထားတယ်လေ…။ ဘိလပ်မြေက လည်းသူတို့စက်ရုံ သို့မဟုတ် အစိုးရ ဘိလပ်မြေ စက်ရုံ ကနေ ယူရုံပါပဲ သယ်ဖို့ ကားတွေကလည်း လိုင်စင်မဲ့ကားတွေက ဖောချင်းသောချင်း.. တစ်ခြားခရီးသွား ကုမ္ပဏီက ကားတစ်စီးဝယ်ဖို့ ပါမစ်တွေ ကျအောင် မနည်းလုပ်နေရတဲ့ အချိန်မှာ.. သူ့ကတော့ ကြိုက်တဲ့ကားသွင်းချင်တိုင်း သွင်းခွင့် ရှိတယ်လေ.. အင်းကားဝယ်တဲ့ ပိုက်ဆံက လည်းလိုသလောက် ရိုက်ထုတ်လို့ ရလောက်အောင် ဖြစ်နေလောက်တဲ့ငွေ ၀န်ထမ်းတွေကို ပေးတာကလည်း ပြည်သူတွေရဲ့ လုပ်ပိုင်ခွင့်တွေ သူတစ်ဦးတည်း မောင်ပိုင်စီးထားပီး လက်နက် အရောင်းအဝယ် လုပ်တာတွေ ကနေ နေတဲ့ ၀င်ငွေတွေပေါ့...။ ဒါကြောင့်လည်း အနည်းဆုံးလခ အနိမ့်ဆုံးဝန်ထမ်းတွေက ဒေါ်လာ ၁၀၀ ကနေ မာန်နေဂျာ အဆင့်ဆိုရင် ဒေါ်လာ ၁၅၀၀ အထိရကြပါတယ်။ အာဏာပိုင်တွေ ရဲ့သားသမီးတွေပဲ ခေါ်သုံးတာ များပါတယ်။

ပုဂံကတေဇပိုင်ဟိုတယ်..

ကောင်းပြီ သူတို့က အခွင့်ထူးခံတွေ ဥပမာ ဦးမောင်အေး ရုရှားသွားတယ် ဆို သူပါတယ် လုပ်ငန်းရှင်နေရာတွေမှာ သူ ပါတယ် ဒီတော့ ဘာလုပ်ငန်းမဆို သူတို့နဲ့ တခါတည်း ချိတ်ဆက်ထားပြီးပြီ သူရဲ့ခရီးသွားလုပ်ငန်းမှာ လေယာဉ်ရှိတယ် ကားကောင်းရှိတယ် ဟိုတယ်ရှိတယ် သူ့မှာ ၀န်ထမ်းပဲ လိုတယ် ကျန်တဲ့ အစိုးရရဲ့ နည်းလမ်းအတိုင်း လုပ်ဆောင်နေရတဲ့ မှန်မှန်ကန်ကန် ကားစုတ်လောက်ကို တန်ဖိုးကြီးပေးပြီးဝယ်ပြီး သုံးနေရတဲ့ တခြားလုပ်ငန်းရှင်တွေ က သူတို့ နဲ့ ဘယ်လို မှလိုက်ပြီးယှဉ်ပြိုင်ဖို့ ဆိုတာ မလွယ်ပါဘူး ..။ နောက်လုပ်ပိုင်ခွင့် အာဏာကလည်း သာမာန်ဗိုလ်ချုပ် အဆင့်ထက် အများကြီး လုပ်ပိုင်ခွင့်ရှိတယ်လေ.. နေရာတိုင်းကိုလိုက်ပီး သာမန် ပြည်သူတွေရဲ့ ရပိုင်ခွင့် တွေ ကို လိုက်လုယူနေတာတွေ သူ့ ဝန်ထမ်းတွေ ခန့်ထားတဲ့ ( အစိုးရအသိုင်းအ၀ိုင်းက လူကြီးသားသမီးတွေ) အများစုပါပဲ…။ အများစု ကလည်းအတော်ကို ဘ၀င်မြင့်ကုန်ကျတယ်လေ.. တို့အဖေကြီးကိုကာကွယ်မည်လို ဖြစ်နေကြတာပေါ့..။

ငွေဆောင်မှာက ဟိုတယ်ကြီး ၃ ခု ရှိပါတယ်… ၂ခုက သူကိုယ်တိုင် ဆောက်ထားပြီး ကျန်တစ်ခုကတော့ ဦးပိုင်ကဟိုတယ် ကိုပြန်ယူပြီး ပြန်ပြင်ပြီးဆောက်ထားပါတယ်… တခြား ဟိုတယ်တွေကတော့ အင်းလေး မေမြို့  ရန်ကုန် ပုဂံ ပုပ္ပါး မှာရှိပါတယ်..။

ကျွန်းသစ်တွေနဲ့ ပတ်ပြီး ဆောက်ထားတဲ့ တေဇပိုင် နန်းမြင့်မျှော်စင်
ပုဂံမှာရှိတဲ့ နိုင်ငံတကာ ကန့်ကွက်တဲ့ ကြားက ဆောက်ထားတဲ့ နန်းမြင့် မျှော်စင် ကလည်း တေဇ ဆောက်ထားပါ… အခုနောက်ပိုင်း ဘုရားတွေပေါ် တက်ခွင့် မပြုပဲ အဆိုပါ နန်းမြင့် မျှော်စင်(ပုဂံတာဝါ) မှနိုင်ငံခြားတွေကို တက်ရောက်ကြည့် ပြုခွင့်ပြုပါတယ်… တစ်ဦးကို ၁၀ဒေါ်လာပေးရပါတယ် အဆိုပါရရှိတဲ့ ငွေတွေကို ရှေးဟောင်း ယဉ်ကျေးမှု ဋ္ဌာနက မရရှိပဲ တေဇက သာရရှိပါတယ်။ အဆိုပါ မျှော်စင်ကို အပြင်ကနေ ကျွန်းသစ်တွေနဲ့ ပတ်ပြီး ဆောက်ထားတာပေါ့… ပုဂံငွေဆောင် ကားလမ်းတလျှောက် ခုတ်ထားလိုက်တဲ့ သစ်တောတွေ တောင်ကတုံးကိုဖြစ်လို့ …. ပြန်စိုက်ထားပါတယ်ဆိုတဲ့  သစ်ပင်တွေက မစို့မပို့ သစ်တောတွေ ပြုန်းတီးတော့ ရာသီဥတုတွေ ဖောက်ပြန် ပြီး အပူတွေလွန် တာတွေဖြစ်လာတယ်လေ။ ဒီအကျိုးဆက်တွေကို သူတို့သိတယ်လေ.. စီးပွားရေး အသိုင်းအဝိုင်းမှာ သူ့ကို ကပ်ဖားလျှက်ဖား လုပ်နေတဲ့ သူတွေကတော့ အရိုးအရင်းလေး ကိုက်ရမလားဆိုပြီး… ကိုတေဇ ကိုတေဇနဲ့ပေါ့။ မှန်မှန်ကန်ကန် စီးပွားရေးလုပ်စားနေတဲ့ သူတွေကတော့ ငတေ လို့ပဲ ခေါ်ကြတယ်လေ။ သူတို့က ဒီအတန်းစား ဟိုတယ်တွေက တညကို ဒေါ်လာ ၉၀ ကနေ (မြန်မာငွေ တစ်သိန်း) အနည်းဆုံးစပါတယ်။

ဇာတ်တူသားစားတဲ့ သူတို့ တွေရဲ့  အရှက်မရှိကြတဲ့ လုပ်ရပ်တွေအတိုင်း တစ်ယောက်အရေးန်ိမ့် ရင် တယောက် က ချက်ချင်း အုပ်စိုးလို်က်တာတွေ ဆိုတာလည်း အဲ့လိုပါပဲ … ဥပမာ တစ်ခု အနေနဲ့ ပြောရရင် အရင် က ချောင်းသာ သွားဖူးသူတိုင်း သိမှာပါ.. မင်းမင်းစိုး ဟိုတယ်ဆိုရင် ချောင်းသာနဲ့ ပုပ္ပါး မှာလည်း ရှိခဲ့ ပါတယ်.. နောက်ပုဂံမှာလည်း ရှိခဲ့ပါတယ်။ မင်းမင်းစိုးနာမည်နဲ့တော့ မဟုတ်ခဲ့ပါဘူး အရင်လယ်ယာနဲ့ ဆည်မြောင်းဝန်ကြီး ဗိုလ်ချုပ်ညွန့်တင်ရဲ့ သားပိုင်တဲ့ဟိုတယ် တခုပါ သူ့အဖေ ဒေါ်လာတွေ ရွှေချောင်းကိစ္စတွေနဲ့ အရေးနိမ့်တော့  သူ့သားရဲ့ဟိုတယ်လည်း ပြန်အသိမ်းခံရပါတယ်...။ ဗိုလ်ချုပ်ညွန်တင်ရဲ့သား ကတော့ အရင်က စစ်အစိုးရဘက်ကို မျက်ရည်ခံထိုးပြီး ဘက်ပြောင်းလိုက်တဲ့ ဂျပန်က ငိုလွယ်ရီလွယ် နာမည်ကြီး ဒေါ်မြမြဝင်းရဲ့ သားမက်ဖြစ်ပြီး.. ရုပ်ရှင်တွေဘာတွေ ရိုက်လိုက်သေးတဲ့ ရွှေသွေးရဲ့ ယောက်ဖပါပဲ ..လက်ရှိမှာ ဂျပန်နိုင်ငံမှာ ဘာမှမလုပ်ပဲ ရန်ကုန်ကနေ မလာတဲ့ ပြည်သူ့ စည်းစိမ်တွေနဲ့ ခလေးတွေကို ကောင်းပေ့ဆိုတဲ့ ကျောင်းမှာထားပြီး ဂျပန်တွေကနေ သူဌေးလို့အသိအမှတ်ပြု ရလောက်အောင် နေနေတဲ့သူပါပဲ အဲံ့ဒီ မင်းမင်းစိုးရဲ့ ဟိုတယ်လုပ်ငန်းတွေကို Amata Resortက ပြန်ယူပါတယ် ပြီးတော့ ဟိုတယ်ကို နာမည်ပြောင်း လိုက်ပါတယ်။

အဲ့တော့ ဒီလိုအကောင်ကြီးကြီးတွေနဲ့ ပတ်သတ်သူတွေပိုင်တဲ့ ဟိုတယ်တွေက ဘယ်ဋ္ဌာန ဘယ်သက်ဆိုင်ရာတွေက အခွန်ကောက် အစစ်အဆေး လုပ်ရဲမလဲဆိုတာ စဉ်းစားတာ ကြည့်တော့ ကိုဒီမိုရေ..။

အောက်မှာ ဖော်ပြထားတာ တွေကတော့.. ရွှေတောင်ကြားမှာ ရှိတဲ့ တေဇရဲ့ ဟိုတယ်တွေ ဆက်သွယ်နိုင်တဲ့ ရုံးခန်းနဲ့ လိပ်စာပါ.... စိတ်ဝင်စားရင် ဆက်သွယ် နိုင်ပါတယ်..။

41 Shwe Taung Gyar Road, Bahan Township, Yangon, Myanmar.
Tel: +95-1-503816, 503824,503826, 502648, 502649
Fax:+95-1-527434
E-mail:
Website: www.aureumpalacehotel.com, www.aureumresortandspa.com
www.aureumresortsandspa.com, www.aureumpalace.com, www.aureumpalace-bagan.com
www.aureumpalacebagan.com, www.thebesthotelinmyanmar.com

အောက်ကတော့ ဗိုလ်ချုပ်သန်းရွှေသား.. ကြိုင်ဆန်းရွှေ ပိုင်တဲ့ ပုဂံသံတဲ ဟိုတယ်ပါ...။

ဗိုလ်ချုပ်သန်းရွှေသား.. ကြိုင်ဆန်းရွှေ ပိုင်တဲ့ ပုဂံသံတဲ ဟိုတယ်ပါ...။

ဗိုလ်ချုပ်သန်းရွှေသားပိုင်တဲ့ ဧရာဝတီ မြစ်ကမ်းနားက သံတဲဟိုတယ် ကိုဆက်သွယ်နိုင်တဲ့ လိပ်စာနဲ့ အီးမေးလ်...

http://www.hotelbaganthande.com

For Reservation in Yangon, Myanmar

Address :
No.75 (D), Banyadala Road, Bahan Township, Yangon, Myanmar.
Telephone :

95-01-546225, 546226, 703992, 727498, 543963
Fax :
95-01-546227

Email :
thandeoffygn@myanmar.com.mm

reservation@baganthandehotelgroup.com

sales@baganthandehotelgroup.com

frontoffice@baganthandehotelgroup.com
3. Bagan Thande Hotel

Telephone :

95-61-60025, 60031, 60964
Fax :

95-61-60050
Email :

baganthande@mptsat.com.mm

frontoffice@baganthandehotelgroup.com
URL
Address :

http://www.hotelbaganthande.com

စစ်အာဏာရှင် ဆန့်ကျင်နေသူအားလုံးအား အထူးလေးစားလျှက်..

အတွင်းသိ (GRW)

သတင်း အားပြန်လည်ရေးသားဖော်ပြသူ ဒီမိုဝေယံ အားကျေးဇူး တင်ရှိပါသည်.။