မြန်မာပြည်ရှိ လူကုန်ကူးသူ အုပ်စုတို့သည် အထက်တန်းကျောင်းသူများကိုယခုပစ်မှတ်ထားနေပြန်သည်..

လူကုန်ကူးသူအုပ်စုတို့သည် အထက်တန်းကျောင်းများကိုပင် ပစ်မှတ်ထား ရည်ရွယ်လာနေကြကြောင်း သိရသည်။ လူကုန်ကူးသူ အုပ်စုများသည် ကျောင်းသူလေးများကို နည်းမျိုးစုံဖြင့် ချဉ်းကပ်၍ ပြည်ပနိုင်ငံများသို့ လူကုန်ကူးရန် ရန်ကုန်တိုင်းဒေသကြီးအတွင်းရှိ အခြေခံပညာ အထက်တန်းကျောင်းတို့တွင် လုပ်ဆောင်လာနေ ကြသည်။ “ကောင်မလေးက တက္ကသိုလ်ဝင်တန်း တက်နေတယ်။

သူနဲ့အတန်းဖော်ကောင်မလေးက သူ့မိဘတွေဟာ အရင်းမဟုတ်ဘူး။ မွေးစားမိဘတွေလို့ ပြောတယ်။ မိဘအရင်းက ဘယ်မှာနေတယ်ပေါ့။ အဲဒီလိုပြောနေတော့ တစ်နေ့မှာကောင်းမလေးက အိမ်ကပျောက်သွားတယ် ဆယ်ရက်လောက်ကြာတယ်။ မိဘတွေက စိတ်ပူပြီးရှာကြတာပေါ့။ ကောင်မလေးကဖုန်းဆက်တယ်။ မိဘတွေက ပြန်လာပါဆိုမှ အမေနေမကောင်းလို့ ခဏတော့ လာကြည့်မယ်ဆိုပြီး ပြန်လာတုန်း မိဘတွေကပြန်မလွှတ်ဘဲ ထားလိုက်ရတာ” ဟုအဆိုပါ ကျောင်းသူအသိုင်းအဝိုင်းနှင့် နီးစပ်သူတစ်ဦးက ပြောသည်။

အဆိုပါ ကျောင်းသူနည်းတူ အခြားတက္ကသိုလ်ဝင်တန်း ကျောင်းသူတစ်ဦးသည်လည်း နှစ်ရက်ခန့်ပျောက်သွားခဲ့ပြီး ပြန်လည် တွေ့ရှိချိန်တွင် ပုံမှန်မဟုတ်သည့် အခြေအနေမျိုးဖြစ်နေပြီး ယင်း၏ မိဘအသိုင်းအဝိုင်းကမူ ဆေးထိုးခံထားရသည်ဟု ယူဆလျက်ရှိသည်။ အဆိုပါ ကျောင်းသူနှစ်ဦးစလုံးသည် မိဘတို့၏ အပူတပြင်းတိုင် ကြားမှုကြောင့် ပြန်လည် လွတ်မြောက် လာကြခြင်း ဖြစ်ပြီး မိဘတို့ကမူ လူကုန်ကူးသူတို့၏ လုပ်ရပ်ဟု ယုံကြည်လျက်ရှိကြောင်း Flower News ဂျာနယ်တွင် ဖော်ပြထားပါသည်။