24 August 2010

မြေကျွံသောယာဉ်နှင့် လုပ်ငန်းခွင်လုံခြုံမှုကို အလေးထားစို့


ရန်ကုန်မြို့တော်မှာ သက်တမ်း ကြာမြင့်သည့် အဆောက်အအုံ ဟောင်းတွေ ဖြိုချပြီး နေရာ တော်တော်များများမှာ အဆောက်အအုံ အသစ်တွေ ပြန်လည် တည်ဆောက်နေပါသည်။ သို့သော် ဆောက်လုပ်ရေး လုပ်ငန်းခွင်တွင် တည်ဆောက်နေခိုက် Safety (လုံခြုံမှု) မရှိသော မြင်ကွင်း အနေအထားမျိုးကို တွေ့နေရပါသည်။ အဆောက်အအုံ ဟောင်းကို ဖြိုဖျက်နေတာ၊ အဆောက်အအုံဟောင်းနဲ့ ကပ်လျက်မှာက ဈေးဆိုင်လေးတွေ ဖွင့်ထားသည်။ စားသောက် နေသူတွေက အန္တရာယ် ဖြစ်လာနိုင်တာကို လုံးဝမတွေးထားဘဲ စားမြဲ၊ စကားပြောမြဲနှင့် ရှိလို့နေပါသည်။ အန္တရာယ်မဖြစ်သေးလို့သာပါ။ ဖြစ်လို့ကတော့ မတွေး ဝံ့စရာပါ။ အဆောက်အအုံဟောင်းကိုဖယ်ရှားပြီး အဆောက်အအုံသစ်ကို ပြန်လည်တည် ဆောက်မည်ဆိုလျှင် ပတ်ဝန်းကျင်လုံခြုံမှုက သိပ်အရေးကြီးပါသည်။

အဆောက်အအုံသစ် ပြန်လည်တည်ဆောက်ဖို့လုပ်နေရင်း 'ပိုင်'ရိုက်သည့် မော်တော် ယာဉ်မြေကျွံကျပြီး ဘေးပတ်ဝန်းကျင် လူနေတိုက်ခန်းအိမ်ရှေ့တွင် ခင်းထားသော ကျောက်ပြားများနှင့်မြေကြီးထဲမှာ သွယ်တန်းထားသော ရေပိုက်များ၊ မော်တော်ယာဉ်နှင့်ငြိပြီး တယ်လီဖုန်းကြိုးများ ပြတ်တောက်ပျက်စီးမှုတစ်ခု (၆၊ ၈၊ ၂ဝ၁ဝ) သောကြာနေ့၊ နေ့လယ် (၁)နာရီခန့်မှာ ရန်ကုန်မြို့၊ ဗိုလ်မြတ်ထွန်းလမ်း၊ အလယ်ဘလောက်မှာ ဖြစ်ပွားခဲ့ပါသည်။ ထိုဖြစ်စဉ်နှင့်ပတ်သက်၍ အိမ်နီးချင်းတစ်ဦးက ဒေါသသံပါပါဖြင့် ယခုလိုပြောကြားခဲ့ပါသည်။ ''တိုက်ဟောင်းကို ...ကုမ္ပဏီက ပြန်ဆောက်တာ။ Safety လုံးဝမရှိဘူး။ 'ပိုင်' ရိုက်တာက နေ့လယ်(၁)နာရီလောက်ကဖြစ်တာ။ 'ပိုင်'ရိုက်တဲ့ကားက ကျွံကျသွားတယ်။

မြေကြီးအောက်မှာရှိနေတဲ့ ရေပိုက်တွေအားလုံးပျက်စီးကုန်တယ်။ သူတို့မှာ Safety လုံးဝမရှိတော့ တယ်လီဖုန်းကြိုးတွေလည်း အကုန်ပြတ်ကုန်ပြီ။ တကယ်တမ်းက စည်ပင်သာယာက ဆောင်ရွက်ရမယ့်ကိစ္စတွေ။ သူတို့အလုပ်သမားနဲ့သူတို့လာပြီး အားချင်းပြန်လုပ်နေတာ။ အဲဒီကုမ္ပဏီကို ကျွန်တော်တို့ခေါ်ခိုင်းထားတယ်။ ကုမ္ပဏီက သူတို့လုပ်နေတယ်။ သူတို့ လုပ်ပိုင်ခွင့်အတိုင်းလုပ်တယ်။ ကျွန်တော်တို့ကလည်း ကျွန်တော်တို့ Righ အတိုင်းလုပ်မယ်။ ဒီကိစ္စက ကန်ထရိုက်နဲ့ဆိုင်တယ်။ အားလုံးပျက်စီးကုန်ပြီ။

ပတ်ဝန်းကျင် သိပ်ဒုက္ခရောက်တယ်'' ပုဂ္ဂလိက ကုမ္ပဏီဆောက်လုပ်ရေးအဖွဲ့တွေအနေနှင့် လုပ်ငန်းခွင်လုံခြုံမှု (Safety) တွေကို အလေးမထား ခပ်ပေါ့ပေါ့လုပ်ဆောင်ကြမည်ဆိုလျှင်ဖြင့် ယခုကြုံ တွေ့ခဲ့ရသော ကိစ္စမျိုးတွင်သာမကဘဲယခုထက်အန္တရာယ်ကြီးမားသောကိစ္စများအားကြုံတွေ့ရမှာဖြစ်ပြီးပတ်ဝန်းကျင်နှင့်လည်း
အချင်းများဖွယ်ရာကိစ္စတွေဖြစ်လာနိုင်တာကအမှန်ပင်ဖြစ်ပါသည်ဟုလျှပ်တပြက်ဂျာနယ်တွင်ဖော်ပြပါရှိပါသည်.။