30 November 2011

တြိဂံထဲက ထွက်ကြစို့ (မောင်ဝံသ)

မှန်တာပြောသစ္စာ / မောင်ဝံသ (TRUE News ဂျာနယ်မှာ ဖော်ပြခဲ့တဲ့ ဆောင်းပါး။)

တြိဂံထဲက ထွက်ကြစို့

လွန်ခဲ့တဲ့ နှစ်ပေါင်း ၅၀ နီးပါးကာလအတွင်း နိုင်ငံရေးကို စိတ်ပါဝင်စားမှုရှိသူတွေ တစ်နည်း ပြောရရင် ကိုယ့်နိုင်ငံ ဖွံ့ဖြိုးတိုးတက်ရေးအတွက် တက်တက်

တောနဲ့ ထောင်

နောက်တစ်လမ်းကတော့ အစိုးရနဲ့ ဆန့်ကျင်တဲ့လမ်းပါ။ အဲဒီလမ်းကို ရွေးချယ်သူတွေအတွက်လည်း လက်တွေ့မှာ ရောက်ရှိသွားဖို့ သေချာပေါက် မျှော်လင့်ထားနိုင်တဲ့ နေရာက နှစ်ခုပဲရှိပါတယ်။ တစ်ခုက ထောင်ထဲနဲ့ နောက်တစ်ခုက တောထဲပါ။

အဲဒီကို ၀န်းကျင်အနေအထားမျိုးမှာ နိုင်ငံရေးခံယူချက်လည်းရှိ၊ အစိုးရရဲ့မူဝါဒများကို မနှစ်သက်လို့ အစိုးရနဲ့လည်း မပူးပေါင်းနိုင်။ ထောင်ထဲ သို့မဟုတ် တောထဲကိုလည်း မသွားနိုင်ကြသူတွေအတွက် ရှင်သန်စရာဘ၀ ပုံစံတစ်ခုပဲ ရှိပါတယ်။ အဲဒါကတော့ ]]အပြစ်ရှိသူ တစ်ယောက်ရဲ့ ခံစားချက်မျိုး}}(guilty conscious) နဲ့ အသက်ရှင်နေထိုင်ရခြင်းပဲ ဖြစ်ပါတော့တယ်။

အနားသုံးနား

ဒီလိုနဲ့ ကျွန်တော်တို့နိုင်ငံဟာ အစိုးရနဲ့ သဘောထားချင်း မတူသူများ အတွက် လှုပ်ရှားစရာ နိုင်ငံရေးကွက်လပ် (Political Space) မရှိ၊ တပ်မတော်သားမဟုတ်ရင် နိုင်ငံအကြီးအကဲဖြစ်ခွင့်မရှိတဲ့ အနားတစ်နား၊ အစိုးရလုပ်သမျှ အကုန်ဆန့်ကျင်မယ်ဆိုတဲ့ အနားတစ်နား၊ အပြစ်သား ခံစားချက်ကြီးကို အမြဲရင်မှာ ပွေ့ထားရတဲ့ အနားတစ်နားဆိုတဲ့ အနား သုံးနားနဲ့ တည်ဆောက်ထားတဲ့ တြိဂံထဲမှာ ပိတ်မိပြီး ထွက်မရဖြစ်နေခဲ့တာ ဖြစ်ပါတယ်။ အကျိုးဆက်ကတော့ ကမ္ဘာ့အဆင့်မပြောနဲ့ ဒေသအဆင့်မှာတောင် ကိုယ့် နောက်မှာ လူနည်းသထက်နည်းပြီး ကိုယ့်ရှေ့မှာ လူများသထက် များလာနေတဲ့ အခြေကို ဆိုက်နေခဲ့တာပါပဲ။ (လက်ရှိကျင်းပနေတဲ့ ၂၆ ကြိမ်မြောက် အရှေ့တောင်အာရှ အားကစားပြိုင်ပွဲရဲ့ အဆင့်ဇယားက ဒီအချက်ကို သက်သေပြနေပါတယ်။)

ပြောင်းလဲတော့မှာလား

အခုတော့ အဲဒီအခြေအနေဟာ အခြေအမြစ်ကစပြီး အရင်းခံကျကျ ပြောင်းလဲသွားတော့မှာလားလို့ စဉ်းစားနိုင်လောက်စရာ အရိပ် အယောင် တချို့ကို ထင်ထင်ရှားရှား မြင်တွေ့နေရပါပြီ။ ၂၀၁၀ ရွေးကောက်ပွဲက ပေါ်ထွက်လာတဲ့ နိုင်ငံတော်သမ္မတဦးသိန်းစိန် အစိုးရရဲ့ လုပ်ဆောင်ချက် တချို့က အဲသလို တွေးစရာဖြစ်လာအောင် ပံ့ပိုးကူညီခဲ့တာဖြစ်ပါတယ်။ အစိုးရရဲ့ အဲဒီလုပ်ဆောင်ချက်တွေ အပေါ် ပြည်တွင်း ပြည်ပ နိုင်ငံရေး အင်အားစုတွေကလည်း လိုက်လျောညီထွေ တုံ့ပြန်ခဲ့ကြပါတယ်။

မှတ်တိုင်ကြီး နှစ်ခု

ဒီလိုနဲ့ မြန်မာ့နိုင်ငံရေး အပြောင်းအလဲ ရေစီးကြောင်းဟာ တစ်နေ့ထက်တစ်နေ့ ပိုမိုသွက်လက်မြန်ဆန်လာခဲ့ရာကနေ အခုဆိုရင် သမိုင်းတွင်လောက်တဲ့ မှတ်တိုင်ကြီး (landmark) နှစ်ခုကို ဖြတ်ကျော်နိုင်ခဲ့တဲ့ အနေအထားကိုတောင် ရောက်ရှိခဲ့ပြီဖြစ်ပါတယ်။ အဲဒါတွေ ကတော့ ၂၀၁၄ မှာ အဖွဲ့ရဲ့ဥက္ကဋ္ဌအဖြစ် မြန်မာနိုင်ငံကို တာဝန်ယူခွင့်ပေးဖို့ အာဆီယံ ခေါင်းဆောင်တွေက သဘောတူ ဆုံးဖြတ်ခဲ့ကြခြင်း နဲ့ မှတ်ပုံတင်ဖို့ NLD ပါတီက ဆုံးဖြတ်လိုက်ခြင်းတို့ပါပဲ။

နဂါးကြီး ခေါင်းက စပြီး ကွေ့နေတယ်။

အဲဒီဖြစ်ရပ်တွေရဲ့ ဖော်ပြချက်က နဂါးကြီးတွေကတော့ ခေါင်းကစပြီး ကွေ့နေပြီဆိုတာပါပဲ။ တစ်ချိန်က မျက်နှာချင်းဆိုင်ပြီး ထိပ်တိုက်တွေ့ဖို့ တူရူပြုနေသလို မြင်တွေ့နေရတဲ့ နဂါးကြီးနှစ်ကောင်ဟာ အခုဆိုရင် ရန်ဘက်အသွင်မဟုတ် ပြိုင်ဘက်အသွင်နဲ့ တစ်ဖက်တည်းသောအရပ်ဆီသို့ ဦးတည်ရွေ့လျားကြဖို့ အရှိန်ယူပြင်ဆင်နေကြပြီ ဖြစ်ပါတယ်။ ပန်းတိုင်တစ်ခုတည်းဘက်ကို တူရူပြုပြီး အပြေးပြိုင်ကြမယ့် ပြိုင်ပွဲဝင်များရဲ့ အသွင်ကို ဆောင်နေပါတယ်။

ဒီအချိန်မှာ နဂါးကြီးတွေရဲ့ ခန္ဓာကိုယ်တွေနဲ့တူတဲ့ ကျွန်တော်တို့ ပြည်သူတွေကလည်း ခေါင်းရဲ့လှုပ်ရှားမှုနဲ့ အမီလိုက်ပြီး ရွေ့လျားကြဖို့ လိုအပ်နေပါပြီ။

လွန်ခဲ့တဲ့ နှစ်ပေါင်း ငါးဆယ်နီးပါးကာလအတွင်း ကျွန်တော်တို့နိုင်ငံ ပြည်သူလူထုကြီးရဲ့ အစိတ်အပိုင်း အများအပြားဟာ အစိုးရ ၀န်ထမ်းတွေကို ရန်သူလို မမြင်ဘူးဆိုရင်တောင် မိတ်ဆွေတွေလိုတော့ လုံးဝမမြင်ခဲ့ကြဘူး။ ရဲ၊ တရားသူကြီး၊ အကျဉ်းထောင်ဝန်ထမ်း၊ ထောက်လှမ်းရေးစတဲ့ လုံခြုံရေးနဲ့ တရားဥပဒေဆိုင်ရာ အစိုးရ၀န်ထမ်းတွေပေါ် ထားရှိတဲ့ သဘောထားကျတော့ ပိုလို့တောင်ဆိုးပါတယ်။ အပြန်အလှန်အဖြစ် အဲဒီအစိုးရ၀န်ထမ်းတွေက အဲဒီပြည်သူ အစိတ်အပိုင်းတွေအပေါ် ထားတဲ့ သဘောထားကလည်း သိပ်ကို ဆိုးခဲ့ပါ တယ်။ နှစ်ဖက်အကြား ဆက်ဆံရေးက တစ်ဦးပေါ်တစ်ဦး အပြန်အလှန်မှီခိုတဲ့ ဆက်ဆံရေး (Interdependent Relationship)မျိုး မဟုတ်ဘဲ တစ်ဦးကိုတစ်ဦး အပြန်အလှန် ချေဖျက်တဲ့ ဆက်ဆံရေးမျိုး (Intereliminate Relationship) သာ ဖြစ်ခဲ့ပါတယ်။

စိတ်နေစိတ်ထားတွေ ပြောင်းရမယ်

အခုအချိန်မှာ ကျွန်တော်တို့အားလုံးရဲ့ အဲဒီစိတ်နေစိတ်ထား (mindset) တွေကို အခြေခံကစပြီး ပြောင်းလဲနိုင်ဖို့ စတင်ကြိုးပမ်းကြရ တော့မှာ ဖြစ်ပါတယ်။ နှစ်ဖက်စလုံးရဲ့ အခြေခံစိတ်နေသဘောထား (Basic Mentality) တွေကို ပြောင်းလဲပစ်ကြမှာဖြစ်ပါတယ်။ ကျွန်တော်တို့တိုင်းပြည်မှာ နိုင်ငံ့ကံကြမ္မာကို အပြောင်းအလဲ ဖြစ်စေနိုင်တဲ့ အရေးကြီးတဲ့ အင်အားစုတွေက ကျွန်တော် အထက်မှာ တင်ပြခဲ့တဲ့ တြိဂံကို ဖျက်ပစ်ဖို့ စတင်ကြိုးပမ်းနေကြချိန်မှာ ကျွန်တော်တို့ ပြည်သူတွေက အဲဒီတြိဂံကို မြန်နိုင်သမျှ မြန်မြန် ပြိုပျက်အောင် ဖြိုဖျက်ကြဖို့ လိုပါတယ်။

ဒီနေရာမှာ စကားစပ်မိလို့ ပြောချင်တာတစ်ခုက အခုလိုအခြေအနေ အချိန်အခါမျိုးရောက်လာတဲ့ အချိန်မှာတောင် နိုင်ငံရေးခေါင်းဆောင် တချို့ရဲ့ လှုပ်ရှားမှုတွေကို မသင်္ကာတဲ့မျက်လုံးတွေနဲ့ အနီးကပ်စောင့်ကြည့်ဖို့ တာဝန်ပေးခြင်းခံထားရပုံရတဲ့ အရပ်ဝတ် လုံခြုံရေးသမားတွေကို မြင်တွေ့နေ ရတာကတော့ နားမလည်နိုင်လောက်အောင် ဖြစ်နေရကြောင်းပါ။