သီချင်းချစ်သူတို့ အသည်းစွဲကြိုက်နှစ် သက်ကြတဲ့၊ရှမ်းတိုင်းရင်းသား အဆို တော် စိုင်းထီးဆိုင် ကွယ်လွန်ခဲ့တာ နှစ်နှစ်ကျော်ကြာခဲ့ပါ ပြီ။ ဒါပေမယ့် သူ့သီချင်းသံတွေက နေရာတိုင်းမှာ ပျံ့လွင့်နေဆဲ၊ ပရိသတ်တွေကလည်း သူ့ကို သတိတရနဲ့ ချစ်နေဆဲပဲ။
သူမရှိတော့ပေမယ့်လည်း သူ့မိသားစုနဲ့ သူ့ကိုချစ်ခင်ကြတဲ့ မိတ်ဆွေ၊ သူငယ်ချင်းတွေက သူ့အတွက် အမှတ်တရအထိမ်းအမှတ်တွေ အများကြီးပြုလုပ်ခဲ့ သလို သူ့ဘ၀အကြောင်းကို လွန်ခဲ့တဲ့ရှစ်နှစ်ကျော်ကတည်းက ရေးသားလာခဲ့တဲ့ စာရေးဆရာ နိုင်ဇော်ကလည်း ဒီဇင်ဘာလ ၆ ရက်နေ့ (ရှမ်းနှစ်သစ်ကူးနေ့)မှာ လုံးချင်းစာအုပ်အဖြစ် ထုတ်ဝေပြီး စိုင်းထီးဆိုင်ကို ဂုဏ်ပြုလိုက်ပါတယ်။
"၁၉၇၄ခုနှစ် နှစ်ကုန်ပိုင်းလောက်မှာမန္တလေးဆေးတက္ကသိုလ်ကို ကျွန်တော်ရောက်သွားတော့ ကိုထီးကအဆိုတော်အဖြစ် စပြီးနာမည် ကြီးလာပြီ။ အဲဒီအချိန်မှာ ကိုထီးက မန္တလေးဝိဇ္ဇာ၊ သိပ္ပံ တက္ကသိုလ်မှာ စိတ်ပညာမေဂျာ တက် နေပြီး ကျွန်တော့သူငယ်ချင်းနဲ့ တစ်ခန်း တည်းနေခဲ့တာ။ အဲဒီအချိန်ကတည်း က သူနဲ့စခင်ခဲ့တာပေါ့"လို့၊ အတိတ် ကာလဆီပြန်သွားရင်း စိုင်းထီးဆိုင်နဲ့ စတင်သိကျွမ်းပုံကို ဆရာနိုင်ဇော်က ပြောပါတယ်။
ဒီလိုနဲ့ ခင်မင်မှုသက်တမ်းရှည်လာခဲ့ပြီး၂၀၀၀ပြည့်နှစ်အလွန်လောက်မှာစကားစပ်မိရာက စိုင်းထီးဆိုင်တစ်ယောက် သူ့ဘ၀အကြောင်း ကို ကိုယ် တိုင်ရေးချင်နေတယ်ဆိုတာကို သိခဲ့ရပြီး အချိန်မပေးနိုင်တာအပါအ၀င် အခက် အခဲအမျိုးမျိုးနဲ့ မရေးနိုင်တာကြောင့် နှစ် ယောက်တိုင်ပင်ဆွေးနွေးပြီး စရေး ဖြစ်ခဲ့တယ်လို့ ဆိုပါတယ်။
ပထမဆုံး အခန်းဆက်ဆောင်းပါး အဖြစ် မဟေသီမဂ္ဂဇင်းမှာ ဖော်ပြခံခဲ့ ရပြီး ရှစ်နှစ်အကြာမှာတော့ ခုလိုစာအုပ်ထုတ်နိုင်ခဲ့တာပါ။ ဒါပေမယ့် စိုင်းထီး ဆိုင်ကတော့ သူ့ဘ၀အကြောင်း ရေး သားထားတဲ့ စာအုပ်လေးကို မြင်တွေ့ခွင့် မရတော့တာကတော့ အားလုံး အတွက် စိတ်မကောင်းစရာ။ စာအုပ် ခေါင်းစဉ်က 'ညဥ့်ရဲ့အချိန်မှာ မျှော်မျှော်ကာစောင့်တဲ့ အလင်းရောင် ထူးခြားတောက်ပလို့'တဲ့။
"အဲဒါက စိုင်းထီးဆိုင်ကိုယ်တိုင် ရေး သားသီဆိုခဲ့တဲ့ 'နယုန်ညမှာ သာတဲ့လ' သီချင်းထဲက စာသားပါ။ 'ဥပေက္ခာ လောကသား' စီးရီး မှာပါခဲ့တဲ့သီချင်းဆို တော့ နှစ်ပေါင်း ၃၀ နီးနီးလောက် ရှိပါပြီ။ သူ့ဘ၀အကြောင်းရေးတဲ့စာအုပ် ဆိုတော့ သီချင်းစာသားလေးနဲ့ တိုက်
ဆိုင်သလိုဖြစ်သွားလို့ သုံးဖြစ်သွားတာ ပါ"လို့ ဆရာနိုင်ဇော်ကပြောပါတယ်။
စာအုပ်ထဲမှာ ပျော်စရာ၊ လွမ်းစရာ ရသစုံ ရေးထည့်ထားတယ်လို့ သိရပြီး "ကိုထီးပြောပြတဲ့အကြောင်းတွေအပေါ်မှာ အခြေခံပြီးရေးဖွဲ့ ယူရတာပါ။ ပုံတူ ပန်းချီကားတစ်ချပ်ကို ရေးသလိုပဲပေါ့။ စာအုပ်ဆိုတော့ လှုပ်ရှားမှုရဲ့ပုံတူပေါ့။ အဲဒီအချက်အလက်တွေကို ကောက် ကြောင်းဆွဲ ဆေးရောင်ဖြည့်ထည့်ရတာ ပါ။ နောက်ခံကားချပ်ဖြစ်တဲ့ အသိုင်း အ၀ိုင်းကတော့ လေ့လာရှာဖွေထားရ တာပေါ့။ အဆုံး သတ်ဖြစ်တဲ့ ကိုထီးရဲ့ဘ၀နိဂုံးပိုင်းကိုတော့ ကိုထီးရဲ့ဇနီး မစိုး (ဒေါ်ခင်သန်းစိုး)ပြောပြတဲ့အပေါ်မှာ အခြေခံခဲ့တာ"လို့ဆိုပါတယ်။
စိုင်းထီးဆိုင်ရဲ့ ဂီတအနုပညာကို ကြိုက်နှစ်သက်ကြသူတွေအတွက် ဒီ စာအုပ်လေးဟာ ကျေနပ်စရာ၊ အလွမ်း ပြေစာအုပ်လေးဖြစ်မှာ မလွဲပါပဲ။
"သူ့ရဲ့ပုံတူကိုရေးရတာ တော်တော်ကျေနပ်ပါတယ်။ ကိုထီးက တစ်ခေတ်တစ်ခါ ရှားရှားပါးပါးပေါ်တတ်တဲ့ ပါရမီရှင်တွေထဲကတစ် ယောက်ပါ"လို့ ဆရာက ကျေနပ်စကားဆိုပါတယ်။
လုံးချင်းစာအုပ်အဖြစ် ရေးသားလို့ ရရှိတဲ့ ဉာဏ်ပူဇော်ခငါးသိန်းကို စာအုပ်ထွက်တဲ့နေ့ ရှမ်းနှစ်သစ်ကူးပွဲတော်မှာပဲ ဆရာနိုင်ဇော်က စိုင်းထီးဆိုင်ရဲ့ ကျန်ရစ်သူမိသားစုကို လွှဲပြောင်းပေးအပ်ခဲ့ပါ တယ်။
"ကိုထီးရဲ့ဘ၀နဲ့ သူ့မိသားစုကို ခွဲခြားလို့ မရပါဘူး။ ကိုထီးမရှိတော့ပေမယ့် ရှိနေသေးတဲ့သူ့မိသားစုကလည်း ကိုထီး ပါပဲ။ ဒါကြောင့် အဲဒီဉာဏ်ပူဇော်ခကို ကိုထီးတို့မိသားစုကို လွှဲပြောင်းပေးခဲ့တာပါ။ ကျွန်တော်ကိုယ်တိုင်လည်း ကြည်နူးပီတိဖြစ်ရတယ်"လို့ဆိုပါတယ်။
ဒီစာအုပ်ကို နန်းဒေ၀ီစာအုပ်တိုက် က ထုတ်ဝေပြီး တန်ဖိုး ကျပ် ၂,၅၀၀ ဖြစ်ပါတယ်လို့ မြန်မာတိုင်းမှာ ဖော်ပြထားပါသည်.။
