13 July 2011

နောက်ဆုံး ပြောသွားသည့် ဗိုလ်ချုပ် မိန့်ခွန်း


ယခုကောက် နုတ်ဖော်ပြမည့် စကားများမှာ ဗိုလ်ချုပ် လုပ်ကြံမခံရမီ တစ်ပတ်ခန့်အလိုက ရန်ကုန် မြို့ မြို့တော်ခန်း မှ လူထု ပရိသတ်ကြီးကို နောက်ဆုံး ဟောပြော သွားသော ဗိုလ်ချုပ် ၏မိန့်ခွန်း စကားများဖြစ်၏။ ထိုနေ့ကား ၁၉၄၇ ခုနှစ်၊ ဇူလိုင်လ ၁၃ ရက်နံနက် အချိန်တွင်ဖြစ်သည်။

(မြန်မာပြည်သူလူထု အားလုံးကို သတိပေးလမ်း ညွှန် ဟောကြားသွားသော နောက်ဆုံး မိန့်ခွန်းဖြစ်သည့် အတွက် အချို့ကို ကောက်နုတ် ဖော်ပြလိုက်ပါသည်။)

“ကျုပ်တို့ဟာ ဒီတိုင်းပြည်မှာ အစိုးရ ဖြစ်အောင်အတင်းအဓမ္မ လုပ်လာလို့ အစိုးရ ဖြစ်လာတာမဟုတ်ဘူး၊ တိုင်းပြည်လူထုရဲ့ ထောက်ခံမှုကြောင့် ကျုပ်တို့အစိုးရဖြစ်နေ တာပဲ။ တိုင်းပြည်လူထုက ယုံကြည်မှုမရှိ ဘူး၊ မကြည်ညိုဘူးဆိုရင် ကျုပ်တို့လည်း တွယ်မနေပါဘူး၊ ထွက်မှာပါပဲ၊ သို့သော် လည်း တစ်နှစ်လောက် ကျုပ်တို့ကိုစောင့် ကြည့်တဲ့အခါမှာ ကျုပ်တို့ဟာဘယ်လို လူစားတွေလဲ၊ ရာဇ၀င်ထဲအရေးခံရမယ့် လူတွေလား၊ ရာဇ၀င်မှာ အဆဲခံရမယ့် လူစားတွေလားဆိုတာ ခင်ဗျားတို့ကိုယ် တိုင်သိလာပါလိမ့်မယ်”

“ဒီတော့ကာ လွတ်လပ်ရေး ဆိုလို့ ခင်ဗျားတို့ကိုပြောရအုံးမယ်။ လွတ်လပ်ရေး ဆိုတိုင်း ပဒေသာပင် မြေကမပေါက်နိုင်ဘူး ဆိုတာ ခင်ဗျားတို့ကို ရှင်းပြခဲ့ချင်တယ်။ ခင်ဗျားတို့ စိတ်ထဲမှာ လွတ်လပ်ရေးရတော့ မယ်ဆိုရင် စိတ်ကူး က ဘယ့်နှယ့် စိတ်ကူးကြ သလဲ။ ပဒေသာပင် နေ့ချင်းညချင်း ပေါက် တော့မလို ခင်ဗျား တို့က ထင်ကြလိမ့်မယ်။ တချို့ကလည်း ဂျပန်ခေတ်တုန်းက လွတ် လပ်ရေးရပြီဆိုပြီး ဘာလုပ်ကြ သလဲဆိုရင် ဟင်္သာတနယ် ဘက်မှာ တွေ့ခဲ့တယ်။ လွတ် လပ်ရေး ရတယ်ဆိုပြီး လူတကာသွားတဲ့ လမ်းပေါ်မှာ ဆေးလှန်း တယ်။ အဲဒါလွတ် လပ်ရေး မဟုတ်ဘူး၊ အဲဒီဟာ ကလမ်းသွား လမ်းလာ လုပ်တဲ့ သူတွေကို နှောင့်ယှက်ရာ ရောက်တယ်။ လွတ်လပ်ရေး ဆိုတဲ့အဓိပ္ပာယ် က ကိုယ်တစ်ယောက် ကောင်းစားဖို့ဖြစ်စေ၊ လူတစ်မျိုးလုံး ကောင်းစားဖို့ဖြစ်စေ၊ အခြား သူတွေရဲ့ အကျိုးကိုမထိခိုက်ဘဲနဲ့ လွတ်လွတ် လပ်လပ် ကိုယ့်ကျိုး အတွက်လုပ်နိုင်တာလွတ် လပ်ရေးပဲ။ ကိုယ့်စီးပွားရေး လုပ်တဲ့နေရာမှာ အခြား လူတွေရဲ့ အနှောင့်အယှက် မရှိစေရ ဘူး။ တခြား လူတွေရဲ့ အကျိုးကိုလည်း မထိ ခိုက်ဘူး၊ တိုင်းပြည်ကို လည်း မထိခိုက်ဘူးဆို ရင် လွတ်လွတ် လပ်လပ်လုပ်နိုင်တဲ့ အခြေ အနေမျိုးရှိရမယ်။ အဲဒီတော့ တခြားလူတွေ ကိုနှောင့်ယှက်တဲ့ လွတ်လပ်ရေးဟာ လွတ် လပ်ရေး မဟုတ်ဘူး။ အဲဒါကို (liconse) ရမ်းကားမှုလို့ခေါ်တယ်။ အဲဒီတော့ လွတ်လပ် ရေးဆိုတာ စည်းမဲ့ကမ်းမဲ့ သဘောမျိုးမ ဟုတ်ဘူး။ စည်းနဲ့ ကမ်းနဲ့ သဘောဖြစ်တယ်။ လွတ်လပ်ရေး ရတဲ့အခါ တိုင်းပြည်မှာပိုပြီး စည်းကမ်းရှိဖို့လိုတယ်။ စည်းနဲ့ကမ်းနဲ့လုပ်ကြမှ လွတ်လပ်ရေးဆိုတာ တကယ်ရမယ်”

“ကျွန်တော်တို့ မြန်မာတွေမှာ ချို့ယွင်း ချက် တစ်ခုရှိတယ်။ ဘာလဲဆိုရင် ဒါကလည်း ပဲ ကျွန်တော်တို့ ကျွန်ဖြစ်ခဲ့ ရတဲ့အတွက် ဖြစ် ချင်မှဖြစ်မယ်။ ဘာဖြစ်လို့ လဲဆိုရင် ကျွန် တော် ဂျပန်ခေတ် တုန်းကပုသိမ် ဘက်ကိုသွား တဲ့အခါမှာ လှေ ပြိုင်ပွဲတစ်ခု ကြည့်ခဲ့ ရတယ်။ လှေပြိုင်ပွဲ လုပ်တဲ့အခါမှာ ပန်းတိုင်ကို မရောက် သေးဘူး၊ ရှေ့ကိုနည်းနည်း နိုင်လာ ပြီဆိုရင် နိုင်တဲ့လှေက တက်ကိုထောင်တယ်။ ရှုံးတဲ့ လှေကလည်း ပန်းတိုင် မရောက်သေး ဘူး။ ကြိုးစားမယ် ဆိုရင် ကြိုးစား နိုင်သေး တယ်။ မကြိုးစားချင် တော့ဘူး။ ရှုံးမှာပါပဲ ကွာဆိုပြီးတော့ခြေပစ် လက်ပစ်နဲ့ တက်မ ခတ်ချင် တော့ဘူး။ အဲဒါဟာ တိုင်းပြည်ထူ ထောင်တဲ့ နေရာမှာ အဲဒါက လွတ်လပ်တဲ့ လူမျိုးနဲ့ ထိုက်တန်တဲ့ စိတ်ဓာတ်မဟုတ်ဘူး။ ဒါက ကျွန်ဖြစ်မယ့် စိတ်ဓာတ်မျိုးပဲ။ ဒီစိတ် ဓာတ်မျိုးရှိနေသမျှ ကာလပတ်လုံး ကျုပ်တို့ မြန်မာတွေ ကျွန်ဖြစ်နေမှာပဲ။ လွတ်လပ် ရေး ရသည့်တိုင် အောင် မြန်မြန်ပြန်ပြီးတော့ ကျွန်ဖြစ်မှာပဲ။ ကျွန်မဖြစ်သည့် တိုင်အောင် ညံ့ဖျင်းတဲ့ လွတ်လပ်ရေး ဖြစ်မှာပဲ။ အဲဒီ လှေပြိုင်ပွဲ တုန်းက လှေတစ်လှေ ဟာ တက် ထောင်မိတာနဲ့ပွဲတစ်ပွဲမှာ ရှုံးသွားတယ်။

ဘောလုံးကန်ကြတဲ့အခါမှာလည်း ကိုယ်ကစပြီးတော့ ဂိုးသွင်းရရင် အတော်ပဲ အားတက်လာတယ်။ နောက်တစ်ခါတော် တော်လေးဂိုးများလာတယ်ဆိုရင် လျှော့ လျှော့ပေါ့ပေါ့ကန်ချင်လာတယ်။ တစ် ဖက်ကလည်း နောက်ဆုံးအပြီးသတ်ကြ တော့မှ ကပ်ပြီးဂိုးသွင်းသွားလို့ ရှုံးတာတွေ၊ သရေဖြစ်တာတွေ ဘောလုံးပွဲရာဇ၀င်မှာ ပြန်စဉ်းစားကြည့်ရင်တွေ့ရမှာပဲ။ ဒါတင် မကသေးဘူး။ သူတို့လှေတွေက ပထမ နာရီဝက်မှာ ရှုံးသွားရင်တော်သေးတယ်။ ဒုတိယနာရီဝက်မှာ ၁၀ မိနစ်လောက်ကြာ တော့ တော်တော်လေးကန်မိလို့ ဂိုးပြန် မသွင်းနိုင်သေးဘူးဆိုရင်လူကို ပြန်ချတာ ပဲ။ ကျွန်တော်တို့ မြန်မာပြည်မှာ အဲဒါ (sporting spirit) မရှိဘူး။ ဒါဘာလဲ ဆိုရင် ကျွန်တော်တို့လည်း မြန်မာတွေ ရဲ့ စိတ်ဓာတ် ထက်မြက် တယ်ဆိုတာ တလွဲမှာ ဆံပင်ကောင်း နေတာပဲ။ တကယ့် နေရာကျတော့ အသုံး မကျဘူး။ မြန်မာပြည် လွတ်လပ် ရေးလုပ်တဲ့နေရာမှာ အသုံးမကျ ဘူး။ မြန်မာမြန်မာ ချဖို့ လုပ်ချင် တယ်။ ပြန်လည် ထူထောင်ရေးလုပ် တဲ့နေရာမှာ အသုံးမချချင် ဘူး။ ဒါတွေလုပ်ချင်ရင် ဘယ်တော့မှ အကျိုး ခံစားခွင့်ရှိမှာ မဟုတ်ဘူး။ ဒီတိုင်းပြည် ပြန်လည်မထူ ထောင်နိုင်ဘူး။ နာလန် မထူ နိုင်ဘူး။ လွတ်လပ်ရေး လည်း ကျကျနန လုပ်လို့မဖြစ်ဘူး။ အဲဒီ လိုစိတ်ဓာတ်မျိုးကို လုံးဝဖျောက် ဖျက်ပစ်ဖို့ လိုတယ်။ ကျွန်တော်ဘာ လုပ်လုပ် နောက်ဆုံး တစ်နေ့ပြီးတဲ့ အထိရှုံးမယ်ထင်သည်ဖြစ်စေ၊ နိုင်မယ် ထင်သည်ဖြစ်စေ၊ မလျှော့တမ်း ဇွဲနဲ့လုပ် သွားမယ်”

“ခင်ဗျားတို့ ဟာ လွတ်လပ်ရေး ကိုလို ချင်ရင်ရနိုင်တဲ့စည်းကမ်းရှိကြပါ။ လွတ်လပ် ရေးကိုလိုချင်ရင် လွတ်လပ်ရေး ကိုရနိုင်တဲ့ ညီညွတ်မှုကိုထိန်းသိမ်းထားပါ။ လွတ်လပ် ရေးကိုလိုချင်ရင်ရနိုင်လောက်တဲ့ထူ ထောင် မှုကို လုပ်ကြပါ။ အဲဒီလိုလုပ်ပြီးတဲ့ နောက် လည်းပဲ ရှေ့ကိုလွတ်လပ်ရေးအရသာကို ခံစားချင်တယ်၊ ခံစားချင်တယ်ဆိုရင် အလုပ် လုပ်ဖို့ စည်းကမ်းရှိကြဖို့ ခင်ဗျား တို့အခုက တည်းက ခင်ဗျား တို့ရဲ့ အကျင့်ဆိုးတွေ၊ အကျင့်ဟောင်း တွေကို ပြင်ကြဖို့လိုပြီ၊ ဖျောက်သင့်ပြီ ဆိုတာ ကျွန်တော်ဒီနေ့ပြော ခဲ့ချင် ပါတယ်။

(လက်ခုပ်သံများ)

စာကိုး

၁။ မေ့ပျောက်၍မရသောအောင်ဆန်း (ကလောင်စုံ)

၂၊ ငါတို့ဗိုလ်ချုပ် ဘာတွေလုပ်ခဲ့လဲ (သတင်းစာဆရာ ဦးပုကလေး)

ဟိန်းဇေ