နအဖ စစ်အာဏာရှင်များ မတရား ဖမ်းဆီး ထားသော နိုင်ငံရေးအကျဉ်းးသားမိသားစု များအားအစဉ်အမြဲကူညီပေးနေသော ဘဘဦးအုန်းမြင့် ကွယ်လွန်

ဘဘဦးအုန်းမြင့်

သခင်အုန်းမြင့် ယနေ့နံနက် ၄ နာရီခွဲတွင် ကွယ်လွန်သွားသည်ဟု ရန်ကုန်မှ လာသော သတင်းများအရ သိရသည်။ ကွယ်လွန်ချိန်တွင် အသက် ၉၂ နှစ် ရှိပြီ ဖြစ်သည်။

သခင်အုန်းမြင့်သည် မြန်မာ့စာနယ်ဇင်းလောက၊ နိုင်ငံရေးလောကတွင် ထင်ရှားသူတဦး ဖြစ်သည်။ကိုလိုနီခေတ် မြန်မာ့လွတ်လပ်ရေး တိုက်ပွဲတွင် ပါဝင်ခဲ့သည့် အတွက် ဗိုလ်ချုပ်အောင်ဆန်းနှင့် နီးစပ်သူ တဦးဖြစ်သည်။ ၁၉၈၈ နောက်ပိုင်း ဒီမိုကရေစီအရေး လှုပ်ရှားမှုတွင်လည်း ပါဝင်ခဲ့ပြီး ဒေါ်အောင်ဆန်းစုကြည်၏ လုပ်ဖော်ကိုင်ဘက် တဦး ဖြစ်ခဲ့သည်။ စစ်အစိုးရ အဆက်ဆက်က သူ့ကို အကြိမ်ကြိမ် ဖမ်းဆီး ထိန်းသိမ်းခဲ့သည်။

၁၉၉၈ ခုနှစ်က ကျောင်းသားလှုပ်ရှားမှုသမိုင်း မှတ်တမ်းတင်သူ တဦးကို ကူညီမှုဖြင့် နောက်ဆုံးအကြိမ် အထိန်းခံခဲ့ရသည်။ ထိုအချိန်က အသက် ၈၀ အရွယ် ရှိပြီ ဖြစ်သော သခင်အုန်းမြင့်သည် ထောင် ၇ နှစ် ချမှတ်ခံရသည်။

လက်ရှိ စစ်အစိုးရ လက်ထက် မြန်မာပြည် ထောင်များတွင် နိုင်ငံရေး အကျဉ်းသား ၂ ထောင်ဝန်းကျင် အစဉ်အမြဲ ရှိနေရာ ထိုသို့ အကျဉ်းကျနေသူများ၊ ၎င်းတို့၏ မိသားစုများကို အားပေး ကူညီသူများကြားတွင် သခင်အုန်းမြင့်က အထင်ရှားဆုံး ဖြစ်သည်။

NLD ၏ လူမှု အထောက်အကူပြု အဖွဲ့တွင် ဒုတိယဥက္ကဋ္ဌ တာဝန် ယူခဲ့ပြီး အကျဉ်းကျနေသော၊ ပြန်လည် လွတ်မြောက်လာသော နိုင်ငံရေးသမားများကို နှစ်ပေါင်း များစွာ ကူညီခဲ့သည်။

ကြွင်းကျန်သော ရုပ်ကလာပ်ကို တနင်္ဂနွေနေ့တွင် သင်္ဂြိုဟ်မည်ဟု သိရသည်။

NLD လူမှု အထောက်အကူပြု အဖွဲ့မှ လုပ်ဖော်ကိုင်ဘက်များနှင့် ဦးအုန်းမြင့်

ဘဘဦးအုန်းမြင့် နာရေးသတင်းပေးပို့ ပေးသော ကိုမောင်ရစ်အားကျေးဇူးတင်ရှိပါသည်.။
.......................................................................................................................။

ဘဘဦးအုန်းမြင့် အတွက် ဝမ်းနည်းမှတ်တမ်း
............................................................................................................

ဘဘဦးအုန်းမြင့် ကွယ်လွန် သောသတင်းအား ကြားလိုက်တဲ့အချိန်မှာ တော်တော်စိတ်ထိခိုက်မိခဲ့ပါတယ်ရှင်၊
ကျမ သိပ်ဒုက္ခ ရောက်ခဲ့စဉ် က ဘဘဟာ ကျမနေတဲ့ ဆင်းဒဝစ်လမ်း ရှိနေအိမ် အား လွယ်အိတ်ကလေး ကိုလွယ်ပြီး ကျမအဆင်ပြေရဲ့လား၊ထောင်ဝင်စာကို သွားနိုင်ရဲ့လားဆိုပြီး စိတ်ပူပင်စွာဖြင့် အမြဲလိုလို လာရောက်မေးလေ့ရှိခဲ့ သူတစ်ဦးပါ။ အမြဲတမ်း ကျမ အား စိတ်ဓာတ်မကျဘို့နဲ့ ကြိုးစားဘို့ကို ပြောလေ့ရှိပါတယ်။ ကျမ အမျိုးသား ကိုလဲ သူခေါ်နေကြနံမည်လေးက မိုးမိုး ဆိုပြီ အမြဲတမ်း နုတ်မှ ခေါ်လေ့ရှိပြီ၊ ကျမ အမျိုးသား မိုးမြတ်သူ အား ဘဘ က အင်မတန် ချစ်ခင် ခဲ့သူပါ။

ကျမ ထောင်ဝင်စာ ကိုမသွားမှာလဲ သူတော်တော် စိတ်ပူတတ်ပါတယ်၊ ကျမ အမျိုးသား ကျန်းမာရေးအတွက် ဆေးဝါးများကို လတိုင်း ဘဘ အမြဲ ပေးလေ့ရှိခဲ့တယ်၊ ကျမ ရဲ့ ထောင်ဝင်စာ အခက်အခဲ ကိုလဲ ဘဘ ကအမြဲနိုင် တဲ့ဘက်က ကူညီတတ်တာပါ၊ဘဘ ရဲ့ သိပ်ချစ်စရာကောင်တဲ့ အကျင့်လေးကတော့ သူထက်ငယ်တဲ့ဘယ်သူကိုမဆို နံမည်ရှေ့မှာ ကို ...၊မ....၊ ဆိုပြီးပြောလေ့ ရှိပါတယ်၊အမြဲတမ်း စိတ်ဓာတ်တက်ကြွ စွာနေလေ့ရှိပါသည်။

အမျိုးသားဒီမိုကရေစီအဖွဲ့ချုပ် ပါတီ ဝင်များမှ မဟုတ်ဘဲ နအဖ ရဲ့ မတရားမှုမှန်သမျှ ကို တော်လှန်နေကြတဲ့ နိုင်ငံ ရေးအကျဉ်းသား၊ ကျောင်းသား ပြည်သူ များရဲ့ မိသားစု နာရေးတိုင်းကို ဘဘ တစ်ယောက် အမြဲတမ်း သွားရောက် အားပေးစကားပြော လျက် ရှိခဲ့ပါသည်။ကျမ ၏ အဖေ နာရေးတွင် လည်း ဘဘ တစ်ယောက် လာရောက်ခဲ့ ပါသည်.။ယခု ဘဘ၏ နာရေး အား ကျမတို့ မိသားစု မသွားရောက် နိုင်တော့ပါဘူး။

ဘဘကွယ်လွန် တဲ့သတင်းကိုကြားရင်ဖြင့် နအဖ က မတရားဖမ်းဆီးထောင်ချ ထားသော နိုင်ငံရေး အကျဉ်းသားများမှာ တော်တော် စိတ်ထိ ခိုက်ကြပါမည်၊နိုင်ငံရေး အကျဉ်းသား ဟောင်းများ သည်လည်း ထိုနည်းအတူ စိတ်ထိ ခိုက်ကြမည် ဆိုတာ အမှန်ပါဘဲရှင်၊ ကျမ တို့လို နိုင်ငံရေး အကျဉ်းသား မိသားစုဝင် များလဲ အထူးပင်စိတ်မကောင်းဖြစ်ကြရမည်ဖြစ်ပါသည်.။

ဘဘဦးအုန်းမြင့်၏ မိသားစု နှင့် အတူ မိုးမြတ်သူ (မိုးမိုး) နှင့် မြတ်လေးငုံ တို့မှ ထပ်တူ ထပ်မျှ အထူးပင် ဝမ်းနည်းကြေကွဲ ရပါသည်.။

မြတ်လေးငုံ

....................................................................................................................................

ကျမတို့ ဘဝ မှာအစဉ်အမြဲ သတိတရ ရှိခဲ့တဲ့ သခင်အုန်းမြင့် ရဲ့ ကိုယ်ရေးအကျဉ်း

၁၉၁၈ ခုနှစ် ဧပြီလ ၂၈ရက်တွင် ပဲခူးတိုင်း-လက်ပန်းတန်းမြို့နယ်တွင် အဘ ဦးမိုးကောင်း ၊အမိ ဒေါ်အေးတင် တို့၏သားတဦးအဖြစ် မွေးဖွားခဲ့သည်။

၁၉၃၃ခုနှစ် နိုဝင်ဘာတွင် ၁၀တန်းကျောင်းသားဘ၀ဖြင့် ဒို့ဗမာအစည်းအရုံး ကြွေးကြော်သံ စာရွက်များ ဖြန့်ဝေခြင်းဖြင့် နိုင်ငံရေးနယ်ပယ်ထဲသို့ စတင်ဝင်ရောက်ခဲ့သည်။

၁၉၃၄ မတ်လတွင် ဆယ်တန်းအောင်ပြီးနောက် အောက်တိုဘာလတွင် ရန်ကုန်သို့ရောက်ရှိပြီး-

ရေကျော်ရပ်ကွက် နှင်းပန်းလမ်းတွင် ဂျာနယ်ကျော် ဦးချစ်မောင်နှင့်အတူနေထိုင်ခဲ့ပြီး-

၁၉၃၆ခုနှစ် မှစတင်၍ မြန်မာ့အလင်းသတင်းစာတွင် "မမြန်မမာသော နှေးပျော့များ "ဆောင်းပါးပါရှိခြင်းဖြင့် စာနယ်ဇင်းလောကတွင် စတင်ဝင်ရောက်ခဲ့သည်။

ထို့နောက် ဈေးနှုန်းသတင်းစာတွင် "ဆယ့်နှစ်ရာသီပြုံး၊မြင့်အုန်း "ဟူသော ကလောင်အမည်များဖြင့် အခန်းဆက် ဆောင်းပါး၊၀တ္ထုရှည်များ ရေးသားလာခဲ့သည်။

၁၉၃၇ခုနှစ်-ဧပြီတွင် ပုသိမ်မြို့တွင် ကျင်းပသော တတိယအကြိမ် -မြန်မာနိုင်ငံလုံးဆိုင်ရာ ကျောင်းသားများ ကွန်ဖရင့်သို့ တက်ရောက်ခဲ့သည်။

၁၉၃၈-ဇွန်တွင် တိုးတက်ရေးသတင်းစာတွင် သတင်းအယ်ဒီတာအဖြစ် ၀င်ရောက်လုပ်ကိုင်ပြီး -သခင်အမည် စတင်ခံယူခဲ့သည်။ထို့နောက် ဂျာနယ်ကျော် ဦးချစ်မောင်နှင့်အတူ ဂျာနယ်ကျော် ဂျာနယ်ထုတ်ဝေရာတွင် ထုတ်ဝေသူအဖြစ် နာမည်ခံခဲ့သည်။ပြီးလျှင် ဂျာနယ်ကျော်တွင် ဆောင်းပါးများ ရေးသားခဲ့သည်။

၁၉၃၉ ၊ဇန်န၀ါရီတွင် တိုးတက်ရေးသတင်းစာတွင် ဆီမီးခွက် ဟူသော ကလောင်အမည်ဖြင့် ရေးသားသော နိုင်ငံရေးဆောင်းပါးတပုဒ်ကြောင့်အင်္ဂလိပ်အစိုးရက တိုးတက်ရေးသတင်းစာအား အာမခံ တောင်းခံခဲ့သည်။
ထို့နောက် ဒို့ဗမာအစည်းအရုံး ဌာနချုပ်တွင် အလုပ်အမှုဆောင်အဖြစ် ရွေးချယ်ခံခဲ့ရသည်။

၁၉၄၀-မတ်လတွင် အိန္ဒိယပြည်လုံးဆိုင်ရာ အမျိုးသားကွန်ဂရက်ကြီး၏ ဖိတ်ကြားချက်အရ -ရမ်းဂါး ကွန်ဖရင့်သို့
ဒို့ဗမာအစည်းအရုံး ကိုယ်စားလှယ်အဖြစ် တက်ရောက်ခဲ့သည်။

၁၉၄၂-မှ ၁၉၄၅ခုနှစ်တွင် ဖက်ဆစ်၈ျပန် ဆန့်ကျင်တော်လှန်ရေး လုပ်ငန်းများလုပ်ဆောင်ခဲ့သည်။
၁၉၅၈ခုနှစ်တွင် တော်လှန်ရေးကောင်စီ နေ၀င်းစစ်အစိုးရ၏ နိုင်ငံရေးပုဒ်မ=၅(ည)ဖြင့် ထန်းသိမ်းခံရပြီး ကိုကိုးကျွန်း အပို့ခံခဲ့ရသည်။

၁၉၈၉ခုနှစ်တွင် န၀တ စောမောင် စစ်အစိုးရက နိုင်ငံရေးပုဒ်မဖြင့် ထိန်းသိမ်းခဲ့သည်။

၁၉၉၆နှင့်၁၉၉၈တွင် နအဖ သန်းရွှေ စစ်အစိုးရက နိုင်ငံရေးပုဒ်မဖြင့် နှစ်ရှည်ထောင်ဒဏ်ချမှတ်ခဲ့သည်။

အသက်၈၇တွင် ထောင်ကလွတ်လာပြီးနောက် အန်အယ်လ်ဒီ လူမှုအထောက်အကူအဖွဲ့တွင် ၀င်ရောက်ပြီး
ထောင်ကျနေသော နိုင်ငံရေးအကျဉ်းသားများ၊မိသားစုဝင်များကို ကူညီထောက်ပံ့ခဲ့သည်မှာ ကွယ်လွန်ချိန်အထိဖြစ်သည်။အဘသည် သူ့မွေးနေ့ရောက်တိုင်းလည်း ကိုကျော်သူတို့ နာရေးကူညီမှုအသင်းသို့သွားရောက်ကာ လှုဒါန်းမှုများပြုလုပ်လေ့ရှိခဲ့သည်။

အဘသည် ၂၀၁၀ စက်တင်ဘာ ၁၇ နံနက်ပိုင်းတွင် ရန်ကုန်နေအိမ်၌ ကွယ်လွန်ခဲ့ပြီး-နောက်ဆုံးအချိန်အထိ အန်အယ်လ်ဒီ လူမှုအထောက်အကူအဖွဲ့တွင် ဒု-ဥက္ကဌ အဖြစ် တိုင်းပြည်တာဝန်ကို ထမ်းဆောင်ခဲ့ပါသည်။
အဘရေးသားခဲ့သော ထောင်အရသာ စာအုပ်သည် နာမည်ကျော်ခဲ့ပါသည်။

အဘ၏ဇနီးမှာ ဒေါ်မြမြ(ကွယ်လွန်)ဖြစ်ပြီး-အဘ နောက်ဆုံးနေထိုင်ခဲ့သောလိပ်စာမှာ အမှတ်(၃) ဘီ- သုခ၀တီလမ်း၊ကမ္ဘာအေး-ရန်ကုန်မြို့ဖြစ်ပြီး- သားသမီး ၄ဦးကျန်ရစ်ခဲ့ပါသည်။