07 February 2013

ကော်မရှင်နှင့် သမ္မတရုံးလမ်းညွှန်ချက် ဝမ်ပေါင်က လိုက်နာမည်

လက်ပံတောင်းတောင် ကြေးနီစီမံကိန်းနှင့် ပတ်သက်၍ ကုမ္ပဏီအနေဖြင့် စုံစမ်းစစ်ဆေးရေး ကော်မရှင်၏ အစီရင်ခံစာနှင့် နိုင်ငံတော်သမ္မတရုံး၏ လမ်းညွန်ချက်အပေါ် အထူးအလေးထား လိုက်နာမည်ဖြစ်ကြောင်း မြန်မာ-ဝမ်ပေါင် ကုမ္ပဏီမှ အုပ်ချုပ်ရေးပိုင်းဆိုင်ရာ မန်နေဂျာ မစ္စတာ ဒေါင်ယွန်ဖီ (Mr.Dong Yunfei) က ပြောသည်။ အငြင်းပွားဖွယ် လက်ပံတောင်းတောင် ကြေးနီစီမံကိန်းနှင့် ပတ်သက်၍ နိုင်ငံတော်သမ္မတရုံးမှ တာဝန်ပေးထားသော ဒေါ်အောင်ဆန်းစုကြည် ဦးဆောင်သည့် စုံစမ်းစစ်ဆေးရေး အစီရင်ခံစာသည် ဇန်နဝါရီလ ၃၁ ရက်နေ့တွင် ကြားဖြတ်အစီရင်ခံစာ ပေးပို့နိုင်ခဲ့သော်လည်း အပြီးသတ် အစီရင်ခံစာကိုမူ ယနေ့တိုင် ထုတ်ပြန်ပေးခြင်း မရှိသေးသည့်အပေါ် ပြည်သူအားလုံးနှင့် မီဒီယာများက ၎င်းတို့နှင့်အတူ စိတ်ရှည်စွာ သည်းခံ စောင့်ဆိုင်းကြရန်လည်း မစ္စတာ ဒေါင်ယွန်ဖီက ပြောသည်။ “ကျွန်တော်တို့ အခုကြေးနီစီမံကိန်းကို ရပ်တန့်ထားတဲ့အတွက် တွက်ချက်မှုအရဆိုရင် တစ်လကို အမေရိကန်ဒေါ်လာ နှစ်သန်းလောက် ဆုံးရှုံးတဲ့ အတွက် ကျွန်တော်တို့လည်း ဆုံးဖြတ်ချက်ကို မြန်မြန်သိချင်တာပေါ့။ ဘာဖြစ်မလဲ ဆိုတာကို ခန့်မှန်းတာမျိုးတော့ မလုပ်ထားပါဘူး။ အစိုးရရဲ့ ဆုံးဖြတ်ချက်ကို လေးစားမှာပါ” ဟု မစ္စတာဒေါင်ယွန်ဖီက ပြောသည်။ ထို့ပြင် ကုမ္ပဏီသည် ကော်မရှင်၏ ဝင်ရောက်စစ်ဆေးသည့် ကာလအတွင်း အတတ်နိုင်ဆုံး ပွင့်လင်းမြင်သာမှုရှိစွာ ဆောင်ရွက်ခဲ့ကြောင်း၊ ကုမ္ပဏီအနေဖြင့် မြန်မာနိုင်ငံ၏ လက်ရှိ ပြဋ္ဌာန်းထားသော တရားဥပဒေနှင့်အညီ စီမံကိန်းအား စဉ်းစားချင့်ချိန်စွာ အကောင်အထည် ဖော်လျက်ရှိသဖြင့် အငြင်းပွားမှုများကို ရင်းနှီးချစ်ကြည်စွာဖြင့် ပြေလည်အောင် ညှိနှိုင်းဆွေးနွေး၍ ဆက်လက်အကောင်အထည် ဖော်သွားကြမည် ဖြစ်ကြောင်း၊ မြန်မာအစိုးရ အနေဖြင့်လည်း နိုင်ငံခြားရင်းနှီးမြှုပ်နှံသူများ၏ တရားဝင် အကျိုးစီးပွားကို ဥပဒေ ကြောင်းအရ ကာကွယ်နိုင်မည်ဟု ယုံကြည်ကြောင်း မစ္စတာဒေါင်ယွန်ဖီက ပြောသည်။ လက်ပံတောင်း ဒေသခံ များနှင့် စီမံကိန်း ဆန့်ကျင်သူများကမူ နှစ်လကြာသည့်တိုင် ကော်မရှင်မှ တိကျသော အဖြေတစ်စုံတစ်ရာမှ မရရှိသေးကြောင်း၊ ကော်မရှင်၏ အစီရင်ခံစာ နှောင့်နှေးမှုအပေါ် အားမရကြောင်း ပြောသည်။ “ကျွန်တော်တို့က ကော်မရှင်အဖြေ ဘယ်လိုပဲထွက်ထွက် ရပ်တန့်ရေးအတွက် တိုက်နေမှာပါ။ ကော်မရှင်က ကျွန်တော်တို့ အတွက် သိပ်စဉ်းစားမယ်လို့တော့ မထင်ဘူး။ နောက် သပိတ်စခန်း ဖြိုခွဲမှုနဲ့ ပတ်သက်ပြီး ကျွန်တော်တို့ အခုထိ ဘာမှ သေချာမသိရသေးဘူး” ဟု တုံရွာကျေးရွာမှ ဦးအောင်မျိုးဦးက ပြောသည်။ သို့သော် နိုဝင်ဘာလ ၂၇ ရက်နေ့ လက်ပံတောင်းတောင် စီမံကိန်း ဆန္ဒပြသူများအား အကြမ်းဖက် ဖြိုခွင်းရာတွင် ရဲတပ်ဖွဲ့မှ အဖြူရောင် ဖော့စ်ဖောရပ်စ် (White Phosphorous) ပါဝင်သော ဗုံးများကို အသုံးပြုခဲ့ကြောင်း အထောက်အထားများကို ရှေ့နေများကွန်ရက် (အထက်မြန်မာပြည်)မှ အထောက်အထားများဖြင့် စစ်ဆေးချက် ရရှိထားကြောင်း၊ အဆိုပါ တွေ့ရှိချက်များကိုလည်း စုံစမ်းစစ်ဆေးရေး ကော်မရှင်ထံ ထပ်မံပေးပို့မည်ဖြစ်ကြောင်း သိရသည်။ “ကျွန်တော်တို့ ရလာတဲ့ တွေ့ရှိချက်တွေကို ကော်မရှင် ကြားဖြတ်အစီရင်ခံစာ မတင်မီ ဇန်နဝါရီလ ၂၉ ရက်နေ့မှာ အင်န်အယ်လ်ဒီ အီးမေးလ်ကတစ်ဆင့် ဒေါ်အောင်ဆန်းစုကြည်ဆီ ပို့ခဲ့တာပါ။ အီးမေးလ်ကဆိုတော့ လက်ခံ၊ မခံ မသိဘူးပေါ့။ အခု ကျွန်တော်တို့ မြန်မာလို ဘာသာပြန်နေပါတယ်။ ပြီးရင် ကော်မရှင်ကို တိုက်ရိုက် ပို့ဖို့ စီစဉ်နေပါတယ်” ဟု မြန်မာနိုင်ငံ ရှေ့နေများကွန်ရက် (အထက်မြန်မာပြည်) မှ ဥပဒေကော်မတီ ခေါင်းဆောင် ဦးသိန်းသန်းဦးက ပြောသည်။ မြန်မာနိုင်ငံ ရှေ့နေများကွန်ရက်သည် အဆိုပါ အကြမ်းဖက် ဖြိုခွဲမှုတွင် အသုံးပြုခဲ့သော ဗုံးခွံအား အမေရိကန်နိုင်ငံမှ လူ့အခွင့်အရေး လှုပ်ရှားသူ ရှေ့နေရော်ဂျာနော်မန်၏ အကူအညီဖြင့် ထိုင်းနိုင်ငံရှိ သြစတြေးလျကုမ္ပဏီပိုင် ASL Global တွင် စစ်ဆေးခဲ့ရာ အဖြူရောင် ဖော့စ်ဖောရပ်စ်ကို အသုံးပြုခဲ့ကြောင်း အဖြေထွက်ပေါ်လာခဲ့သည်။ “တွေ့ရှိချက် အဖြေကို ဇန်နဝါရီလထဲမှာပဲ ကျွန်တော်တို့ ရတယ်။ အဖြူရောင် ဖော့စ်ဖောရပ်စ် တွေ့တယ်ဆိုတာကို ဓာတ်ခွဲခန်းအဖြေနဲ့အတူ သက်သေ အဖြစ် အထောက်အထား လက်မှတ်တွေလည်း ပါတယ်။ ကျွန်တော်တို့ကတော့ ကော်မရှင်ရဲ့ စုံစမ်းစစ်ဆေးရေးမှာ အထောက်အကူဖြစ်အောင် အခုလို စစ်ခိုင်းတာပါ” ဟု ဦးအောင်သန်းဦးက ပြောသည်။ “အဖြူရောင် ဖော့စ်ဖောရပ်စ်ကို စစ်ပွဲတွေမှာ သုံးတယ်ဆိုပေမယ့် အချက်ပြအနေနဲ့ သုံးတာပါ။ လူတွေချေမှုန်းဖို့ သုံးတာကိုတော့ ခွင့်မပြုထားပါဘူး။ လူတွေကို ထိခိုက်နိုင်တဲ့အတွက် ၁၉၉၃ ဂျနီဗာကွန်ဗင်းရှင်း အရလည်း တားမြစ်ထားပါတယ်” ဟု ၎င်းက ပြောကြားခဲ့ကြောင်း သတင်းရရှိပါသည်...။

သတင်း..... မြန်မာတိုင်း(မ်) ဂျာနယ်