ရန်ကုန်တက္ကသိုလ်တွင် နိုင်ငံခြားဧည့်ပါမောက္ခများ ပြန်လည်သင်ကြားမည်

Open Society Foundation ၏ ကူညီဆောင်ရွက်ပေးမှုဖြင့် နိုင်ငံတကာမှ ဧည့်ပညာရှင်/ပါမောက္ခ ၁၂ ဦးက လာမည့် ၂၀၁၃-၂၀၁၄ တက္ကသိုလ် ပညာသင်နှစ်တွင် ရန်ကုန်တက္ကသိုလ်ရှိ ရှေးဟောင်းသုတေသန ပညာဌာန အပါအဝင် ဘာသာရပ်ဌာန သုံးခုသို့ လာရောက်သင်ကြားမည်ဖြစ်ကြောင်း ရန်ကုန်တက္ကသိုလ် ပါမောက္ခချုပ် ဒေါက်တာတင်ထွန်းက ပြောကြားသည်။ 

အဆိုပါ ဧည့်ပါမောက္ခများသည် ရှေးဟောင်း သုတေသန ပညာဌာန၊ ဥပဒေပညာဌာ နနှင့် နိုင်ငံတကာ ဆက်ဆံရေး ပညာဌာနတို့တွင် သီတင်းပတ် နှစ်ပတ်စီ လာရောက် သင်ကြားမည်ဖြစ်ပြီး မဟာဘွဲ၊ ပါရဂူ ဘွဲ့ကျမ်းများနှင့် ဌာနတွင်း သုတေသနများအပေါ် အကြံပြု ဆွေးနွေးခြင်းများ ကူညီဆောင်ရွက် မည်ဖြစ်ကြောင်း ၎င်းက ပြောဆိုသည်။

 “အရင်တုန်းကတော့ နိုင်ငံတကာက ဧည့်ပါမောက္ခတွေ လာသင်ကြတာတွေ ရှိတယ်။ အခုတစ်ခါ က နောက် ထပ် ပြန်စတာပါ” ဟု ပါမောက္ခချုပ်က ပြောကြားသည်။ ယခုလက်ရှိတွင် ရန်ကုန်တက္ကသိုလ် ပထဝီဝင်ဌာနတွင် ဂျာမနီနိုင်ငံ Cologne University မှ ဒေါက်တာ Frauke Kraas သည် ဧည့် ပါမောက္ခ အဖြစ် တစ်နှစ်ခွဲကြာ တာဝန်ထမ်းဆောင်မည် ဖြစ်ကြောင်း ဒေါက်တာ တင်ထွန်းက ပြောဆိုသည်။ 

Cambridge University နှင့် University of Sidney တို့မှ ပါမောက္ခ နှစ်ဦးတို့သည် ရှေးဟောင်းသုတေသန ပညာဌာနတွင် သင်ကြားရန် လာမည့် ဒီဇင်ဘာလနှင့် ဖေဖော်ဝါရီလ တို့တွင် မြန်မာနိုင်ငံ သို့ ရောက်ရှိ မည်ဖြစ်ကြောင်း၊ အလားတူ ဥပဒေပညာဌာနသို့ UNDP(Asia Pacific Regional Centre) နှင့် Australian National University မှ ပါမောက္ခနှစ်ဦးနှင့် နိုင်ငံတကာဆက်ဆံရေး ပညာဌာနသို့ University of Vienna နှင့် Nagoya University  မှ ဧည့်ပါမောက္ခနှစ်ဦးတို့ ၂၀၁၃ ခုနှစ် ဇန်နဝါရီလတွင် လာရောက် မည်ဖြစ်ကြောင်း ရန်ကုန်တက္ကသိုလ် ဒုတိယပါမောက္ခ ချုပ် ဒေါက်တာဝင်းနိုင် က ပြောကြားသည်။ ထပ်မံ၍ မနုဿဗေဒ ဌာနအနေဖြင့် Korea International Cooperation Agency (KOICA) ၏ အကူအညီဖြင့် ကိုရီး ယားနိုင်ငံ Hanyang University၊ Cultural Anthropology ဌာနနှင့် ပညာရေးဆိုင်ရာပူးပေါင်းဆောင် ရွက်မှုများ ဆောင်ရွက်ရန်ရှိကြောင်း၊ ထို့အပြင် ဥပဒေပညာ ဌာနသည်လည်း ဂျပန်နိုင်ငံ Nagoya University Graduate School of Law နှင့် ပူးပေါင်း၍ သုတေသနများ ဆောင်ရွက်သွားမည်ဖြစ်ကြောင်း ရန်ကုန်တက္ကသိုလ် ပါမောက္ခချုပ်က ပြောကြားခဲ့သည်ဟု  The Voice ဂျာနယ်တွင် ဖော်ပြထားပါသည်။