ကရင်အမျိုးသားအစည်းအရုံးး ထိန်းချုပ်ရာ တပ်မဟာ ၇ နယ်မြေကို နအဖနဲ့ ဒီကေဘီအေ ပူးပေါင်းတပ်တွေက ထိုးစစ်ဆင်ခဲ့လို့ ထိုင်းနိုင်ငံဘက်ကို ထွက်ပြေးခိုလှုံနေတဲ့ စစ်ပြေးဒုက္ခသည်တွေကို ဒေသခံ ထိုင်းအာဏာပိုင်တွေက အိမ်ပြန်ဖို့ ဖိအားပေး ပြောဆိုနေပါတယ်။ ထိုင်းနိုင်ငံ တပ်ခ်ခရိုင်၊ ထဆောင်ယန်းမြို့နယ်ရှိ နို့ဘိုး ယာယီဒုက္ခသည်စခန်းမှာ နယ်မြေခံ ထိုင်းစစ်တပ်က ဒုက္ခသည်တွေ နေအိမ်ပြန်ဖို့ အတင်းဖိအားပေး နေတာကြောင့် တချို့ပြောင်းရွှေ့ ကုန်ကြပြီလို့ ဒုက္ခသည်တွေက ပြောပါတယ်။ ပြီခဲ့တဲ့ရက်ပိုင်းကပဲ နယ်မြေခံ ထိုင်းအာဏာပိုင်တွေရဲ့ ခြိမ်းခြောက်မှုကြောင့် တချို့ မြန်မာပြည်ဘက် ပြန်သွားကြသလို တချို့က စခန်းကနေထွက်ပြီး တခြားနေရာကို ပြောင်းရွှေ့ ကုန်တယ်လို့ စခန်းတာဝန်ရှိသူတဦးက ပြောပါတယ်။ “ကျနော်တို့ ၁၅ ရက်အတွင်းမှာ ပြောင်းရမယ်။ တကယ်လို့ ဘဲကလော် မသွားချင်တဲ့ သူတွေက အခုကတည်းက ထွက်ထားလို့ ရတယ်။ ကိုယ့်မြို့ကိုယ့်ရွာ ပြန်လို့ရတယ်လို့ သူတို့က ပြောတယ်။ တချို့လူတွေက စိတ်ပျက်ပြီး ပြန်ကြတာ ရှိတယ်။
“သူတို့ ဘယ်လို ခြိမ်းခြောက်လဲဆိုတော့ ခင်ဗျားတို့အထဲမှာ ကေအန်ယူနဲ့ ပတ်သက်တဲ့ လူတွေ ရှိတဲ့အတွက် ဖမ်းဆီးမယ်၊ မိန်းမနဲ့ ကလေးတွေပါ အကုန်လုံး ဖမ်းမယ်လို့ ပြောသံကြားတယ်။ ဒီနေ့အထိ သူတို့ ကိုယ်ထိလက်ရောက် လာမလုပ်သေးဘူး။ တချို့က ကြောက်လန့်ပြီး ထွက်သွားတာ မိသားစု ၂၉ အိမ်ထောင် ရှိပါတယ်။” စခန်းကနေ ထွက်သွားတဲ့ မိသားစု ၂၉ စုထဲက ၄ စုမှာ သူတို့နေထိုင်ရာ ရွာတွေဘက်ကို ပြန်သွားကြပေမယ့် ကျန်သူတွေက သူတို‹အပေါ် စာနာတဲ့ ထိုင်းနိုင်ငံဖွား ကရင်တွေရဲ့ နေအိမ်တွေမှာ ပြောင်းရွှေ့ ခိုလှုံနေကြတယ်လို့ဆိုပါတယ်။ ပြီးခဲ့တဲ့ဇွန်လက နအဖနဲ့ ဒီကေ ဘီအေတပ်တို့ ပူးတွဲပြီး ကေအန်ယူတပ်မဟာ ၇ ကို ထိုးစစ်ဆင်ခဲ့တဲ့အတွက် စစ်ပြေးဒုက္ခသည် ဒေသခံကရင်ရွာသား ၄,ဝဝဝ လောက် ထိုင်းနိုင်ငံဘက် ထွက်ပြေးခဲ့ကြပါတယ်။ အဲဒီအထဲက အိမ်ထောင်စု ၁၅ဝ ခန့်ဟာ နို့ဘိုးရွာနားမှာ စုဝေးနေထိုင်တာကို အစွဲပြုပြီး နို့ဘိုးယာယီဒုက္ခသည်စခန်းလို့ ခေါ်ဝေါ်တာ ဖြစ်ပါတယ်။ စခန်းထဲမှာ ဖွင့်ထားတဲ့ စာသင်ကျောင်းကို ဆက်ဖွင့်ခွင့် တားမြစ်ခံရတာကြောင့် ကလေး ၂ဝဝ ကျော် ကျောင်းမတက်နိုင် ဖြစ်နေတယ်လို့ အဲဒီ တာဝန်ရှိသူက ပြောပါတယ်။ “စာသင်ခန်းကို တာလပတ်နဲ့ မိုးထားတာ ဆွေးပြီး ပျက်သွားလို့ ဖျက်လိုက်ပြီး အသစ်ပြန်မိုးမယ်လို့ ပြင်ဆင်တဲ့အချိန်မှာ သူတို့ လာတွေ့သွားတယ်။ မမိုးရသေးဘူး၊ ကျောင်းကို ငါတို့ တာဝန်ရှိတဲ့ ပုဂ္ဂိုလ်တွေ လာကြည့်ကြမယ်တဲ့။ အဲဒါနဲ့ ကျနော်တို့ တပတ်၊ နှစ်ပတ် စောင့်တယ်။ “ကျောင်းကဖွင့်ပြီး စာမေးပွဲဖြေပြီးလို့ ကျောင်းပိတ်ထားတာ နှစ်ပတ်၊ သုံးပတ် ကျော်သွားတော့ သူတို့ လာတွေ့တယ်။ ခင်ဗျားတို့ကို ဘယ်သူ မိုးခိုင်းတာလဲ။ ကျနော်တို့ ဘာမှ အမိန့် မချမှတ်သေးဘူး။ ခင်ဗျားတို့ စိတ်နဲ့ ခင်ဗျားတို့ လုပ်တယ်။ မလုပ်ရဘူးတဲ့ ချက်ချင်း ရပ်ပစ်လိုက်တယ်။ အဲဒါနဲ့ အခုအချိန်အထိ အမိုးကိုဘာမှမလုပ်ရသေးဘူး၊ကျောင်းကဒီအတိုင်းပဲ။လောလောဆယ်ကလေးတွေလည်းကျောင်းမ
တက်နိုင်ဘူး။”
ဒီယာယီကျောင်းလေးကိုပြီးခဲ့တဲ့သြဂုတ်လလယ်မှာ ဖွင့်လှစ်ခဲ့တာ ဖြစ်ပါတယ်။ သီတင်းကျွတ် ကျောင်းပိတ်ပြီး နိုဝင်ဘာ ၂ ရက်မှာ ကျောင်းပြန်ဖွင့်ဖို့ စီစဉ်ထားပေမယ့် ခွင့်မပြုသေးလို့ကျောင်းပိတ်ထားရတာပါ။ ဒီလိုပိတ်ပင်၊ ခြိမ်းခြောက်မှုတွေကြောင့် ဒုက္ခသည်တွေအတွက် ပိုပြီးအနာဂတ်မဲ့သလိုခံစားရတယ်လို့ဒုက္ခသည်
တယောက်က ပြောပါတယ်။
“ကျနော်တို့ ရွာမှာ မနေရဲတော့လို့ ဒီဘက်ကမ်းကို ယာယီအနေနဲ့ ခိုလှုံတာပါ။ တသက်လုံး နေမှာ မဟုတ်ပါဘူး။ အခက်အခဲတွေရှိလို့ ခိုလှုံတာကို ထိုင်းဘက်က ဒီလို ကြောက်ရွံ့အောင် ပြောဆိုတာကြောင့် ကျတော်တို့ ဒုက္ခသည်တွေ တချို့ စိတ်လည်း မကောင်းဘူး၊ တချို့သူတွေဆိုရင် စိတ်ပင်ပန်းလွန်းလို့ ရောဂါ ရလာတာ ရှိတယ်။ ကျနော်တို့ဆိုရင် ထွက်သွားချင်ပေမယ့် ဘယ်ကို သွားရမှန်း မသိဘူး။ ” ထိုင်းမြန်မာနယ်စပ်မှာ ဒုက္ခသည်စခန်း ဆယ်ခုဝန်းကျင်ရှိပြီး စုစုပေါင်း လူဦးရေ တ သိန်းခွဲလောက် ခိုလှုံနေကြကာ အများစုက ကရင်လူမျိုးတွေ ဖြစ်ပါတယ်။
ရင်းမြစ်...DVB..။
