ယနေ့ မနက်(၁၀)နာရီမှ (၁၁)နာရီအထိ (၁)နာရီခန့် တွေ့ဆုံဆွေးနွေးခွင့်ရခဲ့ကြောင်း ဒေါ်အောင်ဆန်းစုကြည်၏ အကျိုးဆောင်ရှေ့နေဖြစ်ပြီး အမျိုးသားဒီမိုကရေစီအဖွဲ့ချုပ် ပြောခွင့်ရ ပုဂ္ဂိုလ်ဖြစ်တဲ့ ရှေ့နေကြီးဦးဥာဏ်ဝင်း ကပြောဆိုပါတယ်။....
" ဒီနေ့မနက်(၁၀)နာရီကနေ(၁၁)နာရီအထိ (၁)နာရီကြာ ဒေါ်အောင်ဆန်းစုကြည်နဲ့ တွေ့ဆုံခွင်ရခဲ့ပါတယ်။ အန်ကယ်တစ်ဦးထဲပါ။ ကိစ္စ(၂)ခု အတွက်ဆွေးနွေးခွင့် ရခဲ့ပါတယ်။ တစ်ခုကအဖွဲ့ချုပ်တွင်း ကိစ္စ နောက်တစ်ခုက နေအိမ်ပြင်ဆင်ခွင့် ကျတဲ့ ကိစ္စပါ။ နေအိမ်ပြင်ဆင်ခွင့် ပါမစ်ကျတဲ့ အတွက် ဒေါ်စုနဲ့ ဗိသုကာတွေ လုပ်ငန်းညှိနှိုင်းဖို့ ဆွေးနွေးဖြစ်ပါတယ်။ ဒီနေ့သွားတဲ့ အဖွဲ့ချုပ် ကိစ္စအတွက် လောလောဆယ် ပြောပြလို့ မရသေးပါဘူး။ လုပ်ခိုင်းတာတွေ လုပ်ပေးပြီးရင် ပြောပြနိုင်ပါမယ်။
နောက်တစ်ခုက ဒီနေ့မနက်အစောပိုင်းက ဂျပန်သံရုံး အတွင်းဝန် အန်ကယ်ကို လာရောက်တွေ့ဆုံပါတယ်။ တိုကျိုမဲခေါင် အစည်းအဝေးမှာ ဂျပန်နိုင်ငံ ဝန်ကြီးချုပ်မစ္စတာဟတိုယာမက ဝန်ကြီးချုပ်ဗိုလ်ချုပ်သိန်းစိန်ကို ပြောကြားလိုက်တဲ့ အချက်တွေကို လာရောက် ပြောပြပါတယ်။ အန်ကယ် ဒေါ်အောင်ဆန်းစုကြည် ကိုပြန်ပြောပြလိုက်ပါတယ်။ ဒေါ်အောင်ဆန်းစုကြည် ကျန်းမာရေး ကောင်းမွန်ပါတယ်။ ပြီးခဲ့တဲ့(၅)ရက်နေ့ ကြာသာပတေးနေ့က ဒေါက်တာတင်မျိုးဝင်းလည်း ကျန်းမာရေး စစ်ဆေးခွင့်ရခဲ့ပါတယ်။ "ဟုအမျိုးသားဒီမိုကရေစီအဖွဲ့ချုပ် ပြောခွင့်ရ ပုဂ္ဂိုလ်ဖြစ်တဲ့ ရှေ့နေကြီးဦးဥာဏ်ဝင်း ကပြောဆိုပါတယ်။....
စစ်အစိုးရမှ ဒေါ်အောင်ဆန်းစုကြည်အား ရှေ့နေကြီးဦးဥာဏ်ဝင်းနှင့် တစ်ဦးချင်းတွေ့ဆုံခွင့် ပေးခဲ့သည်မှာ ယခုအကြိမ် ဒုတိယအကြိမ်မြောက် တွေ့ဆုံခွင့် ပေးခြင်းဖြစ်ပါတယ်။ ပထမအကြိမ် တွေ့ဆုံပြီးချိန်၌ ဒေါ်အောင်ဆန်းစုကြည်မှ SANCTION နှင့်ပတ်သတ်တဲ့ကြေငြာချက် ထွက်ပေါ်ခဲ့ပြီး စစ်အစိုးရနှင့် ဒေါ်အောင်ဆန်းစုကြည် အကြားတွေ့ဆုံ ဆွေးနွေးမှုများ ပြုလုပ်ခဲ့ပြီး ဆက်တိုက်ဆိုသလို အမေရိကန် အဆင့်မြင့် ကိုယ်စားလှယ်များ လာရောက် တွေ့ဆုံဆွေးနွေးမှုများ ဖြစ်ပေါ်လာပါတယ်။..။
သတင်း ပေးပို့ လာသူ...ဒီမိုဝေယံ..။
