*ထူးအိမ်သင်(၅)နှစ်ပြည့် *သတိတရနဲ့ရေးလိုက်ပါတယ်.ကျမရဲ့အကြိုက်ဆုံး အဆိုတော်တဦးပါ.
သူ့ရဲ့သီချင်းတွေကို ကျမရဲ့အကိုနဲ့ အမြဲတူတူဂီတာတီးပြီး ဆိုနေကြပါ.(၉၃)ခုနှစ်.ဇူလိုင်လ(၁)ရက်.
သူရဲ့အသက်(၃၀)ပြည့်မွေးနေ့မှာ
အမျိုးသားကဇာတ်ရုံ မှာတကိုယ်တော်ဆိုခဲ့ပါတယ်. ကျမကိုယ်တိုင်သွားကြည့်ခဲ့ရပါတယ်.
လေးဖြူကလဲ သူမွေးနေ့ကိုဂုဏ်ပြုတဲ့ အနေနဲ့*အလင်းရောင်*သီချင်းလေးကိုစဆိုခဲ့ပါတယ်.
လေးဖြူကအလင်းရောင် စီးရီးမထွက်သေးပါဘူး. ကျမနဲ့စံပါယ်ဦးတေးသံသွင်းမှာတွေ့လဲ
သူကိုမိတ်ဆက် ဘာလမ်းမှာတွေ့လဲနုတ်ဆက် နောက်ကျမတို့သူငယ်ချင်း တွေကိုသူသိလာခဲ့ပါတယ်.
ခင်ဘို့လဲတော်တော်ကောင်းပါတယ်. နောက်တခုကတော့ အမေတွေအတွက်သူဆိုခဲ့တဲ့ သီချင်းတွေ
ကြောင့်လဲသူကိုလေးစားမိပါတယ်. သူထွက်ခဲ့သမျှ သီချင်းတွေကို ခုထိအလွှတ်ရခဲ့ပါတယ်
ကျောင်းစာသာမေ့ရင်မေ့မယ် ကျမကို သူငယ်ချင်းတွေကထူးအိမ်သင် သရဲလုိ့တောင် ပြောခံရပါတယ်.
ကျမလိုဘဲလူတော်တော်များများလဲ ကြိုက်ကြတယ်နော်. သူနဲ့ဖရေဇာမှာ တွေ့ရင်ဘာသီချင်းလေး
တွေကကောင်းတယ် လူငယ်တွေအတွက်သီချင်းများများစပ်ပြီး ဆိုဘို့ ပြောဖြစ်ခဲ့ပါတယ်
ဘားလမ်းကိုညနေဆို ကျမတို့အုပ်စု သစ်မွှေးအအေးဆိုင်မှာထိုင်ရင် သူကိုစံပါယ်ဦးရှေ့က
လဘက်ရည်ဆိုင်မှာ ရှာရတဲ့မျက်လုံး တခါခါမတွေ့ပါဘူး.
ကိုထူးအိမ်သင်သီချင်းတွေက တကယ်ခံစားချက်တွေနဲ့ရေးခဲ့တာပါ နာရီပေါ်ကမျက်ရေစက်များ အခွေထွက်တုံးကဆို ကျမကငယ်သေးပါတယ်. ၈တန်း ၉တန်းလောက်ဘဲရှိပါသေးတယ်.
သီချင်းအားလုံးကိုကြိုက်ခဲ့ရတာပါ.နောက်အခွေတွေလဲ အားလုံးကြိုက်ပါတယ်.“ရင်ခုန်ရင်အချစ်”ဆိုတဲ့သီချင်းကတော့ ကျမအကိုနဲ့ တူတူသိပ်ဆိုခဲ့တာပေါ့
“ဝေးသွားတဲ့အခါ” အို အားလုံးကြိုက်ပါတယ်.
နောက်အမေအတွက်ဆိုခဲ့တဲ့ သီချင်းတွေ အမေ့ရဲ့ ဒုက္ခအိုးလေး,အမေ့အိမ်,မေမေနေကောင်းလား,
အမေ့အေးရိပ်,ကြွေးဟောင်းဆပ်ခွင့်ပြုပါအမေ,ကျေးဇူးပါမေမေ,ကျမ ဆိုနေကြတွေပါ.သူကို့ ကိုငှက်လို့ ခင်တဲ့လူတော်တော်များများခေါ်ကြပေမဲ့ ကျမတို့အုပ်စုကတော့ သူကိုမှော်ဆရာကြီးလို့ခေါ်ကြတာပါ. ကျမတို့သူငယ်ချင်းအားလုံး သူကိုကြိုက်ကြတာပါ.
သီချင်းဆိုတတ်တဲ့ အကိုကြီးအသံအတက်အမြင့်၊ အဖြတ်အတောက်၊ အားလုံးကိုပိုင်နိူင်စွာ၊
ဆိုတတ်တဲ့ သီချင်းရသအမျိုးမျိုး၊ သံစဉ်အမျိုးမျိုး၊ ဆိုတတ်ပါတယ.်လူငယ်တွေတော်တော်ကြိုက်နှစ်သက်
တဲ့အသံမှော်ဆရာ ကိုထူးအိမ်သင်ပါ. ဘာဂျာလေးကိုထုတ်ပြီးမှုတ်တတ်တဲ့ ကိုထူးအိမ်သင်
တယောက်သူချစ်တဲ့ သူရဲ့ပရိသတ်တွေ ကို(၁၄.၈.၂၀၀၄)နေ့မှာ ခွဲခွားသွားပါတယ်.
ကျမလေးစားတဲ့ ကျမချစ်တဲ့အနုပညာရှင်ရဲ့နောက်ဆုံး ခရီးကိုကျမကိုယ်တိုင်လိုက်ပို့ ခွင့်ရခဲပါတယ်.
အမှတ်တရအနေနဲ့ သူရဲ့ယက်တောင်လေး တောင်မရခဲ့ရပါဘူး.လူပေါင်းများစွာလိုက်ပို့ကြတဲ့ သူပရိသတ်တွေ
အများ ကြီးကြားထဲ မနည်းထိုးပြီး ပြန်လာခဲ့ရပါတယ်.ကိုယ်ချစ်တဲ့ အနုပညာရှင်တယောက် ကိုဆုံးရှူံးခဲ့ရတာ
နှမြောတသ ဝမ်းနည်းကြေကွဲ မိပါတယ်.
သူနဲ့ပါတ်သက်ပြီး ရေးမယ်ဆိုရင်တော့အများကြီးပါ.ကျမသီချင်းလို့ခံစား တတ်ခဲ့တာသူကြောင့်ပါ.
သူဘာကြောင့်ဘဲ သေတာဖြစ်ဖြစ် ကျမစိတ်ထဲမှာတော့ သူမသေပါဘူး.သူသေပေမဲ့ သူအသံကတော့
ထာဝရကြားနေလို့ပါ.သူအကြောင်းရေးနေချိန်မှာ ကျမသူသီချင်းလေးဖွင့်ရေးနေလို့ပါဘဲ.
သူအတွက်အမှတ်တရ အနေနဲ့ရေးလိုက်ရလို့ ကျမ ကြည်နူးခဲ့ပါတယ်.
ကျမစာလေးကိုနားခွင့်ပြုပါရှင်. ကျမလိုဘဲသူ့ပရိသတ်တွေလဲ ခံစားနေကြမှာပါ.
မျှဝေခံစားနိူင်ပါစေ.
*မြတ်လေးငုံ*
