ဟန်လေး ကာတွန်း

ရန်ကုန်မြို့ကြီး၏ အချက်အချာနေရာ မင်္ဂလာဈေးအနီး ရယကဥက္ကဌအိမ်ရှေ့တွင် နှစ်လောင်းပြိုင် လူသတ်မှုဖြစ်ပွား

ရန်ကုန်မြို့ မင်္ဂလာတောင်ညွန့်မြိုနယ်၊ ရေတွင်းကုန်းရပ်ကွက်၊ ၁၂၁ လမ်းရှိ ရယကဥက္ကဌဦးစံသိန်း၏ နေအိမ်ရှေ့တွင် (၁၄.၁၀.၂၀၁၀) ရက်နေ့ည (၈း၃၀) နာရီခန့်က နှစ်လောင်းပြိုင်လူသတ်မှု ဖြစ်ပွားခဲ့ခြင်း ဖြစ်ပါသည်။

အဆိုပါ (၁၂၁) လမ်းတွင် နေထိုင်သူ မောင်ဘိုဘိုမှာ (၂၅) လမ်း သပြေကုန်းရပ်ကွက်မှ လူငယ်နှစ်ဦးအား ဓားဖြင့်အချက်ပေါင်းများစွာ ထိုးသတ်ခဲ့ခြင်း ဖြစ်သည်၊

အချင်းဖြစ်ပွားချိန်တွင် (၁၂၁) လမ်းတွင်းရှိ ပြည်သူများး ရုပ်ရုပ်သဲသဲဖြစ်ပြီး ဈေးဆိုင်များလည်း ပိတ်ကုန်ကြသည်၊ အတန်ကြာမှ ရဲများရောက်လာပြီး လျှပ်စစ်မီများ ထပ်မံဖြတ်တောက်ပစ်လိုက်သောကြောင့် (၁၂၁) လမ်းတွင်းရှိ ပြည်သူများ ပိုမိုထိတ်လန့်ခဲ့ကြသည်။

ယခုအခါ အခြေအနေပုံမှန်ပြန်ဖြစ်နေသော်လည်း အထူးသဖြင့် ရယကဥက္ကဌအိမ်ရှေ့တွင် ဖြစ်ပွားမှုအား အချိန်မှီသိရှိ တားဆီးနှိင်ခြင်း မရှိသည့်အပေါ် ၄င်းရယကဥက္ကဌနှင့် ရယကအဖွဲ့အား စိတ်ပျက်လျှက်ရှိကြသည်။ အဆိုပါ အချင်းဖြစ်ပွားသောနေရာနှင့် ရယကရုံးမှာ ကိုက် (၅၀) ခန့် သာ ကွာဝေးသည်။

အထက်ပါ အဖြစ်အပျက်မဖြစ်ပွားမှီကပင် အဆိုပါ ရယကဥက္ကဌဦစံသိန်း၏ ဇနီးဖြစ်သူမှ အစ္စလမ်ဘာသာဝင်များကြား ပြည်ခိုင်ဖြိုးပါတီ (ကြံ့ ဖွတ်) ကို မဲထည့်ရန် လိုက်လံပြောဆိုမှုများအပေါ် ရပ်ကွက်နေ ပြည်သူများမှ မကြေနပ်မှုများလည်း ရှိနေခဲ့ကြသည်။

(သတင်းပေးပို့ ပေးသော ညီသစ် အား ကျေးဇူးတင်ရှိပါသည်)။

ပြည်သူတွေအားလုံး အတုမိမယ် သတိထား။

စစ်အစိုးရရဲ့ ၂၀၀၈ ဖွဲ့စည်းပုံ အခြေခံဥပဒေဟာ ညီလာခံအတုကလာတဲ့ ဖွဲ့စည်းပုံ အတုကြီးဆိုတာတော့ လူတိုင်းသိနေပြီးသားပါ။ လူတိုင်းသိပြီးသားဆိုပေမဲ့ သမာဒိဌိ – အမြင်ကြည်လင်သူတိုင်း သိတာကို ဆိုလိုပါတယ်။ အမြင်မှား အာရုဏ်မှား အတွေးမှားများနဲ့ မောဟတိမ်သလ္လာဖုံးနေသူများကတော့ အတုကို အစစ်ထင်နေချင် နေကြမှာပါဘဲ။

တကယ်တော့ စစ်အစိုးက အာဏာလွဲမပေးချင်လို့ လုပ်နေတဲ့ လမ်းပြမြေပုံတခုလုံးက လမ်းလွဲပြ မြေပုံအတုကြီးပါဘဲ။ ပြည်သူလူထု သွားချင်တာက လွတ်လပ်ပွင့်လင်းပြီး လူ့အခွင့်အရေးနဲ့ ပြည့်စုံတဲ့ ဒီမိုကရေစီ ခရီးလမ်း၊ စစ်အစိုးရက ဖေါ်ဆောင် ခေါ်ဆောင်နေတာက အာဏာကို အကြွင်းမဲ့ ထိန်းချုပ်တဲ့ စစ်ကျွန်ပြုရေးလမ်း၊ လမ်း (၂) လမ်းက လားရာမတူ၊ ဦးတည်ရာမတူ၊ direction မတူ၊ အရှေ့နဲ့ အနောက်၊ တောင်နဲ့ မြောက်၊ ထက်အောက်ဖီလာ ဆန့်ကျင်နေတာ သေချာပါတယ်။

၂၀၀၈ ဖွဲ့စည်းပုံမှာ စစ်ဦးစီးချုပ် (ခ) ကာကွယ်ရေးဦးစီးချုပ်ဟာ တိုင်းပြည်ရဲ့အဖွဲ့အစည်းအားလုံးရဲ့ ထိပ်ဆုံးမှာ ရှိပါတယ်။ ကာကွယ်ရေး၊ ပြည်ထဲရေး၊ နယ်စပ်ရေးရာ လုံခြုံရေး စစ်ကောင်စီ အားလုံးရဲ့အချုပ်ဟာ ကာကွယ်ရေးဦးစီးချုပ်ဘဲ။

အခုရွေးကောက်ပွဲက ပေါ်ထွက်လာမဲ့ ကိုယ်စားလှယ် လွှတ်တော်အမတ်ဆိုတာ လုံခြုံရေးကောင်စီအောက်က တောက်တိုမယ်ရ ရုံးဝန်ထမ်း စားရေးစာချီအဆင့်ဘဲရှိတယ်။ စစ်တပ်ကထွက်ပြီး ခေါင်းပေါင်းစ တလူလူ၊ အလကားရထားတဲ့ ချိတ်ပုဆိုး တပြောင်ပြောင်နဲ့ လူယောင်ဆောင်နေတဲ့ လူပျက် (လူရွှင်တော် မဟုတ်ပါ။ လူရွှင်တော်များ သီးခံပါ)။ အဲဒီ လူအပျက်တွေကြားမှာ လင်းတတွေကြား စာသူငယ်နားသလို စကားတောင် ကျယ်ကျယ်ပြောရဲဘို့ လွယ်မှာ မဟုတ်ဘူး။ ၂၀၀၈ ဖွဲ့စည်းပုံအရ ကာကွယ်ရေးဦးစီးချုပ်ဆိုတဲ့ သတ္တ၀ါက တိုင်းပြည်ရဲ့ အရာရာကိုချုပ်ကိုင်နိုင်တယ်။ သူ့ကိုတော့ ဘယ်သူကမှ မချုပ်ထိန်းနိုင်ဘူး။ အပြန်အလှန်ထိန်းကြောင်းမှု စနစ် (checks and balances systems) က လွတ်နေတဲ့ ဒီသတ္တ၀ါဟာ ၂၀၀၈ ဖွဲ့စည်းပုံအခြေခံဥပဒေအတိုင်းသာဆိုရင် သက်ဦးဆံပိုင် ဘုရင်တယောက်လိုပါဘဲ။

ဒီနေ့ခေတ် ၂၁ ရာစုကို ရာစုဘယ်နှစ်ခုလောက် နောက်ပြန်ဆွဲပြီး စစ်အာဏာရှင်တွေ စဉ်းစားတွေးခေါ်နေသလဲ မသိပါဘူး။ ဒင်းတို့ ဉာဏ်တထွာ တမိုက်နဲ့ ငြင်းဘို့သန်ရတာလဲ မိုက်ရာကျနေလေမလား။ ကမ္ဘာ့အခြေအနေနဲ့ မပြောဘဲ မြန်မာ့အခြေအနေနဲ့ ပြောရရင် ကုန်းဘောင်ခေတ်က ယောအတွင်းဝန် ဦးဘိုးလှိုင်ရေးတဲ့ ရာဇဓမ္မသင်္ဂဟကျမ်းနဲ့ ခေတ်ပြိုင်ရေးခဲ့တာဆိုရင်တော့ ၂၀၀၈ ဖွဲ့စည်းပုံ အခြေခံဥပဒေကို ပြည်သူတွေက လက်ခံကောင်းလက်ခံမယ်။

အခု ၂၁ ရာစုမှာတော့ စစ်အစိုးရရဲ့ ၂၀၀၈ ဖွဲ့စည်းပုံဟာ အမြင်ကျယ်နေပြီဖြစ်တဲ့ ပြည်သူလူထု တခုလုံးက လက်မခံနိုင်ကြတော့ဘူး။

၁၉၄၈ ခု (၂၀ ရာစုအလယ်) သူ့ကျွန်ခေတ်လွန် အတွေးအခေါ်နဲ့ ဒီကနေ့ ၂၁ ရာစုခေတ် အတွေးအခေါ်နဲ့လဲ မတူနိုင်တော့ဘူး။ စစ်အာဏာရှင်တွေရဲ့ အိုသော မင်းသော ဟောင်းသော မတိုးတက်သော တိမ်သော တုံးသော အတ္တကြီးသော အတွေးအမြင်နဲ့ ရေးဆွဲထားတဲ့ ဖွဲ့စည်းပုံကို (တာ့တာ့ ဘိုင့်ဘိုင် ဖွဲ့စည်းပုံ) လို့ နာမည်ပေးရမလား။ ဂက်အောက် (get out) ဖွဲ့စည်းပုံလို့ ကင်ပွန်းတပ်ရမလား။ ပြည်သူလူထုက ဒီဖွဲ့စည်းပုံအကြောင်း လာမပြောနဲ့။ နားကြားမြင်ကပ်တယ်။ ကြားလဲ မကြားချင်ဘူး။ နာဂစ်မုန်တိုင်းကာလ ပြည်သူ့မျက်ရည် ပင်လယ်ဝေနေချိန် အညှာအတာ ကင်းမဲ့စွာ မဲလိမ်ပြီး လုပ်သွားတာလဲ စိတ်ပေါက် ဒေါသဖြစ်တယ်။ သူတို့ပြောသလို၊ သူတို့ဆိုတာ စစ်အစိုးရ၊ စစ်အစိုးရပြောသလို၊ ဘာတဲ့၊ ဘာတဲ့၊ ဘယ်လို ဘယ်လောက်။ ၂၀၀၈ ဖွဲ့စည်းပုံ အခြေခံဥပဒေကို ၉၂.၄၈% ထောက်ခံတယ်။

ဒီလိုသာ လူထုက ထောက်ခံခဲ့ရိုးအမှန်သာဆိုရင် အခုလုပ်နေတဲ့ တပ်ချုပ်ကြီး ဦးသန်းရွှေဟာ ပြည်သူတွေအားလုံး ငါ့လူတွေချည်းဘဲဆိုပြီး ကျပ်ပြေးနေပြည်တော်မှာ သွားပုန်းအောင်းနေစရာတောင် မလိုတော့ဘူး။ လက်ဖြောင့်တပ်သား ကိုယ်ရံတော်အစောင့်လဲ ထားစရာမလိုတော့ဘူး။ တခြားပြည်သူတွေလိုဘဲ စိတ်အေးလက်အေး လမ်းဘေးမှာ လက်ဖက်ရည်ထိုင်သောက် ဆေးလိပ်ထိုင်ဖွာ ကွမ်းမြုံ့နေလို့တောင် ရနိုင်တယ်။ အခုလို ကျပ်ပြေးသူပုန်စခန်းမှာ သွားပုန်းရတာကိုက ထောက်ခံမှု ရာခိုင်းနှုန်းနဲ့ ကန့်ကွက်မှု ရာခိုင်နှုန်းက ပြောင်းပြန်ဖြစ်နေပြီးဆိုတာ သေချာတယ်။ ကန့်ကွက်သူက ၉၂.၄၈%၊ ထောက်ခံသူက ၇.၅၂% ဆိုရင် အဓိပ္ပါယ်ရှိတယ်။ ယုတ္တိတန်တယ်။ အဲဒီလို မဲပြောင်းပြန်ရေးထားတဲ့ ဖွဲ့စည်းပုံနဲ့ ကမ္ဘာကို လှည့်ချင်လှည့်၊ မြန်မာအချင်းချင်းလှည့်တာတော့ ဘယ်ပြည်သူကမှ မကြည်ဖြူဘူး။

ဒီဖွဲ့စည်းပုံကို ကြည်ကြည်ဖြူဖြူလက်ခံကြတယ်ဆိုတာ ကိုယ်ကျိုးစီးပွားကြည့်သူတွေသာ ရှိကြတာပါ။ ပြည်တွင်းပြည်ပမှာ ၂၀၀၈ ကို လက်ခံ၊ ရွေးကောက်ပွဲသာ တကြောင်းတည်းသော နည်းလမ်းဆိုပြီး ပါးစပ်ပါလို့ လေရှိတိုင်း အပ်ကြောင်းထပ်အောင် အော်နေသူတွေဟာ န.အ.ဖ လက်ဝေခံ အရိုးကိုက်နေသူနဲ့ အရိုးကိုက်ဘို့ ကြံရွယ်နေသူတွေသာ ဖြစ်နိုင်တယ်။ အခုတလောဆိုရင် အရိုးကိုက်ချင်လို့ အမိုက်ခံပြီး ပါတီထောင်၊ ငွေရလို့ ပါတီထောင်၊ မမြင်ဘူးတဲ့ ငွေမကိုင်ဘူးတဲ့ ပိုက်ဆံကိုင်ရလို့ ရွေးကောက်ပွဲကို ထောက်ခံ။ ပါတီထောင်တော့လဲ ရိုးရိုးမထောင်ဘူး။ သမိုင်းအစဉ်အလာကြီးမားလှတဲ့ ခွပ်ဒေါင်းပုံကို အလွဲသုံစားပြုပြီး လူထုလေးစားတဲ့ ကျောင်းသားပါတီလိုလို အင်ထု၊ အတုလုပ်သူက လုပ်။

အမယ်။ လာ လာသေး။ တချိန်တုံးက ကျောင်းသားတွေလုပ်တဲ့ နိုင်ငံရေးကို အားပေးယုံလေးနဲ့တင် စစ်ဆေးမေးမြန်းတာခံကြရတယ်။ ထောင်သွင်းအကျဉ်းကျခံကြရတယ်။ ဒါပေမဲ့ အခုကျောင်းသားတွေလုပ်တဲ့ နိုင်ငံရေးမှာ ပြည်သူတွေပါဝင်လာလို့ အစစ်ဆေးအမေးမြန်းခံစရာလဲ မလို၊ သွေးမြေကျစရာလဲ မလို၊ အသက်အသေ အကြေခံစရာလဲ မလို၊ လွတ်လပ်မှုနဲ့ လုံခြုံမှု မပျောက်ဆုံးဘဲ ပါဝင်လာလို့ရနိုင်တဲ့ (ရွေးကောက်ပွဲ) ဥပဒေတွေ ရှိလာခဲ့ပြီတဲ့၊ ခွပ်ဒေါင်းသင်္ကေတသုံး ကျောင်းသားအတုပါတီတခုရဲ့ လက်ကမ်းကြော်ငြာမှာ ဖတ်လိုက်ရတာ။ တော်တော်ရယ်စရာကောင်းတဲ့ စကားလုံးတွေလို့ ပြောရမလား။ တော်တော် ဒေါသဖြစ်စရာကောင်းတဲ့ စကားလုံးတွေလို့ ပြောရမလား။ (၈၈) ကျောင်းသားမျိုးဆက်အစစ် သံမဏိကျောင်းသားတွေ တပြည်လုံးက အကျဉ်းထောင်တွေထဲမှာ ရှိတယ်။ ခွပ်ဒေါင်းစစ်စစ်တွေ ထောင်ကျနေတယ်။ နောက်ဖေးလမ်းကြားက အကြွင်းအကျန်စား ကျီးကန်းတွေ မအာကြနဲ့။

တချို့ကလဲ ၁၉၉၀ အနိုင်ရပါတီ အဖွဲ့ချုပ် အမှတ်အသား ခမောက်သင်္ကေတကို အလွဲသုံးစား အတုသုံး စည်းရုံးသူက စည်းရုံး။ ခမောက်တံဆိပ်မြင်လို့ ထပြီး က သတဲ့၊ ဘယ် ခမောက်ထင်လို့ ထပြီး ကသလဲ သိသင့်တယ်။ ခမောက်က ခိုးရာပါ ခမောက်မှန်းသိရင် မလွယ်ဘူး။ တကယ့်အခြေအနေမှန်က ခမောက်သူခိုးတွေကို ဆိုက္ကားဆရာတွေကတောင် မတင်ချင်တော့ဘူး။ လက်ဖက်ရည်ဆိုင်စားပွဲထိုးတွေကလဲ ခမောက်အတုတွေ လမ်းသလားတာမြင်ရင် ထွက်ရိုက်ချင်လို့ လက်ယားနေကြတယ်ဆိုတာ မပြောရင်မသိမှာ စိုးလို့ ပြောလိုက်ပါတယ်။

နောက်တမျိုးရှိသေးတယ်။ မသိနားမလည်တဲ့ ပြည်သူတွေ၊ စားဝတ်နေရေးရုန်းကန်နေရလို့ နိုင်ငံရေး မလေ့လာအားတဲ့ ပြည်သူတွေကို ရပ်ထဲရွာထဲလည်ပြီး ရွေးကောက်ပွဲအတု အောင်မြင်ရေး သင်္ကေတ အတုတွေသုံးပြီး ပုံမှားရိုက်သလို (ဒေါ်အောင်ဆန်းစုကြည်နဲ့ အတူတူဘဲ။ သူက အပြင်က တိုက်မယ်။ ကျွန်တော်/မတို့က လွှတ်တော်အတွင်းက တိုက်မယ်) ဆိုပြီး စကားလုံးအတုနဲ့ ဒေါ်အောင်ဆန်းစုကြည်ရဲ့ ကိုယ်စားလှယ်အတု လုပ်ပြီး စည်းရုံးရေးဆင်းသူက ဆင်း၊ ၁၉၈၈ အရေးတော်ပုံမတိုင်ခင်က မြန်မာပြည်မှာ ဆိုရှယ်လစ် စီးပွားရေးစနစ် နှိပ်စက်လို့ ပစ္စည်းရှားပါးတဲ့ ခေတ်မှာ သာမန်အိမ်သုံးဆေးဝါးလေးတွေတောင် အတုလုပ်ကြတယ်။ ပါရာစီတမော အတု၊ ဗိုက်တာမင်စီ အတု၊ ဘားပလက် အတု၊ ဖျူရာမင်ဘီစီ အတု စသဖြင့် ဆေးအတုတွေ စားမိပြီး အသက်ဆုံးရှုံးရတဲ့ ပြည်သူတွေရှိခဲ့ဘူးတယ်။ အခုခေတ်မှာလည်း စံရည်စံသွေး မပြည့်မှီတဲ့ ဆေးဝါးအတုတွေ ရှိတယ်။ ငွေစက္ကူ တထောင်တန် ငါးထောင်တန် အတုတွေ မကြာခဏ ပေါ်တတ်တယ်။

ပစ္စည်းကောင်းလို့ တန်ဘိုးရှိရင် အတုလိုက်လာတတ်တာ ထုံးစံလိုတောင်ဖြစ်နေပြီ။ ဆေးအတုမိတာက တယောက်စ နှစ်ယောက်စ အကန့်အသတ်နဲ့ ဒုက္ခရောက်မယ်။ ငွေအတုမိတာက တရွက်၊ နှစ်ရွက်လောက်ဘဲ ဆုံးရှုံးမယ်။

နိုင်ငံရေးအတု မိရင်တော့ တမျိုးသားလုံး တပြည်လုံး နှစ်ပေါင်း ဆယ်နဲ့ ရာနဲ့ချီပြီး မျိုးဆက်နဲ့ ချီပြီး ဒုက္ခရောက်သွားနိုင်တယ်။

ဘုန်းကြီးရိုက်တဲ့ ကြံ့ဖွတ်လည်း မဲမပေးချင်ဘူး။ တိုင်းပြည်ကို လူမွဲဇာတ်သွင်းသွားတဲ့ မ.ဆ.လအဟောင်း တစညလည်း မဲ မပေးချင်ဘူး။ အခု ခမောက်ဆိုတာ ဘာလဲ။ ခွပ်ဒေါင်းကရော၊ ၀ံသာနုဆိုတာက ရော။ ဒေါ်အောင်ဆန်းစုကြည်နဲ့ အတူတူတဖွဲ့ထဲဘဲဆိုတာကရော——။

မေးခွန်းလေးတွေ ရှိနေတယ်။ မတွေဝေနဲ့၊ မေ၀၀ါးနဲ့၊ အညာမခံနဲ့၊ အလိမ်မမိစေနဲ့။

အခြေခံဥပဒေ အတု၊ ရွေးကောက်ပွဲ အတု၊ ခွပ်ဒေါင်း အတု၊ ခမောက် အတု၊ ဒေါ်စုကိုယ်စား ရွေးကောက်ပွဲဝင်သူ အတုအပများ ရှိနေတယ်။

အတုဆိုရင် ဘယ်အတုမှ မကောင်းပါ။

ပြည်သူတွေအားလုံး အတုမိမယ် သတိထား။

ရေးသားသူ..မမခင်

ရခိုင်ပြည်နယ် မောင်တောမြို့နယ် တွင် ကြံ့ခိုင်ဖွံ့ဖြိုးရေး ပါတီ လွှတ်တော် ကိုယ်စားလှယ် လောင်းများက ဤသို့ စည်းရုံးနေပြန်ပြီး...

ရခိုင်ပြည်နယ် မောင်တောမြို့နယ် တွင် ကြံ့ခိုင်ဖွံ့ဖြိုးရေး ပါတီ လွှတ်တော် ကိုယ်စားလှယ် လောင်းများက မူဆလင် လူထုအား “ မူဆလင်တွေ လွတ်လပ်ဖို့ ကြံ့ခိုင်ဖွံ့ဖြိုးရေး ပါတီကို ထောက်ခံကြ” ဟု ဆိုကာ လှည့်လည် စည်းရုံးနေသည်ဟု သတင်း ရရှိသည်။

မောင်တော မြို့ခံ တစ်ဦးက “ သူတို့က ကားတွေနဲ့ စီတန်းပြီး မောင်တောမြို့ပေါ်မှာ မဲဆွယ် စည်းရုံးတဲ့ နေ့က ဖြစ်ပါတယ်။ မူဆလင်တွေ လွတ်လပ်ဖို့ မူဆလင် ခေါင်းဆောင်ကို ထောက်ခံကြ၊ ကြံ့ခိုင်ရေး ပါတီမှ ဇော်ကိရ် အာမတ်ကို ထောက်ခံကြ။ အဲသလို စစ်တကောင်း ဘင်္ဂလီ ဘာသာ စကားနဲ့ အော်ဟစ် လက်ခုတ်တီးပြီး လှည့်လည် မဲဆွယ် ခဲ့ကြပါတယ်” ဟု ပြောသည်။

မောင်တော မဲဆန္ဒနယ်မှ ပြည်သူ့ လွတ်တော်တွင် အရွေးခံမည့် ဦးဇော်ကိရ်အာမတ် (ခေါ်) ဦးအောင်ဇော်ဝင်းက အမိုးဖွင့်ထားသည့် သူ့ကိုယ်ပိုင် ပါဂျာရိုကား ပေါ်တွင် ပန်းကုံးများစွပ်ကာ ရပ်လျက် လိုက်ပါလာပြီးနောက် ထိုသို့ မူဆလင် လူထုကို ဆော်အော် စည်းရုံးခဲ့ခြင်း ဖြစ်သည်။

အဆိုပါ မဲဆွယ်စည်းရုံးသည့်နေ့က သူ၏ ကားနောက်မှ ဂျစ်ကား အစီး ၁၀ ကျော်နှင့် ပါတီဝင် ၄၀၀ ကျော်ခန့် စီတန်း လိုက်ပါလာပြီး မောင်တောမြို့ လမ်းမတလျောက် အင်အားပြကာ မဲဆွယ် စည်းရုံးခဲ့သည်ဟု သိရသည်။

“ အဲသလို စီတန်းပြီး မြို့ကို လှည့်လည် အော်ဟစ် မဲဆွယ်နေကြတော့ လမ်းတွေ ပိတ်ဆို့မှုဖြစ်ပြီး လမ်းသွား လမ်းလာတွေနဲ့ မြို့နေလူထုတွေ ကို အကြီးအကျယ် အနှောင့်အယှက် ဖြစ်စေပါတယ်။ ပီးရင် ဒါဟာ ရွေးကောက်ပွဲ ဥပဒေကိုလည်း ချိုးဖေါက်ရာ ရောက်ပါတယ်။ ဒါပေမယ့် ဘယ်သူမှ ပြောမယ့် ဆိုမယ့်သူ မရှိတော့ မဲဆွယ်တာကို ကြံ့ဖွတ်ပါတီကိုယ် စားလှယ်တွေက လုပ်ချင် သသလို လုပ်နေတာ ဖြစ်ပါတယ်” ဟု ၄င်းမြို့ခံက ပြောသည်။

ထိုသို့ မြို့ကို လှည့်လည် မဲဆွယ်ရာတွင် ကားများတွင်လည်း ကြံ့ခိုင် ဖွံ့ဖြိုးရေး ပါတီ နဖူးစည်း စာတန်းနှင့် အလံများ လွှင့်ထူ ပါရှိပြီး၊ ပါတီ၏ ယုံကြည်ချက်၊ ခံယူချက်များကို ရေးသားထားသည့် လက်ကမ်း စာစောင်များကိုလည်း ဖြန့်ဝေခဲ့ကြသည်ဟု သိရသည်။

မောင်တောမြို့နယ်မှ ကြံ့ခိုင် ဖွံ့ဖြိုးရေး ပါတီမှ ကိုယ်စားပြုပြီး ပါဝင် ယှဉ်ပြိုင်ကြမည့် သူများမှာ ဦးဇော်ကိရ်အာမက် (ခေါ်) ဦးအောင်ဇော်ဝင်း (ပြည်သူ့ လွှတ်တော်) ၊ ဦးဇာယာဒ်ရော်မံ (ခေါ်) ဦးဌေးဝင်း ( အမျိုးသား လွှတ်တော်) ၊ ဦး ဇာဟိန်းဝိရ် (ခေါ်) ဦးအောင်မျိုးမင်း ( ပြည်နယ် လွှတ်တော်) ၊ ဦးမြအောင် ( အမျိုးသား လွှတ်တော်) နှင့် ဦးမောင်သာခင် ( ပြည်နယ် လွှတ်တော်) တို့ဖြစ်ကြသည်။

ယခုအခါ သူတို့၏ ရုပ်ပုံများ ဖြင့် ရိုက်နှိပ်ထားသည့် စာရွက်စာတန်းများကို မောင်တော မြို့နယ် တစ်ခုလုံးတွင် ဖြန့်ဝေနေပြီး အဆိုပါ စာရွက်များတွင်လည်း ကြံ့ခိုင်ဖွံ့ဖြိုးရေး ပါတီ သာ တိုင်းပြည်တိုးတက်ရေးနှင့် တည်ငြိမ်ရေးကို ဆောင်ကျဉ်းနိုင်မည့် တစ်ခုတည်းသော ပါတီဟု ရေးသားထားသည် သိရသည်။

မောင်တောမြို့နယ်တွင် ကြံ့ခိုင် ဖွံ့ဖြိုးရေး ပါတီဝင်များက နည်းမျိုးစုံဖြင့် အင်အားပြနေပြီး တခြား ပါတီများမှ ကိုယ်စားလှယ် လောင်များ မဲဆွယ် စည်းရုံးရေး လုပ်ငန်းများကို အနှောင့်အယှက် ပေးမူများ ရှိနေကြောင်း သိရသည်။

အထူးသဖြင့် မောင်တောမြို့နယ်တွင် ကြံ့ခိုင်ဖွံ့ဖြိုးရေး ပါတီနှင့် နှင်လာ ငါလား ယှဉ်ပြိုင်ရမည့် တခြား ပါတီ တစ်ခု ဖြစ်သော မွတ်ဆလင် ဘာသာဝင် ဦးစီးသည့် အမျိုးသား ဖွံ့ဖြိုးရေး ဒီမိုကရက်တစ် ပါတီ အပေါ် အဓိကထားပြီး အနှောင့် အယှက်ပြုလုပ်နေကြောင်း ဒေသခံများက ပြောသည်။

သို့သော်လည်း ပိုပြီး ပြဿနာ တက်မည်ကို စိုးရိမ်သဖြင့် အမျိုးသား ဖွံ့ဖြိုးတိုးတက်ရေး ဒီမိုကရက်တစ် ပါတီမှ ထိုကဲ့သို့ နှောင့်ယှက်နေမူကို သတင်းမီဒီယာများသို့ တစုံတရာ ဖွင့်ဟ ပြောဆိုခြင်း မရှိကြောင်း သိရသည်။

မောင်တောမြို့နယ်တွင် တခြား ၀င်ရောက်ယှဉ်ပြိုင်မည့် ပါတီမှာ တစည ပါတီ ဖြစ်ပြီး အဆိုပါ ပါတီကို အစိုးရ ၀န်ထမ်းများ၊ ဗုဒ္ဓဘာသာဝင်များနှင့် ပါတီ လူဟောင်းများက မဲပေးနိုင်ရန် အလားအလာ ရှိနေကြောင်း သိရသည်။

(သတင်း အချက်အလက်များကို တာကလူး (တက်ကနက်ရုံး) မှ စုဆောင်းပေးပို့သည်။)

ရင်းမြစ်...နိရဉ္စရာ

" သက်ဝင်းအောင်အတွက် အမှတ်တရ ”(ရီးငယ်)

" သက်ဝင်းအောင်အတွက် အမှတ်တရ ”(ရီးငယ်)

ခုလောက်ဆို ကျမ အမေနဲ့ သက်ဝင်းအောင် ကောင်းကင်ဘုံမှာ တွေ့နေကြရောပေါ့။ မေမေကလည်း ကောင်းတာတွေ လုပ်တယ်၊ လူတွေကို ကူညီတတ်တယ်၊ သိပ်ရက်ရောတယ်၊ လှူတယ်..တန်းတယ်။

သက်ဝင်းအောင်ကျတော့ရော…။သူ့ကိုတွေ့လိုက်ရင် အမြဲ ပြုံးပြီးတော့ ရှိနေတာကို တွေ့ရတယ်။ ကျမ သိသလောက်တော့ သူက စိတ်ကောင်းလဲ ရှိပါတယ်၊ သူငယ်ချင်းတွေ အတွက်ဆို အနစ်နာခံဖို့ အသင့်ရှိပုံ ရတယ်။ ဒီမိုကရေစီ အရေးနဲ့ တိုင်းရေးပြည်ရေးအတွက်ကတော့ သူက တော်တော် စိတ်အားထက်သန်လှတယ်။

သူတို့ ၂ ယောက်လုံးက ကောင်းတာတွေ လုပ်ခဲ့ကြပေမယ့်... ခုတော့ ကျမ မေမေရော…၊

ကျမရဲ့ သူငယ်ချင်းဖြစ်တဲ့ သက်ဝင်းအောင်ရောက.. ကျမတို့တွေရဲ့ အနားမှာ မရှိကြတော့ဘူးလေ..။

ကျမရဲ့မေမေ ဆုံးသွားတာက၊၂၀၀၃-နိုဝင်ဘာ၂၃မှာ- အိုနာဆိုတဲ့ လူကြီးရောဂါနဲ့ အသက် ၇၈ နှစ်မှာ ဆုံးသွားတယ်။ ဒါက သိပ်မဆန်းပေမယ့်... သက်ဝင်းအောင်ကျတော့ ၂၀၀၆-အောက်တိုဘာ-၁၆မှာ -သေဆုံးချိန် မတန်သေးတဲ့ အသက် ၃၅ နှစ်အရွယ်မှာ…......ဆုံးသွားတာ....။

သေခြင်းတရားဆိုတာ၊ ကြီး၊ ငယ်၊ ရွယ်လတ် မရွေးဘူးဆိုပေမယ့်….....
“သက်ဝင်းအောင်ရယ်…။နင်က သေချိန် မတန်သေးဘူးလေ….။မသေသင့်သေးတဲ့အချိန်- ပြင်ပ ပယောဂတွေကြောင့် သေသွားရတာလေ….။ငါလည်း ထောင်ကျဖူးတဲ့သူပဲ …။ထောင်ထဲမှာ တကယ်ကို ကျန်းမာရေးထိခိုက်လာပြီဆိုရင်…ငါတို့ ဘဝတွေက စိတ်သွားတိုင်း ကိုယ်မပါဘူးဆိုတာ ငါနားလည်ပါတယ်…။အပြင်မှာ ငါတို့ချက်ခြင်း…အထူးကု တစ်ယောက်ဆီ ပြေးလိုက်လို့ ရတယ် …။ချက်ခြင်းဆေးခန်း ထသွားမလား....။ ရတယ်….။ ဒါပေမယ့် နင်တို့ ငါတို့က ထောင်ထဲမှာ ဆိုတော့ …..။

နင်၊ ငါ ။ နောက်.. ငါတို့ အုပ်စုထဲက မျိုးမင်းထိုက်၊ ရန်အောင်စိုးရယ် ..အပြင် တခြား တက္ကသိုလ်ကျောင်းပေါင်းစုံ က ကျောင်းသားတွေ ၂၀၀ ကျော် လောက်က ၁၉၉၈ ခုနှစ် ထဲမှာပဲ ဖမ်းခံခဲ့ကြရတယ်…။နင်၊ ငါနဲ့ ရန်အောင်စိုး၊ မျိုးမင်းထိုက်တို့ က ၁၉၉၈ ခုနှစ်ရဲ့ စက်တင်ဘာ တစ်လထဲမှာပဲ နိုင်ငံရေးလှုပ်ရှားမှုတွေနဲ့ ဖမ်းခံခဲ့ကြတယ်နော်…။ ငါ့ကို ထောင် (၁၀) နှစ်ချတယ်။ ပထမ အင်းစိန်ထောင်မှာ ၇ လ ထားတယ်။ နောက် မော်လမြိုင်ထောင်မှာ ၄ နှစ်နဲ့ ၇ လ ။နောက်တော့ အင်းစိန်ထောင် ရောက်တယ်။ ၂၀၀၄ ဇွန် ၂၄မှာ ငါ အင်းစိန်ထောင်ကနေလွတ်တယ်။

ငါက ခု ထိုင်းနိုင်ငံရဲ့ နယ်စပ်မြို့တစ်မြို့မှာ၊ ရန်အောင်စိုးကတော့ ဗမာပြည်ရဲ့တနေရာမှာ လူမှု ကိစ္စတာဝန်တွေနဲ့ ရှိနေတယ်။မျိုးမင်းထိုက်ကတော့ ထောင်ဒဏ် ၅၂ နှစ်ကျပြီး -ခုထိ မြင်းခြံထောင်ထဲမှာ…။

နင်ကရော…။နင့်ကို သူတို့က ဘာလို့ သေပစ်လိုက်စေတာလဲ ဟာ..။နင်ကရော ဘာလို့ သေလိုက်ရတာလဲ….။နင်က ကိုယ့်ဘဝကိုယ်တောင် မနှမြောဘဲ ..ဘာလို့ အဲလောက်တောင် ကိုယ့်ကိုယ်ကို လုပ်လိုက်ရတာလဲဟာ…။

သူတို့ကရော နင့်အရွယ် မောင်၊ ညီမ၊ သား သမီး တွေ ရှိနိုင်ရက်နဲ့ ဒီလောင်တောင် စာနာစိတ် မထားနိုင်လောက်အောင် သူတို့ရဲ့ နှလုံးသားတွေက ဘာလို့ ဒီလောက်တောင် မာကျောနေနိုင်ရက်တာလဲဟာ……။

ငါလေ ထောင်ထဲမှာ သေသွားမှာ သိပ်ကြောက်ခဲ့ တာ….။
ငါ့ရှေ့မှာ ထောင်ထဲက တချို့တွေ အရွယ်ကောင်းရဲ့နဲ့…ရုတ်တရက်ကြီး သေသွားလိုက်တာ…။ငါလေ သိပ်အားငယ်ခဲ့တာပဲ……..။

နင်သေသွားတာ ငါတကယ်ပဲ မယုံနိုင်ဘူး…။ခုချိန်ထိ..နင်တနေရာရာမှာ ရှိနေနိုင်တာပဲ..လို့…။မဟုတ်ဘူးလားဟင်……….။

နင်သိရဲ့လား….။
မနက်ဖန် အောက်တိုဘာလ ၁၆ ရက်နေ့ဆို နင်ဆုံးသွားတာ (၄) နှစ်တောင်ပြည့်ပြီ..တဲ့….။ ဒါပေမယ့် ဒီနေ့ည ...ငါရယ် အခြားအသိမိတ်ဆွေ (၄) ယောက်ရယ် ...။ငါတို့ အပြင်ထွက်ပြီး ညစာ သွားစားဖြစ်ကြတယ်။ ငါတို့ နင့်ကို မေ့သွားကြတယ်…။ငါတို့က စားလို့ သောက်လို့ ပျော်လို့ပေါ့ ..။နင့်ကို မေ့နေကြတယ်..။အဲ့လိုပဲ လူတွေ နင့်ကို မေ့နေကြတယ်..။နင့်သူငယ်ချင်းတွေ၊ နင့်မိတ်ဆွေတွေ၊ နင့်ရဲ့လုပ်ဖေါ်ကိုင်ဘက် ရောင်းရင်းရဲဘော်တွေရော …။ဒီတစ်နေ့ နှစ်နေ့ လောက်တော့ သူတို့ နင့်ကို သတိရကြမှာပေါ့လေ…။နောက်တော့လည်း နင့်ကိုပြန်ပြီးမေ့လို့ ...ပျော်လို့ မော်လို့နဲ့ပေါ့……………..။

ငါ့ကို ၂၀၀၃-နိုဝင်ဘာလ၂၇မှာ မော်လမြိုင် ထောင်က လွှတ်ပေးမယ်လို့ သူတို့ ညာပြောပြီး…………. ရန်ကုန်အင်းစိန်ထောင်ကို အဝတ်တစ်တည် ကိုယ်တစ်ခုနဲ့ ငါ…… ပြန်ရောက်လာတယ်…….။
အင်းစိန်ထောင်ထဲက ငါရဲ့ မိတ်ဆွေ တစ်ချို့က ….ငါ့ကို အစားအသောက်တွေ ထောက်ပံ့ပေးကြတယ်….။ဒါပေမယ့် သူတို့ သတင်းတွေတော့ ပြောလို့မရဘူး..တဲ့……..။

နောက်တစ်နေ့ မနက်…… ၂၀၀၃ -နိုဝင်ဘာလ၂၉ ရက်-။
အင်းစိန်ထောင်မှာ ထောင်ဒဏ် ၁၇ နှစ် နဲ့ မတရားထောင်ချခံထားရပြီး -ခုထိ…ဆက်လက် အကျဉ်းကျခံထားရတဲ့ အကျိဌေး(မဌေး)က ငါ့ကို ..(သူတို့ အပြင်ခေါ်ထုတ်ဖို့ စီစဉ်နေချိန်မှာ) လက်ကိုင်ပုဝါလေး တစ်ထည်ပေးတယ်….။
ထောင်ထဲကပြန်လွတ်တော့မှာလား..လို့ ကိုယ့်ကိုယ်ကို သို့လော..သို့လော..ထင်နေတဲ့ငါ….။
သူ့ရဲ့မျက်လုံးတွေကို ဖတ်ကြည့်ပြီး.. ဒါ --ငါ ထောင်ထဲက ပြန်လွတ်မယ့် အတိတ်နိမိတ် မဟုတ်ဘူး..လို့ ..နိမိတ်ဖတ်နိုင်ခဲ့ပေမယ့် --ငါ့အမေရဲ့ ဈာပန အခမ်းအနားကို တက်ရောက် ရလိမ့်မယ်..လို့တော့ နိမိတ်မဖတ်နိုင်ခဲ့ဘူး……။

ငါလေ အပြင်လောကကြီးနဲ့ မတွေ့ရတာ ၅ နှစ်နဲ့ ၂ လ တောင် ကြာပြီဆိုတော့ -အပြင်လောကကြီးကို ခြေချလိုက်ရတာ ခြေထောက်တွေက ကြွနေတယ် ။ သူငယ်ချင်းမိတ်ဆွေတွေကို တွေ့ရတာ ငါ ဝမ်းသာနေတယ်…။ငါလေ ..ငါရဲ့ ထောင်ရုပ်ပေါက်နေတဲ့ ရုပ်ကို အပြင်ကို ချပြလိုက်ရတာ ရှက်နေတယ်….။

အမေက သေသွားပြီလား ။အမေက ဒီဘ၀အတွက် နေတဲ့ အချိန်စေ့လို့ ဆုံးပါးခဲ့ပေမယ့်...... ရုတ်တရက်ကြီး....................အမေရဲ့ ရုပ်အလောင်းကို ကြည့်ပြီး တော့ ငါ မငိုနိုင်ခဲ့ဘူး……။
ဈာပနပြီးပြီးချင်း ငါ့ကို သူတို့ အင်းစိန်ထောင်ထဲ ပြန်ပို့လိုက်ကြတယ်။

သက်ဝင်းအောင်ရယ်…..။
ငါ့အမေ ဈာပနကို ငါ လာတွေ့ခွင့်ရတော့...နင့်အဖေက ပြောတယ်..တဲ့ ။
ဒီလိုသာ မိသားစုတွေ၊ မိတ်ဆွေတွေ့နဲ့ ပြန်တွေ့ခွင့်ရနိုင်ခဲ့မယ် ဆိုရင် -သူ့သားနဲ့ သူ့အမေ ပြန်တွေ့ဖို့ -ကျနော် သေပေးလိုက်ချင်တယ်ဗျာ…တဲ့….။

င့ါအမေကရော ....၊ ငါ အပြင်ကို ခဏလေးပဲ ရောက်ပြီး ..ပျော်ရွှင်ပါစေ။ သူ့ရဲ့ အဖေ၊ မိသားစုတွေ၊ သူငယ်ချင်း မိတ်ဆွေတွေနဲ့ တွေ့ပါစေ ။ငါထောင်က အမြန် ပြန်လွတ်လာပြီး အပြင်ကမ္ဘာလေးမှာ ပျော်ပါစေ...ဆိုပြီး သေပေးလိုက်တာလား..ဟင်….။ သူ့ဘဝကြီးနဲ့ ငါ့ရဲ့ဘဝကို ပေးလဲလိုက်တာလားဟင်……။

ငါတို့ ဗမာပြည်မှာ မိသားစုတွေ စုံစုံလင်လင်နဲ့ ပျော်ရွှင်ခွင့် မရကြဘူး…။
ငါတို့အိမ်မှာ ငါ့အမေကို ပေးလိုက်ရတယ်…။
နင်တို့ အိမ်မှာ နင့်ကိုပေးလိုက်ရတယ်…..။
ဗမာပြည်မှာ မိသားစုတိုင်း ဘ၀တွေ-အသက်တွေ ပေးဆပ်နေကြရတယ်။

ငါ့ အမေဆုံးပြီး ( ၇ ) လ နေတော့ ..ငါ ထောင်က လွတ်လာတယ်….။
ငါလေ ဘယ်သူမှ မသိအောင် အမေ့ကို တိတ်တိတ်လေး လွမ်းပြီး ငိုတယ်…။

ခုချိန်ဆို နင့်အမေလေ ..ဘယ်သူမှ မသိအောင် နင့်အတွက် တ်ိတ်တိတ်လေး ငိုနေရောပေါ့……။ ။"

နင့်သူငယ်ချင်း-

(ရီးငယ်)

( အောက်တိုဘာလ ၁၅ ရက်၊ ၂၀၁၀)
ည သန်းခေါင်ကျော် ၁၂နာရီ ၂၀ မိနစ်

(စာရေးသူသည် မြန်မာပြည်အကျဉ်းထောင်များတွင် နှစ်ရှည် အကျဉ်းချခံခဲ့ရသော ပြည်ပရောက်နိုင်ငံရေးအကျဉ်းသူဟောင်းတဦးဖြစ်သည်။)

ရင်းမြစ်...ဟစ်တိုင်

ပြောပြရင် ဒေါပွမှာလား နှင့် မြန်မာသတင်းရုပ်သံ

မိမိတို့သည် နိုင်ငံရေးပေါင်းစည်းမှုအင်အားအဖြစ် ဆက်လက်ရပ်တည်သွားမည်ဟု ဘဘဦးဝင်းတင် ပြောကြား

၂၀၁၀ နိုဝင်ဘာ ရွေးကောက်ပွဲကာလ နီးလာချိန်အတွင်းတွင် စစ်အစုိုးရ၏ ကြံ့ဖွံ့နိုင်ငံရေးပါတီ၏ တဖက်သတ် အသာစီးယူထားသော မဲဆန္ဒနယ်များအားလုံးတွင် မဲပေးရေး၊ မပေးရေး အငြင်းပွားနေကြဆဲဖြစ်ရာ၊ အချို့ကလည်း ကြံ့ဖွံ့နိုင်ငံရေးပါတီကလွဲ မည်သည်ပါတီဖြစ်စေ မဲထည့်မည်ဟု ပြောဆိုနေကြသံများလည်း ထွက်ပေါ်နေသည်ကို တွေ့ရသည်။

ပြည်နယ်နှင့် တိုင်း လွှတ်တော်ကြီးများအားလုံးရှိ အမတ်နေရာအားလုံးကို ၀င်ပြိုင်မည့် ကြံ့ဖွံ့ကို အခြား နိုင်ငံရေးပါတီနှင့် တသီးပုဂ္ဂလအမတ်များ ကိုယ်တိုင်က မည်သုို့မျှ မနှိုင်းယှဉ်နိုင်သည်အဖြစ်ကို ရင်ဆိုင်နေကြရာ၊ အချို့ကလည်း လွှတ်တော်တွင်း လွှတ်တော်ပြင်ပတွင် ရေရှည် မည်သို့ ဆက်လက်ရပ်တည်သွားရမည့် စိန်ခေါ်ချက်အတွက် အမျိုးမျိုး ၀ိဝါဒများ ကွဲလျက်ရှိသည်ကို တွေ့နေရသည်။

သို့ဖြစ်၍ ၁၉၈၈ စက်တင်ဘာလကတည်းက တရားဝင်ရပ်တည်ပြီး အတိုက်အခံနိုင်ငံရေးပါတီအဖြစ် စစ်အစုိုးရကို ရင်ဆိုင်ခဲ့သော၊ ဆက်လက်ရင်ဆိုင်လျက်ရှိသော မြန်မာပြည်၏ တခုတည်းသော အတိုက်အခံပါတီ အင်န်အယ်ဒီ၏ အတွေ့အကြုံများကို အခြေခံသည့် သဘောထားများကို ပါတီခေါင်းဆောင် ဟံသာဝတီဦးဝင်းတင်ကို မေးမြန်းခဲ့သည်။

ဆရာဦးဝင်းတင်က ပြောကြားရာတွင် -

“ပြီးခဲ့တဲ့ အပတ်မှာကတည်းက ပြောခဲ့တယ်။ ဆရာဦးတင်ဦး ပြန်ရောက်လာတော့ လူကြီး၊ လူငယ်တွေ ဆုံကြ၊ နှုတ်ဆက်ကြတယ်။ အဲသည်မှာ ကျနော်တို့နဲ့ သဘောချင်း မတူခဲ့ကြဖူးတဲ့ လူကြီးတွေက ပြောလာတယ်။ အဲသည်မှာ ဘယ်လိုပြောသလဲ ဆိုတော့ - ဦးဝင်းတင်တို့ အခုလို လုပ်တာတွေဟာ ကောင်းပါတယ်။ အခုလို လုပ်နေကြလို့လဲ အခုချိန်မှာ ကျနော်တို့ပါတီဟာ ရေရှည်မှာ ဆက်လက် ရပ်တည်နိုင်တယ်။ သူတုို့က သီးသန့်ပြောလာတာဆိုတော့ ကျနော်တို့ ရပ်တည်ချက်နဲ့ ပတ်သက်ပြီး ပါတီတွင်းမှာ ပိုပြီးတော့ အမြင် ရှင်းလာကြတယ်။ နားလည်မှုတွေ ပိုရလာကြတယ် လို့ ပြောချင်ပါတယ်။

ရှေ့ကို လုပ်မယ့် အစီအစဉ်၊ သဘောထား၊ ရပ်တည်ချက်တွေနဲ့ ပတ်သက်ပြီးတော့ ကျနော်တို့အနေနဲ့ ဘာပြောချင်သလဲ ဆိုတော့ - ပထမတချက်ကတော့ ၂၀၀၈ အခြေခံဥပဒေကို ဆက်လက်ပြီးတော့ ဆန့်ကျင်သွားမယ်၊ ပြန်လည်သုံးသပ်ပြီး ပြုပြင်ရေးဆွဲနိုင်အောင်လုပ်မယ်။ ဒီထက်လိုအပ်လာရင် အသစ်ရေးဆွဲနိုင်ဖို့ကို လုပ်မယ်။ ဒါက ကျနော်တို့ရဲ့ နိုင်ငံရေးဦးတည်ချက်ပေါ့။

နောက်တခုကတော့ တွေ့ဆုံဆွေးနွေး အဖြေရှာရေး ဖြစ်ပါတယ်။ ဒါကို မစွန့်လွှတ်ဘူး။ နှစ်ပေါင်း ၂၀ ကျော် ဆက်လက် တောင်းဆိုနေဆဲ ဖြစ်တယ်။ ကျနော်တို့ ဒီအပေါ်မှာ ခိုင်ခိုင်မာမာ ရပ်တည်လျက်ရှိတယ်။ ကျနော်တုို့ကိုယ်တိုင်က တောင်းဆိုနေတာတင် မဟုတ်တော့ဘဲ သူတို့တွေ ကိုယ်တိုင်က တောင်းဆိုလာတာမျိုးကို ဖြစ်လာနိုင်တယ်။ နောက်ပေါ်လာမယ့် သူတို့ရဲ့ အရပ်သားအစုိုးရဆိုတာမျိုးတွေ ကိုယ်တိုင်က နိုင်ငံရေးပြဿနာတွေကို ဖြေရှင်းဖို့အတွက် အင်န်အယ်ဒီကုို ပစ်ပယ်ခြင်း မပြုနိုင်ဘဲ ကျနော်တို့နဲ့ တွေ့ဆုံဆွေးနွေး အဖြေရှာကြဖို့ တောင်းဆိုလာတာမျိုး ဖြစ်လာနိုင်တယ်။ ဒါကလည်း အားလုံးလိုက်ပါလာနိုင်တဲ့ ကျနော်တို့ရဲ့ နိုင်ငံရေးဦးတည်ချက်တခု ဖြစ်တယ်။

နောက်အရေးကြီးတဲ့ အချက်ကတော့ ကိုယ့်ကိုယ်ကို ဘယ်လိုသဘောထားမလဲ။ ကိုယ့်အဖွဲ့အစည်း၊ ကိုယ့်အင်အားကို ဘယ်လိုသဘောထားမလဲ ဆိုတာ ဖြစ်တယ်။ ဘယ်လိုမျိုး ဦးဆောင်မလဲ ဆိုတာဖြစ်တယ်။

ဒါကို ၁၉၉၀ ရွေးကောက်ပွဲမတိုင်ခင်တုန်းက ကျနော်တို့ ပါတီအနေနဲ့ ရပ်တည်ချက်၊ သဘောထားတခု တင်ပြဖူးတယ်။ ကျနော်တို့ ထောင်ထဲ မ၀င်ခင်ပေါ့။ အဲသည်တုန်းက ပါတီတွေက အသစ်တွေဖြစ်တယ်။ ပါတီတွေ ၀င်ကြရမယ့် ရွေးကောက်ပွဲကလည်း အသစ်ဖြစ်တယ်။ အဲသည်ရွေးကောက်ပွဲက ဖြစ်ပေါ်လာမယ့် လွှတ်တော်ဆိုတာကလည်း အသစ်ဖြစ်တယ်။ သည်တော့ အဲသည်က ဖြစ်ပေါ်လာမယ့် နိုင်ငံရေးအကျိုးဆက်တွေကလည်း ဘယ်လို ဖြစ်လာမယ်မှန်း မသိကြသေးတဲ့ အချိန်ဖြစ်တယ်။ အဲသည်လိုမျိုးမှာ ကျနော်တို့က ထောက်ခံမှုတွေရအောင်၊ ရွေးကောက်ပွဲ အနိုင်ရအောင် တွန်းလုပ်ကြမယ့် အစား၊ လွှတ်တော်ပြင်ပ၊ ရွေးကောက်ပွဲ ပြင်ပမှာတင် အခြားပါတီများနဲ့ လက်တွဲနိုင်အောင်၊ မိတ်ဆွေဖြစ်နိုင်ကြရအောင် လုပ်ကြရမယ်လို့ တင်ပြခဲ့ဖူးတယ်။

ဒါကြောင့် ရွေးကောက်ပွဲမှာ စုစုပေါင်း အမတ်တွေထဲက ၂၅၀ လောက် ရနိုင်ရင် တော်ပြီပေါ့ဆိုပြီး ပြောခဲ့ဖူးတယ်။ ဒါကို ဗိုလ်အောင်ကြီးတို့၊ ကျနော်တို့ဆီက မျုိးချစ်တပ်မှုးဟောင်းများအဖွဲ့ထဲက တချို့တွေက လက်မခံနိုင်ခဲ့ကြဘူး။ နောက်ပိုင်းမှာ အင်န်အယ်ဒီက ၁၉ ၉ ၀ ရွေးကောက်ပွဲမှာ အမတ်ဦးရေ အများဆုံးနဲ့ နိုင်သွားတယ် ပေါ့ကွာ။ အဲသည်အခါကျတော့ အဲသည်တုန်းက ပါတီဦးဆောင်သူတွေက ဘာဖြစ်လာသလဲဆိုတော့ အခြား ပါတီတွေ၊ ကျောင်းသားပါတီတွေ၊ တိုင်းရင်းသားပါတီတွေနဲ့ လက်တွဲပြီးတော့ ဆက်ပြီး သွားကြမယ် ဆိုတဲ့အစား ငါတို့ဖာသာ ငါတို့ ရပ်နိုင်တယ်၊ လုပ်နိုင်တယ်။ အခြား မိတ်ဆွေတွေ မလိုတော့ဘူးကွာ ဆုိုပြီးတော့ ဖြစ်လာတယ်။ တကုိုယ်တော်ပါတီအဖြစ် ရပ်တော့မယ် ဆိုပြီး ဖြစ်လာတယ်။ ဒါပေမယ့် နောက်ဆုံးကျတော့ စစ်အစုိုးရကိုယ်တိုင်ကလည်း အာဏာမအပ်တဲ့ အခါကျတော့၊ လွှတ်တော်လည်း မခေါ်တဲ့အခါကျတော့ ပြီးဆုံးသွားတာပေါ့ကွာ။

ဒါကို ပြန်ကြည့်ပြီးတော့ ဒီနေ့ဒီအခါမှာ ကျနော်တို့တတွေက တကုိုယ်တော်ပါတီအဖြစ် ရပ်တည်နေလို့ မဖြစ်ဘူး။ ဟိုတုန်းကလိုမျိူး သဘောထားလို့ မရဘူးလို့ မြင်တဲ့အတွက် ကျနော်က ပြောချလိုက်တယ်။

အင်န်အယ်ဒီဟာ ရှေ့လျောက်သွားတဲ့နေရာမှာ မူလနိုင်ငံရေး ဦးတည်ချက်ဖြစ်တဲ့ ၂၀၀၈ အခြေခံဥပဒေကို ဆန့်ကျင်ရေး၊ ပြန်လည်ပြင်ဆင်ရေးဆွဲနိုင်ရေး ဆိုတာရယ်၊ ပြီးတော့ တွေ့ဆုံဆွေးနွေး အဖြေရှာရေးဆိုတာရယ်အပေါ်မှာ ဦးတည်ပြီးတော့ သွားတဲ့နေရာမှာ - ကုိုယ့်ကိုယ်ကို ပါတီတို့၊ တပ်ပေါင်းစုတို့၊ တပ်ဦးတို့ ဘာတို့ ပြောမနေတော့ဘဲနဲ့၊ အခုအချိန်မှာ ပါတီလို့ အထူးတလည်ပြောနေတာထက် အင်န်အယ်ဒီကို နိုင်ငံရေးပေါင်းစည်းမှု အင်အားတခုအဖြစ် ကိုယ့်ကိုယ်ကို သဘောထားကြရမယ်။ အဲသည်လိုမျိုး ဖြစ်ကြရမယ်လို့ ပြောလိုက်တယ်။ အင်္ဂလိပ်လို ဓာတုဗေဒ စာလုံးက Catalyst ပေါ့ကွာ။ ဓာတ်ပေါင်းဖို့အတွက် ဓာတ်ကူတဲ့ ပစ္စည်းပေါ့ ဟုတ်လား။

ဒါက ဘာကြောင့်လဲဆိုတော့၊ လူထုဦးလှကွယ်လွန်တော့ အမှတ်တရစာအုပ်မှာ ကျနော် စာရေးခဲ့ဖူးတယ်။ လူထုဦးလှရဲ့ နိုင်ငံရေး၊ လူမှုရေးအလုပ်တွေ လုပ်ကိုင်တဲ့နေရာမှာ၊ တူတာ မတူတာတွေတွေ့ကြတဲ့နေရာမှာ၊ ရန်သူတွေ မိတ်ဆွေတွေနဲ့ ဆက်ဆံတဲ့နေရာမှာ ကောင်းတဲ့ ဓာတ်ပေါင်းမှုဖြစ်ပေါ်လာအောင် သူက အမြဲကြိုးစားတယ်။ အဲသည်လိုမျိူး သူက Catalyst ဖြစ်တယ်။ ကျနော် ထောင်က ထွက်လာတဲ့အခါမှာ ကျနော်က ပြောဖူးတယ်။ ကျနော်ဟာ လူထုဦးလှလိုမျိူး Catalyst မျိုးဖြစ်အောင် ကျနော်က မကျင့်သုံးနိုင်ဘူး၊ မကြိုးစားနိုင်ဘူး။ ဒါကြောင့်လည်း ကျနော့်ရဲ့ စည်းရုံးရေးလုပ်ငန်းတွေမှာ မျှော်လင့်သလောက် မအောင်မြင်ခဲ့ဘူး၊ ဒါမျိုး ပြောခဲ့ဘူးတယ်။

အခုအချိန်မှာ ကျနော်က ဒါကို ထပ်ပြောတယ်။ အင်န်အယ်ဒီကိုယ်တိုင်က အဲဒီသဘောထားကို ကိုင်စွဲသင့်တယ်။ ငါတို့ အင်န်အယ်ဒီပဲကွာ။ ငါတို့က အင်န်အယ်ဒီပဲ လုပ်ရမှာပဲကွာ လို့ ဆိုတာမျိုး လုပ်လို့ မရဘူး။ ဘယ်လိုမျိုး သဘောထားရမလဲဆိုတော့ - ငါတို့ဟာ နိုင်ငံရေးပေါင်းစည်းမှုကြီးတခု ကိုယ်တိုင်ဖြစ်တယ်။ ငါတို့ဟာ နိုင်ငံရေးပေါင်းစုမှု အင်အားကြီးအဖြစ် သဘောထားရမယ်လို့ ပြောလိုက်တယ်။

အဲသည်လို ပြောလိုက်တဲ့အတွက် ပြည်တွင်းမှာ ဒါက ဂယက်ဖြစ်သွားတယ်။ ရွေးကောက်ပွဲဝင်တဲ့ ပါတီတွေ၊ တသီးပုဂ္ဂလတွေကလည်း လာပြီး ဆွေးနွေးကြတယ်။ ကျနော်တို့ ရွေးကောက်ပွဲဝင်တာကို လက်ခံပေးမှာလား ပေါ့ မေးလာကြတယ်။ ကျနော်က ဟိုတခါတုန်းက ရွေးကောက်ပွဲကနေပြီး နှုတ်ထွက်သွားတဲ့ ပါတီတခုက ခေါင်းဆောင် လူငယ်တဦးဖြစ်တဲ့ ကိုဖြိူးမင်းသိန်းကို ပြောခဲ့တဲ့ စကားအတိုင်းပဲ ကျနော် ရှင်းပြတယ်။ ကျနော်တို့ အင်န်အယ်ဒီရွေးတဲ့ လမ်းနဲ့ ခင်ဗျားတို့ ရွေးတဲ့လမ်းက သီးသန့် တလမ်းစီဖြစ်နေတယ်။ ကိုယ့်လမ်းမှာ လမ်းပိတ်နေလို့၊ တောင်ပြိုနေလို့ ကယ်ပါဦး ဆိုပြီး ဟိုတခြားဖက်က လမ်းမှာ သွားနေတဲ့လူက ပြန်လာပြီး ကူဖို့ ကယ်ဖို့တော့ ပြောလို့ မရဘူး။ သုို့သော် စစ်အစုိုးရရဲ့ လုပ်ရပ်တွေနဲ့ ပတ်သက်ပြီး ဝေဖန်မယ်။ မှားယွင်းနေတာ၊ မတရားတာတွေ ထောက်ပြမယ် ဆိုရင်တော့ ခင်ဗျားတို့ အနိုင်ကျင့်ခံနေရတာတွေကို ထုတ်ဖော်ပြောဆိုလာမယ် ဆိုရင်၊ ကျနော်တို့က ဥပက္ခာပြုနေမှာ မဟုတ်ဘူး။ မှားတာကို မှားတဲ့အတိုင်း၊ မှန်တာကို မှန်တဲ့အတုိုင်း ကျနော်တို့က ခင်ဗျားတို့နဲ့အတူ ရပ်တည်ပြီး ပြောပေးမှာ ဖြစ်တယ်။ ဒါကို ဆိုလိုတယ်။

ဒါဟာ နိုင်ငံရေးပေါင်းစည်းမှု အင်အားအဖြစ် ရှိနေတယ်ဆိုတယ့် သဘောထားဖြစ်တယ်လို့ ပြောပြလိုက်တယ်။ ရှင်းပြလိုက်တယ်။ တိုင်းရင်းသားအဖွဲ့အစည်းတွေကိုလည်း ရှင်းပြထားပါတယ်။ ကျနော်တို့ဟာ အားလုံးအတွက် နိုင်ငံရေးပေါင်းစည်းမှု အင်အားဖြစ်တယ် ဆိုတာကို ပြောလိုက်တာ ဖြစ်ပါတယ်။ ဒါကို ဦးတင်ဦး ပြန်လာတဲ့ အခါကျတော့လည်း ရှင်းပြတယ်။ သူကလည်း ၀မ်းသာအားရ လက်ခံတယ်။ အင်န်အယ်ဒီပါတီအနေနဲ့ကလည်း ဒီလိုမျိုး နိုင်ငံရေးပေါင်းစည်းမှု အင်အားအဖြစ် ရပ်တည်ပြီး ဆက်လက် ဆောင်ရွက်သွားမှာကို မြင်သိလာကြ၊ နားလည်လာကြမယ်လို့ ယုံကြည်ပါတယ်။

ဒါကတော့ အခုလို ရွေးကောက်ပွဲကာလ နီးလာချိန်မှာရော၊ ရွေးကောက်ပွဲလွန် ကာလမှာပါ အင်န်အယ်ဒီအင်အားတွေအနေနဲ့ ဆက်လက် တည်ရှိနေမယ့် နိုင်ငံရေး ရပ်တည်ချက်နဲ့ သဘောထားဖြစ်တယ်လို့ ပြောချင်ပါတယ်။ အဲသည်လိုမျိုး နိုင်ငံရေးပေါင်းစည်းမှုအင်အားတွေအဖြစ် ၀ိုင်းဝန်း လက်တွဲပူးပေါင်းပြီး လာကြမယ့် ဒီမိုကရေစီရေးကို ဦးတည်တဲ့ မိသားစုတွေနဲ့ ကျနော်တို့ ဆက်ပြီး ဆောင်ရွက်သွားကြမယ် လို့ ပြောလိုက်ပါတယ်။

(အောက်တိုဘာ ၁၆၊ မနက်ခင်း တွေ့ဆုံဆွေးနွေးချက်များ ဖြစ်ပါတယ်)

ပေးပို့ ပေးသော ကိုမောင်ရစ် အားကျေးဇူးတင်ရှိပါသည်.။

ဒေါ်အောင်ဆန်းစုကြည်၏ နှလုံးသားပုံရိပ်များ.. (အပိုင်း..၃)

ဒေါ်အောင်ဆန်းစုကြည်၏ နှလုံးသားပုံရိပ်များ (အပိုင်း..၃)

၁၉၉၅ ခုနှစ် သြဂုတ်လ ၈ ရက်နေ့ ( ရှစ်လေးလုံးလူထုအရေးတော်ပုံနှစ်ပါတ်လည်နေ့ ) အန်တီစုရဲ့နေအိမ်မှာ ကျနော်တို့ ( တကသ ) ကျောင်းသားတွေနဲ့ အန်တီ တွေ့ဆုံပြီး ရှစ်လေးလုံး အထိမ်းအမှတ် စကားဝိုင်းလေး ကျင်းပကြတယ်။ ကျောင်းသားတွေက စုစုပေါင်း ၃၀ လောက်ရှိမယ်။ ဒီထဲမှာထူးထူးခြားခြား ကနေဒါနိုင်ငံက ကျောင်းသားသမဂ္ဂ ခေါင်းဆောင်တစ်ယောက်လည်းပါသဗျ။ သူကတော့ ကျနော်တို့ပြောဆိုနေတဲ့ အချိန်မှာ ဘေးနားမှာထိုင်ပြီး နားမလည်သည့်တိုင်အောင် စိတ်ရှည်စွာထိုင်ပေးတယ်။ အဲဒီနေ့က တကသ ရဲ့ ဗမာလို။ အင်္ဂလိပ်လို ကြေငြာချက်ကို ဖတ်ပြတယ်။ အင်္ဂလိပ်လိုကြေငြာချက်ကို ဦးဝင်းထိန်ကဖတ်ပြတယ်။ အဓိက အချက်ကိုထုတ်ပြပါဆိုရင်တော့ အမျိုးသားပြန်လည်သင့်မြတ်ရေးမှသည် တွေ့ဆုံဆွေးနွေးရေးဆီသို့ ဆိုတဲ့ ဦးတည်ချက်ပါပဲ။ ဒီနေ့ကစလို့ ကျနော်တို့ ကျောင်းသားများအနေနဲ့ အန်တီစုအပါဝင် အမျိုးသားဒီမိုကရေစီအဖွဲ့ချုပ် ခေါင်းဆောင်များနဲ့လက်တွဲပြီး ဒီဦးတည်ချက်ကို အကောင်ထည်ဖော် ဆောင်ရွှက်ဖို့ သံဓိဌာန် ချမှတ်ခဲ့ပါတယ်။ အဲဒီဆွေးနွေးချက် အခွေကို အသံဖမ်းထားပြီး တိတ်ခွေကူးဖြန့်ခဲ့တာ တော်တော်ပြန့်သွားပါတယ်။ ထွက်လာတဲ့ခွေကလည်း ရုတ်တရက်ကြည့်ရင် ကာဗာပုံတွေ ဘာတွေနဲ့ တော်တော်သားသားနားနားပါ။ အန်တီစုနဲ့ ကျနော်တို့ကျောင်းသားတွေစုရိုက်ထားတဲ့ပုံကို ကာဗာလုပ်ထားတာ။ အမှန်က အဲဒီကာဗာက ဓါတ်ပုံကို တိတ်ခွေနဲ့ အံကိုက်လုပ်ပြီး ခေါက်ထဲ့ထားတာပါ။ အန်တီတောင်မှ အဲဒါကိုတွေ့သွားပြီး တော်တော်အံအားသင့်သွားတယ်။ ဒီအခွေ ကတော်တော်ပြန့်သွားတာကို အန်တီလည်းသိတယ်။ ဒါနဲ့ အန်တီက ကျနော့်ကိုပြောတယ် ၊ နောက်ထပ်တခါ ထပ်လုပ်မယ်တဲ့ သားမေးခြင်တဲ့ မေးခွန်းတွေကို အန်တီကိုကြိုပေးထား သေသေချာချာ ထပ်လုပ်ရအောင်တဲ့ ။ ဒါပေမဲ့ မအောင်မြင်ခဲ့ပါဘူး ဘာလို့လည်းဆိုတော့ အန်တီကလည်း ကြားထဲမှာမအား ၊ ကျနော်လည်း သိပ်မကြာခင်ပဲ အဖမ်းခံရပြီး ဒုတိယအကြိမ်ထောင်ထဲဝင်သွားရလို့ပါ။

ပြောမယ်ဆို အဲဒီတိတ်ခွေကို နေ့ညမအား ကူညီဆောင်ရွှက်ပေးရှာတဲ့ ( ရုရှားပြန်- ကိုစောနု ) သူက လှည်းတန်းမှာ အဆိုသင်တန်းဖွင့်ထားတာ ၊ နံမည်ကြီးပါတယ်။ နံမည်ကျော်ပန်းချီ ပညာရှင် ချောအိသိမ်းက ဆက်သွယ်ပေးရင်းက သိရတာ သူ့ကို အရမ်းကျေးဇူးတင်ပါတယ်။ သူကဘယ်လောက် စိတ်အားထက်သန် သလည်းဆိုရင် သူ့သင်တန်းပေးရေး အလုပ်ကိုတောင်ပစ်ပြီး ကျနော်တို့ကို ကူညီခဲ့တာ ဘယ်တော့မှမမေ့ပါဘူး။ နောက်တစ်ယောက်က လက်ရှိအခြေအနေထိ ဗမာပြည်မှာ နံမည်ကြီးနေတဲ့ စတီရီယိုအဆိုတော်တစ်ဦး ( နံမည်ကိုတော့လုံခြုံရေးအရ မပြောတော့ပါဘူး ) သူဆို သူ့ပိုက်ဆံနဲ့သူ စိုက်ထုတ်ကူး ဖြန့် အဲသလိုလုပ်ခဲ့တာပါ။ သူဖြန့်ခဲ့တာ အခွေပေါင်းကိုမနည်းပါဘူး၊ပြောရရင်တော့ အသေးအဖွဲကစ ကူညီခဲ့တဲ့ပြည်သူတွေအများကြီးပါ။ နောက်အရေးကြီးတဲ့သူတစ်ယောက်က နံမည်ကြီး ဟစ်ဟော့ အဆိုတော် ဘာဘူ နဲ့ နံမည်ကြီး မော်ဒယ် ၊ သရုပ်ဆောင် သန္တာလှိုင်တို့ရဲ့ အဖေ ဒေါက်တာလှိုင်မြင့်ပါ။ ပြောရရင်တော့ သူနဲ့ကျနော် နောက်ပိုင်းလည်းကြရော အမှု့တွဲတွေဖြစ်ခဲ့ပြီး ထောင်ကျခဲ့ပါတယ်။

အန်တီက လွတ်လာခါစဆိုတော့ အလုပ်လုပ်ဆောင်ဖို့ လိုအပ်ချက်တွေအများကြီးရှိလာပါတယ်။ အရေးတကြီး လိုအပ်နေတာ ကွန်ပြူတာပါ ၊ အဲဒီသတင်းကို NLD လူငယ် တစ်ယောက်ဆီက ကြားကြားခြင်း ကျနော် ဆရာ ဦးလှိုင်မြင့်ကို ပြောပြခဲ့ပါတယ်။ ဆရာကလည်း မဆိုင်းမတွပဲ သူလှုမယ်ဆို ဆုံးဖြတ်ပြီး ရက်ပိုင်းအနည်းငယ်အတွင်းမှာပဲ ကွန်ပြူတာတွေဝယ် ၊ လိုအပ်တဲ့ ကွန်ပြူတာ အသုံးအဆောင်ပစ္စည်းတွေကို သိန်းတော်တော်အကုန်ခံပြီး တောင်ကြီး လွှတ်တော်ကိုယ်စားလှယ် ဦးကျော်ခင် ( ယခု - ထောင်ထဲ ) ကတဆင့် အန်တီစုကိုလှုခဲ့ပါတယ်။ ကျောင်းသားလူငယ်တွေကိုလည်း တော်တော်ကူခဲ့တာပါ။ နောက်ကာလ သိပ်မကြာခင်မှာပဲ အဲသလိုလုပ်ရပ်များအတွက် အထွေထွေညှိုးချက်များနဲ့ အပြစ်ရှာထောင်ချပစ်လိုက်ပါတယ်။ အမှု့ထဲမှာ အန်တီဟောပြောချက် ဗွီဒီယိုခွေတွေကို ဖြန့်ချီလို့ ( တရားမ၀င် ဗွီဒီယိုခွေတွေဖြန့် ခြင်း ပုဒ်မနဲ့ ) ထောင်ချတာလည်းပါပါတယ်။ အန်တီစုကို ၀န်းရံခဲ့တဲ့သူတွေအတွက် ဒီလိုလည်း နှိပ်ကွပ်ခံခဲ့ရပါတယ်။ သဘောကတော့ မ၀န်းရံရဲအောင်ပေါ့ ပြောမယ်ဆို ဆရာ ဦးဝင်းတင်ပြောသလို “ အစာလည်းမကျေ ကမ္ဘာလည်းမကြေ ” ပါပဲ။

အဲဒီကာလများက အန်တီအိမ်ရှေ့မှာကျင်းပတဲ့ အပတ်စဉ် ဟောပြောပွဲတွေကလည်း အတော့်ကို အောင်မြင်နေတဲ့ ကာလပါ။ ကျနော်တို့ဆို တပတ်။တပတ် စနေ တနင်္ဂနွေရောက်ဖို့ကိုပဲမျှော်နေရတာ အဲဒီနေ့ဆို အန်တီ အိမ်ရှေ့ ( အမှတ် ၅၄၊ တက္ကသိုလ်ရိပ်သာလမ်း ) ကလမ်းမပေါ်မှာလူတွေပြည့်ကြပ်နေပြီ၊ တချို့ဆို နေ့လည် ၁နာရီ ၂ နာရီလောက်ကထဲကကြိုရောက်နေတာ။ အန်တီကို မြင်ဘူးခြင်လို့ဆိုတဲ့သူများက သူထက်ငါ ရှေ့ဆုံးမှာနေရာဦးကြတော့တာပဲ။ သူတို့ဦးထားတဲ့နေရာရောင်လို့ကိုယ်ရောက်မသွားနဲ့ ရန်ထောင်လွှတ်တာ။

“ အောင်မလေးတော် …. ငါ စုစုကိုတွေ့ခြင်လွန်းလို့ လှိုင်သာယာကနေ ၁၂ နာရီလောက်ကထဲက ဘတ်စ်ကားကြပ်ကြပ်တိုးစီးလာပြီး ဒီမှာစောင့်နေရတာ …..ဒီအချိန်ကြမှငါ့နေရာလာမလုပါနဲ့ ….ဖယ်….ဖယ် ” ဆိုမောင်းထုတ်တော့တာပဲ။ ဟောပြောပွဲက ၄ နာရီလောက်မှစတာပါ။ သူတို့က အစောကြီးကြိုလာကြတာ။ အတွေ့အကြုံလေး တစ်ခုသတိရနေသေးတယ် ၊ အဖွားအိုတစ်ယောက်ရှိတယ် သူကအပတ်စဉ် အန်တီဟောပြောပွဲကို အမြဲ မလွတ်တန်း လာတယ် ရှေ့ဆုံးမှာ အမြဲနေရာယူပြီး အန်တီ ပြောသမျှတွေကို မျက်တောင်မခပ် ၊ နားရွက်မလှုတ်နားထောင်တာ။ အန်တီက ဟောပြောပွဲစကာနီးပြီဆို အရင်ဆုံး ဟို ….. အမေရောက်ပလားဆို မိုက်ကရိုဖုန်းကိုင်ပြီး စမေးတယ် မျက်လုံးကလည်း ဟိုရှာ ဒီရှာလိုက်ရှာပေါ့ ၊ အဲဒါဆို အဲဒီအဖွားအိုက လက်ထောင်ပြတယ် ( ကျောင်းသားများလိုပဲ ---- ရောက်ပါပြီပေါ့ ) အဲဒီအခါကြခါမှ အန်တီက ဟောပြောပွဲ စတယ်။ တနေ့ --- ကျနော်က အန်တီဟောပြောပွဲအပြီး အဖွားအိုကို လဘက်ရည်ဆိုင်ခေါ်သွားပြီး မုန့်ဝယ်ကြွေးရင်း အင်တာဗျုးလုပ်မိတယ်။ အဖွားကပြောပြတာက သူတဲ့ ဒီဟောပြောပွဲကို မလာရရင် နေကိုမနေနိုင်တာတဲ့ …. သူ့သမီးတွေက အမေ့ အဖမ်းခံရလိမ့်မယ်လို့ပြောတာတောင် တားမရဘူး အသက်က ၇၀ ကျော်ပြီ ။ဒါနဲ့ ကျနော်က

” အဖွား ပြီးခဲ့တဲ့အပတ်က အန်တီပြောသွားတဲ့ထဲမှာ အဖွားကြိုက်တာလေးရှိရင် ပြောပြစမ်းပါ ” လို့မေးတော့
“ ငါ့ အဲဒါတွေ မမေးနဲ့ ငါလည်းမသိဘူး -- ငါအိမ်ပြန်ရောက်ပြီဆို --- အိမ်နားနီးချင်းတွေကလည်း မေးတာပဲ …. စုစု ဘာတွေပြောသလဲ … ဘာလည်းပေါ့ဟယ်…… ငါဘာမှ မပြောတတ်ဘူး … မှတ်လည်းမမှတ်မိဘူး ”
” ဒါဆို ဟောပြောပွဲမှာ အဖွားက ဘာတွေ လာနားထောင်တာလည်း ”
“ ငါ့ဖာသာ ငါဘာနားထောင်ထောင်ပေါ့ဟဲ့…..ဒါ ဒီမိုကရေစီပဲ ” မဲ့ရွှဲ့သွားပြီး
“ နင်တို့က စုံထောက် တွေလား ”
“ ဟာ…မဟုတ်ပါဘူး အဖွားရ…. သားတို့က ကျောင်းသားတွေပါ ”
” အေး…. ဒါဆိုလည်းပြီးရော” အဲဒီအဖွားအိုကို ကျနော့်စိတ်ထဲ ကြိတ်ပြီးတော်တော်ကြည်ညိုသွားမိတယ်။

“ ငါက အရပ်ထဲက ကောင်စီတွေလည်း အပြတ်ပြောထားတာ ( အမှန်ကတော့ ရ-၀-တ ကိုပြောတာပါ ) ဖမ်းခြင်ဖမ်း ကျုပ်ကတော့ သွားမယ် …. စုစုမျက်နှာလေး တစ်ပတ်တခါမမြင်ရရင် မနေနိုင်ပေါင် ” သာမာန်ပြည်သူတယောက်ရဲ့ ရင်ထဲက ရိုးသားစွာထွက်လာတဲ့ အသံတွေပါ။ နောက်သူက ၉၀ ပြည့်နှစ်ရွှေးကောက်ပွဲကာလက သူရဲ့ နိုင်ငံရေးလှုပ်ရှားမှု့ အကြောင်း ( စိတ်ဝင်စားဘို့ကောင်းပါတယ် ) သူ သမီးက အကြော်ရောင်းတယ် ။ သူ့ဆိုင်က လမ်းဘေးမှာတဲလေးထိုးပြီးရောင်းရတဲ့ဆိုင်ပါ။ မိသားစုပြေလည်ရုံပဲ ၀င်ပါတယ်။ ၉၀ ပြည့်နှစ်ရွေးကောက်ပွဲ ကျင်းပခါနီးတော့ သူကမဲဆွယ်စည်းရုံးရေး လုပ်တယ်။ အကြော်ရောင်းနေတဲ့ သူ့သမီးကိုပြောလိုက်တယ် ငါ့ကို ရွှေးကောက်ပွဲမပြီးမခြင်း မုန့်ဘိုးပိုက်ဆံမပေးနဲ့တော့ အဲဒီအစား ငါ့ကိုအကြော်ပဲပေးဆိုပြီး ၊ အဲဒီအချိန်က သူကဘယ်လို မဲဆွယ်သလည်းဆိုတော့ သူ့သမီးဆိုင် အကြော်လာဝယ်သူတိုင်းကို စုစု ပါတီကို မဲပေးရင် အကြော်တစ်ခု အပိုပေးမယ် ဆိုပြီး အဲသလို မဲဆွယ်ခဲ့တာ (ဘယ်သူကမှ ခန့်ထားခြင်းမရှိတဲ့ NLD ရဲ့ စည်းရုံးရေးမှုးကောင်း တစ်ယောက်ဖြစ်ခဲ့ပါတယ်။) ကျနော့်ကိုတစ်ခုတော့ ခွင့်လွှတ်ပါ - အဲဒီအဖွားအို နာမည်ကို လုံးဝကိုဖော်လိုို့မရလို့ပါ။ အဲဒီအချိန်က အန်တီခြံရှေ့ဟောပြောပွဲတွေမှာ အမြဲရောက်နေတယ့်သူတွေ မှတ်မိကြမှာပါ။ ဒီအဖွားလို ပြည်သူတွေ မြန်မာနိုင်ငံမှာ အများကြီးရှိပါတယ်။ သူတို့နိုင်ငံရေးကိုနားမလည်းဘူး ၊ သမိုင်းတင်ဘို့ကို စိတ်မ၀င်စားဘူး၊ စစ်အာဏာရှင်ကို မကျေနပ်ချက် ဒေါ်အောင်ဆန်းစုကြည်ကို ချစ်ခင်စိတ်၊ လေးစားရိုသေစိတ်တွေနဲ့ ဒီမိုကရစီနိုင်ငံတော် ဖော်ဆောင်ရေးကို တတပ်တအား ပါဝင်ကြတယ်။ သူတို့ခံယူချက် ရပ်တည်ချက်က ပြတ်သားတယ်၊ နှစ်ဘက်မခွဘူး၊ အကျိုးစီးပွား မမျှော်လင့်ဘူး၊ စကားကြီးကြီးကျယ်ကျယ်တွေနဲ့ ဆရာကြီးမလုပ်ဘူး ရိုးသားစွာနိုင်ငံရေးကိုယုံကြည်ကြတယ်။ သိပ်ချစ်စရာကောင်းတဲ့ပြည်သူတွေပါ။

နောက်တခုက ကမ္ဘာမှာ ဘယ်သူမှမကြားဘူးတဲ့ ဖြစ်ရပ်တစ်ခုကလည်း ရှိသေးတယ်ဗျ။ ကိုယ်ချစ်ခင်လေးစား ရိုသေတဲ့သူကို ကျန်းမာပါစေဆို ဆုတောင်း မိလို့ ထောင်နှစ်ရှည်လများ အချခံရတာ ကြားဘူးလားမသိဘူး၊ မြန်မာပြည်မှာ တကယ်ဖြစ်ခဲ့တဲ့ အဖြစ်ပျက်ပါ။ အန်တီအိမ်ရှေ့ဟောပြောပွဲမှာ အန်တီကို “ ဒေါ်အောင်ဆန်းစုကြည် --- ကျန်းမာပါစေ ” ဆိုပြီး ရှေ့ကတိုင်ပေးတဲ့သူတွေကို ထောင် ၇ နှစ်ဆီ တန်းစီပြီး ချပစ်လိုက်တယ်။ စီမံချက်နဲ့ကိုချတာ။ အဲဒီအမှု့တွဲတွေကို ထောင်ထဲမှာ ကျနော်တို့ နံမည်ပေးထားတာ “ ကျန်းမာပါစေ အမှု့တွဲများ ” ဆိုပြီး၊ ကျနော်မှတ်မိသလောက် ဒလက ကိုဘော့လုံး ခေါ် ကိုမြဟန်၊ ကိုသန့်ဇင် (ယခု အမေရိကား ၊ တက္ကဆပ်ပြည်နယ် ) ၊ ဦးသောင်းအေး ( ဖျာပုံ ) စုစုပေါင်း ၃၀ လောက်ရှိမလားမသိဘူး။ ကျနော် အဲဒီအကြောင်း ကိုတခြားသူတွေပြောပြတော့ မယုံကြဘူး၊ နိုင်ငံခြား သားတွေကို ပြောပြရင်တောင်မှ သူတို့က စစ်အစိုးရကို မုန်းလို့ လုပ်ကြံပြောတယ်ပဲထင်ကြတာ။ ဒေါ်အောင်ဆန်းစုကြည်----- ကိုကျန်းမာပါစေလို့ တိုင်မိရုံလေးနဲ့ ထောင်ချတယ်ဆိုတာကတော့မဖြစ်နိုင်ပါဘူး …. ဘယ်လိုမှမဖြစ်နိုင်ပါဘူး ၊ တခြားကိစ္စဆိုရင်တော့ ဟုတ်ခြင်ဟုတ်မှာပေါ့ စသည် စသည်ဖြင့် တော်တော်များများက မယုံခဲ့ကြဘူး။ အမှန်ကတော့ တကယ်ကိုဖြစ်ပျက်ခဲ့တဲ့ကိစ္စဆိုတာ ကာယကံရှင်များနဲ့ နိုင်ငံရေး အသိုင်းဝိုင်းတစ်ခုလုံး သိကြပါတယ်။ စစ်အစိုးရဟာ အဲသလောက် ရက်စက်ခဲ့ပါတယ်။ ကျနော် ဇာတ်နာအောင်ပြောပြနေတာမဟုတ်ပါဘူး။ သူတို့ခမျာ မိသားစုဘ၀တွေပျက်၊ အိမ်ထောင်တွေကွဲနဲ့ ဘ၀ကိုခါးသီးစွာ ရင်ဆိုင်ခဲ့ရရှာတယ်။ ဖျာပုံက ဦးသောင်းအေးဆိုတဲ့ ပုဂ္ဂိုလ်ဆိုရင် စိတ်ဝေဒနာရှင် သူ့သားလေးကို ဆေးကုဖို့ ရန်ကုန် စိတ်ရောဂါကုဆေးရုံကိုလာပို့တာ၊ အချိန်ရသခိုက် အန်တီစုဟောပြောပွဲကို လားနားထောင်ရင်း ဒေါ်အောင်ဆန်းစုကြည် ကျန်းမာပါစေဆို့ အော်ဟစ် ဆုတောင်းပေးရုံလေးနဲ့ ထောင် ( ၇ ) နှစ်အချခံလိုက်ရတယ်။ ကျန်ခဲ့တဲ့ သူ့သား စိတ်ဝေဒနာရှင် ဘာတွေဆက်ဖြစ်သွားသလည်းဆိုတာ ကျနော်လည်းမသိတော့ဘူး၊

ကိုဘော့လုံး ခေါ် ကိုမြဟန်ဆိုသူနဲ့က ကျနော်နဲ့ အင်းစိန်တွဲဘက်ထောင်တိုက်ခန်းထဲမှာ အတူနေခဲ့ဘူးတယ်။ သူစိတ်အားထက်သန်မှု့ကလည်း အထက်မှာ ကျနော်ဖော်ပြခဲ့တဲ့ အဖွားအိုလိုပဲ၊ အန်တီစုဟောပြောပွဲပြီးလို့ ဘာတွေပြောခဲ့သလည်း မေး လုံးလုံးမသိတော့ဘူး ၊ သူက အန်တီ ဟောပြောပွဲအပြီး ဒေါ်အောင်ဆန်းစုကြည် -- ကျန်းမာပါစေ ဆို ရှေ့ကတိုင်ပေးရတာကို စွဲလန်းနေတာ။ ခေတ်စကားနဲ့ပြောရရင် ညိနေတာ။ သူ့ကိုဖမ်းတော့ အရက်နည်းနည်းလည်း မူးနေတယ် သူ့အိမ်ပြန်ရောက်သည်အထိ ထောက်လှမ်းရေးက နောက်ယောင်ခံလိုက်လာပြီး ညတော်တော်လေး မိုးချုပ်မှဝင်ဖမ်းတယ်။ ဖမ်းပြီးတော့ ထောက်လှမ်းရေးကမေးတယ်------ “ မင်း …… ကျန်းမာပါစေကို ဘယ်လိုတိုင်လည်း ….. လုပ်စမ်းပါဦး …သရုပ်ပြလေး ” ဆိုတော့ သူကရှေ့ကတိုင်ပြတယ် “ ဒေါ်အောင်ဆန်းစုကြည် ----------- နောက်ကဘယ်သူဆီကမှအသံပါမလာဘူး ( ထောက်လှမ်ေးရးတွေပဲ ဘယ်လိုလုပ်နောက်က လိုက်ဆုတောင်းပေးလိမ့်မလည်း )၊ နောက်တစ်ခါ၊ နှစ်ခါ -------- ဒေါ်အောင်ဆန်းစုကြည် ------ အဲဒီတော့ သူက စိတ်မရှည်တော့ဘူးထင်ပါရဲ့“ ဟာ…ဆရာတို့ကလည်း ကျနော်က ရှေ့ကနေ ဒေါ်အောင်ဆန်းစုကြည်ဆိုတိုင်လိုက်ရင် ……… ကျန်းမာပါစေဆိုတာလေး လိုက်ထောက်ပေးဦးလေ …. ဒါမှပီပြင်မှပေါ့ ” ဆိုခပ်ထွေထွေလေးပြန်ပြောလိုက်တာနဲ့ ထောက်လှမ်းရေးတွေက “ အေး …. ထောက်ပေးမှာပေါ့ …. လုပ်ပါဦး နောက်တစ်ခေါက်ဆိုတော့ သူက သူလုပ်ပြတာ သဘောကျတယ်ထင်ပြီး နောက်တစ်ခေါက် ထပ်အော်အပြီးမှတော့----- လက်သီးတွေ၊ တံတောင်တွေ---- ဒူးတွေ ၀င်လာတော့တာပဲ။

ကိုဘော့လုံးရဲ့အဖြစ်ကလည်း ဒီလိုပါ။ ထောင်ထဲရောက်တော့ သူကကျနော်တို့ကို ရှင်းပြတာ။ ထူးခြားချက်တစ်ခုကလည်း အန်တီအိမ်ရှေ့ ဟောပြောပွဲမှာ အတိုက်အခံနိုင်ငံရေး အင်အားစု တော်တော်များများကို ပြန်ဆုံတွေ့ရခြင်းပါပဲ။ ထောင်ထဲ၊ တောထဲ နဲ့ ကွယ်လွန်သွားတဲ့သူတွေ နိုင်ငံရပ်ခြားရောက်နေတဲ့သူတွေ ကလွဲရင် တော်တော်များများလောက် ဆုံဖြစ်ကြပါတယ်။ ကျနော်တို့ တကသ တောင်မှ ကိုမိုးကြိုး (ယခု - ထိုင်းနိုင်ငံ မဲဆောက်မြို့က အလုပ်သမားရေးတွေလုပ်နေတဲ့ JACBA အဖွဲ့ရဲ့ တာဝန်ခံ ) နဲ့ ကိုထက်ရာဇာ ( ယခင် DVB မဲဆောက်သတင်းထောက်ဟောင်း ) တို့ ခေါင်းဆောင်တဲ့ ဗမာနိုင်ငံလုံးဆိုင်ရာ ကျောင်းသားလူငယ်များ အစည်းအရုံး ( ဗကလစ ) နဲ့ ချိပ်ဆက်လက်တွဲနိုင်ခဲ့တယ်။ လူငယ် ကျောင်းသားတွေ ။ တက်ကြွလှုတ်ရှားသူတွေကိုစည်းရုံးလှုံ့ဆော်ပြီး နိုင်ငံရေး လှုy်ရှားမှု့တွေ တွန်းတွန်း တိုက်တိုက်လုပ်ခဲ့တယ်။ အဲဒီအချိန်က နိုင်ငံရေးလောကနဲ့ စိမ်းစိမ်းအနေထားကနေ တကသ - ကိုဝင်ရောက် လှုပ်ရှားခဲ့တဲ့ ကျောင်းသားအချို့ ယနေ့ထက်တိုင် ပြည်တွင်းမှာ အမာခံလှုတ်ရှားစဲပါ။ ကျနော်တို့ အဓိကထား လုပ်ဆောင်ခဲ့တာကတော့ အမျိုးသားပြန်လည်သင့်မြတ်ရေးလမ်းစဉ် ------ အန်တီနဲ့တွေ့ခဲ့တဲ့အချိန်က အဲဒီသဘောတရားကို ကျနော်က ရှင်းရှင်းလင်းလင်း မေးခဲ့တယ် ။ အမျိုးသားပြန်လည်သင့်မြတ်ရေးဆိုတာ ဘာလည်း ၊ ဘာလို့မဖြစ်မနေလိုအပ်တာလည်း အဲဒီမေးခွန်းရဲ့အဖြေကို အန်တီက ဒီလိုပြောခဲ့ပါတယ်၊ လွတ်လပ်ရေးမရခင်ရော ရပြီးရော အချိန်ကစလို့ တမျိုးသားလုံးရဲ့ညီညွတ်ရေး တနည်းအားဖြင့် သင့်မြတ်ရေးဟာ ယနေ့ထိတိုင်အောင် ဖြေရှင်းနိုင်ခြင်းမရှိပါဘူးတဲ့၊ ဖေဖေ ( ဗိုလ်ချုပ်အောင်ဆန်း ) လက်ထက်တောင်မှ အစွမ်းကုန်ကြိုးစားခဲ့သော်လည်းပဲ.. ဗိုလ်ချုပ်လုပ်ကြံခံ သေဆုံးသွားတော့ ပိုဆိုးသွားတော့တာပေါ့ ၊ နောက်လူတွေမှာပိုဆိုးလာတာ အခုထိပါပဲ။ ဒီလိုသင့်မြတ်ရေးမရှိပဲ တိုင်းပြည်ကို ထူထောင်ဘို့ဆိုတာ ခက်ခဲပါလိမ့်မယ်။ ( ၀န်ခံချက် - အန်တီပြောသွားတာ ဒီသဘောတရားပါ - စကားလုံးအားဖြင့်တော့ တိကျခြင်မှတိကျပါလိမ့်မယ် ) ဒီကိစ္စကိုခက်ခက်ခဲခဲကြိုးစားကြရမှာပါ။

ဘယ်သူတွေနဲ့ ဘယ်လိုသင့်မြတ်ရမှာလည်း ? ဒါ့ရဲ့ အဖြေကတော့ ယနေ့တိုင်းပြည်မှာ လိုအပ်နေတဲ့ အမျိုးသားပြန်လည်သင့်မြတ်ရေးဆိုတာ - NLD အပါဝင် အတိုက်အခံအင်အားစုတွေရယ်။ လက်ရှိ နအဖ စစ်ခေါင်းဆောင်တွေရယ်။ တိုင်းရင်းသား လက်နက်ကိုင်နဲ့ နိုင်ငံရေးအင်အားစုတွေရဲ့ ညီညွတ်ရေး ၊ သင့်မြတ်ရေးပါ။ ကျနော်တို့အဖို့ကတော့ ဒီလောက်ခက်ခဲပြီး နှစ်ပေါင်းများစွာ ဖြေရှင်းခဲ့တာတောင် မပြေလည်နိုင်ခဲ့တဲ့ ပြန်လည်သင့်မြတ်ရေးဆိုတာကိုကြိုးစားဘို့ဆိုတာ အိပ်မက်တစ်ခုကို မက်နေရသလိုပါပဲ။ ဒါပေမဲ့ ယုံကြည်ချက်တခုတော့ရှိပါတယ်။ လက်တွေ့ဆိုတာ စိတ်ကူးအိပ်မက်တွေကလာကြတာပါ။ အန်တီစုလို့ လူထုခေါင်းဆောင် တစ်ယောက်မားမားမတ်မတ် ရပ်တည်ပေးထားတဲ့အတွက် အများကြီးတော့ အားရှိစေခဲ့ပါတယ်။ နောက်တစ်ခုက ဒီကိစ္စကိုဆောင်ရွှက်ရတာဟာ ကြိုးတန်းပေါ်လမ်းလျှောက်ရသလိုပါပဲ။ အချိန်မရွှေးပြူတ်ကျသွားနိုင်ပါတယ်။ သေချာတာတစ်ခုကတော့ နောက်ဆုံး ကျနော် ထောင်ထဲပြူတ်ကျသွားပါတယ်။ တချို့ ရိုးသားစွာ ဆောင်ရွှက်ချက်တွေအပေါ် ကြီးမားစွာ အထင်မှား ခြင်းဆိုတဲ့ အရာတွေနဲ့ရင်ဆိုင်ခြင်းခံခဲ့ရပါတယ်။ အဲဒီအကြောင်းဆက်လက်တင်ပြပေးပါဦးမယ်။ ဒါပေမဲ့လို့ အန်တီစုရဲ့ အမှာစကားက ကျနော်တို့ နှလုံးသားထဲ ပဲ့တင်သံထပ်ခါ ထပ်ခါ ရိုက်ခပ်စေခဲ့ပါတယ်။

အဲဒါက-------
နိုင်ငံရေးကို နှလုံးသားနဲ့မလုပ်ပါနဲ့ ဦးဏှောက်နဲ့လုပ်ပါတဲ့
နိုင်ငံရေးကို နှလုံးသားနဲ့မလုပ်ပါနဲ့ ဦးဏှောက်နဲ့လုပ်ပါတဲ့

အပိုင်း ( ၄ ) ဆက်ပါမည်။

မောင်မောင်ဝမ်း

နအဖ၂၀၁၀ရွေးကောက်ပွဲမှာတိရိစ္ဆာန်စိတ်နဲ့လူမျက်နှာတွေအုပ်ချုပ်နေကြတဲ့ ကြံ့ဖွံ့ကို မဲမပေးရန် ဌာနဆိုင်ရာအရာရှိက ပြော

ကြံ့ခိုင်ဖွံ့ဖြိုးရေးပါတီကို မဲမပေးရန် ဌာနဆိုင်ရာ အရာရှိကိုယ်တိုင် ပြောသည့်အတွက် အောက်ခြေဝန်ထမ်းများ ဝမ်းသာရကြောင်း အစည်းအဝေးတက်ရောက်ခဲ့သည့် ဝန်ထမ်းတဦးက ပြောသည်။

ဧရာဝတီတိုင်း၊ ဖျာပုံခရိုင် ငါးလုပ်ငန်းဦးစီးမှူး ဦးမြင့်စိုးက ယခု (၁၃) ရက်နေ့က ပြုလုပ်သည့် ငါးလုပ်ငန်း အစည်းအဝေးတွင် ပြောဆိုခြင်းဖြစ်သည်။

“တော်တော်အံ့သြသွားတယ်၊ ငါးလုပ်ငန်းနဲ့ ပတ်သက်တဲ့ အစည်းအဝေးမှာ ပြောတာ၊ အဲဒီမှာ ကြံ့ဖွံ့နဲ့ပတ်သက်ရင် မဲမပေးဖို့ ပြောတယ်၊ ပေးခဲ့မယ်ဆိုရင် တခုခုအစီအစဉ်နဲ့ ပြုတ်အောင်လုပ်မယ် ပြောတယ်၊ ထည့်ခဲ့ရင်လည်း အရေးယူမယ်ဆိုပြီး ပြောတာ၊ ဝန်ထမ်းတွေလည်း ဒီလိုပြောတော့” ဟု ဝန်ထမ်းတဦးက ပြောသည်။

ဝန်ထမ်းများအနေဖြင့်လည်း ယခင်ကတည်းက ကြံ့ဖွံ့ပါတီကို မနှစ်သက်ကြသည့်အပြင် ၂၀၁၀ ရွေးကောက်ပွဲတွင်လည်း မည်သည့်ပါတီကိုမှ မဲပေးခြင်းမပြုဘဲနေရန် ဆုံးဖြတ်ထားကြောင်း ၎င်းက ဆက်ပြောသည်။

“ကျနော်တို့ ဝန်ထမ်းတွေကတော့ ဘယ်မှ မထည့်ဖို့ ဆုံးဖြတ်ထားတာ၊ ကျနော်တို့ လူကြီးမပြောခင်ကတည်း စိတ်ထဲမှာ ရှိနေတာ၊ အခုလို ပြောတော့ ကျနော်တို့ ဝန်ထမ်းတွေ အရမ်းဝမ်းသာပါတယ်၊ အဓိကကတော့ ကြံ့ဖွံ့ကို မဲမပေးဖို့ အရာရှိတဦးက ဒီလိုရဲရဲဝံ့ဝံ့ပြောတာ” ဟုပြောသည်။

စစ်အစိုးရဝန်ကြီးများကိုယ်တိုင် ၂၀၁၀ ရွေးကောက်ပွဲတွင် ကြံ့ခိုင်ရေးပါတီမှ ကိုယ်စားလှယ်လောင်းများအဖြစ် ဝင်ရောက် အရွေးခံရန်အတွက် နည်းမျိုးစုံကြိုးစားနေလျှက်ရှိသည်။

မွေးမြူရေးနှင့် ရေလုပ်ငန်းဝန်ကြီး ဦးမောင်မောင်သိန်းသည်ပင်လျှင် တနင်္သာရီတိုင်းအတွင်းမှ ရွေးကောက်ပွဲ ဝင်ရန် ကြိုးစားနေချိန် ၎င်းလက်အောက် ဌာနအရာရှိများက ကြံ့ဖွံ့ပါတီကို မဲမပေးရန်ပြောဆိုခြင်းမှာ ပထမဆုံး ဖြစ်သည်။

သတင်း..ရိုးမ(၃)

နအဖ၂၀၁၀ရွေးကောက်ပွဲမှာတိရိစ္ဆာန်စိတ်နဲ့လူမျက်နှာတွေအုပ်ချုပ်နေကြတဲ့ ကြံ့ဖွတ်များ

ပြည်သူ့ဆန္ဒကို မဆန့်ကျင် ချင် လို့ ရွေးကောက်ပွဲ မဝင် တာလို့ ဒေါ်အောင်ဆန်းစုကြည် ပြော

၁၉၉၀ ရွေးကောက်ပွဲ မှာ အမျိုးသား ဒီမိုကရေစီ အဖွဲ့ချပ် ကို တခဲနက် ထောက်ခံမဲ ပေးခဲ့ တဲ့ ပြည်သူ့ ဆန္ဒ ကို မဆန့်ကျင် လိုတဲ့ အတွက် အခု ထပ်လုပ်တဲ့ ရွေး ကောက်ပွဲ ကို သူကိုယ်တိုင်ကော၊ သူ့ပါတီ က ပါ မဝင်တာ ဖြစ်ကြောင်း ဒေါ်အောင်ဆန်းစုကြည် က ပြော ပါတယ်။

နေအိမ်ချုပ်ကျခံရတဲ့ အမှုကိစ္စ အယူခံ အတွက် သူ့ ရှေ့နေတွေ က ဒေါ်အောင်ဆန်းစုကြည် ကို သောကြာနေ့ က သွားရောက် တွေ့ဆုံ စဉ်မှာ အခုလို စကား ကို ပြောခဲ့တာ ဖြစ် ကြောင်း သူ့ရဲ့ ရှေ့နေ တဦး ဖြစ်တဲ့ ဦးဉာဏ်ဝင်း က ဘီဘီစီ ကို ပြော ပါတယ်။

အခု လာမယ့် ရွေးကောက်ပွဲ ပြီး သွားရင်လဲ ပြည်သူ့ဆန္ဒ အပေါ် ကို သာ ကြည့်တဲ့ အခြေခံမူ အပေါ်မှာ သာ ခံယူသွားမည့် လို့ လည်း ဒေါ်အောင်ဆန်း စုကြည် က ပြော ကြောင်း ဦးဉာဏ်ဝင်း က ဆို ပါတယ်။

အခု ၂၀၁၀ ရွေးကောက်ပွဲ ရလဒ် ကို အိမ်နီးချင်း နိုင်ငံ တွေက ထောက်ခံ လိုက်ရင် ၁၉၉၀ ရွေးကောက်ပွဲ ရလဒ် ကို ဆက်ကိုင်စွဲ ဖို့ လက်တွေ့မှာ ဖြစ်နိုင်ပါ့ မလား ဆိုတဲ့ ဘီဘီစီ ရဲ့ အမေး ကို တော့ ဦးဉာဏ်ဝင်း က လာမယ့် ရွေးကောက်ပွဲ ပြီးချိန် မှာ လူထု ဆန္ဒ အရ ဖြစ်လာသလား ဆိုတဲ့ အခြေအနေ တွေ က ပို ရှင်းလင်း သိသာ လာမယ့် အကြောင်း ဖြေကြား သွားပါတယ်။

သတင်း..ဘီဘီစီ

အမျိုးသားဒီမိုကရေစီအဖွဲ့ချုပ် ရပ်တည်ရေး တရားဝင်နည်းလမ်းအရ ဆောင်ရွက်လျှက်ရှိသည့် ကိစ္စ ကြေငြာချက်(ပြည်တွင်း)

ကိုလူချောအား ကျေးဇူးတင်ပါသည်။

နအဖရွေးကောက်ပွဲကို ၀င်ပြိုင်မယ့်ကြံ့ ဖွတ် တွေ့ထဲမှာလဲ မဆလက လူတွေလဲပါသကွဲ့....

နအဖရွေးကောက်ပွဲကို ၀င်ပြိုင်မယ့်သူတွေ မဆလခေတ်က အာဏာရှင် နေ၀င်းရဲ့  ရုပ်သေးရုပ် သမ္မတဟောင်း စန်းယုရဲ့  သားမက်ဖြစ်သူ ဦးမောင်မောင်ဝင့်ကလည်း ဗဟန်းမြို့ နယ်ကနေ ကြံ့ ဖွတ်အမတ်အဖြစ် ၀င်ပြိုင်ဦးမတဲ့၊ မဆလ န၀တ နအဖ အစဉ်အဆက် အာဏာရူးမျိုးဆက်တွေဟာ ပြည်သူတွေကို ဆက်လက်ညဉ်းပမ်းဖို့  အတူတူဘဲဆိုတာ သိမြင်စေလိုပါတယ်။

တပ်ထဲမှာ ကြံ့ဖွံ့ကိုပဲ မဲပေးရမယ်လို့ အထက် အရာရှိတွေက ညွှန်ကြားချက် ထုတ်ထားကြောင်း

ရွေးကောက်ပွဲရက် နီးလာချိန်မှာ တပ်ထဲမှာ ကြံ့ဖွံ့ကိုပဲ မဲပေးရမယ်လို့ အထက် အရာရှိတွေက ညွှန်ကြားချက် ထုတ်ထားကြောင်း တပ်တွင်း မိသားစုတွေက ဘီဘီစီကို ပြောပြပါတယ်။

တိုင်းစစ်ဌာနချုပ်တွေကနေ သူတိုရဲ့ လက်အောက်ခံ တပ်ရင်းတွေကို ညွှန်ကြားခဲ့တယ်လို့ သတင်းရရှိပါတယ်။

ညွှန်ကြားချက် ထုတ်ထားတဲ့ တပ်ရင်းတွေထဲမှာ ဟင်္သာတမြို့က ခလရ ၁၈ လည်းပါဝင်ပြီး အဲဒီက တပ်တွင်း မိသားစုဝင် တယောက်က တပ်ထဲမှာ ဒေါ်အောင်ဆန်းစုကြည် မပါတဲ့ ရွေးကောက်ပွဲကို မဲမပေးဘူးဆိုတဲ့ အမြင်မျိုးရှိတာ ဘီဘီစီကို ပြောပြပါတယ်။

တချို့ကလည်း ဘယ်သူ့ကိုမှ မဲမပေးဘူးဆိုတဲ့ သဘောထားတွေ ရှိတယ်လို့သိရပါတယ်။

စစ်တပ်ထဲမှာ အထွေထွေ မကျေနပ်မှုတွေကြောင့် မကြာသေးခင်ကာလတွေက တချို့ တပ်ရင်းတွေမှာ အာဏာဖီဆန်မဲ့ အရိပ်အယောင်တွေ တွေ့ခဲ့ရပါတယ်။

ခုလည်း ကြံ့ခိုင်ရေး ပါတီကို မဲထည့်ဖို့ အမိန့်ကို ဆက်လက် ဆန့်ကျင်လာတာ တွေ့ရတယ်လို့ ဘီဘီစီ သတင်းထောက် ဦးသန်းက ပြောပါတယ်။

တပ်ထဲမှာ ကျပ်တည်းမှုတွေ ဆက်ရှိနေပြီး ရိက္ခာ မလုံလောက်မှုကြောင့် မကျေနပ်မှု အရင်းခံ ရှိနေကြောင်း တပ်တွင်း မိသားစုဝင် တယောက်က ပြောပြပါတယ်။

မကြာသေးခင်ကပဲ တပ်ထဲက တပ်သားတွေရဲ့ စုငွေတွေကို အထက် အာဏာပိုင်တွေက လာသိမ်းသွားတာကို မကျေနပ်တဲ့ အတွက် တိုင်တန်းမှုတွေ ရှိခဲ့ပြီး ဒီကိစ္စတွေကို ခုထိ မဖြေရှင်းနိုင်သေးဘူးလို့သတင်းရရှိပါတယ်။

သတင်း..ဘီဘီစီ

ငဝန်မြစ်အတွင်း စက်လှေ နစ်မြုပ်ပြီး ပျောက်ဆုံးသွားသော ၃ ဦးအား သေဆုံးလျက်ပြန်တွေ့

ဧရာဝတီတိုင်းဒေသကြီး၊ လပွတ္တာမြို့နယ် ငဝန်မြစ်အတွင်း အောက်တိုဘာ ၆ ရက်က ကျောင်း ကြိုပို့စက်လှေနစ်မြုပ်မှုကြောင့် ပျောက်ဆုံးနေသူ ၃ ဦးအား အောက်တိုဘာ ၇ ရက်တွင် ကယ် ဆယ်ရေးအဖွဲ့ဝင်များမှ သေဆုံး လျက်ရှိသည့်အနေအထားဖြင့် ပြန် လည်တွေ့ရှိခဲ့ကြောင်း လူမှုဝန် ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာနမှသိရ သည်။

အဆိုပါ ကျောင်းကြိုပို့ ဖားကူး စက်လှေမှာ အောက်တိုဘာ ၆ ရက် နံနက် ၇ နာရီခွဲအချိန်၌ လပွတ္တာမြို့နယ်မှ မိုင် ၃ဝ ခန့် ဝေး ကွာသော စလူဆိမ့်ကျေးရွာမှ ပိတောက်ကုန်းကျေးရွာသို့ ငဝန် မြစ်လက်တက်အား ဖြတ်ကူးမောင်း နှင်လာစဉ် ပဒဲကောကျေးရွာအနီး သို့အရောက် ရေဝဲမိကာ စက်လှေ နစ်မြုပ်ခဲ့ခြင်းဖြစ်ကြောင်း၊ ထို စက် လှေပေါ်တွင် ကျောင်းပေါင်းစုံ ဘောလုံးပြိုင်ပွဲသို့ သွားရောက် ယှဉ်ပြိုင်ကြမည့် စလူဆိမ့်ကျေးရွာ၊ ပဒဲကော ရွာနှင့် ပိတောက်ကုန်းကျေး ရွာတို့မှ ကျောင်းသားကျောင်းသူ များ၊ ဆရာဆရာမများနှင့် မိဘ ဆရာအသင်းဝင်များ အပါအဝင် စုစုပေါင်းခရီးသည် ၇၉ ဦး လိုက်ပါ လာကြခြင်းဖြစ်ကြောင်း၊ စက်လှေ နစ်မြုပ်မှုကြောင့် မူလတန်းပြနှင့် လုပ်အားပေးဆရာမ ၂ဦး၊ အသက် ၈ နှစ်မှ ၁၅ နှစ်အတွင်းရှိ ကျောင်း သား ကျောင်းသူ ၁၄ ဦးနှင့် မိဘ ဆရာအသင်းဝင်၂ ဦးတို့ သေ ဆုံးခဲ့ပြီး မိဘဆရာအသင်းဝင်၁ ဦး နှင့် ကျောင်းသား ၂ ဦးတို့ ပျောက် ဆုံးကာ ကျန်ခရီးသည် ၅၇ ဦးအား ကယ်ဆယ်နိုင် ခဲ့ကြောင်း သိရသည်။

စက်လှေနစ်မြုပ်မှုတွင် ကယ် ဆယ်ခဲ့သည့် တာဝန်ရှိသူတစ်ဦးမှ ”ဒီကိစ္စဖြစ်ဖြစ်ချင်း ကလေးတွေကို ကယ်ဖို့ အမြန်ဆုံးစီစဉ်ခဲ့ရတယ်။ အခု ဖြစ်သွားတဲ့ စက်လှေမှာပါတာ က စလူဆိမ့်ရွာက အများဆုံးပဲ။ ပျောက်နေတဲ့ မောင်ဆပ်ပိုင်မှူး၊ မောင်ဝင်းမင်းကိုနဲ့ မလှမျိုးအေးတို့ ကိုလည်း အောက်တိုဘာ ၇ ရက် က ရေဝေ ချောင်းထဲမှာ အလောင်း ပြန်ရခဲ့ပါတယ်။ အသက်ရှင် ကျန်ခဲ့ တဲ့ကလေးတွေကလည်း ဒီဖြစ်ရပ် ကို တော်တော်လေး ထိတ်လန့်နေ ကြတယလို့ပြောပါသည်။ ဆုံးသွားတဲ့သူတွေကို တော့ အောက်တိုဘာ ၉ ရက်မှာ မြေချပါတယ်” ဟု သိရပါသည်။