24 November 2010

လူထုခေါင်းဆောင် ဒေါ်အောင်ဆန်းစုကြည် သားငယ်ဖြစ်သူ ကိုထိန်လင်းနှင့် မနက်ဖြန် ၂၄ရက်နေ့ မနက်(၇)နာရီမှာ ရွှေတိဂုံဘုရားသို့ သွားရောက်ဖူးမြော်မည်..။


လူထုခေါင်းဆောင် ဒေါ်အောင်ဆန်းစုကြည်နဲ့ သားငယ် ကိုထိန်လင်းတို့ဟာ မနက်ဖြန် မနက်(၇)နာရီမှာ မြန်မာပြည်ရဲ့ အထင်ကရ ရွှေတိဂုံစေတီတော်မြတ်ကြီးအား သွားရောက်ဖူးမြော်မည် ကြည်ညိုမည် ဖြစ်ကြောင်း သိရှိရပါတယ်..။

(UNDP) ဋ္ဌာနေကိုယ်စားလှယ် အကြီးအကဲ Mr Bishow Parajuli

ယနေ့မနက် ၁၀နာရီမှာတော့ လူထုခေါင်းဆောင် ဒေါ်အောင်ဆန်းစုကြည်မှ မြန်မာပြည်ဆိုင်ရာ (UNDP) ဋ္ဌာနေကိုယ်စားလှယ် အကြီးအကဲ Mr Bishow Parajuli အားလက်ခံတွေ့ဆုံ စကားပြောဆိုခဲ့ပါတယ်..။ ယနေ့နိုင်ငံအသီးသီးမှ ဆက်သွယ်မေးမြန်းချက် အင်တာဗျူးများအား ပြန်လည် ဖြေကြားခဲ့ကြောင်း ရှေ့နေကြီးဦးဥာဏ်ဝင်းက ပြောဆိုပါတယ်..။

ရှေ့နေကြီးဦးဥာဏ်ဝင်း လက်ကိုင်ဖုန်း ဖြတ်တောက်ခံရခြင်း မဟုတ်ကြောင်းပြောဆို..

ယနေ့ အင်တာနက် သတင်းစာမျက်နှာများမှာ ပါရှိတဲ့ ရှေ့နေကြီးဦးဥာဏ်ဝင်း လက်ကိုဖုန်းဖြတ်တောက်ခံရခြင်း သတင်းအား မေးမြန်းကြည့်ရာမှာ လတ်တလော နေ့စဉ်ရက်ဆက် အရေးကြီး ကိစ္စများ လုပ်ဆောင် နေရသဖြင့် မအားမလပ်သောကြောင့် ဘီလ်ဆောင်ရန် အချိန်မရသဖြင့် ဖုန်းပိတ်ထားသည်ကို မသိရှိလိုက်ခြင်း ဖြစ်ကြောင်း.... ယနေ့သွားရောက် ဘီလ်ဆောင်ပြီး ဖြစ်တဲ့အတွက် မနက်ဖြန်မှာ ပြန်လည် ဆက်သွယ်နိုင်မှာ ဖြစ်ကြောင်း ပြောဆိုသွားပါတယ်..။

သတင်း... ဒီမိုဝေယံ

အမျိုးသားဒီမိုကရေစီအဖွဲ့ချုပ် (NLD) ပါတီတရားဝင် ရပ်တည်ခွင့်နှင့် စပ်လျဉ်း၍ ဘဘဦးဝင်းတင်အားဆက်သွယ်မေးမြန်းချက်(ရုပ်/သံ)


မျှဝေ ပေးသော ကိုဒေါင်းမာန်ဟုန် အားကျေးဇူးတင်ရှိပါသည်.။

မိခင် ဒေါ်အောင်ဆန်းစုကြည် နှင့် သားငယ် မောင်ထိန်လင်း တို့၏ ပျော်ရွှင် ကြည်နှုးနေကြသော ရုပ်သံ မြင်ကွင်း



23 November 2010

မိခင် ဒေါ်အောင်ဆန်းစုကြည် နှင့် သားငယ် မောင်ထိန်လင်း တို့၏ ပျော်ရွှင် ကြည်နှုးနေကြသော သတင်းဓာတ်ပုံမြင်ကွင်း


သား အားခြေလှမ်း သွက်သွက် ဖြင့် သွားရောက်ကြိုဆို နေသော မိခင်


သား အားတွေ့မြင်ခွင့်ရတဲ့ မိခင် ရဲ့ ပျော်ရွှင်နေသော ပုံရိပ် အခြေအနေအကြောင်းတရားတွေကြောင့်မတွေ့ ရသော မိခင်များနှင့် သားများ လည်းအမြန်ဆုံးပြန်လည် တွေ့ကြရပါစေ.။

မိခင် ရဲ့ နွေးထွေးမှု ပုံရိပ်

မိခင် နှင့် သား

ကျမတို့ ခေါင်းဆောင် နှင့် သားငယ်



မိခင်တယောက်ရဲ့ သားကို ကြိုဆိုနေတဲ့ အပြုံး ဝေးကွာနေကြတဲ့ သားအမိတွေလည်း အမြန်ဆုံးပြန်လည်ဆုံတွေ့ကြပါစေ.။

မိခင် ရဲ့ လက်ကို ဒီလို မတွဲရတာ (၁၀)နှစ် ကျော်သွားခဲ့ရသော မောင်ထိန်လင်း


သားငယ် ကို ပြန်လည်တွေ့ ရလို့ ဝမ်းသာကြည်နှုး နေသော ကျမတို့ ခေါင်းဆောင်


မိခင်ရဲ့ အပြုံးကို ကြေနပ် ပီတိ ဖြစ်နေရှာသော မောင်ထိန်လင်း


သားငယ် လက်မောင်းက တက်တူးလေးကတော့ အမျိုးသားဒီမိုကရေစီအဖွဲ့ချုပ် အလံ ပါဘဲ..။



သားအမိ နှစ်ယောက် ရဲ့ ကြည်နှုးမှု ပုံရိပ်


မိခင် ရဲ့ လက်ကို အားရ ဝမ်းသာ ဂုဏ်ယူ စွာနဲ့ တွဲလာခဲ့သော မောင်ထိန်လင်း

ဓာတ်ပုံ...AP


ယနေ့တွင် ၂၁ ရာစု ပင်လုံညီလာခံ ဖော်ဆောင်ရေးအား လူငယ်များ တက်တက်ကြွကြွ “ဝန်းရံ” ပေးကြရန်လည်း ဆွေးနွေးခဲ့ခြင်း




အမျိုးသားဒိမိုကရေစီအဖွဲ့ချုပ် အထွေထွေ အတွင်းရေးမှူးဒေါ်အောင်ဆန်းစုကြည်နှင့် NLD ဗဟို လူငယ်ဖော်ဆောင်ရေး ခေါင်းဆောင် ၈ ဦးတို့ တွေ့ဆုံပြီး တပတ်ခန့်အကြာတွင် တိုင်းနှင့်ပြည်နယ်မှ လူငယ်ခေါင်းဆောင်များနှင့် ယနေ့ တွေ့ဆုံခဲ့သည်။ တက်ရောက်ခဲ့ကြသော လူငယ်ခေါင်းဆောင်များတွင် အမျိုးသမီးများ အများဆုံးတွေ့ရပြီး ဒုဥက္ကဋ္ဌ ဦးတင်ဦး၊ ဗဟိုလူငယ်အကြံပေး ဦးအုန်းကြိုင်တို့လည်း တက်ရောက်သည်။

ဗိုလ်ကြီးဝင်းထိန်ကို အမျိုးသားဒိမိုကရေစီအဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် ၏ လုံခြုံရေးနှင့် ပတ်သက်၍ ကိုယ်ရေးအရာရှိ အဖြစ် တာဝန်ပေးထားပြီးယနေ့ ပြည်နယ်နှင့် တိုင်း လူငယ်များကိုလည်း လုံခြုံရေးသင်းတန်းပို့ချသွားရန်လည်း သဘောတူခဲ့သည်ဟုသိရပါသည်.။

ဗဟိုလူငယ်လုပ်ငန်းဖော်ဆောင်ရေး အဖွဲ့ဝင် တိုင်းနှင့်ပြည်နယ် အသီးသီးမှ လူငယ် ခေါင်းဆောင် ၈ ဦးရှိပြီး ထိုမှတဆင့် လူငယ်အကူအညီပေးရေး ခေါင်းဆောင် ၁၄ ဦးကို ဖွဲ့စည်းထားသည်။

ချင်းပြည်နယ်နှင့် ကယားပြည်နယ် မှလွဲ၍ တိုင်းနှင့်ပြည်နယ် ၁၂ ခုမှ လူငယ်ခေါင်းဆောင် ၁၃ဝ ကျော် အဖွဲ့ချုပ်ရုံးတွင် အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ၃ နာရီကြာဆွေးနွေးခဲ့သည်ဟုသိရှိရပါသည်.။

ဓာတ်ပုံ ...AP

လူထုခေါင်းဆောင်ဒေါ်အောင်ဆန်းစုကြည်၏ သားငယ် ကိုထိန်လင်း (ခေါ်) ကင်မ် အဲရစ္စသည် မြန်မာနိုင်ငံ ပြည်ဝင်ခွင့်ဗီဇာ ရရှိသွားပြီ ဖြစ်ကြောင်း


ဒေါ်အောင်ဆန်းစုကြည်၏ သားကြီး အလက်ဇန္ဒား အဲရစ္စနှင့် သားငယ် ကင်မ် အဲရစ္စတို့ကို စစ်အစိုးရက ပြည်ဝင်ခွင့် မပေးခဲ့ခြင်းကြောင့် မိခင်ဖြစ်သူနှင့် ၁၀ နှစ်ကြာ တွေ့ဆုံခွင့်မရခဲ့ဘဲ ယခု ပထမဆုံးအကြိမ် ကင်မ် အဲရစ္စက ပြည်ဝင်ခွင့် ဗီဇာရရှိခြင်းဖြစ်သည်။

သားငယ် ကိုထိန်လင်းဟာ မိခင်ဖြစ်သူနဲ့ တွေ့ဆုံနိုင်ဖို့အတွက် ထိုင်းနိုင်ငံက မြန်မာသံရုံးမှာ ကြိုးပမ်းနေတာ ၂ ပတ်ကျော်ကြာပြီ ဖြစ်ပါသည်.။

သားငယ်ဖြစ်သူ ကိုထိန်လင်းကို မနက်ဖြန် မနက်တွင် လေယာဉ်ကွင်းမှာ သွားရောက် ကြိုဆိုနိုင်ဖို့အတွက် ဒေါ်အောင်ဆန်းစုကြည်က စီစဉ်နေတယ်လို့လည်း သတင်းရရှိပါသည်.။

ဓာတ်ပုံ...AP

အနုပညာမောင်နှမများ၏ ပေးဆပ်မှုအင်အား








အနုပညာမောင်နှမများ၏ ပေးဆပ်မှုအင်အား

၂၂.၁၁.၂၀၁၀ခုနှစ်(တနင်္လာနေ့) နံနက် ၁၁း၀၀ နာရီအချိန်တွင် ရုပ်ရှင်သရုပ်ဆောင် ဒါရိုက်တာဟောင်းဦးကျော်သူ နှင့်ဇနီးဒေါ်ရွှေဇီးကွက်၊ စာရေးဆရာမသန်းမြင့်အောင်၊ အဆိုတော်အနဂ္ဂ၊ သံသာဝင်း၊ ဟန်ထူးလွင်(ကျားပေါက်)နှင့်ဇနီး၊ ဒါရိုက်တာမင်းထင်ကိုကိုကြီးစသည့် စာပေ၊ ရုပ်ရှင်၊ ဂီတအနုအညာမောင်နှမများသည် တောင်ဒဂုံရှိမဖြူဖြူသင်းထူထောင်ဖွင့်လှစ်ထားသော HIV ရောဂါဝေဒနာရှင်များ နားခိုရာဂေဟာသို့သွားရောက်ပြီးဒံပေါက်ထမင်း၊ ရေခဲမုန့်၊ အ၀တ်အစားများနှင့် ငွေများကိုလူသားချင်းကူညီထောက်ထားသောစိတ်ဓါတ်တို့ဖြင့် သွားရောက်လှူဒါန်းခဲ့ကြသည်။

အဆိုတော်အနဂ္ဂသည် သူ၏အ၀တ်အစားများ၊ အနွေးထည်များ၊ ဟန်ထူးလွင်နှင့် မင်းထင်ကိုကိုကြီးတို့မှငွေသားများ၊ ဦးကျော်သူမှ T-Shirtများ၊ ပြည်မြို့ရွှေပေါက်ပင်ဆရာတော်ကြီး၏ပုံတော်၊ ဆရာတော်ကြီး၏ ကပ်ကျော် ကျင့်စဉ်စာရွှက်များ ၊ပန်းပေါင်းစုံ ဗုဒ္ဓဆင်းတုတော် တစ်ဆူတို့ကို လှူဒါန်းခဲ့ပြီးသည့်
နောက် ခုနှစ်ရက် သားသမီးများ စုပေါင်း လှူဒါန်းထားသော ဒံပေါက်ထမင်း၊ရေခဲမုန့်တို့ဖြင့်  ကျွေးမွေးပြီးအားပေးစကားများပြောကြားခဲ့ကြသည်။


လူသားအချင်းချင်းစာနာကူညီဖေးမသောစိတ်ဓါတ်နှင့် မြတ်စွာဘုရားဟောကြားကျင့်ကြံခဲ့သော ဗြဟ္မစိုရ်တရား(၄)ပါးကိုလက်ကိုင်ပြုခဲ့သောအနုပညာမောင်နှမများနည်းတူ မြန်မာပြည်သူလူထုတစ်ရပ်လုံးကပါ အကြင်နာ၊ ဂရုဏာ၊ မုဒိတာပွားများမှုများကို ပေးကြမည်ဆိုပါက ကမ္ဘာမြေကြီးတစ်ခုလုံး သာယာစိုပြေမှုများနှင့် လူသားအားလုံး အေးချမ်းသာယာစိုပြေ တော့မည်ဖြစ်သည်။

လူနာများကိုအားပေးနှစ်သိမ့်ခဲ့ကြသလိုလူနာများ၏ ပြန်လည်ပြောကြားသောရင်တွင်းစကားများ၊ ခံစားချက်များ၊ ခံယူချက်စိတ်ဓါတ်များတို့သည် အားပေးခဲ့သူအားပေးစကားပြောကြားခဲ့သူ ကျွန်တော်/ကျွန်မတို့အတွက် အင်အားသစ်များများစွာဖြစ်ခဲ့ရပေတော့သည်။

ဓာတ်ပုံ များ ပို့ပေးသော မိတ်ဆွေ အားကျေးဇူးတင်ရှိပါသည်.။

22 November 2010

ဒေါ်အောင်ဆန်းစုကြည်၏ နှလုံးသားပုံရိပ်များ (အပိုင်း ၁မှ၇ )


-ဒေါ်အောင်ဆန်းစုကြည်၏-နှလုံးသားပုံရိပ်များ-အပိုင်း-၁မှ၇-ကိုမောင်မောင်ဝမ်း

အမျိုးသားဒီမိုကရေစီအဖွဲ့ချုပ် သတင်းများ..

ဒေါ်အောင်ဆန်းစုကြည်နှင့် အဖွဲ့ချုပ်အဖွဲ့ဝင်လူကြီးများ တိုင်းရင်းသားခေါင်းဆောင်များ အစည်းအဝေးတစ်ခု..

မနက်ဖြန်(၂၂)ရက်နေ့ မနက်(၁၀)နာရီမှာ ရွှေဂုံတိုင်အဖွဲ့ချုပ်ရုံး၌ အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နှင့် ပြည်နယ်နှင့်တိုင်း အသီးသီးမှ အဖွဲ့ချုပ်လူငယ်အဖွဲ့ဝင်များ တွေ့ဆုံဆွေးနွေးမည် ဖြစ်ကြောင်း အဖွဲ့ချုပ် ပြောခွင့်ရပုဂ္ဂိုလ်တစ်ဦး ဖြစ်တဲ့ ဗဟိုကော်မတီဝင် ရှေ့နေကြီး ဦးဥာဏ်ဝင်းက ပြောဆိုပါတယ်...။

အန်ကယ်တို့ မနက်ဖြန်မှာ ဒေါ်အောင်ဆန်းစုကြည်နှင့် ပြည်နယ်နှင့်တိုင်း အသီးသီးမှ အဖွဲ့ချုပ်လူငယ်အဖွဲ့ဝင်တွေ တွေ့ဆုံဆွေးနွေးပါမယ်.. မနက် ၁၀နာရီလောက်မှာ စတင်ပါမယ်.. ပြည်နယ်နှင့်တိုင်း အသီးသီးက လူငယ်အဖွဲ့ဝင် ၁၀၀ကျော်လောက် ရောက်ရှိနေပါပြီ..။ အန်ကယ်တို့ CECနဲ့ CC တွေလည်း တက်ရောက်ပါမယ်.. ဟု ရှေ့နေကြီး ဦးဥာဏ်ဝင်းက ပြောဆိုသွားပါတယ်...။

တောင်ဒဂုံမှHIV ဝေဒနာရှင်များ နောက်ဆက်တွဲသတင်း

ဆက်လက်ပြီး ပြီးခဲ့တဲ့ ၁၈ရက်နေ့က တောင်ဒဂုံမြို့နယ်မှာရှိတဲ့ အဖွဲ့ချုပ်က ဖွင့်လှစ်ထားတဲ့ HIV ဝေဒနာသည်များ လက်ခံထားရှိတဲ့ ဂေဟာမှ ဝေဒနာရှင်များအား ဧည့်စာရင်း တိုင်ကြားခွင့်အား ပိတ်ပင်လိုက်ခြင်းနှင့် ပတ်သတ်ပြီး နောက်ဆက်တွဲ အခြေအနေများကို မေးမြန်းကြည့်ရာမှာတော့.. သူတို့ ကျန်းမာရေးဋ္ဌာနက လာညှိတယ်.. သာကေတဘက်မှာ Campတွေ လုပ်ထားတယ်ပြောတယ်..။ Camp တွေကို လိုက်ကြည့်မယ် လူနာတွေအတွက် သင့်တော်မယ့် အခြေအနေ လက်ခံနိင်မယ့် အခြေအနေရှိမရှိ သွားကြည့်မယ်..။ အဆင်ပြေရင်နေမယ် မပြေရင် ဒီမှာပဲဆက်နေမယ်.. လူနာတွေကတော့ ဒီမှာနေရတာ အဆင်ပြေတယ်လို့ သတ်မှတ်ကြတယ်..။ ဒီမှာနေရတာက စေတနာပါတယ်.. နွေးထွေးမှုရှိတဲ့ အနေအထားတွေရှိတာပေါ့ ဟုပြောဆိုသွားပါတယ်..။

အဆိုပါ စောင့်ရှောက်ရေး ဂေဟာများကို ၂၀၀၂ခုနှစ်ကတည်းက အဖွဲ့ချုပ်၏ အစီအစဉ် ဝေဒနာရှင်များအား လက်ခံခဲ့ပြီး အဖွဲ့ချုပ်ဗဟိုကော်မတီဝင် စေတနာရှင် မဖြူဖြူသင်းမှ ဦးဆောင် တာဝန်ယူ ဆောင်ရွက်ခဲ့ပါတယ်...။ နိုဝင်ဘာလ ၁၇ရက်နေ့က လူထုခေါင်းဆောင် ဒေါ်အောင်ဆန်းစုကြည်မှ ဝေဒနာရှင်များအား တရင်းတနှီးသွားရောက် တွေ့ဆုံခဲ့ပြီး နောက်တစ်နေ့မှာပဲ ရပ်ကွက်အာဏာပိုင် ဆိုသူများမှ အဆိုပါဂေဟာတွင် နေထိုင်ဆေးကုသနေသူများအား နေထိုင်ခွင့် ဧည့်စာရင်းတိုင်ခွင့်အား လာမည့် ၂၅ရက်နေ့အထိသာ ခွင့်ပြုမှာ ဖြစ်ကြောင်း ဖိအားပေး အကြပ်ကိုင်ခဲ့ပါတယ်..။

လူထုခေါင်းဆောင် ဒေါ်အောင်ဆန်းစုကြည်မှလည်း VOA သတင်းဋ္ဌာနနဲ့ တွေ့ဆုံမေးမြန်းခန်း တစ်ခု၌ “အခုလက်ငင်းကတော့ အန်တီတို့ ဆေးတွေ လုံလုံလောက်လောက် ၀ယ်နိုင်ဖို့အတွက် ရံပုံငွေတွေ လိုပါ တယ်။ အလှူငွေတွေ လိုပါတယ်။ အဲဒါကြောင့် ဒီအခွင့်အရေးကိုသုံးပြီးတော့ အားလုံးကူညီနိုင်တဲ့သူတွေ ကူညီကြပါလို့ ပြောချင်ပါတယ်။ ဘာဖြစ်လို့လည်းဆိုတော့ အန်တီတို့ အနေနဲ့ Antiretroviral Drug တွေ ၀ယ်ပေးဖို့ဆိုတာ တော်တော့်ကို လိုတယ်။ ဒီဆေးကလည်း သိတဲ့ အတိုင်းပဲ အပြတ်မခံဘူး။ ဆေးအတွက်ပဲ တော်တော်လိုတယ်။ နောက်ပီးတော့လည်း ဝေဒနာရှင်တွေရဲ့ စားရေး၊ သောက်ရေး လုံလုံလောက်လောက် ပေါ့နော်၊ ဖူလုံအောင် လုပ်ပေးနိုင်ဖို့လည်း ငွေလိုပါတယ်။ အဲဒါကြောင့်မို့လို့ ဒီ- ဗွီအိုအေကနေတဆင့် အန်တီ့ အနေနဲ့ မေတ္တာရပ်ခံပါရ စေ၊ အားလုံးပေါ့နော်၊ ကျမတို့ရဲ့ ကျမတို့ အချင်းချင်း၊ ကျမတို့ရဲ့ ညီအကိုမောင်နှမ တွေ၊ ကျမတို့ရဲ့ သားသမီး တွေဖြစ်တဲ့ အိပ်ခ်ျအိုင်ဗွီ ဝေဒနာရှင်တွေကို ကူညီဖို့အတွက် ၀ိုင်းပြီးတော့ လှူကြပါ။ ၀ိုင်းပြီးတော့ ပံ့ပိုးပေးကြပါ …လို့ မေတ္တာရပ်ခံချင်ပါတယ်”ဟု ပြောဆိုခဲ့ပါတယ်..။


21 November 2010

ပြည်တွင်းထုတ် ဂျာနယ် (၉)စောင်အား စာပေစိစစ်ရေးမှ ဂျာနယ် ထုတ်ဝေခွင့် ယာယီ ရပ်နားစေခဲ့ကြောင်း သိရ

ပြည်တွင်း ထုတ်ဝေလျက်ရှိသော အားကစားဂျာနယ် တစ်စောင်နှင့် သတင်းဂျာနယ် (၈)စောင်အား ဂျာနယ်ထုတ်ဝေခွင့် ယာယီ ရပ်နားစေခဲ့ကြောင်း စာပေစိစစ်နှင့် မှတ်ပုံတင်ဌာနမှ နိုဝင်ဘာလ ၂၁ ရက် နေ့စွဲဖြင့် အသိပေးကြေညာချက်အရ သိရသည်။

စာပေစိစစ်နှင့် မှတ်ပုံတင်ဌာနက ချမှတ်ထားသော စာပေစိစစ်ရေးဆိုင်ရာ စည်းမျဉ်းစည်းကမ်းများကို လိုက်နာပုံနှိပ်ထုတ်ဝေခြင်း မရှိခဲ့မှုအတွက် သတ်မှတ်ကာလများ အတိုင်း ထုတ်ဝေခွင့် ရပ်နားစေခြင်းဖြစ်ကြောင်း အဆိုပါကြေညာချက်တွင် ဖော်ပြထားသည်။

First Eleven Sports Journal နှင့် Hot News ဂျာနယ်တို့ကို ထုတ်ဝေခွင့် (၂)ပတ် ရပ်နားစေခဲ့ပြီး 7 Day၊ Venus ၊ Myanmar Newsweek၊ လျှပ်တစ်ပြက်၊ မြန်မာပို့စ်၊ ပြည်သူ့ခေတ်နှင့် The Voice ဂျာနယ်တို့ကို ထုတ်ဝေခွင့် (၁)ပတ်စီ ရပ်နားစေခဲ့ကြောင်း ကြေညာချက်အရ သိရသည်ဟုnews-eleven ဂျာနယ် တွင် ဖော်ပြပါရှိပါသည်.။

သုံးရောင်ခြယ်ကျောင်းသားများဒေါ်အောင်ဆန်းစုကြည် အားသွားရောက် ကန်တော့ကြသော ဓာတ်ပုံ သတင်း ..


ရန်ကုန်မြို့ တွင်ကျန်ရှိနေသေးသောသုံးရောင်ခြယ်ကျောင်းသားများက ယမန်နေ့ညနေ ၆နာရီတွင် ဒေါ်အောင်ဆန်းစုကြည်ကို သွားရောက်ကန်တော့ခဲ့ကြပါသည်။ ဒေါ်အောင်ဆန်းစုကြည် မှာ သုံးရောင်ခြယ်ကျောင်းသားများအားကိုတွေ့လိုက်ရတဲ့ အခါမှာ သူမ အနေနဲ့ မျက်ရည်များဝဲလာပြီး အသံများ ပါတုံရီလာတဲ့အထိ ဝမ်းသာခဲ့ကြောင်းနောက် ဒေါ်အောင်ဆန်းစုကြည် ကနေသူအရမ်းဝမ်းသာရတဲ့ အကြောင်း ကတော့ သားတို့ (သုံးရောင်ခြယ်)ကျောင်းသားတွေအနေနဲ့ (၂၂)နှစ်ကာလပါတ်လုံး အထိ တယောက် နဲ့ တယောက် ဖေးဖေး မမ ကူညီစွာ နဲ့ တယောက် အပေါ် တယောက် နားလည်မှု တွေရယူပြီး ရဲဘော် ရဲဘက် စိတ်အပြည့်နဲ့ အခုချိန် အထိသားတို့ (သုံးရောင်ခြယ်) ကျောင်းသားတွေစည်းစည်းရုံးရုံးရှိနေကြတဲ့ အတွက် အရမ်း ဝမ်းသာ ဂုဏ်ယူမိကြောင်းပြောကြားခဲ့ ပါသည်။




သုံးရောင်ခြယ် ကျောင်းသားများက ဒေါ်အောင်ဆန်းစုကြည် အား Laptop Computer နဲ့ မိတ်ဆက်ပေးခဲ့ ပြီး ဒေါ်အောင်ဆန်းစုကြည် က Apple Computer ကိုပိုအားသန်ကြောင်း လိုအပ်တဲ့ Computer(laptop) တလုံးမကြာမှီဝယ်ယူသွားမည် ဟုသိရပါသည်။



နောက်သုံးရောင်ခြယ်ကျောင်းသားများက ဒေါ်အောင်ဆန်းစုကြည် ကိုဘာများမှာကြားခြင်ပါသေးလဲလို့ မေးတဲ့ အခါသားတို့ (သုံးရောင်ခြယ်)ကျောင်းသား တွေရဲ့ ညီညွတ်မှု့  ကိုအခုလက်ရှိအဖွဲ့ တွေရောနောင်လာမဲ့ အနာဂတ်ရဲ့ မျိုးဆက်သစ်တွေကပါသားတို့ (သုံးရောင်ခြယ်)ကျောင်းသားများကိုစံနမူနာအနေနဲ့ ထားရှိဘို့ ပြော လိုကြောင်းပြောပြခဲ့ ပါသည်။ည၈နာရီခန့်တွင် ဒေါ်အောင်ဆန်းစုကြည် မှ သုံးရောင်ခြယ် ကျောင်းသားများ ကိုသူတို့ ရဲ့ ကားနားအထိပြန်လည်ပို့ ဆောင်နူတ်ဆက်ခဲ့ ကြောင်းသတင်းရရှိပါသည်။

သတင်း ဓာတ်ပုံ များပေးပို့ ပေးသော ကိုမိုးကျော်(သုံးရောင်ခြယ်) အားကျေးဇူး တင်ရှိပါသည်.။

ရွှေရတု စာစောင် နိုဝင်ဘာလ

Shweyatu2010!11!7 PDF

The_Voice_6-51

The_Voice_6-51

ဒုတိယပင်လုံညီလာခံကျင်းပရေး ဒေါ်အောင်ဆန်းစုကြည် ဦးဆောင်မည်


ဒီမိုကရေစီရေးနဲ့ လူမျိုးတိုင်း တန်းတူညီမျှရေးကို အခြေခံမယ့် ဖယ်ဒရယ်ပြည်ထောင်စု တည်ဆောက်ဖို့အတွက် ဒုတိယပင်လုံညီလာခံ ကျင်းပရေးတာဝန်ကို မြန်မာပြည်က နိုင်ငံရေးခေါင်းဆောင်တွေက ဒေါ်အောင်ဆန်းစုကြည်ထံကို ဒီကနေ့ တာဝန်လွှဲအပ် လိုက်ပါတယ်။ ဒေါ်အောင်ဆန်းစုကြည်က ဒီလို တာဝန်လွှဲပြောင်းပေးအပ်တာကို လက်ခံလိုက်ပြီး အားလုံးအတူတကွ ပူးပေါင်းဆောင်ရွက်ဖို့ ပြန်လည် ပန်ကြားခဲ့ပါတယ်။ ဒီသတင်းကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ဒီလို ဒုတိယပင်လုံညီလာခံ ဖြစ်မြောက် အကောင်အထည်ဖော်ရေး တာဝန်ကို ၀ါရင့်နိုင်ငံရေးသမား သခင်သိန်းဖေရဲ့နေအိမ်မှာ ဒီကနေ့ မနက်က ကျင်းပတဲ့ သက်ကြီးနိုင်ငံရေးသမားကြီးတွေကို ပူဇော်တဲ့ပွဲမှာ လွှဲအပ်တာ ဖြစ်ပါတယ်။ ဒီအကြောင်းကိုတော့ ကိုယ်တိုင် တာဝန်လွှဲပြောင်းပေးအပ်ခဲ့သူ ဇိုမီး အမျိုးသားများ ကွန်ဂရက်ရဲ့ ဥက္ကဌ ပူးကျင်ရှင်းထန်က အခုလို ပြောပါတယ်။

“အဓိက ကတော့လေ ဒီနိုင်ငံရေးခေါင်းဆောင်တွေ၊ နည်းနည်းအသက်ကြီးတဲ့ လူတွေကို ဂါရ၀ပြုတာ တခုရယ်။ နောက်ပြီးတော့ အောက်တိုဘာ ၂၄ ရက်နေ့မှာ ကလေးမြို့ ဆုံးဖြတ်ချက် မှတ်တမ်းကို အခု ဒေါ်စု လွတ်လာတဲ့အခါမှာ ဒီဥစ္စာကို ဆုံးခန်းတိုင်ဖြစ်ဖို့ အမျိုးသားခေါင်းဆောင်ကြီး ဒေါ်အောင်ဆန်းစုကြည်က လုပ်မှဖြစ်မယ်ဆိုပြီးတော့ ကျနော်တို့က သူ့ကို လွှဲအပ်တာ။ ဒီ ၂ ချက်ပါပဲ။”

ပြီးခဲ့တဲ့ အောက်တိုဘာ ၂၄ ရက်နေ့က ကလေးမြို့မှာ ကျင်းပတဲ့ ဇိုမီးအမျိုးသားများ ကွန်ဂရက် တည်ထောင်တာ ၂၂ နှစ်ပြည့်တဲ့ အခမ်းအနားမှာ ကလေးမြို့ ဆုံးဖြတ်ချက်ကို ထုတ်ပြန်ခဲ့တာဖြစ်ပါတယ်။

ဒီဆုံးဖြတ်ချက်မှာ ဒေါ်အောင်ဆန်းစုကြည်ရဲ့ ဦးဆောင်မှုနဲ့ အမျိုးသားပြန်လည် သင့်မြတ်ရေးကို ဦးတည်တဲ့ တွေ့ဆုံဆွေးနွေးရေးကို ဆောင်ရွက်ဖို့နဲ့ ဒီမိုကရေစီရေးနဲ့ လူမျိုးတိုင်း တန်းတူညီမျှရေးကို အခြေခံမယ့် ဖက်ဒရယ်ပြည်ထောင်စု တည်ဆောက်ဖို့ အတွက် ဒုတိယပင်လုံညီလာခံ ကျင်းပရေးဆိုတဲ့ အချက်တွေ ပါဝင်ပါတယ်။

ဒုတိယပင်လုံညီလာခံ အကောင်အထည်ဖော် ဆောင်ရွက်ရေးအတွက် တာဝန်လွှဲအပ်တာကို ဒေါ်အောင်ဆန်းစုကြည်ကလည်း လက်ခံခဲ့တယ်လို့ ပူးကျင်ရှင်းထန်က ပြောပါတယ်။

“ကျနော်တို့က တိုင်းပြည် အခြေအနေကြည့်ပြီးတော့ ပင်လုံကဲ့သို့သော ညီလာခံ ဒုတိယပင်လုံ လိုအပ်နေတယ်။ အဲဒါကို လုပ်ရအောင်ဆိုပြီးလုပ်တော့ အဖွဲ့အစည်း ၅၀ ကျော်ကနေပြီးတော့ ဒါ မှန်ကန်တဲ့အကြောင်း တုံ့ပြန်ကြတယ်။ နောက် ကလေးမြို့ ဆုံးဖြတ်ချက်ကို အားလုံး ဆုံးခန်းတိုင် အကောင်အထည်ဖော်တဲ့အထိ ကျနော်တို့ ဆက်လက် ဆောင်ရွက်ပါမယ် ဆိုပြီးတော့ သံန္နိဌာန်ချပြီး လက်မှတ်ထိုးတဲ့ လူက ၁၀၉ ယောက်လောက် ရှိတယ်။ အဲဒါတွေကို အခု ဒေါ်စု လွတ်လာတဲ့အတွက်ကြောင့် ဆက်လက်ပြီးတော့မှ ဆုံးခန်းတိုင် အကောင်အထည်ဖော်နိုင်ဖို့ လွှဲအပ်တဲ့အခါမှာ သူက ပြောတာက ၀မ်းသာစွာ လက်ခံပါတယ်။ ဒါပေမဲ့ ကျမ တယောက်တည်းတော့ ဘယ်ဖြစ်မလဲ။ အားလုံး ဆက်ပြီးတော့ ၀ိုင်းပြီးတော့ ကူညီကြပါ၊ - ဆိုပြီးတော့ သူက ပြောပါတယ်။”

ဒီလို လက်မှတ်ရေးထိုးရာမှာ ကရင်၊ ချင်း၊ မွန်၊ ရှမ်း စတဲ့ တိုင်းရင်းသားခေါင်းဆောင်တွေ၊ ၀ါရင့်နိုင်ငံရေးသမားကြီးတွေနဲ့ အမျိုးသားဒီမိုကရေစီအဖွဲ့ချုပ် ခေါင်းဆောင်တွေ ပါဝင်တာဖြစ်ပါတယ်။ အခု တာဝန်လွှဲအပ်တာကလည်း ဒီလို ပါဝင်လက်မှတ် ရေးထိုးသူများကိုယ်စား သူက လွှဲပြောင်းပေးတာဖြစ်တယ်လို့ ပူးကျင်ရှင်ထန်းက ပြောပါတယ်။

ဒီကနေ့ ကျင်းပတဲ့အခမ်းအနားမှာတော့ ဒေါ်အောင်ဆန်းစုကြည်က အသက် ၈၀ ကျော် အရွယ်ရှိ တိုင်းရင်းသားခေါင်းဆောင်တွေ အပါအ၀င် နိုင်ငံရေး ခေါင်းဆောင် ၂၀ ကျော်ကို ဂါရ၀ပြု ပူဇော်ကန်တော့ခဲ့ပါတယ်။

ဒီပွဲကို နိုင်ငံရေးလှုပ်ရှားမှု အဆက်ဆက်မှာ ပါဝင်ခဲ့ကြတဲ့ ကျောင်းသားဟောင်းတွေ၊ တိုင်းရင်းသားလူငယ်တွေနဲ့ မျိုးဆက်သစ် နိုင်ငံရေးလှုပ်ရှားသူတွေက ပူးပေါင်း စီစဉ်ခဲ့တာဖြစ်ပြီး လူ ၁,၀၀၀ ကျော်လောက် တက်ရောက်ခဲ့ပါတယ်။

သတင်း..VOA
ဓာတ်ပုံ..A Z H

ဝါရင့်နိုင်ငံရေး သက်ကြီးပူဇော်ပွဲ အခမ်းအနား သတင်းဓာတ်ပုံ မြင်ကွင်း



















ဝါရင့်နိုင်ငံရေးသက်ကြီးပူဇော်ပွဲကျင်းပပြုလုပ်


အမျိုးသားပြန်လည်သင့်မြတ်ရေးလိုလားသူများနှင့် ဒီမိုကရေစီအင်အားစုများက ၀ါရင့်နိုင်ငံရေးသမားကြီးများ သက်ကြီးပူဇော်ပွဲ တရပ်ကို ပါရမီလမ်းနှင့် ဦးဘဟန်လမ်းထောင့်ရှိ ၀ါရင့်နိုင်ငံရေး သမားကြီးသခင်သိန်းဖေအိမ်တွင် ယနေ့(၂၀.၁၁.၂၀၁၀)စနေ့န့နက်(၉)နာရီက ကျင်းပပြုလုပ်သည်။

အဆိုပါ ကန်တော့ပွဲသို့ ကန်တော့ခံသက်ကြီးဝါရင့်နိုင်ငံရေးသမားကြီးများ၊ ဒေါ်အောင်ဆန်းစုကြည်နှင့် တကွ NLD ခေါင်းဆောင်များ၊ တိုင်းရင်းသားခေါင်းဆောင်များ၊ (၆၂)မျိုးဆက် (၇၄-၇၅-၇၆)မျိုးဆက် (၈၈)မျိုးဆက် ကျောင်းသား ခေါင်းဆောင်ဟောင်းများ၊ ဒီမိုကရေစီရေး တက်ကြွလှုပ်ရှားသူများနှင့် အခြားနိုင်ငံရေးလှုပ်ရှားသူများ (၁၀၀)ကျော်ခန့်တက်ရောက်ကြသည်။

အဆိုပါကန်တော့ပွဲတွင် အသက်ရှစ်ဆယ်ကျော် ၀ါရင့်သက်ကြီးနိုင်ငံရေး သမားကြီးများအား ကန်တော့ချိုးဖြင့် ပူဇော်ကန်တော့ပြီး လက်ဆောင်ပစ္စည်းများပေးအပ်ခြင်း ကန်တော့သူ အမျိုးသားပြန်လည် သင့်မြတ်ရေး လိုလားသူများနှင့် ဒီမိုကရေစီအင်အားစုများ၏ ပန်ကြားလွှာကို ဖတ်ကြားခြင်း။ အပူဇော်ခံ သက်ကြီးဝါရင့်နိုင်ငံရေးသမားကြီးများကိုယ်စား ၀ါရင့် နိုင်ငံရေးသမားကြီး သခင်သိန်းဖေ၊ အမျိုးသားဒီမိုကရေစီအဖွဲ့ချုပ်ဒုဥက္ကဌ ဦးတင်ဦးနှင့် တိုင်းရင်းသားခေါင်းဆောင် နိုင်ငွေသိန်းတို့က သြ၀ါဒအမှာစကားများ ပြောကြားခြင်းတို့အပြင် အထူးအစီအစဉ်အဖြစ် ဒုတိယပင်လုံသဘောတူညီချက် ပေါ်ထွက်လာသည်အထိ အကောင်အထည် ဖော်ဆောင်ရွက်ပေးနိုင်ရန် ဒေါ်အောင်ဆန်းစုကြည်အား တိုင်းရင်းသားခေါင်းဆောင်များ၊ နိုင်ငံရေးအင်အားစုများက တာဝန်လွှဲအပ်ပေးပြီး နောက်ဆုံးအစီအစဉ်အဖြစ် တာဝန်လွှဲအပ်ခံရသူ ဒေါ်အောင်ဆန်းစုကြည်က ပြန်လည်တုံ့ပြန်ပြောကြားခဲ့သည်။

ကန်တော့ပွဲသို့ ကန်တော့ခံပုဂ္ဂိုလ်များအဖြစ် သတ်မှတ်ထားသည့် ၀ါရင့်သက်ကြီး နိုင်ငံရေး သမားကြီး(၂၈)ယောက်အနက် ရပ်ဝေးနေသူများနှင့် ကျန်းမာရေးချို့တဲ့၍ မလာရောက်နိုင်သူများမှ လွဲ၍ စုစုပေါင်း( ၂၀ )ဦး တက်ရောက်အပူဇော်ခံကြသည်။

ကန်တော့ပွဲသို့ တိုင်းရင်းသားခေါင်းဆောင်များနှင့် NLD ခေါင်းဆောင်များအပါအ၀င် နိုင်ငံရေးအင်အားစု (၁၀၀)ကျော် တက်ရောက်ခဲ့ကြသည့်အပြင် သတင်း ထောက်များနှင့် လာရောက်ကြည့်ရှုအားပေးသူ ရာနှင့်ချီရှိခဲ့ကြောင်း သိရှိရသည်။

ကန်တော့ပွဲပြီးနောက် ကျန်းမာရေးကြောင့် မလာရောက်နိုင်သူ ဆရာကြီးဒဂုန်တာရာနှင့်တကွ NLD ဥက္ကဌဦးအောင်ရွှေ၊ အတွင်းရေးမှူးဦးလွင်နှင့် ဗဟိုအလုပ်အမှုဆောင် ဦးလွန်းတင်တို့အားလည်း အိမ်တိုင်ရာရောက်သွားကန်တော့ခဲ့ကြောင်း သိရှိရသည်။


ဓာတ်ပုံ..AP .၊KZH