30 January 2010

ထောင်ဒဏ်(၆၅)နှစ်ကျခံနေရသော၈၈မျိုးဆက်ကျောင်းသားကိုအောင်သူပူတာအိုထောင်ထဲတွင်ကျန်းမာရေးဆိုးဝါးနေ


ထောင်ဒဏ် ၆၅ နှစ်ဖြင့် ပူတာအိုထောင်တွင် ကျခံနေရသည့် ၈၈ မျိုးဆက် ကျောင်းသား ကိုအောင်သူသည် နှလုံးသွေးကြောကျဉ်းရောဂါ ဖြစ်နေသဖြင့် မကြာသေးခင်က ECG (နှလုံးခုန်နှုန်းကို စမ်းသပ်သည့်ကိရိယာ) စစ်ဆေးကြည့်ရာအစက်အပြောက်၃ခုထက်မနည်းတွေ့ရှိခဲ့ပြီး၊ ကျန်းမာရေးတော်တော် ဆိုးရွားစွာ ခံစားနေရသဖြင့် ဇနီးသည်ဖြစ်သူ မမြတ်မြတ်ထွန်းက အလွန်စိတ်ပူကြောင်းကို ပြောပြခဲ့ပါသည်။ ပူတာအိုထောင်ထဲတွင်ရှိနေသော နိုင်င်ငံရေးအကျဉ်းသားများ၏ ကျန်းမာရေးကိုလည်း သေသေချာဂရုတစိုက်
ကြည်ရှု့ စောင့်ရှောက်ခြင်း မရှိကြောင်းကိုလည်း ပူတာအိုထောင်တွင် ထောင်ဝင်စာ သွားတွေ့နေရသောမိသားစုဝင်များက ထပ်မံပြောကြားပါသည်.။

၈၈မျိုးဆက်ကျောင်းသာတဦးဖြစ်သော ကိုအောင်သူသည် ၂၀၀၉ခုနှစ်ကလည်း အလွန်ရာသီဥတုဆိုးဝါးသော ပူတာအိုထောင်တွင် အေးလွန်းသည့် ရာသီဥတုဒဏ်ကို မခံနိုင်သဖြင့် ခြေထောက်တဘက်မှာ အကြောအားနည်းလျှက် တဖြေးဖြေး သေးငယ်လာပြီး လမ်းမလျှောက်နိုင်ဘဲ ဖြစ်ခဲ့ဘူးပါသည်.။

၈၈မျိုးဆက်ကျောင်းသားတဦးဖြစ်သော ကိုအောင်သူနှင့်တကွ ပူတာအိုထောင်တွင် နိုင်ငံရေးအကျဉ်းသား(၁၅)ဦးခန့်ရှိရာ တချို့မှာ အလွန်ကျန်းမာရေး ဆိုးရွားနေကြောင်းလည်း သိရှိရပါသည်. နယ်စွန် နယ်ဖျားထောင်များသို့ ပို့ဆောင်ထားပြီး ကျန်းမာရေးစောင့်ရှောက်မှုမှာလည်း လုံးဝမရှိကြောင်းနှင့် ထောင်ဝင်စာသွားတွေ့လျှင် လိုအပ်သောဆေးဝါးများအား ကိုယ့်မိသားစုမှလုံလောက်စွာ ဝယ်ယူသွားရ ကြောင်းလည်း သိရပါသည်.။

၂ဝဝ၇ ခု နိုဝင်ဘာလ ၁၄ ရက်နေ့တွင် ရန်ကုန်ရှိ မြရိပ်ညိုဟိုတယ်ရှေ့၌ စစ်အစိုးရ ဆန့်ကျင်ရေးပိုစတာ ချိတ်ဆွဲမှုဖြင့် ထောင်ဒဏ် ၈ နှစ်ဖြင့် ပူတာအိုထောင်တွင် ပြစ်ဒဏ်ကျနေရသည့် ကိုဘိုဘိုဝင်းလှိုင်သည် လည်းပြီးခဲ့သည့်လအတွင်းက လိပ်ခေါင်းရောဂါကို ခွဲစိတ်ကုသခဲ့သော်လည်း လိုအပ်ပါကဆေးရုံတင်ရမည်ဆို၍ ထောင်အာဏာပိုင်များထံ ရက်သတ္တတပတ်ခန့် အချိန်ယူတင်ပြရမှီဖြစ် ကြောင်းကိုလည်း ကိုအောင်သူ၏ဇနီးဖြစ်သူ မမြတ်မြတ်ထွန်းအား ထောင်ဝင်စာသွားတွေ့ပြီး ပြန်လာသော ကိုဘိုဘိုဝင်းလှိုင်၏ မိခင်ကပြောပြပါသည်.။

သူက “ဘိုဘိုဝင်းလှိုင်ကိုလည်း ၃ ရက်နဲ့ ဆေးရုံက ဆင်းခိုင်းတာတွေ ရှိတယ်။ တကယ်လို့ ဒီလူနာက သွေးလွန်သွားရင် ဆေးရုံကို ချက်ချင်း လာပို့နိုင်မလားလို့ မေးတော့ တပတ်လောက်မှ၊ အထက်ကိုစာတင်ပြီးမှ အချိန်ယူရမယ်လို့ပြောတယ်။ နောက်တော့ ဆရာဝန်ကသက်သာတဲ့ အချိန်မှဆင်းပေးလိုက်တယ်။ တခါလုပ်ပေးဖို့ဆိုရင် ရက်သတ္တပါတ် အချိန်ယူပြီးတော့မှ အထက်ကို စာတင်ရတာတွေ ရှိတယ်”ဟုပြောပါသည်။ ကိုဘိုဘိုဝင်းလှိုင် လတ်တလော ခံစားနေရသည့်ငှက်ဖျားနှင့် နှလုံးရောဂါအတွက် ဆေးဝါးလိုအပ်နေသဖြင့် မိခင်ဖြစ်သူက ဆေးဝယ်ပေးခဲ့ရသည်ဟုလည်း သိခဲ့ရပါသည်။

မြန်မာနိုင်ငံမှာ စစ်အစိုးရဟာ မိမိ၏ယုံကြည်ချက်ကြောင့် နိုင်ငံရေးလုပ်ဆောင်သူများအား ဝေးလံခေါင်သီသော ဒေသများသို့ ပို့ဆောင်ပြီးစိတ်ဓာတ်ရေးရာ၊ ခန္ဓာကိုယ်ရေးရာပါ ကျဆင်းအောင် ညှင်းပန်းနှိပ်စက်မှုတွေ ပြုလုပ်နေပါတယ်။ အထူးသဖြင့် ၈၈မျိုးဆက်ကျောင်းသားခေါင်းဆောင် များဟာနှစ်ရှည်ထောင်ဒဏ်များ ချမှတ်ခံရပြီး ရာသီဥတုဆိုးရွားတဲ့ ဝေးလံခေါင်သီသော ဒေသများမှ အကျဉ်းထောင်များမှာ အကျဉ်းချထားခြင်းခံ နေရပြီး မိသားစုနဲ့ အဆက်အသွယ်ဖြတ်တောက်ခြင်း ခံနေရပါတယ်။