လူထုစိန်ဝင်း
(၂၀၁၀ ခုနှစ်၊ ဇန်နဝါရီလ၊ ၆ ရက်နေ့ထုတ် မြန်မာပို့စ်ဂျာနယ်မှာ ဖော်ပြထားတဲ့ရွေးကောက်ပွဲနဲ့ပတ်
နှစ်ဟောင်း ကုန်ဆုံးလို့ နှစ်သစ် တစ်ခု ရောက်ပြန်ပြီ။ နှစ်ဟောင်း ကုန်ရက်တွေ နီးကပ်လာတာနဲ့ အမျှ ဂျာနယ်တိုက်တွေက တစ်တိုက်ပြီး တစ်တိုက် လာပြီး မှတ်ချက် စကား ပြောပေးပါ။ ထင်မြင်ချက် ကလေး ရေးပေးပါနဲ့ ပူဆာကြတယ်။ အရင် နှစ်တွေကထက် ပိုပြီးများတယ်။ ရောက်လာမယ့် နှစ်က ၂၀၁၀ ပြည့်နှစ် ဖြစ်နေတာကိုး။
ရွေးကောက်ပွဲကြောင့် စိတ်ထက်သန်ကြ
၂၀၁၀ ပြည့်နှစ်မှာ ဒီမိုကရေစီ ရွေးကောက်ပွဲတွေ ကျင်းပပေးဖို့ ကြေညာထားတာ ဖြစ်လေတော့ လူငယ်လေးတွေ သိပ်ပြီး စိတ်အား ထက်သန် နေကြတယ်။ သူတို့လေးတွေ အတော် များများက ရွေးကောက်ပွဲဆိုတာ အခုမှ ပထမဆုံးအကြိမ် အဖြစ် ကြုံတွေ့ရမှာ ဖြစ်လေတော့ စိတ်အား ထက်သန် နေကြတာ ဖြစ်သင့် ဖြစ်ထိုက်တဲ့ အရာပါပဲ။ သူတို့ရဲ့ စိတ်အားထက်သန်မှု လေးတွေ အချည်းအနှီး ဖြစ်မသွား စေချင်တာကြောင့် အားလုံးကို လိုတိုရှင်း ပြောပေး၊ ရေးပေး လိုက်ပါတယ်။ စကားလုံး ကွဲပေမယ့် အကြောင်းအရာကတော့ တစ်ခုတည်းပါ။ အခုလာမယ့် ရွေးကောက်ပွဲဟာ အစိုးရရဲ့ လမ်းပြမြေပုံပါ အချက် ခုနှစ်ချက်မှာ နောက်ဆုံး အချက် ဖြစ်တာ မှန်ပေမယ့် တိုင်းသူ ပြည်သားများ အတွက်ကတော့ နောက်ဆုံး ရည်မှန်းချက် ပန်းတိုင် မဟုတ်သေးတဲ့ အကြောင်း ထောက်ပြလိုက်တာ ဖြစ်ပါတယ်။
မစားရဝခမန်းအပြောတွေ
ဘာကြောင့် ဒီအချက်ကို ထောက်ပြရတာလဲဆိုတော့ တချို့ ပုဂ္ဂိုလ်တွေက ရွေးကောက်ပွဲ ကျင်းပပေးလိုက်တာနဲ့ ချက်ချင်း လက်ငင်း ဒီမိုကရေစီ နိုင်ငံတော်သစ်ကြီး ဘွားခနဲ ပေါ်ထွက်လာတော့ ပုံစံနဲ့ မစားဝခမန်း ရေးသားပြောဆို နေကြတာ တွေကို ၂၀၀၉ ခုနှစ် တစ်နှစ်လုံး တွေ့မြင်နေရလို့ ဖြစ်ပါတယ်။ တကယ်တော့ ရွေးကောက်ပွဲဆိုတာ ဒီမိုကရေစီ မဟုတ်ပါဘူး။ ဒီမိုကရေစီ စနစ်ရဲ့ ကျင့်စဉ်တစ်ခုသာ ဖြစ်တယ်။ ရွေးကောက်ပွဲ လုပ်လိုက်တာနဲ့ ဒီမိုကရေစီ နိုင်ငံတော် သစ်ကြီး ဘွားခနဲ ပေါ်ထွက် မလာပါဘူး။ ဖဆပလ ခေတ်ကလည်း ရွေးကောက်ပွဲတွေ လုပ်ခဲ့ပါတယ်။ လမ်းစဉ်ပါတီခေတ် ကလည်း ရွေးကောက်ပွဲတွေ လုပ်ခဲ့ပါတယ်။ ဘယ် ရွေးကောက်ပွဲကိုမှ ပြည်သူ လူထု အများစုကြီးက ကျေနပ်အားရ မရှိ ခဲ့ကြပါဘူး။ နောက်ဆုံးကျ အာဏာ သိမ်းယူတဲ့ အဖြစ်မျိုး သုံးကြိမ်သုံးခါ ပေါ်ပေါက်တဲ့ အထိ ဖြစ်လာခဲ့ရတာပါပဲ။
နားခါးသွားကြလိမ့်မယ်
လူငယ်တွေကို မျှော်လင့်ချက်မှာ false hope တွေ မပေးသင့်ကြဘူး။ မစားရဝခမန်း ပြောကြတဲ့ မျှော်လင့်ချက်မှားတွေကို အဟုတ်ကြီး ထင်နေကြပြီး တကယ် လက်တွေ့ ထင်သလို ဖြစ်မလာခဲ့ရင် ဒီမိုကရေစီ ဆိုတဲ့ စကားလုံးကိုတောင် နားခါး သွားမှာ စိုးရပါတယ်။ လမ်းစဉ်ပါတီ ခေတ်က မစားရဝခမန်း စကားတွေ အဟုတ်ကြီး ထင်ခဲ့ကြရာက နောက်ဆုံးကျ "ဆိုရှယ်လစ်" ဆိုတဲ့ စကား နားဝမှာ ယောင်လို့တောင် မကြားချင် တော့ပါဘူး ဆိုတဲ့ အဖြစ်မျိုး ရောက်သွားတာ ထင်ရှားတဲ့ သာဓက ဖြစ်တယ် မဟုတ်ပါလား။ ဒီခေတ် လူငယ်တွေရဲ့ နိုင်ငံရေး နိုးကြားမှုက အင်မတန် မြင့်ပါတယ်။ ဘယ် နိုင်ငံက ဘယ်လူမျိုးထက်မှ နောက်မကျပါဘူး။ ကြွားတယ်လို့ ထင်ချင်ထင်ပါ။ ဒီမိုကရေစီတို့၊ လွတ်လပ်ခွင့်တို့ သံကုန်ဟစ် နေတဲ့ ဒီမိုကရေစီ ထိပ်သီးဆိုတဲ့ နိုင်ငံကြီးက လူတွေထက် အများကြီး သာတယ်လို့တောင် ပြောဝံ့ပါတယ်။ မြန်မာနိုင်ငံမှာ သာဆိုရင် ရော်နယ်ရေဂန်လို ကောင်းဘွိုင် မင်းသားနဲ့ အာနိုးလို အပေါစားအက်ရှင် မင်းသားမျိုးကို သမ္မတရာထူး၊ ဘုရင်ခံ ရာထူးမျိုးအတွက် ဘယ်တော့မှ ရွေးချယ် တင်မြှောက်ကြမှာ မဟုတ်တာ သေချာပါတယ်။
ပေါ်ပြူလာသမား
လက်ရှိ သမ္မတ အိုဘားမား အရည်အချင်း ဘယ်လောက်ရှိသလဲ ဆိုတာလည်း အခုဆို သက်တမ်းတစ်နှစ် ရှိသွားပြီ ဆိုတော့ မှန်းဆပုံဖော် ကြည့်လို့ ရနေပါပြီ။ အခုထိတော့ ပြည်တွင်းရေး ကိစ္စတွေမှာ ဖြစ်ဖြစ်၊ ပြည်ပရေးရာ ပါလက်စတိုင်း ကိစ္စ၊ အီရတ်ကိစ္စ၊ အာဖဂန်နစ္စတန်ကိစ္စ၊ အီရန်နဲ့ မြောက်ကိုရီးယားကိစ္စ စတဲ့ ကိစ္စတွေမှာ ဖြစ်ဖြစ်၊ အိုဘားမားဝါဒ၊ အိုဘားမား ဗစ်ရှင် ဆိုတာမျိုး တစ်ခုမှ မတွေ့ရပါဘူး။ လူတကာလိုက်ပြီး မျက်နှာချိုသွေး နေတဲ့ ပေါ်ပြူလာ နိုင်ငံရေးသမား (populist) လုပ်ရပ်မျိုးတွေချည်း တွေ့နေရပါတယ်။ ဖျော်ဖြေရေး သမားတွေလို တွေ့သမျှ လူကို မျက်နှာချိုသွေး၊ ပုံရိပ် ကောင်းကောင်း ကြော်ငြာ (publicity) များများ လုပ်နိုင်လို့သာ သမ္မတ ဖြစ်လာခဲ့တာပါ။ မြန်မာလူမျိုးတွေသာ ဆိုရင် ဘယ်နည်းနဲ့မှ ရွေးမှာ မဟုတ်ပါဘူး။
ပထမဆုံးခြေလှမ်း
မျှော်လင့်ချက်မှားတွေ ပေးပြီး ကျုံးအော်နေကြ သူတွေဟာ မြန်မာလူမျိုးတွေကို အထင်သေး နေကြတာ ဖြစ်တယ်။ မြန်မာ လူမျိုးတွေအကြောင်း သေသေချာချာ နားလည်ရင် မြန်မာ့ နိုင်ငံရေးကို နားမလည်နိုင်ဘူး။ မြန်မာ လူမျိုးတွေအကြောင်း နားလည်ဖို့ ဆိုရင်လည်း မြန်မာလူမျိုးတွေနဲ့ အေးအတူပူအမျှ အတူတကွ နေထိုင်ခံစား နေမှ ဖြစ်ပါတယ်။ နိုင်ငံခြားသား မျက်နှာဖြူ နိုင်ငံရေး ဂုရုဆိုသူတွေ ရေးတဲ့ မြန်မာပြည်အကြောင်း စာအုပ်တွေ ဖတ်ပြီး မြန်မာလူမျိုး အကြောင်း လေ့လာလို့ မရပါဘူး။ မြန်မာတွေကို ဆရာလုပ်ချင်ရင် ကိုယ်တိုင် မြန်မာတွေ ကြားမှာနေပြီး မြန်မာတွေရဲ့ စကားသံတွေကို နားထောင်ဖို့ လိုပါတယ်။ အခုမှ ရွေးကောက်ပွဲ ဆိုတာ ကြားဖူးတဲ့ လူငယ်လေးတွေကို အမှန်အတိုင်း အသိပေးသင့် ပါတယ်။ ရွေးကောက်ပွဲဆိုတာ နောက်ဆုံးပန်းတိုင် မဟုတ်တဲ့ အကြောင်း၊ ဒီမိုကရေစီ ခရီးစဉ်ကြီးရဲ့ ပထမဆုံး ခြေလှမ်း တစ်လှမ်းသာ ဖြစ်တဲ့အကြောင်း သိစေသင့်ပါတယ်။
ရွေးကောက်ပွဲလွန်နိုင်ငံရေး
ရွေးကောက်ပွဲ မတိုင်မီ နိုင်ငံရေးထက် တကယ်တော့ ရွေးကောက်ပွဲလွန် နိုင်ငံရေးက ပိုပြီး စိတ်ဝင်စားဖို့ ကောင်းတာ ဖြစ်တယ်။ ရွေးကောက်ပွဲမတိုင်မီ နိုင်ငံရေး ဆိုတာကတော့ ထုံးစံအတိုင်း ပါတီတွေ အချင်းချင်း အပြိုင်အဆိုင် ဟောပြောကြ၊ ကြော်ငြာကြ၊ ဝါဒဖြန့်ကြ လုပ်မှာပါပဲ။ ဘာမှ မဆန်းပါဘူး။ ရွေးကောက်ပွဲလွန် ကာလမှာ ဖွဲ့စည်းမယ့် အစိုးရက ဘယ်လို အစိုးရ ဖြစ်မလဲ၊ လွှတ်တော်ရဲ့ အခန်းကဏ္ဍက ဘယ်လို ရှိမလဲ ရွေးကောက်ပွဲလွန်ကာလ တပ်ရဲ့ အနေအထားက ဘယ်လို နေမှာလဲ တိုင်းရင်းသား ဒေသ အသီးသီးမှာ ဖွဲ့စည်းမယ့် လွှတ်တော်တွေမှာ ဘယ်လို လုပ်ပိုင်ခွင့်တွေ ရှိမှာလဲ စတဲ့ အချက်တွေက ပိုအရေးကြီးပြီး ပိုစိတ်ဝင်စားဖို့ ကောင်းတာ ဖြစ်တယ်။ နိုင်ငံရဲ့ အနာဂတ်ကို အဆုံးအဖြတ် ပေးမှာက ရွေးကောက်ပွဲ မဟုတ်ပါဘူး။ ရွေးကောက်ပွဲအပြီး ပေါ်ထွက်လာမယ့် အဆောက်အအုံတွေသာ ဖြစ်ကြောင်း တင်ပြလိုက်ရပါတယ်။
