မလေးရှားနိုင်ငံသို့ အလုပ်သွားရောက်လုပ်ကိုင်မည့် မြန်မာလုပ်သားများ အားလုံးသည် ပြီးခဲ့သည့် နိုဝင်ဘာ၂၃ရက်မှစ၍ မြန်မာနိုင်ငံရှိ မလေးရှားသံရုံး၌ ဗီဇာရယူပြီးမှ သွားရောက်ရတော့မည်ဖြစ်ကြောင်း ထိုသံရုံးမှ 7Day Newsသို့ပြောသည်။ ထိုကဲ့သို့ ဗီဇာလျှောက်ထားရန်အတွက် Calling Letter, Appointment Letter, Employment Letter, Power of Attoremy, Demand Letter နှင့် KDMခေါ် မလေးရှားနိုင်ငံ ပြည်ထဲရေးဝန်ကြီးဌာန၏ ခွင့်ပြုမိန့်တင်ပြရမည်ဟု သံရုံးမှပြောသည်။
၎င်းအပြင် အလုပ်သွားလုပ်ကိုင်ရန် ဗီဇာလျှောက်ထားသူ၏ ပတ်စ်ပို့သက်တမ်းမှာ အနည်းဆုံးတစ်နှစ် ကျန်ရှိရမည်ဖြစ်ပြီး၊ နောက်ခံအပြာရောင် ဓာတ်ပုံနှစ်ပုံနှင့်အတူ အထက်ပါ စာရွက်စာတမ်းများဖြင့် တင်ပြရမည်ဟု သိရသည်။ လျှောက်ထားသူသည် လိုအပ်သော စာရွက်စာတမ်းများအား တင်ပြပေးပါက နှစ်ရက်အကြာတွင် ပြန်လည်ချထားပေးမည်ဖြစ်ပြီး ဒေါ်လာကြေးမှာ ၆ဒေါ်လာကျသင့်မည်ဟု သိရသည်။ ယခု စတင်ကျင့်သုံးသောစနစ်အား ၂၀၀၅ခုနှစ်ကုန်ခါနီးအထိ ကျင့်သုံးခဲ့ပြီး ထိုနောက်ပိုင်းမှ ယခုအချိန်အထိလုပ်သားများအား Visa on Arrival (ဆိုက်ရောက်ဗီဇာ) စနစ်ကျင့်သုံးခဲ့သည်။
ယခုကဲ့သို့ လုပ်သားများ ဗီဇာယူဆောင်ရမည့် စနစ်ကျင့်သုံးလိုက်သည့်အတွက် Callingများမှန်ကန်မှုရှိလာခြင်း၊ မလေးရှားနိုင်ငံရောက် ဆွေမျိုးအပေါင်းအသင်းများ၊ လူပွဲစားများမှ ခေါ်ယူခြင်းနှင့် လိုင်စင်မရှိသော ပွဲစားများ လူပို့ရန်မရတော့သည့် ကောင်းကျိုးများ ဖြစ်လာနိုင်သည်ဟု ကျောက်တံတားမြို့နယ်အတွင်းရှိ အေဂျင်စီမှ အုပ်ချုပ်မှုဒါရိုက်တာတစ်ဦးက သုံးသပ်သည်။ “လိုင်စင်ရအေဂျင်စီတွေ အနေနဲ့လည်း အရင်ကလို ပိုက်ဆံရပြီးရော လုပ်လို့မရတော့ဘူး”ဟု အဆိုပါ ဒါရိုက်တာကဆိုသည်။
ယခုပြောင်းလဲလိုက်သော စနစ်ကြောင့် လိုင်စင်မရှိသော ပွဲစားများမှာ လုပ်ကိုင်ရခက်ခဲသွားပြီး၊ ထိုသူများထံမှ အကျိုးဆောင်ခ ယူဆောင်၍ လိုင်စင်ရှိအေဂျင်စီမှ ဗီဇာလျှောက်ထားခြင်း တစ်ဆင့်ထပ်မံဆောင်ရွက်ပေးပါက ပြဿနာဖြစ်ပေါ်လျှင် တာဝန်ယူသည့် အေဂျင်စီမှာ တာဝန်အပြည့်အ၀ ရှိသွားမည်ဖြစ်ပြီး၊ လိုင်စင်မဲ့ပွဲစားများ သက်တမ်းရှည်မည့် အလုပ်မျိုးအား မဆောင်ရွက်ပေးစေလိုကြောင်း အကြံပြုကြသည်။
ဗီဇာလျှောက်ထားပေးသော်လည်း အလုပ်သမားကတ် မပြုလုပ်ဘဲ စေလွှတ်မည်ဆိုပါက အလုပ်သမားရုံးမှတစ်ဆင့် သံရုံး၌ စစ်ဆေးတွေ့ရှိသည့်အခါ ထိုအေဂျင်စီမှာလည်း အရေးယူခံရဖွယ် ရှိလာနိုင်ကြောင်း သိရှိရသည်။ ယခုကဲ့သို့ ပြောင်းလဲလိုက်သည့် စနစ်ကြောင့် သွားရောက်အလုပ်လုပ်ကိုင်မည့် လုပ်သားများမှာ များစွာလုံခြုံစိတ်ချမှု ရှိသွားပြီး တစ်စုံတစ်ရာ ဖြစ်ပေါ်ပါက သံရုံးမှတစ်ဆင့် မိမိထံမှ အကျိုးဆောင်ခ ယူဆောင်ခဲ့သော အေဂျင်စီအား ဆက်သွယ်ဆောင်ရွက်ပေးမည်ဖြစ်ကြောင်း သိရသည်။
“အခု အဲဒီထဲမှာ ၃၀၀ကျော်လောက် ပြန်လာလို့မရ ဖြစ်နေတယ်။ ဘယ်သူပို့ခဲ့တာလဲ ရှာလို့မရတော့ဘူး။ အခုစနစ်နဲ့ဆိုရင် ဒါမျိုးတွေ မဖြစ်တော့ဘူး။ အလုပ်သမားနာမည် ပြောလိုက်တာနဲ့ တာဝန်ရှိသူအားလုံးကို ချက်ချင်းသိတော့မယ်”ဟု အေဂျင်စီမှ ဒါရိုက်တာတစ်ဦးက ပြောကြားသည်။ သို့သော် ယခုကဲ့သို့ ဗီဇာကြေး ပေးဆောင်ရခြင်းနှင့် လေယာဉ်လက်မှတ်ခများ ဈေးတက်လာခြင်းတို့ကြောင့် မကြာမီ အကျိုးဆောင်ခ တိုးမြှင့်တော့မည်ဖြစ်ကြောင်း သိရှိရသည်။ ပြီးခဲ့သည့်တစ်ပတ်က မြန်မာနိုင်ငံရှိ မလေးရှားသံရုံး၌ ဗီဇာရယူမသွားသော မြန်မာလုပ်သားတချို့သည် မလေးရှားနိုင်ငံ လေဆိပ်၌ တစ်ဦးလျှင် ရင်းဂစ်၅၀၀ပေး၍ ၀င်ခဲ့ရကြောင်း သိရှိရသည်။
နိုဝင်ဘာလ၁၉ရက် ကြာသပတေးနေ့၌ ရန်ကုန်-ကွာလာလမ်ပူ လေယာဉ်ခရီးစဉ်တွင် လိုက်ပါခဲ့သော မြန်မာလုပ်သား ၂၀ဦးမှာ ဗီဇာပြုလုပ်သွားခြင်း မရှိသည့်အတွက် မလေးရှားနိုင်ငံမှ လာရောက်ခေါ်ဆိုသူမှာ တစ်ဦးလျှင် ရင်းဂစ်၅၀၀ပေး၍ ဆောင်ရွက်ခဲ့ကြောင်း သိရသည်။ မလေးရှားနိုင်ငံ အစိုးရအနေဖြင့် မြန်မာနိုင်ငံမှ လာရောက်အလုပ်လိုသူများအား မြန်မာနိုင်ငံရှိ မလေးရှားသံရုံး၌ သတ်မှတ်ထားသော အချက်၆ချက်ရှိမှ ခွင့်ပြုပေးရန် နိုဝင်ဘာလ၁၆ရက်မှစ၍ မလေးရှားနိုင်ငံတွင် ထုတ်ပြန် ခဲ့သည်။
