ရန်ကုန်တိုင်း လှိုင်သာယာမြို့နယ် ရွှေလင်ဗန်းရပ်ကွက်က ကလေးငယ် ၃ ဦးကို တလမ်းတည်းနေသူတဦးက မတရား ပြုကျင့်မှု ဒီလ ၁ဝ ရက် မှာ ဖြစ်ပွားတယ်လို့ ကလေးမိဘနဲ့ နီးစပ်သူတွေက ပြောပါတယ်။
ကလေးငယ်သုံးဦးဟာ ညီအစ်မတွေဖြစ်ပြီး အသက် ၅ နှစ်၊ ၈ နှစ်နဲ့ ၁၃ နှစ် အရွယ်တွေပါ။ ကလေးတွေမှာ ဖခင်မရှိတော့ဘဲ မိခင်နဲ့အတူ ပလပ်စတစ်ကောက်ပြီး အ သက်မွေးဝမ်းကျောင်းပြုနေကြတာပါ။ တရားခံလို့ စွပ်စွဲခံထားရသူကတော့ အိမ်ထောင်ရှိ အသက် ၄ဝ ကျော် အ ရွယ်ဖြစ်ပြီး ငါးရှဥ့်ထောင်စားသူတဦး ဖြစ်ပြီး အခင်းဖြစ်ပွားမှုကို ကလေးမိဘနဲ့ နီး စပ်သူတဦးက ပြောပါတယ်။
“သူ့အမေနဲ့ အတူနေတဲ့ အိမ်ရှင်က ရေချိုးပေးတော့ အဲဒီမှာ ရောင်နေတာ တွေ့လို့ မေးတော့မှ ကလေးတွေက ပြောပြတာ။ ပြောရင် သတ်ပြစ်မယ် ဆိုလို့ မ ပြောဘူးတဲ့။ “ကလေးတွေက ပြောတော့ ခေါ်သွားတာ ၃ ရက်ရှိပြီတဲ့။ ရက်တွက်ကြည့် တော့ ၇ ရက်လောက်က မုန့်ကျွေးပြီး ခေါ်သွားတာ။ ၈ ရက် ၉ ရက်က အဓမ္မ ကလေးတွေကို လက်ဆွဲပြီး ခေါ်သွားတယ်။
“ရွှေလင်ပန်းတံတားနားမှာ လုပ်တာလို့ ပြောတာပဲ။ ည ၇ နာရီ ၈ နာရီ လူ တော့ ပြတ်တာပေါ့၊ သူတို့က အော်တယ်တဲ့ ပါးစပ်ပိတ်ထားတယ်လို့ ပြောတယ်။ ချောင်ကျတယ်၊ နည်းနည်းလည်း ဝေးတယ်။ ဒါ ဒုတိယအကြိမ် ဖြစ်တာ။ ဒီတရားခံ က အရင်တုန်းကလည်း ကလေးတွေကို မုဒိန်းမှု တခါဖြစ်ဖူးတယ်။ မယားပါသားက အာမခံနဲ့ ခေါ်ထုတ်ထားတာ။” ဒီကိစ္စနဲ့ပတ်သက်လို့ ဒီလ ၁၁ ရက်နေ့က မြို့နယ်ရဲစခန်းကို သွားရောက် တိုင်တန်းပေမယ့် အမှုဖွင့်မပေးလို့ ကလေးတွေမှာ ဆေးကုသခွင့်လည်းမရခဲ့ဘူးလို့ ဒေသခံနောက် တဦးက ပြောပါတယ်။
“ရဲစခန်းကို ၁၁ ရက်နေ့က တိုင်တော့ ရဲစခန်းမှူးက ၂ သောင်း တောင်း တယ် ပြောတာပဲ။ အဲ့တော့ ၂ သောင်း မပေးနိုင်ဘူး။ အဲဒီ အမျိုးသမီးက ပလပ်စ တစ် ကောက်စားတာ ဆိုတော့ ပိုက်ဆံ ၂ဝဝ ထုတ်ပေးတယ်။ ၂ဝဝ နဲ့ကတော့ မရ ဘူးတဲ့။ ရာအိမ်မှူး ဦးအေးသောင်း ညွှန်ကြားတဲ့အတိုင်း လုပ်ပါတဲ့။ သူတို့ကို ပြန်လွှတ်လိုက်တယ်။
“ပြီးခဲ့တဲ့ ၁၅ ရက်နေ့က ကျနော်နဲ့ ထပ်တွေတော့ ကလေး ၃ ယောက် ကော၊ သူ့အမေကော ခေါ်လာတယ်ပေါ့၊ မေးကြည့်တဲ့အခါ ကလေးမလေးက ဆီး တွေ၊ ဘာတွေ ကျင်နေတယ်ဆိုတော့ လှိုင်သာယာ ဆေးရုံသွားပြလိုက်လို့ ကျနော် က ပြောလိုက်ပြီး ကျနော်ဆီက လူတယောက် ထည့်ပေးလိုက်တယ်။ “ဆေးရုံရောက်တော့ ဆေးရုံကမေးတယ်။ ဆေးကုမှာလား အမှုဖွင့်မှာ လား တဲ့။
အဲဒါနဲ့ ကျနော်ထည့်ပေးလိုက်တဲ့ အမျိုးသမီးက အမှုဖွင့်မှာလို့ ပြောတယ်။ အမှု ဖွင့်မှာဆို ရဲစခန်းမှာ ဘာလို့ အမှု မဖွင့်တာလဲတဲ့။ ရဲက ၂ သောင်းတောင်းတယ်၊ မပေးနိုင်လို့ အမှုမဖွင့်ပေးဘူး။ ဒါကြောင့်မို့ မဖွင့်ရသေးဘူးပေါ့။ စခန်းကို ဆေးရုံက ဖုန်းဆက်တယ်နဲ့ တူပါတယ်။ သိပ်မကြာဘူး။ ဆရာမ တယောက် ထွက်လာတယ်။
စခန်းက ခေါ်နေတယ်တဲ့ ကလေး ၃ ယောက်နဲ့ အမေ သွားလိုက်ပါ ဆိုတော့ သွားကြရော။” ရဲစခန်းရောက်တဲ့အခါမှာ အိမ်ရှင်က ဒီလူကိုမတိုင်ရင် နေအိမ်ခြံဝင်းထဲကနေ မောင်းထုတ်မယ်ဆိုတဲ့ ဖိအားပေးမှုကြောင့် မတိုင်ချင်ဘဲ တိုင်ရတာပါလို့ အဆင် သင့်ရေးထားတဲ့ စာရွက်ပေါ်မှာ ကလေးမိခင်ကို လက်မှတ် ထိုးခိုင်းပါတယ်။
အဲဒီနောက် အိမ်ရှင်ကို ခေါ်စစ်ဆေးခဲ့ပြီး အိမ်ရှင်က သူဖိအားပေးတာ မဟုတ်ကြောင်း ငြင်းဆန်လို့ ပြဿနာဖြစ်ပွားပြီး နောက်ဆုံးမှာ ကလေးမိခင်က အမှု ကျေအေးကြောင်း လက်မှတ် ထပ်ထိုးပေးလိုက်ရတယ်လို့ အဲဒီဒေသခံတွေက ပြောကြပါတယ်။ ဒီအမှုနဲ့ပတ်သက်လို့ လှိုင်သာယာမြို့နယ် ရဲစခန်းကို ဆက်သွယ်မေးမြန်းတဲ့ အခါ စခန်းမှူး မရှိကြောင်းနဲ့ ဒီကိစ္စ အသေးစိပ်မသိဘူးလို့ တာဝန်ကျ ဝန်ထမ်း တဦးက ပြောပါတယ်။
“အဲတာကတော့ သူတို့မေးမှ သိမယ်။ ရယကနဲ့လား ဘာနဲ့လား မသိဘူး။ ညှိနှိုင်းတယ်လို့တော့ ကြားလိုက်တယ်။ ရပ်ကွက် ရယကတွေ မေးမှ သိမှာ၊ ရယက ရုံးမှာ ဖုန်းလည်း မရှိဘူး။” လက်ရှိမှာ တရားခံလို့ စွပ်စွဲခံရသူက တိမ်းရှောင်နေပြီး ရပ်ကွက်တာဝန်ရှိ သူတွေ ကလည်း ဘာမှ တာဝန်မယူ မဆောင်ရွက်ပေးဘူးလို့ ဒေသခံတွေက ပြော ပါတယ်။
ဒီဖြစ်ရပ်နဲ့ ပတ်သက်လို့ မြို့နယ် အမျိုးသမီးရေးရာအဖွဲ့ကို အကူအညီ မ တောင်းဘူးလားလို့ မေးကြည့်တော့ ကလေးမိဘနဲ့ နီးစပ်သူက “သူတို့ ရပ်ကွက်က အမျိုးသမီးရေးရာအဖွဲ့ကိုပဲ သွားပြောတယ် မြို့နယ်အထိ မသွာဘူး။ ရပ်ကွက် အမျိုးသမီးရေးရာမှူးက ပေးသလောက် ယူလိုက်တဲ့” လို့ ပြောပါတယ်။ ဒီဖြစ်ရပ်နဲ့ ပတ်သက်လို့ လှိုင်သာယာမြို့နယ် အမျိုးသမီးရေးရာအဖွဲ့ကို ဆက်သွယ်လို့ မရသေးပါဘူး။ လှိုင်သာယာမြို့နယ် အေးချမ်းသာယာရေးနှင့်ဖွံ့ဖြိုးရေးကောင်စီရုံးကို ဆက် သွယ်တဲ့အခါ “ဖြေကြားခွင့် မရှိဘူး။ တာဝန်ရှိသူလည်း မရှိဘူး။ ရဲစခန်းကို မေးပါ။” လို့ ဖြေသွားပါတယ်။
ရင်းမြစ်..DVB..။
