မြန်မာပြည်သူလူထု အင်တာနက်အသုံးပြုမှုကို နည်းမျိုးစုံဖြင့် ထိန်းချုပ်နေသော စစ်အစိုးရက ပြီးခဲ့သည့် (၃) ရက်မှစပြီး လူထုအတွင်း အသုံးများနေသည့် ဆက်သွယ်ရေးကွန်ရက်တခုဖြစ်သည့် Face Book- ဖေ့(စ်)ဘွတ်(က်) ကို ပိတ်လိုက်သည်။
မူလလုပ်နေကျအတိုင်း Face Book- ဖေ့(စ်)ဘွတ်(က်) ကို ပိတ်ပစ်လိုက်ခြင်းမဟုတ်ဘဲ ဆက်သွယ်မှု အမှားအယွင်းပုံစံ အသစ်တမျိုးဖြင့် ပိတ်လိုက်ခြင်းဖြစ်ကြောင်း ပြည်တွင်း အိုင်တီအသိုင်းအ၀ိုင်းက ပြောသည်။ “IP Drop လုပ်ပစ်လိုက်တယ်။ မသိရင် ကိုယ့်ဆီကပဲ ကော်နက်ရှင် ကျနေသလိုလို။ စစ်တပ်က သိပ်ကို တော်ပါတယ်ဗျာ။ အရမ်းတော်ပါတယ်။ Banned တာမဟုတ်ဘဲ connection error ပုံစံမျိုး လုပ်လိုက်တာ ခင်ဗျ” ဟု ပြည်တွင်း အိုင်တီပညာရှင် တဦးက ပြောသည်။
လက်တလော အခြေအနေအရ Face Book- ဖေ့(စ်)ဘွတ်(က်) အသုံးပြုနေသူများသည် စစ်အစိုးရက ပိတ်ပင်ထားသည့် သတင်းဝက်ဘ်ဆိုက်များကဲ့သို့ ပရော့ဇီများဖြင့်ကျော်ပြီး ခက်ခက်ခဲခဲ အသုံးပြုနေရကြောင်း သိရသည်။
“ပြည်တွင်းမှာ တားမြစ်မထားတဲ့ ၀က်ဘ်ဆိုက်ဆိုတာ မရှိဘူး။ သုံးသမျှ သူတို့ဥပဒေနဲ့ ငြိတာပဲ။ အီးမေးလ်လည်း သူတို့ အီးမေးလ်ပဲ သုံးရမယ်လို့ ပြောထားတာပဲ” ဟု ပြည်တွင်း အိုင်တီပညာရှင်တဦးက ပြောသည်။
စစ်အစိုးရက အင်တာနက်ကဖေးများကို စည်းကမ်းချက် (၁၉) ချက် ချမှတ်ပြီး လာရောက်သုံးစွဲသူများ၏ သုံးစွဲမှုမှတ်တမ်းကို (၅) မိနစ်တခါ မှတ်တမ်းတင်ပြီး ယင်းမှတ်တမ်းများကို (၂) ပတ်တကြိမ် စီဒီများဖြင့် ကူးယူကာ မြန်မာအင်ဖိုတက်သို့ ပေးအပ်ရန် ညွှန်ကြားထားသည်။
ထို့အပြင် လာရောက်သုံးစွဲသူများကို မှတ်ပုံတင်နံပါတ်နှင့် နေရပ်လိပ်စာ အပြည့်အစုံကို မှတ်တမ်းတင်ခိုင်းထားပြီး ဒေါင်းလော့ လုပ်မှုအားလုံးကို မှတ်တမ်းတင်ထားရန်နှင့် အင်တာနက်ဆိုင်များမှ Floppy Drive၊ CD Drive နှင့် USB Port များကိုလည်း သုံးခွင့်မပြုကြောင်း ထုတ်ပြန်ထားသည်။
ယခုသတင်းအား http://www.baymyanmar.com မှ ပေးပါသည်..။
http://www.baymyanmar.com ဘလော့တွင်လဲ တင်ပြထားပါသည်..။
