နေအိမ်အကျယ်ချုပ်ကျနေတဲ့ အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ ပေးစာကို နိုင်ငံတော်အေးချမ်းသာယာရေးနဲ့ ဖွံဖြိုးးရေးကောင်စီ ဥက္ကဋ္ဌ ဗိုလ်ချုပ်မှူးကြီးသန်းရွှေ အနေနဲ့ လိုက်လျောဖို့ ဒီမိုကရေစီရေး လှုပ်ရှားသူတွေက တိုက်တွန်း တောင်းဆိုလိုက်ပါတယ်။
ဒေါ်အောင်ဆန်းစုကြည်ရဲ့ ပေးစာပါ အချက်တွေကို ဗိုလ်ချုပ်မှူးကြီး သန်းရွှေ အနေနဲ့ လိုက်လျောဖို့ တိုက်တွန်းတောင်းဆိုလိုက်တဲ့ အဖွဲ့တွေက မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့၊ ၈၈ မျိုးဆက်ကျောင်းသားများအဖွဲ့နဲ့ ဗမာနိုင်ငံလုံးဆိုင်ရာကျောင်း သားသမဂ္ဂများ အဖွဲ့ချုပ်တို့ ဖြစ်ပါတယ်။ ဒေါ်အောင်ဆန်းစုကြည် ရဲ့ ပေးစာမှာ အချက် ၆ ချက်ပါဝင်ပြီး ပထမဆုံးအချက်က မြန်မာနိုင်ငံကို လာရောက်ခဲ့တဲ့ အမေရိကန်နိုင်ငံ လက်ထောက် နိုင်ငံခြားရေးဝန်ကြီး မစ္စတာ ကတ်ကမ့်ဘဲလ်နဲ့ အဖွဲ့ကို နိုင်ငံရေးအဖွဲ့အစည်းတွေနဲ့ တွေ့ဆုံဆွေးနွေးနိုင်အောင် စီစဉ်ပေးခဲ့လို့ အထူး ကျေးဇူးတင်ကြောင်း ပြောဆိုထားပါတယ်။
ဒုတိယ အချက်အနေနဲ့ မြန်မာနိုင်ငံအပေါ် ပိတ်ဆို့အရေးယူမှုတွေ ဖယ်ရှားရေးကို သူ့အနေနဲ့ နိုင်ငံတော်အေးချမ်းသာယာရေးနဲ့ ဖွံ့òဖိးရေးကောင်စီနဲ့ ပူပေါင်းဆောင်ရွက်လိုကြောင်း၊ ပိတ်ဆို့ အရေးယူမှုတွေနဲ့ ပတ်သက်ပြီး ပိုမိုသိရှိလိုကြောင်း တင်ပြချက်အပေါ် လိုအပ်တဲ့ စီစဉ်ဆောင်ရွက်ပေးမှုတွေအတွက်လည်း ကျေးဇူးတင်ကြောင်း ပြောဆိုထားတာပါ။ အဲဒီနောက် အဖွဲ့ချုပ်လုပ်ငန်းတွေ ပိုမိုထိရောက်စွာ ဆောင်ရွက်နိုင်ရေး အဖွဲ့ချုပ် ဗဟို အလုပ်မှုဆောင် အဖွဲ့ဝင်တွေအားလုံးကို သူ့ရဲ့ နေအိမ်ကို ဖိတ်ခေါ်ပြီး တွေ့ဆုံဆွေးနွေးလိုကြောင်း၊ ကျန်းမာရေးမကောင်းတဲ့ အဖွဲ့ချုပ်ဥက္ကဋ္ဌ ဦးအောင်ရွှေ၊ အတွင်းရေးမှူး ဦးလွင်နဲ့ အလုပ်အမှုဆောင်အဖွဲ့ဝင် ဦးလွန်းတင် တို့ကို သူတို့ရဲ့ နေအိမ်တွေမှာ သွားရောက်ပြီး ဂါရဝပြုလိုကြောင်း တင်ပြထားပါတယ်။
နောက်ဆုံးမှာ အဖွဲ့ချုပ်ဗဟိုအလုပ်အမှုဆောင် အဖွဲ့ဝင်တွေနဲ့ တွေ့ဆုံဆွေးနွေးပြီးတဲ့ နောက် နိုင်ငံတော်အတွက် အကျိုးရှိမယ့် လုပ်ငန်းတွေကို ပူပေါင်းဆောင်ရွက်လိုကြောင်းနဲ့ အဲဒါတွေနဲ့ ပတ်သက်လို့ ဗိုလ်ချုပ်မှူးကြီး သန်းရွှေနဲ့ တွေ့ဆုံဆွေးနွေးလိုကြောင်း အထူး မေတ္တာရပ်ခံထားတာပါ။ ဒေါ်အောင်ဆန်းစုကြည်ရဲ့ ပေးစာဟာ တိုင်းပြည် တိုးတက်ပြောင်းလဲရေးအတွက် အရမ်းအရေးကြီးလို့ ဗိုလ်ချုပ်မှူးကြီးသန်းရွှေအနေနဲ့ လိုက်လျောသင့်တယ်လို့ ၈၈ မျိုး ဆက်ကျောင်းသားများအဖွဲ့မှ ကိုထွန်းမြင့်အောင် က ပြောပါတယ်။
“အဓိက ပြောချင်တာက ဒေါ်အောင်ဆန်းစုကြည် ဗိုလ်ချူပ်မှူးကြီး သန်းရွှေဆီကို ပေးလိုက်တဲ့စာဟာ အပြုသဘောဆောင်တဲ့ ချဉ်းကပ်မှုအဖြစ် ကျနော်တို့ ရှုမြင်တယ်။ တိုင်းပြည်ရဲ့ အပြောင်းအလဲအတွက်လည်း အင်မတန်မှ အရေးကြီးတယ်လို့ ကျနော်တို့ မြင်ပါတယ်။ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ဟာ တိုင်းပြည်မှာ အမျိုးသား ရင်ကြားစေ့ရေးကို အမှန်တကယ် တည်ဆောက်လိုတဲ့ စစ်မှန်တဲ့စိတ်ဆန္ဒ ပြင်းပြင်းပြပြ ရှိနေတယ် ဆိုတာကို ဒီစာက ထင်ရှားစေတယ်။
“ဒေါ်အောင်ဆန်းစုကြည် အနေနဲ့ တိုင်းပြည်အတွက် အကျိုးရှိမယ့် လုပ်ငန်းတွေကို ပူးပေါင်းဆောင်ရွက်နိုင်ဖို့ ဗိုလ်ချူပ်မှူးကြီးနဲ့တွေ့ဆုံ ဆွေးနွေးဖို့ တောင်းဆိုတာဟာ လက်တွေ့ကျတဲ့ ရဲရင့်တဲ့ ခြေလှမ်းတစ်ရပ်ပဲလို့ ကျနော်တို့ မြင်တယ်။ အဲဒီအတွက် ကြိုဆိုတယ်။ ဗိုလ်ချူပ်မှူးကြီး သန်းရွှေ အနေနဲ့ ဒေါ်အောင်ဆန်းစုကြည်ရဲ့ အပြုသဘော ချဉ်းကပ်မှုကို အခွင့်ကောင်းတရပ် အနေနဲ့ လက်ဆုပ်လက်ကိုင် ရယူပြီး တိုင်းပြည်နဲ့ လူထုမျက်နှာကို ကြည့်ပြီးတော့ တပ်မတော်ရဲ့ ဂုဏ်သိက္ခာ အတွက်ပါ ယနေ့ တိုင်းပြည်မှာ ရင်ဆိုင်နေရတဲ့ အခက်အခဲတွေ အားလုံးကို ပြေလည်သွားစေရေးအတွက် ဒေါ်အောင်ဆန်းစုကြည်နဲ့ တွေ့ဆုံဆွေးနွေး ညှိနှိုင်းပြီး အဖြေရှာသင့်ပြီလို့ တိုက်တွန်းချင်တာပါ။”
ဒါနဲ့ပတ်သက်လို့ အဖွဲ့သုံးဖွဲ့ပေါင်းပြီး ဒီနေ့ ထုတ်ပြန်တဲ့ ကြေညာချက်ထဲမှာ ဒေါ်အောင်ဆန်းစုကြည်နဲ့ အမေရိကန်သမ္မတ ဘားရက်အိုဘားမား တို့က လူထုနဲ့ နိုင်ငံတကာ အသိုင်းဝိုင်းကို ကိုယ်စားပြုပြီး အပြုသဘောဆောင်တဲ့ ချဉ်းကပ်မှုကို စစ်အစိုးရအနေနဲ့ လက်တွဲ ညှိနှိုင်းအဖြေရှာသင့်တယ်လို့ ဖော်ပြထားပါတယ်။ “အမေရိကန် သမ္မတ မစ္စတာအိုဘားမာကလည်း အာရှခရီးစဉ်မှာ ဗမာပြည် ညီညွတ် တိုးတက်ငြိမ်းချမ်းတာ သူတို့ မြင်ချင်ပါတယ်။ ဒီမိုကရေစီနဲ့ လူ့အခွင့်အရေး လမ်ကြောင်းပေါ်ကို ဦးတည်လာရင် သူတို့အနေနဲ့ ပိတ်ဆို့မှုတွေကို ဖယ်ရှားပေးဖို့ အဆင်သင့်ရှိပါတယ်လို့ ပြောတယ်။ နအဖ စစ်ဗိုလ်ချုပ်တွေ တောင်းဆိုနေတဲ့ စီးပွားရေး ပိတ်ဆို့မှုတွေ ဖယ်ရှားရေးဆိုတာ အဓိက လုပ်ရမယ့် တာဝန်ရှိသူဟာ နအဖ စစ်အစိုးရ ကိုယ်တိုင်သာ ဖြစ်တယ်လို့ အိုဘားမားရဲ့ စကားက ထင်ရှားစေပါတယ်။
“ဒေါ်အောင်ဆန်းစုကြည်အနေနဲ့ လူထုကို ကိုယ်စားပြုပြီး အိုဘားမားအနေနဲ့ နိုင်ငံတကာကို ကိုယ်စားပြုပြီး အပြုသဘောဆောင်တဲ့ ချဉ်းကပ်မှုတွေ၊ နည်းလမ်းအသစ်တွေနဲ့ ပူးပေါင်းလက်တွဲဖို့ တောင်းဆိုနေတဲ့ နေရာမှာ ဗိုလ်ချူပ်မှူးကြီး သန်းရွှေက ဒီ အခွင့်အခါကောင်းကို ဆုပ်ကိုင်ပြီး တိုင်းပြည် ပြေလည်ရာ ပြေလည်ကြောင်း ညှိနှိုင်းဆောင်ရွက်ပါ လို့ လေးလေးနက်နက် တိုက်တွန်း တောင်းဆိုချင်တာပါ။” ကြေညာချက်ရဲ့ နောက်ဆုံးအပိုဒ်မှာ အဖွဲ့ချုပ်က လူထုဦးဆောင်ပါတီအဖြစ် ရွှေဂုံတိုင် ကြေညာစာတမ်းအပေါ် ခိုင်ခိုင်မာမာရပ်တည်ပြီး လူထုကို လက်တွဲဦးဆောင်ကာ အချိန်ကိုက် လှုပ်ရှားမှုတွေ လုပ်သွားဖို့ကိုလည်း တိုက်တွန်းတောင်းဆိုထားပါတယ်။
ရင်းမြစ်..DVB..။
