ပြည်သူလူထုအသံကို ထုတ်ဖော်ပြသနိုင်မည့် ရိုးရာသင်္ကြန် သံချပ်ပြိုင်ပွဲကို ကျင်းပပြုလုပ်သွားမည်ဖြစ်ပြီး ပြိုင်ပွဲ အတွက် လျှောက်လွှာများ ဖိတ်ခေါ်ထားကြောင်း ရွှေ FM ၏ ထုတ်ပြန်ကြေညာချက်အရ သိရသည်။ အဆိုပါ သံချပ်ပြိုင်ပွဲကို ရွှေ FM နှင့် Bo Bo အင်တာတိန်းမန့်တို့က ပူးပေါင်းလုပ်ဆောင်သွားမည်ဖြစ်ပြီး ယှဉ်ပြိုင်ရမည့် သံချပ်ခေါင်းစဉ်အား ‘လူထုအသံ’ ဟု အမည်ပေးထားကြောင်း သိရသည်။ “မနှစ်တုန်းကလုပ်တဲ့ သံချပ် အဖွဲ့တွေကို ကူညီပေးခဲ့တယ်။ အရင်တုန်းက ပြန်လည်ဖော်ထုတ်ခွင့် မရတဲ့ သံချပ်တွေကို အခုလုပ်ခွင့်ရတဲ့ အချိန်မှာ ပြန်လုပ်တာပါ၊ အခုက ပထမအကြိမ်၊ နောင်နှစ်တွေမှာလည်း ဆက်လုပ်သွားပြီး ဆုပေးမဏ္ဍပ်နဲ့ သေသေချာချာ ဆုပေးသွားဖို့ ရှိပါတယ်” ဟု ကိုဘိုဘိုခန့်က ပြောကြားသည်။ မြန်မာ့ရိုးရာ သင်္ကြန်တွင် သံချပ်သီဆိုမှုမှာ ရိုးရာအစဉ်အလာ တစ်ခုအဖြစ် ခေတ်အဆက်ဆက်ကတည်းက ရှိခဲ့ကာ တပ်မတော် အစိုးရ လက်ထက်မှ ယနေ့အစိုးရလက်ထက် အစောပိုင်းကာလအထိ သံချပ်သီဆိုမှု ရပ်ဆိုင်းခိုင်းထားခြင်း ခံခဲ့ရသည်။ နှစ်ပေါင်း ၂၀ ကျော်ကြာ တိမ်မြုပ် ပျောက်ကွယ်ခဲ့ရသော သံချပ်သီဆိုမှုမှာ ၂၀၁၂ ခုနှစ်တွင် ပြန်လည်စတင် အသက်သွင်းနိုင်ခဲ့ပြီး ယင်းနှစ်သင်္ကြန်တွင် မောင်မောင်ဆိုလေ ထီးရိုးရှည် သံချပ်အဖွဲ့၊ ကိုမေတ္တာ၊ ဗေလုဝ စသည့် ထိပ်တန်းလူရွှင်တော်များ၏ “သာဓုပါဗျာ” အဖွဲ့နှင့် (၈၈)မျိုးဆက် ကျောင်းသားများအဖွဲ့၏ ပြည်သူ့အသံ ဖော်ထုတ်ခဲ့သော သံချပ်သီဆိုမှုကို ပြည်သူအများက တစ်ခဲနက် အားပေးခဲ့ကြသည်။ ၂၀၁၂ ခုနှစ် သင်္ကြန် မတိုင်မီကလည်း ရိုးရာသံချပ်ပြိုင်ပွဲကို ပြည်သူ့ရင်ပြင်တွင် ပထမဆုံး ပြုလုပ်ရာ ယခု သံချပ်ပြိုင်ပွဲ အစီအစဉ်မှာ အစိုးရသစ်လက်ထက် ဒုတိယအကြိမ်မြောက် သံချပ်ပြိုင်ပွဲ ပြုလုပ်နိုင်ခဲ့ခြင်းလည်း ဖြစ်သည်ဟု သိရသည်။ “အဲဒီလို ပြိုင်ပွဲတွေ လုပ်ပေးနေတာ ကောင်းပါတယ်။ သံချပ်နဲ့ မြန်မာပြည်သူလူထုက ကင်းကွာနေတာ ကြာပြီလေ။ ဒါကြောင့် အချို့ဆို သံချပ်ဆိုတာ ဘာမှန်းမသိတာတွေတောင် ရှိလာတော့ မျိုးဆက်ပြတ် မကျန်ခဲ့အောင် ပြန်ဖော်ထုတ်ရာလည်း ကျတယ်။ သံချပ်ဆိုတာ ပြည်သူ့အသံ စစ်စစ်ဖြစ်လို့ အစိုးရပိုင်းကလည်း ပြည်သူ့အသံ အလေးထားတယ် ပြောထားတာ ရှိနေတော့ သံချပ်သံတွေ ပြန်ရှင်သန်ခွင့် ရတဲ့ ကာလ ရောက်လာပြီလို့ပဲ ယူဆရမှာပေါ့” ဟု (၈၈)မျိုးဆက် ကျောင်းသားအဖွဲ့ဝင် တစ်ဦးက ၎င်းထင်မြင် ယူဆချက်အား ပြောသည်။ အဆိုပါ သံချပ်ပြိုင်ပွဲကို တာမွေမြို့နယ်ရှိ ရွှေထွဋ်တင် အဆောက်အအုံတွင် ကျင်းပ ပြုလုပ်မည် ဖြစ်ပြီး ဆုကြေးငွေကို ပထမ သိန်း ၃၀၊ ဒုတိယ သိန်း ၂၀၊ တတိယ ၁၅ သိန်း၊ စတုတ္ထ ၁၀ သိန်း ပေးမည် ဖြစ်ကြောင်း သိရသည်။ ယင်းပြိုင်ပွဲကို မတ် ၉၊ ၁၀၊ ၁၁ ရက် သုံးရက်အကြို အစမ်းယှဉ်ပြိုင်ရမည် ဖြစ်ပြီး နောက်ဆုံးအဆင့် ပြိုင်ပွဲကို ဧပြီ ၇ ရက်တွင် ယှဉ်ပြိုင်ရမည်ဖြစ်ကြောင်း၊ လျှောက်လွှာများကို ဖေဖော်ဝါရီ ၂၈ ရက်အထိ လက်ခံသွားမည် ဖြစ်ကြောင်း News Watch Weekly ဂျာနယ်တွင် ဖော်ပြထားပါသည်။ "
