29 November 2012

ဒေါ်စုနှင့် ဗိုလ်ချုပ်
(Foreign Policy မှ December 2012 ရက်စွဲတပ်ထားသော Kurt M.Campbell ရေးသားသည့် The Lady and the General ကို YC မှဘာသာပြန်ဆိုသည်)
(စာရေးသူ Kurt M.Campell သည်အရှေ့အာရှနှင့် ပစိဖိတ်ရေးရာအမေရိကန်လက်ထောက်နိုင်ငံခြားရေးဝန်ကြီးဖြစ်ပါသည်)
မြန်မာနိုင်ငံတွင် နိုင်ငံရေးအရ လုပ်ဖော်ကိုင်ဖက်များ ဖြစ်လာလိမ့်မည်ဟု မထင်ရသူများက နိုင်ငံရေးအရ အသွင်ကူးပြောင်းရေးကို အံ့သြဖွယ် မောင်းနှင်နေကြပါပြီ။ ထိုအထဲမှတစ်ဦးမှာ ဒေါ်အောင်ဆန်းစုကြည် ဖြစ်ပါသည်။ နောက်ပိုင်းမျိုးဆက်များက ဖိနှိပ်မူများကို အကြမ်းမဖက်ပဲ တွန်းလှန်သူ အဖြစ်သတ်မှတ်ကြပြီး၊ ဗိုလ်ချုပ်ဟောင်းတစ်ဦးဟု မထင်မှတ်ရလောက်သူ တစ်ဦးဖြစ်ပါသည်။ ယခုအခါ သူသည် တိုင်ပြည်ကိုလမ်းကြောင်းသစ်သို့ ဦးတည်ရန် ပဲ့ကိုင်နေပါသည်။ ယခုကဲ့သို့ သဘာဝမကျသောတွဲဖက်ခြင်းမျိုးကို မစဉ်းစားမိပေ။ သို့သော် ၎င်းတို့နှစ်ဦးသည် ယခုအခါ ရာစုနှစ်တစ်ဝက် အတွင်း မြန်မာ နိုင်ငံအတွက် မျှော်လင့်ချက်အပြည့်ရှိသော အလှည့်အပြောင်းကို ကိုယ်စားပြုနေကြပြီဖြစ်ပါသည်။
မြန်မာနိုင်ငံသည် ဒုတိယကမ္ဘာစစ်မတိုင်မှီက အာရှ၏ဆန်အိုးကြီး ဖြစ်ခဲ့ပြီး၊ ကျန်းမာရေး၊ ပညာရေးနှင့် ကြွယ်ဝချမ်းသာမူအဆင့်များတွင် ဒေသအတွင်း၌ မြင့်မားခဲ့ပါသည်။ မြန်မာနိုင်ငံ၏ ကိုလိုနိခေတ်လွန်ကာလ အမွေဆိုးများတွင် ခါးသီးသည့်တိုင်းရင်းသားသွေးခွဲမူများ၊ အိမ်နီးချင်း၏ စစ်အေးတိုင်ပွဲ လျို့ဝှက်စီမံချက်တွင် ဗဟိုချက်၌ ကံမကောင်းစွာ ပါဝင်ရခြင်းများ ပါဝင်ပါသည်။ စစ်အေးတိုက်ပွဲကာလတွင် ဆိုဗိယက်ယူနီယံ၊ တရုတ်နှင့် အမေရိကန်ပြည်ထောင်စုတို့သည် မဟာဗျုဟာခြေကုတ်ရယူရန်နှင့် ဝါဒရေးရာ မဟာမိတ်ရရေးတို့ကို ပြိုင်ဆိုင်ခဲ့ကြပါသည်။ ၁၉၆၂ ခုနှစ် အာဏာသိမ်းမူအပြီးတွင် စစ်တပ်သည် နိုင်ငံကိုစုစည်းရန် လိုအပ်သောကြောင့် လိုအပ်သောအင်အားဖြင့် စုစည်းထားရန်နှင့် အစစ်အမှန်သော် လည်းကောင်း၊ စိတ်ကူးဖြင့်သော် လည်းကောင်း နိုင်ငံခြား၏ လွှမ်းမိုးမူပုံစံမျိုးစုံကို ဆန့်ကျင်ရန်ပြောလာခဲ့သည်။ ဗိုလ်ချုပ်များသည် တိုင်းပြည်ကို ပျက်စီးခြင်းသို့ရောက်အောင် တွန်းပို့ခဲ့ကြသည်။
၂၀၀၉ ခုနှစ်အရောက်တွင် အမှန်တကယ်ပြောင်းလဲမူဖြစ်နိုင်သည့် ပွင့်လင်းသည်လက္ခဏာ အနည်းငယ်ကိုသာ တွေ့ရပါသည်။ သို့သော် သမ္မအိုဘားမားသည် မြန်မာနိုင်ငံကို အထီးကျန်ဘဝမှ လွတ်မြောက်ရေးအတွက်ကူညီရန် ယာယီနည်းလမ်းသစ်များဖြင့် ကြိုးပမ်းမူ စတင်ပြုလုပ်ခဲ့ပါသည်။
၂၀၁၀ ခုနှစ် အစောပိုင်းစာရေးသူ၏ မြန်မာနိုင်ငံသို့ ပထမဦးဆုံးခရီးစဉ်တွင် ဒေါ်အောင်ဆန်းစုကြည်နှင့်လည်းကောင်း၊ ထိုစဉ်က ဝန်ကြီးချုပ်နှင့် စစ်အစိုးရ၏ နံပါတ်လေးခေါင်းဆောင် ဦးသိန်းစိန်နှင့်လည်းကောင်း တွေ့ဆုံခဲ့ပါသည်။ ၎င်းတို့နှစ်ဦးကြား ခြားနားမှုမှာ သိမ့်မကြီးနိုင်ကြောင်း တွေ့ရသည်။ စာရေးသူအား ဒေါ်အောင်ဆန်းစုကြည်နှင့် ရန်ကုန်မြိုရှိ ရုရှားတို့ဆောက်လုပ်ပေးထားသော ဟောင်းနေသည့်ဟိုတယ်ကြီးတစ်ခုတွင် တွေ့ဆုံခွင့်ပေးခဲ့ ပါသည်။ အဆိုပါဟိုတယ်မှာ မြန်မာနိုင်ငံတွင် စစ်အေးတိုက်ပွဲကာလ၏ အကောင်းအဆိုးရောပြွမ်းနေသော အကျိုးဆက်များမှ အကြွန်းအကျန်တစ်ခု ဖြစ်ပါသည်။ ဒေါ်အောင်ဆန်းစုကြည်အား သူ့ကိုအကျယ်ချုပ်ထားရှိသည့်နေအိမ်မှ ဟိုတယ်သို့ ပို့ပေးခဲ့ပါသည်။ စာရေးသူတို့သည် ၃ နာရီကြာခန့် စကားပြောခဲ့ရာ မြန်မာနိုင်ငံအသစ်အတွက် သူ၏မျော်လင့်ချက်များအကြောင်း ပြောဖြစ်ခဲ့သည်။ သူသည်ကြိုတင်သိထားသည့်အတိုင်း ဆွဲဆောင်အား ကောင်းလှပြီး၊ လက်ရှိ စိတ်ပျက်ဖွယ်အခြေအနေ ရှိလင့်ကစား ဆုံးဖြတ်ချက်ခိုင်မာ အားကောင်းပြီး အကောင်းမြင်မူကို ထင်ဟပ်နေပါသည်။ သူ့အား ဆယ်စုနှစ် နှစ်ခုနီးပါး နေအိပ်အကျယ်ချုပ်ဖြင့် အထီးကျန်ခဲ့သော်လည်း နိုင်ငံတကာဖြစ်ပေါ်တိုးတက်မူများကို အသေးစိတ်ဆုတ်ကိုင်မိကြောင်း ပြသခဲ့ပါ သည်။ သူက နေ့စဉ်ဖြတ်သန်းမှုများပြောရာတွင် နေ့စဉ် BBC ကမ္ဘာသတင်း VOA သတင်းများနားထောင်ပြီး ရေးရေးသာစိတ်ကူးနိုင်သည် သူ၏ အနာဂါတ်နေရာအတွက် ကြိုတင်ပြင်ဆင်နေပုံကို ပြောပြပါသည်။ ယနေ့တွင် လက်တွေ့ အကောင်အထညပေါ်လာပြီ ဖြစ်ပါသည်။ စစ်အစိုးရသည် နိုင်ငံပိုင်သတင်းစာများတွင် စာရေးသူ၏ခရီးစဉ်အား ဖော်ပြရာတွင် ဒေါ်အောင်ဆန်းစုကြည်၏ဓါတ်ပုံကို ဖြတ်တောက်ဖော်ပြခဲ့ပါသည်။
စာရေးသူသည် ဦသိန်းစိန်ကို နေပြည်တော်တွင်တွေ့ဆုံခဲ့ပါသည်။စာရေးသူတို့က အဓိပ္ပါယ်ရှိသော တွေ့ဆုံဆွေးနွေးပွဲကို အဆိုပြုခဲ့ရာ လုံးဝတုန့်ပြန်မှု မရခဲ့ပေ။ ၎င်းနှင့်သူ၏ ဗိုလ်ချုပ်များသည် ဒေါ်အောင်ဆန်းစုကြည်နှင့်ဆက်ဆံရန် လည်းကောင်း၊ ပြုပြန်ပြောင်းလဲရေး အကောင်းအထည်ဖော်ရန် ၎င်းဆန္ဒရှိပုံ လက္ခဏာလုံးဝမပြခဲ့ပေ။ ဦးသိန်းစိန်သည် ပါဝါရှိသူတစ်ဦးဟု မထင်ရပေ။ခံစားချက်ကို ထုတ်မပြပဲ၊ သဘောထား နူးညံသူဖြစ်ပါသည်။ သို့သော်လည်း ၎င်းနှင့်ပထမဦးဆုံးအကြိမ် တွေ့ဆုံမူတွင် လေသံအတက်အကျ စစ်သားအသံ ဂရုပြု ထိန်းသိမ်းထားပြီး၊ သတိထား သည့် သဘောရှိပါသည်။ ယခုသမ္မတဘဝတွင် သက်ဝင်စေသည့် ပြုပြင်ပြောင်းလဲရေးနှင့်ပတ်သက်သော အိုင်ဒိယာများကို တစွန်းတစ ထုတ်ဖော် ပြသခဲ့ခြင်းမရှိပေ။သုံးနှစ်ကြာခဲ့ပြီးနောက်၊ ယခုနှစ်စက်တင်ဘာလတွင် ဒေါ်အောင်ဆန်းစုကြည်သည် လွှတ်တော်တွင် အမတ်တစ်ဦးအနေဖြင့် အမေရိကန် ပြည်ထောင်စုသို့ လွတ်လပ်စွာ သွားလာနိုင်ခဲ့ပါသည်။ သူသည် ဆုလက်ခံယူရန်နှင့် မြန်မာနိုင်ငံအပေါ် နိုင်ငံတကာအသိုင်းဝိုင်းက ထောက်ခံပံ့ပိုးမှုရရန်နှင့် အဆက်သွယ်သစ်များရရန် လုပ်ဆောင်နိုင်ခဲ့ပါသည်။ သူ၏ ခရီးစဉ်အတွင်း ဦးသိန်းစိန်သည်လည်း အမေရိကန်ပြည်ထောင်စုသို့ ရောက်ရှိလာပါသည်။ ဦးသိန်စိန်သည် ကုလသမဂ္ဂအထွေထွေညီလာခံတွင် မိန့်ခွန်းပြောကြားသည့် ပထမဦးဆုံး မြန်မာနိုင်ငံခေါင်းဆောင် ဖြစ်လာပြီး နိုင်ငံခြားရေးဝန်ကြီး ဟီလာရီကလင်တန်နှင့် တွေ့ဆုံခဲ့ပါသည်။ “မြန်မာနိုင်ငံအစိုးရနှင့် ပြည်သူတွေဟာ ဒိမိုကရေစီအသွင်ကူးပြောင်းရေးနဲ့ ပြုပြင်ပြောင်းလဲရေးလုပ်ငန်းစဉ် တွေမှာ နောက်ပြန်မလှည့်မယ် ထင်သာမြင်သာခြေလှမ်းများလှမ်းနေပါပြီ”ဟု ၎င်းကပြောပါသည်။ ၎င်းသည်နယူးယောက်တွင် ရှိစဉ်အတွင်း အောင်ဆန်းစုကြည်နှင့် ပုဂ္ဂလိကတွေ့ဆုံမှုဖြင့် တွေဆုံခဲ့ပါသည်။ ၎င်းတို့လုပ်ဖော်ကိုင်ဖက်အဖြစ် ပေါင်းစည်းမူမှာ မဖြစ်နိုင်သောကိစ္စ ဖြစ်သော်လည် နယူးယောက်တွင် ၎င်းတို့တွေ့ဆုံမှုမှာ ၎င်းတို့နှင့် ၎င်းတို့တိုင်းပြည် မည်မျှခရီးပေါက်ခဲ့ပြီဆိုသည်ကို အားကောင်းစွာညွန်ပြခဲ့သည် သင်္ကေတဖြစ်ပါသည်။
၎င်းတို့၏ ဆက်ဆံရေးအစမှာ ၂၀၁၁ ခုနှစ် သြဂုတ်လက လွတ်လပ်ရေးခေါင်းဆောင် ဗိုလ်ချုပ်အောင်ဆန်း ပုံတူပန်းချီကားအောက်တွင် တွေ့ဆုံ ပြီး၊ ဦးသိန်းစိန်၏ဇနီးတည်ခင်းသော ညစာစားသုံးခြင်းတွင် စတင်ခဲ့ခြင်းဖြစ်ပါသည်။ ၎င်းတို့သည် တိုင်းပြည်အသစ်တစ်ဖန် ပြန်လည်မွေးဖွားနိုင်ရေး အတွက် မျှော်လင့်ချက်များဖလှယ်၍ သတိဖြင့် ယာယီညှိနှိုင်းခဲ့ရပုံရပါသည်။ ထိုပထမဦးဆုံးတွေ့ဆုံမှုတွင် အာဏာရှင်လူအိုကြီးသန်းရွှေ ၂၀၁၁ ခုနှစ် အနားယူအပြီး မြန်မာနိုင်ငံတွင် ပင့်သက်မှားသည့် ပြောင်းလဲမူများဖြစ်ပေါ်လာရေးအတွက် လုပ်ဆောင်ရန်  သတ်မှတ်နိုင်ခဲ့ပါသည်။ ထို့နောက် ဦးသိန်းစိန်၏ အစိုးရသည် နိုင်ငံရေးအကျဉ်းသားရာပေါင်းများစွာကို လွှတ်ပေးခဲ့ပါသည်။ ပြောဆိုခွင့်၊ စုဝေးခွင့်၊ လှုပ်ရှားခွင့်တို့နှင့်ပတ်သက်၍ ရက်စက်စွာချမှတ်ထားသော ကန့်သတ်မှုများကို ဖြေလျှော့ပေးခဲ့ပါသည်။ တိုင်းရင်းသားလက်နက်ကိုင်အုပ်စု အတော်များများဖြင့် အပစ်အခတ်ရပ်စဲရေး သဘောတူညီချက် ရယူနိုင်ခဲ့ပါသည်။ စစ်အစိုးရက ၂၂ နှစ်ကြာ NLD ၏ရွေးကောက်ပွဲအောင်နိုင်မူကို လစ်လျုရူခဲ့ပြီးနောက် လွှတ်တော်တွင်ပါဝင်ရန် ပြန်လည်ခွင့်ပြုသော ရွေးကောက်ပွဲများ ကျင်းပခဲ့ပါသည်။
ပထဝီနိုင်ငံရေးကြောင့်ဖြစ်စေ၊ နိုင်ငံတကာ၏ အဆက်မပြတ်ဖိအားများကြောင့် ဖြစ်စေ မြန်မာနိုင်ငံ၏ ရုတ်တရက်တံခါးဖွင့်လာမူတွင် အဆိုပြုမူများစွာ ရှိလာပါသည်။ သို့သော် အဆိုပါထူးခြားသော ပုဂ္ဂိုလ်ရေးအတွေ့အကြုံများသည် များစွာအလုပ်ဖြစ်လိမ့်မည်ဟု စာရေးသူ ယုံကြည်ပါသည်။ အမေရိကန်အစိုးရနှင့် အဓိကကွန်ဂရက်မဟာမိတ်များသည် ဒေါ်အောင်ဆန်းစုကြည်အပါအဝင် မြန်မာနိုင်ငံ လွတ်မြောက်ရေး တိုက်ပွဲသူများနှင့် ၎င်းတို့၏ အမှောင်ဆုံးနေ့ရက်များက ဆုံးဖြတ်ချက်ခိုင်မာစွာ အတူရပ်တည်ခဲ့သည် ဖြစ်ပါသည်။
မြန်မာနိုင်ငံသည် စနစ်ဟောင်းကို ပြောင်းပြန်လှန်၍ ကွဲပြားခြားနားသော လမ်းကြောင်းတွင် လျှောက်လှမ်းရန် လိုအပ်နေချိန်တွင် ဦးသိန်စိန်ရောက်ရှိလာခြင်း ဖြစ်ပါသည်။ သူသည် ဝန်ကြီးချုပ်ဘဝဖြင့် ပြင်ပ ကမ္ဘာသို့ ထိတွေ့ခွင့်ရခဲ့ရာ ဒေသတွင်း မြို့တော်များသို့ ရောက်ခဲ့ပါသည်။ အဆိုပါ မြို့တော်များသည် လွန်ခဲ့သောဆယ်စုနှစ်များက ခေတ်မှီသော ရန်ကုန်မြိုနှင့် ခြားနားစွာဆင်းရဲခဲ့သော်လည်း ယခုအခါ ခေတ်မှီမြို့တော်ကြီးများ ဖြစ်နေသည်ကို တွေ့ခဲ့ရပါသည်။ မြန်မာနိုင်ငံ၏ကျရှုံးမူမှာ မြင်သာထင်သာရှိလှပါသည်။ အပယ်ခံနိုင်ငံ ဖြစ်နေရခြင်း၊အရှေတောင်အာရှနိုင်ငံများအတွက် မြန်မာနိုင်ငံကြောင့် မျက်နှာပျက်စရာများ ဖြစ်ရခြင်းတို့သည် ခေတ်စနစ်ဟောင်း၏ နာကျင်ဖွယ်များဖြစ်ကြောင်း ပြောနိုင်ပါသည်။
ပြုပြင်ပြောင်းလဲရေး အရှိန်အဟုန်ကို ဆက်လက်ထိန်းသိမ်းရန် ခက်ခဲပါလိမ့်မည်။ အားလုံးအနေဖြင့် ဒေါ်အောင်ဆန်းစုကြည်နှင့် ဦးသိန်းစိန်တို့၏ အားတက်ဖွယ် နမူနာကို လိုက်နာကြရမည်ဖြစ်ပြီး၊ အားလုံး ကောင်းမွန်ရေးအတွက် ခါးသီးသောအမုန်းတရားများနှင့် မယုံကြည်ရမူများကို ဘေးဖယ်နိုင်မှု နမူနာများကို ၎င်းတို့နှစ်ဦးထံမှယူနိုင်မူအပေါ်တွင် မူတည်နေပါသည်။ နိုင်ငံ၏ကောင်းမွန်သော အနာဂါတ်အတွက် ၎င်းတို့နှစ်ဦး၏ ပူးပေါင်းပါဝင်မူသည် ခေါင်းဆောင်နှစ်ဦးအား ၎င်းတို့၏ ဝတ်စုံများကို ဖယ်ခွာစေခဲ့ပါသည်။ ဒေါ်အောင်ဆန်းစုကြည်မှာ နိုင်ငံတကာစံများ၏ အဓိကနေရာတွင် ယူထားပြီး ဦးသိန်းစိန်မှာအကြွင်းမဲ့အာဏာကိုဖြစ်စေသည့် စစ်တပ်၏တာဝန်ရှိသူတစ်ဦး ဖြစ်နေပါသည်။ ၎င်းတို့ ဝတ်စုံများကို ပယ်ဖယ်ပစ်ပြီးမှ ယခုကဲ့သို့ တူညီသော ကိစ္စရပ်များတွင် တွေ့ဆုံနိုင်ခဲ့ပါသည်။ နိုင်ငံသားတစ်ဦး၊ မျိုးချစ်သူတစ်ဦးအနေဖြင့် မြန်မာနိုင်ငံအသစ်အတွက် အတူတကွ ရုန်းကန်ကြိုးပမ်းနေကြပါသည်။ ထိုလုပ်ငန်းစဉ်များကို လုပ်ကိုင်နေကြသည်မှာ စာရေးသူတို့အတွက် သတိမပြုမိပဲမနေနိုင် ဖြစ်ကြရပါသည်။