တရုတ်-မြန်မာ နယ်စပ်စီးပွားရေးဇုန် စတင်တည်ဆောက်

(China Daily သတင်းစာမှ China-Myanmar border economic zone being built ကို yangonchronicle မှ ဘာသာပြန်ဆိုသည်)

တရုတ်-မြန်မာ နယ်စပ်စီးပွားရေးဇုန်ကို တရုတ်နိုင်ငံတောင်ပိုင်း ယူနန်ပြည်နယ်တွင် စတင်အကောင်အထည်ဖော် တည်ဆောက်နေပြီဖြစ်ကြောင်း နိုင် ငံပိုင်ဆင်ဟွာသတင်းဌာနက ရေး သားဖော်ပြလိုက်သည်။

နယ်စပ်စီးပွားရေးပူးပေါင်းဆောင်ရွက်မှုဇုန်အမည်မှာ 'ဂန်းမ(မင်းဒိုင်)' ဖြစ်ပြီး မင်းဒိုင်ကောင်တီ၊ လင်ကန်းစီးတီးတွင် တည်ရှိကာ ကုန်သွယ်ရေး၊ ကုန်စည်သိုလှောင်ရေးနှင့် ပို့ဆောင်ရေး၊ စက်မှုလုပ်ငန်း ဖွံ့ဖြိုးတိုးတက်ရေးတို့ကို အရှိန်မြင့်တက်အောင်ဆောင်ကြဉ်းပေးနိုင်လိမ့်မည်ဟု မျှော်လင့်ရကြောင်း လင်ကန်းစီးတီးမှ ပါတီအတွင်းရေးမှူး Yang Hongbo ကပြောကြားသည်။

မင်ဒိုင်စက်မှုဇုန်သည် ယူနန်ပြည်နယ်မှ မြန်မာသို့ထွက်ပေါက်နေရာများအနက်တစ်ခုဖြစ်ပြီး အနာဂတ်ကာလတွင် ကုန်သွယ်ရေးသာမက ကမ္ဘာလှည့်ခရီးသွားလုပ်ငန်းများအတွက်ပါ မဏ္ဍိုင်တစ်ခုဖြစ်လာလိမ့်မည်ဟု မျှော်လင့်မိကြောင်းလည်း ၎င်းကဆိုသည်။ အဆိုပါဒေသတွင် လေဆိပ်နှင့် လမ်းမကြီးများလည်း တည်ဆောက်သွားမည် ဖြစ်သည်။

ယူနန်ပြည်နယ်အား အရှေ့တောင်အာရှဒေသသို့ ထွက်ပေါက်တစ်ခုအဖြစ်ဖန်တီးပြီး တရုတ်နိုင်ငံ အနောက်တောင်ပိုင်းဒေသ တိုးတက်ဖွံ့ဖြိုးရေး အတွက် ခြေကုပ်တစ်ခုအဖြစ်အောင်လုပ်ဆောင်ရာတွင် တရုတ်နိုင်ငံတော်ကောင်စီ (သို့မဟုတ်) ကက်ဘိနက်အဖွဲ့က တာဝန်ယူလုပ်ကိုင် ဆောင်ရွက် သွားမည် ဖြစ်သည်။

နိုင်ငံတော်ကောင်စီက နိုဝင်ဘာလအတွင်းထုတ်ပြန်ခဲ့သော မှတ်တမ်းများအရ ယူနန်ပြည်နယ်တွင်း စီးပွားရေးဖွံ့ဖြိုးရေး၊ လူနေမှုအဆင့်အတန်း မြင့်မားရေး၊ သဘာဝပတ်ဝန်းကျင်ထိန်းသိမ်းရေး၊ လမ်းပန်းဆက်သွယ်ရေးနှင့် အခြေခံအဆောက်အဦများကောင်းမွန်အောင်တည်ဆောက်ရေးအပါအဝင် အခန်းကဏ္ဍကြီး ၉ ခုကို ကိုယ်စားပြုမည့် မူဝါဒပေါင်း ၄၀ ခန့်ကို အတည်ပြုပြီးဖြစ်ကြောင်းသိရသည်။ ယူနန်ပြည်နယ်သည် တရုတ်နိုင်ငံ အနောက်တောင်ပိုင်း ဒေသတွင် တည်ရှိပြီး စီချွမ်၊ ကွမ်ကျိုး၊ ကွမ်ဇီ နှင့် တိဘက်ကိုယ်ပိုင်အုပ်ချုပ်ခွင့်ရဒေသတို့နှင့် ကပ်လျက်ရှိကာ မြန်မာ၊ လာအို၊ ဗီယက်နမ်နိုင်ငံတို့၏ နယ်စပ်ဒေသ၌တည်ရှိသည်။