10 April 2010

ဝ တောင်းဆိုချက်အသစ် နအဖ လက်ခံမည်ကို ၀ အရာရှိအချို့ ရင်တမမဖြစ်..

စစ်အစိုးရထံလိပ်မူ ရေးသားပေးပို့ထားသည့် တောင်းဆိုချက် ၈ ချက်အပေါ် နအဖ အမှန်တကယ်လက်ခံ အတည် ပြုမည်ကို ၀ အရာရှိအချို့ ပြန်လည်စိုးရိမ်နေကြောင်း စုံစမ်းသိရှိရပါသည်။

“နအဖ ထံပေးပို့တဲ့စာက ၁ ရက်နေ့ တန့်ယန်းတွေ့ဆုံပွဲကနေတဆင့် ပေးပို့တာမဟုတ်ဘူး၊ စာကို မတ် ၃၁ ရက်နေ့ ကတည်းက ရေးပြီးနေတာ၊ တရုတ်ဘာသာကနေ ဗမာလိုပြန်နေရလို့ ဧပြီ ၃ ရက်နေ့မှ ပို့ရတာ။ အဲဒီ စာကသဘောထား အရမ်းပျော့ပြောင်းပြီး နအဖတောင်းဆိုချက်ကို အများကြီးလိုက်လျောထားလို့သူတို့လက်ခံ လိုက်မှာကို ကျနော်တို့စိုးရိမ် နေတယ်”- ဟု အမည်မဖေါ်လိုသည့် ၀ အရာရှိ တဦးကပြောပါသည်။

ဧပြီ ၃ ရက်နေ့ နအဖ အတွင်းရေးမှူး ဗိုလ်ချုပ်ကြီးသူရရွှေမန်း၊ စစ်ဘက်ရေးရာလုံခြုံရေး အရာရှိချုပ် ဒု-ဗိုလ်ချုပ် ကြီးရဲမြင့်၊ လားရှိုး ရမခ တိုင်းမှူးဗိုလ်ချုပ်အောင်သန်းထွဋ် ထံလိပ်မူပြီးပေးပို့သည့်စာတွင် သဘောထားပျော့ ပြောင်း အလျှော့ပေးလွန်း သည်ဟု ၀ အရာရှိများရှုမြင်သောကြောင့် ဤကဲ့သို့စိုးရိမ်လာခြင်း ခြင်းဖြစ်သည်။

ထိုင်းနယ်စပ်နေ ဗမာပြည်အရေးလေ့လာသူတဦးက- “ကျနော်သာ နအဖ ဆိုရင် အခု ၀ တောင်းဆိုချက်တွေကို လိုက် လျော လိုက်ပြီ၊ ဒါပေမယ့် နယ်ခြားစောင့်တပ်အသွင်ပြောင်းရေး ဖိအားပေးလာကတည်းက နအဖ စိတ် ထားကို သုံးသပ်ကြည့်ရင် နည်းနည်းလေး(သို့)တ၀က်တပြက်လက်ခံ ရင်မရဘူး၊ မူအားဖြင့်လက်ခံတယ်လို့ ပြောရင်တောင်မှရာနှုန်းပြည့် လက်ခံ တယ်လို့ သူတို့အတင်းမှတ်ယူတာ။ နအဖက လောဘအရမ်းကြီးတယ်၊ အားလုံး အပိုင်ရချင် လိုချင်တယ်၊ ဆိုတော့ အခု ၀ တောင်းဆိုချက်ကို သူတို့လက်ခံချင်မှ လက်ခံမယ်”- ဟု သျှမ်းသံတော်ဆင့်သို့သုံးသပ်ပြ၏။

၂၀၀၉ နိုဝင်ဘာ တောင်းဆိုချက် ၉ ချက် နှင့် ၂၀၁၀ ဧပြီတောင်းဆိုချက် ၈ ချက်ကို ယှဉ်ကြည့်ပါက -တူညီသော အချက်များ မှာ -

၁။ လက်ရှိ ၀ ထိန်းချုပ်နယ်မြေဖြစ်သည့် မိုင်းပေါက် မိုင်းဖျန်ဒေသအား မိုင်းယန်းမြို့နယ်(နအဖ) လက်အောက်ခံ မထားဘဲ နယ်မြေအားလုံးစုစည်းပြီး ၀ လက်အောက်ခံ မိုင်းပေါက်မြို့နယ်အဖြစ်သတ်မှတ်ပေးရ မည်။

၂။ စစ်ဒေသမှူးအား ၀ ကနေရာယူမည်ဖြစ်ပြီး ဒု စစ်ဒေသမှူးအား နအဖ အရာရှိနေရာယူမည်ကို လက္ခံ မည် - ဟုဆို၏။

ကွာခြားချက်/လိုက်လျောချက်များမှာမူ -

၁။ တောင်ပိုင်း ၀ ဒေသရှိ ဟွေ့အော့ နယ်မြေအား မိုင်းတုံမြို့နယ်၊ မိုင်းယွန်းအား မိုင်းဆတ်မြို့နယ်အတွင်းဆက်လက် ထားရှိမည်ကို ၀ ဘက်မှ သဘောတူလက်ခံလိုက်ခြင်း၊

၂။ မြောက် ပိုင်းနှင့် တောင်ပိုင်း စစ်ဒေသ နှစ်ခုစလုံး စစ်ဦးစီးအရာရှိနေရာအား နအဖ တာဝန်ယူရမည်ဖြစ်ပြီး ဒု-စစ်ဦးစီးအရာရှိကိုမူ ၀ က ထမ်းဆောင်မည်။

၃။ မြောက်ပိုင်းနှင့် တောင်ပိုင်းစစ်ဒေသ နှစ်ခုစလုံးနယ်ခြားစောင့် တပ် တပ်ရင်းတိုင်းတွင် နအဖ အရာရှိ ၃၀ ပါဝင်ခွင့်မပြု ထားသော်လည်း ဒုတပ်ရင်းမှူး နှင့် ရုံးထိုင် ၅ ယောက် ပါဝင်ရန် သဘောတူလက်ခံထားသည်။

သီးခြားအတည်မြုပနိုင်သေးသည့်သတင်းရပ်ကွက် ၀ တင်ပြချက်များအားလုံး နအဖ နေပြည်တော် လက္ခံခြင်းမရှိအကြွင်းမဲ့ ပယ်ချပြီးဖြစ်သည်ဟု ဆိုသည်။

မည်သို့ပင်ဆိုဆေ နအဖ လက်ခံမည် မခံမည် တရားဝင်အကြောင်းပြန်ခြင်းမရှိသေးသော်လည်း ဧပြီ ၁ ရက်နေ့ ၀ တပ်ဖွဲ့၊ မတ် ၂၈ ရက်နေ့ မိုင်းလားတပ်ဖွဲ့၊ ဧပြီ ၂ ရက်နေ့ သျှမ်းပြည်တပ်မတော် အပစ်ရပ်တပ်ဖွဲ့၊ ၄ ရက်နေ့ ကချင်လွတ်မြောက် ရေးတပ်မတော် KIA တို့ နှင့်တွေ့ဆုံစဉ် စရဖအရာရှိက ယခုလ ၂၂ ရက်နောက်ဆုံး နယ်ခြား စောင့်တပ်အသွင်ပြောင်းမည့် တပ်ရင်းတပ်ဖွဲ့ စာရင်းပေးပို့ခြင်းမရှိက ဧပြီ ၂၈ ရက်နေ့ (နယ်ခြား စောင့်တပ် အသွင်ပြောင်းရေးအစီအစဉ် စတင်ခြင်း တနှစ်ပြည့်) နောက်ပိုင်းတွင် တရားမ၀င်သည့်အသင်းအဖွဲ့ (၁၉၈၉ မတိုင်မီ နှစ်များကဲ့သို့ ဥပဒေပြင်ပ အဖွဲ့အစည်းများ) အဖြစ် ကြေငြာခြင်းခံရမည်ဟု နောက်ဆုံးအနေ ဖြင့် ခြိမ်းခြောက်ထားခဲ့ပါသည်။

သတင်းရင်းမြစ် သျှမ်းသံတော်ဆင့်