၁၉၇၁-၇၂လောက်က ရွှေတူဂျာနယ်မှာ ပင်တိုင်ခေါင်းစဉ်နဲ့ အခန်းတစ်ခန်း ကျနော်ရေးခဲ့ဖူးတယ်။ ပုံသေခေါင်းစဉ်က `မပြောမပြီး မတီးမမြည်´ တဲ့။ နှစ်နှစ်လောက်ပဲကြာပါတယ်။ ပုဂ္ဂလိက ဂျာနယ်တွေအားလုံးပိတ်ကုန်တော့ ရွှေတူလည်းပါသွားတယ်။ ကျနော့ပင်တိုင် ကဏ္ဍကိုလည်း မြန်မာ့အလင်းသတင်းစာကို ရွှေ့ပြောင်းကာ အလျဉ်းသင့်သလို ဆက်ရေးခဲ့ပါတယ်။ မပြောမပြီး မတီးမမြည်ဆိုတာ အတော်အဓိပ္ပာယ်တာသွားတဲ့ စကားစုပါ။ ပြောမှဖြစ်တော့မယ်ဆိုတဲ့ အဓိပ္ပာယ်ကိုလည်း ယူလို့ရတယ်ဗျ။ အခုလည်း ကျနော် မပြောချင်လို့ကြည့်နေတာ ကြာပြီ။ ပြောမှဖြစ်တော့မယ်ဆိုပြီး ကျနော်ဝင်ပြောတော့မယ်ဗျာ။
လူယဉ်ကျေးတွေရဲ့ ကျင့်ဝတ်ထုံးဓလေ့နဲ့ ပတ်သက်လို့ စာအုပ်ကောင်းတချို့ကိုဖတ်မိပြီး တစ်လောတုန်းက ကျနော်ရေးဖြစ်ခဲ့တဲ့ စာတစ်ပုဒ်မှာ ထမင်းစားပွဲသွားရင်း စားပွဲပေါ်ကို လက်နှစ်ဖက်လုံးတင် ထားရတဲ့ ထုံးဓလေ့အကြောင်း ပါခဲ့တယ်ဗျ။ အနောက်တိုင်းမှာ အထူးသဖြင့် အမေရိကန်မှာ ရှေးကဆိုရင်သေနတ်သမားတွေပေါတယ် မဟုတ်လား။ သည့်တော့မိတ်ဖြစ် ဆွေဖြစ် ထမင်းအတူစားကြပြီဆိုရင် သူ့ကို ကိုယ်မယုံ၊ ကိုယ့်ကိုသူမယုံ မဖြစ်ရလေအောင် လက်တွေကို စားပွဲတင်ပြထားခြင်းဖြင့် နှစ်ဖက်စလုံး စိတ်ချလက်ချရှိနိုင်ကြမယ်လို့ဆိုလိုတာပဲဗျ။ အခုလိုရေးရတဲ့အကြောင်းက Voice ဂျာနယ် ဒီဇင်ဘာ ၁၄၊ ၂၀၊ ၂၀၀၉ထုတ်စာစောင်ရဲ့ `လက်အားလုံး ထုတ်ပြထားခြင်းသည်သာ´ ဆိုတဲ့ အယ်ဒီတာ့အာဘော်မှာ မြန်မာနိုင်ငံရဲ့ အမျိုးသားစည်းလုံး ညီညွတ်ရေးမှာ အဓိက ပါဝင်ပတ်သက်သော Stakeholder များဟာ အရာအားလုံးကို ထုတ်ပြထားကြရန် အရေးကြီးတယ်လို့ ရေးထားတာ ဖတ်လိုက်ရလို့ပါဗျ။ `အထူးသဖြင့် အမျိုးသားစည်းလုံးညီညွတ်ရေးနှင့် ဒီမိုကရေစီရေးကို လိုလားပါသည်ဆိုသော Stakeholder များက မိမိ၏ လက်အားလုံးကိုထုတ်ပြထားကြရန် အရေးကြီးပါသည်။ ဆိုတဲ့ အရေးအသားက စလို့ ကျနော် ဘ၀င်မကျဘူးဗျ။ `လိုလားပါသည်ဆိုသော´ အသုံးအနှုန်းဟာ မယုံသင်္ကာသဘောပါနေတယ်။ ရိသဲ့သဲ့မလိုတမာသဘော ပါနေတယ်။ သည်လိုသုံးနှုန်းခြင်းဖြင့် ၎င်းအင်အားစုများရဲ့ မေတ္တာကို မရနိုင်ပါ။ စည်းရုံးရာ မရောက် တွန်းထုတ်ရာရောက်သွားတယ်ဗျ။
`လက်အားလုံး ထုတ်ပြခြင်းဆိုသည်မှာ အပြုသဘောဆောင်ပူးပေါင်းဆောင်ရွက်ပါမည်ဟု အတိအကျပြောဆိုခြင်းမျိုးကို ဆိုလိုပါသည်။´လို့ ရေးလိုက်တာကတော့ မိမိဟာ ဘယ်နေရာ ဘယ်အဆင့် ဘယ်လုပ်ပိုင်ခွင့်ရှိလို့ အခုလိုတောင်းဆိုနိုင်သလဲလို့ မေးခွန်းထုတ်ရဖွယ်ဖြစ်နေတယ်ဗျာ။ အပြုသဘောဆောင် ပူးပေါင်းဆောင်ရွက်ပါ မယ်လို့ ပြောတာဟာ ပထမဆုံး လိုအပ်တဲ့ အတိုင်းအတာကို ပြောလိုက်တာပဲလို့ နားလည်ရမယ်မဟုတ်လားဗျာ။ မည်သို့ မည်ပုံ ပူးပေါင်းဆောင်ရွက်ပါမည်ဆိုတာက မျက်နှာချင်းဆိုင်တွေ့ကြတဲ့အခါ ဆက်ပြောရမယ့် အသေးစိတ်တွေပဲ မဟုတ်လားဗျာ။ အတိအကျပြောဆိုရမယ်ဆိုတာက ဘယ်လောက်အပေါ်စီး ဆန်သလဲ၊ အပြောခံခဲ့ရတဲ့ ဘက်ကိုလည်း ထည့်စဉ်းစားသင့်တယ်ဗျ။
တရုတ်-အမေရိကန်ပုံမှန်ဆက်ဆံရေးထူထောင်ဖို့ ၁၉၇၁-၇၂ က နှစ်ဆင်ကစ်ဆင်းဂျားတို့ ကြိုးပမ်းခဲ့ကြတာ သည်အတိုင်းပဲ သွားခဲ့ကြတာပဲ။ ဗီယက်နမ်ငြိမ်းချမ်းရေး ပါရီဆွေးနွေးပွဲတွေမှာလည်း အလားတူပါပဲ။ အသေးစိတ်တွေကို စားပွဲဝိုင်းကြမှ ချပြကြ၊ ညှိုနှိုင်းကြတာပါ။ အယ်ဒီတာ့အာဘော်ရဲ့ နောက်ဆုံးအပိုဒ်ကတော့ အဆိုးဆုံးပါပဲ။
`အထူးသဖြင့် အဓိက Stakeholder တစ်ဦးဖြစ်သူ တပ်မတော်သည် နိုင်ငံရေးတွင် ပါဝင်ပတ်သက်နေသော်လည်း တပ်မတော်တို့၏ သဘောသဘာဝအရ စစ်ရေးအမြင်ဖြင့် စဉ်းစားသူဖြစ်ရာ တပ်မတော်နှင့် ဆက်ဆံရာတွင် လက်အားလုံးထုတ်ပြထားခြင်းသည်သာ အမျိုးသားစည်းလုံးညီညွတ်မှု ရရှိစေခြင်း၏ အကြောင်းတရားဖြစ်လိမ့်မည်ဟု ထင်မိပါကြောင်း´ တဲ့ဗျာ။ အဲ့သလောက် တစ်ဖက်စောင်းနင်းရေးတာမျိုးကို တပ်မတော်အပါအ၀င် ဘယ်အင်အားစုကမှ သဘောကျလိမ့်မယ်လို့ ကျနော်မထင်ဘူးဗျ။ သည်လို အရေးအသားတွေကို အရင်ကလည်း တွေ့တော့ တွေ့ဖူးနေတာပါပဲ။ ဒါပေမယ့် တပ်မတော်ခေါင်းဆောင်တွေရဲ့ အာဘော်မဟုတ်ဘူးလို့ ကျနော်အလိုလို သိစိတ်နဲ့ နားလည်နေတယ်ဗျာ။ အဲသလို ကြားက ၀င်ရေးတာတွေအတွက် မျက်နှာတောင်ပူနေကြမယ်လို့ ကျနော်တော့ ထင်မိတယ်ဗျာ။မပြောမပြီး ပြောမှဖြစ်တော့မယ်ဆိုပြီး ပြောလက်စနဲ့ ပြောရပါအုံးမယ်။ကျနော်တို့ စာနယ်ဇင်းမီဒီယာအလုပ်ကို လုပ်ကြရာမှာ ပြည်သူလူထုအကျိုးကို အဓိကထား ပြီးရေးကြ၊ သားကြ၊ ပြောကြဆိုကြတာ မဟုတ်လား။ ပြည်သူလူထုအကျိုးစီးပွားနဲ့ ဆန့်ကျင်တာကို မတော်မတရားရေးသားပြောဆိုရင် စာနယ်ဇင်းပါရာဇိက ကျတယ်လို့ ပြောလေ့ရှိတယ်။
မြန်မာ့နိုင်ငံရေးသမိုင်းမှာ စာနယ်ဇင်းတွေရဲ့ အခန်းကဏ္ဍဟာလည်း ကြီးမားတဲ့နေရာက ပါခဲ့တာပဲဗျ။ သူရိယ၊ မြန်မာ့အလင်းသတင်းစာကြီးတွေရဲ့ သင်ခန်းစာတွေရှိခဲ့ပြီ။ နိုင်ငံရေးရပ်တည်ချက်မှာ ငါသိ၊ ငါတတ်၊ ငါပြောတာငါအမှန်ဆိုပြီး ပြည်သူလူထုအများစုရဲ့ သဘောထားကို ဖီလာကန့်လန့်လုပ်လွန်းလာပြီဆိုရင် ဘယ်သူမှ ဇာတ်သိမ်းမကောင်းနိုင်ပါဘူးဗျ။
(မောင်ဝံသ)
လူယဉ်ကျေးတွေရဲ့ ကျင့်ဝတ်ထုံးဓလေ့နဲ့ ပတ်သက်လို့ စာအုပ်ကောင်းတချို့ကိုဖတ်မိပြီး တစ်လောတုန်းက ကျနော်ရေးဖြစ်ခဲ့တဲ့ စာတစ်ပုဒ်မှာ ထမင်းစားပွဲသွားရင်း စားပွဲပေါ်ကို လက်နှစ်ဖက်လုံးတင် ထားရတဲ့ ထုံးဓလေ့အကြောင်း ပါခဲ့တယ်ဗျ။ အနောက်တိုင်းမှာ အထူးသဖြင့် အမေရိကန်မှာ ရှေးကဆိုရင်သေနတ်သမားတွေပေါတယ် မဟုတ်လား။ သည့်တော့မိတ်ဖြစ် ဆွေဖြစ် ထမင်းအတူစားကြပြီဆိုရင် သူ့ကို ကိုယ်မယုံ၊ ကိုယ့်ကိုသူမယုံ မဖြစ်ရလေအောင် လက်တွေကို စားပွဲတင်ပြထားခြင်းဖြင့် နှစ်ဖက်စလုံး စိတ်ချလက်ချရှိနိုင်ကြမယ်လို့ဆု
`လက်အားလုံး ထုတ်ပြခြင်းဆိုသည်မှာ အပြုသဘောဆောင်ပူးပေါင်းဆောင်ရွ
တရုတ်-အမေရိကန်ပုံမှန်ဆက်ဆံရေး
`အထူးသဖြင့် အဓိက Stakeholder တစ်ဦးဖြစ်သူ တပ်မတော်သည် နိုင်ငံရေးတွင် ပါဝင်ပတ်သက်နေသော်လည်း တပ်မတော်တို့၏ သဘောသဘာဝအရ စစ်ရေးအမြင်ဖြင့် စဉ်းစားသူဖြစ်ရာ တပ်မတော်နှင့် ဆက်ဆံရာတွင် လက်အားလုံးထုတ်ပြထားခြင်းသည်သာ အမျိုးသားစည်းလုံးညီညွတ်မှု ရရှိစေခြင်း၏ အကြောင်းတရားဖြစ်လိမ့်မည်ဟု ထင်မိပါကြောင်း´ တဲ့ဗျာ။ အဲ့သလောက် တစ်ဖက်စောင်းနင်းရေးတာမျိုးကို တပ်မတော်အပါအ၀င် ဘယ်အင်အားစုကမှ သဘောကျလိမ့်မယ်လို့ ကျနော်မထင်ဘူးဗျ။ သည်လို အရေးအသားတွေကို အရင်ကလည်း တွေ့တော့ တွေ့ဖူးနေတာပါပဲ။ ဒါပေမယ့် တပ်မတော်ခေါင်းဆောင်တွေရဲ့ အာဘော်မဟုတ်ဘူးလို့ ကျနော်အလိုလို သိစိတ်နဲ့ နားလည်နေတယ်ဗျာ။ အဲသလို ကြားက ၀င်ရေးတာတွေအတွက် မျက်နှာတောင်ပူနေကြမယ်လို့ ကျနော်တော့ ထင်မိတယ်ဗျာ။မပြောမပြီး ပြောမှဖြစ်တော့မယ်ဆိုပြီး ပြောလက်စနဲ့ ပြောရပါအုံးမယ်။ကျနော်တို့ စာနယ်ဇင်းမီဒီယာအလုပ်ကို လုပ်ကြရာမှာ ပြည်သူလူထုအကျိုးကို အဓိကထား ပြီးရေးကြ၊ သားကြ၊ ပြောကြဆိုကြတာ မဟုတ်လား။ ပြည်သူလူထုအကျိုးစီးပွားနဲ့ ဆန့်ကျင်တာကို မတော်မတရားရေးသားပြောဆိုရင် စာနယ်ဇင်းပါရာဇိက ကျတယ်လို့ ပြောလေ့ရှိတယ်။
မြန်မာ့နိုင်ငံရေးသမိုင်းမှာ စာနယ်ဇင်းတွေရဲ့ အခန်းကဏ္ဍဟာလည်း ကြီးမားတဲ့နေရာက ပါခဲ့တာပဲဗျ။ သူရိယ၊ မြန်မာ့အလင်းသတင်းစာကြီးတွေရဲ့ သင်ခန်းစာတွေရှိခဲ့ပြီ။ နိုင်ငံရေးရပ်တည်ချက်မှာ ငါသိ၊ ငါတတ်၊ ငါပြောတာငါအမှန်ဆိုပြီး ပြည်သူလူထုအများစုရဲ့ သဘောထားကို ဖီလာကန့်လန့်လုပ်လွန်းလာပြီဆို
(မောင်ဝံသ)
