မြန်မာနိုင်ငံ ရဲ့ ထောင်ဝင်စာ အမှတ်တရ

ကိုရွှေဂျိုး...။

ကျမကိုရွှေဂျိုးထောင်ထဲမှာ ကျန်းမာရေး မကောင်းဘူးဆိုတဲ့သတင်းကိုဖတ်လိုက်ရတော့တော်တော်
စိတ်ထဲမှာမကောင်းဖြစ်ခဲ့ရတယ်။ ဘယ်ကြောင့်လဲ ဘာအတွက်လဲဆိုတော့.....။ကိုရွှေဂျိုးတယောက် သွေးတိုးရောဂါနဲ့ကျောက်ကပ်ရောဂါနဲ့နှလုံးရောဂါကိုခံစားနေခဲ့ရတယ်လို့သိခဲ့ရလို့ပါဘဲ...။
ထောင်ထဲကဆေးဝါးကုသမှုကတော့ သိပ်ကိုညံဖျင်းနေတော့ သူအတွက်စိုးရိမ်မိတာပါဘဲ..။

သူထောင်ကျနေတဲ့ အချိန်မှာကျမကတော့လွတ်မြောက်နယ်မြေကိုရောက်ရှိနေပြီးပေါ.့.။
သူအတွက်ဘာအကူအညီကိုမှမပေးနိုင်ခဲ့တဲ့ အတွက်စိတ်မကောင်းယုံရလွှဲလို့ ဘာမှမကူညီ
နိုင်သလိုဘဲ...။သူကို ကူညီမှုအနေနဲ့ နောက်သူကျေးဇူးကို မမေ့တဲ့အနေနဲ့ ကျမ ဒီစာလေး
ကိုရေးလိုက်တာပါ။

ကျမ နဲ့ကိုရွှေဂျိုးကတော့သိပ်ခင်မင်တဲ့ ရဲဘော်ရဲဘက်တယောက်ပါဘဲ..။၁၉၉၅ မှကျမတို့
ခေါင်းဆောင်နေအိမ်အကျယ်ချုပ် ကပြန်လွတ်လာတဲ့ အချိန်မှာကိုရွှေဂျိုးနဲ့ ရင်းနှီးခဲ့တယ်..။
အဲဒီအချိန်မှာ ကျမကထောင်ဝင်စာ ပို့နေရတဲ့အချိန်ပေါ့ ကျမလိုဘဲထောင်ဝင်စာပို့ နေရတဲ့
လူတိုင်းကို သူရင်းရင်းနှီးနှီးနဲ့ကူညီလုပ်ကိုင်ပေးခဲ့တဲ့ စိတ်သဘောထားပြည့်ဝတဲ့ ကိုရွှေဂျိုးကို
သူခုလိုနေထိုင် မကောင်းဘူးလို့သိရတဲ့ အချိန်မှာ ကျမကိုယ်ကျမ စိတ်တိုနေမိခဲ့တယ်လေ..။

သူနဲ့ပါတ်သတ်ပြီး မှတ်မှတ်ရရ တစ်ခုကိုပြောပြချင်တယ်။ထောင်ဝင်စာ တွေ့နေရတဲ့
သူငယ်ချင်းတယောက်အကြောင်းကိုပေါ့..။သူယောင်္ကျားကလဲ ထောင်ထဲမှာနေနေရတဲ့
ကျမတို့သူငယ်ချင်းပါ..။သူနေမကောင်းဖြစ်တယ်ဆိုလို့လူမမာသတင်းသွားမေးကြတာပေါ့..။
ကျမမှာလဲအဲဒီအချိန်ကအပိုဝင်ငွေ ဆိုတာမရှိခဲ့ပါဘူး..။ကျမအလုပ်လုပ်တယ်ဆိုတာကလဲ ယောင်္ကျားထောင်ဝင်စာနဲ့ ကိုယ်သုံးဘို့ ဘဲရတာလေ..ကျန်တာဘာမှမလုပ်နိုင်ခဲ့ပါဘူး..။

သူငယ်ချင်းနေမကောင်းတာ ကို ကျမ လဲဘာမှမဝယ်သွားနိုင်ခဲ့ဘူး..။လူသက်သက်ဘဲ
သတင်းသွားမေးကြတာပါ။ သူငယ်ချင်းကိုတွေ့တော့ တော်တော်နေမကောင်းနေတာဘဲ..၊
ဘာရောဂါလဲမေးကြည့်တော့မိန်းမရောဂါသားအိမ်ထုတ်ရမယ်လို့ သိခဲ့ရတယ်။သူမှာလဲ
ခွဲစိတ်ဘို့နေနေသာ သူအမျိုးသားထောင်ဝင်စာကိုအနိုင်နိုင်ပို့နေရတဲ့လူလေ..။

ကျမလဲသူကိုကြည်ြ့ပီး မျက်ရည် တွေဘဲကျခဲ့ရတယ်..။ဘာမှမကူညီနိုင်ဘူး..ကိုယ်ကူညီ
နိုင်တာကတော့သူဆေးရုံတက်ရင် လာစောင့်ပေးမယ်လို့သာပြောခဲ့မိတာပါဘဲ၊ငွေအားက
တော့ မတပ်နိုင်ဘူးလေ..။အဲဒီအချိန်က ကိုယ်ကလဲ ကိုယ်ထောင်ဝင်စာကိုအနိုင်နိုင်ပို့နေ
ရတာပါ...။

ကိုရွှေဂျိုး နဲ့စကားတွေ ပြောပြီးပြန်လာကျတယ် ကျမစိတ်မကောင်းဘူးဆိုပြီး ကိုရွှေဂျိုးကိုလမ်းမှာ
ပြောပြခဲ့တယ်လေသူလဲ သူငယ်ချင်းကိုကြည့်ပြီး တော်တော်စိတ်မကောင်းဖြစ်နေခဲ့တာပါ.။
ကျမကို ကိုရွှေဂျိုးကမေးတယ် အမ သူကုန်ကျစရိတ် ဘယ်လောက်ကုန်နိုင်လဲ ဆိုပြီး
မေးလာတယ်..။

ကျမလဲ ခုစဉ်းစားနေတာ ကိုရွှေဂျိုး ကျမလဲ အလှူခံ ထွက်မယ် သူကိုကျမခွဲခိုင်းမယ်လို့
ပြောပြီး ကျမထင်တယ်၂သောင်း လောက်တော့ကျမထင်လို့ ပြောပြလိုက်ပါတယ်..။
အဲဒီအချိန်ကငွေ ၂သောင်းဆိုတာရွှေ ၁ကျပ်သားလောက်ကိုဝယ်လို့ရပါတယ်..။
ကျမတို့ ခဏ လက်ဘက်ရည်ဆိုင်မှာထိုင်ရင်း ကိုရွှေဂျိုးကခဏ အမရေ ဆိုပြီးသူထွက်
သွားခဲ့တယ်..။

ပြန်လာတော့သူလက်ထဲမှာ ပိုက်ဆံ၂သောင်းနဲ့သူပြန်လာတယ်..။ဟယ် ကိုရွှေဂျိုး
ဘယ်ကရလာတာလဲလို့မေးလိုက်တော့ ကျွှန်တော် လက်စွပ် ကိုသွားပေါင်လိုက်တယ်
အမ သွားပေးလိုက်မယ် ဒီပိုက်ဆံ သူကိုဆိုပြီး ဆိုင်ကနေ ပြန်ထွက်ခဲ့ ပြီးကျမတို့
သူငယ်ချင်းကို သွားပြန်ပေးတော့ သူလဲခွဲစိတ်ရတော့မယ်ဆိုတာသိတော့ကိုရွှေဂျိုးကို
လက်အုပ်ချီပြီး ကန်တော့ လိုက်တဲ့ ကျမသူငယ်ချင်းမျက်နှာကို ခုကျမဒီစာရေးနေတဲ့
အချိန်မှာပြန်မြင်နေခဲ့ ပါတယ်ရှင်..။

ကျမပြောချင်တာကတော့ သူများတွေ အတွက်ကို သိပ်ကူညီတတ်တဲ့ ကိုရွှေဂျိုးတယောက်
ခုသူနေမကောင်းဖြစ်နေတယ်ကြားတော့.....။ စိတ်ထဲမှာတော်တော် ကြေကွဲခဲ့ ရပါတယ်..။
ထောင်ဝင်စာတွေဆိုလဲ သူနိုင်သလောက် လိုက်ကူညီပြီး စေတနာသက်သက် နဲ့လုပ်ကိုင်
ပေးတတ်လဲ့ ကိုရွှေဂျိုးတယောက်ခုတော့သူကိုယ်တိုင်မြန်မာနိုင်ငံရဲ့ အကျဉ်းထောင်ထဲမှာ
နေနေ ရပြီး ထောင်ထဲမှာ ဆေးဝါးခံယူဘို့ကိုသေချာမလုပ်နိုင်ခဲ့ပါဘူး...။

ကျမအနေနဲ့ သူရဲ့ကျေးဇူးတွေကိုလဲရယူခဲ့ဘူးပါတယ်..။ကိုရွှေဂျိုးဟာ သံဈေးမှာ ငါးရှဉ်းဒိုင်
လုပ်နေတဲ့စီးပွားရေးသမားပါ။ ကျမထောင်ဝင်စာ ကိုပို့မယ်ဆိုတာနဲ့ ကျမ အတွက်သူက
အပါတ်တိုင်းလိုလို ငါးရှဉ်း လုပ်ပြီးသားတွေကိုလာလာပြီးပို့ နေကြဖြစ်လို့ပါဘဲ။ နောက်ကို
ရွှေဂျိုးဆိုတဲ့ နိုင်ငံရေးအကျဉ်းသားတယောက်ကတော့ထောင်ထဲမှာဘယ်သူတွေရောက်
ရောက် အပြင်က မိသားစုတွေကို လိုက်လံသူကူညီနေသူတယောက်ဆိုရင်လဲလုံးဝမမှားပါဘူး..။

သူကိုနိုင်ငံရေးသမားတွေ တော်တော်များများသိသလောက်ရှိ ကြပါတယ်...။ ထောင်ဝင်စာ
အချိန်ဆိုရင်ကျမ တော်တော်လေးကို ရုန်းကန်ရပါတယ်..။နိုင်ငံရေးသမားမိသားစုတိုင်းကြုံ
တွေ့ရတဲ့ အပြစ်အပျက်တွေပါ ကျမတယောက်ထဲတော့ မဟုတ်ပါဘူး..။ အပြင်က
ကိုယ့်မိသားစုတွေကလဲအပြင်မှာအဆင်ပြေမှုတွေမရှိသလို ထောင်ထဲကကိုယ့်မိသားစုကလဲ
အဆင်ပြေမှုရှိမှာ မဟုတ်ဘူး ဆိုတာ ကိုသိနေကြတာပါ..။

နောက်တခုကတော့ဒီအပါတ်ဘယ်သူ ထောင်ဝင်စာ ဘာလေးကို ကူညီလိုက်တယ်ဟေ..။
ဆိုတဲ့နိုင်ငံရေးအကျဉ်းသားမိသားစု လေးတွေရဲ့ကူညီကြတဲ့စိတ်ဓာတ်တွေပါ..။
ထောင်ဝင်စာမှ တယောက်နဲ့တယောက်မြင်ဘူးကြပြီး...။ကိုယ်အပူတွေနဲ့ သူအပူတွေကို
မျှဝေခံစားပေးကြတဲ့ စိတ်ဓာတ်လေးတွေကတော့သိပ်ကိုလေးစားဘို့ ကောင်းတဲ့အချက်ပါဘဲ..။

ကျမ ရဲ့ထောင်ဝင်စာ ပို့ခဲ့ရတဲ့ တလျှောက်မှာ ထောင်ဝင်စာထုတ် မှာအမြဲမပါဘူးဆိုတာ
မရှိခဲ့တာကတော့ငါးရှဉ်း ကြော်ပါဘဲ..။နောက်ကျမ ထောင်ဝင်စာပို့နေရစဉ်မှာ ထောင်ဝင်
စာပို့ ပြီးပြန်လာတိုင်း ကျမတို့ခေါင်းဆောင်ကိုပြောပြောပြရတဲ့ ကျမ အမျိုးသားကျန်းမာရေး ကျမကိုအမြဲအားပေးစကား ပြောပြခဲ့တဲ့ ကျမတို့ခေါင်းဆောင်ရဲ့အားပေးစကား ဆုံးမသွန်
သင်တဲ့စကား .......။

နောက်တဦးကတော့ ခုဘဘ ဦးဝင်းတင် ကိုမျက်စေ့ခွဲစိတ် ပေးမဲ့ဆရာဝန်ကြီး
ဒေါက်တာဦးလှမြင့်ကျမရဲ့ မွေးစားအဖေပါ။ သူညီမကတော့ခုလက်ရှိ
အင်းစိန်ထောင်ထဲမှာနေနေရတဲ့ (လမ်းမတော်ကမချို)ပါဘဲ။ နောက်တဦးကတော့
ကျမကို အပါတ်တိုင်း ထောင်ဝင်စာကို တွေ့ဘို့ငွေအားဖြင့်ကူညီပေးခဲ့တဲ့ ထောင်ဝင်စာ
တခါသွားရင် (၁၀၀၀)အမြဲတမ်းကူညီပေးခဲ့ ဘဘ ဦးတင်ဦး (အဲဒီအချိန်ကအမဲသား
တပိသာကို ၂၈၀) ဈေးသာရှိခဲ့တဲ့ အချိန် ကပေါ့...။သူတို့တွေ ကခု အချိန်မှာ
အကျဉ်းချခံ နေရပါတယ်။

ကျမထောင်ဝင်စာတလျှောက်ကို ငွေအားနဲ့ ကူညီပေးကြတဲ့ လူတွေ စိတ်ဓာတ်နဲ့ ကူညီပေးကြတဲ့
လူတွေကို ကျမ ဘယ်တော့မှာ ကျေးဇူးမမေ့ ပါဘူးလို့ပြောရင်းနဲ့ ကျမ ရဲ့ ရဲဘော်ရဲဘက်တဦး
ဖြစ်ခဲ့တဲ့ ကိုရွှေဂျိုးအတွက် ဒီပို့စ်လေးနဲ့ ကျမ မြတ်လေးငုံ ဘလော့လေးကနေပြီးဂုဏ်ပြုလိုက်
တယ်..။

ဒီပို့စ်လေးကိုရေးဖြစ်သွားတာကတော့ http://www.phyowai-myanmar.co.cc မှာတင်
ထားတဲ့ကိုရွှေဂျိုးရဲ့ထောင်တွင်း ၌ ကျန်းမာရေး ချို့ယွင်းနေ လို့တွေ့ပြီးဖတ်ဖြစ်သွားလို့
ရေးဖြစ်သွားခဲ့ပါတယ်..။


မျှဝေခံစားနိုင်ပါစေ။

မြတ်လေးငုံ။