အမေ မအိုသေးဘူးဆိုတာ ကျနော်သိနေတယ် အမေ
အရှေ့မိုးကုတ်စက်ဝန်းဆီက နေဝန်းနီနီလို
အမေ့ နုပျိုခွန်အားတွေ
ဦးခေါင်းထက်က လင်းယုန်ငှက်ရဲ့ တောင်ပံခတ်သံလို
လတ်ဆတ်နေဆဲပါ အမေ။
အမေ့ရဲ့ လေညှင်းတွေ ကျနော်ရှိုက်ရတယ်
အမေ့ရဲ့ အရောင်အဝါတွေ ကျနော်မြင်ရတယ်
အမေနဲ့ ကျနော် တစ်နေရာဆီ နေနေရပေမယ့်
အမေ့ရဲ့ စကားတွေကို ဦးညွတ်လေးစားနားထောင်
မြေခွေးအိုတစ်အုပ်ကို ယောင်လို့မှ
ဒူးမထောက်ခဲ့ဘူး အမေ၊
အခုလည်းအမေ့ရဲ့ အားမွေးထားကြပါ မိန့်ခွန်း
ကျောက်နှစ်ထဲ ထွင်းထားသလို
သားရင်မှာ မြဲမြံလှပါတယ်။
အမေ့ရဲ့ ကြယ်ပွင့်လေးတွေပျိုး
ပန်းပွင့်လေးတွေ နိုးထစေချင်တဲ့ ဆန္ဒ
ဘာကတားဆီးနိုင်မှာလဲ အမေ၊
တောတွေနက်သထက်နက်လာလေ
ဗီဗစွမ်းရည်တွေ ထက်သထက် ထက်လာလေ
အမေ့ကို ကျနော်တို့ ပိုဦးညွတ်လေပါပဲ။
ဘာမှ ပြန်မလာတဲ့ ပေးဆပ်ခြင်းဆိုတာ ရှိမှ မရှိဘဲ အမေရာ
ကျနော်တို့ရဲ့ မေတ္တာတွေ
ကျနော်တို့ရဲ့ ခွန်အားတွေ
ရောင်ပြန်မကဘူး အမေ
အသက်တွေတောင် ဝကွတ်အပ်ပါရဲ့။
ဒီလိုပဲ . . .
ဒီကောင်တွေဆီက မတောင်းရသေးတဲ့ လျော်ကြေးတွေကလည်း
သူတို့ ဘဝတစ်ခုလုံး ရင်းရလိမ့်မယ်
သူတို့ရဲ့ ဆံပင်တွေ ကျနော်တို့ မလိုချင်ပါဘူး
ဒါပေမယ့် သူတို့ပေးရလိမ့်မယ် အမေ
သူတို့ပေါ်သင့်ထားတဲ့ ကျိန်စာတွေက နောင်ဆယ်ဘဝတောင်
ပြယ်ကျဖို့ လမ်းမမြင်ဘူး။
ရူးသွပ်ခြင်းလက်ထဲက ဓါးတွေဟာ
အန္တရာယ် အရမ်းများပါတယ်၊
ကျယ်ပြန့်လာတဲ့ တံတိုင်းတွေ ကျနော်တို့ ဖြိုဖျက်
ဆူးကြိုးအထပ်ထပ် ရစ်ပတ်လာတဲ့ စာပေတွေကြားမှာ
အသိညဏ်ဝမ်းစာ နဲ့ အမှန်တရား ရှာဖွေရင်း
လေပြင်ညင်းညင်းထက်
ရေတံခွန်ပြင်းပြင်းကို မက်တတ်လာပြီ
ကျနော်တို့ကို ဖိနှိမ်နေသူတွေကြားမှာ
နီရူဒါ ထိရှလာပြီ ၊ ဗရက်ကို စွဲမက်လာပြီ
သူ့ရဲ့ အဆီယစ်နေသူများကဗျာ
သူတို့ကို ကြည့်ရေးထားသလိုပါပဲ . . .
တကယ်ပါပဲ
ကမ်းနားသစ်ပင်ဆိုတာ
အမြစ်မကျွတ်ခင် အရာဝင်တာပါ (မောင်စိမ်းနီ)
အရာဝင်သခိုက် ပညာမခင်ကြသူတွေ
စစ်အားမကောင်းရင်
ဂျစ်ကားတောင် မောင်းနိုင်မှာ မဟုတ်ဘူး ဆိုပဲ
သခင်ကိုယ်တော်မိုး ကဗျာဆရာ သူ့ရဲ့ မျိုးချစ်ကဗျာပေါ့။
ကျနော်ချစ်တယ် ချစ်တယ်အမေ
တစ်ကမ္ဘာလုံးမှာရှိတဲ့ မျက်မကန်းတဲ့ ကဗျာဆရာတွေ
ကျနော်ချစ်တယ်
တောင်ကုန်းကြမ်းကြမ်းပေါ်က အနင်းခံမြတ်ရိုင်းတွေ
ကျနော်ချစ်တယ်
ငုယင်ဗန်ထရွိုင်း ၊ ချေဂွေဗာရာ ၊ ဗိုလ်အောင်ကျော်
ကျနော်ချစ်တယ်၊
ဒါပေမယ့် ဒီခေတ်ရဲ့ ညနက်နက်မှာ လမင်းကြီးသာလိုက်တာလို့
စာဖွဲ့နေသူတွေ ကျနော်မချစ်ဘူးအမေ။
မရေရာတဲ့ လေပွေအောက်မှာ ကြွေသွားတဲ့ လက်ပံတွေ
မပွင့်ခင်က အရောင်ပြောင်းသွားတဲ့ နှင်းဆီတွေ
ကျနော်နှမြောတယ်၊
ပြာလဲ့လဲ့ ဇာခန်းဆီးရဲ့ အထဲမှာ
အဲကွန်းလှိုင်လှိုင်ဖွင့်လို့
မြင်မတင့်အောင် ဇိမ်ခံနေသူတွေ
ပြည်တော်မဝင်သေးဘူးဆိုတာ သိစေချင်ပါရဲ့
အိပ်စရာ မရှိတဲ့ညမှာ မိုးတွေအရမ်းရွာတာပဲဆိုတဲ့
တော်လှန်ကဗျာဆရာတွေရဲ့ ခံယူချက်ကို သိစေချင်ပါရဲ့
ပလပ်စတစ်ကောက်ကလေးငယ်တစ်ယောက်ရဲ့
နေ့ခင်းစာပျောက်နေတဲ့ ဘဝကို သိစေချင်ပါရဲ့
ဖယောင်းတိုင်မဲ့ လျှပ်စစ်မီးမရှိနဲ့
စာမကြည့်ရတဲ့ ကျောင်းသားတစ်ယောက်ရဲ့ ညကို သိစေချင်ပါရဲ့
ဪ . . . အဆီယစ်နေတဲ့သူတွေ . . .
သိစေချင်ပါရဲ့ ။
ယိုင်နဲ့ ယိုင်နဲ့ နဲ့ ယိုင်နဲ့
မရှက်တဲ့သူတွေ များတယ်အမေ
မျက်နှာဖုံးမလိုဘဲ သရုပ်ဆောင်ကောင်းသူတွေ
ယုံတမ်းရှည်ရှည်နဲ့ တစ်ထောင့်တစ်ည လှည့်ကွက်တွေ
လင်းတတစ်ကောင်လောက်မှ သစ္စာမရှိတဲ့ ကတိတွေ
ပစ်ချပေးလိုက်တဲ့ အကြွင်းအကျန် မျှော်လင့်ခြင်း အကျိုးအကြေတွေ
တစ်ခါသုံးဆေးထိုးအပ်လောက်မှ အသုံးမကျတဲ့ စကားတွေ
များများလာတယ် အမေ၊
များများလာတော့ ကြောက်ကြောက်လာမိတယ်
အမေ့ရဲ့ အားပေးစကားတွေ အမြဲကြားချင်နေမိတယ်
တမင်လုပ် ထောင်ချောက်တွေနဲ့ ဟော့ဒီကမ္ဘာထဲမှာ
ဘယ်လိုလှမ်းရမယ်ဆိုတာ အမေရှေ့က လမ်းပြပါ
အမေ့ရဲ့ ခွန်အားနဲ့ အသိညဏ်တရားတွေ
သူတို့ ခိုးဝှက်ချင်နေကြတယ် ၊ ခိုးဝှက်နေကြတယ် . . .
မရပါဘူး အမေ
. မ . ရ . ပါ. ဘူး . . .
ကျနော်တို့ အားလုံးဟာ အမေ့ကိုသာ မျှော်လင့်နေ
စောင့်စားနေမှာပါ . . .
ရင်ထဲက ဆန္ဒတွေ ၊ မြေမြှုပ်မိုင်းတွေနဲ့
အမေသာ ရှေ့က လက်ခုတ်တစ်ချက်တီးလိုက်ပါ
ကောင်းကင်ရှည်ရှည်တစ်လျှောက် မဆုံးနိုင်တဲ့ လက်ခုတ်သံတွေ
ပွင့်အံလိမ့်မယ် အမေ
မြင်းခွါတစ်ချက် မပေါက်ခင်က မီးဟုန်းဟုန်းတောက်ရဲပါတယ်
ဒါပါပဲ
အမေ မအိုသေးပါဘူး
အမြဲရှင်သန်နေမယ့် အမှန်တရားတစ်ခုလို
အမေ မအိုသေးပါဘူး
မြို့မရဲ့ အခါတော်ရောင်ချိန်နီးလို့လာသလို
အမေ မအိုသေးပါဘူး
အရှေ့မိုးကုတ်စက်ဝန်းဆီက နေဝန်းနီနီလို
အမေ့ နုပျိုခွန်အားတွေ
ဦးခေါင်းထက်က လင်းယုန်ငှက်ရဲ့ တောင်ပံခတ်သံလို
လတ်ဆတ်နေဆဲပါ အမေ . . .
အမေ မအိုသေးပါဘူး ။ ။
(အမေ ဒေါ်အောင်ဆန်းစုကြည် သို့ ရည်ညွှန်းပါသည်)
http://www.facebook.com/profile.php?id=100001669429212 မှ ပြန်လည်မျှဝေပေးပါသည်.။
