ရန်ကုန်တက္ကသိုလ်ဆရာများအဖွဲ့က ခေါင်းဆောင်တချို့နယ်ပြောင်းရွှေ့ခံရ

ရန်ကုန်တက္ကသိုလ်ဆရာများအသင်းက အမှုဆောင်ခေါင်းဆောင် ၄ ဦးကို နယ်တက္ကသိုလ်တွေ ကို ပြောင်းရွှေ့ခံရတယ်လို့ ပြောင်းရွှေ့ခံရသူတွေက ပြောပါတယ်။

ဒီအပြောင်းအရွှေ့ဟာ လွန်ခဲ့တဲ့လက မန္တလေးတက္ကသိုလ်ဆရာများအဖွဲ့က ခေါင်းဆောင်တွေကို အလားတူ နယ်တွေကို ပြောင်းရွှေ့ခဲ့ပြီးနောက် အစိုးရဘက်က ဒုတိယမြောက် လုပ်ဆောင်ချက် ဖြစ်ပါတယ်။

ရန်ကုန်တက္ကသိုလ်ဆရာများအသင်းရဲ့ ဥက္ကဋ္ဌ ဦးဥက္ကာမြကို ဗန်းမော်တက္ကသိုလ်၊ ဒေါ်စိန်မိမိကို ထားဝယ်တက္ကသိုလ်၊ ဒေါက်တာကျော်သန်းမိုးကို စစ်တွေတက္ကသိုလ်၊ ဦးဇော်မျိုးထွန်းကို တောင်ငူ တက္ကသိုလ် စသဖြင့် အသီးသီးပြောင်းရွှေ့ခံရတယ်လို့ ကာယကံရှင် ဒေါက်တာကျော်သန်းမိုးက ဒီဗွီဘီကို ပြောပါတယ်။

အမှုဆောင်တချို့ နယ်တက္ကသိုလ်တွေကို ပြောင်းရွှေ့ခံရပေမယ့် ရန်ကုန်တက္ကသိုလ်ဆရာများအသင်းက ဆက်ရှိနေပြီး ခေါင်းဆောင်သစ်တွေ ရွေးချယ်သွားဖို့ရှိတယ်လို့ ဒေါက်တာ ကျော်သန်းမိုးက ပြောပါတယ်။

“ရန်ကုန်တက္ကသိုလ်အဖွဲ့ကတော့ ဆက်လုပ်မှာပေါ့။ သူတို့ အီးစီအဖွဲ့ ပြန်ရွေးကောက်မှာပေါ့။ စစ်တွေ ကတော့ အသစ်လုပ်မှာပါ၊ ကျနော်နဲ့ မန္တလေးဥက္ကဋ္ဌ ဦးသက်လွင်။”

နိုဝင်ဘာလတုန်းက မန္တလေးတက္ကသိုလ်ဆရာများအဖွဲ့က ဥက္ကဋ္ဌ ဒေါက်တာသက်လွင်ကို စစ်တွေတက္ကသိုလ်၊ အတွင်းရေးမှူး ဦးသုတကို ကျိုင်းတုံတက္ကသိုလ်၊ ဒေါ်အေးအေးသန်း ကို ရေနံချောင်းဒီဂရီကောလိပ်၊ ဦးနိုင်မင်းထွန်း ကို မြစ်ကြီးနားတက္ကသိုလ်၊ ဒေါ်မိမိအောင် နဲ့ ဒေါ်ခင်လှိုင်မြင့်တို့ ၂ ဦးကို ပင်လုံတက္ကသိုလ် ကို နိုဝင်ဘာလအတွင်းက ပြောင်းရွှေ့ခံထားရတာပါ။

၂ လအတွင်း ဆက်တိုက်ဆိုသလို တက္ကသိုလ်အသင်းအပင်းအဖွဲ့အစည်းတွေက ခေါင်းဆောင်တွေ နယ်ပြောင်းရွှေ့ခံရတဲ့အကြောင်းရင်းကိုတော့ မသိရပါဘူး။

မြန်မာနိုင်ငံမှာ သမ္မတဦးသိန်းစိန် အစိုးရသစ်တက်လာပြီး အသင်းအပင်းတွေဖွဲ့စည်းခွင့်ပြုတဲ့ ဥပဒေထွက်လာပြီးနောက်မှာ အလုပ်သမား အဖွဲ့အစည်းတွေ၊ ကျောင်းသားအဖွဲ့ အစည်းတွေ ပေါ်ပေါက်လာ ခဲ့ရာမှ အစိုးရ တက္ကသိုလ်ဆရာ၊ ဆရာမများ အဖွဲ့အနေနဲ့ ရန်ကုန်တက္ကသိုလ်ဆရာများ အသင်းဟာ ပထမဦးဆုံးအဖြစ် အလုပ်သမားအဖွဲ့ ဖွဲ့ခွင့် ခွင့်ပြုချက်ရခဲ့တာလည်း ဖြစ်ပါတယ်။

 

   သတင်း ...... DVB

ရှမ်းပြည် လူမျိုးပေါင်းစုံ ပြည်သူ့လွတ်မြောက်ရေး အဖွဲ့ (ခေါ်) ရလလဖ က ဦးစီးပြီး ပဒေသရာဇ် ဆန့်ကျင်ရေး လှုပ်ရှားမှုတခုကို ရှမ်းပြည်တောင်ပိုင်း ဆီဆိုင်မြို့နယ်မှာ ပြုလုပ်

အကျန်အကြွင်းတွေရဲ့ နားပန်ကျင်းမခံရအောင် ဒုံရင်းတွေကို ဒီမိုကရေစီဇာတ် အကုန်သွင်းကြ (ဟံသာဝတီဦးဝင်းတင် )

ကျုပ်က အသက်တွေ ကြီးခြင်းမကကြီးလာတော့ ခြေထောက်ကလည်း တုန်တုန်ဆိုင်း၊ ဦးနှောက် ကလည်း မှုန်မှုန်မှိုင်း။ ရိုင်းလိုက်တဲ့လူကလေးတွေ ဗျာ။ မတော်တရော်တွေ မေးခွန်းလာထုတ်ကြတယ်။ ကျုပ်ဖြင့် ပြော မပြော ချင်ပါဘူး။ မေးတဲ့ဟာကလည်း ကြည့်အုန်းလေ။ ဘာတဲ့။

"ဒီနေ့တစ်ပြည်လုံးမှာ ဆန္ဒပြပွဲတွေ အုန်းအုန်းထနေတယ်။ အဘ ဘယ်လို ထင်သလဲ။ ဒီလူတွေနောက်ကြောင်းပြန်ဖို့ခြေ

လှမ်း ပြင်လာကြသလားဗျာ” တဲ့။"

ကျုပ်ဘာသိမှာလဲ။ နောက်ကြောင်းပြန်ဆိုတာဘာလဲ။ ခြေလှမ်းပြင်ဆိုတာ ဘာလဲ။ ကိုယ့်ကိုယ်ကိုတောင်မှ အနိုင်နိုင်ရယ်။ မယိုင်မလဲ၊ မရွဲမယိုအောင် အတော်ထိန်းနေရ တာ။ ဟေ့ သူငယ်.....နောက်ကြောင်း၊ နောက်ကျွမ်းတွေလာပြောမနေနဲ့။ မသိဘူးဟေ့။

ကိုယ်တော်ချောလေးက အတော်စကားကြော ရှည်တယ်။

“ဟာ အဘကလည်း ၊ နောက်ကျွမ်းပစ်တာ မပြောပါဘူး။ နောက်ကြောင်းပြန် တာပြောနေတာဗျ”

"မကြားဘူးပေါင်ကွာ၊ ဟိုစစ်သားတွေ နောက်တန်းပြန်တယ်ဆိုတာမျိုးပဲ ကြားဘူးပါတယ်"

“အဲ့ဒါပြောတာပေါ့ အဘရဲ့။ စစ်တပ်က ရှေ့တန်းထွက်တာ တို့၊ နောက်တန်း ပြန်တာတို့ ဆိုတာတွေ လုပ်နေကျဆိုတော့ အခုရော နောက်တန်း နောက်ကြောင်းပြန်ဦးမှာလားလို့ မေးနေရတာပေါ့။ ဒီမိုကရေစီ လုပ်မယ်ဆိုရာက နောက်ပြန်ဆုတ်မှာလားမေးတာဗျို့”

"နေပါဦး၊ စစ်အစိုးရက ဘယ်တုန်းက ရှေ့တန်းရောက်နေလိုက်တာလဲ”

“သေပါတော့အဘရယ် စစ်အစိုးရ ပြောတာမဟုတ်ဘူး။ သမ္မတကြီးဦးသိန်းစိန် အစိုးရ တက်လာချိန် ကတည်းက ဒီမိုကရေစီ နိုင်ငံရေးအပြောင်းအလဲတွေလုပ်နေပြီလို့ကြေညာထားတာလေဗျာ”

“ဟေ့ကောင် သေစကားတော့ လာမပြောနဲ့။ ဒီမိုကရေစီသံကြားလေ၊ ငါမသေချင်လေကွ”

“ချင်ချင် မချင်ချင်ဗျာ၊ ဒီမိုကရေစီဆိုလား၊ ဘာဆိုလားကြီးကတော့ သေစော်နံ လာနေပြီနဲ့တူရဲ့”

“ဟေ့.....ဟေ့ အဲ့ဒီဟာကြီးဆိုတာက ဘယ်တုန်းကမှ မရှင်ခဲ့တာ။ ဘာသေစော်နံရမှာလဲကွ။ အဲ့ဒါကြီးနောက် ကြောင်းပြန်မှာလားတို့၊ နောက်ကျွမ်းပစ်မှာလားတို့ လာမမေးနဲ့။ ဘာမှမလုပ်ဘူးလဟဲ့။ စိတ်ချ။ နဂိုကတည်းက ဒုံရင်း ဒုံရင်းကွ”

ဒီခေတ်ကလေးတွေ တယ်ဒုံးဝေးကြသဗျာ။ ဘာကြောင့်များ ဒီလိုမေးခွန်းတွေ ထုတ်နေကြပါလိမ့်။ ဒါနဲ့မေးကြည့်မိတယ်။

“နေပါဦးကွဲ့။ ဘာဖြစ်လို့ မင်းတို့က ဒီမိုကရေစီ သေစော်နံလာပြီ ပြောနေရတာလဲ”

“ဟာအဘကလည်း ‘ဒိတ်အောက်’ နေပြန်ပါပြီ။ မကြားမိဘူးလားဗျာ။ လက်ပံတောင်းတောင် ကြေးနီစီမံကိန်း ဖျက်ပေးတောင်းဆိုနေကြတာ။ မကြားမိဘူးလားဗျာ။ ဒေသခံလူထုရော၊ ဒေသဝန်းကျင်လူထုရော ဝိုင်းကူဆန္ဒပြနေကြတာ။ မမြင်ဘူးလားဗျာ။ သပိတ်စခန်း အကြမ်းဖက်ဖြိုခွဲခဲ့လို့ သံဃာတော်တွေ မီးလောင်ဗုံးစာမိခဲ့တာ”

“စစ်အစိုးရပဲကွာ၊ ဒီလောက်တော့ လက်သံပြောင်လိမ့်မပါ့”

“ဟာအဘကလည်းလုပ်ပြန်ပြီဗျာ။ ဘယ်ကလာ စစ်အစိုးရလဲဗျာ၊ ဘောင်းဘီချွတ်လိုက်ပြီဗျ။ အရပ်သားအစိုးရဗျို့၊ အရပ်သားအစိုးရ။ လွှတ်တော်ကြီးလည်းပေါ်ပြီဗျာ။ စာနယ်ဇင်းတွေလည်းဆော်ပြီဗျာ”

“ဟ.....ဟ ဘာဆော်တာလဲ”

“မှားလို့ အဘရေ မှားလို့။ ပျော်နေပြီ ပြောတာပါ။ သမ္မတရုံးဝန်ကြီးတစ်ပါး မီဒီယာတွေ နဲ့တွေ့သတဲ့။ ပြောသတဲ့။ သမ္မတကြီးကို ပျော်အောင် ထားကြပါတဲ့။”

“အကောင်းသားပေါ့ကွဲ့။ နှလုံးရောဂါသမား သနားပါတယ်။ ပျော်ပျော်နေပလေ့စေကွယ်”

“အဲ့လိုလည်း မဟုတ်သေးဘူးအဘရဲ့။ သူ့ခမျာ ဘယ်မှာ ပျော်အားပါ့မလဲဗျာ။ တစ်ပြည်လုံးနှံ့ သပိတ်ကင်ဆာရောဂါ ပြန့်နေပြီဗျာ။ သမ္မတကြီးက ဟိုကော်မရှင်ဖွဲ့၊ ဒီကော်မရှင်ခိုင်း လုပ်နေလို့သာ တိုင်းပြည်က ငြိမ်ကုပ်ကုပ်ဖြစ်နေတာ အဘရဲ့။ အေးလှတာမဟုတ်ဘူး။ သပိတ်စုံရင်တော့လား။ သူပုန်ဆိုလား ဘာဆိုလား၊ ထမှာ ကြွမှာများတောင် စိုးရသတဲ့”

“မဟုတ်မဟတ်တွေကွယ်။ ဖွဟဲ့လွဲပါစေ၊ ဖယ်ပါစေ။ ဒါတွေကြောင့် နောက်ကြောင်းပြန်မှာလားတွေ ဒါတွေအတွက် ရင်လေးတွေးပူ ပြောနေကြတာနဲ့ တူရဲ့။ အေးလေ။ တွေးလည်းကြောက်မနေကြနဲ့ကွဲ့။ အစိုးရများကတော့ အရိပ်အကဲစောင့်ကြည့် နေဟန်တူပါရဲ့။ ဒီနေရာမင်းတို့တစ်တွေသိရမယ့် စကားလေးတစ်ခွန်းရှိသကွဲ့။ အဲ့ဒါကတော့....”

“ဘယ်လိုတုံးဗျ။ ပြောပါဦးဗျ”

“ဒေါ်အောင်ဆန်းစုကြည့်ရဲ့စကားကွဲ့။ အစိုးရနောက်ကြောင်းပြန်လှည့် မလှည့်ဆိုတာလူထု အပေါ်မူတည်သတဲ့။ နောက်ကြောင်းလှည့်အောင်လည်း လူထုပဲလုပ်နိုင်သတဲ့။ နောက်ကြောင်း မလှည့်အောင်လည်း လူထုပဲလုပ်နိုင်သတဲ့။ မှတ်သားစရာပေါ့ကွယ်”

“ဒီလိုဆို ကျွန်တော်နဲ့ လူထုနဲ့တွဲပြီး အစိုးရနောက်ကြောင်းမပြန်အောင်ဝိုင်းတွန်းကြရမှာဗျို့”

“အေးပေါ့ကွယ်။ လုပ်စရာရှိတာ လုပ်ကြပေါ့။ ငါပြောချင်တာကတော့ နောက်ကြောင်းပြန်တာတွေ မပြန်တာတွေ သိပ်ပြောမနေပါနဲ့ကွာ။ နောက်ကြောင်းအကျန်အကြွေင်းတွေက အာဏာပိုင်တွေ ကြားမှာရှိတုန်းလဟ။ ဒီနေ့လူထုကို နားပန်ကျင်းနေတာ သူ့တို့လဟဲ့။ ဒီနေ့ဘုန်းကြီးတွေကို မီးအရုဏ်ဆွမ်းကပ်နေတာ သူတို့လဟဲ့။ တို့ဒီနေ့တကယ်လုပ်ရမှာက အဲဒီ ‘ကျန်စစ်သား’ တွေရော၊ အစိုးရရော၊ လွှတ်တော်တွေရော၊ မီဒီယာတွေရော အားလုံးကို ဒီမိုကရေစီလမ်းကြမ်းပေါ် တွန်းတင်ကြဖို့ပဲကွဲ့။ ဒီမိုကရေစီလမ်းကြောင်းအတိုင်းဝိုင်းဆွဲခေါ်ကြဖို့ပဲကွဲ့”။

ဟံသာဝတီဦးဝင်းတင်
ဒီလှိုင်းဂျာနယ်။ အတွဲ(၁)၊ အမှတ်(၄၈)

ကချင်ပြည်နယ်က ဒုက္ခသည်စခန်းတွေကို အမေရိကန်သံအမတ်ကြီး သွားရောက် ကြည့်ရှု

ကချင်ပြည်နယ်ကိုရောက်ရှိနေတဲ့ မြန်မာနိုင်ငံ ဆိုင်ရာ အမေရိကန်သံအမတ်ကြီး မစ္စတာ ဒဲရစ်မစ်ချယ်လ်နဲ့ အထူးကိုယ်စားလှယ် Mr W. Patrick Murphy တို့ဟာ ဒီကနေ့မနက်ပိုင်းမှာ ဝိုင်းမော်မြို့နယ်က သရက်တော သာဂရဘုန်းတော်ကြီးကျောင်းက စစ်ဘေးရှောင် ဒုက္ခသည်စခန်းတွေနဲ့ မြစ်ကြီးနားမြို့က HIV/AIDS ဝေဒနာရှင်တွေကို စောင့်ရှောက်ကုသပေးနေတဲ့ စင်တာတစ်ခုတို့ကို သွားရောက်ကြည့်ရှုအားပေးခဲ့ပါတယ်။ ကချင်ပြည်နယ်ထဲမှာဆက်လက်ဖြစ်ပွားနေတဲ့ စစ်ပွဲတွေနဲ့ အကြမ်းဖက်မှုအခြေအနေတွေကို လေ့လာသုံးသပ်နိုင်ဖို့နဲ့ စစ်ဘေးရှောင်ပြည်သူတွေရဲ့အသံတွေကို နားထောင်ဖို့ ပထမဆုံးအကြိမ်လာရောက်ရတာပါလို့ RFA ကို အမေရိကန်သံအမတ်ကြီးက ပြောပါတယ်။ ဒါအပြင်အမေရိကန်အစိုးရအနေနဲ့လည်း စစ်ဘေးဒုက္ခသည်တွေအတွက် အတတ်နိုင်ဆုံး ကူညီထောက်ပံ့သွားမှာဖြစ်ကြောင်း ကချင်ပြည်နယ် ငြိမ်းချမ်းရေးအတွက် အစိုးရတပ်တွေနဲ့ ကချင်လက်နက်ကိုင်တပ်ဖွဲ့တွေရဲ့ တိုက်ပွဲတွေ အမြန်အဆုံးသတ်စေလိုကြောင်းလဲ မစ္စတာဒဲရစ်မစ်ချယ်က ပြောပါတယ်။ အမေရိကန်သံအမတ်ကြီးရဲ့ နှစ်ရက်ကြာ ခရီးစဉ်အတွင်း ဒီကနေ့မနက်ပိုင်းမှာ ဝိုင်းမော်မြို့နယ် မိုင်းနားကျေးရွာက စိန့်ဂျိုးဇက် ရိုမန်ကက်သလစ်နဲ့ ကချင်နှစ်ချင်းအသင်းတော် ဘုရားကျောင်းတွေမှာရှိတဲ့ ကယ်ဆယ်ရေးစခန်း၊ ဝိုင်းမော် သာဂရ သရက်တော ဘုန်းတော်ကြီးကျောင်း ကယ်ဆယ်ရေးစခန်းနဲ့ မြစ်ကြီးနားမြို့ ဂျန်မိုင်ကောင်ရက်ကွက်မှာရှိတဲ့ Hope Center အိပ်ခ်ျအိုင်ဗွီ/အေအိုင်ဒီအက်စ် စောင့်ရှောက်ကုသရေးဋ္ဌာတို့ကိုသွားရောက်ခဲ့ပြီး မြစ်ကြီးနားအခြေစိုက် လူမှုအဖွဲ့အစည်းတွေနဲ့တွေ့ဆုံခဲ့ပါတယ်။ မနေ့ကတော့ ကချင်ပြည်နယ်အစိုးရအဖွဲ့နဲ့အတူ တိုင်ရင်းသားရေးရာဝန်ကြီးတွေနဲ့ တွေ့ဆုံဆွေးနွေးခဲ့ပြီး ငြိမ်းချမ်းရေးဆွေးနွေးရေးအကျိုးဆောင်အဖွဲ့(PCG) နဲ့လည်း တွေ့ဆုံခဲ့ပါတယ်။ ဒါ့အပြင် HIV/AIDS ရောဂါဝေဒနာရှင်တွေကို ကုသပေးနေတဲ့ မြစ်ကြီးနားမြို့ မိုင်းလားရပ်ကွက်က HOPE Center ကို သွားရောက်ပြီး ဝေဒနာသည်တွေနဲ့ တွေ့ဆုံကာ အားပေးစကားပြောကြားခဲ့သလို ကချင်ပြည်နယ်အတွက် ငြိမ်းချမ်းရေးနဲ့ ပတ်သက်ပြီး ဆောင်ရွက်နေတဲ့ လူထုအခြေပြု အဖွဲ့အစည်းတွေကိုလည်း တွေ့ဆုံခဲ့ပါတယ်။ မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချယ် နဲ့ အဖွဲ့ဟာ ဒီဇင်ဘာလ ၁၇ ရက် မနေ့ ညနေပိုင်းက မြစ်ကြီးနားမြို့ကိုရောက်ရှိလာတာဖြစ်ပြီး ကချင်ပြည်နယ် အစိုးရ အဖွဲ့ဝင်တွေနဲ့ တွေ့ဆုံကာ တိုင်းရင်းသားရေးရာ ကိစ္စရပ်တွေဆွေးနွေးခဲ့ကြောင်း သိရပါတယ်။

သတင်း...RFA

အန်အယ်လ်ဒီ ပါတီ ဥက္ကဋ္ဌ ဒေါ်အောင်ဆန်း စုကြည်၏ မိန့်ခွန်းတွင် အာဏာရမှ ဒီမိုကရေစီ နိုင်ငံထူထောင် နိုင်မည်ဟု အာဏာစကား စတင်ပြော

နတ်မောက်မြို့၊ အမျိုးသား အောင်ပွဲနေ့ အထိမ်းအမှတ် လူထုဟော ပြောပွဲ၌ အန်အယ်လ်ဒီ ပါတီ ဥက္ကဋ္ဌ ဒေါ်အောင်ဆန်း စုကြည်၏ မိန့်ခွန်းတွင် အာဏာရမှ ဒီမိုကရေစီ နိုင်ငံထူထောင် နိုင်မည်ဟု အာဏာစကား စတင်ပြော ကြားပြီးနောက် ဝါရင့်နိုင်ငံရေးသမား အချို့က ဒေါ်ဆောင်ဆန်းစုကြည် အာ ဏာရနိုင်ရန် ၂၀ဝ၈ ခုနှစ်၊ ဖွဲ့စည်းပုံ အခြေခံဥပဒေ ပြင်နိုင်ဖို့လိုကြောင်း သုံး သပ်ကြသည်။

“၂၀ဝ၈ ဖွဲ့စည်းပုံမပြင်ရင် ဒီမို ကရေစီမဖြစ်ဘူး၊ ၂၀၁၅ မှာ ၂၀ဝ၈ ဖွဲ့စည်းပုံကို မပြင်ရင် စစ်မှန်တဲ့ရွေး ကောက်ပွဲဖြစ်မှာမဟုတ်ဘူး၊ ၂၀ဝ၈ ဖွဲ့စည်းပုံအောက်မှာ ဒေါ်အောင်ဆန်းစု ကြည် အာဏာရအောင်လုပ်မှာမဟုတ် ဘူး”ဟု ဝါရင့်နိုင်ငံရေးသမားတစ်ဦး ဖြစ်သူ ဦးလှရွှေကပြောသည်။

အောင်ဆန်းမွေးရပ်မြေ၊ နတ်မောက်မြို့ ဗိုလ်ချုပ်ကြေးရုပ်ရှေ့တွင် ၉၂ နှစ်မြောက် အမျိုးသားအောင်ပွဲနေ့ အထိမ်းအမှတ် လူထုဟောပြောပွဲတွင် အန်အယ်လ်ဒီ ပါတီ ဥက္ကဋ္ဌဒေါ်အောင်ဆန်းစုကြည်က မိန့်ခွန်းပြောကြားရာတွင် - “ဒီမိုကရေစီနည်းကျ နိုင်ငံရေးပါတီ တစ်ခု တည်ထောင်တယ်ဆိုတာဟာ အာဏာရရေးဟာအဓိကမဟုတ်ပါဘူး၊ အာဏာရရေးဟာအရေးကြီးတယ်၊ ကျွန်မ ပွင့်ပွင့်လင်းလင်းပဲပြောမယ်၊ ကျွန်မတို့ အာဏာရမှ ကျွန်မတို့လိုချင်တဲ့ ဒီမိုကရေ စီနိုင်ငံထူထောင်နိုင်မှာ၊ ဒါကြောင့်မို့ ကျွန်မတို့က အာဏာလိုချင်လားဆိုရင် လိုချင်တယ်လို့ပဲပြောမှာပါ”ဟု ဆိုသည်။

ဒေါ်အောင်ဆန်းစုကြည်၏ ယင်း မိန့်ခွန်းနှင့် ပတ်သက်၍ ဝါရင့်နိုင်ငံ ရေးသမားကြီးတစ်ဦးဖြစ်သူ ဟံသာဝတီ ဦးဝင်းတင်က လွှတ်တော်ထဲသို့ ဒေါ် အောင်ဆန်းစုကြည် ရောက်ရှိနေကြောင်း၊ လက်ရှိလုပ်ပိုင်ခွင့်အာဏာ နည်းနည်းပါး ပါးသာရှိကြောင်း၊ ၂၀ဝ၈ ဖွဲ့စည်းပုံအရ ရွေးကောက်ပွဲသည် ဒီမိုကရက်တစ် မဖြစ် နိုင်။ လာမည့် ၂၀၁၅ ရွေးကောက်ပွဲတွင် ၂၀ဝ၈ ဖွဲ့စည်းပုံမပြင်ပါက ဒေါ်အောင် ဆန်းစုကြည် အာဏာမရနိုင်ကြောင်းပြော သည်။

အန်အယ်လ်ဒီပါတီမှ ပြည်သူ့ လွှတ်တော်ကိုယ်စားလှယ် ဦးအုန်းကြိုင် ကလည်း “အိန္ဒိယနိုင်ငံမှာ မိန့်ခွန်းပြော ခဲ့တာက ၂၀၁၅ ရွေးကောက်ပွဲ မတိုင်ခင် ၂၀ဝ၈ ဖွဲ့စည်းပုံပြင်ရမယ်၊ စစ်မှန်တဲ့ ဒီမိုကရေစီဖြစ်သွားရင် ပြည်သူလူထုက ကိုယ့်ကြမ္မာကိုယ် လွတ်လပ်စွာ ဖန်တီးနိုင် မယ်၊ အမေရိကန်နိုင်ငံလို ဒီမိုကရေစီ နိုင်ငံမျိုးဖြစ်ရင်တော့ ဒေါ်ဆောင်ဆန်းစု ကြည်၊ အန်အယ်လ်ဒီ အာဏာရနိုင်တယ်၊ ၂၀ဝ၈ ဖွဲ့စည်းပုံပြင်ဖို့က စစ်တပ်ပေါ်မှာပဲ မူတည်တယ်”ဟု ဆိုသည်။

နိုင်ငံရေးဆောင်းပါးများရေးသားသူ ဆရာဦးထက်မြက်က ပါတီတစ်ခု တည် ထောင်သည်ဆိုသည်မှာ အာဏာရလို ခြင်းအတွက်ဖြစ်ကြောင်း၊ ဒေါ်ဆောင် ဆန်းစုကြည်ပြောသည့်စကားသည် နိုင်ငံရေးသမား တစ်ဦး၏ ပြောသင့်သည့် စကားဖြစ်ကြောင်း ၂၀ဝ၈ ဖွဲ့စည်းပုံ ပြင်မှ ရမည်ဖြစ်ကြောင်း၊ အန်အယ်လ်ဒီပါတီနှင့် ပြည်သူများက ၂၀ဝ၈ ဖွဲ့စည်းပုံကိုပြင်ဖို့ ဝိုင်းဝန်းကြိုးပမ်းရမည်ဖြစ်ကြောင်း၊ အခြား သော တိုင်းရင်းသားလူမျိုးစုပါတီများက လည်း ၂၀ဝ၈ ဖွဲ့စည်းပုံပြင်ရေးအတွက် ပြည်သူလူထုနှင့်အတူပူးပေါင်းပါဝင်ရမည် ဖြစေ် ကြာင်း ပြောသည။် 

 

ရင်းမြစ်..လူထုပုံရိပ်

လက်ပန်းတောင်းတောင် သပိတ်စခန်းဆက်လက်ဖွင့်ထားမည်

လက်ပန်းတောင်းတောင်ကြေးနီစီမံကိန်း လုပ်ငန်းတွေရပ်တန့်ခြင်းမရှိဘဲ ဆက်လက်လုပ်ကိုင်နေတဲ့ အတွက် သပိတ်တိုက်ပွဲ ဆက်လက်ဆင်နွှဲသွားမယ်လို့ လက်ပန်းတောင်းတောင် ဒေသခံတွေ ဒီကနေ့ ညနေပိုင်းက ဆုံးဖြတ်လိုက်ပါတယ်။

ကြေးနီစီမံကိန်းဆောင်ရွက်နေတဲ့ တုံရွာအနီး ဒေသခံတွေဖွင့်ထားတဲ့ သပိတ်စခန်းကို ဆက်လက်ထား ရှိရေး နဲ့ပတ်သက်ပြီး ဒေသခံ ရွာ ၁၂ ရွာက ရွာသူရွာသား ၂၀၀ ကျော် ဒီကနေ့မိန်းလွဲပိုင်းက အစည်းအဝေးထိုင်ပြီး ဆုံးဖြတ်ချက် ချလိုက်တာဖြစ်ပါတယ်။

သပိတ်တိုက်ပွဲပုံစံနဲ့ပတ်သက်ပြီး မိန့်ကြားရာမှာ ထိုင်သပိတ်ပုံစံဖြစ်ပြီး တောင်းဆိုချက် အနေနဲ့ ကြေးနီစီမံကိန်းနဲ့ ပတ်သက်ပြီး စုံစမ်းရေးကော်မရှင်က စုံစမ်းနေစဉ် စီမံကိန်းလုပ်ငန်းတွေ လုံးဝရပ်တန့်ထားရန်နဲ့ နိုဝင်ဘာ ၂၉ ရက်နေ့က သပိတ်စခန်းကို အကြမ်းဘက်ဖြိုခွင်းခဲ့တာနဲ့ ပတ်သက်ပြီး အရေးယူသင့်သူများကို အရေးယူပေးရန်ဖြစ်တယ်လို့ သိရပါတယ်။

 သတင်း...RFA Burmese

မြ၀တီမြို့တွင် ဒီကေဘီအေ ဆန္ဒပြ

  လက်ပံတောင်းတောင် ကြေးနီစီမံကိန်း သပိတ်စခန်း ဖြိုခွင်းမှု၌ ဒဏ်ရာရသံဃာများကို တောင်းပန်ရန်နှင့် ကချင်ပြည်နယ်အတွင်း ထိုးစစ်ဆင်မှုများကို ရပ်တန့်ရန် ကရင်ပြည်နယ်၊မြ၀တီမြို့ တွင် တိုးတက်သော ဗုဒ္ဓဘာသာ ကရင်အမျိုးသားတပ်မတော်-ဒီကေဘီအေ ဦးဆောင်၍ ယနေ့မနက် ၇နာရီကျော်တွင် ဆန္ဒပြခဲ့ကြ သည်။

အဆိုပါ ဆန္ဒပြမှုတွင် ဒီကေဘီအေအပြင် ဗိုလ်မှူးချုပ် စောထိန်မောင်၏ KNU/KNLA ငြိမ်းချမ်းရေးကောင်စီ တပ်ဖွဲ့များလည်း ပါဝင်ပြီး စစ်ယူနီဖောင်းများနှင့်အတူ ကားအစီး ၁၀စီး၊ လူအင်အား ၈၀ ဖြင့် လက်ပံတောင်း တောင် စီမံကိန်း သပိတ်စခန်း ဖြိုခွင်းမှု၌ ဒဏ်ရာရသံဃာ တော်ပုံများ၊ စာတမ်းများ ကိုင်ဆောင်ကာ မြ၀တီမြို့ တွင် လှည့်လည်ဆန္ဒပြခဲ့ကြခြင်းဖြစ်သည်။

ဆန္ဒပြမှုကို ဒီကေဘီအေ အရာရှိတစ်ဦးဖြစ်သူ ဗိုလ်မှူး စောဆန်းအောင်က "မြန်မာနိုင်ငံမှာ အထူးသဖြင့် လက်ပံတောင်းတောင် စီမံကိန်းမှာ ဒဏ်ရာရ သံဃာတော်တွေကို အစိုးရအနေ နဲ့ ပြန်တောင်း ပန်ဖို့ပါ။  နောက် ကချင်ဒေသဘက်မှာ ဖြစ်ပွားနေတဲ့ စစ်ပွဲတွေကို ရပ်တန့်ပေးဖို့ပေါ့"ဟု ကေ အိုင်စီသို့ ပြောသည်။

၎င်းတို့၏ တောင်းဆိုမှုများကို မြ၀တီမြို့နယ်ထဲတွင် လက်ရှိ တာဝန်ထမ်းဆောင် မြန်မာအစိုးရတပ် တပ်မ(၇၇) တပ်မမှူးက လက်ပံတောင်း တောင် စီမံကိန်း၌ ဆန္ဒပြသူများကို အကြမ်းနှိမ်နင်းခဲ့သည့် ရဲများကို အရေးယူ ဆောင်ရွက်ပေးမည်ဟု တုံ့ပြန်သွားသော်လည်း တစုံတရာ မလုပ်ဆောင်ပေးပါက ဒီကေဘီအေအနေဖြင့် ဆက်လက် ဆန္ဒထုတ်ဖော် သွားမည်ဖြစ်ကြောင်း ဗိုလ်မှူးစောဆန်းအောင် က ဖြည့်စွက်ပြောဆိုသည်။

ဒီကေဘီအေ ဆန္ဒပြပွဲနှင့် ပတ်သက်၍ မျက်မြင်သက်သေ မြ၀တီမြို့ခံတစ် ဦးက "ဒီမနက် သူတို့ ဆန္ဒပြတာ မြ၀ တီမြို့ ဘုရင့်နောင်ဈေးကနေ ကြခတ်တောရကျောင်းလမ်းဘက်ကို သွားတယ်။ အစိုးရအနေနဲ့ သံဃာတော် များကို ပြည်လည်တောင်းပန်ဖို့ သူတို့တွေ ကြွေးကြော်ခဲ့ကြ တယ်။ မြို့ကို လှည့်ပြီး ဆန္ဒပြတာပေါ့။ နောက် ဆုံဆည်းမြိုင်ဘက်ကို သူတို့ ပြန်တက် သွား တယ်"ဟု ပြောသည်။

မြ၀တီမြို့တွင် ဒီကေဘီအေနှင့် KNU/KNLA ငြိမ်းချမ်းရေးကောင်စီ တပ်ဖွဲ့တို့ပူးပေါင်း၍ ယခု ဆန္ဒပြမှုသည် ပထမဦးအကြိမ်ဖြစ်ပြီး ဆန္ဒပြပွဲကို နံနက် ၈ နာရီကျော်တွင် အောင်မြင်စွာ ပြီးဆုံးခဲ့ကြောင်း သိရသည်။

ပြီးခဲ့သည့် နိုဝင်ဘာလ ၂၉ ရက်နေ့က လက်ပံတောင်းတောင် ကြေးနီ စီမံကိန်း ဆန္ဒပြသပိတ်စခန်း ၆ ခုကို မြန်မာအစိုးရအာဏာပိုင်များက အကြမ်းဖက်ဖြိုခွဲခဲ့ရာ သံဃာတော် အပါး ၇၀ ကျော်နှင့် လူထု ၅၀ ကျော် ဒဏ်ရာရရှိခဲ့သည်။

 

  သတင်း.. (ကေအိုင်စီ)

ဟင်္သာတသတင်းထောက် ၂ ဦးသတင်းသွားရောက်ရယူရာတွင်ကူညီခဲ့သော ရွာသား ၂ဦးတရားစွဲခံရ

ဟင်္သာတနယ်ခံသတင်းထောက် ၂ဦးမှ လေးမျက်နှာမြို.နယ်၊ ၀က်ဆင်းအိုင်ကျေးရွာရှိ စပါးခွံဂက်စ်သုံးဆန်စက်၏ကျေးရွာအတွင်းရေဆိုးစွန်.ပစ်မှုများကြောင့် ကျေးရွာအတွင်း စိုက်ပျိုးမြေများ

တွင် ထိခိုက်မှုများရှိနေကြောင်း၊ ဒေသတွင်းကျန်းမာရေးထိခိုက်မှုများရှိနေကြောင်းသတင်းရရှိသည်.
အတွက်သွားရောက်သတင်းရယူရာတွင် လိုက်ပါကူညီခဲ့သူများအား တရားစွဲဆိုခံရမှုများရှိနေကြောင်း
သိရသည်။

“ကျွန်တော်တို. တွေဒီဇင်ဘာလ ၆ ရက်နေ.တုန်းက သတင်းသွားရောက်ယူခဲ့တဲ့အခါ ဒေသခံတွေက လိုက်ပါကူညီခဲ့ကြပါတယ်။ သတင်းတွေကိုမေးမြန်းအပြီး ဆန်စက်အပြင်ကဓါတ်ပုံရိုက်ခဲ့တယ်။

ကျွန်တော်တို.တွေနဲ.အတူရွာခံတွေရှိ်နေတုန်းကတော့ ပိုင်နက်အတွင်းဝင်ခဲ့တာမရှိပါဘူး။ အခုတရားစွဲ ခံရတယ်ကြားပြီး ဒေသခံတွေကိုမေးတော့ သူတို.လည်းဝင်ခဲ့တာမရှိဘူးလို.ပြောပါတယ်။ဒေသခံတွေ ကိုလည်း သူများ ပိုင်နက်အတွင်း မ၀င်ဖို.နဲ. စကားတွေမလွန်ဖို.ပြောခဲ့ပေမယ့် ကျွန်တော်တို.ပြန်ပြီးနောက်ပိုင်း မှာ ပုဒ်မ ၂ ခုနဲ.တရားစွဲခံရတယ်ဆိုတဲ့ သတင်းကြားရတော့ စိတ်မကောင်းဖြစ်မိပါတယ်။”” ဟု ဟင်္သာတနယ်ခံသတင်းသမားကပြောသည်။

အဆိုပါ တရားစွဲဆိုခံရမှုတွင် လေးမျက်နှာမြို.နယ်၊ ၀က်ဆင်းအိုင်ကျေးရွာရှိဒေသခံ ဦးခင်နှင့်ဦးချစ်မြိုင် တို. ၂ဦးအား မိဘမေတ္တာ ငါးပုံဆန်စက်ပိုင်ရှင် ဒေါ်မ၀င်းက လေးမျက်နှာမြို.နယ်တရားရုံးသို. ဦးတိုက်လျှောက်ထား ရာ ပုဒ်မ ၄၄၇/ ၅၀၆ ဖြင့် တရားစွဲဆိုခံရကြောင်း ဒီဇင်ဘာလ ၇ ရက်နေ.တွင် တရားစွဲဆိုခံရသူ ကာယကံရှင်များမှအကြောင်းကြားစာရရှိခဲ့ကြောင်းသိရသည်။ ရုံးချိန်အား ဒီဇင်ဘာလ ၁၇ ရက်နေ.တွင်ချိန်းဆိုထားကြောင်းလည်း သိရပါသည်။

ကသာမြို့နယ်အတွင်း မိန်းမပျိုများ အကြောင်းမဲ့ ပျောက်ဆုံးလျှက်ရှိ

ကသာမြို့နယ်အတွင်း မိန်းမပျိုများ အကြောင်းမဲ့ ပျောက်ဆုံးလျှက်ရှိ၊ဒီဓါတ်ပုံရှင်အား တွေ့ရင် အကြောင်းကြားပေးကြပါ(ဟာဂျူလီ-ကသာ)

 

 

ကသာမြို့ အမှတ်(၉)ရပ်ကွက်နေ မမေသက်ဇွန်သည် ၁၂၊၁၁၊၁၂ရက်နေ့ မနက်က အကြောင်းမဲ့ ပျောက်ဆုံးသွားခဲ့ပါသည်၊ထိုမိန်းကလေးမှာ အသက်၂၄နှစ်ရှိပြီဖြစ်ပြီး စက်ချုပ်မှုအလုပ်လုပ်

ကိုင်သူဖြစ်ကြောင်း ၄င်း၏မိခင်ဖြစ်သူဒေါ်ခင်နန်းမြင့်မှ ကျွန်တော့်ထံ ဆက်သွယ်ပြောဆိုခဲ့ပါသည်၊

“ကျွန်မသမီးလေးက ကျွန်မနဲ့ အတူနေလို့ ရည်းစားမရှိတာ ကျွန်မသိပါတယ်၊တကယ်လို့ ရည်းစားနောက်လိုက်သွားရင်လည်း အခုဆို (၁)လရှိနေပါပြီ၊သတင်းတစ်ခုခုတော့ ကြားရမှာပေါ့၊

အခုလို ရုတ်တရက် ဘာသတင်းမှ မကြားရဘဲ စုန်းစုန်းမြုတ် ပျောက်သွားတော့ ပိုစိတ်ပူနေ ရပါတယ်၊သမီးလေးပျောက်သွားတဲ့နေ့က စက်ချုပ်ပစ္စည်းတွေလည်းပါသွားတယ်၊သူ့ဆိုင်ကယ်ကို လည်း ပေါင်သွား တယ်၊သူဆိုင့်ကယ်သွားပေါင်တဲ့ မိတ်ဆွေကပြော တာတော့ မေသက်ဇွန် ဆိုင်ကယ်လာပေါင်တဲ့ အချိန်မှာ ကသာမြို့ခံမဟုတ်တဲ့ မျက်နှာစိမ်းတစ်ယောက်ပါလာတယ်တဲ့၊နောက်ပြီး ဗန်းမော် သွားတဲ့ ကားလမ်း၊ငါးအိုးရွာမှာလည်း မေသက်ဇွန်ကို အဲဒီမိန်းကလေး နဲ့ပဲ တွေ့တဲ့သူ ရှိတယ်တဲ့၊ဒီတော့ ကျွန်မတို့အနေနဲ့ လူကုန်ကူးခံလိုက်ရပြီလားလို့ တွေးမိပါတယ်”ဒေါ်ခင်နန်းမြင့်ပြောခဲ့ သည့် ဖြစ်စဉ်မျိုးမှာ ၂၀၁၀ခုနှစ်ကလည်း အင်းတော်မြို့တွင် ဖြစ်ဖူးခဲ့ ပါသည်၊မြို့ခံမိန်းကလေးများကို ဆေးတိုက်ပြီး လူကြီးများ မသိအောင် အ၀တ်အစားယူစေ၍ တရုတ်နိုင်ငံ သို့ခေါ်ဆောင် ရောင်းချ ခဲ့ သည့် ဖြစ်စဉ်များဖြစ်ပါ သည်၊ထိုဖြစ်စဉ်အား ကျွန်တော် မှ ဖေါ်ထုတ်ရေးသားခဲ့ရာ လူကုန်ကူးခဲ့သည့် တရားခံ များအားလုံး ထောင်(၁၀)နှစ်ကျခံလိုက်ရပြီးဖြစ်  ပါသည်၊

ယခုပျောက်ဆုံးသွား သည့်ဖြစ်စဉ်မှာ ယခင်အင်းတော်မြို့တွင် ဖြစ်ပွား ခဲ့သောခြေရာလက်ရာ အတိုင်းဖြစ်နေပါသောကြောင့် မိခင်ဖြစ်သူ၏ စိုးရိမ်မှုမှာ အပြစ်ဆိုစရာမရှိပါ၊

၁၂-၁၂-၂၀၁၂ နေ့ ညနေ ၆း၃၀ နာရီ တွင် ကလေးဆေးရုံ သို့ရောက်ရှိလာသော လက်ပတောင်းမီးသင့်ကလေးများကို ဒေါ်အောင်ဆန်းစုကြည်သွားရောက်ကြည့်ရှု

ဓာတ်ပုံ ...ကိုဆန်နီ

"ယနေ့ တစ်နိုင်ငံလုံးအတိုင်းအတာဖြင့် သံဃာတော်များ ဆန္ဒထုတ်ဖော်မူ ( သတင်း ဓါက်ပုံများ)

 

 
ပြည်မြို့ မှ သံဃာတော်များ ဗိုလ်ချုပ်ကျောက်ရုပ် ရှေ့မှာ ဆန္ဒစတင်ထုတ်ဖော်နေပါပြီ

 မန္တလေးတွင် သံဃာတော် အပါး ၁၀၀၀ ခန့် ဆန္ဒပြ

 

ယနေ့ ပခုက္ကူ သံဃာထု လမ်းပေါ်ထွက်၍ ဆန္ဒဖော်ထုတ်

 

 
ယနေ့ နေ့လည် ၁ နာရီ မှ စတင်ကာ ကလေးမြို့ရှိ သံဃာတော်များ ဆန္ဒ ထုတ်ဖော်

 မုံရွာမြို့တွင် ဆရာတော်သံဃာတော် အင်အား(၇၀၀)ခန့်ဆန္ဒထုတ်ဖော်

 

ဆူလေဘုရားရှေ့တွင် သံဃာတော်များ ဆန္ဒထုတ်ဖော်

ဓာတ်ပုံများအား အင်တာနက်စာမျက်နှာ မှကူးယူဖော်ပြပါသည်.။

ပြင်ပဈေးကွက် နိုင်ငံခြားငွေ ရောင်းဝယ်သူများ တရားဝင် လိုင်စင်အား အထူးစိတ်ဝင်စား

လိုင်စင်များအား ကုမ္ပဏီနှင့် အဖွဲ့အစည်းများကိုပါ  ချပေးတော့မည် ဆိုသော်လည်း လုပ်ငန်းနှင့် စပ်လျဉ်းကာ ပေးဆောင်ရမည့် အခွန်အနေအထားအား ရှင်းလင်းစွာ မသိရှိသေးခြင်းကြောင့် တရားဝင် လိုင်စင်လျှောက်ထား လုပ်ကိုင်ရန် မဝံမရဲဖြစ်နေရကြောင်း နိုင်ငံခြားငွေ ရောင်းဝယ်ရေး ပြင်ပဈေးကွက်မှ လက်ကြီးသမားများက ပြောကြားသည်။ လိုင်စင်ရရှိရေးအတွက် မတည်ရင်းနှီးငွေအတွက် စတင် စာရင်းဖွင့်ရမည့် ငွေပမာဏသည် ပြင်ပဈေးကွက်တွင် လုပ်ကိုင်နေသူ အားလုံးနီးပါး တတ်နိုင်သည့် ပမာဏဖြစ်ခြင်းကြောင့် တရားဝင်လိုင်စင်ဖြင့် လုပ်ကိုင်ရန် အလွန်စိတ်ဝင်စားလျက်ရှိကြောင်း ယင်းတို့က ဆိုသည်။ နိုင်ငံခြားငွေ ရောင်းဝယ်သူ ကိုနိုင်(အမည်လွှဲ) က “တင်ရမယ့် Deposit က သိန်း ၃၀၀ ပဲဆိုတော့ အားလုံးတက်နိုင်တဲ့ အနေအထားပါ။

 ဆိုင်ခန်းငှားမယ် ဘာညာဆိုရင်လဲ သိန်းတစ်ထောင်လောက်ဆိုရင် စလုပ်လို့ ရပါတယ်။ အများစုက အရမ်းကို စိတ်ဝင်စားကြပါတယ်။ ဒါပေမယ့် လုပ်ငန်းနဲ့ ပတ်သက်တဲ့ Tax (အခွန်)ကိုက ဘာမှ ရှင်းရှင်းလင်းလင်း မသိရဘူးလေ။ သွားလုပ်မှ တစ်ခုခုဆိုရင် နောက်ဆုတ်ဖို့ မလွယ်ဘူး။ ဒီတော့ စောင့်ကြည့်နေတုန်းပါပဲ” ဟု ပြောကြားသည်။ နိုင်ငံခြားငွေ ရောင်းဝယ်ခွင့် ဘဏ် ၁၈ ဘဏ်ကိုသာ ခွင့်ပြုပေးထားရာမှ ကုမ္ပဏီများမှတ်ပုံတင် အက်ဥပဒေအရ မှတ်ပုံတင်ထားသည့် ကုမ္ပဏီများနှင့် တရားဝင် မှတ်ပုံတင်ထားသည့် အဖွဲ့အစည်းများအနေဖြင့် ဘဏ်တစ်ဘဏ်တွင် မတည်ရင်းနှီးငွေ ကျပ်သန်း ၃၀ စာရင်းဖွင့်ကာ လိုင်စင်လျှောက်ထားနိုင်ပြီး ငွေလဲကောင်တာတစ်ခု ထပ်မံတိုးချဲ့လိုပါက ကျပ်ငွေဆယ်သန်း ထပ်မံပေးသွင်းရမည် ဖြစ်ကြောင်း မြန်မာနိုင်ငံတော် ဗဟိုဘဏ် နိုင်ငံခြားငွေ စီမံခန့်ခွဲရေးဌာန (FMD) က ပြောကြားသည်။ ဗဟိုဘဏ်မှ တာဝန်ရှိသူတစ်ဦးက “လာလျှောက်တဲ့သူတွေကို လုပ်နိုင်မယ့် အနေအထားရှိ မရှိ၊ စနစ်တကျ ဆောင်ရွက်နိုင်မယ့် အနေအထားရှိ မရှိကို သွားရောက်စစ်ဆေးမှာ ဖြစ်ပါတယ်။ ပြီးမှပဲ ဖြစ်နိုင်မယ့်သူကို လိုင်စင်ချထားပေးမှာ ဖြစ်ပါတယ်” ဟု ပြောကြားသည်။ ပြင်ပဈေးကွက်တွင် နိုင်ငံခြားငွေ ရောင်းဝယ်နေသူ လက်ကြီးသမား ကိုတင့်လွင် (အမည်လွှဲ) က “လက်ရှိ ကုမ္ပဏီမှတ်ပုံတင် ရှိပြီးသားသူတွေ ထဲကနေလဲ ဒီလုပ်ငန်းလိုင်စင် လျှောက်မယ့်သူတွေ အများကြီးရှိပါတယ်။ သူတို့ကနေပဲ တစ်ဆင့် အခွန်ကိစ္စကို သေချာစုံစမ်းရမှာပဲ။ အရမ်းစိတ်ဝင်စားပါတယ်။ 

 ဒါပေမယ့် အချိန်ယူပြီးတော့ ကြည့်ရဦးမယ်” ဟု ပြောကြားသည်။ ဗဟိုဘဏ် အငြိမ်းစား ဒုတိယဥက္ကဋ္ဌ ဦးသန်းလွင်က အထက်ပါကိစ္စရပ်နှင့် စပ်လျဉ်းကာ “ဒီလိုလုပ်ဖို့ အကြံပေးနေတာ ကြာပါပြီ။ အခုတော့ ဖြစ်လာပြီပေါ့။ ဒီ့ပြင်နိုင်ငံတွေမှာ Money Changer ကို ဘဏ်တွေက သိပ်လုပ်တာ မရှိဘူး။ စတိုးဆိုင်လေးတွေ၊ ကုမ္ပဏီ အသေးလေးတွေက သူတို့လုပ်ငန်းလေး တွေနဲ့ တွဲလုပ်ကြတာ။ နေရာတိုင်းမှာ မှိုလိုပေါက်နေတဲ့ လုပ်ငန်းဖြစ်တယ်။ ဒါကြောင့် မြန်မာနိုင်ငံမှာလဲ ကျယ်ကျယ်ပြန့်ပြန့်ကို ရှိနေဖို့လိုတယ်။ လုပ်ငန်းအသေးလေးတွေ အနေနဲ့ လက်ရှိလုပ်ငန်းနဲ့ တွဲပြီး အပိုလုပ်ငန်း အနေနဲ့ တွဲလုပ်နိုင်တဲ့အထိ ဖြစ်လာဖို့ လို တယ်။ နိုင်ငံခြားခရီးသွားတွေက ဘဏ်တွေကို ဘယ်သွား လဲချင်ပါ့မလဲ။ ဈေးဝယ်မယ့်နေရာ၊ ကားစီး၊ ရထားစီးမယ့်နေရာ စသဖြင့် သူများနိုင်ငံတွေလို နေရာတိုင်းမှာ ရှိတဲ့အထိဖြစ်အောင် လုပ်ရမယ်” ဟု သုံးသပ် ပြောကြားခဲ့ကြောင်း   ရန်ကုန်တိုင်း(မ်) ဂျာနယ်တွင် ဖော်ပြထားပါသည်။

လူ့အခွင့်အရေးနေ့အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်မိန့်ခွန်း

အပြည်ပြည် ဆိုင်ရာ လူ့ အခွင့် အရေးနေ့ အထိမ်း အမှတ် ရန်ကုန်မြို့ အင်းလျားကန် ဟိုတယ်မှာ ကုလ သမဂ္ဂ ကျင်းပတဲ့ အခမ်းအနားကို သမ္မတရုံး ဝန်ကြီး ဦးအောင်မင်းနဲ့ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌဒေါ်အောင်ဆန်းစုကြည်တို့ တက်ရောက် ခဲ့ကြ ပါတယ်။

အများနဲ့ သက်ဆိုင်တဲ့ အလုပ်တွေမှာ အားလုံး ပူးပေါင်း ပါဝင်ခွင့် ဆိုတဲ့ ခေါင်းစဉ် နဲ့ ကျင်းပတဲ့ ဒီနှစ်ပွဲ မှာ ဒေါ်အောင်ဆန်းစုကြည်က လူ့ဂုဏ် သိက္ခာအတွက် အပြန်အလှန် ပြောဆိုခွင့်တွေ ရှိဖို့လိုတယ်၊ တဖက်ကပြောတာကို နားထောင်ဖို့ အရေးကြီးတယ် ဆိုတာ အဓိက ပြောသွားခဲ့ ပါတယ်။

လူ့အခွင့်အရေးကို လေးစား လိုက်နာ တယ်ဆိုတာ ကိုယ့်အမြင် အယူအဆကို ပြောရုံနဲ့ မပြီးဘဲ တခြားလူတွေရဲ့ အမြင်ကိုလည်း နားထောင်ဖို့ လိုကြောင်း၊ အဲဒီလို နားထောင်တာ၊ သူများ အမြင်ကို နားလည်အောင် ကြိုးစားတာ၊ အလေးထား တာတွေ မရှိလျှင် လူ့အခွင့်အရေးကို ခိုင်ခိုင်မာမာ တည်ဆောက်လို့ မရနိုင်ဘူးလို့ ဒေါ်အောင် ဆန်းစုကြည်က ပြောသွားတာပါ။

လူသိများ ထင်ရှားသူ မဟုတ်တဲ့ သာမန် လူတွေရဲ့အမြင်ကိုလည်း လူအများ သိအောင် ပြောနိုင်ဖို့ လိုကြောင်းနဲ့ အဲဒီလို ဖြစ်လာဖို့ ပညာရေး အရေးကြီးတယ်လို့ သူက ဆိုပါတယ်။

သမ္မတရုံး ဝန်ကြီး ဦးအောင်မင်း ကတော့ တချိန်က နိုင်ငံတကာက လက်ညိုးထိုး အပြစ်တင် ခဲ့တဲ့ မူဝါဒတွေကို သမ္မတ ဦးသိန်းစိန် အစိုးရ လက်ထက်မှာ ပြုပြင် ပြောင်းလဲ နေပုံကို ခြုံငုံ ပြော သွားခဲ့ပါတယ်။

၂ဝ၁၁ ခုနှစ် မတ်လက စပြီး ဦးသိန်းစိန် အစိုးရ နိုင်ငံရေး အကျဉ်းသားတွေကို လွှတ်ပေးတာ၊ လူအများကို နိုင်ငံရေး ဖြစ်စဉ်ထဲမှာ ပါဝင် နိုင်အောင် ဆောင်ရွက် ပေးတာ အပြင် သတင်းမီဒီယာ လွတ်လပ်ခွင့် အတွက်လည်း ဆောင်ရွက် ပေးခဲ့ကြောင်း ဦးအောင်မင်းက ပြောပါတယ်။

ဒါ့အပြင် ကချင်ဒေသမှာ ပဋိပက္ခတွေ ပြန်စခဲ့ တာကြောင့် ၁၇ နှစ်လုံးလုံး တည်ဆောက် ခဲ့ကြတဲ့ နှစ်ဘက် ယုံကြည်မှု ပျက်ပြားသွား ခဲ့ရတာကို ပြောရင်း နိုင်ငံ တည်ဆောက်ရေး အတွက် လွတ်လပ် ပွင့်လင်းစွာ ပြောဆို ဆွေးနွေးခွင့် ရှိရမယ်လို့လဲ ဦးအောင်မင်းက ဆိုပါတယ်။

အမလေးဗျာ..ကျောင်းဆရာတဲ့ အံ့ဖွယ်သရဲပါဘဲ

 

 

 

 

 

 

 

စစ်ကိုင်းတိုင်းဒေသကြီး၊ ကသာခရိုင်၊ ပင်လယ်ဘူးမြို့နယ်၊ ကနီအုပ်စု၊ ဆားတောင်ပုံကျေးရွာရှိ မူလတန်းကျောင်းလေးမှ ကျောင်းအုပ်ကြီး ဦးဇေယျဆိုသူသည် နိုင်ငံဝန်ထမ်း၊ နိုင်ငံအနာ ဂတ်လေးတွေ ကိုပြုစုပျိုးထောင်ပေးတဲ့ဥယျဉ်မှူးကျောင်းဆရာဆိုတဲ့ ဂုဒ်ပုဒ်နဲ့ တစက်မှကို မတန်ပါ ဘူး။  နိုင်ငံအနာဂတ်ခေါင်းဆောင်လေးတွေဖြစ်လာမဲ့ ကလေးတွေကို စာသင်ပေးတဲ့ ဆရာတဲ့ဗျာ ...တိုင်းပြည်အတွက်တော့ရင်နာစရာပါပဲ....အဲ့ရွာလေးမှာ သူမူလတန်းကျောင်းအုပ် အဖြစ်နဲ့စရောက်က တည်းက တရားမ၀င် သုံးလုံးထီလောင်း ကစားဒိုင်လုပ်စားပါ သတဲ့...ဒါကို ကျေးရွာ လူကြီးတွေနဲ့ ကျေးရွာအုပ်ချုပ်ရေးမှူးတို့က ခေါ်ပြောပေမဲ့လည်း ဆက်လုပ်တာ ပါပဲ..။ နောက်ဘယ်လိုမှမတတ်သာတဲ့အဆုံး ကျေးရွာအုပ်ချုပ်ရေးမှူးနဲ့အဖွဲ့ သူ့အိမ်ကိုဝင်ရှာပြီးဖမ်း လိုက်တော့တာပေါ့.အဲ့မှာဖမ်းတော့ ခုပုံထဲမှာတင်ထားတဲ့ သုံးလုံးထီစာရွက်စာတမ်းတွေ အသုံးပြုတဲ့ဖုန်းတွေ ဘာတွေကို ဖမ်းမိတာပေါ့..အဲ့လိုလည်းဖြစ်ရော ကျောင်းအုပ်ကြီးက “ဒီဟာတွေကို ပင်လယ်ဘူးရဲစခန်းအပ်ပြီးအမှုမဖွင့်ပါနဲ့...ကျနော် ကျောင်းအုပ်အဖြစ်ကနေ နှုတ်ထွက်ပေးပါမဲ့ ..နှုတ်ထွက်စာတင်လက်မှတ်ထိုးပါ့မယ်လို့ပြောပါတယ်” ဒါပေမဲ့ ခုချိန်ထိ နှုတ်ထွက်ခြင်းလည်းမရှိတဲ့အပြင် ကျွန်းသစ်တွေခိုးခုတ်ပြီး သစ်စက်လည်တဲ့လုပ်ငန်းပါ ထပ်လုပ်လာပါတော့ တယ်..ဒါ့အပြင်ပုံထဲမှာ ပါတဲ့ နိုင်ငံတော်က အခမဲ့ပေးထားတဲ့ စာအုပ်တွေကိုပါ ငွေကြေးနဲ့ရောင်းချပြီး အလွဲသုံးစားလုပ်တဲ့ အဆင့်ပါရောက်လာတယ်... သူ့နေရာမယ် အရပ်သားတခြားလူ တယောက်ဆို ရင်တော့ ပြောမိမှာမဟုတ်ဘူး...ခုဟာက သူလိုကျောင်းဆရာတယောက်က လုပ်တာဖြစ်တဲ့ အတွက် ကျောင်းအတွက်လည်းမကောင်း ရွာအတွက်လည်းမကောင်း လို့ ပြောတာ ပါ..။ နောက်ဆုံး ဘယ်လိုမှ ပြောမရတဲ့အဆုံးတော့ မြို့နယ်အုပ်ချုပ်ရေးရယ်....မြို့နယ်ပညာရေးမှူးဆီရယ်ကို ၀ိုင်းဝန်းပြီးတိုင်တန်းကြပါတယ်...အဲ့ကျမှပိုဆိုးတော့တာ..လုံးဝအရေးမယူပေးခဲ့ပါဘူး။ အဲ့တော့ ဦးဇေယျက ပိုဆိုးသွားပြီပေါ့ အရက်မူးပြီး ရွာထဲကိုပါစိန်ခေါ်တဲ့အထိဖြစ်လာတယ်..ဒါနဲ့မဖြစ်တော့ပြန်ပြီးဆိုပြီး (ကျနော်တို့ကတော့ဘာမှဗဟုသုတလည်းမရှိတော့ အစိုးရအဖွဲ့ကိုဘယ်လို စာရေးရလည်းဘယ်လို လိပ်မူရလည်းဆိုတာလည်းမသိပါဘူး သိသလိုပဲရေးလိုက်တာ) နိုင်ငံတော်အစိုးရအဖွဲ့နဲ့ တိုင်းဒေသကြီးပညာရေးမှူးကို ထပ်တိုင်ကြတယ်..အဲ့မှာ နေပြည်တော်က စစ်ဆေးရေး အဖွဲ့တစ်ဖွဲ့ရောက်လာတယ် ခေါင်းဆောင်က ဦးခင်မောင်အေး တဲ့ ဘာအဆင့်လဲတော့မသိပါဘူး။ သူတို့က ရွာသူရွာသားတွေ၊ ကျေးရွာအုပ်ချုပ်ရေးမှူးနဲ့ ရပ်မိရပ်ဖတွေ ကို နေ့ည မပြတ်စစ်ကြဆေးကြနဲ့ပေါ့..ဒါပေမဲ့ ထူးဆန်းတာ ကျန်တဲ့လူတွေ ကိုလျှောက် စစ်ဆေးပြီး ကျောင်းအုပ်ကြီးဦးဇေယျကိုတော့ လုံးဝမစစ်ဆေးပါဘူး..အဲ့လိုနဲ့ တရက်တော့ နေပြည်တော် ကအဖွဲ့ခေါင်းဆောင် ဦးခင်မောင်အေးက “နေပြည်တော်က အရေးကြီးဖုန်းဝင်လာတယ်..ခုပြန်ရမယ်” ဆိုပြီး ပြန်သွားကြရော။ ကျောင်းအုပ်ကြီးဦးဇေယျကိုတော့ အရေးယူဖို့နေနေသာ လက်ဖျားနဲ့တောင် တို့မသွားကြပါဘူးခင်ဗျား...၊ အဲ့မှာ ဦးဇေယျက ပိုသောင်းကျန်း လာတော့ တာပဲ အရက်တွေနေ့တိုင်းမူး..မူးပြီးရွာထဲမှာ “မင်းတို့ကောင်တွေဘာ တတ်နိုင်သေးလည်း...တိုင်ချင် ရာတိုင်...ငါကမပြုတ်ဘူး..ကုတ်နဲ့ကော်ထုတ်တောင်မပြုတ်ဘူး၊ ငါ့နောက်မှာ မြို့နယ်အုပ်ချုပ်ရေးမှူး၊ မြို့နယ်ပညာရေးမှူးနဲ့...နေပြည်တော်က ဦးခင်မောင်အေးရှိတယ်ကွ...ရှင်းလား” ဆိုပြီး မကြားဝံ့မနာသာတွေကို ကျောင်းဆရာတယောက်နဲ့မတန်အောင်ပြောဆိုကြိမ်းမောင်းနေတော့တာပါဘဲ.. အဲ့တော့က သူ့အနေနဲ့ဘာပဲလုပ်လုပ် လုပ်လို့ရသွားပြီ...ဥပဒေဆိုတာ သူ့အောက်ရောက်သွားပြီ သူလုပ်သမျှကို ရွာသားတွေက လည်စင်းခံကြပေတော့ပေါ့လို့.....

 (အဲ့ဒီ ဆားတောင်ပုံကျေးရွာမှာနေတဲ့ ကျေးရွာသား)

မူရင်းလင့်..http://www.facebook.com/media/set/?set=a.198270590309716.49730.100003803307261&type=1

အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်နှင့် ဖြည့်စွက်အလှူရှင်များမှ မကွေးမြို့ဆေးရုံကိုယ်ပိုင်ထရိန်စဖောမာတပ်ဆင်နိုင်ရေးအတွက် သန်း၈၀ လှူဒါန်း

 


 
 

 အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်သည် ယနေ့နံနက် ၅နာရီ ၃၀တွင်နေပြည်တော်ရှိ နေအိမ်မှ မကွေးမြို့သို့ထွက်ခွာခဲ့ရာ ဆတ်သတောကျေးရွာသို့ ၈နာရီ ၄၅ မိနစ်တွင်ရောက်ရှိခဲ့ပြီး အသင့်ဆောက် လုပ်ထားသော ဟောပြောစဉ် မှဒေသခံပြည်သူ လူထုကိုမိန့်ခွန်းပြောကြားခဲ့သည်။ ထိုနောက် ဆတ်သတောမှ ဆက်လက် ထွက်ခွာခဲ့ ရာချောင်းနက်အရှေ့ရွာသို့ရောက်ရှိပြီး ဒေသခံများနှင့်တွေ့ဆုံခဲ့ပြီး နောက် မကွေးမြို့ပြည်သူ့ဆေးရုံတွင်လိုအပ်လျက်ရှိသော လျှပ်စစ်အတွက် မတည်လှူဒါန်းငွေ သိန်း၈၀အားပေးအပ်လှူဒါန်းခဲ့သည်။

သတင်း၊ဓာတ်ပုံ...NLD