မြတ်လေးငုံ

15 June 2010

ရန်ကုန်မြို့တွင်အိမ်ငှားအယောင်ဆောင်လင်မယား အိမ်ပွဲစားထံမှ ကျပ်ခုနစ်သိန်းဖိုးခန့်ရွှေထည်များ အကြမ်းဖက်လုယက်

''အိမ်ခြံမြေပွဲစားလုပ်တာ နှစ် ၃၀ လောက်ရှိပြီ။ တစ်ခါမှ ဒီလိုမျိုးမဖြစ်ဖူးဘူး။ အရမ်းလဲ ထိတ်လန့်သွားတယ်''ဟု အကြမ်း ဖက်ကာ လည်ပင်းကို ဓားမြှောင်ဖြင့်အထိုးခံ ရသော မြေနီကုန်းအနောက်ရပ်ကွက် အောင် တော်မူလမ်းနှင့် ဈေးလမ်းထောင့် အိမ်အမှတ် (၃၃)နေ အသက်(၅၂)နှစ်အရွယ် အိမ်ပွဲစား ဒေါ်ချိုချိုက ၎င်း၏အဖြစ်အပျက်ကိုပြော သည်။

မြေနီကုန်းအနောက်ရပ်ကွက် ရန်ကင်းလမ်းတွင် ဇွန် ၃ရက်က အိမ်ငှားမည် ဟုပြောပြီး အိမ်လိုက်ပြခိုင်းရာမှ ပွဲစားကို နေအိမ်ခန်းတွင် အကြမ်းဖက်ကာ ဓားမြှောင် ဖြင့် လည်ပင်းကိုနှစ်ချက်ထိုးပြီး ကျပ်ခုနစ်သိန်း ခန့်တန်ဖိုးရှိ ရွှေထည်ပစ္စည်းများယူဆောင် သွားသည့်ဖြစ်ရပ်တစ်ခု ဖြစ်ပွားခဲ့သည်။ယင်းဖြစ်ရပ်ကို ကိုယ်တိုင်ကြုံတွေ့ ခဲ့ရသည့် ဒေါ်ချိုချိုသည် ဒဏ်ရာကြောင့် ရန်ကုန်ဆေးရုံကြီး အထွေထွေကုသဆောင် တွင် ဆေးကုသမှုခံယူခဲ့ရသည်။

''အဲဒီနေ့ နံနက် ၁၁နာရီလောက်က အမျိုးသားတစ်ဦးနဲ့အမျိုးသမီးတစ်ဦး အိမ် ငှားချင်တယ်ဆိုပြီး အန်တီတို့နေတဲ့အိမ်ကို ရောက်လာတယ်။ မျက်နှာသိကလဲဖြစ်ပြန်၊ အိမ်လဲအဆင်သင့်ရှိနေတာနဲ့ အိမ်ပြဖို့လိုက် သွားတယ်။ မြေနီကုန်း ပထမတစ်အိမ်ကို အရင်ပြတော့ မကြိုက်ဘူးလို့ ပြောတာနဲ့ ရန်ကင်းလမ်းကအိမ်ကို လိုက်ပြတာ၊ ဒါနဲ့ အဲဒီအိမ်ကိုလဲရောက်ရော အခန်းကြိုက် တယ်လို့ပြောပြီး နောက်ဖေးဘက်ခဏသွား ကြည့်ကြမယ်လို့ပြောတာနဲ့ လိုက်သွားတာ၊ နောက်ဖေးခန်းလဲရောက်ရော မိန်းမလုပ်တဲ့ သူက ပါးစပ်ကိုပိတ်ပေးတယ်။ ယောက်ျားလုပ် တဲ့သူက ယာဘက်လည်ပင်းကို ဓားမြှောင်နဲ့ တစ်ချက်ထိုးတယ်။ မိန်းမကလဲ တစ်ချက်ထပ် ထိုးတယ်။ ပြီးတော့ အန်တီ့ရဲ့မျက်နှာတစ်ခု လုံးကို လက်သီးနဲ့ထိုးတယ်။ လည်ကုပ်ကို ခြေထောက်နဲ့နင်းတယ်။ အန်တီ ဒူးထောက် ပြီး တောင်းပန်တာတောင် ရက်ရက်စက်စက် လုပ်သွားကြတယ်။ သူတို့အားရအောင် နှိပ် စက်ပြီး အန်တီလဲကျတော့မှ ၀တ်ထားတဲ့ ဆွဲကြိုး၊ နားကပ်၊ လက်စွပ်တွေယူသွားတာ'' ဟု ဒေါ်ချိုချိုက သူ၏အဖြစ်ကိုပြောသည်။

ထို့နောက် မွန်းလွဲ ၁၂နာရီ ကျော် အချိန်တွင် ဒေါ်ချိုချို ဒဏ်ရာကြောင့် မေ့ မြောနေရာမှ ပြန်လည်သတိရလာပြီး ပတ် ၀န်းကျင်ကို အကူအညီတောင်းရာမှ လာ ရောက်ကူညီပြီး ဒေါ်ချိုချိုနေသည့်အိမ်သို့ အကြောင်းကြားပေးကြကြောင်း သိရသည်။

''အမေ့ကို အသေသတ်သွားကြတာ။ ကံကောင်းတော့ အမေကမသေဘူး။ သက် ကြီးရွယ်အိုတစ်ယောက်ကို ဒီလိုလုပ်သွား တာ အရမ်းရက်စက်လွန်းအားကြီးတယ်။ ဒီလိုလုပ်သွားတဲ့ လူနှစ်ယောက်က အရင် ဒီရပ်ကွက်မှာ လက်ဖက်ရည်ဆိုင်ဖွင့်သွားတဲ့ သူတွေ။ အဲဒီဆိုင်ဖွင့်ဖို့နေရာကိုလဲ အမေပဲ ရှာပေးလိုက်တာ။ သူတို့နှစ်ယောက်ကို ဥပဒေ အရ ထိထိရောက်ရောက်အရေးယူနိုင်မယ် လို့ ယုံကြည်ပါတယ်။ အမှုဖြစ်စဉ်ကို စမ်း ချောင်းရဲစခန်း၊ ခရိုင်၊ တိုင်းအဆင့်အထိ တိုင် ကြားထားတယ်''ဟု ဒေါ်ချိုချို၏သားဖြစ်သူ ကိုခင်မောင်ဦးကပြောသည်။

အဆိုပါအမှုကို စမ်းချောင်းရဲစခန်း မှ (ပ)၂၉၅/၁၀ ပြစ်မှုဆိုင်ရာဥပဒေပုဒ်မ ၃၉၄အရ အရေးယူဆောင်ရွက်နေကြောင်း သိရသည်။

သတင်း...YGM

စီဒီအမ်အေ၈၀၀မဂ္ဂါဟတ်ဇ်ဖုန်းများကိုဇွန်လ၁၅ရက်မှစတင်ကာ မြန်မာ့ဆက်သွယ်ရေးလုပ်ငန်းကသတ်မှတ်ပေးသည့်ရန်ကုန်မြို့ရှိ နေရာရှစ်ခုတွင်၂၄နာရီအတွင်းလျှောက်ထားနိင်

ကျပ်ငါးသိန်းဖုန်းဟု လူသိများသည့် စီဒီအမ်အေ ၈၀၀မဂ္ဂါဟတ်ဇ် ဖုန်းများကို ဇွန်လ၁၅ရက်မှစတင်ကာ မြန်မာ့ဆက်သွယ်ရေးလုပ်ငန်းက သတ်မှတ်ပေးသည့် ရန်ကုန်မြို့ရှိ နေရာရှစ်ခုတွင် ၂၄နာရီအတွင်း အပြီးသတ် လျှောက်ထားရယူနိုင်မည်ဖြစ်ကြောင်း သိရသည်။

သတ်မှတ်ထားသည့် နေရာရှစ်ခုမှာ အိတ်စ်ချိန်းရုံးလေးခုနှင့် စာတိုက်လေးခုဖြစ်ပြီး အိတ်စ်ချိန်းရုံးလေးခုမှာ အလုံ၊ ရွှေဂုံတိုင်၊ ပန်းဆိုးတန်းနှင့် လမ်း၄၀အိတ်စ်ချိန်းရုံးများဖြစ်ကာ စာတိုက်လေးခုမှာ မင်္ဂလာဒုံ၊ မြောက်ဒဂုံ၊ ဗဟိုစာတိုက်ကြီးနှင့် တက္ကသိုလ်စာတိုက်တို့ ဖြစ်သည်။ ဖုန်းလျှောက်ထားရယူလိုသူများ အနေဖြင့် ထိုသတ်မှတ်နေရာရှစ်ခုတွင် လျှောက်ထားနိုင်ပြီး သတ်မှတ်ချက်များနှင့် ပြည့်စုံပါက ကျပ်ငါးသိန်းဖုန်း ငှားရမ်းသုံးစွဲခွင့်ကို ၂၄နာရီအတွင်း ရရှိမည်ဖြစ်သည်။

ငှားရမ်းသုံးစွဲခွင့်ကို ရရှိပြီးပါက မင်္ဂလာဒုံ၊ ကြည့်မြင်တိုင်၊ မြောက်ဥက္ကလာပ၊ ကျောက်တံတား၊ ဗဟန်းမြို့နယ်များရှိ အီလိုက်တက် အရောင်းစင်တာများတွင် ဖုန်း RUIM ကတ်များကို ထုတ်ယူနိုင်မည် ဖြစ်သည်။

ထိုဖုန်းများကို ယခင်က နေပြည်တော်ရှိ ဆက်သွယ်ရေး၊ စာတိုက်နှင့်ကြေးနန်းဝန်ကြီးရုံး၊ ရွှေဂုံတိုင်ရှိ မြန်မာ့ဆက်သွယ်ရေးလုပ်ငန်း၊ မိုဘိုင်းဆက်သွယ်ရေး အင်ဂျင်နီယာချုပ်ရုံးနှင့် တိုင်းအေးချမ်းသာယာရေးနှင့် ဖွံ့ဖြိုးရေးကောင်စီရုံးများသို့ ဆက်သွယ်လျှောက်ထားခဲ့ရပြီး ဖုန်းငှားရမ်းသုံးစွဲခွင့်ရရှိရန် အနည်းဆုံး နှစ်ပတ်ကြာမြင့်ခဲ့သည်။ အဆိုပါဖုန်းများ စတင်ချပေးထားမည့် အစီအစဉ်ကို မြန်မာ့ဆက်သွယ်ရေးလုပ်ငန်းက ပြီးခဲ့သည့် နိုဝင်ဘာလတွင် ကြေညာခဲ့ပြီး ရန်ကုန်နှင့် မန္တလေးမြို့များတွင် လိုင်းပေါင်းတစ်သိန်းခွဲ ချထားပေးမည်ဖြစ်ကြောင်း ထုတ်ပြန်ခဲ့သည်။

သတ်မှတ်ဧရိယာကုဒ်နောက်တွင် ၇၃(သို့)၉၁ နံပါတ်များဖြင့် စတင်သည့် ထိုဖုန်းများကို ဇန်န၀ါရီလ၄ရက်မှ စတင်ကာ ရန်ကုန်နှင့် မန္တလေးမြို့များတွင် ချထားပေးခဲ့ခြင်းဖြစ်ပြီး ယခုလဆန်းတွင်ထုတ်ပြန်သည့် တရားဝင်စာရင်းများအရ ရန်ကုန်မြို့တွင်လိုင်းပေါင်း ၃၅,၀၀၀ ကျော်နှင့် မန္တလေးမြို့တွင် လိုင်းပေါင်း၁၅,၀၀၀ကျော် ချထားပေးပြီးဖြစ်ကြောင်း သိရသည်။ အဆိုပါဖုန်းများကို ၂၄နာရီအတွင်း အပြီးလျှောက်ထားရယူနိုင်မည့် အစီအစဉ်နှင့် ပတ်သက်၍ မြောက်ဒဂုံမြို့နယ်နေ ကိုမိုးညိုက “ဒီအစီအစဉ်သစ်ကတော့ စိတ်ဝင်စားဖို့ ကောင်းပါတယ်။

ဘာကြောင့်လဲဆိုတော့ ဖုန်းလျှောက်ချင်သူတွေအတွက် အချိန်သိပ်မပေးရတော့သလို လျှောက်ထားရမယ့် နေရာတွေကို အသေအချာ သတ်မှတ်ပေးထားတဲ့အတွက် ဘယ်နေရာမှာ လျှောက်ရမယ်ဆိုတာ သို့လော၊ သို့လောဖြစ်နေတဲ့ ဖုန်းလျှောက်ထားသူတွေအတွက် အလွန်အဆင်ပြေပါတယ်။ ဒီသတင်းကတော့ လူတိုင်းမျှော်လင့်နေတဲ့ သတင်းပါ။ အခုဆိုရင် တချို့နေရာတွေမှာ ဖုန်းလိုချင်သူတွေအတွက် တစ်သိန်းလောက် အပိုပေးနေရပေမယ့် အဲဒီအခြေအနေရောက်ရင် ဒါလွတ်ကင်းသွားမှာပေါ့”ဟု သုံးသပ်ပြောကြားသောသတင်းအား ပလဲနက်(.planet) ဂျာနယ်တွင်ဖော်ပြပါရှိပါသည်.။

အခြေခံကျောင်းသားများ ပညာရေး စရိတ် မတတ်နိုင်သဖြင့် စာသင်ခန်း ကို ကျောခိုင်းကြ

ရန်ကုန်တိုင်း အပါအ၀င် နယ်မြို့ များ ရှိ အခြေခံပညာအဆင့် ကျောင်းသားများ သည် ပညာသင်၂၀၁၀-၁၁ ပညာသင်နှစ်တွင် ချမှတ်လိုက်သော မူများအရ ဆင်းရဲနွမ်းပါးသည့် ကျောင်းသားများ အနေဖြင့် ပညာသင်ကြားမှု စရိတ်မတတ် နိုင်သောကြောင့် ကျောင်းပညာသင်ကြားရေးမှ စောစီးစွာ ထွက်ခွာရသူများ ရှိသည် ဟု စုံစမ်း သိရှိရသည်။

ယမန်နေ့ က အခြေခံပညာ အထက်တန်း ဆယ်တန်း အောင်စာရင်း ထွက်ချိန်တွင် ကျရှုံးခဲ့သူများက ‘ကျွန်တော်တော့ နောက် နှစ် ပြန်တက် ဖို့ အစီအစဉ် မရှိ တော့ ဘူး ၊ကျူရှင် လည်း မယူနိုင်ဘူး၊မီးစက် ဖိုးလည်း မတတ် နိုင်ဘူး ဟု အထက (၁) မြောက်ဥက္ကလာ မှ ကျောင်းသား တစ်ဦးကဆိုခဲ့သည်။

ဇွန်လဆန်း က စတင်ဖွင့် လှစ်သည် ပညာသင်နှစ် ၏ အစဖြစ်သည့် တစ်လ မပြည့်ခင်မှာ ပင်အထက်တန်း ကျောင်းသား တစ်ဦး ၏ ကျောင်းစရိတ် သည် ငါးသောင်း ကျော်သွားပြီ ဖြစ်ကြောင်း ကျောင်းသား မိဘ တစ်ဦး ကပြောသည်။’နောက်နှစ် ပရိုက်ဗိတ် ကျောင်း တွေ စမယ်ဆိုရင် ကျင့်သား ရအောင် လို့ ပေါ်လစီ တွေ ချိန်း တာ ‘ဟု အထက (၃)တာမွေ မှ ကျောင်းသားမိဘ တစ်ဦးက ဆိုသည်။

အထက (၂) ရန်ကင်း မှ ဆယ်တန်းကျောင်းသား တစ်ဦးက ဆရာမ ကသူ့ ဆီမှာ ကျူရှင်မယူရင် မကြိုက် ဘူး ၊မတတ်နိုင် လို့ သင်ရိုး ညွှန်း တမ်း အဟောင်း ၀ယ်တာ သူ့ ဆီမှာကျူရှင် မယူ လို့ အဟောင်း မကိုင်ရဘူး လို့ ပြောတယ် ဟု အဆိုပါ ကျောင်းသား ကကျောင်းတွင်း အခြေအနေ များ ကိုပြောပြသည်။

ရန်ကုန် နှင့် ပဲခူးတိုင်း ရှိ အခြေခံ ကျောင်း အများစု မှာ အလှုငွေများ ထည့်ဝင်ခိုင်းခြင်းကျောင်းသာယာလှပရေး၊အားကစားကွင်း အဆင့်မြှင့်ရေး၊ ရေသန့် စက်တပ်ရေး၊အ၀ီစိတွင်း တူးရေး ခေါင်းစဉ် မျိုးစုံဖြင့် အလှုငွေ ခံကြသည် ။

ကျောင်းဆရာ၊ဆရာမ များက ယခုကဲ့ သို့ ကျူရှင် ယူခိုင်းခြင်း၊အလှုငွေများ ထည့်ဝင်ခိုင်းခြင်း တို့ သည် ပုဂ္ဂ လိက ပညာသင် ကြားရေးစနစ် သို့ ပြောင်းမည် ဟု သတင်းထွက်ပေါ်နေ သည့် ကျောင်းများ တွင် ပို၍ ဆိုးသည် ဟု သိရသည်။

ကျောင်းသားများ၏ ပညာ သင်ကြားစရိတ်မြင့်မား မှု ကြောင့် အထက်တန်း အဆင့်ကျောင်းသား များက ကျောင်း အချို့ တွင် အလှုငွေ မပေးရေး-ကျူရှင် မတက်ရေးဆော်သြမှု များ လုပ်နေသည် ။ယခင် သီတင်တစ်ပတ် က အခြေခံပညာ ကျောင်းသား သမဂ္ဂ နှင့် ရန်ကုန်ခရိုင် ကျောင်းသားသမဂ္ဂ တို့ က ဦးဆောင်ကာ အပို ပညာသင် ကြေး လျှော့ ချရေး စာများ ဝေငှခဲ့သည်။

အမေရိကန် တွင် K-12 ဟု ခေါ်သည့် အခြေခံပညာ (High School)ပညာ သင်စရိတ်မှာအခမဲ ဖြစ်သည့် ပြင် နံနက်စာ နှင့် နေ့ လည်စား စရိတ် နှင့် ကျောင်းကြိုပို့ စရိတ် ပါအခမဲ့ဖြစ်သည်။ အသက် ၁၈ နှစ် အောင် မည်သူ မဆို ပညာရေး အခမဲ့ သင်ယူ ခွင့်ရှိ ပြီး မြန်မာနိုင်ငံမှ ရွှေ့ပြောင်း လာကြသည့် ဒုက္ခသည် များ ၏ သားသမီးများ ပါ လွတ် လပ်စွာ ပညာသင်ယူ နိုင်သည်။

အခြား နိုင်ငံများတွင် လည်း အထက်တန်းထိပညာ ရေးမှ အခမဲ့ ဖြစ်ပြီး အမေရိကန်နှင့် ဥရောပ နိုင်ငံ အချို့ တွင် ဆင်းရဲ သော ကျောင်းသား ၏ မိဘ (သို့ မဟုတ်) အုပ်ထိန်းသူ ကို အစားအသောက် အ၀တ်အထည်ထောက်ပံ့ခြင်း ၊အလုပ်အကိုင် ရှာဖွေပေးခြင်း၊အိမ်တိုင်ယာရောက် လိုအပ် သည်များ ကိုကူညီခြင်း တို့ အား လုပ်ပေးသည် ။

သတင်းရင်းမြစ်..Freedom News Group

မြန်မာ့နိုင်ငံရေး နဲ့ ပတ်သက်ဖို့ မြန်မာလူထုအကြား စိုးရိမ်မှုရှိဆဲ

စစ်အစိုးရ ထုတ်ပြန်သည့် ရွေးကောက်ပွဲဥပဒေပါ သတင်းစာ ဖတ်ရှုနေသည့် ရန်ကုန်မြို့ခံအချို့။

မြန်မာစစ်အစိုးရက ကျင်းပပေးဖို့ ရှိနေတဲ့ ဒီနှစ် ရွေးကောက်ပွဲတွေမှာ ပါဝင်ယှဉ်ပြိုင်ဖို့ မှတ်ပုံတင်ထားတဲ့ နိုင်ငံရေးပါတီတွေ စည်းရုံးရေး လုပ်ငန်းတွေကို စတင်နေပြီ ဖြစ်ပေမဲ့ ထင်သလောက်တော့ ခရီးမပေါက်တဲ့ အခြေအနေတွေနဲ့ ကြုံနေရပါတယ်။

ဒီလဆန်းပိုင်းကစလို့ နိုင်ငံရေးပါတီတွေရဲ့ မဲဆွယ်စည်းရုံးရေး လုပ်ငန်းတွေ စတင်နေပြီ ဖြစ်ပေမဲ့ ဆယ်စုနှစ် ၂ ခုကြာ နိုင်ငံရေး လှုပ်ရှားမှုတွေနဲ့ ကင်းကွာနေတဲ့ လူထုအနေနဲ့ ပါဝင်ပတ်သက်ဖို့ စိုးရိမ်မှုတွေ ရှိနေတယ်လို့ နိုင်ငံရေးပါတီတွေက ပြောကြတာပါ။

အထူးသဖြင့်ကတော့ နိုင်ငံရေးပါတီအဖြစ် မှတ်ပုံတင်ပြီး နိုင်ငံရေး လှုပ်ရှားမှုတွေ တရားဝင် လုပ်ဆောင်ခွင့် ရလာကြပေမဲ့ အာဏာပိုင်တွေက စောင့်ကြည့်မှုတွေ ရှိနေဆဲ ဖြစ်တာမို့ အနှောင့်အယှက် ပေးတာတွေ ခံရလေမလား အရပ်သားတွေက စိုးရိမ်နေကြတာလို့ ဆိုပါတယ်။

စစ်အစိုးရက ဒီနှစ်ဆန်းပိုင်းမှာ ရွေးကောက်ပွဲ ဥပဒေတွေ ထုတ်ပြန်လာပြီးတဲ့ နောက်မှာမှ တရားဝင် မှတ်ပုံတင်ပြီး နိုင်ငံရေးပါတီတွေ အဖြစ် ထူထောင်လာကြသူတွေဟာ ငွေကြေး မပြည့်စုံမှုတွေဟာလည်း စည်းရုံးရေး လုပ်ငန်းတွေအတွက် အဟန့်အတားတွေ ဖြစ်နေရကြောင်း ပြောပါတယ်။

မြန်မာစစ်အစိုးရ ရွေးကောက်ပွဲ ဥပဒေမှာတော့ တိုင်းနဲ့ပြည်နယ်တွေ အတိုင်းအတာနဲ့ ရွေးကောက်ပွဲဝင်မယ့် ပါတီတွေ အနေနဲ့ အနည်းဆုံး ပါတီဝင် ၁,၀၀၀ ရှိရမှာ ဖြစ်သလို တိုင်း ဒါမှမဟုတ် ပြည်နယ်တခုမှာ ၀င်ရောက်ယှဉ်ပြိုင်မယ့် ပါတီအနေနဲ့ အဖွဲ့ဝင် အနည်းဆုံး ၅၀၀ ရှိရမယ်လို့ ပြဋ္ဌာန်းထားတာလည်း ဖြစ်ပါတယ်။

ရွေးကောက်ပွဲ ကော်မရှင်ရဲ့ ထုတ်ပြန်ချက်အရ အရင်တပတ်ထဲအထိ နိုင်ငံရေးပါတီဟောင်း ၅ ခုနဲ့ အသစ် ၃၇ ခုတို့ ပါတီမှတ်ပုံတင်ခွင့်နဲ့ နိုင်ငံရေးပါတီ ထူထောင်ခွင့် လျှောက်ထားရာမှာ ၄ ပါတီသာ ထူထောင်ခွင့် ချပေးဖို့ ကျန်တော့တယ်လို့ ဆိုပါတယ်။

ရင်းမြစ်..VOA

ဘဘဦးတင်ဦး နဲ့ ဘဘဦးဝင်းတင်တို့ ရန်ကုန်မြို့ ရှိ HIV လူနာများကိုအားပေးစကားသွားပြောပြီး အမှတ်တရ အနေနဲ့ အပင်များစိုက်သွားခြင်းဓာတ်ပုံသတင်း

ဓာတ်ပုံများ ပေးပို့ ပေးသော သူငယ်ချင်း ကိုလူချော အားကျေးဇူးတင်ရှိပါသည်.။

ပန်းချီဆရာ(၆ဝ)ကျော် ပါဝင်ပြသကြမယ့် သန်းမြင့်အောင် အမှတ်တရ ပန်းချီပြပွဲ

(၁၁၊၆၊၂ဝ၁ဝ)ရက် ဆိုရင် ပန်းချီ သန်းမြင့်အောင် ကွယ်လွန်ခဲ့တာ တစ်လတိတိရှိပြီ ဖြစ်ပါတယ်။ ပန်းချီသန်းမြင့်အောင် တစ်လပြည့် အမှတ်တရ အနေနဲ့ သူ့ကိုချစ်တဲ့ ခင်တဲ့ မိတ်ဆွေ ပန်းချီဆရာများစုစည်းပြီး (၁ဝ၊၆၊၂ဝ၁ဝ) ရက်ကနေ (၁၅၊၆၊၂ဝ၁ဝ) ရက်အထိ ဗိုလ်ချုပ်အောင်ဆန်း ဈေးမှာရှိတဲ့ မြန်မာနိုင်ငံရိုးရာ ပန်းပညာရှင်များ အစည်းအရုံး (ဗဟို)၊ ပန်းချီ၊ပန်းပု အရောင်းပြခန်းမှာ ပန်းချီပြပွဲ တစ်ခု ခင်းကျင်းပြသကြမှာ ဖြစ်ပါတယ်။

ဒီပြပွဲမှာ ပါဝင်ပြသကြတဲ့ ပန်းချီဆရာ အများစုဟာ သန်းမြင့်အောင်ကို ချစ်တဲ့စိတ် တစ်ခုတည်းနဲ့ ပြပွဲကြေးပေးပြီး ပြသကြတာ ဖြစ်ပြီး ရောင်းရငွေထဲက အချိုးကျ စုပေါင်းပြီး ကျန်ရစ်နေခဲ့တဲ့ မိခင်၊ ဖခင်အိုနှစ်ပါးကို စုပေါင်း လှူဒါန်းကြမယ်လို့ ဆိုပါတယ်။ နေရာဌာနအသီးသီးမှာ နာမည်ကိုယ်စီ ရှိကြပြီးဖြစ်တဲ့ ပန်းချီဆရာ (၆ဝ)ကျော်ရဲ့ ပန်းချီကား (၁ဝဝ)ကျော်ကို ခင်းကျင်း ပြသကြမယ်လို့ သိရပါတယ်။

နေရာတစ်ခုတည်းမှာ ပန်းချီဆရာ အစုံ၊ လက်ရာအစုံ ကြည့်ရမယ့်ပွဲမို့ ပန်းချီချစ်သူများ မကြည့်မဖြစ် ကြည့်သင့်တဲ့ ပွဲတစ်ပွဲလို့ ဆိုပါရစေ။ ပြပွဲချိန်ကတော့ တနင်္လာနေ့ကလွဲလို့ နေ့စဉ်နံနက် (၉)နာရီကနေ ညနေ (၅)နာရီအထိပြသသွားမည်ဟု လျှပ်တပြက်ဂျာနယ်တွင်ဖော်ပြထားပါသည်.။

14 June 2010

မြန်မာပြည်က စူပါမားကတ်ကြီး အချို့တွင် ကုတ်နံပါတ် မှားရိုက်မှုကြောင့် ဈေးနှုန်း မမှန်မကန်မှုများဖြစ်

စူပါမားကတ်ကြီး အချို့တွင် ရောင်းချနေသော ကုန်ပစ္စည်းအချို့၏ ၀ယ်စဉ်က ဈေးနှုန်းနှင့် ငွေရှင်းသည့်အခါ ဈေးနှုန်းများကို ကုတ်နံပါတ် မှားရိုက်မှုကြောင့် ဈေးနှုန်း မမှန်မကန်မှုများ ဖြစ်လာကြောင်း ကိုယ်တွေ့ ကြုံတွေ့ ရသူများထံမှ သိရသည်။

“ကျွန်မက ပစ္စည်းတွေ အားလုံးဝယ်ပြီးတော့ ကောင်တာမှာ ငွေသွားရှင်းတယ်။ ငွေလက်ခံ ဖြတ်ပိုင်းထွက်လာတော့ ကိုယ်မှန်းထားတဲ့ ပမာဏနဲ့ နည်းနည်းလေး ကွာနေတဲ့အတွက် ဖြတ်ပိုင်းကို ကြည့်လိုက်မိတယ်။ ခါတိုင်းဆိုရင်တော့ မကြည့်မိပါဘူး။

အဲဒီမှာ ကိုယ်မ၀ယ်ထားတဲ့ ဈေးနှုန်းနဲ့ ပစ္စည်းဖြတ်ပိုင်း ထပ်ဆုံးမှာတွေ့လို့ မေးကြည့်တော့ ၀ယ်ထားတဲ့ ပစ္စည်းထဲက ပစ္စည်းတစ်ခုရဲ့ နာမည်ကို ပြောတယ်။ ဒါနဲ့ ကျွန်မလဲ ကပ်ထားတဲ့ ပစ္စည်းဈေးနှုန်း မှားတာပဲလို့ ထင်ခဲ့တယ်။ အိမ်ရောက်တော့ ကျွန်မမှားတာ မဟုတ်ဘဲ သူတို့ မှားနေမှန်းသိတာ။

အမှန်တော့ ကျွန်မ၀ယ်လာတာက ပြည်တွင်းဖြစ် ပစ္စည်းပါ။ သူတို့က ကုတ်နံပါတ် မှားရိုက်လိုက်တာက တခြားပစ္စည်း နာမည်တစ်ခုပါ။ ဒါကြောင့် ကျွန်မ၀ယ်လာတဲ့ ပစ္စည်းတန်ဖိုးရဲ့ တစ်ထောင် ကျော်လောက် ပေးခဲ့ရတယ်။ ဒါမျိုးက အမှန်ဆိုရင် ကောင်တာက ၀န်ထမ်းတစ်ဦးရဲ့ အမှားပဲ။ ကုတ်နံပါတ်ကို မသိဘဲနဲ့ မှားရိုက်တယ်။ သိသိကြီးနဲ့ လုပ်တာဆိုရင်လဲ အဲဒီလိုမျိုး ဘယ်နှစ်ဦးကို လုပ်ခဲ့တယ်ဆိုတာ မသိ နိုင်ဘူး” ဟု ကိုယ်တိုင် ကြုံတွေ့ခဲ့ရသူ ရုံးဝန်ထမ်း တစ်ဦးက ပြောသည်။

ထိုကဲ့သို့ ဖြစ်ရခြင်းသည် ရုံးဝန်ထမ်း အချို့၏ ပေါ့ဆမှုကြောင့် သို့မဟုတ် ဈေးဝယ်သူ များပြားနေသည့် အချိန်တွင် အလျင်လိုမှု ဖြစ်ရခြင်းများ ကြောင့်လည်း ဖြစ်နိုင်သည်ဟု ဆိုသည်။ ယင်းကဲ့သို့သော အဖြစ်များ ရှိနေခြင်းကြောင့် ၀န်ထမ်းများ ခန့်ထားရာတွင် သေချာစွာ စိစစ်ရွေးချယ်ကာ ခန့်ထားရန် လိုအပ်လာပြီ ဖြစ်ကြောင်း Flower News ဂျာနယ်တွင် ဖော်ပြထားပါသည်။

Equation ညီမျှခြင်း လူထု အကျိုး ပြု လူငယ်များအဖွဲ့ ၏ လှူဒါန်းမှု

၁၂.၆.၂၀၁၀ ရက်နေ့မှာ သန်လျင် မြို့နယ် ဗိုလ်ချုပ်ကျေးရွာ က၀န ၀ါသီ အေးရိပ်စံ သီလရှင် စာသင်တိုက်မှာ ဆင်းရဲနွမ်းပါးတဲ့ မူလတန်း ကျောင်းသူကျောင်းသား (၈၉) ဦးကို ဖတ်စာအုပ် စာရေးစာအုပ် လွယ်အိတ် ခဲတံ ခဲဖျက် အစုံလိုက် လှူဒါန်းခဲ့ပြီး။ သီလရှင် ဆရာကြီး ဆရာလေး (၁၄) ပါးနဲ့ ကျောင်းသူကျောင်းသား (၈၉) ဦးတို့ကို နေ့လည်စာ ကြာဇံကြော် ကျွေးမွေးခဲ့ပါသည်။

သီလရှင် (၁၀) ဦး ကျောင်းအပ်ဖို့ တစ်ပါးကို ငွေ (၅၀၀၀) ထောင်နှုန်းနဲ့ ငွေ ငါးသောင်း လှူဒါန်းခဲ့ပြီး၊ အခု လှူဒါန်းသည့်အဖွဲ့ နာမည်မှာ (Equation) ညီမျှခြင်း လူထု အကျိုး ပြု လူငယ်များအဖွဲ့ဖြစ်ပါသည်။ ၂၀.၆.၂၀၁၀ ရက်နေ့မှာ အလှူ တစ်ခု ရှိပါသည် လှည်းကူး မြို့နယ် မရမ်းချောင်း ကျေးရွာ မှာ ရှိတဲ့ အနာကြီး ရောဂါသည် မိသားစု တွေ အတွက် အ၀တ်အစား ဆေးဝါး အစားအစာ ငွေကြေး များကို လှူ ဒါန်းမှုပြုလုပ်မဲ့ အပြင် သူတို့ရဲ့ သားသမီး တွေအတွ့က် စာရေး ကိရိယာ တွေ လှူ ဒါန်းသွားဖို့ ရှိ ပါသည်။

ဤဓာတ်ပုံများ ပေးပို့လာသော Equation အဖွဲ့အားကျေးဇူးတင်ရှိပါသည်။

အမျိုးသားဒီမိုကရေစီအဖွဲ့ချုပ်အထွေထွေအတွင်းရေးမှူး ဒေါ်အောင်ဆန်းစုကြည် ၏ ကိုယ်ရေးအကျဉ်း

Brief Bio Dassk

13 June 2010

သားသမီးချင်း မိဘချင်း ကိုယ်ချင်းစာနိုင်ကြပါစေ....

ရန်ကုန်မြို့တော်ဝန် ဗိုလ်မှုးချုပ်အောင်သိန်းလင်း သားနှင့်ချွေးမ ဆီဒိုးနားဟိုတယ် ပဒုမ္မာခန်းမမှာ ကျင်းပတဲ့ မင်္ဂလာပွဲ( ပုံ GRW)

မိဘတိုင်း သားသမီးကို ချစ်ကြပါသည်။ ကိုယ့်ရင်သွေး သားသမီးကို မချစ်သည့် မိခင်၊ဖခင်ဆိုသည်မှာ မရှိပါ။ မိဘ၏မေတ္တာတရား ကြီးမားပုံ အကြောင်းအကျယ်ချဲ့ မပြောလိုပါ အားလုံးသိပြီး ဖြစ်ပါသည်.။ မိဘတွေရဲ့ မေတ္တာကြီးမားတဲ့ အတွက်ကြောင့်လည်း မိဘတွေကို အနန္တော အနန္တဂိုဏ်းဝင် အဖြစ်သတ်မှတ် ထားကြတာပါ။

ပြီးခဲ့တဲ့ မေလက နေပြည်တော်က အပြန်လမ်းမှာ ရန်ကုန်မြို့တော်ဝန် ဗိုလ်မှုးချုပ်အောင်သိန်းလင်းရဲ့ သား၊ ချွေးမနဲ့ အသက် ၁နှစ်နဲ့ လေးလသာရှိသေးတဲ့ သားငယ်တို့ စီးလာတဲ့ ကားမှောက်မှု ဖြစ်ပွားခဲ့ပြီး ကလေးငယ်မှာ သေဆုံးခဲ့ရပါတယ်။ သားဖြစ်သူနဲ့ ချွေးမ ဖြစ်သူတို့ကတော့ ယခုအခါ စင်ကာပူနိုင်ငံမှာ ဆေးကုသခံနေရပါတယ်။ ဝမ်းနည်းဖွယ်ရာ အဖြစ်အပျက် တစ်ခုပါပဲ။ မြို့တော်ဝန် ဗိုလ်မှုးချုပ်အောင်သိန်းလင်း လည်းထိုကိစ္စကြောင့် အထူး ကြေကွဲဝမ်းနည်း နေရကြောင်း သိရှိရပါတယ်။ မိဘချင်း သားသမီးချင်းလည်း ကိုယ်ချင်းစာမိပါတယ်။ ထိုအတူ မိဘတွေ ဖြစ်ကြတဲ့ စစ်အာဏာရှင်တွေ အနေနဲ့လည်း တခြားသော ပြည်သူ့ရင်သွေးတွေ၊ မိဘတွေ အပေါ်မှာလည်း ကိုယ်ချင်းစာ စိတ်လေးထား စေချင်မိပါတယ်။

ပြောလိုတာကတော့ ဆင်းရဲသူ မိဘရဲ့ မေတ္တာနဲ့ ချမ်းသာတဲ့ မိဘမေတ္တာ အတူတူပဲဆိုတာပါပဲ။ ကျွန်တော်တို့ မြန်မာနိုင်ငံမှာ သားပျောက် မိခင်တွေ .. ယုံကြည်ချက်တစ်ခုကို လုပ်ဆောင်ရင်း သေဆုံး၊ ပျောက်ဆုံး ၊ ထောင်တွေထဲမှာ နှစ်ရှည်လများ အကျဉ်းကျခံနေရတဲ့ သားသမီးတွေအတွက် ငိုကြွေးမျက်ရည်ကျနေရတဲ့ မိဘတွေရဲ့ မျက်ရည်တွေဟာ အသော မတတ်နိုင်အောင်ပါပဲ။ တရားဥပဒေ စိုးမိုးမှုမရှိတဲ့ ဒီခေတ် ဒီကာလကြီးထဲမှာ.. တိုင်းပြည် အုပ်ချုပ်သူတွေဟာ ကိုယ်နဲ့ နိုင်ငံရေး ယုံကြည်ချက် မတူညီတူတွေကို ကြက်ကလေး၊ ငှက်ကလေးတွေလို မမှန်မကန်တဲ့ ပုဒ်မတွေနဲ့ ဖမ်းဆီးနှိပ်စက်ပြီး ဖမ်းဆီးထောင်ချ အာဏာကို အလွန်အကြွံ အသုံးပြုနေကြပါတယ်။ ဒီလို ဖမ်းဆီးနှိပ်စက် ထောင်ချနေသူတွေ ကိုယ်တိုင်ဟာလည်း သားသမီးတွေ ရှိတဲ့ မိဘတွေပါ။ သားသမီးချင်း မိဘနေရာက ကိုယ်ချင်းစာကြည့်ပါ။ မေတ္တာတရား၊ ငါပါးသီလရဲ့ အကျဉ်းချုပ်ကတော့ ကိုယ်ချင်းစာ တရားပါ။ အခုလို နိုင်ငံရေး အမြင်မတူ မှုကြောင့် ထောင်ဒဏ် နှစ်ရှည်ချ ဖမ်းဆီးနှိပ်စက် ခံနေရတဲ့ လူကြီး၊ လူငယ်တွေ နေရာမှာ မိမိတို့ မိဘ၊ သားသမီးတွေ အနေနဲ့ ကိုယ်ချင်းစာ ကြည့်စေချင်ပါတယ်။

တိုင်းရင်းသား ဒေသတွေမှာ ဆိုလည်း ဖမ်းဆီး၊ သတ်ဖြတ၊် ပေါ်တာဆွဲ ရွာတွေ မီးရှို့ စတဲ့ လူမဆန်တဲ့ အပြုအမူတွေဟာလည်း အားလုံးအသိပါပဲ။ လူတိုင်း မိမိတို့ နေထိုင်ရာနေရာဒေသမှာ အေးအေးချမ်းချမ်း နေထိုင် လုပ်ကိုင် စားသောက်ချင်ကြတာပါ။ နေရာစွဲ ဒေသစွဲဆိုတာကတော့ လူတိုင်းရှိကြစမြဲပါ။ တိုင်းပြည် အုပ်ချုပ်မင်းလုပ်သူတွေ အနေနဲ့ ပြည်သူရဲ့ အသက်အိုးအိမ် စည်းစိမ်တွေကို စောင့်ရှောက် ပေးရမှာပါ။ အခုတော့ အကာအကွယ်မဲ့တဲ့ စံနစ်ဆိုးတစ်ခုအောက်မှာ လူ့အသက်ဆိုတာ ဖက်ရွက်နဲ့ ထုတ်ထားလောက်ရအောင် လုံခြုံမှု မရှိဖြစ်နေပါတယ်။ ပအိုလ်းဒေသက ဓာတ်ပုံတွေကို ကြည့်မယ်ဆိုရင် ဓါတုစက်ရုံတစ်ခု ရဲ့ပတ်ဝန်းကျင်မှာ နေထိုင်တဲ့ တိုင်းရင်းသား ပအိုလ်းလူမျိုးတွေ လူမဆန်စွာ အဓမ္မပြောင်းရွှေ့ နှိပ်စက် သတ်ဖြတ်ခံရပြီး။ ဓါတု စွန့်ပစ်ပစ္စည်း တွေကြောင့် တရွာလုံး အရေပြားရောဂါ ဖြစ်ပွားနေပုံတွေကို ဓာတ်ပုံ ၊ မှတ်တမ်းတွေမှာ တွေ့ရှိရပါတယ်။

(ဒီပုံကတော့ သန္တာရွှေနဲ့  ကြယ်ဖြိုးသန္တာရွှေတို့  သားအမိနှစ်ယောက်ပုံပါ။ အိပ်ရာဝင် သိပ်တဲ့အခါမှာ ရွှေပုခက်နဲ့  သိပ်ကြောင်း၊ ချိုးတဲ့ ရေထဲမှာတောင် နွားနို့ထည့်ပြီး ချိုးပေးတယ်လို့ နီးစပ်သူတွေက ပြောကြပါတယ်။ (ပုံ.. ကိုနစ်နေမန်း )

(ဒါကတော့ ပအိုလ်းဒေသမှ ဓာတုစွန့်ပစ်ရေတွေကို သုံးရလို့ အရေပြားရောဂါ ခံစားနေရတဲ့ တိုင်းရင်းသား အပြစ်မဲ့ ပအိုလ်း မိခင်နှင့် သားငယ်)

သနားစဖွယ် အပြစ်မဲ့ ကလေးငယ် တစ်ဦး အရေပြားရောဂါတွေ ခံစားနေရတာကို မြင်တွေ့ရပြီး သားရှင် မိခင်တစ်ယောက်ရဲ့ ရင်မှာဘယ်လောက်ထိ ပူလောင်နေမယ်.. ဆိုတာ ခန့်မှန်းနိုင်ပါတယ်။ စင်ကာပူ ဆေးရုံဆိုတာ ဝေလာဝေး၊ အနီးအနားမြို့ပေါ်မှာ ဆရာဝန်နဲ့တောင် ဆေးကုသခွင့် မရရှိပါဘူး။ ဆရာဝန်ဆိုတာတောင် မြင်ဘူးကြမှာတောင် မဟုတ်ပါဘူး။ နိုင်ငံအတွင်းမှာ နေထိုင်တဲ့ နိုင်ငံသား တစ်ယောက်အနေနဲ့ ရရှိသင့်တဲ့ အခွင့်အရေးဆိုတာတောင် နားလည်ကြမှာ မဟုတ်ပါဘူး။

စစ်အာဏာရှင်တွေရဲ့ မြေးငယ်တွေပါ...။ ကိုယ်ချင်းစာပေးကြပါ။ (ဓာတ်ပုံ)(ကိုနစ်နေမန်း)

ပြည်သူတွေရဲ့ ရင်သွေးငယ်တွေပါ...။

အထက်ကပြောခဲ့ သလို မိဘတိုင်း ကိုယ့်သားသမီး၊ မြေးမြစ်တွေကို ချစ်ကြပါတယ်။ တိုင်းပြည်အုပ်ချုပ် မင်းတက်လုပ်နေတယ် ဆိုတဲ့ သူလည်း သားသမီးကို ချစ်တတ်သလို တောင်းရမ်းစားသောက် နေရတဲ့သူလည်း ချစ်တတ်ပါတယ်။ တိုင်းပြည်အုပ်ချုပ် မင်းတက်လုပ်နေတဲ့ သူတွေ သားသမီးတွေနဲ့ မကွဲမကွာ နေချင်သလို၊ သားသမီးတွေ အန္တရာယ် မကျရောက်စေချင်သလို ပညာတတ်ကြီးတွေ ဖြစ်စေချင်သလို သာမာန် ပြည်သူတွေမှာလည်း ထို့အတူပါပဲ။ အခုဒီအမှောင်ခေတ် စံနစ်ဆိုးကြီးရဲ့ အောက်မှာ တိုင်းပြည်အနှံ နိုင်ငံရေးယုံကြည်ချက်ကြောင့် နှိပ်စက်၊ ဖမ်းဆီး၊ နှစ်ရှည် ထောင်ကျဖမ်းဆီးခံနေရတာတွေ ။ ဒေသမျိုးစုံမှာ စစ်ရာဇဝတ်မှု ကျူးလွန်နေတာတွေကို သားသမီးချင်း၊ မိဘချင်း ကိုယ်ချင်းစားပြီး ကိုယ်ချင်းစာတရား လက်ကိုင်ထားနိုင် ကြပါစေလိုကြောင်း တင်ပြလိုက်ရပါတယ်။

ဒီမိုဝေယံ.....

အောက်မှာ ကျန်စစ်သားမင်းကြီးရဲ့ ရွှေစည်းခုံ ဘုရားကျောက်စာကို ဖော်ပြလိုက်ပါတယ်။

မင်းမြတ်ကျန်စစ်သားမင်းရဲ့ ရွှေစည်းခုံဘုရား ကျောက်စာ

" ပုဂံကို ရန်သူတို့ ဖျက်ဆီးသောအခါ အမျိုးလေးပါးသည် စစ်သုံ့ပန်းဖြစ်၍ အချို့လည်း အောက်အကြေသို့ ပါကြရသည်။ အချို့ လည်း အထက်အညာသို့ ပါကြရသည်။

ငါ၏ အကူအညီဖြင့် ထိုသူတို့ ပုဂံသို့ ပြန်ရောက်စေပါအံ့။ များစွာသော သူခပ်သိမ်းတို့သည် သားတကွဲ ၊မယားတကွဲ ၊ မိကွဲ ၊ ဖကွဲ ဖြစ်ကြရကုန်၏။ ထိုသူတို့၏ ဒုက္ခကို ငါငြိမ်းပါအံ့။ ထိုသူတို့၏ မျက်ရည်ကို ငါသုတ်ပါအံ့၊

ငါ၏ ယာလက်ဖြင့် ဆန်စပါးရိက္ခာ ကိုပေးအံ့၊ ငါ၏၀ဲလက်ဖြင့် ၀တ်စား တန်ဆာ ပေးအံ့။ အမိသည် သားငယ်အား ရင်ခွင်၌ နှစ်သိမ့်သကဲ့သို့ ငါသည်လည်း တိုင်းသူပြည်သားတို့ကို နှစ်သိမ့်ပါအံ့၊´ တိုင်းသူပြည်သားတွေကို မိမိ၏ ရင်နှစ်သားများကဲ့သို့ မေတ္တာဂရုဏာ ဖြင့် ရေးသားခဲ့ပါတယ်....

၈၈ မျိုးဆက်ဖျက် ကျီးတွေရဲ့ ထင်ယောင်ထင်မှား ဒေါင်းယောင်ဆောင်မှုများ ဓာတ်ပုံ.. သတင်း။

ဓာတ်ပုံများ ပေးပို့လာသူ ကတော့ ပြည်သူ့အတွက် ရဲရဲတောက် ဘားမားပါပါရာဇီ ဖြစ်ပါတယ်။

၈၈မျိုးဆက်ဖျက် ခိုးသူတို့လက်ထဲ ရောက်သွားတဲ့ ကျီးညီနောင် အေးလွင်နဲ့ ရဲထွန်းတို့ ဟာ ပြီးခဲ့တဲ့ ကြာသာပတေးနေ့က ပါတီဆိုင်းဘုတ်တင်ပွဲ အခမ်းအနားကို ကမာရွတ်မြို့နယ်မှာ ပြုလုပ်ခဲ့ပြီးနောက် မြို့ထဲသို့ ကားများဖြင့် အလံများထောင်ကာ .. လှည့်လည်ပြီး စီးပွားရေးပိတ်ဆို့တာကို လက်မခံကြောင်း၊ နျူကလီးယားကိစ္စ အကြောင်းပြတာတွေကို ရှုတ်ချ ကြောင်း အော်ဟစ်သွားကြတယ်လို့ ဆိုပါတယ်။

ထိုသို့ အလံများထောင်၊ ကြွေးကြော်သံများ တိုင်သွားခြင်းကို ယာဉ်ထိန်းရဲမှ ခေတ္တတားဆီးခြင်းမှ အပ သက်ဆိုင်ရာအာဏာပိုင်များမှ မည်သို့မျှ အရေးယူခြင်းမရှိပါဘူး... ။ ပြည်သူတွေထင်ယောင် ထင်မှားဖြစ်ခဲ့ကြပြီး ၁၉၉၀မှစ၍ မမြင်တွေခဲ့ရဘူးသော မြင်ကွင်းများဖြစ်၍ အစပထမတွင် အံ့သြ၍ ဝိုင်းဝန်းကြည့်ရှူ ကြသော်လည်း မကြာခင်မှာ ဒေါင်းယောင်ဆောင်သော ကျီးများမှန်း သိသွားကြ၍ နှာခေါင်းရှုံ့ကာ ပြန်လည် ထွက်ခွာသွားကြကြောင်း သိရှိရပါတယ်။ ၎င်းနေ့က ရန်ကုန်မြို့ပေါ်မှာ ဆန္ဒပြပွဲများဖြစ်သွားသည် ဆိုသည့် ပြောဆိုချက်များမှာ စစ်အာဏာရှင်တွေရဲ့ တမင်ထုတ်လွှင့်တဲ့ သတင်းများဖြစ်ကြောင်း၊ စစ်အာဏာရှင်တွေရဲ့ အယောင်ဆောင် ရွေးကောက်ပွဲကို အယောင်ဆောင် ကျီးနှင့်ဖွတ်များမှ ကျောင်းသားယောင်ယောင် ဒေါင်းယောင်ယောင် အယောင်ဆောင် ဆန္ဒပြပွဲများ ပြုလုပ်နိုင်ပါသဖြင့် အားလုံးမှ သတိချပ်စေလိုကြောင်း.. ထိုသို့လုပ်ဆောင် နေမှုကို ရန်ကုန်ရှိ ပြည်သူများမှ ပြစ်တင်ရှုတ်ချနေကြကြောင်း.. အေးလွင်တို့အုပ်စုသည် စက်မှုဝန်ကြီး ဦးအောင်သောင်း၏ လက်ကိုင်တုတ်ဖြစ်ကြောင်း ၎င်းတို၏ လုပ်ရပ်သည် စစ်အစိုးရ၏ အစစအရာရာ အားပေးကူညီမှုဖြင့် လုပ်ဆောင်ခြင်းဖြစ်နိုင်ကြောင်း ပြည်သူများမှ ဝေဖန်ပြောဆိုနေကြပါသည်။

ဒီမိုဝေယံ

အမေရိကန်လက်ထောက်နိုင်ငံခြားရေးဝန်ကြီးထိုင်း-မြန်မာနယ်စပ် မဲဆောက်မြို့တွင်(AAPP)နှင့် (FDB)မှမြန်မာ့အရေးလှုပ်ရှားသူများနှင့်(AAPP)ရုံးတွင်တွေ့ဆုံ

ထိုင်း-မြန်မာနယ်စပ် မဲဆောက်မြို့ကို ရောက်ရှိနေတဲ့ အမေရိကန်ပြည်ထောင်စု လူဦးရေထိန်းညှိရေး၊ ဒုက္ခသည် အရေးနဲ့ ရွှေ့ပြောင်းအလုပ်သမား အရေးဆိုင်ရာ လက်ထောက်နိုင်ငံခြားရေးဝန်ကြီး မစ္စတာ အဲရစ်ရှက်ဝပ်ဇ်နဲ့ အဖွဲ့ဟာ ဇွန်လ ၁၂ ရက်နေ့က နိုင်ငံရေးအကျဉ်သားများ ကူညီစောင့်ရှောက်အသင်း (အေအေပီပီ)၊ မြန်မာနိုင်ငံ ဒီမိုကရက်တစ်အင်အားစု (အက်ဖ်ဒီဘီ) က ခေါင်းဆောင်တွေနဲ့ အေအေပီပီရုံးမှာ တနာရီနီးပါးကြာ တွေ့ဆုံခဲ့ပါတယ်။

ထိုင်းနိုင်ငံရောက် မြန်မာဒုက္ခသည်တွေအရေးနဲ့ ပတ်သက်ပြီး ရောက်ရှိလာတဲ့ မစ္စတာရှက်ဝပ်ဇ်နဲ့ တွေ့ဆုံစဉ်မှာ မြန်မာနိုင်ငံတွင်းက နိုင်ငံရေးအကျဉ်သားတွေရဲ့ အခြေအနေနဲ့ ပြည်ပကို ရောက်ရှိလာတဲ့ နိုင်ငံရေးအကျဉ်သားဟောင်းတွေရဲ့ အခြေအနေတွေကို တင်ပြဆွေးနွေးခဲ့ကြောင်း အေအေပီပီ တွဲဘက်အတွင်းရေးမှူး ကိုဘိုကြည်က ပြောပါတယ်။

အမေရိကန်ပြည်ထောင်စု လက်ထောက်နိုင်ငံခြားရေးဝန်ကြီး မစ္စတာ အဲရစ်ရှက်ဝပ်ဇ် နိုင်ငံရေးအကျဉ်သားများ ကူညီစောင့်ရှောက်အသင်း (အေအေပီပီ) ပြခန်းသို့ ၂၀၁၀ ခုနှစ် ဇွန်လ ၁၂ ရက်နေ့က သွားရောက်လေ့လာစဉ်။ (Photo: RFA)

“နိုင်ငံရေးအကျဉ်သားတွေရဲ့ အကျဉ်ထောင်တွေကို ထင်ဟပ်တဲ့ ပြခန်းလေး ရှိတယ်။ အဲဒီပြခန်းကို နိုင်ငံခြားရေးဝန်ကြီးကို ပြတယ်။ အထဲမှာ ဖြစ်ပျက်နေတဲ့ အခြေအနေတွေ၊ နောက် နိုင်ငံရေးအကျဉ်သားတွေ ခံစားနေရတဲ့ အခြေအနေတွေကို ရှင်းပြတာ ရှိပါတယ်။ အဲဒီ့အပြင်တော့ ကျနော်တို့ ပြင်ပကိုရောက်နေတဲ့ နိုင်ငံရေးအကျဉ်သားဟောင်းတွေ၊ အဲဒီ နိုင်ငံရေးအကျဉ်သားဟောင်းတွေဟာ ဒုက္ခသည်စခန်းတွေမှာ တကယ်ကို ဒုက္ခအသီးသီး ရောက်နေကြတာ ရှိတယ်။ ဒီလူတွေကို ဖြစ်နိုင်သမျှတော့ အမေရိကန်ကိုပဲဖြစ်ဖြစ်၊ တခြား နိုင်ငံတခုခုကိုပဲ ဖြစ်ဖြစ် ပြန်လည် နေရာချထားရေးအတွက် အမြန်ဆုံး ခေါ်ဆောင်ဖို့ဆိုတာမျိုးကို ကျနော်တို့ တိုက်တွန်း ပြောဆိုခဲ့ပါတယ်”

မြန်မာနိုင်ငံ ဒီမိုကရက်တစ်အင်အားစု နိုင်ငံခြားရေးကော်မတီ အတွင်းရေးမှူး ဒေါ်ခင်ဥမ္မာကလည်း သူဆွေးနွေး ခဲ့တာတွေနဲ့ ပတ်သက်လို့ အခုလိုပြောပါတယ်။

“မြန်မာနိုင်ငံမှာ နိုင်ငံရေးအခြေအနေ တည်ငြိမ်အောင် ပြောင်းလဲအောင် မလုပ်နိုင်ဘူး၊ ဒီမို ကရေစီ အပြောင်းအလဲဖြစ်အောင် မလုပ်နိုင်ဘူးဆိုရင် ဒီလိုမျိုး ပြည်သူတွေရဲ့ ဒုက္ခရောက်နေတဲ့ ပြဿနာတွေက ပိုဆိုးလာမယ်။ အထူးသဖြင့် ၂၀၁၀ ရွေးကောက်ပွဲသာ နအဖက ဖြစ်အောင် လုပ်သွားလို့ရှိရင်တော့ အဲဒီ ၂၀၁၀ ရွေးကောက်ပွဲလွန်ကာလမှာ ကျမတို့နိုင်ငံ ပြည်သူတွေက ဒီလိုမျိုး ဒုက္ခတွေ ဆက်ပြီးတော့မှ ပိုတောင်မှ ဆိုးဆိုးဝါးဝါး ကြုံလာရမယ်။ အဲဒီ အခြေအနေတွေက ဒေသတွင်း ငြိမ်းချမ်းရေးနဲ့ တည်ငြိမ်မှုကိုပါ ပျက်ပြားစေမယ့် အနေအထားတွေဖြစ်တယ် ဆိုတဲ့ဥစ္စာတွေကို ကျမတို့ တင်ပြခဲ့ပါတယ်”

ဒီလို ဆွေးနွေးခဲ့တာတွေနဲ့ ပတ်သက်လို့ လက်ထောက်ဝန်ကြီး အဲရစ်ရှက်ဝပ်ဇ်က ဘာမှ ကတိပေးတာမျိုးတော့ မရှိဘူးလို့လည်း မခင်ဥမ္မာက ပြောပါတယ်။

သတင်းရင်းမြစ်..RFA

ဟိန်းဆေးဆိုင် ပိုင်ရှင် ဦးမောင်မောင်အေးကို အမည်ပျက်စာရင်း (Black List) တွင် ထည့်သွင်းလိုက်ခြင်း

အထူးကု ဆရာဝန်ကြီးများ၏ ခွင့်ပြုချက်ဖြင့်သာ ရောင်းချနိုင်သော ထိန်းချုပ်ဆေးဝါးများ ရှာဖွေ တွေ့ရှိခဲ့ရသဖြင့် ဟိန်းဆေးဆိုင် ပိုင်ရှင် ဦးမောင်မောင်အေးကို အမည်ပျက်စာရင်း (Black List) တွင် ထည့်သွင်း သတ်မှတ် လိုက်ကြောင်း မြန်မာနိုင်ငံဆေးနှင့် ဆေးပစ္စည်း ကုန်သည်များနှင့် လုပ်ငန်းရှင်များအသင်း၏ တရားဝင် ထုတ်ပြန်ချက်များ အရ သိရှိရသည်။

ထိန်းချုပ်ဆေးဝါးဟုဆိုရာတွင် ဆေးစွဲမှု ဖြစ်စေသည့် ဆေးဝါးများ (ဥပမာ- ဒိုင်ယာဇီပင်) ကဲ့သို့သော ဆေးဝါးများ ပါဝင်ပြီး ဆေးဆိုင်များတွင်လည်း ရောင်းချခွင့် တားမြစ်ထားကြောင်း ဆေးဆိုင် လုပ်ငန်းရှင် တစ်ဦးက ဆိုသည်။

ရန်ကုန်တိုင်း တာမွေမြို့နယ်၊ မအူကုန်းရပ်ကွက်၊ မအူကုန်း လမ်းကျယ်၊ အမှတ် ၁၉/၂၁တွင် ဖွင့်လှစ် ရောင်းချလျက်ရှိသော ဟိန်းဆေးဆိုင်တွင် ဆရာဝန်ကြီးများ၏ ခွင့်ပြုချက်ဖြင့်သာ ရောင်းချနိုင်သော ထိန်းချုပ်ဆေးဝါးများ ရှာဖွေတွေ့ရှိရကြောင်း ပြည်ထဲရေး ဝန်ကြီးဌာနက အကြောင်းကြားခဲ့သည့်အတွက် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဝန်ကြီးရုံးက အမိန့်ကြေညာစာအမှတ် ၁၄/၂၀၁၀ ဖြင့် အမည်မည်းစာရင်း ထည့်သွင်းကြောင်း ကြေညာချက် ထုတ်ပြန် ခဲ့သည်ဟု The Voice ဂျာနယ်တွင် ဖော်ပြထားပါသည်။

မိုးခ ပန်းချီပြပွဲ နှင့် ကိုကျော်သူ ရဲ့ ခြေတလှမ်း

Morekha Art Gallery (သို့) ကျော်သူ၏ ခြေတစ်လှမ်း

Morekha Art Gallery ဖွင့်ပွဲအခမ်းအနားကို ပုလဲကွန်ဒို၊ တိုက် (C)၊ Gr.07,09၊ ကမ္ဘာအေးဘုရားလမ်း၊ ဗဟန်းမြို့နယ်၊ ရန်ကုန်မြို့တွင် ဇွန်လ ၁၂ ရက်နေ့ နံနက် (၉း၀၀) နာရီအချိန်တွင် ပန်းချီပညာရှင် (၅၅) ဦးတို့၏ ခံစားချက်လက်ရာများနှင့် ဖွင့်လှစ်ခဲ့ပါသည်။ ယင်းပြပွဲသို့ ပန်းချီအနုပညာရှင်များ၊ စာပေအနုပညာရှင်များ၊ ပြည်တွင်း ပြည်ပ ၀ါသနာရှင်များ လာရောက် အားပေးခဲ့ကြသည်။ ယင်းအနုပညာ ပန်းချီပြပွဲသည် မတွေ့ဆုံခဲ့ပြီဖြစ်သော အနုပညာ မောင်နှမများ၊ အနုပညာ သွေးသောက်များ တွေ့ဆုံခွင့်ရသည့် ပွဲတစ်ပွဲလည်း ဖြစ်သည်။

မကြာမီကမှ ပြင်ပလောကသို့ ရောက်ရှိလာသော ကဗျာဆရာ ကိုစောဝေနှင့် အနုပညာ လောကသို့ ခြေတစ်လှမ်း လှမ်းလိုက်သော ကျော်သူတို့ တွေ့ဆုံခွင့် ရရှိခဲ့သည့် ပွဲတစ်ပွဲလည်း ဖြစ်သည်။

ယင်းပွဲတွင် “ အနုပညာကို စတေးပြီး ငြိမ်းချမ်းရေးကိုရအောင် လုပ်ယူရမည် ” … ဟူသော ဆောင်ပုဒ်ကို လက်ကိုင်ပြုထားသည့် ရုပ်ရှင်သရုပ်ဆောင်၊ ဒါရိုက်တာ ကျော်သူ၏ ပန်းချီကား (၃) ကားကိုလည်း ပြသထားရှိပါသည်။ ၂၀၀၇ ခုနှစ်၊ စက်တင်ဘာလမှစပြီး အနုပညာလုပ်ငန်းများ ( ရုပ်ရှင်၊ စာပေ … ) စသဖြင့် ထုတ်ဖော်ပြသခွင့်ကို ပိတ်ပင်ထားခြင်း ခံခဲ့ရသော ကျော်သူ၏ ပရိတ်သတ်များအပေါ် ပန်းချီအနုပညာကို ချပြခွင့်ရရှိသော ထူးခြားသည့် ပွဲတစ်ပွဲလည်း ဖြစ်ပေသည်။ အနုပညာသမားတစ်ယောက်ကို အနုပညာလုပ်ငန်းများ ပိတ်ပင် တားဆီးထားမှုမှ ပထမဦးဆုံး ပြင်ပလောကမှ အနုပညာနယ်ပယ်ထဲသို့ ခြေလှမ်းတစ်လှမ်း လှမ်းခွင့် ရရှိမှုဖြစ်သည်။

ဓာတ်ပုံများ ပေးပို့ ပေးသော ကိုကျော်သူ နှင့် ဘားမားပါပါရာဇီ တို့အားကျေးဇူးတင်ရှိပါသည်.။

ဝေဝေကြွေကြွေ လှတဲ့ တို့တိုင်းပြည်ကလေး....

"ငါ့တိုင်းပြည်လေးကို
လွမ်းတိုင်း ပန်းတစ်ပွင့်ပွင့် မယ်ဆိုရင်တောင်
ငါ့အတွက် ကမ္ဘာမြေပုံဟာ
ပန်းတစ်ခင်း ဖြစ်သွားမှာ သေချာတယ်။

အလွမ်းမိုး သည်းတာကြုံခဲ့ရပြီ။
အလွမ်းနွေ ထွေးတာကြုံခဲ့ရပြီ။
အလွမ်းဆောင်း အေးတာကြုံခဲ့ရပြီ။

အလွမ်းတွေကို မညာချင်တော့ဘူး။
ငါ့တိုင်းပြည်လေးဟာ ငါ့ရဲ့ ကံ
ငါ့တိုင်းပြည်လေးဟာ ငါ့ရဲ့ စိတ်
ငါ့တိုင်းပြည်လေးဟာ ငါ့ရဲ့ ဥတု
ငါ့တိုင်းပြည်လေးဟာ ငါ့ရဲ့ အဟာရ

ငါ့တိုင်းပြည်လေးကြောင့် ငါဟာ သောမနဿ ဝေဒနာ ကိုခံစားခဲ့ရတယ်။
ငါ့တိုင်းပြည်လေးကြောင့် ငါဟာ ဒေါမနဿ ဝေဒနာ ကိုခံစားခဲ့ရတယ်။

အဲဒီမှာ မဂ္ဂင်လမ်းစဉ်တွေ ရှိတယ်။
အဲဒီမှာ အပါယ်လမ်းစဉ်တွေ ရှိတယ်။

မွေးကတည်းကပါလာတဲ့ ဒိဋ္ဌိပိုးတွေရှိတယ်။
အရွယ်ရောက်ရင် ကူးတတ်တဲ့ ဝါဒ ပိုးတွေရှိတယ်။

ရိုးသားကြိုးစားပြီး တိုင်းပြည်ထောင်ခဲ့သူ တစ်ဦးရှိခဲ့တယ်။
မိုက်ရိုင်းထွားကြိုင်းပြီး တိုင်းပြည်ဖျက်ခဲ့သူ တစ်ဦးရှိခဲ့တယ်။

လူတွေ ချစ်လွန်းလို့ အိမ်အပြင် ထွက်ခွင့် မရတဲ့သူတစ်ဦး လည်းရှိနေတယ်။
လူတွေ ရွံ့မုန်းလွန်းလို့ အိမ်အပြင် မထွက် ရဲတဲ့သူတစ်ဦး လည်းရှိနေတယ်။

ဒီမိုကရေစီ ဆိုတဲ့ စနစ်ကောင်းတခု ကာလတိုကလေး ရှိခဲ့တယ်။
စစ်အာဏာရှင် ဆိုတဲ့ စနစ်ဆိုးတခု ကာလရှည်စွာ ရှိနေတယ်။

တရားဖက်လို့ သစ္စာမြဲသူတွေရှိတယ်။
တရားမဖက်လို့ သစ္စာဖောက်သူတွေရှိတယ်။

အသံကျယ်တဲ့ ကုန်ဈေးနှုန်းတွေရှိတယ်။
အသံမမြည်တဲ့ အမှန်တရားတွေရှိတယ်။

ထိုင်နေရင်း ငွေသီးတဲ့ အသိုင်းအဝိုင်းတွေ လည်းရှိနေတယ်။
ဖောင်ဆီးရင်း ရေငတ်နေတဲ့ အသိုင်းအဝိုင်းတွေ လည်းရှိနေတယ်။

အချိန်မတန် ခူးခြွေခံလိုက်တဲ့ ပန်းကလေးတွေလည်းရှိတယ်။
အနှစ်သာရပြည့်ဝပေမယ့် လူကြိုက်နည်းတဲ့ သစ်သီးလေးတွေလည်းရှိတယ်။

စစ်ဘိနပ်သံတွေ ညံနေပေမယ့် ငါ့တို့ရဲ့ ဂီတသံကိုဘဲ ကြားနေချင်တယ်။
ယမ်းငွေ့တွေဝေနေပေမယ့် ငါတို့ရဲ့မြေသင်းနံ့လေးကိုဘဲ ရှုရှိုက်ချင်တယ်။

ငါ့စိတ်ဝိညာဉ်ဟာ ငါတို့တိုင်းပြည်လေးရဲ့
လေ ထဲမှာလည်းရှိတယ်။
ရေ ထဲမှာလည်းရှိတယ်။
မြေ ထဲမှာလည်းရှိတယ်။

အသည်းခိုက်အောင် နာကျင်စရာရှိတာတောင်
ငါ့တိုင်းပြည်လေးကို
အရိုးသားဆုံး နဲ့ အပြုံးလက်ဆောင်ပေးမယ်။ို

အဆုံးစွန်ဆုံး ပြောရရင်
ခမ်းနားတဲ့ အတ္တနဲ့ တည်ဆောက်ထားတဲ့
ငါ့ရဲ့.....နန်းတော်တမျှ စိတ်ဓါတ်တွေ
အခုတော့.......
ငါ့တို့ရဲ့ တိုင်းပြည်လေး ဆိုတဲ့
အသိစိတ်ကလေးကြောင့်
ပြိုပျက်ရတော့မလိုပါလား။။။။။။။။။
္လ္လ
ဝဿန်မိုး
(၁၂.ဇွန်လ.၂၀၁၀)