ဝါဒဖြန့်ဓာတ်ပုံများကို ကြည်ကြည်လင်လင် မဖော်ပြရဲတော့တဲ့ ယနေ့ထုတ် အွန်လိုင်းကြေးမှုန်သတင်းစာ....

ယနေ့ထုတ် အွန်လိုင်းကြေးမှုန်သတင်းစာမှ(ဝေဝေဝါးဝါး ရွေးကောက်ပွဲ) ကော်မရှင်အစည်းအဝေးဓာတ်ပုံ

ယနေ့ Myanmar.com မှာပါရှိတဲ့ အွန်လိုင်း ကြေးမုံသတင်းစာများမှ ဓာတ်ပုံများအား ရှင်းလင်းပြတ်သားစွာ မဖေါ်ပြတော့ပဲ မှုန်ဝါးဝါးသာ ဖော်ပြထားတာကို တွေ့ရှိရပါတယ်။ ပြီးခဲ့တဲ့ရက်များက ပြည်ပမီဒီယာများမှ မြန်မာသတင်းစာများမှ ဓာတ်ပုံများဖြင့် ဝေဝေဆာဆာ ဖော်ပြခဲ့အပြီး ယနေ့ထုတ် အွန်လိုင်း ကြေးမုံသတင်းစာမှာ ယခုကဲ့သို့ မီမပြင် ဝိုးတိုးဝါးတားသာ ဖော်ပြထားတာ တွေရပါတယ်။ တစ်စုံတစ်ခုသော ဖိအားကြောင့် ယခုကဲသို့ ပုံများကို တမင် ဝိုးတိုးဝါးတား ဖော်ပြထားခြင်းလား ဆိုတာ စဉ်းစားစရာပါပဲ။ နဂိုကတည်းက မှုန်ဝါးဝါး မမှန်မကန် သတင်းတွေ ကတော့ မှုန်ဝါးဝါးပုံတွေနဲ့ အခုပိုပြီးလိုက်ဖက်နေပါတယ်။ မည်သည့်သတင်းဋ္ဌာန မဆိုမိမိတို့ ရဲ့သတင်းဓာတ်ပုံများကို တိကျမှန်ကန်စွာနဲ့ တင်နိုင်အောင် အစွမ်းကုန် ကြိုးစားကြပါတယ်။ မိမိတို့သတင်းတွေ မှန်တယ်၊ လိပ်ပြာလုံတယ် ဆိုရင်တော့ ပုံတွေကို အမှန်အတိုင်း ပီပီပြင်ပြင် ထည့်သွင်းဖော်ပြနိုင်ရပါမယ်။ အစိုးရတစ်ခုကထုတ်တဲ့ သတင်းစာဖြစ်ပြီး ဓာတ်ပုံတောင် မှန်မှန်ကန်ကန် မဖော်ပြရဲ ဖြစ်နေပါတယ်။

မနေ့ကထိ အမြင်စောင်းနေပေမယ့် အသွင်ပြောင်းသွားတဲ့ ဗိုလ်ချုပ်သိန်းစိန်တစ်ဖြစ်လဲ ဝန်ကြီးချုပ်ဦးသိန်းစိန်ရဲ့ ကြည်ကြည်လင်လင် မြင်ရသေးတဲ့ ပုံ

မြန်မာပြည်က သတင်းစာတွေကတော့ အစိုးရဝါဒဖြန့်ပုံတွေ သတင်းတွေကို ဝေဝေဆာဆာ ဖော်ပြထားပြီး စာဖတ်သူတွေ အကြိုက်ဆုံးကဏ္ဍကတော့ နာရေးသတင်းဖြစ်ပါတယ်။ ဟုတ်မဟုတ် စစ်တမ်းကောက်ကြည့်ရင် သိနိုင်ပါတယ်။

မနေ့က ကြေးမုံသတင်းစာမှာ စာနဲ့တွဲလျှက် ပုံပါကြည်ကြည်လင်လင် တွေ့ရတဲ့ ဗိုလ်ချုပ်မောင်အေးပုံ.. ဒီနေ့တော့ စာအောက်မှာ ရေကာတာပုံပဲပါလာပါတော့တယ်။

ပြည်တွင်းက ကြေးမုံသတင်းစာက ဝန်ထမ်းတွေကတော့ စစ်အစိုးရရဲ့ စာပေကင်ပေတိုင် တွေရဲ့ ထားရာနေစေရာသွား လုပ်ပေးနေရတာပါ.. မြန်မာပြည်မှာ စာပေစာနယ်ဇင်းတွေဟာ စစ်အစိုးရရဲ့ ထိန်းချုပ်မှုအောက်မှာနေရင်း အမှန်တရားအတွက် တိုက်ပွဲဝင်နေတာပါ.။ မြန်မာသတင်းစာများမှာ ယခင်က ဖော်ပြခဲ့ဘူးပြီး ပြည်သူတွေ စိတ်ဝင်းစားမှုရခဲ့တဲ့ သတင်းတွေကတော့ နွားအလှပြိုင်ပွဲသတင်းနဲ့ အတူ အဲ့ဒီတုန်း နဝတ ဗိုလ်ချုပ်တွေနဲ့ ယှဉ်ဖော်ပြထားတာတွေ၊ နော် ကမ္ဘာကျော်လူလိမ်ကြီးများဆိုတဲ့ စာတန်းရဲ့ တဘက်မှာ ဗိုလ်ချုပ်ခင်ညွန့်တို့ ပုံတွေပါလာတဲ့ကိစ္စ(ထိုစဉ်က တာဝန်ခံအား ထောက်လှမ်းရေးမှ ဖမ်းဆီး နှိပ်စက် စစ်ဆေးမေးမြန်းသဖြင့် အသက်ဆုံးရှုံးမှု ရှိခဲ့ပါတယ်) နောက်မကြာမှီက ရတနာပုံနေပြည်တော် သတင်းစာမှာပါရှိခဲ့တဲ့ ဆူပူမှုကြောင့် ဒီမိုကရေစီရနိုင် ဆိုပြီး မတစ်လုံးပြုတ်ကျန်ခဲ့တဲ့ အတွက် ခေါ်ယူစစ်ဆေးမေးမြန်းခြင်း ခံရတာတွေရှိခဲ့ပါတယ်။ အဓိပ္ပါယ် နှစ်မျိုးကောက်ယူနိုင်တဲ့ စကားလုံးတွေ မကြာခဏပါရှိခဲ့ဘူးပါတယ်...။ တကယ်တော့ သတင်းစာ ပညာတတ်သိရှင်တွေရဲ့ ညံ့ဖျင်းမှုကြောင့် မဟုတ်ပဲ သေနတ်မိုးစေခိုင်းတဲ့ အာဏာရှင်တွေနဲ့ စာပေကင်ပေတိုင်တွေကြောင့် သတင်းစာနဲ့မတူပဲ ဝါဒဖြန့် အတင်း သတင်းစာဖြစ်နေတဲ့ သတင်းရော ဓာတ်ပုံပါမှုန်နေတဲ့ ကြေးမှုန်သတင်းစာ အကြောင်းတင်ပြလိုက်ရပါတယ်။
ကြည့်ချင်တယ်ဆိုရင်တော့.. ကြေးမှုန်နှိပ်ပါ..Click.

ဝမ်းနည်း ကြေကွဲခြင်း

• အမည် - ကိုမောင်မောင်ငြိမ်း
• အသက် - (၄၃) နှစ်
• ပညာအရည်အချင်း - အခြေခံပညာအထက်တန်း
• ဇနီးအမည် - မချမ်းလွန် (Internews)
• အဖအမည် - ဦးတင်မောင် (ဗိုလ်မှူးကြီး-ကွယ်လွန်)
• မွေးရာဇာတိ - ရန်ကုန်
• လက်ရှိတာဝန် - အထွေထွေအတွင်းရေးမှူး၊ ပြည်သူ့ကာကွယ်ရေးတပ်(PDF)။ မူဝါဒရေးရာ ဦးဆောင်အဖွဲ့ဝင်၊ မြန်မာနိုင်ငံ ဒီမိုကရက်တစ်အင်အားစု (FDB)။ အယ်ဒီတာချုပ်၊ ရိုးမ ၃ သတင်းဌာန။

၁၉၈၈ ရှစ်လေးလုံးအရေးတော်ပုံ လှုပ်ရှားမှုတွင် တပ်မတော်သားတယောက်အနေဖြင့် ပါဝင်လှုပ်ရှားခဲ့သည်။ ပြည်သူဘက်က ရပ်တည်လှုပ်ရှားခဲ့ပြီး စစ်တပ်မှ အာဏာသိမ်းအပြီးတွင် လွတ်မြောက်ဒေသသို့ ထွက်ခွာလာခဲ့သည်။ မူလတွင် မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)၊ ကျောင်းသားတပ်မတော်တွင် တပ်ရင်းမှူးတာဝန်ထိ ဆောင်ရွက်ခဲ့သည်။ ၁၉၉၅ ခုနှစ်ခန့်မှစ၍ ပြည်သူ့ကာကွယ်ရေးတပ်(PDF) တွင် ပြောင်းရွှေ့တာဝန်ထမ်းဆောင်ခဲ့သည်။ ကျောင်းသားတပ်မတော်နှင့် (PDF) တို့တွင် တာဝန်ထမ်းဆောင်ခဲ့သော ကာလတလျှောက် ရှေ့တန်းစစ်မြေပြင်များတွင် အချိန် အများစု တာဝန်ထမ်းဆောင်ခဲ့သည်။

ပြည်သူ့ကာကွယ်ရေးတပ် တပ်မှူးတာဝန်၊ နိုင်ငံရေး/စစ်ရေးဦးဆောင်ကော်မတီ အထွေထွေအတွင်းရေးမှူး တာဝန်များကို ထမ်းဆောင်ခဲ့သည်။

ပြည်သူ့ကာကွယ်ရေးတပ်သည် မြန်မာနိုင်ငံဒီမိုကရက်တစ်အင်အားစု (FDB) ၏ အဖွဲ့ဝင်အဖွဲ့အစည်း ဖြစ်သည်နှင့်အညီ ကိုမောင်မောင်ငြိမ်းသည် မူဝါဒရေးရာ ဦးဆောင်အဖွဲ့ဝင်နှင့် ပြည်တွင်းလုပ်ငန်းကော်မတီတို့တွင် ပါဝင်ဆောင်ရွက်နေဆဲဖြစ်သည်။

သက္ကရာဇ် ၂၀၀၆ ခုနှစ်မှစ၍ ရိုးမ ၃ သတင်းဌာန၏ အယ်ဒီတာချုပ်အဖြစ် တာဝန်ယူခဲ့သည်။ ဗထူးအမည်ဖြင့် သတင်းများကို ရေးသားခဲ့သည်။ ၂၀၀၉ ခုနှစ်အတွင်း ရိုးမ ၃ သတင်းဌာနမှ ထုတ်ဝေသော 'မြန်မာ့ သားကောင်းများအတွက် ဝမ်းနည်းဖွယ်ရာ ကလေးစစ်သားများ' အမည်ရှိ အစီရင်ခံစာကို ဦးစီးထုတ်ဝေခဲ့သည်။

ကိုမောင်မောင်ငြိမ်းသည် မောင်ငြိမ်းလူ(ဟယ်လ်ပင်) ကလောင်အမည်ဖြင့် ကဗျာများကိုလည်း ရေးသားခဲ့သည့်အပြင် စာပေအသိုင်းအဝိုင်းမှ ကဗျာဆရာ၊ စာရေးဆရာများနှင့် စာပေလှုပ်ရှားမှုများတွင် ပူးပေါင်းဆောင်ရွက်နေဆဲဖြစ်သည်။

သက္ကရာဇ် ၂၀၁၀ ပြည့်နှစ်၊ ကြာသာပတေးနေ့၊ နံနက် ၃ နာရီအချိန်တွင် ရိုးမ ၃ သတင်းဌာနရုံး၌ အသဲရောဂါ၊ ကျောက်ကပ်ရောဂါတို့ဖြင့် ကွယ်လွန်ခဲ့သည်။ ကွယ်လွန်ချိန်တွင် ၎င်း၏ ချစ်လှစွာသော ဇနီးသည် မချမ်းလွန် ကျန်ရစ်ခဲ့သည်။

သင်္ဂြီုဟ်မည့်အစီအစဉ်

• အချိန် - နေ့လည် (၁) နာရီ။
• နေ့ရက် - ၂၀၁၀ ပြည့်နှစ်၊ မေလ (၁) ရက် (စနေနေ့)။
• နေရာ - ဘန့်နူရာရပ်ကွက်၊ ဝပ်ဘွန်ယာဝပ်ဘုန်းကြီးကျောင်း၊(မဲဆောက်)။

သိပ်ကိုချစ်ခင်ဘို့ကောင်းသော ကိုငြိမ်း တယောက်ကောင်းရာမွန်ရာဘဝကိုရောက်ရပါစေလို့...။

မြတ်လေးငုံ...

မန္တလေး၊ ပြည်ခရီးသည်တင် EXPRESS ကားများ၏ လောဘသားများအကြောင်းသိကောင်းစရာ

မတ်လအတွင်းမှာ မန္တလေးမှ ပြည်သို့ ခရီးထွက်ခဲ့ရပါတယ်။ မန်းမှပြည် အထိ ကားခ (၉ဝဝဝ)ကျပ် ပေးရပါတယ်။ ထွက်တဲ့ ကားတွေ ကတော့ မှန်လုံခရီးသည်တင် ဘတ်စကားများ ဖြစ်ကြပါတယ်။ အောင်နိုင်သူ၊ တိုင်းလုံးကျော်၊ မြတ်မန္တလာ ထွန်း၊ မန်းရွှေပြည်လိုင်းများ ဖြစ်ပါတယ်။


ဒီကားတွေဟာ ခရီးသည်တင် ကားများ သက်သက် ဖြစ်သော်လည်း အောက်ဗိုက်ထဲမှာ ကုန်တွေအပြည့် တင်ကြပါတယ်။ မိတ္ထီလာဂိတ် ရောက်တာနဲ့ စပျစ်သီးခြင်းများကို အပြည့်ထည့် ကြပါတယ်။ ကုန် တင်ချိန်က (၁)နာရီကျော်ကျော် အချိန်ကြာပါတယ်။ ယခုလို ပူအိုက်တဲ့နွေရာ သီမှာ ခရီးသည်ကလည်း ကြားခုံပါ မကျန် အပြည့်၊ ကုန်ကလည်း အပြည့်ဆိုတော့ ခရီးလမ်းမှာ အချိန်ကိုက် ရောက်အောင် မမောင်းနိုင်ကြတော့ပါ။


တအီအီ ဖြည်းဖြည်း မောင်းနေရပါတယ်။ အဲသစ်ရာကောက်ရွာမှ ကိုးပင်ရွာ (၂၆)မိုင်ခရီး၊ မြေနီလမ်းကြမ်း ရောက်တော့ ဧရာဝတီ မြစ်လှိုင်းလုံးကြီးထဲမှာ သင်္ဘောစီးရသလို ဘယ်ယိမ်းလိုက်၊ ညာယိမ်းလိုက်နဲ့ (၁း၃ဝ)နာရီလောက် မောင်းရပါတော့တယ်။ (သစ်ရာကောက်၊ ကိုးပင် ဒီလမ်းဆိုးကြီးကလည်း ဖွင့်ပြီးတဲ့နှစ်က စ၍ ပျက်လိုက်၊ ပြင်လိုက်လုပ်နေတာ ကိုးနှစ်တာ ကာလ ကြာနေကိုး ယနေ့အထိ မပြီးသေးပါဘူးဗျာဟု ကားဆရာများ ငိုချင်းချပြပါတယ်)။


အဲဒီလမ်းက ထွက်ခါနီးလည်း ရောက်ရော ကားလေအိတ် ပေါက်ပါတော့တယ်။ လေအိတ်လဲတာကလည်း တစ်နာရီလောက် ကြပါတယ်။ ကားဆရာတို့ရဲ့ လောဘကြီးစွာနဲ့ ခရီးသည်တင်ကားကို အောက်ဗိုက်ထဲမှာ ကုန်အပြည့် တင်ကြလို့ ငွေကျပ် ကိုးထောင်ပေးပြီး မှန်လုံကား (EXPRESS)ပေါ်မှာ ခရီးသည်များ အရှင်လတ်လတ် ငရဲကျကြရကြောင်း သတင်းကောင်းအား တင်ပြလိုက်ရပါသတည်း။

မြန်မာပြည်မှာလျှပ်စစ်မီးသာမရတာပါမီတာ ထိန်းသိမ်းစောင့်ရှောက်ခ ကျပ်(၅ဝဝ)ကို ဧပြီလမှ စတင်ကာ တိုးမြှင့်ကောက်ခံလျှက်ရှိ

ရန်ကုန်မြို့တော် လျှပ်စစ်ဓါတ်အား ပေးရေးအဖွဲ့မှ ဓာတ်အားခ တောင်းခံရာတွင် မီတာ ထိန်းသိမ်းစောင့်ရှောက်ခ ကျပ်ငွေ (၅ဝဝ)ကို ဧပြီလမှစ၍ တိုးမြှင့် ကောက်ခံလိုက်ကြောင်း သတင်းရရှိသည်။ ယခင်လများတွင် မီတာထိန်းသိမ်း စောင့်ရှောက်ခ ငွေကျပ် (၅ဝဝ)သာ ကျပြီး ဧပြီလမှ စတင်ကာ ငွေကျပ်(၅ဝဝ)အား ထပ်မံ တိုးမြှင့်လိုက်ကာ စုစုပေါင်း မီတာ ထိန်းသိမ်း စောင့်ရှောက်ခမှာ ငွေကျပ်(၁ဝဝဝ) ဖြစ်ကြောင်း မီတာ သုံးစွဲသူများထံမှ စုံစမ်းသိရှိရသည်။



မီတာသုံးစွဲရာတွင် တစ်ယူနစ်လျှင် ယခင်လများ အတိုင်းသာ ပေးဆောင်ရသည့် ငွေကျပ် (၂၅)ကျပ်သာ ကျသင့်ပြီး ထပ်တိုးပေးဆောင်ရန် သတ်မှတ်ထားခြင်း မရှိကြောင်း မီတာ သုံးစွဲသူများသည် ရန်ကုန်မြို့တော် လျှပ်စစ်ဓာတ်အားပေးရေး အဖွဲ့သို့ ဓာတ်အားခ ပေးဆောင်ရာတွင် သက်ဆိုင်ရာ သတ်မှတ်ထားသော ငွေလက်ခံဌာနများတွင် တိုက် ရိုက်ပေးသွင်းရန်နှင့် မီတာစာရေးကိုဖြစ်စေ၊ အခြားလျှပ်စစ်ဝန်ထမ်းတစ်ဦးဦးကိုဖြစ်စေ၊ ပြင်ပလူတစ်ဦးဦးကိုဖြစ်စေ ပေးဆောင်စေ၍ ငွေကြေးပြဿနာတစ်စုံတရာဖြစ်ပေါ် လာပါက မီတာပေးဆောင်ခိုင်းသူ၏ တာဝန်သာဖြစ်ကြောင်း၊ နိုင်ငံခြားသားများ၊ နိုင်ငံခြားအဖွဲ့အစည်းများ နေထိုင်အသုံးပြုပါက နိုင်ငံခြားငွေဖြင့် ပေးဆောင်ရမည် ဖြစ်၍ မြို့နယ်လျှပ်စစ်ရုံးနှင့် ဆက်သွယ်ရန် မီတာဖြတ်ပိုင်းများတွင် အသိပေးကြေညာ ထားကြောင်းတွေ့ရှိရသည်။



ထို့အပြင် မိမိနေအိမ်တွင် တပ်ဆင်ထားသော မီတာအိမ်များ၌ ကာဘာဆီးလ် များကို YESB စမ်းသပ်အတည်ပြုရေးဌာနမှလွဲ၍ မည်သူမှ ကိုင်တွယ်ဖြတ်တောက် ခြင်းမပြုရန် မီတာသုံးစွဲသူမှ တာဝန်ယူရမည်ဖြစ်ပြီး ၄င်းဆီးလ်များမရှိခြင်း၊ လက်ရာခြေရာ ပျက်ခြင်းများဖြစ်နေပါက ဥပဒေအရ အရေးယူခံရမည်ဖြစ်ကြောင်း သိရ သည်။


မြောက်ဒဂုံမြို့နယ်၊ (၄ဝ)ရပ်ကွက်တွင် နေထိုင်သူတစ်ဦးက ကျွန်မတို့ မီတာဆောင်ရတာ နာရီစင်မှတ်တိုင်က မီတာဖြတ်ပိုင်းကောက်ခံတဲ့ရုံးမှာ သွားဆောင်ရတာ နောက်ဆုံး သတ်မှတ်ရက်တွေမှာ လူများလာရင် ကုန်ပဒေသာမှတ်တိုင်နားက စွမ်းအင်လျှပ်စစ်ဓာတ်အားပေးရေးအဖွဲ့ ရုံးချုပ်မှာ မီတာသွားဆောင်ရတယ်ဟု လျှပ်တစ်ပြက်သတင်းဂျာနယ်သို့ ပြောဆိုခဲ့သည်။

ဆရာကြီးမင်းသိင်္ခ၏ တပည့်ပရိသတ်များ နှစ်ဆန်းတစ်ရက်နေ့ ဘေးမဲ့ သက်လွှတ်ပွဲကျင်းပ

ရန်ကုန်မြို့၊မြေနီကုန်းရှိ Happy Zone တွင် (၁၇၊ ၄၊ ၂ဝ၁ဝ)ရက် နှစ်ဆန်းတစ်ရက် နေ့ နံနက်ပိုင်းက ဆရာကြီးမင်းသိင်္ခ၏ တပည့်ပရိသတ် (၅ဝဝ)ကျော်တို့ စုပေါင်း၍ ဘေးမဲ့ သက်လွှတ်ပွဲနှင့် ခေါင်းဆေးမင်္ဂလာပွဲကို ဆရာဇင်ယော်နီ ဦးဆောင်ပြီး အိုးစည်ဗုံမောင်းသံ ခြိမ့်ခြိမ့်ညံလျက် စည်ကား သိုက်ြိမိုက်စွာ ကျင်းပခဲ့ကြသည်ကို တွေ့ရသည်။

ယင်းပွဲတွင် ဘုရားကန်တော့ခြင်း၊ ကမ္ဘာသူကမ္ဘာသား အပေါင်းတို့အား မေတ္တာပို့ အမျှအတန်းဝေခြင်း၊ အတိတ်ကောင်း နိမိတ်ကောင်းယူလျက် ပရိသတ် (၅ဝဝ)ကျော်ကို ခေါင်းဆေးမင်္ဂလာ ယတြာပြုပေးခြင်း၊ ရွှေရင်အေး၊ မနောမယ လက်ဖက်ရည်များ တိုက်ကျွေးခြင်း၊ ငှက်အမျိုးမျိုးနှင့် ငါးများ ဘေးမဲ့လွှတ်ခြင်းများ ပြုခဲ့ကြသည်။ ဆရာဇင်ယော်နီက ¤င်းသက်မဲ့ဘေးလွှတ်ပွဲ ပြုလုပ်ရခြင်းနှင့်ပတ်သက်၍ ''ရှေး မြန်မာဗေဒင်ဆရာကြီးတွေက ဗေဒင်ဟောခအဖြစ် ဆန်တစ်ပြည်နှင့် ငွေတစ်မတ်၊ ငါးမတ်၊ နှစ်ကျပ်တစ်မတ်စသည်ဖြင့် ဥာဏ်ပူဇော်ခကို ငွေတစ်မတ်အစွန်းထွက်ပြီး ယူလေ့ရှိကြ ပါတယ်။

ဒါပေမယ့် အဲဒီငွေတစ်မတ်ကိုတော့ သူတို့မသုံးကြပါဘူး။ တစ်နှစ်လုံးစုဗူးလေးနဲ့ စုပြီးအခုလို သင်္ကြန်ကျပြီဆိုတော့မှ အဲဒီစုဗူးထဲက ငွေနဲ့နွားတို့၊ ငါးတို့၊ ငှက်တို့ဝယ်ကြီး တစ်နှစ်တာ ကိုယ့်ဆီမှာဗေဒင်လာမေးခဲ့သမျှ (၇)ရက်သားသမီးအားလုံးရဲ့ ကုသိုလ်ဒါန အဖြစ် ဇီဝိတဒါနဘေးမဲ့လွှတ်ပေးခဲ့ကြတာဖြစ်ပါတယ်။ အဲဒါဟာ ရှေးမြန်မာဗေဒင် ဆရာကြီးများရဲ့အစဉ်အလာပါပဲ။ ဒီအစဉ်အလာအတိုင်း ကျွန်တော်တို့အဘမင်းသိင်္ခ သက်ရှိထင်ရှားရှိစဉ်တုန်းကလည်း နှစ်တိုင်းတပည့်တွေ၊ ပရိသတ်တွေ စုပေါင်းပြီး ဘေးမဲ့သက်လွှတ်ပွဲတွေ ကျင်းပခဲ့ပါတယ်။

ဒီအစဉ်အလာကို ထိန်းသိမ်းတဲ့အနေနဲ့ ဒီပွဲကို ကျွန်တော်တို့ကြိုးပမ်းဆောင်ရွက် ခဲ့ကြတာဖြစ်ပါတယ်''ဟု ရှင်းလင်းပြောကြားသည်။ ယင်းနေ့က ဆရာဇင်ယော်နီဖွင့်လှစ်သင်ပြနေသော အယူတော်မင်္ဂလာဗေဒင် သင်တန်းသူသင်တန်းသား(၇ဝ)ကျော်တို့အား နှစ်ဆန်းတစ်ရက်နေ့ နိမိတ်ကောင်းယူလျက် အောင်လက် မှတ်ချီးမြှင့်ပွဲကို ပြုလုပ်ခဲ့သည်ကိုတွေ့ရသည်။ ဆရာဇင်ယော်နီနှင့်အဖွဲ့သည် ယင်းနေ့က ဗေဒင်ဟောခန်းဆိုင်းဘုတ်တင်ပွဲ(၆)ပွဲ၊ အလှပြင်ဆိုင်(၁)ဆိုင်နှင့် စားသောက် ဆိုင်(၁)ဆိုင်ဖွင့်ပွဲတို့ကိုလည်း ဆရာကြီးမင်းသိင်္ခ၏နည်းစနစ်များအတိုင်း စနစ်တကျ သိုက်မြိုက်စွာ ဆောင်ရွက်ပေးကြသည်ကို တွေ့ခဲ့ရသည်။



သတင်းKZY

၂၀၁၀ ပထမဆုံးအကြိမ်ပြည်သူ့ဂုဏ်ရည် ဆန်ကာတင်(၂၄)ဦးရဲ့လုပ်ဆောင်ချက် ဗီဒီယိုမှတ်တမ်း

စစ်အစိုးရစစ်တပ်နောက်ခံ ပါတီတွေကြောင့် အရပ်ဘက် နိုင်ငံရေးပါတီတွေ ယှဉ်ပြိုင်မှု အားနည်းနိုင်

မြန်မာစစ်အစိုးရ ၀န်ကြီးချုပ် အပါအ၀င် ၀န်ကြီးရာထူး ယူထားတဲ့ စစ်ခေါင်းဆောင်ပိုင်းတွေ စစ်တပ်က ယူနီဖောင်း ချွတ်လိုက်တာကြောင့် သူတို့ဦးဆောင်တဲ့ နိုင်ငံရေးပါတီတခု ဖွဲ့လာနိုင်တယ်လို့ နိုင်ငံရေး အကဲခတ်တွေက ယူဆနေပါတယ်။ ဒီအတိုင်းဆိုရင်တော့ စစ်တပ်ဟာ သူတို့ သတ်မှတ်ထားတဲ့အတိုင်း ၂၅% တင် မဟုတ်ဘဲ ပါလီမန်ထဲမှာ နေရာအပြည့် သူတို့လူတွေကို ထည့်ထားမယ့် အစီအမံ ဖြစ်တယ်လို့ အမျိုးသား ဒီမိုကရေစီ အဖွဲ့ချုပ် (NLD) ပါတီ ခေါင်းဆောင်တဦးဖြစ်တဲ့ ဦးဝင်းတင်က ပြောပါတယ်။ အပြည့်အစုံကို ဆက်သွယ်မေးမြန်းပြီး ကိုသားညွန့်ဦးက တင်ပြပေးထားပါတယ်။

အခု ဗုဒ္ဓဟူးနေ့ အစိုးရ သတင်းစာတွေမှာတော့ ၀န်ကြီးချုပ် ဦးသိန်းစိန်လို့ ဖော်ပြထားတာမို့ ၀န်ကြီးအဖွဲ့ အတွင်းက စစ်အရာရှိတွေ ယူနီဖောင်း ချွတ်ကုန်ပြီဆိုတဲ့ သတင်း အတည်ပြုပေးလိုက်သလို ရှိပါတယ်။ စောင့်ကြည့် အကဲခတ်တွေကတော့ စစ်အစိုးရဘက်က ကြံ့ခိုင်ရေးအဖွဲ့အပြင် နောက်ထပ် နိုင်ငံရေးပါတီတွေ ဖွဲ့စည်းဖို့ ပြင်ဆင်နေတယ်လို့ ဆိုပါတယ်။ စစ်အစိုးရ အရာရှိဟောင်းတွေ ပါဝင်တဲ့ နိုင်ငံရေးပါတီ အနည်းဆုံး ၃ ခုလောက် ဖွဲ့စည်းလာနိုင်တယ်လို့ တွက်ဆကြပါတယ်။

အမျိုးသား ဒီမိုကရေစီ အဖွဲ့ချုပ် ခေါင်းဆောင်တဦး ဖြစ်တဲ့ ဦးဝင်းတင်ကတော့ အရင် ဗိုလ်ချုပ်ကြီးနေ၀င်း အစိုးရလက်ထက် ကတည်းက အခုလို စစ်တပ်က ယူနီဖောင်းချွတ်ပြီး အရပ်ဘက် အစိုးရမှာ ပါဝင်ဖို့ ပြင်ဆင်ဆောင်ရွက်မှုတွေ မြန်မာစစ်တပ်မှာ အလေ့အထလို ဖြစ်ခဲ့တယ်လို့ ပြောပါတယ်။

“စစ်တပ်က သူတို့ အချိန်တန်လို့ အနားယူတာပဲလား၊ သို့မဟုတ်ရင်လည်း စစ်တပ်ကနေ ထွက်မယ်၊ ဒါပြီးရင် အချိန်တန်လို့ရှိရင် ၀န်ကြီးတွေ ခန့်ပြီးတော့ ပါတီတို့ ဘာတို့ သွားပြီးတော့ စည်းရုံးရေးတွေ လုပ်မလား။ ဒီလို တွက်စရာပါ။ ကျနော်တို့ အသက်နည်းနည်းကြီးတဲ့ လူတွေကတော့ လွန်ခဲ့တဲ့ နှစ်ပေါင်း သုံးလေးဆယ်တုန်းက ဆိုရင် မဆလခေတ်မှာ ဒီလိုဟာမျိုးတွေ လုပ်ခဲ့တာပါပဲဗျာ။ ဦးနေ၀င်း အပါအ၀င်ပေါ့။ ကျနော်ကတော့ အဲဒီခေတ်တုန်းက ဘာပြောလဲဆိုရင် ဘောင်းဘီချွတ်ပြီး တောင်ရှည်ဝတ်တယ် ဆိုတဲ့ဟာပေါ့။”

အခုလို အလားအလာကြောင့် ဘဏ္ဍာရေးအရရော၊ လူအင်အားအရပါ အခက်အခဲ ကြီးကြီးမားမား ရင်ဆိုင်နေရတဲ့ အရပ်ဘက် နိုင်ငံရေးပါတီတွေ အဖို့တော့ စစ်တပ်က နောက်ခံပေးတဲ့ နိုင်ငံရေးပါတီတွေနဲ့ ယှဉ်ပြိုင်ရမှာ အားနည်းသွားနိုင်တယ်လို့ ယူဆကြပါတယ်။ ဦးဝင်းတင်ကလည်း ဒီသဘောပါပဲ။ လာမယ့် ပါလီမန်ထဲကနေ အရပ်သားအစိုးရ ဖြစ်လာလိမ့်မယ်လို့ သူက မယူဆပါဘူး။

“အစိုးရဆိုလည်း တချို့ မှန်းတဲ့လူတွေ၊ ရွေးကောက်ပွဲဝင်တဲ့ လူတွေ ကြားထဲမှာ မှန်းထားတာတွေ ရှိတာပေါ့ဗျာ။ နိုင်ငံရေး အပြောင်းအလဲတွေ ဖြစ်လာနိုင်မယ်၊ သူတို့ ပြောပြောနေတဲ့ Political Stage တို့ ဘာတို့က ကျယ်လာမယ်၊ ဘာညာပေ့ါဗျာ။ ပြောတဲ့သူတွေ အဖို့က ဘာပဲပြောပြော သူတို့အဖို့ နေရာကို မရှိဘူး။ သူတို့ ချောင်ကပ်နေရင်တောင်မှ ကပ်လို့ ရပါ့မလား မသိဘူး။ နံရံကပ်ပြီးပေါက်တဲ့ ညောင်ပင်လိုပဲ ဖြစ်နေမလား။ နေရာမှ ရှိပါ့မလားလို့ အဲဒီလိုပဲ တွက်ရမယ်ထင်တယ်။

“အဲတော့ အခု သူတို့လုပ်မယ့်ဟာ ဒီအတိုင်းဆိုရင် စစ်တပ်ဟာ သူတို့ဟာသူတို့ စစ်တပ်က ၂၅% ယူတာတင် မကတော့ဘဲ နောက်ထပ် အုပ်စုလိုက်၊ အုပ်စုလိုက် ထွက်ပြီးတော့ သူတို့တွေရဲ့ ပါတီတွေ၊ သူတို့တွေရဲ့ အစုအဖွဲ့တွေ ဦးဆောင်ပြီး ရွေးကောက်ပွဲ ၀င်ကြဦးမယ် ဆိုရင်တော့ မြန်မာပြည်ရဲ့ ရှေ့အနာဂတ် နိုင်ငံရေးဟာ သူတို့တွေ အခုပြောနေတဲ့ ဒီမိုကရေစီ ဘာညာ ဆိုတာတွေနဲ့၊ သို့မဟုတ်ရင်လည်း စည်းကမ်းရှိသော ဒီမိုကရေစီပေါ့ဗျာ၊ သို့မဟုတ်ရင်လည်း နဖားကြိုးတပ်သော ဒီမိုကရေစီပေါ့ဗျာ၊ အဲဒါတွေနဲ့ကတော့ အတော့်ကို ဝေးတယ်။ ဒီမိုကရေစီဆော် နံဖို့ ဆိုတာတော့ အတော်ဝေးတယ်။ စစ်ဆော်နံဖို့ပဲ ပိုပြီးတော့ များတယ်။ အရပ်သား အစိုးရလို့ ပြောနိုင်လောက်တဲ့ အနေအထားတောင်မှ မရှိဘူး။ စစ်ဗိုလ်တွေ ပါဝင်တာပဲ ရှိဖို့များတယ်။ အဲဒီလိုပဲ ပြောလို့ရမယ်လို့ ကျနော်တော့ ထင်တာပဲ။”

၁၉၉၀ ရွေးကောက်ပွဲတုန်းက တကယ်တမ်းဆိုရင် စစ်တပ်က ကြားနေအနေနဲ့၊ ခုံသမာဓိ အနေနဲ့ နေခဲ့ပါတယ်။ ဘယ်သူမှ သူတို့ ၀င်ပြိုင်တာ မရှိဘူး။ ပြိုင်တယ်ဆိုတာ အရင် မဆလက အသွင်ပြောင်းလာတဲ့ တစညတို့ ဘာတို့ပဲ ရှိတယ်။ အခုအနေအထားက စစ်တပ်က ပုဂ္ဂိုလ်တွေကိုယ်တိုင် ၀င်ပြိုင်ဆိုင်မယ့် အနေအထားမှာ ဖြစ်နေတဲ့အတွက် တကယ်တမ်း စစ်တပ်က ရွေးကောက်ပွဲ လုပ်ပေးမယ်၊ ကြားနေဆိုတဲ့ အဆင့်အတန်း ရောက်ပါ့မလား။

“မရှိပါဘူးခင်ဗျာ။ ဒါ သိပ်ကိုထင်ရှားပါတယ်။ ထင်ရှားတယ်ဆိုတာ အခု ရွေးကောက်ပွဲ အစီအမံတွေ ကြည့်ပါ။ ရွေးကောက်ပွဲအတွက် ဥပဒေတွေ ထုတ်လာပုံတွေ ကြည့်ပါ။ ရွေးကောက်ပွဲ ဒိတ်တွေ ဘာတွေ မကြေညာဘဲနဲ့ သူတို့ ထင်သလို စီမံနေတာကြည့်ရင် စစ်တပ်က ကြားနေမဟုတ်ဘူး။ သူတို့ ဘယ်လိုပြိုင်မလဲ၊ ပြိုင်ရုံတင် မဟုတ်ဘူး၊ သူတို့ ဘယ်လိုနိုင်မလဲ ဆိုတာပါ တွက်နေကြတယ်။ ဘယ်လိုပြိုင်မလဲ အထိကတော့ ကျနော်က ပြိုင်ပါစေ၊ ပြိုင်ပေါ့။

“အခုတော့ သူတို့က ဘယ်လိုနိုင်မလဲပါ ကြည့်နေတယ်ဗျ။ ဟိုတုန်းကလို ကြားနေဆိုတဲ့ အစိုးရ သဘောမျိုး၊ ကြားနေပြီး တိုင်းပြည်ရဲ့ ရွေးကောက်ပွဲတွေ ဘာတွေ ကြီးကြပ်ပေးတယ်ဆိုတဲ့ အနေအထား လုံးဝ မရှိပါဘူး။ ဒါ တော်တော် ထင်ရှားပါတယ်။ ရှင်းပါတယ်။ အဲတော့ ဒီစစ်အစိုးရက စစ်ဗိုလ်တွေကပဲ ဒီအထဲမှာ ၀င်ပြီးတော့ ပြိုင်တာပါပဲ။ နိုင်ငံရေးပါတီတွေ ထောင်၊ ထောင်ဖို့လုပ်နေတာ၊ အခု သူတို့ပါတီတွေ ဘယ်တော့ဖွဲ့မလဲ မသိဘူး၊ ကြံ့ခိုင်ရေးပါတီလား၊ ဘာလား ဒီလိုဟာတွေက ထွက်လာဦးမယ်။”

၂၀၁၀ အတွက် ၀င်ရောက်ယှဉ်ပြိုင်မယ့် အရပ်ဘက် နိုင်ငံရေးပါတီ အများစုကတော့ စစ်အုပ်ချုပ်ရေးကနေ တဆင့်ပြီးတဆင့် အသွင်ပြောင်းရမယ်လို့ ခံယူထားကြတာ တွေ့ရပါတယ်။ စစ်အစိုးရ နောက်ခံတဲ့ နိုင်ငံရေးပါတီတွေ အဖို့တော့ ဘဏ္ဍာရေးအရပါ ပြည့်စုံဖွယ် ရှိတာမို့ လာမယ့် ၂၀၁၀ အကုန်မှာ ပါလီမန်ထဲ အရပ်သားစစ်စစ် နိုင်ငံရေးသမားတွေ ဘယ်လောက်အထိ နေရာယူနိုင်မလဲဆိုတာ စောင့်ကြည့် အကဲခတ်တွေက မေးခွန်းထုတ်နေကြပါတယ်။

ရင်းမြစ်.....VOA

ရေးမြို့နှင့် သံဖြူဇရပ်ကြား(၁၂)ဘီးကုန်ကားတစ်စီး ယင်းတံတားပေါ်ဖြတ်မောင်းရာဝန်နှင့်အားမမျှလေတော့ တံတားကျိုးကျ

ရေးမြို့နှင့် သံဖြူဇရပ်ကြား အဝေးပြေးလမ်းပိုင်း၊ မိုင်တိုင်အမှတ် ၂၂/၂၃ကြား၊ တံတားအမှတ် ၂/၅၄အ ရောက်၌ ၁၂ဘီးကုန်ကားတစ်စီး ယင်းတံတားပေါ်ဖြတ်မောင်းရာ တံတားကျိုးကျပြီး ကုန်ကားမှာ ဘေးစောင်း မှောက်လျက်အနေအထားကို ဧပြီ ၂၀ရက် နံနက် ၁၀နာရီခွဲက တွေ့ရစဉ်။


ဖြစ်ပွားပုံမှာ ယင်းကုန်တင်ယာဉ်သည် ကုန်အပြည့်တင်လျက် ရေးမြို့သို့ဦးတည်သွားရာ၌ တံတားအ မှတ် ၂^၅၄အားဖြတ်သန်းရာ တံတားခံနိုင်ဝန်နှင့် ကုန်ကား၏အလေးချိန်မမျှသဖြင့် တံတားကျိုးကျကာ မှောက်သွားခြင်းဖြစ်ကြောင်း သိရသည်။ ယာဉ်ပေါ်ပါ ယာဉ်မောင်းနှင့် ယာဉ်နောက်လိုက်တို့မှာ ဒဏ်ရာမရရှိ ကြောင်းနှင့် ယင်းတံတားသည် ၁၉၇၇ခုနှစ်က တည်ဆောက်ထားခဲ့သည့်တံတားဖြစ်ကြောင်း သိရသည်။

သတင်း..YMG

ကမ္ဘောဇဘဏ် စီးပွားရေးအုပ်စုကရန်ကုန်တွင် ပုဂ္ဂလိက စက်သုံးဆီဆိုင် နှစ်ဆိုင် စတင်ဖွင့်

နိုင်ငံပိုင်စက်သုံးဆီဆိုင်များအား ပုဂ္ဂလိကသို့ လွှဲပြောင်းပေးသောဆိုင်များထဲမှ ရန်ကုန်တိုင်း၌ ပုဂ္ဂလိက စက်သုံးဆီ အရောင်းဆိုင် ၂ ဆိုင်ကို ပထမဆုံး အကြိမ် ဧပြီလ ၁၀ ရက်မှ စတင်၍ နီလာရိုးမ အမည်ဖြင့် ထောက်ကြံ့မြို့နယ်၊ ရွှေညောင်ပင်နှင့် ပျဉ်းမပင်တို့၌ ဖွင့်လှစ် ရောင်းချ ပေးနေပြီ ဖြစ်ကြောင်း သတင်းရရှိသည်။ အဆိုပါဆိုင်များမှာ ကမ္ဘောဇဘဏ် စီးပွားရေးအုပ်စုက ၂၀၁၀ ဖေဖော်ဝါရီ ၁၅ ရက်မှ စတင်ပြီး နိုင်ငံ တော်မှ လွှဲပြောင်း ရယူခဲ့သည့် ဆိုင်များဖြစ်ကြောင်း သိရှိရသည်။

“ဆိုင်ကဖွင့်ကာစဆိုတော့ လူသိတော့ နည်းနေသေးတယ်။ အခုချိန်ထိတော့ ကားအစီးရေ တစ်နေ့ကို ၁၀၀ ကျော်လောက်ပဲ လာသေးတယ်။ ဒီဆိုင်းက ပိတ်ခဲ့ရတာ ၂ လကျော် ကြာသွားတဲ့အတွက် ကားသမားတွေနဲ့ အဆက်အသွယ် ပြတ်သွားတာလည်း ပါတယ်။ ဆိုင်ရှိတာကိုသိရင် နောက်ဆို ဒီထက်ပိုပြီး လာမှာပါ”ဟု အဆိုပါဆိုင်မှ တာဝန်ခံက ရှင်းပြသည်။ အဆိုပါ ဆိုင်များတွင် စက်သုံးဆီကို ရောင်းချရာ၌ ဒီဇယ်တစ်မျိုးတည်းကိုသာ ရောင်းချပြီးနောက်ပိုင်း၌ ဓာတ်ဆီကိုပါ ပူးတွဲ၍ ရောင်းချရန် စီစဉ်ထားသည်ကိုလည်း သိရသည်။ လက်ရှိ ဒီဇယ်ဈေးနှုန်းမှာ တစ်ဂါလန်လျှင် ယခုရက်ပိုင်း၌ ၃,၂၀၀ ကျပ်ဖြင့် ရောင်းချပေးလျက် ရှိသည်။ အစိုးရ စက်သုံးဆီဆိုင်မှ ထုတ်ဈေးမှာ ဒီဇယ်တစ်ဂါလန်လျှင် ကျပ် ၃,၀၀၀ ဖြစ်သည်။

အဆိုပါ ဆိုင်နှစ်ဆိုင်တွင် ဒီဇယ်ကို အစိုးရ စက်သုံးဆီ ဆိုင်များကဲ့သို့ အက်ဖ်အီးစီဖြင့် ၀ယ်ယူနိုင်ပြီး ဈေးနှုန်းမှာလည်း MPPE ဆိုင်များ၏ ပေါက်ဈေးဖြင့်သာ ရောင်းချပေးကြောင်း ယခုရက်ပိုင်းအတွင်း ဒီဇယ်သည် အက်ဖ်အီးစီဖြင့် ၀ယ်ယူပါက MPPE ဆိုင်များတွင် ၃,၃ အက်ဖ်အီးစီ ဖြစ်ကြောင်း စုံစမ်း သိရသည်။ ထိုဆီဆိုင် ၂ ဆိုင်ကို စဖွင့်ချိန်က နံနက် ၆ နာရီမှ ညနေ ၆ နာရီအထိသာ ရောင်းချပေးခဲ့ သော်လည်း နောက်ပိုင်းတွင် ၂၄ နာရီ ဖွင့်လှစ်ပေးရန် စီစဉ်ထားပြီး ရန်ကုန်မြို့တွင်း အပါ အ၀င် တခြားမြို့နယ်များ၌လည်း ယင်းကဲ့သို့ ဆီဆိုင်များ ထပ်မံဖွင့်လှစ်ရန် စီစဉ်ထားကြောင်း သိရသည်။

အစိုးရ စက်သုံးဆီဆိုင် အားလုံးကို မတ်လ ကုန်ပိုင်းတွင် ပုဂ္ဂလိကကုမ္ပဏီ ၁၆ ခုသို့ လွှဲပြောင်း ရောင်းချပြီး ဖြစ်ရာ ကျန် ပုဂ္ဂလိက ဆီဆိုင်များမှာလည်း မကြာမီ ထပ်မံ ပေါ်ထွက် လာတော့မည် ဖြစ်ကြောင်း ကိုယ်တိုင် ပုဂ္ဂလိက စက်သုံးဆီဆိုင် ဖွင့်လှစ်ရန် စီစဉ်နေသော လုပ်ငန်းရှင်တချို့ ပြောကြားခဲ့ကြောင်း ၂၀၁၀ ခုနှစ် ဧပြီလ နောက်ဆုံးပါတ်ထုတ် 7 Day News ဂျာနယ်တွင် ဖော်ပြထားပါသည်။

သံဃာတော်တွေကိုသွေးမြေကျအောင်ခိုင်းစေခဲ့တရားခံ အကြင်လင်မယားကသာသနာတော်ဆိုင်ရာဘွဲ့တံဆိပ်တော် များကိုဆက်ကပ်လှူဒါန်းပွဲပြုလုပ်သေးတာဘဲ...

ဘုရားသားတော် သံဃာတော်များကိုယခု လိုသွေးစွန်းအောင် ကိုယ်ထိလက်ရောက်စော်ကားမှုတွေကို ပြုလုပ်ခိုင်းတဲ့တရားခံ အကြင်လင်မယားအမျိုးယုတ်ဦးသန်းရွှေနှင့် ဒေါ်ကြိုင်ကြိုင်တို့က သာသနာတော်ဆိုင်ရာ ဘွဲ့တံဆိပ်တော်များကိုဆက်ကပ် လှူဒါန်းပွဲကို ပြုလုပ် သေးတာဘဲ တော်တော်ပြောင်တဲ့ မျက်နှာတွေပါဘဲ...။

ှ

မလေးရှားနိုင်ငံကလန်တန်းပြည်နယ်တန္တာမေရ လူဝင်မှုစခန်းထဲတွင်ဖမ်းဆီးထိမ်သိမ်းခံနေဆဲ မြန်မာကလေးငယ် ၆ ဦးတို့အားလူကုန်ကူးသူများက အမျိုးမျိုးပြောဆို

မလေးရှားနိုင်ငံ ကလန်တန်းပြည်နယ် တန္တာမေရ လူဝင်မှုစခန်း ထဲတွင် ဖမ်းဆီး ထိမ်သိမ်း ခံနေဆဲ ဖြစ်သော မြန်မာ ကလေးငယ် ၆ ဦးတို့ အား လူကုန် ကူးသူများ က ခြ်ိမ်ခြောက် ပြောဆို သလို ချော့မော့ ပြောဆိုခြင်း ရှိနေကြောင်း သိရှိ ရသည်။ ယမန်နေ့က ဖမ်းဆီး ထိမ်းသိမ်း ခံထားရသူများ အနက် အသက် အကြီးဆုံး ဖြစ်သည့် ၁၄ နှစ် အရွယ် မင်းယုစန်းအား မလေးရှားမှ လူကုန် ကူသူ များက ဖုန်းဆက် လာခဲ့သည်။ “ကျနော်ကို ကျော်သူလင်းရဲ့ သူဌေး မဲလုံး က ဖုန်းဆက် လာတယ်၊ နင်တို့ သတင်းတွေ ၊ ဗမာပြည်က တီဗွီထဲ မှာရော၊ သတင်းစာ တွေမှာပါ ထွက်နေ ပြီတဲ့၊ ကျနော်တို့ အတွင်းထဲ ကနေ အပြင်ကို ဆက်သွယ် နေတာကို သူတို့ သိရှိ ထားပြီး ဖြစ်တယ်ပေါ့။ ကျနော် တို့ကို လာကယ် ထုတ်တဲ့ အဖွဲ့ တွေနဲ့ လိုက် မသွားနဲ့ လိုက်သွားရင် သူတို့ ရောင်းစား လိမ့်မယ် ဆို ပြီးတော့ ပြောပါတယ် ၊ ကျနော်တို့ သွားမယ် ဆိုရင် မြန်မာသံရုံးကို သူတို့ လေယာဉ် စရိတ် ပေးပြီး ပြန်ပို့ ပေးမယ် ဆိုပြီးတော့လည်း ပြောပါတယ်” ဟု မင်းယုစန်း က ပြောသည်။

အဆိုပါ ကလေးငယ်များ သတင်း အချက် အလက်များအား ပေးပို့ ကူညီနေသူ တစ်ဦးက“ ဒီကလေး တွေကို မြန်မြန် လွတ်မြောက် သွားစေ ချင်ပါတယ် ။ အစောင့် တွေက တစ်ဆင့် ကြားရ တာက အမျိုးသမီးဆောင်မှာ နေတဲ့ အသက် ၁၀ နှစ်အရွယ် မအေးမြထွေးကို လာမယ့် မေလ ၅ ရက်နေ့ မှာ အမျိုးသမီး တစ်ယောက် လာထုတ် မယ်လို့ ကြားတယ်။ နောက်ထပ်ပြီး ရောင်းစား ခံရမှာကို စိုးရိမ် ပါတယ်”ဟု ပြောသည်။

မင်းယုစန်းမှာ မူဆလင် တစ်ဦး ဖြစ်ပြီး ကျန်ကလေး ၅ ဦးတို့ မှာ ဗမာ ကလေးငယ်များ ဖြစ်ကြသည်။ ဘန်ကောက် အခြေစိုက် ထိုင်းနိုင်ငံရောက် မြန်မာ နိုင်ငံသားများ အသင်း နိုင်ငံခြား ဆက်ဆံရေး တာဝန်ခံ ဦးမျိုးနိုင်က “ ကျနော်တို့ အပူ တပြင်း ဆောင်ရွက် နေပါတယ် ။ မလေးရှားက လူ့အခွင့်အရေး လှုပ်ရှား သူတွေက တဆင့် လူ့အခွင့်အရေးဆိုင်ရာ ကော်မရှင်နာမင်းကြီးနဲ့ တိုက်ရိုက် ဆက်စပ် ဆောင်ရွက် နေပါတယ်။ မက် ဖေါင်ဒေးရှင်း ဒါရိုက်တာ တို့နဲ့ ညှိနှိုင်းပြီးတော့ ပေါ့လေ။ ကလေး မိဘတွေ ဘက်က ဘာမှ ဆက်သွယ် လာတာ မရှိတော့ မလေးရှားက ရှေ့နေ တို့ကိုပဲ ပြန်ပြီးတော့ ဘယ်လို လုပ်ရင် အဆင်ပြေ မလဲလို့ ပြန်တိုင်ပင် နေကြပါတယ်။ ဘာပဲ ပြောပြော ကလေးတွေ မကြာခင် လွတ်လာ ပြီးတော့ မိဘတွေ ဆီကို ပြန်ရောက်မယ်လို့တော့ မျှော်လင့် ပါတယ်” ဟုပြောသည်။

ကလေး တစ်ဦးချင်း စီတို့၏ ပြောပြချက် အရ လူကုန်ကူသူ များမှာ မူဆလင် ဘာဝင်များ ဖြစ်ပြီး အချို့ကို လေယာဉ် အချို့ကို ရန်ကုန်မှ ရထားများဖြင့် ကော့သောင်း သို့ ရောက်ရှိအောင် ခေါ်ဆောင် လာခဲ့ပြီး ကော့သောင်းမှ တဆင့် လက်ဆင့်ကမ်း လူကုန်ကူကာ မလေးရှား နိုင်ငံသို့ ရောက်ရှိ လာခဲ့ကြောင်း သိရှိ ရသည်။

မလေးရှားနိုင်ငံ တန္တာမေရ စခန်းတွင် ဖမ်းဆီး ခံနေရသည့် မြန်မာကလေး ၆ ဦး၏ အချက် အလက် များမှာ

စဉ်	အမည်	အသက်	ထောင်အမှတ်	မိဘအမည်	နေရပ်လိပ်စာ
၁	မအေးမြထွေး	၁၀ နှစ်	၅၃၃၂၆	ဦးဖိုးသိန်း ၊ ဒေါ်ကုလားမ	ဘုရားလမ်း ၊ ရွှေဘုံသာရပ်ကွက် ၊ မတ္တရာမြို့ ၊ မန္တလေးတိုင်း။
၂	ကျော်သူလင်း	၁၂ နှစ်	၅၃၅၄၆	ဦးဇော်လင်း၊ဒေါ်အေးမြစိန်	ဘုရားလမ်း ၊ ရွှေဘုံသာရပ်ကွက် ၊ မတ္တရာမြို့ ၊ မန္တလေးတိုင်း။
၃	တင်မျိုးထက်	၁၂ နှစ်	၅၃၃၂၉	ဦးဖိုးညီ၊ဒေါ်ခင်လေးရည်	ပျဉ်ပုံကြီးကျေးရွာ ၊ ကျောက်ကုန်းမြို့နယ် ၊ ဧရာဝတီတိုင်း။
၎	နေလင်းဦး	၁၂ နှစ်	၅၃၅၄၄	ဦးလွင်မြင့်၊ဒေါ်စန္ဒာဌေး	န၀ဒေးပတ်လမ်း ၊ ၇/ရပ်ကွက် ၊ လှိုင်သာယာ ၊ ရန်ကုန်တိုင်း။
၅	အောင်ကိုဝင်း	၁၂ နှစ်	၅၃၅၄၉	ဦးသာလှိုင်၊ဒေါ်မျိုးမျိုးစိန်	န၀ဒေးပတ်လမ်း ၊ ၇/ရပ်ကွက် ၊ လှိုင်သာယာ ၊ ရန်ကုန်တိုင်း။
၆	မင်းယုစန်း	၁၄ နှစ်	၅၃၅၄၅	ဦးယုလွင်၊ဒေါ်နုနုခင်	သက်ငြိမ်ရပ်ကွက် ၊ ဒလ ၊ အမက ၁၄ အနီး ၊ ရန်ကုန်တိုင်း။

သတင်း..ဟံသာဝတီ

လှိုင်မြို့နယ်ရှိ ငါးလုပ်ငန်း ကုမ္ပဏီတစ်ခု ကျပ် ၃၃၅သိန်း အခိုးခံရမှု သင်္ကြန်အကြတ်နေ့ကဖြစ်ပွား

လှိုင်မြို့နယ်ရှိ ငါးလုပ်ငန်း ကုမ္ပဏီတစ်ခုတွင် ဧပြီ ၁၆ရက် သင်္ကြန် အကြတ်နေ့က ငွေကျပ် ၃၃၅သိန်း အခိုးခံရ သည့် ဖြစ်ရပ်တစ်ခုဖြစ်ပွားခဲ့ကြောင်း ရန်ကုန် တိုင်း ရဲတပ်ဖွဲ့ရုံးမှ သိရသည်။


ဖြစ်စဉ်မှာ အဆိုပါငါးလုပ်ငန်းကုမ္ပ ဏီမှ အိမ်ရှင်သည် ယင်းနေ့နံနက် ၇နာရီ တွင် အိပ်ရာမှနိုးစဉ် နေအိမ်အတွင်း၌ မြွေ ရေခွံအိတ်ဖြင့်ထည့်ထားသည့် ကျပ် ၁၂၅ သိန်း အိတ်တစ်အိတ်၊ ကျပ်၂၄၅သိန်းအိတ် တစ်အိတ်နှင့် ကျပ်သိန်း၂၀၀အိတ်တစ်အိတ် တို့ကို ကြည့်ရှုရာ ကျပ် ၁၂၅သိန်းထည့်ထား သည့် အိတ်တစ်အိတ်နှင့် ကျပ်၂၄၅သိန်းထည့် ထားသောအိတ်မှာ ပျောက်ဆုံးနေကြောင်း တွေ့ရသဖြင့် နေအိမ်ဝန်းကျင် လိုက်လံရှာ ဖွေရာ အိမ်ရှေ့ခြံစည်းရိုးအနီး၌ ကျပ်၂၄၅ သိန်းထည့်ထားသည့်အိတ်တွင် ကျပ် ၃၅သိန်း သာကျန်ခဲ့ပြီး ကျပ် ၃၃၅သိန်းမှာ ပျောက်ဆုံး နေကြောင်းတွေ့ရှိရသဖြင့် ဘုရင့်နောင် ပိတောက်ချောင်းရဲစခန်းသို့ တိုင်ကြားထား သည်ဟု သိရသည်။


အဆိုပါအမှုကို ပိတောက်ချောင်း ရဲစခန်းမှ ပ^၁၀၁^၁၀ ပြစ်မှုဆိုင်ရာဥပဒေ ပုဒ်မ ၃၈၀ဖြင့် အမှုဖွင့် စစ်ဆေးလျက်ရှိ ကြောင်း သိရသည်။

သတင်း...YMG

လွိုင်ကော် ရဲစခန်း၌ ဗုံးပေါက်ကွဲ၍ လူတဦး သေဆုံး ရဲစခန်းအားယာယီပိတ်ထား

ကရင်နီပြည် လွိုင်ကော်မြို့ (သီရိဒေါ) နာရီစင်အောက်မှ ရဲစခန်းတွင် ယနေ့နံနက် ၁၀ နာရီခွဲ အချိန်၌ ဗုံးတလုံး ပေါက်ကွဲ၍ လူတဦး သေဆုံးသွားခဲ့သည်ဟု မြို့ခံတဦးက ပြောသည်။

တောင်ဈေးထဲ၌ ဗုံးထောင်ရန် ကြိုးစားနေသူ လူ ၂ ဦးကို ရဲများက ရိပ်မိသွား၍ ဖမ်းဆီးရမိကာ ရဲစခန်းသို့ ခေါ်ဆောင်သွားပြီး၊ ဖမ်းမိသော ထိုလူနှစ်ဦးအနက် တဦးမှာ ၎င်းနှင့်အတူ ဗုံးတလုံး ပါလာသေးသောကြောင့် ရဲစခန်း၌ ပေါက်ကွဲပြီး သေဆုံးသွားခဲ့ခြင်း ဖြစ်သည်။

“လွိုင်ကော်မှာ တခါမှ မဖြစ်ဖူးဘူး။ စောစောက နေ့လည် ၁၀း၃၀ လောက်မှာ လူနှစ်ယောက်ကို တောင်ဈေးထဲမှာ မိုင်းထောင်ဖို့ လုပ်နေ တော့ ရဲတွေက မိသွားတယ်။ အဲဒါ အဲဒီလူကို ရဲစခန်းခေါ်သွားတော့ သူ့ဆီမှာ ဗုံးတလုံး ပါသေးတော့ ရဲစခန်းမှာ ကွဲသွားတယ်တဲ့။ ဘယ်နှစ်ယောက် သေလဲတော့ မသိဘူး” ဟု လွိုင်ကော်မြို့ခံက ပြောသည်။

ဗုံးပေါက်ကွဲမှုကြောင့် ၎င်းနှင့်အတူ ပါလာသော ဗုံးပိုင်ရှင်တဦးမှာ သေဆုံးသွားသော်လည်း သူ့အဖော်တဦးက ပြန်လည်ထွက်ပြေး လွတ်မြောက်ကြောင်း၊ အခြားသူများ မည်မျှ ထိခိုက်ဒဏ်ရာ ရရှိသည်ကို အတိအကျ မသိရှိရသေးကြောင်း ဆိုသည်။

လွိုင်ကော်မြို့ခံတဦးက “တစ်ယောက်က သေသွားတယ်။ တစ်ယောက်က လွတ်သွားတယ်လို့ ပြောတယ်။ အခုထိ သွားတာက ရဲတွေပဲ။ ရဲစခန်းမှာဆိုတော့ ဘယ်နှစ်ယောက်လဲ မသိသေးဘူး” ဟု ပြောပါသည်။

ဗုံးပေါက်ကွဲပြီးနောက် အခင်း ဖြစ်ပွားသည့် လွိုင်ကော်မြို့ ရဲစခန်းသည် ယခုလောလောဆယ်တွင် ယာယီပိတ်ထားကြောင်း မြို့ခံများ ပြောပြချက်အရ သိရသည်။

သတင်းရင်းမြစ်.....ကန္တာရဝတီတိုင်း(မ်)

ရန်ကုန်-နေပြည်တော် လေကြောင်းခရီးစဉ် ပုဂ္ဂလိကလေကြောင်းလိုင်းများ ပျံသန်းပြေးဆွဲခြင်း မပြုတော့

ရန်ကုန်-နေပြည်တော် လေကြောင်းခရီးစဉ်ကို ပုဂ္ဂလိကလေကြောင်း လိုင်းများ ပျံသန်းပြေးဆွဲခြင်းမပြုတော့ကြောင်း လေယာဉ်လက်မှတ်အရောင်းဌာနများမှ စုံ စမ်းသိရသည်။

အဆိုပါခရီးစဉ်ကို လေကြောင်း လိုင်းများ ပျံသန်းခြင်းမပြုတော့သည်မှာ ရန်ကုန်-မန္တလေး အမြန်ကားလမ်းမကြီးပေါ် ထွန်းလာခြင်းကြောင့် ခရီးသည်များအနေဖြင့် လေကြောင်းလိုင်းအစီးနည်းပါးသွားပြီး ယင်း ခရီးစဉ်ကို Express ကားများဖြင့်သာ သွား ရောက်မှုများပြားလာသည်ဟု သိရသည်။

"နေပြည်တော်ခရီးစဉ်ကို ပုဂ္ဂလိက လေကြောင်းတွေကမပျံသန်းတာ သုံး၊ လေး လရှိပါပြီ။ ကားလမ်းပေါက်ပြီးကတည်းက သွားချင်တဲ့ခရီးသည်တွေ ခရီးသည်တင်ကား တွေနဲ့ပဲ သွားကြတာများတယ်။ ဒီနှစ်သင်္ကြန် မှာလဲ ခရီးသည်မရှိသလောက်ပါဘဲ။ လေ ယာဉ်နဲ့ဆိုရင်ဈေးကြီးပြီး အခုကားနဲ့က လွယ် ကူနေတော့ Express ကားကြီးတွေပဲ အလုပ် ဖြစ်နေတယ်လေ"ဟု Seven Diamond ပြည်တွင်းပြည်ပလေယာဉ်လက်မှတ်အရောင်း ဌာနမှတာဝန်ရှိသူတစ်ဦးက ဆိုသည်။

ယင်းရန်ကုန်-နေပြည်တော်ခရီး စဉ်ကို အဲပုဂံ၊ အဲမန္တလေး၊ ရန်ကုန်အဲဝေး အစ ရှိသည့် ပုဂ္ဂလိကလေကြောင်းလိုင်းများက ယခင်ကပျံသန်းမှုပြုခဲ့ပြီး ယခုအခါ မြန်မာ့ လေကြောင်းလိုင်းတစ်လိုင်းတည်းသာ နေ့စဉ် ပုံမှန်ပျံသန်းပေးလျက်ရှိသည်ဟုသိရသည်။

သတင်း...YMG

အံ့ဖွယ်လူသားဟုဆိုနိုင်လောက်သော လူခြောက်ကလေး၏ ရှင်ပြုအလှူပွဲတစ်ခု ကချင်ပြည်နယ် မိုးညှင်းတွင် ပြုလုပ်

လူခြောက်ဟုဆိုသည်နှင့် မြန်မာတို့၏လူမှုရေးနယ်ပယ်တွင် စိတ်ဝင်စားဖွယ်ဖြစ်ကြရသည်။ လူ ခြောက်ကလေးမွေးတယ်ဟုဆိုသည်နှင့် လူခြောက်မွေးဖွားသောအိမ်မှာ စီးပွားရေးအလားအလာ ရွှေတောင် တက်ခဲ့ရသည်ဟု ကြားဖူးနားဝရှိကြသည်။

လူခြောက်၏ဖြစ်စဉ်မှာ ၀ိညာဉ်ပိုင်းဆိုင်ရာသုံးနှုန်းမှုများတွင် 'အ၀ိ ညာဏက'ဟု ခွဲခြားသတ်မှတ်ရမည့်ဟန်ရှိသည်။ ယခုတွေ့ရှိရသော လူခြောက်ကလေးမှာ လူ့သက်တမ်း ဆယ်နှစ်အရွယ်ရှိနေပြီဖြစ်သော မောင်ငြိမ်းချမ်းဝင်းအမည်ရသူဖြစ်သည်။

ယခုနှစ်မတ်၏ လကုန်ရက်ပိုင်း၌ ကချင်ပြည်နယ် မိုးညှင်းမြို့ပေါ်၌ရှိသော ပညာရောင်ခြည်ပျော်ဖွယ်စာသင်တိုက်၌ သားရှင်ပြုအလှူပွဲတစ်ခုနှင့် ကြုံကြိုက်ခဲ့ရသည်။ မိုးညှင်းမြို့ ပျော်ဖွယ်ရပ်ကွက်နေ ဦးမင်းနိုင်၊ ဒေါ်မမကြီးတို့၏ ရင်သွေးအငယ်ဖြစ်သူ မောင်ငြိမ်း ချမ်းဝင်းမှာ သာမန်မနုဿလူဟုပြော၍မရသော လူခြောက်ဟုအခေါ်ခံရသူဖြစ်သည်။


ထိုလူခြောက်ကလေး မောင်ငြိမ်းချမ်းဝင်းအား မိဘနှစ်ပါးတို့က သင်္ကန်းပရိက္ခရာ စုံလင်စွာဖြင့် သားရှင်ပြုအလှူပွဲကြီးပြုလုပ်ခဲ့သည်။ ပညာရောင်ခြည်စာသင်တိုက်တွင်ရှိနေသော စာသင်စာချသံဃာအပါး ၁၀၀ကျော်တို့အား ဆွမ်းကပ်၍ အလှူ ကြီးပေးခဲ့သော ပဗ္ဗဇ္ဇမင်္ဂလာပွဲဖြစ်သည်။ မောင်ငြိမ်းချမ်းဝင်းအား ရှင်သာမဏေပြုပေးရာ၌ သံဃာတော် ကိုးပါးတို့ကိုပင့်၍ သင်္ကန်းနှင့်လှူဖွယ်ဝတ္ထုပစ္စည်းများ လှူဒါန်းခဲ့သည်။


လူခြောက်ကလေးမောင်ငြိမ်းချမ်းဝင်း၏ ရှင်သာမဏေဘွဲ့တော်မှာ ရှင်ရာဏိန္ဒဟု ကျောင်းထိုင်ဆရာတော် ဦးပညောဘာသက အမိန့်ရှိ၏။ အရပ် ကိုးလက်မ၊ ရင်အကျယ်သုံးလက်မအရွယ်ရှိသော မောင်ငြိမ်းချမ်းဝင်း၏ ထူးကဲသော ရှင်ပြုပွဲကို ကြားသိရသူ အပေါင်းက စိတ်ဝင်တစားဖြစ်နေခဲ့ကြသည်။ ၂၀၀၁ခုနှစ် ဇန်န၀ါရီ ၁ရက်က မွေးဖွားလာခဲ့သော မောင်ငြိမ်း ချမ်းဝင်းမှာ သားသမီးကိုယ်၌ အငယ်ဆုံးဟုသိရသည်။


သတင်း....YMG