အစ်မက လိမ်ပြောတာကိုး ဆိုတဲ့ ဗိုလ်ချုပ်အောင်ဆန်း

၁၉၄၂-ခုနှစ်က ဗမာနိုင်ငံမှ ဗြိတိသျှတပ်များ ဆုတ်ခွာသွားကြပြီးနောက် ၁၉၄၃-ခုနှစ်ကုန်နှင့် ၁၉၄၄-နှစ်ဆန်းမှ စ၍ အိန္ဒိယနယ်စပ် မှတစ်ဆင့် ဗမာနိုင်ငံအား ပြန်လည်သိမ်းယူရန် တန်ပြန်ထိုးစစ်ဆင်ရာတွင် အဓိကတာဝန် ယူရသော ဗြိတိသျှအမှတ်(၁၄)တပ်မတော်၏ သေနာပတိ ဗိုလ်ချုပ်ကြီး (နောက်ပိုင်း'' ဖီးလ်မာရှယ်'' ခေါ်ဗိုလ်ချုပ်မှူးဖြစ်လာသူ) ဆာဝီလျံဆလင်း (Sir Willliam Slim )သည် ဗိုလ်ချုပ်အောင်ဆန်း အား လုံးဝအထင်မကြီးရုံမက ဗိုလ်ချုပ်၏ ဗမာ့တပ်မတော်တစ်ခုလုံးကို အထင်သေးခဲ့ သူ ဖြစ်ပါသည်။

လှိျု့ဝှက်သတင်းပို့ အစီရင်ခံ ရာတွင်-''အောင်ဆန်း၏ တပ်မှ လူအများစုသည် ပညာအရည်အချင်းမရှိသူများ၊ အလုပ်လက်မဲ့ လူပေလူတေများ၊အဆင့်အတန်းမရှိသူများသာ ဖြစ်သည်။ အရာရှိဆိုသူများ ကိုယ်တိုင်ကပညာတတ်များ မဟုတ်၊ တပ်ပုံစံကလည်းစည်းကမ်းစနစ် မရှိသဖြင့် စိတ်မချရ''စသည်ဖြင့် မဟုတ်မမှန် ဖြစ်က တတ်ဆန်း သတင်းများသာ ပို့ခဲ့လေရာ ဗိုလ်ချုပ်ကြီး ''ဆလင်း''အနေဖြင့် ဗမာ့တပ်မတော်နှင့်တကွ ဗိုလ်ချုပ်အောင်ဆန်းကို အထင်မကြီးခဲ့ခြင်းဖြစ်သည်။ သူသည် စစ်မဖြစ်မီက ဗမာနိုင်ငံရေးအခြေအနေနှင့် ၁၉၃၆-ခုနှစ် တက္ကသိုလ်သပိတ်မှတစ်ဆင့် မွေးဖွားပေါ်ပေါက်လာသူ ''အောင်ဆန်း'' အမည်ရှိ လူငယ်ခေါင်းဆောင် ၏ထူးချွန်ထက်မြက်မှု အကြောင်းများကို လေ့လာခဲ့သူလည်း မဟုတ်ကြောင်း ''တပ်ဖွဲ့ ၁၃၆''၏မဟုတ်မမှန် ထောက်လှမ်းရေးသတင်းများကိုသာ အခြေပြုလျက် ဗိုလ်ချုပ်အောင်ဆန်းအား အထင်သေးခဲ့ခြင်းဖြစ်လေသည်။

ထို့ပြင် ဗမာ့တပ်မတော် သေနာပတိ ဗိုလ်ချုပ်အောင်ဆန်းနှင့် အရှေ့တောင်အာရှ မဟာမိတ်တပ်ပေါင်းစုသေနာ ပတိချုပ် ရေတပ်ဗိုလ်ချုပ်ကြီး ''မောင့်ဘက်တင်''၏ ဌာနချုပ်တို့ လှျို့ဝှက်အဆက် အသွယ်ရရှိကြောင်းကို လည်း စောစောပိုင်းက ဗိုလ်ချုပ်ကြီး ''ဆလင်း'' သည် မသိခဲ့ချေ။

သို့ရာတွင် သူ့အထက်မှ အကြီးအကဲတပ်ပေါင်းစု သေနာပတိချုပ်ကြီးက ၁၉၄၅ ခုနှစ်တွင်-ဗမာပြည်တွင်း မှ အောင်ဆန်းနှင့် တွေ့ဆုံဆွေးနွေးပါ။ အောင်ဆန်းနှင့် သူ၏တပ်များ ကူညီပူးပေါင်းမှုရမှသာလျှင် ဂျပန်တပ်များကို ထိရောက်စွာတိုက်နိုင်မည်'' ဟု ညွှန်ကြားလိုက်သဖြင့် ဗိုလ်ချုပ်ကြီး ''ဆလင်း''သည်စိတ်မပါ့ တပါဖြင့် ၁၉၄၅-ခုနှစ် မေလဆန်းတွင် သူ၏ ဗြိတိသျှ အမှတ် (၁၄) တပ်မတော်ဌာနချုပ်ရှိရာ မိတ္ထီလာမြို့ ၌ လက်ခံတွေ့ဆုံခဲ့ပါသည်။
........................................................................

ယင်းသို့ လူချင်းတွေ့ဆုံ စကားပြောပြီးချိန်မှစ၍ ဗြိတိသျှဗိုလ်ချုပ်ကြီး ''ဆလင်း''၏ ဗိုလ်ချုပ်အောင်ဆန်းအပေါ် ထင်မြင် ချက်သဘောတရား အကြီးအကျယ် ပြောင်းသွားခဲ့ပါသည်။

ဗိုလ်ချုပ်သည် ဗမာ့တပ်မတော်၏ မေဂျာဂျင်နရယ်လ်(ဗိုလ်ချုပ်) ယူနီဖောင်းဝတ်စုံအပြည့်အစုံ ၀တ်ဆင်သွားရာ ဂျပန် ဘုရင့်တပ်မတော်မှ ဗိုလ်ချုပ်တစ်ဦးနှင့် တူနေသဖြင့် ရှေးခေတ် ''ဆရာမူရိုင်း'' ခေါ် ဂျပန် သူရဲကောင်းတို့၏ ဆောင်ဓားတစ်လက်ကိုပါ ခါးတွင်ချိတ်ဆွဲလျက် တည်ငြိမ်သော ဣနြေ္ဒနှင့် ဗြိတိသျှ စစ်ဌာနချုပ်အတွင်းသို့လျှောက်ဝင်သွားပုံကိုမြင်လျှင် အချို့အင်္ဂလိပ်အရာရှိများက ရုတ်တရက် အံ့အားသင့် သွားကြတော့သည်။ သို့သော်ချက်ချင်းပင် ဗိုလ်ချုပ်က ဗိုလ်ချုပ်ကြီး ''ဆလင်း''အား အင်္ဂလိပ်ဘာသာ ကျွမ်းကျင်ရည်မွန်စွာဖြင့် နှုတ်ဆက်စကား ပြော၍ ဗြိတိသျှ ဗိုလ်ချုပ်ကြီးက လည်း ပြုံးရွှင်စွာ ပြန်လည် စကားပြောကြတော့မှ အားလုံးနေသာထိုင်သာ ရှိသွားကြပါတော့သည်။

ဗြိတိသျှအမှတ် (၁၄) တပ်မတော်သေနာပတိ ဗိုလ်ချုပ်ကြီး ''ဆလင်း''သည် ''အောင်ဆန်း'' ဆိုသူအားမြင်မြင် ချင်းပင် တပ်မှူးကောင်းတစ်ဦးဟု အကဲခတ်မိသည့်အပြင် အင်္ဂလိပ်စကားကို အထူးကျွမ်း ကျင်စွာပြောနိုင်ပုံ၊ နိုင်ငံတကာရေးရာ၊ ကမ္ဘာ့စစ်မက်ရေးရာ အခြေအနေစသည်တို့ကို နိုင်ငံရေးသိပ္ပံပညာဆိုင်ရာ ဝေါဟာရ ကြွယ်ဝစွာဖြင့် ဆွေးနွေးပြော ဆိုနိုင်ကြောင့် စောစောက သူ့ထံရောက်လာသည့် ''ထောက်လှမ်းရေး တပ်ဖွဲ့၁၃၆''၏သတင်းပို့ အစီရင်ခံချက်များ လုံးဝ မဟုတ်မမှန်ကြောင်း ချက်ချင်းသဘောပေါက် သွားမိလေသည်။ထို့ကြောင့် စစ်ပြီးခေတ် ဗိုလ်ချုပ်ကြီး''ဆလင်း'' ကိုယ်တိုင်ရေး သားခဲ့သော ''အရှုံးမှအနိုင်သို့ FROM DEFEAT TO VICTORY ခေါ် စာအုပ်တွင် ဗိုလ်ချုပ်အောင်ဆန်း အကြောင်း အတိအလင်း ချီးကျူးရေးသား ခဲ့ပါသည်။

ယင်းစာအုပ်တွင် သူရေးခဲ့သော ဗိုလ်ချုပ်အောင်ဆန်းအကြောင်းများမှာ အတော်ပင်စုံလင်ပါသည်။ သို့သော် ဤဆောင်းပါးတွင် ကျွန်တော်တင်ပြလိုသည့် ဗိုလ်ချုပ်အောင်ဆန်းအကြောင်းနှင့် တိုက်ရိုက် သက်ဆိုင် သည့်ကောက်နှုတ်ချက်အချို့ကိုသာ ရွေးချယ်တင်ပြရန် ရည်ရွယ်ပါသည်။

ကျွန်တော်တင်ပြလိုသည့် အဓိကအချက်မှာ မကွေးတိုင်း၊ နတ်မောက်မြို့မှ ရှေ့နေ ဦးဖာ၊ ဒေါ်စုတို့၏ သား(စနေသားဖြစ်၍ ငယ်မည် မောင်ထိန်လင်းဖြစ်သော်လည်း) သူ၏အစ်ကိုလတ် ကိုအောင်သန်း အမည်နှင့်ကာရံညီစေရန် ''အောင်ဆန်း'' ဟု နာမည်ပြောင်းခဲ့သူ (နောက်ပိုင်း ဗမာ့လွတ်လပ်ရေး ဗိသုကာ ဗမာ့တပ်မတော်၏ဖခင် လူထုခေါင်းဆောင် ဗိုလ်ချုပ်အောင်ဆန်းဖြစ်လာသူ)၏ စိတ်နေစိတ်ထားဗီဇနှင့် ပင်ကိုယ်သဘာဝ စရိုက်အကြောင်း ဖြစ်ပါသည်။

ယင်းအကြောင်း ပေါ်လွင်စေရန် ဗြိတိသျှဗိုလ်ချုပ်ကြီး ''ဆာဝီလျှံဆလင်း'' ၏ ရေးသားချက်ကို ကျွန်တော်က အထောက် အထားအဖြစ်ကိုးကားလိုပါသည်။

''အောင်ဆန်းနှင့်ပတ်သက်၍ ကျွန်ုပ်အနေဖြင့် သူ့အားအထူးလေးစား အထင်ကြီးမိသော အရည်အချင်းကားသူ၏ ရိုးသားတည်ကြည်ဖြောင့်မတ်မှုပင် ဖြစ်သည်။ သူသည် စကားကို ပေါ့ပေါ့ဆဆ မပြော၊ အလွယ်တကူကတိပေးတတ်သူလည်း မဟုတ်။ သို့သော်တစ်စုံတစ်ခု လုပ်ပါမည်ဟု ကတိပေးပြီးလျှင်မူ မည်သို့ပင်ဖြစ်စေကတိတည်စွာ တကယ်လုပ်မည့်လူစားမျိုးဖြစ်ကြောင်း၊ ကျွန်ုပ် ယုံကြည်မိသည်။

ထို့ကြောင့် ကျွန်ုပ်စိတ်ထဲ၌ အောင်ဆန်းနှင့် အလုပ်လုပ်လျှင် ဧကန်မုချ အလုပ်ဖြစ်မည်ဟု ဆုံးဖြတ်လိုက်မိတော့ သည်။

ဤသို့လျှင် ဗြိတိသျှ ဗိုလ်ချုပ်ကြီး ''ဆာဝီလျှံဆလင်း'' သည်သူ၏စာအုပ်တွင် ဗိုလ်ချုပ်အောင်ဆန်းအကြောင်း တိကျ ပွင့်လင်းစွာ ရေးသားခဲ့ပါသည်။အထက်ပါ ကောက်နှုတ်ချက်မှ ဗိုလ်ချုပ်အောင်ဆန်း၏ ''ရိုးသား တည် ကြည် ဖြောင့်မတ်မှု'' ဆိုသည်မှာအင်္ဂလိပ် ဝေါဟာရ HONESTYကို ကျွန်တော်က အနီးကပ်ဆုံး ဘာ သာပြန် ဖော်ပြ လိုက်ခြင်း ဖြစ် ပါသည်။

ကျွန်တော်တို့လေ့လာအကဲခတ်၍ သိရှိထားသော ဗိုလ်ချုပ်၏ ပင်ကိုယ်သဘာဝစရိုက်နှင့်လည်း ကိုက်ညီဟပ်မိနေသဖြင့် ယင်းသို့ ဘာသာပြန်လိုက်ခြင်းဖြစ်ပါသည်။

အောက်တွင် ဆက်လက်ဖော်ပြလတ္တံသောဖြစ်ရပ်ဆိုလျှင် ၁၉၄၅ ခုနှစ်ကဗြိတိသျှဗိုလ်ချုပ်ကြီး ''ဆလင်း''၏ ဗိုလ်ချုပ် အောင်ဆန်း အပေါ်အကဲဖြတ်သုံးသပ်ချက်နှင့် ထပ်တူကဲ့သို့ဖြစ်နေခြင်းမှာ အံ့သြဖွယ်ရာ ပင်ကောင်းနေပါ တော့သည်။

..........................................................................................

''လူမှာ အရေးကြီးဆုံး ကိုယ်ကျင်တရားရယ်၊ အမှန်တရားကို မြတ်နိုးမှုရယ် ဒါပဲဖြစ်တယ်''ဤသို့လျှင် ဗိုလ်ချုပ်အောင်ဆန်းသည် တဖွဖွ ပြောလေ့ရှိသည်။ သူ၏ မိသားစုနှင့်တကွ တပည့်ရဲဘော်များအား ထပ်တ လဲလဲ မမောတမ်း၊ မပမ်းတမ်းပြောလေ့ရှိပါသည်။

စစ်ကြိုခေတ် တက္ကသိုလ်သမဂ္ဂတွင် တက်ကြွစွာ Character and love of Truth ပါဝင်လှုပ်ရှားခဲ့သော ကျွန်တော်တို့လို ကျောင်းသားဟောင်းတွေကိုတော့ သူ၏၀ါသနာအတိုင်း ဟု အင်္ဂလိပ်ဘာသာဖြင့်ပြောလေ့ ရှိသည်။ ဤသည်မှာ သူသည် အင်္ဂလိပ်ဘာသာကို အထူးကျွမ်းကျင်အောင် ကြိုးစားလေ့လာ ထားသူဖြစ်၍အခွင့်ရတိုင်း အင်္ဂလိပ်စကားလုံးဝေါဟာရများ သုံးတတ်ခြင်းပင်ဖြစ်သည်။အထူးသဖြင့် သူအလွန် တန်ဖိုးထားသော ''အမှန်တရား မြတ်နိုးမှု'' (Love of Truth )ကို ထပ်ဆင့်ရှင်းပြသည့်အနေဖြင့် အမှန်တရားကို အချိန်မရွေးပြောဝံ့ရန်၊ ပြောဝံ့တဲ့သတ္တိရှိရမယ်။

သတ္တိရှိအောင်လဲ ကြိုးစားလေ့ကျင့်ရမယ်''ဟု ကျွန်တော့်အား တစ်ခါက ဖြေခဲ့ဖူးပါသည်။သူကိုယ်တိုင်က လည်း သူသွန်သင်ဆုံးမသည့်အတိုင်း လက်တွေ့ကျင့်သုံးခဲ့ပါသည်။ ''မုသားမပါ လင်္ကာမချော'' ဟူသော ဗမာစကားရှိရာ အခြေအနေအရ လိုအပ်လျှင် ချွင်းချက်သဘော မုသားစကားပြောသင့်ပြောရမည်ဟု အဓိပ္ပာယ်ရှိသော်လည်း ဗိုလ်ချုပ်အောင်ဆန်းကတော့ ထိုစကားကို လက်ခံယုံကြည်ဟန် မရှိပါ။ သူသည်လိမ်ညာပြောခြင်းကို မကြိုက်သလို သူကိုယ်တိုင်လည်း လိမ်ပြောလေ့မရှိ အမှန်ကိုသာ ဘွင်းဘွင်းပြောတတ်သည်။

ဤအချက်ကို သူနှင့် တွေ့ဆုံသိကျွမ်းခဲ့သူ နိုင်ငံခြားသားများပင် သတိပြုမိကြပါသည်။ဤကား သူ၏ မွေးရာပါဗီဇ သို့မဟုတ် ပင်ကိုယ် သဘာဝစရိုက်ဟုဆိုရပါမည်။ ယင်းအချက်၏ အထောက်အထားအဖြစ် အောက်ပါဖြစ်ရပ်ကို ဇာတ်ကြောင်းပြန် တင်ပြလိုပါသည်။

..........................................................................

ဗိုလ်ချုပ်အောင်ဆန်းဖြစ်လာမည့် စနေသား ငယ်မည် ''မောင်ထိန်လင်း'' လေးနှစ်သားအရွယ်က ဖြစ်ပါသည်။ မိခင်ဒေါ်စု (အမေစု) သည် စီးပွားရေးလုပ်ငန်း ကျွမ်းကျင်ပြီး အရောင်း အ၀ယ် ကောင်းစွာ လုပ်ကိုင်တတ်သူဖြစ်သည်။ ဆန်စပါး ရောင်းဝယ်ခြင်းလည်း လုပ်သည်။ စပါးပေး နည်းဖြင့် ငွေလည်းချေး သည်။ အိမ်တွင်စပါးများဝယ်လှောင်ထားပြီး ကျေးလက်တောရွာများမှ လူများ အားတဆင့်ရောင်းသည့် အလုပ်လည်းလုပ်သည်။ တစ်နေ့ သ၌ တောမှ စပါးဝယ် သူများ ရောက်လာပြီး ဈေးစ ကားပြော နေ ကြစဉ် လေးနှစ်သား အရွယ်မောင်ထိန်လင်းခေါ် ''အောင်ဆန်း'' ကလေးသည် လှေကား အဆင်း အတက်နေရာ တွင် ဆော့က စားနေ သည်။

စပါးဝယ်သူများက ဈေးဆစ်ကြရာ မိခင်ကြီးဒေါ်စုက-''ကိုင်း-မင်းတို့ ဒါလောက်လိုချင်နေမှ ငါကပဲ လျှော့ပေး လိုက်မယ်။ ဒီစပါးကို ငါဝယ်တုန်းက ခြောက်ဆယ်ဈေးနဲ့ ၀ယ်ထားရတယ်။ ဒါပေမယ့် မင်းတို့ကိုငါးဆယ်ဈေးနဲ့ပေးလိုက်ပါမယ့်'' ဟုပြောလေရာ ထိုစကားကိုကြားလိုက်သူ အောင်ဆန်း(ထိန်လင်း) ကလေးက-''ဟာ အစ်မကလဲ မဟုတ်တာပြောရော့မယ်။ ဒီစပါးကို အစ်မက ငါးဆယ်ဈေးနဲ့ဝယ်ထားတာ ကျွန်တော်သိတယ်။ ဟုတ်တာပြောမှ ဥစ္စာပေါမယ်၊ လိမ်ပြောတာ မကောင်းဘူး''ဟု ခပ်တည်တည် ၀င်ပြောလိုက်သဖြင့် အားလုံးက ၀ိုင်းရယ်မောကြလေသည်။

ဧည့်သည်များ ပြန်သွားသောအခါ မိခင်ကြီးက သားငယ်ကိုအနီးသို့ခေါ်ယူ၍ ပေါင်တွင်းကြော ဆွဲလိမ်ရင်း''ဧည့်သည် တွေနဲ့ စကားပြောနေတုန်း လူကြီးတွေပြောတဲ့ စကားကြားမှာ မင်းက ဘာဖြစ်လို့ ၀င်ပြောရတာလဲ။ နောင် ကို ဒီလိုဝင်မပြောနဲ့'' ဟုဆုံးမရာ ထိန်လင်း ခေါ် အောင်ဆန်းကလေးသည် အလွန်နာကျင်သော်လည်းမငိုဘဲ-'အစ်မက လိမ်ပြောတာကိုး'' ဟု ကလေးအရွယ်နှင့် မလိုက်အောင် သူ၏ ယုံကြည်ချက်အတိုင်း ပြန်ပြောခဲ့ပါသည်။

(မှတ်ချက်။ ။ ဗမာနိုင်ငံ ကျေးလက်ဒေသအချို့ တွင် မိခင်ကို ''အမေ'' ဟု မခေါ်ဘဲ ''အစ်မ'' (အမေ)ဟုခေါ်လေ့ ရှိရာ ဗိုလ်ချုပ်အောင်ဆန်းတို့ မိသားစုတွင်လည်း မိခင်ကြီးဒေါ်စုအား သားသမီးများက ''အစ်မ'' ဟုခေါ် ခဲ့ကြ ပါသည်။ စာရေးသူ)

အထက်တွင် ဖော်ပြခဲ့သည့်အတိုင်း မိခင်ကြီးအား ''အစ်မက လိမ်ပြောတာ ကိုး''ဟု ပြောခဲ့ သူ လေးနှစ် သားမောင်ထိန်လင်းခေါ် အောင်ဆန်းကလေးသည်အရွယ်ရောက်ကြီးပြင်းလာ ၍နိုင်ငံ ခေါင်းဆောင်ကြီး ဖြစ်လာ သည့်တိုင်အောင် ကလေးဘ၀က အတွေး အခေါ်နှင့် ယုံကြည်ချက် ပြောင်းလဲမ သွားကြောင်း ကို သူကျောင်းသားခေါင်းဆောင်ဖြစ်လာ မှ တွေ့ဆုံသိ ကျွမ်းခဲ့ရသူ ကျွန်တော်တို့ အဖို့ အံ့သြမိကြပါသည်။

တစ်ဆက်တည်းမှာပင် သူတစ်ဖွဖွ ပြောလေ့ရှိသော ''လူမှာအရေးကြီးဆုံးက ကိုယ်ကျင့်တရားနဲ့ အမှန်တရား ကို မြတ်နိုးမှု ပဲ ဖြစ်တယ်'' ဟူသောစကားသည် ဗိုလ်ချုပ်ကလေးဘ၀မှစ၍ရှိသည့် အတွေး အခေါ်နှင့် ယုံကြည်ချက် တို့က ခိုင်မာပြင်းထန်စွာ ပဲ့တင်ရိုက်ခတ်ချက်ပင် ဖြစ်သည်ဟုလည်း သုံးသပ်ကောက် ချက်ချမိ ပါသတည်း။

စတိုင်သစ်မဂ္ဂဇင်း
ရေးသားသူ တက္ကသိုလ် နေဝင်း