အခု ကျွန်တော့်သူငယ်ချင်းတွေ အကုန်လွှတ်ပေး။ သမ္မတကိုကန်တော့ပြမယ်။

ဇာဂနာနှင့် တွေ့ဆုံခြင်း

လူရွှင်တော်ဟာသသရုပ်ဆောင် ဇာဂနာ(ခ) ဦးသူရမှာ ၂၀၀၈ ခုနှစ်ဇွန်လက ပုဒ်မ ခုနစ်ခုနှင့် ထောင်ဒဏ် ၅၉ နှစ် ချမှတ်ခံခဲ့ရပြီး ၂၀၁၁ ခုနှစ်၊ အောက်တိုဘာလ ၁၂ ရက်တွင် သမ္မတ၏ လွတ်ငြိမ်းချမ်းသာခွင့်ကြောင့် မြစ်ကြီးနားထောင်မှ ပြန်လည်လွတ်မြောက်လာသည်။ ဇာဂနာမှာ နိုင်ငံရေး လှုပ်ရှားမှုကြောင့် ထောင် လေးကြိမ်ကျခံခဲ့ရပြီး အနုပညာလုပ်ကိုင်ခွင့်ကိုလည်း အကြိမ်ကြိမ်ပိတ်ပင်ခံခဲ့ရသူတစ်ဦးဖြစ်သည်။၎င်းင်းလွတ်မြောက်လာပြီး သုံး ရက်မြောက်ဖြစ်သော အောက် တိုဘာ ၁၄ရက် တွင် ၎င်းင်း၏နေအိမ်၌ တွေ့ဆုံမေးမြန်းထားသည်များမှ စာဖတ်သူများအတွက် ကောက်နုတ်ဖော်ပြလိုက်ပါသည်။



မေး- ထောင်လေးခါကျတဲ့အ ထဲမှာ ဒီတစ်ကြိမ်က နေရထိုင်ရတာ အခြေအနေအတော်ကြီး ကောင်းမွန်လာတယ်လို့ ပြောထားပါတယ် ဘယ်လိုအခွင့်အရေးတွေ ရရှိခဲ့လို့ပါလဲ။

ဖြေ- ကျွန်တော် ၁၉၉၄ ခုနှစ်အထိ ထောင်ထဲမှာနေခဲ့ရတဲ့အချိန်က မြေကြီးပေါ်မှာ လမ်းလျှောက်ခွင့် လုံးဝမရှိခဲ့ဘူး။ အခု ကျွန်တော် မကြီးပေါ်မှာ တစ်နေ့ ၁၂ နာရီ လောက်လမ်းလျှောက်ခွင့်ရတယ်။ ၁၉၉၄ တုန်းက ထောင်ထဲမှာ ဓရဏပရိတ်သုတ်ဘုရားစာအုပ်လေး မိတာတောင် သံခြေကျင်းခတ်ခံရတယ်။ အခု ကျွန်တော်တို့ ထောင်ထဲမှာ သတင်းစာနဲ့ဂျာနယ်တွေဖတ်ခွင့်ရတယ်။ ယုတ်စွအဆုံး အခု ထွက်မလာခင်လေးမှာ ကစ်ဆင်းဂျားရဲ့ On China ဆိုတဲ့ စာအုပ်ကို ဖတ်ခွင့်ရတယ်။ စာဖတ်ခွင့်ရတာကိုက တိုးတက်လာတာပဲ။ နောက်ပြီး ပတ္တမြားအက်ဖ်အမ်နားထောင်ခွင့်ရလာတယ်။ တီဗီတောင်ကြည့်လို့ရတယ်။ ဒါတွေက အရင်တုန်းကဆို အိပ်မက်တောင် မက်ခွင့်မရှိခဲ့တာတွေ။ အခုလိုတွေ ဖြစ်လာဖို့ အရင်က လူတွေအများကြီးရင်းခဲ့ရတယ်။ အရင်ကနဲ့ယှဉ်ရင် အခုအခြေအနေက ထောင်ကျနေတာနဲ့တောင် မတူတော့ဘူး။ ဓမ္မာရုံရောက်နေသလိုပဲ။

မေး- ဦးအထဲမှာ ရှိနေတဲ့သုံးနှစ်တာကာလအတွင်း မီဒီယာတွေရဲ့ ရေးသားဖော်ပြမှုတွေအပေါ်မှာ တကယ့်အပြောင်းအလဲဖြစ်လာပြီလို့ မြင်ပါသလား။

ဖြေ- ဗိုလ်ချုပ်အောင်ဆန်းတွေ အများကြီးထွက်လာတယ်။ ဒါက အပြောင်းအလဲဘက်ကိုဦးတည်လာတယ်လို့ကျွန်တော်ယုံယုံကြည် ကြည်ပြောရမှာပေါ့။ ဒီထက်ပိုပြီး တိုးတက်ဖို့တော့လိုသေးတယ်။ ဥပမာ ကျွန်တော်ထောင်ထဲမှာ ဖတ်ရတဲ့ ထုတ်တင် တင်ထုတ်ကိစ္စမျိုးတွေ မရှိသင့်တော့ဘူး။ အဲဒါမရှိရင် ပိုပြီးပြောင်းလဲတယ်လို့ ပြောရမယ်။ ဘာမှတင်ပြီး ထုတ်မနေနဲ့တော့။ ကိုယ်လုပ်တဲ့ဟာ ကိုယ်တာဝန်ယူတယ်။ ဖြစ်လာရင်ကိုယ်ရှင်းမယ်။ ပိုမကောင်းဘူးလား။ စာပေစိစစ်ရေးဆိုတာ မထားနဲ့တော့။ လွတ်လပ်ရေးမရှိဘဲနဲ့ ဘယ်သူက လွတ်လပ်ရေး ကိုကာကွယ်မှာလဲ။ ဒီလိုပဲ ဂျာနယ်တွေဆိုလည်းလွတ်လပ်ခွင့်ပေးမှ ကာကွယ်မှာပေါ့။ ခင်ဗျားတို့တိုက်လို တစ်ပတ်ကိုဂျာနယ်လေးစောင် ထုတ်နေတဲ့တိုက်က ဘာကြောင့် သတင်းစာမထုတ်နိုင်ရမှာလဲ။ ပုဂ္ဂလိကသတင်းစာဆိုတာ ရှိကို ရှိရမယ်။ လိုကိုလိုတယ်။ စတုတ္ထ မဏ္ဍိုင်ဆိုတာ စကားနဲ့ပဲပြောနေလို့မရဘူး။ တကယ်လုပ်ပြမှဖြစ်မှာ။

မေး- အကျဉ်းကျနေချိန်အတွင်း ဦးဖတ်ခဲ့ရသမျှ ဂျာနယ် ၁၃ စောင်ထဲမှ မှတ်မှတ်ရရအဖြစ်ဆုံး သတင်း၊ ဆောင်းပါးဆိုရင် ဘယ် ဟာတွေကိုပြောချင်ပါသလဲ။

ဖြေ -ဆောင်းပါးကတော့ ဆဲဗင်းဒေးမှာပါတဲ့ လီလီပေါ့။ သတင်းထဲမှာတော့ အလဲဗင်းအချပ်ပိုမှာထည့်တဲ့ မြစ်ဆုံကို ဦးဇော်မင်းပြောထားတာကို ပညာရှင်တွေရဲ့အသံနဲ့ တုံ့ပြန်ထည့်ထားတာပေါ့။ နောက်ဆုံးထောင်က ထွက်လာတဲ့အချိန်ထိ အမှတ်ရဆုံးပဲ။ လီလီပန်းဆောင်းပါးဆိုဖတ်ပြီး ကျွန်တော်အကြာကြီးပဲငိုင်သွားတယ်။ သူ့ဆီကကျွန်တော် ရလိုက်တာတွေအများကြီးပဲ။ ကျွန်တော့်ကို ၁၉၈၈ မှာ ထောက်လှမ်းရေးတပ်က ဖမ်းပြီး ထိုးကြိတ်ခဲ့တာတွေ ကျွန်တော့်ကိုမေ့ပါဆိုရင် ကျွန်တော်ဘယ်မေ့လို့ရမလဲ။ အေး ဒါဆို လက်စားချေဆိုမလားဆိုရင် လက်စားမချေတော့ပါဘူး။ အငြှိုးတွေ၊ အာဃာတတွေကိုဘာလုပ်မှာလဲ။ မေတ္တာတရားကို ရလိုက်တယ်။

မေး-၂၀၀၈ ခုနှစ်က အဖမ်းခံရပြီး ပြစ်ဒဏ်ချခံခဲ့ရတဲ့ ပုဒ်မတွေအပေါ် ဘယ်လိုများ တုံ့ပြန်ပြောကြားလိုပါသလဲရှင့်။

ဖြေ-ကျွန်တော့်ကို အီလက်ထရောနစ်ဥပဒေအရ တစ်မှုကို ၁၅ နှစ်နဲ့ သုံးမှု ၄၅ နှစ်ချလိုက်တယ်။ အဲဒါကလည်း ဖြစ်သင့်လား မဖြစ် သင့်လားဆိုတာတောင် နားမလည်တော့ပါဘူး။ ရှင်းရှင်းပြောရရင် အပြင်မှာမမြင်ချင်လို့ကို ထည့်လိုက်တာ။ ကျွန်တော်နဲ့အောင်ဒင်နဲ့ အီးမေးလ်ပို့တယ်။ ကျွန်တော်က နောက်တစ်ယောက် ကိုစေတနာနဲ့ ရော့ဟေ့အောင်ဒင် ရေးတဲ့စာဖတ်လိုက်ပါဦးလို့ ဖော် ၀ပ်မေးလ်ပို့လိုက်တယ်။ ကျွန်တော်ဖော်ဝပ်လုပ်ပေးလိုက်တဲ့လူက အဖမ်းခံရတော့ ကျွန်တော့်ကိုလာဖမ်းတယ်။ ဘယ်သူ့ကိုမှ အပြစ်တင်ပြောတာမဟုတ်ဘူး။ ဒါလောက်လေးနဲ့တော့ ၁၅ နှစ်ချတာဘာလုပ်မှာလဲ။ တိုင်းပြည်ပြင်ပရောက်နေတဲ့ NLD LA ပုဂ္ဂိုလ်များ၊ အောင်ဒင်ဆို USCB၊ မိုးသီးဇွန်တို့ဆို ကျွန်တော့်သူငယ်ချင်းတွေလေ။ သူငယ်ချင်းချင်း အီးမေးလ်နဲ့ဆက်သွယ်တာ။ တယ်လီဖုန်းပြောနေကြတာ။ နာဂစ်ကြီးဖြစ်တော့ သူတို့လှူချင်ပါတယ်။ သွားလှူပေးပါပြောတာကို ကျွန်တော်လုပ်ပေးရတာပေါ့။ ဒါလည်း ၁၇ နှစ်တဲ့။ တောတွင်းလက်နက်ကိုင်ပြစ်မှုကြီးကျနေတာပဲ။ ကဲ ချပါကွာလို့ သာ နေလိုက်တော့တယ်။ နောက်အရမ်းထူးဆန်းတာရှိသေးတယ်။ ရုပ်ရှင်သမားက ဗီဒီယိုအက် ဥပဒေနဲ့ ထောင်ချခံရတာ။ နာဂစ်ဖြစ်တဲ့ဆီကိုသွားတော့ ရေထဲကအလောင်းတွေ၊ အပျက်အစီးတွေ ရိုက်လာတာကိုသူတို့ကပြပြီး ဆင်ဆာခွင့်ပြုချက်မရထားလို့တဲ့။ ဆင်ဆာရုံးကတစ်ယောက် သက်သေလာတယ်။ ကျွန်တော်က တရားရုံးမှာ ပြန်မေးတယ်။ ဒွေးသေတော့ ဒွေးအသုဘခွေဆင်ဆာတင်လားလို့။ ဦးသန်းရွှေသမီးမင်္ဂလာဆောင်ခွေ ဆင်ဆာတင်လားလို့။ နာဂစ်တိုက်နေတာကို ခဏရပ်ထားဦး ငါဆင်ဆာသွားတင်ဦးမယ်ဆိုရင် မုန်တိုင်းက ရပ်ပေးမလားလို့မေးတော့ သူတို့ဘက်ကရှေ့နေက မဆိုင်တာတွေ မပြောပါနဲ့ဘာညာထလုပ်ရော။ တစ်တိုင်းပြည်လုံး ဆင်ဆာမဲ့ခွေတွေ ရိုက်သတ်လို့မကုန်တာတော့ မိအောင်မဖမ်းဘဲနဲ့ ဒီမုန်တိုင်းခွေကျတော့ ဆင်ဆာမဲ့တဲ့။ အဲဒါက သုံးနှစ်။ နောက်တစ်မှုက ၅၀၅ (ခ) နဲ့ အစိုးရကို အကြည်ညိုပျက်အောင်ပြောဆိုမှုတဲ့။ အဲဒါလည်း ပြောမိလားမသိဘူး။ မပြောမိဘူးလို့ထင်တာပဲ။ (ရယ်လျက်) နောက်ပုဒ်မက ၂၉၅၊ သာသနာတော်ညှိုးနွမ်းစေမှုတဲ့။ ကြေးသွန်းဘုရားကြီးမှာ ဘုန်းကြီးတွေကို ဆွမ်းကပ်တယ်။ ဗုဒ္ဓဘာသာ တစ်ယောက်အနေနဲ့ ဘုန်းကြီးတွေကိုဆွမ်းကပ် တာဖမ်းခံရတယ် ဆိုရင်မဖြစ်သင့်ဘူးလေ။ အဲဒီနှစ်မှုပေါင်းက လေးနှစ်ချခံရတယ်။

မေး- ဦးကို အာဏာပိုင်တွေက ၂၀၀၉ ဖေဖော်ဝါရီမှာ ပြစ်ဒဏ် စုစုပေါင်း ၅၉ နှစ်ကနေ ၂၄ နှစ်ကိုလျှော့ချပေးလိုက်တာက ဦးက အယူခံတင်လိုက်လို့လား။

ဖြေ- ဟုတ်ပါတယ်။ ကျွန်တော့် ညီမတွေက ကျွန်တော်ရှေ့နေတွေနဲ့ တိုင်ပင်ပြီး အယူခံတင်တော့ အီလက်ထရောနစ်အမှုတွေမှာ တစ်မှုကို ရှစ်နှစ်စီ ၂၄ နှစ်လျော့ကျသွားတယ်။ ဒုတိယ အယူခံကျတော့ ပယ်ချခံရတယ်။ အဲဒါနဲ့ ဆက်မတင်နဲ့တော့ပြောလိုက်တယ်။

မေး -ပြန်လွတ်တဲ့အထဲ ခုထိ အများမျှော်လင့်ထားသလို ယုံကြည်ချက်ကြောင့် အကျဉ်းကျခံနေရသူတွေ၊ အထူးသဖြင့် ၈၈ မျိုးဆက်သစ် ကျောင်းသားတွေ မပါလာသေးဘူး။ ဦးက ပြန်လွတ် တာတော့ အဲဒီအပေါ်မှာ လိပ်ပြာမသန့်သလို ဖြစ်မိလား။

ဖြေ-ခံစားရတာပေါ့။ စိတ်လည်း မကောင်းဘူး။ ရင်ထဲ ဘယ်လို ကြီးဖြစ်နေမှန်းမသိဘူး။ စလွတ်တဲ့မနက်တည်းက ဒေါသတွေ ထွက်ပြီးစိတ်မကောင်းဘူး။ လူတွေကငါ့များ အစိုးရနဲ့အပေးအယူ လုပ်ပြီးလွတ်လာတယ်များ ပြောကြမလားမသိဘူးဖြစ်နေတယ်။ ဒါပေမဲ့ကိုယ့်လိပ်ပြာကိုယ်လုံပါ တယ်။ ကိုယ်မှမလုပ်ခဲ့ တာကို။ ကျွန်တော့်သူငယ်ချင်းတွေနဲ့ ကျန်လူတွေအားလုံးလွတ်အောင် အတက်နိုင်ဆုံးကြိုးစားရဦးမယ်။ သို့သော် ကိုယ့်စိတ်ထဲမှာတော့ အပြစ်ကြီးတစ်ခုလို ဖြစ်သွားတယ်။ လွတ်သာလာရတယ်။ မပျော်ဘူး။

မေး- အကုန်လုံးပြန်လွတ်လာမယ်ဆိုရင် ဦးဘာများပြောမယ်လို့ စိတ်ကူးထားလဲ။

ဖြေ- တကယ်လို့အဲဒီနေ့ကသာ အကုန်လုံးပြန်လွတ်လာရင်တော့ သမ္မတကို ဖင်ပူးထောင်းထောင်နေအောင် ကန်တော့လိုက်မယ်။ ကျေးဇူးတင်လွန်းလို့။ အခုလွှတ်ပေးရင်လည်း ဖင်ပူးတောင်းထောင်ပြီးကန်တော့မှာပဲ။ အခု ကျွန်တော့်သူငယ်ချင်းတွေ အကုန်လွှတ်ပေး။ သမ္မတကိုကန်တော့ပြမယ်။ ကျေးဇူးတင်လွန်းလို့။ ခုကျတော့ ဘာကပ်စီးကုတ်နေလဲမသိဘူး။ မလွှတ်ပေးဘူး။

မေး -ဒေါ်အောင်ဆန်းစုကြည်နဲ့ ဘယ်တော့လောက်တွေ့ဖို့ရှိပါသလဲ။

ဖြေ- အဲဒါကျွန်တော့်အပြစ်ပဲ။ မနေ့ကလည်း အန်တီကပြောပြီးပြီ။ ဒါပေမဲ့ ဒီမှာတစ်လျှောက်လုံး အင်တာဗျူးတွေလုပ်နေရလို့ ကျွန်တော်မသွားနိုင်ခဲ့ဘူး။ ဒါပေမဲ့ အန်တီကလည်းသိပါတယ်။ ကျွန်တော့်ကိုစာနဲ့ ဖတ်ဖို့စာအုပ် ဦးခွန်သာမြင့်နဲ့လာပေးတယ်။ ကျွန်တော်က အန်တီ့ကိုပြောပြတယ်။ မြန်မာပြည် ဂျာနယ်လစ်တွေ တိုးတက်ပြောင်းလဲလာတဲ့ အခုကာလမှာ ဒီလိုလူမျိုးတွေကိုမှ ဦးစားပေးပြီး မတွေ့ရင် ကျွန်တော်ဘယ်လိုလူမျိုးတွေကို သွားတွေ့ရမှာလဲ။ ဒါကြောင့် ကျွန်တော်ဒီလူတွေနဲ့တွေ့နေပါတယ်။ အန်တီ့ကိုပြီးမှပဲ တွေ့တော့မယ်လို့ ကျွန်တော်စာရေးပြီး ပြောလိုက်တော့ရတယ်။ သားကြိုက် သလိုသာလုပ်ပါတဲ့။ စာလည်းရေးပြီးပြီ။ ဖုန်းလည်းပြောပြီးပြီ။ ပြော ချင်တဲ့စကားတွေလည်းပြောပြီးပြီ။ လူချင်းမျက်နှာချင်းဆိုင်တွေ့ဖို့ပဲကျန်တော့တာပါ။ အန်တီက သူလွတ်လာပြီးနောက်ပိုင်းကတည်းက အပတ်စဉ် ကျွန်တော့်ဆီကို စာအုပ်တွေပါဆယ်နဲ့ပို့ ပေးတယ်။ ကျွန်တော့်ဘက်ကတွေ့ဖို့ပျက်ကွက်နေတာပါ။

မေး- အခုအစိုးရက Democratic Government လို့ ပြောထားတဲ့အတိုင်း ကျွန်မတို့နိုင်ငံဟာ တကယ်ပဲ ဒီမိုကရေစီကျတဲ့လမ်းကြောင်းပေါ် ရောက်နေပြီလို့ ဦးယူဆပါသလား။

ဖြေ- ဒါကို ဒီအတိုင်း ဟုတ်တယ်လို့ ပြောဖို့တော့ ကျွန်တော် သံသယနည်းနည်းရှိတယ်။ သို့သော် နည်းနည်းတော့ရောက် လာပြီလို့ ပြောလို့ရပါတယ်။ သူတို့ပြောလေ့ရှိတဲ့ စည်းကမ်းပြည့်ဝသောဒီမိုကရေစီဆိုတာကြီးက သိပ်မဟုတ်ဘူး။ ဒီမိုကရေစီက ဒီမိုကရေစီပဲ။ ဘာအထူးပြုပုဒ်မှတပ်ဖို့မလိုဘူး။ တကယ်လုပ်ရင် လက်ခုပ်တီးဖို့ဝန်မလေးသလို တိုင်းပြည်အတွက် ဘာအလုပ်ပဲလုပ်ရလုပ်ရ ၀င်လုပ်ပေးဖို့ ၀န်မလေးဘူး။ အရင်က သိပ်သံသယမရှိဘူးလို့ထင်ပေမယ့် လွှတ်တဲ့နေ့မနက်မှာ နည်းနည်းသံသယ၀င်သွားတယ်။ လူတွေလွှတ်တာ တောင်တွန့်တိုနေ ရင် ပြောင်းလဲတာကိုတကယ်များလိုချင်ရဲ့လား ဆိုတဲ့မယုံတဲ့စိတ်ဝင်နေတယ်။ စောင့်ကြည့်ပါရစေဦး။

မေး- ဦးဇာဂနာဟာ ၂၀၀၆ ခုနှစ်တည်းက အနုပညာလုပ်ကိုင်ခွင့် အပိတ်ခံထားရတယ်လို့သိရတယ်။ အခု ဦးပြောထားတာက နိုင်ငံရေးနဲ့ အနုပညာကိုတွဲလုပ်သွားမယ်ဆိုတော့ အနုပညာအရ ကန့်သတ်ထားခြင်းခံရသူက ဘယ်လိုပုံစံနဲ့ လုပ်သွားမယ်လို့ ဆိုလိုတာပါလဲ။

ဖြေ- ကျွန်တော့်လောက်အပိတ်ခံရတာ ခဏခဏ ကျွန်တော်ပဲရှိတယ်။ ဘယ်လိုပိတ်ပိတ် ကျွန်တော်ကတော့ ရှင်သန်နေတာပဲ။ ကျွန်တော့် အနုပညာကို ဘယ်သူ ပိတ်လို့မှမရဘူး။ ကျွန်တော့်ကို စင်ပေါ်မတက်ရဘူးဆို မတက်ဘူး။ ဒါပေမဲ့ ဇာဂနာရဲ့အနုပညာ အလုပ်တွေရှင်သန်နေပါလိမ့်မယ်။ ခင်ဗျားတို့လည်း ကျွန်တော့်ကိုစောင့်ကြည့်နေပေါ့။ ဒါစိန်ခေါ်တာမဟုတ်ပါဘူး။ ကျွန်တော့်ကို စင်ပေါ်တက်ခွင့် ၁၉၈၈ ခုနှစ် တည်းကပိတ်တာ။ အငြိမ့်စင်ပေါ် မတက်ရ။ အငြိမ့်မကရ။ ၈၈ မှာ ထောင်ကျတယ်။ အဲဒီကတည်းက ပိတ်လိုက်တာ အခု ၂၀၀၈ ထိ ပိတ်ထားတုန်းပဲ။ နှစ်နှစ်ဆယ် အတွင်းမှာ ခင်ဗျားတို့ ဇာဂနာ့ ပြက်လုံးကို ခဏခဏကြားဖူးနေကြသားပဲ။ ဘယ်နေရာမှာမဆို ကျွန်တော့်နည်းကျွန်တော့်ဟန် နဲ့ရှင်သန်လို့ရပါတယ်။ အဓိကက ကျွန်တော့်ပြက်လုံးတွေကို လူသိစေချင်တာပဲ။ ပိုက်ဆံလိုချင်တာ မှမဟုတ်တာ။ ၁၉၉၄ မှာ ထောင်ကလွတ်ပြီး ၁၉၉၆ မှာတစ်ခါ ပြန်ပိတ်တယ်။ ရုပ်ရှင်ဗီဒီယိုရိုက်ခွင့် ပိတ်တယ်။ အပြစ်တွေတပ်ထားတဲ့စာရွက်ကြီးနဲ့ ပြပြီးပိတ်တာ။ အဲဒီစာရွက်ခုထိရှိသေးတယ်။ ကဲ ပိတ်ဟာဆိုပြီး ဗီဒီယိုရုပ်ရှင်မရိုက်ဘဲ ကြော်ငြာသွားရိုက်နေတယ်။ နောက်ရိုက်ခွင့်ပေးလိုက်ပြန်တော့ “ပုဏ္ဍားဘကွန်း”တို့ ဘာတို့ ရိုက်လိုက်သေးတယ်။ အဲဒီကနေ ၂၀၀၆ မှာ ပိတ်ပြန်ရော။ ၂၀၀၅ မှာရုံတင်တဲ့ ရတနာပြနေချိန်မှာ ကျွန်တော့်ကိုပိတ်နေပြီ။ စိန်ကျော်သူ(မင်းသားကျော်သူ)လည်းပါတယ်လေ။ ဒီတစ်ခါပိတ်တာကတော့ ဘယ်နားကမှပိတ်ထားလို့မရတဲ့ကောင်ဆိုပြီး အကုန်လုံးကိုပိတ်ပစ်လိုက်တာပဲ။ ကြော်ငြာမရိုက်ရ၊ အက်ဖ်အမ်မှာလည်း မပြောရ။ အသံလည်းပိတ်တယ်။ လူလည်းပိတ်တယ်။ ရုပ်လည်းပိတ်တယ်။ နာမည်လည်းမထည့်ရဘူးတဲ့။ အဲဒါလည်းဘာမှမဖြစ်ပါဘူး။ VOA တို့၊ DVB တို့ရှိတာပဲ။ ယုတ်စွအဆုံး ကျွန်တော့်လူတွေစုပြီး သူတို့ကိုလုပ်ခိုင်းနေလဲရတာပဲ။ အနုပညာဆိုတာ ကန့်လန့်ကာ နောက်ကွယ်ကနေလည်း လုပ်လို့ရတာပဲ။ နောက်ဆုံး ဘာမှလုပ်စရာမရှိရင် ပန်းချီတော့ ဆွဲလို့ရတာပဲ။

မေး-ရွေးကောက်ပွဲကာလအတွင်းမှာ I Vote ဆိုတဲ့ဆောင်ပုဒ်လေးကို ဦးက ထောင်ထဲကနေ လူကြုံနဲ့ လက်ဆင့်ကမ်းအကြံပေးလိုက် တယ်လို့သိရတယ်။ အဲဒီစိတ်ကူး လေးရခဲ့ပုံကိုလည်းပြောပါဦး။

ဖြေ- ဟုတ်တယ်။ အဲဒီတုန်းက ကျွန်တော့်ကိုထောင်ဝင်စာ မပိတ်ခင် နောက်ဆုံး တစ်ခေါက်ပေါ့။ ရွေးကောက်ပွဲရက်စွဲတောင် မသိရသေးဘူး။ ဂျပန်မှာ လူငယ်အဖွဲ့လေးတစ်ဖွဲ့က ဘယ်သူ့ကိုမဲပေးပါလို့မပြောဘူး။ သူတို့က တစ်အိမ်ဝင် တစ်အိမ်ထွက်နဲ့ မဲရုံကိုသွားပါ။ မဲပေးကြပါလို့ဒါပဲပြောတာ။ ထောက်ခံပါ၊ ကန့်ကွက်ပါ ဒါတွေ မပြောဘူး။ အဲဒီအဖွဲ့လေးရှိတာကို နယူးဝိခ်မဂဇင်းလို့ထင်တယ်။ အဲဒီမှာဖတ်ရတယ်။ အဲဒီလိုမျိုး ဒီကမြန်မာအီးဂရက်အဖွဲ့က လူငယ်တွေ စုပြီးမဲရုံကိုသွားကြပါ။ မဲပေးကြပါ။ I Vote ဆိုတာလေးကို ဒီဇိုင်းလေးနဲ့လုပ်ရင်မကောင်းဘူးလားလို့ အကြံပေးလိုက်တာ။ ကျွန်တော်တို့ပြည်သူတွေမှာ မဲပေးတဲ့အတွေ့အကြုံမရှိကြသေးတော့ ဒါလေးကိုထိတွေ့စေချင်လို့ အကြံပေးလိုက်တာပါ။ ကျွန်တော်ကိုယ်တိုင်လည်း အဲဒီအချိန်အပြင်မှာ ရှိနေရင် မဲပေးမှာပါ။ ဒါပေမဲ့ ဖွဲ့စည်းပုံအခြေခံဥပဒေကို မဲပေးတုန်းက မဲစာရင်းမှာ ကျွန်တော့်နာမည်မပါဘူး။ အဲဒီတုန်းက ကျွန်တော်အဖမ်းမခံရသေးဘူးလေ။ မဲစာရင်းထဲမပါတော့ ကျွန်တော့်ကိုနိုင်ငံသားအဖြစ်အသိအမှတ် မပြုတဲ့သဘောပေါ့။(ရယ်လျယ်) ပေးမထည့်တာတော့မတက်နိုင်ဘူး။

မေး- အခု နိုင်ငံရေးအခြေအနေက ဦးခံယူထားတဲ့ နိုင်ငံရေး ခံယူချက်တွေအပေါ် အပြောင်းအလဲ ဖြစ်စေဖို့ အကျိုးသက်ရောက်မှုရှိပါသလား။

ဖြေ- မရှိဘူး။ တစ်အချက်က ကျွန်တော် ၈၈ က အရေးတော်ပုံထဲကိုဝင်လာတယ်။ အဲဒီမတိုင်ခင်တည်းကနိုင်ငံရေးကိုစိတ်ဝင်စားလို့ ပြက်လုံးတွေနဲ့ နိုင်ငံရေးလုပ်လာခဲ့တယ်။ သို့သော် ၈၈ မှာ ကျွန်တော်တို့တောင်းခဲ့တာ Multi Party Democracy လေ။ အဲဒီတုန်းက သူတို့ ပြောနေကြတဲ့ လမ်းပေါ်နိုင်ငံရေးသမားပေါ့ဗျာ။ ကျွန်တော်တို့လမ်းပေါ်မှာတောင်းတာ ပျင်းလို့တောင်းတာ။ ပျော်လို့တောင်း တာမှ မဟုတ်ဘဲ။ လိုချင်လို့ တောင်းတာ။ ဒါကြီးကို ကဖျက်ယဖျက်ဖြစ်အောင် မလုပ်ကြစေချင်တာ။ ကျွန်တော်တို့တောင်းတဲ့ Multi Party Democarcy ဆိုတာ ရပြီလား။ ကျွန်တော်က ပါတီစုံဒီမိုကရေစီလို့တောင်မသုံးဘူး။ သူ့ရဲ့အင်္ဂလိပ်စာလုံးက Democracy ဖြစ်နေတဲ့အတွက်ပါ။ မြန်မာ စာရေးဆရာကြီးများလို အင်္ဂလိပ်စကားညှပ်ပြောတာလည်း မဟုတ်ပါဘူး။ အခု Multi ဖြစ်ပြီလားဆိုရင်မဖြစ်သေးဘူး။ အခုဖြစ်နေတာက Mono Party Homo-cracy ဖြစ်နေတာ။ လိုချင်တာ မရသေးတဲ့အတွက်ရအောင်ဆက်လုပ်ရဦးမယ်။ တိုင်းသူပြည်သားတွေရှေ့ကထွက်ပြီးတော့ ရူးကြောင်မူးကြောင်နဲ့အော်ခဲ့တာမဟုတ်ဘူး။ ကျွန်တော်တို့ မရရအောင်လုပ်ရမယ်။ ကျွန်တော် ခုနေသေသွားရင် ကျွန်တော့်နောက်ကမျိုးဆက် တွေဆက်ပြီး ရ အောင်လုပ်ကြပါဦး။ လုံးဝမရသေးဘူးလို့တော့ မပြောချင်ဘူး။ အထိုက်အသင့်တော့ရလာပြီ။ သို့သော်ဆက်လုပ်ရဦးမယ်။ ဒါကြောင့် အနုပညာနဲ့ နိုင်ငံရေးမှာ လောလောဆယ် အရေးကြီးတာက နိုင်ငံရေးဖြစ်နေတယ်။ ဒါကြောင့် ကျွန်တော့်ရဲ့ဦးစားပေး အစီအစဉ် ၁ ကိုနိုင်ငံရေးထားလိုက်ရပါတယ်။ ကျွန်တော်တို့ လိုချင်တာလေးရအောင် လုပ်မှဖြစ်မှာကိုး။ ထိုင်ပဲပြောနေရုံနဲ့တော့မဖြစ်တော့ဘူး။

မေး- ပါတီနိုင်ငံရေးလုပ်ဖို့၊ ဒါမှမဟုတ် တစ်သီးပုဂလအနေနဲ့ ရပ်တည်ဖို့ရော ရှိပါသလား။

ဖြေ- ကျွန်တော်က တစ်သီးပုဂ္ဂလလည်းမလုပ်ပါဘူး။ ပါတီလည်း မထောင်ပါဘူး။ ပါတီလည်းမ၀င်ပါဘူး။ ဒါတွေလုပ်မှ လုပ်ခွင့်ရ မယ်ဆိုတာမဟုတ်သေးဘူး။ ဒါတွေမလုပ်လည်း ဖြိုးမင်းသိန်းတို့လို ကျွန်တော်တို့ညီတွေရှိတာပဲ။ ကျွန်တော်တို့တူအရွယ် ဇေယျာသော် တို့ရှိတာပဲ။ အဲဒီလူတွေကို ပခုံးထမ်းတင်ပေးလို့မရဘူးလား။

မေး- ဦးစတင်ဖွဲ့စည်းပေးခဲ့တဲ့ သီးလေးသီးအဖွဲ့ဝင်အချို့ရဲ့ ပြည်တော်ပြန်ခရီးအပေါ်၊ သူတို့ရဲ့ ပြောစကားတွေအပေါ် ဝေဖန်မှု တွေရှိလာခဲ့တယ်။ ဦးက ဒီအဖွဲ့ကို ဘယ်လိုပြန်စုစည်းလုပ်ဆောင်ပေးဖို့ရှိပါသလဲ။

ဖြေ- ဒီကိုပြန်လာတာက နှစ်သီး။ ကျန်ခဲ့တာက နှစ်သီးပေါ့။ မနက်က ဟိုမှာကျန်ခဲ့တဲ့နှစ်သီးနဲ့ တွေ့ပြီးပြီ။ မနေ့က ဒီမှာကျန်ခဲ့တဲ့ နှစ်သီးနဲ့တွေ့ပြီးပြီ။ အကုန်လုံးကို ဆူပြီးပြီ။ သီးလေးသီးသည် ကျွန်တော်ပေးတဲ့နာမည်။ ဆေးရောင်စုံသည် ကျွန်တော်ပေးတဲ့နာမည်။ ကျွန်တော် ဒီနာမည်တွေကို မှတ်ပုံတင်မထားတဲ့အတွက် ကျွန်တော်ပိုင်တယ်လို့တော့မပြောချင်ဘူး။ သို့သော် သီးလေးသီးဟာ အသီးလေးသီးလုံးမရှိဘဲနဲ့ နှစ်သီးတည်းနဲ့ ဘယ့်နှယ်သီးလေးသီးလုပ်ချင်ရတာတုန်း။ မရဘူးလေ။ လေးသီးရှိမှ လေးသီး လုပ်ပေါ့။ နှစ်သီးနဲ့ကချင်ရင်ကပါ။ သီးနှစ်သီးလို့က။ ကျွန်တော်မကန့်ကွက်ဘူး။ ကျွန်တော် ပြင်းပြင်းထန်ထန်ကန့်ကွက်ပြီး ဆူရတဲ့အကြောင်းက မြန်မာပြည်ရဲ့ အပြင်မှာနေတုန်းကတော့ အစိုးရမကောင်း ကြောင်းပြောလိုက်တာ။ ဒီထဲပြန်ရောက်တော့ ဟိုဘက်ကလူရဲ့မကောင်းကြောင်းပြောတဲ့ သူကိုပရိသတ်က ဘယ်လိုယုံရမလဲ။ ကျွန်တော်မကြိုက်ဆုံးက အဲဒီစိတ်ဓာတ်ပဲ။ ဒါကိုတော့ လက်မခံနိုင်တဲ့အတွက် အောက်တိုဘာ ၂၉ ရက်နေ့မှာ ကမယ့်ပွဲကို ကျွန်တော်အသိအမှတ်မပြုဘူး။ သူတို့စိတ်ဓာတ်တွေကိုမပြင်ဘူး။ ဒါတွေကိုပြက်လုံး ဆက်ပြက်နေမယ်ဆိုရင် ကျွန်တော့်ဆီမလာနဲ့တော့။ အမွေပြတ်ပါကြေညာလိုက်တာ။ သူတို့သမိုင်းသူတို့ ရေးကြမှာဆိုတော့ ကျွန်တော်ပြတ်ပြတ်သားသားလုပ်မှရမယ်။ အပြင်မှာ ရောက်နေတဲ့လူတွေကို အားနာဖို့ကောင်းတယ်။ ကျန်ခဲ့တဲ့ နှစ်သီးကိုလည်းမင်းတို့ကချင်က။ သီးလေးသီးနာမည်မတပ်ရဘူးလို့။ အဲဒီတော့သူတို့က သီးညီနောင်တဲ့။

မေး -ပြည်ပမှာရှိနေတဲ့ ဦးရဲ့ဇနီး၊ သားနဲ့သမီးတို့နဲ့ တွေ့ဖို့ရှိပါသလား။

ဖြေ- သူတို့နဲ့ဖုန်းအဆက်အသွယ်တော့ရပြီ။ ကျွန်တော့်သားက အင်မတန်မှတော်ရှာပါတယ်။ ဘယ်လိုနည်းနဲ့မှ မခေါ်ပါနဲ့တဲ့။ သူ ဟိုမှာပျော်နေတာလေ။ သမီးကလည်းမလာဘူးတဲ့။ မယုံဘူးထင်တယ်။ ကျွန်တော့်မိန်းမက တော့နောက်နှစ်လသုံးလလောက်နေရင် လာချင်လာမယ်လို့ အရိပ် အမြွက်ပြောတယ်။ ကျွန်တော်က တော့အတင်းအကြပ်ပြန်လာပါလို့ မတိုက်တွန်းချင်သေး ဘူး။ ပြောရမယ့်အချိန်လည်း မဟုတ်သေးဘူးလို့ထင်တယ်။


မေး- ဦးအထဲမှာရှိနေချိန်မှာပဲ ဦးရဲ့ အဖေနဲ့အမေ ဆုံးပါးသွားတော့ သူတို့ရဲ့နောက်ဆုံးခရီးကို သားတစ်ယောက်အနေနဲ့ ဂါဝရမပြု လိုက်ရခြင်းအပေါ် တနုံ့နုံ့ခံစားနေရပါသလား။

ဖြေ- ချင်လုံးခတ်တောင် မပျက်ဘူး။ ကျွန်တော်တို့ဒီအလုပ်လုပ်တဲ့သူတွေဟာ ဒီလိုပြဿနာနဲ့ ရင် ဆိုင်ရမယ်ဆိုတာ သိပြီးသားပဲ။ ဌေးကြွယ်ဘယ်လိုလုပ်မလဲ။ ကျွန်တော်ထောင်ထဲ ရောက်တဲ့အချိန်မှာ ကိုယ့်ဘာသာကိုယ်သတ်ပစ်ထားတဲ့သူမနည်းဘူး။ ကျွန်တော့် မိန်းမတောင်ကျွန်တော်သတ်ပစ်ထားတာ။ ကျွန်တော့်အဖေနဲ့ အမေလည်းသူတို့လုပ်စရာရှိတဲ့ အလုပ်ကိုအကုန်လုပ်ခဲ့ပြီးပါပြီ။ သူတို့အတွက်ပူပင်ကြောင့်ကြ စရာမရှိဘူး။သူတို့မသေခင်တည်းက ကျွန်တော့်ဘာသာ ကျွန်တော်သတ်ပစ်ခဲ့ပြီးသား။ ဒီလိုအဖြစ် မျိုးကြုံရမယ်ဆိုတာ သိပြီးပြီလေ။ ဒါမျိုးက ရှေ့မှာသင်ခန်းစာတွေ အများကြီးရှိခဲ့တာပဲ။ ဒါမထူးဆန်းဘူး။

အခုလို ဖြေကြားပေးတာ ကျေးဇူးတင်ပါတယ်။

အေးသူစံ

7Day News