အမေရိကန် ဘီလျံနာသူဌေးကြီး ဂျော့ ဆိုရော့စ်ကမြန်မာနိုင်ငံတွင်အခြေစိုက်ရုံးခန်းဖွင့်တော့မည်

မြန်မာနိုင်ငံတော် သမတ ဦးသိန်းစိန်၊ NLD ပါတီခေါင်းဆောင် ဒေါ်အောင်ဆန်းစုကြည်တို့နှင့် တွေ့ဆုံခဲ့ပြီးနောက် အမေရိကန် ဘီလျံနာသူဌေးကြီး ဂျော့ ဆိုရော့စ်က သူ၏ ပရဟိတလုပ်ငန်းများဆောင် ရွက်ရန်အတွက် မြန်မာနိုင်ငံအခြေစိုက် ရုံးခန်းဖွင့်လှစ်ရန် သဘောတူညီခဲ့သည်ဟု ပြောကြားကြောင်း အေအက်ဖ် ပီ သတင်းတစ်ရပ်အရ သိရသည်။

၂၀၁၁ ဒီဇင်ဘာ ၂၆ မှ ၂၀၁၂ ဇန်န၀ါရီ ၃ ရက်နေ့အထိ မြန်မာနိုင်ငံခရီးစဉ်မှ အပြန်တွင် ဆိုရော့စ်က ထိုသို့ပြောကြားခဲ့ခြင်းဖြစ်သည်။ “တံခါးပိတ်ထားတဲ့ အခြေအနေကနေ ပွင့်လင်းတဲ့လူ့အဖွဲ့အစည်းတစ်ခုအဖြစ်ပြောင်းလဲနေတာပါ”ဟု သူကပြောသည်။ ဒေါ်အောင်ဆန်းစုကြည်နှင့် လည်း ပြုပြင်ပြောင်းလဲရေး လုပ်ငန်း စဉ်နှင့်ပတ်သက်၍ ကျယ်ပြန့်စွာဆွေးနွေးခဲ့ကြောင်း ယင်းကပြောပါသေးသည်။ “ကျွန်တော်ရဲ့ ဖောင်ဒေးရှင်းဟာ ဒီမိုကရေစီအရေးတွေ အတွက် နှစ်၂၀လောက်ပံ့ပိုး ပေးခဲ့ပေ မယ့် ဒေါ်အောင်ဆန်းစုကြည်နဲ့တွေ့ဖြစ်တာကတော့ ခုမှ ပထမဆုံးအကြိမ်ဖြစ်ပါတယ်။ မြန်မာနိုင်ငံရဲ့ နိုင်ငံရေးပွင့်လင်းမှုနဲ့ပတ်သက်တဲ့ အရိပ်နိမိတ်တွေအတွက် ကျွန်တော် အင်မတန်မှကိုကြေနပ်အားရမိပါတယ်။ လောလောဆယ်မှာတော့ ထိပ်ပိုင်းရဲ့ စေတနာကောင်းတွေ နဲ့ အောက်ခြေပိုင်းရဲ့ အခြေအနေတွေအကြားမှာ တော် တော်လေး ကွာဟမှုရှိနေပါသေးတယ်”ဟု ဂျော့ ဆိုရော့စ်ကပြောသည်။

သတင်း....popularmyanmar.com

နောက်များ နောက်နေသလားဗျာ . . . .

လွတ်လပ်သော ရုပ်ရှင်ပြိုင်ပွဲမှာ ပရိသတ်အားပေးဆုံး ဆု ရရှိသွားတဲ့ ဒါရိုက်တာ ၀ိုင်းရဲ့ "အဲဒီ့အခန်းဖြတ်" ဇာတ်လမ်းနဲ့ ပတ်သက်ပြီး ကျွန်တော်ပြောချင်တာ အချက် (၃) ချက်ရှိတယ်။

ပထမအချက်က - ဇာတ်ကားရွေးချယ်ရေးမှာ အဓိကပါဝင်တဲ့ ကိုဇာဂနာက အရင်တုန်းက ဆင်ဆာ လုံးဝ မတင်ဘူးလို့ပြောထားတယ်။ ဒါကြောင့် ပါဝင်သူတွေအားလုံး တက်တက်ကြွကြွနဲ့ ပါဝင်ခဲ့တယ်။ နောက် ဆင်ဆာအဖွဲ့ကို တင်လိုက်တယ်ဆိုတာကို ကြားရလို့ ကျွန်တော်ရဲ့ ပြိုင်ပွဲဝင်ဇာတ်ကားကိုပါ ပြန်လည်နှုတ်ထွက်ခဲ့တယ်။
(ဒါကြောင့် ..... ကိုဇာဂနာ နောက်များ နောက်နေသလားဗျာ)

ဒုတိယအချက်က - အင်တာနက်မှာ ကြိုတင်ပြီးတော့ ပြသွားတဲ့ ဇာတ်ကားတွေကို ပယ်ဖျက်တယ်၊ ရွေးတဲ့အထဲ မပါတော့ဘူးလို့ ပြောတယ်။ နောက် ပယ်ဖျက်ထားတဲ့ ဇာတ်ကားတွေကိုပဲ ဆု ပေးတဲ့အထဲ ပါလာတယ်။
(ဒါကြောင့် ..... ကိုဇာဂနာ နောက်များ နောက်နေသလားဗျာ)

တတိယအချက်က - ဒေါ်အောင်ဆန်းစုကြည်က ဆုပေးပွဲအခမ်းအနားမှာ တွေးခေါ်ရတဲ့ဇာတ်ကားမျိုး၊ စကားလုံးဝမပြောတဲ့ ဇာတ်ကားမျိုးကို ကြိုက်တယ်လို့ ပြောသွားတယ်။ အခု ပရိသတ်အကြိုက်ဆုံး ဇာတ်ကားဆုကို ရသွားတဲ့ ဇာတ်ကားက စကားတွေအများကြီးပြော၊ မတွေးမခေါ်ရဘဲ ဒဲ့ဖော်ပြတဲ့ ဇာတ်ကားဖြစ်တဲ့ ဒါရိုက်တာ ၀ိုင်းရဲ့ "အဲဒီ့အခန်းဖြတ်" ဇာတ်ကားဖြစ်နေတယ်။


အချုပ်ဆိုရရင် ..... ဒေါ်အောင်ဆန်းစုကြည်ကို ပိုပြီးတော့ ကျွန်တော် လေးစားသွားတယ်။ မြန်မာပရိသတ်က စဉ်းစားတွေးခေါ်မှုကို မလိုချင်ကြ၊ ဒဲ့ဖော်ပြတဲ့ ဒဲ့ရိုက်ချက်တွေကို သာ နှစ်သက်အားပေးကြတာ ကို တွေ့မြင်ရတယ်။ ဒါကြောင့် ဒီမိုကရေစီ ဖော်ဆောင်ရာမှာ အများရဲ့ဆန္ဒကို အတည်ပြုပေးတဲ့ ဒေါ်အောင်ဆန်းစုကြည်ကိုသာ ပိုပြီးလေးစား၊ ပိုပြီးချစ်ခင်မိတယ်။

(ကျော်သူ)။

.....................................................................................။

ဝါရင့်သရုပ်ဆောင် ကျော်သူ ရုပ်ရှင်လောကသို့ ပြန်လည်ဝင်ရောက်မည်

ရုပ်ရှင်လောကနှင့် လေးနှစ်ကျော်ကြာ အလှမ်းဝေးနေခဲ့သော ဝါရင့်သရုပ်ဆောင် အကယ်ဒမီ ကျော်သူက ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဇာတ်ကားဖြင့် ရုပ်ရှင်လောကသို့ ပြန်လည် ဝင်ရောက်လာမည် ဖြစ်ကြောင်း သရုပ်ဆောင် ကျော်သူကိုယ်တိုင် The Voice Weekly သို့ပြောကြားသည်။

အဆိုပါ ရုပ်ရှင်နှင့် ပတ်သက်၍ ဒါရိုက်တာအဖြစ် ပါဝင်ကူညီမည့်အပြင် လိုအပ်မည့် သမိုင်း အထောက်အထားများ အတွက်လည်း ရှားပါးမှတ်တမ်း ဓာတ်ပုံများ လှူဒါန်းပြီးကြောင်း ဦးကျော်သူထံမှ သိရသည်။

“ဗိုလ်ချုပ် ဇာတ်ကားရိုက်တဲ့အတွက် ဗိုလ်ချုပ်ရဲ့ ဇာတ်ရုပ် မပျောက်သွားအောင် ဒီဇာတ်ကားမှာပါဝင်တဲ့ ဝါရင့်သရုပ်ဆောင်တွေက သရုပ်ဆောင်ပိုင်းကို ထိန်းသင့်တယ်။ ဒါမှ ဗိုလ်ချုပ်ဇာတ်ရုပ် ရုပ်လုံးကြွမှာ” ဟု ၎င်းက ဆိုသည်။

ဗိုလ်ချုပ်ဇာတ်ကားသည် မြန်မာ့ရုပ်ရှင် လောကအတွက် သာမက မြန်မာသမိုင်းကြောင်း အတွက်ပါ မှတ်တမ်းတင်ထားအပ်သော ရုပ်ရှင်ကား ဖြစ်သောကြောင့် အစစအရာရာ သတိထားကာ အကောင်းဆုံး ဖန်တီးကြရမည် ဖြစ်ကြောင်း၊ ရုပ်ရှင်လောကအတွက် အလွန်သတိထား ဆောင်ရွက်သင့်သော ရုပ်ရှင်ကားဖြစ်ကြောင်း၊ ပြည်သူတိုင်း ပါဝင်ဖြည့်ဆည်း ဆောင်ရွက်သင့်ကြောင်းလည်း ၎င်းက အကြံပြုသည်။

ရုပ်ရှင်လောကနှင့် ၂၀၀၇ ခုနှစ် စက်တင်ဘာလ နောက်ပိုင်းမှစ၍ ဝေးကွာခဲ့ရာမှ ၂၀၁၁ ခုနှစ် နိုဝင်ဘာလမှစ၍ လွတ်လပ်ခြင်း အနုပညာ ရုပ်ရှင်ပွဲတော်တွင် ဇာတ်လမ်းတို ရုပ်ရှင်ကားနှင့် ပြန်လည် ဝင်ရောက်ခဲ့ရာ ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ကားမှာ ဒုတိယခြေလှမ်း ဖြစ်ကြောင်း ဝါရင့်သရုပ်ဆောင် ဦးကျော်သူက ရှင်းလင်း ပြောကြားသည်။

.................................................................

ရုပ်ရှင်လောကနှင့် လေးနှစ်ကျော်ကြာ အလှမ်းဝေးနေခဲ့သော ဝါရင့်သရုပ်ဆောင် အကယ်ဒမီ ကျော်သူက ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဇာတ်ကားဖြင့် ရုပ်ရှင်လောကသို့ ပြန်လည် ဝင်ရောက်လာမည် ဖြစ်ကြောင်း သရုပ်ဆောင် ကျော်သူကိုယ်တိုင် The Voice Weekly သို့ပြောကြားသည်ဆိုသော်သတင်းမှာ လုံးဝ မမှန်ကန်ပါဟု ကိုကျော်သူ မှ ကျမ မြတ်လေးငုံ အား ယခုလိုရှင်းပြပြောဆိုသွားပါသည်.။


မြတ်လေးငုံရေ....

The Voice Weekly က သတင်းမှား နေတယ်။ ရုပ်ရှင်ပြန်ရိုက်ခွင့်လည်း မပြုသေးပါ။ ကျွန်တော် အဲဒီလောကထဲပြန်ဝင်ဖို့ လုံးဝ (လုံးဝ) စိတ်မကူးပါ။

ခင်မင် လေးစားစွာဖြင့်...

ကျော်သူ

မီးလောင်ပေါက်ကွဲမှုကြောင့် ပျက်စီးသွားခဲ့သောကူးတို့ဆိပ်ရပ်ကွက်"အတွင်းရှိ နေအိမ်များအတွက် ယင်းနေရာ၌ပင်ပြန်လည်ဆောက်လုပ်ပေးနေ

၂၀၁၁ ခုနှစ် ဒီဇင်ဘာလ ၂၉ ရက်နေ့ နံနက် ၂ နာရီအချိန်ခန့်က မင်္ဂလာတောင်ညွန့်မြို့နယ် ကူးတို့ဆိပ် ရပ်ကွက်အတွင်းရှိ မီးလောင်ပေါက်ကွဲမှုကြောင့် ပြိုကျပျက်စီးခဲ့ရသော နေအိမ်များအတွက် ဇန်န၀ါရီလ ၃ ရက်နေ့မှ စတင်ကာ ယင်းနေရာ၌ပင် အိမ်များပြန်လည် ဆောက်လုပ်ပေးနေပြီ ဖြစ်ကြောင်း သတင်းရရှိပါသည်။ ရန်ကုန်တိုင်းဒေသကြီး အတွင်းရှိ ခရိုင်လေးခုမှ မြို့နယ်များခွဲကာ အဆိုပါ မီးဘေးသင့် ပြည်သူများအတွက် နေအိမ်များကို တစ်မြို့နယ်လျှင် နှစ်အိမ်မှ သုံးအိမ်အထိ တာဝန်ယူကာ တည်ဆောက်ပေးနေကြောင်း သိရှိရသည်။ “ကျွန်မတို့ သိရသလောက် ဒီကူးတို့ဆိပ်ရပ်ကွက်မှာ ပျက်စီးသွားတဲ့ အိမ်ခြေပေါင်း တစ်ရာကျော် ရှိပါတယ်။ အဲဒီအိမ်တွေကို သက်ဆိုင်ရာ မြို့နယ်အလိုက် အိမ်အကြီးအသေးအပေါ် မူတည်ပြီး နှစ်အိမ်၊ သုံးအိမ်လောက်အထိ တာဝန်ယူပြီး ပြန်ဆောက်ပေးနေပါတယ်။ ကုန်ကျစရိတ် အားလုံးကို တာဝန်ယူဆောက်နေတဲ့ မြို့နယ်က လက်သမားတွေက တွက်ချက်ပြီး ကွပ်ကဲရေးရုံးကို တင်ပြရပါတယ်။ အိမ်ကိုတော့ အရင်ပုံစံအတိုင်း အရင်နေရာမှာပဲ ပြန်ဆောက်ပေးတာပါ” ဟု တာဝန်ယူ တည်ဆောက်ပေးနေသည့် မြို့နယ်မှ တာဝန်ရှိသူတစ်ဦးက ပြောပြခဲ့သည်။

“ကျွန်မတို့ လွန်ခဲ့တဲ့ ရက်ပိုင်းအတွင်းက နေရထိုင်ရတာ အဆင်မပြေပါဘူး၊၊ အိမ်မှာက အမိုးလည်း မရှိတော့ မလုံခြုံပါဘူး။ ဒီလို သက်ဆိုင်ရာ ကနေပြီးတော့ ကျွန်မတို့အိမ်တွေကို ပြန်ဆောက်ပေးမယ်ဆိုတော့ ၀မ်းသာပါတယ်။ ကျွန်မတို့က ကယ်ဆယ်ရေး စခန်းကို မသွားဘဲ ရပ်ကွက်ထဲမှာ နေခဲ့တာပါ။ ကယ်ဆယ်ရေး စခန်းကိုတော့ အလှူပစ္စည်းတွေ ရောက်ပေမယ့် ကျွန်မတို့ဆီကိုတော့ သိပ်မရောက်ဘူး” ဟု ကူးတို့ဆိပ်ရပ်ကွက်တွင် နေထိုင်သူတစ်ဦးက ပြောပြခဲ့ကြောင်း ၂၀၁၂ ခုနှစ် ဇန်နဝါရီလ ၆ ရက်နေ့ထုတ် Bi Weekly Eleven ဂျာနယ်တွင် ဖော်ပြထားပါသည်။

နအဖအစိုးရလက်ထက် အမှုဟောင်းများတိုင်ကြားနိုင်

ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက်က မည်သည့် အမှုဟောင်းများကိုမဆို အထောက်အထားခိုင်လုံစွာ တင်ပြ၍ တိုင်ကြားနိုင်ကြောင်း သိရသည်။

အမှုကိစ္စများနှင့်ပတ်သက်၍ “ အခုဆိုရင် ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေလည်း ပြန်လွှတ်လာတော့မှာပါ၊ မှန်ကန်ပါလျက်နဲ့ နစ်နာမှုတွေရှိခဲ့တဲ့ အမှုဟောင်းတွေကို ကျွန်တော်တို့ဆီ ပြန်တင်ပေးပါ။ အဲဒီအမှုဟောင်းတွေက ငါးနှစ်ပဲကြာကြာ၊ ဆယ်နှစ်ပဲကြာကြာ ပြန်တင်ပေးပါ။ တစ်ခုတော့ရှိပါတယ်၊ ကာလစည်းကမ်းသတ်မှတ်ချက်ရှိတဲ့ တရားမမှုမျိုး၊ စည်ပင်သာယာ အက်ဥပဒေနဲ့ဆိုင်တဲ့ ဥပမာ- လမ်းပိတ်ဆို့မှုမျိုး စတာတွေကလွှဲရင် ဘယ်အမှုဟောင်းတွေပဲဖြစ်ဖြစ် တင်ပေးလာရင်ဆောင်ရွက်ပေးပါမယ်” ဟု သက်ဆိုင်ရာကော်မတီမှ တာဝန်ရှိသူတစ်ဦးက ပြောကြားခဲ့ကြောင်းသိရသည်။

ယုံကြည်ချက်ကြောင့် အကျဉ်းကျခံရသူများအပါအဝင် မည်သည့်အမှုဟောင်းများဖြစ်စေ မှန်ကန်မှုမရှိခြင်း၊ တရားမျှတမှုမရှိခြင်းနှင့် အဂတိတရားများ ရှိသည်ဟု အထောက်အထားများ ခိုင်လုံစွာတင်ပြနိုင်ပါက တရားစီရင်ရေးနှင့် ဥပဒေရေးရာကော်မတီ၊ ပြည်သူ့လွှတ်တော်၊ နေပြည်တော်ဟု လိပ်မူပြီးလည်းကောင်း၊ ပြည်သူ့လွှတ်တော်ဥက္ကဋ္ဌ၊ ပြည်သူ့လွှတ်တော်၊ နေပြည်တော်ဟု လိပ်မူပြီး လည်းကောင်း တိုင်ကြားနိုင်ကြောင်း သိရသည်။

သတင်း.... မြန်မာတိုင်း(မ်)

နိုင်ငံရေး အကျဉ်းသားမိသားစုဝင် အချို့ ဒေါ်အောင်ဆန်းစုကြည်နှင့် တွေ့ဆုံ

ဇန်န၀ါရီလ ၂ ရက်နေ့တွင်ကြေညာသည့် လွတ်ငြိမ်းချမ်းသာခွင့် အမိန့်ဖြင့် လွတ်မြောက်လာသည့်အထဲတွင် နိုင်ငံရေး အကျဉ်းသားအနည်းငယ်သာ ပါဝင်ခဲ့ပြီးနောက် နိုင်ငံရေး အကျဉ်းသားမိသားစုဝင်အချို့က မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ယနေ့နေ့လည်တွင် သွားရောက်တွေ့ဆုံခဲ့ကြသည်။

တွေ့ဆုံရာတွင် မသက်သက်အောင် ၏ မိခင်၊ မင်းဇေယျာ၏ ဇနီး၊ ကိုဋ္ဌေးကြွယ်၏ညီမ၊ မားကီးခေါ် ကျော်ကျော်ထွန်း၏ မိခင်၊ ကိုကိုကြီး၏ ညီအစရှိသည့် နိုင်ငံရေး အကျဉ်းသား ၁၁ ဦး၏ မိသားစုဝင်များ ပါဝင်၍ ရွှေဂုံတိုင် အန်အယ်လ်ဒီရုံးချုပ်၌ တနာရီခန့်တွေ့ဆုံခဲ့ကြသည် ဟု မသက်သက်အောင်၏ မိခင် ဒေါ်စုစုကြည်က YPI သို့ပြောသည်။

နိုင်ငံရေးအကျဉ်းသားမိသားစုဝင်များအား ဒေါ်အောင်ဆန်းစုကြည်ကပြောဆိုခဲ့သည်ကို ဒေါ်စုစုကြည်က ပြန်လည်
ပြောပြရာတွင် “ ဒေါ်အောင်ဆန်းစုကြည် အနေနဲ့ အခုတခေါက်မှာ နိုင်ငံရေး သမားတွေ ပါလာလိမ့်မယ်လို့ သူမတွက်ထားသေးဘူး၊ ဘာလို့ဆို အေအေပီပီ၊ ပြည်ထဲရေး နဲ့ အန်အယ်လ်ဒီရုံးနဲ့ စာရင်းက မကိုက်သေးဘူး။ ဦးသိန်းစိန်အနေနဲ့ အကုန်လုံးကို လွတ်ငြိမ်းချမ်းသာခွင့်ပေးမယ်ဆိုတာကို ညှိနေရသေးတယ်။ သူတယောက်ထဲ အနေနဲ့ တယောက်ထဲ သဘောနဲ့ လုပ်လို့မရသေးဘူး။ တပ်မတော်ကနဲ့ညှိနေရလို့ မလွှတ်ပေးနိုင်သေးတာလို့ သူထင်တယ်လို့ ပြောတယ် ” ဟု ဒေါ်စုစုကြည်က ပြန်လည်ပြောပြသည်။

ကိုကိုကြီးညီ ဖြစ်သူ ကိုအောင်က ပြောဆိုရာတွင် ဒေါ်စုအနေနဲ့ ဥပဒေ စိုးမိုးရေးက အရေးကြီးတယ်လို့ပြောထားကြောင်း၊ နိုင်ငံရေး အကျဉ်းသားများအား ဒီနေ့လွှတ်ပြီးခဏနေ ပြန်ဖမ်းတယ်ဆိုတာမျိုးဖြစ်မှာစိုးသည်ဟု သူ့စိုးရိမ်မှုကို ထုတ်ဖေါ်ပြောဆိုသည်ဟု ၎င်းကပင် ပြောသည်။

ဒေါ်စုစုကြည်က ဒေါ်အောင်ဆန်းစုကြည်အား သူ့အနေဖြင့် နိုင်ငံရေး အကျဉ်းသားများ မလွှတ်ခဲ့ပါက တစုံတခုခု ဆောင်ရွက်ရန် ဆုံးဖြတ်ချက်ရှိမရှိ မေးမြန်းသည့်အခါ ”ဒါကတော့ ရှိတာပေါ့၊ ဒါပေမယ့် ဘာလဲဆိုတာတော့ သူမပြောပြနိုင်ကြောင်း” ပြောဆိုသည်ဟု လည်း မသက်သက်အောင် မိခင်က ပြောသည်။

သူ့အနေဖြင့် နိုင်ငံရေး အကျဉ်းသားများ လာမည့် နှစ်ဆန်း ၁ ရက် (ဧပြီ ၁၇ ရက်နေ့) လောက်မှ လွတ်တော့မည်ဟု ထင်မြင်ယူဆကြောင်းလည်း YPI သို့ ပြောဆိုသည်။

ယခုလ ၂ ရက်နေ့ ကြေညာသည့် လွတ်ငြိမ်းချမ်းသာခွင့် အရ နိုင်ငံရေး အကျဉ်းသား ၃၀ ကျော်သာ ပါဝင်ခဲ့သည်။ ရန်ကုန်အင်းစိန်ထောင်တွင် နိုင်ငံရေး အကျဉ်းသားဟု ယူဆထားသူ ၃၀၀ ကျော်ရှိသည့်အနက် ယခု လွတ်ငြိမ်းချမ်းသာခွင့်ဟု ခေါ်ဆိုသည့် ပြစ်ဒဏ်လျှော့ပေါ့ခွင့်ဖြင့် အကျုံးဝင်သူ ၃ ဦးသာ လွတ်မြောက်ခဲ့သည်။

တနိုင်ငံလုံးရှိ အကျဉ်းထောင် ၄၂ ထောင်တွင် နိုင်ငံရေး အကျဉ်းသား အနည်းဆုံး ၉၀၀ ကျော်မှ အများဆုံး တထောင်ကျော်ဝန်းကျင် ကျန်ရှိနေဦးမည်ဟု နိုင်ငံရေး အကျဉ်းသား အကျိုးဆောင်ကွန်ရက်နှင့် မဲဆောက်အခြေစိုက် နိုင်ငံရေး အကျဉ်းသား ကူညီစောင့်ရှောက်ရေး အဖွဲ့ AAPPB တို့မှ ထုတ်ပြန်သည့် စာရင်းအရ သိရှိရသည်။

သတင်း....Yangon Press International

အမျိုး ​သား​ဒီမိုက​ရေစီအဖွဲ့​ချုပ် (အန်အယ်လ်ဒီ) ပါတီတရားဝင်မှတ်ပုံတင်ခွင့်ရ

NLD ပါတီဟာ လာမယ့်​ ဧပြီလ ၁ ရက်​နေ့​ ကျင်း​ပမယ့်​ ကြား​ဖြတ်​ရွေး​ကောက်ပွဲမှာ အာဏာရ ကြံ့​ခိုင်​ရေး​နဲ့​ဖွံ့​ဖြိုး​ရေး​ပါတီရဲ့​အမာခံနယ်​မြေ ဖြစ်တဲ့​ ​နေပြည်​တော် ၄​နေရာ အပါအဝင် လစ်လပ် ၄၈ ​နေရာလုံး​မှာ ပါဝင်ယှဉ်ပြိုင်မယ်လို့​ကြေညာထား​ပါတယ်။အမျိုး ​သား​ဒီမိုက​ရေစီအဖွဲ့​ချုပ် (အန်အယ်လ်ဒီ) ပါတီကို ​ရွေး​ကောက်ပွဲ​ကော်မရှင်က မှတ်ပုံတင် ခွင့်​ပြုချက် ချ​ပေး​လိုက်ပြီလို့​ သတင်းရရှိ ​ပါတယ်။ပါတီအ​နေနဲ့​ လာမယ့်​ ဇန်နဝါရီ ၉ ရက်ကစလို့ တပြည်လုံး​မှာ ဝင်ခွင့်​လျှောက်လွှာ ပုံစံ​တွေ​ပေး​ပြီး​ ပါတီဝင်အသစ်​တွေ လက်ခံမယ်လို့သိရပါတယ်။

ဗြိတိန် နိုင်ငံခြားရေးဝန်ကြီး William Hague နှင့် ဒေါ်အောင်ဆန်းစုကြည် တွေ့ဆုံ

နှစ်ပေါင်း ၅၀ ကျော်အတွင်း ပထမဆုံး မြန်မာနိုင်ငံကိုသွားတဲ့ ဗြိတိန်နိုင်ငံခြားရေးဝန်ကြီး အဖြစ်နဲ့ နိုင်ငံခြားရေးဝန်ကြီး William Hague မြန်မာနိုင်ငံမှာ ရောက်ရှိ လာပြီး မြန်မာ့ ဒီမို ကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခဲ့ပါသည်.။

ဓာတ်ပုံ...AP

ဒေါ်အောင်ဆန်းစုကြည် နဲ့ မေခလာ ပြောဖြစ်သမျှ

ဒီဇင်ဘာ ၂၄ရက်နေ့က ဒေါ်အောင်ဆန်းစုကြည်ရဲ့ နေအိမ်ခြံဝင်းအတွင်း ပြည်ထောင်စုတိုင်းရင်းသားများ ရန်ပုံငွေဖျော်ဖြေပွဲမှာ ပါဝင်သီဆိုကြမယ့် အဆိုတော်များနဲ့ ဒေါ်အောင်ဆန်းစုကြည်တို့ တွေ့ဆုံခဲ့ကြပါတယ်။ အဆိုပါတွေ့ဆုံပွဲမှာ ရန်ကျော်နဲ့ မေခလာတို့ဇနီးမောင်နှံ(၂)ယောက်လည်း ပါဝင်ခဲ့ကြပါတယ်။

ဒေါ်အောင် ဆန်းစုကြည် နဲ့ ပညာရေးရန်ပုံငွေ ဂီတဖျော်ဖြေရေးနဲ့ပတ်သက်တဲ့ အကြောင်းတွေ၊တေးစီးရီးထုတ်လုပ်မှု အကြောင်း တွေကို ဆွေးနွေးဖြစ်ခဲ့ကြကြောင်း မေခလာကပြောပါတယ်။ ဂီတသမားတွေနဲ့ ဒေါ်အောင်ဆန်းစုကြည်တို့ တွေ့ ဆုံဖို့ရှိတယ်ဆိုတာ ကိုဆောင်းဦးလှိုင်နဲ့ ကိုသားထွေးတို့က လှမ်းပြီးအကြောင်းကြားတဲ့အတွက် တအားဝမ်းသာခဲ့ရ ပြီး၊ဒေါ်အောင်ဆန်းစုကြည်နဲ့ရအောင်တွေ့မယ် ဆိုတဲ့စိတ်နဲ့ အလုပ်ကိစ္စတွေကိုတောင်ရွှေ့ဆိုင်းပြီးညနေ ၃နာရီ အရောက်ခြံထဲကိုသွားခဲ့ကြောင်းမေခလာ ကပြောပါတယ်။

ဒေါ်အောင်ဆန်းစုကြည်နဲ့တွေ့ဆုံပြီး ပြောဖြစ်ကြသမျှကို မေခလာက…

”အမေစုက မေးတယ်။အဆိုတော် လောကသားတွေမှာ လည်းနိုင်ငံရေး သမားတွေ လိုတစ်ေ ယာက် နဲ့တစ်ယောက်အတိုက်အခိုက်တွေရှိကြလားတဲ့။

အမေစုကပြောတယ်။ ခွင့်လွှတ်လိုက်ပါ။ သည်းခံလိုက်ပါ။ အဲဒီလူက ကိုယ့်ကို ပြန်ပြီးလက်တွဲလာ လိမ့်မယ်။

နောက်ထပ်ပြောတယ် မနာလိုစိတ်မရှိဖို့။ မနာ လိုစိတ်ရှိတဲ့လူက ကိုယ့်ကိုယ်ကိုယ် ယုံကြည်မှုမရှိလို့တဲ့။

ဒီစကားတွေကို အစ်မတွေးရင်း တွေးရင်းနဲ့ တအားမှန်တာပဲလို့ သိလာတယ်။ ပညာရစေမယ့် စကားတွေလေ။ ပြောသွားတာတွေက တအားကို ကွက်တိမှန်တဲ့ စကားတွေပါပဲ။ အမေစုက တကယ်ကို လေးစားထိုက်တဲ့သူပါ။

ဒီအချိန် မှာ အမေစုနားမှာ လူတွေဝိုင်းနေမယ်။ အမေစု ဒုက္ခရောက်ရင် လည်းအမေစုနောက်မှာရော၊ ရှေ့မှာရော လူတွေအားလုံးက ဝိုင်းဝန်းနေကြမယ်ဆိုတာကိုလည်း အစ်မယုံ ကြည်ပါတယ်”လို့ပြောပါတယ်။

ဒေါ်အောင် ဆန်းစုကြည်ကို စာစောင်တွေထဲမှာ တွေ့ရပေမယ့် အနီးကပ်ကတော့ တစ်ခါမှမတွေ့ခဲ့ရဖူးဘဲ၊ အဲဒီနေ့ကအနီးကပ်လည်ြး မင်ပြီး၊ အမေစုရဲ့ လက်ကိုလည်း ကိုင်ခဲ့ရတယ်” လို့ ပြောပါတယ်။

ဒေါ်အောင်ဆန်းစုကြည်ကိုမြင်မြင်ချင်း ကန်တော့ဖြစ်ခဲ့မိတဲ့အကြောင်း ကိုလည်း မေခလာက …”အမေစု ကိုတော့ မြင်မြင်ချင်းလက်အုပ်ချီကန်တော့ မိလိုက်တယ်။ အလိုလိုဖြစ်သွားတာ။ဒါသူညှို့ယူတာ မဟုတ်ဘူး။ သူ့ရဲ့အနစ်နာခံမှု၊ သူ့ရဲ့စိတ်ဓာတ်၊ သူ့ရဲ့မေတ္တာတရားကြောင့် လူတွေအားလုံးက သူ့ဆီကို ရောက်သွား တာ ပါ။

ဒါကြောင့် အမေစုရဲ့ပွဲမှန်သမျှ အစ်မရှိရင် ဘာပွဲမဆိုဆိုမယ်။ ဘယ်တာဝန်ပဲ ထမ်းရွက်ရ၊ ထမ်းရွက်ရပါ။ အမေစုကို ထပ်မံတွေ့ဆုံချင်ပါတယ်။ တွေ့ဆုံတိုင်း လည်း ပညာတွေရလိမ့်မယ်လို့ အစ်မမျှော်လင့်ပါ တယ်”လို့ပြောပါတယ်။

သတင်း...Popular News

လွတ်လပ်ခြင်း အနုပညာ ရုပ်ရှင်ပွဲတော် ဆုရစာရင်း

လွတ်လပ်ခြင်း အနုပညာ ရုပ်ရှင်ပွဲတော် ဆုပေးပွဲ အခမ်းအနားကို ယနေ့ (ဇန်နဝါရီလ ၄ ရက်နေ့) ညနေ ၆ နာရီက တော်ဝင်စင်တာတွင် ကျင်းပပြုလုပ်လျက် ခဲ့ပါသည်.။

ပရိတ်သတ် အကြိုက်ဆုံး ဇာတ်ကားဆု - အဲဒီအခန်းဖြတ် (ဒါရိုက်တာ ဝိုင်း) ရရှိသွားပါသည်။

အကောင်းဆုံး Animation ဆု - Unity & Freedom (ဒါရိုက်တာ ဇော်ဘိုဘိုဟိန်း)ရရှိသွားပါသည်။

အကောင်းဆုံး မျက်နှာသစ် ဒါရိုက်တာဆု - ဒါရိုက်တာ အောင်ဇော်မိုး (Still in Dark)ရရှိသွားပါသည်။

အကောင်းဆုံး ရုပ်ရှင်ဇာတ်လမ်းတို (Short Film) ဆု - ကြိုး (String) (ဒါရိုက်တာ မင်းသိုက်)ရရှိသွားပါသည်။

အကောင်းမှတ်တမ်းရုပ်ရှင် (Documentry) ဆု - Click in Fear ဆုံး (ဒါရိုက်တာ စိုင်းကျော်ခန့်)ရရှိသွားပါသည်။

" မင်္ဂလာပါ ဒီမိုကရေစီ " ဟူသော အမည်ဖြင့် ရုပ်ရှင်ပြိုင်ပွဲ တစ်ရပ် ထပ်မံပြုလုပ်သွားမည် ဖြစ်ကြောင်း လွတ်လပ်ခြင်း အနုပညာ ရုပ်ရှင်ပွဲတော် ဆုပေးပွဲ အခမ်းအနားတွင် နိုင်ငံကျော် ဟာသ အနုပညာရှင် ဦးသူရ ခေါ် ဇာဂနာက မီဒီယာများသို့ ပြောကြားသည်။

အကောင်းဆုံး ရုပ်ရှင်ဇာတ်လမ်းတို (Short Film) ဆုကို ဆွတ်ခူးရရှိခဲ့တဲ့ ဒါရိုက်တာ မင်းသိုက်၏ “ကြိုး (String)” ရုပ်ရှင်ကား။

လွတ်လပ်ရေး၏ အရသာနှင့်တန်ဖိုးကို ခံစားသိရှိနိုင်ရန် စွဲမြဲသောယုံကြည်ချက်နှင့် သန္နိဋ္ဌာန်ချ ဆောင်ရွက်သွားကြရန် လိုအပ်ကြောင်းဒေါ်အောင်ဆန်းစုကြည်က တိုက်တွန်း

ယနေ့ပြုလုပ်သည့် ၆၄ နှစ်မြောက် လွတ်လပ်ရေးနေ့ အထိမ်းအမှတ် အခမ်းအနား ကို ရန်ကုန်မြို့ ရွှေဂုံတိုင်ရှိ အမျိုးသားဒီမိုကရေစီ အဖွဲ့ချုပ် (NLD) ရုံးချုပ်တွင် ပြုလုပ်သည် ။ ထိုအခမ်းအနားတွနိုင်ငံရေးအကျဉ်းသားအားလုံး ဆက်လက်လွှတ်ပေးရန် တိုက်တွန်း ပြောဆိုရမည်ဖြစ်ကြောင်း၊ အစိုးရနှင့် ပတ်သက်၍ သမ္မတဦးသိန်းစိန်၏ စေတနာကို ယုံကြည်သော်လည်း လူတဦးတယောက်တည်းဖြင့် သွား၍ မရကြောင်း၊ အားလုံးတွင် တာဝန်ရှိကြောင်းလည်း ဒေါ်အောင်ဆန်းစုကြည်က ပြောသည်။

“ကျမတို့က ယုံကြည်ချက်နဲ့ လုပ်နေတဲ့သူတွေပါ။ ယုံကြည်ချက်ဆိုတာက မူတွေကို ယုံကြည်တာလည်း ရှိတယ်။ ကိုယ့်ရဲ့ အစွမ်းအစကို ယုံကြည်တာလည်း ရှိတယ်။ အဖွဲ့ချုပ်က ဒီမိုကရေစီမူတွေကို ယုံကြည်လို့ နှစ် ၂၀ ကျော် ရုန်းကန်ခဲ့တာဖြစ်တယ်။ ကျမတို့က ဒီမိုကရေစီမူတွေနဲ့ ကိုက်ညီတဲ့ နိုင်ငံတခု ထူထောင်နိုင်တယ်ဆိုတဲ့ ယုံကြည်ချက်လည်း ရှိစေချင်ပါတယ်။ အခက်အခဲတွေကြားက ဆက်လုပ်သွားမယ်” ဟု ဒေါ်အောင်ဆန်းစုကြည်က ပြောကြားသွားသည်.။

(၆၄)ကြိမ်မြောက် မလွတ်လပ်သေးသော လွတ်လပ်ရေးနေ့ မှာ တစ်ချို့ကလည်း ဒီလိုမေးခွန်းထုတ်နေကြတယ် ။

ဓာတ်ပုံ....ကို Ah Bayah

ဇန္န၀ါရီ ၂ ရက် လွတ်ငြိမ်းချမ်းသာခွင့်အမိန့်အား အနှစ်သာရမဲ့သော ပြစ်ဒဏ်လျှော့ပေးခြင်းအဖြစ်သာ အေအေပီပီမှ ရှုမြင်

သတင်းထုတ်ပြန်ချက်
၂၀၁၂ ခုနှစ် ဇန္န၀ါရီလ ၄ ရက်နေ့

၂၀၁၂ ခုနှစ် ဇန်န၀ါရီလ ၂ ရက်နေ့တွင် ကြံ့/ဖွံ့ အစိုးရ သမ္မတ ဦးသိန်းစိန် လက်မှတ်ထိုးပြီး နိုင်ငံတော် လွတ်ငြိမ်းချမ်းသာခွင့်အမိန့်ကို ကြေညာသွားခဲ့သည်။ ထိုအမိန့်အရ သေဒဏ်ကျခံရသူများ အား ထောင်ဒဏ်တစ်သက် (နှစ်အကန့်အသက်မရှိ)၊ - နှစ် ၃၀ အထက် ကျခံနေရသူများ (နှစ်အကန့်အသတ်မရှိနှင့် ထောင်ဒဏ်တစ်သက်မပါ) အား နှစ် ၃၀၊ - နှစ် ၂၀ မှ နှစ် ၃၀ အထိ ကျခံနေရသူများအား နှစ် ၂၀၊ - နှစ် ၂၀ အောက် ကျခံနေရသူများအား ၄င်းတို့ ကျခံနေရသည့် ထောင်ဒဏ်၏ လေးပုံတစ်ပုံကို လွတ်ငြိမ်းချမ်းသာခွင့်ပြုသည် ဟု ဖေါ်ပြထားပေသည်။

ထိုကြေညာချက်သည် လွတ်ငြိမ်းချမ်းသာခွင့်ဟု မခေါ်ဆိုနိုင်ဘဲ ပြစ်ဒဏ်လျှော့ပေါ့သည့် အမိန့်သာဖြစ်သည်။
သမ္မတ ဦးသိန်းစိန် အစိုးရလက်ထက်တွင် လွတ်ငြိမ်းချမ်းသာခွင့် အမိန့် ၃ ကြိမ် ကြေညာပြီးဖြစ်သည်။ ပထမအကြိမ် ၂၀၁၁ ခုနှစ် မေလတွင် အကျဉ်းသား ၁၄၀၀၀ ကျော် လွှတ်ပေးရာတွင် အေအေပီပီ၏ မှတ်တမ်းအရ နိုင်ငံရေးအကျဉ်းသား ၇၂ ဦးသာပါဝင်ခဲ့ပြီး ဒုတိယအကြိမ် ၂၀၁၁ အောက်တိုဘာလတွင် အကျဉ်းသား ၆၃၀၀ ကျော် လွှတ်ပေးရာတွင် နိုင်ငံရေးအကျဉ်းသား ၂၄၁ ဦးသာ ပါဝင်ခဲ့သည်။ ရာခိုင်နှုန်းအရ ၁.၅ ရာနှုန်းသာ ပါဝင်ခဲ့သည်။ ယခုကြေညာချက်အရဆိုလျှင် ပျမ်းမျှအားဖြင့် နိုင်ငံရေးအကျဉ်းသား ၁၀၀ အောက်သာ လွတ်မြောက်လာနိုင်မည်ဖြစ်ပြီး ထိုသူများထဲတွင်လည်း မကြာမီ ပြစ်ဒဏ်ကုန်ဆုံးကာ လွတ်ရက်စေ့တော့မည့် သူများအများအပြားပါဝင်မည်ဖြစ်သည်။ ယခုကြေညာချက်အရ လွတ်မြောက်သူများထဲတွင် ယနေ့အထိ အေအေပီပီမှ စုဆောင်းထားသော မှတ်တမ်းအရ ၃၄ ဦးသာ လွတ်မြောက်လာခဲ့သည်။ ဦးခွန်ထွန်းဦးအပါအ၀င် တိုင်းရင်းသားခေါင်းဆောင်များ၊ ကိုမင်းကိုနိုင်အပါအ၀င် ၈၈ မျိုးဆက်ကျောင်းသားခေါင်းဆောင်များနှင့် နှစ်ရှည်အကျဉ်းကျခံနေရသော ရဟန်း၊ သံဃာကျောင်းသား ပြည်သူများ ပါဝင်မည်မဟုတ်ပေ။

ယခုကြေညာချက်သည် လက်ရှိအစိုးရ ထိပ်တန်းတာဝန်ရှိသူများ ပြောဆိုနေသော ကတိက၀တ်များကို မိမိတို့ကိုယ်တိုင် ပြောင်ပြောင်တင်းတင်း ချိုးဖောက်လိုက်သည့် လုပ်ရပ်ဖြစ်သည့်အပြင် နိုင်ငံတကာ မိတ်ဆွေများသို့ စိန်ခေါ်လိုက်သည့် လုပ်ရပ်ပင်ဖြစ်သည်။

ယနေ့အကျဉ်းကျခံနေရသော နိုင်ငံရေးအကျဉ်းသားများသည် ယခင်အစိုးရလက်ထက် အာဏာပိုင်များမှ နိုင်ငံရေးနှင့် ဆက်စပ်၍ ဖမ်းဆီးထောင်ချထားသူများပင်ဖြစ်သည်။ တရားဥပဒေနှင့်အညီ ချမှတ်ထားသော ပြစ်ဒဏ်များ မဟုတ်ပေ။ တရားဥပဒေကို လေးစားလိုက်နာသော အစိုးရဖြစ်လိုပါက ထိုအမှုများကို ချေဖျက်ပစ်ပြီး ချွင်းချက်မရှိ လွှတ်ပေးခြင်း၊ နိုင်ငံတော် ပြန်လည်ထူထောင်ရာတွင် ထိုလူများကို လွတ်လပ်စွာ ပါဝင်ခွင့်ပြုခြင်း စသည့် အခင်းအကျင်းများကို မဖြစ်မနေ ဖန်တီးပေးရမည်သာဖြစ်သည်။

သို့သော်လည်း ယခုကဲ့သို့ ၈၈ မျိုးဆက်အပါအ၀င် နှစ်ရှည်ထောင်ဒဏ်များချမှတ်ထားသော နိုင်ငံရေး အကျဉ်းသားများကို စနစ်တကျ ချန်လှပ်၍ ထုတ်ပြန်လိုက်သော ထိုကြေညာချက်ကြောင့် လက်ရှိ ဆောင်ရွက်နေသော ငြိမ်းချမ်းရေးလုပ်ငန်းစဉ်များ၊ ပြန်လည်သင့်မြတ်ရေးလုပ်ငန်းစဉ်များအား တိုင်းရင်းသားပြည်သူများ၊ အတိုက်အခံများနှင့် နိုင်ငံတကာအသိုင်းအ၀ိုင်းမှ သံသယရှိလာမည်ဖြစ်သည်။ အယုံအကြည်ကင်းမဲ့ လာမည်သာဖြစ်သည်။

ထို့ကြောင့် တရားဥပဒေစိုးမိုးရေး၊ ငြိမ်းချမ်းရေး၊ အမျိုးသားပြန်လည်သင့်မြတ်ရေး လုပ်ငန်းစဉ်များ တိုးတက် ဖြစ်ထွန်းရေးအတွက်၊ ပြည်သူများ ယုံကြည်ကိုးစားသော အစိုးရတရပ်ဖြစ်ပေါ်ရေးအတွက် ပထမအဆင့်အနေဖြင့် နိုင်ငံရေး အကျဉ်းသားများရှိသည်ကို အသိအမှတ်ပြုပြီး အားလုံးကို ချွင်းချက်မရှိ အမြန်ဆုံးပြန်လွှတ်ပေးရန်လိုအပ်ကြောင်း ထပ်မံ သတိပေးလိုက်ပါသည်။ သို့မှသာ ကျန်ရှိနေသေးသော ငြိမ်းချမ်းရေးလုပ်ငန်းစဉ်များ၊ ပြန်လည်သင့်မြတ်ရေး လုပ်ငန်းစဉ်များကို တက်လှမ်းနိုင်မည် ဖြစ်သည်။


နိုင်ငံရေးအကျဉ်းသားများကူညီ စောင့်ရှောက်ရေး အသင်း (မြန်မာနိုင်ငံ)

ဆက်သွယ်ရန်
ကိုတိတ်နိုင် (အတွင်းရေးမှူး) +၆၆ (၀) ၈၁ ၂၈၇ ၈၇၅၁
ကိုဘိုကြည် (တွဲဖက်အတွင်းရေးမှူး) +၆၆ (၀) ၈၁ ၉၆၂ ၈၇၁၃

အဂ္ဂမဟာ သရေစည်သူ ၊ အဂ္ဂမဟာသီရိသုဓမ္မာ ဦးသိန်းစိန် ဆိုပါလား ။။

သမ္မတ ဦးသိန်းစိန်၏ လွတ်ငြိမ်းခွင့်ကြေညာ နိုင်ကျဉ်းမိသားစုဝင်များ စိတ်ပျက်

သဘက်ခါတွင်ကျရောက်မည့် လွတ်လပ်ရေးနေ့ကို ကြိုဆိုသည့်အားဖြင့် အကျဉ်းထောင်အသီးသီးတွင် အကျဉ်းကျခံနေရသူများအား ပြစ်ဒဏ်လွတ်ငြိမ်းခွင့်ပြုကြောင်း ကြေညာပြီးနောက် နိုင်ငံရေး အကျဉ်းသားများ၏ မိသားစုများ စိတ်ပျက်လျှက်ရှိကြောင်ုး ပြောဆိုကြသည်။

ယနေ့ညနေ ၄ နာရီတွင်ကြေညာသည့် ကြေညာချက်အရ သေဒဏ်ကျခံရသူများအား ထောင်ဒဏ် တသက်သို့၎င်း၊ နှစ် ၃၀ နှင့် အထက်ဆိုပါက နှစ် ၃၀ သို့၎င်း၊ နှစ် ၂၀ မှ ၃၀နှစ် အထိ ဆိုပါက ၂၀ နှစ်သို့၊ နှစ် ၂၀ အောက် ဆိုပါက ၄ပုံ၁ ပုံလျော့ပေါ့ မည်ဟု ပါရှိသည်။

ယနေ့ ညနေ ကြေညာချက် ထွက်ပေါ်လာခါစတွင် ကြေညာချက်အပေါ် ရှင်းလင်းစွာ နားမလည်ပဲရှိရာမှ နောက်တကြိမ် သတင်းကြေညာပြီးနောက်တွင်မူ နိုင်ငံရေး အကျဉ်းသားမိသားစုဝင်များက စိတ်ပျက်ကြောင်း ပြောဆိုကြသည်။

၈၈ မျိုးဆက် ကျောင်းသားခေါင်းဆောင် မင်းကိုနိုင် လွတ်မြောက်မည့်အထဲ မပါဝင်နိုင်ခြင်းနှင့် ပတ်သက်ပြီး မမီမီလွင်က “ မပါပါဘူးရှင် မပါပါဘူး၊ ဒီအတိုင်းဆို နှစ် ၄၀ လောက် ကျန်ဦးမယ်” ဟု YPI သို့ပြောသည်။

ထို့အတူ ကျောက်ဖြူထောင်သို့ ထောင်ဝင်စာ သွားတွေ့လျှက်ရှိသူ နိုင်ငံရေး အကျဉ်းသား ကိုဝင်းမော် (ရွှေသံစဉ်) ၏ ဇနီးဖြစ်က “ စိတ်ဓါတ်ကျသွားပြီ၊ တော်ပြီ ပြန်တော့မယ်၊ ကျောက်ဖြူထောင်မှာတော့ နိုင်ငံရေး အကျဉ်းသား တယောက်မှ မလွတ်ဘူး” ဟု ပြောသည်။ ကိုဝင်းမော်၏ ဇနီးနှင့် သမီးဖြစ်သူတို့မှာ လွတ်လပ်ရေးနေ့တွင် လွတ်ငြိမ်းချမ်းသာခွင့်ပြုမည် ဆိုသည့်သတင်းကြောင့် ကြိုဆိုရန် ရည်ရွယ် သွားရောက် ခဲ့ခြင်းဖြစ်သည်။

သမ္မတ ဦးသိန်းစိန် အစိုးရသစ် တက်လာပြီးနောက် လွတ်ငြိမ်းချမ်းသာခွင့် ၂ ကြိမ်ကြေညာခဲ့သော်လည်း ထင်ရှားသည့် နိုင်ငံရေး အကျဉ်းသားအများအပြား လွတ်မြောက်လာခြင်းမရှိသေးပေ၊ မလွတ်မြောက်လာသည့် အထဲတွင် ရှမ်းတိုင်းရင်းသား ခေါင်းဆောင်အချို့၊ ၈၈ မျိုးဆက် ကျောင်းသားခေါင်းဆောင်များ နှင့် သတင်းထောက်များပါဝင်သည်။

သတင်း...

Yangon Press International

ကျွန်တော်နှင့် ဆောင်းအိပ်မက်များ (မောင်ဝံသ)

အလုပ်လေးတွေ များနေတာနဲ့ ဆောင်းပါးတွေ မတင်ဖြစ်ခဲ့ပါ။ ယခု ၂ ဇန်န၀ါရီမှာ ထွက်လာတဲ့ လွတ်ငြိမ်းချမ်းသာခွင့် အမိန့်ဆိုတာကို နားထောင်ပြီး လုံးဝ မပျော်နိုင်ဘဲ စိတ်ပျက်နေမိပါတယ်။ ဒါနဲ့ပဲ ပြီးခဲ့တဲ့ အပတ်က True News သစ္စာဂျာနယ်မှာ ဖော်ပြခဲ့တဲ့ အောက်ပါ ဆောင်းပါးကို တင်ဖြစ်သွားပါတယ်။

မှန်တာပြောသစ္စာ / မောင်ဝံသ

ကျွန်တော်နှင့် ဆောင်းအိပ်မက်များ

အခုရက်ပိုင်း ညနေ နေ၀င်သွားပြီဆိုရင် နည်းနည်းလေး ချမ်းစိမ့်စိမ့်ဖြစ်လာပြီး ညသန်းခေါင်ကျော်လောက်ဆိုရင် သိသိသာသာအေး လာလို့ တစ်နွေလုံး တစ်မိုးလုံး ပစ်ထားခဲ့တဲ့ စောင်ကို အိပ်ချင်မူးတူးနဲ့ ဖမ်းဆွဲပြီး ခြုံရတဲ့ညတွေ ဆက်တိုက်လိုကို ကြုံလာရတော့မှ သြော် ဆောင်းတောင် ရောက်လာပြန်ပြီကော ရယ်လို့ သတိပြုမိတော့တယ်ဗျ။

ကြက်သီးဖြန်းရုံလောက် အအေးဓာတ်ကို သယ်ဆောင်လာတဲ့ မြောက်ပြန် လေနဲ့ အတူ ဆောင်းညတွေ ရောက်လာပြီဆိုတာနဲ့ တစ်တွဲတည်းပါလာတာ ကတော့ ``ဆောင်းတွင်းအိပ်မက်ဂယောက်ဂယက်´´ ဆိုရိုးစကားမှန်ကန်ကြောင်း ထပ်တလဲလဲ သက်သေပြနေတဲ့ ဟိုရောက် ဒီရောက် အိပ်မက်တွေပဲဖြစ်တယ် ဗျာ။

အပေါ်ရောက်လိုက် အောက်ပြန်ကျလိုက်

အခုရက်ပိုင်းအတွင်း ညတိုင်းလိုလို အဲဒီဂယောက်ဂယက် ဟိုရောက် ဒီရောက်အိပ်မက်တွေက ကျွန်တော့်ရဲ့ အိပ်စက်ခြင်းကို စိုးမိုးထားကြတယ်ဗျ။ အိပ်မက်တွေက ပုံသဏ္ဌာန်အမျိုးမျိုးဖြစ်ကြပေမယ့် အားလုံးမှာတူညီတဲ့ တစ်ခုတည်းသော အချက်ကတော့ ရိုလာကိုစတာစီးရသလို ဗြုန်းခနဲ အပေါ်ရောက်သွားလိုက်၊ ဗြုန်းခနဲ အောက်ပြန်ရောက်လိုက်။ အခုပဲ ပျော်လိုက်ရ၊ ချက်ချင်းပဲ ၀မ်းနည်း ကြေကွဲလိုက်ရ။ အဲသလို ဆန့်ကျင်ဖက် ခံစားမှုတွေ ရောနှောလုံးထွေးနေတာဖြစ်တယ်ဗျ။ အဲဒီဆောင်းအိပ်မက်တွေက ကျွန်တော့်ရဲ့ဆောင်းညတွေကို သိမ်းပိုက်ထားကြတယ်ဗျာ။

မသိစိတ်ရဲ့ တုံ့ပြန်မှုတစ်မျိုး

အိပ်မက်ဆိုတာ လက်တွေ့ဘ၀မှာ ကြုံတွေ့ရင်ဆိုင်ဖြတ်သန်းနေရတဲ့ အကြောင်းအရာ အဖြစ်အပျက်တွေအပေါ် မသိစိတ်ရဲ့ တုံ့ပြန်မှု ပုံသဏ္ဌာန် တစ်မျိုးဖြစ်တယ်ဆိုတဲ့ စိတ်သရုပ်ခွဲပညာရှင်တွေရဲ့ ရေးသားချက်ကို ဖတ်ဖူးထားတော့ ကျွန်တော် အခုတစ်လော မက်နေတဲ့ ဆောင်းအိပ်မက် တွေဟာ အဲသလိုမျိုး ဖြစ်လေမလားလို့လည်း တွေးနေမိတယ်ဗျ။

တောင့်တမျှော်လင့်နေတဲ့အရာနှစ်ခု

အားလုံးသိကြတဲ့အတိုင်း ကျွန်တော်တို့နိုင်ငံနဲ့ ပတ်သက်ပြီး မြန်မာပြည်သူ တွေရော ကမ္ဘာ့ပြည်သူတွေပါ လတ်တလောမှာ ပြင်းပြင်းပြပြ လိုလား တောင့်တစောင့်မျှော်နေကြတဲ့ အရာနှစ်ခုက ယုံကြည်ချက်ကြောင့် အကျဉ်းချ ထားခြင်း ခံနေကြရတဲ့ အကျဉ်းသားအားလုံး အမြန်ဆုံးနဲ့ ချွင်းချက်မရှိ ပြန်လည် လွတ်မြောက်လာကြရေးနဲ့ ထာဝရငြိမ်းချမ်းရေးရဲ့ အရေးအကြီးဆုံးသော ကနဦး ၀န်းကျင်အနေအထားအဖြစ် တစ်နိုင်ငံလုံးမှာ သေနတ်သံတွေ ရပ်စဲတိတ်ဆိတ် သွားရေးပဲဖြစ်တယ်ဗျ။

မြစ်ဆုံရေကာတာ ကိစ္စ

စတုတ္ထမဏ္ဍိုင်ကို အလေးထားကြရမယ်ဆိုတဲ့ သမ္မတကြီးရဲ့ စကားကို အားကိုးအားထားပြုပြီး ပွင့်ပွင့်လင်းလင်း ပြောရရင်တော့ ကျွန်တော့်ရဲ့ ဆောင်းတွင်းအိပ်မက်ဂယောက်ဂယက်တွေဟာ အဲဒီကိစ္စနှစ်ခုနဲ့ တိုက်ရိုက် ဆက်နွှယ်နေတယ်လို့ ကျွန်တော် တစ်ထစ်ချယုံနေမိတယ်ဗျာ။ တကယ်တော့ ပြောရရင် ကျွန်တော့်ရဲ့ ဆောင်းအိပ်မက်တွေဟာ မိုးနှောင်းကာလကတည်းက ပြောက်တိပြောက်ကျား စတင်နေခဲ့တာဖြစ်တယ်ဗျ။ တိတိကျကျပြောရရင် ဧရာဝတီမြစ်ဆုံရေကာတာသတင်းနဲ့အတူ သန္ဓေတည်နေခဲ့တာဖြစ်တယ်ဗျ။ ပြည်သူတွေရဲ့ ဆန္ဒကို မဆန့်ကျင်ပါဘူးလို့ ၀န်ကြီးတစ်ပါးက ပြောလိုက်၊ နောက်ဝန်ကြီးတစ်ပါးက ဘယ်သူတွေပဲကန့်ကွက်ပါစေ အဲဒီစီမံကိန်းကို ဆက် လုပ်သွားမယ်လို့ ပြောလိုက်။ အဲဒီဝန်ကြီးကပဲ ဒီကိစ္စအတွက် လွှတ်တော်ရဲ့ အဆုံးအဖြတ်ကို ခံယူပါမယ်လို့ ပြောလိုက်နဲ့ ကျွန်တော်တို့ ပြည်သူတွေဟာ ရိုလာကိုစတာစီးရသလို အပေါ်ရောက်သွားလိုက်၊ အောက်ပြန်ကျသွားလိုက်။ အိပ်မက်ထဲမှာလည်း ကျွန်တော်ဟာ ထီ ပေါက်လိုက်၊ လက်မှတ်ပျောက်သွား လိုက် ပြန်ရှာတွေ့လိုက်၊ နောက်တစ်ခါ ပြန်ပျောက်သွားလိုက်နဲ့ နောက်ဆုံး သမ္မတကြီးရဲ့ ဆုံးဖြတ်ချက် ထွက်ပေါ်လာတော့မှပဲ ကျွန်တော့်ရဲ့ညတွေထဲက ဧရာဝတီ ခြောက်အိပ်မက်လည်း ထွက်သွားတော့တယ်ဗျာ။

ရတနာသိုက်မြေပုံတစ်ခြမ်းပဲ ရသလို

ဧရာဝတီအိပ်မက်ထွက်သွားပေမယ့် ယုံကြည်ချက် အကျဉ်းသားအိပ်မက်နဲ့ ငြိမ်းချမ်းရေးအိပ်မက်တွေက ကျန်နေခဲ့သေးတာ ဖြစ်တယ်ဗျ။ အကျဉ်းသားကိစ္စ မှာလည်း အရပ်သားအစိုးရတက်လာပြီး မကြာမီမှာ အထွေထွေလွတ်ငြိမ်း ချမ်းသာခွင့် ပေးမယ်ဆိုတဲ့ သတင်းတွေ ထွက်လာတော့ ကျွန်တော့်အိပ်မက်က ရတနာသိုက်မြေပုံကောက်ရတဲ့ အိပ်မက်။ ပြစ်ဒဏ်တစ်နှစ်ပဲ လျှော့ပေါ့ပေး လိုက်တယ်ဆိုတဲ့ အမိန့် ထွက်လာတော့ ကျွန်တော့်အိပ်မက်က ကျွန်တော် ကောက်ရတဲ့ ရတနာသိုက်မြေပုံက တစ်ခြမ်းပဲဖြစ်နေတဲ့ အိပ်မက်။ ဒုတိယတစ်ကြိမ် လွတ်ငြိမ်းချမ်းသာခွင့်အမိန့် ထွက်လာပြန်တော့ ကျွန်တော့်အိပ်မက်က ရတနာသိုက်ရှိတဲ့ဂူနားရောက်လာပေမယ့် ဂူဝကို ရှာမတွေ့တဲ့ အိပ်မက်၊ လွတ်လာတဲ့အထဲ ယုံကြည်ချက်အကျဉ်းသား နှစ်ရာလောက် ပါလာတယ် ကြားရတော့ ကျွန်တော့်အိပ်မက်က ရတနာသိုက်ရဲ့ သဲလွန်စ ရွှေမန်ကျည်းသီးတစ်တောင့် ကောက်ရတဲ့အိပ်မက်။ လူ့အခွင့်အရေး ကော်မရှင်ရဲ့ ဒုတိယအကြိမ် မေတ္တာရပ်ခံချက် ထွက်လာတော့ ကျွန်တော့် အိပ်မက်က ဂူဝနားရောက်နေပါလျက် ဂူဝပျောက်နေတဲ့အိပ်မက်။ နောက်တစ်နေ့မှာ ယုံကြည်ချက် အကျဉ်းသားတချို့ (လေးငါးယောက်) ရဲ့ ထောင်အပြောင်းအရွှေ့သတင်းကြားရတော့ ကျွန်တော့်အိပ်မက်က ရတနာသိုက်ရှိတဲ့ ဂူကြီးနဲ့ ပြန်ဝေးသွားပြန်တဲ့အိပ်မက်။ ယုံကြည်ချက် ကြောင့် အကျဉ်းကျခံနေရသူဆိုတာ မရှိပါဘူးဆိုတဲ့စကားမျိုးတွေ ကြားလိုက်ရတော့ ကျွန်တော့်အိပ်မက်က ရတနာသိုက်မြေပုံ ကျပျောက်သွားတဲ့အိပ်မက်။

ထီလက်မှတ်ပျောက်ပျောက်သွားသလို

ငြိမ်းချမ်းရေးနဲ့ပတ်သက်တဲ့ ကျွန်တော့်အိပ်မက်တွေကလည်း အဲသလိုပဲဗျ။ မီဒီယာတွေထဲမှာ အပစ်အခတ်ရပ်စဲရေးဆွေးနွေးလွှဲတွေ လုပ်နေပြီဆိုတဲ့ သတင်းနဲ့ တိုက်ပွဲတွေ ဆက်ဖြစ်နေတုန်းပဲဆိုတဲ့ သတင်းတွေ တစ်လှည့်စီ ထွက်ပေါ်နေတဲ့ တစ်ချိန်တည်းမှာ ကျွန်တော့်ရဲ့ အိပ်မက်တွေကလည်း ထီပေါက်လိုက်၊ လက်မှတ်ပျောက်လိုက်၊ ပြန်ကောက်ရလိုက်၊ ပြန်ပျောက်လိုက်နဲ့ ကျွန်တော်ဟာ အိပ်မက်ကပေးတဲ့ နှလုံးရောဂါရနေသူဖြစ်နေပြီဗျ။ ထိုးစစ်ဆင်တိုက်ခိုက်မှုတွေ ရပ်ဆိုင်ဖို့ သမ္မတကြီးက ကာကွယ်ရေးဦးစီးချုပ်ထံ ညွှန်ကြားချက်ပေးပို့လိုက်ပြီ ဆိုတဲ့ သတင်းကြောင့် ဒီတစ်ခါတော့ ထီဆုငွေ တကယ်ရတော့မယ်ဆိုတဲ့ အိပ်မက်မက်ခဲ့ပေမယ့် ထိုးစစ်ဆင် တိုက်ခိုက်မှုတွေ ဆက်ရှိနေဆဲပဲ ဆိုတဲ့ ကေအိုင်အေတာဝန်ရှိသူတွေရဲ့ ပြောစကားတွေ ကြားနေရပြန်တော့ ကျွန်တော့်အိပ်မက်ထဲက ထီဆုငွေပုံကြီးဟာ တံလျှပ်လို ထိမရ ကိုင်မရဖြစ်နေရပြန်တယ်ဗျာ။ ဒီကြားထဲ အစိုးရဘက်က ငြိမ်းချမ်းရေး ကိုယ်စားလှယ်အဖွဲ့ခေါင်းဆောင်က ငြိမ်းချမ်းရေးရဖို့ နောက်ထပ် ၃ နှစ်တောင် စောင့်ရလိမ့်ဦးမယ်လို့ ပြောလိုက်ပြန်တော့ သြော် ... ငါတို့ တိုင်းရင်းသား ညီအစ်ကိုမောင်နှမတွေရဲ့ သောကမျက်ရည် တွေ နောက်ထပ် အနည်းဆုံး ၃ နှစ်တော့ ဆက်ကျရဦးမယ့်သဘောပါလားလို့ တွေးမိပြီး ကျွန်တော့်အိပ်မက် တွေလည်း ၀င်္ကပါထဲမှာ တ၀ဲလည် လည် ဖြစ်ခဲ့ရပြန်တယ်ဗျာ။

ဆောင်းအိပ်မက်တွေ မလိုချင်

ရှင်းရှင်းပြောရရင် ကျွန်တော့်ရဲ့ လူ့ဘ၀သက်တမ်းတစ်ခုလုံးနီးပါး ကာလအတွင်း ပြည်သူတွေအနေနဲ့ ပထမဆုံးအကြိမ်အဖြစ် မျှော်လင့်ချက် ရောင်ခြည်တန်းတွေ မြင်နေကြရတာဖြစ်တဲ့ ဒီကနေ့ကာလမှာ ကျွန်တော် ဆောင်းတွင်းအိပ်မက် ဂယောက်ဂယက်တွေ မက်မနေချင်တော့ဘူးဗျာ။ ပြည်သူတွေ အဲဒီမျှော်လင့်ချက်ရောင်ခြည်တန်းကလေးတွေ မြင်လာရအောင် လုပ်ပေးခဲ့တဲ့ အစိုးရတစ်ရပ်ကို တချို့က မယုံသင်္ကာပြောနေကြတဲ့ စကားတွေကိုလည်း ကျွန်တော် မကြားချင်တော့ဘူးဗျ။ လက်ရှိအစိုးရဟာ စစ်အာဏာရှင်စနစ် ရာသက်ပန် တည်တံ့ ခိုင်မြဲရေးဆိုတဲ့ ]မဟာသေနင်္ဂဗျူဟာ} တစ်ရပ်ကို ချမှတ်ကျင့်သုံးနေတာသာဖြစ်တယ်၊ လူထုခေါင်းဆောင် ဒေါ်အောင်ဆန်းစုကြည်နဲ့ NLD ဒီချုပ်ကို သူတို့တရားဝင် (Legitimate) ဖြစ်ဖို့ အတွက်သာ အသုံးချနေတာဖြစ်တယ်၊ လက်ရှိအစိုးရဟာ သူ့အရင်က စစ်အစိုးရ အဆက်ဆက်လိုပဲ နိုင်ငံရေးသမားတွေကို ခါးခါးသီးသီးမုန်းတီးတဲ့ အစိုးရ ဖြစ်တယ်၊ နိုင်ငံရေးအကျဉ်းသားတွေကို ဓားစာခံတွေအဖြစ် သဘောထားတဲ့ အစိုးရဖြစ်တယ်၊ တိုင်းရင်းသားလက်နက်ကိုင်အဖွဲ့တွေအပေါ်လည်း အမြင် သဘောထား မပြောင်းဘဲ ကျဉ်းမြောင်းတဲ့လူမျိုးရေးအမြင်ရှိတဲ့ ခွဲထွက်ရေး ၀ါဒီသောင်းကျန်းသူတွေအဖြစ် ဆက်လက်ရှုမြင်နေတဲ့ အစိုးရဖြစ်တယ်စတဲ့ ပြည်တွင်း ပြည်ပ လူတချို့ရဲ့ စကားတွေကို ကျွန်တော့် မှာ လက်လည်းမခံချင်၊ ပိုင်ပိုင်နိုင်နိုင် ငြင်းလည်း မငြင်းနိုင်ဖြစ်နေရတယ်ဗျာ။

မျက်စောင်းထိုးမခံရအောင်

ပြီးခဲ့တဲ့အမျိုးသားအောင်ပွဲနေ့က NLD ရုံးချုပ်မှာ ကျင်းပတဲ့ ဟောပြောပွဲမှာ ကဗျာဆရာကြီး ကိုလေး (အင်းဝဂုဏ်ရည်)က သူ့ဟောပြော မှုအဆုံးမှာ ]သမ္မတကြီးဦးသိန်းစိန်သက်တော်ရာကျော်ရှည်ပါစေ} လို့ ဟစ်ကြွေးခဲ့တယ်ဗျ။ ကျွန်တော်တို့ စတုတ္ထမဏ္ဍိုင်သားအားလုံး မျက်စောင်းထိုး မခံရဘဲ လက်ရှိအစိုးရကို အားရပါးရ ထောက်ခံကြိုဆိုနိုင်ကြဖို့ အရေးအတွက် ဆောင်ကြဉ်းပေးပါလို့ သမ္မတကြီးနဲ့တကွ နိုင်ငံ့ခေါင်းဆောင် အားလုံးကို မေတ္တာရပ်ခံလိုက်ပါရစေဗျာ။

မောင်ဝံသ

၂၀ ၁၂ ၁၁

၂၀ ဒီဇင်ဘာ ဗိုလ်အောင်ကျော်နေ့က အထက်ပါဆောင်းပါးကို ရေးခဲ့တာပါ။ ၂ ဇန်န၀ါရီလည်း ကျရော အားလုံး သိတော်မူတဲ့အတိုင်းပါပဲ။ ကျွန်တော်တို့ကတော့ ပြည်သူတွေရဲ့ မျက်စောင်းဒဏ်ကို ကောင်းကောင်း ခံဖို့သာ ပြင်ထားပါတယ်။

သမတကြီးဦးသိနိ်းစိန်၏ အမိန့်ကြေငြာစာက လွတ်ငြိမ်းချမ်းသာခွင့် အစစ် မဟုတ်ဘူး

ဇန်န၀ါရီလ ၂ ရက်နေ့ ၄း၂၀ နာရီခန့်က MRTV-4 မှ ထုတ်လွှင့်သွားသော Breaking News အရ ....

၆၄ နှစ်မြောက် လွတ်လပ်ရေးနေ့အား ကြိုဆိုဂုဏ်ပြုသောအားဖြင့် အမိန်ကြေငြာစာအမှတ် ၂/၂၀၁၂ လွတ်ငြိမ်းချမ်းသာခွင့်အရ
- သေဒဏ်ကျခံရသူများအား ထောင်ဒဏ်တစ်သက် (နှစ်အကန့်အသက်မရှိ)၊
- နှစ် ၃၀ အထက် ကျခံနေရသူများ (နှစ်အကန့်အသတ်မရှိနှင့် ထောင်ဒဏ်တစ်သက်မပါ) အား နှစ် ၃၀၊
- နှစ် ၂၀ မှ နှစ် ၃၀ အထိ ကျခံနေရသူများအား နှစ် ၂၀၊
- နှစ် ၂၀ အောက် ကျခံနေရသူများအား ယင်းတို့ ကျခံနေရသည့် ထောင်ဒဏ်၏ လေးပုံတစ်ပုံကို လွတ်ငြိမ်းချမ်းသာခွင့်ပြုလိုက်ကြောင်း သိရသည်။

နိုင်ငံရေးအကျဉ်းသားဟောင်းများမှ တာမွေမီးသတ်မှ ကျဆုံးသွားသောရဲဘော်များအတွက်ငွေလှုဒါန်း၊

၂-၁-၂၀၁၂ နေ့တွင် နိုင်ငံရေးအကျဉ်းသားဟောင်းများမှ ၂၉ ရက်နေ့က မီးလောင်ပေါက်ကွဲမှုတွင်ကျဆုံးသွားသော မီးသတ်ဝန်ထမ်းငါးယောက်အတွက် အလှုငွေပေးအပ်ခြင်း ကို ရန်ကုန်တိုင်းကျောက်မြောင်းရှိ တာမွေမြို့နယ်မီးသတ်သို့သွားရောက်လှုဒါန်းခဲ့ပါသည်။

တာမွေမြို့နယ်မီးသတ်မှ မီးသတ်ဝန်ထမ်းငါးဦး သေဆုံးပြီး ၁၃ ဦးအတွင်းလူနာအဖြစ်တက်ရောက်ကု သနေရကြောင်းပြောပြပါသည်။ ၎င်းအတွင်းလူနာအဖြစ်ကုသခံနေသော ၁၃ ဦးအနက် ၃ ဦးမှာ ဒဏ်ရာသက် သာဆေးရုံမှပြန်လည်ဆင်း လာပြီဖြစ်ပြီး၊ နှစ်ဦး မှာကြပ်မတ်ကုသဆောင် တွင် ဝေဒနာပြင်းထန်စွာ ခံစားနေရကြောင်းပြော ပါသည်။ မိမိတို့တတ်နိုင်သည့်ဘက်မှ ကူညီအားပေးနှုတ်ဆက် စကားများပြောကြားကာ ပြန်ခဲ့ကြပါသည်။

သတင်းပေးပို့ပေးသော ဒီမိုဝေယံ အားကျေးဇူးတင်ရှိပါသည်.။

ဒေါ်အောင်ဆန်းစုကြည်၏ အားနည်းချက်များကို စောင့်ကြည်ရန် ဒေါက်တာသန်းထွဋ်အောင် ညွန်ကြား

နိုင်ငံကျော် အလဲဗင်းမီဒီယာအုပ်စု၏ အကြီးအကဲ ဒေါက်တာသန်းထွဋ်အောင်သည် ဒိမိုကရေစီခေါင်းဆောင် ဒေါ်အောင်ဆန်းစုကြည် အားနည်းချက် များကို စောင့်ကြည့်မှတ်တမ်းတင်ရန် ၎င်း၏ သတင်းထောက်တစ်ချို့ကို ညွန်ကြားထားကြောင်း ရန်ကုန်မြို့ စာနယ်ဇင်အသိုင်းက ပြောကြားသည်။

အားစားဂျာနယ်ထုတ်ဝေရာမှတဆင့် သတင်းဂျာနယ်ထုတ်ဝေပြီး နာမည်ကျော်ကြား သူ ဒေါက်တာသန်းထွဋ်အောင် သည် မြစ်ဆုံအရေးကို အကြောင်း ပြုပြီး နိုင်ငံရေး လုပ်ရန် ခြေလှမ်းပြင်နေကာ ၎င်း၏ဖေ့ဘုတ်တွင် ၈၈အရေးခင်းကာလက နိုင်ငံရေးလှုပ်ရှားမှုများကို တင်ထားကြောင်း ၎င်းနှင့်နီးစပ်သူတစ်ဦးက ဆိုသည်။

နိုင်ငံရေးလုပ်ခြင်းအပါအ၀င် ဘ၀ပုံသဏ္ဍန်ကို လူတစ်ဦးချင်း လွတ်လပ်စွာရွေးချယ်ခွင့်ရှိကြောင်း သို့ရာတွင် အောက်လမ်းနည်း ဖြတ်လမ်းနည်းများ သုံးပြီး လုပ်ကိုင်ရန်မသင့်ကြောင်း ပြင်သစ်အခြေစိုက် နယ်စည်းမခြားသတင်းထောက်အဖွဲ့မှ အလဲဗင်းကို ဆုချီးမြှင့်ခဲ့ရာ ထိုင်းနိုင်ငံ ချင်မိုင်အခြေစိုက် ဧရာဝတီ မဂ္ဂဇင်းအယ်ဒီတာ ဦးအောင်ဇော် ထောက်ခံပေးခဲ့ကြောင်း ဦးအောင်ဇော်သည် ဘက်မလိုက်သည့် မီဒီယာသမား ရပ်တည်ချက်အကြောင်းပြုပြီး နာမည်ကြီးသူ များကို တိုက်ခိုက်ကာ နာမည်ကြီးအောင်လုပ်သူ တစ်ဦးဖြစ်သဖြင့် ဒေါ်စုကို တိုက်ခိုက်ရန် ကြိုးစားနေကြောင်း ၀ါရင့် အယ်ဒီတာတစ်ဦးက ပြောကြားသည်။

နိင်ငံရေးလုပ်ခြင်း၊ မလုပ်ချင်းသည် ဒေါက်တာသန်းထွဋ်အောင်၏ လွတ်လပ်စွာ ရွေးချယ်ခွင့်ဖြစ်သော်လည်း နိင်ငံရေးလောဘတက်ပြီး အောက်လမ်း နည်း ဖြတ်လမ်းနည်းများသုံးပြီး လုပ်ကိုင်ရန်မသင့်ကြောင်း ၎င်းက သုံးသပ်ပြောကြားသည်။

သတင်း...Transparency Myanmar

ဗိုလ်ချုပ်နှင့် ခေါင်းဆောင်မှု ရှာပုံတော်

ခေါင်းဆောင်တို့၏ ခေါင်းဆောင်

ဗိုလ်ချုပ်အောင်ဆန်း ခေါင်းဆောင်အဖြစ် တစ်ခေတ်တွင် တစ်ယောက် အောင်မြင်မှုရခဲ့ခြင်းမှာ သူသည် သာမန်ခေါင်းဆောင် မဟုတ်ဘဲ ခေါင်းဆောင်များကို ခေါင်းဆောင်သော ခေါင်းဆောင် leader of leaders ဖြစ်သောကြောင့်ဖြစ်သည်။

အချို့ခေါင်းဆောင်များသည် သူ့ထက်တော်မည်ဟု ထင်ရသောသူများအား နေရာပေးလေ့ မရှိ။ အကြောင်းမှာ သူ့ထက် သာလွန်တောက်ပသွားမည် စိုးသောကြောင့် ဖြစ်သည်။ ထိုသို့ လူတော်ကို နေရာမပေးသည့် အခါ၊ လူတော်လျှင် ချောင်ထိုး ထားတတ်သည့်အခါ တစ်ခါမဟုတ် နှစ်ခါမဟုတ် အစဉ်အလာသဘော ဖြစ်လာလျှင် အဖွဲ့သားများက သိလာပြီး အစွမ်းမပြ၊ မကြိုးစားတော့ချေ။ အစွမ်းပြ ကြိုးစားပါက လမ်းဘေးရောက်မည်ကို သိလာသောကြောင့် မိမိအရည်အချင်းကို ထုတ်မပြတော့ဘဲ လျှိုထားတတ်ကြသည်။

သို့ဖြင့် အဖွဲ့အစည်းအတွင်းတွင် “မလုပ်၊ မရှုပ်၊ မပြုတ်” စိတ်ထား မင်းမူလာတော့သည်။ လျှိုထားသည်မှာ ကြာလာသည့်အခါ တကယ့်အရေးအကြောင်းတွင်ပင် အရည်အချင်းကို မထုတ်နိုင်တော့ပေ။ ထိုသို့သော ခပ်ချာချာ အဖွဲ့သားများဖြင့် ဖွဲ့စည်းထားသော အဖွဲ့အစည်းသည် ရည်မှန်းချက် ရောက်မည်မဟုတ်။ အခက်အခဲများကို ရင်ဆိုင်နိုင်မည် မဟုတ်ပေ။

ထိုခေါင်းဆောင်မျိုးများ အောက်လူကို နေရာမပေးခြင်း၊ တော်သူနှင့် လက်တွဲမလုပ်ရဲခြင်းမှာ သူတို့၏ အရည်အချင်းကို သူတို့ကိုယ်တိုင် သံသယ ဝင်နေသောကြောင့် ဖြစ်သည်။

နောက်တစ်ချက်မှာ အဖွဲ့အစည်း၏ ရည်မှန်းချက်ထက် သူ၏ ပုဂ္ဂလိက ရည်မှန်းချက်ကို ဦးစားပေးသောကြောင့် ဖြစ်နိုင်သည်။

အဖွဲ့အစည်း၏ ရည်မှန်းချက် ပြည့်စေလိုသူသည် ထိုရည်မှန်းချက်ပြည့်အောင် ဖြည့်ဆည်းနိုင်မည့်ပုဂ္ဂိုလ်များ အဖွဲ့တွင်း ရောက်လာရေး၊ အဖွဲ့တွင်းတွင် အစွမ်းပြခွင့်ကို နေရာပေး လိုသူ ဖြစ်သည်။ စောစောက ပြောခဲ့သည့် ခေါင်းဆောင်မျိုးမှာမူ အဖွဲ့အစည်း ညံ့သွား၊ မသွားကို စိတ်မဝင်စားဘဲ မိမိခေါင်းဆောင်နေရာ မလှုပ်ရေးကိုသာ ဦးစားပေး စဉ်းစားသောကြောင့် “တော်သူ” ကို မလိုလားခြင်း ဖြစ်သည်။

ဗိုလ်ချုပ်အောင်ဆန်းမှာမူ ထိုသို့သောသူ မဟုတ်ဘဲ “လူတော်ကိုချစ်” သူဖြစ်သည်။ သူသည် သူ၏ အဖွဲ့ကို “ကျော်စွာ” များဖြင့် ဖွဲ့စည်းလိုသူ ဖြစ်သည်။ ယခင်က ရန်သူဖြစ်ခဲ့သော သူများကို လက်တွဲရန် ဖိတ်ခေါ်သည်။ အဖွဲ့တွင်းတွင် နေရာကောင်းများပေးသည်။ မိမိနှင့် လတ်တလော ပြိုင်ဘက်များကိုလည်း အဖွဲ့တွင်းတွင် နေရာပေးသည်။ နောက်ဆုံးတွင် နိုင်ငံ့အကျိုးနှင့် လုံးဝဖီလာ ဆန့်ကျင် လာမှသာ ရင်နာနာနှင့် ကျောခိုင်းခဲ့ရသည်ကို ကွန်မြူနစ်ပါတီအား ဖဆပလအဖွဲ့တွင်းမှ ထုတ်ပစ်ခဲ့ခြင်း ဥပမာတွင် တွေ့ရသည်။

သူသည် လူတော်ကို မကြောက်ခြင်းမှာ သူကိုယ်တိုင်လည်း လူတော်ဖြစ်သောကြောင့် ဖြစ်သည်။ သူ့ကိုယ်သူ ယုံကြည်ချက် ရှိသည်။ မိမိကိုယ်ကို ယုံကြည်သောသူသည် မနာလိုဝန်တိုခြင်း နည်းသည်။ တော်သောသူအား တွေ့ရလျှင် စိတ်မသက်မသာ ခံစားရခြင်း နည်းသည်။ ထို့ပြင်သူသည် မိမိအရေးထက် သာလွန်မြင့်မြတ်သော Greater Good ဖြစ်သည့် နိုင်ငံအရေးကို ဦးထိပ်ထားသည်။ လူတော်များနှင့်သာ နိုင်ငံ့လွတ်လပ်ရေးကို အရယူနိုင်မည်ဟု သဘောပေါက်သူပီပီ စွမ်းဆောင်ရည် မြင့်သောသူများနှင့် ပူးပေါင်းဆောင်ရွက်လိုစိတ် ပြင်းသူဖြစ်သည်။

ခေါင်းဆောင်များကို ခေါင်းဆောင်နိုင်မှသာ လွတ်လပ်ရေးပန်းတိုင်သို့ ရောက်မည်ကို သိသည်။ ခပ်ချာချာများကို ခေါင်းဆောင်နေလျှင် မည်သို့ ပေါက်မြောက်အံ့နည်း။ ထို့ကြောင့်လည်း ရန်သူဖြစ်ခဲ့ဖူးသူများနှင့်ပင် အတူအလုပ်လုပ်နိုင်ခြင်း ဖြစ်သည်။ အဖွဲ့အစည်း၏ ရည်မှန်းချက်ကို အဓိက ထားတတ်သောကြောင့် သူ့ထက်သာလျှင် သူ့အထက်က ခေါင်းဆောင် လုပ်လိုလုပ်၊ စိတ်မပျက်ဘဲ ကျရာနေရာက တာဝန်ကျေအောင် ထမ်းဆောင်သူဖြစ်သည်။ မိမိ ခေါင်းဆောင်လုပ်ရမှဟူသော စိတ်ထားမျိုးမရှိ၊ မိမိထက် အဖွဲ့ကို ဦးစားပေးသူ ဖြစ်ကြောင်း အောက်ပါ ဥပမာများက ထင်ထင်ရှားရှား ဖော်ပြသည်။

“၁၉၃၅-၃၆ ခုနှစ်ကျတော့လဲ အမှုဆောင်များအဖြစ် တင်မြှောက်ခံကြရတဲ့အခါ ကျောင်းသား ကိုအောင်ဆန်းဟာ အထွေထွေအတွင်းရေးမှူး အနေနဲ့ အလုပ် သိပ်လုပ်ပြချင်တယ်။ ဒါပေမယ့် လုပ်ဖော်ကိုင်ဘက်တွေက သူ့ရဲ့ ဆက်ဆံမှုကို အားမရသေးတဲ့ အတွက် သူ့ရဲ့စွမ်းရည်ကို ကလောင်ဖြင့်ပြစေဘို့ အိုးဝေမဂ္ဂဇင်း အယ်ဒီတာအဖြစ် တာဝန်ယူစေတယ်။ လုပ်ပြချင်တာ မလုပ်ရလို့ သူစိတ်ကောက် သွားသလား၊ မကောက်ပါဘူး။ ထားတဲ့နေရာကနေ၊ သူ့စွမ်းရည်ကို ပြပြီး၊ ကျောင်းသား ကိစ္စအဝဝကို ဆောင်ရွက်ခဲ့ပါတယ်။ သာမန်အားဖြင့် သာဆိုရင် ငါတော်ရဲ့သားနဲ့ ငါ့ကို နေရာ မပေးရကောင်းလားဆိုပြီး စိတ်လိုက်မာန်ပါ ဂွလုပ်မှာဘဲ။” (အောင်သန်း၏ အောင်ဆန်း၊ ၄၁)

“ပြင်ပ ကျောင်းသားကြီး တစ်ယောက်ကို ဥက္ကဌ၊ သူ့ကို ဒုတိယဥက္ကဌ နေရာမှာထားပြီး ဆောင်ရွက်ကြစေတယ်။ ဒီလိုလုပ်ရင်လဲ သူဟာ ဘယ်သူ့ကိုမှ စိတ်ကွက်ခြင်း၊ မင်းသားကြီး မလုပ်ရလို့ ပတ်မကြီးကို ထိုးဖောက်မယ်ဟေ့ဆိုတဲ့ စိတ်မျိုးမထားဘဲ သဘောထားကြီးစွာ ကြည်ဖြူစွာ လုပ်ဖော်ကိုင်ဖက်များ စီစဉ်ပေးတဲ့အတိုင်း စွမ်းစွမ်းတမံ လုပ်ပြပြန်ပါတယ်။” ( ၄၂။ အောင်သန်း၏ အောင်ဆန်း)

မူလက သူသည် ခေါင်းဆောင်ငယ်များထဲမှ တစ်ယောက်သာ ဖြစ်ခဲ့သော်လည်း တဖြည်းဖြည်းနှင့် ခေါင်းဆောင်မှု အခန်းကဏ္ဍသည် မြင့်မားသည်ထက် မြင့်မားလာခဲ့သည်။ လွတ်လပ်ရေးအတွက် ဂိုဏ်းဂဏ္ဍပေါင်းစုံ ဖွဲ့စည်းပါဝင်သော ဗမာ့ထွက်ရပ်ဂိုဏ်း Burma Freedom Bloc တွင် နန်းရင်းဝန်ဟောင်း ဒေါက်တာဘမော်က ဥက္ကဋ္ဌဖြစ်စဉ် သခင်အောင်ဆန်းသည် အထွေထွေ အတွင်းရေးမှူး ဖြစ်လာခဲ့သည်။ ဂျပန်နှင့်အတူ ဘီအိုင်အေဖွဲ့ကာ မြန်မာနိုင်ငံတွင်းသို့ ဝင်လာအပြီး သူ၏ ခေါင်းဆောင်မှုသည် အမျိုးသား ခေါင်းဆောင်အဆင့်သို့ တက်လှမ်းလာခဲ့သည်။ ဂျပန်အထွက်၊ အင်္ဂလိပ်အဝင်တွင်မူ သူ၏ အမျိုးသားခေါင်းဆောင်နေရာမှာ ပိုမို ပီပြင်လာခဲ့ကာ သူ့ထက် ဝါကြီးသော ခေါင်းဆောင်များပင် သူ၏ လက်ထောက် ခေါင်းဆောင်များနေရာကို လက်ခံယူလာကြသည်။

ထိုစဉ်က ထိပ်တန်း ခေါင်းဆောင်များ စာရင်းကိုကြည့်ပါ။ သခင်နု၊ သခင်သန်းထွန်း၊ သခင်သိန်းဖေ (သိန်းဖေမြင့်)၊ ကျော်ငြိမ်း၊ ဗဆွေ၊ သခင်စိုး၊ သခင်မြ၊ ဦးဘဖေ အားလုံး သူနှင့် ရွယ်တူတန်းတူ သူငယ်ချင်းများနှင့် သူ့ထက် ဝါများစွာရင့် သူများလည်း ပါရှိသည်။ ဥပမာ ကိုနု (နောင်ဝန်ကြီးချုပ်ဟောင်း ဦးနု) သည် ဗိုလ်ချုပ်က ကိုကြီးနုဟု ခေါ်ရသူဖြစ်သည်။ ၁၉၀၇ ခုနှစ်တွင် မွေးဖွားသောကြောင့် ၁၉၁၅ ဖွား ကိုအောင်ဆန်းထက် ၈ နှစ် ကြီးပေသည်။ သို့သော် ဗိုလ်ချုပ်သည် အဆိုပါ ခေါင်းဆောင်တကာတို့၏ ခေါင်းဆောင် leader of leaders ဖြစ်လာခဲ့သည်။ သူသည် ထိုနေရာကို အလွယ်တကူရခဲ့ခြင်း မဟုတ်၊ ကြိုးစားအားထုတ်ပြီး ထိုက်တန်သောကြောင့်သာ ရခဲ့ခြင်း ဖြစ်သည်။

လူတော်ကို မကြောက်သည့်၊ လူတော်တို့ကို စုစည်းထားနိုင်သော ခေါင်းဆောင်တို့၏ ခေါင်းဆောင် စိတ်ဓာတ်မျိုးရှိသော ခေါင်းဆောင် တို့၏ ခေါင်းဆောင် ဗိုလ်ချုပ်အောင်ဆန်းသည် မြန်မာ့လွတ်လပ်ရေး ရအောင် ဆောင်ကြဉ်းပေးနိုင်ခဲ့သည့် တစ်ခေတ်တစ်ယောက် ခေါင်းဆောင်မျိုး ဖြစ်ခဲ့ပေသည်။

ရင်းမြစ်....7Day News Journal

ပဲခူးလိပ်ပြာကန် အမှတ်(၁)ရဲစခန်း ဒုရဲအုပ် သိန်းထူးလှိုင်မှမတရားစွပ်စွဲဖမ်းဆီး ငွေညှစ်ခြင်း.

၂၀၁၂ နှစ်သစ် မှစ၍ မြန်မာပြည်သူပြည်သားများ အန္တရာယ် ကင်းရှင်းကြပါစေ.။

ပရိတ်ကြီး (၁၁)သုတ်

နှစ်သစ်ရဲ့ နေ့ သစ်လေးမှာ ပရိတ်ကြီး ( ၁၁ )သုတ်ကိုပူဇော်ထားပါတယ်ရှင်.။

မြတ်လေးငုံ