ဧရာဝတီသတင်းဌာန
စစ်တပ်က ပစ်ခတ်၍ သေဆုံးခဲ့ရသော ပဲခူးမြို့မှ လူငယ် ၂ ဦး၏ ဈာပနကို ယနေ့ ကျင်းပရာ အာဏာပိုင်များက မိသားစုဝင်များကို သေဆုံးခဲ့ရသူများ၏ ရုပ်အလောင်းများအား ကြည့်ရှုခွင့်မပြု ခဲ့ကြောင်း သိရသည်။
“ညီလေးရဲ့ နောက်ဆုံး ရုပ်ကလာပ် ကိုတောင် မြင်ခွင့်မရှိပါဘူးဗျာ။ ရေခဲတိုက်က ထုတ်တော့လည်း အရပ်ဝတ် လုံခြုံရေးတွေ ဦးစီးပြီး ကြက်ခြေနီတွေက ထုတ်တယ်။ ကျနော်တို့က အပြင်က စောင့်နေရတယ်။ သုသာန် မှာလည်း အခေါင်းနားကို မိသားစု ကပ်ခွင့် မပေးဘူး။ သရဏဂုံ တင်ပြီးတာနဲ့ သူတို့ဟာ သူတို့ မီးရှို့စက်ထဲ ထည့်ပစ် လိုက်ကြတာ” ဟု သေဆုံးသူ မောင်စိုးပိုင်ဇော်၏ မိသားစုဝင် တဦးက ပြောသည်။
လွန်ခဲ့သော စနေနေ့ညက ပဲခူးမြို့ ဇိုင်းဂနိုင်း တောင်ပိုင်းရပ်ကွက် မြလမ်းရှိ ကယ်လီဖိုးနီးယား စားသောက်ဆိုင်မှ ထွက်လာသော ခလရ ၅၉ မှ စစ်တပ်အရာရှိ စီးနင်းလာသည့် ဆိုင်ကယ်နှင့် အရပ်သားများ စီးနင်းလာသည့် သုံးဘီးဆိုင်ကယ် တိုက်မိရာမှ ခိုက်ရန်ဖြစ်ပွားခဲ့ကြပြီးနောက် စစ်အရာရှိက တပ်သားများကို ပြန်ခေါ်ကာ အရပ်သားများကို ပစ်ခတ်စေခဲ့ကြောင်း ဒေသခံများက ပြောသည်။
ပစ်ခတ်မှုကြောင့် မောင်အောင်သူဟိန်း (၂၃ နှစ်) က သေနတ်ဒဏ်ရာ ၆ ချက်၊ မောင်စိုးပိုင်ဇော် (၁၉ နှစ်) က သေနတ်ဒဏ်ရာ ၄ ချက် အသီးသီး ရရှိပြီး နေရာတွင်ပင် ပွဲချင်းပြီး သေဆုံးခဲ့သည်။
“ပစ်မိန့်ပေးတာက ဗိုလ်ချုပ်တဦးရဲ့ သား ဗိုလ်ကြီးသိဒ္ဓိစိုးလို့ ကြားတယ်။ ပစ်တဲ့သူက ကလေးစစ်သားအဖြစ် စုဆောင်းခံထားရတဲ့ တပ်သား အဆင့်ရှိ မောင်ထွန်းပါ။ မောင်ထွန်းကတော့ သူပစ်တယ်လို့ ၀န်ခံတယ်လို့ ကြားတယ်” ဟု ခလရ ၅၉ တပ်နှင့် နီးစပ်သူ တဦးက ပြောသည်။
ပဲခူးမြို့အတွင်း အရပ်သားများအား ပစ်ခတ်ခဲ့မှုနှင့် စပ်လျဉ်း၍ စစ်တပ်က ပစ်ခတ်မှုတွင် ပါဝင်သူများအား အရေးယူမှုရှိ မရှိ သတင်းမထုတ်ပြန် သော်လည်း စစ်အစိုးရ ထိန်းချုပ်သည့် ရေဒီယို အသံလွှင့်ဌာနများကမူ အရပ်သားများက သေနတ်ဝင်လုသဖြင့် ပစ်ခတ်မှုဖြစ်ပွားရသည်ဟု သတင်းထုတ်ပြန်ခဲ့ကြောင်း ဒေသခံများက ပြောသည်။
“ဒီကိစ္စအပေါ်မှာ ပစ်မိန့်ပေးသူနဲ့ ပစ်သူတွေကို ဘယ်လိုအရေးယူနေပါတယ် ဆိုတာမျိုးတော့ မထုတ်ပြန်ဘဲ၊ ကလေးတွေက သေနတ်ဝင်လုပါတယ်လို့ FM တွေမှာ ပြောနေတယ်ဗျာ။ တကယ်တမ်းက ဇိုင်းဂနိုင်း မြောက်ပိုင်းမှာ ဖြစ်ခဲ့တာကို တောင်ပိုင်းအထိ လာပစ်သွားတာ။ သေနတ်လုလို့ ပစ်တယ်ဆိုရင် မြောက်ပိုင်းမှာတင် အပစ်ခံရမှာပေါ့” ဟု ဇိုင်းဂနိုင်း ရပ်ကွက်သားတဦးက ပြောသည်။
ပစ်ခတ်ခံခဲ့ရသူများ၏ ရုပ်အလောင်းများကို ရယက အဖွဲ့ဝင်များနှင့် စစ်တပ်တို့ ပူးပေါင်းကာ ညတွင်းချင်း ဖျောက်ဖျက်ခဲ့သည်ဟု ယူဆရကြောင်း၊ ရင်ခွဲရုံတွင် ထားရှိသည်ဟု တာဝန်ရှိသူများက ပြောဆိုသော်လည်း အခေါင်းကိုသာ မြင်ခွင့်ရခဲ့ကြောင်း သေဆုံးသူ၏ မိသားစုဝင်များက ပြောသည်။
ပဲခူးဆေးရုံကြီးအတွင်းရှိ ရင်ခွဲရုံမှ ဆင်ဖြူကွင်း သုသာန်သို့ သွားရာလမ်းတလျှောက်တွင်လည်း လုံခြုံရေးရဲများ၊ အရပ်ဝတ် ထောက်လှမ်းရေးများက စောင့်ကြပ်နေကြောင်း လိုက်ပါပို့ဆောင်ခဲ့ သူများထံမှ သိရသည်။
“မနက်ခင်းကတည်းက ဆေးရုံကြီးရှေ့က လမ်းကို ပိတ်ထားတယ်။ လမ်းတလျှောက်မှာလည်း ရဲတွေ ချထားတယ်။ နောက်ပြီး “ဆူပူမှုဖြစ်ရင် ပစ် ဆိုပြီး ရဲတွေကို အမိန့်ပေးထားတယ်ဆိုတဲ့ သတင်းတွေလည်း ထွက်နေတာဆိုတော့ တချို့ကလည်း လိုက်မပို့ရဲကြတော့ဘူး။ မြို့ခံတွေကတော့ မကျေနပ်ကြဘူးပေါ့။ ဟိုတလောကလည်း ရဲက အရပ်သားကို ထိုးကြိတ် ရိုက်နှက်တယ်၊ အခုလည်း စစ်တပ်က မြို့ထဲအထိ ၀င်ပြီး ပြည်သူကို ပစ်သတ်သွားတာကိုး။ ဒါ စစ်ရာဇ၀တ်မှုပဲပေါ့ဗျာ” ဟု နာရေးပို့ဆောင်ခဲ့သူ တဦးက ပြောသည်။
စစ်အစိုးရ အုပ်ချုပ်သည့် မြန်မာနိုင်ငံတွင် စစ်ရာဇ၀တ်မှု ကျူးလွန်လေ့ရှိကြောင်း လူ့အခွင့်အရေးဆိုင်ရာ အဖွဲ့အစည်းများက ထောက်ပြလေ့ရှိကြပြီး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး စုံစမ်းစစ်ဆေးရေးမှူး မစ္စတာ ကင်တားနားကလည်း လွန်ခဲ့သည့် မတ်လအတွင်းက မြန်မာစစ်ခေါင်းဆောင်များ၏ လူသားမျိုးနွယ်အပေါ် ကျူးလွန်သော ရာဇ၀တ်မှုနှင့် စစ်ရာဇ၀တ် မှုများကို ကုလသမဂ္ဂက ကော်မရှင်ဖွဲ့ စုံစမ်းစစ်ဆေးပေးရန် အကြံပြု တောင်းဆိုထားသည်။
အဆိုပါအကြံပြုချက်ကို အမေရိကန်၊ ဗြိတိန်၊ ချက် ပြည်သူ့သမ္မတနိုင်ငံ၊ သြစတြေးလျ ၊ စလိုဗက်ကီးယားနှင့် ကနေဒါနိုင်ငံတို့က ထောက်ခံထားပြီးဖြစ်သည်။
ပဲခူးလူငယ် ၂ ဦး နောက်ဆုံးခရီး (ဆက်သွယ်မေးမြန်းချက်များ)အဖြစ်မှန်ကို မဖြေနိုင်တာ ခွင့်လွှတ်ပါချင်းမိုင် (မဇ္ဈိမ)။ ။ ’’အဖြစ်မှန်ကို မဖြေနိုင်တာ ခွင့်လွှတ်ပါ’’ ဟု စစ်တပ်က သေနတ်ဖြင့် ပစ်ခတ်သောကြောင့် ယခုလ ၄ ရက်နေ့တွင် သေဆုံးခဲ့သူ ပဲခူးမြို့ခံ မောင်အောင်သူဟိန်း၏ ၆၅ နှစ်အရွယ် အဖွားဖြစ်သူ ဒေါ်စန်းရီက မဇ္ဈိမကို ပြောဆိုလိုက်သည်။
ခလရ ၅၉ တပ်သားများနှင့် မြို့ခံလူငယ်များ ခိုက်ရန်ဖြစ်ပွားမှုတွင် စစ်တပ်ဘက်က ပစ်ခတ်ဖြေရှင်းခဲ့ရာ ၂၃ နှစ်အရွယ် မောင်အောင်သူဟိန်းနှင့် ၁၈ နှစ်အရွယ် မောင်စိုးပိုင်ဇော်တို့ ပွဲချင်းပြီး သေဆုံးခဲ့ကာ၊ ယနေ့ နေ့လည်ပိုင်းတွင် ရုပ်အလောင်းများကို သဂြိုင်္ဟ်မည်ဖြစ်သောကြောင့် ဒေါ်စန်းရီကို ဆက်သွယ်မေးမြန်းစဉ် သူက ယခုလို ဖြေကြားခြင်း ဖြစ်သည်။
အခင်းဖြစ်ပွားမှုအပေါ် ဒေါသထွက်နေသော မြို့ခံလူထုသည် ယနေ့ အသုဘတွင် လိုက်ပါ ပို့ဆောင်ကြမည် ဖြစ်ပြီး၊ အာဏာပိုင်များဘက်ကလည်း လုံခြုံရေးတပ်ဖွဲ့ဝင်များ တိုးချဲ့ချထားလိုက်ပြီဖြစ်သည်။
ယနေ့ သဂြိုဟ်ပွဲ အခြေအနေနှင့် ပတ်သက်၍ ဒေါ်စန်းရီ၏ ဖြေကြားချက်များကို တင်ပြလိုက်ပါသည်။
ပဲခူး နာရေးသတင်း ဒေါ်စန်းရီ အင်တာဗျူး
ဒီနေ့ ၁၂ နာရီမှာ စစ်တပ်ကနေ သဂြိုဟ်ပေးမယ် ကြားလို့ပါ။
“ဟုတ်ကဲ့။ ၁၂ နာရီပါ။ အဲဒါတွေကတော့လေ၊ ကျမတို့က သူတို့ (စစ်တပ်) စီစဉ်တဲ့ အတိုင်းပဲပေါ့။ ကျမတို့က ဘာမှလုပ်လို့မှ မရတာ။ ဒါပေမဲ့ ကျမက မေတ္တာရပ်ခံထားတာကတော့ ကားအစီအစဉ်၊ အခေါင်းအစီအစဉ်၊ ကျမတို့ဘာသာကျမတို့ ဝယ်တာပေါ့နော်။ ဝယ်မယ်လို့ ကျမ မေတ္တာရပ်ခံပြီးတော့။ ကားကတော့ နိဗ္ဗာန်ယာဉ်”
မောင်အောင်သူဟိန်းရဲ့ ရုပ်အလောင်းက ရင်ခွဲရုံမှာပဲလားခင်ဗျာ။
“တခြား ဘယ်သူ့ကိုမှ အတွေ့မခံပါဘူး။ ကျမ မွေးထားတာ သားသမီး ၆ ယောက် ရှိပါတယ်။ ၄ ယောက်ပဲ တွေ့ခွင့် ရှိပါတယ်။ အဖေကတော့ ကိုရီးယားမှာလား၊ ဘယ်မှာလား မသိဘူး။ ပြန်စရာ စရိတ်မရှိလို့ ဒုက္ခရောက်နေလို့ မပြန်ဘူး။ မအေအရင်းကတော့ ဒီကိုရောက်ပြီး သားသမီးဇောနဲ့ နည်းနည်းချိသွားတဲ့ သဘော ရှိပါတယ်”
“ကျမတခု အကူညီတောင်းချင်တာပေါ့နော်၊ အားလုံးနဲ့ အားလုံးနဲ့ ပြဿနာတွေကြားထဲမှာ ကျမတို့ ထိခိုက်မှာ ကြောက်ပါတယ်။ ကျမ အဖွားအရင်းခေါက်ခေါက်ပါ။ ဘာလို့လဲဆိုတော့ သူတို့ (အာဏာပိုင်) အဖွဲ့အစည်းနဲ့ပတ်သက် နေတဲ့အတွက် ကျမ အရမ်း ကြောက်မိပါတယ်။ အသက် ၆၅ နှစ်ရှိပါပြီ။ ကျမတို့မှာလည်း ဘာမှ မရှိတဲ့အတွက်၊ ဘာမှ မလုပ်တတ်တဲ့အတွက်၊ ဘာမှကို မတတ်နိုင်တဲ့အတွက် အားလုံးမေးတာတွေကို အကုန်လုံးဖြေလို့ မရဘူးပေါ့နော်။ စိတ်မဆိုးပါနဲ့”
“ဘာဖြစ်လို့လည်းဆိုတော့ ကျမဟာ လမ်းဘေးဈေးသည်တယောက်ဖြစ်နေတဲ့အတွက် အလုပ် ကိစ္စ ဘာညာကွိကွ ကျမလည်း ထိခိုက်မှာကြောက်ပါတယ်။ ဘယ်လိုမှ မလွန်ဆန်နိုင်တဲ့အတွက် ဘာကိုမှ မပြောရဲပါဘူး။ ကျမ လုပ်စားနေတာက သမားရိုးကျလေးပါပဲ။ သို့သော် ရှေ့ရေးတွေက အများကြီး ရှိတဲ့အတွက်ကို ကျမ သူတို့ (အာဏာပိုင်) ကို မျှော်ကိုးပြီးတော့ လိုချင်တဲ့ ဆန္ဒကို ပြောနေတာ မဟုတ်ဘူးနော်။ ကျမရဲ့ လုပ်ငန်းခွင်မှာ၊ ထမင်း ရှေ့ကို ငတ်မှာကြောက်လို့ ပြောနေတာပါ။ စကားက အကုန်တင်ပြလို့ မရပါဘူး။ ခြိမ်းခြောက်တာ မရှိပါဘူး”
“အားလုံးလည်း ဝိုင်းသနားနေကြပါတယ် ဆိုပေမယ့်လည်း အဖွားက သူတို့ (အာဏာပိုင်) လို မဖြစ်တဲ့အတွက် ကိုယ့်မာနလေးကို ကိုယ်လျှော့ချပြီး နေတာပေါ့နော်။ သူတို့ပေးတဲ့ အခွင့်အရေးကို အဖွား မယူပါဘူး။ ဒါပေမဲ့ သချိုင်္င်းကုန်းမှာတော့ သူတို့ စီစဉ်ထားတယ်လို့ ပြောတယ်။ ဒါပေမဲ့ အဖွားအစီအစဉ်ကတော့ သူတို့ လုပ်ခွင့် ပေးတယ်။ ဒီမှာလည်း ကျမအိမ်က မိတ်ဆွေ သင်္ဂဟက ပေါတဲ့အတွက် ဧည့်သည်တွေကလည်း တအားများနေတဲ့အတွက် ဒါလောက်နဲ့ပဲ၊ ဒါပါပဲနော်”
“အဖွားတို့ရဲ့ အဖြစ်မှန်ကို မဖြေနိုင်တာလေးကိုလည်း သားတို့ ခွင့်လွှတ်ပါ။ နောက်တခုကလည်း ဒီကလေးကို ခုတုံးလုပ်ပြီးတော့ ပြဿနာရှာမယ့်လူတွေက များနေတဲ့အတွက် ဒီအဖွဲ့အစည်းတွေကို အဖွားအနေနဲ့ တအားထိန်းနေရတဲ့အတွက် အကုန်လုံး မဖြေနိုင်တာ သားရယ် နားလည်ပေးပါနော်”
---------------------------------------------------------
လုံခြုံရေး တင်းကျပ်တဲ့ အသုဘ သဂြိုဟ်ပွဲမြို့ခံတဦး ပြောဆိုချက်(မြန်မာစံတော်ချိန် ၁၁ နာရီ)’’အခြေအနေကတော့ ဘာမှ မထူးခြားသေးဘူး။ လုံခြုံရေးကတော့ တင်းကျပ်တယ်လို့ ပြောလို့ ရတယ်။ အသုဘချဖို့တော့ လုပ်နေတယ်။ ကျနော် အဲဒီလမ်းကြောင်းနဲ့ နီးတဲ့ နေရာကို ရောက်နေတယ်။ လုံခြုံရေး အခြေအနေကို ပြောမယ်ဆိုရင် အလောင်းထားတဲ့ ရေခဲတိုက်နားမှာ အရန်မီးသတ်နဲ့ ရဲတပ်ဝင် ၅၀ လောက် ရှိတယ်။ အသုဘ လိုက်ပို့မယ့် သူတွေကတော့ ရောက်မလာသေးဘူး။ အခုအချိန်ထိတော့ ရန်ကုန်က လာမယ့် သူတွေကိုတော့ မတွေ့ရသေးဘူး။ ဒီမိုကရက်တစ် ပါတီ UDP က ကိုသိန်းဋ္ဌေးကတော့ ရောက်နေပြီ။ သူတို့ကတော့ သူတို့ ကိစ္စနဲ့ သူတို့ လာတာလို့တော့ ပြောတယ်’’
ပဲခူး မြို့ခံတဦးနှင့် အင်တာဗျူး
--------------------------------------------------------------
စည်ကားတဲ့ အသုဘမြို့ခံတဦး ပြောဆိုချက်(မြန်မာစံတော်ချိန် ၁၁ နာရီခွဲ)’’လက်ရှိ အခြေအနေကတော့ သချိုင်္င်းကုန်းကို သွားနေတယ်။ လာတဲ့ သူတွေထဲက ကောလာဟလ ဟိုပြောဒီပြော ပြောကြတယ်။ ရန်ကုန်က ဆင်းလာမယ်တို့၊ ဘာဖြစ်မယ် ညာဖြစ်မယ်လို့ ပြောကြတယ်။ အခုတော့ သချိုင်္င်းကုန်း သွားတဲ့ လမ်းပေါ်မှာပဲ ရှိသေးတယ်။ ပြည်သူတွေကတော့ စိတ်ဝင်စားကြတယ် ထင်တယ်။ လမ်းပေါ်မှာ ထွက်ကြည့်နေကြတယ်။ အခုဟာက အစောကထက် မတရားများသွားတယ်။ အစောက အလောင်းနား မကပ်ရတော့ဘူးဆိုတော့ လူ ၃၀၀-၄၀၀ လောက် ရှိတယ်။ အခုပြောမယ်ဆိုရင်တော့ ဘတ်စ်ကားချည်းပဲ ၁၀ စီးလောက် ရှိတယ်။ ကိုယ်ပိုင်ကားတွေရော၊ ဆိုင်ကယ်တွေရောဆိုတော့ အများကြီးပဲ။ ပြောမယ်ဆိုရင်တော့ ပဲခူးမြို့မှာ စည်ကားတဲ့ အသုဘလို့ ပြောရမှာပဲ။ ဆိုင်ကယ်နဲ့ ကားနဲ့ပဲ များတယ်။ ဘတ်စ်ကားတစီးကို လူ ၃၀-၄၀ ဆံ့တယ်ဆိုတော့ ဘတ်စ်ကားပေါ်မှာတင် လူက ၄၀၀ နီးပါး၊ နောက်က လိုက်ပို့တဲ့ ကားတွေ၊ ဆိုင်ကယ်တွေနဲ့ဆိုရင် လူ ၅၀၀-၁၀၀၀ လောက်တော့ ရှိမယ်။ ကားတန်းကြီးက အရှည်ကြီးပဲ။ ရန်ကုန်က လာတယ်ဆိုတာကိုတော့ မကြားမိဘူး။ သာမန် အသုဘလိုပါပဲ၊ အခွင့်အရေးတွေ အကုန်ပေးထားတယ်။ သုဿန်သွားတဲ့ လမ်းတလျှောက်မှာတော့ ကြက်ခြေနီ၊ မီးသတ်၊ ရယကတွေက လုံခြုံရေး ယူထားတယ်။ ထောက်လှမ်းရေး အဖွဲ့တွေ၊ ရဲအဖွဲ့တွေ အကုန်လုံး ချထားတယ်။ လုံခြုံရေးက တော်တော်လေးတော့ များတယ်’’
ပဲခူးတွင်စည်ကားတဲ့ အသုဘလို့ ပြောသည့်မြို့ခံတဦး
--------------------------------------------------------------
မြို့ခံတဦး ပြောဆိုချက်(မြန်မာစံတော်ချိန် နေ့လည် ၁၂ နာရီ)ရုပ်အလောင်းအနီး ကပ်ခွင့်မရ’’အခု သုသာန်ရောက်လို့ အားလုံး ပြီးသွားပြီ။ အာဏာပိုင်တွေဘက်က ချောကားတွေ ကူညီပေးတယ်။ ဘုန်းကြီးလည်း သုသာန်ရောက်မှပဲ တရားနာတယ်။ ဘုန်းကြီး ၅ ပါးနဲ့ ၁၂ နာရီလောက်မှာ သရဏဂုဏ် တရားနာတယ်။ ကာယကံရှင်တွေကိုတော့ အလောင်းတွေကို ကြည့်ခွင့် မပေးဘူး၊ အနားကပ်ခွင့် မပေးဘူး။ ကြက်ခြေနီတွေနဲ့ မီးသတ်တွေပဲ အကုန်လုံး လုပ်သွားတယ်။ ရုပ်အလောင်းတော့ ရှိတော့ရှိမယ် ထင်တယ်။ ကျနော်တို့ကတော့ မြင်တော့ မမြင်ရဘူး။ ဘာဖြစ်လို့လဲဆိုတော့ သူတို့ မ’တာပြုတာ၊ မီးသင်္ဂြီုဟ်လို့ လောင်သွားတာတွေ ကြည့်ရင်တော့ အလောင်းရှိမယ်လို့ ထင်ပါတယ်’’
လူ ၂ဝဝဝ ခန့် ပို့ဆောင်
’’သချုင်္ိင်းကုန်းရောက်တဲ့ အချိန်မှာ လူ ၂ဝဝဝ လောက် ရှိမယ်။ ပြောမယ်ဆိုရင်တော့ အစည်းကားဆုံးလို့ ပြောလို့ရပါတယ်။ လုံခြုံရေးအင်အားက အပြည့်ပဲ။ ရှိသမျှ ရဲရော၊ ထောက်လှမ်းရေးရော၊ အာဏာပိုင် ရယက၊ မီးသတ်တွေရော နည်းတာမှ မဟုတ်တာ။ သုသာန်မှာတော့ အရပ်ဝတ် ရဲတွေရော၊ ယူနီဖောင်းနဲ့ကတော့ မီးသတ်နဲ့ ကြက်ခြေနီတွေပဲ။ ၄ဝ-၅ဝ လောက် ရှိတယ်’’
အသုဘရှင်များ ပါးစပ်ပိတ်ထားရ
’’ကျနော် သိရသလောက် ပဲခူးက လူတွေလောက်ပဲ တွေ့ပါတယ်။ တခြားမြို့က လူတွေတော့ မတွေ့ပါဘူး။ အခု အသုဘက ဖြစ်ရိုးဖြစ်စဉ်မဟုတ်တော့ စိတ်ဝင်စားကြတယ်။ လမ်းက ရပ်ကွက်တွေထဲက လူတွေကပါ ထွက်ကြည့်ကြတယ်။ တချို့လည်း လိုက်ကြည်ြ့ကတယ်။ သာမန် အသုဘတွေထက်စာရင် ခံစားရတဲ့ သဘောတွေ ရှိတယ်။ တချို့ကျတော့ ကိုယ်နဲ့ မသိဘဲ လိုက်ပို့ကြတဲ့ သူတွေ ရှိတယ်။ တချို့ စိတ်မထိန်းနိုင်တဲ့ သူတွေကလည်း ငိုကြတယ်။ ဒေါသထွက်တဲ့ မျက်နှာတွေတော့ မတွေ့ရဘူး။ လုံခြုံရေးက များတဲ့ အခါကျတော့ ဝေလည်း မဝေဖန်ရဲဘူး။ လုံခြုံရေးကလည်း များတဲ့ အခါကျတော့ အသံလည်း မထွက်ရဲဘူး။ သေဆုံးသူတွေရဲ့ မိသားစုတွေကတော့ ယူကျုံးမရတော့ ဖြစ်တာပေါ့။ သူတို့လည်း ခံစားရပေမယ့် ပါးစပ်ပိတ်နေရတဲ့ အနေအထား ရှိတယ်’’
ပဲခူးမြို့ခံ၏ပြောဆိုချက် အင်တာဗျူး--------------------------------------------------------------
ရဲ မဖြေချင်(ပဲခူး အမှတ် ၁ ရဲစခန်း ပြောဆိုချက်)“အမိန့်ရှိပါခင်ဗျာ၊ အမှတ် ၁ ရဲစခန်းကပါ”
အပစ်ခံရတဲ့ လူငယ် နှစ်ယောက် အသုဘက ရုတ်ရုတ်သဲသဲ ဖြစ်တယ် ကြားလို့။ အဲဒါ ဟုတ်လားလို့ပါ။
“ဘယ်က အမိန့်ရှိလဲခင်ဗျ”
မဇ္ဈိမ သတင်းဌာနကပါ
“ကျနော်တို့ဆီတော့ ဘာသတင်းမှ မဝင်ဘူးခင်ဗျ။ သွားတော့ သွားနေကြတယ်” ဟု ပြော၍ ဖုံးချသွားသည်။
လူစုကွဲသွားပြီ
(အသုဘလိုက်ပို့သူ မြို့ခံ လူငယ် ပြောဆိုချက်)အခြေအနေလေး ပြောပြပါဦး
“ဟုတ်ကဲ့။ သဂြိင်္ုဟ်ပြီးသွားပါပြီ”
“ဆုံးတဲ့ရက်ကနေစပြီး မိသားစုနဲ့ ပေးမတွေ့ပါဘူး။ ရင်ခွဲရုံမှာ ထားတယ်။ အလောင်း ၂ လောင်းလုံးကို။ ဒီနေ့မနက်ကျတော့ မိသားစုဝင်တွေ အားလုံးကို ပေးတွေ့တယ်။ အလောင်းသယ်သွားပြီးတော့ နောက်နေ့မနက်ခင်း ၁ဝ နာရီလောက်အထိကို မိသားစုတွေအားလုံးကို ပေးတွေ့တယ်။ ၁ဝ နာရီ နောက်ပိုင်းကို လုံးဝ တံခါးပိတ်လိုက်တယ်”
“မနေ့က ည ၇ နာရီခွဲနဲ့ ၈ နာရီလောက်မှာ ဘာပြဿနာတခု တက်လဲဆိုတော့။ လူတယောက်ကနေ ရင်ခွဲရုံကို ခဲနဲ့ထုတယ်တဲ့။ အဲဒီလူကို ဆိုင်ကယ် ရဲ အယောက် ၄ဝ လောက် လိုက်ဖမ်းတာ။ ဖမ်းမိသွားတယ်။ အမှတ် ၁ စခန်းထဲကို ခေါ်သွားတယ်ခင်ဗျ။ အဲဒီကနေစပြီး ရင်ခွဲရုံ အဝင်လမ်းတွေ၊ အထွက်လမ်းတွေ အားလုံးကို သံဆူးကြိုးတွေ ပိတ်လိုက်တယ်။ လုံးဝ ဝင်ထွက်သွားလာလို့ မရတော့ဘူး။ ညထဲကနေ မယကရုံးထဲမှာ အသုဘကား ၂ စီးကို ထည့်ထားတယ်။ ရင်ခွဲရုံကို ဒီမနက်မှာ သူ့မိသားစုတွေကို ကားနဲ့သွားခေါ်တယ်။ အာဏာပိုင်က။ ရင်ခွဲရုံကနေပဲ အခေါင်းတွေ ဘာတွေ ပြင်ပြီးတော့ အသုဘချတယ်”
“ရပ်ကွက်အတွင်းကနေ လိုက်ပို့တဲ့သူတွေ အားလုံးကိုကျတော့ ၁၁ နာရီခွဲကို ရပ်ကွက်ကနေ ကားထွက်မယ်ဆိုပြီး ကြေညာလိုက်တယ်။ ဒါပေမဲ့ အသုဘ ဖိတ်စာထဲမှာ ကြေညာတာက ၁၂ နာရီ။ ဒီနေ့ကျမှ အားချင်းဆိုပြီး ၁၁ နာရီခွဲဆိုပြီး ကြေညာလိုက်တယ်။ ရင်ခွဲရုံကနေပြီးတော့ ၁၁ နာရီ ၂ဝ လောက်မှာ ထွက်လာတယ်။ သူတို့ အပိုင်းထိပ် ဇိုင်းဂနိုင်းတောင်ပိုင်းကို ရောက်တဲ့ အချိန်မှာ ၁၁ နာရီခွဲပြီ။ ၁၁ နာရီခွဲအချိန်မှာ အသုဘကားနောက်က ရပ်ကွက်သူ ရပ်ကွက်သားတွေက လိုက်ရတာပေါ့နော်”
သချိုင်္င်းကုန်းက ဘယ်ဘက်မှာလဲ
“ရင်ခွဲရုံကနေပြီးတော့ သချိုင်္င်းကုန်းကို ရောက်ဖို့အတွက်ကို ဇိုင်းဂနိုင်းတောင်ပိုင်း ရှေ့ကနေ ဖြတ်ရတယ်။ မိန်းလမ်းကြီးကနေ ဖြတ်တာပေါ့။ ဆင်ဖြူကွင်း သုသာန်။ ရန်ကုန်ဘက်နဲ့ မဇင်း ၁ လမ်း ဆိုတာ ရှိတယ်။ ရန်ကုန်ဘက်ကို သွားတဲ့လမ်းနဲ့ ဘုရားတွေဘက်ကို သွားတဲ့လမ်း။ လမ်း နှစ်လမ်းခွဲ သွားတယ်”
ဘယ်ဘုရားတွေဘက်လဲ။ အနောက်တောလား။ ကလျာဏီသိမ်၊ ရွှေသာလျောင်း ကျော်သွားလား။
“အနောက်တော။ ဟုတ်ကဲ့။ အနောက်တောဘက်ကို သွားတဲ့လမ်းမှာ။ ၇ မိုင်လောက် ဝေးတယ်။ ပဲခူးမြို့ကနေပြီးတော့။ ရွှေသာလျောင်း၊ မဟာစေတီ အကုန်ကျော်သွားတယ်”
“အသုဘယာဉ်ကို မောင်းတာလည်းဗျာ လေယာဉ်မောင်းတာကျနေတာပဲ။ အရမ်းအမြန်မောင်းတာ။ နောက်က ဆိုင်ကယ်တောင် လိုက်မမီဘူး ဖြစ်နေတယ်။ တော်တော်ကို မောင်းပစ်တာ။ အသုဘယာဉ်ရဲ့ ရှေ့မှာလည်း မြို့နယ်မှူးကိုယ်တိုင် ထိုင်ပြီးတော့ ကြီးကြပ်ပြီး လိုက်တာ”
“ဟိုလည်းရောက်ရော သူ့စွမ်းအားရှင်တွေဘာတွေ အကုန်လုံး ဝိုင်းရံပြီးတော့ အသုဘယာဉ်ကို ချတယ်။ နောက် မီးသတ်ရှိတယ်။ ကြက်ခြေနီကို ဘေးက ကာတယ်။ ရဲတွေကိုကျတော့ အရပ်ဝတ်တွေနဲ့။ အသုဘယာဉ်နားမှာ ဝိုင်းပြီးတော့။ မိသားစုဝင်တွေတောင် တော်တော် ခက်ခက်ခဲခဲ တွေ့ရတယ်။ မီးသဂြိုင်္ဟ်တာခင်ဗျ”
သံဃာတော်တွေ ပါသေးလား
“သံဃာတော်တွေကတော့ တရားနာဖို့လောက်ပဲ ပါတယ်။ ၄ ၊ ၅ ၊ ၆ ပါးပဲ”
စတာက ၁၁ နာရီ ၂ဝ လောက်မှာ။ ဆုံးတာ ဘယ်လောက်လောက်မှာလဲ။
“ခန့်မှန်းခြေ တနာရီပေါ့၊ အဲဒီအချိန်လောက်မှ ပြီးတယ်”
လူစု ကွဲသွားပြီပေါ့
“အကုန်လုံး လူစုကွဲသွားပြီ။ သချိုင်္င်းကုန်းမှာ သူတို့ အာဏာပိုင် အုပ်စုကလွဲပြီး ဘယ်သူမှ မရှိတော့ဘူး။ မီးသဂြိင်္ုဟ်တဲ့ တံခါးဝမှာကိုက ရဲ၊ မီးသတ်၊ ကြက်ခြေနီတို့၊ စွမ်းအားရှင်တို့ အဲဒီလို ပုဂ္ဂိုလ်မျိုးတွေ စောင့်တာ။ ခရိုင်တို့၊ မြို့နယ်တို့။ အထဲကို တော်ရုံ လှမ်းကြည့်လို့တောင် သိပ်မလွယ်ချင်တဲ့ ပုံစံမျိုး။ တော်တော်ကို ကျပ်ကျပ်တည်းတည်းကို လုပ်တာ၊ အသုဘကို။ တခါမှဗျာ ကျနော့် အသက် ၂၈ နှစ်ရှိပြီ။ အဲဒီလောက်ထိ လုံခြုံရေးများတဲ့ အသုဘ တခါမှ မကြုံဖူးဘူး။ စရဖ၊ အက်စ်ဘီ အကုန်ပါတယ်။ ရဲ ခရိုင်၊ တိုင်း၊ မြို့နယ်၊ စခန်းဆို ၃ ခုလုံး ပါတယ်။ အမှတ် ၁၊ ၂၊ ၃”
လိုက်ပို့တဲ့လူ တော်တော်များလား။ ကားဘယ်နှစီးလောက်ရှိလဲ။
“အများကြီးပဲ။ ကားအားလုံးဆိုရင် အစီး ၂ဝ လောက် ရှိမယ်။ မော်တော်ဆိုင်ကယ်က အစီး ၁ဝဝ ကျော်တယ် အကို”
နာရေးအသင်းက ကူညီတာရှိလား
’’ဟုတ်ကဲ့။ ဗိမ္မာန်ရှင် နာရေးအသင်းကပဲ ကူညီတာ။ ခယက စီမံချက်နဲ့ကို ချတာ၊ အသုဘက။ အစည်းအဝေး ဆုံးဖြတ်ချက်တွေနဲ့ကို သူတို့ လုပ်ကြတာ။ ပဲခူးမြို့နယ် မထသ ကနေ ဦးဆောင်ပြီးတော့ ကားစီစဉ်ပေးရတယ်။ ရပ်ကွက်တွေကနေပြီးတော့ ရာအိမ်မှူးတွေ၊ ဆယ်အိမ်မှူးတွေ ၁ဝ ယောက်စီ ပေးရတယ်”
အဲဒါက ဘယ်ကနေ ကြားတာလဲ
“သူတို့ဆီကနေ ကြားတာပေါ့။ ရပ်ကွက်က လူတွေက ပြန်ပြောတာ”
ရန်ကုန် NLD က လာတာရော ရှိလား။ ဆုံးသွားတဲ့လူက NLD နဲ့ရော ဆိုင်လား။
“ရန်ကုန်က NLD လူငယ် ၁၅ ယောက်လောက် လာတယ်။ (NLD နဲ့) မဆိုင်ဘူး။ သက်သက်မဲ့ လိုက်ပို့တာ။ ဝမ်းနည်းခြင်း အထိမ်းအမှတ်”
--------------------------------------------------------------
နာရေး မပို့ရန် တားဆီးခံရ
ပဲခူးလူငယ် ၂ ဦး ရုပ်အလောင်းများ သဂြိုင်္ဟ်ရာသို့ ရန်ကုန်မှ လာရောက်ပို့ဆောင်မည့် မြန်မာနိုင်ငံ ဖွံ့ဖြိုးတိုးတက်ရေး လိုလားသူ လူငယ်များ၊ မြန်မာ့အလုပ်သမား သမဂ္ဂ မှတ်ပုံတင်ခွင့် ရရှိရေး လှုပ်ရှားသူများနှင့် ကျောင်းသားလူငယ်အချို့ အပါအဝင် ၁၁ ဦးကို ရန်ကုန်တိုင်းအလွန် ပဲခူးတိုင်းအတွင်း အင်းတကော်အရပ်တွင် ရဲများက ဆက်လက်သွားရောက်ခြင်း မပြုရန် တားမြစ်ခဲ့သည်။
အခြေအနေ အသေးစိတ်ကို သိရှိနိုင်ရန်အတွက် တားဆီးခံရသူ ၂ ဦးကို ဆက်သွယ်မေးမြန်းထားပါသည်။
ကိုဇေယျလင်း
(မြန်မာနိုင်ငံ ဖွံ့ဖြိုးတိုးတက်ရေး လိုလားသူ လူငယ်များ)
’’နာရေးကို လာတဲ့ အချိန်မှာ ကျနော်တို့ အဖွဲ့ဝင် ၁၁ ယောက်လုံးကို အင်းတကော် ရဲစခန်းကနေ ခေါ်ထားတယ်ခင်ဗျာ။ ခေါ်ထားတာက ၁ နာရီ ကြာတယ်။ အသုဘ အခန်းအနား မပို့နိုင်အောင် လမ်းမှာ ကြန့်ကြာအောင် လုပ်ထားတယ်။ ကျနော်တို့ တယောက်ချင်းစီကို ဘာမှ မဟုတ်ဘဲ ခေါ်ယူစစ်ဆေးတယ်။ မေးမြန်းတာကလည်း အသုဘချပြီးတဲ့ အချိန်ကျမှ ပြန်လွှတ်တယ်။ အဲဒါမျိုး သူတို့ လုပ်စရာ အကြောင်းမရှိဘူး ခင်ဗျာ။ မလုပ်သင့်ဘူး။ ကျနော်တို့ လာတဲ့ ရည်ရွယ်ချက်က သေဆုံးတဲ့ လူငယ် နှစ်ဦးရဲ့ အသုဘကို ကျနော်တို့က လာပို့တာ။ ကျနော်တို့ကို အသုဘ လိုက်ပါပို့ဆောင်ဖို့ရာ လာပေမယ့် လမ်းမှာ တားဆီးပိတ်ပင်ခံရလို့ ကြန့်ကြာသွားတဲ့အတွက် သဂြိုင်္ဟ်တဲ့နေရာအထိ လိုက်မပို့လိုက်ရဘူး။ ဒါပေမဲ့ သေဆုံးတဲ့သူ အိမ်ကို ကျနော်တို့ ရောက်အောင် သွားတယ်ခင်ဗျာ။ ကျနော်တို့ နာရေးအိမ်ကို ရောက်ရှိနေပါပြီ’’
ရှေ့နေ ကိုဖိုးဖြူ
(လူ့အခွင့်အရေး လှုပ်ရှားသူ)
ဘယ်လို ပိတ်ပင်တားဆီးခံရတာလဲ။’’အင်းတကော် စခန်းရှေ့ကို ရောက်တဲ့အခါ ကျနော်တို့ အားလုံး ကားပေါ်က ဆင်းခိုင်းပြီးတော့ မှတ်ပုံတင်တွေကို စစ်ဆေးတယ်။ ကားသော့ကို သိမ်းလိုက်တယ်။ စစ်ဆေးစရာရှိတယ် ဆိုပြီးတော့ အားလုံး တယောက်ချင်းစီကို စခန်းမှူးက ခေါ်စစ်တယ်။ အဲဒီအတွက် ၁ နာရီကျော်ကျော်လောက် ကြာသွားတယ်။ ကျနော်တခုတော့ ပြောချင်တာက ကျနော်တို့က မြန်မာနိုင်ငံသားတွေ ဖြစ်တယ်။ နိုင်ငံသားကဒ်တွေ ကိုင်ဆောင်ထားတဲ့ သူတွေ ဖြစ်တယ်။ နိုင်ငံသားတွေ ဖြစ်ပါလျက်နဲ့ ကိုယ့်ပြည်တွင်းထဲမှာ လွတ်လပ်စွာ သွားလာခွင့် မရှိဘူး။ အဲဒါက ၁ အချက်ပါ’’
’’၂ အချက်ကတော့ ကျနော်တို့ကို တိုင်ချက်ခွင့်တာ မရှိဘဲနဲ့ လူတဦးတယောက်ချင်းစီကို ခေါ်ယူစစ်ဆေးတယ်။ အဲဒီလို စစ်ဆေးခြင်းခံရတဲ့ သူတွေကလည်း ဥပဒေနဲ့ ငြိစွန်းမှု မရှိဘူး။ ရွေးကောက်ပွဲ သိပ်နီးနေတဲ့ အချိန်မှာ ဒီလို စစ်ဆေးမှုတွေ၊ ကြောက်ရွံ့မှုတွေ၊ ချုပ်ချယ်မှုတွေ၊ ဖိနှိပ်မှုတွေက ယနေ့အချိန်ထိ ရှိနေသေးတယ်။ ဒီလိုဆိုရင် ပြည်သူတွေဟာ ဘယ်လိုများ ရွေးကောက်ပွဲကို လွတ်လပ်တဲ့ ဆန္ဒ၊ သဘောဆန္ဒနဲ့ ပေးနိုင်မလဲဆိုတာ အငြင်းပွားစရာ၊ ငြင်းချက်ထုတ်စရာ ဖြစ်နေပြီလို့ ပြောနိုင်ပါတယ်’’
ပဲခူးလူငယ် ၂ ယောက်ကို စစ်တပ်က ပစ်သတ်တာနဲ့ ပတ်သက်ပြီး ဥပဒေအရ ဘယ်လို ငြိစွန်းမှု ရှိသလဲခင်ဗျ။’’ဒါဟာ ၁၉၅၆ ခုနှစ် တပ်မတော် အက်ဥပဒေရယ်၊ ၁၉၆ဝ တပ်မတော် နည်းဥပဒေဆိုတာ ရှိပါတယ်။ အရပ်သားနဲ့ ဖြစ်ပေါ်တဲ့ ကိစ္စဆိုရင် အရပ်ဘက် တရားရုံးမှာ စစ်ဆေးကြားနာဖို့ လိုအပ်တယ်။ စစ်ဘက်တရားရုံးနဲ့ မသက်ဆိုင်ဘူး။ ဒီလို ပြစ်မှုမျိုးကို အရပ်ဘက် တရားရုံး အများပြည်သူရှေ့မှောက်မှာ ဒါကို တရားမျှတအောင် စစ်ဆေးကြားနာဖို့ လိုအပ်တယ်။ ဒီလိုအခြေအနေတွေကို အခုအချိန်ထိ ဘယ်လိုဆောင်ရွက်မယ်ဆိုတာကို ပြည်သူတွေရော၊ မိဘတွေရော ကာယကံရှင်တွေကိုရော ပွင့်လင်းညင်သာပြီး ဘယ်လိုတရားမျှတအောင် ဆောင်ရွက်မလဲဆိုတာကို ရှင်းလင်းဖော်ထုတ်ထားခြင်း မရှိဘူး။ ဒီအတွက် ပြည်သူတွေဟာ တရားဥပဒေ နည်းလမ်းအရ ဆက်လက် ဆောင်ရွက်ရဦးမယ်လို့ ဆိုချင်ပါတယ်’’
ပစ်ခတ်မှုနဲ့ ပတ်သက်ပြီး တရားဥပဒေ စိုးမိုးမှု ကိစ္စကိုရော ဘယ်လို မြင်ပါသလဲ။’’တာဝန်ချိန်မှာ တာဝန်ထမ်းဆောင်နေတဲ့ ကိစ္စရပ်တွေအတွက် လက်နက်ကိုင်ဆွဲရတယ်ဆိုတာ ရှိပါတယ်။ စစ်မှုထမ်းဆောင်နေတဲ့ အချိန်မှာ ဒီလို ပစ်ရခတ်ရတာတွေ ရှိပါတယ်။ ဒါပေမဲ့ တိုင်းပြည်ကြီးက တည်ငြိမ်နေပါတယ်၊ အေးချမ်းနေပါတယ်လို့ ပြောပြီးတော့၊ ကြေညာထားပြီးတော့ ရှေ့တန်းစစ်မှုထမ်းသလို ဆောင်ရွက်ပြီးတော့ ပစ်လား၊ ခတ်လား လုပ်တာက Rule of Law (တရားဥပဒေ စိုးမိုးမှု) အခြေအနေ၊ အခင်းအကျင်း ဟုတ်တယ်လို့ ဘယ်နည်းနဲ့မှ မဆိုလိုနိုင်ဘူး’’
သေဆုံးသူတွေနဲ့ ပတ်သက်ပြီး ကျန်ရစ်သူ မိသားစုဝင်တွေကို ဘယ်လို ကူညီပေးဖို့ ရည်ရွယ်ထားလဲ။’’ဒီဟာနဲ့ ပတ်သက်ပြီးတော့ တပ်မတော် အက်ဥပဒေ၊ နည်းဥပဒေအရ အရပ်ဘက်တရားရုံးကို လွှဲအပ်ဆောင်ရွက်ရမယ့် ကိစ္စဖြစ်တယ်။ အများပြည်သူရှေ့မှောက်မှာ စစ်ဆေးကြားနားရမှာ ဖြစ်တယ်ဆိုတဲ့ အချက်ကို ရှင်းပြမယ်။ ဒါနဲ့အတူ ထပ်တူထပ်မျှ ဝမ်းနည်းနေကြရတဲ့ ကျောင်းသားတွေ၊ ပြည်သူတွေ၊ လုပ်သားပြည်သူတွေ တညီတညွတ်တည်း တောင်းဆိုကြဖို့ ရှိပါတယ်။ ဥပဒေကြောင်းအရ တင်ပြလျှောက်ထားရမှာတွေ ရှိပါတယ်’’
ကိုဖိုးဖြူနဲ့ အတူလာတဲ့ သူတွေက ဘယ်သူတွေလဲ ခင်ဗျ။’’ကျနော်နဲ့ ပါလာတဲ့ သူတွေက မြောက်ဥက္ကလာပမှာ ရှိကြတဲ့ မြန်မာနိုင်ငံ ဖွံ့ဖြိုးတိုးတက်ရေး လိုလားသူ လူငယ်များရယ်၊ ကျောင်းသားလူငယ်တွေရယ်၊ မြန်မာ့အလုပ်သမားသမဂ္ဂ မှတ်ပုံတင်ခွင့် ရရှိရေး ဆောင်ရွက်ကြတဲ့ အလုပ်သမားအရေး ကြိုးပမ်းဆောင်ရွက်ကြတဲ့ သူတွေရယ်နဲ့အတူ ထပ်သူထပ်မျှ ဝမ်းနည်းနေကြတဲ့ ပြည်သူတွေရယ်၊ ပါတယ်လို့ ပြောချင်ပါတယ်’’
တခြားသူတွေရော ကိုဖိုးဖြူတို့လို့ တားဆီးခံရတယ်လို့များ သိထားတာတွေ ရှိသလား။’’ကျနော်ရှေ့မှာ သွားကြတဲ့ သူတွေကို အဆင့်ဆင့် စစ်ဆေးတာမျိုးတွေ၊ မေးမြန်းတာမျိုးတွေ၊ အသုဘပို့ဖို့ လုပ်နေတဲ့ သူတွေကို မပို့နိုင်အောင် တားဆီးတာမျိုးတွေကို ကျနော်တို့ မျက်မြင်တွေ့ရှိပါတယ်။ ရှေ့မှာ ရှိနေတဲ့ ၂-၃ ဦးစ စစ်ဆေးမေးမြန်းတာမျိုးတွေ ရှိပါတယ်။ ကျနော်တို့ လမ်းကြောင်းတလျှောက်မှာ ၃-၄ ဦးလောက်ကို တွေ့ရတယ်။ ကျနော်တို့ အုပ်စုကိုတော့ တဖွဲ့လုံးကို တားပြီးတော့ စစ်ဆေးတာမျိုးတွေ လုပ်ပါတယ်’’
အသုဘရှင်ရှင်တွေရဲ့ ခံစားချက်ကို ဘယ်လိုတွေ့နေရလဲ။’’အခုချိန်မှာတော့ အားလုံးက ဝိုင်းပြီးတော့ အားပေးနေတယ်။ အားလုံးကလည်း ဒါနဲ့ ပတ်သက်ပြီးတော့ အမျိုးသားရေး အသွင်ဆောင်စွာ ရပ်တည်နေတဲ့ အတွက်ကြောင့် မိသားစုတွေက အားတက်နေတာ ရှိတယ်။ မိသားစုအတွင်းက ညီအကို မောင်နှတွေကတော့ မျက်ရည်စက်လက်နဲ့ ငိုနေတာတွေ ရှိတယ်.။
ဆရာရှေ့မှာ တပည့်ရောက်နေသလို..
လုံးဝ မဆင်းနိုင်ဘူး...(စိတ်ကောက်နေပုံ)
ဝေဒနာခံစားနေရပုံ..
လူပြည်မှာနေဖို့ အချိန်ဘာမှ မကျန်တော့ဘူး (နိုင်ငံခြားရေးဝန်ကြီး နာရီကြည့်နေစဉ်)
ဓာတ်ပုံ AP
